📅 2020-yil 31-dekabr · Vazirlar Mahkamasi qarorlari
Rasmiy matn. Rasmiy hujjat. Tahririy izohlar kiritilmagan.
UzbekAI
📅 2020 йил 31 декабрь · Вазирлар Маҳкамаси қарорлари
Расмий матн. Расмий ҳужжат. Таҳририй изоҳлар киритилмаган.
📅 31 декабря 2020 г. · Постановления Кабинета Министров
Официальный текст. Официальный документ. Редакционные примечания не включены.
📅 31 December 2020 · Cabinet of Ministers resolutions
Official text. Official document. Editorial notes are not included.
Ўзбекистон Республикаси Вазирлар Маҳкамасининг
қарори
Самарқанд давлат университетининг Денов тадбиркорлик ва педагогика институти моддий-техника базасини мустаҳкамлаш тўғрисида
Самарқанд давлат университетининг Денов тадбиркорлик ва педагогика институти моддий-техника базасини мустаҳкамлаш ва қулай шарт-шароитлар яратиш мақсадида Вазирлар Маҳкамаси қарор қилади:
1. Ўзбекистон Республикаси Президентининг «Профессионал таълим тизимини янада такомиллаштиришга доир қўшимча чора-тадбирлар тўғрисида» 2019 йил 6 сентябрдаги ПФ-5812-сон Фармонига мувофиқ қуйидагилар:
бинолари умумий ўрта таълим муассасалари сифатида фойдаланиладиган касб-ҳунар коллежлари рўйхати (кейинги ўринларда — рўйхат) тасдиқланганлиги;
Сурхондарё вилояти, Сариосиё туманида жойлашган Сариосиё агросаноат касб-ҳунар коллежи рўйхатга киритилганлиги;
Вазирлар Маҳкамасига зарур ҳолларда рўйхатга ўзгартириш ва қўшимчалар киритиш ҳуқуқи берилганлиги маълумот учун қабул қилинсин.
2. Ўзбекистон Республикаси Олий ва ўрта махсус таълим вазирлиги, Халқ таълими вазирлиги ва Сурхондарё вилояти ҳокимлигининг Сурхондарё вилояти, Сариосиё тумани, Хуфар ҚФЙ, Гулобод маҳалласида жойлашган собиқ Сариосиё агросаноат касб-ҳунар коллежининг бино ва иншоотларини (кейинги ўринларда — объект) оператив бошқарув ҳуқуқи асосида Самарқанд давлат университетининг Денов тадбиркорлик ва педагогика институтига (кейинги ўринларда — Институт) бепул бериш тўғрисидаги таклифига розилик берилсин.
3. Ўзбекистон Республикаси Олий ва ўрта махсус таълим вазирлиги:
Институт томонидан бир ой муддатда объект қабул қилиб олинишини ҳамда ундан мақсадли ва самарали фойдаланилишини;
Термиз давлат университетининг бюджетдан ташқари маблағлари ҳисобидан 1 млрд сўм миқдоридаги маблағ Институт ҳудудида замонавий типдаги ахборот-ресурс марказини қуриш учун ажратилишини таъминласин.
4. Ўзбекистон Республикаси Президентининг 2019 йил 6 сентябрдаги ПФ-5812-сон Фармони билан тасдиқланган Бинолари умумий ўрта таълим муассасалари сифатида фойдаланиладиган касб-ҳунар коллежлари рўйхатидан 281-позицияси чиқариб ташлансин.
5. Мазкур қарорнинг бажарилишини назорат қилиш Ўзбекистон Республикаси Бош вазирининг ижтимоий ривожлантириш масалалари бўйича ўринбосари Б.А. Мусаев ҳамда олий ва ўрта махсус таълим вазири И.У. Маджидов зиммасига юклансин.
Ўзбекистон Республикасининг Бош вазири А. АРИПОВ
Тошкент ш.,
2020 йил 31 декабрь,
823-сон
Oʻzbekiston Respublikasi Vazirlar Mahkamasining
qarori
Samarqand davlat universitetining Denov tadbirkorlik va pedagogika instituti moddiy-texnika bazasini mustahkamlash toʻgʻrisida
Samarqand davlat universitetining Denov tadbirkorlik va pedagogika instituti moddiy-texnika bazasini mustahkamlash va qulay shart-sharoitlar yaratish maqsadida Vazirlar Mahkamasi qaror qiladi:
1. Oʻzbekiston Respublikasi Prezidentining “Professional taʼlim tizimini yanada takomillashtirishga doir qoʻshimcha chora-tadbirlar toʻgʻrisida” 2019-yil 6-sentabrdagi PF-5812-son Farmoniga muvofiq quyidagilar:
binolari umumiy oʻrta taʼlim muassasalari sifatida foydalaniladigan kasb-hunar kollejlari roʻyxati (keyingi oʻrinlarda — roʻyxat) tasdiqlanganligi;
Surxondaryo viloyati, Sariosiyo tumanida joylashgan Sariosiyo agrosanoat kasb-hunar kolleji roʻyxatga kiritilganligi;
Vazirlar Mahkamasiga zarur hollarda roʻyxatga oʻzgartirish va qoʻshimchalar kiritish huquqi berilganligi maʼlumot uchun qabul qilinsin.
2. Oʻzbekiston Respublikasi Oliy va oʻrta maxsus taʼlim vazirligi, Xalq taʼlimi vazirligi va Surxondaryo viloyati hokimligining Surxondaryo viloyati, Sariosiyo tumani, Xufar QFY, Gulobod mahallasida joylashgan sobiq Sariosiyo agrosanoat kasb-hunar kollejining bino va inshootlarini (keyingi oʻrinlarda — obyekt) operativ boshqaruv huquqi asosida Samarqand davlat universitetining Denov tadbirkorlik va pedagogika institutiga (keyingi oʻrinlarda — Institut) bepul berish toʻgʻrisidagi taklifiga rozilik berilsin.
3. Oʻzbekiston Respublikasi Oliy va oʻrta maxsus taʼlim vazirligi:
Institut tomonidan bir oy muddatda obyekt qabul qilib olinishini hamda undan maqsadli va samarali foydalanilishini;
Termiz davlat universitetining budjetdan tashqari mablagʻlari hisobidan 1 mlrd soʻm miqdoridagi mablagʻ Institut hududida zamonaviy tipdagi axborot-resurs markazini qurish uchun ajratilishini taʼminlasin.
4. Oʻzbekiston Respublikasi Prezidentining 2019-yil 6-sentabrdagi PF-5812-son Farmoni bilan tasdiqlangan Binolari umumiy oʻrta taʼlim muassasalari sifatida foydalaniladigan kasb-hunar kollejlari roʻyxatidan 281-pozitsiyasi chiqarib tashlansin.
5. Mazkur qarorning bajarilishini nazorat qilish Oʻzbekiston Respublikasi Bosh vazirining ijtimoiy rivojlantirish masalalari boʻyicha oʻrinbosari B.A. Musayev hamda oliy va oʻrta maxsus taʼlim vaziri I.U. Madjidov zimmasiga yuklansin.
Oʻzbekiston Respublikasining Bosh vaziri A. ARIPOV
Toshkent sh.,
2020-yil 31-dekabr,
823-son