📅 2020-yil 28-noyabr · Vazirlik va idoralar hujjatlari · Adliya vazirligi Oliy sudi Bosh prokuraturasi Moliya vazirligi Oliy va oʻrta maxsus taʼlim vazirligi
Rasmiy matn. Rasmiy hujjat. Tahririy izohlar kiritilmagan.
UzbekAI
📅 2020 йил 28 ноябрь · Вазирлик ва идоралар ҳужжатлари · Адлия вазирлиги Олий суди Бош прокуратураси Молия вазирлиги Олий ва ўрта махсус таълим вазирлиги
Расмий матн. Расмий ҳужжат. Таҳририй изоҳлар киритилмаган.
📅 28 ноября 2020 г. · Документы министерств и ведомств · Министерства юстиции Верховного суда Генеральной прокуратуры Министерства финансов Министерства высшего и среднего специального образования
Официальный текст. Официальный документ. Редакционные примечания не включены.
📅 28 November 2020 · Ministry and agency documents · Adliya vazirligi Oliy sudi Bosh prokuraturasi Moliya vazirligi Oliy va oʻrta maxsus taʼlim vazirligi
Official text. Official document. Editorial notes are not included.
Ўзбекистон Республикаси Адлия вазирлиги Ўзбекистон Республикаси Олий суди Ўзбекистон Республикаси Бош прокуратураси Ўзбекистон Республикаси Молия вазирлиги Ўзбекистон Республикаси Олий ва ўрта махсус таълим вазирлигининг
Қарори
«Юридик таълим муассасалари (ҳарбий, махсус олий таълим муассасаларидан ташқари) талабалари томонидан таништирув ва малакавий амалиётни, шунингдек стажировкани ўташ тартиби тўғрисидаги низомни тасдиқлаш ҳақида»ги қарорга ўзгартиришлар ва қўшимча киритиш тўғрисида
Ўзбекистон Республикаси Президентининг 2020 йил 29 апрелдаги ПФ-5987-сон «Ўзбекистон Республикасида юридик таълим ва фанни тубдан такомиллаштириш бўйича қўшимча чора-тадбирлар тўғрисида»ги Фармонига мувофиқ Ўзбекистон Республикаси Адлия вазирлиги, Олий суди, Бош прокуратураси, Молия вазирлиги ҳамда Олий ва ўрта махсус таълим вазирлиги қарор қилади:
1. Ўзбекистон Республикаси Адлия вазирлиги, Олий суди, Олий хўжалик суди, Бош прокуратураси, Молия вазирлиги ҳамда Олий ва ўрта махсус таълим вазирлигининг 2013 йил 31 декабрдаги 3, КТБ-443-13, 06-17/2-4246, 14-Қ/Қ, 119 ва 58/ҚҚ-сон «Юридик таълим муассасалари (ҳарбий, махсус олий таълим муассасаларидан ташқари) талабалари томонидан таништирув ва малакавий амалиётни, шунингдек стажировкани ўташ тартиби тўғрисидаги низомни тасдиқлаш ҳақида»ги қарорига (рўйхат рақами 2548, 2013 йил 31 декабрь) (Ўзбекистон Республикаси қонун ҳужжатлари тўплами, 2014 й., 1-сон, 13-модда) иловага мувофиқ ўзгартиришлар ва қўшимча киритилсин.
2. Мазкур қарор расмий эълон қилинган кундан эътиборан кучга киради.
Ўзбекистон Республикаси Адлия вазирлигининг 2020 йил 28 ноябрдаги 5-сон, Олий судининг 2020 йил 25 ноябрдаги 667-сон, Бош прокуратурасининг 2020 йил 23 ноябрдаги кқ-63-сон, Молия вазирлигининг 2020 йил 1 декабрдаги 54-сон ҳамда Олий ва ўрта-махсус таълим вазирлигининг 2020 йил 30 ноябрдаги 12-2020-сон қарорига ИЛОВА
«Юридик таълим муассасалари (ҳарбий, махсус олий таълим муассасаларидан ташқари) талабалари томонидан таништирув ва малакавий амалиётни, шунингдек стажировкани ўташ тартиби тўғрисидаги низомни тасдиқлаш ҳақида»ги қарорга киритилаётган ўзгартиришлар ва қўшимча
1. Қарорнинг номи ва 1-бандидаги «таништирув ва малакавий амалиётни» деган сўзлар «таништирув ва битирув малакавий амалиётни» деган сўзлар билан алмаштирилсин.
2. Низомда :
а) номидаги «таништирув ва малакавий амалиётни» деган сўзлар «таништирув ва битирув малакавий амалиётни» деган сўзлар билан алмаштирилсин;
б) муқаддима , 1-бобнинг номи , 1 ва 2-бандлар қуйидаги таҳрирда баён этилсин:
«Мазкур Низом Ўзбекистон Республикасининг «Таълим тўғрисида»ги Қонуни, Ўзбекистон Республикаси Президентининг 2020 йил 29 апрелдаги ПФ-5987-сон «Ўзбекистон Республикасида юридик таълим ва фанни тубдан такомиллаштириш бўйича қўшимча чора-тадбирлар тўғрисида»ги Фармони ва Ўзбекистон Республикаси Президентининг 2017 йил 28 апрелдаги ПҚ-2932-сон «Тошкент давлат юридик университетида кадрлар тайёрлаш тизимини тубдан такомиллаштириш ва самарадорлигини ошириш чора-тадбирлари тўғрисида»ги қарорига мувофиқ «юриспруденция» мутахассислиги бўйича юридик кадрларни тайёрлашни амалга оширувчи олий таълим муассасалари (ҳарбий, махсус олий таълим муассасаларидан ташқари) (бундан буён матнда ОТМ деб юритилади) талабалари томонидан таништирув ва битирув малакавий амалиётни, шунингдек стажировка ўташ тартибини белгилайди.
1-боб. Умумий қоидалар
1. Мазкур Низомда қуйидаги тушунчалардан фойдаланилади:
қабул қилувчи ташкилот — талабалар томонидан амалиёт ўталаётган давлат ҳокимияти ва бошқаруви органи, суд, ҳуқуқни муҳофаза қилувчи орган, адвокатлик тузилмаси, хўжалик бошқаруви органи, тижорат ташкилоти, нодавлат нотижорат ташкилоти, молия-банк ва бошқа муассасаларнинг юридик хизмати, шунингдек юридик клиникалар;
амалиёт — назарий билимларни мустаҳкамлаш, амалий кўникма ва маҳорат ҳосил қилиш, амалиётда ишлашга тайёр бўлишни таъминлашга қаратилган ўқув жараёнининг бир қисми;
таништирув амалиёти — бакалавриатнинг I — III курс талабалари томонидан келажакдаги касбий фаолият ҳақида маълумотлар олиш ва назарий билимларни мустаҳкамлаш ҳамда ажратилган кредитларни ўзлаштириш мақсадида ўталадиган ихтиёрий амалиёт тури;
битирув малакавий амалиёт — таълимнинг якунловчи босқичи ҳисобланадиган ва бакалавриатнинг IV курс талабалари томонидан назарий билимларни мустаҳкамлаш ва амалиётда қўллаш кўникмаларини ҳосил қилиш орқали амалиётда ишлашга тайёр бўлишларини таъминлаш, шунингдек, битирув малакавий иши мавзуси бўйича материаллар тўплаш мақсадида ўталадиган мажбурий амалиёт тури;
стажировка — магистратура босқичи талабалари томонидан амалий кўникма ва педагогик маҳорат ҳосил қилишга қаратилган, ажратилган кредитларини ўзлаштириш мақсадида ўталадиган ихтиёрий амалиёт тури;
ОТМдан бириктирилган битирув малакавий амалиёт раҳбари — ўқув юкламасида амалиёт соати ажратилган, шунингдек битирув малакавий амалиётни ташкил этишга ҳамда уни назорат қилишга масъул бўлган ОТМ ўқитувчиси;
қабул қилувчи ташкилотдан бириктирилган битирув малакавий амалиёт раҳбари — талабаларни амалий кўникмаларга ўргатиш ва ОТМдан бириктирилган амалиёт раҳбари билан биргаликда эгалланган билимларни баҳолаш масъулияти юкланган қабул қилувчи ташкилот ходими;
битирув малакавий амалиётни ўташ дастури — ишчи-ўқув режаларини ҳисобга олган ҳолда ОТМ томонидан ишлаб чиқиладиган ва тасдиқланадиган дастур.
2. Талабалар амалиёти қуйидаги турларда ўталади:
таништирув амалиёти;
битирув малакавий амалиёт;
стажировка.
Амалиёт ўташ муддати ва ҳажми ишчи ўқув режа, модуль (фанлар) ўқув дастурлари, амалиёт ўташ дастури билан белгиланади ва амалиёт ўтаганлик учун тегишли кредитлар ажратилади.
Мазкур Низомнинг ишчи-ўқув режасига тегишли қоидалари Тошкент давлат юридик университетининг ўқув режасига нисбатан қўлланилади.»;
в) 4-банд қуйидаги таҳрирда баён этилсин:
«4. Амалиётни тайёрлаш, таъминлаш ва ўташни мувофиқлаштиришни ОТМнинг амалиётни ташкиллаштирувчи бўлинмаси амалга оширади.»;
г) 4-банддан сўнг қуйидаги мазмундаги 1 1 -боб билан тўлдирилсин:
« 1 1 -боб. Таништирув амалиётини ўташ тартиби
4 1 . Таништирув амалиёти ишчи-ўқув режада назарда тутилган энг кам соатлар ҳажмида талабаларнинг дарсдан бўш вақтларида ўталади.
4 2 . Таништирув амалиёти талаба томонидан қабул қилувчи ташкилот билан келишилган ҳолда ўталади.
4 3 . Таништирув амалиёти юзасидан қабул қилувчи ташкилот томонидан талабанинг амалиёт ўташ давомийлиги кўрсатилган маълумотнома тақдим қилинади.
Тақдим қилинган маълумотнома асосида кредитлар ўзлаштирилганлиги ҳисобга олинади.»;
д) 5 — 11-бандлар ўз кучини йўқотган деб топилсин;
е) 2-боб қуйидаги таҳрирда баён этилсин:
« 2-боб. Битирув малакавий амалиётни ўташ тартиби
12. Битирув малакавий амалиёт уч босқичга бўлинади:
тайёрлов;
асосий;
ҳисоботларни топшириш ва баҳолаш.
13. Битирув малакавий амалиёт тайёрлов босқичининг биринчи кунида ишчи-ўқув режага асосан ОТМдан бириктирилган битирув малакавий амалиёт раҳбари ва қабул қилувчи ташкилотдан бириктирилган битирув малакавий амалиёт раҳбари томонидан йиғилиш ўтказилади. Йиғилишда талабалар амалиётни ўташ дастури билан танишадилар, унинг мақсад ва вазифаларига тааллуқли кўрсатмалар, уларни бажариш бўйича қўлланмаларни оладилар, битирув малакавий амалиёт ўташ ва битирув малакавий амалиёт ўташ тўғрисида ҳисобот тузиш тартиби ҳақида хабардор қилинадилар.
Битирув малакавий амалиётни ўташнинг бошида талабалар қабул қилувчи ташкилотнинг тузилиши, фаолият йўналишлари, ўзига хослиги билан танишадилар ҳамда ОТМдан бириктирилган битирув малакавий амалиёт раҳбари ва қабул қилувчи ташкилотдан бириктирилган битирув малакавий амалиёт раҳбари билан биргаликда битирув малакавий амалиётни ўташ дастурини бажариш режа-жадвалини тузадилар.
14. Битирув малакавий амалиётни ўташнинг асосий босқичида талаба бевосита қабул қилувчи ташкилотда амалиётни ўташ дастурини бажариш режа-жадвалида кўрсатиб ўтилган ишни бажаради.
15. Битирув малакавий амалиёт якунлари бўйича ҳисоботни топшириш битирув малакавий амалиётнинг якуний босқичи ҳисобланади.
Талаба битирув малакавий амалиёт тугаган куннинг кейинги иш кунида ОТМдан бириктирилган амалиёт раҳбарига амалиёт ўташ тўғрисида ҳисобот тақдим этади.
Битирув малакавий амалиёт якунлари бўйича ҳисоботда бажарилган иш, ўрганилган ҳуқуқни қўллаш амалиёти, шунингдек олинган билим ва кўникмалар акс эттирилади. Ҳисобот талаба томонидан имзоланади ҳамда қабул қилувчи ташкилотдан бириктирилган битирув малакавий амалиёт раҳбари имзоси билан тасдиқланади.
Битирув малакавий амалиёт якунлари бўйича ҳисобот тўғридан-тўғри ёки электрон тизим орқали топширилади ҳамда Ўқув-услубий бошқарма томонидан шифрланган ҳолда баҳолаш учун профессор-ўқитувчиларга тақдим этилади.
16. Битирув малакавий амалиёт якунлари бўйича ҳисоботни баҳолаш қуйидаги мезонларга асосан амалга оширилади:
назарий ва амалий билимлар даражаси;
талаба томонидан амалиёт давомида тўпланган материалларнинг тузилиши, даражаси ва сифати ҳамда уни ўташ давомида ўрганилган масалаларнинг ёритиб берилиши.
16 1 . Битирув малакавий амалиёт якунлари юзасидан баҳо ўқиш бўйича баҳоларга тенглаштирилади ва талабалар умумий ўзлаштиришининг якунларини чиқаришда ҳамда тегишли кредитларини ўзлаштирилганлигини белгилашда инобатга олинади.
16 2 . Битирув малакавий амалиёт ўташнинг кунлик давомийлиги ОТМ томонидан белгиланади.
16 3 . Битирув малакавий амалиётни ташкил этиш учун олдиндан ОТМ ректори томонидан амалиёт муддати ва уни ўташ жойи, масъул шахслар ва жўнатилаётган талабаларнинг, ОТМдан бириктирилган битирув малакавий амалиёт раҳбарларининг таркибий рўйхати белгиланган буйруқ қабул қилинади.
16 4 . Талаба битирув малакавий амалиётни ўташда:
битирув малакавий амалиёт бўйича услубий ва кўрсатма материаллар билан танишиши;
битирув малакавий амалиётни ташкил этиш ва ўташни назорат қилиш бўйича тадбирларда иштирок этиши;
битирув малакавий амалиётни ўташ дастурида назарда тутилган барча топшириқларни белгиланган муддатларда, тўлиқ ҳажмда ва сифатли бажариши;
ОТМдан бириктирилган битирув малакавий амалиёт раҳбарининг талаби билан кўриб чиқиш учун битирув малакавий амалиётни ўташ тўғрисидаги ҳисоботини тақдим қилиши;
кейинги амалий фаолиятда фойдаланилиши мумкин бўлган материаллар тўпламини шакллантириш;
қабул қилувчи ташкилотнинг ички меҳнат тартиб қоидалари ва ходимлари фаолиятининг тартибини белгиловчи ҳужжатларга риоя қилиши шарт.
16 5 . ОТМдан бириктирилган битирув малакавий амалиёт раҳбари битирув малакавий амалиётга тайёргарлик кўриш ва уни ўтказиш жараёнида меҳнатни муҳофаза қилиш ҳамда фаолият хавфсизлигини таъминлаш бўйича комплекс чора-тадбирлар кўрилишини таъминлайди, талабаларни ўз вақтида амалиёт ўташ жойларига тақсимлайди.
16 6 . ОТМдан бириктирилган битирув малакавий амалиёт раҳбари:
битирув малакавий амалиётни ўташга кетаётган талабаларга уни ўташ бўйича йўл-йўриқлар беради;
талабаларнинг битирув малакавий амалиётини ўташ жойига етиб келишини назорат қилади;
қабул қилувчи ташкилот раҳбари ва қабул қилувчи ташкилотдан бириктирилган битирув малакавий амалиёт раҳбари билан алоқалар ўрнатади;
талабаларга битирув малакавий амалиёт ўташ дастурини бажариш бўйича услубий ёрдам кўрсатади;
битирув малакавий амалиётнинг бутун даври учун талабаларга индивидуал режа тузади, қабул қилувчи ташкилотдан бириктирилган битирув малакавий амалиёт раҳбари билан биргаликда ишнинг ҳажми ва таркибини белгилайди;
битирув малакавий амалиётни ўташ жойларига талабаларни тақсимлашда иштирок этади;
битирув малакавий амалиётни ўташ муддатлари ва уни ўташ тартибига риоя қилиниши, шунингдек, битирув малакавий амалиётни ўташ дастури бажарилишининг назоратини, шу жумладан, бевосита талабалар амалиёт ўтаётган жойга чиқиш йўли билан амалга оширади.»
16 7 . Қабул қилувчи ташкилотдан бириктирилган битирув малакавий амалиёт раҳбари:
талабаларга техника хавфсизлиги, ёнғин хавфсизлиги, шунингдек қабул қилувчи ташкилотнинг ички тартиб қоидалари ва иш режимининг хусусиятлари бўйича йўл-йўриқлар кўрсатади;
қабул қилувчи ташкилотнинг белгиланган объектлари бўйича талабаларни тақсимлайди, унинг тузилиши, фаолият йўналишлари ва ўзига хос хусусиятлари билан таништиради;
талабаларни битирув малакавий амалиётни ўташ дастурига тааллуқли материаллардан фойдаланиш имкониятини таъминлайди;
талабалар томонидан битирув малакавий амалиётни ўташ дастурининг бажарилиши учун зарур шароитлар яратади;
талабаларга ишлаб чиқариш масалалари бўйича маслаҳатлар беради;
бажарилаётган иш устидан доимий назоратни амалга оширади;
талаба иш кунининг белгиланган давомийлигига риоя этилишини таъминлайди;
талаба иш вақтидан самарали фойдаланишини таъминлайди;
битирув малакавий амалиёт ўташ тўғрисидаги ҳисоботни тасдиқлайди;
ОТМдан бириктирилган битирув малакавий амалиёт раҳбарини талаба томонидан амалиёт ўташ дастури бажарилмаётганлиги ҳамда барча меҳнат интизоми бузилишлари ҳақида хабардор қилади;
ОТМдан бириктирилган битирув малакавий амалиёт раҳбари билан алоқани ушлаб туради.
Қабул қилувчи ташкилотдан бириктирилган битирув малакавий амалиёт раҳбарига талабага битирув малакавий амалиёт ўташ дастури билан боғлиқ бўлмаган топшириқларни бериш тақиқланади.
16 8 . Битирув малакавий амалиёт ОТМ билан қабул қилувчи ташкилот ўртасидаги қабул қилувчи ташкилотнинг амалиёт ўташ учун жой ажратиш мажбуриятини назарда тутувчи шартномалар асосида амалга оширилади.
ОТМ ва қабул қилувчи ташкилот битирув малакавий амалиётни ташкил этиш ва ўтказиш бўйича шартномада шартнома предметини, тарафларнинг ҳуқуқ ва мажбуриятларини, битирув малакавий амалиётни ташкил этиш тартибини, шартноманинг амал қилиш муддатини, шартномани бекор қилиш асосларини, шунингдек тарафларнинг жавобгарлигини келишиб олади.
16 9 . Битирув малакавий амалиёт якунлари бўйича қониқарсиз баҳо олиниши талаба томонидан тегишли кредитларни қайта ўзлаштирилиши учун асос бўлиб хизмат қилади.»;
ж) 3-бобнинг номи , 17 ва 18-бандлар қуйидаги таҳрирда баён этилсин:
« 3-боб. Стажировка ўташ тартиби
17. Стажировка талаба ихтиёрига кўра қабул қилувчи ташкилотларда, шунингдек тегишли модул (фан) ўқув дастурига мувофиқ педагогик амалиёт сифатида, қоида тариқасида, академик лицей ва техникумларда ўқув машғулотларини ўтказиш кўринишида ўталади.
18. Стажировка ўталганлиги қабул қилувчи ташкилотдан тақдим этиладиган маълумотнома асосида кредитларни ҳисобга олиш тартибида белгиланади.»;
з) 19-банд ўз кучини йўқотган деб топилсин;
и) 4-бобнинг номи , 20 — 22-бандлар қуйидаги таҳрирда баён этилсин:
« 4-боб. Амалиётни ташкиллаштиришнинг шартлари
20. Амалиётни барча босқичларда ташкил этиш талабалар томонидан касбий кўникмаларни эгаллашда узлуксизлик ва изчилликни таъминлашга йўналтирилиши лозим.
21. Ўқитувчиларнинг амалиётдаги ўқув юкламаси ишчи-ўқув режада кўрсатилган ўқув педагогик соатлар (ҳафталар)дан ва амалиётни ўташ туридан келиб чиқиб аниқланади.
22. Қабул қилувчи ташкилот амалиётга юборилган талабаларга амалиёт раҳбарини бириктиради.»;
к) 23 — 31-бандлар ўз кучини йўқотган деб топилсин;
л) 5-бобнинг номи қуйидаги таҳрирда баён этилсин:
« 5-боб. Моддий таъминот ».
Адлия вазири Р. ДАВЛЕТОВ
Молия вазири Т. ИШМЕТОВ
Ўзбекистон Республикаси Бош прокурори Н. ЙУЛДОШЕВ
Ўзбекистон Республикаси Олий судининг раиси К. КАМИЛОВ
Олий ва ўрта махсус таълим вазири И. МАДЖИДОВ
Тошкент ш.,
2020 йил 28 ноябрь,
Тошкент ш.,
2020 йил 1 декабрь,
Тошкент ш.,
2020 йил 23 ноябрь,
Тошкент ш.,
2020 йил 25 ноябрь,
Тошкент ш.,
2020 йил 30 ноябрь,
5-сон
54-сон
ққ-63-сон
667-сон
12-2020-сон
Oʻzbekiston Respublikasi Adliya vazirligi Oʻzbekiston Respublikasi Oliy sudi Oʻzbekiston Respublikasi Bosh prokuraturasi Oʻzbekiston Respublikasi Moliya vazirligi Oʻzbekiston Respublikasi Oliy va oʻrta maxsus taʼlim vazirligining
Qarori
“Yuridik taʼlim muassasalari (harbiy, maxsus oliy taʼlim muassasalaridan tashqari) talabalari tomonidan tanishtiruv va malakaviy amaliyotni, shuningdek stajirovkani oʻtash tartibi toʻgʻrisidagi nizomni tasdiqlash haqida”gi qarorga oʻzgartirishlar va qoʻshimcha kiritish toʻgʻrisida
Oʻzbekiston Respublikasi Prezidentining 2020-yil 29-apreldagi PF-5987-son “Oʻzbekiston Respublikasida yuridik taʼlim va fanni tubdan takomillashtirish boʻyicha qoʻshimcha chora-tadbirlar toʻgʻrisida”gi Farmoniga muvofiq Oʻzbekiston Respublikasi Adliya vazirligi, Oliy sudi, Bosh prokuraturasi, Moliya vazirligi hamda Oliy va oʻrta maxsus taʼlim vazirligi qaror qiladi:
1. Oʻzbekiston Respublikasi Adliya vazirligi, Oliy sudi, Oliy xoʻjalik sudi, Bosh prokuraturasi, Moliya vazirligi hamda Oliy va oʻrta maxsus taʼlim vazirligining 2013-yil 31-dekabrdagi 3, KTB-443-13, 06-17/2-4246, 14-Q/Q, 119 va 58/QQ-son “Yuridik taʼlim muassasalari (harbiy, maxsus oliy taʼlim muassasalaridan tashqari) talabalari tomonidan tanishtiruv va malakaviy amaliyotni, shuningdek stajirovkani oʻtash tartibi toʻgʻrisidagi nizomni tasdiqlash haqida”gi qaroriga (roʻyxat raqami 2548, 2013-yil 31-dekabr) (Oʻzbekiston Respublikasi qonun hujjatlari toʻplami, 2014-y., 1-son, 13-modda) ilovaga muvofiq oʻzgartirishlar va qoʻshimcha kiritilsin.
2. Mazkur qaror rasmiy eʼlon qilingan kundan eʼtiboran kuchga kiradi.
Oʻzbekiston Respublikasi Adliya vazirligining 2020-yil 28-noyabrdagi 5-son, Oliy sudining 2020-yil 25-noyabrdagi 667-son, Bosh prokuraturasining 2020-yil 23-noyabrdagi kq-63-son, Moliya vazirligining 2020-yil 1-dekabrdagi 54-son hamda Oliy va oʻrta-maxsus taʼlim vazirligining 2020-yil 30-noyabrdagi 12-2020-son qaroriga ILOVA
“Yuridik taʼlim muassasalari (harbiy, maxsus oliy taʼlim muassasalaridan tashqari) talabalari tomonidan tanishtiruv va malakaviy amaliyotni, shuningdek stajirovkani oʻtash tartibi toʻgʻrisidagi nizomni tasdiqlash haqida”gi qarorga kiritilayotgan oʻzgartirishlar va qoʻshimcha
1. Qarorning nomi va 1-bandidagi “tanishtiruv va malakaviy amaliyotni” degan soʻzlar “tanishtiruv va bitiruv malakaviy amaliyotni” degan soʻzlar bilan almashtirilsin.
2. Nizomda :
a) nomidagi “tanishtiruv va malakaviy amaliyotni” degan soʻzlar “tanishtiruv va bitiruv malakaviy amaliyotni” degan soʻzlar bilan almashtirilsin;
b) muqaddima , 1-bobning nomi , 1 va 2-bandlar quyidagi tahrirda bayon etilsin:
“Mazkur Nizom Oʻzbekiston Respublikasining “Taʼlim toʻgʻrisida”gi Qonuni, Oʻzbekiston Respublikasi Prezidentining 2020-yil 29-apreldagi PF-5987-son “Oʻzbekiston Respublikasida yuridik taʼlim va fanni tubdan takomillashtirish boʻyicha qoʻshimcha chora-tadbirlar toʻgʻrisida”gi Farmoni va Oʻzbekiston Respublikasi Prezidentining 2017-yil 28-apreldagi PQ-2932-son “Toshkent davlat yuridik universitetida kadrlar tayyorlash tizimini tubdan takomillashtirish va samaradorligini oshirish chora-tadbirlari toʻgʻrisida”gi qaroriga muvofiq “yurisprudensiya” mutaxassisligi boʻyicha yuridik kadrlarni tayyorlashni amalga oshiruvchi oliy taʼlim muassasalari (harbiy, maxsus oliy taʼlim muassasalaridan tashqari) (bundan buyon matnda OTM deb yuritiladi) talabalari tomonidan tanishtiruv va bitiruv malakaviy amaliyotni, shuningdek stajirovka oʻtash tartibini belgilaydi.
1-bob. Umumiy qoidalar
1. Mazkur Nizomda quyidagi tushunchalardan foydalaniladi:
qabul qiluvchi tashkilot — talabalar tomonidan amaliyot oʻtalayotgan davlat hokimiyati va boshqaruvi organi, sud, huquqni muhofaza qiluvchi organ, advokatlik tuzilmasi, xoʻjalik boshqaruvi organi, tijorat tashkiloti, nodavlat notijorat tashkiloti, moliya-bank va boshqa muassasalarning yuridik xizmati, shuningdek yuridik klinikalar;
amaliyot — nazariy bilimlarni mustahkamlash, amaliy koʻnikma va mahorat hosil qilish, amaliyotda ishlashga tayyor boʻlishni taʼminlashga qaratilgan oʻquv jarayonining bir qismi;
tanishtiruv amaliyoti — bakalavriatning I — III kurs talabalari tomonidan kelajakdagi kasbiy faoliyat haqida maʼlumotlar olish va nazariy bilimlarni mustahkamlash hamda ajratilgan kreditlarni oʻzlashtirish maqsadida oʻtaladigan ixtiyoriy amaliyot turi;
bitiruv malakaviy amaliyot — taʼlimning yakunlovchi bosqichi hisoblanadigan va bakalavriatning IV kurs talabalari tomonidan nazariy bilimlarni mustahkamlash va amaliyotda qoʻllash koʻnikmalarini hosil qilish orqali amaliyotda ishlashga tayyor boʻlishlarini taʼminlash, shuningdek, bitiruv malakaviy ishi mavzusi boʻyicha materiallar toʻplash maqsadida oʻtaladigan majburiy amaliyot turi;
stajirovka — magistratura bosqichi talabalari tomonidan amaliy koʻnikma va pedagogik mahorat hosil qilishga qaratilgan, ajratilgan kreditlarini oʻzlashtirish maqsadida oʻtaladigan ixtiyoriy amaliyot turi;
OTMdan biriktirilgan bitiruv malakaviy amaliyot rahbari — oʻquv yuklamasida amaliyot soati ajratilgan, shuningdek bitiruv malakaviy amaliyotni tashkil etishga hamda uni nazorat qilishga masʼul boʻlgan OTM oʻqituvchisi;
qabul qiluvchi tashkilotdan biriktirilgan bitiruv malakaviy amaliyot rahbari — talabalarni amaliy koʻnikmalarga oʻrgatish va OTMdan biriktirilgan amaliyot rahbari bilan birgalikda egallangan bilimlarni baholash masʼuliyati yuklangan qabul qiluvchi tashkilot xodimi;
bitiruv malakaviy amaliyotni oʻtash dasturi — ishchi-oʻquv rejalarini hisobga olgan holda OTM tomonidan ishlab chiqiladigan va tasdiqlanadigan dastur.
2. Talabalar amaliyoti quyidagi turlarda oʻtaladi:
tanishtiruv amaliyoti;
bitiruv malakaviy amaliyot;
stajirovka.
Amaliyot oʻtash muddati va hajmi ishchi oʻquv reja, modul (fanlar) oʻquv dasturlari, amaliyot oʻtash dasturi bilan belgilanadi va amaliyot oʻtaganlik uchun tegishli kreditlar ajratiladi.
Mazkur Nizomning ishchi-oʻquv rejasiga tegishli qoidalari Toshkent davlat yuridik universitetining oʻquv rejasiga nisbatan qoʻllaniladi.”;
v) 4-band quyidagi tahrirda bayon etilsin:
“4. Amaliyotni tayyorlash, taʼminlash va oʻtashni muvofiqlashtirishni OTMning amaliyotni tashkillashtiruvchi boʻlinmasi amalga oshiradi.”;
g) 4-banddan soʻng quyidagi mazmundagi 1 1 -bob bilan toʻldirilsin:
“ 1 1 -bob. Tanishtiruv amaliyotini oʻtash tartibi
4 1 . Tanishtiruv amaliyoti ishchi-oʻquv rejada nazarda tutilgan eng kam soatlar hajmida talabalarning darsdan boʻsh vaqtlarida oʻtaladi.
4 2 . Tanishtiruv amaliyoti talaba tomonidan qabul qiluvchi tashkilot bilan kelishilgan holda oʻtaladi.
4 3 . Tanishtiruv amaliyoti yuzasidan qabul qiluvchi tashkilot tomonidan talabaning amaliyot oʻtash davomiyligi koʻrsatilgan maʼlumotnoma taqdim qilinadi.
Taqdim qilingan maʼlumotnoma asosida kreditlar oʻzlashtirilganligi hisobga olinadi.”;
d) 5 — 11-bandlar oʻz kuchini yoʻqotgan deb topilsin;
e) 2-bob quyidagi tahrirda bayon etilsin:
“ 2-bob. Bitiruv malakaviy amaliyotni oʻtash tartibi
12. Bitiruv malakaviy amaliyot uch bosqichga boʻlinadi:
tayyorlov;
asosiy;
hisobotlarni topshirish va baholash.
13. Bitiruv malakaviy amaliyot tayyorlov bosqichining birinchi kunida ishchi-oʻquv rejaga asosan OTMdan biriktirilgan bitiruv malakaviy amaliyot rahbari va qabul qiluvchi tashkilotdan biriktirilgan bitiruv malakaviy amaliyot rahbari tomonidan yigʻilish oʻtkaziladi. Yigʻilishda talabalar amaliyotni oʻtash dasturi bilan tanishadilar, uning maqsad va vazifalariga taalluqli koʻrsatmalar, ularni bajarish boʻyicha qoʻllanmalarni oladilar, bitiruv malakaviy amaliyot oʻtash va bitiruv malakaviy amaliyot oʻtash toʻgʻrisida hisobot tuzish tartibi haqida xabardor qilinadilar.
Bitiruv malakaviy amaliyotni oʻtashning boshida talabalar qabul qiluvchi tashkilotning tuzilishi, faoliyat yoʻnalishlari, oʻziga xosligi bilan tanishadilar hamda OTMdan biriktirilgan bitiruv malakaviy amaliyot rahbari va qabul qiluvchi tashkilotdan biriktirilgan bitiruv malakaviy amaliyot rahbari bilan birgalikda bitiruv malakaviy amaliyotni oʻtash dasturini bajarish reja-jadvalini tuzadilar.
14. Bitiruv malakaviy amaliyotni oʻtashning asosiy bosqichida talaba bevosita qabul qiluvchi tashkilotda amaliyotni oʻtash dasturini bajarish reja-jadvalida koʻrsatib oʻtilgan ishni bajaradi.
15. Bitiruv malakaviy amaliyot yakunlari boʻyicha hisobotni topshirish bitiruv malakaviy amaliyotning yakuniy bosqichi hisoblanadi.
Talaba bitiruv malakaviy amaliyot tugagan kunning keyingi ish kunida OTMdan biriktirilgan amaliyot rahbariga amaliyot oʻtash toʻgʻrisida hisobot taqdim etadi.
Bitiruv malakaviy amaliyot yakunlari boʻyicha hisobotda bajarilgan ish, oʻrganilgan huquqni qoʻllash amaliyoti, shuningdek olingan bilim va koʻnikmalar aks ettiriladi. Hisobot talaba tomonidan imzolanadi hamda qabul qiluvchi tashkilotdan biriktirilgan bitiruv malakaviy amaliyot rahbari imzosi bilan tasdiqlanadi.
Bitiruv malakaviy amaliyot yakunlari boʻyicha hisobot toʻgʻridan toʻgʻri yoki elektron tizim orqali topshiriladi hamda Oʻquv-uslubiy boshqarma tomonidan shifrlangan holda baholash uchun professor-oʻqituvchilarga taqdim etiladi.
16. Bitiruv malakaviy amaliyot yakunlari boʻyicha hisobotni baholash quyidagi mezonlarga asosan amalga oshiriladi:
nazariy va amaliy bilimlar darajasi;
talaba tomonidan amaliyot davomida toʻplangan materiallarning tuzilishi, darajasi va sifati hamda uni oʻtash davomida oʻrganilgan masalalarning yoritib berilishi.
16 1 . Bitiruv malakaviy amaliyot yakunlari yuzasidan baho oʻqish boʻyicha baholarga tenglashtiriladi va talabalar umumiy oʻzlashtirishining yakunlarini chiqarishda hamda tegishli kreditlarini oʻzlashtirilganligini belgilashda inobatga olinadi.
16 2 . Bitiruv malakaviy amaliyot oʻtashning kunlik davomiyligi OTM tomonidan belgilanadi.
16 3 . Bitiruv malakaviy amaliyotni tashkil etish uchun oldindan OTM rektori tomonidan amaliyot muddati va uni oʻtash joyi, masʼul shaxslar va joʻnatilayotgan talabalarning, OTMdan biriktirilgan bitiruv malakaviy amaliyot rahbarlarining tarkibiy roʻyxati belgilangan buyruq qabul qilinadi.
16 4 . Talaba bitiruv malakaviy amaliyotni oʻtashda:
bitiruv malakaviy amaliyot boʻyicha uslubiy va koʻrsatma materiallar bilan tanishishi;
bitiruv malakaviy amaliyotni tashkil etish va oʻtashni nazorat qilish boʻyicha tadbirlarda ishtirok etishi;
bitiruv malakaviy amaliyotni oʻtash dasturida nazarda tutilgan barcha topshiriqlarni belgilangan muddatlarda, toʻliq hajmda va sifatli bajarishi;
OTMdan biriktirilgan bitiruv malakaviy amaliyot rahbarining talabi bilan koʻrib chiqish uchun bitiruv malakaviy amaliyotni oʻtash toʻgʻrisidagi hisobotini taqdim qilishi;
keyingi amaliy faoliyatda foydalanilishi mumkin boʻlgan materiallar toʻplamini shakllantirish;
qabul qiluvchi tashkilotning ichki mehnat tartib qoidalari va xodimlari faoliyatining tartibini belgilovchi hujjatlarga rioya qilishi shart.
16 5 . OTMdan biriktirilgan bitiruv malakaviy amaliyot rahbari bitiruv malakaviy amaliyotga tayyorgarlik koʻrish va uni oʻtkazish jarayonida mehnatni muhofaza qilish hamda faoliyat xavfsizligini taʼminlash boʻyicha kompleks chora-tadbirlar koʻrilishini taʼminlaydi, talabalarni oʻz vaqtida amaliyot oʻtash joylariga taqsimlaydi.
16 6 . OTMdan biriktirilgan bitiruv malakaviy amaliyot rahbari:
bitiruv malakaviy amaliyotni oʻtashga ketayotgan talabalarga uni oʻtash boʻyicha yoʻl-yoʻriqlar beradi;
talabalarning bitiruv malakaviy amaliyotini oʻtash joyiga yetib kelishini nazorat qiladi;
qabul qiluvchi tashkilot rahbari va qabul qiluvchi tashkilotdan biriktirilgan bitiruv malakaviy amaliyot rahbari bilan aloqalar oʻrnatadi;
talabalarga bitiruv malakaviy amaliyot oʻtash dasturini bajarish boʻyicha uslubiy yordam koʻrsatadi;
bitiruv malakaviy amaliyotning butun davri uchun talabalarga individual reja tuzadi, qabul qiluvchi tashkilotdan biriktirilgan bitiruv malakaviy amaliyot rahbari bilan birgalikda ishning hajmi va tarkibini belgilaydi;
bitiruv malakaviy amaliyotni oʻtash joylariga talabalarni taqsimlashda ishtirok etadi;
bitiruv malakaviy amaliyotni oʻtash muddatlari va uni oʻtash tartibiga rioya qilinishi, shuningdek, bitiruv malakaviy amaliyotni oʻtash dasturi bajarilishining nazoratini, shu jumladan, bevosita talabalar amaliyot oʻtayotgan joyga chiqish yoʻli bilan amalga oshiradi.”
16 7 . Qabul qiluvchi tashkilotdan biriktirilgan bitiruv malakaviy amaliyot rahbari:
talabalarga texnika xavfsizligi, yongʻin xavfsizligi, shuningdek qabul qiluvchi tashkilotning ichki tartib qoidalari va ish rejimining xususiyatlari boʻyicha yoʻl-yoʻriqlar koʻrsatadi;
qabul qiluvchi tashkilotning belgilangan obyektlari boʻyicha talabalarni taqsimlaydi, uning tuzilishi, faoliyat yoʻnalishlari va oʻziga xos xususiyatlari bilan tanishtiradi;
talabalarni bitiruv malakaviy amaliyotni oʻtash dasturiga taalluqli materiallardan foydalanish imkoniyatini taʼminlaydi;
talabalar tomonidan bitiruv malakaviy amaliyotni oʻtash dasturining bajarilishi uchun zarur sharoitlar yaratadi;
talabalarga ishlab chiqarish masalalari boʻyicha maslahatlar beradi;
bajarilayotgan ish ustidan doimiy nazoratni amalga oshiradi;
talaba ish kunining belgilangan davomiyligiga rioya etilishini taʼminlaydi;
talaba ish vaqtidan samarali foydalanishini taʼminlaydi;
bitiruv malakaviy amaliyot oʻtash toʻgʻrisidagi hisobotni tasdiqlaydi;
OTMdan biriktirilgan bitiruv malakaviy amaliyot rahbarini talaba tomonidan amaliyot oʻtash dasturi bajarilmayotganligi hamda barcha mehnat intizomi buzilishlari haqida xabardor qiladi;
OTMdan biriktirilgan bitiruv malakaviy amaliyot rahbari bilan aloqani ushlab turadi.
Qabul qiluvchi tashkilotdan biriktirilgan bitiruv malakaviy amaliyot rahbariga talabaga bitiruv malakaviy amaliyot oʻtash dasturi bilan bogʻliq boʻlmagan topshiriqlarni berish taqiqlanadi.
16 8 . Bitiruv malakaviy amaliyot OTM bilan qabul qiluvchi tashkilot oʻrtasidagi qabul qiluvchi tashkilotning amaliyot oʻtash uchun joy ajratish majburiyatini nazarda tutuvchi shartnomalar asosida amalga oshiriladi.
OTM va qabul qiluvchi tashkilot bitiruv malakaviy amaliyotni tashkil etish va oʻtkazish boʻyicha shartnomada shartnoma predmetini, taraflarning huquq va majburiyatlarini, bitiruv malakaviy amaliyotni tashkil etish tartibini, shartnomaning amal qilish muddatini, shartnomani bekor qilish asoslarini, shuningdek taraflarning javobgarligini kelishib oladi.
16 9 . Bitiruv malakaviy amaliyot yakunlari boʻyicha qoniqarsiz baho olinishi talaba tomonidan tegishli kreditlarni qayta oʻzlashtirilishi uchun asos boʻlib xizmat qiladi.”;
j) 3-bobning nomi , 17 va 18-bandlar quyidagi tahrirda bayon etilsin:
“ 3-bob. Stajirovka oʻtash tartibi
17. Stajirovka talaba ixtiyoriga koʻra qabul qiluvchi tashkilotlarda, shuningdek tegishli modul (fan) oʻquv dasturiga muvofiq pedagogik amaliyot sifatida, qoida tariqasida, akademik litsey va texnikumlarda oʻquv mashgʻulotlarini oʻtkazish koʻrinishida oʻtaladi.
18. Stajirovka oʻtalganligi qabul qiluvchi tashkilotdan taqdim etiladigan maʼlumotnoma asosida kreditlarni hisobga olish tartibida belgilanadi.”;
z) 19-band oʻz kuchini yoʻqotgan deb topilsin;
i) 4-bobning nomi , 20 — 22-bandlar quyidagi tahrirda bayon etilsin:
“ 4-bob. Amaliyotni tashkillashtirishning shartlari
20. Amaliyotni barcha bosqichlarda tashkil etish talabalar tomonidan kasbiy koʻnikmalarni egallashda uzluksizlik va izchillikni taʼminlashga yoʻnaltirilishi lozim.
21. Oʻqituvchilarning amaliyotdagi oʻquv yuklamasi ishchi-oʻquv rejada koʻrsatilgan oʻquv pedagogik soatlar (haftalar)dan va amaliyotni oʻtash turidan kelib chiqib aniqlanadi.
22. Qabul qiluvchi tashkilot amaliyotga yuborilgan talabalarga amaliyot rahbarini biriktiradi.”;
k) 23 — 31-bandlar oʻz kuchini yoʻqotgan deb topilsin;
l) 5-bobning nomi quyidagi tahrirda bayon etilsin:
“ 5-bob. Moddiy taʼminot ”.
Adliya vaziri R. DAVLETOV
Moliya vaziri T. IShMETOV
Oʻzbekiston Respublikasi Bosh prokurori N. YULDOShEV
Oʻzbekiston Respublikasi Oliy sudining raisi K. KAMILOV
Oliy va oʻrta maxsus taʼlim vaziri I. MADJIDOV
Toshkent sh.,
2020-yil 28-noyabr,
Toshkent sh.,
2020-yil 1-dekabr,
Toshkent sh.,
2020-yil 23-noyabr,
Toshkent sh.,
2020-yil 25-noyabr,
Toshkent sh.,
2020-yil 30-noyabr,
5-son
54-son
qq-63-son
667-son
12-2020-son
Министерства юстиции Республики Узбекистан Верховного суда Республики Узбекистан Генеральной прокуратуры Республики Узбекистан Министерства финансов Республики Узбекистан Министерства высшего и среднего специального образования Республики Узбекистан
Постановление
О внесении изменений и дополнения в постановление «Об утверждении Положения о порядке прохождения студентами юридических образовательных учреждений (кроме военных, специальных высших образовательных учреждений) ознакомительной и квалификационной практики, а также стажировки»
В соответствии с Указом Президента Республики Узбекистан от 29 апреля 2020 года № ПП-5987 «О дополнительных мерах по кардинальному совершенствованию юридического образования и науки в Республике Узбекистан» Министерство юстиции, Верховный суд, Генеральная прокуратура, Министерство финансов и Министерство высшего и среднего специального образования Республики Узбекистан постановляют:
1. Внести изменения и дополнение в постановление Министерства юстиции, Верховного суда, Высшего хозяйственного суда, Генеральной прокуратуры, Министерства финансов и Министерства высшего и среднего специального образования Республики Узбекистан от 31 декабря 2013 года №№ 3, КТБ-443-13, 06-17/2-4246, 14-К/К, 119, 58/КК «Об утверждении Положения о порядке прохождения студентами юридических образовательных учреждений (кроме военных, специальных высших образовательных учреждений) ознакомительной и квалификационной практики, а также стажировки» (рег. № 2548 от 31 декабря 2013 года) (Собрание законодательства Республики Узбекистан, 2014 г., № 1, ст. 13) согласно приложению .
2. Настоящее постановление вступает в силу со дня его официального опубликования.
ПРИЛОЖЕНИЕ к постановлению Министерства юстиции от 28 ноября 2020 года № 5, Верховного суда от 25 ноября 2020 года № 667, Генеральной прокуратуры от 23 ноября 2020 года № кк-63, Министерства финансов от 1 декабря 2020 года № 54 и Министерства высшего и среднего специального образования Республики Узбекистан от 30 ноября 2020 года № 12-2020
Изменения и дополнение, вносимые в постановление «Об утверждении Положения о порядке прохождения студентами юридических образовательных учреждений (кроме военных, специальных высших образовательных учреждений) ознакомительной и квалификационной практики, а также стажировки»
1. В наименовании и пункте 1 постановления слова «ознакомительной и квалификационной практики» заменить словами «ознакомительной и выпускной квалификационной практики».
2. В Положении :
а) в наименовании слова «ознакомительной и квалификационной практики» заменить словами «ознакомительной и выпускной квалификационной практики»;
б) преамбулу , наименование главы 1, пункты 1 и 2 изложить в следующей редакции:
«Настоящее Положение в соответствии с Законом Республики Узбекистан «Об образовании», Указом Президента Республики Узбекистан от 29 апреля 2020 года № УП-5987 «О дополнительных мерах по кардинальному совершенствованию юридического образования и науки в Республике Узбекистан» и постановлением Президента Республики Узбекистан от 28 апреля 2017 года № ПП-2932 «О мерах по коренному совершенствованию системы и повышению эффективности подготовки кадров в Ташкентском государственном юридическом университете» определяет порядок прохождения студентами высших образовательных учреждений (кроме военных, специальных высших образовательных учреждений), осуществляющих подготовку юридических кадров по специальности «юриспруденция» (далее — ВУЗ), ознакомительной и выпускной квалификационной практики, а также стажировки.
Глава 1. Общие положения
1. В настоящем Положении используются следующие понятия:
принимающая организация — орган государственной власти и управления, судебный, правоохранительный орган, адвокатское формирование, юридическая служба органа хозяйственного управления, коммерческой организации, негосударственной некоммерческой организации, финансово-банковского и иного учреждения, в которых проходит практика студентов, а также юридические клиники;
практика — часть учебного процесса, направленная на закрепление теоретических знаний, приобретение практических навыков и умений, обеспечение готовности к работе на практике;
ознакомительная практика — вид добровольной практики, проходимой студентами I — III курсов бакалавриата в целях получения сведений о будущей профессиональной деятельности и закрепления теоретических знаний, а также освоения выделенных кредитов;
выпускная квалификационная практика — вид обязательной практики, которая является завершающим этапом обучения и проходится студентами IV курсов бакалавриата в целях обеспечения готовности к работе на практике посредством закрепления теоретических знаний и приобретения практических навыков и умений, а также для сбора материалов по теме выпускной квалификационной работы;
стажировка — вид добровольной практики, проходимой студентами магистратуры, направленный на приобретение практических навыков и педагогического мастерства, а также освоение выделенных кредитов;
руководитель выпускной квалификационной практики, закрепленный от ВУЗа — преподаватель ВУЗа, у которого часы практики включены в учебную нагрузку, а также ответственный за организацию и контроль выпускной квалификционной практики;
руководитель выпускной квалификационной практики, закрепленный от принимающей организации — сотрудник принимающей организации, на которого возложена ответственность за обучение студентов практическим навыкам и оценка полученных знаний совместно с руководителем практики от ВУЗа;
программа прохождения выпускной квалификационной практики — программа, разрабатываемая и утверждаемая ВУЗом с учетом рабочих учебных планов.
2. Практика студентов проходит по следующим видам:
ознакомительная практика;
выпускная квалификационная практика;
стажировка.
Сроки и объем прохождения практики определяются рабочим учебным планом, учебными программами модулей (дисциплин), программой прохождения практики и для прохождения практики выделяются соответствующие кредиты.
Нормы настоящего Положения, относящиеся к рабочему учебному плану, применяются к учебному плану Ташкентского государственного юридического университета.»;
в) пункт 4 изложить в следующей редакции:
«4. Подготовку, обеспечение и координацию прохождения практики осуществляет структурное подразделение ВУЗа по организации практики.»;
г) после пункта 4 дополнить главой 1 1 следующего содержания:
«Глава 1 1 . Порядок прохождения ознакомительной практики
4 1 . Ознакомительная практика проходится студентами в свободное от учебы время в объеме минимального количества часов, предусмотренном рабочим учебным планом.
4 2 . Ознакомительная практика проходится студентами по согласованию с принимающей организацией.
4 3 . О прохождении практики принимающей организацией выдается справка с указанием продолжительности прохождения практики студентом.
На основании представленной справки учитывается усвоение кредитов.»;
д) пункты 5 — 11 признать утратившими силу;
е) главу 2 изложить в следующей редакции:
« Глава 2. Порядок прохождения выпускной квалификационной практики
12. Выпускная квалификационная практика подразделяется на три этапа:
подготовительный;
основной;
сдача отчетов и оценка.
13. На подготовительном этапе в соответствии с рабочим учебным планом в первый день прохождения выпускной квалификационной практики руководителем выпускной квалификационной практики, закрепленным от ВУЗа и руководителем выпускной квалификационной практики, закрепленным от принимающей организации проводится собрание. На собрании студенты знакомятся с программой прохождения выпускной квалификационной практики, получают установки относительно ее целей и задач, инструкции по их выполнению, информируются о порядке прохождения выпускной квалификационной практики и составления отчета о прохождении выпускной квалификационной практики.
В начале прохождения выпускной квалификационной практики студенты знакомятся со структурой, направлениями работы, спецификой принимающей организации, и совместно с руководителем выпускной квалификационной практики, закрепленным от ВУЗа и руководителем выпускной квалификационной практики, закрепленным от принимающей организации составляют план-график выполнения программы прохождения выпускной квалификационной практики.
14. На основном этапе прохождения выпускной квалификационной практики студент непосредственно в принимающей организации выполняет работу, предусмотренную планом-графиком выполнения программы прохождения практики.
15. Представление отчета по итогам выпускной квалификационной практики является заключительным этапом выпускной квалификационной практики.
Студент представляет отчет о прохождении практики руководителю практики, закрепленного от ВУЗа, в следующий рабочий день после окончания выпускной квалификационной практики.
В отчете по итогам выпускной квалификационной практики отражаются выполненная работа, изученная правоприментельная практика, а также полученные знания и навыки. Отчет подписывается студентом и утверждается руководителем выпускной квалификационной практики закрепленным от принимающей организации.
Отчет по итогам выпускной квалификационной практики предоставляется непосредственно либо через электронную систему, а также Учебно-методическим управлением представляется для оценивания профессорско-преподавательскому составу в шифрованном виде.
16. Оценка отчета по итогам выпускной квалификационной практики проводится на основании следующих критериев:
уровень теоретических и практических знаний;
структура, уровень и качество материалов, собранных студентом во время выпускной квалификационной практики и раскрытия вопросов, изученных во время ее прохождения.
16 1 . Оценка отчета по итогам выпускной квалификационной практики приравнивается к оценкам по учебе и учитывается при подведении итогов общей успеваемости студентов и учете усвоения соответствующих кредитов.
16 2 . Ежедневная продолжительность прохождения выпускной квалификационной практики определяется ВУЗом.
16 3 . Для организации выпускной квалификационной практики ректором ВУЗа заблаговременно принимается приказ, где определяются продолжительность практики и место её прохождения, перечень ответственных лиц и направляемых студентов, руководителей выпускной квалификационной практики, закрепленных от ВУЗа.
16 4 . Студент при прохождении выпускной квалификационной практики обязан:
ознакомиться с методическими и инструктивными материалами по выпускной квалификационной практике;
принимать участие в мероприятиях по организации и контролю прохождения выпускной квалификационной практики;
в установленные сроки, в полном объеме и качественно выполнять все задания, предусмотренные программой прохождения выпускной квалификационной практики;
по требованию руководителя выпускной квалификационной практики, закрепленного от ВУЗа предоставлять для рассмотрения отчет о прохождении практики;
формирование сборника материалов, которые могут быть использованы в дальнейшей практической деятельности;
соблюдать правила внутреннего трудового распорядка и акты, определяющие порядок деятельности работников принимающей организации.
16 5 . Руководитель выпускной квалификационной практики, закрепленный от ВУЗа обеспечивает принятие комплекса мер по охране труда и безопасности деятельности в процессе подготовки и проведения выпускной квалификационной практики, своевременно распределяет студентов по местам прохождения практики.
16 6 . Руководитель выпускной квалификационной практики, закрепленный от ВУЗа:
проводит инструктаж со студентами, направленными для прохождения выпускной квалификационной практики, по ее прохождению;
контролирует прибытие студентов к месту прохождения выпускной квалификационной практики;
устанавливает контакты с руководителем принимающей организации и с руководителем выпускной квалификационной практики, закрепленным от принимающей организации;
оказывает студентам методическую помощь по выполнению программы прохождения выпускной квалификационной практики;
составляет индивидуальный план для студентов на весь период выпускной квалификационной практики, определяет объем и содержание работы совместно с руководителем выпускной квалификационной практики закреплённым от принимающей организации;
принимает участие в распределении студентов по местам прохождения выпускной квалификационной практики;
осуществляет контроль за соблюдением сроков выпускной квалификационной практики и порядка её прохождения, а также выполнением программы прохождения выпускной квалификационной практики, в том числе путем посещения на мест прохождения студентами выпускной квалификационной практики.
16 7 . Руководитель выпускной квалификационной практики, закрепленный от принимающей организации:
проводит инструктажи студентов по технике безопасности, по пожарной безопасности, а также по правилам внутреннего распорядка и особенностям режима работы принимающей организации;
распределяет студентов по определенным объектам принимающей организации, знакомит с ее структурой, направлениями работы и спецификой;
обеспечивает возможность использования студентами материалов программы прохождения выпускной квалификационной практики;
создает необходимые условия для выполнения студентами программы прохождения выпускной квалификационной практики;
консультирует студентов по производственным вопросам;
осуществляет постоянный контроль за выполняемой работой;
обеспечивает соблюдение установленной продолжительности рабочего дня студента;
обеспечивает эффективное использование студентом рабочего времени;
утверждает отчет о прохождении выпускной квалификационной практики;
информирует руководителя выпускной квалификационной практики, закрепленного от ВУЗа о невыполнении студентом программы прохождения выпускной квалификационной практики, а также о всех нарушениях студентом трудовой дисциплины;
поддерживает связь с руководителем выпускной квалификационной практики, закрепленным от ВУЗа.
Руководителю выпускной квалификационной практики, закрепленному от принимающей организации запрещается давать студенту поручения, не связанные с программой прохождения выпускной квалификационной практики.
16 8 . Выпускная квалификационная практика осуществляется на основе договоров между ВУЗами и принимающими организациями, предусматривающих обязанность принимающей организации предоставлять места для прохождения выпускной квалификационной практики.
В договоре об организации и прохождении выпускной квалификационной практики ВУЗ и принимающая организация оговаривают предмет договора, права и обязанности сторон, порядок организации выпускной квалификационной практики, сроки действия договора, основания прекращения договора, а также ответственность сторон.
16 9 . Неудовлетворительная оценка по итогам выпускной квалификационной практики служит основанием для повторного освоения студентом соответствующих кредитов.»;
ж) наименование главы 3, пункты 17 и 18 изложить в следующей редакции:
Глава 3. Порядок прохождения стажировки
17. Стажировка осуществляется по желанию студента в принимающих организациях, а также в качестве педагогической практики по соответствующей учебной программе модуля (дисциплины), как правило, в форме преподавания учебных занятий в академических лицеях и техникумах.
18. Прохождение стажировки определяется на основании справки, предоставленной принимающей организацией, в порядке учета кредитов.»;
з) пункт 19 признать утратившим силу;
и) наименование главы 4, пункты 20 — 22 изложить в следующей редакции:
« Глава 4. Условия организации практики
20. Организация практики на всех этапах должна быть направлена на обеспечение непрерывности и последовательности в овладении студентами профессиональных навыков.
21. Учебная нагрузка преподавателей на практике определяется исходя из количества учебных педагогических часов (недель), предусмотренных рабочим учебным планом, и вида практики.
22. Принимающая организация прикрепляет руководителя практики к студентам, направленным на практику.»;
к) пункты 23 — 31 признать утратившими силу.
л) наименование главы 5 изложить в следующей редакции:
« Глава 5. Материальное обеспечение ».
Министр юстиции Р. ДАВЛЕТОВ
Генеральный прокурор Республики Узбекистан Н. ЙУЛДОШЕВ
Председатель Верховного суда Республики Узбекистан К. КАМИЛОВ
Министр финансов Т. ИШМЕТОВ
Министр высшего и среднего специального образования И. МАДЖИДОВ
г. Ташкент,
28 ноября 2020 г.,
г. Ташкент,
23 ноября 2020 г.,
г. Ташкент,
25 ноября 2020 г.,
г. Ташкент,
1 декабря 2020 г.,
г. Ташкент,
30 ноября 2020 г.,
№ 5
№ ққ-63
№ 667
№ 54
№ 12-2020