📅 2020-yil 2-dekabr · Prezident qarorlari
Rasmiy matn. Rasmiy hujjat. Tahririy izohlar kiritilmagan.
UzbekAI
📅 2020 йил 2 декабрь · Президент қарорлари
Расмий матн. Расмий ҳужжат. Таҳририй изоҳлар киритилмаган.
📅 2 декабря 2020 г. · Постановления Президента
Официальный текст. Официальный документ. Редакционные примечания не включены.
📅 2 December 2020 · Presidential resolutions
Official text. Official document. Editorial notes are not included.
Ўзбекистон Республикаси Президентининг
Қарори
ТАРКИБИ
Ўзбекистон халқ ёзувчиси Ўткир Ҳошимов таваллудининг 80 йиллигини кенг нишонлаш тўғрисида
Ўзбек адабиёти ва маданияти ривожига унутилмас ҳисса қўшган атоқли адиб ва жамоат арбоби, Ўзбекистон халқ ёзувчиси Ўткир Ҳошимов ижодий меросининг ёш авлодни Ватанга муҳаббат ва садоқат, миллий ва умуминсоний қадриятларга муҳаббат руҳида тарбиялаш борасидаги улкан аҳамиятини инобатга олиб, адиб таваллудининг 80 йиллигини кенг нишонлаш ва хотирасини абадийлаштириш мақсадида:
1. Ўзбекистон Ёзувчилар уюшмаси, Республика Маънавият ва маърифат маркази, Ўзбекистон Республикаси Маданият вазирлиги, Олий ва ўрта махсус таълим вазирлиги, Халқ таълими вазирлиги, Ёшлар ишлари агентлиги ва жамоатчилик вакилларининг 2021 йилда Ўзбекистон халқ ёзувчиси Ўткир Ҳошимов таваллудининг 80 йиллигини кенг нишонлаш тўғрисидаги таклифи маъқуллансин.
2. Ўзбекистон халқ ёзувчиси Ўткир Ҳошимов таваллудининг 80 йиллигини нишонлаш бўйича ташкилий қўмита таркиби (кейинги ўринларда — Ташкилий қўмита) иловага мувофиқ тасдиқлансин.
3. Ташкилий қўмита (А. Арипов) бир ой муддатда қуйидагиларни назарда тутувчи Ўзбекистон халқ ёзувчиси Ўткир Ҳошимов таваллудининг 80 йиллигини нишонлаш бўйича чора-тадбирлар дастурини ишлаб чиқиб, тасдиқласин:
2021 йил август ойининг биринчи ўн кунлигида Ўзбек Миллий академик драма театрида Ўткир Ҳошимов таваллудининг 80 йиллигига бағишланган адабий-бадиий хотира кечасини ўтказиш;
адибнинг ўзбек тилидаги «Танланган асарлар»ини; қорақалпоқ, рус ва бошқа хорижий тилларга таржима қилинган асарларини, шунингдек, «Ўткир Ҳошимов замондошлари хотирасида» китобини нашрга тайёрлаш ва чоп этиш;
Мирзо Улуғбек номидаги Ўзбекистон Миллий университетида «Замонавий ўзбек адабиёти ривожида Ўткир Ҳошимов ижодининг ўрни ва аҳамияти» мавзусида илмий-амалий конференция ўтказиш;
Тошкент шаҳри Чилонзор тумани Дўмбиробод маҳалласидаги адиб яшаган уйда ёдгорлик лавҳаси ўрнатиш;
Ўткир Ҳошимовнинг асарлари асосида спектакллар саҳналаштириш ва янги фильмлар яратиш;
Тошкент шаҳридаги кўчалардан бирига Ўткир Ҳошимов номини бериш;
республика ижод мактаблари ўқувчилари ўртасида «Ўткир Ҳошимов асарларининг билимдонлари» танловини ўтказиш;
мамлакатимиздаги умумий ўрта таълим муассасалари ўқувчилари ҳамда олий таълим муассасалари талабалари ўртасида адиб асарлари асосида иншолар танловларини ўтказиш;
таълим муассасалари, меҳнат жамоалари, маҳаллалар, ҳарбий қисмлар ҳамда Адиблар хиёбонида таниқли ижодкорлар, олимлар, маданият ва санъат намояндалари иштирокида Ўткир Ҳошимов ижодига бағишланган учрашувлар, давра суҳбатлари ҳамда китобхонлик кечаларини ташкил этиш;
Ўзбекистон Миллий телерадиокомпанияси телеканалларида Ўткир Ҳошимов асарлари асосида яратилган телевизион фильмларни кенг намойиш этиш.
Ташкилий қўмитага Ўткир Ҳошимов таваллудининг 80 йиллигини нишонлаш доирасида ўтказиладиган тадбирларни юксак савияда ташкил этиш, мазкур қарор ва чора-тадбирлар дастурининг ўз вақтида, сифатли ва тўлиқ амалга оширилишини мувофиқлаштириб бориш вазифалари юклатилсин.
4. Ўзбекистон Миллий ахборот агентлиги, Ўзбекистон Миллий телерадиокомпанияси, Ўзбекистон электрон оммавий ахборот воситалари миллий ассоциацияси ва бошқа оммавий ахборот воситаларига Ўткир Ҳошимов таваллудининг 80 йиллигини нишонлаш билан боғлиқ тадбирларни кенг ёритиш тавсия этилсин.
5. Мазкур қарорда назарда тутилган чора-тадбирларни молиялаштириш манбалари этиб Ўзбекистон Республикаси Давлат бюджети маблағлари, ташкилотчиларнинг ўз маблағлари ҳамда қонун ҳужжатлари билан тақиқланмаган бошқа манбалар белгилансин.
6. Мазкур қарорнинг ижросини назорат қилиш Ўзбекистон Республикасининг Бош вазири А.Н. Арипов ва Ўзбекистон Республикаси Президентининг маслаҳатчиси А.А. Абдувахитов зиммасига юклансин.
Ўзбекистон Республикаси Президентининг 2020 йил 2 декабрдаги ПҚ-4907-сон қарорига ИЛОВА
Ўзбекистон халқ ёзувчиси Ўткир Ҳошимов таваллудининг 80 йиллигини кенг нишонлаш бўйича ташкилий қўмита
А. Арипов — Ўзбекистон Республикасининг Бош вазири, Ташкилий қўмита раиси С. Саидов — Ўзбекистон Ёзувчилар уюшмаси раиси, Ташкилий қўмита раисининг ўринбосари А. Абдувахитов — Ўзбекистон Республикаси Президентининг маслаҳатчиси Х. Султонов — Ўзбекистон Республикаси Президентининг маслаҳатчиси А. Жўрабоев — Ўзбекистон Республикаси Президенти маслаҳатчисининг ўринбосари Б. Мусаев — Ўзбекистон Республикаси Бош вазирининг ўринбосари О. Назарбеков — маданият вазири И. Мажидов — олий ва ўрта махсус таълим вазири Ш. Шерматов — халқ таълими вазири А. Шин — мактабгача таълим вазири Ж. Абруев — молия вазири ўринбосари А. Ходжаев — Ахборот ва оммавий коммуникациялар агентлиги директори А. Саъдуллаев — Ёшлар ишлари агентлиги директори М. Ҳожиматов — Республика Маънавият ва маърифат маркази раҳбари Ф. Абдухолиқов — «Ўзбеккино» Миллий агентлиги бош директори А. Нуриддинов — Бадиий академия раиси Ж. Артикходжаев — Тошкент шаҳар ҳокими А. Мараҳимов — Мирзо Улуғбек номидаги Ўзбекистон Миллий университети ректори И. Ғафуров — Ўзбекистон Республикаси санъат арбоби, адабиётшунос Х. Дўстллуҳамедов — Ўзбекистон Республикасида хизмат кўрсатган маданият ходими, ёзувчи, филология фанлари доктори, профессор Ш. Ризаев — филология фанлари номзоди, адабиётшунос
Ўзбекистон Республикаси Президенти Ш. МИРЗИЁЕВ
Тошкент ш.,
2020 йил 2 декабрь,
ПҚ-4907-сон
Oʻzbekiston Respublikasi Prezidentining
Qarori
TARKIBI
Oʻzbekiston xalq yozuvchisi Oʻtkir Hoshimov tavalludining 80 yilligini keng nishonlash toʻgʻrisida
Oʻzbek adabiyoti va madaniyati rivojiga unutilmas hissa qoʻshgan atoqli adib va jamoat arbobi, Oʻzbekiston xalq yozuvchisi Oʻtkir Hoshimov ijodiy merosining yosh avlodni Vatanga muhabbat va sadoqat, milliy va umuminsoniy qadriyatlarga muhabbat ruhida tarbiyalash borasidagi ulkan ahamiyatini inobatga olib, adib tavalludining 80 yilligini keng nishonlash va xotirasini abadiylashtirish maqsadida:
1. Oʻzbekiston Yozuvchilar uyushmasi, Respublika Maʼnaviyat va maʼrifat markazi, Oʻzbekiston Respublikasi Madaniyat vazirligi, Oliy va oʻrta maxsus taʼlim vazirligi, Xalq taʼlimi vazirligi, Yoshlar ishlari agentligi va jamoatchilik vakillarining 2021-yilda Oʻzbekiston xalq yozuvchisi Oʻtkir Hoshimov tavalludining 80 yilligini keng nishonlash toʻgʻrisidagi taklifi maʼqullansin.
2. Oʻzbekiston xalq yozuvchisi Oʻtkir Hoshimov tavalludining 80 yilligini nishonlash boʻyicha tashkiliy qoʻmita tarkibi (keyingi oʻrinlarda — Tashkiliy qoʻmita) ilovaga muvofiq tasdiqlansin.
3. Tashkiliy qoʻmita (A. Aripov) bir oy muddatda quyidagilarni nazarda tutuvchi Oʻzbekiston xalq yozuvchisi Oʻtkir Hoshimov tavalludining 80 yilligini nishonlash boʻyicha chora-tadbirlar dasturini ishlab chiqib, tasdiqlasin:
2021-yil avgust oyining birinchi oʻn kunligida Oʻzbek Milliy akademik drama teatrida Oʻtkir Hoshimov tavalludining 80 yilligiga bagʻishlangan adabiy-badiiy xotira kechasini oʻtkazish;
adibning oʻzbek tilidagi “Tanlangan asarlar”ini; qoraqalpoq, rus va boshqa xorijiy tillarga tarjima qilingan asarlarini, shuningdek, “Oʻtkir Hoshimov zamondoshlari xotirasida” kitobini nashrga tayyorlash va chop etish;
Mirzo Ulugʻbek nomidagi Oʻzbekiston Milliy universitetida “Zamonaviy oʻzbek adabiyoti rivojida Oʻtkir Hoshimov ijodining oʻrni va ahamiyati” mavzusida ilmiy-amaliy konferensiya oʻtkazish;
Toshkent shahri Chilonzor tumani Doʻmbirobod mahallasidagi adib yashagan uyda yodgorlik lavhasi oʻrnatish;
Oʻtkir Hoshimovning asarlari asosida spektakllar sahnalashtirish va yangi filmlar yaratish;
Toshkent shahridagi koʻchalardan biriga Oʻtkir Hoshimov nomini berish;
respublika ijod maktablari oʻquvchilari oʻrtasida “Oʻtkir Hoshimov asarlarining bilimdonlari” tanlovini oʻtkazish;
mamlakatimizdagi umumiy oʻrta taʼlim muassasalari oʻquvchilari hamda oliy taʼlim muassasalari talabalari oʻrtasida adib asarlari asosida insholar tanlovlarini oʻtkazish;
taʼlim muassasalari, mehnat jamoalari, mahallalar, harbiy qismlar hamda Adiblar xiyobonida taniqli ijodkorlar, olimlar, madaniyat va sanʼat namoyandalari ishtirokida Oʻtkir Hoshimov ijodiga bagʻishlangan uchrashuvlar, davra suhbatlari hamda kitobxonlik kechalarini tashkil etish;
Oʻzbekiston Milliy teleradiokompaniyasi telekanallarida Oʻtkir Hoshimov asarlari asosida yaratilgan televizion filmlarni keng namoyish etish.
Tashkiliy qoʻmitaga Oʻtkir Hoshimov tavalludining 80 yilligini nishonlash doirasida oʻtkaziladigan tadbirlarni yuksak saviyada tashkil etish, mazkur qaror va chora-tadbirlar dasturining oʻz vaqtida, sifatli va toʻliq amalga oshirilishini muvofiqlashtirib borish vazifalari yuklatilsin.
4. Oʻzbekiston Milliy axborot agentligi, Oʻzbekiston Milliy teleradiokompaniyasi, Oʻzbekiston elektron ommaviy axborot vositalari milliy assotsiatsiyasi va boshqa ommaviy axborot vositalariga Oʻtkir Hoshimov tavalludining 80 yilligini nishonlash bilan bogʻliq tadbirlarni keng yoritish tavsiya etilsin.
5. Mazkur qarorda nazarda tutilgan chora-tadbirlarni moliyalashtirish manbalari etib Oʻzbekiston Respublikasi Davlat budjeti mablagʻlari, tashkilotchilarning oʻz mablagʻlari hamda qonun hujjatlari bilan taqiqlanmagan boshqa manbalar belgilansin.
6. Mazkur qarorning ijrosini nazorat qilish Oʻzbekiston Respublikasining Bosh vaziri A.N. Aripov va Oʻzbekiston Respublikasi Prezidentining maslahatchisi A.A. Abduvaxitov zimmasiga yuklansin.
Oʻzbekiston Respublikasi Prezidentining 2020-yil 2-dekabrdagi PQ-4907-son qaroriga ILOVA
Oʻzbekiston xalq yozuvchisi Oʻtkir Hoshimov tavalludining 80 yilligini keng nishonlash boʻyicha tashkiliy qoʻmita
A. Aripov — Oʻzbekiston Respublikasining Bosh vaziri, Tashkiliy qoʻmita raisi S. Saidov — Oʻzbekiston Yozuvchilar uyushmasi raisi, Tashkiliy qoʻmita raisining oʻrinbosari A. Abduvaxitov — Oʻzbekiston Respublikasi Prezidentining maslahatchisi X. Sultonov — Oʻzbekiston Respublikasi Prezidentining maslahatchisi A. Joʻraboyev — Oʻzbekiston Respublikasi Prezidenti maslahatchisining oʻrinbosari B. Musayev — Oʻzbekiston Respublikasi Bosh vazirining oʻrinbosari O. Nazarbekov — madaniyat vaziri I. Majidov — oliy va oʻrta maxsus taʼlim vaziri Sh. Shermatov — xalq taʼlimi vaziri A. Shin — maktabgacha taʼlim vaziri J. Abruyev — moliya vaziri oʻrinbosari A. Xodjayev — Axborot va ommaviy kommunikatsiyalar agentligi direktori A. Saʼdullayev — Yoshlar ishlari agentligi direktori M. Hojimatov — Respublika Maʼnaviyat va maʼrifat markazi rahbari F. Abduxoliqov — “Oʻzbekkino” Milliy agentligi bosh direktori A. Nuriddinov — Badiiy akademiya raisi J. Artikxodjayev — Toshkent shahar hokimi A. Marahimov — Mirzo Ulugʻbek nomidagi Oʻzbekiston Milliy universiteti rektori I. Gʻafurov — Oʻzbekiston Respublikasi sanʼat arbobi, adabiyotshunos X. Doʻstlluhamedov — Oʻzbekiston Respublikasida xizmat koʻrsatgan madaniyat xodimi, yozuvchi, filologiya fanlari doktori, professor Sh. Rizayev — filologiya fanlari nomzodi, adabiyotshunos
Oʻzbekiston Respublikasi Prezidenti Sh. MIRZIYOYEV
Toshkent sh.,
2020-yil 2-dekabr,
PQ-4907-son
Президента Республики Узбекистан
Постановление
СОСТАВ
О широком праздновании 80-летия со дня рождения Народного писателя Узбекистана Уткира Хашимова
Учитывая огромное значение творческого наследия известного писателя и общественного деятеля Уткира Хашимова, внесшего неоценимый вклад в развитие узбекской литературы и культуры, воспитание молодого поколения в духе любви и преданности Родине, уважения национальных и общечеловеческих ценностей, а также в целях празднования 80-летия со дня рождения писателя и увековечения его памяти:
1. Одобрить предложения Союза писателей Узбекистана, Республиканского центра духовности и просветительства, Министерства культуры, Министерства высшего и среднего специального образования, Министерства народного образования Республики Узбекистан, Агентства по делам молодежи Узбекистана и представителей общественности о широком праздновании в 2021 году 80-летия со дня рождения Народного писателя Узбекистана Уткира Хашимова.
2. Утвердить состав Организационного комитета по празднованию 80-летия со дня рождения Народного писателя Узбекистана Уткира Хашимова согласно приложению .
3. Организационному комитету (А. Арипов) в месячный срок разработать программу празднования 80-летия со дня рождения Народного писателя Узбекистана Уткира Хашимова, предусмотрев следующие мероприятия:
проведение в первой декаде августа 2021 года в Узбекском национальном академическом драматическом театре литературно-художественного вечера памяти, посвященного 80-летию со дня рождения Народного писателя Узбекистана Уткира Хашимова;
подготовка к изданию и опубликование сборника произведений писателя «Избранное» на узбекском языке, переводов на каракалпакский, русский и другие иностранные языки, а также книги «Уткир Хашимов в воспоминаниях современников»;
проведение в Национальном университете Узбекистана имени Мирзо Улугбека научно-практической конференции на тему «Роль и значение творчества Уткира Хашимова в развитии современной узбекской литературы»;
установка мемориальной доски на доме, где жил писатель, в махалле «Думбиробод» Чиланзарского района города Ташкента;
постановка спектаклей и создание новых фильмов на основе произведений Уткира Хашимова;
присвоение имени Уткира Хашимова одной из улиц в городе Ташкенте;
проведение среди учащихся творческих школ республики конкурса «Знатоки произведений Уткира Хашимова»;
проведение среди учащихся средних общеобразовательных учреждений и студентов высших учебных заведений страны конкурсов сочинений на основе произведений писателя;
организация в образовательных учреждениях, на предприятиях и в организациях, воинских частях и махаллях, на Аллее литераторов встреч, бесед за «круглым столом», вечеров книголюбов, посвященных творчеству писателя с участием известных литераторов, ученых, деятелей культуры и искусства;
широкая демонстрация на телеканалах Национальной телерадиокомпании Узбекистана телевизионных фильмов, созданных на основе произведений Уткира Хашимова.
Возложить на Организационный комитет организацию на высоком уровне мероприятий по празднованию 80-летия со дня рождения Уткира Хашимова, координацию своевременной, качественной и полной реализации задач настоящего постановления и программы мероприятий.
4. Национальному информационному агентству Узбекистана, Национальной телерадиокомпании Узбекистана и другим средствам массовой информации рекомендовать широкое освещение мероприятий, посвященных празднованию 80-летия со дня рождения Уткира Хашимова.
5. Определить источником финансирования мероприятий настоящего постановления средства Государственного бюджета Республики Узбекистан, организаторов и другие источники, не запрещенные законодательством.
6. Контроль за исполнением настоящего постановления возложить на Премьер-министра Республики Узбекистан А.Н. Арипова и советника Президента Республики Узбекистан А.А. Абдувахитова.
ПРИЛОЖЕНИЕ к постановлению Президента Республики Узбекистан от 2 декабря 2020 года № ПП-4907
Организационного комитета по широкому празднованию 80-летия со дня рождения Народного писателя Узбекистана Уткира Хашимова
А. Арипов — Премьер-министр Республики Узбекистан, председатель Организационного комитета С. Саидов — председатель Союза писателей Узбекистана, заместитель председателя Организационного комитета А. Абдувахитов — советник Президента Республики Узбекистан Х . Султонов — советник Президента Республики Узбекистан А. Джурабаев — заместитель советника Президента Республики Узбекистан Б. Мусаев — заместитель Премьер-министра Республики Узбекистан О. Назарбеков — министр культуры Республики Узбекистан И. Маджидов — министр высшего и среднего специального образования Республики Узбекистан Ш. Шерматов — министр народного образования Республики Узбекистан А. Шин — министр дошкольного образования Республики Узбекистан Ж. Абруев — заместитель министра финансов Республики Узбекистан А. Ходжаев — директор Агентства информации и массовых коммуникаций А. Саъдуллаев — директор Агентства по делам молодежи Узбекистана М. Хожиматов — руководитель Республиканского центра духовности и просветительства Ф. Абдухоликов — генеральный директор Национального агентства «Узбеккино» А. Нуриддинов — председатель Академии художеств Узбекистана Ж. Артикходжаев — хоким города Ташкента А. Марахимов — ректор Национального университета Узбекистана имени Мирзо Улугбека И. Гафуров — Заслуженный деятель искусств Республики Узбекистан, литературовед Х . Дустмухамедов — Заслуженный работник культуры Республики Узбекистан, писатель, доктор филологических наук, профессор Ш. Ризаев — кандидат филологических наук, литературовед
Президент Республики Узбекистан Ш. МИРЗИЁЕВ
г. Ташкент,
2 декабря 2020 г.,
№ ПП-4907