📅 2020-yil 3-dekabr · Prezident qarorlari
Rasmiy matn. Rasmiy hujjat. Tahririy izohlar kiritilmagan.
UzbekAI
📅 2020 йил 3 декабрь · Президент қарорлари
Расмий матн. Расмий ҳужжат. Таҳририй изоҳлар киритилмаган.
📅 3 декабря 2020 г. · Постановления Президента
Официальный текст. Официальный документ. Редакционные примечания не включены.
📅 3 December 2020 · Presidential resolutions
Official text. Official document. Editorial notes are not included.
Ўзбекистон Республикаси Президентининг
Қарори
Фарғона жамоат саломатлиги тиббиёт институтини ташкил этиш тўғрисида
Соғлиқни сақлаш, санитария-эпидемиологик осойишталик ва жамоат саломатлиги соҳасида юқори малакага эга олий маълумотли кадрларни тайёрлаш, ходимларни касбий ривожлантириш тизимини янада такомиллаштириш ҳамда тиббиёт ташкилотлари, шу жумладан бирламчи тиббий-санитария ёрдами муассасаларини профессионал мутахассислар билан таъминлаш мақсадида:
1. Соғлиқни сақлаш вазирлиги, Иқтисодий тараққиёт ва камбағалликни қисқартириш вазирлиги, Олий ва ўрта махсус таълим вазирлиги ҳамда Фарғона вилояти ҳокимлигининг:
Тошкент тиббиёт академияси Фарғона филиали негизида Фарғона жамоат саломатлиги тиббиёт институтини (кейинги ўринларда — Институт) ташкил этиш;
Фарғона вилояти юқумли касалликлар шифохонасини Институтнинг клиник базаси этиб белгилаш тўғрисидаги таклифлари маъқуллансин.
2. Қуйидагилар Институт фаолиятининг асосий йўналишлари этиб белгилансин:
соғлиқни сақлаш ҳамда санитария-эпидемиологик осойишталик ва жамоат саломатлиги муассасалари учун тор соҳадаги мутахассисликлар бўйича шифокорларни тайёрлашни ташкил этиш;
етакчи хорижий тиббиёт олий таълим муассасалари билан ҳамкорликда малакали мутахассисларга эҳтиёж юқори бўлган соҳалар учун қўшма таълим ва академик мобиллик дастурлари асосида кадрлар тайёрлаш;
замонавий билим ва кўникмаларга эга мутахассислар тайёрлаш жараёнига илғор ва масофавий таълим технологияларини кенг жорий этиш, юқори малакали профессор-ўқитувчиларни жалб этиш, электрон таълим ресурсларини ишлаб чиқиш ва амалиётга татбиқ қилиш;
илмий-педагогик салоҳиятнинг ривожланишини қўллаб-қувватлаш, педагогик технологиялар ва ўқитиш усулларини фаол такомиллаштириш;
соғлиқни сақлаш, санитария-эпидемиологик осойишталик ва жамоат саломатлигини, касалликлар профилактикаси, паразитология, микробиология, вирусология, соғлом турмуш тарзини ривожлантириш масалалари бўйича истиқболли инновацион, амалий ва фундаментал илмий-тадқиқот ишларини амалга ошириш, шунингдек, уларнинг натижаларини тиббиёт амалиётидаги мавжуд муаммолар ечимига қаратиш;
бириктирилган Абу Али ибн Сино номидаги Жамоат саломатлиги техникумлари ва тиббиёт коллежлари дастурларининг узлуксизлиги ва изчиллигини таъминлаш, улар фаолиятини самарали ташкил қилиш, илмий-услубий ёрдам кўрсатиб бориш;
хорижий мамлакатларнинг етакчи тиббиёт ташкилотлари, илмий-тадқиқот марказлари билан таълим ҳамда илм-фан соҳаларида узоқ муддатли ҳамкорликни мустаҳкамлаш ва ривожлантириш;
моддий-техника базасини модернизация қилиш ва мустаҳкамлаш, симуляцион марказ, ўқув ва илмий-тадқиқот лабораторияларини замонавий асбоб-ускуналар билан жиҳозлаш.
3. Белгилансинки:
Институт давлат олий таълим муассасаси ҳисобланади, Ўзбекистон Республикасининг Давлат герби тасвири туширилган ва ўз номи давлат тилида ёзилган муҳрга ва бланкаларга, мустақил балансга, шахсий ғазна ҳисобварағига, шу жумладан хорижий валютадаги ҳисобварақларига эга бўлади;
Институт Тошкент тиббиёт академияси Фарғона филиалининг барча ҳуқуқлари, мажбуриятлари ва шартномалари бўйича ҳуқуқий вориси ҳисобланади;
Институтга қабул ҳар йили белгиланадиган Ўзбекистон Республикасининг олий таълим муассасаларига ўқишга қабул қилишнинг давлат буюртмаси параметрлари доирасида ва қўшимча қабул параметрларидан келиб чиққан ҳолда амалга оширилади;
Институт Фарғона вилоятидаги Абу Али ибн Сино номидаги Жамоат саломатлиги техникумлари ва тиббиёт коллежларида аниқ фанлар бўйича дарс машғулотларини олиб борувчи ўқитувчиларга доимий равишда илмий-услубий ёрдам кўрсатиб боради.
4. Соғлиқни сақлаш вазирлиги (А.Ш. Иноятов) ҳамда Олий ва ўрта махсус таълим вазирлиги (У.Ш. Бегимқулов) уч ой муддатда Институтга юқори салоҳиятга, жумладан фан номзоди, фан доктори илмий даражасига эга бўлган профессор-ўқитувчиларни жалб қилсин.
5. Институт фаолиятини молиялаштириш манбалари этиб Давлат бюджети, талабаларнинг тўлов-контракт асосида таълим олишидан, шартномалар асосида хизмат кўрсатишдан тушадиган маблағлар, халқаро молия ва хорижий ташкилотларнинг грантлари, жисмоний ва юридик шахсларнинг ҳомийлик хайриялари, шунингдек қонун ҳужжатлари билан тақиқланмаган бошқа манбалар белгилансин.
6. Соғлиқни сақлаш вазирлиги (А.Ш. Иноятов) икки ой муддатда:
Институтда ўқув-методик жараённи ташкил этиш, белгиланган тартибда штатлар жадвали ва харажатлар сметасини тасдиқлаш, зарур жиҳозлар билан таъминлаш бўйича аниқ чора-тадбирларни амалга ошириш;
Институт ахборот-ресурс марказини қўшимча ўқув, илмий ва бадиий адабиётлар билан бойитиш;
Институт кафедраларини йўналишига мос ҳамда имконияти кенг бўлган Фарғона вилоятида жойлашган давлат тиббиёт ташкилотларида жойлаштириш;
республикадаги тиббиёт олий таълим муассасалари ва бошқа хорижий тиббиёт олий таълим ташкилотларининг юқори малакали профессор-ўқитувчиларини жалб қилган ҳолда Институтда онлайн маъруза ўтказиш ва масофавий таълим технологияларини жорий этиш учун телекоммуникация жиҳозлари билан таъминлаш чораларини кўрсин.
7. Соғлиқни сақлаш вазирлиги, Олий ва ўрта махсус таълим вазирлиги, Иқтисодий тараққиёт ва камбағалликни қисқартириш вазирлиги, Инновацион ривожланиш вазирлиги, Вазирлар Маҳкамаси ҳузуридаги Олий аттестация комиссияси ҳамда «Эл-юрт умиди» жамғармаси:
Институтни салоҳиятли профессор-ўқитувчилар билан таъминлаш мақсадида етакчи олий таълим муассасаларида тегишли соҳалар бўйича 2021/2022 ўқув йилидан бошлаб бакалавриат таълим йўналишлари, клиник ординатура, магистратура мутахассисликлари ва 2021 йилдан бошлаб таянч докторантурада кадрларни мақсадли тайёрлаш;
илғор хорижий тажрибаларни ўрганиб, кадрлар буюртмачиси бўлган ташкилотларнинг таклифларини инобатга олган ҳолда тегишли таълим йўналишлари ва мутахассисликлар бўйича фан дастурларини такомиллаштирилган ҳолда қайта кўриб чиқиш ҳамда белгиланган тартибда тасдиқлаш;
бошқариш тизими самарадорлиги ва профессор-ўқитувчилар учун яратилган шароитлар, улар томонидан таълим беришда қўлланилаётган таълим-тарбия усулларининг таъсирчанлигига холисона баҳо бериш;
истиқболли қўшма таълим дастурларини ташкил этиш, ҳамкорликнинг янги шаклларини ривожлантириш, хорижий профессор-ўқитувчилар ва ватандошларни жалб этиш чораларини кўрсин.
8. Иқтисодий тараққиёт ва камбағалликни қисқартириш вазирлиги (А.М. Бобоев) манфаатдор вазирлик ва идоралар билан биргаликда тасдиқланган лойиҳа-смета ҳужжатларига асосан Институтнинг бино ва иншоотларини қуриш, реконструкция қилиш, капитал таъмирлаш ва жиҳозлаш лойиҳалари Ўзбекистон Республикасининг 2021 — 2023 йилларга мўлжалланган Инвестиция дастурига белгиланган тартибда киритилишини таъминласин.
9. Ахборот технологиялари ва коммуникацияларини ривожлантириш вазирлиги (О.А. Пекось) Институт мурожаатига мувофиқ уни белгиланган тартибда юқори тезликдаги Интернет жаҳон ахборот тармоғига улаш чораларини кўрсин.
10. Фарғона вилояти ҳокимлиги (Х.Х. Бозаров) Соғлиқни сақлаш вазирлиги (А.Ш. Иноятов) билан биргаликда Институт фаолиятини самарали ташкил этиш мақсадида жалб этиладиган малакали профессор-ўқитувчиларни хизмат уйлари билан таъминлаш чораларини кўрсин.
11. Ўзбекистон Республикаси Президентининг 2019 йил 6 майдаги «Тиббиёт ва фармацевтика таълими ва илм-фани тизимини янада ривожлантириш чора-тадбирлари тўғрисида»ги ПҚ-4310-сон қарорига 5-илованинг «Тиббиёт ва фармацевтика олий таълим муассасалари, уларнинг филиаллари ва клиникалари» блоки 9 — 11-бандлари қуйидаги таҳрирда баён этилсин:
«9. Фарғона жамоат саломатлиги тиббиёт институти
10. Тошкент тиббиёт академиясининг Урганч филиали
11. Тошкент тиббиёт академиясининг Термиз филиали».
Соғлиқни сақлаш вазирлиги манфаатдор вазирлик ва идоралар билан биргаликда икки ой муддатда қонун ҳужжатларига ушбу қарордан келиб чиқадиган ўзгартириш ва қўшимчалар тўғрисида Вазирлар Маҳкамасига таклифлар киритсин.
12. Мазкур қарорнинг ижросини самарали ташкил этишга масъул ва шахсий жавобгар этиб соғлиқни сақлаш вазири А.М. Хаджибаев, соғлиқни сақлаш вазирининг биринчи ўринбосари А.Ш. Иноятов, Фарғона вилояти ҳокими вазифасини бажарувчи Х.Х. Бозаров белгилансин.
Қарор ижросини муҳокама қилиб бориш, ижро учун масъул идоралар фаолиятини мувофиқлаштириш ва назорат қилиш Ўзбекистон Республикаси Президенти маслаҳатчисининг биринчи ўринбосари Л.Н. Туйчиев ва Ўзбекистон Республикаси Бош вазирининг ўринбосари Б.А. Мусаев зиммасига юклансин.
Амалга оширилаётган чора-тадбирлар натижадорлиги юзасидан 2021 йил 1 апрелга қадар Ўзбекистон Республикаси Президентига ахборот берилсин.
Ўзбекистон Республикаси Президенти Ш. МИРЗИЁЕВ
Тошкент ш.,
2020 йил 3 декабрь,
ПҚ-4911-сон
Oʻzbekiston Respublikasi Prezidentining
Qarori
Fargʻona jamoat salomatligi tibbiyot institutini tashkil etish toʻgʻrisida
Sogʻliqni saqlash, sanitariya-epidemiologik osoyishtalik va jamoat salomatligi sohasida yuqori malakaga ega oliy maʼlumotli kadrlarni tayyorlash, xodimlarni kasbiy rivojlantirish tizimini yanada takomillashtirish hamda tibbiyot tashkilotlari, shu jumladan birlamchi tibbiy-sanitariya yordami muassasalarini professional mutaxassislar bilan taʼminlash maqsadida:
1. Sogʻliqni saqlash vazirligi, Iqtisodiy taraqqiyot va kambagʻallikni qisqartirish vazirligi, Oliy va oʻrta maxsus taʼlim vazirligi hamda Fargʻona viloyati hokimligining:
Toshkent tibbiyot akademiyasi Fargʻona filiali negizida Fargʻona jamoat salomatligi tibbiyot institutini (keyingi oʻrinlarda — Institut) tashkil etish;
Fargʻona viloyati yuqumli kasalliklar shifoxonasini Institutning klinik bazasi etib belgilash toʻgʻrisidagi takliflari maʼqullansin.
2. Quyidagilar Institut faoliyatining asosiy yoʻnalishlari etib belgilansin:
sogʻliqni saqlash hamda sanitariya-epidemiologik osoyishtalik va jamoat salomatligi muassasalari uchun tor sohadagi mutaxassisliklar boʻyicha shifokorlarni tayyorlashni tashkil etish;
yetakchi xorijiy tibbiyot oliy taʼlim muassasalari bilan hamkorlikda malakali mutaxassislarga ehtiyoj yuqori boʻlgan sohalar uchun qoʻshma taʼlim va akademik mobillik dasturlari asosida kadrlar tayyorlash;
zamonaviy bilim va koʻnikmalarga ega mutaxassislar tayyorlash jarayoniga ilgʻor va masofaviy taʼlim texnologiyalarini keng joriy etish, yuqori malakali professor-oʻqituvchilarni jalb etish, elektron taʼlim resurslarini ishlab chiqish va amaliyotga tatbiq qilish;
ilmiy-pedagogik salohiyatning rivojlanishini qoʻllab-quvvatlash, pedagogik texnologiyalar va oʻqitish usullarini faol takomillashtirish;
sogʻliqni saqlash, sanitariya-epidemiologik osoyishtalik va jamoat salomatligini, kasalliklar profilaktikasi, parazitologiya, mikrobiologiya, virusologiya, sogʻlom turmush tarzini rivojlantirish masalalari boʻyicha istiqbolli innovatsion, amaliy va fundamental ilmiy-tadqiqot ishlarini amalga oshirish, shuningdek, ularning natijalarini tibbiyot amaliyotidagi mavjud muammolar yechimiga qaratish;
biriktirilgan Abu Ali ibn Sino nomidagi Jamoat salomatligi texnikumlari va tibbiyot kollejlari dasturlarining uzluksizligi va izchilligini taʼminlash, ular faoliyatini samarali tashkil qilish, ilmiy-uslubiy yordam koʻrsatib borish;
xorijiy mamlakatlarning yetakchi tibbiyot tashkilotlari, ilmiy-tadqiqot markazlari bilan taʼlim hamda ilm-fan sohalarida uzoq muddatli hamkorlikni mustahkamlash va rivojlantirish;
moddiy-texnika bazasini modernizatsiya qilish va mustahkamlash, simulyatsion markaz, oʻquv va ilmiy-tadqiqot laboratoriyalarini zamonaviy asbob-uskunalar bilan jihozlash.
3. Belgilansinki:
Institut davlat oliy taʼlim muassasasi hisoblanadi, Oʻzbekiston Respublikasining Davlat gerbi tasviri tushirilgan va oʻz nomi davlat tilida yozilgan muhrga va blankalarga, mustaqil balansga, shaxsiy gʻazna hisobvaragʻiga, shu jumladan xorijiy valyutadagi hisobvaraqlariga ega boʻladi;
Institut Toshkent tibbiyot akademiyasi Fargʻona filialining barcha huquqlari, majburiyatlari va shartnomalari boʻyicha huquqiy vorisi hisoblanadi;
Institutga qabul har yili belgilanadigan Oʻzbekiston Respublikasining oliy taʼlim muassasalariga oʻqishga qabul qilishning davlat buyurtmasi parametrlari doirasida va qoʻshimcha qabul parametrlaridan kelib chiqqan holda amalga oshiriladi;
Institut Fargʻona viloyatidagi Abu Ali ibn Sino nomidagi Jamoat salomatligi texnikumlari va tibbiyot kollejlarida aniq fanlar boʻyicha dars mashgʻulotlarini olib boruvchi oʻqituvchilarga doimiy ravishda ilmiy-uslubiy yordam koʻrsatib boradi.
4. Sogʻliqni saqlash vazirligi (A.Sh. Inoyatov) hamda Oliy va oʻrta maxsus taʼlim vazirligi (U.Sh. Begimqulov) uch oy muddatda Institutga yuqori salohiyatga, jumladan fan nomzodi, fan doktori ilmiy darajasiga ega boʻlgan professor-oʻqituvchilarni jalb qilsin.
5. Institut faoliyatini moliyalashtirish manbalari etib Davlat budjeti, talabalarning toʻlov-kontrakt asosida taʼlim olishidan, shartnomalar asosida xizmat koʻrsatishdan tushadigan mablagʻlar, xalqaro moliya va xorijiy tashkilotlarning grantlari, jismoniy va yuridik shaxslarning homiylik xayriyalari, shuningdek qonun hujjatlari bilan taqiqlanmagan boshqa manbalar belgilansin.
6. Sogʻliqni saqlash vazirligi (A.Sh. Inoyatov) ikki oy muddatda:
Institutda oʻquv-metodik jarayonni tashkil etish, belgilangan tartibda shtatlar jadvali va xarajatlar smetasini tasdiqlash, zarur jihozlar bilan taʼminlash boʻyicha aniq chora-tadbirlarni amalga oshirish;
Institut axborot-resurs markazini qoʻshimcha oʻquv, ilmiy va badiiy adabiyotlar bilan boyitish;
Institut kafedralarini yoʻnalishiga mos hamda imkoniyati keng boʻlgan Fargʻona viloyatida joylashgan davlat tibbiyot tashkilotlarida joylashtirish;
respublikadagi tibbiyot oliy taʼlim muassasalari va boshqa xorijiy tibbiyot oliy taʼlim tashkilotlarining yuqori malakali professor-oʻqituvchilarini jalb qilgan holda Institutda onlayn maʼruza oʻtkazish va masofaviy taʼlim texnologiyalarini joriy etish uchun telekommunikatsiya jihozlari bilan taʼminlash choralarini koʻrsin.
7. Sogʻliqni saqlash vazirligi, Oliy va oʻrta maxsus taʼlim vazirligi, Iqtisodiy taraqqiyot va kambagʻallikni qisqartirish vazirligi, Innovatsion rivojlanish vazirligi, Vazirlar Mahkamasi huzuridagi Oliy attestatsiya komissiyasi hamda “El-yurt umidi” jamgʻarmasi:
Institutni salohiyatli professor-oʻqituvchilar bilan taʼminlash maqsadida yetakchi oliy taʼlim muassasalarida tegishli sohalar boʻyicha 2021/2022 oʻquv yilidan boshlab bakalavriat taʼlim yoʻnalishlari, klinik ordinatura, magistratura mutaxassisliklari va 2021-yildan boshlab tayanch doktoranturada kadrlarni maqsadli tayyorlash;
ilgʻor xorijiy tajribalarni oʻrganib, kadrlar buyurtmachisi boʻlgan tashkilotlarning takliflarini inobatga olgan holda tegishli taʼlim yoʻnalishlari va mutaxassisliklar boʻyicha fan dasturlarini takomillashtirilgan holda qayta koʻrib chiqish hamda belgilangan tartibda tasdiqlash;
boshqarish tizimi samaradorligi va professor-oʻqituvchilar uchun yaratilgan sharoitlar, ular tomonidan taʼlim berishda qoʻllanilayotgan taʼlim-tarbiya usullarining taʼsirchanligiga xolisona baho berish;
istiqbolli qoʻshma taʼlim dasturlarini tashkil etish, hamkorlikning yangi shakllarini rivojlantirish, xorijiy professor-oʻqituvchilar va vatandoshlarni jalb etish choralarini koʻrsin.
8. Iqtisodiy taraqqiyot va kambagʻallikni qisqartirish vazirligi (A.M. Boboyev) manfaatdor vazirlik va idoralar bilan birgalikda tasdiqlangan loyiha-smeta hujjatlariga asosan Institutning bino va inshootlarini qurish, rekonstruksiya qilish, kapital taʼmirlash va jihozlash loyihalari Oʻzbekiston Respublikasining 2021 — 2023-yillarga moʻljallangan Investitsiya dasturiga belgilangan tartibda kiritilishini taʼminlasin.
9. Axborot texnologiyalari va kommunikatsiyalarini rivojlantirish vazirligi (O.A. Pekos) Institut murojaatiga muvofiq uni belgilangan tartibda yuqori tezlikdagi Internet jahon axborot tarmogʻiga ulash choralarini koʻrsin.
10. Fargʻona viloyati hokimligi (X.X. Bozarov) Sogʻliqni saqlash vazirligi (A.Sh. Inoyatov) bilan birgalikda Institut faoliyatini samarali tashkil etish maqsadida jalb etiladigan malakali professor-oʻqituvchilarni xizmat uylari bilan taʼminlash choralarini koʻrsin.
11. Oʻzbekiston Respublikasi Prezidentining 2019-yil 6-maydagi “Tibbiyot va farmatsevtika taʼlimi va ilm-fani tizimini yanada rivojlantirish chora-tadbirlari toʻgʻrisida”gi PQ-4310-son qaroriga 5-ilovaning “Tibbiyot va farmatsevtika oliy taʼlim muassasalari, ularning filiallari va klinikalari” bloki 9 — 11-bandlari quyidagi tahrirda bayon etilsin:
“9. Fargʻona jamoat salomatligi tibbiyot instituti
10. Toshkent tibbiyot akademiyasining Urganch filiali
11. Toshkent tibbiyot akademiyasining Termiz filiali”.
Sogʻliqni saqlash vazirligi manfaatdor vazirlik va idoralar bilan birgalikda ikki oy muddatda qonun hujjatlariga ushbu qarordan kelib chiqadigan oʻzgartirish va qoʻshimchalar toʻgʻrisida Vazirlar Mahkamasiga takliflar kiritsin.
12. Mazkur qarorning ijrosini samarali tashkil etishga masʼul va shaxsiy javobgar etib sogʻliqni saqlash vaziri A.M. Xadjibayev, sogʻliqni saqlash vazirining birinchi oʻrinbosari A.Sh. Inoyatov, Fargʻona viloyati hokimi vazifasini bajaruvchi X.X. Bozarov belgilansin.
Qaror ijrosini muhokama qilib borish, ijro uchun masʼul idoralar faoliyatini muvofiqlashtirish va nazorat qilish Oʻzbekiston Respublikasi Prezidenti maslahatchisining birinchi oʻrinbosari L.N. Tuychiyev va Oʻzbekiston Respublikasi Bosh vazirining oʻrinbosari B.A. Musayev zimmasiga yuklansin.
Amalga oshirilayotgan chora-tadbirlar natijadorligi yuzasidan 2021-yil 1-aprelga qadar Oʻzbekiston Respublikasi Prezidentiga axborot berilsin.
Oʻzbekiston Respublikasi Prezidenti Sh. MIRZIYOYEV
Toshkent sh.,
2020-yil 3-dekabr,
PQ-4911-son
Президента Республики Узбекистан
Постановление
О создании Ферганского медицинского института общественного здоровья
В целях подготовки квалифицированных кадров с высшим образованием, обладающих высокой квалификацией в сферах здравоохранения, санитарно-эпидемиологического благополучия и общественного здоровья, дальнейшего совершенствования системы профессионального развития работников, обеспечения медицинских организаций компетентными специалистами, в том числе учреждений первичной медико-санитарной помощи:
1. Одобрить предложения Министерства здравоохранения, Министерства экономического развития и сокращения бедности, Министерства высшего и среднего специального образования и хокимията Ферганской области о:
создании Ферганского медицинского института общественного здоровья (далее — Институт) на базе Ферганского филиала Ташкентской медицинской академии;
определении Ферганской областной инфекционной больницы в качестве клинической базы Института.
2. Определить основными направлениями деятельности Института:
организацию подготовки врачей узкой специальности для учреждений здравоохранения, а также санитарно-эпидемиологического благополучия и общественного здоровья;
подготовку кадров на основе совместных образовательных программ и программ академической мобильности в сотрудничестве с ведущими зарубежными медицинскими высшими образовательными учреждениями для сфер, имеющих высокую потребность в квалифицированных специалистах;
широкое внедрение передовых и дистанционных образовательных технологий в процесс подготовки специалистов, обладающих современными знаниями и навыками, привлечение высококвалифицированных профессоров-преподавателей, разработку и внедрение на практике электронных образовательных ресурсов;
поддержку развития научно-педагогического потенциала, активное совершенствование педагогических технологий и методов обучения;
проведение перспективных инновационных, прикладных и фундаментальных научно-исследовательских работ в сферах здравоохранения, санитарно-эпидемиологического благополучия и общественного здоровья, профилактики заболеваний, паразитологии, микробиологии, вирусологии, а также по вопросам развития здорового образа жизни с направлением их результатов на решение существующих проблем в медицинской практике;
обеспечение непрерывности и последовательности программ, эффективную организацию деятельности, оказание научно-методической помощи закрепленным Техникумам общественного здоровья имени Абу Али ибн Сино и медицинским колледжам;
укрепление и развитие долгосрочного сотрудничества в сферах образования и науки с ведущими медицинскими организациями и научно-исследовательскими центрами зарубежных государств;
модернизацию и укрепление материально-технической базы, оснащение современным оборудованием симуляционного центра, учебных и научно-исследовательских лабораторий.
3. Установить, что:
Институт является государственным высшим образовательным учреждением, имеет печать и бланки с изображением Государственного герба Республики Узбекистан и своим наименованием на государственном языке, самостоятельный баланс, казначейский лицевой счет, в том числе расчетные счета в иностранной валюте;
Институт является правопреемником Ферганского филиала Ташкентской медицинской академии по всем правам, обязанностям и договорам;
прием в Институт осуществляется в рамках ежегодно устанавливаемых параметров Государственного заказа по приему на учебу в высшие образовательные учреждения Республики Узбекистан и исходя из параметров дополнительного приема;
Институт на постоянной основе оказывает научно-методическую помощь преподавателям, проводящим учебные занятия по точным наукам в Техникумах общественного здоровья имени Абу али ибн Сино и медицинских колледжах, расположенных в Ферганской области.
4. Министерству здравоохранения (А.Ш. Иноятов) и Министерству высшего и среднего специального образования (У.Ш. Бегимкулов) в трехмесячный срок привлечь в Институт профессоров-преподавателей, обладающих высокой квалификацией, в частности имеющих ученую степень кандидата наук и доктора наук.
5. Определить источниками финансирования деятельности Института средства Государственного бюджета, средства, поступающие от обучения студентов на платно-контрактной основе и оказания услуг на основе договоров, гранты международных финансовых и зарубежных организаций, благотворительные пожертвования физических и юридических лиц, а также иные источники, не запрещенные законодательством.
6. Министерству здравоохранения (А.Ш. Иноятов) в двухмесячный срок принять конкретные меры по:
организации учебно-методического процесса, утверждению в установленном порядке штатного расписания и сметы расходов, а также обеспечению Института необходимым оборудованием;
обогащению информационно-ресурсного центра Института дополнительной учебной, научной и художественной литературой;
размещению кафедр Института в государственных медицинских организациях Ферганской области, обладающих широкими возможностями по соответствующим направлениям, деятельности данных кафедр;
обеспечению телекоммуникационным оборудованием для проведения в Институте онлайн-лекций и внедрения дистанционных образовательных технологий с привлечением высококвалифицированных профессоров-преподавателей высших медицинских образовательных учреждений республики и других зарубежных высших медицинских образовательных организаций.
7. Министерству здравоохранения, Министерству высшего и среднего специального образования, Министерству экономического развития и сокращения бедности, Министерству инновационного развития, Высшей аттестационной комиссии при Кабинете Министров и Фонду «Эл-юрт умиди» принять меры по:
целевой подготовке начиная с 2021/2022 учебного года в ведущих высших образовательных учреждениях кадров в соответствующих областях по направлениям образования бакалавриата, специальностям клинической ординатуры и магистратуры, начиная с 2021 года — в базовой докторантуре в целях обеспечения Института профессорами-преподавателями, обладающими высоким потенциалом;
пересмотру и утверждению в установленном порядке программ предметов соответствующих направлений образования и специальностей, с изучением передового зарубежного опыта и учетом предложений организаций-заказчиков кадров;
объективной оценке эффективности системы управления и условий, созданных для профессоров-преподавателей, действенности применяемых ими учебно-воспитательных методов в процессе обучения;
организации перспективных совместных образовательных программ, развитию новых форм сотрудничества, привлечению из-за рубежа профессоров-преподавателей и соотечественников.
8. Министерству экономического развития и сокращения бедности (А.М. Бобоев) совместно с заинтересованными министерствами и ведомствами обеспечить включение в установленном порядке в Инвестиционную программу Республики Узбекистан на 2021 — 2023 годы проектов по строительству и реконструкции, капитальному ремонту и оснащению зданий и сооружений Института на основании утвержденной проектно-сметной документации.
9. Министерству по развитию информационных технологий и коммуникаций (О.А. Пекось) по обращению Института принять меры для его подключения к высокоскоростной сети Интернет в установленном порядке.
10. Хокимияту Ферганской области (Х.Х. Бозаров) совместно с Министерством здравоохранения (А.Ш. Иноятов) принять меры по обеспечению служебным жильем квалифицированных профессоров-преподавателей, привлекаемых в целях эффективной организации деятельности Института.
11. В приложении № 5 к постановлению Президента Республики Узбекистан от 6 мая 2019 года № ПП-4310 «О мерах по дальнейшему развитию системы медицинского и фармацевтического образования и науки» пункты 9 — 11 блока «Высшие медицинские и фармацевтические образовательные учреждения, их филиалы и клиники» изложить в следующей редакции:
«9. Ферганский медицинский институт общественного здоровья
10. Ургенчский филиал Ташкентской медицинской академии
11. Термезский филиал Ташкентской медицинской академии».
Министерству здравоохранения совместно с заинтересованными министерствами и ведомствами в двухмесячный срок внести в Кабинет Министров предложения об изменениях и дополнениях в законодательство, вытекающих из настоящего постановления.
12. Возложить на министра здравоохранения А.М. Хаджибаева, первого заместителя министра здравоохранения А.Ш. Иноятова и исполняющего обязанности хокима Ферганской области Х.Х. Бозарова персональную ответственность за эффективную организацию исполнения настоящего постановления.
Регулярное обсуждение исполнения настоящего постановления, координацию и контроль за деятельностью ответственных ведомств возложить на первого заместителя советника Президента Республики Узбекистан Л.Н. Туйчиева и заместителя Премьер-министра Республики Узбекистан Б.А. Мусаева.
О результативности осуществляемых мер в срок до 1 апреля 2021 года информировать Президента Республики Узбекистан.
Президент Республики Узбекистан Ш. МИРЗИЁЕВ
г. Ташкент,
3 декабря 2020 г.,
№ ПП-4911