📅 2020-yil 17-dekabr · Vazirlar Mahkamasi qarorlari
Rasmiy matn. Rasmiy hujjat. Tahririy izohlar kiritilmagan.
UzbekAI
📅 2020 йил 17 декабрь · Вазирлар Маҳкамаси қарорлари
Расмий матн. Расмий ҳужжат. Таҳририй изоҳлар киритилмаган.
📅 17 декабря 2020 г. · Постановления Кабинета Министров
Официальный текст. Официальный документ. Редакционные примечания не включены.
📅 17 December 2020 · Cabinet of Ministers resolutions
Official text. Official document. Editorial notes are not included.
Ўзбекистон Республикаси Вазирлар Маҳкамасининг
қарори
РЎЙХАТИ
Ўзбекистон Республикасининг Давлат чегараси орқали ўтказиш пунктлари тўғрисидаги низомга қўшимчалар киритиш ҳақида
Ўзбекистон Республикасининг Давлат чегараси орқали ўтказиш пунктларида пулли хизматлар ташкил этилишини тартибга солиш, ҳаракатланаётган йўловчиларга қўшимча қулайликлар яратиш, шунингдек, Ўзбекистон Республикасининг туризм жозибадорлигини янада ошириш мақсадида Вазирлар Маҳкамаси қарор қилади:
1. Вазирлар Маҳкамасининг 2016 йил 28 мартдаги 89-сон қарори (Ўзбекистон Республикасининг ҚТ, 2016 йил, 3-сон, 21-модда) билан тасдиқланган Ўзбекистон Республикасининг Давлат чегараси орқали ўтказиш пунктлари тўғрисидаги низомга иловага мувофиқ қўшимчалар киритилсин.
2. Мазкур қарорнинг бажарилишини назорат қилиш Ўзбекистон Республикаси Бош вазирининг молия-иқтисодиёт ва камбағалликни қисқартириш масалалари бўйича ўринбосари — иқтисодий тараққиёт ва камбағалликни қисқартириш вазири Ж.А. Қўчқоров зиммасига юклансин.
Вазирлар Маҳкамасининг 2020 йил 17 декабрдаги 795-сон қарорига ИЛОВА
Ўзбекистон Республикасининг Давлат чегараси орқали ўтказиш пунктлари тўғрисидаги низомга киритилаётган қўшимчалар
1. 6-банддаги «назарда тутилган ҳолатлар» сўзларидан кейин «ҳамда мазкур Низомга иловада белгиланган автомобиль ўтказиш пунктларида кўрсатиладиган пулли хизматлар (кейинги ўринларда — пулли хизматлар)» сўзлари қўшилсин.
2. Қуйидаги мазмундаги 6 1 -банд қўшилсин:
«6 1 . Пулли хизматлар автомобиль ўтказиш пунктининг нормал фаолиятига таъсир этмаган ҳолда, қонун ҳужжатларига мувофиқ давлат мулкини ижарага бериш орқали белгиланган тартибда фақат тадбиркорлик субъектлари томонидан кўрсатилишига йўл қўйилади.
Пулли хизматлар кўрсатилиши учун автомобиль ўтказиш пунктининг географик жойлашуви, кўрсатилиши мумкин бўлган пулли хизматлар тури ҳамда уларни кўрсатиш учун ажратилиши мумкин бўлган майдон, ўтказиш пунктининг ўтказувчанлик қобилияти инобатга олинади».
3. Қуйидаги мазмундаги илова қўшилсин:
«Ўзбекистон Республикасининг Давлат чегараси орқали ўтказиш пунктлари тўғрисидаги низомга ИЛОВА
Ўзбекистон Республикасининг Давлат чегараси орқали автомобиль ўтказиш пунктларида кўрсатиладиган пулли хизматлар
1. Ўзбекистон Республикаси ҳудудида фаолият олиб бораётган мобил алоқа операторлари хизматлари.
2. Овқатланиш ҳамда санитар-гигиеник хизматларни ташкил этиш бўйича фаолият.
3. Бож олинмайдиган савдо дўконларида товарларнинг чакана савдоси.
4. Йўловчилар учун қўл аравачаларини ижарага бериш.
5. Йўловчилар ва уларнинг юкларини ўтказиш пункти ичида ташиш хизмати.
6. Ўтказиш пункти орқали ҳаракатланаётган транспорт воситаларини майда таъмирлаш ишлари ҳамда уларни эвакуация қилиш.
7. Ҳажми катта бўлмаган қўл юкларини сақлаб бериш.
8. Транспорт воситаларида ташилаётган юклар билан операциялар амалга ошириш (юк ортиш, тушириш, қайта юклаш).
9. Таржимонлик хизмати.
10. Хизмат кўрсатиш (йўловчи божхона декларацияси ва миграция бланкаларини тўлдириб бериш, турли компьютер хизматлари, факс, Интернет) хоналари.
11. Такси чақириш хизмати».
Ўзбекистон Республикасининг Бош вазири А. АРИПОВ
Тошкент ш.,
2020 йил 17 декабрь,
795-сон
Oʻzbekiston Respublikasi Vazirlar Mahkamasining
qarori
ROʻYXATI
Oʻzbekiston Respublikasining Davlat chegarasi orqali oʻtkazish punktlari toʻgʻrisidagi nizomga qoʻshimchalar kiritish haqida
Oʻzbekiston Respublikasining Davlat chegarasi orqali oʻtkazish punktlarida pulli xizmatlar tashkil etilishini tartibga solish, harakatlanayotgan yoʻlovchilarga qoʻshimcha qulayliklar yaratish, shuningdek, Oʻzbekiston Respublikasining turizm jozibadorligini yanada oshirish maqsadida Vazirlar Mahkamasi qaror qiladi:
1. Vazirlar Mahkamasining 2016-yil 28-martdagi 89-son qarori (Oʻzbekiston Respublikasining QT, 2016-yil, 3-son, 21-modda) bilan tasdiqlangan Oʻzbekiston Respublikasining Davlat chegarasi orqali oʻtkazish punktlari toʻgʻrisidagi nizomga ilovaga muvofiq qoʻshimchalar kiritilsin.
2. Mazkur qarorning bajarilishini nazorat qilish Oʻzbekiston Respublikasi Bosh vazirining moliya-iqtisodiyot va kambagʻallikni qisqartirish masalalari boʻyicha oʻrinbosari — iqtisodiy taraqqiyot va kambagʻallikni qisqartirish vaziri J.A. Qoʻchqorov zimmasiga yuklansin.
Vazirlar Mahkamasining 2020-yil 17-dekabrdagi 795-son qaroriga ILOVA
Oʻzbekiston Respublikasining Davlat chegarasi orqali oʻtkazish punktlari toʻgʻrisidagi nizomga kiritilayotgan qoʻshimchalar
1. 6-banddagi “nazarda tutilgan holatlar” soʻzlaridan keyin “hamda mazkur Nizomga ilovada belgilangan avtomobil oʻtkazish punktlarida koʻrsatiladigan pulli xizmatlar (keyingi oʻrinlarda — pulli xizmatlar)” soʻzlari qoʻshilsin.
2. Quyidagi mazmundagi 6 1 -band qoʻshilsin:
“6 1 . Pulli xizmatlar avtomobil oʻtkazish punktining normal faoliyatiga taʼsir etmagan holda, qonun hujjatlariga muvofiq davlat mulkini ijaraga berish orqali belgilangan tartibda faqat tadbirkorlik subyektlari tomonidan koʻrsatilishiga yoʻl qoʻyiladi.
Pulli xizmatlar koʻrsatilishi uchun avtomobil oʻtkazish punktining geografik joylashuvi, koʻrsatilishi mumkin boʻlgan pulli xizmatlar turi hamda ularni koʻrsatish uchun ajratilishi mumkin boʻlgan maydon, oʻtkazish punktining oʻtkazuvchanlik qobiliyati inobatga olinadi”.
3. Quyidagi mazmundagi ilova qoʻshilsin:
“Oʻzbekiston Respublikasining Davlat chegarasi orqali oʻtkazish punktlari toʻgʻrisidagi nizomga ILOVA
Oʻzbekiston Respublikasining Davlat chegarasi orqali avtomobil oʻtkazish punktlarida koʻrsatiladigan pulli xizmatlar
1. Oʻzbekiston Respublikasi hududida faoliyat olib borayotgan mobil aloqa operatorlari xizmatlari.
2. Ovqatlanish hamda sanitar-gigiyenik xizmatlarni tashkil etish boʻyicha faoliyat.
3. Boj olinmaydigan savdo doʻkonlarida tovarlarning chakana savdosi.
4. Yoʻlovchilar uchun qoʻl aravachalarini ijaraga berish.
5. Yoʻlovchilar va ularning yuklarini oʻtkazish punkti ichida tashish xizmati.
6. Oʻtkazish punkti orqali harakatlanayotgan transport vositalarini mayda taʼmirlash ishlari hamda ularni evakuatsiya qilish.
7. Hajmi katta boʻlmagan qoʻl yuklarini saqlab berish.
8. Transport vositalarida tashilayotgan yuklar bilan operatsiyalar amalga oshirish (yuk ortish, tushirish, qayta yuklash).
9. Tarjimonlik xizmati.
10. Xizmat koʻrsatish (yoʻlovchi bojxona deklaratsiyasi va migratsiya blankalarini toʻldirib berish, turli kompyuter xizmatlari, faks, Internet) xonalari.
11. Taksi chaqirish xizmati”.
Oʻzbekiston Respublikasining Bosh vaziri A. ARIPOV
Toshkent sh.,
2020-yil 17-dekabr,
795-son