📅 2020-yil 3-dekabr · Prezident farmonlari
Rasmiy matn. Rasmiy hujjat. Tahririy izohlar kiritilmagan.
UzbekAI
📅 2020 йил 3 декабрь · Президент фармонлари
Расмий матн. Расмий ҳужжат. Таҳририй изоҳлар киритилмаган.
📅 3 декабря 2020 г. · Указы Президента
Официальный текст. Официальный документ. Редакционные примечания не включены.
📅 3 December 2020 · Presidential decrees
Official text. Official document. Editorial notes are not included.
Ўзбекистон Республикаси Президентининг
Фармони
Ресурс солиқлари ва мол-мулк солиғини янада такомиллаштириш тўғрисида
Ер участкалари ва мол-мулкни солиққа тортишни янада такомиллаштириш, уларни баҳолаш ва ҳисобини юритишда замонавий усулларни жорий қилиш, ер ва сув ресурслари, ер қаъридан қазиб олинадиган фойдали қазилмалардан фойдаланиш самарадорлигини ошириш, шунингдек, маҳаллий давлат ҳокимияти органларининг мустақиллигини янада ошириш мақсадида:
1. Вазирлар Маҳкамасининг 2021 йил 1 январдан бошлаб қуйидаги тартибни жорий этиш тўғрисидаги таклифига розилик берилсин:
Қорақалпоғистон Республикаси Жўқорғи Кенгеси ва вилоятлар халқ депутатлари Кенгашлари Солиқ кодекси билан белгиланадиган солиқ ставкалари асосида қишлоқ хўжалигига мўлжалланмаган ерлар учун туман ва шаҳарлар кесимида, уларнинг иқтисодий ривожланишига қараб ер солиғи ставкасига 0,5 дан 2,0 гача камайтирувчи ва оширувчи коэффициентларни қўллаган ҳолда ер солиғи ставкаларини белгилайди;
туман ва шаҳар халқ депутатлари Кенгашларига Қорақалпоғистон Республикаси Жўқорғи Кенгеси ва вилоятлар халқ депутатлари Кенгашлари томонидан белгиланган, Тошкент шаҳри бўйича эса Солиқ кодексида белгиланган ер солиғи ставкаларига қишлоқ хўжалигига мўлжалланмаган ерлар учун, уларнинг ҳудудларида жойлашган даҳа, массив, маҳалла, кўча кесимида 0,7 дан 3,0 гача камайтирувчи ва оширувчи коэффициентларни киритиш ҳуқуқи берилади.
2. Молия вазирлиги (Т.А. Ишметов) Солиқ кодексига қўшимча ва ўзгартиш киритиш тўғрисидаги қонун лойиҳасини тайёрлашда ер солиғи ставкаларини республиканинг ҳудудлари кесимида назарда тутсин. Бунда, 2021 йилда солиқ юкининг кескин ўсишига йўл қўймаслик мақсадида қуйидагилар белгилансин:
жисмоний шахслардан олинадиган ер солиғи (якка тартибдаги тадбиркорлардан ташқари) суммаси 2020 йил учун ҳисобланган солиқ суммасининг 1,3 бараваридан ошмаслиги лозим;
2018 йилда белгиланган кадастр қиймати асосида ҳисобланган, жисмоний шахслардан олинадиган мол-мулк солиғи суммаси 2020 йил учун ҳисобланган солиқ суммасининг 1,3 бараваридан ошмаслиги лозим.
3. Молия вазирлиги томонидан ишлаб чиқилган 2021 йилда ресурс солиқлари ва мол-мулк солиқларини янада такомиллаштириш бўйича қуйидагиларни назарда тутувчи солиқ сиёсатининг асосий йўналишлари маъқуллансин:
деҳқон хўжаликлари ва мева-сабзавотчилик қишлоқ хўжалиги корхоналарига ер солиғини ҳисоблашда ер солиғи ставкасини қишлоқ хўжалигига мўлжалланган ерлар учун ўрнатилганидек белгилаган ҳолда, жойлашган жой ва етиштириладиган қишлоқ хўжалиги экин турлари коэффициентлари ҳамда қишлоқ хўжалиги экинзорлари норматив қийматидан келиб чиқиб ҳисоблаш тартибини жорий этиш орқали қишлоқ хўжалиги учун мўлжалланган ерларга солиқ солиш тартибини бирхиллаштириш;
барча турдаги чиқиндиларни сақлаш ва уларни утилизация қилиш учун ажратилган ер участкаларини юридик шахслардан олинадиган ер солиғи учун солиқ солиш объектидан чиқариш;
тегишли сувни ҳисоблаш ҳисоблагичлари мавжуд бўлганда, ишлаб чиқариш жараёнида агрегатларни (турбиналарни) совутиш учун сувдан фойдаланувчи юридик шахсларга сув ресурсларидан фойдаланганлик учун солиқ бўйича солиққа тортиш базасини табиий сув объектларидан олинган ва табиий сув объектларига қайтариб ташланган сув ҳажми ўртасидаги фарқдан келиб чиқиб ҳисоблаш;
коммунал хизмат кўрсатиш корхоналари учун сув ресурсларидан фойдаланганлик учун солиқ ставкаларини 2020 йил даражасида сақлаб қолиш, қишлоқ хўжалик ерларини суғориш ва балиқларни кўпайтириш (етиштириш) учун фойдаланилган сув ҳажми қисмида эса, шу жумладан деҳқон хўжаликларига 1 куб метр учун 40 сўм миқдорида ягона солиқ ставкасини белгилаш;
сув ресурсларидан фойдаланганлик учун солиқни ҳисоблаб чиқаришда турли мақсадларда фойдаланиладиган сув ресурслари ҳажмининг ҳисобини алоҳида-алоҳида юритиш тартибини киритиш;
ер қаъридан фойдаланувчилар томонидан солиқ органларига фойдали қазилмалар захираси ҳаракати тўғрисидаги ҳисоботни ер қаъридан фойдаланганлик учун солиқ бўйича йиллик солиқ ҳисоботини тақдим этиш билан бир вақтда, солиқ тўловчининг шахсий кабинети орқали электрон кўринишда тақдим этиш тартибини белгилаш.
Давлат геология ва минерал ресурслар қўмитаси (Б.Ф. Исламов) Молия вазирлигига республика ҳудудида фойдали қазилмаларни қазиб олиш учун бериладиган лицензиялар мониторинги асосида улар бўйича ер қаъридан фойдаланганлик учун солиқ ставкаларини белгилашга доир таклифларни киритиб борсин.
4. Давлат солиқ қўмитасига фойдали қазилмаларни ҳақиқий қазиб олишга нисбатан қўлланиладиган ва фойдали қазилмаларни меъёрдан ортиқ йўқотиш тўғрисидаги геологик-маркшейдерлик маълумотларининг ҳаққонийлигини назорат қилиш учун зарур ускуналарни харид қилган ҳолда вилоятлар солиқ бошқармаларининг штат бирликлари доирасида 3 штат бирлигигача маркшейдерларни жалб қилиш ҳуқуқи берилсин.
Давлат солиқ органларига ваколатли орган ва судларга ер қаъридан фойдаланувчи томонидан солиқ қонунчилиги мунтазам равишда бузилган ва (ёки) фойдали қазилмалар захираси ҳаракати тўғрисидаги ҳисобот тақдим этилмаган тақдирда лицензияни чақириб олиш ёки тўхтатиб туриш масаласи бўйича ташаббус билан чиқиш ваколати берилсин.
5. 2021 йил 1 январдан бошлаб Тошкент шаҳри ва Тошкент вилояти ҳудудларидан ташқари, тадбиркорлик субъектлари томонидан «Хавфсиз дарё бошқармаси» давлат муассасасига дарё ўзанларини тозалаш натижасида олинган қум-шағал материалларининг ҳар бир куб метри учун тўлов миқдори шартнома тузилган кундаги базавий ҳисоблаш миқдорининг 2 фоизидан 0,1 фоизига туширилсин.
Молия вазирлиги (Т.А. Ишметов) манфаатдор идоралар билан биргаликда норуда фойдали қазилмалари конларини ўзлаштириш ва уларнинг самарали қазиб олинишини таъминлаш мақсадида норуда фойдали қазилмаларни ўз ичига олган ер қаъри участкаларидан фойдаланганлик учун солиқ ставкаларини қайта кўриб чиқсин.
6. Молия вазирлиги (Т.А. Ишметов) Давлат солиқ қўмитаси, Иқтисодий тараққиёт ва камбағалликни қисқартириш вазирлиги, бошқа манфаатдор вазирлик ва идоралар билан биргаликда 2021 йил 1 июлига қадар илғор хорижий тажрибани ўрганган ҳолда ўрмон хўжаликлари, балиқ овлаш хўжаликлари, овчилик хўжаликлари, шунингдек, истироҳат боғларини солиққа тортиш бўйича таклифларни Вазирлар Маҳкамасига киритсин.
7. Молия вазирлиги ва Давлат солиқ қўмитасининг мол-мулк ва ер солиқларини кўчмас мулк (бино, иншоот ва ер участкалари) объектларининг бозор баҳосига яқин бўлган кадастр қиймати асосида ҳисоблаш тизимини босқичма-босқич жорий этиш тўғрисидаги таклифига розилик берилсин.
Белгилансинки, кўчмас мулк объектларининг бозор баҳосига яқин бўлган кадастр қиймати асосида мол-мулк ва ер солиқларини ҳисоблаш тизими икки босқичда жорий этилади:
биринчи босқичда (2021 — 2023 йиллар) — кўчмас мулк бўлган турар-жой фонди объектлари (квартира, якка тартибдаги уй-жойлар, дала-ҳовли), шунингдек, ушбу объектлар эгаллаган ер участкаларига нисбатан;
иккинчи босқичда (2022 — 2024 йиллар) — яшаш учун мўлжалланмаган алоҳида кўчмас мулк объектлари, шунингдек, ушбу объектлар эгаллаган ер участкаларига нисбатан.
8. Вазирлар Маҳкамаси (Ж.А. Қўчқоров), Молия вазирлиги (Т.А. Ишметов), Давлат солиқ қўмитаси (Ш.Д. Кудбиев), зарурат туғилганда хорижий экспертларнинг хизматига Давлат бюджети маблағлари ҳисобидан ҳақ тўлаган ҳолда уларни жалб қилиш орқали қуйидагиларни таъминласин:
а) кўчмас мулкни рўйхатдан ўтказиш ва кадастр тизимини модернизация қилиш учун Жаҳон банкидан имтиёзли кредитлар жалб қилинишини;
б) 2021 йил 1 апрелга қадар халқаро молия институтлари экспертлари билан биргаликда кўчмас мулк объектларига солиқ солишни янада такомиллаштириш бўйича ер солиғи ва мол-мулк солиғини ўрнига кўчмас мулк солиғини киритишни назарда тутувчи «Йўл харитаси» ишлаб чиқилиши ва Вазирлар Маҳкамасига киритилишини;
в) кўчмас мулк объектининг (бино, иншоот ва ер участкалари) юридик ёки жисмоний шахс эгалигида бўлиши эмас, балки уларнинг кадастр қийматидан ва объектнинг фойдаланиш мақсадидан келиб чиққан ҳолда солиқ солиш тартиби бирхиллаштирилиши ва ер солиғи бўйича адвалор ставка киритилишини;
г) белгиланган тартибда қуйидаги лойиҳалар киритилишини:
2021 йил 1 августга қадар — кадастр қийматини максимал даражада бозор баҳосига яқинлаштиришга алоҳида эътибор қаратган ҳолда, турар жой фонди кўчмас мулки объектларинг кадастр қийматини аниқлаш тартибини такомиллаштириш ҳамда якка тартибдаги уй-жой қуриш ва уй-жойга хизмат кўрсатиш объектлари билан банд бўлган ер участкаларининг кадастр (бозор) қийматини аниқлаш тартибини киритиш бўйича ҳукумат қарори;
2021 йил 1 ноябрга қадар — яшаш учун мўлжалланмаган кўчмас мулк объектлари ва ушбу объектлар билан банд бўлган ер участкаларининг бозор баҳосига максимал даражада яқинлаштирилган кадастр қийматини аниқлаш механизмини киритиш тўғрисида ҳукумат қарори;
2023 йил 1 декабрга қадар — ер участкаларидан рухсат этилган фойдаланиш турлари классификаторини ва ушбу фойдаланиш турларини ўзгартириш тартибини назарда тутувчи Ер кодексига ўзгартиш ва қўшимчалар киритиш бўйича қонун лойиҳасини;
д) 2021-2022 йилларда республиканинг қуйидаги «тажриба-синов» ҳудудларида ер участкаларидан фойдаланилишига ва капитал қурилиш объектларининг белгиланган мақсадига қараб кўчмас мулк объектларининг бозор қийматига асосланган кадастр қийматини аниқлаш бўйича эксперимент ўтказилишини:
турар ва нотурар (тижорий) жойларга мўлжалланган кўчмас мулк объектлари — Тошкент шаҳри Мирзо Улуғбек тумани;
саноат объектлари — Навоий вилояти Навоий шаҳри;
рекреацион зоналар ва алоҳида қўриқланадиган ҳудудлар объектлари — Тошкент вилояти Бўстонлиқ тумани;
қишлоқ хўжалигига мўлжалланган объектлар — Бухоро вилояти Ромитан тумани.
Молия вазирлиги 2021 — 2024 йиллар давомида юридик ва жисмоний шахсларга тегишли бўлган кўчмас мулкларни баҳолашни ўтказиш учун Давлат солиқ қўмитасининг асослантирилган ҳисоб-китобларига кўра Давлат бюджетидан маблағ ажратиб борсин.
9. Давлат солиқ қўмитаси ҳузуридаги Кадастр агентлиги (Х.С. Тўрахўжаев) 2022 йил 1 январга қадар кўчмас мулк объектларининг кадастр қийматини уларнинг бозор баҳосига асосланган ҳолда аниқлаш, ҳар бир эгалик қилувчига (фойдаланувчига) тегишли бўлган кўчмас мулк объектлари тўғрисида тўлиқ ва ишончли маълумотлар базасини яратиш учун ахборот тизимини такомиллаштириш, кўчмас мулк объектларини уларнинг бозор баҳосидан келиб чиққан ҳолда сифатли баҳолашдан ўтказиш методикасини ишлаб чиқсин.
10. Ўзбекистон Республикаси Президентининг 2020 йил 29 августдаги «Балиқчилик тармоғини қўллаб-қувватлаш ва унинг самарадорлигини ошириш чора-тадбирлари тўғрисида»ги ПҚ-4816-сон қарорининг 1-банди бешинчи хатбошидаги «сув ресурсларидан» сўзларидан олдин «2020 йилда» сўзлари билан тўлдирилсин.
11. Молия вазирлиги (Т.А. Ишметов) манфаатдор идоралар билан биргаликда бир ой муддатда қонун ҳужжатларига ушбу Фармондан келиб чиқадиган ўзгартириш ва қўшимчалар тўғрисида Вазирлар Маҳкамасига таклифлар киритсин.
12. Мазкур Фармоннинг ижросини назорат қилиш Ўзбекистон Республикаси Бош вазири А.Н. Арипов зиммасига юклансин.
Ўзбекистон Республикаси Президенти Ш. МИРЗИЁЕВ
Тошкент ш.,
2020 йил 3 декабрь,
ПФ-6121-сон
Oʻzbekiston Respublikasi Prezidentining
Farmoni
Resurs soliqlari va mol-mulk soligʻini yanada takomillashtirish toʻgʻrisida
Yer uchastkalari va mol-mulkni soliqqa tortishni yanada takomillashtirish, ularni baholash va hisobini yuritishda zamonaviy usullarni joriy qilish, yer va suv resurslari, yer qaʼridan qazib olinadigan foydali qazilmalardan foydalanish samaradorligini oshirish, shuningdek, mahalliy davlat hokimiyati organlarining mustaqilligini yanada oshirish maqsadida:
1. Vazirlar Mahkamasining 2021-yil 1-yanvardan boshlab quyidagi tartibni joriy etish toʻgʻrisidagi taklifiga rozilik berilsin:
Qoraqalpogʻiston Respublikasi Joʻqorgʻi Kengesi va viloyatlar xalq deputatlari Kengashlari Soliq kodeksi bilan belgilanadigan soliq stavkalari asosida qishloq xoʻjaligiga moʻljallanmagan yerlar uchun tuman va shaharlar kesimida, ularning iqtisodiy rivojlanishiga qarab yer soligʻi stavkasiga 0,5 dan 2,0 gacha kamaytiruvchi va oshiruvchi koeffitsiyentlarni qoʻllagan holda yer soligʻi stavkalarini belgilaydi;
tuman va shahar xalq deputatlari Kengashlariga Qoraqalpogʻiston Respublikasi Joʻqorgʻi Kengesi va viloyatlar xalq deputatlari Kengashlari tomonidan belgilangan, Toshkent shahri boʻyicha esa Soliq kodeksida belgilangan yer soligʻi stavkalariga qishloq xoʻjaligiga moʻljallanmagan yerlar uchun, ularning hududlarida joylashgan daha, massiv, mahalla, koʻcha kesimida 0,7 dan 3,0 gacha kamaytiruvchi va oshiruvchi koeffitsiyentlarni kiritish huquqi beriladi.
2. Moliya vazirligi (T.A. Ishmetov) Soliq kodeksiga qoʻshimcha va oʻzgartish kiritish toʻgʻrisidagi qonun loyihasini tayyorlashda yer soligʻi stavkalarini respublikaning hududlari kesimida nazarda tutsin. Bunda, 2021-yilda soliq yukining keskin oʻsishiga yoʻl qoʻymaslik maqsadida quyidagilar belgilansin:
jismoniy shaxslardan olinadigan yer soligʻi (yakka tartibdagi tadbirkorlardan tashqari) summasi 2020-yil uchun hisoblangan soliq summasining 1,3 baravaridan oshmasligi lozim;
2018-yilda belgilangan kadastr qiymati asosida hisoblangan, jismoniy shaxslardan olinadigan mol-mulk soligʻi summasi 2020-yil uchun hisoblangan soliq summasining 1,3 baravaridan oshmasligi lozim.
3. Moliya vazirligi tomonidan ishlab chiqilgan 2021-yilda resurs soliqlari va mol-mulk soliqlarini yanada takomillashtirish boʻyicha quyidagilarni nazarda tutuvchi soliq siyosatining asosiy yoʻnalishlari maʼqullansin:
dehqon xoʻjaliklari va meva-sabzavotchilik qishloq xoʻjaligi korxonalariga yer soligʻini hisoblashda yer soligʻi stavkasini qishloq xoʻjaligiga moʻljallangan yerlar uchun oʻrnatilganidek belgilagan holda, joylashgan joy va yetishtiriladigan qishloq xoʻjaligi ekin turlari koeffitsiyentlari hamda qishloq xoʻjaligi ekinzorlari normativ qiymatidan kelib chiqib hisoblash tartibini joriy etish orqali qishloq xoʻjaligi uchun moʻljallangan yerlarga soliq solish tartibini birxillashtirish;
barcha turdagi chiqindilarni saqlash va ularni utilizatsiya qilish uchun ajratilgan yer uchastkalarini yuridik shaxslardan olinadigan yer soligʻi uchun soliq solish obyektidan chiqarish;
tegishli suvni hisoblash hisoblagichlari mavjud boʻlganda, ishlab chiqarish jarayonida agregatlarni (turbinalarni) sovutish uchun suvdan foydalanuvchi yuridik shaxslarga suv resurslaridan foydalanganlik uchun soliq boʻyicha soliqqa tortish bazasini tabiiy suv obyektlaridan olingan va tabiiy suv obyektlariga qaytarib tashlangan suv hajmi oʻrtasidagi farqdan kelib chiqib hisoblash;
kommunal xizmat koʻrsatish korxonalari uchun suv resurslaridan foydalanganlik uchun soliq stavkalarini 2020-yil darajasida saqlab qolish, qishloq xoʻjalik yerlarini sugʻorish va baliqlarni koʻpaytirish (yetishtirish) uchun foydalanilgan suv hajmi qismida esa, shu jumladan dehqon xoʻjaliklariga 1 kub metr uchun 40 soʻm miqdorida yagona soliq stavkasini belgilash;
suv resurslaridan foydalanganlik uchun soliqni hisoblab chiqarishda turli maqsadlarda foydalaniladigan suv resurslari hajmining hisobini alohida-alohida yuritish tartibini kiritish;
yer qaʼridan foydalanuvchilar tomonidan soliq organlariga foydali qazilmalar zaxirasi harakati toʻgʻrisidagi hisobotni yer qaʼridan foydalanganlik uchun soliq boʻyicha yillik soliq hisobotini taqdim etish bilan bir vaqtda, soliq toʻlovchining shaxsiy kabineti orqali elektron koʻrinishda taqdim etish tartibini belgilash.
Davlat geologiya va mineral resurslar qoʻmitasi (B.F. Islamov) Moliya vazirligiga respublika hududida foydali qazilmalarni qazib olish uchun beriladigan litsenziyalar monitoringi asosida ular boʻyicha yer qaʼridan foydalanganlik uchun soliq stavkalarini belgilashga doir takliflarni kiritib borsin.
4. Davlat soliq qoʻmitasiga foydali qazilmalarni haqiqiy qazib olishga nisbatan qoʻllaniladigan va foydali qazilmalarni meʼyordan ortiq yoʻqotish toʻgʻrisidagi geologik-marksheyderlik maʼlumotlarining haqqoniyligini nazorat qilish uchun zarur uskunalarni xarid qilgan holda viloyatlar soliq boshqarmalarining shtat birliklari doirasida 3 shtat birligigacha marksheyderlarni jalb qilish huquqi berilsin.
Davlat soliq organlariga vakolatli organ va sudlarga yer qaʼridan foydalanuvchi tomonidan soliq qonunchiligi muntazam ravishda buzilgan va (yoki) foydali qazilmalar zaxirasi harakati toʻgʻrisidagi hisobot taqdim etilmagan taqdirda litsenziyani chaqirib olish yoki toʻxtatib turish masalasi boʻyicha tashabbus bilan chiqish vakolati berilsin.
5. 2021-yil 1-yanvardan boshlab Toshkent shahri va Toshkent viloyati hududlaridan tashqari, tadbirkorlik subyektlari tomonidan “Xavfsiz daryo boshqarmasi” davlat muassasasiga daryo oʻzanlarini tozalash natijasida olingan qum-shagʻal materiallarining har bir kub metri uchun toʻlov miqdori shartnoma tuzilgan kundagi bazaviy hisoblash miqdorining 2 foizidan 0,1 foiziga tushirilsin.
Moliya vazirligi (T.A. Ishmetov) manfaatdor idoralar bilan birgalikda noruda foydali qazilmalari konlarini oʻzlashtirish va ularning samarali qazib olinishini taʼminlash maqsadida noruda foydali qazilmalarni oʻz ichiga olgan yer qaʼri uchastkalaridan foydalanganlik uchun soliq stavkalarini qayta koʻrib chiqsin.
6. Moliya vazirligi (T.A. Ishmetov) Davlat soliq qoʻmitasi, Iqtisodiy taraqqiyot va kambagʻallikni qisqartirish vazirligi, boshqa manfaatdor vazirlik va idoralar bilan birgalikda 2021-yil 1-iyuliga qadar ilgʻor xorijiy tajribani oʻrgangan holda oʻrmon xoʻjaliklari, baliq ovlash xoʻjaliklari, ovchilik xoʻjaliklari, shuningdek, istirohat bogʻlarini soliqqa tortish boʻyicha takliflarni Vazirlar Mahkamasiga kiritsin.
7. Moliya vazirligi va Davlat soliq qoʻmitasining mol-mulk va yer soliqlarini koʻchmas mulk (bino, inshoot va yer uchastkalari) obyektlarining bozor bahosiga yaqin boʻlgan kadastr qiymati asosida hisoblash tizimini bosqichma-bosqich joriy etish toʻgʻrisidagi taklifiga rozilik berilsin.
Belgilansinki, koʻchmas mulk obyektlarining bozor bahosiga yaqin boʻlgan kadastr qiymati asosida mol-mulk va yer soliqlarini hisoblash tizimi ikki bosqichda joriy etiladi:
birinchi bosqichda (2021 — 2023-yillar) — koʻchmas mulk boʻlgan turar-joy fondi obyektlari (kvartira, yakka tartibdagi uy-joylar, dala-hovli), shuningdek, ushbu obyektlar egallagan yer uchastkalariga nisbatan;
ikkinchi bosqichda (2022 — 2024-yillar) — yashash uchun moʻljallanmagan alohida koʻchmas mulk obyektlari, shuningdek, ushbu obyektlar egallagan yer uchastkalariga nisbatan.
8. Vazirlar Mahkamasi (J.A. Qoʻchqorov), Moliya vazirligi (T.A. Ishmetov), Davlat soliq qoʻmitasi (Sh.D. Kudbiyev), zarurat tugʻilganda xorijiy ekspertlarning xizmatiga Davlat budjeti mablagʻlari hisobidan haq toʻlagan holda ularni jalb qilish orqali quyidagilarni taʼminlasin:
a) koʻchmas mulkni roʻyxatdan oʻtkazish va kadastr tizimini modernizatsiya qilish uchun Jahon bankidan imtiyozli kreditlar jalb qilinishini;
b) 2021-yil 1-aprelga qadar xalqaro moliya institutlari ekspertlari bilan birgalikda koʻchmas mulk obyektlariga soliq solishni yanada takomillashtirish boʻyicha yer soligʻi va mol-mulk soligʻini oʻrniga koʻchmas mulk soligʻini kiritishni nazarda tutuvchi “Yoʻl xaritasi” ishlab chiqilishi va Vazirlar Mahkamasiga kiritilishini;
v) koʻchmas mulk obyektining (bino, inshoot va yer uchastkalari) yuridik yoki jismoniy shaxs egaligida boʻlishi emas, balki ularning kadastr qiymatidan va obyektning foydalanish maqsadidan kelib chiqqan holda soliq solish tartibi birxillashtirilishi va yer soligʻi boʻyicha advalor stavka kiritilishini;
g) belgilangan tartibda quyidagi loyihalar kiritilishini:
2021-yil 1-avgustga qadar — kadastr qiymatini maksimal darajada bozor bahosiga yaqinlashtirishga alohida eʼtibor qaratgan holda, turar joy fondi koʻchmas mulki obyektlaring kadastr qiymatini aniqlash tartibini takomillashtirish hamda yakka tartibdagi uy-joy qurish va uy-joyga xizmat koʻrsatish obyektlari bilan band boʻlgan yer uchastkalarining kadastr (bozor) qiymatini aniqlash tartibini kiritish boʻyicha hukumat qarori;
2021-yil 1-noyabrga qadar — yashash uchun moʻljallanmagan koʻchmas mulk obyektlari va ushbu obyektlar bilan band boʻlgan yer uchastkalarining bozor bahosiga maksimal darajada yaqinlashtirilgan kadastr qiymatini aniqlash mexanizmini kiritish toʻgʻrisida hukumat qarori;
2023-yil 1-dekabrga qadar — yer uchastkalaridan ruxsat etilgan foydalanish turlari klassifikatorini va ushbu foydalanish turlarini oʻzgartirish tartibini nazarda tutuvchi Yer kodeksiga oʻzgartish va qoʻshimchalar kiritish boʻyicha qonun loyihasini;
d) 2021-2022-yillarda respublikaning quyidagi “tajriba-sinov” hududlarida yer uchastkalaridan foydalanilishiga va kapital qurilish obyektlarining belgilangan maqsadiga qarab koʻchmas mulk obyektlarining bozor qiymatiga asoslangan kadastr qiymatini aniqlash boʻyicha eksperiment oʻtkazilishini:
turar va noturar (tijoriy) joylarga moʻljallangan koʻchmas mulk obyektlari — Toshkent shahri Mirzo Ulugʻbek tumani;
sanoat obyektlari — Navoiy viloyati Navoiy shahri;
rekreatsion zonalar va alohida qoʻriqlanadigan hududlar obyektlari — Toshkent viloyati Boʻstonliq tumani;
qishloq xoʻjaligiga moʻljallangan obyektlar — Buxoro viloyati Romitan tumani.
Moliya vazirligi 2021 — 2024-yillar davomida yuridik va jismoniy shaxslarga tegishli boʻlgan koʻchmas mulklarni baholashni oʻtkazish uchun Davlat soliq qoʻmitasining asoslantirilgan hisob-kitoblariga koʻra Davlat budjetidan mablagʻ ajratib borsin.
9. Davlat soliq qoʻmitasi huzuridagi Kadastr agentligi (X.S. Toʻraxoʻjayev) 2022-yil 1-yanvarga qadar koʻchmas mulk obyektlarining kadastr qiymatini ularning bozor bahosiga asoslangan holda aniqlash, har bir egalik qiluvchiga (foydalanuvchiga) tegishli boʻlgan koʻchmas mulk obyektlari toʻgʻrisida toʻliq va ishonchli maʼlumotlar bazasini yaratish uchun axborot tizimini takomillashtirish, koʻchmas mulk obyektlarini ularning bozor bahosidan kelib chiqqan holda sifatli baholashdan oʻtkazish metodikasini ishlab chiqsin.
10. Oʻzbekiston Respublikasi Prezidentining 2020-yil 29-avgustdagi “Baliqchilik tarmogʻini qoʻllab-quvvatlash va uning samaradorligini oshirish chora-tadbirlari toʻgʻrisida”gi PQ-4816-son qarorining 1-bandi beshinchi xatboshidagi “suv resurslaridan” soʻzlaridan oldin “2020-yilda” soʻzlari bilan toʻldirilsin.
11. Moliya vazirligi (T.A. Ishmetov) manfaatdor idoralar bilan birgalikda bir oy muddatda qonun hujjatlariga ushbu Farmondan kelib chiqadigan oʻzgartirish va qoʻshimchalar toʻgʻrisida Vazirlar Mahkamasiga takliflar kiritsin.
12. Mazkur Farmonning ijrosini nazorat qilish Oʻzbekiston Respublikasi Bosh vaziri A.N. Aripov zimmasiga yuklansin.
Oʻzbekiston Respublikasi Prezidenti Sh. MIRZIYOYEV
Toshkent sh.,
2020-yil 3-dekabr,
PF-6121-son
Президента Республики Узбекистан
Указ
О дальнейшем совершенствовании ресурсных налогов и налога на имущество
В целях дальнейшего совершенствования налогообложения имущества и земельных участков, внедрения современных методов их оценки и учета, повышения эффективности использования земельных и водных ресурсов, добываемых полезных ископаемых из недр, а также дальнейшего повышения самостоятельности органов государственной власти на местах:
1. Согласиться с предложением Кабинета Министров о введении с 1 января 2021 года порядка, в соответствии с которым:
Жокаргы Кенес Республики Каракалпакстан и Кенгаши народных депутатов областей устанавливают ставки земельного налога за земли несельскохозяйственного назначения в разрезе районов и городов в зависимости от их экономического развития на основе ставок, определяемых Налоговым кодексом, с применением понижающих и повышающих коэффициентов от 0,5 до 2,0;
Кенгаши народных депутатов районов и городов имеют право вводить понижающие и повышающие коэффициенты в размере от 0,7 до 3,0 к ставкам земельного налога за земли несельскохозяйственного назначения, установленным Жокаргы Кенесом Республики Каракалпакстан и Кенгашами народных депутатов областей, а по городу Ташкенту — к ставкам, определяемым Налоговым кодексом, в разрезе квартала, массива, махалли, улицы, расположенных на их территории.
2. Министерству финансов (Т.А. Ишметов) при подготовке проекта Закона о внесении изменений и дополнений в Налоговый кодекс предусмотреть ставки земельного налога в разрезе регионов республики. При этом в целях недопущения резкого роста налогового бремени в 2021 году установить, что:
сумма земельного налога, взимаемого с физических лиц (за исключением индивидуальных предпринимателей), не должна превышать сумму налога, начисленного в 2020 году, более чем в 1,3 раза;
сумма налога на имущество физических лиц, исчисленная на основании кадастровой стоимости, определенной в 2018 году, не может превышать сумму налога, начисленного за 2020 год, более чем в 1,3 раза.
3. Одобрить разработанные Министерством финансов основные направления налоговой политики в части совершенствования ресурсных налогов и налога на имущество в 2021 году, предусматривающие:
унификацию порядка налогообложения земель сельскохозяйственного назначения путем распространения на дехканские хозяйства и плодоовощеводческие сельскохозяйственные предприятия порядка исчисления земельного налога исходя из нормативной стоимости сельскохозяйственных угодий и коэффициентов в зависимости от месторасположения и выращиваемых видов сельскохозяйственных культур, с установлением ставки земельного налога как для земель сельскохозяйственного назначения;
исключение из объекта обложения земельным налогом с юридических лиц земельных участков, отведенных для хранения всех видов отходов и их утилизации;
определение налогооблагаемой базы по налогу за пользование водными ресурсами для юридических лиц, использующих воду в производственном процессе для охлаждения агрегатов (турбин), исходя из разницы объемов воды, забранной из естественных водных объектов и обратно сбрасываемой в естественные водные объекты, при наличии соответствующих счетчиков учета воды;
сохранение ставок налога за пользование водными ресурсами на уровне 2020 года для предприятий коммунального обслуживания, а в части объема воды, используемого для полива сельскохозяйственных земель и разведения (выращивания) рыбы, включая дехканские хозяйства, — установление единой налоговой ставки в размере 40 сумов за 1 куб.м;
введение порядка раздельного учета объема водных ресурсов, используемого на различные цели, в целях исчисления налога за пользование водными ресурсами;
установление порядка представления недропользователями в органы государственной налоговой службы отчета о движении запасов полезных ископаемых в электронном виде через персональный кабинет налогоплательщика, одновременно с представлением годовой налоговой отчетности по налогу за пользование недрами.
Государственному комитету по геологии и минеральным ресурсам (Б.Ф. Исламов) на основе мониторинга выдаваемых на территории республики лицензий на добычу полезных ископаемых вносить в Министерство финансов предложения по установлению по ним ставок налога за пользование недрами.
4. Предоставить Государственному налоговому комитету право привлекать в пределах штатной численности областных налоговых управлений до 3 штатных единиц маркшейдеров с приобретением необходимого оборудования для осуществления контроля за достоверностью геолого-маркшейдерских данных, применяемых к фактической добыче (извлечению) полезных ископаемых, и о сверхнормативных потерях полезного ископаемого.
Наделить органы государственной налоговой службы полномочием инициировать в уполномоченном органе и судах вопрос об отзыве или приостановлении лицензии в случае систематического нарушения недропользователем налогового законодательства и (или) непредставления отчета движения запасов полезных ископаемых.
5. Снизить с 1 января 2021 года размер выплаты субъектами предпринимательства Государственному учреждению «Безопасная река» с 2 до 0,1 процента базовой расчетной величины на день заключения договора за 1 куб.м песчано-гравийного материала, полученного в результате расчистки русел рек, за исключением территорий города Ташкента и Ташкентской области.
Министерству финансов (Т.А. Ишметов) совместно с заинтересованными ведомствами пересмотреть ставки налога за пользование недрами по нерудным полезным ископаемым в целях создания дополнительных условий для освоения месторождений нерудных полезных ископаемых и обеспечения их эффективной добычи.
6. Министерству финансов (Т.А. Ишметов) совместно с Государственным налоговым комитетом, Министерством экономического развития и сокращения бедности, другими заинтересованными министерствами и ведомствами с учетом передового зарубежного опыта внести в срок до 1 июля 2021 года в Кабинет Министров предложения по налогообложению лесных, рыболовных и охотничьих хозяйств, а также лесопарков.
7. Согласиться с предложением Министерства финансов и Государственного налогового комитета о поэтапном внедрении механизма исчисления налога на имущество и земельного налога на основе кадастровой стоимости, приближенной к рыночной стоимости объектов недвижимости (здания, сооружения и земельные участки).
Определить, что внедрение механизма исчисления налога на имущество и земельного налога на основе кадастровой стоимости, приближенной к рыночной стоимости объектов недвижимости, проводится в два этапа:
на первом этапе (2021 — 2023 годы) — на объекты недвижимого имущества жилого фонда (квартиры, индивидуальные жилые дома, дачные домики), а также земельные участки, занятые этими объектами;
на втором этапе (2022 — 2024 годы) — на отдельные объекты недвижимого имущества нежилого назначения, а также земельные участки, занятые этими объектами.
8. Кабинету Министров (Д.А. Кучкаров), Министерству финансов (Т.А. Ишметов), Государственному налоговому комитету (Ш.Д. Кудбиев), с привлечением при необходимости зарубежных экспертов и оплатой их услуг за счет средств Государственного бюджета, обеспечить:
а) привлечение льготного кредита Всемирного банка на модернизацию системы регистрации недвижимого имущества и кадастра;
б) разработку совместно с экспертами международных финансовых институтов и внесение в Кабинет Министров до 1 апреля 2021 года «Дорожной карты» по дальнейшему совершенствованию налогообложения объектов недвижимого имущества, предусмотрев введение налога на недвижимость взамен налога на имущество и земельного налога;
в) унификацию порядков налогообложения объектов недвижимого имущества (здания, сооружения и земельные участки) исходя из их кадастровой стоимости и назначения объекта, а не по признаку принадлежности его юридическому или физическому лицу и введение адвалорной ставки по земельному налогу;
г) внесение в установленном порядке проектов:
до 1 августа 2021 года — правительственного решения по совершенствованию порядка определения кадастровой стоимости объектов недвижимого имущества жилого фонда, обратив особое внимание на максимальное приближение кадастровой стоимости к рыночной стоимости объектов, и введению порядка определения кадастровой (рыночной) стоимости земельных участков, занятых объектами индивидуального жилищного строительства и обслуживания жилого дома;
до 1 ноября 2021 года — правительственного решения о введении механизма определения кадастровой стоимости, максимально приближенной к рыночной стоимости объектов недвижимого имущества нежилого назначения и земельных участков, занятых этими объектами;
до 1 декабря 2023 года — проекта закона о внесении изменений и дополнений в Земельный кодекс , предусматривающих классификатор видов разрешенного использования земельных участков и порядок изменения данных видов использования;
д) проведение в 2021-2022 годах эксперимента по определению кадастровой стоимости объектов недвижимого имущества, основанной на рыночной стоимости, в зависимости от использования земельных участков и назначения объектов капитального строительства в следующих «пилотных» регионах республики:
объекты недвижимого имущества жилого и нежилого (коммерческого) назначения — Мирзо-Улугбекский район города Ташкента;
объекты промышленного назначения — город Навои Навоийской области;
рекреационные зоны и объекты особо охраняемых территорий — Бостанлыкский район Ташкентской области;
объекты сельскохозяйственного назначения — Ромитанский район Бухарской области.
Министерству финансов на основе обоснованных расчетов Государственного налогового комитета выделять в течение 2021 — 2024 годов на проведение оценки объектов недвижимого имущества, принадлежащих юридическим и физическим лицам, средства из Государственного бюджета.
9. Агентству по кадастру при Государственном налоговом комитете (Х.С. Турахужаев) в срок до 1 января 2022 года разработать методику определения кадастровой стоимости объектов недвижимого имущества на основании их рыночной стоимости, совершенствования информационной системы для создания полной и достоверной базы данных об объектах недвижимого имущества, принадлежащих каждому собственнику (пользователю), и проведения качественной оценки объектов недвижимого имущества исходя из их рыночной стоимости.
10. В абзаце пятом пункта 1 постановления Президента Республики Узбекистан от 29 августа 2020 года № ПП-4816 «О мерах по поддержке и повышению эффективности рыбной отрасли» после слов «водными ресурсами» дополнить словами «в 2020 году».
11. Министерству финансов (Т.А. Ишметов) совместно с заинтересованными ведомствами в месячный срок внести в Кабинет Министров предложения об изменениях и дополнениях в законодательство, вытекающих из настоящего Указа.
12. Контроль за исполнением настоящего Указа возложить на Премьер-министра Республики Узбекистан А.Н. Арипова.
Президент Республики Узбекистан Ш. МИРЗИЁЕВ
г. Ташкент,
3 декабря 2020 г.,
№ УП-6121