📅 2020-yil 2-dekabr · Prezident qarorlari
Rasmiy matn. Rasmiy hujjat. Tahririy izohlar kiritilmagan.
UzbekAI
📅 2020 йил 2 декабрь · Президент қарорлари
Расмий матн. Расмий ҳужжат. Таҳририй изоҳлар киритилмаган.
📅 2 декабря 2020 г. · Постановления Президента
Официальный текст. Официальный документ. Редакционные примечания не включены.
📅 2 December 2020 · Presidential resolutions
Official text. Official document. Editorial notes are not included.
Ўзбекистон Республикаси Президентининг
Қарори
ТАРКИБИ
Ўзбекистон халқ артисти Ботир Зокиров таваллудининг 85 йиллигини кенг нишонлаш тўғрисида
Миллий эстрада санъатимиз асосчиларидан бири, замонавий ўзбек маданиятини дунё миқёсида кенг тарғиб этиш, ижодий ва ижтимоий фаолияти билан халқимиз маънавиятини юксалтиришга беқиёс ҳисса қўшган буюк санъаткор, Ўзбекистон халқ артисти Ботир Зокиров ижодий меросининг ёш авлодни Ватанга муҳаббат ва садоқат, миллий ва умуминсоний қадриятлар руҳида тарбиялаш борасидаги улкан аҳамиятини инобатга олиб ҳамда таваллудининг 85 йиллигини кенг нишонлаш ва хотирасини абадийлаштириш мақсадида:
1. Ўзбекистон Республикаси Маданият вазирлиги, Ўзбекистон композиторлари ва бастакорлари уюшмаси, «Ўзбеккино» Миллий агентлиги, Республика Маънавият ва маърифат маркази, Бадиий академия, Ёшлар ишлари агентлиги ҳамда жамоатчилик вакилларининг 2021 йилда Ўзбекистон халқ артисти Ботир Зокиров таваллудининг 85 йиллигини кенг нишонлаш тўғрисидаги таклифи маъқуллансин.
2. Ўзбекистон халқ артисти Ботир Зокиров таваллудининг 85 йиллигини нишонлаш бўйича ташкилий қўмита таркиби (кейинги ўринларда — Ташкилий қўмита) иловага мувофиқ тасдиқлансин.
3. Ташкилий қўмита (А. Арипов) бир ой муддатда қуйидагиларни назарда тутувчи Ўзбекистон халқ артисти Ботир Зокиров таваллудининг 85 йиллигини нишонлаш бўйича чора-тадбирлар дастурини ишлаб чиқиб, тасдиқласин:
2021 йил декабрь ойининг биринчи ўн кунлигида Ўзбекистон Халқаро анжуманлар саройида Ботир Зокиров таваллудининг 85 йиллигига бағишланган хотира кечасини ўтказиш;
Тошкент шаҳрида Ўзбекистон халқ артисти Ботир Зокиров номидаги миллий эстрада олий мактабини ташкил этиш, у ерда хонанда хотирасига бағишланган ёдгорлик мажмуасини ва музейини барпо этиш;
Бадиий академия томонидан Ботир Зокиров ҳайкалини яратиш бўйича танлов эълон қилиш ва уни Тошкент шаҳрида белгиланган тартибда ўрнатиш;
Ботир Зокиров яшаган Тошкент шаҳри, Шайхонтоҳур тумани, Навоий кўчаси, 3-уйга ёдгорлик лавҳаси ўрнатиш;
Ботир Зокиров таҳсил олган Ўзбекистон давлат консерваторияси жойлашган кўчага Ботир Зокиров номини бериш;
Ўзбекистон давлат филармониясининг Миллий эстрада-симфоник оркестри билан Ботир Зокиров номидаги эстрада оркестрини бирлаштириб, Ботир Зокиров номидаги миллий эстрада-симфоник оркестрини ташкил этиш;
Ботир Зокиров номидаги жамоат фонди фаолиятини қўллаб-қувватлаш;
Ўзбекистон композиторлари ва бастакорлари уюшмаси ҳамда Ёзувчилар уюшмаси иштирокида «Ботир Зокиров замондошлари хотирасида» номли китобни нашрга тайёрлаш ва чоп этиш;
Ботир Зокиров ижодига мансуб тасвирий санъат намуналари ҳамда адабий асарлардан иборат китоб-альбомни ўзбек, қорақалпоқ, рус ва инглиз тилларида нашр этиш;
Ботир Зокиров номидаги замонавий эстрада қўшиқчилари танловини юқори савияда ўтказиш;
Ботир Зокировнинг ҳаёти ва ижодий фаолияти ҳақида янги ҳужжатли фильм яратиш;
Ўзбекистон Миллий телерадиокомпанияси орқали Ботир Зокиров ва Зокировлар ижодий сулоласи ҳақида ҳикоя қилувчи ҳужжатли фильмларни намойиш этиш;
республика театрларида Ботир Зокиров ҳаёти ва фаолиятига бағишланган спектакллар саҳналаштириш;
Ўзбекистон давлат консерваториясида «Ботир Зокиров ижодий меросининг миллий санъатимиз тараққиётидаги ўрни ва аҳамияти» мавзусида илмий конференция ўтказиш ва анжуман материалларини тўплам ҳолида чоп этиш;
таълим муассасалари, меҳнат жамоалари, ҳарбий қисмлар ва маҳаллаларда таниқли ижодкорлар, олимлар, маданият ва санъат намояндалари иштирокида Ботир Зокиров ижодига бағишланган учрашувлар ва ижодий кечалар ташкил этиш.
Ташкилий қўмитага Ботир Зокиров таваллудининг 85 йиллигини нишонлаш доирасида ўтказиладиган тадбирларни юксак савияда ташкил этиш, мазкур қарор ва чора-тадбирлар дастурининг ўз вақтида, сифатли ва тўлиқ амалга оширилишини мувофиқлаштириб бориш вазифалари юклатилсин.
4. Ўзбекистон Миллий ахборот агентлиги, Ўзбекистон Миллий телерадиокомпанияси, Ўзбекистон электрон оммавий ахборот воситалари миллий ассоциацияси ва бошқа оммавий ахборот воситаларига Ботир Зокиров таваллудининг 85 йиллигини нишонлаш билан боғлиқ тадбирларни кенг ёритиш тавсия этилсин.
5. Мазкур қарорда назарда тутилган чора-тадбирларни молиялаштириш манбалари этиб Ўзбекистон Республикаси Давлат бюджети маблағлари, ташкилотчиларнинг ўз маблағлари ҳамда қонун ҳужжатлари билан тақиқланмаган бошқа манбалар белгилансин.
6. Мазкур қарорнинг ижросини назорат қилиш Ўзбекистон Республикасининг Бош вазири А.Н. Арипов, Ўзбекистон Республикаси Президентининг маслаҳатчиси А.А. Абдувахитов зиммасига юклансин.
Ўзбекистон Республикаси Президентининг 2020 йил 2 декабрдаги ПҚ-4908-сон қарорига ИЛОВА
Ўзбекистон халқ артисти Ботир Зокиров таваллудининг 85 йиллигини кенг нишонлаш бўйича ташкилий қўмита
А. Арипов — Ўзбекистон Республикаси Бош вазири, Ташкилий қўмита раиси О. Назарбеков — маданият вазири, Ташкилий қўмита раиси ўринбосари А. Абдувахитов — Ўзбекистон Республикаси Президентининг маслаҳатчиси Х. Султонов — Ўзбекистон Республикаси Президентининг маслаҳатчиси И. Мажидов — олий ва ўрта махсус таълим вазири Ш. Шерматов — халқ таълими вазири Р. Маматов — маҳалла ва оилани қўллаб-қувватлаш вазири Ф. Арзиев — ташқи ишлар вазирининг биринчи ўринбосари А. Саъдуллаев — Ёшлар ишлари агентлиги директори Р. Абдуллаев — Ўзбекистон композиторлари ва бастакорлари уюшмаси раиси С. Саидов — Ёзувчилар уюшмаси раиси А. Нуридинов — Бадиий академия раиси Р. Зокиров — Ботир Зокиров номидаги жамоат фонди директори Ф. Зокиров — Ўзбекистон халқ артисти, «Ялла» ансамбли раҳбари Г. Зокирова — Ўзбекистон халқ артисти М. Ҳожиматов — Республика Маънавият ва маърифат маркази раҳбари Ф. Абдуҳолиқов — «Ўзбеккино» Миллий агентлиги бош директори А. Кўчимов — Ўзбекистон Миллий ахборот агентлиги бош директори А. Хаджаев — Ўзбекистон Миллий телерадиокомпанияси раиси
Ўзбекистон Республикаси Президенти Ш. МИРЗИЁЕВ
Тошкент ш.,
2020 йил 2 декабрь,
ПҚ-4908-сон
Oʻzbekiston Respublikasi Prezidentining
Qarori
TARKIBI
Oʻzbekiston xalq artisti Botir Zokirov tavalludining 85 yilligini keng nishonlash toʻgʻrisida
Milliy estrada sanʼatimiz asoschilaridan biri, zamonaviy oʻzbek madaniyatini dunyo miqyosida keng targʻib etish, ijodiy va ijtimoiy faoliyati bilan xalqimiz maʼnaviyatini yuksaltirishga beqiyos hissa qoʻshgan buyuk sanʼatkor, Oʻzbekiston xalq artisti Botir Zokirov ijodiy merosining yosh avlodni Vatanga muhabbat va sadoqat, milliy va umuminsoniy qadriyatlar ruhida tarbiyalash borasidagi ulkan ahamiyatini inobatga olib hamda tavalludining 85 yilligini keng nishonlash va xotirasini abadiylashtirish maqsadida:
1. Oʻzbekiston Respublikasi Madaniyat vazirligi, Oʻzbekiston kompozitorlari va bastakorlari uyushmasi, “Oʻzbekkino” Milliy agentligi, Respublika Maʼnaviyat va maʼrifat markazi, Badiiy akademiya, Yoshlar ishlari agentligi hamda jamoatchilik vakillarining 2021-yilda Oʻzbekiston xalq artisti Botir Zokirov tavalludining 85 yilligini keng nishonlash toʻgʻrisidagi taklifi maʼqullansin.
2. Oʻzbekiston xalq artisti Botir Zokirov tavalludining 85 yilligini nishonlash boʻyicha tashkiliy qoʻmita tarkibi (keyingi oʻrinlarda — Tashkiliy qoʻmita) ilovaga muvofiq tasdiqlansin.
3. Tashkiliy qoʻmita (A. Aripov) bir oy muddatda quyidagilarni nazarda tutuvchi Oʻzbekiston xalq artisti Botir Zokirov tavalludining 85 yilligini nishonlash boʻyicha chora-tadbirlar dasturini ishlab chiqib, tasdiqlasin:
2021-yil dekabr oyining birinchi oʻn kunligida Oʻzbekiston Xalqaro anjumanlar saroyida Botir Zokirov tavalludining 85 yilligiga bagʻishlangan xotira kechasini oʻtkazish;
Toshkent shahrida Oʻzbekiston xalq artisti Botir Zokirov nomidagi milliy estrada oliy maktabini tashkil etish, u yerda xonanda xotirasiga bagʻishlangan yodgorlik majmuasini va muzeyini barpo etish;
Badiiy akademiya tomonidan Botir Zokirov haykalini yaratish boʻyicha tanlov eʼlon qilish va uni Toshkent shahrida belgilangan tartibda oʻrnatish;
Botir Zokirov yashagan Toshkent shahri, Shayxontohur tumani, Navoiy koʻchasi, 3-uyga yodgorlik lavhasi oʻrnatish;
Botir Zokirov tahsil olgan Oʻzbekiston davlat konservatoriyasi joylashgan koʻchaga Botir Zokirov nomini berish;
Oʻzbekiston davlat filarmoniyasining Milliy estrada-simfonik orkestri bilan Botir Zokirov nomidagi estrada orkestrini birlashtirib, Botir Zokirov nomidagi milliy estrada-simfonik orkestrini tashkil etish;
Botir Zokirov nomidagi jamoat fondi faoliyatini qoʻllab-quvvatlash;
Oʻzbekiston kompozitorlari va bastakorlari uyushmasi hamda Yozuvchilar uyushmasi ishtirokida “Botir Zokirov zamondoshlari xotirasida” nomli kitobni nashrga tayyorlash va chop etish;
Botir Zokirov ijodiga mansub tasviriy sanʼat namunalari hamda adabiy asarlardan iborat kitob-albomni oʻzbek, qoraqalpoq, rus va ingliz tillarida nashr etish;
Botir Zokirov nomidagi zamonaviy estrada qoʻshiqchilari tanlovini yuqori saviyada oʻtkazish;
Botir Zokirovning hayoti va ijodiy faoliyati haqida yangi hujjatli film yaratish;
Oʻzbekiston Milliy teleradiokompaniyasi orqali Botir Zokirov va Zokirovlar ijodiy sulolasi haqida hikoya qiluvchi hujjatli filmlarni namoyish etish;
respublika teatrlarida Botir Zokirov hayoti va faoliyatiga bagʻishlangan spektakllar sahnalashtirish;
Oʻzbekiston davlat konservatoriyasida “Botir Zokirov ijodiy merosining milliy sanʼatimiz taraqqiyotidagi oʻrni va ahamiyati” mavzusida ilmiy konferensiya oʻtkazish va anjuman materiallarini toʻplam holida chop etish;
taʼlim muassasalari, mehnat jamoalari, harbiy qismlar va mahallalarda taniqli ijodkorlar, olimlar, madaniyat va sanʼat namoyandalari ishtirokida Botir Zokirov ijodiga bagʻishlangan uchrashuvlar va ijodiy kechalar tashkil etish.
Tashkiliy qoʻmitaga Botir Zokirov tavalludining 85 yilligini nishonlash doirasida oʻtkaziladigan tadbirlarni yuksak saviyada tashkil etish, mazkur qaror va chora-tadbirlar dasturining oʻz vaqtida, sifatli va toʻliq amalga oshirilishini muvofiqlashtirib borish vazifalari yuklatilsin.
4. Oʻzbekiston Milliy axborot agentligi, Oʻzbekiston Milliy teleradiokompaniyasi, Oʻzbekiston elektron ommaviy axborot vositalari milliy assotsiatsiyasi va boshqa ommaviy axborot vositalariga Botir Zokirov tavalludining 85 yilligini nishonlash bilan bogʻliq tadbirlarni keng yoritish tavsiya etilsin.
5. Mazkur qarorda nazarda tutilgan chora-tadbirlarni moliyalashtirish manbalari etib Oʻzbekiston Respublikasi Davlat budjeti mablagʻlari, tashkilotchilarning oʻz mablagʻlari hamda qonun hujjatlari bilan taqiqlanmagan boshqa manbalar belgilansin.
6. Mazkur qarorning ijrosini nazorat qilish Oʻzbekiston Respublikasining Bosh vaziri A.N. Aripov, Oʻzbekiston Respublikasi Prezidentining maslahatchisi A.A. Abduvaxitov zimmasiga yuklansin.
Oʻzbekiston Respublikasi Prezidentining 2020-yil 2-dekabrdagi PQ-4908-son qaroriga ILOVA
Oʻzbekiston xalq artisti Botir Zokirov tavalludining 85 yilligini keng nishonlash boʻyicha tashkiliy qoʻmita
A. Aripov — Oʻzbekiston Respublikasi Bosh vaziri, Tashkiliy qoʻmita raisi O. Nazarbekov — madaniyat vaziri, Tashkiliy qoʻmita raisi oʻrinbosari A. Abduvaxitov — Oʻzbekiston Respublikasi Prezidentining maslahatchisi X. Sultonov — Oʻzbekiston Respublikasi Prezidentining maslahatchisi I. Majidov — oliy va oʻrta maxsus taʼlim vaziri Sh. Shermatov — xalq taʼlimi vaziri R. Mamatov — mahalla va oilani qoʻllab-quvvatlash vaziri F. Arziyev — tashqi ishlar vazirining birinchi oʻrinbosari A. Saʼdullayev — Yoshlar ishlari agentligi direktori R. Abdullayev — Oʻzbekiston kompozitorlari va bastakorlari uyushmasi raisi S. Saidov — Yozuvchilar uyushmasi raisi A. Nuridinov — Badiiy akademiya raisi R. Zokirov — Botir Zokirov nomidagi jamoat fondi direktori F. Zokirov — Oʻzbekiston xalq artisti, “Yalla” ansambli rahbari G. Zokirova — Oʻzbekiston xalq artisti M. Hojimatov — Respublika Maʼnaviyat va maʼrifat markazi rahbari F. Abduholiqov — “Oʻzbekkino” Milliy agentligi bosh direktori A. Koʻchimov — Oʻzbekiston Milliy axborot agentligi bosh direktori A. Xadjayev — Oʻzbekiston Milliy teleradiokompaniyasi raisi
Oʻzbekiston Respublikasi Prezidenti Sh. MIRZIYOYEV
Toshkent sh.,
2020-yil 2-dekabr,
PQ-4908-son
Президента Республики Узбекистан
Постановление
СОСТАВ
О широком праздновании 85-летия со дня рождения Народного артиста Узбекистана Батыра Закирова
Учитывая безграничное значение творческого наследия талантливого деятеля культуры, Народного артиста Узбекистана Батыра Закирова — одного из основоположников национального эстрадного искусства, внесшего неоценимый вклад в широкую популяризацию современной узбекской культуры в мировом масштабе, повышение духовности нашего народа благодаря своей творческой и общественной деятельности по воспитанию молодого поколения в духе любви и преданности Родине, национальных и общечеловеческих ценностей, а также в целях широкого празднования 85-летия со дня рождения и увековечения его памяти:
1. Одобрить предложения Министерства культуры Республики Узбекистан, Союза композиторов и бастакоров Узбекистана, Общественного фонда имени Батыра Закирова, Союза писателей, Академии художеств, Национального агентства «Узбеккино», Республиканского центра духовности и просветительства, Министерства высшего и среднего специального образования, Агентства по делам молодежи и представителей общественности о широком праздновании в 2021 году в масштабах страны 85-летия со дня рождения Народного артиста Узбекистана Батыра Закирова и увековечения его памяти.
2. Утвердить состав Организационного комитета по празднованию 85-летия со дня рождения Народного артиста Узбекистана Батыра Закирова согласно приложению .
3. Организационному комитету (А. Арипов) в месячный срок разработать программу празднования 85-летия со дня рождения Народного артиста Узбекистана Батыра Закирова, предусмотрев следующие мероприятия:
проведение торжественного вечера памяти, посвященного 85-летию со дня рождения Батыра Закирова, в первой декаде декабря 2021 года во Дворце международных форумов «Узбекистон»;
создание в городе Ташкенте национальной эстрадной высшей школы имени Народного артиста Узбекистана Батыра Закирова, здесь же организация мемориального комплекса и музея, посвященного его памяти;
объявление Академией художеств конкурса по созданию памятника Батыру Закирову и его возведение в городе Ташкенте в установленном порядке;
установка мемориальной доски на доме № 3 по улице Навои Шайхантохурского района города Ташкента, где проживал артист;
присвоение имени Батыра Закирова улице, на которой расположена Государственная консерватория Узбекистана, где он учился;
объединение Национального эстрадно-симфонического оркестра при Государственной филармонии Узбекистана с эстрадным оркестром имени Батыра Закирова и создание Национального эстрадносимфонического оркестра имени Батыра Закирова;
поддержка деятельности общественного фонда имени Батыра Закирова;
подготовка и издание при участии Союза композиторов и бастакоров Узбекистана и Союза писателей Узбекистана книги «Батыр Закиров в воспоминаниях современников»;
издание на узбекском, каракалпакском, русском и английском языках книги-альбома, содержащей созданные артистом образцы изобразительного искусства и литературные произведения;
проведение на высоком уровне конкурса современной эстрадной песни имени Батыра Закирова;
создание нового документального фильма о жизни и творчестве артиста;
демонстрация Национальной телерадиокомпанией Узбекистана документальных фильмов о Батыре Закирове и его творческой династии;
постановка в театрах республики спектаклей, посвященных жизни и деятельности Батыра Закирова;
проведение научной конференции в Государственной консерватории Узбекистана на тему «Роль и значение творческого наследия Батыра Закирова в развитии национального искусства» и издание сборника материалов конференции;
организация во всех образовательных учреждениях, трудовых коллективах, воинских частях и махаллях страны встреч, творческих вечеров с участием известных артистов, литераторов и ученых.
Возложить на Организационный комитет организацию на высоком уровне мероприятий по празднованию 85-летия со дня рождения Батыра Закирова, координацию своевременной, качественной и полной реализации задач настоящего постановления и программы мероприятий.
4. Национальному информационному агентству Узбекистана, Национальной телерадиокомпании Узбекистана и другим средствам массовой информации рекомендовать широкое освещение мероприятий, посвященных празднованию 85-летия со дня рождения Народного артиста Узбекистана Батыра Закирова.
5. Определить источником финансирования мероприятий настоящего постановления средства Государственного бюджета Республики Узбекистан, организаторов и другие источники, не запрещенные законодательством.
6. Контроль за исполнением настоящего постановления возложить на Премьер-министра Республики Узбекистан А.Н. Арипова и советника Президента Республики Узбекистан А.А. Абдувахитова.
ПРИЛОЖЕНИЕ к постановлению Президента Республики Узбекистан от 2 декабря 2020 года № ПП-4908
Организационного комитета по широкому празднованию 85-летия со дня рождения Батыра Закирова
А. Арипов — Премьер-министр Республики Узбекистан, председатель Организационного комитета О. Назарбеков — министр культуры, заместитель председателя Организационного комитета А. Абдувахитов — советник Президента Республики Узбекистан Х . Султонов — советник Президента Республики Узбекистан И. Маджидов — министр высшего и среднего специального образования Ш. Шерматов — министр народного образования Р. Маматов — министр по поддержке махалли и семьи Ф. Арзиев — первый заместитель министра иностранных дел А. Саъдуллаев — директор Агентства по делам молодежи Узбекистана Р. Абдуллаев — председатель Союза композиторов и бастакоров Узбекистана С. Саидов — председатель Союза писателей Узбекистана А. Нуридинов — председатель Академии художеств Узбекистана Р. Зокиров — директор общественного фонда имени Батыра Закирова Ф. Зокиров — Народный артист Узбекистана, руководитель ансамбля «Ялла» Г. Зокирова — Народная артистка Узбекистана М. Хожиматов — руководитель Республиканского центра духовности и просветительства Ф. Абдухоликов — генеральный директор Национального агентства «Узбеккино» А. Кучимов — генеральный директор Национального информационного агентства Узбекистана А. Хаджаев — председатель Национальной телерадиокомпании Узбекистана
Президент Республики Узбекистан Ш. МИРЗИЁЕВ
г. Ташкент,
2 декабря 2020 г.,
№ ПП-4908