📅 2020-yil 17-dekabr · Prezident qarorlari
Rasmiy matn. Rasmiy hujjat. Tahririy izohlar kiritilmagan.
UzbekAI
📅 2020 йил 17 декабрь · Президент қарорлари
Расмий матн. Расмий ҳужжат. Таҳририй изоҳлар киритилмаган.
📅 17 декабря 2020 г. · Постановления Президента
Официальный текст. Официальный документ. Редакционные примечания не включены.
📅 17 December 2020 · Presidential resolutions
Official text. Official document. Editorial notes are not included.
Ўзбекистон Республикаси Президентининг
Қарори
комиссияси таркиби
Ўзбекистон Республикаси давлат мустақиллигининг ўттиз йиллик байрамига тайёргарлик кўриш ва уни юқори савияда ўтказиш тўғрисида
Маълумки, 2021 йилда халқимиз неча юз йиллик тарихи давомида орзу қилиб, интилиб яшаган ва ХХ аср сўнггида эришган, мамлакатимиз ҳаёти ва тақдирида туб бурилиш ясаган, том маънодаги буюк, оламшумул воқеа — Ўзбекистон Республикаси давлат мустақиллиги эълон қилинганига ўттиз йил тўлади.
Мустақиллик йилларида кўп миллатли Ўзбекистон халқи ўзининг буюк салоҳияти, мустаҳкам иродаси ва матонатини намоён этди, оғир синов ва машаққатларни мардона енгиб, катта тараққиёт йўлини босиб ўтди.
Юртимиз илгариги иқтисодиёти бир томонлама шаклланган, қолоқ республикадан барча соҳаларда жадал ривожланиб, фуқароларнинг ҳаёт даражаси, сиёсий-ижтимоий фаоллиги, онгу тафаккури тобора юксалиб бораётган, жаҳон ҳамжамиятининг тенг ҳуқуқли аъзоси сифатида узоқ-яқиндаги барча мамлакатлар билан дўстлик ва ҳамкорлик муносабатларини кенг миқёсда олиб бораётган замонавий, очиқ ва демократик давлатга айланди.
Сўнгги йилларда амалга оширилган ислоҳотларимиз натижасида, айниқса, 2017— 2021 йилларда Ўзбекистон Республикасини ривожлантиришнинг бешта устувор йўналиши бўйича Ҳаракатлар стратегиясини ҳаётга жорий этиш асосида мамлакатимизнинг сиёсий, ҳуқуқий, ижтимоий-иқтисодий, маънавий-маърифий ҳаётини тубдан янгилаш, «Миллий тикланишдан — миллий юксалиш сари» ғоясини реал воқеликка айлантириш борасида салмоқли ютуқлар қўлга киритилмоқда.
Жаҳон миқёсида давом этаётган коронавирус пандемияси ва иқтисодий инқирозга, шунингдек бошқа турли таҳдид ва хатарларга қарамасдан, халқимизнинг мустақил тараққиёт йўлидаги амалий ҳаракатлари изчил давом эттирилмоқда.
Жамиятимизда тинчлик ва барқарорлик, фуқаролар ва миллатлараро ҳамжиҳатлик муҳити мустаҳкамланмоқда. Янги Ўзбекистонни барпо этиш мақсадида кенг кўламли ислоҳотлар, ҳаётимизнинг барча жабҳаларини эркинлаштириш, иқтисодиёт ва унинг тармоқларини, хусусий тадбиркорликни жадал ривожлантириш борасида катта ўзгаришлар амалга оширилмоқда. Жумладан, аҳолининг ижтимоий ҳимояга муҳтож қатламини ҳар томонлама қўллаб-қувватлаш, камбағалликни қисқартириш, янги иш ўринлари ва даромад манбаларини яратишга алоҳида эътибор қаратилмоқда.
Ўзбекистон Республикаси давлат мустақиллигининг ўттиз йиллиги босиб ўтган ривожланиш йўлимизни сарҳисоб қилиш, мамлакатимизда амалга оширилаётган янгиланиш жараёнларини чуқур таҳлил қилиш орқали олдимизда турган устувор вазифа — Ўзбекистоннинг янги тараққиёт даври учун пойдевор яратишга қаратилган саъй-ҳаракатларимизни янада кучайтиришда ғоят муҳим аҳамият касб этади.
Мамлакатимиз мустақиллигининг улкан сиёсий, тарихий ва маънавий-маърифий аҳамиятини инобатга олиб, истиқлол йўлининг асосий мақсад ва вазифаларини янги босқичда оғишмай, самарали давом эттириш, бу қутлуғ санани давлатимиз ва жамиятимизнинг бугунги тараққиёт даражаси, халқаро майдондаги обрў-эътиборига муносиб юксак савияда, умумхалқ байрами сифатида кенг нишонлаш мақсадида:
1. Ўзбекистон Республикаси давлат мустақиллигининг ўттиз йиллик байрамига тайёргарлик кўриш ва уни юқори савияда ўтказиш бўйича республика комиссияси (кейинги ўринларда — Республика комиссияси) ташкил қилинсин ва унинг таркиби иловага мувофиқ тасдиқлансин.
2. Республика комиссияси бир ҳафта муддатда қуйидаги устувор йўналишларни атрофлича ёритишга алоҳида эътибор қаратган ҳолда «Янги Ўзбекистонда эркин ва фаровон яшайлик!» ғоясини ўзида мужассам этган ташкилий-амалий, маънавий-маърифий ҳамда тарғибот-ташвиқот тадбирлари дастурини (кейинги ўринларда — Дастур) тасдиқласин:
жамиятда қонун устуворлиги ва судларнинг мустақиллигини таъминлаш, ҳуқуқни муҳофаза қилувчи идоралар раҳбарларининг вакиллик органлари ва жамоатчилик олдида ҳисобот бериш тизимининг йўлга қўйилгани, фуқароларнинг ҳуқуқ ва эркинликларини ишончли ҳимоя қилиш борасида амалга оширилаётган туб ислоҳотлар;
мамлакатимизни модернизация қилиш, давлат ва жамият бошқаруви тизимининг сифати ва самарасини янада ошириш, коррупцияга қарши курашиш, фуқаролик жамияти институтлари ҳамда оммавий ахборот воситалари ролини кучайтиришга қаратилган кенг кўламли ишлар;
«Инсон манфаатлари — ҳамма нарсадан устун» ва «Халқ давлат идораларига эмас, балки давлат идоралари халқимизга хизмат қилиши керак» тамойиллари асосида фуқароларнинг ижтимоий муаммоларини ҳал этиш, ҳуқуқ ва қонуний манфаатларини таъминлаш бўйича эришилаётган натижалар;
иқтисодиётни либераллаштириш, иқтисодиёт тармоқларига маъмурий таъсирларни қисқартириш, рақамли иқтисодиётни жорий этиш, хусусий мулк ҳуқуқини ҳимоя қилиш ва унинг устувор мавқеини кучайтириш, валюта бозорини эркинлаштириш, ҳудудларни ижтимоий-иқтисодий жиҳатдан комплекс ривожлантириш дастурлари, камбағалликни қисқартириш бўйича белгиланган вазифалар ижроси;
«Халқ бой бўлса, давлат ҳам бой ва қудратли бўлади» тамойилини ҳаётга жорий этиш орқали аҳолини тадбиркорликка кенг жалб этиш, бизнес юритиш шартларини енгиллаштириш, оилавий тадбиркорлик ва касаначилик, ҳунармандчиликни рағбатлантириш учун яратилган янги имкониятлар;
«Обод қишлоқ», «Обод маҳалла», «Беш муҳим ташаббус», «Бир миллион дастурчи» каби ижтимоий лойиҳаларнинг жорий этилиши, аҳоли бандлигини таъминлаш, унинг реал даромадларини изчил ошириб бориш, таълим-тарбия, илм-фан, маданият, санъат ва адабиёт, спорт соҳаларини тубдан ривожлантириш;
жамиятда хотин-қизларнинг ўрни ва нуфузини, ижтимоий-сиёсий фаоллигини ошириш, уларнинг ҳуқуқ ва манфаатларини таъминлаш, оила, оналик ва болаликни ҳар томонлама ҳимоя қилиш, ёш қизларнинг замонавий билим ва касб-ҳунарларни эгаллаши учун кўмак ва ёрдам бериш, тадбиркор аёлларни молиявий қўллаб-қувватлаш борасидаги ишлар;
ёшларга оид давлат сиёсатини самарали олиб бориш, жумладан ёшларнинг таълим олиш имкониятларини кенгайтириш, уларни муносиб иш билан таъминлаш, меҳнат бозорида талаб юқори бўлган касб-ҳунарларга тайёрлаш, ёш тадбиркорларни давлат томонидан қўллаб-қувватлаш бўйича амалга оширилаётган дастурлар;
аҳолини турар жой билан таъминлаш, хусусан намунавий лойиҳалар асосида арзон уй-жойлар ва инфратузилма тармоқларини барпо этиш, кекса авлод вакилларини, ёш оилаларни ҳар томонлама қўллаб-қувватлаш, ёрдам ва кўмакка муҳтож фуқароларни ижтимоий ҳимоя қилиш борасидаги ишлар;
буюк аждодларимизнинг бой илмий ва маънавий меросини ўрганиш ва кенг тарғиб қилиш, Ўзбекистоннинг янги тараққиёт даври пойдеворини барпо этиш борасида белгилаб берилган узоқ муддатли стратегик вазифалар доирасида миллий ғояни ривожлантириш, жумладан давлат тилининг ўрни ва нуфузини оширишга қаратилган амалий ҳаракатлар;
халқимизнинг дунёқараши, сиёсий онги ва тафаккури, ҳаётга ва меҳнатга муносабати ўзгариб, ижтимоий муаммоларни ҳал этишда давлат ва фуқаролик институтлари ўртасидаги самарали ҳамкорликни кенгайтириш борасида амалга оширилаётган ишлар;
жамиятимизда тинчлик ва барқарорлик, миллатлараро тотувлик ва диний бағрикенгликни таъминлаш, чет эллардаги фуқароларимизнинг ҳуқуқ ва манфаатларини ҳимоя қилиш, ўзаро манфаатли ва амалий ташқи сиёсат юритиш, қўшни мамлакатлар билан дўстлик ҳамда ҳамкорлик муносабатларининг тубдан яхшилангани, минтақавий ва халқаро муаммоларни биргаликда ҳал этиш саъй-ҳаракатлари;
мамлакатимизда диний-маърифий соҳага берилаётган катта эътибор, хусусан Ўзбекистон ташаббуси билан Бирлашган Миллатлар Ташкилотининг «Маърифат ва диний бағрикенглик» резолюцияси қабул қилингани, Ислом цивилизацияси маркази, Имом Бухорий, Имом Термизий, Имом Мотуридий халқаро илмий-тадқиқот марказлари, Ўзбекистон халқаро ислом академияси, ҳадис ва калом мактабларини ташкил этиш билан боғлиқ амалий ишлар;
халқимизнинг тинч ва осойишта ҳаётини ишончли таъминлаш мақсадида Қуролли Кучлар тизимида олиб борилаётган кенг миқёсдаги ислоҳотлар, жумладан, миллий армияни модернизация қилиш, ҳарбий саноат комплексини яратиш, ҳарбий таълим тизими ва ҳуқуқ-тартибот органлари фаолиятини такомиллаштириш билан боғлиқ улкан ўзгаришлар;
жаҳон миқёсида турли қарама-қаршилик ва зиддиятлар тобора кескин тус олиб, экстремизм, терроризм, наркотрафик, одам савдоси, глобал пандемия каби таҳдидлар кучайиб бораётган бугунги таҳликали замонда ҳаётнинг ўзи талаб қилаётган мезонлар асосида доимо огоҳ ва ҳушёр бўлиб яшаш, ёшларни миллий ва умуминсоний қадриятлар руҳида тарбиялаш бўйича амалга оширилаётган муҳим ишлар.
3. Республика комиссияси (А.Н. Арипов):
Мустақиллик байрамига тайёргарлик кўриш ишлари ва Дастурда белгиланган чора-тадбирларнинг амалга оширилиши юзасидан ҳар бир ҳудуд, вазирлик ва идора раҳбарининг фаолиятини мувофиқлаштириб борсин;
жойларда таниқли олимлар, ижодкор зиёлилар ва жамоат ташкилотлари вакиллари билан аҳолининг кенг қатламлари ўртасида маданий-маърифий тадбирлар ва бадиий кечалар ўтказилишини таъминласин;
Қорақалпоғистон Республикаси, вилоятлар ва Тошкент шаҳрида ўтказиладиган байрам дастурларини тайёрлашга оммавий томошалар бўйича юксак маҳорат ва тажрибага эга бўлган илмий ва ижодкор зиёлилар, маданият ва санъат арбоблари, жумладан мақом ва бахшичилик санъати вакиллари, истеъдодли ёш ижрочилардан иборат ижодий гуруҳларни шартнома асосида жалб этиш чораларини кўрсин.
4. Фанлар академияси, Маданият вазирлиги, Бадиий академия, Республика Маънавият ва маърифат маркази, Ёзувчилар уюшмаси ҳамда кенг жамоатчиликнинг Ўзбекистон Республикаси давлат мустақиллигининг ўттиз йиллиги санаси муносабати билан:
пойтахтимизда «Истиқлол» мажмуасини ташкил этиш ва у ерда мустақиллигимизнинг мазмун-моҳияти ва тарихий аҳамиятини акс эттирадиган ёдгорлик композициясини барпо этиш;
Тошкент шаҳрида барпо этилаётган ер усти метро ҳалқа йўлини «Ўзбекистон мустақиллигининг ўттиз йиллиги» деб номлаш;
«Ўзбекистоннинг янги тараққиёт даври ва ривожланиш истиқболлари» мавзусида халқаро илмий-амалий конференцияни ташкил этиш;
ўтган даврда эришилган ютуқларга бағишланган «Янги Ўзбекистон» китоб-альбомини ҳамда ҳар бир соҳада амалга оширилган ислоҳотлар натижаларини ёритиб берувчи китоб-альбом ва тўпламларни нашр этиш;
2021 йилда юртимизда ўтказилиши режалаштирилган барча халқаро маданий-маърифий тадбирлар, спорт мусобақалари, илмий конференциялар, аждодларимиз юбилей саналарини мустақилликнинг ўттиз йиллиги ғояси ва руҳи билан уйғун ва ҳамоҳанг ҳолда ташкил этиш;
маданият ва санъатнинг барча йўналишлари (мусиқа, театр, кино, тасвирий ва амалий санъат, цирк, халқ ижодиёти) бўйича республика миқёсида фестиваль ва кўргазмаларни ташкил этиш;
юртимиз мустақиллигини тараннум этадиган энг яхши қўшиқ ва мусиқа асарлари ҳамда тарихий ва замонамиз қаҳрамонлари ҳаёти ва фаолияти ҳақидаги пьесалар танловларини ташкил этиш;
мустақиллик йилларида эришилган илмий ютуқлар асосида яратилган инновацион лойиҳа ва технологиялар кўргазмаларини ўтказиш ҳақидаги таклифлари маъқуллансин.
Вазирлар Маҳкамаси икки ой муддатда ушбу бандда назарда тутилган чора-тадбирларни амалга ошириш юзасидан Ҳукумат қарорини қабул қилсин.
5. Маданият вазирлиги (О.А. Назарбеков):
а) масъул вазирлик ва идоралар билан биргаликда давлатимиз мустақиллигининг ўттиз йиллигига бағишланган тантанали байрам тадбирларини замонавий технологиялардан фойдаланган ҳолда юқори бадиий савияда ўтказиш учун мамлакатимиз ва хориждан малакали мутахассисларни жалб этиш чораларини кўрсин;
б) Олий ва ўрта махсус таълим вазирлиги (И.У. Маджидов), Халқ таълими вазирлиги (Ш.Х. Шерматов), Миллатлараро муносабатлар ва хорижий мамлакатлар билан дўстлик алоқалари қўмитаси (Р.Д. Қурбонов), Республика Маънавият ва маърифат маркази (М.М. Ходжиматов) ва Ёзувчилар уюшмаси (С.С. Саидов) билан биргаликда:
Қорақалпоғистон Республикаси, вилоятлар ва Тошкент шаҳрида юртимизда фаолият юритаётган миллий маданият марказларини кенг жалб этган ҳолда байрам тантаналари ва халқ сайилларини ташкил қилсин;
маданият ва истироҳат боғларида шартнома асосида таниқли санъат намояндалари, бадиий ҳаваскорлик жамоалари иштирокида концерт дастурлари намойиш этилишини таъминласин;
кейинги йилларда юртимизда олиб борилаётган маънавий-маърифий ишлар, Ўзбекистоннинг янги тараққиёт даври пойдеворини яратишга бағишланган публицистик мақолалар ва шеърлардан иборат китобни республика бюджети маблағлари ҳисобидан чоп этсин.
6. Ташқи ишлар вазирлиги (А.Х. Камилов) Маданият вазирлиги (О.А. Назарбеков), «Ўзбеккино» миллий агентлиги (Ф.Ф. Абдухаликов), Бадиий академия (А.В. Нуриддинов), Республика Маънавият ва маърифат маркази (М.М. Ходжиматов) билан биргаликда хорижий мамлакатларда давлат мустақиллигининг ўттиз йиллиги муносабати билан кенг жамоатчилик, жумладан хорижий мамлакатларда яшаётган ватандошларимизни жалб қилган ҳолда «Ўзбекистон кунлари»ни ўтказсин ва унинг доирасида маданий-маърифий тадбирларни амалга оширсин.
7. «Ўзбеккино» миллий агентлиги (Ф.Ф. Абдухаликов) Ўзбекистон Миллий телерадиокомпанияси (А.Ж. Хаджаев), Қорақалпоғистон Республикаси Вазирлар Кенгаши, вилоятлар ва Тошкент шаҳар ҳокимликлари, манфаатдор вазирлик ва идоралар билан биргаликда:
бир ой муддатда давлат мустақиллигининг ўттиз йиллик байрами муносабати билан фильмлар яратиш дастурини ишлаб чиқсин ва тасдиқлаш учун Вазирлар Маҳкамасига киритсин;
2021 йил давомида барча туман (шаҳар)лар, қишлоқ ва овулларда, шунингдек миллий телеканалларда мустақиллик йилларида яратилган энг яхши бадиий ва ҳужжатли фильмларнинг кенг намойишини ташкил этсин.
8. Маданият вазирлиги (О.А. Назарбеков) Бадиий академия (А.В. Нуриддинов), Ёзувчилар уюшмаси (С.С. Саидов), Журналистлар ижодий уюшмаси (Х.Х. Салимов) ва бошқа манфаатдор ташкилотлар билан биргаликда «Энг улуғ, энг азиз», «Ранглар жилосида — она диёр», «Ватан учун яшайлик!» каби анъанавий кўрик-танловларни юқори даражада ўтказишни таъминласин.
9. Белгилаб қўйилсинки, ўтказиладиган байрам тадбирлари:
Қорақалпоғистон Республикаси ва вилоятларда — тегишли маҳаллий бюджетларнинг қўшимча манбалари ҳамда ҳомийлик хайриялари ҳисобидан;
Тошкент шаҳрида — Республика комиссияси томонидан тасдиқланган харажатлар сметасига мувофиқ республика бюджети ва Тошкент шаҳар маҳаллий бюджети маблағлари ҳисобидан тенг улушларда молиялаштирилади.
10. Ўзбекистон Миллий телерадиокомпанияси (А.Ж. Хаджаев), Ўзбекистон Миллий ахборот агентлиги (А.К. Кўчимов), «Дунё» ахборот агентлиги (С.Л. Суяров) ва бошқа оммавий ахборот воситаларига Ўзбекистон Республикаси давлат мустақиллигининг ўттиз йиллик байрамига тайёргарлик кўриш ва уни ўтказиш бўйича амалга оширилаётган ишларни атрофлича ёритиб бориш тавсия этилсин.
11. Мазкур қарорнинг ижросини назорат қилиш Ўзбекистон Республикаси Бош вазири А.Н. Арипов ва Ўзбекистон Республикаси Президенти Администрацияси раҳбари З.Ш. Низомиддинов зиммасига юклансин.
Ўзбекистон Республикаси Президентининг 2020 йил 17 декабрдаги ПҚ-4926-сон қарорига ИЛОВА
Ўзбекистон Республикаси давлат мустақиллигининг ўттиз йиллик байрамига тайёргарлик кўриш ва уни юқори савияда ўтказиш бўйича республика
А. Арипов — Ўзбекистон Республикаси Бош вазири, Комиссия раиси Х. Султонов — Ўзбекистон Республикаси Президентининг маслаҳатчиси А. Абдувахитов — Ўзбекистон Республикаси Президентининг маслаҳатчиси Б. Мусаев — Ўзбекистон Республикаси Бош вазирининг ўринбосари О. Назарбеков — маданият вазири А. Камилов — ташқи ишлар вазири П. Бобожонов — ички ишлар вазири Ш. Содиқов — ахборот технологиялари ва коммуникацияларини ривожлантириш вазири И. Маджидов — олий ва ўрта махсус таълим вазири Ш. Шерматов — халқ таълими вазири А. Хаджибаев — соғлиқни сақлаш вазири Р. Маматов — маҳалла ва оилани қўллаб-қувватлаш вазири Р. Қурбонов — Миллатлараро муносабатлар ва хорижий мамлакатлар билан дўстлик алоқалари қўмитаси раиси А. Кўчимов — Ўзбекистон Миллий ахборот агентлиги бош директори А. Саъдуллаев — Ўзбекистон ёшлар ишлари агентлиги директори Ф.Абдухаликов — «Ўзбеккино» миллий агентлиги бош директори А. Хаджаев — Ўзбекистон Миллий телерадиокомпанияси раиси Б. Юлдашев — Ўзбекистон Фанлар академияси президенти А. Нуриддинов — Ўзбекистон Бадиий академияси раиси С. Саидов — Ўзбекистон Ёзувчилар уюшмаси раиси Р. Абдуллаев — Ўзбекистон композиторлари ва бастакорлари уюшмаси раиси Қ. Рафиқов — Ўзбекистон Касаба уюшмалари федерацияси кенгаши раиси М. Ходжиматов — Республика Маънавият ва маърифат маркази раҳбари лавозимига кўра — Қорақалпоғистон Республикаси Вазирлар Кенгаши Раиси, вилоятлар ва Тошкент шаҳар ҳокимлари
Ўзбекистон Республикаси Президенти Ш. МИРЗИЁЕВ
Тошкент ш.,
2020 йил 17 декабрь,
ПҚ-4926-сон
Oʻzbekiston Respublikasi Prezidentining
Qarori
komissiyasi tarkibi
Oʻzbekiston Respublikasi davlat mustaqilligining oʻttiz yillik bayramiga tayyorgarlik koʻrish va uni yuqori saviyada oʻtkazish toʻgʻrisida
Maʼlumki, 2021-yilda xalqimiz necha yuz yillik tarixi davomida orzu qilib, intilib yashagan va XX asr soʻnggida erishgan, mamlakatimiz hayoti va taqdirida tub burilish yasagan, tom maʼnodagi buyuk, olamshumul voqea — Oʻzbekiston Respublikasi davlat mustaqilligi eʼlon qilinganiga oʻttiz yil toʻladi.
Mustaqillik yillarida koʻp millatli Oʻzbekiston xalqi oʻzining buyuk salohiyati, mustahkam irodasi va matonatini namoyon etdi, ogʻir sinov va mashaqqatlarni mardona yengib, katta taraqqiyot yoʻlini bosib oʻtdi.
Yurtimiz ilgarigi iqtisodiyoti bir tomonlama shakllangan, qoloq respublikadan barcha sohalarda jadal rivojlanib, fuqarolarning hayot darajasi, siyosiy-ijtimoiy faolligi, ongu tafakkuri tobora yuksalib borayotgan, jahon hamjamiyatining teng huquqli aʼzosi sifatida uzoq-yaqindagi barcha mamlakatlar bilan doʻstlik va hamkorlik munosabatlarini keng miqyosda olib borayotgan zamonaviy, ochiq va demokratik davlatga aylandi.
Soʻnggi yillarda amalga oshirilgan islohotlarimiz natijasida, ayniqsa, 2017— 2021-yillarda Oʻzbekiston Respublikasini rivojlantirishning beshta ustuvor yoʻnalishi boʻyicha Harakatlar strategiyasini hayotga joriy etish asosida mamlakatimizning siyosiy, huquqiy, ijtimoiy-iqtisodiy, maʼnaviy-maʼrifiy hayotini tubdan yangilash, “Milliy tiklanishdan — milliy yuksalish sari” gʻoyasini real voqelikka aylantirish borasida salmoqli yutuqlar qoʻlga kiritilmoqda.
Jahon miqyosida davom etayotgan koronavirus pandemiyasi va iqtisodiy inqirozga, shuningdek boshqa turli tahdid va xatarlarga qaramasdan, xalqimizning mustaqil taraqqiyot yoʻlidagi amaliy harakatlari izchil davom ettirilmoqda.
Jamiyatimizda tinchlik va barqarorlik, fuqarolar va millatlararo hamjihatlik muhiti mustahkamlanmoqda. Yangi Oʻzbekistonni barpo etish maqsadida keng koʻlamli islohotlar, hayotimizning barcha jabhalarini erkinlashtirish, iqtisodiyot va uning tarmoqlarini, xususiy tadbirkorlikni jadal rivojlantirish borasida katta oʻzgarishlar amalga oshirilmoqda. Jumladan, aholining ijtimoiy himoyaga muhtoj qatlamini har tomonlama qoʻllab-quvvatlash, kambagʻallikni qisqartirish, yangi ish oʻrinlari va daromad manbalarini yaratishga alohida eʼtibor qaratilmoqda.
Oʻzbekiston Respublikasi davlat mustaqilligining oʻttiz yilligi bosib oʻtgan rivojlanish yoʻlimizni sarhisob qilish, mamlakatimizda amalga oshirilayotgan yangilanish jarayonlarini chuqur tahlil qilish orqali oldimizda turgan ustuvor vazifa — Oʻzbekistonning yangi taraqqiyot davri uchun poydevor yaratishga qaratilgan saʼy-harakatlarimizni yanada kuchaytirishda gʻoyat muhim ahamiyat kasb etadi.
Mamlakatimiz mustaqilligining ulkan siyosiy, tarixiy va maʼnaviy-maʼrifiy ahamiyatini inobatga olib, istiqlol yoʻlining asosiy maqsad va vazifalarini yangi bosqichda ogʻishmay, samarali davom ettirish, bu qutlugʻ sanani davlatimiz va jamiyatimizning bugungi taraqqiyot darajasi, xalqaro maydondagi obroʻ-eʼtiboriga munosib yuksak saviyada, umumxalq bayrami sifatida keng nishonlash maqsadida:
1. Oʻzbekiston Respublikasi davlat mustaqilligining oʻttiz yillik bayramiga tayyorgarlik koʻrish va uni yuqori saviyada oʻtkazish boʻyicha respublika komissiyasi (keyingi oʻrinlarda — Respublika komissiyasi) tashkil qilinsin va uning tarkibi ilovaga muvofiq tasdiqlansin.
2. Respublika komissiyasi bir hafta muddatda quyidagi ustuvor yoʻnalishlarni atroflicha yoritishga alohida eʼtibor qaratgan holda “Yangi Oʻzbekistonda erkin va farovon yashaylik!” gʻoyasini oʻzida mujassam etgan tashkiliy-amaliy, maʼnaviy-maʼrifiy hamda targʻibot-tashviqot tadbirlari dasturini (keyingi oʻrinlarda — Dastur) tasdiqlasin:
jamiyatda qonun ustuvorligi va sudlarning mustaqilligini taʼminlash, huquqni muhofaza qiluvchi idoralar rahbarlarining vakillik organlari va jamoatchilik oldida hisobot berish tizimining yoʻlga qoʻyilgani, fuqarolarning huquq va erkinliklarini ishonchli himoya qilish borasida amalga oshirilayotgan tub islohotlar;
mamlakatimizni modernizatsiya qilish, davlat va jamiyat boshqaruvi tizimining sifati va samarasini yanada oshirish, korrupsiyaga qarshi kurashish, fuqarolik jamiyati institutlari hamda ommaviy axborot vositalari rolini kuchaytirishga qaratilgan keng koʻlamli ishlar;
“Inson manfaatlari — hamma narsadan ustun” va “Xalq davlat idoralariga emas, balki davlat idoralari xalqimizga xizmat qilishi kerak” tamoyillari asosida fuqarolarning ijtimoiy muammolarini hal etish, huquq va qonuniy manfaatlarini taʼminlash boʻyicha erishilayotgan natijalar;
iqtisodiyotni liberallashtirish, iqtisodiyot tarmoqlariga maʼmuriy taʼsirlarni qisqartirish, raqamli iqtisodiyotni joriy etish, xususiy mulk huquqini himoya qilish va uning ustuvor mavqeyini kuchaytirish, valyuta bozorini erkinlashtirish, hududlarni ijtimoiy-iqtisodiy jihatdan kompleks rivojlantirish dasturlari, kambagʻallikni qisqartirish boʻyicha belgilangan vazifalar ijrosi;
“Xalq boy boʻlsa, davlat ham boy va qudratli boʻladi” tamoyilini hayotga joriy etish orqali aholini tadbirkorlikka keng jalb etish, biznes yuritish shartlarini yengillashtirish, oilaviy tadbirkorlik va kasanachilik, hunarmandchilikni ragʻbatlantirish uchun yaratilgan yangi imkoniyatlar;
“Obod qishloq”, “Obod mahalla”, “Besh muhim tashabbus”, “Bir million dasturchi” kabi ijtimoiy loyihalarning joriy etilishi, aholi bandligini taʼminlash, uning real daromadlarini izchil oshirib borish, taʼlim-tarbiya, ilm-fan, madaniyat, sanʼat va adabiyot, sport sohalarini tubdan rivojlantirish;
jamiyatda xotin-qizlarning oʻrni va nufuzini, ijtimoiy-siyosiy faolligini oshirish, ularning huquq va manfaatlarini taʼminlash, oila, onalik va bolalikni har tomonlama himoya qilish, yosh qizlarning zamonaviy bilim va kasb-hunarlarni egallashi uchun koʻmak va yordam berish, tadbirkor ayollarni moliyaviy qoʻllab-quvvatlash borasidagi ishlar;
yoshlarga oid davlat siyosatini samarali olib borish, jumladan yoshlarning taʼlim olish imkoniyatlarini kengaytirish, ularni munosib ish bilan taʼminlash, mehnat bozorida talab yuqori boʻlgan kasb-hunarlarga tayyorlash, yosh tadbirkorlarni davlat tomonidan qoʻllab-quvvatlash boʻyicha amalga oshirilayotgan dasturlar;
aholini turar joy bilan taʼminlash, xususan namunaviy loyihalar asosida arzon uy-joylar va infratuzilma tarmoqlarini barpo etish, keksa avlod vakillarini, yosh oilalarni har tomonlama qoʻllab-quvvatlash, yordam va koʻmakka muhtoj fuqarolarni ijtimoiy himoya qilish borasidagi ishlar;
buyuk ajdodlarimizning boy ilmiy va maʼnaviy merosini oʻrganish va keng targʻib qilish, Oʻzbekistonning yangi taraqqiyot davri poydevorini barpo etish borasida belgilab berilgan uzoq muddatli strategik vazifalar doirasida milliy gʻoyani rivojlantirish, jumladan davlat tilining oʻrni va nufuzini oshirishga qaratilgan amaliy harakatlar;
xalqimizning dunyoqarashi, siyosiy ongi va tafakkuri, hayotga va mehnatga munosabati oʻzgarib, ijtimoiy muammolarni hal etishda davlat va fuqarolik institutlari oʻrtasidagi samarali hamkorlikni kengaytirish borasida amalga oshirilayotgan ishlar;
jamiyatimizda tinchlik va barqarorlik, millatlararo totuvlik va diniy bagʻrikenglikni taʼminlash, chet ellardagi fuqarolarimizning huquq va manfaatlarini himoya qilish, oʻzaro manfaatli va amaliy tashqi siyosat yuritish, qoʻshni mamlakatlar bilan doʻstlik hamda hamkorlik munosabatlarining tubdan yaxshilangani, mintaqaviy va xalqaro muammolarni birgalikda hal etish saʼy-harakatlari;
mamlakatimizda diniy-maʼrifiy sohaga berilayotgan katta eʼtibor, xususan Oʻzbekiston tashabbusi bilan Birlashgan Millatlar Tashkilotining “Maʼrifat va diniy bagʻrikenglik” rezolyutsiyasi qabul qilingani, Islom sivilizatsiyasi markazi, Imom Buxoriy, Imom Termiziy, Imom Moturidiy xalqaro ilmiy-tadqiqot markazlari, Oʻzbekiston xalqaro islom akademiyasi, hadis va kalom maktablarini tashkil etish bilan bogʻliq amaliy ishlar;
xalqimizning tinch va osoyishta hayotini ishonchli taʼminlash maqsadida Qurolli Kuchlar tizimida olib borilayotgan keng miqyosdagi islohotlar, jumladan, milliy armiyani modernizatsiya qilish, harbiy sanoat kompleksini yaratish, harbiy taʼlim tizimi va huquq-tartibot organlari faoliyatini takomillashtirish bilan bogʻliq ulkan oʻzgarishlar;
jahon miqyosida turli qarama-qarshilik va ziddiyatlar tobora keskin tus olib, ekstremizm, terrorizm, narkotrafik, odam savdosi, global pandemiya kabi tahdidlar kuchayib borayotgan bugungi tahlikali zamonda hayotning oʻzi talab qilayotgan mezonlar asosida doimo ogoh va hushyor boʻlib yashash, yoshlarni milliy va umuminsoniy qadriyatlar ruhida tarbiyalash boʻyicha amalga oshirilayotgan muhim ishlar.
3. Respublika komissiyasi (A.N. Aripov):
Mustaqillik bayramiga tayyorgarlik koʻrish ishlari va Dasturda belgilangan chora-tadbirlarning amalga oshirilishi yuzasidan har bir hudud, vazirlik va idora rahbarining faoliyatini muvofiqlashtirib borsin;
joylarda taniqli olimlar, ijodkor ziyolilar va jamoat tashkilotlari vakillari bilan aholining keng qatlamlari oʻrtasida madaniy-maʼrifiy tadbirlar va badiiy kechalar oʻtkazilishini taʼminlasin;
Qoraqalpogʻiston Respublikasi, viloyatlar va Toshkent shahrida oʻtkaziladigan bayram dasturlarini tayyorlashga ommaviy tomoshalar boʻyicha yuksak mahorat va tajribaga ega boʻlgan ilmiy va ijodkor ziyolilar, madaniyat va sanʼat arboblari, jumladan maqom va baxshichilik sanʼati vakillari, isteʼdodli yosh ijrochilardan iborat ijodiy guruhlarni shartnoma asosida jalb etish choralarini koʻrsin.
4. Fanlar akademiyasi, Madaniyat vazirligi, Badiiy akademiya, Respublika Maʼnaviyat va maʼrifat markazi, Yozuvchilar uyushmasi hamda keng jamoatchilikning Oʻzbekiston Respublikasi davlat mustaqilligining oʻttiz yilligi sanasi munosabati bilan:
poytaxtimizda “Istiqlol” majmuasini tashkil etish va u yerda mustaqilligimizning mazmun-mohiyati va tarixiy ahamiyatini aks ettiradigan yodgorlik kompozitsiyasini barpo etish;
Toshkent shahrida barpo etilayotgan yer usti metro halqa yoʻlini “Oʻzbekiston mustaqilligining oʻttiz yilligi” deb nomlash;
“Oʻzbekistonning yangi taraqqiyot davri va rivojlanish istiqbollari” mavzusida xalqaro ilmiy-amaliy konferensiyani tashkil etish;
oʻtgan davrda erishilgan yutuqlarga bagʻishlangan “Yangi Oʻzbekiston” kitob-albomini hamda har bir sohada amalga oshirilgan islohotlar natijalarini yoritib beruvchi kitob-albom va toʻplamlarni nashr etish;
2021-yilda yurtimizda oʻtkazilishi rejalashtirilgan barcha xalqaro madaniy-maʼrifiy tadbirlar, sport musobaqalari, ilmiy konferensiyalar, ajdodlarimiz yubiley sanalarini mustaqillikning oʻttiz yilligi gʻoyasi va ruhi bilan uygʻun va hamohang holda tashkil etish;
madaniyat va sanʼatning barcha yoʻnalishlari (musiqa, teatr, kino, tasviriy va amaliy sanʼat, sirk, xalq ijodiyoti) boʻyicha respublika miqyosida festival va koʻrgazmalarni tashkil etish;
yurtimiz mustaqilligini tarannum etadigan eng yaxshi qoʻshiq va musiqa asarlari hamda tarixiy va zamonamiz qahramonlari hayoti va faoliyati haqidagi pyesalar tanlovlarini tashkil etish;
mustaqillik yillarida erishilgan ilmiy yutuqlar asosida yaratilgan innovatsion loyiha va texnologiyalar koʻrgazmalarini oʻtkazish haqidagi takliflari maʼqullansin.
Vazirlar Mahkamasi ikki oy muddatda ushbu bandda nazarda tutilgan chora-tadbirlarni amalga oshirish yuzasidan Hukumat qarorini qabul qilsin.
5. Madaniyat vazirligi (O.A. Nazarbekov):
a) masʼul vazirlik va idoralar bilan birgalikda davlatimiz mustaqilligining oʻttiz yilligiga bagʻishlangan tantanali bayram tadbirlarini zamonaviy texnologiyalardan foydalangan holda yuqori badiiy saviyada oʻtkazish uchun mamlakatimiz va xorijdan malakali mutaxassislarni jalb etish choralarini koʻrsin;
b) Oliy va oʻrta maxsus taʼlim vazirligi (I.U. Madjidov), Xalq taʼlimi vazirligi (Sh.X. Shermatov), Millatlararo munosabatlar va xorijiy mamlakatlar bilan doʻstlik aloqalari qoʻmitasi (R.D. Qurbonov), Respublika Maʼnaviyat va maʼrifat markazi (M.M. Xodjimatov) va Yozuvchilar uyushmasi (S.S. Saidov) bilan birgalikda:
Qoraqalpogʻiston Respublikasi, viloyatlar va Toshkent shahrida yurtimizda faoliyat yuritayotgan milliy madaniyat markazlarini keng jalb etgan holda bayram tantanalari va xalq sayillarini tashkil qilsin;
madaniyat va istirohat bogʻlarida shartnoma asosida taniqli sanʼat namoyandalari, badiiy havaskorlik jamoalari ishtirokida konsert dasturlari namoyish etilishini taʼminlasin;
keyingi yillarda yurtimizda olib borilayotgan maʼnaviy-maʼrifiy ishlar, Oʻzbekistonning yangi taraqqiyot davri poydevorini yaratishga bagʻishlangan publitsistik maqolalar va sheʼrlardan iborat kitobni respublika budjeti mablagʻlari hisobidan chop etsin.
6. Tashqi ishlar vazirligi (A.X. Kamilov) Madaniyat vazirligi (O.A. Nazarbekov), “Oʻzbekkino” milliy agentligi (F.F. Abduxalikov), Badiiy akademiya (A.V. Nuriddinov), Respublika Maʼnaviyat va maʼrifat markazi (M.M. Xodjimatov) bilan birgalikda xorijiy mamlakatlarda davlat mustaqilligining oʻttiz yilligi munosabati bilan keng jamoatchilik, jumladan xorijiy mamlakatlarda yashayotgan vatandoshlarimizni jalb qilgan holda “Oʻzbekiston kunlari”ni oʻtkazsin va uning doirasida madaniy-maʼrifiy tadbirlarni amalga oshirsin.
7. “Oʻzbekkino” milliy agentligi (F.F. Abduxalikov) Oʻzbekiston Milliy teleradiokompaniyasi (A.J. Xadjayev), Qoraqalpogʻiston Respublikasi Vazirlar Kengashi, viloyatlar va Toshkent shahar hokimliklari, manfaatdor vazirlik va idoralar bilan birgalikda:
bir oy muddatda davlat mustaqilligining oʻttiz yillik bayrami munosabati bilan filmlar yaratish dasturini ishlab chiqsin va tasdiqlash uchun Vazirlar Mahkamasiga kiritsin;
2021-yil davomida barcha tuman (shahar)lar, qishloq va ovullarda, shuningdek milliy telekanallarda mustaqillik yillarida yaratilgan eng yaxshi badiiy va hujjatli filmlarning keng namoyishini tashkil etsin.
8. Madaniyat vazirligi (O.A. Nazarbekov) Badiiy akademiya (A.V. Nuriddinov), Yozuvchilar uyushmasi (S.S. Saidov), Jurnalistlar ijodiy uyushmasi (X.X. Salimov) va boshqa manfaatdor tashkilotlar bilan birgalikda “Eng ulugʻ, eng aziz”, “Ranglar jilosida — ona diyor”, “Vatan uchun yashaylik!” kabi anʼanaviy koʻrik-tanlovlarni yuqori darajada oʻtkazishni taʼminlasin.
9. Belgilab qoʻyilsinki, oʻtkaziladigan bayram tadbirlari:
Qoraqalpogʻiston Respublikasi va viloyatlarda — tegishli mahalliy budjetlarning qoʻshimcha manbalari hamda homiylik xayriyalari hisobidan;
Toshkent shahrida — Respublika komissiyasi tomonidan tasdiqlangan xarajatlar smetasiga muvofiq respublika budjeti va Toshkent shahar mahalliy budjeti mablagʻlari hisobidan teng ulushlarda moliyalashtiriladi.
10. Oʻzbekiston Milliy teleradiokompaniyasi (A.J. Xadjayev), Oʻzbekiston Milliy axborot agentligi (A.K. Koʻchimov), “Dunyo” axborot agentligi (S.L. Suyarov) va boshqa ommaviy axborot vositalariga Oʻzbekiston Respublikasi davlat mustaqilligining oʻttiz yillik bayramiga tayyorgarlik koʻrish va uni oʻtkazish boʻyicha amalga oshirilayotgan ishlarni atroflicha yoritib borish tavsiya etilsin.
11. Mazkur qarorning ijrosini nazorat qilish Oʻzbekiston Respublikasi Bosh vaziri A.N. Aripov va Oʻzbekiston Respublikasi Prezidenti Administratsiyasi rahbari Z.Sh. Nizomiddinov zimmasiga yuklansin.
Oʻzbekiston Respublikasi Prezidentining 2020-yil 17-dekabrdagi PQ-4926-son qaroriga ILOVA
Oʻzbekiston Respublikasi davlat mustaqilligining oʻttiz yillik bayramiga tayyorgarlik koʻrish va uni yuqori saviyada oʻtkazish boʻyicha respublika
A. Aripov — Oʻzbekiston Respublikasi Bosh vaziri, Komissiya raisi X. Sultonov — Oʻzbekiston Respublikasi Prezidentining maslahatchisi A. Abduvaxitov — Oʻzbekiston Respublikasi Prezidentining maslahatchisi B. Musayev — Oʻzbekiston Respublikasi Bosh vazirining oʻrinbosari O. Nazarbekov — madaniyat vaziri A. Kamilov — tashqi ishlar vaziri P. Bobojonov — ichki ishlar vaziri Sh. Sodiqov — axborot texnologiyalari va kommunikatsiyalarini rivojlantirish vaziri I. Madjidov — oliy va oʻrta maxsus taʼlim vaziri Sh. Shermatov — xalq taʼlimi vaziri A. Xadjibayev — sogʻliqni saqlash vaziri R. Mamatov — mahalla va oilani qoʻllab-quvvatlash vaziri R. Qurbonov — Millatlararo munosabatlar va xorijiy mamlakatlar bilan doʻstlik aloqalari qoʻmitasi raisi A. Koʻchimov — Oʻzbekiston Milliy axborot agentligi bosh direktori A. Saʼdullayev — Oʻzbekiston yoshlar ishlari agentligi direktori F.Abduxalikov — “Oʻzbekkino” milliy agentligi bosh direktori A. Xadjayev — Oʻzbekiston Milliy teleradiokompaniyasi raisi B. Yuldashev — Oʻzbekiston Fanlar akademiyasi prezidenti A. Nuriddinov — Oʻzbekiston Badiiy akademiyasi raisi S. Saidov — Oʻzbekiston Yozuvchilar uyushmasi raisi R. Abdullayev — Oʻzbekiston kompozitorlari va bastakorlari uyushmasi raisi Q. Rafiqov — Oʻzbekiston Kasaba uyushmalari federatsiyasi kengashi raisi M. Xodjimatov — Respublika Maʼnaviyat va maʼrifat markazi rahbari lavozimiga koʻra — Qoraqalpogʻiston Respublikasi Vazirlar Kengashi Raisi, viloyatlar va Toshkent shahar hokimlari
Oʻzbekiston Respublikasi Prezidenti Sh. MIRZIYOYEV
Toshkent sh.,
2020-yil 17-dekabr,
PQ-4926-son
Президента Республики Узбекистан
Постановление
О подготовке и проведении на высоком уровне празднования тридцатилетия государственной независимости Республики Узбекистан
Как известно, в 2021 году исполнится тридцать лет со дня провозглашения государственной независимости Республики Узбекистан, которая в течение многих столетий была заветной мечтой нашего народа и осуществилась в конце ХХ века, что стало поистине величайшим, поворотным событием в жизни и судьбе страны.
За годы независимости многонациональный народ Узбекистана, проявив свой огромный потенциал, твердую волю и мужество, стойко преодолевая нелегкие испытания и трудности, прошел большой путь развития.
Наша страна из отсталой республики с однобокой экономикой превратилась в современное, открытое и демократическое государство — где динамично развиваются все сферы, растет уровень жизни и общественно-политическая активность граждан, меняется их сознание и мировоззрение, — ставшее полноправным членом мирового сообщества, активно строящим отношения дружбы и сотрудничества со странами ближнего и дальнего зарубежья.
В результате реформ, осуществляемых в последние годы, прежде всего на основе претворения в жизнь Стратегии действий по пяти приоритетным направлениям развития Республики Узбекистан в 2017 — 2021 годах, достигаются значительные успехи в кардинальной модернизации политической, правовой, социально-экономической, духовно-просветительской сфер, реализации идеи «От национального возрождения – к национальному прогрессу».
Несмотря на продолжающиеся во всем мире пандемию короновируса и экономический кризис, другие угрозы и вызовы, наш народ последовательно идет по пути независимого развития.
В обществе укрепляются мир и стабильность, атмосфера гражданского и межнационального согласия. В целях построения нового Узбекистана осуществляются широкомасштабные реформы по либерализации всех сфер жизни, ускоренному развитию экономики и ее отраслей, частного предпринимательства. Особое внимание уделяется всесторонней поддержке тех, кто нуждается в социальной защите, сокращению бедности, созданию новых рабочих мест и источников дохода для населения.
Важнейшее значение тридцатилетнего рубежа государственной независимости Республики Узбекистан заключается в том, чтобы на основе подведения итогов пройденного нами пути, глубоко анализа осуществляемых в стране процессов обновления еще больше активизировать усилия, направленные на выполнение приоритетной для нас задачи — формирование фундамента новой эпохи развития Узбекистана.
Учитывая огромное политическое, историческое и духовно-воспитательное значение независимости, в целях неуклонного и эффективного продолжения работы по реализации наших ключевых задач на новом этапе, широкого, всенародного празднования этой знаменательной даты на высоком уровне, в соответствии с нынешним развитием и международным авторитетом нашего государства и общества:
1. Образовать Республиканскую комиссию по подготовке и проведению на высоком уровне празднования тридцатилетия государственной независимости Республики Узбекистан (далее – Республиканская комиссия) и утвердить ее состав согласно приложению * .
2. Республиканской комиссии в недельный срок утвердить программу организационно-практических, духовно-просветительских и информационно-разъяснительных мероприятий (далее — Программа) под девизом «Нам жить в новом Узбекистане — свободной и процветающей стране!», уделив особое внимание освещению следующих приоритетных направлений:
обеспечение верховенства закона и независимости судов, налаживание на системной основе отчетности руководителей правоохранительных органов перед представительными органами и общественностью, осуществление глубоких реформ по надежной защите прав и свобод граждан;
проводимая широкомасштабная работа по модернизации страны, дальнейшему повышению качества и эффективности системы государственного и общественного управления, противодействию коррупции, усилению роли институтов гражданского общества и средств массовой информации;
достигаемые результаты в решении социальных проблем, обеспечении прав и законных интересов граждан на основе таких принципов, как «Интересы человека – превыше всего», «Не народ служит государственным органам, а государственные органы должны служить народу»;
выполнение намеченных задач по реализации программ либерализации экономики, уменьшению административного влияния на ее отрасли, внедрению цифровой экономики, защите прав и усилению приоритетной роли частной собственности, либерализации валютного рынка, комплексному социально-экономическому развитию регионов, сокращению бедности;
создание новых возможностей для широкого вовлечения населения в предпринимательство, упрощение условий ведения бизнеса, стимулирование семейного предпринимательства, надомного труда и ремесленничества на основе внедрения в жизнь принципа «Если богат народ, то и государство будет богатым и сильным»;
реализация таких социально значимых проектов, как «Благоустроенное село», «Благоустроенная махалля», «Пять важных инициатив», «Один миллион программистов», а также мер по обеспечению занятости и роста реальных доходов населения, широкому развитию сфер образования, науки, культуры, искусства и литературы, спорта;
повышение роли и статуса женщин в обществе, их общественно-политической активности, обеспечение их прав и интересов, всесторонняя охрана семьи, материнства и детства, содействие девушкам в обретении современных знаний и профессий, финансовая поддержка женщин-предпринимателей;
осуществление программ по эффективной реализации государственной молодежной политики, в том числе расширению доступа молодых людей к образованию, обеспечению их достойной работой, обучению востребованным на рынке труда профессиям, государственной поддержке молодых предпринимателей;
обеспечение населения жильем, в частности, строительство доступных жилых домов и сети инфраструктурных объектов на основе типовых проектов, всесторонняя поддержка представителей старшего поколения, молодых семей, граждан, нуждающихся в социальной защите;
изучение и широкая популяризация богатого научного и духовного наследия наших великих предков, развитие национальной идеи в рамках выполнения долгосрочных стратегических задач по созданию фундамента новой эпохи развития Узбекистана, в том числе повышение роли и авторитета государственного языка;
расширение мировоззрения, формирование твердой политической позиции у соотечественников, изменение их отношения к жизни и труду, развитие эффективного сотрудничества между государством и гражданскими институтами в решении социальных проблем;
проводимая работа по обеспечению в обществе мира и стабильности, межнационального согласия и религиозной толерантности, защите прав и интересов наших граждан за рубежом, осуществлению взаимовыгодной и прагматичной внешней политики, укреплению отношений дружбы и сотрудничества с соседними странами, совместному решению региональных и международных проблем;
уделяемое в республике большое внимание духовно-просветительской сфере, в том числе принятие по инициативе Узбекистана резолюции Генеральной Ассамблеи ООН «Просвещение и религиозная толерантность», практические меры по созданию в стране Центра исламской цивилизации, международных научно-исследовательских центров Имама Бухари, Имама Термизи, Имама Матуриди, Международной исламской академии Узбекистана, школ хадисов и науки калама;
широкомасштабные реформы в системе Вооруженных Сил в целях надежного обеспечения мирной и спокойной жизни нашего народа, в частности, большие преобразования по модернизации национальной армии, созданию военно-промышленного комплекса, совершенствованию системы военного образования и деятельности органов правопорядка;
важная работа, осуществляемая в нынешнее непростое время — когда все более напряженный характер приобретают во всем мире различные конфликты и противоречия, усиливаются такие угрозы, как экстремизм, терроризм, наркотрафик, торговля людьми, пандемия и другие вызовы, — направленная на обеспечение бдительности, являющейся требованием самой жизни, воспитание молодежи в духе национальных и общечеловеческих ценностей.
3. Республиканской комиссии (А.Н. Арипов):
осуществлять координацию работы руководителей каждого региона, министерства и ведомства по подготовке к празднику Независимости и выполнению намеченных в Программе мер;
обеспечить проведение на местах культурно-просветительских мероприятий и художественных вечеров, встреч известных ученых, представителей творческой интеллигенции и общественных организаций с широкими слоями населения;
принять меры по привлечению на контрактной основе к подготовке праздничных программ в Республике Каракалпакстан, областях и городе Ташкенте творческих групп из числа обладающих опытом проведения массовых мероприятий представителей научной и творческой интеллигенции, деятелей культуры и искусства, в том числе мастеров искусства макома и бахши, одаренных молодых исполнителей.
4. Одобрить связанные с датой тридцатилетия государственной независимости Республики Узбекистан предложения Академии наук, Министерства культуры, Академии художеств Узбекистана, Республиканского центра духовности и просветительства, Союза писателей и широкой общественнности относительно:
создания в столице комплекса «Истиқлол» и возведения в нем монументальной композиции, отражающей суть и огромное историческое значение нашей независимости;
присвоения строящейся в городе Ташкенте наземной кольцевой линии метро названия «Ўзбекистон мустақиллигининг ўттиз йиллиги»;
проведения международной научно-практической конференции на тему: «Новая эпоха и перспективы развития Узбекистана»;
издания книги-альбома «Янги Ўзбекистон» о достигнутых за прошедший период успехах, а также книг-альбомов и сборников, посвященных реформам, осуществляемым в каждой сфере;
организации всех запланированных на 2021 год международных культурно-просветительских мероприятий, спортивных соревнований, научных конференций, а также торжеств, посвященных юбилеям наших предков, созвучно с духом и идеей тридцатилетия независимости;
организации республиканских фестивалей и выставок по всем направлениям культуры и искусства (музыка, театр, кино, изобразительное и прикладное искусство, цирк, народное творчество);
организации конкурсов на лучшие песни и музыкальные произведения, воспевающие нашу независимость, а также пьесы о жизни и деятельности героев истории и современности;
проведения выставок инновационных проектов и технологий, созданных за годы независимости на основе достижений науки.
Кабинету Министров Республики Узбекистан в двухмесячный срок принять постановление о реализации мер, предусмотренных в данном пункте.
5. Министерству культуры (О.А. Назарбеков):
а) совместно с ответственными министерствами и ведомствами принять меры по привлечению квалифицированных отечественных и зарубежных специалистов для проведения торжественных мероприятий, посвященных тридцатилетию независимости нашей страны, на высоком художественном уровне, с использованием современных технологий;
б) совместно с Министерством высшего и среднего специального образования (И.У. Маджидов), Министерством народного образования (Ш.Х. Шерматов), Комитетом по межнациональным отношениям и дружественным связям с зарубежными странами (Р.Д. Курбонов), Республиканским центром духовности и просветительства (М.М. Ходжиматов), Союзом писателей (С.С. Саидов):
организовать в Республике Каракалпакстан, областях и городе Ташкенте праздничные торжества и народные гуляния с широким участием действующих в стране национальных культурных центров;
обеспечить показ в парках культуры и отдыха концертных программ с участием на контрактной основе известных деятелей искусства, коллективов художественной самодеятельности;
издать за счет средств Государственного бюджета сборник публицистических статей и стихов, посвященных проводимой в стране в последние годы духовно-просветительской работе, практическим действиям по созданию фундамента новой эпохи развития Узбекистана.
6. Министерству иностранных дел (А.Х. Камилов) совместно с Министерством культуры (О.А. Назарбеков), Национальным агентством «Узбеккино» (Ф.Ф. Абдухаликов), Академией хдожеств (А.В. Нуриддинов), Республиканским центром духовности и просветительства (М.М. Ходжиматов) организовать в зарубежных странах с привлечением широкой общественности, в том числе проживающих за рубежом наших соотечественников, проведение Дней Узбекистана, посвященных тридцатилетию государственной независимости, и в их рамках – духовно-просветительские мероприятия.
7. Национальному агентству «Узбеккино» (Ф.Ф. Абдухаликов) совместно с Национальной телерадиокомпанией Узбекистана (А.Ж. Хаджаев), Советом Министров Республики Каракалпакстан, хокимиятами областей и города Ташкента, заинтересованными министерствами и ведомствами:
в месячный срок разработать и внести на утверждение в Кабинет Министров программу по созданию фильмов, посвященных тридцатилетию государственной независимости;
в течение 2021 года организовать во всех городах и районах, селах и аулах страны, а также на национальных телеканалах широкий показ лучших художественных и документальных фильмов, снятых в годы независимости.
8. Министерству культуры (О.А. Назарбеков) совместно с Академией художеств Узбекистана (А.В. Нуриддинов), Союзом писателей (С.С. Саидов), Творческим союзом журналистов (Х.Х. Салимов) и другими заинтересованными организациями обеспечить проведение на высоком уровне традиционных смотров-конкурсов «Самый великий, самый дорогой», «Образ Родины — глазами художника», «Жить во имя Родины!».
9. Установить, что расходы на проведение праздничных мероприятий покрываются:
в Республике Каракалпакстан и областях — за счет дополнительных источников местных бюджетов, а также благотворительных средств;
в городе Ташкенте — в равных долях за счет средств Государственного бюджета Республики Узбекистан и местного бюджета города Ташкента согласно смете расходов, утвержденной Республиканской комиссией.
10. Рекомендовать Национальной телерадиокомпании Узбекистана (А.Ж. Хаджаев), Национальному информационному агентству Узбекистана (А.К. Кучимов), информационному агентству «Дунё» (С.Л. Суяров) и другим средствам массовой информации всесторонне освещать практическую работу по подготовке и проведению празднования тридцатилетия государственной независимости Республики Узбекистан.
11. Контроль за исполнением настоящего постановления возложить на Премьер-министра Республики Узбекистан А.Н. Арипова и руководителя Администрации Президента Республики Узбекистан З.Ш. Низомиддинова.
Президент Республики Узбекистан Ш. МИРЗИЁЕВ
г. Ташкент,
17 декабря 2020 г.,
№ ПП-4926