📅 2020-yil 29-dekabr · Vazirlar Mahkamasi qarorlari
Rasmiy matn. Rasmiy hujjat. Tahririy izohlar kiritilmagan.
UzbekAI
📅 2020 йил 29 декабрь · Вазирлар Маҳкамаси қарорлари
Расмий матн. Расмий ҳужжат. Таҳририй изоҳлар киритилмаган.
📅 29 декабря 2020 г. · Постановления Кабинета Министров
Официальный текст. Официальный документ. Редакционные примечания не включены.
📅 29 December 2020 · Cabinet of Ministers resolutions
Official text. Official document. Editorial notes are not included.
Ўзбекистон Республикаси Вазирлар Маҳкамасининг
қарори
Хоразм вилоятидаги «Ўзбек — Туркман дўстлик уйи» ва «Улли ҳовли» мажмуаси» дирекциясини ташкил этиш чора-тадбирлари тўғрисида
Ўзбек — Туркман халқларининг қадимий тарихи ва маданияти, муштарак мақсадлари, ҳамжиҳатликдаги тараққиётини ёрқин ифодалайдиган Хоразм вилоятидаги «Ўзбек — Туркман дўстлик уйи» ва «Улли ҳовли» мажмуасини юқори даражада сақлаш ва самарали бошқариш, мажмуанинг сайёҳлик салоҳиятини ошириш ва бу ерда қардош халқнинг ўзаро уйғунликдаги этнографик маданиятини тарғиб этиш учун зарур шарт-шароитлар яратиш мақсадида Вазирлар Маҳкамаси қарор қилади:
1. Ўзбекистон Республикаси Маданият вазирлиги, Хоразм вилояти ҳокимлиги ва Туризмни ривожлантириш давлат қўмитасининг:
Ўзбекистон Республикаси Маданият вазирлигининг Хоразм вилояти Маданият бошқармаси таркибида давлат муассасаси шаклидаги «Ўзбек — Туркман дўстлик уйи» ва «Улли ҳовли» мажмуаси» дирекциясини (кейинги ўринларда — Дирекция) ташкил этиш;
Урганч тумани Ғойбу қишлоғи «Туркманлар» маҳалласи ҳудудидаги «Ўзбек — Туркман дўстлик уйи» ва «Улли ҳовли» мажмуасида жойлашган бино ва иншоотларни Дирекцияга оператив бошқарув ҳуқуқи асосида текин бериш тўғрисидаги таклифлари маъқуллансин.
Ўзбекистон Республикаси Маданият вазирлиги ва Хоразм вилояти ҳокимлиги бир ой муддатда мазкур қарорнинг 1-банди учинчи хатбошисида кўрсатилган бино ва иншоотларни тегишли ҳудуди билан биргаликда топшириш, Дирекция эса қабул қилиб олиш чораларини кўрсин.
2. Қуйидагилар Дирекциянинг асосий вазифалари этиб белгилансин:
мажмуанинг илмий концепциясини ишлаб чиқиш ва уни амалга ошириш, мажмуада ўзбек — туркман халқларининг дўстлиги мавзусини, унинг дастлабки кўриниши ва ўша давр муҳитини акс эттирувчи доимий экспозиция — кўргазма яратиш;
мажмуадаги объектларда маданий-маърифий, этнографик тадбирлар, илмий анжуманлар, фестиваллар, танловлар, ярмаркалар, сайиллар ташкил этиш;
мажмуада қардош халқлар ҳақида батафсил маълумотлар базасини яратиш ва уни мунтазам янгилаб бориш, унга оид китоб ва тўпламлар, видео ва фото ҳужжатлар каби бошқа манбаларни излаш, тўплаш, ўрганиш ва тарғиб қилиш ҳамда ахборот-ресурс маркази фаолиятини самарали йўлга қўйиш;
мажмуанинг тарихий кўринишини сақлаган ҳудудда зарур инфратузилмани шакллантириш, хизмат турини кенгайтириш ва сифатини ошириш, бу ерда дам олиш ва мазмунли ҳордиқ чиқариш учун қулай шарт-шароитлар яратиш, мажмуани маданий этнографик туристик марказга айлантириш.
3. Ўзбекистон Республикаси Маданият вазирлиги бир ой муддатда:
Дирекциянинг тузилмаси ва уставини ишлаб чиқсин ҳамда белгиланган тартибда тасдиқласин;
Дирекциянинг штатлар жадвалини ишлаб чиқиш ва тасдиқлаш, малакали ходимлар билан таъминлаш ва унинг самарали фаолият олиб бориши билан боғлиқ бошқа зарур чора-тадбирларни амалга оширсин.
Белгилаб қўйилсинки, Дирекция ходимлар штат бирликларини белгилаш тартиби ҳамда меҳнатга ҳақ тўлаш ва рағбатлантириш шартлари бўйича Ўзбекистон Республикаси Маданият вазирлиги тизимидаги кўргазма ва галереяларга тенглаштирилади.
4. Қуйидагилар Дирекцияни молиялаштириш манбалари этиб белгилансин:
Хоразм вилояти маҳаллий бюджети маблағлари;
Дирекциянинг асосий фаолиятидан тушадиган маблағлар;
жисмоний ва юридик шахсларнинг ҳомийлик хайриялари;
қонунчилик ҳужжатлари билан тақиқланмаган бошқа манбалар.
5. Хоразм вилояти ҳокимлиги Дирекциянинг моддий-техника базасини яратиш, шу жумладан, зарур жиҳозлар билан таъминлаш ҳамда Дирекцияни сақлаш харажатлари учун зарур маблағларни 2021 йилда Хоразм вилояти маҳаллий бюджети параметрларида назарда тутилган маблағлар доирасида ажратсин.
Ўзбекистон Республикаси Молия вазирлиги 2022 йилдан бошлаб Ўзбекистон Республикаси Давлат бюджети параметрларини шакллантиришда Дирекцияни сақлаш харажатлари учун зарур маблағларни назарда тутсин.
6. Мазкур қарорнинг бажарилишини назорат қилиш Ўзбекистон Республикаси Бош вазирининг ижтимоий ривожлантириш масалалари бўйича ўринбосари Б.А. Мусаев зиммасига юклансин.
Ўзбекистон Республикасининг Бош вазири А. АРИПОВ
Тошкент ш.,
2020 йил 29 декабрь,
815-сон
Oʻzbekiston Respublikasi Vazirlar Mahkamasining
qarori
Xorazm viloyatidagi “Oʻzbek — Turkman doʻstlik uyi” va “Ulli hovli” majmuasi” direksiyasini tashkil etish chora-tadbirlari toʻgʻrisida
Oʻzbek — Turkman xalqlarining qadimiy tarixi va madaniyati, mushtarak maqsadlari, hamjihatlikdagi taraqqiyotini yorqin ifodalaydigan Xorazm viloyatidagi “Oʻzbek — Turkman doʻstlik uyi” va “Ulli hovli” majmuasini yuqori darajada saqlash va samarali boshqarish, majmuaning sayyohlik salohiyatini oshirish va bu yerda qardosh xalqning oʻzaro uygʻunlikdagi etnografik madaniyatini targʻib etish uchun zarur shart-sharoitlar yaratish maqsadida Vazirlar Mahkamasi qaror qiladi:
1. Oʻzbekiston Respublikasi Madaniyat vazirligi, Xorazm viloyati hokimligi va Turizmni rivojlantirish davlat qoʻmitasining:
Oʻzbekiston Respublikasi Madaniyat vazirligining Xorazm viloyati Madaniyat boshqarmasi tarkibida davlat muassasasi shaklidagi “Oʻzbek — Turkman doʻstlik uyi” va “Ulli hovli” majmuasi” direksiyasini (keyingi oʻrinlarda — Direksiya) tashkil etish;
Urganch tumani Gʻoybu qishlogʻi “Turkmanlar” mahallasi hududidagi “Oʻzbek — Turkman doʻstlik uyi” va “Ulli hovli” majmuasida joylashgan bino va inshootlarni Direksiyaga operativ boshqaruv huquqi asosida tekin berish toʻgʻrisidagi takliflari maʼqullansin.
Oʻzbekiston Respublikasi Madaniyat vazirligi va Xorazm viloyati hokimligi bir oy muddatda mazkur qarorning 1-bandi uchinchi xatboshisida koʻrsatilgan bino va inshootlarni tegishli hududi bilan birgalikda topshirish, Direksiya esa qabul qilib olish choralarini koʻrsin.
2. Quyidagilar Direksiyaning asosiy vazifalari etib belgilansin:
majmuaning ilmiy konsepsiyasini ishlab chiqish va uni amalga oshirish, majmuada oʻzbek — turkman xalqlarining doʻstligi mavzusini, uning dastlabki koʻrinishi va oʻsha davr muhitini aks ettiruvchi doimiy ekspozitsiya — koʻrgazma yaratish;
majmuadagi obyektlarda madaniy-maʼrifiy, etnografik tadbirlar, ilmiy anjumanlar, festivallar, tanlovlar, yarmarkalar, sayillar tashkil etish;
majmuada qardosh xalqlar haqida batafsil maʼlumotlar bazasini yaratish va uni muntazam yangilab borish, unga oid kitob va toʻplamlar, video va foto hujjatlar kabi boshqa manbalarni izlash, toʻplash, oʻrganish va targʻib qilish hamda axborot-resurs markazi faoliyatini samarali yoʻlga qoʻyish;
majmuaning tarixiy koʻrinishini saqlagan hududda zarur infratuzilmani shakllantirish, xizmat turini kengaytirish va sifatini oshirish, bu yerda dam olish va mazmunli hordiq chiqarish uchun qulay shart-sharoitlar yaratish, majmuani madaniy etnografik turistik markazga aylantirish.
3. Oʻzbekiston Respublikasi Madaniyat vazirligi bir oy muddatda:
Direksiyaning tuzilmasi va ustavini ishlab chiqsin hamda belgilangan tartibda tasdiqlasin;
Direksiyaning shtatlar jadvalini ishlab chiqish va tasdiqlash, malakali xodimlar bilan taʼminlash va uning samarali faoliyat olib borishi bilan bogʻliq boshqa zarur chora-tadbirlarni amalga oshirsin.
Belgilab qoʻyilsinki, Direksiya xodimlar shtat birliklarini belgilash tartibi hamda mehnatga haq toʻlash va ragʻbatlantirish shartlari boʻyicha Oʻzbekiston Respublikasi Madaniyat vazirligi tizimidagi koʻrgazma va galereyalarga tenglashtiriladi.
4. Quyidagilar Direksiyani moliyalashtirish manbalari etib belgilansin:
Xorazm viloyati mahalliy budjeti mablagʻlari;
Direksiyaning asosiy faoliyatidan tushadigan mablagʻlar;
jismoniy va yuridik shaxslarning homiylik xayriyalari;
qonunchilik hujjatlari bilan taqiqlanmagan boshqa manbalar.
5. Xorazm viloyati hokimligi Direksiyaning moddiy-texnika bazasini yaratish, shu jumladan, zarur jihozlar bilan taʼminlash hamda Direksiyani saqlash xarajatlari uchun zarur mablagʻlarni 2021-yilda Xorazm viloyati mahalliy budjeti parametrlarida nazarda tutilgan mablagʻlar doirasida ajratsin.
Oʻzbekiston Respublikasi Moliya vazirligi 2022-yildan boshlab Oʻzbekiston Respublikasi Davlat budjeti parametrlarini shakllantirishda Direksiyani saqlash xarajatlari uchun zarur mablagʻlarni nazarda tutsin.
6. Mazkur qarorning bajarilishini nazorat qilish Oʻzbekiston Respublikasi Bosh vazirining ijtimoiy rivojlantirish masalalari boʻyicha oʻrinbosari B.A. Musayev zimmasiga yuklansin.
Oʻzbekiston Respublikasining Bosh vaziri A. ARIPOV
Toshkent sh.,
2020-yil 29-dekabr,
815-son