📅 2020-yil 2-dekabr · Prezident qarorlari
Rasmiy matn. Rasmiy hujjat. Tahririy izohlar kiritilmagan.
UzbekAI
📅 2020 йил 2 декабрь · Президент қарорлари
Расмий матн. Расмий ҳужжат. Таҳририй изоҳлар киритилмаган.
📅 2 декабря 2020 г. · Постановления Президента
Официальный текст. Официальный документ. Редакционные примечания не включены.
📅 2 December 2020 · Presidential resolutions
Official text. Official document. Editorial notes are not included.
Ўзбекистон Республикаси Президентининг
Қарори
ТАРКИБИ
Ўзбекистон Қаҳрамони ва халқ шоири Абдулла Орипов таваллудининг 80 йиллигини кенг нишонлаш тўғрисида
Ўзбек адабиёти ва маданияти ривожига улкан ҳисса қўшган атоқли шоир, таниқли жамоат арбоби, Ўзбекистон Республикаси давлат мадҳияси муаллифи, Ўзбекистон Қаҳрамони Абдулла Ориповнинг бетакрор ижодий мероси, унинг Ватанга муҳаббат, вафо ва садоқат туйғусини, олийжаноб инсоний фазилатларни мадҳ этган етук бадиий асарлари, сермазмун ҳаёти ва ижтимоий фаолиятининг халқимиз маънавиятини юксалтириш, ёш авлод тарбиясидаги беқиёс ўрни ва аҳамиятини инобатга олиб ҳамда таваллудининг 80 йиллигини муносиб нишонлаш ва хотирасини абадийлаштириш мақсадида:
1. Ўзбекистон Ёзувчилар уюшмаси, Республика Маънавият ва маърифат маркази, Ўзбекистон Республикаси Маданият вазирлиги, Олий ва ўрта махсус таълим вазирлиги, Халқ таълими вазирлиги, Ёшлар ишлари агентлиги ҳамда жамоатчилик вакилларининг 2021 йилда Ўзбекистон Қаҳрамони, Ўзбекистон халқ шоири Абдулла Орипов таваллудининг 80 йиллигини кенг нишонлаш тўғрисидаги таклифлари маъқуллансин.
2. Ўзбекистон Қаҳрамони, Ўзбекистон халқ шоири Абдулла Орипов таваллудининг 80 йиллигини нишонлаш бўйича ташкилий қўмита таркиби (кейинги ўринларда — Ташкилий қўмита) иловага мувофиқ тасдиқлансин.
3. Ташкилий қўмита (А. Арипов) бир ой муддатда қуйидагиларни назарда тутувчи Ўзбекистон Қаҳрамони, халқ шоири Абдулла Орипов таваллудининг 80 йиллигини нишонлаш бўйича чора-тадбирлар дастурини ишлаб чиқиб, тасдиқласин:
2021 йил март ойининг учинчи ўн кунлигида Ўзбекистон Халқаро анжуманлар саройида Абдулла Орипов хотирасига бағишланган тантанали адабий-бадиий хотира кечасини ўтказиш;
Абдулла Ориповнинг ўзбек тилидаги икки жилдлик «Танланган асарлар»ини, қорақалпоқ, рус, инглиз ва бошқа тилларга таржима қилинган шеърий тўпламларини, шунингдек, «Абдулла Орипов замондошлари хотирасида» китобини нашрга тайёрлаш ва чоп этиш;
Алишер Навоий номидаги Тошкент давлат ўзбек тили ва адабиёти университетида «Абдулла Орипов ижодий меросининг ўзбек ва жаҳон адабий-эстетик тафаккури тараққиётидаги ўрни» мавзусида халқаро илмий-назарий конференция ўтказиш ҳамда анжуман материалларини алоҳида тўплам ҳолида чоп этиш;
Тошкент вилояти Қибрай тумани Арғин маҳалласидаги Абдулла Орипов яшаган хонадонда ёдгорлик лавҳаси ўрнатиш;
Абдулла Ориповнинг ҳаёти ва ижодий фаолияти ҳақида ҳужжатли фильм яратиш;
мамлакатимиз театрларида Абдулла Орипов асарлари асосида спектакллар саҳналаштириш;
умумий ўрта таълим муассасалари, ижод мактаблари ўқувчилари ҳамда олий таълим муассасалари талабалари ўртасида Абдулла Орипов ҳаёти ва ижодига бағишланган «Мен нечун севаман Ўзбекистонни?» мавзусида иншолар танловларини ўтказиш;
Қарши шаҳридаги Абдулла Орипов номидаги ижод мактабида ижод мактаблари ўқувчилари ўртасида «Митти юлдуз жилолари» шеърият беллашувини ўтказиш;
таълим муассасалари, меҳнат жамоалари, маҳаллалар, ҳарбий қисмлар ҳамда Адиблар хиёбонида таниқли ижодкорлар, олимлар, маданият ва санъат намояндалари иштирокида Абдулла Орипов ижодига бағишланган учрашувлар, давра суҳбатлари, китобхонлик ва шеърият кечалари ташкил этиш.
Ташкилий қўмитага Абдулла Орипов таваллудининг 80 йиллигини нишонлаш доирасида ўтказиладиган тадбирларни юксак савияда ташкил этиш, мазкур қарор ва чора-тадбирлар дастурининг ўз вақтида, сифатли ва тўлиқ амалга оширилишини мувофиқлаштириб бориш вазифалари юклатилсин.
4. Ўзбекистон Миллий ахборот агентлиги, Ўзбекистон Миллий телерадиокомпанияси, Ўзбекистон электрон оммавий ахборот воситалари миллий ассоциацияси ва бошқа оммавий ахборот воситаларига Абдулла Орипов таваллудининг 80 йиллигини нишонлаш билан боғлиқ тадбирларни кенг ёритиш тавсия этилсин.
5. Мазкур қарорда назарда тутилган чора-тадбирларни молиялаштириш манбалари этиб Ўзбекистон Республикаси Давлат бюджети маблағлари, ташкилотчиларнинг ўз маблағлари ҳамда қонун ҳужжатлари билан тақиқланмаган бошқа манбалар белгилансин.
6. Мазкур қарорнинг ижросини назорат қилиш Ўзбекистон Республикасининг Бош вазири А.Н. Арипов ва Ўзбекистон Республикаси Президентининг маслаҳатчиси А.А. Абдувахитов зиммасига юклансин.
Ўзбекистон Республикаси Президентининг 2020 йил 2 декабрдаги ПҚ-4906-сон қарорига ИЛОВА
Ўзбекистон Қаҳрамони ва халқ шоири Абдулла Орипов таваллудининг 80 йиллигини кенг нишонлаш бўйича ташкилий қўмита
А. Арипов — Ўзбекистон Республикасининг Бош вазири, Ташкилий қўмита раиси С. Саидов — Ўзбекистон Ёзувчилар уюшмаси раиси, Ташкилий қўмита раисининг ўринбосари А. Абдувахитов — Ўзбекистон Республикаси Президентининг маслаҳатчиси Х. Султонов — Ўзбекистон Республикаси Президентининг маслаҳатчиси А. Жўрабоев — Ўзбекистон Республикаси Президенти маслаҳатчисининг ўринбосари Б. Мусаев — Ўзбекистон Республикаси Бош вазирининг ўринбосари О. Назарбеков — маданият вазири И. Мажидов — олий ва ўрта махсус таълим вазири Ш. Шерматов — Халқ таълими вазири А. Шин — мактабгача таълим вазири Ж. Абруев — молия вазири ўринбосари А. Ходжаев — Ахборот ва оммавий коммуникациялар агентлиги директори А. Саъдуллаев — Ёшлар ишлари агентлиги директори М. Ҳожиматов — Республика Маънавият ва маърифат маркази раҳбари Ф. Абдухолиқов — «Ўзбеккино» Миллий агентлиги бош директори А. Нуриддинов — Бадиий академия раиси К. Каримов — Қорақалпоғистон Ёзувчилар уюшмаси раиси Ж. Артикходжаев — Тошкент шаҳар ҳокими З. Мирзаев — Қашқадарё вилояти ҳокими Р. Холматов — Тошкент вилояти ҳокими Ш. Сирожиддинов — Алишер Навоий номидаги Тошкент давлат ўзбек тили ва адабиёти университети ректори Ў. Умрзоқов — Тошкент ирригация ва қишлоқ хўжалиги механизациялаш муҳандислари институти ректори А. Эркаев — Қарши давлат университети катта ўқитувчиси, фалсафа фанлари доктори, профессор У. Азимов — Ўзбекистон халқ шоири М. Тоиров — Ўзбекистон Ёзувчилар уюшмаси Тошкент вилояти бўлими раҳбари, Ўзбекистон халқ шоири Д. Бегимқулов — адабиётшунос олим
Ўзбекистон Республикаси Президенти Ш. МИРЗИЁЕВ
Тошкент ш.,
2020 йил 2 декабрь,
ПҚ-4906-сон
Oʻzbekiston Respublikasi Prezidentining
Qarori
TARKIBI
Oʻzbekiston Qahramoni va xalq shoiri Abdulla Oripov tavalludining 80 yilligini keng nishonlash toʻgʻrisida
Oʻzbek adabiyoti va madaniyati rivojiga ulkan hissa qoʻshgan atoqli shoir, taniqli jamoat arbobi, Oʻzbekiston Respublikasi davlat madhiyasi muallifi, Oʻzbekiston Qahramoni Abdulla Oripovning betakror ijodiy merosi, uning Vatanga muhabbat, vafo va sadoqat tuygʻusini, oliyjanob insoniy fazilatlarni madh etgan yetuk badiiy asarlari, sermazmun hayoti va ijtimoiy faoliyatining xalqimiz maʼnaviyatini yuksaltirish, yosh avlod tarbiyasidagi beqiyos oʻrni va ahamiyatini inobatga olib hamda tavalludining 80 yilligini munosib nishonlash va xotirasini abadiylashtirish maqsadida:
1. Oʻzbekiston Yozuvchilar uyushmasi, Respublika Maʼnaviyat va maʼrifat markazi, Oʻzbekiston Respublikasi Madaniyat vazirligi, Oliy va oʻrta maxsus taʼlim vazirligi, Xalq taʼlimi vazirligi, Yoshlar ishlari agentligi hamda jamoatchilik vakillarining 2021-yilda Oʻzbekiston Qahramoni, Oʻzbekiston xalq shoiri Abdulla Oripov tavalludining 80 yilligini keng nishonlash toʻgʻrisidagi takliflari maʼqullansin.
2. Oʻzbekiston Qahramoni, Oʻzbekiston xalq shoiri Abdulla Oripov tavalludining 80 yilligini nishonlash boʻyicha tashkiliy qoʻmita tarkibi (keyingi oʻrinlarda — Tashkiliy qoʻmita) ilovaga muvofiq tasdiqlansin.
3. Tashkiliy qoʻmita (A. Aripov) bir oy muddatda quyidagilarni nazarda tutuvchi Oʻzbekiston Qahramoni, xalq shoiri Abdulla Oripov tavalludining 80 yilligini nishonlash boʻyicha chora-tadbirlar dasturini ishlab chiqib, tasdiqlasin:
2021-yil mart oyining uchinchi oʻn kunligida Oʻzbekiston Xalqaro anjumanlar saroyida Abdulla Oripov xotirasiga bagʻishlangan tantanali adabiy-badiiy xotira kechasini oʻtkazish;
Abdulla Oripovning oʻzbek tilidagi ikki jildlik “Tanlangan asarlar”ini, qoraqalpoq, rus, ingliz va boshqa tillarga tarjima qilingan sheʼriy toʻplamlarini, shuningdek, “Abdulla Oripov zamondoshlari xotirasida” kitobini nashrga tayyorlash va chop etish;
Alisher Navoiy nomidagi Toshkent davlat oʻzbek tili va adabiyoti universitetida “Abdulla Oripov ijodiy merosining oʻzbek va jahon adabiy-estetik tafakkuri taraqqiyotidagi oʻrni” mavzusida xalqaro ilmiy-nazariy konferensiya oʻtkazish hamda anjuman materiallarini alohida toʻplam holida chop etish;
Toshkent viloyati Qibray tumani Argʻin mahallasidagi Abdulla Oripov yashagan xonadonda yodgorlik lavhasi oʻrnatish;
Abdulla Oripovning hayoti va ijodiy faoliyati haqida hujjatli film yaratish;
mamlakatimiz teatrlarida Abdulla Oripov asarlari asosida spektakllar sahnalashtirish;
umumiy oʻrta taʼlim muassasalari, ijod maktablari oʻquvchilari hamda oliy taʼlim muassasalari talabalari oʻrtasida Abdulla Oripov hayoti va ijodiga bagʻishlangan “Men nechun sevaman Oʻzbekistonni?” mavzusida insholar tanlovlarini oʻtkazish;
Qarshi shahridagi Abdulla Oripov nomidagi ijod maktabida ijod maktablari oʻquvchilari oʻrtasida “Mitti yulduz jilolari” sheʼriyat bellashuvini oʻtkazish;
taʼlim muassasalari, mehnat jamoalari, mahallalar, harbiy qismlar hamda Adiblar xiyobonida taniqli ijodkorlar, olimlar, madaniyat va sanʼat namoyandalari ishtirokida Abdulla Oripov ijodiga bagʻishlangan uchrashuvlar, davra suhbatlari, kitobxonlik va sheʼriyat kechalari tashkil etish.
Tashkiliy qoʻmitaga Abdulla Oripov tavalludining 80 yilligini nishonlash doirasida oʻtkaziladigan tadbirlarni yuksak saviyada tashkil etish, mazkur qaror va chora-tadbirlar dasturining oʻz vaqtida, sifatli va toʻliq amalga oshirilishini muvofiqlashtirib borish vazifalari yuklatilsin.
4. Oʻzbekiston Milliy axborot agentligi, Oʻzbekiston Milliy teleradiokompaniyasi, Oʻzbekiston elektron ommaviy axborot vositalari milliy assotsiatsiyasi va boshqa ommaviy axborot vositalariga Abdulla Oripov tavalludining 80 yilligini nishonlash bilan bogʻliq tadbirlarni keng yoritish tavsiya etilsin.
5. Mazkur qarorda nazarda tutilgan chora-tadbirlarni moliyalashtirish manbalari etib Oʻzbekiston Respublikasi Davlat budjeti mablagʻlari, tashkilotchilarning oʻz mablagʻlari hamda qonun hujjatlari bilan taqiqlanmagan boshqa manbalar belgilansin.
6. Mazkur qarorning ijrosini nazorat qilish Oʻzbekiston Respublikasining Bosh vaziri A.N. Aripov va Oʻzbekiston Respublikasi Prezidentining maslahatchisi A.A. Abduvaxitov zimmasiga yuklansin.
Oʻzbekiston Respublikasi Prezidentining 2020-yil 2-dekabrdagi PQ-4906-son qaroriga ILOVA
Oʻzbekiston Qahramoni va xalq shoiri Abdulla Oripov tavalludining 80 yilligini keng nishonlash boʻyicha tashkiliy qoʻmita
A. Aripov — Oʻzbekiston Respublikasining Bosh vaziri, Tashkiliy qoʻmita raisi S. Saidov — Oʻzbekiston Yozuvchilar uyushmasi raisi, Tashkiliy qoʻmita raisining oʻrinbosari A. Abduvaxitov — Oʻzbekiston Respublikasi Prezidentining maslahatchisi X. Sultonov — Oʻzbekiston Respublikasi Prezidentining maslahatchisi A. Joʻraboyev — Oʻzbekiston Respublikasi Prezidenti maslahatchisining oʻrinbosari B. Musayev — Oʻzbekiston Respublikasi Bosh vazirining oʻrinbosari O. Nazarbekov — madaniyat vaziri I. Majidov — oliy va oʻrta maxsus taʼlim vaziri Sh. Shermatov — Xalq taʼlimi vaziri A. Shin — maktabgacha taʼlim vaziri J. Abruyev — moliya vaziri oʻrinbosari A. Xodjayev — Axborot va ommaviy kommunikatsiyalar agentligi direktori A. Saʼdullayev — Yoshlar ishlari agentligi direktori M. Hojimatov — Respublika Maʼnaviyat va maʼrifat markazi rahbari F. Abduxoliqov — “Oʻzbekkino” Milliy agentligi bosh direktori A. Nuriddinov — Badiiy akademiya raisi K. Karimov — Qoraqalpogʻiston Yozuvchilar uyushmasi raisi J. Artikxodjayev — Toshkent shahar hokimi Z. Mirzayev — Qashqadaryo viloyati hokimi R. Xolmatov — Toshkent viloyati hokimi Sh. Sirojiddinov — Alisher Navoiy nomidagi Toshkent davlat oʻzbek tili va adabiyoti universiteti rektori Oʻ. Umrzoqov — Toshkent irrigatsiya va qishloq xoʻjaligi mexanizatsiyalash muhandislari instituti rektori A. Erkayev — Qarshi davlat universiteti katta oʻqituvchisi, falsafa fanlari doktori, professor U. Azimov — Oʻzbekiston xalq shoiri M. Toirov — Oʻzbekiston Yozuvchilar uyushmasi Toshkent viloyati boʻlimi rahbari, Oʻzbekiston xalq shoiri D. Begimqulov — adabiyotshunos olim
Oʻzbekiston Respublikasi Prezidenti Sh. MIRZIYOYEV
Toshkent sh.,
2020-yil 2-dekabr,
PQ-4906-son
Президента Республики Узбекистан
Постановление
СОСТАВ
О широком праздновании 80-летия со дня рождения Героя Узбекистана, Народного поэта Узбекистана Абдуллы Орипова
Учитывая безграничную роль и значение неповторимого творческого наследия выдающегося поэта, видного общественного деятеля, автора Государственного гимна Республики Узбекистан, Героя Узбекистана Абдуллы Орипова, внесшего неоценимый вклад в развитие узбекской литературы и культуры, его высокохудожественные произведения, воспевающие любовь и преданность Родине, благородные человеческие качества, а также наполненную смыслом жизнь и общественную деятельность по повышению духовности нашего народа, воспитанию молодого поколения, в целях достойного празднования 80-летия со дня его рождения и увековечения памяти:
1. Одобрить предложения Союза писателей Узбекистана, Республиканского центра духовности и просветительства, Министерства культуры, Министерства высшего и среднего специального образования, Министерства народного образования Республики Узбекистан, Агентства по делам молодежи Узбекистана и представителей общественности о широком праздновании в 2021 году 80-летия со дня рождения Героя Узбекистана, Народного поэта Узбекистана Абдуллы Орипова.
2. Утвердить состав Организационного комитета по празднованию 80-летия со дня рождения Героя Узбекистана, Народного поэта Узбекистана Абдуллы Орипова согласно приложению .
3. Организационному комитету (А. Арипов) в месячный срок разработать программу празднования 80-летия со дня рождения Героя Узбекистана, Народного поэта Узбекистана Абдуллы Орипова, предусмотрев в ней следующие мероприятия:
проведение торжественного литературно-художественного вечера, посвященного памяти поэта, в третьей декаде марта 2021 года во Дворце международных форумов «Узбекистан»;
подготовка к изданию и опубликование произведений поэта «Избранное» на узбекском языке в двух томах, сборников его стихов, переведенных на каракалпакский, русский, английский и другие языки, а также книги «Абдулла Орипов в воспоминаниях современников»;
проведение в Ташкентском государственном университете узбекского языка и литературы имени Алишера Навои международной научно-теоретической конференции на тему «Роль творческого наследия Абдуллы Орипова в развитии узбекской и мировой литературно-эстетической мысли», а также публикация отдельного сборника материалов конференции;
установление мемориальной доски на доме, где жил поэт, в махалле «Аргин» Кибрайского района Ташкентской области;
создание документального фильма о жизни и творчестве поэта;
постановка в театрах страны спектаклей на основе произведений Абдуллы Орипова;
проведение среди учащихся средних общеобразовательных учреждений, творческих школ имени великих литераторов, а также студентов высших учебных заведений конкурса сочинений на тему «За что люблю родной Узбекистан?», посвященного жизни и творчеству поэта;
проведение в творческой школе имени Абдуллы Орипова в городе Карши поэтического состязания «Сияние маленьких звезд» среди учащихся творческих школ, носящих имена выдающихся литераторов;
организация в образовательных учреждениях, трудовых коллективах и махаллях, воинских частях, а также на Аллее литераторов встреч, бесед за «круглым столом», вечеров любителей книг и поэзии, посвященных творчеству поэта, с участием известных писателей, ученых, артистов.
Возложить на Организационный комитет организацию на высоком уровне мероприятий по празднованию 80-летия Абдуллы Орипова, координацию своевременной, качественной и полной реализации задач настоящего постановления и программы мероприятий.
4. Национальному информационному агентству Узбекистана, Национальной телерадиокомпании Узбекистана, Национальному агентству электронных средств массовой информации Узбекистана и другим средствам массовой информации рекомендовать широкое освещение мероприятий, посвященных празднованию 80-летия со дня рождения Абдуллы Орипова.
5. Определить источником финансирования мероприятий настоящего постановления средства Государственного бюджета Республики Узбекистан, организаторов и другие источники, не запрещенные законодательством.
6. Контроль за исполнением настоящего постановления возложить на Премьер-министра Республики Узбекистан А.Н. Арипова и советника Президента Республики Узбекистан А.А. Абдувахитова.
ПРИЛОЖЕНИЕ к постановлению Президента Республики Узбекистан от 2 декабря 2020 года № ПП-4906
Организационного комитета по широкому празднованию 80-летия со дня рождения Героя Узбекистана, Народного поэта Узбекистана Абдуллы Орипова
А. Арипов — Премьер-министр Республики Узбекистан, председатель Организационного комитета С. Саидов — председатель Союза писателей Узбекистана, заместитель председателя Организационного комитета А. Абдувахитов — советник Президента Республики Узбекистан Х . Султонов — советник Президента Республики Узбекистан А. Журабоев — заместитель советника Президента Республики Узбекистан Б. Мусаев — заместитель Премьер-министра Республики Узбекистан О. Назарбеков — министр культуры Республики Узбекистан И. Маджидов — министр высшего и среднего специального образования Республики Узбекистан Ш. Шерматов — министр народного образования Республики Узбекистан А. Шин — министр дошкольного образования Республики Узбекистан Ж. Абруев — заместитель министра финансов Республики Узбекистан А. Ходжаев — директор Агентства информации и массовых коммуникаций при Администрации Президента Республики Узбекистан А. Саъдуллаев — директор Агентства по делам молодежи Узбекистана М. Хожиматов — руководитель Республиканского центра духовности и просветительства Ф. Абдухоликов — генеральный директор Национального агентства «Узбеккино» А. Нуриддинов — председатель Академии художеств Узбекистана К. Каримов — председатель Союза писателей Каракалпакстана Ж. Артикходжаев — хоким города Ташкента З . Мирзаев — хоким Кашкадарьинской области Р. Холматов — хоким Ташкентской области Ш. Сирожидцинов — ректор Ташкентского государственного университета узбекского языка и литературы имени Алишера Навои У. Умрзоков — ректор Ташкентского института инженеров ирригации и механизации сельского хозяйства А. Эркаев — старший преподаватель Каршинского государственного университета, доктор философских наук, профессор У. Азимов — Народный поэт Узбекистана М. Тоиров — руководитель Ташкентского областного отделения Союза писателей Узбекистана, Народный поэт Узбекистана Д. Бегимкулов — ученый-литературовед
Президент Республики Узбекистан Ш. МИРЗИЁЕВ
г. Ташкент,
2 декабря 2020 г.,
№ ПП-4906