UzbekAI

Ўзбекистон Республикаси Вазирлар Маҳкамасининг

қарори

ҚОИДАЛАРИ

НИЗОМ

РЎЙХАТИ

РЎЙХАТИ

НИЗОМ

НИЗОМ

ўзгартириш ва қўшимчалар

РЎЙХАТИ

Айрим турдаги маҳсулотларни мажбурий рақамли маркировкалаш тизими босқичма-босқич жорий этилишини таъминлаш чора-тадбирлари тўғрисида

Ўзбекистон Республикаси Президентининг « Солиқ маъмуриятчилигини такомиллаштириш бўйича қўшимча чора-тадбирлар тўғрисида » 2019 йил 10 июлдаги ПҚ-4389-сон ва « Рақамли иқтисодиёт ва электрон ҳукуматни кенг жорий этиш чора-тадбирлари тўғрисида » 2020 йил 28 апрелдаги ПҚ-4699-сон қарорлари ижросини таъминлаш, шунингдек, маҳсулотларни идентификация воситалари орқали маркировкалаш ва уларнинг айланмасини кузатиб бориш қоидаларини белгилаш ҳамда айрим турдаги маҳсулотларни мажбурий рақамли маркировкалаш тизимини босқичма-босқич жорий этиш механизмларини такомиллаштириш мақсадида Вазирлар Маҳкамаси қарор қилади:

1. Вазирлар Маҳкамасининг «Айрим турдаги маҳсулотларни мажбурий рақамли маркировкалаш тизимини жорий этиш тўғрисида» 2020 йил 20 ноябрдаги 737-сон қарорига мувофиқ:

2021-2022 йилларда идентификация воситалари билан мажбурий рақамли маркировкалаш талаби жорий қилинадиган маҳсулотлар рўйхати (кейинги ўринларда — Рўйхат) тасдиқланганлиги;

«Asl belgisi» маҳсулотларни маркировкалаш ва кузатиб бориш миллий ахборот тизими (кейинги ўринларда — «Asl belgisi» МАТ) жорий этилганлиги;

маркировкаланмаган маҳсулотларни ишлаб чиқариш ва сотиш устидан жамоатчилик назоратини ўрнатиш юзасидан тегишли имкониятлар «Солиқ ҳамкор» тизими ҳамда «Солиқ» мобил иловаларида яратилиши маълумот учун қабул қилинсин.

2. Қуйидагилар:

айрим турдаги маҳсулотларни мажбурий рақамли маркировкалаш тизими босқичма-босқич жорий этилишини таъминлаш мақсадида Ўзбекистон Республикаси Солиқ қўмитаси ва «CRPT TURON» масъулияти чекланган жамият ўртасида тўғридан-тўғри музокаралар асосида давлат-хусусий шериклик битими тузилганлиги;

«CRPT TURON» масъулияти чекланган жамият томонидан 2021 йил 1 июлга қадар «Asl belgisi» МАТга тегишли интеллектуал фаолият натижаларига доир мутлақ ҳуқуқлар Ўзбекистон Республикаси Адлия вазирлиги ҳузуридаги Интеллектуал мулк агентлигида белгиланган тартибда рўйхатдан ўтказилиши таъминлансин.

3. Ўзбекистон Республикаси Иқтисодиёт ва молия вазирлигининг мажбурий маркировкаланадиган маҳсулотларни ишлаб чиқарувчилар ва импорт қилувчиларга маркировка кодларини тақдим этиш юзасидан хизматлар кўрсатиш учун ягона тўлов (тариф) миқдорини қўшилган қиймат солиғини ҳисобга олмасдан 1 код учун 68 сўм миқдорида белгилаш тўғрисидаги таклифи маъқуллансин.

Бевосита маҳсулотга қўлланиладиган маркировка кодидан ташқари барча турдаги кодлар Рақамли маркировкалаш ва кузатиш миллий ахборот тизими оператори томонидан бепул тарзда тақдим этилади.

Бунда мажбурий рақамли маркировкаланиши белгиланган маҳсулотларнинг хорижий ишлаб чиқарувчиларига маркировкалаш кодларини тақдим этиш бўйича хизматлар ҳақини чет эл валютасида, Ўзбекистон Республикаси Марказий банкининг мазкур кодлар учун тўловлар келиб тушган кундаги курси бўйича миллий валютада тасдиқланган тариф миқдорида тўлаш ҳуқуқи берилади.

4. Қуйидагилар:

Маҳсулотларни идентификация воситалари орқали рақамли маркировкалаш ва уларнинг айланмасини кузатиб бориш қоидалари 1-иловага мувофиқ;

«Asl belgisi» маҳсулотларни рақамли маркировкалаш ва кузатиб бориш миллий ахборот тизимига техник хизмат кўрсатиш ва фойдаланиш тартиби тўғрисидаги низом 2-иловага мувофиқ;

Тамаки маҳсулотларини идентификация воситалари орқали рақамли маркировкалаш хусусиятлари тўғрисидаги низом 3-иловага мувофиқ;

Алкоголь маҳсулотларини идентификация воситалари орқали рақамли маркировкалаш хусусиятлари тўғрисидаги низом 4-иловага мувофиқ тасдиқлансин.

5. Ўзбекистон Республикаси Солиқ қўмитаси Вазирлар Маҳкамаси билан келишган ҳолда:

маҳсулотларни рақамли маркировкалаш бўйича ихтиёрий экспериментлар амалга оширилишини;

рақамли маркировка қилиниши лозим бўлган маҳсулотлар рўйхати кенгайтирилишини ва уларни жорий этиш муддатлари белгиланишини таъминласин.

6. Ўзбекистон Республикаси Солиқ қўмитаси:

савдо шохобчаларини штрих-кодлар ва рақамли маркировка кодларини тўғри ўқишни ва аниқлашни таъминловчи махсус қурилмалар (2D-сканерлар, маълумотларни йиғувчи терминаллар ёки бошқа турдаги махсус қурилмалар) билан таъминлаш юзасидан барча зарур чораларни кўрсин;

махсус қурилмаларни харид қилган тадбиркорлик субъектларининг белгиланган имтиёзлардан фойдаланиши тўғрисида кенг тарғибот тадбирларини амалга ошириб борсин;

айрим турдаги маҳсулотларни мажбурий рақамли маркировкалаш бўйича талабларнинг бажарилиши, шунингдек, мазкур маҳсулотларнинг айланмаси иштирокчилари томонидан маҳсулотларни идентификация воситалари орқали рақамли маркировкалаш ва уларнинг айланмасини кузатиб бориш қоидалари талабларига риоя этилиши устидан қатъий назорат қилиб борсин.

7. Ўзбекистон Республикаси Давлат солиқ қўмитаси Молия вазирлиги ҳамда бошқа манфаатдор вазирликлар ва идоралар билан биргаликда:

2021 йил 30 декабрга қадар дори воситалари ва тиббий буюмларни;

2022 йил 1 мартга қадар сув ва салқин ичимликларни;

2022 йил 1 майга қадар маиший техникаларни маркировкалаш ва кузатиш тартибларини тасдиқлаш учун Вазирлар Маҳкамасига киритсин.

8. Ўзбекистон Республикаси Ҳукуматининг 5-иловага мувофиқ айрим қарорларига ўзгартириш ва қўшимчалар киритилсин.

9. Ўзбекистон Республикаси Ҳукуматининг 6-иловага мувофиқ айрим қарорлари ўз кучини йўқотган деб ҳисоблансин.

10. Мазкур қарорнинг бажарилишини назорат қилиш Ўзбекистон Республикаси Бош вазирининг молия-иқтисодиёт ва камбағалликни қисқартириш масалалари бўйича ўринбосари — иқтисодий тараққиёт ва камбағалликни қисқартириш вазири Ж.А. Қўчқоров ва Ўзбекистон Республикаси Давлат солиқ қўмитаси раиси Ш.Д. Кудбиев зиммасига юклансин.

Вазирлар Маҳкамасининг 2020 йил 31 декабрдаги 833-сон қарорига 1-ИЛОВА

Маҳсулотларни идентификация воситалари орқали рақамли маркировкалаш ва уларнинг айланмасини кузатиб бориш

1-боб. Умумий қоидалар

1. Ушбу Қоидалар маҳсулотларни рақамли идентификациялаш йўли билан маркировкалаш, шу жумладан, рақамли идентификациялаш воситаларини қўллаш ва шакллантириш, мажбурий маркировка қилиниши лозим бўлган маҳсулотлар айланмаси иштирокчилари томонидан мажбурий маркировка қилиниши керак бўлган маҳсулотлар айланмаси ҳақидаги маълумотларни маркировкалаш ахборот тизимига киритиш мақсадида Рақамли маркировкалаш ва кузатиш миллий ахборот тизими операторига (кейинги ўринларда — Оператор) тақдим этиш тартибини белгилайди.

2. Мазкур Қоидалар қуйидагиларга:

а) норматив-ҳуқуқий ҳужжатларда белгиланган талабларга мувофиқлигини аниқлаш ва баҳолаш мақсадида техник тажрибалар ўтказиш учун етарли бўлган миқдордаги намуналарни сақлаш ва транспортда ташишда;

б) намуна экспонат, реклама ва маркетинг намуналари сифатида халқаро кўргазмалар ва ярмаркаларнинг ташкилотчилари ва иштирокчилари томонидан Ўзбекистон Республикаси ҳудудига олиб кирилувчи ва сотиш (савдо) учун мўлжалланмаган маҳсулотларга;

в) божхона назорати остида турган маҳсулотларга;

г) Ўзбекистон Республикаси қонунчилигига мувофиқ хорижий мурувват (гуманитар) ва халқаро техник ёрдам ҳисобланган маҳсулотларга;

д) «бож олинмайдиган савдо» (Duty free) божхона режимида реализация қилинадиган маҳсулотларга;

е) сотишга тайёр бўлмаган, шу жумладан, истеъмол ўрамига қадоқланмаган маҳсулотларга, шу маҳсулотлар ишлаб чиқарувчилар томонидан сақланишида;

ж) муомаладан чиқарилган, олиб қўйилган, мусодара қилинган ёки бошқа усулда Ўзбекистон Республикаси даромадига ўтказилган маҳсулотларга ва маҳсулотларни сақлашда ва транспортда ташишда, сотилишида (савдосида) Ўзбекистон Республикасининг солиқ ва божхона тўғрисидаги қонунчилик ҳужжатларида назарда тутилган мажбуриятлар бажарилмаганлиги ҳисобига жарима солинган маҳсулотларга ҳамда йўқ қилиниши керак бўлган маҳсулотларга уларни сақлашда ва транспортда ташишда;

з) қонунчилик ҳужжатларида белгиланган божхона тўловлари ундирилмайдиган товарларни республикага олиб кириш нормалари доирасида жисмоний шахслар томонидан Ўзбекистон Республикаси ҳудудига олиб кирилган маҳсулотларга;

и) дипломатик ваколатхоналар, консуллик муассасалари, халқаро, давлатлараро ва ҳукуматлараро ташкилотлар, уларнинг ваколатхоналари, уларнинг ҳузуридаги давлатлар ваколатхоналари томонидан расмий фойдаланиш учун мўлжалланган маҳсулотларга, уларни сақлашда, транспортда ташишда ва қўллашда;

к) Ўзбекистон Республикаси ҳудудидан экспортга олиб чиқиб кетиш ва транзит учун мўлжалланган маҳсулотларга.

л) синовдан ўтказиш ва текшириш учун мўлжалланган ва сотиш (савдо) учун мўлжалланмаган маҳсулотларнинг намуналарига;

м) агар маҳсулотлар айланмаси иштирокчиси хорижий ишлаб чиқарувчи ва юридик ёки жисмоний шахслар ўртасида ҳомийлик битимини бажариш мақсадларида хорижий ишлаб чиқарувчининг топшириғи бўйича комиссия (агентлик) шартномаси доирасида ҳаракат қилаётган ҳолатда маҳсулотлар айланмаси иштирокчилари томонидан Ўзбекистон Республикаси ҳудудига олиб кирилувчи ва сотиш (савдо) учун мўлжалланмаган маҳсулотларга татбиқ этилмайди.

3. Рақамли идентификациялаш воситалари босиб туширилмаган маҳсулотларни сотиб олишда, сақлашда, айланмага киритишга ва рақамли идентификациялаш воситалари ёрдамида маҳсулотларни маркировкалаш тўғрисидаги маълумотларни маркировкалаш ахборот тизимига киритишга ҳамда рақамли идентификациялаш воситалари ёрдамида маркировкаланмаган маҳсулотлар айланмаси ва айланмадан чиқарилишига мувофиқ маҳсулот гуруҳи учун рақамли идентификациялаш воситалари ёрдамида маркировкалаш хусусиятлари билан белгиланган санагача йўл қўйилади.

Мажбурий рақамли маркировкалаш бошланини белгиланган санадан сўнг маҳсулотларни рақамли идентификация воситаларини қўлламасдан муомалага киритиш ва маркировкалаш ахборот тизимига маълумот юбормаслик, шунингдек, рақамли идентификация воситалари билан маркировкаланмаган маҳсулотларни сотиб олиш, сақлаш, муомалага киритиш ва муомаладан чиқариш, шу жумладан, ушбу операцияларни тегишли маҳсулот гуруҳи учун идентификация воситалари орқали рақамли маркировкалаш хусусиятлари билан белгиланган меъёрларни ёҳуд ушбу Қоидаларни бузган ҳолда амалга ошириш, мажбурий рақамли маркировкалаш қоидаларни бузиш деб ҳисобланади ва қонунчиликда белгиланган жавобгарликка тортиш учун асос бўлади.

4. Мазкур Қоидаларда қуйидаги асосий тушунчалар қўлланилади:

агрегациялаш — яратилувчи гуруҳланган қадоқ ва (ёки) транспорт қадоғининг идентификациялаш коди билан ҳар бир жойлаштирилган истеъмол қадоғи, гуруҳланган қадоқ, транспорт қадоғининг идентификациялаш кодларининг ўзаро боғлиқлиги тўғрисидаги маълумотни сақловчи яратилувчи гуруҳланган қадоқ ва (ёки) транспорт қадоғига босиб тушириш билан истеъмол қадоғини биринчи даража гуруҳланган қадоғига ва (ёки) транспорт қадоғига ҳамда биринчи даража транспорт қадоқларининг кейинги даража транспорт қадоғига маҳсулотларни бирлаштириш жараёни;

агрегацияланган импорт коди — оператор томонидан шакллантириладиган ва божхона юк декларациясида кўрсатиладиган, ўзи билан ҳар бир маҳсулотнинг маркировка кодларини бирлаштирувчи маҳсулотларнинг алоҳида жамланмаси учун белгиларнинг такрорланмас кетма-кетлиги;

маҳсулотларни айланмага киритиш — маҳсулотни ишлаб чиқаришда:

Ўзбекистон Республикаси ҳудудида — ишлаб чиқарувчидан янги мулкдорга ёки бошқа шахсга бундай шахсга унинг тасарруф этиши мақсадида ёки уни тарқатиш ва (ёки) қўллаш учун эришимли қилувчи кейинги сотилиши учун маҳсулотнинг бирламчи пулли ёки бепул узатилиши;

Ўзбекистон Республикаси ҳудудидан ташқарида ишлаб чиқарилган маиший техника маҳсулотлари — импорт қилувчи томонидан Ўзбекистон Республикасида ички истеъмолга чиқариш (реализация);

маркировкалаш мақсадида маҳсулотларни айланмага киритиш қуйидагича эътироф этилади:

маҳсулотнинг келажакда сотилиши (савдоси) билан боғлиқ бўлмаган мақсадлар учун юридик шахслар ва якка тартибдаги тадбиркорлар томонидан аввал сотиб олинган маҳсулотнинг уларга пулли ёки бепул узатилиши;

юридик шахс ва якка тартибдаги тадбиркорлар томонидан маҳсулотларни пулли ва (ёки) бепул бериб юбориш, эгасиз, муомаладан чиқарилган, мусодара қилинган, тақиқ қўйилган, суд ва ваколатли органларнинг қарорига мувофиқ давлат ҳисобига ўтказилган мулкни қонунчиликка мувофиқ янги мулкдорга сотиш;

комиссия шартномалари доирасида якка тартибдаги тадбиркор ҳисобланмайдиган жисмоний шахслардан олинган маҳсулотларнинг комиссионер томонидан сотилиши (савдоси);

Ўзбекистон Республикаси ҳудудида — ишлаб чиқарувчидан янги мулкдорга ёки бошқа шахсга бундай шахсга унинг тасарруф этиш мақсадида ёки уни тарқатиш ва (ёки) қўллаш учун эришимли қилувчи кейинги сотилиши учун маҳсулотнинг бирламчи пулли ёки бепул узатилиши;

Ўзбекистон Республикаси ҳудудидан ташқарида — Ўзбекистон Республикасига олиб кирилувчи маҳсулотнинг ички истеъмоли учун божхона органлари томонидан чиқарилиши;

маҳсулотнинг айланмадан чиқарилиши — шахсий истеъмол учун жисмоний шахсга маркировкаланган маҳсулотнинг сотилиши (савдоси), маҳсулотни муомаладан чиқариш (мусодара қилиш), утилизация қилиниши, йўқ қилиниши, йўқотилиши ва аввал Ўзбекистон Республикаси ҳудудида айланмада бўлган маҳсулотнинг Ўзбекистон Республикаси ҳудудидан ташқарига сотилиши, маҳсулотни шахсий эҳтиёжлар учун қўлланилиши ҳамда маҳсулотнинг келажакда айланиши тўхтатилишини кўзлаган бошқа ҳаракатлар;

гуруҳланган қадоқ — маҳсулотлар айланмаси иштирокчиси томонидан шакллантирилувчи полимер плёнка ёки қоғоз билан ўралган ёки гуруҳланган қадоқнинг идентификациялаш кодига эга бўлган қоғоз тасма билан қопланган ва уни тарқатиш имконияти билан сотилиши керак бўлган маҳсулотлар мажмуи;

импорт қилувчи — Ўзбекистон Республикаси ҳудудида маҳсулотларни сотиш мақсадида Ўзбекистон Республикасига маҳсулотларни олиб кирувчи юридик шахс ёки якка тартибдаги тадбиркор;

индивидуал серия рақами — маҳсулот кодига асосан маҳсулотлар бирлигини ёки маҳсулотлар тўплами ёки маҳсулотлар жамланмаси ёки гуруҳланган қадоқни ноёб идентификация қилувчи белгиларнинг кетма-кетлиги;

маркировкалаш ахборот тизими — «Asl belgisi» маҳсулотларни маркировкалаш ва кузатиб бориш миллий ахборот тизими;

маркировка коди — идентификациялаш кодидан ва текшириш кодидан ташкил топган Оператор томонидан шакллантириладиган белгиларнинг ноёб кетма-кетлиги;

идентификациялаш коди — ўзи билан маҳсулот нусхасининг ноёб рақамини тақдим этувчи белгиларнинг кетма-кетлиги;

маҳсулотлар жамланмасининг идентификациялаш коди — ўзи билан мазкур Қоидаларга мувофиқ маҳсулотлар жамланмасини идентификациялаш мақсадлари учун шакллантирилувчи маҳсулотлар жамланмасини нусхасининг ноёб рақамини тақдим этувчи белгилар кетма-кетлиги;

маҳсулотлар тўпламининг идентификациялаш коди — ўзи билан мазкур Қоидаларга мувофиқ маҳсулотлар тўпламини идентификациялаш мақсадлари учун шакллантирилувчи маҳсулотлар тўплами нусхасининг ноёб рақамини тақдим этувчи белгилар кетма-кетлиги;

транспорт қадоғининг идентификациялаш коди — ўзи билан мазкур Қоидаларга мувофиқ шакллантирилувчи транспорт қадоғи нусхасининг ноёб рақамини тақдим этувчи белгилар кетма-кетлиги;

текшириш коди — идентификациялаш коди асосида имито қўшиш тартибида Оператор томонидан шакллантирилган ва уни фискал тўплагич ва (ёки) текшириш кодининг техник воситаларини қўллаш орқали текширишда идентификациялаш кодининг қалбакилаштирилганлигини аниқлашга имкон берувчи белгиларнинг кетма-кетлиги;

маҳсулот коди — маҳсулот номенклатураси бўйича маҳсулотлар тўғрисида ҳаққоний маълумотларнинг ҳисобини юритиш ва сақланишини таъминловчи ахборот ресурсида уларни таърифлашда маҳсулотлар гуруҳида тавсифланувчи ноёб код;

маҳсулотлар жамланмаси — сотиш (савдо) мақсадларида тарқатиб юборилиши керак бўлмаган умумий истеъмол қадоғига бирлаштирилган ва маҳсулотлар жамланмасининг идентификациялаш кодига эга бўлган маҳсулотни ўз ичига олувчи ишлаб чиқарувчи томонидан шакллантирилувчи маҳсулотлар мажмуи;

шахсий кабинет — Оператор томонидан белгиланган тартибда маҳсулотлар айланмаси иштирокчисига ёки давлат бошқарув органига тақдим этилувчи ва Оператор, маҳсулотлар айланмаси иштирокчиси ва давлат бошқарув органи томонидан қўлланилувчи, Интернет жаҳон ахборот тармоғида Операторнинг расмий веб-сайтида жойлаштирилган ахборот сервиси;

рақамли маркировкаланган маҳсулот — мазкур Қоидалар талабларига риоя этиш билан рақамли идентификациялаш воситалари босиб туширилган ва у ҳақидаги ҳаққоний маълумотлар (жумладан, унга босиб туширилган рақамли идентификациялаш воситалари тўғрисидаги маълумотлар) маркировкалаш ахборот тизимида сақланувчи маҳсулот;

рақамли маркировкаланмаган маҳсулот — рақамли идентификация воситаси билан маркировкаланмаган ва (ёки) бузилган (ўқилмайдиган) рақамли идентификация воситасига эга бўлган ва (ёки) сохта (сохталаштирилган) маркировка кодлари билан маркировкаланган ва (ёки) ушбу Қоидаларнинг (шу жумладан, маркировка кодларини қайта ишлатиш, Оператор томонидан маҳсулотлар айланмасининг бошқа иштирокчисига ва (ёки) бошқа маҳсулотлар гуруҳини маркировкалаш мақсадида берилган маркировка кодларидан фойдаланиш) талабларини бузилган ҳолда маркировкаланган маҳсулотлар;

маркировка — мазкур Қоидаларга мувофиқ идентификациялаш воситасини маҳсулотга ёки унинг қадоғига ёки бошқа моддий ташувчига босиб тушириш;

маҳсулотлар тўплами — маҳсулотлар тўпламининг идентификациялаш кодига эга бўлган ва уни тарқатиш имконияти билан сотилиши керак бўлган умумий истеъмол қадоғи билан бирлаштирилган маҳсулотлар айланмаси иштирокчи томонидан шакллантирилувчи маҳсулотлар йиғиндиси;

маҳсулотлар айланмаси — маҳсулотнинг Ўзбекистон Республикасига олиб кирилиши, ишлаб чиқарилиши, сақланиши, транспортда ташилиши, қабул қилиниши ва бериб юборилиши, жумладан, унинг Ўзбекистон Республикаси ҳудудида сотиб олиниши ва сотилиши;

Оператор — маркировкалаш ахборот тизими яратилишини, ривожлантирилишини, такомиллаштирилишини ва ишлатилишини амалга оширувчи Ўзбекистон Республикасида рўйхатга олинган юридик шахс;

роуминг оператори — марказлашган сақланишни, операторлар орасида узатишни ва электрон ҳисобварақ-фактураларнинг юритилишини таъминловчи юридик шахс;

фискал маълумотлар оператори — онлайн тартибда фискал маълумотларнинг қабул қилиниши, уларга ишлов берилиши ва сақланишини амалга оширувчи Ўзбекистон Республикаси Солиқ қўмитаси ҳузуридаги «Янги технологиялар илмий-ахборот маркази»акциядорлик жамияти;

маҳсулотларнинг қолдиқлари — рақамли идентификациялаш воситалари ёрдамида мажбурий маркировкалашни киритиш тўғрисида қарор қабул қилинган ва шундай мажбурий маркировкалашни киритиш санасига маҳсулотлар ишлаб чиқарилишини ва (ёки) уларнинг айланмасини амалга оширувчи юридик шахслар ва (ёки) якка тартибдаги тадбиркорларнинг эгалигида ва (ёки) ишлатишида ва (ёки) тасарруфида бўлган маҳсулотлар;

қайта маркировкалаш — аввал босиб туширилган рақамли идентификациялаш воситаларининг йўқотилиши ёки шикастланиши муносабати билан мазкур Қоидаларга мувофиқ истеъмол қадоғига ёки ёрлиғига рақамли идентификациялаш воситасини қайта босиб тушириш;

маҳсулотлар каталоги — маркировкаланган маҳсулотлар ҳақидаги маълумотларни каталоглаштириш ва сақлаш учун қўлланиладиган маҳсулотларни маркировкалаш ахборот тизимининг қуйи тизими;

истеъмол қадоғи — маҳсулот билан истеъмолчига келтирилувчи ва гуруҳланган қадоқ ёки транспорт қадоғи функциясини бажармайдиган бирламчи қадоқ (маҳсулот билан бевосита контактда бўлган қадоқ) ёки бирламчи қадоқ ва иккиламчи қадоқларнинг йиғиндиси (бирламчи қадоқдаги маҳсулот жойлаштирилувчи, аммо маҳсулотнинг гуруҳланган қадоқ ёки транспорт қадоғи ҳисобланмайдиган қадоқлар);

ишлаб чиқарувчи — Ўзбекистон Республикасининг солиқ резидентлари ҳисобланувчи ва Ўзбекистон Республикаси ҳудудида маҳсулот ишлаб чиқарилишини ва сотилишини амалга оширувчи юридик шахс ёки якка тартибдаги тадбиркор;

рақамли идентификациялаш воситаси — маҳсулотга, маҳсулот қадоғига ёки бошқа моддий ташувчига босиб тушириш учун мазкур Қоидалар билан шакллантирилувчи икки ўлчамли штрих код кўринишида тақдим этилган машина ёрдамида ўқилувчи шаклдаги маркировкалаш коди;

буюртмаларни бошқариш станцияси — маҳсулотлар айланмаси иштирокчиси ва маркировкалаш ахборот тизими ўртасида ахборот алмашинуви учун мўлжалланган ва маркировкалаш кодларини олиш ва рақамли идентификациялаш воситалари ёрдамида маркировкалаш тўғрисида маълумотларни маркировкалаш ахборот тизимига узатиш учун дастурий-техник восита;

сервис-провайдер — маҳсулотлар айланмаси иштирокчисининг топшириғи бўйича маркировкалаш кодининг идентификациялаш воситасига ўзгартирилишини ва идентификациялаш воситасининг истеъмол қадоғига ва (ёки) гуруҳланган қадоғига ва (ёки) ёрлиққа ва (ёки) стикерга оператор томонидан тақдим этилувчи дистрибуциянинг, нашрнинг ва валидациянинг дастурий-аппарат мажмуасини қўллаш билан туширилишини ҳамда идентификациялаш воситаларининг валидациясини амалга оширувчи юридик шахс ёки якка тартибдаги тадбиркор;

транспорт қадоғи — агрегациялаш жараёнида истеъмол ёки гуруҳланган қадоқдаги маҳсулотни бирлаштирувчи, жойдан жойга кўчиришда шикастланишдан маҳсулотни ҳимоялаш мақсадида унинг сақланиши ва транспортда ташиш учун қўлланувчи ва мустақил транспорт бирлигини ҳосил қилувчи (жумладан, биринчи даража транспорт қадоғи ҳамда кейинги даража транспорт қадоқлари) қадоқ;

маҳсулотлар айланмаси иштирокчилари — маҳсулотни айланмага киритувчи, унинг айланмасини ва (ёки) айланмадан чиқарилишини амалга оширувчи Ўзбекистон Республикасининг солиқ резидентлари ҳисобланувчи юридик шахслар ва якка тартибдаги тадбиркорлар. Бунда маҳсулотнинг келажакда сотилиши (савдоси) билан боғлиқ бўлмаган мақсадларда қўллаш учун уни сотиб олувчи ҳамда маҳсулотнинг намуналар бўйича сотилишида ёки масофадан сотиш усулида, жумладан улар билан боғлиқ бўлган хизматлар, жумладан, логистик хизматлар, биржа ва электрон тижоратни ташкил этиш бўйича хизматлар, маҳсулотнинг қайта савдога тайёрлиги, йиғилиши ва ўралиши, берилган маҳсулот ёки кўрсатилган тўлов учун пул маблағларини бир вақтда қабул қилиш билан сотувчининг номидан якуний истеъмолчига маҳсулот етказиб берилишини ташкил этиш маҳсулотни етказиб бериш бўйича агентлик шартномалари, ва (ёки) комиссия шартномалари, ва (ёки) почта хизматлари доирасида хизматлар кўрсатувчи юридик шахслар ва якка тартибдаги тадбиркорлардан ташқари;

ёрлиқ — ёзувлар, тасвирлар, белгилар, рамзлар, бошқа белгиланишлар ва (ёки) уларнинг мажмуаси кўринишида маҳсулот тўғрисидаги маълумотни туширувчи ва қадоққа, жумладан, ёпиштириш йўли билан маҳкамланувчи маълумотни ташувчи;

электрон рақамли имзо — электрон рақамли имзонинг ёпиқ калитини қўллаш билан электрон ҳужжатнинг маълумотларини махсус ўзгартириш натижасида олинган ва электрон рақамли имзонинг очиқ калити ёрдамида электрон ҳужжатдаги маълумотларнинг бузилишлари мавжуд эмаслигини ўрнатиш ва электрон рақамли имзонинг ёпиқ калити эгасини идентификация қилишга имкон берувчи электрон ҳужжатдаги имзо;

электрон ҳужжат — электрон ҳужжатни идентификация қилишга имкон берувчи, электрон ҳужжат реквизитларига эга бўлган электрон шаклда қайд этилган маълумот;

электрон ҳисобварақ-фактура — Ўзбекистон Республикаси қонунчилиги томонидан белгиланган шакл бўйича расмийлаштирилувчи, электрон ҳисобварақ-фактуралар айланмаси тизими операторлари орқали чиқарилувчи ва олинувчи маҳсулотларнинг (ишларнинг, хизматларнинг) сотилишини ва харид қилинишини тасдиқловчи электрон ҳужжат (жумладан, қўшимча ҳисобварақ-фактура ва тўғриланган ҳисобварақ-фактура);

маҳсулотлар (товарлар ва хизматлар) ягона электрон миллий каталоги — маҳсулот ва хизматларга бириктирилган маҳсулот ва хизматларнинг идентификация кодлари юритиладиган каталог;

маҳсулот ва хизматларнинг идентификация коди (кейинги ўринларда — МХИК) — ҳар бир маҳсулот ва хизматларга бириктириш ҳамда уларни идентификация қилиш учун мўлжалланган 17 хонали рақамдан (ҳарфдан) иборат бўлган ноёб код.

2-боб. Маҳсулотларни рақамли маркировкалашни жорий қилиш тартиби

5. Рақамли идентификациялаш воситалари ёрдамида мажбурий маркировка қилиниши керак бўлган маҳсулотлар ишлаб чиқарувчилар ва импорт қилувчилар таркибидан маҳсулотлар айланмаси иштирокчилари мазкур Қоидаларга мувофиқ:

а) тегишли маҳсулот гуруҳи учун белгиланган давр мобайнида рақамли идентификациялаш воситалари ёрдамида мажбурий маркировка қилиниши керак бўлган маҳсулотлар учун ёки мажбурий маркировка қилиниши керак бўлган маҳсулотларни айланмага киритиш ва (ёки) уларнинг айланмаси ва (ёки) уларни айланмадан чиқариш билан боғлиқ бўлган маҳсулот айланмаси иштирокчиси мажбурияти юзага келган кундан бошлаб 7 календарь кун мобайнида маркировкалаш ахборот тизимидан рўйхатдан ўтади;

б) маркировкалаш ахборот тизимидан рўйхатдан ўтган кундан бошлаб 30 календарь кундан кечиктирмай муддатда хусусий дастурий таъминотни маркировкалаш ахборот тизими билан ўзаро ахборот алмашинувига тайёрлигини таъминлайди ва ўзаро ахборот алмашинувини синовдан ўтказиш учун Операторга ариза юборади;

в) маркировкалаш ахборот тизимида рўйхатдан ўтгандан кейин Операторга буюртмаларни бошқариш станцияси ва (ёки) чиқиб кетишни рўйхатдан ўтказиш қурилмаси тақдим этилишига аризани электрон шаклда юборади;

г) хусусий дастурий таъминот маркировкалаш ахборот тизими билан ўзаро ахборот алмашинувига тайёр бўлган кундан бошлаб 60 календарь кундан кам бўлмаган муддатда расмий операторларнинг веб-сайтида жойлаштирилган маҳсулотлар маркировкаси, маҳсулотларни айланмага киритиш, уларни айланмадан чиқариш жараёни билан боғлиқ тартибга асосан хусусий дастурий таъминотни маркировкалаш ахборот тизими билан ўзаро ахборот алмашиш учун синовдан ўтказади;

д) мазкур Қоидаларнинг 4-банди «а» — «г» кичик бандларида кўрсатилган ҳаракатларни амалга оширгандан кейин мазкур Қоидаларга мувофиқ маркировкалаш ахборот тизимига маҳсулотларнинг маркировкаланиши ҳамда маҳсулотларни айланмага киритиш, уларни айланмадан чиқариш тўғрисида маълумотларни киритади.

Рақамли идентификациялаш билан мажбурий маркировка қилиниши шарт бўлган маҳсулот айланмасининг бошқа иштирокчилари ушбу Қоидаларнинг 4-банди «а» — «е» кичик бандларида кўрсатилган ҳаракатларни маркировкалашнинг ўзига хос хусусиятлари билан белгиланган муддатларда тегишли маҳсулот гуруҳларини рақамли идентификациядан ўтказади.

6. Оператор рақамли идентификациялаш воситалари ёрдамида маҳсулотларнинг мажбурий маркировкаланишини жорий қилиш мақсадида қуйидагиларни таъминлайди:

а) маҳсулотлар айланмаси иштирокчиларига буюртмаларни бошқариш станцияларини, буюртмалар чиқиб кетишини рўйхатдан ўтказиш қурилмаларини, бундай асбоб-ускуналарни тақдим этишга (асбоб-ускуналарга киришга) маҳсулотлар айланмаси иштирокчиларидан аризалар олинган кундан бошлаб 90 календарь кундан кеч бўлмаган муддатда мазкур Қоидалар билан кўзда тутилган шартларда тақдим этиш (тақдим этиш остида, жумладан, рақамли маркировкалаш тизимининг инфратузилмасига жойлаштирилган буюртмаларни бошқариш станциясига масофадан кириш тушунилади) (мазкур Қоидаларга ва маҳсулот гуруҳи учун рақамли идентификациялаш воситалари ёрдамида маркировкалашнинг ўзига хос хусусиятларида шундай киришни тақдим этиш зарурати назарда тутилган тақдирда);

б) маркировкалаш ахборот тизими билан ўзаро ахборот алмашинувига тайёрлик тўғрисидаги хабарнома маҳсулотлар айланмаси иштирокчисидан олинган кундан бошлаб 30 календарь кундан кеч бўлмаган муддатда маҳсулотлар айланмаси иштирокчиларининг ва маркировкалаш ахборот тизимининг дастурий таъминоти билан ўзаро ахборот алмашинувини синовдан ўтказишни ташкил этиш;

в) маҳсулотларни рақамли идентификациялаш воситалари билан маркировкалайдиган маҳсулот айланмаси иштирокчиларига маҳсулот айланмаси иштирокчиси Операторга ушбу Қоидаларда назарда тутилган барча маълумотларни тақдим этган тақдирда, рақамли идентификациялаш воситаларини шакллантириш учун зарур бўлган маркировкалаш кодларини тақдим этиш.

3-боб. Маҳсулотлар айланмаси иштирокчиларининг маркировкалаш ахборот тизими билан ахборот алмашинуви тартиби

7. Маркировкалаш ахборот тизимига маҳсулотлар айланмаси иштирокчилари томонидан маълумотларнинг тақдим этилиши маълумотларни юборишнинг стандарт протоколлари ва электрон ҳужжатларни (ариза, билдирги, квитанция ва ҳоказолар) алмашиш йўли билан Оператор томонидан ишлаб чиқилган ўзаро ахборот алмашинуви алоқа-техник дастурларининг қўлланилиши билан амалга оширилади, уларнинг шакллари Оператор томонидан белгиланади ва Интернет жаҳон ахборот тармоғида Операторнинг расмий веб-сайтида жойлаштирилади.

Маҳсулот айланмаси иштирокчиси томонидан маркировкалаш ахборот тизимига гуруҳланган қадоқ, транспорт қадоғи ёки маҳсулотлар тўплами тўғрисида маълумотларнинг тақдим этилиши маркировкалаш ахборот тизими маълумотлари бўйича шундай гуруҳланган қадоқ, транспорт қадоғи, ёки маҳсулотлар тўплами, ёки мувофиқ тарзда маҳсулотлар жамланмасида сақланувчи истеъмол қадоқлари тўғрисидаги маълумотларни маркировкалаш ахборот тизимига юбориш билан бир хил ҳисобланади.

Маҳсулотлар айланмаси иштирокчиси томонидан маркировкалаш ахборот тизимига агрегацияланган импорт коди тўғрисида маълумотларнинг тақдим этилиши маркировкалаш ахборот тизимининг маълумотлари бўйича шундай агрегацияланган импорт кодида сақланувчи истеъмол қадоқлари тўғрисида маълумотларни уларга тақдим этилишига тенглаштирилади.

8. Маркировкалаш ахборот тизимига маҳсулотлар айланмаси иштирокчилари томонидан мазкур Қоидаларнинг талабларига мувофиқ йўналтирилган барча ҳужжатлар ва маълумотлар маркировкалаш ахборот тизимида акс эттирилиши шарт.

9. Оператор қуйидаги асослардан бири мавжуд бўлганда ҳужжатларнинг (жумладан, аризалар, билдиргилар) қабул қилинишини ёки маркировкалаш ахборот тизимига маълумотлар киритилишини маҳсулотлар айланмаси иштирокчисига рад этади:

а) ҳужжатлар ёки маълумотлар ўрнатилган шаклга мувофиқ келмаганда, нотўғри маълумотларга эга бўлганда ёки мазкур Қоидалар билан кўзда тутилган мажбурий маълумотларни ўз ичига олмаганда;

б) ҳужжатлар ёки маълумотлар имзоланмаганда ёки ушбу ҳужжатлар ва маълумотларни имзолаш учун қонуний ҳуқуқларга ёки ҳужжатларни ёки маълумотларнинг шундай турини имзолаш ҳуқуқига эга бўлмаган шахс томонидан имзоланганда;

в) маҳсулот айланмаси иштирокчисига нисбатан юридик шахснинг фаолиятини тугатиш ёки жисмоний шахснинг якка тартибдаги тадбиркор сифатида фаолиятини тугатиш тўғрисида Тадбиркорлик субъектларининг Ягона давлат рўйхатида ёзув мавжуд бўлганда.

г) маҳсулот айланмаси иштирокчиси маркировкалаш ахборот тизимида рўйхатдан ўтказилмаган.

10. Маҳсулотлар айланмаси иштирокчиси у томонидан тақдим этилган ҳужжатларнинг маркировкалаш ахборот тизими томонидан қабул қилинганлиги, ёки унга маълумотларни киритиш, ёки маркировкалаш ахборот тизими томонидан ҳужжатларнинг қабул қилиниши рад этилиши ёки унга қуйидаги маълумотларни сақловчи тегишли билдиргини (квитанцияни) юбориш йўли билан маълумотларни киритиш тўғрисида хабардор қилинади:

а) маҳсулот айланмаси иштирокчиси ҳужжатининг рўйхатдан ўтиш рақами;

б) билдирги (квитанция) рақами;

в) билдирги (квитанция) санаси;

г) маҳсулотнинг идентификациялаш кодлари, маҳсулотлар тўпламларининг идентификациялаш кодлари, маҳсулотлар жамланмаларининг идентификациялаш кодлари, гуруҳланган қадоқнинг идентификациялаш кодлари, ёки транспорт қадоғининг идентификациялаш кодлари, ёки агрегацияланган импорт кодлари;

д) маркировкалаш ахборот тизимига ҳужжатларни (маълумотларни) киритиш ёки уларни киритишни рад этиш сабаблари тўғрисида хабар.

11. Мазкур Қоидаларнинг 10-бандида кўрсатилган билдирги (квитанция) маҳсулотлар айланмаси иштирокчиси томонидан ҳужжатлар тақдим этилганда ёки у томонидан маркировкалаш ахборот тизимига маълумотларни киритган кундан бошлаб 1 календарь кун давомида маркировкалаш ахборот тизимидаги шахсий кабинет ёки электрон почта орқали ўзаро ахборот алмашиш интерфейсларни қўллаш орқали маҳсулотлар айланмаси иштирокчисига юборилади.

12. Маҳсулотлар айланмаси иштирокчиси томонидан электрон ҳужжатларнинг тақдим этилиши ёки у томонидан маркировкалаш ахборот тизимига маълумотларнинг киритилиши санаси этиб ҳужжатларни (маълумотларни) қабул қилиш тўғрисидаги билдиргида (квитанцияда) қайд этилган сана тан олинади.

Маҳсулотлар айланмаси иштирокчисининг маркировкалаш ахборот тизимига маълумотларни киритиш бўйича мажбуриятларни бажариши далили маркировкалаш ахборот тизимига маълумотларни киритиш тўғрисидаги билдирги (квитанция) билан тасдиқланади.

Кўрсатиб ўтилган билдиргилар (квитанциялар) маркировкалаш ахборот тизимида автоматик шакллантирилади ва маркировкалаш ахборот тизимига юборилган ҳужжатларнинг (маълумотларнинг) жойлаштирилишида маркировкалаш ахборот тизими ёрдамида маҳсулотлар айланмаси иштирокчисига электрон ҳужжат шаклида юборилади.

13. Агар мазкур Қоидаларда бошқача тартиб белгиланмаган бўлса, Оператор ариза берувчига ҳамда маҳсулотни ариза берувчидан олган ёки маҳсулотни ариза берувчига топширган маҳсулотлар айланмасининг бошқа иштирокчиларига маркировкалаш ахборот тизимига ўзгартиришларни киритиш тўғрисида, агар бундай ўзгартиришларнинг киритилиши уларнинг манфаатларига тааллуқли бўлса, билдиргини (квитанцияни) мажбурий юбориш билан ҳужжатларни ва маълумотларни олиш кунидан бошлаб 1 календарь кун давомида маркировкалаш ахборот тизимида маҳсулотлар айланмаси иштирокчиси томонидан тақдим этилган ҳужжатларнинг ва маълумотларнинг жойлаштирилишини таъминлайди.

14. Маркировкалаш ахборот тизимига юборилган маълумотларнинг тўлиқлиги, ҳақиқийлиги ва ўз вақтида юборилиши учун жавобгарлик маҳсулотлар айланмаси иштирокчилари зиммасига юкланади.

4-боб. Маркировкалаш ахборот тизимида маҳсулотлар айланмаси иштирокчиларини рўйхатдан ўтказиш

15. Маркировкалаш ахборот тизимида рўйхатдан ўтиш учун маҳсулотлар айланмаси иштирокчилари Оператор билан маркировкалаш ахборот тизимига улаш тўғрисида шартнома тузади, унинг шакли Оператор томонидан белгиланади ва Операторнинг Интернет жаҳон ахборот тармоғидаги расмий веб-сайтига жойлаштирилади.

16. Маркировкалаш ахборот тизимида маҳсулотлар айланмаси иштирокчиларининг рўйхатдан ўтказилиши ва уларга маркировкалаш ахборот тизимида шахсий кабинетга киришга рухсат бериш Операторга электрон шаклда маҳсулотлар айланмаси иштирокчилари томонидан тақдим этилган маълумотлар асосида Оператор томонидан амалга оширилади.

17. Маркировкалаш ахборот тизимида рўйхатдан ўтишни амалга ошириш учун маҳсулотлар айланмаси иштирокчилари маркировкалаш ахборот тизимига қуйидаги маълумотларни сақловчи юридик шахснинг ёки якка тартибдаги тадбиркорнинг раҳбарининг электрон рақамли имзоси билан имзоланган рўйхатдан ўтиш тўғрисида мазкур Қоидаларга иловада келтирилган шаклда ариза юборади:

а) юридик шахс ҳисобланувчи маҳсулот айланмаси иштирокчисининг номланиши ёки якка тартибдаги тадбиркор ҳисобланувчи маҳсулотлар айланмаси иштирокчисининг фамилияси, исми, отасининг исми (мавжуд бўлганда);

б) маҳсулотлар айланмаси иштирокчисининг фаолият тури (ишлаб чиқарувчи, улгуржи ёки чакана савдо ташкилоти, импорт қилувчи);

в) юридик шахс ҳисобланувчи маҳсулотлар айланмаси иштирокчисининг жойлашган жойи ёки якка тартибдаги тадбиркор ҳисобланувчи маҳсулотлар айланмаси иштирокчисининг яшаш манзили;

г) маҳсулотлар айланмаси иштирокчисининг солиқ тўловчининг идентификация рақами;

д) маҳсулотлар айланмаси иштирокчисининг фамилияси, исми, отасининг исми (мавжуд бўлганда), телефон рақами ва электрон почта манзили;

е) маҳсулотлар айланмаси иштирокчиси номидан ишончномасиз ҳаракат қилиш ҳуқуқига эга бўлган шахснинг фамилияси, исми, отасининг исми (мавжуд бўлганда);

ж) маркировкалаш ахборот тизимидан хабарномалар юбориладиган маҳсулотлар айланмаси иштирокчисининг телефони рақами ва электрон почта манзили;

з) Солиқ қўмитаси билан келишган ҳолда Оператор томонидан белгиланган ва Интернет жаҳон ахборот тармоғида Операторнинг расмий веб-сайтида жойлаштирилган бошқа тегишли маълумотлар.

18. Рўйхатдан ўтиш тўғрисидаги аризанинг формати Оператор томонидан белгиланади ва Интернет жаҳон ахборот тармоғида Операторнинг расмий веб-сайтида жойлаштирилади.

19. Рўйхатдан ўтиш тўғрисидаги аризани кўриб чиқиш ва уни текшириш ҳамда бундай текширишнинг натижалари ҳақида ариза берувчини хабардор қилиш ариза қабул қилинган кундан бошлаб 5 иш куни мобайнида Оператор томонидан амалга оширилади.

20. Қуйидагиларга асосан маркировкалаш ахборот тизимида ариза берувчини рўйхатдан ўтказиш рад этилади:

а) рўйхатдан ўтиш тўғрисидаги ариза имзоланмаган бўлса ёки маҳсулотлар айланмаси иштирокчиси номидан уни имзолаш ваколатларига эга бўлмаган шахс томонидан имзоланса;

б) электрон рақамли имзо олишда кўрсатилган солиқ тўловчининг идентификация рақами рўйхатдан ўтиш тўғрисидаги аризадаги солиқ тўловчининг идентификация рақамига мос келмаса;

в) рўйхатдан ўтиш тўғрисидаги аризани имзолаган шахснинг фамилияси, исми ёки отасининг исми (мавжуд бўлганда) рўйхатдан ўтиш тўғрисидаги аризада кўрсатилган фамилия, исм, отасининг исмига мос келмаса;

г) тадбиркорлик субъектларининг Ягона давлат рўйхатидаги маълумотларига кўра рўйхатдан ўтиш тўғрисидаги аризада кўрсатилган ариза берувчи ҳақида маълумотлар мавжуд бўлмаса, мос келмаса ёки кўрсатиб ўтилган рўйхатда унинг фаолияти тугатилганлиги тўғрисида маълумот мавжуд бўлса;

д) Ўзбекистон Республикаси қонунчилигига мувофиқ маҳсулотлар айланмаси иштирокчисидан талаб қилинадиган лицензия ёки бошқа рухсат берувчи ҳужжат тўғрисидаги маълумотларнинг мавжуд эмаслиги;

е) рўйхатдан ўтиш тўғрисидаги ариза Солиқ қўмитаси билан келишилган ҳолда Оператор томонидан белгиланган ва Интернет жаҳон ахборот тармоғида Операторнинг расмий веб-сайтида жойлаштирилган тартибда тайёрланмаслиги, нотўғри маълумотларни сақлаши ёки мазкур Қоидалар билан кўзда тутилган мажбурий маълумотлар мавжуд эмаслиги;

ж) ариза берувчи маркировкалаш ахборот тизимида рўйхатдан ўтиб бўлган бўлса.

21. Ушбу Қоидаларнинг 20-бандида кўрсатилган бир ёки бир нечта асослар аниқланганлиги сабабли рўйхатдан ўтиш тўғрисидаги аризани текширишнинг натижаси салбий бўлган тақдирда, Оператор ушбу Қоидаларнинг 19-бандида назарда тутилган муддат ичида маркировкалаш ахборот тизимида рўйхатдан ўтиш тўғрисидаги аризада кўрсатилган электрон почта манзилига рўйхатдан ўтишни рад етиш тўғрисида хабар юборади.

22. Рўйхатга олиш тўғрисидаги аризани текширишнинг натижаси ижобий бўлган тақдирда, Оператор ушбу Қоидаларнинг 19-бандида назарда тутилган муддатда маҳсулот айланмаси иштирокчисини маркировкалаш бўйича ахборот тизимида рўйхатдан ўтказади, унга шахсий кабинетга кириш ҳуқуқини беради ва рўйхатдан ўтиш тўғрисидаги аризада кўрсатилган электрон почта манзилига рўйхатдан ўтиш тўғрисида хабар юборади. Маҳсулот айланмасининг турли иштирокчиларини рўйхатдан ўтказиш учун бир хил электрон почта манзилидан фойдаланишга йўл қўйилмайди.

23. Маҳсулот айланмаси иштирокчиси (ёки ваколатли шахс) электрон рақамли имзодан фойдаланган ҳолда маркировкалаш ахборот тизимининг шахсий кабинетида авторизация қилинади.

24. Ушбу Қоидаларнинг 14-бандига мувофиқ маркировкалаш ахборот тизимида рўйхатдан ўтишда маҳсулот айланмаси иштирокчиси томонидан кўрсатилган маълумотлар ўзгарган тақдирда, маҳсулот айланмаси иштирокчиси тегишли маълумот ўзгарган кундан бошлаб 3 иш куни ичида Операторга маълумотни ўзгартириш тўғрисида сўров юборади, унинг шакли Оператор томонидан тасдиқланган маркировкалаш ахборот тизимининг дастурий таъминотида, шу жумладан, шахсий кабинетдан фойдаланган ҳолда Операторнинг Интернет жаҳон ахборотдаги расмий веб-сайтида жойлаштирилади.

25. Оператор маҳсулот айланмаси иштирокчиси маълумотни ўзгартириш тўғрисида сўров юборган кундан бошлаб 5 иш кунидан кўп бўлмаган муддат ичида маркировкалаш ахборот тизимидаги ўзгартирилган маълумотларни ва уларнинг ўзгаришини текширади, маҳсулот айланмаси иштирокчисига маълумотларнинг ўзгариши тўғрисида тегишли хабарномани ёки рад этиш сабабларини кўрсатиб, бундай маълумотни ўзгартириш мумкин эмаслиги тўғрисида хабарнома юборади.

26. Маҳсулот айланмаси иштирокчиси ушбу Қоидаларнинг 17-бандига мувофиқ маркировкалаш бўйича ахборот тизимида рўйхатдан ўтаётганда маҳсулот айланмаси иштирокчиси томонидан кўрсатилган маълумотларни қуйидаги сабабларга кўра ўзгартиришни рад этади:

а) маълумотни ўзгартириш тўғрисидаги сўров маҳсулот айланмаси иштирокчиси томонидан имзоланмаган ёки имзолаш ваколатига эга бўлмаган шахс томонидан имзоланган бўлса;

б) электрон рақамли имзони олишда кўрсатилган солиқ тўловчининг идентификация рақами маълумотни ўзгартириш тўғрисидаги сўровда солиқ тўловчининг идентификация рақамига мос келмаса;

в) маълумотни ўзгартириш тўғрисидаги сўровни имзолаган шахснинг фамилияси, исми ёки отасининг исми (агар мавжуд бўлса) маълумотни ўзгартириш тўғрисидаги сўровда кўрсатилган фамилия, исм ёки отанинг исмига мос келмаса;

г) маълумотни ўзгартириш тўғрисидаги сўровда тадбиркорлик субъектларининг ягона давлат реестрида ёки кўрсатилган реестрда келтирилган маҳсулот айланмасининг иштирокчисига оид маълумотларнинг йўқлиги ёки номувофиқлиги, унинг фаолияти тугатилганлиги тўғрисида ёзув мавжуд бўлса;

д) маҳсулот айланмаси иштирокчисининг лицензияси ёки бошқа рухсат берувчи ҳужжати борлиги тўғрисида маълумот етишмаслиги (Ўзбекистон Республикаси қонунларида назарда тутилган ҳолларда);

е) маълумотни ўзгартириш тўғрисидаги тақдим этилган сўров Оператор томонидан белгиланган форматни бузган ҳолда тайёрланган ёки нотўғри маълумотни ўз ичига олган бўлса.

5-боб. Маҳсулотларни маркировкалаш бўйича ахборот тизимида рўйхатдан ўтказиш

27. Маркировкалаш ахборот тизимида муомалага киритилганлиги, рақамли идентификациялаш йўли билан мажбурий маркировка қилиниши керак бўлган маҳсулотларнинг айланмаси ва муомаладан чиқарилиши тўғрисидаги маълумотларни жойлаштириш учун уларни маркировкалаш ахборот тизимида рўйхатдан ўтказиш маҳсулот айланмаси иштирокчилари томонидан Операторга электрон шаклда тақдим этилган маълумотлар асосида амалга оширилади.

28. Маҳсулотларни рўйхатга олиш ахборот ёрлиғи тизимининг «Маҳсулотлар каталоги» тизими остида (кейинги ўринларда — маҳсулот каталоги) маҳсулот айланмасининг қуйидаги иштирокчилари томонидан амалга оширилади:

а) Ўзбекистон Республикаси ҳудудида маҳсулотларни ишлаб чиқаришда — бундай маҳсулотларни ишлаб чиқарувчи томонидан (шу жумладан, шартномавий ишлаб чиқариш ҳоллари);

б) маҳсулотларни Ўзбекистон Республикаси ҳудудидан ташқарида ишлаб чиқаришда — бундай маҳсулотларни импорт қилувчи томонидан (Ўзбекистон Республикаси чегарасини кесиб ўтгунча);

в) якка тартибдаги тадбиркор бўлмаган жисмоний шахслардан маҳсулот айирбошлаш иштирокчиси бўлганида, Ўзбекистон Республикаси ҳудудида комиссия шартномалари бўйича маҳсулотлар — комиссионер томонидан;

г) маҳсулот айланмаси иштирокчиси томонидан кейинчалик уларни Ўзбекистон Республикаси ҳудудида сотиш (реализация қилиш) билан боғлиқ бўлмаган мақсадлар учун сотиб олган маҳсулотларни қайтаришда — маҳсулот айланмаси иштирокчиси томонидан маҳсулотларни муомалага киритишда;

д) агар маҳсулот айланмаси иштирокчисининг ушбу турдаги маҳсулотларни рақамли идентификациялаш воситалари билан мажбурий маркировкалаш бошланган кундан бошлаб муомаладаги маҳсулотларнинг рақамли идентификациялаш йўли билан белгиланмаган қолдиқлари бўлса, сотиш (реализация қилиш) шарти билан — маҳсулот айланмасининг ушбу маҳсулот айланишини амалга оширувчи иштирокчиси.

29. Маҳсулотларни маркировкалаш ахборот тизимидан рўйхатга ўтказишда маҳсулот айланмаси иштирокчиси томонидан маҳсулотлар каталогига қуйидаги маълумотлар киритилади:

а) солиқ тўловчининг идентификация рақами;

б) маҳсулот коди (халқаро GS1 ассоциацияси қоидаларига мувофиқ маҳсулотга берилган логистик бирликларнинг бухгалтерия коди);

в) маҳсулотнинг номланиши;

г) маҳсулотлар (ишлар, хизматлар)нинг Ўзбекистон Республикаси иқтисодий фаолият турлари бўйича статистик таснифлагич коди;

д) Ўзбекистон Республикаси ташқи иқтисодий фаолиятининг маҳсулот номенклатураси коди;

е) маҳсулотларнинг глобал классификатордаги коди (Global Product Classification, GPC);

ж) товар белгиси, товар келиб чиққан жой номи, географик кўрсаткич ва саноат намунаси (мавжуд бўлса);

з) экспорт / реэкспорт мамлакати томонидан белгиланган тартибда ва шаклда ваколатли орган томонидан берилган сертификатга мувофиқ маҳсулотлар ишлаб чиқарилган мамлакат; Ўзбекистон Республикасида ишлаб чиқарилган маҳсулотларга нисбатан — маҳсулотларнинг Ўзбекистон Республикасида ишлаб чиқарилганлиги тўғрисида кўрсаткич;

и) қадоқ тури;

к) қадоқнинг материали;

л) техник регламент рақами (стандарт бўйича);

м) маҳсулотнинг истеъмол тавсифи;

н) қадоқлашнинг вазни ва ўлчамлари;

о) маҳсулотнинг турли хил бурчакдаги фотосуратлари;

п) Солиқ қўмитаси билан келишган ҳолда Оператор томонидан белгиланган ва Интернет жаҳон ахборот тармоғида Операторнинг расмий веб-сайтида жойлаштирилган бошқа тегишли маълумотлар.

30. Маркировкалаш ахборот тизимида гуруҳланган қадоқлар, транспорт қадоқлари, маҳсулотлар тўплами ва маҳсулотлар тўпламини рўйхатдан ўтказиш учун маҳсулот айланмаси иштирокчиси маҳсулотлар каталогига қуйидаги маълумотларни киритади:

а) гуруҳланган қадоқ, ёки транспорт қадоғи, ёки маҳсулотлар тўплами;

б) бириктирилган маҳсулотнинг коди;

в) маҳсулотнинг номи;

г) вазн ва ўлчам хусусиятлари;

д) турли бурчаклардан фотографик тасвирлар;

е) Оператор томонидан аниқланган ва Операторнинг Интернет жаҳон ахборот тармоғидаги расмий веб-сайтида жойлаштирилган бошқа маълумотлар.

31. Маркировкалаш ахборот тизимидаги маҳсулотларни, гуруҳли қадоқларни, транспорт воситаларини, маҳсулотларнинг тўпламини, маҳсулотларнинг тўпламини рўйхатдан ўтказиш тўғрисидаги маълумотларни текширишнинг натижаси ижобий бўлган тақдирда, бундай маълумотлар тақдим этилган кундан бошлаб 5 (беш) иш куни ичида маҳсулотларни рўйхатдан ўтказиш, ёки гуруҳли қадоқлаш, ёки транспорт воситаларини рўйхатдан ўтказиш амалга оширилади, ёки маҳсулотлар тўплами, ёки маҳсулотлар тўплами ва талабнома берувчига хабарнома (квитанция) юборилади.

6-боб. Рақамли идентификациялаш воситаларининг хусусиятлари

32. Маҳсулотларни маркировкалаш икки ўлчовли штрих-код шаклида рақамли идентификациялаш воситасини қўллаш учун мўлжалланган рақамли идентификациялаш воситасини (маркировка кодини машинада ўқиладиган шаклда) маҳсулотга, маҳсулотнинг қадоқлаш жойига ёки бошқа ахборот ташувчисига шакллантириш ва қўллаш орқали амалга оширилади.

33. Рақамли идентификациялаш воситаси 4 та маълумот гуруҳини ўзида жамлаган маркировка кодини ўз ичига олади, улардан биринчи ва иккинчи гуруҳлар истеъмолчилар пакетининг идентификациялаш кодини, ёки гуруҳланган қадоқнинг идентификациялаш кодини, ёки маҳсулот тўпламининг идентификациялаш кодини, ёки маҳсулот тўпламининг идентификациялаш кодини, шунингдек, учинчи ва тўртинчи гуруҳ шаклларини ўз ичига тасдиқлаш кодини олади, бунда:

биринчи маълумотлар гуруҳи маҳсулот кодини ўз ичига олади ва Оператор томонидан ушбу Қоидаларнинг 5-бобига мувофиқ маҳсулот айланмаси иштирокчиси томонидан киритилган маълумотлар асосида ишлаб чиқилади;

маълумотларнинг иккинчи гуруҳи маҳсулот бирлигининг индивидуал серия рақамини ўз ичига олади ва Оператор ёки маҳсулот айланмасининг иштирокчиси томонидан генерация қилинади;

учинчи маълумотлар гуруҳи тасдиқлаш калитининг идентификаторини ўз ичига олади ва Оператор томонидан яратилади;

тўртинчи маълумотлар гуруҳи тасдиқлаш кодини ўз ичига олади ва Оператор томонидан тақлид ҳимояси воситаларидан фойдаланган ҳолда генерация қилинади.

34. Рақамли идентификациялаш воситалари қуйидаги талабларга жавоб бериши керак:

ИСО/МЭК 16022:2006 халқаро стандартига мувофиқлиги «Ахборот технологиялари. Автоматик идентификациялаш ва маълумотларни йиғиш технологиялари. Data Matrix штрих-кодининг симбологияси» (ISO/IEC 16022:2006 «Information technology — Automatic identification and data capture techniques — Data Matrix bar code symbology specification»);

хатоларни аниқлаш ва тузатиш функцияси DataMatrix ECC200 га тенг ёки ундан яхшироқ;

ASCII кодлашдан фойдаланиш;

рақамли идентификаторнинг тахмин қилиш эҳтимоли жуда кам бўлиши, яъни барча ҳолларда 10000 дан 1 дан кам бўлиши керак.

7-боб. Маркировкалаш кодларини тақдим этиш қоидалари

35. Рақамли идентификациялаш орқали маҳсулотларни маркировкалаш мақсадида маҳсулот айланмасининг иштирокчиси Операторга маркировкалаш кодларини олиш учун ариза юборади. Ушбу аризалар буюртмаларни бошқариш станциясидан фойдаланган ҳолда маҳсулот айланмаси иштирокчиси томонидан юборилади.

36. Маркировка кодларини олиш учун маҳсулот айланмасининг иштирокчиси Оператор билан маркировкалаш кодларини тақдим этиш бўйича шартнома тузади, унинг стандарт шакли Оператор томонидан тасдиқланади ва Операторнинг Интернет жаҳон ахборот тармоғидаги расмий веб-сайтига жойлаштирилади.

Бунда маркировка кодларини тақдим этиш юзасидан хизматлар кўрсатиш учун ягона тўловлар маҳсулот айланмасининг иштирокчиси хорижий ишлаб чиқарувчи ташкилотнинг ваколатхоналари томонидан миллий валютада Оператор билан тузилган шартнома асосида амалга оширилиши мумкин.

Оператор томонидан тақдим этилаётган маркировка кодлари учун тўлов ушбу кодлар бевосита маҳсулотга ёпиштирилган вақтда ундирилади.

37. Белгилаш кодларини олиш учун ариза маҳсулот коди ва маркировкалаш кодлари сони тўғрисидаги маълумотларни, шунингдек, Оператор томонидан аниқланган ва Операторнинг Интернет жаҳон ахборот тармоғидаги расмий веб-сайтида жойлаштирилган бошқа маълумотларни ўз ичига олиши керак. Белгиланган дастур ёрлиқланадиган маҳсулотларга берилиши режалаштирилган ноёб идентификациялаш кодларини ўз ичига олиши мумкин. Агар бундай идентификациялаш кодлари маҳсулот айланмаси иштирокчиси томонидан шу каби аризада кўрсатилмаган бўлса, улар Оператор томонидан тақдим этилади, бу уларнинг ўзига хослигини кафолатлайди.

38. Агар қуйидаги талаблардан бири бузилган бўлса, Оператор маркировкалаш кодларини беришни рад этади:

а) ариза ушбу Қоидаларнинг 37-бандида назарда тутилган талабларга жавоб бермаса;

б) маҳсулот айланмаси иштирокчиси маркировкалаш бўйича ахборот тизимида рўйхатдан ўтмаган бўлса;

в) маркировкалаш ахборот тизимида буюртмаларни бошқариш станцияси ҳақида маълумот мавжуд бўлмаган ҳолда маркировкалаш кодларини олиш учун ариза юборилган бўлса;

г) аризада кўрсатилган маҳсулотнинг идентификациялаш коди, ёки маҳсулот тўпламининг идентификациялаш коди, ёки маҳсулот тўпламининг идентификациялаш коди, ёки транспорт пакетининг идентификациялаш коди олдин маркировкалаш ахборот тизимида рўйхатдан ўтган бўлса;

д) маҳсулот коди маркировкалаш маълумот тизимида рўйхатдан ўтмаган бўлса.

39. Маркировкалаш коди идентификациялаш кодини яратиш ва тасдиқлаш кодини яратиш орқали ҳосил бўлади. Яратилган маркировкалаш кодлари Оператор томонидан буюртмаларни бошқариш станциясидан фойдаланган ҳолда маҳсулот айланмаси иштирокчиларига тақдим этилади.

Маркировкалаш ахборот тизими маркировкалаш кодини қайта ишланиб шакллантирилишига (генерация) йўл қўймайди.

Маркировкалаш ахборот тизимида қуйидаги маркировкалаш кодлари ҳолатлари рўйхатдан ўтказилади:

эмитирланган (буюртма қилинган) — маркировкалаш коди маҳсулот айланмаси иштирокчиси буюртмаси асосида яратилган (генерация қилинган);

қўлланган — маркировкалаш коди маҳсулот айланмаси иштирокчисига унинг буюртмаси асосида тақдим этилган (ёки маркировкалаш коди асосида рақамли идентификациялаш воситаси қўлланганлиги тўғрисида маълумот қабул қилинган);

айланмада — маркировкалаш коди маҳсулот айланмасига киритилган;

ҳисобдан чиқариш — фискал бўлмаган сабабларга асосан маркировкалаш коди айланмадан чиқарилган (назоратдан олинган);

айланмадан чиқарилган (сотилган) — фискал сабабларга асосан маркировкалаш коди айланмадан чиқарилган (назоратдан олинган);

айланмада, айланмага қайта киритилган — маркировкалаш коди маҳсулот айланмасига фискал сабабларга асосан қайта киритилган;

агрегацияси бузилган — гуруҳланган ёки транспорт қадоғининг идентификациялаш коди бекор қилинган.

40. Оператор маҳсулот айланмаси иштирокчисига белгиланган ариза рўйхатдан ўтган пайтдан бошлаб 4 соатдан кечиктирмай маркировкалаш кодларини олиш учун тақдим этилган аризага мувофиқ хабар юборади.

41. Маҳсулот айланмасининг иштирокчиси маркировкалаш кодларини рақамли идентификациялаш воситаларига айлантиришни ва маҳсулотларга қўлланилишини, маҳсулотларни қадоқлашни ёки рақамли идентификациялаш воситаларини қўллаш учун мўлжалланган бошқа моддий ташувчини таъминлайди ва Операторга буюртмаларни бошқариш станцияси орқали маркировкалаш кодларини қўллаш тўғрисидаги ҳисоботни юборади.

Маркировка коди маҳсулотнинг ҳар бир бирлиги (нусхаси) учун ягона ҳисобланади. Маркировка кодларини қайта ишлатишга, Оператор томонидан маҳсулот айланмасининг бошқа иштирокчисига берилган ва (ёки) бошқа маҳсулотлар гуруҳини маркировкалаш мақсадида берилган маркировка кодларидан фойдаланишга йўл қўйилмайди.

Фойдаланилмаган маркировка кодлари учун амалга оширилган тўловлар Оператор томонидан янги маркировка кодлари тақдим этилишида ҳисобга олинади.

42. Ушбу Қоидаларнинг 41-бандида белгиланган муддат ҳисобланган маҳсулот айирбошлаш қатнашчиси томонидан маркировкалаш кодлари қабул қилинган сана Оператор томонидан маҳсулот айланмаси иштирокчисининг маҳсулот айланмасида буюртма қилинган маркировкалаш кодлари тақдим этилганлиги тўғрисида хабарнома юборилган сана ҳисобланади. Оператор кўрсатилган хабарномани маҳсулот айланмаси иштирокчисига ушбу хабарномани жойлаштириш санасини кўрсатган ҳолда маҳсулот айланмаси иштирокчисининг шахсий ҳисобварағига ахборот ёрлиғи тизимига жойлаштириш орқали юборади.

Маркировкалаш ахборот тизимида мурожаатнинг санаси ва вақти кўрсатилган ҳолда рақамли идентификациялаш воситаларини қўллаш тўғрисидаги маълумотлар рўйхатдан ўтказилади.

43. Рақамли маркировкаланиши (шу жумладан, уларга қўлланиладиган рақамли идентификациялаш воситалари тўғрисида) маълумотларини маркировкалаш ахборот тизимига тақдим этилмаган ёки ушбу Қоидалар билан белгиланган талабларини бузган ҳолда маълумотларни ўтказилган маҳсулотлар, рақамли маркировкаланмаган маҳсулотлар деб ҳисобланади.

44. Оператор маҳсулот айланмаси иштирокчиларини буюртмаларни бошқариш станциялари билан уларни тўғридан-тўғри узатиш ёки маркировкалаш ахборот тизимининг инфратузилмасида жойлашган буюртмаларни бошқариш станцияларига масофадан туриб таъминлаш орқали жиҳозлайди.

Буюртмаларни бошқариш станцияларини тақдим этиш усулини танлаш тўғрисидаги қарор тегишли Оператор гуруҳи учун рақамли идентификациялаш воситалари билан маркировкалашнинг ўзига хос хусусиятларини ҳисобга олган ҳолда Оператор томонидан қабул қилинади.

8-боб. Рақамли идентификациялаш воситаларини қўллаш тартиби

45. Рақамли идентификациялаш воситаларини маҳсулотларга, маҳсулотларнинг қадоқланишига ёки рақамли идентификациялаш воситаларини қўллаш учун мўлжалланган бошқа моддий ташувчига елимлаш:

Ўзбекистон Республикаси ҳудудида маҳсулот ишлаб чиқариладиган бўлса, маҳсулот ишлаб чиқариладиган ёки сақланадиган жойларда;

бошқа давлатлардан Ўзбекистон Республикаси ҳудудига олиб кирилган тақдирда, Ўзбекистон Республикаси давлат чегарасидан ўтмасдан, бошқа давлатларнинг ҳудудида ёки божхона омбори ҳудудида ёхуд шартли чиқариб юборилган товарлар импорт қилувчи томонидан белгиланган омборда «эркин муомалага чиқариш (импорт)» божхона режимига расмийлаштирилгунга қадар амалга оширилади.

46. Олдиндан уни кейинчалик сотиш билан боғлиқ бўлмаган мақсадларда сотиб олинган, шунингдек, олдин олиб қўйилган, хатлов қилинган, мусодара қилинган ёки бошқа йўл билан давлат даромадига айланган маҳсулотларни сотиш тўғрисида қарор қабул қилган юридик ва якка тартибдаги тадбиркор, Ўзбекистон Республикаси қонунчилик ҳужжатларида назарда тутилган бажарилмаган мажбуриятлар ҳисобига маркировкаланмаган маҳсулотларни рақамли идентификациялаш воситалари билан уларни учинчи шахсларга сотишдан олдин маркировкалашни таъминлаши шарт.

Комиссия агенти ушбу маҳсулотларни сотишга таклиф қилишдан олдин маркировкаланмаган маҳсулотлар комиссия шартномалари бўйича якка тартибдаги тадбиркор бўлмаган шахслардан сотиш учун қабул қилинган рақамли идентификациялаш воситалари (шу жумладан, маҳсулотлар тўплами) билан маркировкаланишини таъминлаши шарт.

47. Рақамли идентификациялаш воситаси рақамли идентификациялаш воситасини маҳсулотлардан, маҳсулотларни қадоқлашдан ёки рақамли идентификациялаш воситасини қўллаш учун мўлжалланган бошқа моддий ташувчидан ажратишга имкон бермайдиган усул ёрдамида қўлланилиши керак.

Агар маҳсулотлар тўплами шакллантирилган бўлса, рақамли идентификациялаш воситаси маҳсулотларнинг тўпламига ёки бундай истеъмол қадоқларида жойлашган ёрлиққа, шунингдек, ушбу маҳсулот тўпламининг бир қисми бўлган маҳсулотнинг истеъмол қадоқларига ёки бундай истеъмол қадоқларида жойлашган ёрлиққа қўлланилади.

Агар маҳсулотлар тўплами шакллантирилган бўлса, рақамли идентификациялаш воситаси маҳсулотларнинг истеъмол пакетига ёки маҳсулотларнинг бундай истеъмол қадоқларида жойлашган ёрлиққа қўлланилади.

48. Рақамли идентификациялаш воситаси билан ёрлиқни шаффоф қоплаш плёнкасида ёки бошқа ташқи қоплаш материалида жойлаштиришга рухсат берилади. Бундай ҳолда, рақамли идентификациялаш воситалари рақамли идентификациялаш воситаларини ўқиш ва таниб олишга тўсқинлик қиладиган бошқа маълумотлар билан қопланмаслиги керак.

9-боб. Маркировкалаш ахборот тизимига маҳсулотлар айланмаси иштирокчилари томонидан маҳсулотларнинг айланмага киритилиши, уларнинг айланмаси ва айланмадан чиқариш маълумотларини тақдим этиш тартиби ва муддатлари ҳамда маркировкалаш ахборот тизимининг бошқа ахборот тизимлари билан ўзаро ҳамкорлиги тартиби

49. Маҳсулотлар айланмасининг иштирокчилари маҳсулотларни масофадан (савдо шохобчаларидан) сотиш учун маҳсулот ҳақидаги маълумотни, жумладан, унинг тавсифи, тасвири ва нархини Интернет жаҳон ахборот тармоғида (Интернет-дўконларда), каталогларда, буклетларда ва бошқа оммавий офертани ўз ичига олган электрон ва босма материалларда жойлаштириш ҳуқуқига эга, шунингдек, аванс тўловлари ёки маҳсулотлар учун олдиндан тўловларни қабул қилиш орқали охирги истеъмолчилар билан масофадан сотиш орқали чакана савдо-сотиқ шартномаларини тузиш мумкин. Маҳсулотлар айланмага киритилишидан олдин тузилган масофавий чакана савдо-сотиқ шартномаси асосида охирги истеъмолчига маҳсулотларни етказиб беришга маҳсулотларни айланмага киритгандан кейингина йўл қўйилади.

49 1 . Маркировкалаш ахборот тизимига идентификация воситалари ёрдамида мажбурий рақамли маркировкаланиши лозим бўлган маҳсулотлар тўғрисида батафсил маълумотлар белгиланган тартибда киритилмаган тақдирда, ушбу маҳсулотлар учун маҳсулотлар (товарлар ва хизматлар) ягона электрон миллий каталогида тегишли МХИКлари яратилмайди. Бунда Солиқ қўмитаси томонидан маркировкалаш ахборот тизимига тегишли маълумотлар киритилмаган маҳсулотларни МХИКларидан тадбиркорлик субъектлари томонидан электрон ҳисобварақ-фактураларда ва назорат-касса техникалари чекларида фойдаланиш имконияти чекланади.

Рақамли маркировкаланиши лозим бўлган маҳсулотлар айланмасининг иштирокчилари (ишлаб чиқарувчи ва импорт қилувчи, чакана ёки улгуржи савдоси билан шуғулланувчи корхоналар, шу жумладан, маркетплейслар) томонидан ушбу маҳсулотлар реализация қилинганда, электрон ҳисобварақ-фактураларда ва назорат-касса техникалари чекларида тегишли (рақамли маркировкаланадиган) МХИКлари танланиши талаб қилинади.

Рақамли маркировкаланиши лозим бўлган маҳсулотлар воситачилик ва (ёки) агентлик шартномалари доирасида реализация қилинганда, электрон ҳисобварақ-фактураларда ва (ёки) назорат-касса техникалари чекларида маркировка кодлари тўғрисидаги маълумотларни акс эттириш мажбурияти комиссионер зиммасига юкланади.

50. Ишлаб чиқарувчилар маҳсулотларни сотиш (савдо) учун таклиф қилишдан олдин, шу жумладан, уларни сотиш (савдо) жойида намойиш этишдан олдин, уларнинг намуналарини намойиш қилиш учун (маҳсулотларни масофадан сотишда улар ҳақида маълумот бериш бундан мустасно), маркировкалаш ахборот тизимига қуйидаги маълумотларни киритади:

а) ишлаб чиқарилган сана;

б) ишлаб чиқарувчи солиқ тўловчининг идентификация рақами;

в) Ўзбекистон Республикаси ташқи иқтисодий фаолиятининг маҳсулот номенклатураси коди;

г) маҳсулот идентификациялаш коди, ёки маҳсулотлар тўплами идентификациялаш коди, ёки маҳсулотлар жамланмасининг идентификациялаш коди, ёки гуруҳланган қадоқнинг идентификациялаш коди, ёки транспорт қадоғининг идентификациялаш коди;

д) ишлаб чиқариш буюртмасининг тури (ўзи ишлаб чиқарган, шартномавий ишлаб чиқариш);

е) маҳсулот мулкдори бўлган солиқ тўловчининг идентификация рақами (шартномавий ишлаб чиқарилган тақдирда);

ж) маҳсулотнинг мувофиқлигини тасдиқловчи ҳужжат тури, бундай ҳужжатнинг рақами ва санаси (техник тартибга солиш соҳасида норматив ҳужжатлар талабларида маҳсулотнинг мувофиқлигини тасдиқлаш тўғрисида талаблар мавжуд бўлган тақдирда);

з) маҳсулот мулкдорига шартномавий ишлаб чиқариш доирасида ишлаб чиқарилган маҳсулотни бериб юбориш тўғрисидаги маълумотлар қуйидагиларни ўз ичига олади:

маҳсулот мулкдори бўлган солиқ тўловчининг идентификация рақами;

маҳсулот мулкдорига ишлаб чиқарувчи томонидан маҳсулотнинг бериб юборилишини тасдиқловчи дастлабки ҳужжатнинг реквизитлари;

маҳсулот идентификациялаш коди, ёки маҳсулотлар тўплами идентификациялаш коди, ёки маҳсулотлар жамланмасининг идентификациялаш коди, ёки гуруҳланган қадоқнинг идентификациялаш коди, ёки транспорт қадоғининг идентификациялаш коди;

и) шартномавий ишлаб чиқариш доирасида ишлаб чиқарилган маҳсулотнинг сотилиши тўғрисидаги маълумотлар қуйидагиларни ўз ичига олади:

маҳсулот мулкдори бўлган солиқ тўловчининг идентификация рақами;

маҳсулот мулкдорига ишлаб чиқарувчи томонидан маҳсулотнинг бериб юборилишини тасдиқловчи дастлабки ҳужжатнинг реквизитлари;

маҳсулот идентификациялаш коди, ёки маҳсулотлар тўплами идентификациялаш коди, ёки маҳсулотлар жамланмасининг идентификациялаш коди, ёки гуруҳланган қадоқнинг идентификациялаш коди, ёки транспорт қадоғининг идентификациялаш коди;

к) Солиқ қўмитаси билан келишилган ҳолда Оператор томонидан белгиланган ва Операторнинг Интернет жаҳон ахборот тармоғидаги расмий веб-сайтида жойлаштирилган бошқа тегишли маълумотлар.

51. Якка тартибдаги тадбиркор ҳисобланмаган жисмоний шахслардан олинган маҳсулотларни сотишни (савдосини) амалга оширувчи маҳсулотлар айланмаси иштирокчилари (аввал истеъмолчилар томонидан сотиб олинган ва улар томонидан қайтариб берилган маҳсулотлар бундан мустасно), ушбу маҳсулотни сотувга (савдога) таклиф қилингунича, жумладан, унинг сотилиш (савдо) жойига жойлаштирилгунча, унинг намуналари намойишга чиқарилгунича (маҳсулотларнинг масофавий усулда сотилишида улар тўғрисидаги маълумотларни тақдим этиш бундан мустасно) маркировкалаш ахборот тизимига қуйидаги маълумотларни киритади:

а) кўрсатилган маҳсулотнинг айланмасини амалга оширувчи маҳсулотлар айланмаси иштирокчиси бўлган солиқ тўловчининг идентификация рақами;

б) маҳсулот идентификациялаш коди, ёки маҳсулотлар тўплами идентификациялаш коди, ёки маҳсулотлар жамланмасининг идентификациялаш коди, ёки гуруҳланган қадоқнинг идентификациялаш коди, ёки транспорт қадоғининг идентификациялаш коди;

в) Солиқ қўмитаси билан келишилган ҳолда Оператор томонидан белгиланган ва Операторнинг Интернет жаҳон ахборот тармоғидаги расмий веб-сайтида жойлаштирилган бошқа тегишли маълумотлар.

52. Маҳсулотлар айланмаси иштирокчилари, зарурат бўлганда, рақамли идентификациялаш воситалари ёрдамида мажбурий маркировкалаш жорий қилиниши санасига сотилмаган маҳсулотларнинг ҳар бир бирлигига нисбатан қуйидаги маълумотларни маркировкалаш ахборот тизимига киритади:

а) маҳсулотларнинг айланмага киритилишини амалга оширувчи маҳсулот айланмаси иштирокчиси бўлган солиқ тўловчининг идентификация рақами;

б) маҳсулот идентификациялаш коди, ёки маҳсулотлар тўплами идентификациялаш коди, ёки маҳсулотлар жамланмасининг идентификациялаш коди, ёки гуруҳланган қадоқнинг идентификациялаш коди, ёки транспорт қадоғининг идентификациялаш коди;

в) маҳсулотларга божхона юк декларациясини рўйхатга олиш рақами ва санаси (Ўзбекистон Республикасига олиб кирилган маҳсулотлар учун).

53. Импорт қилувчилар эркин муомалага чиқариш (импорт) божхона режимига мувофиқ маркировкаланган маҳсулотни чиқаргандан сўнг ва маркировкаланган маҳсулотни сотиш (реализация) учун таклиф қилишдан олдин, шу жумладан, уни сотиш (реализация) жойида намойиш этишдан, унинг намуналарини намойиш қилишдан олдин (маҳсулотларни масофадан сотишда улар ҳақида маълумот бериш бундан мустасно) қуйидагиларни маркировкалаш ахборот тизимига тақдим этадилар:

а) импорт қилувчи бўлган солиқ тўловчининг идентификация рақами;

б) божхона юк декларациясида акс эттирилган агрегацияланган импорт коди;

в) маҳсулотларнинг божхона юк декларациясини рўйхатга олиш санаси;

г) маҳсулотларнинг божхона юк декларациясини рўйхатдан ўтказиш рақами;

д) маҳсулотнинг мувофиқлигини тасдиқловчи ҳужжат тури, бундай ҳужжатнинг рақами ва санаси (техник тартибга солиш соҳасида норматив ҳужжатлар талабларида маҳсулотнинг мувофиқлигини тасдиқлаш тўғрисида талаблар мавжуд бўлганда);

е) Солиқ қўмитаси билан келишган ҳолда Оператор томонидан белгиланган ва Операторнинг Интернет жаҳон ахборот тармоғидаги расмий веб-сайтида жойлаштирилган бошқа тегишли маълумотлар.

54. Маҳсулотларни «эркин муомалага чиқариш (импорт)» божхона режимига расмийлаштириш учун импорт қилувчилар божхона юк декларациясида маҳсулотларнинг идентификациялаш кодларини ёки агрегацияланган импорт кодини кўрсатиши мумкин. Агрегацияланган импорт коди импорт қилувчининг талабномаси бўйича Оператор томонидан шакллантирилади, унда мазкур Қоидаларнинг 55-бандига биноан маълумотлар кўрсатилади.

Маҳсулотларни ички истеъмолга чиқариш (импорт) ёки қайта импорт қилиш мақсадида божхона тартиб-таомилидан ўтиш учун маҳсулот айланмаси иштирокчилари юкларнинг божхона декларациясида агрегацияланган импорт кодини кўрсатади. Агрегацияланган импорт коди импорт қилувчининг талабномаси бўйича Оператор томонидан шакллантирилади, унда мазкур Қоидаларнинг 55-бандига биноан маълумотлар кўрсатилади.

55. Агрегацияланган импорт кодини олиш мақсадида маҳсулотлар айланмаси иштирокчилари маркировкалаш ахборот тизимига қуйидаги маълумотларни киритади:

а) маҳсулотлар айланмаси иштирокчиси бўлган солиқ тўловчининг идентификация рақами;

б) агрегацияланган импорт кодларига киритилиши лозим бўлган маҳсулот идентификациялаш кодлари, ва (ёки) маҳсулотлар тўпламининг идентификациялаш кодлари, ва (ёки) маҳсулотлар жамланмасининг идентификациялаш кодлари, ва (ёки) гуруҳланган қадоқларининг идентификациялаш кодлари, ёки транспорт қадоқларининг идентификациялаш кодлари рўйхати.

56. Агрегацияланган импорт коди Оператор томонидан шакллантирилади ва маҳсулотлар айланмаси иштирокчиси бўлган солиқ тўловчининг идентификация рақамини ва тақдим этишнинг ихтиёрий тартиби бўйича Оператор томонидан тузиладиган маҳсулотлар мажмуасининг индивидуал серия рақамини ўз ичига олади.

57. Маҳсулотлар айланмаси иштирокчилари, зарурат бўлганда, маҳсулотлар жамланмаси шакллантирилиши амалиётини амалга оширади ва маркировкалаш ахборот тизимига қуйидаги маълумотларни киритади:

а) маҳсулотлар айланмаси иштирокчиси бўлган солиқ тўловчининг идентификация рақами;

б) маҳсулотлар жамланмасининг идентификациялаш коди.

58. Маҳсулотлар айланмаси иштирокчилари, зарурат бўлганда, маҳсулотлар тўплами шакллантирилиши амалиётини амалга оширади ва маркировкалаш ахборот тизимига қуйидаги маълумотларни киритади:

а) маҳсулотлар айланмаси иштирокчиси бўлган солиқ тўловчининг идентификация рақами;

б) маҳсулотлар тўпламининг идентификациялаш коди;

в) маҳсулотлар тўпламига кирган маҳсулотларнинг идентификациялаш кодлари рўйхати.

59. Маҳсулотлар айланмаси иштирокчилари, зарурат бўлганда, агрегациялаш амалиётини амалга оширади ва маркировкалаш ахборот тизимига қуйидаги маълумотларни киритади:

а) қуйидаги маълумотларни топшириш орқали гуруҳланган қадоққа агрегациялаш амалиётини бажариш натижаси:

гуруҳланган қадоққа маҳсулот қадоғини амалга оширган маҳсулот айланмаси иштирокчиси бўлган солиқ тўловчининг идентификация рақами;

ишлаб чиқариш буюртмасининг тури (ўзи ишлаб чиқарган, шартномавий ишлаб чиқариш);

маҳсулот мулкдори бўлган солиқ тўловчининг идентификация рақами (шартномавий ишлаб чиқариш ҳолатида);

гуруҳланган қадоқнинг идентификациялаш кодлари рўйхати, уларнинг ҳар бири учун тегишли гуруҳланган қадоққа жойлаштирилган истеъмол қадоғининг идентификациялаш кодлари рўйхати кўрсатилади;

б) қуйидаги маълумотларни тақдим этиш орқали биринчи босқич транспорт қадоғига агрегациялаш амалиётини бажариш натижаси:

биринчи босқич транспорт қадоғига маҳсулот қадоғини амалга оширган маҳсулот айланмаси иштирокчиси бўлган солиқ тўловчининг идентификация рақами;

ишлаб чиқариш буюртмасининг тури (ўзи ишлаб чиқарган, шартномавий ишлаб чиқариш);

маҳсулот мулкдори бўлган солиқ тўловчининг идентификация рақами (шартномавий ишлаб чиқариш ҳолатида);

биринчи босқич транспорт қадоғининг идентификациялаш кодлари рўйхати, уларнинг ҳар бири тегишли транспорт қадоғига жойлаштирилган маҳсулотларни идентификациялаш кодлари, маҳсулотлар тўпламларининг идентификациялаш кодлари, ёки маҳсулотлар жамланмаларининг идентификациялаш кодлари, ёки гуруҳланган қадоқнинг идентификациялаш кодлари рўйхати кўрсатилади;

в) қуйидаги маълумотларни тақдим этиш орқали ҳар бир кейинги босқични агрегациялаш амалиётини бажариш натижаси:

ҳар бир кейинги босқич транспорт қадоғига қадоқни амалга оширган маҳсулот айланмаси иштирокчиси бўлган солиқ тўловчининг идентификация рақами;

юқори турувчи босқич транспорт қадоғининг идентификациялаш кодлари рўйхати, уларнинг ҳар бири учун тегишли транспорт қадоғига жойлаштирилган транспорт қадоғининг идентификациялаш кодлари рўйхати кўрсатилади;

Айрим турдаги маҳсулотларни идентификация воситалари орқали рақамли маркировкалаш хусусиятларида мажбурий рақамли маркировка қилинадиган маҳсулотларни ишлаб чиқаришда ва (ёки) импорт қилишда агрегациялаш тартибини бажариш мажбурияти белгиланиши мумкин.

60. Транспорт қадоғининг идентификациялаш коди бир ўлчамли штрих код кўринишида Давлатлараро ГОСТ ISO 15394-2013 «Ўрам. Юклаб жўнатиш, транспортда ташиш ва қабул қилиш учун ёрлиқларда штрих коднинг чизиқли белгилари ва икки ўлчамли белгилар. Умумий талаблар» стандартига мувофиқ тақдим этилади.

Транспорт қадоғи идентификациялаш кодининг таркиби транспорт қадоғига маҳсулотни агрегацияланишни амалга оширувчи маҳсулотлар айланмаси иштирокчиси томонидан унинг ноёблигини таъминлаш шарти билан белгиланади.

61. Транспорт қадоғи тарқатиб юборилиши амалиётини амалга оширувчи маҳсулотлар айланмаси иштирокчилари маркировкалаш ахборот тизимига қуйидаги маълумотларни киритади:

транспорт қадоғининг тарқатиб юборилишини амалга оширган маҳсулотлар айланмаси иштирокчиси бўлган солиқ тўловчининг идентификация рақами;

тарқатиб юборилиши керак бўлган транспорт қадоғининг идентификациялаш кодлари рўйхати.

62. Маҳсулотлар айланмаси иштирокчилари томонидан маркировкалаш ахборот тизимига маҳсулотлар ёки маркировкалаш ахборот тизимининг маълумотлари бўйича транспорт қадоғида бўлган маҳсулотлар тўплами қисмининг айланмаси ёки маҳсулотнинг айланмадан чиқарилиши тўғрисидаги маълумотлар тақдим этилганда, маркировкалаш ахборот тизимида маҳсулотнинг бундай қадоқлардан чиқариб олинган, жойлаштиришнинг анча юқори даражадаги барча қадоқларининг тарқатилиши автоматик тарзда рўйхатга олинади.

63. Биринчи босқичдаги транспорт қадоғи доирасида маҳсулот олиб қўйилиши ёки қайтадан тахланиши бўйича амалиётларни ёки кейинги босқич транспорт қадоғининг олиб қўйилиши ёки қайтадан тахланиши бўйича амалиётларни амалга оширувчи маҳсулотлар айланмаси иштирокчилари маркировкалаш ахборот тизимига қуйидаги маълумотларни киритади:

олиб қўйиш ёки қайта тахлаш бўйича амалиётни амалга оширган маҳсулот айланмаси иштирокчиси бўлган солиқ тўловчининг идентификация рақами;

амалиёт тури (қайта тахлаш, олиб қўйиш);

маҳсулотларнинг идентификациялаш кодлари, ёки маҳсулотлар тўпламининг идентификациялаш кодлари, ёки маҳсулотлар жамланмасининг идентификациялаш кодлари, ёки гуруҳланган қадоқнинг идентификациялаш кодлари, ёки транспорт қадоғининг идентификациялаш кодлари рўйхати.

64. Биринчи ёки кейинги босқичдаги транспорт қадоғининг идентификациялаш коди бекор қилиниши, фақат олиб қўйиш ёки қайта тахлаш амалиёти ўтказилиши натижалари бўйича уларда биринчи босқичдаги транспорт қадоқлари ёки истеъмол қадоқлари қолмаган тақдирда амалга оширилади.

65. Маҳсулотлар тўпламларини тарқатиш амалиётини амалга ошираётган маҳсулотлар айланмаси иштирокчилари маркировкалаш ахборот тизимига қуйидаги маълумотларни киритади:

а) маҳсулотлар тўпламини тарқатиб юбориш амалиётини амалга оширувчи маҳсулотлар айланмаси иштирокчиси бўлган солиқ тўловчининг идентификация рақами;

б) тарқатиб юборилиши лозим бўлган маҳсулотлар тўпламининг идентификациялаш коди.

66. Эгалик ҳуқуқи маҳсулот айланмаси иштирокчисига ўтишини назарда тутувчи битимлар ҳамда комиссия ва (ёки) агентлик шартномалари доирасида маҳсулотни бериб юборишда (қабул қилишда), маҳсулот юклаб жўнатилишини (қабул қилинишини) амалга оширувчи маҳсулотлар айланмаси иштирокчиси юбориладиган (қабул қилинадиган) маҳсулотларни маркировка кодларини ўз ичига олган ҳолда маҳсулот бериб юборилиши (қабул қилиниши) тўғрисидаги хабарномани шакллантиради (электрон ҳисобварақ-фактура шаклида) ҳамда маҳсулотни юклаб жўнатиш (бериб юбориш ёки қабул қилиш) кунидан бошлаб 3 иш кунидан ортиқ бўлмаган муддатда, аммо ушбу маҳсулот учинчи шахсларга бериб юборилиши кунидан кечиктирмасдан, уни электрон рақамли имзо билан имзолайди.

67. Маҳсулот тўлиқ қабул қилинганда маҳсулот қабул қилинишини амалга оширган маҳсулотлар айланмаси иштирокчиси маҳсулот қабул қилинган кундан бошлаб 3 иш кунидан ортиқ бўлмаган муддатда, аммо ушбу маҳсулотни учинчи шахсларга бериб юбориш кунидан кечиктирмасдан, ўзининг электрон рақамли имзоси билан маҳсулот бериб юборилиши (қабул қилиниши) тўғрисидаги хабарномани имзолайди.

68. Роуминг оператори ҳар куни реал вақт режимида роуминг оператори ва маркировкалаш ахборот тизими ўртасида маълумот алмашинуви далолатномасига биноан қуйидаги мажбурий маълумотларни ўз ичига олган маҳсулотни бериб юбориш (қабул қилиш) тўғрисидаги барча хабарномаларни маркировкалаш ахборот тизимига киритади:

битимни амалга ошириш санаси;

маҳсулот бериб юборилишини амалга оширган маҳсулотлар айланмаси иштирокчиси бўлган солиқ тўловчининг идентификация рақами;

маҳсулот қабул қилинишини амалга оширган маҳсулотлар айланмаси иштирокчиси бўлган солиқ тўловчининг идентификация рақами;

маҳсулотни сотиш нархи;

сотилган маҳсулотлар миқдори;

битим доирасида бериб юборилган маҳсулотларнинг идентификациялаш кодлари, ёки маҳсулотлар тўпламларининг идентификациялаш кодлари, ёки маҳсулотлар жамланмаларининг идентификациялаш кодлари, ёки гуруҳланган қадоқларининг идентификациялаш кодлари, ёки транспорт қадоқларининг идентификациялаш кодлари;

иштирокчиларнинг электрон рақамли имзолари.

69. Оператор маркировкаланган маҳсулотни юклаб жўнатиш (қабул қилиш) тартиб-таомилларини автоматлаштириш ва маҳсулотлар бериб юборилиши (қабул қилиниши) тўғрисидаги хабарномаларни расмийлаштириш (имзолаш) бўйича методик тавсияларни ишлаб чиқади ва Операторнинг Интернет жаҳон ахборот тармоғидаги расмий веб-сайтига жойлаштиради.

70. Маҳсулотлар айланмаси иштирокчилари томонидан имзоланган маҳсулотни бериб юбориш (қабул қилиш) тўғрисидаги хабарнома олинганда, Оператор маркировкалаш ахборот тизимида бир маҳсулотлар айланмаси иштирокчисидан бошқасига маҳсулот бериб юборилганлиги далилини акс эттиради.

71. Маркировкалаш ахборот тизими сўров бўйича божхона органларининг ахборот тизимига маркировкаланган маҳсулот тўғрисидаги қуйидаги маълумотни узатади:

а) маҳсулотлар идентификациялаш кодлари, ёки маҳсулотлар тўплами идентификациялаш кодлари, ёки маҳсулотлар жамланмаси идентификациялаш кодлари, ёки гуруҳланган қадоқлари идентификациялаш кодлари, транспорт қадоғи идентификациялаш кодлари, ёки агрегацияланган божхона кодлари эгаларининг номланиши;

б) солиқ тўловчининг идентификация рақами, маҳсулотлар идентификациялаш кодлари, ёки маҳсулотлар тўпламларининг идентификациялаш кодлари, маҳсулотлар жамланмасининг идентификациялаш кодлари, гуруҳланган қадоқларининг идентификациялаш кодлари, ёки транспорт қадоқларининг идентификациялаш кодлари, ёки агрегацияланган божхона кодларининг эгалари-солиқ тўловчилари номланиши;

в) маҳсулотлар идентификациялаш кодлари, ёки маҳсулотлар тўпламларининг идентификациялаш кодлари, ёки маҳсулотлар жамланмаларининг идентификациялаш кодлари, ёки гуруҳланган қадоқларининг идентификациялаш кодлари, ёки транспорт қадоқларининг идентификациялаш кодлари, ёки агрегацияланган божхона кодлари;

г) маҳсулотнинг идентификациялаш коди, ёки маҳсулотлар тўпламининг идентификациялаш коди, ёки маҳсулотлар жамламасининг идентификациялаш коди, ёки гуруҳланган қадоқларининг идентификациялаш коди, ёки транспорт қадоғининг идентификациялаш коди, ёки агрегацияланган импорт коди мақоми;

д) маҳсулотнинг идентификациялаш коди мақоми, ёки маҳсулотлар тўпламининг идентификациялаш коди мақоми, ёки маҳсулотлар жамланмасининг идентификациялаш коди мақоми, ёки гуруҳланган қадоқнинг идентификациялаш коди мақоми, ёки транспорт қадоғи идентификациялаш коди мақоми, ёки агрегацияланган импорт коди мақомининг охирги ўзгартириш санаси;

е) Ўзбекистон Республикаси ташқи иқтисодий фаолиятининг маҳсулот номенклатураси коди;

ж) маҳсулот мақоми коди;

з) маҳсулотнинг мақоми;

и) маҳсулот мақомини ўзгартириш санаси;

к) маҳсулотларни айланмага киритиш санаси;

л) тартибга солиш соҳасида норматив ҳужжатлар талабига маҳсулотнинг мувофиқ келиши тўғрисидаги ҳужжат санаси ва рақами (мавжуд бўлса).

72. Божхона органларининг ахборот тизими маркировкаланган маҳсулотнинг божхона назорати натижалари тўғрисида қуйидаги маълумотларни сўров бўйича маркировкалаш ахборот тизимига узатади:

а) маҳсулотларнинг божхона юк декларацияси юзасидан қарор қабул қилган божхона органининг коди;

б) маҳсулотларнинг божхона юк декларациясини рўйхатдан ўтказиш санаси;

в) маҳсулотларнинг божхона юк декларациясини рўйхатга олиш рақами;

г) божхона тартиб-тамойиллари коди;

д) декларация қилиш хусусиятлари коди;

е) маҳсулот жўнатувчи ташкилот номи;

ж) рўйхатдан ўтиш мамлакатида ёки унинг ўхшашида маҳсулот жўнатувчиси бўлган солиқ тўловчининг идентификация рақами;

з) маҳсулот олувчи ташкилот номи;

и) маҳсулот олувчиси бўлган солиқ тўловчининг идентификация рақами;

к) Ўзбекистон Республикаси ташқи иқтисодий фаолиятининг маҳсулот номенклатураси коди;

л) маҳсулотнинг божхона нархи;

м) маҳсулот баҳоси (фактура нархи);

н) экспорт/реэкспорт мамлакати томонидан белгиланган тартиб ва шаклга мувофиқ ваколатли орган томонидан берилган сертификатга асосан маҳсулотнинг келиб чиқиш мамлакати коди;

о) қўшимча ўлчов бирлигидаги маҳсулот миқдори;

п) қўшимча ўлчов бирлиги номланиши;

р) қўшимча ўлчов бирлигининг коди;

с) маҳсулотларнинг божхона юк декларациясидаги маҳсулот номи;

т) маҳсулотларнинг божхона юк декларациясидаги маҳсулот миқдори;

у) маҳсулотларнинг идентификациялаш кодлари, ёки маҳсулотлар тўпламларининг идентификациялаш кодлари, ёки маҳсулотлар жамланмаларининг идентификациялаш кодлари, ёки гуруҳланган қадоқларининг идентификациялаш кодлари, ёки транспорт қадоқларининг идентификациялаш кодлари, ёки агрегацияланган импорт кодлари;

ф) маҳсулотлар бўйича бюджетга тўланган қўшимча қиймат солиғи суммаси;

х) қабул қилинган қарор коди;

ц) техник тартибга солиш соҳасида норматив ҳужжатларга мувофиқлик тўғрисидаги ҳужжатларнинг санаси ва рақами (мавжуд бўлса).

73. Божхона юк декларациясида кўрсатилган маҳсулот маълумотларига ўзгартиришлар ва (ёки) қўшимчалар киритишда, маҳсулотлар ички истеъмолга чиқариш ёки қайта импорт қилиш учун божхона тартиб-таомилига мувофиқ чиқарилгандан сўнг божхона органи маҳсулотлар тўғрисидаги тўғриланган маълумотларни маркировкалаш ахборот тизимига ўтказади.

74. Божхона органларининг ахборот тизимидан олинган маркировкаланган маҳсулотга нисбатан божхона органининг қарори тўғрисидаги маълумотлар маркировкалаш ахборот тизимида қайд этилади.

75. Маҳсулотнинг чакана савдосини амалга оширувчи маҳсулотлар айланмаси иштирокчилари маркировкалаш ахборот тизимига назорат-касса техникасини қўллаш билан маҳсулотнинг айланмадан чиқарилиши тўғрисидаги маълумотни йўналтиради, Ўзбекистон Республикаси қонунчилигига мувофиқ ҳисоб-китобларни амалга оширишда назорат-касса техникасини қўлламаслик ҳуқуқига эга бўлган маҳсулотлар айланмаси иштирокчилари бундан мустасно.

76. Маҳсулот чакана савдосини амалга оширувчи маҳсулотлар айланмасининг иштирокчиси унда ўрнатилган ва рўйхатга олинган назорат-касса техникаси билан боғлиқ бўлган техник воситалар ёрдамида (онлайн назорат-касса техникасининг сканерлаш воситалари ёки алоҳида ўрнатилган сканерлаш ускуналари) истеъмол ёки гуруҳланган қадоғини рақамли идентификация воситасини сканердан ўтказади, аниқлаштиради ва ҳар бир сотилган маҳсулотнинг истеъмол ёки гуруҳланган маркировка коди тўғрисидаги маълумотларни электрон фискал ҳужжатга киритади ва аниқлаштиради.

77. Фискал маълумотлар оператори ҳар куни реал вақт режимида фискал маълумотлар оператори ва маркировкалаш ахборот тизими ўртасида маълумот алмашинуви далолатномасига биноан ҳар бир сотилган маҳсулотнинг бирлиги бўйича қуйидаги мажбурий маълумотларни маркировкалаш ахборот тизимига узатади:

а) чакана савдо ташкилоти бўлган солиқ тўловчининг идентификация рақами;

б) фискал ҳужжатнинг тури;

в) фискал ҳужжатнинг тартиб рақами;

г) фискал ҳужжатнинг санаси ва вақти;

д) ҳисоб-китоб белгиси — тушум (харидордан маблағларни олиш), тушумни қайтариш (харидордан олинган маблағларни унга қайтариш);

е) маҳсулот идентификациялаш коди, ёки маҳсулотлар тўплами идентификациялаш коди, ёки маҳсулотлар жамланмасининг идентификациялаш коди, ёки гуруҳланган қадоқнинг идентификациялаш коди;

ж) маҳсулот бирлиги нархи;

з) назорат-касса техникасининг рўйхатга олинган рақами;

и) назорат-касса техникасининг рўйхатдан ўтказилган манзили;

к) тасдиқловчи белги (имзо).

78. Маҳсулотни айланмадан чиқариш ёки маълумотларни рўйхатдан ўтказишга рад этиш тўғрисида маълумотлар маркировкалаш ахборот тизимида рўйхатга олиш тўғрисидаги хабарнома фискал маълумотлар операторига ва (ёки) маҳсулотнинг чакана савдосини амалга оширган маҳсулотлар айланмаси иштирокчисига юборилади.

79. Чакана савдо ҳисобланмайдиган сабаблар бўйича маҳсулотнинг айланмадан чиқарилишида, мазкур Қоидаларнинг 80 ва 81-бандлари билан кўзда тутилган маҳсулотни айланмадан чиқариш тартиби ҳолатларидан ташқари, маҳсулотлар айланмаси иштирокчиси 3 иш куни мобайнида солиқ органларининг ахборот тизимлари орқали қуйидаги маълумотларни илова қилган ҳолда маркировка кодларини айланмадан чиқариш юзасидан сўровномани юборади:

а) маҳсулотнинг айланмадан чиқарилишини амалга оширган маҳсулотлар айланмаси иштирокчиси бўлган солиқ тўловчининг идентификация рақами;

б) маҳсулотнинг айланмадан чиқарилиши сабаби (бузилиши, брак қилиниши, йўқ қилиниши, яроқлилик муддатлари тугаши, жисмоний шахсга қайтарилиши ва бошқалар);

в) маҳсулотнинг айланмадан чиқиб кетиши тўғрисидаги бирламчи ҳужжатнинг номланиши, санаси ва рақами;

г) айланмадан чиқарилаётган маҳсулотларнинг идентификациялаш кодлари, ёки маҳсулотлар тўпламларининг идентификациялаш кодлари, ёки маҳсулотлар жамланмаларининг идентификациялаш кодлари, ёки гуруҳланган қадоқларининг идентификациялаш кодлари.

Юқоридаги сўровнома солиқ органларининг ахборот тизимлари томонидан инсон омилисиз белгиланган тартибда текширилиб маъқулланган тақдирда, сўровномада қайд этилган маркировка кодларини айланмадан чиқариш юзасидан тегишли маълумотлар маркировкалаш ахборот тизимига тақдим этилади.

80. Маҳсулотни намуналар бўйича сотиш ёки масофадан сотиш орқали уни айланмадан чиқаришда маҳсулотлар айланмаси иштирокчиси истеъмолчига маҳсулотнинг ҳақиқий етказиб берилиш санасигача истеъмолчига етказиб бериш учун сақлаш омборидан маҳсулотни юклаб жўнатишда солиқ органларининг ахборот тизимлари орқали қуйидаги маълумотларни илова қилган ҳолда маркировка кодларини айланмадан чиқариш юзасидан сўровномани юборади:

маҳсулотнинг айланмадан чиқарилишини амалга оширган маҳсулотлар айланмаси иштирокчисининг солиқ тўловчининг идентификация рақами;

маҳсулотнинг айланмадан чиқарилиши сабаби (маҳсулотнинг намуналар бўйича сотилиши, маҳсулотнинг масофадан туриб сотилиши орқали);

маҳсулотнинг айланмадан чиқиб кетиши ҳақидаги бирламчи ҳужжатнинг номланиши, санаси ва рақами;

маҳсулотларнинг идентификациялаш кодлари, ёки маҳсулотлар тўпламларининг идентификациялаш кодлари, ёки маҳсулотлар жамланмаларининг идентификациялаш кодлари, ёки гуруҳланган қадоқларининг идентификациялаш кодлари;

айланмадан чиқарилаётган маҳсулотнинг нархи (маҳсулотлар айланмаси иштирокчисининг ҳисобга олиш маълумотлари бўйича).

Юқоридаги сўровнома солиқ органларининг ахборот тизимлари томонидан инсон омилисиз белгиланган тартибда текширилиб маъқулланган тақдирда, сўровномада қайд этилган маркировка кодларини айланмадан чиқариш юзасидан тегишли маълумотлар маркировкалаш ахборот тизимига тақдим этилади.

Намуналар бўйича сотиш ёки масофавий усулда сотиш йўли билан айланмадан чиқарилган маҳсулот сақлаш омборига қайтарилган ҳолда маҳсулотлар айланмаси иштирокчиси маркировкалаш ахборот тизимига тегишли маълумотларни киритади ва маҳсулот қайта маркировкаланишини амалга оширади, агар бундай қайта маркировкалаш мазкур Қоидаларга мувофиқ, ушбу маҳсулот сотилишга (савдога) таклиф этилгунига қадар, жумладан, унинг сотилиш (савдо) жойигача чиқарилгунига, унинг намуналари намойиш этилгунга қадар (маҳсулотларнинг масофавий сотилиш усулида улар ҳақидаги маълумотлар тақдим этилиши бундан мустасно) талаб этилаётган бўлса.

Маҳсулотнинг рақамли идентификациялаш воситалари шикастланмаган ҳолда қайтарилганда маҳсулот такроран маркировкаланмайди, маркировкалаш ахборот тизимига эса қуйидаги маълумотлар киритилади:

маҳсулотни қабул қилувчи маҳсулотлар айланмаси иштирокчиси бўлган солиқ тўловчининг идентификация рақами;

маҳсулот идентификациялаш коди, маҳсулотлар тўпламининг идентификациялаш коди, ёки маҳсулотлар жамланмасининг идентификациялаш коди, ёки гуруҳланган қадоқнинг идентификациялаш коди;

маҳсулотлар қиймати истеъмолчи томонидан тўланган бўлса, маҳсулот қайтарилганлигини тасдиқловчи ҳужжатларнинг реквизитлари;

олдин белгиланган маҳсулот мувофиқлигини тасдиқловчи ҳужжатнинг амал қилиш муддати тугаган тақдирда, техник тартибга солиш соҳасидаги норматив ҳужжатлар талабларига мувофиқ маҳсулотнинг мувофиқлигини тасдиқловчи ҳужжат тури, ҳужжат рақами ва санаси (мавжуд бўлса).

Маҳсулотни қайтаришда ва уни қайта маркировкалаш заруратида маҳсулотлар айланмаси иштирокчиси маркировкалаш ахборот тизимига қуйидаги маълумотларни киритади:

маҳсулотларни қабул қилувчи маҳсулотлар айланмаси иштирокчиси бўлган солиқ тўловчининг идентификация рақами;

маҳсулотни идентификациялашнинг янги коди, маҳсулотлар тўпламини идентификациялашнинг янги коди, маҳсулотлар жамланмасини идентификациялашнинг янги коди, гуруҳланган қадоқни идентификациялашнинг янги коди;

агар маҳсулотлар истеъмолчи томонидан тўланган бўлса, маҳсулот қайтарилганлигини тасдиқловчи ҳужжатларнинг реквизитлари;

олдин белгиланган маҳсулот мувофиқлигини тасдиқловчи ҳужжатнинг амал қилиш муддати тугаган тақдирда, техник тартибга солиш соҳасидаги норматив ҳужжатлар талабларига мувофиқ маҳсулотнинг мувофиқлигини тасдиқловчи ҳужжат тури, ҳужжат рақами ва санаси (мавжуд бўлса).

81. Маҳсулот экспортга чиқарилиши сабабли маҳсулот айланмадан чиқарилишида маҳсулотлар айланмаси иштирокчиси солиқ органларининг ахборот тизимлари орқали қуйидаги маълумотларни илова қилган ҳолда маркировка кодларини айланмадан чиқариш юзасидан сўровномани юборади:

а) экспорт қилувчи бўлган солиқ тўловчининг идентификация рақами;

б) маҳсулот идентификациялаш коди, ёки маҳсулотлар тўплами идентификациялаш коди, ёки маҳсулотлар жамланмасининг идентификациялаш коди, ёки гуруҳланган қадоқнинг идентификациялаш коди, ёки транспорт қадоғининг идентификациялаш коди, ёки агрегацияланган импорт коди;

в) маҳсулотларга божхона юк декларациясини рўйхатга олиш санаси;

г) маҳсулотларга божхона юк декларациясининг рўйхатдан ўтказиш рақами.

Юқоридаги сўровнома солиқ органларининг ахборот тизимлари томонидан инсон омилисиз белгиланган тартибда текширилиб маъқулланган тақдирда, сўровномада қайд этилган маркировка кодларини айланмадан чиқариш юзасидан тегишли маълумотлар маркировкалаш ахборот тизимига тақдим этилади.

82. Маҳсулот қайта маркировкаланганда маҳсулотлар айланмаси иштирокчиси ушбу маҳсулот сотиш (савдо) учун тақдим этилгунига қадар, жумладан, унинг сотилиш (савдо) жойигача чиқарилгунига қадар, унинг намуналари намойиш этилгунига қадар (маҳсулотлар масофавий усулда сотилишида улар тўғрисидаги маълумотларни тақдим этиш бундан мустасно) маркировкалаш ахборот тизимига қуйидаги маълумотларни тақдим қилади:

а) янги рақамли идентификациялаш воситаларининг маҳсулотлар идентификациялаш кодлари, ёки маҳсулотлар тўпламларининг идентификациялаш кодлари, ёки маҳсулотлар жамланмасининг идентификациялаш кодлари, ёки гуруҳланган қадоқнинг идентификациялаш кодлари;

б) бузилган (йўқотилган, йўқ қилинган) рақамли идентификациялаш воситасининг (мавжуд бўлса) маҳсулотларнинг идентификациялаш кодлари, ёки маҳсулотлар тўпламларининг идентификациялаш кодлари, ёки маҳсулотлар жамланмаларининг идентификациялаш кодлари, ёки гуруҳланган қадоқнинг идентификациялаш кодлари.

83. Маҳсулотни кейинчалик сотиш (савдо) билан боғлиқ бўлмаган мақсадларда фойдаланиш учун сотиб олаётган юридик шахслар ва якка тартибдаги тадбиркорлар эгалик ҳуқуқи, шу жумладан, электрон ҳисобварақ-фактура шаклида ўтганлигини тасдиқловчи, харидор томонидан тасдиқланган хабарнома асосида эгалик ҳуқуқи сотувчидан харидорга ўтганлигини тасдиқловчи хабарномани имзолайдилар. Маҳсулотни келажакда сотиш (савдо) билан боғлиқ бўлмаган мақсадларда қўллаш учун маҳсулотни сотувчи маҳсулотлар айланмаси иштирокчилари, маҳсулот бериб юборилиши кунидан бошлаб 3 иш кунидан ортиқ бўлмаган муддатда мулкчилик ҳуқуқлари ўтишини тасдиқловчи харидор томонидан тасдиқланган хабарнома асосида маркировкалаш ахборот тизимига қуйидаги маълумотларни киритади:

а) маҳсулотнинг айланмадан чиқарилишини амалга оширган маҳсулотлар айланмаси иштирокчисининг солиқ тўловчининг идентификация рақами;

б) маҳсулотлар идентификациялаш кодлари, ёки маҳсулотлар тўпламларининг идентификациялаш кодлари, ёки маҳсулотлар жамланмаларининг идентификациялаш кодлари, ёки гуруҳланган қадоқларининг идентификациялаш кодлари, ёки транспорт қадоқларининг идентификациялаш кодлари;

в) маҳсулотнинг айланмадан чиқарилиши усули (харидор томонидан маҳсулотнинг келажакда сотиш билан боғлиқ бўлмаган мақсадларда улгуржи савдоси);

г) маҳсулотнинг айланмадан чиқарилиши санаси;

д) бирламчи ҳужжатларга биноан (реализация қилинганда (сотилганда) маркировкаланган маҳсулотнинг реализация нархи (қўллаш мумкин бўлган ҳолларда, қўшимча қиймат солиғини ҳисобга олган ҳолда);

е) сотиб олинганлигини тасдиқловчи ҳужжат номланиши, рақами ва санаси.

84. Истеъмолчи томонидан маҳсулот рақамли идентификациялаш воситаси шикастланмаган ҳолда қайтарилганда маҳсулот қайта маркировкаланиши шарт эмас, маркировкалаш ахборот тизимига эса маҳсулотлар айланмаси иштирокчиси томонидан қуйидаги маълумотлар киритилади:

маҳсулот қабул қилувчи маҳсулотлар айланмаси иштирокчиси бўлган солиқ тўловчининг идентификация рақами;

маҳсулот идентификациялаш коди, ёки маҳсулотлар тўплами идентификациялаш коди, ёки маҳсулотлар жамланмасининг идентификациялаш коди, ёки гуруҳланган қадоқнинг идентификациялаш коди;

маркировкаланган маҳсулотнинг қайтарилишини тасдиқловчи ҳужжатларнинг реквизитлари.

Истеъмолчи томонидан рақамли идентификациялаш воситаси шикастланиши ёки рақамли идентификациялаш воситасисиз (маҳсулотни идентификациялаш имконияти мавжуд бўлмаганда) маҳсулотнинг қайтарилишида маҳсулотлар айланмаси иштирокчиси маҳсулотнинг сотиш (савдо) учун таклиф қилингунига қадар, жумладан, унинг сотиш (савдо) жойигача чиқарилгунига қадар, унинг намуналари намойиш этилгунига қадар ёки у ҳақида сотиш (савдо) жойида маълумотларнинг тақдим этилгунига қадар мазкур Қоидалар билан мувофиқликда маҳсулотнинг қайта маркировкаланишини амалга оширади ва маркировкалаш ахборот тизимига қуйидаги маълумотларни киритади:

маҳсулотни қабул қилувчи маҳсулотлар айланмаси иштирокчиси бўлган солиқ тўловчининг идентификация рақами;

янги маҳсулот идентификациялаш коди, ёки маҳсулотлар тўплами идентификациялаш коди, ёки маҳсулотлар жамланмасининг идентификациялаш коди, ёки гуруҳланган қадоқнинг идентификациялаш коди;

маркировкаланган маҳсулотнинг қайтарилишини тасдиқловчи ҳужжатларнинг реквизитлари.

85. Сотувчига маҳсулотни келажакда сотиш (савдо) билан боғлиқ бўлмаган мақсадларда қўллаш учун сотиш йўли билан айланмадан чиқарилган маҳсулотни қайтарувчи юридик шахс ва якка тартибдаги тадбиркорлар мулкчилик ҳуқуқи ўтишини тасдиқловчи, жумладан, электрон ҳисобварақ-фактура кўринишида, хабарноманинг харидор томонидан тасдиқланиши асосида харидордан сотувчига мулкчилик ҳуқуқлари ўтишини тасдиқловчи хабарномани имзолайди. Маҳсулотни келажакда сотиш (савдо) билан боғлиқ бўлмаган мақсадларда фойдаланиш учун сотиш йўли билан айланмадан чиқарилган қайтариладиган маҳсулотни қабул қилувчи маҳсулотлар айланмаси иштирокчилари мулкчилик ҳуқуқи ўтказилишини тасдиқловчи харидор томонидан тасдиқланган хабарнома асосида маҳсулотни бериб юбориш (қабул қилиш) кунидан 3 иш кунидан кўп бўлмаган муддатда маркировкалаш ахборот тизимига тегишли маълумотларни киритади.

86. Маҳсулотнинг келажакда сотилиши (савдоси) билан боғлиқ бўлмаган мақсадларда маҳсулотни сотиб олган ва унинг сотилиши (савдоси) тўғрисида қарор қабул қилган юридик шахс ёки якка тартибдаги тадбиркор, зарурат бўлганида, ушбу маҳсулотнинг сотилиши (савдоси) учун таклиф қилингунига қадар, жумладан, унинг сотиш (савдо) жойига чиқарилгунига қадар, унинг намуналари намойиш этилгунига қадар маҳсулотнинг рақамли идентификациялаш воситалари ёрдамида қайта маркировкаланишини амалга оширади (маҳсулотлар масофавий усулда сотилишида улар тўғрисида маълумотлар тақдим этилиши бундан мустасно) ва маркировкалаш ахборот тизимига қуйидаги маълумотларни киритади:

а) маҳсулотлар айланмаси иштирокчиси бўлган солиқ тўловчининг идентификация рақами;

б) муомалага қайтариладиган маҳсулотнинг идентификациялаш коди, ёки маҳсулотлар тўпламининг идентификациялаш коди, ёки маҳсулотлар жамланмасининг идентификациялаш коди, ёки гуруҳланган қадоқнинг идентификациялаш коди (рақамли идентификациялаш воситаси шикастланмаган ва йўқотилмаган тақдирда);

в) маҳсулотни идентификациялашнинг янги коди, ёки маҳсулотлар тўпламларини идентификациялашнинг янги коди, маҳсулотлар жамланмасини идентификациялашнинг янги коди, ёки гуруҳланган қадоқни идентификациялашнинг янги коди (рақамли идентификациялаш воситаси шикастланмаган ва йўқотилмаган тақдирда).

10-боб. Маркировкалаш ахборот тизимида мавжуд маълумотларга ўзгартириш киритиш тартиби

87. Мазкур Қоидаларга мувофиқ маркировкалаш ахборот тизимига киритилган маълумотлар ўзгартирилган тақдирда, маҳсулотлар айланмаси иштирокчиси 3 иш куни давомида ўзгартириш киритилган кундан бошлаб Операторга ушбу маълумотлар ўзгартирилганлиги тўғрисида хабарнома йўллайди.

88. Агар маҳсулотлар айланмаси иштирокчилари томонидан маҳсулот қабул қилинганлиги тўғрисидаги маълумотлар маркировкалаш ахборот тизимига юборилгунга қадар юборилаётган ҳужжатларда кўрсатилган маълумотларга тузатиш киритиш талаб этилиши аниқланган бўлса:

а) маҳсулот юклаб жўнатилишини (бериб юборилишини) амалга оширган маҳсулотлар айланмаси иштирокчиси хабарномани бекор қилади (электрон ҳисобварақ-фактура шаклида);

б) маҳсулот қабул қилинишини амалга оширувчи маҳсулотлар айланмаси иштирокчиси хабарномани рад этади (электрон ҳисобварақ-фактура шаклида).

89. Агар маҳсулот қабул қилинишидан ва маркировкалаш ахборот тизимига бу ҳақида маълумотлар узатилишидан кейин маҳсулотлар айланмаси иштирокчиси томонидан узатувчи ҳужжатларда кўрсатилган маълумотларга тузатиш киритиш талаб этилиши аниқланган бўлса:

а) маҳсулот юклаб жўнатилишини (бериб юборилишини) амалга оширган маҳсулот айланмаси иштирокчиси маҳсулот бериб юборилиши (қабул қилиниши) тўғрисидаги маълумотларни аниқлаштириш тўғрисидаги хабарномани (қўшимча ҳисобварақ-фактура ёки тўғриланган ҳисобварақ-фактура шаклида) шакллантиради;

б) маҳсулот қабул қилинишини амалга оширган маҳсулотлар айланмаси иштирокчиси маҳсулот бериб юборилиши (қабул қилиниши) тўғрисидаги маълумотларни аниқлаштириш ҳақидаги хабарномани имзолайди;

в) Оператор мазкур банднинг «а» ва «б»-кичик бандларида кўрсатилган хабарномаларни олгандан кейин маҳсулотни юбориш (қабул қилиш) тўғрисидаги маълумотларни аниқлаштириш ҳақида хабарнома билан мувофиқликда маълумотларга тузатиш киритилиши далилини маркировкалаш ахборот тизимида акс эттиради.

90. Чакана савдо маҳсулотлари айланмадан чиқарилиши тўғрисида Операторга олдин тақдим этилган маълумотларни бекор қилиш ёки уларни тузатиш учун маҳсулотлар айланмаси иштирокчиси олдин юборилган хабарномани бекор қилиш тўғрисида хабарномани (аввал сотилган маҳсулотни қайтариш аломати билан электрон фискал ҳужжат шаклида) Операторга йўллайди ва зарурат бўлганида янги хабарномани киритади.

91. Чакана савдо учун мўлжалланмаган маҳсулотлар айланмадан чиқарилиши тўғрисида Операторга олдин тақдим этилган маълумотларни бекор қилиш ёки уларни тузатиш учун маҳсулотлар айланмаси иштирокчиси олдин юборилган хабарномани унинг реквизитларини кўрсатган ҳолда маркировкалаш ахборот тизимига йўллайди ва зарурат бўлганида мазкур Қоидаларнинг 81-бандида белгиланган маълумотларни ўз ичига олувчи янги хабарномани юборади.

92. Ваколатли давлат бошқарув органи томонидан маълумотлар ўзгартирилганлиги тўғрисида хабар юборган маҳсулотлар айланмаси иштирокчисининг фаолияти текширилган даврда олдин маҳсулот айланмаси иштирокчиси томонидан маркировкалаш учун тақдим этилган маҳсулотларнинг муомалага киритилиши, муомалага чиқарилиши ва муомаладан чиқарилиши тўғрисидаги маълумотларга оид ўзгартиришлар маркировкалаш ахборот тизимига киритилишига йўл қўйилмайди.

92 1 . Ўзбекистон Республикаси Адлия вазирлиги томонидан ҳуқуқий муҳофазага олинган интеллектуал мулк объектларига (товар белгилари, хизмат кўрсатиш белгилари, товар келиб чиққан жой номлари, географик кўрсаткичлар ва саноат намуналари) оид ҳуқуқбузарлик ҳолати юзасидан хат киритилган кундан бошлаб, Оператор 3 иш кунида маркировкалаш ахборот тизимига бундай маҳсулотни муомалага киритиш ва айланишини чеклаш учун зарур бўлган маълумотни киритади.

11-боб. Қоидаларга риоя этилишини назорат қилиш

93. Мазкур Қоидаларга риоя этилишини назорат қилиш қонунчилик ҳужжатларига мувофиқ давлат солиқ хизмати органлари ва бошқа назорат қилувчи органлар (муассасалар) томонидан амалга оширилади.

Назорат қилувчи органлар (муассасалар) мазкур Қоидаларга риоя этилишини текшириш учун тегишли эксперт ва мутахассисларни жалб қилиши мумкин. Маҳсулот айланмаси иштирокчилари текширувчи шахсларга текширув ўтказишда ёрдам беришлари, камчилик ва қонунбузарликларни бартараф этиш чораларини кўришлари шарт.

93 1 . Ўзбекистон Республикаси Адлия вазирлиги интеллектуал мулк объектларига оид ҳуқуқбузарликни аниқлаш мақсадида маркировкалаш ахборот тизимида рўйхатдан ўтказилган товарларнинг интеллектуал мулк объектларига бўлган ҳуқуқларга риоя этилганлиги мониторингини юритади. Мониторинг тадбиркорлик субъектлари фаолиятига аралашмаган ҳолда юритилади.

Мониторинг натижалари бўйича интеллектуал мулк объектларига бўлган ҳуқуқлар бузилганлиги аниқланса, Ўзбекистон Республикаси Адлия вазирлиги томонидан ҳуқуқ эгасига бу тўғрисида хабар қилинади. Хабардор қилинган ҳуқуқ эгаларидан тегишли ҳолат бўйича чора кўриш ҳақида мурожаат келиб тушса, Ўзбекистон Республикаси Адлия вазирлиги қонунчиликда белгиланган тартибда ваколатли органни хабардор қилган ҳолда, текширув ўтказиш орқали ҳуқуқбузарлик ҳолати юзасидан маҳсулотлар айланмаси иштирокчисига ҳуқуқий чоралар кўради.

12-боб. Мажбурий рақамли маркировка қоидаларини бузиш турлари

94. Мазкур Қоидаларнинг бузилиши қонунга мувофиқ жавобгарликка олиб келади.

95. Қуйидагилар қонунчиликда мажбурий рақамли маркировкаланиши белгиланган маҳсулотларни ишлаб чиқарувчилар ва импорт қилувчилар томонидан идентификация воситалари орқали рақамли маркировка қоидаларини бузилиши деб ҳисобланади:

рақамли идентификация воситаларисиз маҳсулотларни ишлаб чиқариш, олиб кириш (импорт қилиш), сақлаш, ташиш ёки реализация қилиш;

маркировкалаш ахборот тизимида рўйхатдан ўтмаган ҳолда рақамли маркировкаланиши лозим бўлган маҳсулотларни ишлаб чиқариш, импорт қилиш ёхуд реализация қилиш;

рақамли идентификация воситаларининг такрорий нусхаларидан (дубликат) фойдаланган ҳолда маҳсулотларни ишлаб чиқариш, олиб кириш (импорт қилиш), сақлаш, ташиш ёки реализация қилиш;

сохталаштирилган (контрафакт) ёки илгари ишлатилган маркировка кодлари ёрдамида, шунингдек, маркировка кодларининг чоп этиш сифатини баҳолаш ҳақида ёки қўлланилиши (ишлатилиши) ҳақидаги маълумотларни Операторга юбормаган ҳолда ёхуд нотўғри (ёлғон ёки ҳақиқатга мос келмайдиган) маълумотларни юборган ҳолда рақамли маркировкаланган маҳсулотларни ишлаб чиқариш ёки олиб кириш (импорт қилиш);

маҳсулотларни ишлаб чиқариш (қадоқлаш) пайтида рақамли идентификация воситаларини сканерлаш талабларини ва (ёхуд) Операторга маркировка кодларини қўллаш тўғрисидаги ҳисоботни юбориш талабларини бузиш;

рақамли маркировкаланган маҳсулотларни агрегациялаш талабларини бузиш;

нуқсонли (брак бўлган) рақамли маркировкаланган маҳсулотларни ҳисобдан чиқариш ёки сотиш билан боғлиқ бўлмаган сабабларга кўра муомаладан чиқариш ёхуд маркировкаланган маҳсулотларни қайта маркировкалаш талабларини бузиш;

реализация қилинган (сотилган) маҳсулотларнинг ҳар бир бирлиги учун маркировка кодлари тўғрисидаги маълумотларни ўз ичига олган фискал ҳужжатни ва (ёки) электрон ҳисобварақ-фактурани расмийлаштирмасдан рақамли маркировкаланган маҳсулотларни реализация қилиш (сотиш).

96. Қуйидагилар қонунчиликда мажбурий рақамли маркировкаланиши белгиланган маҳсулотларни улгуржи сотувчилар томонидан идентификация воситалари орқали рақамли маркировкалаш қоидаларини бузилиши деб ҳисобланади:

рақамли маркировкаланманган маҳсулотларни сотиб олиш, ташиш, сақлаш ёки реализация қилиш (сотиш);

маркировкалаш ахборот тизимида рўйхатдан ўтмаган ҳолда рақамли маркировкаланиши лозим бўлган маҳсулотларни қабул қилиш ёхуд реализация қилиш;

маркировка кодлари тўғрисидаги маълумотларни ўз ичига олган электрон ҳисобварақ-фактураларни қабул қилмасдан рақамли маркировкаланган маҳсулотларни сотиб олиш, шунингдек, реализация қилинган (сотилган) маҳсулотларнинг ҳар бир бирлиги учун маркировка кодлари тўғрисидаги маълумотларни ўз ичига олган фискал ҳужжатни ёхуд электрон ҳисобварақ-фактурани расмийлаштирмасдан рақамли маркировкаланган маҳсулотларни реализация қилиш (сотиш);

нуқсонли (брак бўлган) рақамли маркировкаланган маҳсулотларни ҳисобдан чиқариш ёки сотиш билан боғлиқ бўлмаган сабабларга кўра муомаладан чиқариш талабларини бузиш;

рақамли идентификация воситаларининг такрорий нусхаларидан (дубликат) фойдаланган ҳолда ишлаб чиқарилган маҳсулотларни сотиб олиш, сақлаш, ташиш ёки реализация қилиш.

96 1 . Қуйидагилар қонунчиликда мажбурий рақамли маркировкаланиши белгиланган маҳсулотларни чакана савдоси билан шуғулланувчи ва умумий овқатланиш соҳасидаги корхоналар томонидан идентификация воситалари орқали рақамли маркировкалаш қоидаларини бузилиши деб ҳисобланади:

рақамли маркировкаланманган маҳсулотларни сотиб олиш, ташиш, сақлаш ёки реализация қилиш (сотиш);

маркировкалаш ахборот тизимида рўйхатдан ўтмаган ҳолда рақамли маркировкаланиши лозим бўлган маҳсулотларни қабул қилиш ёхуд реализация қилиш;

маркировка кодлари тўғрисидаги маълумотларни ўз ичига олган электрон ҳисобварақ-фактураларни қабул қилмасдан рақамли маркировкаланган маҳсулотларни сотиб олиш, сақлаш, ташиш ёки реализация қилиш;

нуқсонли (брак бўлган) рақамли маркировкаланган маҳсулотларни ҳисобдан чиқариш ёки сотиш билан боғлиқ бўлмаган сабабларга кўра муомаладан чиқариш талабларини бузиш;

рақамли маркировкаланмаган маҳсулотларни сақлаш, ишлатиш ва (ёки) маҳсулот муомаласининг бошқа субъектига ёхуд охирги истеъмолчига реализация қилиш (сотиш);

рақамли идентификация воситаларининг такрорий нусхаларидан (дубликат) фойдаланган ҳолда ишлаб чиқарилган маҳсулотларни сақлаш, ташиш ёки реализация қилиш;

маҳсулот муомаласининг бошқа субъектига реализация қилинган (сотилган) маҳсулотларнинг ҳар бир бирлиги учун маркировка кодлари тўғрисидаги маълумотларни ўз ичига олган фискал ҳужжатни ёхуд электрон ҳисобварақ-фактурани расмийлаштирмасдан рақамли маркировкаланган маҳсулотларни реализация қилиш (сотиш);

маркировка кодини муомаладан олиб ташлаш учун электрон фискал ҳужжатга ҳар бир сотилган товар бирлигининг маркировка кодлари тўғрисидаги маълумотларни киритмасдан, рақамли маркировкаланган маҳсулотни якуний истеъмолчига реализация қилиш (сотиш).

96 2 . Қуйидагилар қонунчиликда рақамли маркировкаланиши лозим бўлган маҳсулотларни воситачилик ва (ёки) агентлик шартномалари доирасида реализация қилинганда, идентификация воситалари орқали рақамли маркировкалаш қоидаларининг бузилиши деб ҳисобланади:

а) комиссионер томонидан:

маркировкалаш ахборот тизимида рўйхатдан ўтмаган ҳолда, рақамли маркировкаланиши лозим бўлган маҳсулотларни қабул қилиш ёхуд реализация қилиш;

комитентдан маркировка коди акс эттирилишини талаб қилмаган ҳолда, маҳсулотларни харидорларга реализация қилиш (сотиш) ёки етказиб бериш;

реализация қилинган (сотилган) маҳсулотларнинг ҳар бир бирлиги учун маркировка кодлари тўғрисидаги маълумотларни электрон ҳисобварақ-фактураларда ва (ёки) назорат-касса техникалари чекларида акс эттирмасдан маҳсулотларни реализация қилиш (сотиш);

б) комитент томонидан:

маркировкалаш ахборот тизимида рўйхатдан ўтмаган ҳолда, рақамли маркировкаланиши лозим бўлган маҳсулотларни қабул қилиш ёхуд реализация қилиш;

рақамли маркировкаланманган маҳсулотларни реализация қилиш (сотиш);

сохталаштирилган (контрафакт) ёки илгари ишлатилган маркировка кодлари ёрдамида маркировкаланган маҳсулотларни реализация қилиш (сотиш), шунингдек, комиссионерга электрон ҳисобварақ-фактураларда ва (ёки) назорат-касса техникалари чекларида акс эттириш учун маркировка кодлари тўғрисида нотўғри (ёлғон ёки номутаносиб) маълумотларни тақдим этган ҳолда маҳсулотларни реализация қилиш (сотиш).

13-боб. Сервис-провайдерларнинг вазифалари ва мажбуриятлари

97. Маркировкалаш кодларини рақамли идентификациялаш воситаларига ўзгартириш ва уларни истеъмол қадоғига ва (ёки) гуруҳланган қадоққа ва (ёки) ёрлиққа ва (ёки) стикерга тушириш маҳсулотлар айланмаси иштирокчиси билан тузилган шартнома асосида сервис-провайдер томонидан ҳам амалга оширилиши мумкин.

Сервис-провайдерга тўловлар фақат кўрсатилган хизматлар учун шартномада назарда тутилган шарт ва миқдорда амалга оширилади. Бунда шартнома шартлари сервис-провайдер томонидан бажарилмаганда, шартномага оид низоли ҳолатлар суд тартибида ҳал этилади.

98. Сервис-провайдер маркировкалаш кодларини рақамли идентификация воситаларига ўзгартириш ва уларни тушириш учун қуйидагиларга эга бўлиши зарур:

а) электрон рақамли имзо;

б) маҳсулотлар айланмаси иштирокчисининг топшириғи бўйича рақамли идентификация воситасини ўзгартириш ва уни тушириш учун етарли бўлган, аммо маҳсулотлар айланмаси иштирокчисининг қадоқлар, ёрлиқлар ва стикерлар ишлаб чиқариш учун мунтазам жойлаштириладиган буюртмаларидан паст бўлмаган унумдорлик билан ишлайдиган комплекс полиграфия асбоб-ускунаси;

в) қуйидагиларни таъминловчи дистрибуция, матбаа ва валидация дастурий-аппарат комплекси:

маҳсулотлар айланмаси иштирокчиларининг маркировкалаш кодларини ҳимояланган ҳолда сақлаш;

маҳсулотлар айланмаси иштирокчисига маркировкалаш кодларини етказиб берувчи алоқа каналини ҳимоя қилиш;

маҳсулотлар айланмаси иштирокчисига маркировкалаш кодини етказиб бериш;

маркировкалаш кодларини рақамли идентификациялаш воситаларига ўзгартириш (нашрни бошқариш);

рақамли идентификациялаш воситаларининг туширилиш сифатини аппаратли валидациялаш (техник кўриш воситаларини қўллаган ҳолда);

рақамли идентификациялаш воситаларини валидациялаш модули ёрдамида маркировкалаш кодларини рақамли идентификациялаш воситаларига ўзгартириш тўғрисида ҳисоботларни шакллантириш ва уларни маркировкалаш ахборот тизимига киритиш;

маркировкалаш қоидаларига риоя этиш (тушириш сифатини валидациялашдан сўнг ва маркировкалаш кодидан фойдаланиш тўғрисидаги ҳисобот шакллантирилгандан кейин текшириш кодини ўчириб ташлаш);

алоҳида тезкор сақлаш имконини берадиган ҳимояланган сақлагичдан маҳсулотлар айланмаси иштирокчиларининг маркировкалаш кодларини (ишлаб чиқариш жараёнида маркировкалаш кодларини рақамли идентификация воситаларига ўзгартириш) ва маркировкалаш кодлари ҳамда маҳсулотлар айланмаси турли иштирокчиларининг идентификациялаш воситалари туширилиши ва валидацияси тўғрисидаги ҳисоботларини танлаш;

маркировкалаш кодларининг туширилиши ва валидациялашдан кейин уларни такроран тушириш имконияти йўқлигининг кафолати.

99. Сервис-провайдерга дистрибуция, матбаа ва валидациянинг дастурий-аппарат комплекси Оператор томонидан тақдим этилади.

Қайд этилган дистрибуция, матбаа ва валидациянинг дастурий-аппарат комплексини олиш учун сервис-провайдерлар Оператор билан шартнома тузади.

100. Сервис-провайдер Оператор томонидан тақдим этиладиган дистрибуция, матбаа ва валидациянинг дастурий-аппарат комплексидан фойдаланиши зарур.

101. Сервис-провайдер идентификациялаш воситаларининг туширилишида рақамли идентификациялаш воситаларини нашр қилиш сифати стандартларига риоя қилишга мажбурдир.

102. Сервис-провайдер томонидан маркировкалаш кодининг рақамли идентификациялаш воситасига ўзгартирилиши ва қадоққа ёки ёрлиққа ёхуд стикерга туширилишидан кейин маҳсулотлар айланмаси иштирокчисига рақамли идентификациялаш воситаси туширилган қадоқни ёки ёрлиқни ёхуд стикерни бериб юборишдан аввал нашр қилиш сифати валидацияси амалга оширилади.

103. Валидациядан ўтгандан кейин дистрибуция, матбаа ва валидациянинг дастурий-аппарат комплекси рақамли идентификациялаш воситаларига ўзгартирилган маркировкалаш кодларининг муваффақиятли туширилиши тўғрисида ҳисоботни шакллантиради.

104. Рақамли идентификациялаш воситасини тушириш усули ишлаб чиқарувчи томонидан белгиланган сақлаш шароитлари ва транспортда ташиш қоидаларига риоя этилганда, озиқ-овқат маҳсулотларининг бутун яроқлилик муддати давомида рақамли идентификациялаш воситасининг сақланишини (барқарорлигини) таъминлаши керак.

105. Сервис-провайдер маҳсулотлар айланмаси иштирокчиларидан олинган маркировка кодларини учинчи шахсга бериши тақиқланади.

Маҳсулотларни идентификация воситалари орқали рақамли маркировкалаш ва уларнинг айланмасини кузатиб бориш қоидаларига ИЛОВА

Вазирлар Маҳкамасининг 2020 йил 31 декабрдаги 833-сон қарорига 2-ИЛОВА

«Asl belgisi» маҳсулотларни маркировкалаш ва кузатиб бориш миллий ахборот тизимига техник хизмат кўрсатиш ва ундан фойдаланиш тартиби тўғрисида

1-боб. Умумий қоидалар

1. Мазкур Низом қуйидагиларни белгилайди:

а) Товарларни рақамли маркировкалаш ва кузатиб бориш миллий ахборот тизимини (кейинги ўринларда — маркировкалаш ахборот тизими) яратиш, ишлаб чиқиш, ишга тушириш, ундан фойдаланиш ва фойдаланишдан чиқариш тартибини;

б) маркировкалаш ахборот тизимида сақланадиган маълумотларни тақдим этиш ва ундан умумий фойдаланиш тартибини;

в) маркировкалаш ахборот тизимининг давлат органлари ахборот тизимлари ва рақамли идентификация воситалари ёрдамида мажбурий маркировкаланиши керак бўлган товарлар айланмаси иштирокчиларининг (кейинги ўринларда — товарлар айланмаси иштирокчиси) ахборот тизимлари билан ўзаро ҳамкорлик қилиш тартибини;

г) маркировкалаш ахборот тизимида маълумотларни шакллантириш тартибини.

2. Маркировкалаш ахборот тизимини яратишга эришиш маркировкалаш ахборот тизимининг қуйидаги функциялари орқали таъминланади:

а) товарларга ўзига хос маркировка кодларини бериш орқали маркировка қилинадиган ҳар бир товар бирлигини рақамли идентификациялашни таъминлашни;

б) маркировкалаш кодларининг марказлашган генерацияси орқали товарнинг маркировкалаш коди ҳимоясини таъминлаш;

в) рақамли идентификация воситалари ёрдамида маркировкаланган товарлар айланмасини барча босқичларини Ўзбекистон Республикаси ҳудудида ишлаб чиқарилишидан ёки олиб кирилишидан бошлаб чакана савдога чиқарилгунича назорат-касса техникасини қўллаган ҳолда ёки товарнинг айланмадан бошқача чиқарилишигача мониторинг қилиш имкониятини таъминлаш;

г) таҳлилий маълумотларни шакллантириш имкониятини таъминлаш;

д) рақамли идентификация воситаларининг ҳаққонийлигини текшириш;

е) давлат бошқарув органларининг ахборот тизимлари билан ўзаро ҳамкорликни таъминлаш;

ж) маркировкалаш ахборот тизимига товарлар айланмаси иштирокчилари томонидан киритиладиган маълумотларнинг юридик аҳамиятини таъминлаш;

з) рақамли идентификациялаш воситалари ёрдамида мажбурий маркировкаланиши керак бўлган товарларнинг каталогини шакллантириш ва юритиш;

и) маркировкалаш ахборот тизимини қўллаш орқали рақамли идентификация воситалари ёрдамида товарларни маркировкалаш соҳасида нодавлат назоратини амалга ошириш имкониятини таъминлаш;

к) Ўзбекистон Республикасининг норматив-ҳуқуқий ҳужжатларида назарда тутилган бошқа функциялар.

2-боб. Маркировкалаш ахборот тизимининг тузилмаси

3. Маркировкалаш ахборот тизими қуйидагиларни ўз ичига олади:

а) умумий компонентлар:

товарлар айланмаси иштирокчиларидан келиб тушадиган ҳужжатларни сақлаш ва уларга ишлов бериш компоненти;

маркировкалаш кодлари тўғрисидаги маълумотларни сақлаш ва уларга ишлов бериш компоненти;

маркировкалаш ахборот тизими иштирокчилари ва Маркировкалаш ягона тизимидан бошқа фойдаланувчилар тўғрисидаги маълумотларни рўйхатдан ўтказиш ва уларни сақлаш компоненти;

маркировкалаш ахборот тизими иштирокчиси ва Маркировкалаш ягона тизимидан бошқа фойдаланувчиларнинг шахсий кабинети таркибидаги маълумотларга кириш учун рухсатнома компоненти;

маркировкалаш ахборот тизими иштирокчилари ва Маркировкалаш ягона тизимидан бошқа фойдаланувчиларнинг ҳисобга олиш ҳамда бошқа ахборот тизимлари билан ўзаро ҳамкорликни ташкил этиш учун дастурий интерфейслар компоненти;

товарлар айланмаси иштирокчилари учун маркировкалаш кодларини шакллантириш хизмати ҳисоб-китоби ва тўловларни олиш компоненти;

маркировкалаш кодлари эмиссияси компоненти;

меъёрий-ахборот маълумотларини юритиш компоненти;

Ўзбекистон Республикасининг норматив-ҳуқуқий ҳужжатларига мувофиқ учинчи мамлакатлардан маркировкаланган товарлар олиб кирилиши тўғрисидаги билдиришномаларни рўйхатга олиш ва уларга ишлов бериш компоненти;

Ўзбекистон Республикасининг норматив-ҳуқуқий ҳужжатларига мувофиқ фискал ҳужжатларни рўйхатга олиш ва уларга ишлов бериш компоненти;

электрон рақамли имзони шакллантириш ва текшириш ҳамда Ўзбекистон Республикаси тасдиқловчи марказининг ишлашини таъминлаш компоненти;

Ўзбекистон Республикасининг норматив-ҳуқуқий ҳужжатларига мувофиқ айланма иштирокчилари ва фойдаланувчиларни рўйхатга олиш компоненти;

Ўзбекистон Республикасининг норматив-ҳуқуқий ҳужжатларига мувофиқ товарлар реестрини юритиш компоненти;

б) тармоқ компонентлари (рақамли идентификациялаш воситалари ёрдамида мажбурий маркировкалаш киритилувчи барча товарлар ёки товарлар гуруҳларига нисбатан);

в) Ўзбекистон Республикаси товарлари каталогининг кичик тизими;

г) нодавлат назоратини таъминлашнинг кичик тизими;

д) таҳлил қилиш кичик тизими;

е) давлат ҳокимият органларининг ахборот тизимлари билан интеграция қилиш кичик тизими;

ж) ахборот хавфсизлиги ва ахборотларни ҳимоялаш кичик тизими;

з) ўзаро ҳамкорлик ва ахборот кўмаги кичик тизими.

3-боб. Маркировкалаш ахборот тизимининг иштирокчилари

4. Қуйидагилар маркировкалаш ахборот тизимининг иштирокчилари ҳисобланади:

а) маҳсулотларни маркировкалаш ва кузатиб бориш миллий ахборот тизимининг оператори (кейинги ўринларда — оператор);

б) Солиқ қўмитаси (кейинги ўринларда — мувофиқлаштирувчи);

в) товарлар айланмаси иштирокчилари;

г) назорат қилувчи органлар;

д) маркировкалаш ахборот тизими фойдаланувчилари.

5. Рақамли идентификация воситалари ёрдамида мажбурий маркировкаланиши керак бўлган товарларнинг сотиб олиниши ва сотилиши билан боғлиқ бўлган савдо фаолиятини амалга оширувчи хўжалик субъектлари ҳамда рақамли идентификациялаш воситалари ёрдамида мажбурий маркировкаланиши керак бўлган товарларнинг етказиб берилишини амалга оширувчи хўжалик субъектлари, жумладан, рақамли идентификациялаш воситалари ёрдамида мажбурий маркировкаланиши керак бўлган товарларни айланмага киритилиши, айланмаси ва (ёки) уларнинг айланмадан чиқарилиши тўғрисидаги маълумотларнинг операторга тақдим этилишини амалга оширувчи ушбу товарларнинг ишлаб чиқарувчилари ҳамда импорт қилувчилари товарлар айланмаси иштирокчилари ҳисобланади.

6. Рақамли идентификация воситалари ёрдамида маркировкаланиши керак бўлган товарлар айланмаси соҳасида назорат қилиш бўйича маркировкалаш ахборот тизимини қўллаш билан боғлиқ функцияларни амалга оширувчи давлат бошқарув органлари назорат қилувчи органлар ҳисобланади.

7. Маркировкалаш ахборот тизимида сақланадиган маълумотларга кириш ҳуқуқига эга бўлган жисмоний ва юридик шахслар, давлат бошқарув органлари маркировкалаш ахборот тизими фойдаланувчилари ҳисобланади.

4-боб. Маркировкалаш ахборот тизимини яратиш, ривожлантириш, ишга тушириш, ундан фойдаланиш ва фойдаланишдан чиқариш қоидалари

8. Маркировкалаш ахборот тизимини яратиш, ривожлантириш, ишга тушириш, ундан фойдаланиш ва фойдаланишдан чиқариш оператор орқали амалга оширилади.

Мажбурий рақамли маркировкалаш тизими самарадорлигини ошириш мақсадида оператор маҳсулотлар айланмаси иштирокчиларига туну-кун хизмат кўрсатадиган Call-марказига эга бўлиши лозим.

9. Маркировкалаш ахборот тизимини яратиш, ривожлантириш ва ундан фойдаланиш қуйидаги тамойиллар асосида амалга оширилади:

а) маркировкалаш ахборот тизимини қўллаш орқали қабул қилинадиган ва узатиладиган маълумотларнинг тўлиқлигини, ҳаққонийлигини, сақланганлигини таъминлаш;

б) маркировкалаш ахборот тизими ташкилий-услубий таъминотининг ягоналиги;

в) маркировкалаш ахборот тизимининг ягона реестрларининг, классификаторларининг ва маълумотномаларининг қўлланилиши;

г) маркировкалаш ахборот тизимига аниқ белгиланган киришни таъминлаш;

д) маркировкалаш ахборот тизимининг узлуксиз ишлашини таъминлаш.

10. Маркировкалаш ахборот тизимини яратишга техник топшириқ оператор томонидан ишлаб чиқилади ва мувофиқлаштирувчи томонидан тасдиқланади.

11. Мониторинг ахборот тизимини ишга тушириш далолатномаси оператор томонидан тасдиқланади.

12. Мониторинг ахборот тизимини ишга тушириш маркировкалаш ахборот тизимининг кичик тизимлари (компонентлари) ва умуман, маркировкалаш ахборот тизими бўйича амалга оширилади.

13. Оператор томонидан тасдиқланадиган ишга тушириш далолатномаси маркировкалаш ахборот тизимини ишга тушириш учун асос ҳисобланади.

14. Маркировкалаш ахборот тизими, агар маркировкалаш ахборот тизимини ишга тушириш далолатномаси билан бошқа муддат ўрнатилмаган бўлса, унинг биринчи кичик тизими фойдаланишга топширилган кундан бошлаб ишга туширилган деб ҳисобланади.

15. Маркировкалаш ахборот тизимининг, жумладан, унинг тизимости компонентларининг дастурий ва техник воситалари қуйидагиларни таъминлаши керак:

а) маркировкалаш ахборот тизими функцияларини амалга оширишни;

б) маркировкалаш ахборот тизимининг, шу жумладан, унинг кичик тизимларининг (компонентларининг) туну-кун узлуксиз ишлашини, режали ва технологик ишларга танаффуслар бундан мустасно;

в) маркировкалаш ахборот тизимининг, шу жумладан, унинг кичик тизимларининг (компонентларининг) бошқа ахборот тизимлари, хусусан, давлат органларининг ахборот тизимлари билан ўзаро ҳамкорлигини;

г) давлат сирини ташкил қилмайдиган ахборотларни ҳимоя қилиш тўғрисида белгиланган талабларга мувофиқ маркировкалаш ахборот тизимида, шу жумладан, унинг кичик тизимларида (компонентларида) сақланадиган ахборотларни ҳимоя қилишни;

д) тузилмавий кўринишда маркировкалаш ахборот тизимида жойлаштириладиган маълумотларни автоматик формат-мантиқий текширишни;

е) маркировкалаш ахборот тизимида жойлаштириладиган маълумотларни тўплаш, тайёрлаш, узатиш, уларга ишлов бериш ва уларни акс эттириш бўйича технологик операцияларнинг таркибини унификациялашни;

ж) маркировкалаш ахборот тизимида ҳаракатларни ва амалиётларни бажариш санаси ва вақтини кўрсатган ҳолда маълумотларни шакллантириш, жойлаштириш, ўзгартириш, улар билан алмашиш ва уларни олиб ташлаш, уларнинг мазмуни тўғрисида маълумотларни ва бундай ҳаракатларни ва амалиётларни амалга оширган, жумладан, маркировкалаш ахборот тизимининг бошқа ахборот тизимлари билан ўзаро ахборот ҳамкорлиги жараёнида ҳам ҳаракатларни ва амалиётларни амалга оширган маркировкалаш ахборот тизими иштирокчилари тўғрисидаги маълумотларни сақловчи ҳаракатлар ва амалиётларни ҳисобга олиш электрон журналлари юритилишини (кейинги ўринларда — ҳисобга олиш электрон журнали);

з) маркировкалаш ахборот тизими иштирокчиларининг сўровлари бўйича бажарилган ҳисобга олиш электрон журналидан кўчирмалар шакллантирилишини;

и) маркировкалаш ахборот тизими иштирокчиларининг сўровлари бўйича бажарилган ҳисобга олиш электрон журналидан статистик маълумотлар шакллантирилишини;

к) маълумотларни тақдим этиш ва (ёки) олиш муддатлари ҳамда сифатининг бузилишига сабаб бўладиган маркировкалаш ахборот тизими ишидаги узилишлар ва бузилишлар ҳамда ахборот хавфсизлигини таъминлаш бўйича талабларнинг бузилиши тўғрисида маркировкалаш ахборот тизими иштирокчиларини хабардор қилиш;

л) маркировкалаш ахборот тизими иштирокчилари томонидан қўлланиладиган маркировкалаш ахборот тизимидаги меъёрий-маълумотнома, жумладан, маълумотномалар, реестрлар ва классификаторларнинг ягоналигини.

16. Маркировкалаш ахборот тизимининг техник воситалари Ўзбекистон Республикасининг ҳудудида жойлаштирилиши керак.

17. Маркировкалаш ахборот тизимида маълумотларни шакллантириш, уларга ишлов бериш ва улар билан алмашишда электрон ҳужжатлар шакллари қўлланилади, улар мувофиқлаштирувчи ҳамда ўз ваколатлари доирасида бошқа давлат бошқарув органлари билан келишиш бўйича оператор томонидан ўрнатилади.

Маркировкалаш ахборот тизимида маълумотларни шакллантириш ва улар билан алмашишда электрон рақамли имзолар қўлланилади (агар мумкин бўлса).

18. Маркировкалаш ахборот тизими оператор томонидан ишлаб чиқиладиган ва мувофиқлаштирувчи томонидан тасдиқланадиган маркировкалаш ахборот тизимини ривожлантириш бўйича техник топшириқлар ва алоҳида хусусий техник топшириқлар асосида ривожлантирилади.

5-боб. Маркировкалаш ахборот тизимида сақланадиган маълумотларга киришга рухсатномани таъминлаш тартиби

19. Маркировкалаш ахборот тизимида сақланадиган маълумотларга кириш рухсати ҳақ-ҳуқуқларни чекламайдиган ва беғараз асосда оператор томонидан таъминланади.

20. Маркировкалаш ахборот тизимида сақланадиган маълумотларга киришга рухсатнома оператор томонидан қуйидаги усуллар билан таъминланади:

а) маркировкалаш ахборот тизими иштирокчисининг ёзма шаклда шакллантирилган сўровига жавобан электрон ҳужжатлар шаклида;

б) маркировкалаш ахборот тизими иштирокчиларининг маркировкалаш ахборот тизими дастурий воситаларидан фойдаланилган ҳолда шакллантирилган сўровига жавобан маркировкалаш ахборот тизимида;

в) маркировкалаш ахборот тизими ва давлат бошқарув органларининг ахборот тизимлари ўртасида ўзаро ҳамкорликни амалга оширишда электрон интерфейсларни қўллаш билан;

г) давлат бошқарув органлари ва бошқа ташкилотлар билан, жумладан шахсий кабинетни қўллаш билан оператор томонидан тузилган ўзаро ҳамкорлик қилиш тўғрисидаги битим билан мувофиқликда маркировкалаш ахборот тизими ва товарлар айланмаси иштирокчилари ахборот тизимлари ёки давлат органларининг ахборот тизимларининг дастурий-техник воситаларини қўллаш билан автоматлаштирилган тартибда;

д) Интернет жаҳон ахборот тармоғида операторнинг расмий веб-сайтидаги маркировкалаш ахборот тизимида сақланадиган умумий маълумотларни жойлаштириш йўли билан.

21. Товарлар айланмаси иштирокчисига қуйидаги маълумотларга кириш учун рухсатнома таъминланади:

а) ушбу товар айланмаси иштирокчиси томонидан амалга оширилган маркировкаланган товар билан битим тўғрисида маълумот;

б) умумий маълумотларга тааллуқли маълумотлар.

22. Маркировкалаш ахборот тизимида рўйхатдан ўтган ишлаб чиқарувчига мазкур Низомнинг 21-бандида кўрсатилган маълумотлардан ташқари, товар эгаси ва унинг миқдори тўғрисидаги маълумот қисмида шундай ишлаб чиқарувчи томонидан тайёрланган товарлар айланмаси тўғрисидаги маълумотларга кириш учун рухсатнома таъминланади.

23. Товарлар истеъмолчиларига умумий маълумотларга киритилган маълумотларга кириш учун рухсатнома таъминланади.

24. Давлат бошқарув органларига улар томонидан амалга ошириладиган мақсадларда қуйидаги маълумотларга кириш учун рухсатнома таъминланади:

а) мазкур Низом билан белгиланган мақсадларда давлат бошқарув органларига юкланган вазифаларни ва функцияларни бажариш учун зарур бўлган товарлар айланмаси иштирокчилари, товарлар ва уларнинг айланмаси тўғрисидаги маълумотлар;

б) товарлар ва уларнинг айланмаси тўғрисидаги статистик маълумотлар;

в) умумий маълумотларга тааллуқли маълумотлар.

25. Маркировкалаш ахборот тизимида сақланадиган ва давлат бошқарув органлари томонидан фойдаланишга рухсат бериладиган маълумотлар таркиби оператор томонидан давлат бошқарув органлари ва мувофиқлаштирувчи билан тузилган ўзаро ҳамкорлик қилиш тўғрисидаги битимларда белгиланади.

6-боб. Маркировкалаш ахборот тизимида сақланадиган маълумотларни тақдим этиш тартиби ва уларни умумий маълумотларга киритиш

26. Оператор Интернет жаҳон ахборот тармоғида умумий маълумотларни жойлаштиришда қуйидагиларни таъминлайди:

а) операторнинг Интернет жаҳон ахборот тармоғидаги расмий веб-сайтида умумий маълумотларни жойлаштириш;

б) умумий маълумотлар таҳлили учун мўлжалланган, жумладан, навигация функциясини қўллаш орқали таснифланган ва тизимлаштирилган излаш воситасини қўллаш.

27. Мувофиқлаштирувчи ва давлат бошқарув органлари Интернет жаҳон ахборот тармоғидаги ўз расмий веб-сайтларида операторнинг Интернет жаҳон ахборот тармоғида расмий веб-сайтига ҳаволаларни жойлаштирилишини таъминлайди. Кўрсатиб ўтилган давлат бошқарув органлари, шунингдек, маркировкалаш ахборот тизимидан бевосита умумий маълумотларни Интернет жаҳон ахборот тармоғидаги ўз расмий веб-сайтларида жойлаштиришлари ҳам мумкин.

28. Маълум товарлар ёки товарлар гуруҳлари учун умумий маълумотлар таркибига (атрибутларига), уларни жойлаштириш даврийлигига ва янгилаш муддатларига талаблар оператор томонидан белгиланади.

29. Маркировкалаш ахборот тизимида сақланадиган ва кириш чекланган маълумотлар маркировкалаш ахборот тизимида сақланадиган маълумотларни тақдим этиш тўғрисидаги сўров бўйича маркировкалаш ахборот тизими иштирокчиларига оператор томонидан тақдим этилади.

30. Маълумот тўғрисидаги сўров маркировкалаш ахборот тизимига юборилади ва келиб тушган куни рўйхатга олиш рақамини бериш орқали оператор томонидан рўйхатдан ўтказилиши керак. Оператор маълумот тўғрисида келиб тушган сўровнинг мазмуни бўйича аниқлаштиришни сўраб олишга ҳақли.

31. Давлат бошқарув органлари ўз раҳбарининг (мансабдор шахснинг бошқа ваколатли шахсининг) электрон имзоси билан имзоланган маълумот тўғрисида электрон ҳужжат шаклидаги сўровни юборади.

32. Товарлар айланмаси иштирокчилари товарлар айланмаси иштирокчиси раҳбарининг (мансабдор шахснинг бошқа ваколатли шахсининг) электрон имзоси билан имзоланган маълумот тўғрисида электрон ҳужжат шаклидаги сўровни юборади.

Маълумот тўғрисидаги сўровда жисмоний шахснинг (якка тартибдаги тадбиркорлар учун) почта манзили, телефон ва (ёки) факс рақами ёки электрон почта манзили, фамилияси, исми ва отасининг исми (агар мавжуд бўлса) ёки маълумотни сўраётган ташкилот (юридик шахслар учун), давлат бошқарув органининг номи ҳамда сўралаётган маълумотлар рўйхати кўрсатилади.

33. Маълумот тўғрисидаги сўровда Ўзбекистон Республикаси қонунчилик ҳужжатларига мувофиқ ушбу маълумотни олиш учун асослар, маълумот тўғрисида сўров юборувчиларнинг мажбуриятлари ва улар томонидан ахборот хавфсизлигининг таъминланиши бўйича шартлар кўрсатилади.

34. Маълумот тўғрисидаги сўровга жавоб мажбурий рўйхатдан ўтказилиши ва маълумот тўғрисидаги сўров рўйхатга олинган кундан бошлаб 10 иш куни давомида маркировкалаш ахборот тизими иштирокчисига оператор томонидан юборилиши керак.

35. Маълумот тўғрисидаги сўровга жавоб операторнинг электрон имзоси билан имзоланган электрон ҳужжат шаклида давлат бошқарув органларига юборилади.

36. Маълумот тўғрисидаги сўровга жавоб оператор томонидан электрон рақамли имзо билан имзоланган электрон ҳужжат шаклида маркировкалаш ахборот тизими иштирокчисига маркировкалаш ахборот тизимида ёки маълумот тўғрисида сўровда кўрсатилган электрон почта манзилига юборилади.

37. Оператор маркировкалаш ахборот тизимида сақланадиган маълумотларни маркировкалаш ахборот тизими иштирокчиларига тақдим этишни қуйидаги ҳолатларда рад этиш ҳуқуқига эга:

а) маълумот тўғрисидаги сўров ушбу Низомнинг талабларига мувофиқ келмаганда;

б) сўралаётган маълумот маркировкалаш ахборот тизимида сақланмаганда;

в) маълумот тўғрисидаги сўров Ўзбекистон Республикасининг қонунчилик ҳужжатларига мувофиқ бундай маълумотларга кириш учун рухсатномага эга бўлмаган маркировкалаш ахборот тизими иштирокчиси томонидан юборилганда;

г) маълумот тўғрисидаги сўров маркировкалаш ахборот тизими иштирокчисининг сўрови такрорланган, унинг сўровига сўралаётган маълумотларни сақловчи томонидан олдин жавоб берилганда.

38. Маълумот тўғрисидаги сўровга маълумот тақдим этилиши рад этилган тақдирда, оператор томонидан сўралаётган маълумот тақдим этилмаслиги бўйича асослар кўрсатилади.

39. Агар маълумот тўғрисидаги сўровда кўрсатилган маълумот операторнинг Интернет жаҳон ахборот тармоғидаги расмий веб-сайтида жойлаштирилган бўлса, оператор томонидан маълумот тўғрисидаги сўровга бундай маълумот жойлаштирилган Интернет жаҳон ахборот тармоғидаги веб-сайтга (веб-сайт манзилига) ҳавола кўрсатилади.

7-боб. Маркировкалаш ахборот тизимининг давлат органларининг ахборот тизимлари ва товарлар айланмаси иштирокчиларининг ахборот тизимлари билан ўзаро ҳамкорлик қилиш тартиби

40. Мазкур Низомда маркировкалаш ахборот тизимининг бошқа ахборот тизимлари билан ахборот соҳасидаги ўзаро ҳамкорлик қилиши деганда ахборот тизимларида, маркировкалаш ахборот тизимида сақланадиган маълумотларни олиш, автоматлаштирилган тартибда жойлаштириш ва улардан фойдаланиш, шунингдек, маркировкалаш ахборот тизимида сақланадиган маълумотларни бошқа ахборот тизимларига тақдим этиш тушунилади.

41. Маркировкалаш ахборот тизимининг давлат органларининг ахборот тизимлари ва товарлар айланмаси иштирокчиларининг ахборот тизимлари билан ўзаро ҳамкорлиги операторнинг Интернет жаҳон ахборот тармоғидаги расмий сайтида жойлаштириладиган ўзаро электрон ҳамкорлик протоколларини ва интерфейсларини қўллаш орқали ахборот электрон хизматлар ёрдамида амалга оширилади.

42. Ташкилотнинг кўрсатиб ўтилган ахборот техник имкониятлари мавжуд бўлмаган тақдирда, оператор давлат бошқарув органлари билан ўзаро ҳамкорлик қилиш тўғрисида битим тузади ва унда қуйидагиларни белгилаб беради:

а) маркировкалаш ахборот тизимининг давлат органларининг ахборот тизимлари билан, жумладан, шахсий кабинетни қўллаш орқали ўзаро ҳамкорлигини ташкил этиш хусусиятларини;

б) маълумотлар таркиби, улар билан алмашишни маркировкалаш ахборот тизимининг давлат органларининг ахборот тизимлари билан ўзаро ҳамкорлик қилишида амалга ошириш тўғрисидаги таклиф;

в) маркировкалаш ахборот тизимидан ҳисоботларни тақдим этиш шаклларини.

43. Маркировкалаш ахборот тизими давлат органларининг ахборот тизимларига беғараз асосда уланади.

44. Маркировкалаш ахборот тизимининг давлат органларининг ахборот тизимлари билан ўзаро ҳамкорлиги қуйидагича амалга оширилади:

а) мувофиқлаштирувчи билан келишиш мақсадида маркировкалаш ахборот тизимига киритиш учун оператор томонидан тасдиқланадиган маълумотларни тақдим этиш шакллари бўйича;

б) маълумотларни тақдим этиш тўғрисидаги сўровларни йўналтирмасдан, автоматик ёки автоматлаштирилган тартибда;

в) электрон рақамли имзони қўллаш орқали (агар қўлланилса).

45. Маркировкалаш ахборот тизими давлат органларининг ахборот тизимлари, жумладан, қуйидагилар билан ўзаро ҳамкорлик қилади:

а) тадбиркорлик субъектларининг Ягона давлат реестри;

в) божхона органларининг ахборот тизимлари.

46. Маркировкалаш ахборот тизимининг давлат органлари ахборот тизимлари билан ўзаро ҳамкорлик қилишида, ахборот ўзаро ҳамкорлик иштирокчилари томонидан электрон ҳужжатлар ва (ёки) маълумотлар ҳамда электрон рақамли имзо билан имзоланган (агар қўлланилса) кўринишда узатилади.

47. Маркировкалаш ахборот тизими давлат органларининг ахборот тизимлари билан ўзаро ҳамкорлик қилиши жараёнида қўлланиладиган ҳужжатлар шакллари операторнинг Интернет жаҳон ахборот тармоғидаги расмий веб-сайтида жойлаштирилади.

48. Маркировкалаш ахборот тизимининг товарлар айланмаси иштирокчиларининг ахборот тизимлари билан ўзаро ҳамкорлиги электрон ўзаро ҳамкорлик протоколлари ва интерфейсларидан фойдаланган ҳолда ахборот электрон сервислар орқали амалга оширилади ҳамда улар ҳақида маълумотлар оператор томонидан Интернет жаҳон ахборот тармоғидаги расмий веб-сайтда жойлаштирилади.

48 1 . Оператор томонидан маркировкалаш ахборот тизимининг маълумотларни сақлаш, бошқа ахборот тизимларига узатиш, қабул қилиш ва қайта ишлаш жараёнлари юзасидан бир йилда камида бир маротаба техник аудит ўтказиб борилиши шарт.

Техник аудит якунлангандан сўнг натижалари бўйича хулоса ўн кун муддатда Солиқ қўмитасига тақдим этилади.

8-боб. Маркировкалаш ахборот тизимида сақланадиган маълумотларни ҳимоя қилиш

49. Маркировкалаш ахборот тизимида сақланадиган маълумотлар эгасининг қонуний ҳуқуқларини оператор амалга оширади.

50. Маркировкалаш ахборот тизимида сақланадиган маълумотлар Ўзбекистон Республикасининг ахборотлаштириш тўғрисидаги қонунчилик ҳужжатларига мувофиқ ҳимоя қилиниши керак.

51. Маркировкалаш ахборот тизимини яратиш, ишга тушириш ва ривожлантириш давомида ахборот хавфсизлигини таъминлаш учун қуйидагилар амалга оширилади:

а) маркировкалаш ахборот тизимида сақланадиган маълумотларни ҳимоя қилишга нисбатан талабларни шакллантириш;

б) ахборот хавфсизлиги ва маълумотларни ҳимоя қилиш тизимини (кичик тизим) ишлаб чиқиш ва жорий этиш;

в) маълумотларни ҳимоя қилиш воситаларини қўллаш ҳамда маркировкалаш ахборот тизимининг маълумотларни ҳимоя қилиш талабларига мувофиқ келишини сертификатлаш;

г) маълумотларни ҳимояланган ахборот-телекоммуникация тармоқлари орқали узатиш;

д) маркировкалаш ахборот тизимидан фойдаланиш давомида маълумотларни ҳимоя қилиш талабларини бажариш.

52. Маркировкалаш ахборот тизимида сақланадиган маълумотларни ҳимоя қилиш мақсадида оператор қуйидагиларни таъминлайди:

а) маълумотларга рухсатсиз киришни ва (ёки) ушбу маълумотларга кириш ҳуқуқига эга бўлмаган шахсларга бундай маълумотлар узатилишининг олдини олиш;

б) маълумотларга рухсатсиз кириш асосларини ўз вақтида аниқлаш;

в) маълумотларга кириш тартибини бузишнинг салбий оқибатларининг олдини олиш;

г) техник воситалар фаолиятига таъсир этишнинг салбий оқибатлари натижасида маркировкалаш ахборот тизимида жойлаштирилган техник воситалар бузилишига йўл қўймаслик;

д) маълумотларга рухсатсиз кириш натижасида модификация қилинган ёки ўчириб юборилган маълумотларни зудлик билан тиклаш имконияти;

е) маълумотларнинг ҳимояланганлик даражаси таъминланишининг доимий назорати;

ж) давлат-хусусий шериклик тўғрисидаги битимни тузишда маркировкалаш жараёнида ахборот тизимидаги маълумотларни ҳимоя қилиш мақсадида «Ахборотлаштириш тўғрисида» Ўзбекистон Республикаси Қонуни талабларига мувофиқликни таъминлаш.

9-боб. Маркировкалаш ахборот тизимида маълумотларни шакллантириш тартиби

53. Маркировкалаш ахборот тизимига узатиладиган маълумотлар шакллари оператор томонидан белгилаб бериладиган ва электрон рақамли имзо (агар қўлланилса) билан имзоланадиган электрон ҳужжатлар шаклида шакллантирилади ҳамда тақдим этилади, назорат-касса техникаси ёки буюртмаларни бошқариш станциялари ва эмиссияларни рўйхатга олиш қурилмаларини қўллаш тўғрисида Ўзбекистон Республикаси қонунчилик ҳужжатларига мувофиқ фискал ҳужжатлар таркибида узатиладиган маълумотлар бундан мустасно.

54. Мазкур Низомнинг 53-бандида кўрсатилган электрон ҳужжатлар шакллари операторнинг Интернет жаҳон ахборот тармоғидаги расмий веб-сайтида оператор томонидан жойлаштирилади.

55. Ҳужжатни қабул қилиш ҳақидаги хабарномада (квитанцияда) қайд этилган сана маркировкалаш ахборот тизимига ҳужжатларни тақдим этиш санаси деб тан олинади. Товарлар айланмаси иштирокчиси томонидан маркировкалаш ахборот тизимига маълумотларни тақдим этиш бўйича мажбуриятларнинг бажарилганлиги маркировкалаш ахборот тизимига маълумотларни киритиш ҳақидаги хабарнома (квитанция) билан тасдиқланади.

Мазкур бандда назарда тутилган хабарнома (квитанция) автоматик равишда шакллантирилади ва маркировкалаш ахборот тизимига тақдим этилган ҳужжатларни (маълумотларни) қайд этишда электрон ҳужжат шаклида маркировкалаш ахборот тизимининг товарлар айланмаси иштирокчисига юборилади.

«Asl belgisi» маҳсулотларни маркировкалаш ва кузатиб бориш миллий ахборот тизимига техник хизмат кўрсатиш ва фойдаланиш тартиби тўғрисидаги низомга 1-ИЛОВА

Рақамли маркировкалаш ва товарларни кузатиш миллий ахборот тизимида сақланувчи маълумотларни мажбурий тартибда ўз ичига киритиши керак бўлган маълумотлар

1. Рақамли маркировкалаш ва товарларни кузатиш Миллий ахборот тизимида (кейинги ўринларда — маркировкалаш ахборот тизими) рўйхатга олинган рақамли идентификация воситалари ёрдамида мажбурий маркировка қилинишини керак бўлган товарлар айланмаси иштирокчилари тўғрисида маълумотлар.

2. Маркировкалаш ахборот тизимида «Товарлар каталоги» кичик тизимида рўйхатга олинган рақамли идентификация воситалари ёрдамида мажбурий маркировка қилиниши керак бўлган товарлар тўғрисида маълумотлар.

3. Маркировкалаш ахборот тизими билан маълумот алмашиниш учун рақамли идентификация воситалари ёрдамида мажбурий маркировка қилиниши керак бўлган товарлар айланмаси иштирокчилари томонидан қўлланилувчи техник воситалар тўғрисида маълумотлар.

4. Оператор томонидан маркировкалаш кодларини шакллантириш (генерациялаш) тўғрисида маълумотлар.

5. Товарлар айланмаси иштирокчилари томонидан маркировка кодларини рақамли идентификация воситаларига ўзгартириш ва товарларга рақамли идентификация воситаларининг туширилиши тўғрисида маълумотлар.

6. Яроқсиз рақамли идентификация воситалари тўғрисида маълумотлар.

7. Рақамли идентификация воситалари ёрдамида мажбурий маркировка қилиниши керак бўлган товарларни айланмага киритиш, уларнинг айланмаси ва уларнинг айланмадан чиқарилиши тўғрисида маълумотлар.

8. Рақамли идентификация воситалари ёрдамида мажбурий маркировка қилиниши керак бўлган товарлар айланмаси тўғрисида маълумотларни сақловчи электрон ҳисоб-фактураларидан маълумотлар.

9. Рақамли идентификация воситалари ёрдамида мажбурий маркировка қилиниши керак бўлган товарларни сотиш ҳақидаги маълумотларни сақловчи касса чеклари ва қатъий ҳисобот шаклларидан маълумотлар.

10. Рақамли идентификация воситалари ёрдамида товарларни маркировка қилиш қоидаларининг бузилиши ушбу товарларнинг истеъмолчилари томонидан аниқланиши тўғрисида маълумотлар.

«Asl belgisi» маҳсулотларни маркировкалаш ва кузатиб бориш миллий ахборот тизимига техник хизмат кўрсатиш ва фойдаланиш тартиби тўғрисидаги низомга 2-ИЛОВА

Рақамли маркировкалаш ва товарларни кузатиш миллий ахборот тизимида сақланувчи умумий маълумотлар

1. Рақамли маркировкалаш ва товарларни кузатиш миллий ахборот тизимида (кейинги ўринларда — маркировкалаш ахборот тизими) рўйхатдан ўтказилган рақамли идентификация воситалари ёрдамида мажбурий маркировкаланиши керак бўлган ва Ўзбекистон Республикаси қонунчилигига мувофиқ умумий фойдаланиш учун Интернет жаҳон ахборот тармоғида жойлаштирилиши шарт бўлган товарлар айланмаси иштирокчилари тўғрисидаги маълумотлар.

2. Маркировкалаш ахборот тизимида рўйхатдан ўтказилган товарлар қадоқларида, жумладан, истеъмолчиларнинг ҳуқуқларини ҳимоя қилиш тўғрисидаги Ўзбекистон Республикаси қонунчилигига мувофиқ кўрсатилган мажбурий идентификация воситалари ёрдамида маркировка қилиниши керак бўлган товарлар тўғрисида маълумотлар.

3. Маркировкалаш ахборот тизимида рақамли идентификациялаш воситаларини товарларга, товарларнинг қадоқларига ёки рақамли идентификация воситаларини қўллаш учун мўлжалланган бошқа моддий ташувчига қўлланилиши тўғрисидаги маълумотлар мавжудлиги ёки бундай маълумотларнинг йўқлиги тўғрисида маълумот.

Вазирлар Маҳкамасининг 2020 йил 31 декабрдаги 833-сон қарорига 3-ИЛОВА

Тамаки маҳсулотларини рақамли идентификация воситалари билан маркировкалаш хусусиятлари тўғрисида

1-боб. Умумий қоидалар

1. Мазкур Низом рақамли идентификациялаш воситалари билан тамаки маҳсулотларини маркировкалаш хусусиятларини, тамаки маҳсулотларини рақамли идентификациялаш воситаларининг хусусиятлари, тамаки маҳсулотлари айланмаси иштирокчилари томонидан Маҳсулотларни маркировкалаш ва кузатиб бориш миллий ахборот тизими операторига (кейинги ўринларда — оператор, маркировкалаш ахборот тизими) тамаки маҳсулотлари айланмаси тўғрисидаги маълумотни тақдим этишнинг босқичлари ва муддатларини белгилайди.

2. Мазкур Низомда қуйидаги асосий тушунчалар қўлланилади:

агрегациялаш — яратилувчи гуруҳланган қадоқ ва (ёки) транспорт қадоғининг идентификациялаш коди билан ҳар бир жойлаштирилган истеъмол қадоғи, гуруҳланган қадоқ, транспорт қадоғининг идентификациялаш кодларининг ўзаро боғлиқлиги тўғрисидаги маълумотни сақловчи яратилувчи гуруҳланган қадоқ ва (ёки) транспорт қадоғига босиб тушириш билан истеъмол қадоғини биринчи даража гуруҳланган қадоғига ва (ёки) транспорт қадоғига ҳамда биринчи даража транспорт қадоқларининг кейинги даража транспорт қадоғига маҳсулотларни бирлаштириш жараёни;

ёрлиқ — ёзувлар, тасвирлар, белгилар, рамзлар, бошқа белгиланишлар ва (ёки) уларнинг мажмуаси кўринишида маҳсулот тўғрисидаги маълумотни туширувчи ва қадоққа, жумладан, ёпиштириш йўли билан маҳкамланувчи маълумотни ташувчи.

3. Тамаки маҳсулотларини рақамли идентификациялаш воситалари билан мажбурий маркировкалаш истеъмол учун ва гуруҳланган қадоқда сотиладиган тамаки маҳсулотларининг қуйидаги турларига нисбатан амалга оширилади:

а) фильтрли сигаретлар;

б) фильтрсиз сигаретлар.

в) бошқа турдаги чекиладиган тамаки маҳсулотлари;

г) чекилмайдиган тамаки маҳсулотлари;

д) никотинли тамакисиз снюс, таркибида никотин мавжуд суюқликлар ва никотинли электрон сигареталар.

Тамаки маҳсулотларининг турлари Вазирлар Маҳкамасининг 2024 йил 18 майдаги 290-сон қарори билан тасдиқланган Тамаки маҳсулотлари тўғрисидаги техник регламент билан белгилаб берилади.

4. Тамаки маҳсулотларини ишлаб чиқарувчилар ва импорт қилувчилар:

а) тамаки маҳсулотларини ишлаб чиқариш ёки импорт қилиш билан шуғулланувчиларда тамаки маҳсулотларини фойдаланишга киритиш ва (ёки) фойдаланиш билан боғлиқ фаолиятни амалга оширувчи ишлаб чиқарувчилар ва импорт қилувчилар 2020 йил 31 декабрга қадар ёки 2020 йил 31 декабрдан кейин мазкур фаолият амалга оширилиши зарурати юзага келган кундан бошлаб 7 календарь кун давомида маркировкалаш ахборот тизимидан рўйхатдан ўтади ва Ўзбекистон Республикасида ишлаб чиқариладиган ва (ёки) олиб кириладиган тамаки маҳсулотлари номенклатураси тўғрисидаги маълумотларни маркировкалаш ахборот тизимига киритади;

а) 1 бошқа турдаги чекиладиган тамаки маҳсулотлари, чекилмайдиган тамаки маҳсулотлари, никотинли тамакисиз снюслар, таркибида никотин мавжуд суюқликлар ва никотинли электрон сигареталарни ишлаб чиқарувчилар ва импорт қилувчилар 2022 йил 1 сентябрга қадар ёки 2022 йил 1 сентябрдан кейин мазкур фаолият амалга оширилиши зарурати юзага келган кундан бошлаб 7 календарь кун давомида маркировкалаш ахборот тизимидан рўйхатдан ўтади ва Ўзбекистон Республикасида ишлаб чиқариладиган ва (ёки) олиб кириладиган тамаки маҳсулотлари номенклатураси тўғрисидаги маълумотларни маркировкалаш ахборот тизимига киритади;

б) истеъмол ва гуруҳланган қадоқларга рақамли идентификациялаш воситалари туширилишини, шунингдек, тамаки маҳсулотларини агрегациялашни таъминлайди ва маркировкалаш ахборот тизимига:

фильтрли сигареталар — 2021 йил 1 январдан;

фильтрсиз сигареталар — 2021 йил 1 декабрдан;

бошқа турдаги чекиладиган тамаки маҳсулотлари, чекилмайдиган тамаки маҳсулотлари, никотинли тамакисиз снюслар, таркибида никотин мавжуд суюқликлар ва никотинли электрон сигареталар — 2022 йил 1 октябрдан бошлаб маркировкаланганлиги ва агрегацияланганлиги тўғрисидаги маълумотларни киритади;

в) маркировкаланган тамаки маҳсулотларининг сотилиши тўғрисидаги маълумотлар маркировкалаш ахборот тизимига:

фильтрли сигареталар — 2022 йил 1 январдан;

фильтрсиз сигареталар — 2022 йил 1 февралдан;

бошқа турдаги чекиладиган тамаки маҳсулотлари, чекилмайдиган тамаки маҳсулотлари, никотинли тамакисиз снюслар, таркибида никотин мавжуд суюқликлар ва никотинли электрон сигареталар — 2023 йил 1 январдан бошлаб киритилишини таъминлайди;

г) маркировкаланмаган тамаки маҳсулотларининг қолдиқлари сотилишини (улгуржи савдога) ва (ёки) уларнинг учинчи шахсларга сотилиши билан боғлиқ бўлмаган сабаблар бўйича кўрсатилган қолдиқлари:

фильтрли сигареталар — 2021 йил 1 июлга қадар;

фильтрсиз сигареталар — 2022 йил 1 февралга қадар;

бошқа турдаги чекиладиган тамаки маҳсулотлари, чекилмайдиган тамаки маҳсулотлари, никотинли тамакисиз снюслар, таркибида никотин мавжуд суюқликлар ва никотинли электрон сигареталар — 2023 йил 1 январга қадар сотувдан чиқарилишини таъминлайди;

д) тамаки маҳсулотлари айланмаси бўйича барча ҳаракатлар тўғрисидаги маълумотлар маркировкалаш ахборот тизимига:

фильтрли сигареталар бўйича — 2021 йил 1 октябрдан;

фильтрсиз сигареталар бўйича — 2022 йил 1 мартдан,

бошқа турдаги чекиладиган тамаки маҳсулотлари, чекилмайдиган тамаки маҳсулотлари, никотинли тамакисиз снюслар, таркибида никотин мавжуд суюқликлар ва никотинли электрон сигареталар бўйича — 2023 йил 1 мартдан бошлаб киритилишини таъминлайди.

5. Рақамли идентификациялаш воситаларини шакллантириш ва уларнинг тамаки маҳсулотларининг истеъмол учун ва гуруҳланган қадоқларига туширилиши учун зарур бўлган маркировкалаш кодларини бериш учун тўловлар 2021 йил 1 январдан бошлаб оператор томонидан ундирилади.

6. Тамаки маҳсулотларини бевосита ишлаб чиқарувчилардан ва импорт қилувчилардан сотиб оладиган тамаки маҳсулотларининг улгуржи савдоси ташкилотлари:

а) тамаки маҳсулотларини бевосита ишлаб чиқарувчилар ва импорт қилувчилардан сотиб олиш билан боғлиқ фаолиятни амалга оширувчи улгуржи савдо ташкилотлари 2021 йил 1 февралга қадар ёки 2021 йил 1 февралдан кейин мазкур фаолият амалга оширилиши зарурати пайдо бўлган кундан бошлаб 7 календарь кун давомида маркировкалаш ахборот тизимидан рўйхатдан ўтади;

а) 1 бошқа турдаги чекиладиган тамаки маҳсулотлари, чекилмайдиган тамаки маҳсулотлари, никотинли тамакисиз снюслар, таркибида никотин мавжуд суюқликлар ва никотинли электрон сигареталарни бевосита ишлаб чиқарувчилар ва импорт қилувчилардан сотиб олиш билан боғлиқ фаолиятни амалга оширувчи улгуржи савдо ташкилотлари 2022 йил 1 ноябрга қадар ёки 2022 йил 1 ноябрдан кейин мазкур фаолият амалга оширилиши зарурати пайдо бўлган кундан бошлаб 7 календарь кун давомида маркировкалаш ахборот тизимидан рўйхатдан ўтади;

б) ишлаб чиқарувчилардан ва импорт қилувчилардан сотиб олишга доир маълумотларни:

фильтрли сигареталар бўйича — 2021 йил 1 октябрдан;

фильтрсиз сигареталар бўйича — 2022 йил 1 мартдан;

бошқа турдаги чекиладиган тамаки маҳсулотлари, чекилмайдиган тамаки маҳсулотлари, никотинли тамакисиз снюслар, таркибида никотин мавжуд суюқликлар ва никотинли электрон сигареталар бўйича — 2023 йил 1 январдан бошлаб маркировкалаш ахборот тизимига киритади;

в) маркировкаланган тамаки маҳсулотлари сотилиши тўғрисидаги маълумотларни:

фильтрли сигареталар бўйича — 2022 йил 1 январдан;

фильтрсиз сигареталар бўйича — 2022 йил 1 апрелдан;

бошқа турдаги чекиладиган тамаки маҳсулотлари, чекилмайдиган тамаки маҳсулотлари, никотинли тамакисиз снюслар, таркибида никотин мавжуд суюқликлар ва никотинли электрон сигареталар бўйича — 2023 йил 1 февралдан бошлаб маркировкалаш ахборот тизимига киритади;

г) маркировкаланмаган тамаки маҳсулотларининг қолдиқлари сотилишини (чакана савдога) ва (ёки) уларнинг учинчи шахсларга сотилиши билан боғлиқ бўлмаган сабаблар бўйича кўрсатилган қолдиқларни:

фильтрли сигареталар бўйича — 2021 йил 1 октябрга қадар;

фильтрсиз сигареталар бўйича — 2022 йил 1 июнга қадар;

бошқа турдаги чекиладиган тамаки маҳсулотлари, чекилмайдиган тамаки маҳсулотлари, никотинли тамакисиз снюслар, таркибида никотин мавжуд суюқликлар ва никотинли электрон сигареталар бўйича — 2023 йил 1 мартга қадар сотувдан чиқарилишини таъминлайди;

д) маҳсулот айланмаси бўйича барча ҳаракатлар тўғрисидаги маълумотларни:

фильтрли сигареталар бўйича — 2021 йил 1 январдан;

фильтрсиз сигареталар бўйича — 2022 йил 1 июндан;

бошқа турдаги чекиладиган тамаки маҳсулотлари, чекилмайдиган тамаки маҳсулотлари, никотинли тамакисиз снюслар, таркибида никотин мавжуд суюқликлар ва никотинли электрон сигареталар бўйича — 2023 йил 1 июндан бошлаб маркировкалаш ахборот тизимига киритади.

7. Тамаки маҳсулотлари айланмасининг чакана савдоси билан шуғулланувчи иштирокчилар (чакана савдо ва умумий овқатланиш корхоналари):

а) тамаки маҳсулотларининг чакана савдоси билан боғлиқ фаолият амалга оширилиши зарурати пайдо бўлган кундан бошлаб 7 календарь кун давомида маркировкалаш ахборот тизимидан рўйхатдан ўтади;

б) бошқа турдаги чекиладиган тамаки маҳсулотлари, чекилмайдиган тамаки маҳсулотлари, никотинли тамакисиз снюслар, таркибида никотин мавжуд суюқликлар ва никотинли электрон сигареталар чакана савдоси билан шуғулланувчи тамаки маҳсулотлари айланмаси иштирокчиси тамаки маҳсулотларининг чакана савдоси билан боғлиқ фаолият амалга оширилиши зарурати пайдо бўлган кундан бошлаб 7 календарь кун давомида маркировкалаш ахборот тизимидан рўйхатдан ўтади;

в) тамаки маҳсулотларининг улгуржи савдоси билан шуғулланувчи ташкилотлардан сотиб олишга доир маълумотларини маркировкалаш ахборот тизимига киритади;

г) тамаки маҳсулотларининг чакана савдоси бўйича маълумотларни маркировкалаш ахборот тизимига киритади;

д) маркировкаланмаган тамаки маҳсулотларининг қолдиқлари сотилишини (охирги истеъмолчига) ва (ёки) уларнинг учинчи шахсларга сотилиши билан боғлиқ бўлмаган сабаблар бўйича кўрсатилган қолдиқлар сотувдан чиқарилишини таъминлайди;

е) тамаки маҳсулотлари айланмаси бўйича барча ҳаракатлар тўғрисидаги маълумотларни маркировкалаш ахборот тизимига киритади.

8. 2021 йил 1 январга қадар оператор тақдим этган маркировкалаш кодларидан тамаки маҳсулотлари айланмаси иштирокчилари томонидан қайта ўзгартирилган рақамли идентификациялаш воситалари билан маркировкаланган тамаки маҳсулотлари тамаки маҳсулотлари айланмаси иштирокчиларидан 2021 йил 1 январь ҳолати бўйича рақамли идентификациялаш воситаларини шундай тамаки маҳсулотларига тушириш тўғрисида олинган маълумотлар маркировкалаш ахборот тизимида оператор томонидан акс эттирилиши шарти билан тегишли равишда маркировкаланган деб тан олинади.

9. Ўзбекистон Республикаси ҳудудида фильтрли сигаретларга рақамли идентификациялаш воситалари туширмасдан ҳамда тамаки маҳсулотларининг кўрсатилган турларини рақамли идентификациялаш воситалари билан маркировкалаш тўғрисидаги маълумотларни маркировкалаш ахборот тизимига юбормасдан 2021 йил 1 январдан бошлаб ишлаб чиқариш тақиқланади.

2021 йил 1 январдан кейин ишлаб чиқарилган (олиб кирилган) тамаки маҳсулотларининг кўрсатилган турларини чакана сотилиши фақат уларнинг чакана сотилиши тўғрисида маълумотлар маркировкалаш ахборот тизимига киритилганда йўл қўйилади.

2021 йил 1 январгача ишлаб чиқарилган (олиб кирилган) тамаки маҳсулотларининг кўрсатилган турларини чакана савдосига 2022 йил 1 январгача рухсат этилади.

10. Ўзбекистон Республикаси ҳудудида фильтрсиз сигаретларни рақамли идентификациялаш воситалари туширмасдан ҳамда тамаки маҳсулотларининг кўрсатилган турларини рақамли идентификациялаш воситалари билан маркировкалаш тўғрисидаги маълумотларни маркировкалаш ахборот тизимига юбормасдан 2021 йил 1 декабрдан бошлаб ишлаб чиқариш тақиқланади.

2021 йил 1 декабрдан кейин ишлаб чиқарилган (олиб кирилган) тамаки маҳсулотларининг кўрсатилган турларининг чакана савдосига фақат маркировкалаш ахборот тизимига уларнинг чакана савдоси тўғрисидаги маълумотларни узатиш шартли билан рухсат этилади.

2021 йил 1 декабргача ишлаб чиқарилган (олиб кирилган) тамаки маҳсулотларининг кўрсатилган турларини чакана савдосига 2022 йил 1 декабргача рухсат этилади.

10 1 . Ўзбекистон Республикаси ҳудудида бошқа турдаги чекиладиган тамаки маҳсулотлари, чекилмайдиган тамаки маҳсулотлари, никотинли тамакисиз снюслар, таркибида никотин мавжуд суюқликлар ва никотинли электрон сигареталарни рақамли идентификациялаш воситаларини туширмасдан ҳамда тамаки маҳсулотларининг кўрсатилган турларини рақамли идентификациялаш воситалари билан маркировкалаш тўғрисидаги маълумотларни маркировкалаш ахборот тизимига юбормасдан 2022 йил 1 октябрдан бошлаб ишлаб чиқариш тақиқланади.

2022 йил 1 октябрдан кейин ишлаб чиқарилган (олиб кирилган) тамаки маҳсулотларининг кўрсатилган турларининг чакана савдосига фақат маркировкалаш ахборот тизимига уларнинг чакана савдоси тўғрисидаги маълумотларни узатиш шарти билан рухсат этилади.

2022 йил 1 октябрга қадар ишлаб чиқарилган (олиб кирилган) тамаки маҳсулотларининг кўрсатилган турлари чакана савдосига 2023 йил 1 октябрга қадар рухсат этилади.

2-боб. Тамаки маҳсулотларини рақамли идентификациялаш воситаларининг хусусиятлари, шу жумладан, маркировкалаш кодларининг тузилмаси ва формати

11. Тамаки маҳсулотларининг истеъмол қадоғини рақамли идентификациялаш воситаси 3 гуруҳдаги маълумотларни ташкил этувчи маркировкалаш кодини ўз ичига олади. Ушбу маълумотларнинг биринчи ва иккинчи гуруҳи тамаки маҳсулотларининг истеъмол қадоғи кодини, учинчи гуруҳ эса текшириш кодини ташкил этади. Бунда:

биринчи гуруҳ 14 та рақамдан иборат бўлиб, товар кодини ўз ичига олади, ушбу код тамаки маҳсулотлари айланмаси иштирокчилари томонидан киритилган маълумотлар асосида оператор томонидан шакллантирилади;

иккинчи гуруҳ 7 та белгидан (рақамлар, лотин алифбосининг кичик ва катта ҳарфлари ҳамда махсус белгилардан) иборат бўлади ва тамаки маҳсулотининг истеъмол учун қадоғида индивидуал серия рақамини билдиради;

учинчи гуруҳ 8 та белгидан (рақамлар, лотин алифбосининг сатрли ва ёзма ҳарфларидан, ҳамда махсус белгилардан) ташкил топади ва текшириш кодини билдиради.

Тамаки маҳсулотининг истеъмол қадоғининг рақамли идентификациялаш воситаси икки ўлчамли штрих код кўринишида DataMatrix форматида туширилади.

12. Тамаки маҳсулотларининг гуруҳланган қадоғи рақамли идентификациялаш воситаси 3 гуруҳдаги маълумотларни ташкил этувчи маркировкалаш кодини ўз ичига олади. Ушбу маълумотларнинг биринчи ва иккинчи гуруҳ гуруҳланган қадоқни идентификациялаш кодини, учинчи гуруҳ эса текшириш кодини ташкил этади. Бунда:

биринчи гуруҳ 14 та рақамдан иборат бўлиб, товар кодини ўз ичига олади, бундан олдин қўллаш идентификатори (01) келади, тамаки маҳсулотлари айланмаси иштирокчилари томонидан киритилган маълумотлар асосида ушбу код оператор томонидан шакллантирилади;

иккинчи гуруҳ 7 та белгидан (рақамлар, лотин алифбосининг кичик ва катта ҳарфлари, ҳамда махсус белгилардан) иборат бўлади ва тамаки маҳсулотининг гуруҳланган қадоғида индивидуал серия рақамини билдиради, бундан олдин қўллаш идентификатори (21) келади ва у оператор ёки тамаки маҳсулотлари айланмаси иштирокчилари томонидан шакллантирилади (ASCII белгилар жадвалида 29 кодига эга бўлган белги маълумотларнинг ушбу гуруҳи учун якунловчи белги ҳисобланади);

учинчи гуруҳ 8 та белгидан (рақамлар, лотин алифбосининг сатрли ва ёзма ҳарфларидан ҳамда махсус белгилардан) ташкил топади ва текшириш кодини ўз ичига олади, ундан олдин қўллаш идентификатори (93) келади ва у оператор томонидан шакллантирилади.

Тамаки маҳсулотининг гуруҳланган қадоғини рақамли идентификациялаш воситаси икки ўлчамли штрих код кўринишида DataMatrix форматида туширилади.

13. Истеъмол ва гуруҳланган қадоқларга ва (ёки) ёрлиққа, рақамли идентификациялаш воситаси қадоқ ва (ёки) ёрлиқдан кўчириб олинишига йўл қўймайдиган усулда, рақамли идентификациялаш воситаси туширилади.

Истеъмол қадоғига рақамли идентификациялаш воситаси қадоқнинг паст ёки ён томонига 5х5 миллиметрдан кам бўлмаган ўлчамда махсус ажратилган контраст майдонга туширилади.

Агрегациялаш таомилларини амалга оширишга қулай ўлчамда бўлишини таъминлаш мақсадида, гуруҳланган ва транспорт қадоғига рақамли идентификациялаш воситаси қадоқнинг олд ёки ён томонига туширилади.

Истеъмол ва гуруҳланган қадоқларга 0,25 миллиметрдан кам бўлмаган ўлчамда, транспорт қадоғига эса 2 миллиметрдан кам бўлмаган ўлчамдаги махсус модул қўлланилади.

Истеъмол қадоғига ёпиштирилган Ўзбекистон Республикасининг амалдаги қонунчилик ҳужжатлари билан белгиланган акциз маркаси устига стикер (бошқа усулда рақамли идентификациялаш воситасини тушириш имкониятига эга бўлмаган истеъмол қадоғига ёки гуруҳланган қадоққа маҳкамланувчи, рақамли идентификациялаш воситасини шикастламасдан қадоқдан унинг ажратиб олинишини йўл қўйилмайдиган усулда рақамли идентификациялаш воситасини тушириш учун мўлжалланган қўшимча ёрлиқ ёки ёпиштирма ёрлиқ) орқали тушириладиган рақамли идентификациялаш воситасини тушириш ёки ёпиштириш тақиқланади.

14. Истеъмол қадоғи ва гуруҳланган қадоққа ва (ёки) ёрлиққа тушириладиган рақамли идентификациялаш воситаси шаффоф ўраш плёнкаси ёки бирон-бир бошқа ташқи ўраш материали устига чоп этилмаслиги ва рақамли идентификациялаш воситасининг ўқилишига тўсқинлик қилувчи бошқа маълумот билан тўсиб қўйилмаслиги керак.

15. Рақамли идентификациялаш воситаси техник тартибга солиш соҳасидаги норматив ҳужжатлар талабларига мувофиқ тамаки маҳсулотлари қадоғига туширилган ахборотнинг бутунлигига зарар етказмайдиган тарзда жойлаштирилиши керак.

16. Тамаки маҳсулотларига ёрлиқларнинг туширилишига қуйидаги талаблар қўйилади:

тамаки маҳсулотларининг истеъмол қадоғи ва гуруҳланган қадоғига ёрлиқларни тушириш учун ёрлиққа туширилган рақамли идентификациялаш воситасининг ёрлиқ туширилган пайтдан бошлаб тамаки маҳсулоти истеъмолчига сотилгунича ўқилишини таъминловчи технология қўлланилиши керак;

ёрлиқ тамаки маҳсулотининг истеъмол қадоғи ёки гуруҳланган қадоғига ёпиштириш йўли билан туширилади, тамаки маҳсулотлари ишлаб чиқарувчиси томонидан товарнинг қадоғига тушириладиган ўраш плёнкасига ёрлиқнинг маҳкамланишига рухсат берилади;

ёрлиқ устига ёрлиқ юзасини ёпиб қўядиган ва (ёки) рақамли идентификациялаш воситасининг ўқилишини қийинлаштирадиган бирон-бир элементлар туширилишига йўл қўйилмайди (тамаки маҳсулотлари ишлаб чиқарувчиси томонидан қадоққа тушириладиган шаффоф ўраш плёнкаси бундан мустасно).

рақамли идентификациялаш воситасининг ўлчами ва жойлашуви маркировка кодларини, шу жумладан, ISO/IEC 15415 «Ахборот технологиялар. Автоматик идентификациялаш ва маълумотларни йиғиш технологиялари. Чоп етиш сифатини баҳолаш учун штрих код рамзларини тест спецификацияси. Икки ўлчамли рамзлар» (ISO/IEC 15415:2011 «Information technology — Automatic identification and data capture techniques — Bar code print quality test specification — Two-dimensional symbols») стандартига мувофиқ маълумотларнинг йиғиш терминаллари, махсус (мобил) иловалар ва лазер сканерлари орқали тўғри ўқилишини ва аниқланишини таъминлаши керак.

3-боб. Тамаки маҳсулотларини агрегациялаш тартиби

17. Ишлаб чиқарувчилар ва импорт қилувчилар тамаки маҳсулотларини агрегациялашни амалга оширади (алоҳида қадоқни гуруҳланган қадоққа ва гуруҳланган қадоқни транспорт қадоғига) ва уни тамаки маҳсулотининг агрегациялангани тўғрисидаги маълумотни тамаки маҳсулоти айланмасининг кейинги иштирокчисига узатишдан (сотишдан) аввал маркировкалаш ахборот тизимига киритади.

Агрегациялаш тадбирини амалга ошириш мақсадида маҳсулот айланмасининг иштирокчиси қуйидаги маълумотларни маркировкалаш ахборот тизимига юборади:

агрегациялашни амалга оширувчи маҳсулот айланмаси иштирокчисининг СТИРи;

ишлаб чиқариш линиясининг идентификатори;

ишлаб чиқариш буюртмаси идентификатори;

агрегациялашга режалаштирилган қадоқлар сони;

ҳақиқатда агрегацияланган қадоқлар сони;

яратиладиган гуруҳланган ёки транспорт қадоғининг идентификация коди;

яратиладиган гуруҳланган ёки транспорт қадоғига киритилган агрегирланган қадоқларнинг маркировкалаш кодлари рўйхати;

Транспорт қадоғининг идентификация коди агрегациялаш тадбирини амалга оширувчи маҳсулот айланмасининг иштирокчиси томонидан яратилади (генерация қилинади) ҳамда «ISO/IEC 15459-1:2006 «Information technology-Unique identifiers-Part 1: Unique identifiers for transport units» стандарти талабларига мувофиқ қадоқнинг устида қўлланилади.

Оператор қуйидаги ҳолатлар мавжуд бўлган тақдирда, маҳсулот айланмасининг иштирокчисига агрегациялаш маълумотларини қабул қилишни ҳамда транспорт қадоғининг маълумотларини рўйхатдан ўтказишни рад этади:

маҳсулот айланмасининг иштирокчиси битта ёки бир нечта агрегацияланадиган қадоқларнинг маркировкалаш кодларининг эгаси эмас;

агрегацияланадиган қадоқларнинг маркировкалаш кодлари рўйхати ноёб бўлмаган (такрорланган) белгилардан ташкил қилинган;

агрегацияланадиган қадоқларнинг маркировкалаш кодлари рўйхатида маркировкалаш ахборот тизимида рўйхатдан ўтмаган маркировкалаш кодлари мавжуд;

агрегацияланадиган қадоқларнинг маркировкалаш кодлари рўйхатида маркировкалаш ахборот тизимида маркировкалаш кодлари қўлланилганлиги ёки маркировкалаш кодлари учун тўловлар амалга оширилганлиги юзасидан маълумотлар мавжуд эмас;

агрегацияланадиган қадоқларнинг маркировкалаш кодлари рўйхатида айланмадан чиқарилган ҳолатида бўлган маркировкалаш кодлари мавжуд;

агрегацияланадиган қадоқларнинг маркировкалаш кодлари рўйхатида бошқа маҳсулот турлари учун буюртма қилинган маркировкалаш кодлари мавжуд;

яратиладиган гуруҳланган ёки транспорт қадоғининг идентификация коди қабул қилинган форматга мувофиқ эмас;

яратиладиган гуруҳланган ёки транспорт қадоғининг идентификация коди маркировкалаш ахборот тизимида аввал рўйхатдан ўтказилган;

Оператор қуйидаги ҳолатларда гуруҳланган ёки транспорт қадоғининг агрегациясини бузиш (бекор қилиш) тадбирини амалга оширади:

маркировкалаш ахборот тизимида гуруҳланган ёки транспорт қадоғига бириктирилган маркировкалаш кодлари қайта агрецияланган;

маркировкалаш ахборот тизимига гуруҳланган ёки транспорт қадоғига бириктирилган маркировкалаш кодларининг айланмага киритилиши, айланмада бўлиши ёки айланмадан чиқарилганлиги юзасидан маълумотлар тақдим этилган.

18. 1 (бир) ҳисобот даври (ойи) доирасида бутун ишлаб чиқарилган тамаки маҳсулотлари бўйича истеъмол ва гуруҳланган қадоқларни агрегациялашнинг ўртача самарадорлиги қуйидагиларни ташкил қилиши керак:

а) фильтрли сигареталар учун:

95 фоиздан кам бўлмаган — 2021 йил 1 майдан бошлаб;

99 фоиздан кам бўлмаган — 2021 йил 1 июлдан бошлаб;

б) фильтрсиз сигареталар учун:

95 фоиздан кам бўлмаган — 2022 йил 1 апрелдан бошлаб;

99 фоиздан кам бўлмаган — 2022 йил 1 июндан бошлаб;

в) бошқа турдаги чекиладиган тамаки маҳсулотлари, чекилмайдиган тамаки маҳсулотлари, никотинли тамакисиз снюслар, таркибида никотин мавжуд суюқликлар ва никотинли электрон сигареталар учун:

95 фоиздан кам бўлмаган — 2022 йил 1 декабрдан бошлаб;

99 фоиздан кам бўлмаган — 2023 йил 1 февралдан бошлаб.

Бунда, гуруҳланган қадоқ ичида агрегацияланадиган иккита истеъмол қадоғидан ва транспорт қадоғи ичида иккита гуруҳланган қадоқдан ошмаган ҳолда идентификациялаш коди тўғрисидаги маълумотлар мавжуд бўлмаслигига рухсат этилади.

Ушбу ҳолатда агрегациялашни амалга оширувчи тамаки маҳсулотлари айланмасининг иштирокчиси агрегациялаш бошланган кундан 5 (беш) иш куни давомида истеъмол қадоқларини идентификациялаш кодлари ва (ёки) агрегациялашда маркировкалаш ахборот тизимига узатилмаган гуруҳланган қадоқларни идентификациялаш кодлари тўғрисидаги маълумотларни маркировкалаш ахборот тизимига киритади.

Вазирлар Маҳкамасининг 2020 йил 31 декабрдаги 833-сон қарорига 4-ИЛОВА

Алкоголь маҳсулотларини рақамли идентификация воситалари билан мажбурий маркировкалаш хусусиятлари тўғрисида

1-боб. Умумий қоидалар

1. Мазкур Низом алкоголь маҳсулотларини рақамли идентификациялаш воситалари билан маркировкалаш хусусиятларини, алкоголь маҳсулотларини рақамли идентификациялаш воситаларининг хусусиятларини, алкоголь маҳсулотлари айланмаси иштирокчилари томонидан Маҳсулотларни маркировкалаш ва кузатиб бориш миллий ахборот тизими операторига (кейинги ўринларда — оператор, маркировкалаш ахборот тизими) алкоголь маҳсулотлари айланмаси тўғрисидаги маълумотни тақдим этишнинг босқичлари ва муддатларини белгилайди.

2. Мазкур Низомда қуйидаги асосий тушунчалар қўлланилади:

агрегациялаш — яратилувчи гуруҳланган қадоқ ва (ёки) транспорт қадоғининг идентификациялаш коди билан ҳар бир жойлаштирилган истеъмол қадоғи, гуруҳланган қадоқ, транспорт қадоғининг идентификациялаш кодларининг ўзаро боғлиқлиги тўғрисидаги маълумотни сақловчи яратилувчи гуруҳланган қадоқ ва (ёки) транспорт қадоғига босиб тушириш билан истеъмол қадоғини биринчи даража гуруҳланган қадоғига ва (ёки) транспорт қадоғига ҳамда биринчи даража транспорт қадоқларининг кейинги даража транспорт қадоғига маҳсулотларни бирлаштириш жараёни;

сервис-провайдер — маҳсулотлар айланиши иштирокчисининг топшириғи бўйича маркировкалаш кодининг идентификациялаш воситасига ўзгартирилишини ва идентификациялаш воситасининг истеъмол қадоғига ва (ёки) гуруҳланган қадоғига ва (ёки) ёрлиққа ва (ёки) стикерга дистрибуциянинг, нашрнинг ва валидациянинг дастурий-аппарат мажмуасини қўллаш билан туширилишини ҳамда идентификациялаш воситаларининг валидациясини амалга оширувчи юридик шахс ёки якка тартибдаги тадбиркор;

стикер — бошқа усулда рақамли идентификациялаш воситасини тушириш имкониятига эга бўлмаган истеъмол қадоғига ёки гуруҳланган қадоғига маҳкамланувчи, рақамли идентификациялаш воситасини қайта ишлатиш, нусхалаш ва шикастламасдан қадоқдан унинг ажратиб олинишига йўл қўйилмайдиган усулда рақамли идентификациялаш воситасини тушириш учун мўлжалланган қўшимча ёрлиқ (ёпиштирма ёрлиқ);

ёрлиқ — ёзувлар, тасвирлар, белгилар, рамзлар, бошқа белгиланишлар ва (ёки) уларнинг мажмуаси кўринишида маҳсулот тўғрисидаги маълумотни туширувчи ва қадоққа, жумладан, ёпиштириш йўли билан маҳкамланувчи маълумотни ташувчи.

3. Рақамли идентификациялаш воситалари билан алкоголь маҳсулотларнинг мажбурий маркировкалаш истеъмол қадоғи ва (ёки) гуруҳланган қадоқда сотиладиган алкоголь маҳсулотларининг қуйидаги турларига нисбатан амалга оширилади:

а) спиртли ичимликлар;

б) вино ва виночилик маҳсулотлари;

в) пиво ва пиво ичимликлари.

Алкоголь маҳсулотларининг тури Вазирлар Маҳкамасининг 2017 йил 13 февралдаги 71-сон қарори билан тасдиқланган Алкоголь маҳсулотларининг хавфсизлиги тўғрисидаги умумий техник регламент (UzTR.71-012:2017) асосида белгиланади.

4. Алкоголь маҳсулотларини ишлаб чиқарувчилар ва импорт қилувчилар:

а) алкоголь маҳсулотларини ишлаб чиқариш ёки импорт қилиш билан шуғулланувчиларда алкоголь маҳсулотини фойдаланишга киритиш ва (ёки) фойдаланиш билан боғлиқ фаолиятни амалга оширувчи ишлаб чиқарувчилари ва импорт қилувчилари 2020 йил 31 декабргача ёки 2020 йил 31 декабрдан кейин мазкур фаолиятни амалга оширилиши зарурати юзага келган кундан бошлаб 7 календарь куни давомида маркировкалаш ахборот тизимидан рўйхатдан ўтади ва Ўзбекистон Республикасида ишлаб чиқариладиган ва (ёки) олиб кириладиган алкоголь маҳсулотлари номенклатураси тўғрисидаги маълумотларни маркировкалаш ахборот тизимига киритади;

б) рақамли идентификациялаш воситаси алкоголь маҳсулотларининг истеъмол қадоғига туширилишини таъминлайди, шунингдек, алкоголь маҳсулотларни маркировкалаш тўғрисидаги маълумотларни маркировкалаш ахборот тизимига киритади:

спиртли ичимликлар — 2021 йил 1 январдан;

вино ва виночилик маҳсулотлари — 2021 йил 1 январдан;

пиво ва пиво маҳсулотлари — 2021 йил 1 апрелдан;

металл, шу жумладан, алюмин идишдаги алкоголь маҳсулотлари — 2021 йил 1 декабрдан.

в) алкоголь маҳсулотларини агрегациялашни таъминлайди:

спиртли ичимликлар — 2021 йил 1 декабрдан;

вино ва виночилик маҳсулотлари — 2021 йил 1 декабрдан;

пиво ва пиво маҳсулотлари — 2022 йил 1 мартдан;

металл, шу жумладан, алюмин идишдаги алкоголь маҳсулотлари — 2022 йил 1 ноябрдан.

г) алкоголь маҳсулотлари айланмаси бўйича барча ҳаракатлар тўғрисидаги маълумотларни маркировкалаш ахборот тизимига киритади:

спиртли ичимликлар — 2022 йил 1 январдан;

вино ва виночилик маҳсулотлари — 2022 йил 1 январдан;

пиво ва пиво маҳсулотлари — 2022 йил 1 апрелдан;

металл, шу жумладан, алюмин идишдаги алкоголь маҳсулотлари — 2022 йил 1 декабрдан.

д) маркировкаланмаган алкоголь маҳсулотлари қолдиқларининг сотилишини (улгуржи савдога сотилишини) ва (ёки) уларнинг учинчи шахсларга сотилиши билан боғлиқ бўлмаган сабаблар бўйича кўрсатилган қолдиқларнинг айланмадан чиқарилишини таъминлайди:

спиртли ичимликлар — 2021 йил 1 июлгача;

вино ва виночилик маҳсулотлари — 2021 йил 1 июлгача;

пиво ва пиво маҳсулотлари — 2021 йил 1 октябргача;

металл, шу жумладан, алюмин идишдаги алкоголь маҳсулотлари — 2022 йил 1 июнгача.

5. Рақамли идентификация воситаларини шакллантириш ва уларнинг алкоголь маҳсулотлари истеъмол қадоғига ва гуруҳланган қадоғига туширилиши учун зарур бўлган маркировкалаш кодларини берганлик учун тўловлар 2021 йил 1 апрелдан бошлаб операторга тўлаб борилади.

6. Алкоголь маҳсулотларини бевосита ишлаб чиқарувчилардан ва импорт қилувчилардан сотиб оладиган алкоголь маҳсулотларининг улгуржи савдоси ташкилотлари:

а) алкоголь маҳсулотларини бевосита ишлаб чиқарувчилар ва импорт қилувчилардан сотиб олиш билан боғлиқ фаолиятни амалга оширувчи улгуржи савдо ташкилотлари 2021 йил 1 февралгача ёки 2021 йил 1 февралдан кейин мазкур фаолиятни амалга оширилиши зарурати пайдо бўлган кундан бошлаб 7 календарь куни давомида маркировкалаш ахборот тизимидан рўйхатдан ўтади;

б) маркировкаланмаган алкоголь маҳсулотларининг қолдиқлари сотилишини (чакана савдога сотилишини) ва (ёки) уларнинг учинчи шахсларга сотилиши билан боғлиқ бўлмаган сабаблар туфайли ушбу қолдиқлар муомаладан чиқарилишини таъминлайди:

спиртли ичимликлар — 2021 йил 1 октябргача;

вино ва виночилик маҳсулотлари — 2021 йил 1 октябргача;

пиво ва пиво маҳсулотлари — 2022 йил 1 январгача;

металл, шу жумладан, алюмин идишдаги алкоголь маҳсулотлари — 2022 йил 1 сентябргача.

в) алкоголь маҳсулотларини ишлаб чиқарувчилардан ва импорт қилувчилардан сотиб олишга доир барча ҳаракатлар тўғрисидаги маълумотларни маркировкалаш ахборот тизимига киритади:

спиртли ичимликлар — 2021 йил 1 декабрдан;

вино ва виночилик маҳсулотлари — 2021 йил 1 декабрдан;

пиво ва пиво маҳсулотлари — 2022 йил 1 мартдан;

металл, шу жумладан, алюмин идишдаги алкоголь маҳсулотлари — 2022 йил 1 ноябрдан.

г) алкоголь маҳсулотлари айланмаси бўйича барча ҳаракатлар тўғрисидаги маълумотларни маркировкалаш ахборот тизимига киритади:

спиртли ичимликлар — 2022 йил 1 январдан;

вино ва виночилик маҳсулотлари — 2022 йил 1 январдан;

пиво ва пиво маҳсулотлари — 2022 йил 1 апрелдан;

металл, шу жумладан, алюмин идишдаги алкоголь маҳсулотлари — 2022 йил 1 декабрдан.

7. Алкоголь маҳсулотларининг чакана савдосини амалга оширувчи алкоголь маҳсулотлари айланмаси иштирокчилари (чакана савдо ва умумий овқатланиш корхоналари).

8. 2021 йил 1 январга қадар оператор тақдим этган маркировкалаш кодларидан алкоголь маҳсулотлари айланмаси иштирокчилари томонидан қайта ўзгартирилган рақамли идентификация воситалари билан маркировкаланган алкоголь маҳсулотлари алкоголь маҳсулотлари айланмаси иштирокчиларидан 2021 йил 1 январь ҳолати бўйича рақамли идентификация воситаларини шундай алкоголь маҳсулотларига тушириш тўғрисида олинган маълумотлар маркировкалаш ахборот тизимида оператор томонидан акс эттирилиши шарти билан тегишли равишда маркировкаланган деб тан олинади.

9. Ўзбекистон Республикаси ҳудудида алкоголь маҳсулотларини (пиво маҳсулотлари ҳамда металл, шу жумладан, алюмин идишдаги алкоголь маҳсулотларидан ташқари) рақамли идентификациялаш воситалари туширимасдан ҳамда алкоголь маҳсулотларининг кўрсатилган турларини рақамли идентификациялаш воситалари билан маркировкалаш тўғрисидаги маълумотларни маркировкалаш ахборот тизимига юбормасдан 2021 йил 1 январдан бошлаб ишлаб чиқариш тақиқланади.

2021 йил 1 январдан кейин ишлаб чиқарилган (олиб кирилган) алкоголь маҳсулотларининг кўрсатилган турларини чакана сотилиши фақат уларнинг чакана сотилиши тўғрисидаги маълумотлар маркировкалаш ахборот тизимига киритилганда йўл қўйилади.

2021 йил 1 январгача ишлаб чиқарилган (олиб кирилган) алкоголь маҳсулотларининг кўрсатилган турларининг чакана савдосига 2022 йил 1 январгача йўл қўйилади.

10. Ўзбекистон Республикаси ҳудудида пиво маҳсулотларини рақамли идентификациялаш воситалари туширмасдан ҳамда алкоголь маҳсулотларининг кўрсатилган турларини рақамли идентификациялаш воситалари билан маркировкалаш тўғрисидаги маълумотларни маркировкалаш ахборот тизимига юбормасдан 2021 йил 1 апрелдан бошлаб ишлаб чиқариш тақиқланади.

2021 йил 1 апрелдан бошлаб ишлаб чиқарилган (олиб кирилган) алкоголь маҳсулотларининг кўрсатилган турларининг чакана сотилишига фақат уларнинг чакана сотилиши тўғрисида маълумотлар маркировкалаш ахборот тизимига киритилганда йўл қўйилади.

2021 йил 1 апрелгача ишлаб чиқарилган (олиб кирилган) алкоголь маҳсулотларнинг кўрсатилган турларининг чакана савдосига 2022 йил 1 апрелгача йўл қўйилади.

11. Ўзбекистон Республикаси ҳудудида металл, шу жумладан, алюмин идишдаги алкоголь маҳсулотларини рақамли идентификациялаш воситалари туширимасдан ҳамда алкоголь маҳсулотларининг кўрсатилган турларини рақамли идентификациялаш воситалари билан маркировкалаш тўғрисидаги маълумотларни маркировкалаш ахборот тизимига юбормасдан 2021 йил 1 декабрдан бошлаб ишлаб чиқариш тақиқланади.

2021 йил 1 декабрдан бошлаб ишлаб чиқарилган (олиб кирилган) алкоголь маҳсулотларининг кўрсатилган турларининг чакана сотилишига фақат уларнинг чакана сотилиши тўғрисида маълумотлар маркировкалаш ахборот тизимига киритилганда йўл қўйилади.

2021 йил 1 декабргача ишлаб чиқарилган (олиб кирилган) алкоголь маҳсулотларнинг кўрсатилган турларининг чакана савдосига 2022 йил 1 декабргача йўл қўйилади.

2-боб. Алкоголь маҳсулотларини рақамли идентификациялаш воситаларининг хусусиятлари, шу жумладан, маркировкалаш кодларининг тузилмаси ва формати

12. Алкоголь маҳсулотларининг истеъмол қадоғини рақамли идентификациялаш воситаси 3 гуруҳдаги маълумотларни ташкил этувчи маркировкалаш кодини ўз ичига олади. Ушбу маълумотларнинг биринчи ва иккинчи гуруҳи алкоголь маҳсулотларининг гуруҳланган қадоғи кодини, учинчи гуруҳ эса текшириш кодини ташкил этади. Бунда:

биринчи гуруҳ 14 та рақамдан иборат бўлиб, товар кодини ўз ичига олади, бундан олдин қўллаш идентификатори (01) келади, алкоголь маҳсулотлари айланмаси иштирокчилари томонидан киритилган маълумотлар асосида ушбу код оператор томонидан шакллантирилади;

иккинчи гуруҳ 7 та белгидан (рақамлар, лотин алифбосининг кичик ва катта ҳарфлари, ҳамда махсус белгилардан) иборат бўлади ва алкоголь маҳсулотининг гуруҳланган қадоғида индивидуал серия рақамини билдиради, бундан олдин қўллаш идентификатори (21) келади ва у оператор ёки алкоголь маҳсулотлари айланмаси иштирокчилари томонидан шакллантирилади (ASCII белгилар жадвалида 29 кодига эга бўлган белги маълумотларни ушбу гуруҳи учун якунловчи белги ҳисобланади);

учинчи гуруҳ 4 та белгидан (рақамлар, лотин алифбосининг кичик ва катта ҳарфларидан ҳамда махсус белгилардан) ташкил топади ва текшириш кодини ўз ичига олади, ундан олдин қўллаш идентификатори (93) келади ва у оператор томонидан шакллантирилади.

Алкоголь маҳсулотининг гуруҳланган қадоғини рақамли идентификациялаш воситаси икки ўлчамли штрих код кўринишида DataMatrix форматида туширилади.

13. Алкоголь маҳсулотларининг гуруҳланган қадоғини рақамли идентификациялаш воситаси 3 гуруҳдаги маълумотларни ташкил этувчи маркировкалаш кодини ўз ичига олади. Ушбу маълумотларнинг биринчи ва иккинчи гуруҳи алкоголь маҳсулотларининг истеъмол қадоғи кодини, учинчи гуруҳ эса текшириш кодини ташкил этади. Бунда:

биринчи гуруҳ 14 та рақамдан иборат бўлиб, товар кодини ўз ичига олади, бундан олдин қўллаш идентификатори (01) келади, алкоголь маҳсулотлари айланмаси иштирокчилари томонидан киритилган маълумотлар асосида ушбу код оператор томонидан шакллантирилади;

иккинчи гуруҳ 13 та белгидан (рақамлар, лотин алифбосининг кичик ва катта ҳарфлари, ҳамда махсус белгилардан) иборат бўлади ва алкоголь маҳсулотининг гуруҳланган қадоғида индивидуал серия рақамини билдиради, бундан олдин қўллаш идентификатори (21) келади ва у оператор ёки алкоголь маҳсулотлари айланмаси иштирокчилари томонидан шакллантирилади (ASCII белгилар жадвалида 29 кодига эга бўлган белги маълумотларни ушбу гуруҳи учун якунловчи белги ҳисобланади);

учинчи гуруҳ 4 та белгидан (рақамлар, лотин алифбосининг кичик ва катта ҳарфларидан ҳамда махсус белгилардан) ташкил топади ва текшириш кодини ўз ичига олади, ундан олдин қўллаш идентификатори (93) келади ва у оператор томонидан шакллантирилади.

Алкоголь маҳсулотининг гуруҳланган қадоғини рақамли идентификациялаш воситаси икки ўлчамли штрих код кўринишида DataMatrix форматида туширилади.

14. Рақамли идентификациялаш воситаси истеъмол қадоғи ва (ёки) гуруҳланган қадоққа ва (ёки) стикерга рақамли идентификациялаш воситасининг қадоқдан кўчириб олинишига йўл қўймайдиган усулда туширилади.

Истеъмол қадоғига рақамли идентификациялаш воситаси ёрлиқ (контрёрлиқ) ва (ёки) стикерда 7х7 миллиметрдан (гуруҳланган қадоғига — 10х10 миллиметрдан) кам бўлмаган ўлчамда махсус ажратилган контраст майдонга туширилади.

Гуруҳланган ва транспорт қадоғига рақамли идентификациялаш воситаси қадоқнинг олд ёки ён томонига туширилади ва агрегациялаш таомилларини амалга оширишга қулай ўлчамда бўлишини таъминлаш керак.

Истеъмол қадоғи ва гуруҳланган қадоққа 0,35 миллиметрдан кам бўлмаган ўлчамда, транспорт қадоғига эса 2 миллиметрдан кам бўлмаган ўлчамдаги махсус модул қўлланилади.

Истеъмол қадоғини (пиво маҳсулотларидан ташқари) стикер ёрдамида маркировкалашга фақат декор ёки бошқа усуллар билан безатилган ва ёрлиғи (этикетка, контрэтикетка) бўлмаган истеъмол қадоқ учун рухсат этилади.

Импорт қилинадиган маҳсулотларга нисбатан рақамли идентификациялаш воситаси давлат тилида маркировкалаш учун мўлжалланган стикерга туширилиш керак.

Истеъмол қадоғига ёпиштирилган Ўзбекистон Республикасининг амалдаги қонунчилик ҳужжатларида белгиланган акциз маркаси устига стикер орқали тушириладиган рақамли идентификациялаш воситасини тушириш ёки ёпиштириш тақиқланади.

15. Истеъмол қадоғи ва гуруҳланган қадоққа ва (ёки) ёрлиққа ва (ёки) стикерга тушириладиган рақамли идентификациялаш воситаси шаффоф ўраш плёнкаси ёки бирон-бир бошқа ташқи ўраш материали устига чоп этилмаслиги ва рақамли идентификациялаш воситасининг ўқилишига тўсқинлик қилувчи бошқа маълумот билан тўсиб қўйилмаслиги керак.

16. Истеъмол қадоғи ва гуруҳланган қадоққа ва (ёки) ёрлиққа тушириладиган рақамли идентификациялаш воситаси шаффоф ўраш плёнкаси ёки бирон-бир бошқа ташқи ўраш материали устига чоп этилмаслиги ва рақамли идентификациялаш воситасининг ўқилишига тўсқинлик қилувчи бошқа маълумот билан тўсиб қўйилмаслиги керак.

17. Алкоголь маҳсулотларига ёрлиқлар (контрёрлиқлар) ва (ёки) стикерлар туширилишига қуйидаги талаблар қўйилади:

алкоголь маҳсулотларининг қадоғига ёрлиқлар (контрёрлиқлар) ва (ёки) стикерни тушириш учун ёрлиққа ва (ёки) стикерга туширилган рақамли идентификациялаш воситасининг ёрлиқ ва (ёки) стикер туширилган пайтдан бошлаб алкоголь маҳсулоти истеъмолчига сотилгунича ўқилишини таъминловчи технология қўлланилиши керак;

ёрлиқ (контрёрлиқ) ва (ёки) стикер алкоголь маҳсулотининг бевосита қадоғига ёпиштириш йўли билан туширилади;

ёрлиқ (контрёрлиқ) ва (ёки) стикер устига ёрлиқ юзасини ёпиб қўядиган ва (ёки) рақамли идентификациялаш воситасининг ўқилишини қийинлаштирадиган бирон-бир элементлар туширилишига йўл қўйилмайди;

рақамли идентификациялаш воситасининг ўлчами ва жойлашуви маркировкалаш кодларини, шу жумладан, ISO/IEC 15415 «Ахборот технологиялар. Автоматик идентификациялаш ва маълумотларни йиғиш технологиялари. Чоп этиш сифатини баҳолаш учун штрих коди рамзларини тест спецификацияси. Икки ўлчамли рамзлар» (ISO/IEC 15415:2011 «Information technology — Automatic identification and data capture techniques — Bar code print quality test specification — Two-dimensional symbols») стандартига мувофиқ маълумотларнинг йиғиш терминаллари, махсус (мобил) иловалар ва лазер сканерлари орқали тўғри ўқилишини ва аниқланишини таъминлаши керак.

18. Маркировкалаш кодларини рақамли идентификациялаш воситаларига ўзгартириш ва уларни истеъмол қадоғига ва (ёки) гуруҳланган қадоққа, ва (ёки) ёрлиққа, ва (ёки) стикерга тушириш алкоголь маҳсулотларини ишлаб чиқарувчи ва импорт қилувчи ва (ёки) сервис-провайдер томонидан амалга оширилади.

Рақамли идентификация воситаларини қўлловчи (чоп этувчи) юридик шахслар ва якка тартибдаги тадбиркорлар операторга қуйидаги маълумотларни ўз ичига олган рақамли идентификация воситаларини қўллаш (чоп этиш) сифати тўғрисида ҳисобот тақдим этадилар, унда «Ахборот технологиялари. Автоматик идентификация қилиш ва маълумотларни тўплаш технологиялари. Чоп этиш сифатини баҳолаш учун штрих-код белгилар тестларининг спецификацияси. Икки ўлчовли белгилар» («Information technology — Automatic identification and data capture techniques — Bar code print quality test specification — Two-dimensional symbols» стандартига мувофиқ рақамли идентификация воситаларини қўллаш (чоп этиш) сифати тўғрисидаги маълумотлар мавжуд.

Рақамли идентификация воситаларини қўллаш (чоп этиш) сифати C ёки ундан юқори синфга мос келиши керак. Рақамли идентификация воситаларини қўллаш (босиб чиқариш) сифати дастурий - аппарат комплекслари (техник кўриш воситалари) ёрдамида баҳоланиши керак.

2026 йил 1 июлдан бошлаб алкоголь маҳсулотларини ишлаб чиқариш (қуйиш) ҳамда алкоголь маҳсулотларининг истеъмолчи ва (ёки) гуруҳли қадоқларига рақамли идентификация воситаларини қўллаш вақтида ишлаб чиқарувчи маркировка кодларини қўллаш (фойдаланиш) тўғрисида ҳисобот тузади ва операторга юборади. Ҳисоботда алкоголь маҳсулотларини маркировкалаш учун амалда қўлланадиган маркировка кодлари рўйхати, шунингдек, ушбу маҳсулот ишлаб чиқарилган (қуйилган) сана бўлиши керак.

Импорт қилувчи томонидан истеъмолчи ва (ёки) гуруҳли қадоқлаш учун рақамли идентификация воситалари қўлланилганда, маркировка кодларини қўллаш (фойдаланиш) тўғрисидаги ҳисобот маҳсулотларни эркин муомала (импорт) режимида божхона расмийлаштирувига тақдим этишдан кечиктирмасдан операторга юборилади.

19. Маркировкалаш кодларини рақамли идентификация воситаларига ўзгартириш ва уларни сервис-провайдер томонидан туширилиши учун қуйидагиларга эга бўлиши зарур:

а) электрон рақамли имзо;

б) алкоголь маҳсулотлари айланмаси иштирокчисининг топшириғи бўйича рақамли идентификация воситасини ўзгартириш ва уни тушириш учун етарли бўлган, аммо алкоголь маҳсулотлари айланмаси иштирокчисининг қадоқлар, ёрлиқлар ва стикерлар ишлаб чиқариш учун мунтазам жойлаштириладиган буюртмаларидан паст бўлмаган унумдорлик билан ишлайдиган комплекс полиграфия асбоб-ускунаси;

в) қуйидагиларни таъминловчи дистрибуция, матбаа ва валидация дастурий-аппарат комплекси:

алкоголь маҳсулотлари айланмаси иштирокчиларининг маркировкалаш кодларини ҳимояланган ҳолда сақлаш;

алкоголь маҳсулотлари айланмаси иштирокчисидан сервис-провайдерга маркировкалаш кодларини етказиб берувчи алоқа каналини ҳимоя қилиш;

алкоголь маҳсулотлари айланмаси иштирокчисидан сервис-провайдерга маркировкалаш кодининг етказиб бериш;

маркировкалаш кодларини рақамли идентификациялаш воситаларига ўзгартириш (нашрни бошқариш);

рақамли идентификациялаш воситаларининг туширилиш сифатини аппаратли валидациялаш (техник кўриш воситаларини қўллаган ҳолда);

рақамли идентификациялаш воситаларини валидациялаш модули ёрдамида маркировкалаш кодларини рақамли идентификациялаш воситаларига ўзгартириш тўғрисида ҳисоботларни шакллантириш ва уларни маркировкалаш ахборот тизимига киритиш;

маркировкалаш қоидаларига риоя этиш (тушириш сифатини валидациялашдан сўнг ва маркировкалаш кодидан фойдаланиш тўғрисидаги ҳисобот шакллантирилган кейин текшириш кодини ўчириб ташлаш);

алоҳида тезкор сақлаш имконини берадиган ҳимояланган сақлагичдан алкоголь маҳсулотларини айланмаси иштирокчиларининг маркировкалаш кодларини (ишлаб чиқариш жараёнида маркировкалаш кодларини рақамли идентификация воситаларига ўзгартириш) ва маркировкалаш кодлари ҳамда алкоголь маҳсулотлари айланмаси турли иштирокчиларининг идентификациялаш воситалари туширилиши ва валидацияси тўғрисидаги ҳисоботларини танлаш;

маркировкалаш кодларининг туширилиши ва валидациялашдан кейин уларни такроран тушириш имконияти йўқлигининг кафолати;

носоз рақамли идентификация воситаларини олиб қўйиш, ҳисобдан чиқариш ҳисоботини шакллантириш;

электрон ҳисоб-фактуралардан фойдаланиш имконияти;

сотиб олиш жараёнлари ва назорат-касса техникасининг ишлаши билан мувофиқлиги;

омбор операцияларини бажариш (кўп даражали маҳсулотни қадоқлаш, жўнатиш, намуна олиш, қайта қадоқлаш, ҳисобот бериш).

20. Дистрибуция, матбаа ва валидациянинг дастурий-аппарат комплекси ривожланиши сервис-провайдер томонидан ишлаб чиқарилади.

Рақамли маркировкалаш тизимига дистрибуция, матбаа ва валидация дастурий-аппарат комплексини улаш учун сервис провайдерлар оператор билан шартнома тузадилар.

21. Сервис-провайдер идентификациялаш воситаларининг туширилишида рақамли идентификациялаш воситаларини нашр қилиш сифати стандартларига риоя қилишга мажбурдир.

22. Сервис-провайдер томонидан маркировкалаш кодининг рақамли идентификациялаш воситасига ўзгартирилиши ва қадоққа ёки ёрлиққа, ёки стикерга туширилишидан кейин алкоголь маҳсулотлари айланмаси иштирокчисига рақамли идентификациялаш воситаси туширилган қадоқни ёки ёрлиқни, ёки стикерни бериб юборишдан аввал нашр қилиш сифати валидацияси амалга оширилади.

23. Валидациядан ўтгандан кейин дистрибуция, матбаа ва валидациянинг дастурий-аппарат комплекси рақамли идентификациялаш воситаларига ўзгартирилган маркировкалаш кодларининг муваффақиятли туширилиши тўғрисида ҳисоботни шакллантиради.

24. Сервис-провайдер Ўзбекистон Республикаси Вазирлар Маҳкамасининг 2017 йил 7 июлдаги 476-сон қарори билан тасдиқланган Озиқ-овқат маҳсулотларига тегиб турадиган қадоқларнинг хавфсизлиги тўғрисидаги умумий техник регламентнинг (UzTR.476-021:2017) санитар-гигиеник талабларини қониқтирувчи сертификатланган материаллардан фойдаланиши керак.

25. Рақамли идентификациялаш воситасини тушириш усули ишлаб чиқарувчи томонидан белгиланган сақлаш шароитлари ва транспортда ташиш қоидаларига риоя этилганда, озиқ-овқат маҳсулотларининг бутун яроқлилик муддати давомида рақамли идентификациялаш воситасининг сақланишини (барқарорлигини) таъминлаши керак.

26. Сервис-провайдер дистрибуция, матбаа ва валидациянинг дастурий-аппарат комплексини мазкур Низом талабларига асосан мустақил равишда ишлаб чиқиши ва ундан фойдаланиши шарт.

27. Сервис-провайдер айланма иштирокчиларидан олинган маркировкалаш кодларини учинчи томонга тақдим этиши мумкин эмас.

3-боб. Алкоголь маҳсулотларни агрегациялаш тартиби

28. Ишлаб чиқарувчилар ва импорт қилувчилар 2021 йил 1 декабрдан бошлаб алкоголь маҳсулотларини агрегациялашни амалга оширади (алоҳида қадоқни гуруҳланган қадоққа ва гуруҳланган қадоқни транспорт қадоғига) ва уни алкоголь маҳсулотининг агрегациялангани тўғрисидаги маълумотни алкоголь маҳсулоти айланмасининг кейинги иштирокчисига узатишдан (сотишдан) аввал маркировкалаш ахборот тизимига киритади.

Агрегациялаш тадбирини амалга ошириш мақсадида маҳсулот айланмасининг иштирокчиси қуйидаги маълумотларни маркировкалаш ахборот тизимига юборади:

агрегациялашни амалга оширувчи маҳсулот айланмаси иштирокчисининг СТИРи;

ишлаб чиқариш линиясининг идентификатори;

ишлаб чиқариш буюртмаси идентификатори;

агрегациялашга режалаштирилган қадоқлар сони;

ҳақиқатда агрегацияланган қадоқлар сони;

яратиладиган гуруҳланган ёки транспорт қадоғининг идентификация коди;

яратиладиган гуруҳланган ёки транспорт қадоғига киритилган агрегирланган қадоқларнинг маркировкалаш кодлари рўйхати;

Транспорт қадоғининг идентификация коди агрегациялаш тадбирини амалга оширувчи маҳсулот айланмасининг иштирокчиси томонидан яратилади (генерация қилинади) ҳамда «ISO/IEC 15459-1:2006 «Information technology-Unique identifiers-Part 1: Unique identifiers for transport units» стандарти талабларига мувофиқ қадоқнинг устида қўлланилади.

Оператор қуйидаги ҳолатлар мавжуд бўлган тақдирда, маҳсулот айланмасининг иштирокчисига агрегациялаш маълумотларини қабул қилишни ҳамда транспорт қадоғининг маълумотларини рўйхатдан ўтказишни рад этади:

маҳсулот айланмасининг иштирокчиси битта ёки бир нечта агрегацияланадиган қадоқларнинг маркировкалаш кодларининг эгаси эмас;

агрегацияланадиган қадоқларнинг маркировкалаш кодлари рўйхати ноёб бўлмаган (такрорланган) белгилардан ташкил қилинган;

агрегацияланадиган қадоқларнинг маркировкалаш кодлари рўйхатида маркировкалаш ахборот тизимида рўйхатдан ўтмаган маркировкалаш кодлари мавжуд;

агрегацияланадиган қадоқларнинг маркировкалаш кодлари рўйхатида маркировкалаш ахборот тизимида маркировкалаш кодлари қўлланилганлиги ёки маркировкалаш кодлари учун тўловлар амалга оширилганлиги юзасидан маълумотлар мавжуд эмас;

агрегацияланадиган қадоқларнинг маркировкалаш кодлари рўйхатида айланмадан чиқарилган ҳолатида бўлган маркировкалаш кодлари мавжуд;

агрегацияланадиган қадоқларнинг маркировкалаш кодлари рўйхатида бошқа маҳсулот турлари учун буюртма қилинган маркировкалаш кодлари мавжуд;

яратиладиган гуруҳланган ёки транспорт қадоғининг идентификация коди қабул қилинган форматга мувофиқ эмас;

яратиладиган гуруҳланган ёки транспорт қадоғининг идентификация коди маркировкалаш ахборот тизимида аввал рўйхатдан ўтказилган;

Оператор қуйидаги ҳолатларда гуруҳланган ёки транспорт қадоғининг агрегациясини бузиш (бекор қилиш) тадбирини амалга оширади:

маркировкалаш ахборот тизимида гуруҳланган ёки транспорт қадоғига бириктирилган маркировкалаш кодлари қайта агрецияланган;

маркировкалаш ахборот тизимига гуруҳланган ёки транспорт қадоғига бириктирилган маркировкалаш кодларининг айланмага киритилиши, айланмада бўлиши ёки айланмадан чиқарилганлиги юзасидан маълумотлар тақдим этилган.

29. 1 (бир) ҳисобот даври (ойи) доирасида бутун ишлаб чиқарилган алкоголь маҳсулотлари бўйича истеъмол қадоғи ва гуруҳланган қадоқларни агрегациялашнинг ўртача самарадорлиги 99 фоиздан кам бўлиши мумкин эмас:

спиртли ичимликлар — 2022 йил 1 январдан;

вино ва виночилик маҳсулотлари — 2022 йил 1 январдан;

пиво ва пиво маҳсулотлари — 2022 йил 1 апрелдан;

металл, шу жумладан, алюмин идишдаги алкоголь маҳсулотлари — 2022 йил 1 декабрдан.

Бунда гуруҳланган қадоқ ичида агрегацияланадиган иккита истеъмол қадоғида ва транспорт қадоғи ичида иккита гуруҳланган қадоқда идентификациялаш коди тўғрисидаги маълумотларнинг мавжуд бўлмаслигига рухсат этилади.

Ушбу ҳолатда агрегациялашни амалга оширувчи алкоголь маҳсулотлари айланмасининг иштирокчиси агрегациялаш бошланган кундан 5 (беш) иш куни давомида истеъмол қадоқларини идентификациялаш кодлари ва (ёки) агрегациялашда маркировкалаш ахборот тизимига узатилмаган гуруҳланган қадоқларни идентификациялаш кодлари тўғрисидаги маълумотларни маркировкалаш ахборот тизимига киритади.

Вазирлар Маҳкамасининг 2020 йил 31 декабрдаги 833-сон қарорига 5-ИЛОВА

Ўзбекистон Республикаси Ҳукуматининг айрим қарорларига киритилаётган

1. Вазирлар Маҳкамасининг 2002 йил 26 ноябрдаги 407-сон қарори билан тасдиқланган Улгуржи ва чакана савдо фаолиятини амалга ошириш тартиби тўғрисидаги низомда :

10-бандга қуйидаги мазмундаги хатбоши қўшилсин:

«Товарлар идентификация воситалари билан мажбурий рақамли маркировкалаш тартибларига риоя этган ҳолда (идентификация воситаси билан мажбурий рақамли маркировкалаш талаб этиладиган маҳсулотлар учун) улгуржи сотилиши мумкин»;

20-банд қуйидаги таҳрирда баён қилинсин:

«20. Чакана савдони амалга оширувчи юридик шахслар товарларнинг сотиб олинганлигини тасдиқловчи ҳужжатларга, қонун ҳужжатларида белгиланган ҳолда сотиш жойларида сотилаётган товарларнинг мувофиқлик сертификатларига эга бўлишлари ҳамда идентификация воситалари билан мажбурий рақамли маркировкалаш тартибларига (идентификация воситаси билан мажбурий рақамли маркировкалаш талаб этиладиган маҳсулотлар учун) риоя этиши шарт. Сотиладиган товарлар витриналарга қўйилган бўлиши ва келиб чиққан мамлакати, ишлаб чиқарувчиси ва нархи кўрсатилган нархномаларга эга бўлиши керак. Яроқлилик муддатига эга бўлган товарларни сотиш чоғида нархномаларда яроқлилик муддати ҳам кўрсатилган бўлиши керак»;

32-банд қуйидаги таҳрирда баён қилинсин:

«32. Чакана савдони амалга оширувчи якка тартибдаги тадбиркорлар товарларнинг сотиб олинганлигини тасдиқловчи ҳужжатларга, қонун ҳужжатларида белгиланган ҳолларда сотиш жойларида сотилаётган товарларнинг мувофиқлик сертификатларига эга бўлишлари ҳамда идентификация воситалари билан мажбурий рақамли маркировкалаш тартибларига (идентификация воситаси билан мажбурий рақамли маркировкалаш талаб этиладиган маҳсулотлар учун) риоя этиши шарт. Сотиладиган товарлар витриналарга қўйилган бўлиши ва келиб чиққан мамлакати, ишлаб чиқарувчиси ва нархи кўрсатилган нархномаларга эга бўлиши керак. Яроқлилик муддатига эга бўлган товарларни сотиш чоғида нархномаларда яроқлилик муддати ҳам кўрсатилган бўлиши керак»;

40-банд қуйидаги таҳрирда баён қилинсин:

«40. Савдо комплексларида якка тартибдаги тадбиркорлар томонидан товарларни чакана сотиш фискал хотирага эга бўлган назорат-касса машиналарини ва тўловларни пластик карточкалардан қабул қилиш бўйича тўлов терминалларини мажбурий қўллаган ҳамда идентификация воситалари билан мажбурий рақамли маркировкалаш тартибларига (идентификация воситаси билан мажбурий рақамли маркировкалаш талаб этиладиган маҳсулотлар учун) риоя этган ҳолда амалга оширилади».

2. Вазирлар Маҳкамасининг «Ўзбекистон Республикасида чакана савдо қоидаларини ҳамда Ўзбекистон Республикасида умумий овқатланиш маҳсулотларини (хизматларини) ишлаб чиқариш ва сотиш қоидаларини тасдиқлаш тўғрисида» 2003 йил 13 февралдаги 75-сон қарорида :

а) 1-иловада :

37-бандда :

қуйидаги таҳрирдаги саккизинчи хатбоши қўшилсин:

«идентификация воситаси билан мажбурий рақамли маркировкалаш (идентификация қилиш орқали мажбурий рақамли маркировкалаш талаб этиладиган маҳсулотлар учун);»

саккизинчи ва тўққизинчи хатбошилари тегишлича тўққизинчи ва ўнинчи хатбошилари деб ҳисоблансин;

58-банд қуйидаги таҳрирда баён қилинсин:

«58. Сифатига кўра техник регламентлар ёки стандартларнинг мажбурий талабларига мувофиқ бўлган, белгиланган намунадаги акциз маркалари билан маркаланган (пиводан ташқари), шунингдек, идентификация воситаси билан мажбурий рақамли маркировкаланган алкоголь ва тамаки маҳсулотлари сотилиши керак»;

60-бандда:

ўн саккизинчи хатбошидаги «тақиқланади» сўзи чиқариб ташлансин;

қуйидаги мазмундаги хатбоши қўшилсин:

«идентификация воситаси билан мажбурий рақамли маркировкаланмаган (идентификация воситаси билан мажбурий рақамли маркировкалаш талаб этиладиган маҳсулотлар учун) товарларни сотиш тақиқланади»;

189-бандда :

қуйидаги таҳрирдаги йигирманчи хатбоши қўшилсин*:

«идентификация воситаси билан мажбурий рақамли маркировкаланмаган товарларни сотиш (идентификация воситаси билан мажбурий рақамли маркировкалаш талаб этиладиган маҳсулотлар учун)»;

йигирманчи — йигирма тўртинчи хатбошилар тегишлича йигирма биринчи — йигирма бешинчи хатбошилар деб ҳисоблансин;

б) 2-иловада :

20 1 -банднинг бешинчи хатбоши қуйидаги таҳрирда баён қилинсин:

«алкоголли маҳсулот идишида алкоголли маҳсулотларни истеъмол қилиш инсон соғлиғига салбий таъсир кўрсатиши тўғрисидаги матн ва (ёки) расм шаклидаги тиббий огоҳлантириш мавжуд бўлмаганда, шунингдек, идентификация воситаси билан мажбурий рақамли маркировкаланмаганда»;

25-бандда :

қуйидаги мазмундаги ўн бешинчи хатбоши қўшилсин:

«идентификация воситаси билан мажбурий рақамли маркировкаланмаган товарларни сотиш (идентификация воситаси билан мажбурий рақамли маркировкалаш талаб этиладиган маҳсулотлар учун)»;

ўн бешинчи ва ўн олтинчи хатбошилар тегишлича ўн олтинчи ва ўн еттинчи хатбошилар деб ҳисоблансин.

4. Вазирлар Маҳкамасининг «Ўзбекистон Республикасига истеъмол товарлари олиб киришни такомиллаштиришга доир қўшимча чора-тадбирлар тўғрисида» 2013 йил 13 майдаги 127-сон қарорининг 5-бандида :

қуйидаги мазмундаги ўнинчи хатбоши қўшилсин:

«Ўзбекистон Республикаси Вазирлар Маҳкамасининг «Айрим турдаги маҳсулотларни мажбурий рақамли маркировкалаш тизимини жорий этиш тўғрисида» 2020 йил 20 ноябрдаги 737-сон қарорида назарда тутилган рақамли маркировка қилиниши лозим бўлган маҳсулотлар учун рақамли идентификациялаш воситаси (DataMatrix коди)»;

ўнинчи — ўн иккинчи хатбошилар тегишлича ўн биринчи — ўн учинчи хатбошилар деб ҳисоблансин.

8. Вазирлар Маҳкамасининг 2020 йил 14 августдаги 489-сон қарори билан тасдиқланган Ҳисобварақ-фактураларнинг шакллари ҳамда уларни тўлдириш, тақдим этиш ва қабул қилиш тартиби тўғрисидаги низомда :

15-банди ўн иккинчи хатбошида «Маркировкаланадиган» сўзи «Идентификация воситалари билан мажбурий рақамли маркировкаланадиган» сўзларига алмаштирилсин;

17-банди ўн бешинчи хатбошида «Маркировкаланадиган» сўзи «Идентификация воситалари билан мажбурий рақамли маркировкаланадиган» сўзларига алмаштирилсин.

Вазирлар Маҳкамасининг 2020 йил 31 декабрдаги 833-сон қарорига 6-ИЛОВА

Ўзбекистон Республикаси Ҳукуматининг ўз кучини йўқотган деб эътироф этилаётган айрим қарорлари

1. Вазирлар Маҳкамасининг «Ўзбекистон Республикаси Ҳукуматининг айрим қарорларига ўзгартиришлар киритиш, шунингдек баъзиларини ўз кучини йўқотган деб ҳисоблаш тўғрисида» 2008 йил 7 майдаги 90-сон қарорига 1-илованинг 16-банди .

2. Вазирлар Маҳкамасининг «Истеъмол товарларининг айрим гуруҳларини Ўзбекистон Республикасига четдан келтиришни такомиллаштириш чора-тадбирларини амалга ошириш тўғрисида» 2011 йил 12 декабрдаги 324-сон қарори .

3. Вазирлар Маҳкамасининг «Ўзбекистон Республикаси Ҳукуматининг айрим қарорларига ўзгартиришлар киритиш тўғрисида» 2012 йил 14 сентябрдаги 271-сон қарорига илованинг 13 ва 22-бандлари .

4. Вазирлар Маҳкамасининг «Вазирлар Маҳкамасининг «Истеъмол товарларининг айрим гуруҳларини Ўзбекистон Республикасига четдан келтиришни такомиллаштириш чора-тадбирларини амалга ошириш тўғрисида» 2011 йил 12 декабрдаги 324-сон қарорига қўшимча ва ўзгартириш киритиш ҳақида» 2013 йил 19 февралдаги 47-сон қарори .

5. Вазирлар Маҳкамасининг «Ўзбекистон Республикаси Вазирлар Маҳкамасининг «Ўзбекистон Республикасининг божхона чегараси орқали олиб ўтилаётганда кўздан кечириш мажбурий бўлган товарлар рўйхатини тасдиқлаш тўғрисида» 2006 йил 4 майдаги 75-сон қарорига ўзгартириш ва қўшимчалар киритиш ҳақида» 2013 йил 4 мартдаги 62-сон қарори .

6. Вазирлар Маҳкамасининг «Ўзбекистон Республикаси Ҳукуматининг айрим қарорларига ўзгартириш ва қўшимчалар киритиш, шунингдек баъзиларини ўз кучини йўқотган деб ҳисоблаш тўғрисида» 2016 йил 20 июндаги 211-сон қарорига 1-илованинг 16 ва 18-бандлари .

7. Вазирлар Маҳкамасининг «Маҳсулотларни идентификация воситалари ёрдамида маркировкалаш ва келгусида кузатиш тартибини босқичма-босқич жорий этиш чора-тадбирлари тўғрисида» 2019 йил 23 ноябрдаги 944-сон қарори .

Ўзбекистон Республикасининг Бош вазири А. АРИПОВ

Тошкент ш.,

2020 йил 31 декабрь,

833-сон

(Қонун ҳужжатлари маълумотлари миллий базаси, 31.12.2020 й., 09/20/833/1704-сон; Қонунчилик маълумотлари миллий базаси, 21.05.2021 й., 09/21/322/0481-сон, 22.09.2021 й., 09/21/595/0900-сон, 02.11.2021 й., 09/21/665/1008-сон; 22.02.2022 й., 09/22/80/0154-сон; 02.04.2022 й., 09/22/148/0262-сон; 05.04.2022 й., 09/22/153/0266-сон; 12.06.2023 й., 06/23/90/0352-сон; 23.12.2024 й., 09/24/859/1047-сон; 26.05.2025 й., 07/25/190/0464-сон; 18.10.2025 й., 09/25/650/0946-сон; 07.11.2025 й., 09/25/700/1022-сон; 23.01.2026 й., 09/26/23/0070-сон)

lex.uz

Oʻzbekiston Respublikasi Vazirlar Mahkamasining

qarori

QOIDALARI

NIZOM

ROʻYXATI

ROʻYXATI

NIZOM

NIZOM

oʻzgartirish va qoʻshimchalar

ROʻYXATI

Ayrim turdagi mahsulotlarni majburiy raqamli markirovkalash tizimi bosqichma-bosqich joriy etilishini taʼminlash chora-tadbirlari toʻgʻrisida

Oʻzbekiston Respublikasi Prezidentining “ Soliq maʼmuriyatchiligini takomillashtirish boʻyicha qoʻshimcha chora-tadbirlar toʻgʻrisida ” 2019-yil 10-iyuldagi PQ-4389-son va “ Raqamli iqtisodiyot va elektron hukumatni keng joriy etish chora-tadbirlari toʻgʻrisida ” 2020-yil 28-apreldagi PQ-4699-son qarorlari ijrosini taʼminlash, shuningdek, mahsulotlarni identifikatsiya vositalari orqali markirovkalash va ularning aylanmasini kuzatib borish qoidalarini belgilash hamda ayrim turdagi mahsulotlarni majburiy raqamli markirovkalash tizimini bosqichma-bosqich joriy etish mexanizmlarini takomillashtirish maqsadida Vazirlar Mahkamasi qaror qiladi:

1. Vazirlar Mahkamasining “Ayrim turdagi mahsulotlarni majburiy raqamli markirovkalash tizimini joriy etish toʻgʻrisida” 2020-yil 20-noyabrdagi 737-son qaroriga muvofiq:

2021-2022-yillarda identifikatsiya vositalari bilan majburiy raqamli markirovkalash talabi joriy qilinadigan mahsulotlar roʻyxati (keyingi oʻrinlarda — Roʻyxat) tasdiqlanganligi;

“Asl belgisi” mahsulotlarni markirovkalash va kuzatib borish milliy axborot tizimi (keyingi oʻrinlarda — “Asl belgisi” MAT) joriy etilganligi;

markirovkalanmagan mahsulotlarni ishlab chiqarish va sotish ustidan jamoatchilik nazoratini oʻrnatish yuzasidan tegishli imkoniyatlar “Soliq hamkor” tizimi hamda “Soliq” mobil ilovalarida yaratilishi maʼlumot uchun qabul qilinsin.

2. Quyidagilar:

ayrim turdagi mahsulotlarni majburiy raqamli markirovkalash tizimi bosqichma-bosqich joriy etilishini taʼminlash maqsadida Oʻzbekiston Respublikasi Soliq qoʻmitasi va “CRPT TURON” masʼuliyati cheklangan jamiyat oʻrtasida toʻgʻridan-toʻgʻri muzokaralar asosida davlat-xususiy sheriklik bitimi tuzilganligi;

“CRPT TURON” masʼuliyati cheklangan jamiyat tomonidan 2021-yil 1-iyulga qadar “Asl belgisi” MATga tegishli intellektual faoliyat natijalariga doir mutlaq huquqlar Oʻzbekiston Respublikasi Adliya vazirligi huzuridagi Intellektual mulk agentligida belgilangan tartibda roʻyxatdan oʻtkazilishi taʼminlansin.

3. Oʻzbekiston Respublikasi Iqtisodiyot va moliya vazirligining majburiy markirovkalanadigan mahsulotlarni ishlab chiqaruvchilar va import qiluvchilarga markirovka kodlarini taqdim etish yuzasidan xizmatlar koʻrsatish uchun yagona toʻlov (tarif) miqdorini qoʻshilgan qiymat soligʻini hisobga olmasdan 1 kod uchun 68 soʻm miqdorida belgilash toʻgʻrisidagi taklifi maʼqullansin.

Bevosita mahsulotga qoʻllaniladigan markirovka kodidan tashqari barcha turdagi kodlar Raqamli markirovkalash va kuzatish milliy axborot tizimi operatori tomonidan bepul tarzda taqdim etiladi.

Bunda majburiy raqamli markirovkalanishi belgilangan mahsulotlarning xorijiy ishlab chiqaruvchilariga markirovkalash kodlarini taqdim etish boʻyicha xizmatlar haqini chet el valyutasida, Oʻzbekiston Respublikasi Markaziy bankining mazkur kodlar uchun toʻlovlar kelib tushgan kundagi kursi boʻyicha milliy valyutada tasdiqlangan tarif miqdorida toʻlash huquqi beriladi.

4. Quyidagilar:

Mahsulotlarni identifikatsiya vositalari orqali raqamli markirovkalash va ularning aylanmasini kuzatib borish qoidalari 1-ilovaga muvofiq;

“Asl belgisi” mahsulotlarni raqamli markirovkalash va kuzatib borish milliy axborot tizimiga texnik xizmat koʻrsatish va foydalanish tartibi toʻgʻrisidagi nizom 2-ilovaga muvofiq;

Tamaki mahsulotlarini identifikatsiya vositalari orqali raqamli markirovkalash xususiyatlari toʻgʻrisidagi nizom 3-ilovaga muvofiq;

Alkogol mahsulotlarini identifikatsiya vositalari orqali raqamli markirovkalash xususiyatlari toʻgʻrisidagi nizom 4-ilovaga muvofiq tasdiqlansin.

5. Oʻzbekiston Respublikasi Soliq qoʻmitasi Vazirlar Mahkamasi bilan kelishgan holda:

mahsulotlarni raqamli markirovkalash boʻyicha ixtiyoriy eksperimentlar amalga oshirilishini;

raqamli markirovka qilinishi lozim boʻlgan mahsulotlar roʻyxati kengaytirilishini va ularni joriy etish muddatlari belgilanishini taʼminlasin.

6. Oʻzbekiston Respublikasi Soliq qoʻmitasi:

savdo shoxobchalarini shtrix-kodlar va raqamli markirovka kodlarini toʻgʻri oʻqishni va aniqlashni taʼminlovchi maxsus qurilmalar (2D-skanerlar, maʼlumotlarni yigʻuvchi terminallar yoki boshqa turdagi maxsus qurilmalar) bilan taʼminlash yuzasidan barcha zarur choralarni koʻrsin;

maxsus qurilmalarni xarid qilgan tadbirkorlik subyektlarining belgilangan imtiyozlardan foydalanishi toʻgʻrisida keng targʻibot tadbirlarini amalga oshirib borsin;

ayrim turdagi mahsulotlarni majburiy raqamli markirovkalash boʻyicha talablarning bajarilishi, shuningdek, mazkur mahsulotlarning aylanmasi ishtirokchilari tomonidan mahsulotlarni identifikatsiya vositalari orqali raqamli markirovkalash va ularning aylanmasini kuzatib borish qoidalari talablariga rioya etilishi ustidan qatʼiy nazorat qilib borsin.

7. Oʻzbekiston Respublikasi Davlat soliq qoʻmitasi Moliya vazirligi hamda boshqa manfaatdor vazirliklar va idoralar bilan birgalikda:

2021-yil 30-dekabrga qadar dori vositalari va tibbiy buyumlarni;

2022-yil 1-martga qadar suv va salqin ichimliklarni;

2022-yil 1-mayga qadar maishiy texnikalarni markirovkalash va kuzatish tartiblarini tasdiqlash uchun Vazirlar Mahkamasiga kiritsin.

8. Oʻzbekiston Respublikasi Hukumatining 5-ilovaga muvofiq ayrim qarorlariga oʻzgartirish va qoʻshimchalar kiritilsin.

9. Oʻzbekiston Respublikasi Hukumatining 6-ilovaga muvofiq ayrim qarorlari oʻz kuchini yoʻqotgan deb hisoblansin.

10. Mazkur qarorning bajarilishini nazorat qilish Oʻzbekiston Respublikasi Bosh vazirining moliya-iqtisodiyot va kambagʻallikni qisqartirish masalalari boʻyicha oʻrinbosari — iqtisodiy taraqqiyot va kambagʻallikni qisqartirish vaziri J.A. Qoʻchqorov va Oʻzbekiston Respublikasi Davlat soliq qoʻmitasi raisi Sh.D. Kudbiyev zimmasiga yuklansin.

Vazirlar Mahkamasining 2020-yil 31-dekabrdagi 833-son qaroriga 1-ILOVA

Mahsulotlarni identifikatsiya vositalari orqali raqamli markirovkalash va ularning aylanmasini kuzatib borish

1-bob. Umumiy qoidalar

1. Ushbu Qoidalar mahsulotlarni raqamli identifikatsiyalash yoʻli bilan markirovkalash, shu jumladan, raqamli identifikatsiyalash vositalarini qoʻllash va shakllantirish, majburiy markirovka qilinishi lozim boʻlgan mahsulotlar aylanmasi ishtirokchilari tomonidan majburiy markirovka qilinishi kerak boʻlgan mahsulotlar aylanmasi haqidagi maʼlumotlarni markirovkalash axborot tizimiga kiritish maqsadida Raqamli markirovkalash va kuzatish milliy axborot tizimi operatoriga (keyingi oʻrinlarda — Operator) taqdim etish tartibini belgilaydi.

2. Mazkur Qoidalar quyidagilarga:

a) normativ-huquqiy hujjatlarda belgilangan talablarga muvofiqligini aniqlash va baholash maqsadida texnik tajribalar oʻtkazish uchun yetarli boʻlgan miqdordagi namunalarni saqlash va transportda tashishda;

b) namuna eksponat, reklama va marketing namunalari sifatida xalqaro koʻrgazmalar va yarmarkalarning tashkilotchilari va ishtirokchilari tomonidan Oʻzbekiston Respublikasi hududiga olib kiriluvchi va sotish (savdo) uchun moʻljallanmagan mahsulotlarga;

v) bojxona nazorati ostida turgan mahsulotlarga;

g) Oʻzbekiston Respublikasi qonunchiligiga muvofiq xorijiy muruvvat (gumanitar) va xalqaro texnik yordam hisoblangan mahsulotlarga;

d) “boj olinmaydigan savdo” (Duty free) bojxona rejimida realizatsiya qilinadigan mahsulotlarga;

e) sotishga tayyor boʻlmagan, shu jumladan, isteʼmol oʻramiga qadoqlanmagan mahsulotlarga, shu mahsulotlar ishlab chiqaruvchilar tomonidan saqlanishida;

j) muomaladan chiqarilgan, olib qoʻyilgan, musodara qilingan yoki boshqa usulda Oʻzbekiston Respublikasi daromadiga oʻtkazilgan mahsulotlarga va mahsulotlarni saqlashda va transportda tashishda, sotilishida (savdosida) Oʻzbekiston Respublikasining soliq va bojxona toʻgʻrisidagi qonunchilik hujjatlarida nazarda tutilgan majburiyatlar bajarilmaganligi hisobiga jarima solingan mahsulotlarga hamda yoʻq qilinishi kerak boʻlgan mahsulotlarga ularni saqlashda va transportda tashishda;

z) qonunchilik hujjatlarida belgilangan bojxona toʻlovlari undirilmaydigan tovarlarni respublikaga olib kirish normalari doirasida jismoniy shaxslar tomonidan Oʻzbekiston Respublikasi hududiga olib kirilgan mahsulotlarga;

i) diplomatik vakolatxonalar, konsullik muassasalari, xalqaro, davlatlararo va hukumatlararo tashkilotlar, ularning vakolatxonalari, ularning huzuridagi davlatlar vakolatxonalari tomonidan rasmiy foydalanish uchun moʻljallangan mahsulotlarga, ularni saqlashda, transportda tashishda va qoʻllashda;

k) Oʻzbekiston Respublikasi hududidan eksportga olib chiqib ketish va tranzit uchun moʻljallangan mahsulotlarga.

l) sinovdan oʻtkazish va tekshirish uchun moʻljallangan va sotish (savdo) uchun moʻljallanmagan mahsulotlarning namunalariga;

m) agar mahsulotlar aylanmasi ishtirokchisi xorijiy ishlab chiqaruvchi va yuridik yoki jismoniy shaxslar oʻrtasida homiylik bitimini bajarish maqsadlarida xorijiy ishlab chiqaruvchining topshirigʻi boʻyicha komissiya (agentlik) shartnomasi doirasida harakat qilayotgan holatda mahsulotlar aylanmasi ishtirokchilari tomonidan Oʻzbekiston Respublikasi hududiga olib kiriluvchi va sotish (savdo) uchun moʻljallanmagan mahsulotlarga tatbiq etilmaydi.

3. Raqamli identifikatsiyalash vositalari bosib tushirilmagan mahsulotlarni sotib olishda, saqlashda, aylanmaga kiritishga va raqamli identifikatsiyalash vositalari yordamida mahsulotlarni markirovkalash toʻgʻrisidagi maʼlumotlarni markirovkalash axborot tizimiga kiritishga hamda raqamli identifikatsiyalash vositalari yordamida markirovkalanmagan mahsulotlar aylanmasi va aylanmadan chiqarilishiga muvofiq mahsulot guruhi uchun raqamli identifikatsiyalash vositalari yordamida markirovkalash xususiyatlari bilan belgilangan sanagacha yoʻl qoʻyiladi.

Majburiy raqamli markirovkalash boshlanini belgilangan sanadan soʻng mahsulotlarni raqamli identifikatsiya vositalarini qoʻllamasdan muomalaga kiritish va markirovkalash axborot tizimiga maʼlumot yubormaslik, shuningdek, raqamli identifikatsiya vositalari bilan markirovkalanmagan mahsulotlarni sotib olish, saqlash, muomalaga kiritish va muomaladan chiqarish, shu jumladan, ushbu operatsiyalarni tegishli mahsulot guruhi uchun identifikatsiya vositalari orqali raqamli markirovkalash xususiyatlari bilan belgilangan meʼyorlarni yohud ushbu Qoidalarni buzgan holda amalga oshirish, majburiy raqamli markirovkalash qoidalarni buzish deb hisoblanadi va qonunchilikda belgilangan javobgarlikka tortish uchun asos boʻladi.

4. Mazkur Qoidalarda quyidagi asosiy tushunchalar qoʻllaniladi:

agregatsiyalash — yaratiluvchi guruhlangan qadoq va (yoki) transport qadogʻining identifikatsiyalash kodi bilan har bir joylashtirilgan isteʼmol qadogʻi, guruhlangan qadoq, transport qadogʻining identifikatsiyalash kodlarining oʻzaro bogʻliqligi toʻgʻrisidagi maʼlumotni saqlovchi yaratiluvchi guruhlangan qadoq va (yoki) transport qadogʻiga bosib tushirish bilan isteʼmol qadogʻini birinchi daraja guruhlangan qadogʻiga va (yoki) transport qadogʻiga hamda birinchi daraja transport qadoqlarining keyingi daraja transport qadogʻiga mahsulotlarni birlashtirish jarayoni;

agregatsiyalangan import kodi — operator tomonidan shakllantiriladigan va bojxona yuk deklaratsiyasida koʻrsatiladigan, oʻzi bilan har bir mahsulotning markirovka kodlarini birlashtiruvchi mahsulotlarning alohida jamlanmasi uchun belgilarning takrorlanmas ketma-ketligi;

mahsulotlarni aylanmaga kiritish — mahsulotni ishlab chiqarishda:

Oʻzbekiston Respublikasi hududida — ishlab chiqaruvchidan yangi mulkdorga yoki boshqa shaxsga bunday shaxsga uning tasarruf etishi maqsadida yoki uni tarqatish va (yoki) qoʻllash uchun erishimli qiluvchi keyingi sotilishi uchun mahsulotning birlamchi pulli yoki bepul uzatilishi;

Oʻzbekiston Respublikasi hududidan tashqarida ishlab chiqarilgan maishiy texnika mahsulotlari — import qiluvchi tomonidan Oʻzbekiston Respublikasida ichki isteʼmolga chiqarish (realizatsiya);

markirovkalash maqsadida mahsulotlarni aylanmaga kiritish quyidagicha eʼtirof etiladi:

mahsulotning kelajakda sotilishi (savdosi) bilan bogʻliq boʻlmagan maqsadlar uchun yuridik shaxslar va yakka tartibdagi tadbirkorlar tomonidan avval sotib olingan mahsulotning ularga pulli yoki bepul uzatilishi;

yuridik shaxs va yakka tartibdagi tadbirkorlar tomonidan mahsulotlarni pulli va (yoki) bepul berib yuborish, egasiz, muomaladan chiqarilgan, musodara qilingan, taqiq qoʻyilgan, sud va vakolatli organlarning qaroriga muvofiq davlat hisobiga oʻtkazilgan mulkni qonunchilikka muvofiq yangi mulkdorga sotish;

komissiya shartnomalari doirasida yakka tartibdagi tadbirkor hisoblanmaydigan jismoniy shaxslardan olingan mahsulotlarning komissioner tomonidan sotilishi (savdosi);

Oʻzbekiston Respublikasi hududida — ishlab chiqaruvchidan yangi mulkdorga yoki boshqa shaxsga bunday shaxsga uning tasarruf etish maqsadida yoki uni tarqatish va (yoki) qoʻllash uchun erishimli qiluvchi keyingi sotilishi uchun mahsulotning birlamchi pulli yoki bepul uzatilishi;

Oʻzbekiston Respublikasi hududidan tashqarida — Oʻzbekiston Respublikasiga olib kiriluvchi mahsulotning ichki isteʼmoli uchun bojxona organlari tomonidan chiqarilishi;

mahsulotning aylanmadan chiqarilishi — shaxsiy isteʼmol uchun jismoniy shaxsga markirovkalangan mahsulotning sotilishi (savdosi), mahsulotni muomaladan chiqarish (musodara qilish), utilizatsiya qilinishi, yoʻq qilinishi, yoʻqotilishi va avval Oʻzbekiston Respublikasi hududida aylanmada boʻlgan mahsulotning Oʻzbekiston Respublikasi hududidan tashqariga sotilishi, mahsulotni shaxsiy ehtiyojlar uchun qoʻllanilishi hamda mahsulotning kelajakda aylanishi toʻxtatilishini koʻzlagan boshqa harakatlar;

guruhlangan qadoq — mahsulotlar aylanmasi ishtirokchisi tomonidan shakllantiriluvchi polimer plyonka yoki qogʻoz bilan oʻralgan yoki guruhlangan qadoqning identifikatsiyalash kodiga ega boʻlgan qogʻoz tasma bilan qoplangan va uni tarqatish imkoniyati bilan sotilishi kerak boʻlgan mahsulotlar majmui;

import qiluvchi — Oʻzbekiston Respublikasi hududida mahsulotlarni sotish maqsadida Oʻzbekiston Respublikasiga mahsulotlarni olib kiruvchi yuridik shaxs yoki yakka tartibdagi tadbirkor;

individual seriya raqami — mahsulot kodiga asosan mahsulotlar birligini yoki mahsulotlar toʻplami yoki mahsulotlar jamlanmasi yoki guruhlangan qadoqni noyob identifikatsiya qiluvchi belgilarning ketma-ketligi;

markirovkalash axborot tizimi — “Asl belgisi” mahsulotlarni markirovkalash va kuzatib borish milliy axborot tizimi;

markirovka kodi — identifikatsiyalash kodidan va tekshirish kodidan tashkil topgan Operator tomonidan shakllantiriladigan belgilarning noyob ketma-ketligi;

identifikatsiyalash kodi — oʻzi bilan mahsulot nusxasining noyob raqamini taqdim etuvchi belgilarning ketma-ketligi;

mahsulotlar jamlanmasining identifikatsiyalash kodi — oʻzi bilan mazkur Qoidalarga muvofiq mahsulotlar jamlanmasini identifikatsiyalash maqsadlari uchun shakllantiriluvchi mahsulotlar jamlanmasini nusxasining noyob raqamini taqdim etuvchi belgilar ketma-ketligi;

mahsulotlar toʻplamining identifikatsiyalash kodi — oʻzi bilan mazkur Qoidalarga muvofiq mahsulotlar toʻplamini identifikatsiyalash maqsadlari uchun shakllantiriluvchi mahsulotlar toʻplami nusxasining noyob raqamini taqdim etuvchi belgilar ketma-ketligi;

transport qadogʻining identifikatsiyalash kodi — oʻzi bilan mazkur Qoidalarga muvofiq shakllantiriluvchi transport qadogʻi nusxasining noyob raqamini taqdim etuvchi belgilar ketma-ketligi;

tekshirish kodi — identifikatsiyalash kodi asosida imito qoʻshish tartibida Operator tomonidan shakllantirilgan va uni fiskal toʻplagich va (yoki) tekshirish kodining texnik vositalarini qoʻllash orqali tekshirishda identifikatsiyalash kodining qalbakilashtirilganligini aniqlashga imkon beruvchi belgilarning ketma-ketligi;

mahsulot kodi — mahsulot nomenklaturasi boʻyicha mahsulotlar toʻgʻrisida haqqoniy maʼlumotlarning hisobini yuritish va saqlanishini taʼminlovchi axborot resursida ularni taʼriflashda mahsulotlar guruhida tavsiflanuvchi noyob kod;

mahsulotlar jamlanmasi — sotish (savdo) maqsadlarida tarqatib yuborilishi kerak boʻlmagan umumiy isteʼmol qadogʻiga birlashtirilgan va mahsulotlar jamlanmasining identifikatsiyalash kodiga ega boʻlgan mahsulotni oʻz ichiga oluvchi ishlab chiqaruvchi tomonidan shakllantiriluvchi mahsulotlar majmui;

shaxsiy kabinet — Operator tomonidan belgilangan tartibda mahsulotlar aylanmasi ishtirokchisiga yoki davlat boshqaruv organiga taqdim etiluvchi va Operator, mahsulotlar aylanmasi ishtirokchisi va davlat boshqaruv organi tomonidan qoʻllaniluvchi, Internet jahon axborot tarmogʻida Operatorning rasmiy veb-saytida joylashtirilgan axborot servisi;

raqamli markirovkalangan mahsulot — mazkur Qoidalar talablariga rioya etish bilan raqamli identifikatsiyalash vositalari bosib tushirilgan va u haqidagi haqqoniy maʼlumotlar (jumladan, unga bosib tushirilgan raqamli identifikatsiyalash vositalari toʻgʻrisidagi maʼlumotlar) markirovkalash axborot tizimida saqlanuvchi mahsulot;

raqamli markirovkalanmagan mahsulot — raqamli identifikatsiya vositasi bilan markirovkalanmagan va (yoki) buzilgan (oʻqilmaydigan) raqamli identifikatsiya vositasiga ega boʻlgan va (yoki) soxta (soxtalashtirilgan) markirovka kodlari bilan markirovkalangan va (yoki) ushbu Qoidalarning (shu jumladan, markirovka kodlarini qayta ishlatish, Operator tomonidan mahsulotlar aylanmasining boshqa ishtirokchisiga va (yoki) boshqa mahsulotlar guruhini markirovkalash maqsadida berilgan markirovka kodlaridan foydalanish) talablarini buzilgan holda markirovkalangan mahsulotlar;

markirovka — mazkur Qoidalarga muvofiq identifikatsiyalash vositasini mahsulotga yoki uning qadogʻiga yoki boshqa moddiy tashuvchiga bosib tushirish;

mahsulotlar toʻplami — mahsulotlar toʻplamining identifikatsiyalash kodiga ega boʻlgan va uni tarqatish imkoniyati bilan sotilishi kerak boʻlgan umumiy isteʼmol qadogʻi bilan birlashtirilgan mahsulotlar aylanmasi ishtirokchi tomonidan shakllantiriluvchi mahsulotlar yigʻindisi;

mahsulotlar aylanmasi — mahsulotning Oʻzbekiston Respublikasiga olib kirilishi, ishlab chiqarilishi, saqlanishi, transportda tashilishi, qabul qilinishi va berib yuborilishi, jumladan, uning Oʻzbekiston Respublikasi hududida sotib olinishi va sotilishi;

Operator — markirovkalash axborot tizimi yaratilishini, rivojlantirilishini, takomillashtirilishini va ishlatilishini amalga oshiruvchi Oʻzbekiston Respublikasida roʻyxatga olingan yuridik shaxs;

rouming operatori — markazlashgan saqlanishni, operatorlar orasida uzatishni va elektron hisobvaraq-fakturalarning yuritilishini taʼminlovchi yuridik shaxs;

fiskal maʼlumotlar operatori — onlayn tartibda fiskal maʼlumotlarning qabul qilinishi, ularga ishlov berilishi va saqlanishini amalga oshiruvchi Oʻzbekiston Respublikasi Soliq qoʻmitasi huzuridagi “Yangi texnologiyalar ilmiy-axborot markazi”aksiyadorlik jamiyati;

mahsulotlarning qoldiqlari — raqamli identifikatsiyalash vositalari yordamida majburiy markirovkalashni kiritish toʻgʻrisida qaror qabul qilingan va shunday majburiy markirovkalashni kiritish sanasiga mahsulotlar ishlab chiqarilishini va (yoki) ularning aylanmasini amalga oshiruvchi yuridik shaxslar va (yoki) yakka tartibdagi tadbirkorlarning egaligida va (yoki) ishlatishida va (yoki) tasarrufida boʻlgan mahsulotlar;

qayta markirovkalash — avval bosib tushirilgan raqamli identifikatsiyalash vositalarining yoʻqotilishi yoki shikastlanishi munosabati bilan mazkur Qoidalarga muvofiq isteʼmol qadogʻiga yoki yorligʻiga raqamli identifikatsiyalash vositasini qayta bosib tushirish;

mahsulotlar katalogi — markirovkalangan mahsulotlar haqidagi maʼlumotlarni kataloglashtirish va saqlash uchun qoʻllaniladigan mahsulotlarni markirovkalash axborot tizimining quyi tizimi;

isteʼmol qadogʻi — mahsulot bilan isteʼmolchiga keltiriluvchi va guruhlangan qadoq yoki transport qadogʻi funksiyasini bajarmaydigan birlamchi qadoq (mahsulot bilan bevosita kontaktda boʻlgan qadoq) yoki birlamchi qadoq va ikkilamchi qadoqlarning yigʻindisi (birlamchi qadoqdagi mahsulot joylashtiriluvchi, ammo mahsulotning guruhlangan qadoq yoki transport qadogʻi hisoblanmaydigan qadoqlar);

ishlab chiqaruvchi — Oʻzbekiston Respublikasining soliq rezidentlari hisoblanuvchi va Oʻzbekiston Respublikasi hududida mahsulot ishlab chiqarilishini va sotilishini amalga oshiruvchi yuridik shaxs yoki yakka tartibdagi tadbirkor;

raqamli identifikatsiyalash vositasi — mahsulotga, mahsulot qadogʻiga yoki boshqa moddiy tashuvchiga bosib tushirish uchun mazkur Qoidalar bilan shakllantiriluvchi ikki oʻlchamli shtrix kod koʻrinishida taqdim etilgan mashina yordamida oʻqiluvchi shakldagi markirovkalash kodi;

buyurtmalarni boshqarish stansiyasi — mahsulotlar aylanmasi ishtirokchisi va markirovkalash axborot tizimi oʻrtasida axborot almashinuvi uchun moʻljallangan va markirovkalash kodlarini olish va raqamli identifikatsiyalash vositalari yordamida markirovkalash toʻgʻrisida maʼlumotlarni markirovkalash axborot tizimiga uzatish uchun dasturiy-texnik vosita;

servis-provayder — mahsulotlar aylanmasi ishtirokchisining topshirigʻi boʻyicha markirovkalash kodining identifikatsiyalash vositasiga oʻzgartirilishini va identifikatsiyalash vositasining isteʼmol qadogʻiga va (yoki) guruhlangan qadogʻiga va (yoki) yorliqqa va (yoki) stikerga operator tomonidan taqdim etiluvchi distributsiyaning, nashrning va validatsiyaning dasturiy-apparat majmuasini qoʻllash bilan tushirilishini hamda identifikatsiyalash vositalarining validatsiyasini amalga oshiruvchi yuridik shaxs yoki yakka tartibdagi tadbirkor;

transport qadogʻi — agregatsiyalash jarayonida isteʼmol yoki guruhlangan qadoqdagi mahsulotni birlashtiruvchi, joydan joyga koʻchirishda shikastlanishdan mahsulotni himoyalash maqsadida uning saqlanishi va transportda tashish uchun qoʻllanuvchi va mustaqil transport birligini hosil qiluvchi (jumladan, birinchi daraja transport qadogʻi hamda keyingi daraja transport qadoqlari) qadoq;

mahsulotlar aylanmasi ishtirokchilari — mahsulotni aylanmaga kirituvchi, uning aylanmasini va (yoki) aylanmadan chiqarilishini amalga oshiruvchi Oʻzbekiston Respublikasining soliq rezidentlari hisoblanuvchi yuridik shaxslar va yakka tartibdagi tadbirkorlar. Bunda mahsulotning kelajakda sotilishi (savdosi) bilan bogʻliq boʻlmagan maqsadlarda qoʻllash uchun uni sotib oluvchi hamda mahsulotning namunalar boʻyicha sotilishida yoki masofadan sotish usulida, jumladan ular bilan bogʻliq boʻlgan xizmatlar, jumladan, logistik xizmatlar, birja va elektron tijoratni tashkil etish boʻyicha xizmatlar, mahsulotning qayta savdoga tayyorligi, yigʻilishi va oʻralishi, berilgan mahsulot yoki koʻrsatilgan toʻlov uchun pul mablagʻlarini bir vaqtda qabul qilish bilan sotuvchining nomidan yakuniy isteʼmolchiga mahsulot yetkazib berilishini tashkil etish mahsulotni yetkazib berish boʻyicha agentlik shartnomalari, va (yoki) komissiya shartnomalari, va (yoki) pochta xizmatlari doirasida xizmatlar koʻrsatuvchi yuridik shaxslar va yakka tartibdagi tadbirkorlardan tashqari;

yorliq — yozuvlar, tasvirlar, belgilar, ramzlar, boshqa belgilanishlar va (yoki) ularning majmuasi koʻrinishida mahsulot toʻgʻrisidagi maʼlumotni tushiruvchi va qadoqqa, jumladan, yopishtirish yoʻli bilan mahkamlanuvchi maʼlumotni tashuvchi;

elektron raqamli imzo — elektron raqamli imzoning yopiq kalitini qoʻllash bilan elektron hujjatning maʼlumotlarini maxsus oʻzgartirish natijasida olingan va elektron raqamli imzoning ochiq kaliti yordamida elektron hujjatdagi maʼlumotlarning buzilishlari mavjud emasligini oʻrnatish va elektron raqamli imzoning yopiq kaliti egasini identifikatsiya qilishga imkon beruvchi elektron hujjatdagi imzo;

elektron hujjat — elektron hujjatni identifikatsiya qilishga imkon beruvchi, elektron hujjat rekvizitlariga ega boʻlgan elektron shaklda qayd etilgan maʼlumot;

elektron hisobvaraq-faktura — Oʻzbekiston Respublikasi qonunchiligi tomonidan belgilangan shakl boʻyicha rasmiylashtiriluvchi, elektron hisobvaraq-fakturalar aylanmasi tizimi operatorlari orqali chiqariluvchi va olinuvchi mahsulotlarning (ishlarning, xizmatlarning) sotilishini va xarid qilinishini tasdiqlovchi elektron hujjat (jumladan, qoʻshimcha hisobvaraq-faktura va toʻgʻrilangan hisobvaraq-faktura);

mahsulotlar (tovarlar va xizmatlar) yagona elektron milliy katalogi — mahsulot va xizmatlarga biriktirilgan mahsulot va xizmatlarning identifikatsiya kodlari yuritiladigan katalog;

mahsulot va xizmatlarning identifikatsiya kodi (keyingi oʻrinlarda — MXIK) — har bir mahsulot va xizmatlarga biriktirish hamda ularni identifikatsiya qilish uchun moʻljallangan 17 xonali raqamdan (harfdan) iborat boʻlgan noyob kod.

2-bob. Mahsulotlarni raqamli markirovkalashni joriy qilish tartibi

5. Raqamli identifikatsiyalash vositalari yordamida majburiy markirovka qilinishi kerak boʻlgan mahsulotlar ishlab chiqaruvchilar va import qiluvchilar tarkibidan mahsulotlar aylanmasi ishtirokchilari mazkur Qoidalarga muvofiq:

a) tegishli mahsulot guruhi uchun belgilangan davr mobaynida raqamli identifikatsiyalash vositalari yordamida majburiy markirovka qilinishi kerak boʻlgan mahsulotlar uchun yoki majburiy markirovka qilinishi kerak boʻlgan mahsulotlarni aylanmaga kiritish va (yoki) ularning aylanmasi va (yoki) ularni aylanmadan chiqarish bilan bogʻliq boʻlgan mahsulot aylanmasi ishtirokchisi majburiyati yuzaga kelgan kundan boshlab 7 kalendar kun mobaynida markirovkalash axborot tizimidan roʻyxatdan oʻtadi;

b) markirovkalash axborot tizimidan roʻyxatdan oʻtgan kundan boshlab 30 kalendar kundan kechiktirmay muddatda xususiy dasturiy taʼminotni markirovkalash axborot tizimi bilan oʻzaro axborot almashinuviga tayyorligini taʼminlaydi va oʻzaro axborot almashinuvini sinovdan oʻtkazish uchun Operatorga ariza yuboradi;

v) markirovkalash axborot tizimida roʻyxatdan oʻtgandan keyin Operatorga buyurtmalarni boshqarish stansiyasi va (yoki) chiqib ketishni roʻyxatdan oʻtkazish qurilmasi taqdim etilishiga arizani elektron shaklda yuboradi;

g) xususiy dasturiy taʼminot markirovkalash axborot tizimi bilan oʻzaro axborot almashinuviga tayyor boʻlgan kundan boshlab 60 kalendar kundan kam boʻlmagan muddatda rasmiy operatorlarning veb-saytida joylashtirilgan mahsulotlar markirovkasi, mahsulotlarni aylanmaga kiritish, ularni aylanmadan chiqarish jarayoni bilan bogʻliq tartibga asosan xususiy dasturiy taʼminotni markirovkalash axborot tizimi bilan oʻzaro axborot almashish uchun sinovdan oʻtkazadi;

d) mazkur Qoidalarning 4-bandi “a” — “g” kichik bandlarida koʻrsatilgan harakatlarni amalga oshirgandan keyin mazkur Qoidalarga muvofiq markirovkalash axborot tizimiga mahsulotlarning markirovkalanishi hamda mahsulotlarni aylanmaga kiritish, ularni aylanmadan chiqarish toʻgʻrisida maʼlumotlarni kiritadi.

Raqamli identifikatsiyalash bilan majburiy markirovka qilinishi shart boʻlgan mahsulot aylanmasining boshqa ishtirokchilari ushbu Qoidalarning 4-bandi “a” — “e” kichik bandlarida koʻrsatilgan harakatlarni markirovkalashning oʻziga xos xususiyatlari bilan belgilangan muddatlarda tegishli mahsulot guruhlarini raqamli identifikatsiyadan oʻtkazadi.

6. Operator raqamli identifikatsiyalash vositalari yordamida mahsulotlarning majburiy markirovkalanishini joriy qilish maqsadida quyidagilarni taʼminlaydi:

a) mahsulotlar aylanmasi ishtirokchilariga buyurtmalarni boshqarish stansiyalarini, buyurtmalar chiqib ketishini roʻyxatdan oʻtkazish qurilmalarini, bunday asbob-uskunalarni taqdim etishga (asbob-uskunalarga kirishga) mahsulotlar aylanmasi ishtirokchilaridan arizalar olingan kundan boshlab 90 kalendar kundan kech boʻlmagan muddatda mazkur Qoidalar bilan koʻzda tutilgan shartlarda taqdim etish (taqdim etish ostida, jumladan, raqamli markirovkalash tizimining infratuzilmasiga joylashtirilgan buyurtmalarni boshqarish stansiyasiga masofadan kirish tushuniladi) (mazkur Qoidalarga va mahsulot guruhi uchun raqamli identifikatsiyalash vositalari yordamida markirovkalashning oʻziga xos xususiyatlarida shunday kirishni taqdim etish zarurati nazarda tutilgan taqdirda);

b) markirovkalash axborot tizimi bilan oʻzaro axborot almashinuviga tayyorlik toʻgʻrisidagi xabarnoma mahsulotlar aylanmasi ishtirokchisidan olingan kundan boshlab 30 kalendar kundan kech boʻlmagan muddatda mahsulotlar aylanmasi ishtirokchilarining va markirovkalash axborot tizimining dasturiy taʼminoti bilan oʻzaro axborot almashinuvini sinovdan oʻtkazishni tashkil etish;

v) mahsulotlarni raqamli identifikatsiyalash vositalari bilan markirovkalaydigan mahsulot aylanmasi ishtirokchilariga mahsulot aylanmasi ishtirokchisi Operatorga ushbu Qoidalarda nazarda tutilgan barcha maʼlumotlarni taqdim etgan taqdirda, raqamli identifikatsiyalash vositalarini shakllantirish uchun zarur boʻlgan markirovkalash kodlarini taqdim etish.

3-bob. Mahsulotlar aylanmasi ishtirokchilarining markirovkalash axborot tizimi bilan axborot almashinuvi tartibi

7. Markirovkalash axborot tizimiga mahsulotlar aylanmasi ishtirokchilari tomonidan maʼlumotlarning taqdim etilishi maʼlumotlarni yuborishning standart protokollari va elektron hujjatlarni (ariza, bildirgi, kvitansiya va hokazolar) almashish yoʻli bilan Operator tomonidan ishlab chiqilgan oʻzaro axborot almashinuvi aloqa-texnik dasturlarining qoʻllanilishi bilan amalga oshiriladi, ularning shakllari Operator tomonidan belgilanadi va Internet jahon axborot tarmogʻida Operatorning rasmiy veb-saytida joylashtiriladi.

Mahsulot aylanmasi ishtirokchisi tomonidan markirovkalash axborot tizimiga guruhlangan qadoq, transport qadogʻi yoki mahsulotlar toʻplami toʻgʻrisida maʼlumotlarning taqdim etilishi markirovkalash axborot tizimi maʼlumotlari boʻyicha shunday guruhlangan qadoq, transport qadogʻi, yoki mahsulotlar toʻplami, yoki muvofiq tarzda mahsulotlar jamlanmasida saqlanuvchi isteʼmol qadoqlari toʻgʻrisidagi maʼlumotlarni markirovkalash axborot tizimiga yuborish bilan bir xil hisoblanadi.

Mahsulotlar aylanmasi ishtirokchisi tomonidan markirovkalash axborot tizimiga agregatsiyalangan import kodi toʻgʻrisida maʼlumotlarning taqdim etilishi markirovkalash axborot tizimining maʼlumotlari boʻyicha shunday agregatsiyalangan import kodida saqlanuvchi isteʼmol qadoqlari toʻgʻrisida maʼlumotlarni ularga taqdim etilishiga tenglashtiriladi.

8. Markirovkalash axborot tizimiga mahsulotlar aylanmasi ishtirokchilari tomonidan mazkur Qoidalarning talablariga muvofiq yoʻnaltirilgan barcha hujjatlar va maʼlumotlar markirovkalash axborot tizimida aks ettirilishi shart.

9. Operator quyidagi asoslardan biri mavjud boʻlganda hujjatlarning (jumladan, arizalar, bildirgilar) qabul qilinishini yoki markirovkalash axborot tizimiga maʼlumotlar kiritilishini mahsulotlar aylanmasi ishtirokchisiga rad etadi:

a) hujjatlar yoki maʼlumotlar oʻrnatilgan shaklga muvofiq kelmaganda, notoʻgʻri maʼlumotlarga ega boʻlganda yoki mazkur Qoidalar bilan koʻzda tutilgan majburiy maʼlumotlarni oʻz ichiga olmaganda;

b) hujjatlar yoki maʼlumotlar imzolanmaganda yoki ushbu hujjatlar va maʼlumotlarni imzolash uchun qonuniy huquqlarga yoki hujjatlarni yoki maʼlumotlarning shunday turini imzolash huquqiga ega boʻlmagan shaxs tomonidan imzolanganda;

v) mahsulot aylanmasi ishtirokchisiga nisbatan yuridik shaxsning faoliyatini tugatish yoki jismoniy shaxsning yakka tartibdagi tadbirkor sifatida faoliyatini tugatish toʻgʻrisida Tadbirkorlik subyektlarining Yagona davlat roʻyxatida yozuv mavjud boʻlganda.

g) mahsulot aylanmasi ishtirokchisi markirovkalash axborot tizimida roʻyxatdan oʻtkazilmagan.

10. Mahsulotlar aylanmasi ishtirokchisi u tomonidan taqdim etilgan hujjatlarning markirovkalash axborot tizimi tomonidan qabul qilinganligi, yoki unga maʼlumotlarni kiritish, yoki markirovkalash axborot tizimi tomonidan hujjatlarning qabul qilinishi rad etilishi yoki unga quyidagi maʼlumotlarni saqlovchi tegishli bildirgini (kvitansiyani) yuborish yoʻli bilan maʼlumotlarni kiritish toʻgʻrisida xabardor qilinadi:

a) mahsulot aylanmasi ishtirokchisi hujjatining roʻyxatdan oʻtish raqami;

b) bildirgi (kvitansiya) raqami;

v) bildirgi (kvitansiya) sanasi;

g) mahsulotning identifikatsiyalash kodlari, mahsulotlar toʻplamlarining identifikatsiyalash kodlari, mahsulotlar jamlanmalarining identifikatsiyalash kodlari, guruhlangan qadoqning identifikatsiyalash kodlari, yoki transport qadogʻining identifikatsiyalash kodlari, yoki agregatsiyalangan import kodlari;

d) markirovkalash axborot tizimiga hujjatlarni (maʼlumotlarni) kiritish yoki ularni kiritishni rad etish sabablari toʻgʻrisida xabar.

11. Mazkur Qoidalarning 10-bandida koʻrsatilgan bildirgi (kvitansiya) mahsulotlar aylanmasi ishtirokchisi tomonidan hujjatlar taqdim etilganda yoki u tomonidan markirovkalash axborot tizimiga maʼlumotlarni kiritgan kundan boshlab 1 kalendar kun davomida markirovkalash axborot tizimidagi shaxsiy kabinet yoki elektron pochta orqali oʻzaro axborot almashish interfeyslarni qoʻllash orqali mahsulotlar aylanmasi ishtirokchisiga yuboriladi.

12. Mahsulotlar aylanmasi ishtirokchisi tomonidan elektron hujjatlarning taqdim etilishi yoki u tomonidan markirovkalash axborot tizimiga maʼlumotlarning kiritilishi sanasi etib hujjatlarni (maʼlumotlarni) qabul qilish toʻgʻrisidagi bildirgida (kvitansiyada) qayd etilgan sana tan olinadi.

Mahsulotlar aylanmasi ishtirokchisining markirovkalash axborot tizimiga maʼlumotlarni kiritish boʻyicha majburiyatlarni bajarishi dalili markirovkalash axborot tizimiga maʼlumotlarni kiritish toʻgʻrisidagi bildirgi (kvitansiya) bilan tasdiqlanadi.

Koʻrsatib oʻtilgan bildirgilar (kvitansiyalar) markirovkalash axborot tizimida avtomatik shakllantiriladi va markirovkalash axborot tizimiga yuborilgan hujjatlarning (maʼlumotlarning) joylashtirilishida markirovkalash axborot tizimi yordamida mahsulotlar aylanmasi ishtirokchisiga elektron hujjat shaklida yuboriladi.

13. Agar mazkur Qoidalarda boshqacha tartib belgilanmagan boʻlsa, Operator ariza beruvchiga hamda mahsulotni ariza beruvchidan olgan yoki mahsulotni ariza beruvchiga topshirgan mahsulotlar aylanmasining boshqa ishtirokchilariga markirovkalash axborot tizimiga oʻzgartirishlarni kiritish toʻgʻrisida, agar bunday oʻzgartirishlarning kiritilishi ularning manfaatlariga taalluqli boʻlsa, bildirgini (kvitansiyani) majburiy yuborish bilan hujjatlarni va maʼlumotlarni olish kunidan boshlab 1 kalendar kun davomida markirovkalash axborot tizimida mahsulotlar aylanmasi ishtirokchisi tomonidan taqdim etilgan hujjatlarning va maʼlumotlarning joylashtirilishini taʼminlaydi.

14. Markirovkalash axborot tizimiga yuborilgan maʼlumotlarning toʻliqligi, haqiqiyligi va oʻz vaqtida yuborilishi uchun javobgarlik mahsulotlar aylanmasi ishtirokchilari zimmasiga yuklanadi.

4-bob. Markirovkalash axborot tizimida mahsulotlar aylanmasi ishtirokchilarini roʻyxatdan oʻtkazish

15. Markirovkalash axborot tizimida roʻyxatdan oʻtish uchun mahsulotlar aylanmasi ishtirokchilari Operator bilan markirovkalash axborot tizimiga ulash toʻgʻrisida shartnoma tuzadi, uning shakli Operator tomonidan belgilanadi va Operatorning Internet jahon axborot tarmogʻidagi rasmiy veb-saytiga joylashtiriladi.

16. Markirovkalash axborot tizimida mahsulotlar aylanmasi ishtirokchilarining roʻyxatdan oʻtkazilishi va ularga markirovkalash axborot tizimida shaxsiy kabinetga kirishga ruxsat berish Operatorga elektron shaklda mahsulotlar aylanmasi ishtirokchilari tomonidan taqdim etilgan maʼlumotlar asosida Operator tomonidan amalga oshiriladi.

17. Markirovkalash axborot tizimida roʻyxatdan oʻtishni amalga oshirish uchun mahsulotlar aylanmasi ishtirokchilari markirovkalash axborot tizimiga quyidagi maʼlumotlarni saqlovchi yuridik shaxsning yoki yakka tartibdagi tadbirkorning rahbarining elektron raqamli imzosi bilan imzolangan roʻyxatdan oʻtish toʻgʻrisida mazkur Qoidalarga ilovada keltirilgan shaklda ariza yuboradi:

a) yuridik shaxs hisoblanuvchi mahsulot aylanmasi ishtirokchisining nomlanishi yoki yakka tartibdagi tadbirkor hisoblanuvchi mahsulotlar aylanmasi ishtirokchisining familiyasi, ismi, otasining ismi (mavjud boʻlganda);

b) mahsulotlar aylanmasi ishtirokchisining faoliyat turi (ishlab chiqaruvchi, ulgurji yoki chakana savdo tashkiloti, import qiluvchi);

v) yuridik shaxs hisoblanuvchi mahsulotlar aylanmasi ishtirokchisining joylashgan joyi yoki yakka tartibdagi tadbirkor hisoblanuvchi mahsulotlar aylanmasi ishtirokchisining yashash manzili;

g) mahsulotlar aylanmasi ishtirokchisining soliq toʻlovchining identifikatsiya raqami;

d) mahsulotlar aylanmasi ishtirokchisining familiyasi, ismi, otasining ismi (mavjud boʻlganda), telefon raqami va elektron pochta manzili;

e) mahsulotlar aylanmasi ishtirokchisi nomidan ishonchnomasiz harakat qilish huquqiga ega boʻlgan shaxsning familiyasi, ismi, otasining ismi (mavjud boʻlganda);

j) markirovkalash axborot tizimidan xabarnomalar yuboriladigan mahsulotlar aylanmasi ishtirokchisining telefoni raqami va elektron pochta manzili;

z) Soliq qoʻmitasi bilan kelishgan holda Operator tomonidan belgilangan va Internet jahon axborot tarmogʻida Operatorning rasmiy veb-saytida joylashtirilgan boshqa tegishli maʼlumotlar.

18. Roʻyxatdan oʻtish toʻgʻrisidagi arizaning formati Operator tomonidan belgilanadi va Internet jahon axborot tarmogʻida Operatorning rasmiy veb-saytida joylashtiriladi.

19. Roʻyxatdan oʻtish toʻgʻrisidagi arizani koʻrib chiqish va uni tekshirish hamda bunday tekshirishning natijalari haqida ariza beruvchini xabardor qilish ariza qabul qilingan kundan boshlab 5 ish kuni mobaynida Operator tomonidan amalga oshiriladi.

20. Quyidagilarga asosan markirovkalash axborot tizimida ariza beruvchini roʻyxatdan oʻtkazish rad etiladi:

a) roʻyxatdan oʻtish toʻgʻrisidagi ariza imzolanmagan boʻlsa yoki mahsulotlar aylanmasi ishtirokchisi nomidan uni imzolash vakolatlariga ega boʻlmagan shaxs tomonidan imzolansa;

b) elektron raqamli imzo olishda koʻrsatilgan soliq toʻlovchining identifikatsiya raqami roʻyxatdan oʻtish toʻgʻrisidagi arizadagi soliq toʻlovchining identifikatsiya raqamiga mos kelmasa;

v) roʻyxatdan oʻtish toʻgʻrisidagi arizani imzolagan shaxsning familiyasi, ismi yoki otasining ismi (mavjud boʻlganda) roʻyxatdan oʻtish toʻgʻrisidagi arizada koʻrsatilgan familiya, ism, otasining ismiga mos kelmasa;

g) tadbirkorlik subyektlarining Yagona davlat roʻyxatidagi maʼlumotlariga koʻra roʻyxatdan oʻtish toʻgʻrisidagi arizada koʻrsatilgan ariza beruvchi haqida maʼlumotlar mavjud boʻlmasa, mos kelmasa yoki koʻrsatib oʻtilgan roʻyxatda uning faoliyati tugatilganligi toʻgʻrisida maʼlumot mavjud boʻlsa;

d) Oʻzbekiston Respublikasi qonunchiligiga muvofiq mahsulotlar aylanmasi ishtirokchisidan talab qilinadigan litsenziya yoki boshqa ruxsat beruvchi hujjat toʻgʻrisidagi maʼlumotlarning mavjud emasligi;

e) roʻyxatdan oʻtish toʻgʻrisidagi ariza Soliq qoʻmitasi bilan kelishilgan holda Operator tomonidan belgilangan va Internet jahon axborot tarmogʻida Operatorning rasmiy veb-saytida joylashtirilgan tartibda tayyorlanmasligi, notoʻgʻri maʼlumotlarni saqlashi yoki mazkur Qoidalar bilan koʻzda tutilgan majburiy maʼlumotlar mavjud emasligi;

j) ariza beruvchi markirovkalash axborot tizimida roʻyxatdan oʻtib boʻlgan boʻlsa.

21. Ushbu Qoidalarning 20-bandida koʻrsatilgan bir yoki bir nechta asoslar aniqlanganligi sababli roʻyxatdan oʻtish toʻgʻrisidagi arizani tekshirishning natijasi salbiy boʻlgan taqdirda, Operator ushbu Qoidalarning 19-bandida nazarda tutilgan muddat ichida markirovkalash axborot tizimida roʻyxatdan oʻtish toʻgʻrisidagi arizada koʻrsatilgan elektron pochta manziliga roʻyxatdan oʻtishni rad yetish toʻgʻrisida xabar yuboradi.

22. Roʻyxatga olish toʻgʻrisidagi arizani tekshirishning natijasi ijobiy boʻlgan taqdirda, Operator ushbu Qoidalarning 19-bandida nazarda tutilgan muddatda mahsulot aylanmasi ishtirokchisini markirovkalash boʻyicha axborot tizimida roʻyxatdan oʻtkazadi, unga shaxsiy kabinetga kirish huquqini beradi va roʻyxatdan oʻtish toʻgʻrisidagi arizada koʻrsatilgan elektron pochta manziliga roʻyxatdan oʻtish toʻgʻrisida xabar yuboradi. Mahsulot aylanmasining turli ishtirokchilarini roʻyxatdan oʻtkazish uchun bir xil elektron pochta manzilidan foydalanishga yoʻl qoʻyilmaydi.

23. Mahsulot aylanmasi ishtirokchisi (yoki vakolatli shaxs) elektron raqamli imzodan foydalangan holda markirovkalash axborot tizimining shaxsiy kabinetida avtorizatsiya qilinadi.

24. Ushbu Qoidalarning 14-bandiga muvofiq markirovkalash axborot tizimida roʻyxatdan oʻtishda mahsulot aylanmasi ishtirokchisi tomonidan koʻrsatilgan maʼlumotlar oʻzgargan taqdirda, mahsulot aylanmasi ishtirokchisi tegishli maʼlumot oʻzgargan kundan boshlab 3 ish kuni ichida Operatorga maʼlumotni oʻzgartirish toʻgʻrisida soʻrov yuboradi, uning shakli Operator tomonidan tasdiqlangan markirovkalash axborot tizimining dasturiy taʼminotida, shu jumladan, shaxsiy kabinetdan foydalangan holda Operatorning Internet jahon axborotdagi rasmiy veb-saytida joylashtiriladi.

25. Operator mahsulot aylanmasi ishtirokchisi maʼlumotni oʻzgartirish toʻgʻrisida soʻrov yuborgan kundan boshlab 5 ish kunidan koʻp boʻlmagan muddat ichida markirovkalash axborot tizimidagi oʻzgartirilgan maʼlumotlarni va ularning oʻzgarishini tekshiradi, mahsulot aylanmasi ishtirokchisiga maʼlumotlarning oʻzgarishi toʻgʻrisida tegishli xabarnomani yoki rad etish sabablarini koʻrsatib, bunday maʼlumotni oʻzgartirish mumkin emasligi toʻgʻrisida xabarnoma yuboradi.

26. Mahsulot aylanmasi ishtirokchisi ushbu Qoidalarning 17-bandiga muvofiq markirovkalash boʻyicha axborot tizimida roʻyxatdan oʻtayotganda mahsulot aylanmasi ishtirokchisi tomonidan koʻrsatilgan maʼlumotlarni quyidagi sabablarga koʻra oʻzgartirishni rad etadi:

a) maʼlumotni oʻzgartirish toʻgʻrisidagi soʻrov mahsulot aylanmasi ishtirokchisi tomonidan imzolanmagan yoki imzolash vakolatiga ega boʻlmagan shaxs tomonidan imzolangan boʻlsa;

b) elektron raqamli imzoni olishda koʻrsatilgan soliq toʻlovchining identifikatsiya raqami maʼlumotni oʻzgartirish toʻgʻrisidagi soʻrovda soliq toʻlovchining identifikatsiya raqamiga mos kelmasa;

v) maʼlumotni oʻzgartirish toʻgʻrisidagi soʻrovni imzolagan shaxsning familiyasi, ismi yoki otasining ismi (agar mavjud boʻlsa) maʼlumotni oʻzgartirish toʻgʻrisidagi soʻrovda koʻrsatilgan familiya, ism yoki otaning ismiga mos kelmasa;

g) maʼlumotni oʻzgartirish toʻgʻrisidagi soʻrovda tadbirkorlik subyektlarining yagona davlat reyestrida yoki koʻrsatilgan reyestrda keltirilgan mahsulot aylanmasining ishtirokchisiga oid maʼlumotlarning yoʻqligi yoki nomuvofiqligi, uning faoliyati tugatilganligi toʻgʻrisida yozuv mavjud boʻlsa;

d) mahsulot aylanmasi ishtirokchisining litsenziyasi yoki boshqa ruxsat beruvchi hujjati borligi toʻgʻrisida maʼlumot yetishmasligi (Oʻzbekiston Respublikasi qonunlarida nazarda tutilgan hollarda);

e) maʼlumotni oʻzgartirish toʻgʻrisidagi taqdim etilgan soʻrov Operator tomonidan belgilangan formatni buzgan holda tayyorlangan yoki notoʻgʻri maʼlumotni oʻz ichiga olgan boʻlsa.

5-bob. Mahsulotlarni markirovkalash boʻyicha axborot tizimida roʻyxatdan oʻtkazish

27. Markirovkalash axborot tizimida muomalaga kiritilganligi, raqamli identifikatsiyalash yoʻli bilan majburiy markirovka qilinishi kerak boʻlgan mahsulotlarning aylanmasi va muomaladan chiqarilishi toʻgʻrisidagi maʼlumotlarni joylashtirish uchun ularni markirovkalash axborot tizimida roʻyxatdan oʻtkazish mahsulot aylanmasi ishtirokchilari tomonidan Operatorga elektron shaklda taqdim etilgan maʼlumotlar asosida amalga oshiriladi.

28. Mahsulotlarni roʻyxatga olish axborot yorligʻi tizimining “Mahsulotlar katalogi” tizimi ostida (keyingi oʻrinlarda — mahsulot katalogi) mahsulot aylanmasining quyidagi ishtirokchilari tomonidan amalga oshiriladi:

a) Oʻzbekiston Respublikasi hududida mahsulotlarni ishlab chiqarishda — bunday mahsulotlarni ishlab chiqaruvchi tomonidan (shu jumladan, shartnomaviy ishlab chiqarish hollari);

b) mahsulotlarni Oʻzbekiston Respublikasi hududidan tashqarida ishlab chiqarishda — bunday mahsulotlarni import qiluvchi tomonidan (Oʻzbekiston Respublikasi chegarasini kesib oʻtguncha);

v) yakka tartibdagi tadbirkor boʻlmagan jismoniy shaxslardan mahsulot ayirboshlash ishtirokchisi boʻlganida, Oʻzbekiston Respublikasi hududida komissiya shartnomalari boʻyicha mahsulotlar — komissioner tomonidan;

g) mahsulot aylanmasi ishtirokchisi tomonidan keyinchalik ularni Oʻzbekiston Respublikasi hududida sotish (realizatsiya qilish) bilan bogʻliq boʻlmagan maqsadlar uchun sotib olgan mahsulotlarni qaytarishda — mahsulot aylanmasi ishtirokchisi tomonidan mahsulotlarni muomalaga kiritishda;

d) agar mahsulot aylanmasi ishtirokchisining ushbu turdagi mahsulotlarni raqamli identifikatsiyalash vositalari bilan majburiy markirovkalash boshlangan kundan boshlab muomaladagi mahsulotlarning raqamli identifikatsiyalash yoʻli bilan belgilanmagan qoldiqlari boʻlsa, sotish (realizatsiya qilish) sharti bilan — mahsulot aylanmasining ushbu mahsulot aylanishini amalga oshiruvchi ishtirokchisi.

29. Mahsulotlarni markirovkalash axborot tizimidan roʻyxatga oʻtkazishda mahsulot aylanmasi ishtirokchisi tomonidan mahsulotlar katalogiga quyidagi maʼlumotlar kiritiladi:

a) soliq toʻlovchining identifikatsiya raqami;

b) mahsulot kodi (xalqaro GS1 assotsiatsiyasi qoidalariga muvofiq mahsulotga berilgan logistik birliklarning buxgalteriya kodi);

v) mahsulotning nomlanishi;

g) mahsulotlar (ishlar, xizmatlar)ning Oʻzbekiston Respublikasi iqtisodiy faoliyat turlari boʻyicha statistik tasniflagich kodi;

d) Oʻzbekiston Respublikasi tashqi iqtisodiy faoliyatining mahsulot nomenklaturasi kodi;

e) mahsulotlarning global klassifikatordagi kodi (Global Product Classification, GPC);

j) tovar belgisi, tovar kelib chiqqan joy nomi, geografik koʻrsatkich va sanoat namunasi (mavjud boʻlsa);

z) eksport / reeksport mamlakati tomonidan belgilangan tartibda va shaklda vakolatli organ tomonidan berilgan sertifikatga muvofiq mahsulotlar ishlab chiqarilgan mamlakat; Oʻzbekiston Respublikasida ishlab chiqarilgan mahsulotlarga nisbatan — mahsulotlarning Oʻzbekiston Respublikasida ishlab chiqarilganligi toʻgʻrisida koʻrsatkich;

i) qadoq turi;

k) qadoqning materiali;

l) texnik reglament raqami (standart boʻyicha);

m) mahsulotning isteʼmol tavsifi;

n) qadoqlashning vazni va oʻlchamlari;

o) mahsulotning turli xil burchakdagi fotosuratlari;

p) Soliq qoʻmitasi bilan kelishgan holda Operator tomonidan belgilangan va Internet jahon axborot tarmogʻida Operatorning rasmiy veb-saytida joylashtirilgan boshqa tegishli maʼlumotlar.

30. Markirovkalash axborot tizimida guruhlangan qadoqlar, transport qadoqlari, mahsulotlar toʻplami va mahsulotlar toʻplamini roʻyxatdan oʻtkazish uchun mahsulot aylanmasi ishtirokchisi mahsulotlar katalogiga quyidagi maʼlumotlarni kiritadi:

a) guruhlangan qadoq, yoki transport qadogʻi, yoki mahsulotlar toʻplami;

b) biriktirilgan mahsulotning kodi;

v) mahsulotning nomi;

g) vazn va oʻlcham xususiyatlari;

d) turli burchaklardan fotografik tasvirlar;

e) Operator tomonidan aniqlangan va Operatorning Internet jahon axborot tarmogʻidagi rasmiy veb-saytida joylashtirilgan boshqa maʼlumotlar.

31. Markirovkalash axborot tizimidagi mahsulotlarni, guruhli qadoqlarni, transport vositalarini, mahsulotlarning toʻplamini, mahsulotlarning toʻplamini roʻyxatdan oʻtkazish toʻgʻrisidagi maʼlumotlarni tekshirishning natijasi ijobiy boʻlgan taqdirda, bunday maʼlumotlar taqdim etilgan kundan boshlab 5 (besh) ish kuni ichida mahsulotlarni roʻyxatdan oʻtkazish, yoki guruhli qadoqlash, yoki transport vositalarini roʻyxatdan oʻtkazish amalga oshiriladi, yoki mahsulotlar toʻplami, yoki mahsulotlar toʻplami va talabnoma beruvchiga xabarnoma (kvitansiya) yuboriladi.

6-bob. Raqamli identifikatsiyalash vositalarining xususiyatlari

32. Mahsulotlarni markirovkalash ikki oʻlchovli shtrix-kod shaklida raqamli identifikatsiyalash vositasini qoʻllash uchun moʻljallangan raqamli identifikatsiyalash vositasini (markirovka kodini mashinada oʻqiladigan shaklda) mahsulotga, mahsulotning qadoqlash joyiga yoki boshqa axborot tashuvchisiga shakllantirish va qoʻllash orqali amalga oshiriladi.

33. Raqamli identifikatsiyalash vositasi 4 ta maʼlumot guruhini oʻzida jamlagan markirovka kodini oʻz ichiga oladi, ulardan birinchi va ikkinchi guruhlar isteʼmolchilar paketining identifikatsiyalash kodini, yoki guruhlangan qadoqning identifikatsiyalash kodini, yoki mahsulot toʻplamining identifikatsiyalash kodini, yoki mahsulot toʻplamining identifikatsiyalash kodini, shuningdek, uchinchi va toʻrtinchi guruh shakllarini oʻz ichiga tasdiqlash kodini oladi, bunda:

birinchi maʼlumotlar guruhi mahsulot kodini oʻz ichiga oladi va Operator tomonidan ushbu Qoidalarning 5-bobiga muvofiq mahsulot aylanmasi ishtirokchisi tomonidan kiritilgan maʼlumotlar asosida ishlab chiqiladi;

maʼlumotlarning ikkinchi guruhi mahsulot birligining individual seriya raqamini oʻz ichiga oladi va Operator yoki mahsulot aylanmasining ishtirokchisi tomonidan generatsiya qilinadi;

uchinchi maʼlumotlar guruhi tasdiqlash kalitining identifikatorini oʻz ichiga oladi va Operator tomonidan yaratiladi;

toʻrtinchi maʼlumotlar guruhi tasdiqlash kodini oʻz ichiga oladi va Operator tomonidan taqlid himoyasi vositalaridan foydalangan holda generatsiya qilinadi.

34. Raqamli identifikatsiyalash vositalari quyidagi talablarga javob berishi kerak:

ISO/MEK 16022:2006 xalqaro standartiga muvofiqligi “Axborot texnologiyalari. Avtomatik identifikatsiyalash va maʼlumotlarni yigʻish texnologiyalari. Data Matrix shtrix-kodining simbologiyasi” (ISO/IEC 16022:2006 “Information technology — Automatic identification and data capture techniques — Data Matrix bar code symbology specification”);

xatolarni aniqlash va tuzatish funksiyasi DataMatrix ECC200 ga teng yoki undan yaxshiroq;

ASCII kodlashdan foydalanish;

raqamli identifikatorning taxmin qilish ehtimoli juda kam boʻlishi, yaʼni barcha hollarda 10000 dan 1 dan kam boʻlishi kerak.

7-bob. Markirovkalash kodlarini taqdim etish qoidalari

35. Raqamli identifikatsiyalash orqali mahsulotlarni markirovkalash maqsadida mahsulot aylanmasining ishtirokchisi Operatorga markirovkalash kodlarini olish uchun ariza yuboradi. Ushbu arizalar buyurtmalarni boshqarish stansiyasidan foydalangan holda mahsulot aylanmasi ishtirokchisi tomonidan yuboriladi.

36. Markirovka kodlarini olish uchun mahsulot aylanmasining ishtirokchisi Operator bilan markirovkalash kodlarini taqdim etish boʻyicha shartnoma tuzadi, uning standart shakli Operator tomonidan tasdiqlanadi va Operatorning Internet jahon axborot tarmogʻidagi rasmiy veb-saytiga joylashtiriladi.

Bunda markirovka kodlarini taqdim etish yuzasidan xizmatlar koʻrsatish uchun yagona toʻlovlar mahsulot aylanmasining ishtirokchisi xorijiy ishlab chiqaruvchi tashkilotning vakolatxonalari tomonidan milliy valyutada Operator bilan tuzilgan shartnoma asosida amalga oshirilishi mumkin.

Operator tomonidan taqdim etilayotgan markirovka kodlari uchun toʻlov ushbu kodlar bevosita mahsulotga yopishtirilgan vaqtda undiriladi.

37. Belgilash kodlarini olish uchun ariza mahsulot kodi va markirovkalash kodlari soni toʻgʻrisidagi maʼlumotlarni, shuningdek, Operator tomonidan aniqlangan va Operatorning Internet jahon axborot tarmogʻidagi rasmiy veb-saytida joylashtirilgan boshqa maʼlumotlarni oʻz ichiga olishi kerak. Belgilangan dastur yorliqlanadigan mahsulotlarga berilishi rejalashtirilgan noyob identifikatsiyalash kodlarini oʻz ichiga olishi mumkin. Agar bunday identifikatsiyalash kodlari mahsulot aylanmasi ishtirokchisi tomonidan shu kabi arizada koʻrsatilmagan boʻlsa, ular Operator tomonidan taqdim etiladi, bu ularning oʻziga xosligini kafolatlaydi.

38. Agar quyidagi talablardan biri buzilgan boʻlsa, Operator markirovkalash kodlarini berishni rad etadi:

a) ariza ushbu Qoidalarning 37-bandida nazarda tutilgan talablarga javob bermasa;

b) mahsulot aylanmasi ishtirokchisi markirovkalash boʻyicha axborot tizimida roʻyxatdan oʻtmagan boʻlsa;

v) markirovkalash axborot tizimida buyurtmalarni boshqarish stansiyasi haqida maʼlumot mavjud boʻlmagan holda markirovkalash kodlarini olish uchun ariza yuborilgan boʻlsa;

g) arizada koʻrsatilgan mahsulotning identifikatsiyalash kodi, yoki mahsulot toʻplamining identifikatsiyalash kodi, yoki mahsulot toʻplamining identifikatsiyalash kodi, yoki transport paketining identifikatsiyalash kodi oldin markirovkalash axborot tizimida roʻyxatdan oʻtgan boʻlsa;

d) mahsulot kodi markirovkalash maʼlumot tizimida roʻyxatdan oʻtmagan boʻlsa.

39. Markirovkalash kodi identifikatsiyalash kodini yaratish va tasdiqlash kodini yaratish orqali hosil boʻladi. Yaratilgan markirovkalash kodlari Operator tomonidan buyurtmalarni boshqarish stansiyasidan foydalangan holda mahsulot aylanmasi ishtirokchilariga taqdim etiladi.

Markirovkalash axborot tizimi markirovkalash kodini qayta ishlanib shakllantirilishiga (generatsiya) yoʻl qoʻymaydi.

Markirovkalash axborot tizimida quyidagi markirovkalash kodlari holatlari roʻyxatdan oʻtkaziladi:

emitirlangan (buyurtma qilingan) — markirovkalash kodi mahsulot aylanmasi ishtirokchisi buyurtmasi asosida yaratilgan (generatsiya qilingan);

qoʻllangan — markirovkalash kodi mahsulot aylanmasi ishtirokchisiga uning buyurtmasi asosida taqdim etilgan (yoki markirovkalash kodi asosida raqamli identifikatsiyalash vositasi qoʻllanganligi toʻgʻrisida maʼlumot qabul qilingan);

aylanmada — markirovkalash kodi mahsulot aylanmasiga kiritilgan;

hisobdan chiqarish — fiskal boʻlmagan sabablarga asosan markirovkalash kodi aylanmadan chiqarilgan (nazoratdan olingan);

aylanmadan chiqarilgan (sotilgan) — fiskal sabablarga asosan markirovkalash kodi aylanmadan chiqarilgan (nazoratdan olingan);

aylanmada, aylanmaga qayta kiritilgan — markirovkalash kodi mahsulot aylanmasiga fiskal sabablarga asosan qayta kiritilgan;

agregatsiyasi buzilgan — guruhlangan yoki transport qadogʻining identifikatsiyalash kodi bekor qilingan.

40. Operator mahsulot aylanmasi ishtirokchisiga belgilangan ariza roʻyxatdan oʻtgan paytdan boshlab 4 soatdan kechiktirmay markirovkalash kodlarini olish uchun taqdim etilgan arizaga muvofiq xabar yuboradi.

41. Mahsulot aylanmasining ishtirokchisi markirovkalash kodlarini raqamli identifikatsiyalash vositalariga aylantirishni va mahsulotlarga qoʻllanilishini, mahsulotlarni qadoqlashni yoki raqamli identifikatsiyalash vositalarini qoʻllash uchun moʻljallangan boshqa moddiy tashuvchini taʼminlaydi va Operatorga buyurtmalarni boshqarish stansiyasi orqali markirovkalash kodlarini qoʻllash toʻgʻrisidagi hisobotni yuboradi.

Markirovka kodi mahsulotning har bir birligi (nusxasi) uchun yagona hisoblanadi. Markirovka kodlarini qayta ishlatishga, Operator tomonidan mahsulot aylanmasining boshqa ishtirokchisiga berilgan va (yoki) boshqa mahsulotlar guruhini markirovkalash maqsadida berilgan markirovka kodlaridan foydalanishga yoʻl qoʻyilmaydi.

Foydalanilmagan markirovka kodlari uchun amalga oshirilgan toʻlovlar Operator tomonidan yangi markirovka kodlari taqdim etilishida hisobga olinadi.

42. Ushbu Qoidalarning 41-bandida belgilangan muddat hisoblangan mahsulot ayirboshlash qatnashchisi tomonidan markirovkalash kodlari qabul qilingan sana Operator tomonidan mahsulot aylanmasi ishtirokchisining mahsulot aylanmasida buyurtma qilingan markirovkalash kodlari taqdim etilganligi toʻgʻrisida xabarnoma yuborilgan sana hisoblanadi. Operator koʻrsatilgan xabarnomani mahsulot aylanmasi ishtirokchisiga ushbu xabarnomani joylashtirish sanasini koʻrsatgan holda mahsulot aylanmasi ishtirokchisining shaxsiy hisobvaragʻiga axborot yorligʻi tizimiga joylashtirish orqali yuboradi.

Markirovkalash axborot tizimida murojaatning sanasi va vaqti koʻrsatilgan holda raqamli identifikatsiyalash vositalarini qoʻllash toʻgʻrisidagi maʼlumotlar roʻyxatdan oʻtkaziladi.

43. Raqamli markirovkalanishi (shu jumladan, ularga qoʻllaniladigan raqamli identifikatsiyalash vositalari toʻgʻrisida) maʼlumotlarini markirovkalash axborot tizimiga taqdim etilmagan yoki ushbu Qoidalar bilan belgilangan talablarini buzgan holda maʼlumotlarni oʻtkazilgan mahsulotlar, raqamli markirovkalanmagan mahsulotlar deb hisoblanadi.

44. Operator mahsulot aylanmasi ishtirokchilarini buyurtmalarni boshqarish stansiyalari bilan ularni toʻgʻridan-toʻgʻri uzatish yoki markirovkalash axborot tizimining infratuzilmasida joylashgan buyurtmalarni boshqarish stansiyalariga masofadan turib taʼminlash orqali jihozlaydi.

Buyurtmalarni boshqarish stansiyalarini taqdim etish usulini tanlash toʻgʻrisidagi qaror tegishli Operator guruhi uchun raqamli identifikatsiyalash vositalari bilan markirovkalashning oʻziga xos xususiyatlarini hisobga olgan holda Operator tomonidan qabul qilinadi.

8-bob. Raqamli identifikatsiyalash vositalarini qoʻllash tartibi

45. Raqamli identifikatsiyalash vositalarini mahsulotlarga, mahsulotlarning qadoqlanishiga yoki raqamli identifikatsiyalash vositalarini qoʻllash uchun moʻljallangan boshqa moddiy tashuvchiga yelimlash:

Oʻzbekiston Respublikasi hududida mahsulot ishlab chiqariladigan boʻlsa, mahsulot ishlab chiqariladigan yoki saqlanadigan joylarda;

boshqa davlatlardan Oʻzbekiston Respublikasi hududiga olib kirilgan taqdirda, Oʻzbekiston Respublikasi davlat chegarasidan oʻtmasdan, boshqa davlatlarning hududida yoki bojxona ombori hududida yoxud shartli chiqarib yuborilgan tovarlar import qiluvchi tomonidan belgilangan omborda “erkin muomalaga chiqarish (import)” bojxona rejimiga rasmiylashtirilgunga qadar amalga oshiriladi.

46. Oldindan uni keyinchalik sotish bilan bogʻliq boʻlmagan maqsadlarda sotib olingan, shuningdek, oldin olib qoʻyilgan, xatlov qilingan, musodara qilingan yoki boshqa yoʻl bilan davlat daromadiga aylangan mahsulotlarni sotish toʻgʻrisida qaror qabul qilgan yuridik va yakka tartibdagi tadbirkor, Oʻzbekiston Respublikasi qonunchilik hujjatlarida nazarda tutilgan bajarilmagan majburiyatlar hisobiga markirovkalanmagan mahsulotlarni raqamli identifikatsiyalash vositalari bilan ularni uchinchi shaxslarga sotishdan oldin markirovkalashni taʼminlashi shart.

Komissiya agenti ushbu mahsulotlarni sotishga taklif qilishdan oldin markirovkalanmagan mahsulotlar komissiya shartnomalari boʻyicha yakka tartibdagi tadbirkor boʻlmagan shaxslardan sotish uchun qabul qilingan raqamli identifikatsiyalash vositalari (shu jumladan, mahsulotlar toʻplami) bilan markirovkalanishini taʼminlashi shart.

47. Raqamli identifikatsiyalash vositasi raqamli identifikatsiyalash vositasini mahsulotlardan, mahsulotlarni qadoqlashdan yoki raqamli identifikatsiyalash vositasini qoʻllash uchun moʻljallangan boshqa moddiy tashuvchidan ajratishga imkon bermaydigan usul yordamida qoʻllanilishi kerak.

Agar mahsulotlar toʻplami shakllantirilgan boʻlsa, raqamli identifikatsiyalash vositasi mahsulotlarning toʻplamiga yoki bunday isteʼmol qadoqlarida joylashgan yorliqqa, shuningdek, ushbu mahsulot toʻplamining bir qismi boʻlgan mahsulotning isteʼmol qadoqlariga yoki bunday isteʼmol qadoqlarida joylashgan yorliqqa qoʻllaniladi.

Agar mahsulotlar toʻplami shakllantirilgan boʻlsa, raqamli identifikatsiyalash vositasi mahsulotlarning isteʼmol paketiga yoki mahsulotlarning bunday isteʼmol qadoqlarida joylashgan yorliqqa qoʻllaniladi.

48. Raqamli identifikatsiyalash vositasi bilan yorliqni shaffof qoplash plyonkasida yoki boshqa tashqi qoplash materialida joylashtirishga ruxsat beriladi. Bunday holda, raqamli identifikatsiyalash vositalari raqamli identifikatsiyalash vositalarini oʻqish va tanib olishga toʻsqinlik qiladigan boshqa maʼlumotlar bilan qoplanmasligi kerak.

9-bob. Markirovkalash axborot tizimiga mahsulotlar aylanmasi ishtirokchilari tomonidan mahsulotlarning aylanmaga kiritilishi, ularning aylanmasi va aylanmadan chiqarish maʼlumotlarini taqdim etish tartibi va muddatlari hamda markirovkalash axborot tizimining boshqa axborot tizimlari bilan oʻzaro hamkorligi tartibi

49. Mahsulotlar aylanmasining ishtirokchilari mahsulotlarni masofadan (savdo shoxobchalaridan) sotish uchun mahsulot haqidagi maʼlumotni, jumladan, uning tavsifi, tasviri va narxini Internet jahon axborot tarmogʻida (Internet-doʻkonlarda), kataloglarda, bukletlarda va boshqa ommaviy ofertani oʻz ichiga olgan elektron va bosma materiallarda joylashtirish huquqiga ega, shuningdek, avans toʻlovlari yoki mahsulotlar uchun oldindan toʻlovlarni qabul qilish orqali oxirgi isteʼmolchilar bilan masofadan sotish orqali chakana savdo-sotiq shartnomalarini tuzish mumkin. Mahsulotlar aylanmaga kiritilishidan oldin tuzilgan masofaviy chakana savdo-sotiq shartnomasi asosida oxirgi isteʼmolchiga mahsulotlarni yetkazib berishga mahsulotlarni aylanmaga kiritgandan keyingina yoʻl qoʻyiladi.

49 1 . Markirovkalash axborot tizimiga identifikatsiya vositalari yordamida majburiy raqamli markirovkalanishi lozim boʻlgan mahsulotlar toʻgʻrisida batafsil maʼlumotlar belgilangan tartibda kiritilmagan taqdirda, ushbu mahsulotlar uchun mahsulotlar (tovarlar va xizmatlar) yagona elektron milliy katalogida tegishli MXIKlari yaratilmaydi. Bunda Soliq qoʻmitasi tomonidan markirovkalash axborot tizimiga tegishli maʼlumotlar kiritilmagan mahsulotlarni MXIKlaridan tadbirkorlik subyektlari tomonidan elektron hisobvaraq-fakturalarda va nazorat-kassa texnikalari cheklarida foydalanish imkoniyati cheklanadi.

Raqamli markirovkalanishi lozim boʻlgan mahsulotlar aylanmasining ishtirokchilari (ishlab chiqaruvchi va import qiluvchi, chakana yoki ulgurji savdosi bilan shugʻullanuvchi korxonalar, shu jumladan, marketpleyslar) tomonidan ushbu mahsulotlar realizatsiya qilinganda, elektron hisobvaraq-fakturalarda va nazorat-kassa texnikalari cheklarida tegishli (raqamli markirovkalanadigan) MXIKlari tanlanishi talab qilinadi.

Raqamli markirovkalanishi lozim boʻlgan mahsulotlar vositachilik va (yoki) agentlik shartnomalari doirasida realizatsiya qilinganda, elektron hisobvaraq-fakturalarda va (yoki) nazorat-kassa texnikalari cheklarida markirovka kodlari toʻgʻrisidagi maʼlumotlarni aks ettirish majburiyati komissioner zimmasiga yuklanadi.

50. Ishlab chiqaruvchilar mahsulotlarni sotish (savdo) uchun taklif qilishdan oldin, shu jumladan, ularni sotish (savdo) joyida namoyish etishdan oldin, ularning namunalarini namoyish qilish uchun (mahsulotlarni masofadan sotishda ular haqida maʼlumot berish bundan mustasno), markirovkalash axborot tizimiga quyidagi maʼlumotlarni kiritadi:

a) ishlab chiqarilgan sana;

b) ishlab chiqaruvchi soliq toʻlovchining identifikatsiya raqami;

v) Oʻzbekiston Respublikasi tashqi iqtisodiy faoliyatining mahsulot nomenklaturasi kodi;

g) mahsulot identifikatsiyalash kodi, yoki mahsulotlar toʻplami identifikatsiyalash kodi, yoki mahsulotlar jamlanmasining identifikatsiyalash kodi, yoki guruhlangan qadoqning identifikatsiyalash kodi, yoki transport qadogʻining identifikatsiyalash kodi;

d) ishlab chiqarish buyurtmasining turi (oʻzi ishlab chiqargan, shartnomaviy ishlab chiqarish);

e) mahsulot mulkdori boʻlgan soliq toʻlovchining identifikatsiya raqami (shartnomaviy ishlab chiqarilgan taqdirda);

j) mahsulotning muvofiqligini tasdiqlovchi hujjat turi, bunday hujjatning raqami va sanasi (texnik tartibga solish sohasida normativ hujjatlar talablarida mahsulotning muvofiqligini tasdiqlash toʻgʻrisida talablar mavjud boʻlgan taqdirda);

z) mahsulot mulkdoriga shartnomaviy ishlab chiqarish doirasida ishlab chiqarilgan mahsulotni berib yuborish toʻgʻrisidagi maʼlumotlar quyidagilarni oʻz ichiga oladi:

mahsulot mulkdori boʻlgan soliq toʻlovchining identifikatsiya raqami;

mahsulot mulkdoriga ishlab chiqaruvchi tomonidan mahsulotning berib yuborilishini tasdiqlovchi dastlabki hujjatning rekvizitlari;

mahsulot identifikatsiyalash kodi, yoki mahsulotlar toʻplami identifikatsiyalash kodi, yoki mahsulotlar jamlanmasining identifikatsiyalash kodi, yoki guruhlangan qadoqning identifikatsiyalash kodi, yoki transport qadogʻining identifikatsiyalash kodi;

i) shartnomaviy ishlab chiqarish doirasida ishlab chiqarilgan mahsulotning sotilishi toʻgʻrisidagi maʼlumotlar quyidagilarni oʻz ichiga oladi:

mahsulot mulkdori boʻlgan soliq toʻlovchining identifikatsiya raqami;

mahsulot mulkdoriga ishlab chiqaruvchi tomonidan mahsulotning berib yuborilishini tasdiqlovchi dastlabki hujjatning rekvizitlari;

mahsulot identifikatsiyalash kodi, yoki mahsulotlar toʻplami identifikatsiyalash kodi, yoki mahsulotlar jamlanmasining identifikatsiyalash kodi, yoki guruhlangan qadoqning identifikatsiyalash kodi, yoki transport qadogʻining identifikatsiyalash kodi;

k) Soliq qoʻmitasi bilan kelishilgan holda Operator tomonidan belgilangan va Operatorning Internet jahon axborot tarmogʻidagi rasmiy veb-saytida joylashtirilgan boshqa tegishli maʼlumotlar.

51. Yakka tartibdagi tadbirkor hisoblanmagan jismoniy shaxslardan olingan mahsulotlarni sotishni (savdosini) amalga oshiruvchi mahsulotlar aylanmasi ishtirokchilari (avval isteʼmolchilar tomonidan sotib olingan va ular tomonidan qaytarib berilgan mahsulotlar bundan mustasno), ushbu mahsulotni sotuvga (savdoga) taklif qilingunicha, jumladan, uning sotilish (savdo) joyiga joylashtirilguncha, uning namunalari namoyishga chiqarilgunicha (mahsulotlarning masofaviy usulda sotilishida ular toʻgʻrisidagi maʼlumotlarni taqdim etish bundan mustasno) markirovkalash axborot tizimiga quyidagi maʼlumotlarni kiritadi:

a) koʻrsatilgan mahsulotning aylanmasini amalga oshiruvchi mahsulotlar aylanmasi ishtirokchisi boʻlgan soliq toʻlovchining identifikatsiya raqami;

b) mahsulot identifikatsiyalash kodi, yoki mahsulotlar toʻplami identifikatsiyalash kodi, yoki mahsulotlar jamlanmasining identifikatsiyalash kodi, yoki guruhlangan qadoqning identifikatsiyalash kodi, yoki transport qadogʻining identifikatsiyalash kodi;

v) Soliq qoʻmitasi bilan kelishilgan holda Operator tomonidan belgilangan va Operatorning Internet jahon axborot tarmogʻidagi rasmiy veb-saytida joylashtirilgan boshqa tegishli maʼlumotlar.

52. Mahsulotlar aylanmasi ishtirokchilari, zarurat boʻlganda, raqamli identifikatsiyalash vositalari yordamida majburiy markirovkalash joriy qilinishi sanasiga sotilmagan mahsulotlarning har bir birligiga nisbatan quyidagi maʼlumotlarni markirovkalash axborot tizimiga kiritadi:

a) mahsulotlarning aylanmaga kiritilishini amalga oshiruvchi mahsulot aylanmasi ishtirokchisi boʻlgan soliq toʻlovchining identifikatsiya raqami;

b) mahsulot identifikatsiyalash kodi, yoki mahsulotlar toʻplami identifikatsiyalash kodi, yoki mahsulotlar jamlanmasining identifikatsiyalash kodi, yoki guruhlangan qadoqning identifikatsiyalash kodi, yoki transport qadogʻining identifikatsiyalash kodi;

v) mahsulotlarga bojxona yuk deklaratsiyasini roʻyxatga olish raqami va sanasi (Oʻzbekiston Respublikasiga olib kirilgan mahsulotlar uchun).

53. Import qiluvchilar erkin muomalaga chiqarish (import) bojxona rejimiga muvofiq markirovkalangan mahsulotni chiqargandan soʻng va markirovkalangan mahsulotni sotish (realizatsiya) uchun taklif qilishdan oldin, shu jumladan, uni sotish (realizatsiya) joyida namoyish etishdan, uning namunalarini namoyish qilishdan oldin (mahsulotlarni masofadan sotishda ular haqida maʼlumot berish bundan mustasno) quyidagilarni markirovkalash axborot tizimiga taqdim etadilar:

a) import qiluvchi boʻlgan soliq toʻlovchining identifikatsiya raqami;

b) bojxona yuk deklaratsiyasida aks ettirilgan agregatsiyalangan import kodi;

v) mahsulotlarning bojxona yuk deklaratsiyasini roʻyxatga olish sanasi;

g) mahsulotlarning bojxona yuk deklaratsiyasini roʻyxatdan oʻtkazish raqami;

d) mahsulotning muvofiqligini tasdiqlovchi hujjat turi, bunday hujjatning raqami va sanasi (texnik tartibga solish sohasida normativ hujjatlar talablarida mahsulotning muvofiqligini tasdiqlash toʻgʻrisida talablar mavjud boʻlganda);

e) Soliq qoʻmitasi bilan kelishgan holda Operator tomonidan belgilangan va Operatorning Internet jahon axborot tarmogʻidagi rasmiy veb-saytida joylashtirilgan boshqa tegishli maʼlumotlar.

54. Mahsulotlarni “erkin muomalaga chiqarish (import)” bojxona rejimiga rasmiylashtirish uchun import qiluvchilar bojxona yuk deklaratsiyasida mahsulotlarning identifikatsiyalash kodlarini yoki agregatsiyalangan import kodini koʻrsatishi mumkin. Agregatsiyalangan import kodi import qiluvchining talabnomasi boʻyicha Operator tomonidan shakllantiriladi, unda mazkur Qoidalarning 55-bandiga binoan maʼlumotlar koʻrsatiladi.

Mahsulotlarni ichki isteʼmolga chiqarish (import) yoki qayta import qilish maqsadida bojxona tartib-taomilidan oʻtish uchun mahsulot aylanmasi ishtirokchilari yuklarning bojxona deklaratsiyasida agregatsiyalangan import kodini koʻrsatadi. Agregatsiyalangan import kodi import qiluvchining talabnomasi boʻyicha Operator tomonidan shakllantiriladi, unda mazkur Qoidalarning 55-bandiga binoan maʼlumotlar koʻrsatiladi.

55. Agregatsiyalangan import kodini olish maqsadida mahsulotlar aylanmasi ishtirokchilari markirovkalash axborot tizimiga quyidagi maʼlumotlarni kiritadi:

a) mahsulotlar aylanmasi ishtirokchisi boʻlgan soliq toʻlovchining identifikatsiya raqami;

b) agregatsiyalangan import kodlariga kiritilishi lozim boʻlgan mahsulot identifikatsiyalash kodlari, va (yoki) mahsulotlar toʻplamining identifikatsiyalash kodlari, va (yoki) mahsulotlar jamlanmasining identifikatsiyalash kodlari, va (yoki) guruhlangan qadoqlarining identifikatsiyalash kodlari, yoki transport qadoqlarining identifikatsiyalash kodlari roʻyxati.

56. Agregatsiyalangan import kodi Operator tomonidan shakllantiriladi va mahsulotlar aylanmasi ishtirokchisi boʻlgan soliq toʻlovchining identifikatsiya raqamini va taqdim etishning ixtiyoriy tartibi boʻyicha Operator tomonidan tuziladigan mahsulotlar majmuasining individual seriya raqamini oʻz ichiga oladi.

57. Mahsulotlar aylanmasi ishtirokchilari, zarurat boʻlganda, mahsulotlar jamlanmasi shakllantirilishi amaliyotini amalga oshiradi va markirovkalash axborot tizimiga quyidagi maʼlumotlarni kiritadi:

a) mahsulotlar aylanmasi ishtirokchisi boʻlgan soliq toʻlovchining identifikatsiya raqami;

b) mahsulotlar jamlanmasining identifikatsiyalash kodi.

58. Mahsulotlar aylanmasi ishtirokchilari, zarurat boʻlganda, mahsulotlar toʻplami shakllantirilishi amaliyotini amalga oshiradi va markirovkalash axborot tizimiga quyidagi maʼlumotlarni kiritadi:

a) mahsulotlar aylanmasi ishtirokchisi boʻlgan soliq toʻlovchining identifikatsiya raqami;

b) mahsulotlar toʻplamining identifikatsiyalash kodi;

v) mahsulotlar toʻplamiga kirgan mahsulotlarning identifikatsiyalash kodlari roʻyxati.

59. Mahsulotlar aylanmasi ishtirokchilari, zarurat boʻlganda, agregatsiyalash amaliyotini amalga oshiradi va markirovkalash axborot tizimiga quyidagi maʼlumotlarni kiritadi:

a) quyidagi maʼlumotlarni topshirish orqali guruhlangan qadoqqa agregatsiyalash amaliyotini bajarish natijasi:

guruhlangan qadoqqa mahsulot qadogʻini amalga oshirgan mahsulot aylanmasi ishtirokchisi boʻlgan soliq toʻlovchining identifikatsiya raqami;

ishlab chiqarish buyurtmasining turi (oʻzi ishlab chiqargan, shartnomaviy ishlab chiqarish);

mahsulot mulkdori boʻlgan soliq toʻlovchining identifikatsiya raqami (shartnomaviy ishlab chiqarish holatida);

guruhlangan qadoqning identifikatsiyalash kodlari roʻyxati, ularning har biri uchun tegishli guruhlangan qadoqqa joylashtirilgan isteʼmol qadogʻining identifikatsiyalash kodlari roʻyxati koʻrsatiladi;

b) quyidagi maʼlumotlarni taqdim etish orqali birinchi bosqich transport qadogʻiga agregatsiyalash amaliyotini bajarish natijasi:

birinchi bosqich transport qadogʻiga mahsulot qadogʻini amalga oshirgan mahsulot aylanmasi ishtirokchisi boʻlgan soliq toʻlovchining identifikatsiya raqami;

ishlab chiqarish buyurtmasining turi (oʻzi ishlab chiqargan, shartnomaviy ishlab chiqarish);

mahsulot mulkdori boʻlgan soliq toʻlovchining identifikatsiya raqami (shartnomaviy ishlab chiqarish holatida);

birinchi bosqich transport qadogʻining identifikatsiyalash kodlari roʻyxati, ularning har biri tegishli transport qadogʻiga joylashtirilgan mahsulotlarni identifikatsiyalash kodlari, mahsulotlar toʻplamlarining identifikatsiyalash kodlari, yoki mahsulotlar jamlanmalarining identifikatsiyalash kodlari, yoki guruhlangan qadoqning identifikatsiyalash kodlari roʻyxati koʻrsatiladi;

v) quyidagi maʼlumotlarni taqdim etish orqali har bir keyingi bosqichni agregatsiyalash amaliyotini bajarish natijasi:

har bir keyingi bosqich transport qadogʻiga qadoqni amalga oshirgan mahsulot aylanmasi ishtirokchisi boʻlgan soliq toʻlovchining identifikatsiya raqami;

yuqori turuvchi bosqich transport qadogʻining identifikatsiyalash kodlari roʻyxati, ularning har biri uchun tegishli transport qadogʻiga joylashtirilgan transport qadogʻining identifikatsiyalash kodlari roʻyxati koʻrsatiladi;

Ayrim turdagi mahsulotlarni identifikatsiya vositalari orqali raqamli markirovkalash xususiyatlarida majburiy raqamli markirovka qilinadigan mahsulotlarni ishlab chiqarishda va (yoki) import qilishda agregatsiyalash tartibini bajarish majburiyati belgilanishi mumkin.

60. Transport qadogʻining identifikatsiyalash kodi bir oʻlchamli shtrix kod koʻrinishida Davlatlararo GOST ISO 15394-2013 “Oʻram. Yuklab joʻnatish, transportda tashish va qabul qilish uchun yorliqlarda shtrix kodning chiziqli belgilari va ikki oʻlchamli belgilar. Umumiy talablar” standartiga muvofiq taqdim etiladi.

Transport qadogʻi identifikatsiyalash kodining tarkibi transport qadogʻiga mahsulotni agregatsiyalanishni amalga oshiruvchi mahsulotlar aylanmasi ishtirokchisi tomonidan uning noyobligini taʼminlash sharti bilan belgilanadi.

61. Transport qadogʻi tarqatib yuborilishi amaliyotini amalga oshiruvchi mahsulotlar aylanmasi ishtirokchilari markirovkalash axborot tizimiga quyidagi maʼlumotlarni kiritadi:

transport qadogʻining tarqatib yuborilishini amalga oshirgan mahsulotlar aylanmasi ishtirokchisi boʻlgan soliq toʻlovchining identifikatsiya raqami;

tarqatib yuborilishi kerak boʻlgan transport qadogʻining identifikatsiyalash kodlari roʻyxati.

62. Mahsulotlar aylanmasi ishtirokchilari tomonidan markirovkalash axborot tizimiga mahsulotlar yoki markirovkalash axborot tizimining maʼlumotlari boʻyicha transport qadogʻida boʻlgan mahsulotlar toʻplami qismining aylanmasi yoki mahsulotning aylanmadan chiqarilishi toʻgʻrisidagi maʼlumotlar taqdim etilganda, markirovkalash axborot tizimida mahsulotning bunday qadoqlardan chiqarib olingan, joylashtirishning ancha yuqori darajadagi barcha qadoqlarining tarqatilishi avtomatik tarzda roʻyxatga olinadi.

63. Birinchi bosqichdagi transport qadogʻi doirasida mahsulot olib qoʻyilishi yoki qaytadan taxlanishi boʻyicha amaliyotlarni yoki keyingi bosqich transport qadogʻining olib qoʻyilishi yoki qaytadan taxlanishi boʻyicha amaliyotlarni amalga oshiruvchi mahsulotlar aylanmasi ishtirokchilari markirovkalash axborot tizimiga quyidagi maʼlumotlarni kiritadi:

olib qoʻyish yoki qayta taxlash boʻyicha amaliyotni amalga oshirgan mahsulot aylanmasi ishtirokchisi boʻlgan soliq toʻlovchining identifikatsiya raqami;

amaliyot turi (qayta taxlash, olib qoʻyish);

mahsulotlarning identifikatsiyalash kodlari, yoki mahsulotlar toʻplamining identifikatsiyalash kodlari, yoki mahsulotlar jamlanmasining identifikatsiyalash kodlari, yoki guruhlangan qadoqning identifikatsiyalash kodlari, yoki transport qadogʻining identifikatsiyalash kodlari roʻyxati.

64. Birinchi yoki keyingi bosqichdagi transport qadogʻining identifikatsiyalash kodi bekor qilinishi, faqat olib qoʻyish yoki qayta taxlash amaliyoti oʻtkazilishi natijalari boʻyicha ularda birinchi bosqichdagi transport qadoqlari yoki isteʼmol qadoqlari qolmagan taqdirda amalga oshiriladi.

65. Mahsulotlar toʻplamlarini tarqatish amaliyotini amalga oshirayotgan mahsulotlar aylanmasi ishtirokchilari markirovkalash axborot tizimiga quyidagi maʼlumotlarni kiritadi:

a) mahsulotlar toʻplamini tarqatib yuborish amaliyotini amalga oshiruvchi mahsulotlar aylanmasi ishtirokchisi boʻlgan soliq toʻlovchining identifikatsiya raqami;

b) tarqatib yuborilishi lozim boʻlgan mahsulotlar toʻplamining identifikatsiyalash kodi.

66. Egalik huquqi mahsulot aylanmasi ishtirokchisiga oʻtishini nazarda tutuvchi bitimlar hamda komissiya va (yoki) agentlik shartnomalari doirasida mahsulotni berib yuborishda (qabul qilishda), mahsulot yuklab joʻnatilishini (qabul qilinishini) amalga oshiruvchi mahsulotlar aylanmasi ishtirokchisi yuboriladigan (qabul qilinadigan) mahsulotlarni markirovka kodlarini oʻz ichiga olgan holda mahsulot berib yuborilishi (qabul qilinishi) toʻgʻrisidagi xabarnomani shakllantiradi (elektron hisobvaraq-faktura shaklida) hamda mahsulotni yuklab joʻnatish (berib yuborish yoki qabul qilish) kunidan boshlab 3 ish kunidan ortiq boʻlmagan muddatda, ammo ushbu mahsulot uchinchi shaxslarga berib yuborilishi kunidan kechiktirmasdan, uni elektron raqamli imzo bilan imzolaydi.

67. Mahsulot toʻliq qabul qilinganda mahsulot qabul qilinishini amalga oshirgan mahsulotlar aylanmasi ishtirokchisi mahsulot qabul qilingan kundan boshlab 3 ish kunidan ortiq boʻlmagan muddatda, ammo ushbu mahsulotni uchinchi shaxslarga berib yuborish kunidan kechiktirmasdan, oʻzining elektron raqamli imzosi bilan mahsulot berib yuborilishi (qabul qilinishi) toʻgʻrisidagi xabarnomani imzolaydi.

68. Rouming operatori har kuni real vaqt rejimida rouming operatori va markirovkalash axborot tizimi oʻrtasida maʼlumot almashinuvi dalolatnomasiga binoan quyidagi majburiy maʼlumotlarni oʻz ichiga olgan mahsulotni berib yuborish (qabul qilish) toʻgʻrisidagi barcha xabarnomalarni markirovkalash axborot tizimiga kiritadi:

bitimni amalga oshirish sanasi;

mahsulot berib yuborilishini amalga oshirgan mahsulotlar aylanmasi ishtirokchisi boʻlgan soliq toʻlovchining identifikatsiya raqami;

mahsulot qabul qilinishini amalga oshirgan mahsulotlar aylanmasi ishtirokchisi boʻlgan soliq toʻlovchining identifikatsiya raqami;

mahsulotni sotish narxi;

sotilgan mahsulotlar miqdori;

bitim doirasida berib yuborilgan mahsulotlarning identifikatsiyalash kodlari, yoki mahsulotlar toʻplamlarining identifikatsiyalash kodlari, yoki mahsulotlar jamlanmalarining identifikatsiyalash kodlari, yoki guruhlangan qadoqlarining identifikatsiyalash kodlari, yoki transport qadoqlarining identifikatsiyalash kodlari;

ishtirokchilarning elektron raqamli imzolari.

69. Operator markirovkalangan mahsulotni yuklab joʻnatish (qabul qilish) tartib-taomillarini avtomatlashtirish va mahsulotlar berib yuborilishi (qabul qilinishi) toʻgʻrisidagi xabarnomalarni rasmiylashtirish (imzolash) boʻyicha metodik tavsiyalarni ishlab chiqadi va Operatorning Internet jahon axborot tarmogʻidagi rasmiy veb-saytiga joylashtiradi.

70. Mahsulotlar aylanmasi ishtirokchilari tomonidan imzolangan mahsulotni berib yuborish (qabul qilish) toʻgʻrisidagi xabarnoma olinganda, Operator markirovkalash axborot tizimida bir mahsulotlar aylanmasi ishtirokchisidan boshqasiga mahsulot berib yuborilganligi dalilini aks ettiradi.

71. Markirovkalash axborot tizimi soʻrov boʻyicha bojxona organlarining axborot tizimiga markirovkalangan mahsulot toʻgʻrisidagi quyidagi maʼlumotni uzatadi:

a) mahsulotlar identifikatsiyalash kodlari, yoki mahsulotlar toʻplami identifikatsiyalash kodlari, yoki mahsulotlar jamlanmasi identifikatsiyalash kodlari, yoki guruhlangan qadoqlari identifikatsiyalash kodlari, transport qadogʻi identifikatsiyalash kodlari, yoki agregatsiyalangan bojxona kodlari egalarining nomlanishi;

b) soliq toʻlovchining identifikatsiya raqami, mahsulotlar identifikatsiyalash kodlari, yoki mahsulotlar toʻplamlarining identifikatsiyalash kodlari, mahsulotlar jamlanmasining identifikatsiyalash kodlari, guruhlangan qadoqlarining identifikatsiyalash kodlari, yoki transport qadoqlarining identifikatsiyalash kodlari, yoki agregatsiyalangan bojxona kodlarining egalari-soliq toʻlovchilari nomlanishi;

v) mahsulotlar identifikatsiyalash kodlari, yoki mahsulotlar toʻplamlarining identifikatsiyalash kodlari, yoki mahsulotlar jamlanmalarining identifikatsiyalash kodlari, yoki guruhlangan qadoqlarining identifikatsiyalash kodlari, yoki transport qadoqlarining identifikatsiyalash kodlari, yoki agregatsiyalangan bojxona kodlari;

g) mahsulotning identifikatsiyalash kodi, yoki mahsulotlar toʻplamining identifikatsiyalash kodi, yoki mahsulotlar jamlamasining identifikatsiyalash kodi, yoki guruhlangan qadoqlarining identifikatsiyalash kodi, yoki transport qadogʻining identifikatsiyalash kodi, yoki agregatsiyalangan import kodi maqomi;

d) mahsulotning identifikatsiyalash kodi maqomi, yoki mahsulotlar toʻplamining identifikatsiyalash kodi maqomi, yoki mahsulotlar jamlanmasining identifikatsiyalash kodi maqomi, yoki guruhlangan qadoqning identifikatsiyalash kodi maqomi, yoki transport qadogʻi identifikatsiyalash kodi maqomi, yoki agregatsiyalangan import kodi maqomining oxirgi oʻzgartirish sanasi;

e) Oʻzbekiston Respublikasi tashqi iqtisodiy faoliyatining mahsulot nomenklaturasi kodi;

j) mahsulot maqomi kodi;

z) mahsulotning maqomi;

i) mahsulot maqomini oʻzgartirish sanasi;

k) mahsulotlarni aylanmaga kiritish sanasi;

l) tartibga solish sohasida normativ hujjatlar talabiga mahsulotning muvofiq kelishi toʻgʻrisidagi hujjat sanasi va raqami (mavjud boʻlsa).

72. Bojxona organlarining axborot tizimi markirovkalangan mahsulotning bojxona nazorati natijalari toʻgʻrisida quyidagi maʼlumotlarni soʻrov boʻyicha markirovkalash axborot tizimiga uzatadi:

a) mahsulotlarning bojxona yuk deklaratsiyasi yuzasidan qaror qabul qilgan bojxona organining kodi;

b) mahsulotlarning bojxona yuk deklaratsiyasini roʻyxatdan oʻtkazish sanasi;

v) mahsulotlarning bojxona yuk deklaratsiyasini roʻyxatga olish raqami;

g) bojxona tartib-tamoyillari kodi;

d) deklaratsiya qilish xususiyatlari kodi;

e) mahsulot joʻnatuvchi tashkilot nomi;

j) roʻyxatdan oʻtish mamlakatida yoki uning oʻxshashida mahsulot joʻnatuvchisi boʻlgan soliq toʻlovchining identifikatsiya raqami;

z) mahsulot oluvchi tashkilot nomi;

i) mahsulot oluvchisi boʻlgan soliq toʻlovchining identifikatsiya raqami;

k) Oʻzbekiston Respublikasi tashqi iqtisodiy faoliyatining mahsulot nomenklaturasi kodi;

l) mahsulotning bojxona narxi;

m) mahsulot bahosi (faktura narxi);

n) eksport/reeksport mamlakati tomonidan belgilangan tartib va shaklga muvofiq vakolatli organ tomonidan berilgan sertifikatga asosan mahsulotning kelib chiqish mamlakati kodi;

o) qoʻshimcha oʻlchov birligidagi mahsulot miqdori;

p) qoʻshimcha oʻlchov birligi nomlanishi;

r) qoʻshimcha oʻlchov birligining kodi;

s) mahsulotlarning bojxona yuk deklaratsiyasidagi mahsulot nomi;

t) mahsulotlarning bojxona yuk deklaratsiyasidagi mahsulot miqdori;

u) mahsulotlarning identifikatsiyalash kodlari, yoki mahsulotlar toʻplamlarining identifikatsiyalash kodlari, yoki mahsulotlar jamlanmalarining identifikatsiyalash kodlari, yoki guruhlangan qadoqlarining identifikatsiyalash kodlari, yoki transport qadoqlarining identifikatsiyalash kodlari, yoki agregatsiyalangan import kodlari;

f) mahsulotlar boʻyicha budjetga toʻlangan qoʻshimcha qiymat soligʻi summasi;

x) qabul qilingan qaror kodi;

s) texnik tartibga solish sohasida normativ hujjatlarga muvofiqlik toʻgʻrisidagi hujjatlarning sanasi va raqami (mavjud boʻlsa).

73. Bojxona yuk deklaratsiyasida koʻrsatilgan mahsulot maʼlumotlariga oʻzgartirishlar va (yoki) qoʻshimchalar kiritishda, mahsulotlar ichki isteʼmolga chiqarish yoki qayta import qilish uchun bojxona tartib-taomiliga muvofiq chiqarilgandan soʻng bojxona organi mahsulotlar toʻgʻrisidagi toʻgʻrilangan maʼlumotlarni markirovkalash axborot tizimiga oʻtkazadi.

74. Bojxona organlarining axborot tizimidan olingan markirovkalangan mahsulotga nisbatan bojxona organining qarori toʻgʻrisidagi maʼlumotlar markirovkalash axborot tizimida qayd etiladi.

75. Mahsulotning chakana savdosini amalga oshiruvchi mahsulotlar aylanmasi ishtirokchilari markirovkalash axborot tizimiga nazorat-kassa texnikasini qoʻllash bilan mahsulotning aylanmadan chiqarilishi toʻgʻrisidagi maʼlumotni yoʻnaltiradi, Oʻzbekiston Respublikasi qonunchiligiga muvofiq hisob-kitoblarni amalga oshirishda nazorat-kassa texnikasini qoʻllamaslik huquqiga ega boʻlgan mahsulotlar aylanmasi ishtirokchilari bundan mustasno.

76. Mahsulot chakana savdosini amalga oshiruvchi mahsulotlar aylanmasining ishtirokchisi unda oʻrnatilgan va roʻyxatga olingan nazorat-kassa texnikasi bilan bogʻliq boʻlgan texnik vositalar yordamida (onlayn nazorat-kassa texnikasining skanerlash vositalari yoki alohida oʻrnatilgan skanerlash uskunalari) isteʼmol yoki guruhlangan qadogʻini raqamli identifikatsiya vositasini skanerdan oʻtkazadi, aniqlashtiradi va har bir sotilgan mahsulotning isteʼmol yoki guruhlangan markirovka kodi toʻgʻrisidagi maʼlumotlarni elektron fiskal hujjatga kiritadi va aniqlashtiradi.

77. Fiskal maʼlumotlar operatori har kuni real vaqt rejimida fiskal maʼlumotlar operatori va markirovkalash axborot tizimi oʻrtasida maʼlumot almashinuvi dalolatnomasiga binoan har bir sotilgan mahsulotning birligi boʻyicha quyidagi majburiy maʼlumotlarni markirovkalash axborot tizimiga uzatadi:

a) chakana savdo tashkiloti boʻlgan soliq toʻlovchining identifikatsiya raqami;

b) fiskal hujjatning turi;

v) fiskal hujjatning tartib raqami;

g) fiskal hujjatning sanasi va vaqti;

d) hisob-kitob belgisi — tushum (xaridordan mablagʻlarni olish), tushumni qaytarish (xaridordan olingan mablagʻlarni unga qaytarish);

e) mahsulot identifikatsiyalash kodi, yoki mahsulotlar toʻplami identifikatsiyalash kodi, yoki mahsulotlar jamlanmasining identifikatsiyalash kodi, yoki guruhlangan qadoqning identifikatsiyalash kodi;

j) mahsulot birligi narxi;

z) nazorat-kassa texnikasining roʻyxatga olingan raqami;

i) nazorat-kassa texnikasining roʻyxatdan oʻtkazilgan manzili;

k) tasdiqlovchi belgi (imzo).

78. Mahsulotni aylanmadan chiqarish yoki maʼlumotlarni roʻyxatdan oʻtkazishga rad etish toʻgʻrisida maʼlumotlar markirovkalash axborot tizimida roʻyxatga olish toʻgʻrisidagi xabarnoma fiskal maʼlumotlar operatoriga va (yoki) mahsulotning chakana savdosini amalga oshirgan mahsulotlar aylanmasi ishtirokchisiga yuboriladi.

79. Chakana savdo hisoblanmaydigan sabablar boʻyicha mahsulotning aylanmadan chiqarilishida, mazkur Qoidalarning 80 va 81-bandlari bilan koʻzda tutilgan mahsulotni aylanmadan chiqarish tartibi holatlaridan tashqari, mahsulotlar aylanmasi ishtirokchisi 3 ish kuni mobaynida soliq organlarining axborot tizimlari orqali quyidagi maʼlumotlarni ilova qilgan holda markirovka kodlarini aylanmadan chiqarish yuzasidan soʻrovnomani yuboradi:

a) mahsulotning aylanmadan chiqarilishini amalga oshirgan mahsulotlar aylanmasi ishtirokchisi boʻlgan soliq toʻlovchining identifikatsiya raqami;

b) mahsulotning aylanmadan chiqarilishi sababi (buzilishi, brak qilinishi, yoʻq qilinishi, yaroqlilik muddatlari tugashi, jismoniy shaxsga qaytarilishi va boshqalar);

v) mahsulotning aylanmadan chiqib ketishi toʻgʻrisidagi birlamchi hujjatning nomlanishi, sanasi va raqami;

g) aylanmadan chiqarilayotgan mahsulotlarning identifikatsiyalash kodlari, yoki mahsulotlar toʻplamlarining identifikatsiyalash kodlari, yoki mahsulotlar jamlanmalarining identifikatsiyalash kodlari, yoki guruhlangan qadoqlarining identifikatsiyalash kodlari.

Yuqoridagi soʻrovnoma soliq organlarining axborot tizimlari tomonidan inson omilisiz belgilangan tartibda tekshirilib maʼqullangan taqdirda, soʻrovnomada qayd etilgan markirovka kodlarini aylanmadan chiqarish yuzasidan tegishli maʼlumotlar markirovkalash axborot tizimiga taqdim etiladi.

80. Mahsulotni namunalar boʻyicha sotish yoki masofadan sotish orqali uni aylanmadan chiqarishda mahsulotlar aylanmasi ishtirokchisi isteʼmolchiga mahsulotning haqiqiy yetkazib berilish sanasigacha isteʼmolchiga yetkazib berish uchun saqlash omboridan mahsulotni yuklab joʻnatishda soliq organlarining axborot tizimlari orqali quyidagi maʼlumotlarni ilova qilgan holda markirovka kodlarini aylanmadan chiqarish yuzasidan soʻrovnomani yuboradi:

mahsulotning aylanmadan chiqarilishini amalga oshirgan mahsulotlar aylanmasi ishtirokchisining soliq toʻlovchining identifikatsiya raqami;

mahsulotning aylanmadan chiqarilishi sababi (mahsulotning namunalar boʻyicha sotilishi, mahsulotning masofadan turib sotilishi orqali);

mahsulotning aylanmadan chiqib ketishi haqidagi birlamchi hujjatning nomlanishi, sanasi va raqami;

mahsulotlarning identifikatsiyalash kodlari, yoki mahsulotlar toʻplamlarining identifikatsiyalash kodlari, yoki mahsulotlar jamlanmalarining identifikatsiyalash kodlari, yoki guruhlangan qadoqlarining identifikatsiyalash kodlari;

aylanmadan chiqarilayotgan mahsulotning narxi (mahsulotlar aylanmasi ishtirokchisining hisobga olish maʼlumotlari boʻyicha).

Yuqoridagi soʻrovnoma soliq organlarining axborot tizimlari tomonidan inson omilisiz belgilangan tartibda tekshirilib maʼqullangan taqdirda, soʻrovnomada qayd etilgan markirovka kodlarini aylanmadan chiqarish yuzasidan tegishli maʼlumotlar markirovkalash axborot tizimiga taqdim etiladi.

Namunalar boʻyicha sotish yoki masofaviy usulda sotish yoʻli bilan aylanmadan chiqarilgan mahsulot saqlash omboriga qaytarilgan holda mahsulotlar aylanmasi ishtirokchisi markirovkalash axborot tizimiga tegishli maʼlumotlarni kiritadi va mahsulot qayta markirovkalanishini amalga oshiradi, agar bunday qayta markirovkalash mazkur Qoidalarga muvofiq, ushbu mahsulot sotilishga (savdoga) taklif etilguniga qadar, jumladan, uning sotilish (savdo) joyigacha chiqarilguniga, uning namunalari namoyish etilgunga qadar (mahsulotlarning masofaviy sotilish usulida ular haqidagi maʼlumotlar taqdim etilishi bundan mustasno) talab etilayotgan boʻlsa.

Mahsulotning raqamli identifikatsiyalash vositalari shikastlanmagan holda qaytarilganda mahsulot takroran markirovkalanmaydi, markirovkalash axborot tizimiga esa quyidagi maʼlumotlar kiritiladi:

mahsulotni qabul qiluvchi mahsulotlar aylanmasi ishtirokchisi boʻlgan soliq toʻlovchining identifikatsiya raqami;

mahsulot identifikatsiyalash kodi, mahsulotlar toʻplamining identifikatsiyalash kodi, yoki mahsulotlar jamlanmasining identifikatsiyalash kodi, yoki guruhlangan qadoqning identifikatsiyalash kodi;

mahsulotlar qiymati isteʼmolchi tomonidan toʻlangan boʻlsa, mahsulot qaytarilganligini tasdiqlovchi hujjatlarning rekvizitlari;

oldin belgilangan mahsulot muvofiqligini tasdiqlovchi hujjatning amal qilish muddati tugagan taqdirda, texnik tartibga solish sohasidagi normativ hujjatlar talablariga muvofiq mahsulotning muvofiqligini tasdiqlovchi hujjat turi, hujjat raqami va sanasi (mavjud boʻlsa).

Mahsulotni qaytarishda va uni qayta markirovkalash zaruratida mahsulotlar aylanmasi ishtirokchisi markirovkalash axborot tizimiga quyidagi maʼlumotlarni kiritadi:

mahsulotlarni qabul qiluvchi mahsulotlar aylanmasi ishtirokchisi boʻlgan soliq toʻlovchining identifikatsiya raqami;

mahsulotni identifikatsiyalashning yangi kodi, mahsulotlar toʻplamini identifikatsiyalashning yangi kodi, mahsulotlar jamlanmasini identifikatsiyalashning yangi kodi, guruhlangan qadoqni identifikatsiyalashning yangi kodi;

agar mahsulotlar isteʼmolchi tomonidan toʻlangan boʻlsa, mahsulot qaytarilganligini tasdiqlovchi hujjatlarning rekvizitlari;

oldin belgilangan mahsulot muvofiqligini tasdiqlovchi hujjatning amal qilish muddati tugagan taqdirda, texnik tartibga solish sohasidagi normativ hujjatlar talablariga muvofiq mahsulotning muvofiqligini tasdiqlovchi hujjat turi, hujjat raqami va sanasi (mavjud boʻlsa).

81. Mahsulot eksportga chiqarilishi sababli mahsulot aylanmadan chiqarilishida mahsulotlar aylanmasi ishtirokchisi soliq organlarining axborot tizimlari orqali quyidagi maʼlumotlarni ilova qilgan holda markirovka kodlarini aylanmadan chiqarish yuzasidan soʻrovnomani yuboradi:

a) eksport qiluvchi boʻlgan soliq toʻlovchining identifikatsiya raqami;

b) mahsulot identifikatsiyalash kodi, yoki mahsulotlar toʻplami identifikatsiyalash kodi, yoki mahsulotlar jamlanmasining identifikatsiyalash kodi, yoki guruhlangan qadoqning identifikatsiyalash kodi, yoki transport qadogʻining identifikatsiyalash kodi, yoki agregatsiyalangan import kodi;

v) mahsulotlarga bojxona yuk deklaratsiyasini roʻyxatga olish sanasi;

g) mahsulotlarga bojxona yuk deklaratsiyasining roʻyxatdan oʻtkazish raqami.

Yuqoridagi soʻrovnoma soliq organlarining axborot tizimlari tomonidan inson omilisiz belgilangan tartibda tekshirilib maʼqullangan taqdirda, soʻrovnomada qayd etilgan markirovka kodlarini aylanmadan chiqarish yuzasidan tegishli maʼlumotlar markirovkalash axborot tizimiga taqdim etiladi.

82. Mahsulot qayta markirovkalanganda mahsulotlar aylanmasi ishtirokchisi ushbu mahsulot sotish (savdo) uchun taqdim etilguniga qadar, jumladan, uning sotilish (savdo) joyigacha chiqarilguniga qadar, uning namunalari namoyish etilguniga qadar (mahsulotlar masofaviy usulda sotilishida ular toʻgʻrisidagi maʼlumotlarni taqdim etish bundan mustasno) markirovkalash axborot tizimiga quyidagi maʼlumotlarni taqdim qiladi:

a) yangi raqamli identifikatsiyalash vositalarining mahsulotlar identifikatsiyalash kodlari, yoki mahsulotlar toʻplamlarining identifikatsiyalash kodlari, yoki mahsulotlar jamlanmasining identifikatsiyalash kodlari, yoki guruhlangan qadoqning identifikatsiyalash kodlari;

b) buzilgan (yoʻqotilgan, yoʻq qilingan) raqamli identifikatsiyalash vositasining (mavjud boʻlsa) mahsulotlarning identifikatsiyalash kodlari, yoki mahsulotlar toʻplamlarining identifikatsiyalash kodlari, yoki mahsulotlar jamlanmalarining identifikatsiyalash kodlari, yoki guruhlangan qadoqning identifikatsiyalash kodlari.

83. Mahsulotni keyinchalik sotish (savdo) bilan bogʻliq boʻlmagan maqsadlarda foydalanish uchun sotib olayotgan yuridik shaxslar va yakka tartibdagi tadbirkorlar egalik huquqi, shu jumladan, elektron hisobvaraq-faktura shaklida oʻtganligini tasdiqlovchi, xaridor tomonidan tasdiqlangan xabarnoma asosida egalik huquqi sotuvchidan xaridorga oʻtganligini tasdiqlovchi xabarnomani imzolaydilar. Mahsulotni kelajakda sotish (savdo) bilan bogʻliq boʻlmagan maqsadlarda qoʻllash uchun mahsulotni sotuvchi mahsulotlar aylanmasi ishtirokchilari, mahsulot berib yuborilishi kunidan boshlab 3 ish kunidan ortiq boʻlmagan muddatda mulkchilik huquqlari oʻtishini tasdiqlovchi xaridor tomonidan tasdiqlangan xabarnoma asosida markirovkalash axborot tizimiga quyidagi maʼlumotlarni kiritadi:

a) mahsulotning aylanmadan chiqarilishini amalga oshirgan mahsulotlar aylanmasi ishtirokchisining soliq toʻlovchining identifikatsiya raqami;

b) mahsulotlar identifikatsiyalash kodlari, yoki mahsulotlar toʻplamlarining identifikatsiyalash kodlari, yoki mahsulotlar jamlanmalarining identifikatsiyalash kodlari, yoki guruhlangan qadoqlarining identifikatsiyalash kodlari, yoki transport qadoqlarining identifikatsiyalash kodlari;

v) mahsulotning aylanmadan chiqarilishi usuli (xaridor tomonidan mahsulotning kelajakda sotish bilan bogʻliq boʻlmagan maqsadlarda ulgurji savdosi);

g) mahsulotning aylanmadan chiqarilishi sanasi;

d) birlamchi hujjatlarga binoan (realizatsiya qilinganda (sotilganda) markirovkalangan mahsulotning realizatsiya narxi (qoʻllash mumkin boʻlgan hollarda, qoʻshimcha qiymat soligʻini hisobga olgan holda);

e) sotib olinganligini tasdiqlovchi hujjat nomlanishi, raqami va sanasi.

84. Isteʼmolchi tomonidan mahsulot raqamli identifikatsiyalash vositasi shikastlanmagan holda qaytarilganda mahsulot qayta markirovkalanishi shart emas, markirovkalash axborot tizimiga esa mahsulotlar aylanmasi ishtirokchisi tomonidan quyidagi maʼlumotlar kiritiladi:

mahsulot qabul qiluvchi mahsulotlar aylanmasi ishtirokchisi boʻlgan soliq toʻlovchining identifikatsiya raqami;

mahsulot identifikatsiyalash kodi, yoki mahsulotlar toʻplami identifikatsiyalash kodi, yoki mahsulotlar jamlanmasining identifikatsiyalash kodi, yoki guruhlangan qadoqning identifikatsiyalash kodi;

markirovkalangan mahsulotning qaytarilishini tasdiqlovchi hujjatlarning rekvizitlari.

Isteʼmolchi tomonidan raqamli identifikatsiyalash vositasi shikastlanishi yoki raqamli identifikatsiyalash vositasisiz (mahsulotni identifikatsiyalash imkoniyati mavjud boʻlmaganda) mahsulotning qaytarilishida mahsulotlar aylanmasi ishtirokchisi mahsulotning sotish (savdo) uchun taklif qilinguniga qadar, jumladan, uning sotish (savdo) joyigacha chiqarilguniga qadar, uning namunalari namoyish etilguniga qadar yoki u haqida sotish (savdo) joyida maʼlumotlarning taqdim etilguniga qadar mazkur Qoidalar bilan muvofiqlikda mahsulotning qayta markirovkalanishini amalga oshiradi va markirovkalash axborot tizimiga quyidagi maʼlumotlarni kiritadi:

mahsulotni qabul qiluvchi mahsulotlar aylanmasi ishtirokchisi boʻlgan soliq toʻlovchining identifikatsiya raqami;

yangi mahsulot identifikatsiyalash kodi, yoki mahsulotlar toʻplami identifikatsiyalash kodi, yoki mahsulotlar jamlanmasining identifikatsiyalash kodi, yoki guruhlangan qadoqning identifikatsiyalash kodi;

markirovkalangan mahsulotning qaytarilishini tasdiqlovchi hujjatlarning rekvizitlari.

85. Sotuvchiga mahsulotni kelajakda sotish (savdo) bilan bogʻliq boʻlmagan maqsadlarda qoʻllash uchun sotish yoʻli bilan aylanmadan chiqarilgan mahsulotni qaytaruvchi yuridik shaxs va yakka tartibdagi tadbirkorlar mulkchilik huquqi oʻtishini tasdiqlovchi, jumladan, elektron hisobvaraq-faktura koʻrinishida, xabarnomaning xaridor tomonidan tasdiqlanishi asosida xaridordan sotuvchiga mulkchilik huquqlari oʻtishini tasdiqlovchi xabarnomani imzolaydi. Mahsulotni kelajakda sotish (savdo) bilan bogʻliq boʻlmagan maqsadlarda foydalanish uchun sotish yoʻli bilan aylanmadan chiqarilgan qaytariladigan mahsulotni qabul qiluvchi mahsulotlar aylanmasi ishtirokchilari mulkchilik huquqi oʻtkazilishini tasdiqlovchi xaridor tomonidan tasdiqlangan xabarnoma asosida mahsulotni berib yuborish (qabul qilish) kunidan 3 ish kunidan koʻp boʻlmagan muddatda markirovkalash axborot tizimiga tegishli maʼlumotlarni kiritadi.

86. Mahsulotning kelajakda sotilishi (savdosi) bilan bogʻliq boʻlmagan maqsadlarda mahsulotni sotib olgan va uning sotilishi (savdosi) toʻgʻrisida qaror qabul qilgan yuridik shaxs yoki yakka tartibdagi tadbirkor, zarurat boʻlganida, ushbu mahsulotning sotilishi (savdosi) uchun taklif qilinguniga qadar, jumladan, uning sotish (savdo) joyiga chiqarilguniga qadar, uning namunalari namoyish etilguniga qadar mahsulotning raqamli identifikatsiyalash vositalari yordamida qayta markirovkalanishini amalga oshiradi (mahsulotlar masofaviy usulda sotilishida ular toʻgʻrisida maʼlumotlar taqdim etilishi bundan mustasno) va markirovkalash axborot tizimiga quyidagi maʼlumotlarni kiritadi:

a) mahsulotlar aylanmasi ishtirokchisi boʻlgan soliq toʻlovchining identifikatsiya raqami;

b) muomalaga qaytariladigan mahsulotning identifikatsiyalash kodi, yoki mahsulotlar toʻplamining identifikatsiyalash kodi, yoki mahsulotlar jamlanmasining identifikatsiyalash kodi, yoki guruhlangan qadoqning identifikatsiyalash kodi (raqamli identifikatsiyalash vositasi shikastlanmagan va yoʻqotilmagan taqdirda);

v) mahsulotni identifikatsiyalashning yangi kodi, yoki mahsulotlar toʻplamlarini identifikatsiyalashning yangi kodi, mahsulotlar jamlanmasini identifikatsiyalashning yangi kodi, yoki guruhlangan qadoqni identifikatsiyalashning yangi kodi (raqamli identifikatsiyalash vositasi shikastlanmagan va yoʻqotilmagan taqdirda).

10-bob. Markirovkalash axborot tizimida mavjud maʼlumotlarga oʻzgartirish kiritish tartibi

87. Mazkur Qoidalarga muvofiq markirovkalash axborot tizimiga kiritilgan maʼlumotlar oʻzgartirilgan taqdirda, mahsulotlar aylanmasi ishtirokchisi 3 ish kuni davomida oʻzgartirish kiritilgan kundan boshlab Operatorga ushbu maʼlumotlar oʻzgartirilganligi toʻgʻrisida xabarnoma yoʻllaydi.

88. Agar mahsulotlar aylanmasi ishtirokchilari tomonidan mahsulot qabul qilinganligi toʻgʻrisidagi maʼlumotlar markirovkalash axborot tizimiga yuborilgunga qadar yuborilayotgan hujjatlarda koʻrsatilgan maʼlumotlarga tuzatish kiritish talab etilishi aniqlangan boʻlsa:

a) mahsulot yuklab joʻnatilishini (berib yuborilishini) amalga oshirgan mahsulotlar aylanmasi ishtirokchisi xabarnomani bekor qiladi (elektron hisobvaraq-faktura shaklida);

b) mahsulot qabul qilinishini amalga oshiruvchi mahsulotlar aylanmasi ishtirokchisi xabarnomani rad etadi (elektron hisobvaraq-faktura shaklida).

89. Agar mahsulot qabul qilinishidan va markirovkalash axborot tizimiga bu haqida maʼlumotlar uzatilishidan keyin mahsulotlar aylanmasi ishtirokchisi tomonidan uzatuvchi hujjatlarda koʻrsatilgan maʼlumotlarga tuzatish kiritish talab etilishi aniqlangan boʻlsa:

a) mahsulot yuklab joʻnatilishini (berib yuborilishini) amalga oshirgan mahsulot aylanmasi ishtirokchisi mahsulot berib yuborilishi (qabul qilinishi) toʻgʻrisidagi maʼlumotlarni aniqlashtirish toʻgʻrisidagi xabarnomani (qoʻshimcha hisobvaraq-faktura yoki toʻgʻrilangan hisobvaraq-faktura shaklida) shakllantiradi;

b) mahsulot qabul qilinishini amalga oshirgan mahsulotlar aylanmasi ishtirokchisi mahsulot berib yuborilishi (qabul qilinishi) toʻgʻrisidagi maʼlumotlarni aniqlashtirish haqidagi xabarnomani imzolaydi;

v) Operator mazkur bandning “a” va “b”-kichik bandlarida koʻrsatilgan xabarnomalarni olgandan keyin mahsulotni yuborish (qabul qilish) toʻgʻrisidagi maʼlumotlarni aniqlashtirish haqida xabarnoma bilan muvofiqlikda maʼlumotlarga tuzatish kiritilishi dalilini markirovkalash axborot tizimida aks ettiradi.

90. Chakana savdo mahsulotlari aylanmadan chiqarilishi toʻgʻrisida Operatorga oldin taqdim etilgan maʼlumotlarni bekor qilish yoki ularni tuzatish uchun mahsulotlar aylanmasi ishtirokchisi oldin yuborilgan xabarnomani bekor qilish toʻgʻrisida xabarnomani (avval sotilgan mahsulotni qaytarish alomati bilan elektron fiskal hujjat shaklida) Operatorga yoʻllaydi va zarurat boʻlganida yangi xabarnomani kiritadi.

91. Chakana savdo uchun moʻljallanmagan mahsulotlar aylanmadan chiqarilishi toʻgʻrisida Operatorga oldin taqdim etilgan maʼlumotlarni bekor qilish yoki ularni tuzatish uchun mahsulotlar aylanmasi ishtirokchisi oldin yuborilgan xabarnomani uning rekvizitlarini koʻrsatgan holda markirovkalash axborot tizimiga yoʻllaydi va zarurat boʻlganida mazkur Qoidalarning 81-bandida belgilangan maʼlumotlarni oʻz ichiga oluvchi yangi xabarnomani yuboradi.

92. Vakolatli davlat boshqaruv organi tomonidan maʼlumotlar oʻzgartirilganligi toʻgʻrisida xabar yuborgan mahsulotlar aylanmasi ishtirokchisining faoliyati tekshirilgan davrda oldin mahsulot aylanmasi ishtirokchisi tomonidan markirovkalash uchun taqdim etilgan mahsulotlarning muomalaga kiritilishi, muomalaga chiqarilishi va muomaladan chiqarilishi toʻgʻrisidagi maʼlumotlarga oid oʻzgartirishlar markirovkalash axborot tizimiga kiritilishiga yoʻl qoʻyilmaydi.

92 1 . Oʻzbekiston Respublikasi Adliya vazirligi tomonidan huquqiy muhofazaga olingan intellektual mulk obyektlariga (tovar belgilari, xizmat koʻrsatish belgilari, tovar kelib chiqqan joy nomlari, geografik koʻrsatkichlar va sanoat namunalari) oid huquqbuzarlik holati yuzasidan xat kiritilgan kundan boshlab, Operator 3 ish kunida markirovkalash axborot tizimiga bunday mahsulotni muomalaga kiritish va aylanishini cheklash uchun zarur boʻlgan maʼlumotni kiritadi.

11-bob. Qoidalarga rioya etilishini nazorat qilish

93. Mazkur Qoidalarga rioya etilishini nazorat qilish qonunchilik hujjatlariga muvofiq davlat soliq xizmati organlari va boshqa nazorat qiluvchi organlar (muassasalar) tomonidan amalga oshiriladi.

Nazorat qiluvchi organlar (muassasalar) mazkur Qoidalarga rioya etilishini tekshirish uchun tegishli ekspert va mutaxassislarni jalb qilishi mumkin. Mahsulot aylanmasi ishtirokchilari tekshiruvchi shaxslarga tekshiruv oʻtkazishda yordam berishlari, kamchilik va qonunbuzarliklarni bartaraf etish choralarini koʻrishlari shart.

93 1 . Oʻzbekiston Respublikasi Adliya vazirligi intellektual mulk obyektlariga oid huquqbuzarlikni aniqlash maqsadida markirovkalash axborot tizimida roʻyxatdan oʻtkazilgan tovarlarning intellektual mulk obyektlariga boʻlgan huquqlarga rioya etilganligi monitoringini yuritadi. Monitoring tadbirkorlik subyektlari faoliyatiga aralashmagan holda yuritiladi.

Monitoring natijalari boʻyicha intellektual mulk obyektlariga boʻlgan huquqlar buzilganligi aniqlansa, Oʻzbekiston Respublikasi Adliya vazirligi tomonidan huquq egasiga bu toʻgʻrisida xabar qilinadi. Xabardor qilingan huquq egalaridan tegishli holat boʻyicha chora koʻrish haqida murojaat kelib tushsa, Oʻzbekiston Respublikasi Adliya vazirligi qonunchilikda belgilangan tartibda vakolatli organni xabardor qilgan holda, tekshiruv oʻtkazish orqali huquqbuzarlik holati yuzasidan mahsulotlar aylanmasi ishtirokchisiga huquqiy choralar koʻradi.

12-bob. Majburiy raqamli markirovka qoidalarini buzish turlari

94. Mazkur Qoidalarning buzilishi qonunga muvofiq javobgarlikka olib keladi.

95. Quyidagilar qonunchilikda majburiy raqamli markirovkalanishi belgilangan mahsulotlarni ishlab chiqaruvchilar va import qiluvchilar tomonidan identifikatsiya vositalari orqali raqamli markirovka qoidalarini buzilishi deb hisoblanadi:

raqamli identifikatsiya vositalarisiz mahsulotlarni ishlab chiqarish, olib kirish (import qilish), saqlash, tashish yoki realizatsiya qilish;

markirovkalash axborot tizimida roʻyxatdan oʻtmagan holda raqamli markirovkalanishi lozim boʻlgan mahsulotlarni ishlab chiqarish, import qilish yoxud realizatsiya qilish;

raqamli identifikatsiya vositalarining takroriy nusxalaridan (dublikat) foydalangan holda mahsulotlarni ishlab chiqarish, olib kirish (import qilish), saqlash, tashish yoki realizatsiya qilish;

soxtalashtirilgan (kontrafakt) yoki ilgari ishlatilgan markirovka kodlari yordamida, shuningdek, markirovka kodlarining chop etish sifatini baholash haqida yoki qoʻllanilishi (ishlatilishi) haqidagi maʼlumotlarni Operatorga yubormagan holda yoxud notoʻgʻri (yolgʻon yoki haqiqatga mos kelmaydigan) maʼlumotlarni yuborgan holda raqamli markirovkalangan mahsulotlarni ishlab chiqarish yoki olib kirish (import qilish);

mahsulotlarni ishlab chiqarish (qadoqlash) paytida raqamli identifikatsiya vositalarini skanerlash talablarini va (yoxud) Operatorga markirovka kodlarini qoʻllash toʻgʻrisidagi hisobotni yuborish talablarini buzish;

raqamli markirovkalangan mahsulotlarni agregatsiyalash talablarini buzish;

nuqsonli (brak boʻlgan) raqamli markirovkalangan mahsulotlarni hisobdan chiqarish yoki sotish bilan bogʻliq boʻlmagan sabablarga koʻra muomaladan chiqarish yoxud markirovkalangan mahsulotlarni qayta markirovkalash talablarini buzish;

realizatsiya qilingan (sotilgan) mahsulotlarning har bir birligi uchun markirovka kodlari toʻgʻrisidagi maʼlumotlarni oʻz ichiga olgan fiskal hujjatni va (yoki) elektron hisobvaraq-fakturani rasmiylashtirmasdan raqamli markirovkalangan mahsulotlarni realizatsiya qilish (sotish).

96. Quyidagilar qonunchilikda majburiy raqamli markirovkalanishi belgilangan mahsulotlarni ulgurji sotuvchilar tomonidan identifikatsiya vositalari orqali raqamli markirovkalash qoidalarini buzilishi deb hisoblanadi:

raqamli markirovkalanmangan mahsulotlarni sotib olish, tashish, saqlash yoki realizatsiya qilish (sotish);

markirovkalash axborot tizimida roʻyxatdan oʻtmagan holda raqamli markirovkalanishi lozim boʻlgan mahsulotlarni qabul qilish yoxud realizatsiya qilish;

markirovka kodlari toʻgʻrisidagi maʼlumotlarni oʻz ichiga olgan elektron hisobvaraq-fakturalarni qabul qilmasdan raqamli markirovkalangan mahsulotlarni sotib olish, shuningdek, realizatsiya qilingan (sotilgan) mahsulotlarning har bir birligi uchun markirovka kodlari toʻgʻrisidagi maʼlumotlarni oʻz ichiga olgan fiskal hujjatni yoxud elektron hisobvaraq-fakturani rasmiylashtirmasdan raqamli markirovkalangan mahsulotlarni realizatsiya qilish (sotish);

nuqsonli (brak boʻlgan) raqamli markirovkalangan mahsulotlarni hisobdan chiqarish yoki sotish bilan bogʻliq boʻlmagan sabablarga koʻra muomaladan chiqarish talablarini buzish;

raqamli identifikatsiya vositalarining takroriy nusxalaridan (dublikat) foydalangan holda ishlab chiqarilgan mahsulotlarni sotib olish, saqlash, tashish yoki realizatsiya qilish.

96 1 . Quyidagilar qonunchilikda majburiy raqamli markirovkalanishi belgilangan mahsulotlarni chakana savdosi bilan shugʻullanuvchi va umumiy ovqatlanish sohasidagi korxonalar tomonidan identifikatsiya vositalari orqali raqamli markirovkalash qoidalarini buzilishi deb hisoblanadi:

raqamli markirovkalanmangan mahsulotlarni sotib olish, tashish, saqlash yoki realizatsiya qilish (sotish);

markirovkalash axborot tizimida roʻyxatdan oʻtmagan holda raqamli markirovkalanishi lozim boʻlgan mahsulotlarni qabul qilish yoxud realizatsiya qilish;

markirovka kodlari toʻgʻrisidagi maʼlumotlarni oʻz ichiga olgan elektron hisobvaraq-fakturalarni qabul qilmasdan raqamli markirovkalangan mahsulotlarni sotib olish, saqlash, tashish yoki realizatsiya qilish;

nuqsonli (brak boʻlgan) raqamli markirovkalangan mahsulotlarni hisobdan chiqarish yoki sotish bilan bogʻliq boʻlmagan sabablarga koʻra muomaladan chiqarish talablarini buzish;

raqamli markirovkalanmagan mahsulotlarni saqlash, ishlatish va (yoki) mahsulot muomalasining boshqa subyektiga yoxud oxirgi isteʼmolchiga realizatsiya qilish (sotish);

raqamli identifikatsiya vositalarining takroriy nusxalaridan (dublikat) foydalangan holda ishlab chiqarilgan mahsulotlarni saqlash, tashish yoki realizatsiya qilish;

mahsulot muomalasining boshqa subyektiga realizatsiya qilingan (sotilgan) mahsulotlarning har bir birligi uchun markirovka kodlari toʻgʻrisidagi maʼlumotlarni oʻz ichiga olgan fiskal hujjatni yoxud elektron hisobvaraq-fakturani rasmiylashtirmasdan raqamli markirovkalangan mahsulotlarni realizatsiya qilish (sotish);

markirovka kodini muomaladan olib tashlash uchun elektron fiskal hujjatga har bir sotilgan tovar birligining markirovka kodlari toʻgʻrisidagi maʼlumotlarni kiritmasdan, raqamli markirovkalangan mahsulotni yakuniy isteʼmolchiga realizatsiya qilish (sotish).

96 2 . Quyidagilar qonunchilikda raqamli markirovkalanishi lozim boʻlgan mahsulotlarni vositachilik va (yoki) agentlik shartnomalari doirasida realizatsiya qilinganda, identifikatsiya vositalari orqali raqamli markirovkalash qoidalarining buzilishi deb hisoblanadi:

a) komissioner tomonidan:

markirovkalash axborot tizimida roʻyxatdan oʻtmagan holda, raqamli markirovkalanishi lozim boʻlgan mahsulotlarni qabul qilish yoxud realizatsiya qilish;

komitentdan markirovka kodi aks ettirilishini talab qilmagan holda, mahsulotlarni xaridorlarga realizatsiya qilish (sotish) yoki yetkazib berish;

realizatsiya qilingan (sotilgan) mahsulotlarning har bir birligi uchun markirovka kodlari toʻgʻrisidagi maʼlumotlarni elektron hisobvaraq-fakturalarda va (yoki) nazorat-kassa texnikalari cheklarida aks ettirmasdan mahsulotlarni realizatsiya qilish (sotish);

b) komitent tomonidan:

markirovkalash axborot tizimida roʻyxatdan oʻtmagan holda, raqamli markirovkalanishi lozim boʻlgan mahsulotlarni qabul qilish yoxud realizatsiya qilish;

raqamli markirovkalanmangan mahsulotlarni realizatsiya qilish (sotish);

soxtalashtirilgan (kontrafakt) yoki ilgari ishlatilgan markirovka kodlari yordamida markirovkalangan mahsulotlarni realizatsiya qilish (sotish), shuningdek, komissionerga elektron hisobvaraq-fakturalarda va (yoki) nazorat-kassa texnikalari cheklarida aks ettirish uchun markirovka kodlari toʻgʻrisida notoʻgʻri (yolgʻon yoki nomutanosib) maʼlumotlarni taqdim etgan holda mahsulotlarni realizatsiya qilish (sotish).

13-bob. Servis-provayderlarning vazifalari va majburiyatlari

97. Markirovkalash kodlarini raqamli identifikatsiyalash vositalariga oʻzgartirish va ularni isteʼmol qadogʻiga va (yoki) guruhlangan qadoqqa va (yoki) yorliqqa va (yoki) stikerga tushirish mahsulotlar aylanmasi ishtirokchisi bilan tuzilgan shartnoma asosida servis-provayder tomonidan ham amalga oshirilishi mumkin.

Servis-provayderga toʻlovlar faqat koʻrsatilgan xizmatlar uchun shartnomada nazarda tutilgan shart va miqdorda amalga oshiriladi. Bunda shartnoma shartlari servis-provayder tomonidan bajarilmaganda, shartnomaga oid nizoli holatlar sud tartibida hal etiladi.

98. Servis-provayder markirovkalash kodlarini raqamli identifikatsiya vositalariga oʻzgartirish va ularni tushirish uchun quyidagilarga ega boʻlishi zarur:

a) elektron raqamli imzo;

b) mahsulotlar aylanmasi ishtirokchisining topshirigʻi boʻyicha raqamli identifikatsiya vositasini oʻzgartirish va uni tushirish uchun yetarli boʻlgan, ammo mahsulotlar aylanmasi ishtirokchisining qadoqlar, yorliqlar va stikerlar ishlab chiqarish uchun muntazam joylashtiriladigan buyurtmalaridan past boʻlmagan unumdorlik bilan ishlaydigan kompleks poligrafiya asbob-uskunasi;

v) quyidagilarni taʼminlovchi distributsiya, matbaa va validatsiya dasturiy-apparat kompleksi:

mahsulotlar aylanmasi ishtirokchilarining markirovkalash kodlarini himoyalangan holda saqlash;

mahsulotlar aylanmasi ishtirokchisiga markirovkalash kodlarini yetkazib beruvchi aloqa kanalini himoya qilish;

mahsulotlar aylanmasi ishtirokchisiga markirovkalash kodini yetkazib berish;

markirovkalash kodlarini raqamli identifikatsiyalash vositalariga oʻzgartirish (nashrni boshqarish);

raqamli identifikatsiyalash vositalarining tushirilish sifatini apparatli validatsiyalash (texnik koʻrish vositalarini qoʻllagan holda);

raqamli identifikatsiyalash vositalarini validatsiyalash moduli yordamida markirovkalash kodlarini raqamli identifikatsiyalash vositalariga oʻzgartirish toʻgʻrisida hisobotlarni shakllantirish va ularni markirovkalash axborot tizimiga kiritish;

markirovkalash qoidalariga rioya etish (tushirish sifatini validatsiyalashdan soʻng va markirovkalash kodidan foydalanish toʻgʻrisidagi hisobot shakllantirilgandan keyin tekshirish kodini oʻchirib tashlash);

alohida tezkor saqlash imkonini beradigan himoyalangan saqlagichdan mahsulotlar aylanmasi ishtirokchilarining markirovkalash kodlarini (ishlab chiqarish jarayonida markirovkalash kodlarini raqamli identifikatsiya vositalariga oʻzgartirish) va markirovkalash kodlari hamda mahsulotlar aylanmasi turli ishtirokchilarining identifikatsiyalash vositalari tushirilishi va validatsiyasi toʻgʻrisidagi hisobotlarini tanlash;

markirovkalash kodlarining tushirilishi va validatsiyalashdan keyin ularni takroran tushirish imkoniyati yoʻqligining kafolati.

99. Servis-provayderga distributsiya, matbaa va validatsiyaning dasturiy-apparat kompleksi Operator tomonidan taqdim etiladi.

Qayd etilgan distributsiya, matbaa va validatsiyaning dasturiy-apparat kompleksini olish uchun servis-provayderlar Operator bilan shartnoma tuzadi.

100. Servis-provayder Operator tomonidan taqdim etiladigan distributsiya, matbaa va validatsiyaning dasturiy-apparat kompleksidan foydalanishi zarur.

101. Servis-provayder identifikatsiyalash vositalarining tushirilishida raqamli identifikatsiyalash vositalarini nashr qilish sifati standartlariga rioya qilishga majburdir.

102. Servis-provayder tomonidan markirovkalash kodining raqamli identifikatsiyalash vositasiga oʻzgartirilishi va qadoqqa yoki yorliqqa yoxud stikerga tushirilishidan keyin mahsulotlar aylanmasi ishtirokchisiga raqamli identifikatsiyalash vositasi tushirilgan qadoqni yoki yorliqni yoxud stikerni berib yuborishdan avval nashr qilish sifati validatsiyasi amalga oshiriladi.

103. Validatsiyadan oʻtgandan keyin distributsiya, matbaa va validatsiyaning dasturiy-apparat kompleksi raqamli identifikatsiyalash vositalariga oʻzgartirilgan markirovkalash kodlarining muvaffaqiyatli tushirilishi toʻgʻrisida hisobotni shakllantiradi.

104. Raqamli identifikatsiyalash vositasini tushirish usuli ishlab chiqaruvchi tomonidan belgilangan saqlash sharoitlari va transportda tashish qoidalariga rioya etilganda, oziq-ovqat mahsulotlarining butun yaroqlilik muddati davomida raqamli identifikatsiyalash vositasining saqlanishini (barqarorligini) taʼminlashi kerak.

105. Servis-provayder mahsulotlar aylanmasi ishtirokchilaridan olingan markirovka kodlarini uchinchi shaxsga berishi taqiqlanadi.

Mahsulotlarni identifikatsiya vositalari orqali raqamli markirovkalash va ularning aylanmasini kuzatib borish qoidalariga ILOVA

Vazirlar Mahkamasining 2020-yil 31-dekabrdagi 833-son qaroriga 2-ILOVA

“Asl belgisi” mahsulotlarni markirovkalash va kuzatib borish milliy axborot tizimiga texnik xizmat koʻrsatish va undan foydalanish tartibi toʻgʻrisida

1-bob. Umumiy qoidalar

1. Mazkur Nizom quyidagilarni belgilaydi:

a) Tovarlarni raqamli markirovkalash va kuzatib borish milliy axborot tizimini (keyingi oʻrinlarda — markirovkalash axborot tizimi) yaratish, ishlab chiqish, ishga tushirish, undan foydalanish va foydalanishdan chiqarish tartibini;

b) markirovkalash axborot tizimida saqlanadigan maʼlumotlarni taqdim etish va undan umumiy foydalanish tartibini;

v) markirovkalash axborot tizimining davlat organlari axborot tizimlari va raqamli identifikatsiya vositalari yordamida majburiy markirovkalanishi kerak boʻlgan tovarlar aylanmasi ishtirokchilarining (keyingi oʻrinlarda — tovarlar aylanmasi ishtirokchisi) axborot tizimlari bilan oʻzaro hamkorlik qilish tartibini;

g) markirovkalash axborot tizimida maʼlumotlarni shakllantirish tartibini.

2. Markirovkalash axborot tizimini yaratishga erishish markirovkalash axborot tizimining quyidagi funksiyalari orqali taʼminlanadi:

a) tovarlarga oʻziga xos markirovka kodlarini berish orqali markirovka qilinadigan har bir tovar birligini raqamli identifikatsiyalashni taʼminlashni;

b) markirovkalash kodlarining markazlashgan generatsiyasi orqali tovarning markirovkalash kodi himoyasini taʼminlash;

v) raqamli identifikatsiya vositalari yordamida markirovkalangan tovarlar aylanmasini barcha bosqichlarini Oʻzbekiston Respublikasi hududida ishlab chiqarilishidan yoki olib kirilishidan boshlab chakana savdoga chiqarilgunicha nazorat-kassa texnikasini qoʻllagan holda yoki tovarning aylanmadan boshqacha chiqarilishigacha monitoring qilish imkoniyatini taʼminlash;

g) tahliliy maʼlumotlarni shakllantirish imkoniyatini taʼminlash;

d) raqamli identifikatsiya vositalarining haqqoniyligini tekshirish;

e) davlat boshqaruv organlarining axborot tizimlari bilan oʻzaro hamkorlikni taʼminlash;

j) markirovkalash axborot tizimiga tovarlar aylanmasi ishtirokchilari tomonidan kiritiladigan maʼlumotlarning yuridik ahamiyatini taʼminlash;

z) raqamli identifikatsiyalash vositalari yordamida majburiy markirovkalanishi kerak boʻlgan tovarlarning katalogini shakllantirish va yuritish;

i) markirovkalash axborot tizimini qoʻllash orqali raqamli identifikatsiya vositalari yordamida tovarlarni markirovkalash sohasida nodavlat nazoratini amalga oshirish imkoniyatini taʼminlash;

k) Oʻzbekiston Respublikasining normativ-huquqiy hujjatlarida nazarda tutilgan boshqa funksiyalar.

2-bob. Markirovkalash axborot tizimining tuzilmasi

3. Markirovkalash axborot tizimi quyidagilarni oʻz ichiga oladi:

a) umumiy komponentlar:

tovarlar aylanmasi ishtirokchilaridan kelib tushadigan hujjatlarni saqlash va ularga ishlov berish komponenti;

markirovkalash kodlari toʻgʻrisidagi maʼlumotlarni saqlash va ularga ishlov berish komponenti;

markirovkalash axborot tizimi ishtirokchilari va Markirovkalash yagona tizimidan boshqa foydalanuvchilar toʻgʻrisidagi maʼlumotlarni roʻyxatdan oʻtkazish va ularni saqlash komponenti;

markirovkalash axborot tizimi ishtirokchisi va Markirovkalash yagona tizimidan boshqa foydalanuvchilarning shaxsiy kabineti tarkibidagi maʼlumotlarga kirish uchun ruxsatnoma komponenti;

markirovkalash axborot tizimi ishtirokchilari va Markirovkalash yagona tizimidan boshqa foydalanuvchilarning hisobga olish hamda boshqa axborot tizimlari bilan oʻzaro hamkorlikni tashkil etish uchun dasturiy interfeyslar komponenti;

tovarlar aylanmasi ishtirokchilari uchun markirovkalash kodlarini shakllantirish xizmati hisob-kitobi va toʻlovlarni olish komponenti;

markirovkalash kodlari emissiyasi komponenti;

meʼyoriy-axborot maʼlumotlarini yuritish komponenti;

Oʻzbekiston Respublikasining normativ-huquqiy hujjatlariga muvofiq uchinchi mamlakatlardan markirovkalangan tovarlar olib kirilishi toʻgʻrisidagi bildirishnomalarni roʻyxatga olish va ularga ishlov berish komponenti;

Oʻzbekiston Respublikasining normativ-huquqiy hujjatlariga muvofiq fiskal hujjatlarni roʻyxatga olish va ularga ishlov berish komponenti;

elektron raqamli imzoni shakllantirish va tekshirish hamda Oʻzbekiston Respublikasi tasdiqlovchi markazining ishlashini taʼminlash komponenti;

Oʻzbekiston Respublikasining normativ-huquqiy hujjatlariga muvofiq aylanma ishtirokchilari va foydalanuvchilarni roʻyxatga olish komponenti;

Oʻzbekiston Respublikasining normativ-huquqiy hujjatlariga muvofiq tovarlar reyestrini yuritish komponenti;

b) tarmoq komponentlari (raqamli identifikatsiyalash vositalari yordamida majburiy markirovkalash kiritiluvchi barcha tovarlar yoki tovarlar guruhlariga nisbatan);

v) Oʻzbekiston Respublikasi tovarlari katalogining kichik tizimi;

g) nodavlat nazoratini taʼminlashning kichik tizimi;

d) tahlil qilish kichik tizimi;

e) davlat hokimiyat organlarining axborot tizimlari bilan integratsiya qilish kichik tizimi;

j) axborot xavfsizligi va axborotlarni himoyalash kichik tizimi;

z) oʻzaro hamkorlik va axborot koʻmagi kichik tizimi.

3-bob. Markirovkalash axborot tizimining ishtirokchilari

4. Quyidagilar markirovkalash axborot tizimining ishtirokchilari hisoblanadi:

a) mahsulotlarni markirovkalash va kuzatib borish milliy axborot tizimining operatori (keyingi oʻrinlarda — operator);

b) Soliq qoʻmitasi (keyingi oʻrinlarda — muvofiqlashtiruvchi);

v) tovarlar aylanmasi ishtirokchilari;

g) nazorat qiluvchi organlar;

d) markirovkalash axborot tizimi foydalanuvchilari.

5. Raqamli identifikatsiya vositalari yordamida majburiy markirovkalanishi kerak boʻlgan tovarlarning sotib olinishi va sotilishi bilan bogʻliq boʻlgan savdo faoliyatini amalga oshiruvchi xoʻjalik subyektlari hamda raqamli identifikatsiyalash vositalari yordamida majburiy markirovkalanishi kerak boʻlgan tovarlarning yetkazib berilishini amalga oshiruvchi xoʻjalik subyektlari, jumladan, raqamli identifikatsiyalash vositalari yordamida majburiy markirovkalanishi kerak boʻlgan tovarlarni aylanmaga kiritilishi, aylanmasi va (yoki) ularning aylanmadan chiqarilishi toʻgʻrisidagi maʼlumotlarning operatorga taqdim etilishini amalga oshiruvchi ushbu tovarlarning ishlab chiqaruvchilari hamda import qiluvchilari tovarlar aylanmasi ishtirokchilari hisoblanadi.

6. Raqamli identifikatsiya vositalari yordamida markirovkalanishi kerak boʻlgan tovarlar aylanmasi sohasida nazorat qilish boʻyicha markirovkalash axborot tizimini qoʻllash bilan bogʻliq funksiyalarni amalga oshiruvchi davlat boshqaruv organlari nazorat qiluvchi organlar hisoblanadi.

7. Markirovkalash axborot tizimida saqlanadigan maʼlumotlarga kirish huquqiga ega boʻlgan jismoniy va yuridik shaxslar, davlat boshqaruv organlari markirovkalash axborot tizimi foydalanuvchilari hisoblanadi.

4-bob. Markirovkalash axborot tizimini yaratish, rivojlantirish, ishga tushirish, undan foydalanish va foydalanishdan chiqarish qoidalari

8. Markirovkalash axborot tizimini yaratish, rivojlantirish, ishga tushirish, undan foydalanish va foydalanishdan chiqarish operator orqali amalga oshiriladi.

Majburiy raqamli markirovkalash tizimi samaradorligini oshirish maqsadida operator mahsulotlar aylanmasi ishtirokchilariga tunu-kun xizmat koʻrsatadigan Call-markaziga ega boʻlishi lozim.

9. Markirovkalash axborot tizimini yaratish, rivojlantirish va undan foydalanish quyidagi tamoyillar asosida amalga oshiriladi:

a) markirovkalash axborot tizimini qoʻllash orqali qabul qilinadigan va uzatiladigan maʼlumotlarning toʻliqligini, haqqoniyligini, saqlanganligini taʼminlash;

b) markirovkalash axborot tizimi tashkiliy-uslubiy taʼminotining yagonaligi;

v) markirovkalash axborot tizimining yagona reyestrlarining, klassifikatorlarining va maʼlumotnomalarining qoʻllanilishi;

g) markirovkalash axborot tizimiga aniq belgilangan kirishni taʼminlash;

d) markirovkalash axborot tizimining uzluksiz ishlashini taʼminlash.

10. Markirovkalash axborot tizimini yaratishga texnik topshiriq operator tomonidan ishlab chiqiladi va muvofiqlashtiruvchi tomonidan tasdiqlanadi.

11. Monitoring axborot tizimini ishga tushirish dalolatnomasi operator tomonidan tasdiqlanadi.

12. Monitoring axborot tizimini ishga tushirish markirovkalash axborot tizimining kichik tizimlari (komponentlari) va umuman, markirovkalash axborot tizimi boʻyicha amalga oshiriladi.

13. Operator tomonidan tasdiqlanadigan ishga tushirish dalolatnomasi markirovkalash axborot tizimini ishga tushirish uchun asos hisoblanadi.

14. Markirovkalash axborot tizimi, agar markirovkalash axborot tizimini ishga tushirish dalolatnomasi bilan boshqa muddat oʻrnatilmagan boʻlsa, uning birinchi kichik tizimi foydalanishga topshirilgan kundan boshlab ishga tushirilgan deb hisoblanadi.

15. Markirovkalash axborot tizimining, jumladan, uning tizimosti komponentlarining dasturiy va texnik vositalari quyidagilarni taʼminlashi kerak:

a) markirovkalash axborot tizimi funksiyalarini amalga oshirishni;

b) markirovkalash axborot tizimining, shu jumladan, uning kichik tizimlarining (komponentlarining) tunu-kun uzluksiz ishlashini, rejali va texnologik ishlarga tanaffuslar bundan mustasno;

v) markirovkalash axborot tizimining, shu jumladan, uning kichik tizimlarining (komponentlarining) boshqa axborot tizimlari, xususan, davlat organlarining axborot tizimlari bilan oʻzaro hamkorligini;

g) davlat sirini tashkil qilmaydigan axborotlarni himoya qilish toʻgʻrisida belgilangan talablarga muvofiq markirovkalash axborot tizimida, shu jumladan, uning kichik tizimlarida (komponentlarida) saqlanadigan axborotlarni himoya qilishni;

d) tuzilmaviy koʻrinishda markirovkalash axborot tizimida joylashtiriladigan maʼlumotlarni avtomatik format-mantiqiy tekshirishni;

e) markirovkalash axborot tizimida joylashtiriladigan maʼlumotlarni toʻplash, tayyorlash, uzatish, ularga ishlov berish va ularni aks ettirish boʻyicha texnologik operatsiyalarning tarkibini unifikatsiyalashni;

j) markirovkalash axborot tizimida harakatlarni va amaliyotlarni bajarish sanasi va vaqtini koʻrsatgan holda maʼlumotlarni shakllantirish, joylashtirish, oʻzgartirish, ular bilan almashish va ularni olib tashlash, ularning mazmuni toʻgʻrisida maʼlumotlarni va bunday harakatlarni va amaliyotlarni amalga oshirgan, jumladan, markirovkalash axborot tizimining boshqa axborot tizimlari bilan oʻzaro axborot hamkorligi jarayonida ham harakatlarni va amaliyotlarni amalga oshirgan markirovkalash axborot tizimi ishtirokchilari toʻgʻrisidagi maʼlumotlarni saqlovchi harakatlar va amaliyotlarni hisobga olish elektron jurnallari yuritilishini (keyingi oʻrinlarda — hisobga olish elektron jurnali);

z) markirovkalash axborot tizimi ishtirokchilarining soʻrovlari boʻyicha bajarilgan hisobga olish elektron jurnalidan koʻchirmalar shakllantirilishini;

i) markirovkalash axborot tizimi ishtirokchilarining soʻrovlari boʻyicha bajarilgan hisobga olish elektron jurnalidan statistik maʼlumotlar shakllantirilishini;

k) maʼlumotlarni taqdim etish va (yoki) olish muddatlari hamda sifatining buzilishiga sabab boʻladigan markirovkalash axborot tizimi ishidagi uzilishlar va buzilishlar hamda axborot xavfsizligini taʼminlash boʻyicha talablarning buzilishi toʻgʻrisida markirovkalash axborot tizimi ishtirokchilarini xabardor qilish;

l) markirovkalash axborot tizimi ishtirokchilari tomonidan qoʻllaniladigan markirovkalash axborot tizimidagi meʼyoriy-maʼlumotnoma, jumladan, maʼlumotnomalar, reyestrlar va klassifikatorlarning yagonaligini.

16. Markirovkalash axborot tizimining texnik vositalari Oʻzbekiston Respublikasining hududida joylashtirilishi kerak.

17. Markirovkalash axborot tizimida maʼlumotlarni shakllantirish, ularga ishlov berish va ular bilan almashishda elektron hujjatlar shakllari qoʻllaniladi, ular muvofiqlashtiruvchi hamda oʻz vakolatlari doirasida boshqa davlat boshqaruv organlari bilan kelishish boʻyicha operator tomonidan oʻrnatiladi.

Markirovkalash axborot tizimida maʼlumotlarni shakllantirish va ular bilan almashishda elektron raqamli imzolar qoʻllaniladi (agar mumkin boʻlsa).

18. Markirovkalash axborot tizimi operator tomonidan ishlab chiqiladigan va muvofiqlashtiruvchi tomonidan tasdiqlanadigan markirovkalash axborot tizimini rivojlantirish boʻyicha texnik topshiriqlar va alohida xususiy texnik topshiriqlar asosida rivojlantiriladi.

5-bob. Markirovkalash axborot tizimida saqlanadigan maʼlumotlarga kirishga ruxsatnomani taʼminlash tartibi

19. Markirovkalash axborot tizimida saqlanadigan maʼlumotlarga kirish ruxsati haq-huquqlarni cheklamaydigan va begʻaraz asosda operator tomonidan taʼminlanadi.

20. Markirovkalash axborot tizimida saqlanadigan maʼlumotlarga kirishga ruxsatnoma operator tomonidan quyidagi usullar bilan taʼminlanadi:

a) markirovkalash axborot tizimi ishtirokchisining yozma shaklda shakllantirilgan soʻroviga javoban elektron hujjatlar shaklida;

b) markirovkalash axborot tizimi ishtirokchilarining markirovkalash axborot tizimi dasturiy vositalaridan foydalanilgan holda shakllantirilgan soʻroviga javoban markirovkalash axborot tizimida;

v) markirovkalash axborot tizimi va davlat boshqaruv organlarining axborot tizimlari oʻrtasida oʻzaro hamkorlikni amalga oshirishda elektron interfeyslarni qoʻllash bilan;

g) davlat boshqaruv organlari va boshqa tashkilotlar bilan, jumladan shaxsiy kabinetni qoʻllash bilan operator tomonidan tuzilgan oʻzaro hamkorlik qilish toʻgʻrisidagi bitim bilan muvofiqlikda markirovkalash axborot tizimi va tovarlar aylanmasi ishtirokchilari axborot tizimlari yoki davlat organlarining axborot tizimlarining dasturiy-texnik vositalarini qoʻllash bilan avtomatlashtirilgan tartibda;

d) Internet jahon axborot tarmogʻida operatorning rasmiy veb-saytidagi markirovkalash axborot tizimida saqlanadigan umumiy maʼlumotlarni joylashtirish yoʻli bilan.

21. Tovarlar aylanmasi ishtirokchisiga quyidagi maʼlumotlarga kirish uchun ruxsatnoma taʼminlanadi:

a) ushbu tovar aylanmasi ishtirokchisi tomonidan amalga oshirilgan markirovkalangan tovar bilan bitim toʻgʻrisida maʼlumot;

b) umumiy maʼlumotlarga taalluqli maʼlumotlar.

22. Markirovkalash axborot tizimida roʻyxatdan oʻtgan ishlab chiqaruvchiga mazkur Nizomning 21-bandida koʻrsatilgan maʼlumotlardan tashqari, tovar egasi va uning miqdori toʻgʻrisidagi maʼlumot qismida shunday ishlab chiqaruvchi tomonidan tayyorlangan tovarlar aylanmasi toʻgʻrisidagi maʼlumotlarga kirish uchun ruxsatnoma taʼminlanadi.

23. Tovarlar isteʼmolchilariga umumiy maʼlumotlarga kiritilgan maʼlumotlarga kirish uchun ruxsatnoma taʼminlanadi.

24. Davlat boshqaruv organlariga ular tomonidan amalga oshiriladigan maqsadlarda quyidagi maʼlumotlarga kirish uchun ruxsatnoma taʼminlanadi:

a) mazkur Nizom bilan belgilangan maqsadlarda davlat boshqaruv organlariga yuklangan vazifalarni va funksiyalarni bajarish uchun zarur boʻlgan tovarlar aylanmasi ishtirokchilari, tovarlar va ularning aylanmasi toʻgʻrisidagi maʼlumotlar;

b) tovarlar va ularning aylanmasi toʻgʻrisidagi statistik maʼlumotlar;

v) umumiy maʼlumotlarga taalluqli maʼlumotlar.

25. Markirovkalash axborot tizimida saqlanadigan va davlat boshqaruv organlari tomonidan foydalanishga ruxsat beriladigan maʼlumotlar tarkibi operator tomonidan davlat boshqaruv organlari va muvofiqlashtiruvchi bilan tuzilgan oʻzaro hamkorlik qilish toʻgʻrisidagi bitimlarda belgilanadi.

6-bob. Markirovkalash axborot tizimida saqlanadigan maʼlumotlarni taqdim etish tartibi va ularni umumiy maʼlumotlarga kiritish

26. Operator Internet jahon axborot tarmogʻida umumiy maʼlumotlarni joylashtirishda quyidagilarni taʼminlaydi:

a) operatorning Internet jahon axborot tarmogʻidagi rasmiy veb-saytida umumiy maʼlumotlarni joylashtirish;

b) umumiy maʼlumotlar tahlili uchun moʻljallangan, jumladan, navigatsiya funksiyasini qoʻllash orqali tasniflangan va tizimlashtirilgan izlash vositasini qoʻllash.

27. Muvofiqlashtiruvchi va davlat boshqaruv organlari Internet jahon axborot tarmogʻidagi oʻz rasmiy veb-saytlarida operatorning Internet jahon axborot tarmogʻida rasmiy veb-saytiga havolalarni joylashtirilishini taʼminlaydi. Koʻrsatib oʻtilgan davlat boshqaruv organlari, shuningdek, markirovkalash axborot tizimidan bevosita umumiy maʼlumotlarni Internet jahon axborot tarmogʻidagi oʻz rasmiy veb-saytlarida joylashtirishlari ham mumkin.

28. Maʼlum tovarlar yoki tovarlar guruhlari uchun umumiy maʼlumotlar tarkibiga (atributlariga), ularni joylashtirish davriyligiga va yangilash muddatlariga talablar operator tomonidan belgilanadi.

29. Markirovkalash axborot tizimida saqlanadigan va kirish cheklangan maʼlumotlar markirovkalash axborot tizimida saqlanadigan maʼlumotlarni taqdim etish toʻgʻrisidagi soʻrov boʻyicha markirovkalash axborot tizimi ishtirokchilariga operator tomonidan taqdim etiladi.

30. Maʼlumot toʻgʻrisidagi soʻrov markirovkalash axborot tizimiga yuboriladi va kelib tushgan kuni roʻyxatga olish raqamini berish orqali operator tomonidan roʻyxatdan oʻtkazilishi kerak. Operator maʼlumot toʻgʻrisida kelib tushgan soʻrovning mazmuni boʻyicha aniqlashtirishni soʻrab olishga haqli.

31. Davlat boshqaruv organlari oʻz rahbarining (mansabdor shaxsning boshqa vakolatli shaxsining) elektron imzosi bilan imzolangan maʼlumot toʻgʻrisida elektron hujjat shaklidagi soʻrovni yuboradi.

32. Tovarlar aylanmasi ishtirokchilari tovarlar aylanmasi ishtirokchisi rahbarining (mansabdor shaxsning boshqa vakolatli shaxsining) elektron imzosi bilan imzolangan maʼlumot toʻgʻrisida elektron hujjat shaklidagi soʻrovni yuboradi.

Maʼlumot toʻgʻrisidagi soʻrovda jismoniy shaxsning (yakka tartibdagi tadbirkorlar uchun) pochta manzili, telefon va (yoki) faks raqami yoki elektron pochta manzili, familiyasi, ismi va otasining ismi (agar mavjud boʻlsa) yoki maʼlumotni soʻrayotgan tashkilot (yuridik shaxslar uchun), davlat boshqaruv organining nomi hamda soʻralayotgan maʼlumotlar roʻyxati koʻrsatiladi.

33. Maʼlumot toʻgʻrisidagi soʻrovda Oʻzbekiston Respublikasi qonunchilik hujjatlariga muvofiq ushbu maʼlumotni olish uchun asoslar, maʼlumot toʻgʻrisida soʻrov yuboruvchilarning majburiyatlari va ular tomonidan axborot xavfsizligining taʼminlanishi boʻyicha shartlar koʻrsatiladi.

34. Maʼlumot toʻgʻrisidagi soʻrovga javob majburiy roʻyxatdan oʻtkazilishi va maʼlumot toʻgʻrisidagi soʻrov roʻyxatga olingan kundan boshlab 10 ish kuni davomida markirovkalash axborot tizimi ishtirokchisiga operator tomonidan yuborilishi kerak.

35. Maʼlumot toʻgʻrisidagi soʻrovga javob operatorning elektron imzosi bilan imzolangan elektron hujjat shaklida davlat boshqaruv organlariga yuboriladi.

36. Maʼlumot toʻgʻrisidagi soʻrovga javob operator tomonidan elektron raqamli imzo bilan imzolangan elektron hujjat shaklida markirovkalash axborot tizimi ishtirokchisiga markirovkalash axborot tizimida yoki maʼlumot toʻgʻrisida soʻrovda koʻrsatilgan elektron pochta manziliga yuboriladi.

37. Operator markirovkalash axborot tizimida saqlanadigan maʼlumotlarni markirovkalash axborot tizimi ishtirokchilariga taqdim etishni quyidagi holatlarda rad etish huquqiga ega:

a) maʼlumot toʻgʻrisidagi soʻrov ushbu Nizomning talablariga muvofiq kelmaganda;

b) soʻralayotgan maʼlumot markirovkalash axborot tizimida saqlanmaganda;

v) maʼlumot toʻgʻrisidagi soʻrov Oʻzbekiston Respublikasining qonunchilik hujjatlariga muvofiq bunday maʼlumotlarga kirish uchun ruxsatnomaga ega boʻlmagan markirovkalash axborot tizimi ishtirokchisi tomonidan yuborilganda;

g) maʼlumot toʻgʻrisidagi soʻrov markirovkalash axborot tizimi ishtirokchisining soʻrovi takrorlangan, uning soʻroviga soʻralayotgan maʼlumotlarni saqlovchi tomonidan oldin javob berilganda.

38. Maʼlumot toʻgʻrisidagi soʻrovga maʼlumot taqdim etilishi rad etilgan taqdirda, operator tomonidan soʻralayotgan maʼlumot taqdim etilmasligi boʻyicha asoslar koʻrsatiladi.

39. Agar maʼlumot toʻgʻrisidagi soʻrovda koʻrsatilgan maʼlumot operatorning Internet jahon axborot tarmogʻidagi rasmiy veb-saytida joylashtirilgan boʻlsa, operator tomonidan maʼlumot toʻgʻrisidagi soʻrovga bunday maʼlumot joylashtirilgan Internet jahon axborot tarmogʻidagi veb-saytga (veb-sayt manziliga) havola koʻrsatiladi.

7-bob. Markirovkalash axborot tizimining davlat organlarining axborot tizimlari va tovarlar aylanmasi ishtirokchilarining axborot tizimlari bilan oʻzaro hamkorlik qilish tartibi

40. Mazkur Nizomda markirovkalash axborot tizimining boshqa axborot tizimlari bilan axborot sohasidagi oʻzaro hamkorlik qilishi deganda axborot tizimlarida, markirovkalash axborot tizimida saqlanadigan maʼlumotlarni olish, avtomatlashtirilgan tartibda joylashtirish va ulardan foydalanish, shuningdek, markirovkalash axborot tizimida saqlanadigan maʼlumotlarni boshqa axborot tizimlariga taqdim etish tushuniladi.

41. Markirovkalash axborot tizimining davlat organlarining axborot tizimlari va tovarlar aylanmasi ishtirokchilarining axborot tizimlari bilan oʻzaro hamkorligi operatorning Internet jahon axborot tarmogʻidagi rasmiy saytida joylashtiriladigan oʻzaro elektron hamkorlik protokollarini va interfeyslarini qoʻllash orqali axborot elektron xizmatlar yordamida amalga oshiriladi.

42. Tashkilotning koʻrsatib oʻtilgan axborot texnik imkoniyatlari mavjud boʻlmagan taqdirda, operator davlat boshqaruv organlari bilan oʻzaro hamkorlik qilish toʻgʻrisida bitim tuzadi va unda quyidagilarni belgilab beradi:

a) markirovkalash axborot tizimining davlat organlarining axborot tizimlari bilan, jumladan, shaxsiy kabinetni qoʻllash orqali oʻzaro hamkorligini tashkil etish xususiyatlarini;

b) maʼlumotlar tarkibi, ular bilan almashishni markirovkalash axborot tizimining davlat organlarining axborot tizimlari bilan oʻzaro hamkorlik qilishida amalga oshirish toʻgʻrisidagi taklif;

v) markirovkalash axborot tizimidan hisobotlarni taqdim etish shakllarini.

43. Markirovkalash axborot tizimi davlat organlarining axborot tizimlariga begʻaraz asosda ulanadi.

44. Markirovkalash axborot tizimining davlat organlarining axborot tizimlari bilan oʻzaro hamkorligi quyidagicha amalga oshiriladi:

a) muvofiqlashtiruvchi bilan kelishish maqsadida markirovkalash axborot tizimiga kiritish uchun operator tomonidan tasdiqlanadigan maʼlumotlarni taqdim etish shakllari boʻyicha;

b) maʼlumotlarni taqdim etish toʻgʻrisidagi soʻrovlarni yoʻnaltirmasdan, avtomatik yoki avtomatlashtirilgan tartibda;

v) elektron raqamli imzoni qoʻllash orqali (agar qoʻllanilsa).

45. Markirovkalash axborot tizimi davlat organlarining axborot tizimlari, jumladan, quyidagilar bilan oʻzaro hamkorlik qiladi:

a) tadbirkorlik subyektlarining Yagona davlat reyestri;

v) bojxona organlarining axborot tizimlari.

46. Markirovkalash axborot tizimining davlat organlari axborot tizimlari bilan oʻzaro hamkorlik qilishida, axborot oʻzaro hamkorlik ishtirokchilari tomonidan elektron hujjatlar va (yoki) maʼlumotlar hamda elektron raqamli imzo bilan imzolangan (agar qoʻllanilsa) koʻrinishda uzatiladi.

47. Markirovkalash axborot tizimi davlat organlarining axborot tizimlari bilan oʻzaro hamkorlik qilishi jarayonida qoʻllaniladigan hujjatlar shakllari operatorning Internet jahon axborot tarmogʻidagi rasmiy veb-saytida joylashtiriladi.

48. Markirovkalash axborot tizimining tovarlar aylanmasi ishtirokchilarining axborot tizimlari bilan oʻzaro hamkorligi elektron oʻzaro hamkorlik protokollari va interfeyslaridan foydalangan holda axborot elektron servislar orqali amalga oshiriladi hamda ular haqida maʼlumotlar operator tomonidan Internet jahon axborot tarmogʻidagi rasmiy veb-saytda joylashtiriladi.

48 1 . Operator tomonidan markirovkalash axborot tizimining maʼlumotlarni saqlash, boshqa axborot tizimlariga uzatish, qabul qilish va qayta ishlash jarayonlari yuzasidan bir yilda kamida bir marotaba texnik audit oʻtkazib borilishi shart.

Texnik audit yakunlangandan soʻng natijalari boʻyicha xulosa oʻn kun muddatda Soliq qoʻmitasiga taqdim etiladi.

8-bob. Markirovkalash axborot tizimida saqlanadigan maʼlumotlarni himoya qilish

49. Markirovkalash axborot tizimida saqlanadigan maʼlumotlar egasining qonuniy huquqlarini operator amalga oshiradi.

50. Markirovkalash axborot tizimida saqlanadigan maʼlumotlar Oʻzbekiston Respublikasining axborotlashtirish toʻgʻrisidagi qonunchilik hujjatlariga muvofiq himoya qilinishi kerak.

51. Markirovkalash axborot tizimini yaratish, ishga tushirish va rivojlantirish davomida axborot xavfsizligini taʼminlash uchun quyidagilar amalga oshiriladi:

a) markirovkalash axborot tizimida saqlanadigan maʼlumotlarni himoya qilishga nisbatan talablarni shakllantirish;

b) axborot xavfsizligi va maʼlumotlarni himoya qilish tizimini (kichik tizim) ishlab chiqish va joriy etish;

v) maʼlumotlarni himoya qilish vositalarini qoʻllash hamda markirovkalash axborot tizimining maʼlumotlarni himoya qilish talablariga muvofiq kelishini sertifikatlash;

g) maʼlumotlarni himoyalangan axborot-telekommunikatsiya tarmoqlari orqali uzatish;

d) markirovkalash axborot tizimidan foydalanish davomida maʼlumotlarni himoya qilish talablarini bajarish.

52. Markirovkalash axborot tizimida saqlanadigan maʼlumotlarni himoya qilish maqsadida operator quyidagilarni taʼminlaydi:

a) maʼlumotlarga ruxsatsiz kirishni va (yoki) ushbu maʼlumotlarga kirish huquqiga ega boʻlmagan shaxslarga bunday maʼlumotlar uzatilishining oldini olish;

b) maʼlumotlarga ruxsatsiz kirish asoslarini oʻz vaqtida aniqlash;

v) maʼlumotlarga kirish tartibini buzishning salbiy oqibatlarining oldini olish;

g) texnik vositalar faoliyatiga taʼsir etishning salbiy oqibatlari natijasida markirovkalash axborot tizimida joylashtirilgan texnik vositalar buzilishiga yoʻl qoʻymaslik;

d) maʼlumotlarga ruxsatsiz kirish natijasida modifikatsiya qilingan yoki oʻchirib yuborilgan maʼlumotlarni zudlik bilan tiklash imkoniyati;

e) maʼlumotlarning himoyalanganlik darajasi taʼminlanishining doimiy nazorati;

j) davlat-xususiy sheriklik toʻgʻrisidagi bitimni tuzishda markirovkalash jarayonida axborot tizimidagi maʼlumotlarni himoya qilish maqsadida “Axborotlashtirish toʻgʻrisida” Oʻzbekiston Respublikasi Qonuni talablariga muvofiqlikni taʼminlash.

9-bob. Markirovkalash axborot tizimida maʼlumotlarni shakllantirish tartibi

53. Markirovkalash axborot tizimiga uzatiladigan maʼlumotlar shakllari operator tomonidan belgilab beriladigan va elektron raqamli imzo (agar qoʻllanilsa) bilan imzolanadigan elektron hujjatlar shaklida shakllantiriladi hamda taqdim etiladi, nazorat-kassa texnikasi yoki buyurtmalarni boshqarish stansiyalari va emissiyalarni roʻyxatga olish qurilmalarini qoʻllash toʻgʻrisida Oʻzbekiston Respublikasi qonunchilik hujjatlariga muvofiq fiskal hujjatlar tarkibida uzatiladigan maʼlumotlar bundan mustasno.

54. Mazkur Nizomning 53-bandida koʻrsatilgan elektron hujjatlar shakllari operatorning Internet jahon axborot tarmogʻidagi rasmiy veb-saytida operator tomonidan joylashtiriladi.

55. Hujjatni qabul qilish haqidagi xabarnomada (kvitansiyada) qayd etilgan sana markirovkalash axborot tizimiga hujjatlarni taqdim etish sanasi deb tan olinadi. Tovarlar aylanmasi ishtirokchisi tomonidan markirovkalash axborot tizimiga maʼlumotlarni taqdim etish boʻyicha majburiyatlarning bajarilganligi markirovkalash axborot tizimiga maʼlumotlarni kiritish haqidagi xabarnoma (kvitansiya) bilan tasdiqlanadi.

Mazkur bandda nazarda tutilgan xabarnoma (kvitansiya) avtomatik ravishda shakllantiriladi va markirovkalash axborot tizimiga taqdim etilgan hujjatlarni (maʼlumotlarni) qayd etishda elektron hujjat shaklida markirovkalash axborot tizimining tovarlar aylanmasi ishtirokchisiga yuboriladi.

“Asl belgisi” mahsulotlarni markirovkalash va kuzatib borish milliy axborot tizimiga texnik xizmat koʻrsatish va foydalanish tartibi toʻgʻrisidagi nizomga 1-ILOVA

Raqamli markirovkalash va tovarlarni kuzatish milliy axborot tizimida saqlanuvchi maʼlumotlarni majburiy tartibda oʻz ichiga kiritishi kerak boʻlgan maʼlumotlar

1. Raqamli markirovkalash va tovarlarni kuzatish Milliy axborot tizimida (keyingi oʻrinlarda — markirovkalash axborot tizimi) roʻyxatga olingan raqamli identifikatsiya vositalari yordamida majburiy markirovka qilinishini kerak boʻlgan tovarlar aylanmasi ishtirokchilari toʻgʻrisida maʼlumotlar.

2. Markirovkalash axborot tizimida “Tovarlar katalogi” kichik tizimida roʻyxatga olingan raqamli identifikatsiya vositalari yordamida majburiy markirovka qilinishi kerak boʻlgan tovarlar toʻgʻrisida maʼlumotlar.

3. Markirovkalash axborot tizimi bilan maʼlumot almashinish uchun raqamli identifikatsiya vositalari yordamida majburiy markirovka qilinishi kerak boʻlgan tovarlar aylanmasi ishtirokchilari tomonidan qoʻllaniluvchi texnik vositalar toʻgʻrisida maʼlumotlar.

4. Operator tomonidan markirovkalash kodlarini shakllantirish (generatsiyalash) toʻgʻrisida maʼlumotlar.

5. Tovarlar aylanmasi ishtirokchilari tomonidan markirovka kodlarini raqamli identifikatsiya vositalariga oʻzgartirish va tovarlarga raqamli identifikatsiya vositalarining tushirilishi toʻgʻrisida maʼlumotlar.

6. Yaroqsiz raqamli identifikatsiya vositalari toʻgʻrisida maʼlumotlar.

7. Raqamli identifikatsiya vositalari yordamida majburiy markirovka qilinishi kerak boʻlgan tovarlarni aylanmaga kiritish, ularning aylanmasi va ularning aylanmadan chiqarilishi toʻgʻrisida maʼlumotlar.

8. Raqamli identifikatsiya vositalari yordamida majburiy markirovka qilinishi kerak boʻlgan tovarlar aylanmasi toʻgʻrisida maʼlumotlarni saqlovchi elektron hisob-fakturalaridan maʼlumotlar.

9. Raqamli identifikatsiya vositalari yordamida majburiy markirovka qilinishi kerak boʻlgan tovarlarni sotish haqidagi maʼlumotlarni saqlovchi kassa cheklari va qatʼiy hisobot shakllaridan maʼlumotlar.

10. Raqamli identifikatsiya vositalari yordamida tovarlarni markirovka qilish qoidalarining buzilishi ushbu tovarlarning isteʼmolchilari tomonidan aniqlanishi toʻgʻrisida maʼlumotlar.

“Asl belgisi” mahsulotlarni markirovkalash va kuzatib borish milliy axborot tizimiga texnik xizmat koʻrsatish va foydalanish tartibi toʻgʻrisidagi nizomga 2-ILOVA

Raqamli markirovkalash va tovarlarni kuzatish milliy axborot tizimida saqlanuvchi umumiy maʼlumotlar

1. Raqamli markirovkalash va tovarlarni kuzatish milliy axborot tizimida (keyingi oʻrinlarda — markirovkalash axborot tizimi) roʻyxatdan oʻtkazilgan raqamli identifikatsiya vositalari yordamida majburiy markirovkalanishi kerak boʻlgan va Oʻzbekiston Respublikasi qonunchiligiga muvofiq umumiy foydalanish uchun Internet jahon axborot tarmogʻida joylashtirilishi shart boʻlgan tovarlar aylanmasi ishtirokchilari toʻgʻrisidagi maʼlumotlar.

2. Markirovkalash axborot tizimida roʻyxatdan oʻtkazilgan tovarlar qadoqlarida, jumladan, isteʼmolchilarning huquqlarini himoya qilish toʻgʻrisidagi Oʻzbekiston Respublikasi qonunchiligiga muvofiq koʻrsatilgan majburiy identifikatsiya vositalari yordamida markirovka qilinishi kerak boʻlgan tovarlar toʻgʻrisida maʼlumotlar.

3. Markirovkalash axborot tizimida raqamli identifikatsiyalash vositalarini tovarlarga, tovarlarning qadoqlariga yoki raqamli identifikatsiya vositalarini qoʻllash uchun moʻljallangan boshqa moddiy tashuvchiga qoʻllanilishi toʻgʻrisidagi maʼlumotlar mavjudligi yoki bunday maʼlumotlarning yoʻqligi toʻgʻrisida maʼlumot.

Vazirlar Mahkamasining 2020-yil 31-dekabrdagi 833-son qaroriga 3-ILOVA

Tamaki mahsulotlarini raqamli identifikatsiya vositalari bilan markirovkalash xususiyatlari toʻgʻrisida

1-bob. Umumiy qoidalar

1. Mazkur Nizom raqamli identifikatsiyalash vositalari bilan tamaki mahsulotlarini markirovkalash xususiyatlarini, tamaki mahsulotlarini raqamli identifikatsiyalash vositalarining xususiyatlari, tamaki mahsulotlari aylanmasi ishtirokchilari tomonidan Mahsulotlarni markirovkalash va kuzatib borish milliy axborot tizimi operatoriga (keyingi oʻrinlarda — operator, markirovkalash axborot tizimi) tamaki mahsulotlari aylanmasi toʻgʻrisidagi maʼlumotni taqdim etishning bosqichlari va muddatlarini belgilaydi.

2. Mazkur Nizomda quyidagi asosiy tushunchalar qoʻllaniladi:

agregatsiyalash — yaratiluvchi guruhlangan qadoq va (yoki) transport qadogʻining identifikatsiyalash kodi bilan har bir joylashtirilgan isteʼmol qadogʻi, guruhlangan qadoq, transport qadogʻining identifikatsiyalash kodlarining oʻzaro bogʻliqligi toʻgʻrisidagi maʼlumotni saqlovchi yaratiluvchi guruhlangan qadoq va (yoki) transport qadogʻiga bosib tushirish bilan isteʼmol qadogʻini birinchi daraja guruhlangan qadogʻiga va (yoki) transport qadogʻiga hamda birinchi daraja transport qadoqlarining keyingi daraja transport qadogʻiga mahsulotlarni birlashtirish jarayoni;

yorliq — yozuvlar, tasvirlar, belgilar, ramzlar, boshqa belgilanishlar va (yoki) ularning majmuasi koʻrinishida mahsulot toʻgʻrisidagi maʼlumotni tushiruvchi va qadoqqa, jumladan, yopishtirish yoʻli bilan mahkamlanuvchi maʼlumotni tashuvchi.

3. Tamaki mahsulotlarini raqamli identifikatsiyalash vositalari bilan majburiy markirovkalash isteʼmol uchun va guruhlangan qadoqda sotiladigan tamaki mahsulotlarining quyidagi turlariga nisbatan amalga oshiriladi:

a) filtrli sigaretlar;

b) filtrsiz sigaretlar.

v) boshqa turdagi chekiladigan tamaki mahsulotlari;

g) chekilmaydigan tamaki mahsulotlari;

d) nikotinli tamakisiz snyus, tarkibida nikotin mavjud suyuqliklar va nikotinli elektron sigaretalar.

Tamaki mahsulotlarining turlari Vazirlar Mahkamasining 2024-yil 18-maydagi 290-son qarori bilan tasdiqlangan Tamaki mahsulotlari toʻgʻrisidagi texnik reglament bilan belgilab beriladi.

4. Tamaki mahsulotlarini ishlab chiqaruvchilar va import qiluvchilar:

a) tamaki mahsulotlarini ishlab chiqarish yoki import qilish bilan shugʻullanuvchilarda tamaki mahsulotlarini foydalanishga kiritish va (yoki) foydalanish bilan bogʻliq faoliyatni amalga oshiruvchi ishlab chiqaruvchilar va import qiluvchilar 2020-yil 31-dekabrga qadar yoki 2020-yil 31-dekabrdan keyin mazkur faoliyat amalga oshirilishi zarurati yuzaga kelgan kundan boshlab 7 kalendar kun davomida markirovkalash axborot tizimidan roʻyxatdan oʻtadi va Oʻzbekiston Respublikasida ishlab chiqariladigan va (yoki) olib kiriladigan tamaki mahsulotlari nomenklaturasi toʻgʻrisidagi maʼlumotlarni markirovkalash axborot tizimiga kiritadi;

a) 1 boshqa turdagi chekiladigan tamaki mahsulotlari, chekilmaydigan tamaki mahsulotlari, nikotinli tamakisiz snyuslar, tarkibida nikotin mavjud suyuqliklar va nikotinli elektron sigaretalarni ishlab chiqaruvchilar va import qiluvchilar 2022-yil 1-sentabrga qadar yoki 2022-yil 1-sentabrdan keyin mazkur faoliyat amalga oshirilishi zarurati yuzaga kelgan kundan boshlab 7 kalendar kun davomida markirovkalash axborot tizimidan roʻyxatdan oʻtadi va Oʻzbekiston Respublikasida ishlab chiqariladigan va (yoki) olib kiriladigan tamaki mahsulotlari nomenklaturasi toʻgʻrisidagi maʼlumotlarni markirovkalash axborot tizimiga kiritadi;

b) isteʼmol va guruhlangan qadoqlarga raqamli identifikatsiyalash vositalari tushirilishini, shuningdek, tamaki mahsulotlarini agregatsiyalashni taʼminlaydi va markirovkalash axborot tizimiga:

filtrli sigaretalar — 2021-yil 1-yanvardan;

filtrsiz sigaretalar — 2021-yil 1-dekabrdan;

boshqa turdagi chekiladigan tamaki mahsulotlari, chekilmaydigan tamaki mahsulotlari, nikotinli tamakisiz snyuslar, tarkibida nikotin mavjud suyuqliklar va nikotinli elektron sigaretalar — 2022-yil 1-oktabrdan boshlab markirovkalanganligi va agregatsiyalanganligi toʻgʻrisidagi maʼlumotlarni kiritadi;

v) markirovkalangan tamaki mahsulotlarining sotilishi toʻgʻrisidagi maʼlumotlar markirovkalash axborot tizimiga:

filtrli sigaretalar — 2022-yil 1-yanvardan;

filtrsiz sigaretalar — 2022-yil 1-fevraldan;

boshqa turdagi chekiladigan tamaki mahsulotlari, chekilmaydigan tamaki mahsulotlari, nikotinli tamakisiz snyuslar, tarkibida nikotin mavjud suyuqliklar va nikotinli elektron sigaretalar — 2023-yil 1-yanvardan boshlab kiritilishini taʼminlaydi;

g) markirovkalanmagan tamaki mahsulotlarining qoldiqlari sotilishini (ulgurji savdoga) va (yoki) ularning uchinchi shaxslarga sotilishi bilan bogʻliq boʻlmagan sabablar boʻyicha koʻrsatilgan qoldiqlari:

filtrli sigaretalar — 2021-yil 1-iyulga qadar;

filtrsiz sigaretalar — 2022-yil 1-fevralga qadar;

boshqa turdagi chekiladigan tamaki mahsulotlari, chekilmaydigan tamaki mahsulotlari, nikotinli tamakisiz snyuslar, tarkibida nikotin mavjud suyuqliklar va nikotinli elektron sigaretalar — 2023-yil 1-yanvarga qadar sotuvdan chiqarilishini taʼminlaydi;

d) tamaki mahsulotlari aylanmasi boʻyicha barcha harakatlar toʻgʻrisidagi maʼlumotlar markirovkalash axborot tizimiga:

filtrli sigaretalar boʻyicha — 2021-yil 1-oktabrdan;

filtrsiz sigaretalar boʻyicha — 2022-yil 1-martdan,

boshqa turdagi chekiladigan tamaki mahsulotlari, chekilmaydigan tamaki mahsulotlari, nikotinli tamakisiz snyuslar, tarkibida nikotin mavjud suyuqliklar va nikotinli elektron sigaretalar boʻyicha — 2023-yil 1-martdan boshlab kiritilishini taʼminlaydi.

5. Raqamli identifikatsiyalash vositalarini shakllantirish va ularning tamaki mahsulotlarining isteʼmol uchun va guruhlangan qadoqlariga tushirilishi uchun zarur boʻlgan markirovkalash kodlarini berish uchun toʻlovlar 2021-yil 1-yanvardan boshlab operator tomonidan undiriladi.

6. Tamaki mahsulotlarini bevosita ishlab chiqaruvchilardan va import qiluvchilardan sotib oladigan tamaki mahsulotlarining ulgurji savdosi tashkilotlari:

a) tamaki mahsulotlarini bevosita ishlab chiqaruvchilar va import qiluvchilardan sotib olish bilan bogʻliq faoliyatni amalga oshiruvchi ulgurji savdo tashkilotlari 2021-yil 1-fevralga qadar yoki 2021-yil 1-fevraldan keyin mazkur faoliyat amalga oshirilishi zarurati paydo boʻlgan kundan boshlab 7 kalendar kun davomida markirovkalash axborot tizimidan roʻyxatdan oʻtadi;

a) 1 boshqa turdagi chekiladigan tamaki mahsulotlari, chekilmaydigan tamaki mahsulotlari, nikotinli tamakisiz snyuslar, tarkibida nikotin mavjud suyuqliklar va nikotinli elektron sigaretalarni bevosita ishlab chiqaruvchilar va import qiluvchilardan sotib olish bilan bogʻliq faoliyatni amalga oshiruvchi ulgurji savdo tashkilotlari 2022-yil 1-noyabrga qadar yoki 2022-yil 1-noyabrdan keyin mazkur faoliyat amalga oshirilishi zarurati paydo boʻlgan kundan boshlab 7 kalendar kun davomida markirovkalash axborot tizimidan roʻyxatdan oʻtadi;

b) ishlab chiqaruvchilardan va import qiluvchilardan sotib olishga doir maʼlumotlarni:

filtrli sigaretalar boʻyicha — 2021-yil 1-oktabrdan;

filtrsiz sigaretalar boʻyicha — 2022-yil 1-martdan;

boshqa turdagi chekiladigan tamaki mahsulotlari, chekilmaydigan tamaki mahsulotlari, nikotinli tamakisiz snyuslar, tarkibida nikotin mavjud suyuqliklar va nikotinli elektron sigaretalar boʻyicha — 2023-yil 1-yanvardan boshlab markirovkalash axborot tizimiga kiritadi;

v) markirovkalangan tamaki mahsulotlari sotilishi toʻgʻrisidagi maʼlumotlarni:

filtrli sigaretalar boʻyicha — 2022-yil 1-yanvardan;

filtrsiz sigaretalar boʻyicha — 2022-yil 1-apreldan;

boshqa turdagi chekiladigan tamaki mahsulotlari, chekilmaydigan tamaki mahsulotlari, nikotinli tamakisiz snyuslar, tarkibida nikotin mavjud suyuqliklar va nikotinli elektron sigaretalar boʻyicha — 2023-yil 1-fevraldan boshlab markirovkalash axborot tizimiga kiritadi;

g) markirovkalanmagan tamaki mahsulotlarining qoldiqlari sotilishini (chakana savdoga) va (yoki) ularning uchinchi shaxslarga sotilishi bilan bogʻliq boʻlmagan sabablar boʻyicha koʻrsatilgan qoldiqlarni:

filtrli sigaretalar boʻyicha — 2021-yil 1-oktabrga qadar;

filtrsiz sigaretalar boʻyicha — 2022-yil 1-iyunga qadar;

boshqa turdagi chekiladigan tamaki mahsulotlari, chekilmaydigan tamaki mahsulotlari, nikotinli tamakisiz snyuslar, tarkibida nikotin mavjud suyuqliklar va nikotinli elektron sigaretalar boʻyicha — 2023-yil 1-martga qadar sotuvdan chiqarilishini taʼminlaydi;

d) mahsulot aylanmasi boʻyicha barcha harakatlar toʻgʻrisidagi maʼlumotlarni:

filtrli sigaretalar boʻyicha — 2021-yil 1-yanvardan;

filtrsiz sigaretalar boʻyicha — 2022-yil 1-iyundan;

boshqa turdagi chekiladigan tamaki mahsulotlari, chekilmaydigan tamaki mahsulotlari, nikotinli tamakisiz snyuslar, tarkibida nikotin mavjud suyuqliklar va nikotinli elektron sigaretalar boʻyicha — 2023-yil 1-iyundan boshlab markirovkalash axborot tizimiga kiritadi.

7. Tamaki mahsulotlari aylanmasining chakana savdosi bilan shugʻullanuvchi ishtirokchilar (chakana savdo va umumiy ovqatlanish korxonalari):

a) tamaki mahsulotlarining chakana savdosi bilan bogʻliq faoliyat amalga oshirilishi zarurati paydo boʻlgan kundan boshlab 7 kalendar kun davomida markirovkalash axborot tizimidan roʻyxatdan oʻtadi;

b) boshqa turdagi chekiladigan tamaki mahsulotlari, chekilmaydigan tamaki mahsulotlari, nikotinli tamakisiz snyuslar, tarkibida nikotin mavjud suyuqliklar va nikotinli elektron sigaretalar chakana savdosi bilan shugʻullanuvchi tamaki mahsulotlari aylanmasi ishtirokchisi tamaki mahsulotlarining chakana savdosi bilan bogʻliq faoliyat amalga oshirilishi zarurati paydo boʻlgan kundan boshlab 7 kalendar kun davomida markirovkalash axborot tizimidan roʻyxatdan oʻtadi;

v) tamaki mahsulotlarining ulgurji savdosi bilan shugʻullanuvchi tashkilotlardan sotib olishga doir maʼlumotlarini markirovkalash axborot tizimiga kiritadi;

g) tamaki mahsulotlarining chakana savdosi boʻyicha maʼlumotlarni markirovkalash axborot tizimiga kiritadi;

d) markirovkalanmagan tamaki mahsulotlarining qoldiqlari sotilishini (oxirgi isteʼmolchiga) va (yoki) ularning uchinchi shaxslarga sotilishi bilan bogʻliq boʻlmagan sabablar boʻyicha koʻrsatilgan qoldiqlar sotuvdan chiqarilishini taʼminlaydi;

e) tamaki mahsulotlari aylanmasi boʻyicha barcha harakatlar toʻgʻrisidagi maʼlumotlarni markirovkalash axborot tizimiga kiritadi.

8. 2021-yil 1-yanvarga qadar operator taqdim etgan markirovkalash kodlaridan tamaki mahsulotlari aylanmasi ishtirokchilari tomonidan qayta oʻzgartirilgan raqamli identifikatsiyalash vositalari bilan markirovkalangan tamaki mahsulotlari tamaki mahsulotlari aylanmasi ishtirokchilaridan 2021-yil 1-yanvar holati boʻyicha raqamli identifikatsiyalash vositalarini shunday tamaki mahsulotlariga tushirish toʻgʻrisida olingan maʼlumotlar markirovkalash axborot tizimida operator tomonidan aks ettirilishi sharti bilan tegishli ravishda markirovkalangan deb tan olinadi.

9. Oʻzbekiston Respublikasi hududida filtrli sigaretlarga raqamli identifikatsiyalash vositalari tushirmasdan hamda tamaki mahsulotlarining koʻrsatilgan turlarini raqamli identifikatsiyalash vositalari bilan markirovkalash toʻgʻrisidagi maʼlumotlarni markirovkalash axborot tizimiga yubormasdan 2021-yil 1-yanvardan boshlab ishlab chiqarish taqiqlanadi.

2021-yil 1-yanvardan keyin ishlab chiqarilgan (olib kirilgan) tamaki mahsulotlarining koʻrsatilgan turlarini chakana sotilishi faqat ularning chakana sotilishi toʻgʻrisida maʼlumotlar markirovkalash axborot tizimiga kiritilganda yoʻl qoʻyiladi.

2021-yil 1-yanvargacha ishlab chiqarilgan (olib kirilgan) tamaki mahsulotlarining koʻrsatilgan turlarini chakana savdosiga 2022-yil 1-yanvargacha ruxsat etiladi.

10. Oʻzbekiston Respublikasi hududida filtrsiz sigaretlarni raqamli identifikatsiyalash vositalari tushirmasdan hamda tamaki mahsulotlarining koʻrsatilgan turlarini raqamli identifikatsiyalash vositalari bilan markirovkalash toʻgʻrisidagi maʼlumotlarni markirovkalash axborot tizimiga yubormasdan 2021-yil 1-dekabrdan boshlab ishlab chiqarish taqiqlanadi.

2021-yil 1-dekabrdan keyin ishlab chiqarilgan (olib kirilgan) tamaki mahsulotlarining koʻrsatilgan turlarining chakana savdosiga faqat markirovkalash axborot tizimiga ularning chakana savdosi toʻgʻrisidagi maʼlumotlarni uzatish shartli bilan ruxsat etiladi.

2021-yil 1-dekabrgacha ishlab chiqarilgan (olib kirilgan) tamaki mahsulotlarining koʻrsatilgan turlarini chakana savdosiga 2022-yil 1-dekabrgacha ruxsat etiladi.

10 1 . Oʻzbekiston Respublikasi hududida boshqa turdagi chekiladigan tamaki mahsulotlari, chekilmaydigan tamaki mahsulotlari, nikotinli tamakisiz snyuslar, tarkibida nikotin mavjud suyuqliklar va nikotinli elektron sigaretalarni raqamli identifikatsiyalash vositalarini tushirmasdan hamda tamaki mahsulotlarining koʻrsatilgan turlarini raqamli identifikatsiyalash vositalari bilan markirovkalash toʻgʻrisidagi maʼlumotlarni markirovkalash axborot tizimiga yubormasdan 2022-yil 1-oktabrdan boshlab ishlab chiqarish taqiqlanadi.

2022-yil 1-oktabrdan keyin ishlab chiqarilgan (olib kirilgan) tamaki mahsulotlarining koʻrsatilgan turlarining chakana savdosiga faqat markirovkalash axborot tizimiga ularning chakana savdosi toʻgʻrisidagi maʼlumotlarni uzatish sharti bilan ruxsat etiladi.

2022-yil 1-oktabrga qadar ishlab chiqarilgan (olib kirilgan) tamaki mahsulotlarining koʻrsatilgan turlari chakana savdosiga 2023-yil 1-oktabrga qadar ruxsat etiladi.

2-bob. Tamaki mahsulotlarini raqamli identifikatsiyalash vositalarining xususiyatlari, shu jumladan, markirovkalash kodlarining tuzilmasi va formati

11. Tamaki mahsulotlarining isteʼmol qadogʻini raqamli identifikatsiyalash vositasi 3 guruhdagi maʼlumotlarni tashkil etuvchi markirovkalash kodini oʻz ichiga oladi. Ushbu maʼlumotlarning birinchi va ikkinchi guruhi tamaki mahsulotlarining isteʼmol qadogʻi kodini, uchinchi guruh esa tekshirish kodini tashkil etadi. Bunda:

birinchi guruh 14 ta raqamdan iborat boʻlib, tovar kodini oʻz ichiga oladi, ushbu kod tamaki mahsulotlari aylanmasi ishtirokchilari tomonidan kiritilgan maʼlumotlar asosida operator tomonidan shakllantiriladi;

ikkinchi guruh 7 ta belgidan (raqamlar, lotin alifbosining kichik va katta harflari hamda maxsus belgilardan) iborat boʻladi va tamaki mahsulotining isteʼmol uchun qadogʻida individual seriya raqamini bildiradi;

uchinchi guruh 8 ta belgidan (raqamlar, lotin alifbosining satrli va yozma harflaridan, hamda maxsus belgilardan) tashkil topadi va tekshirish kodini bildiradi.

Tamaki mahsulotining isteʼmol qadogʻining raqamli identifikatsiyalash vositasi ikki oʻlchamli shtrix kod koʻrinishida DataMatrix formatida tushiriladi.

12. Tamaki mahsulotlarining guruhlangan qadogʻi raqamli identifikatsiyalash vositasi 3 guruhdagi maʼlumotlarni tashkil etuvchi markirovkalash kodini oʻz ichiga oladi. Ushbu maʼlumotlarning birinchi va ikkinchi guruh guruhlangan qadoqni identifikatsiyalash kodini, uchinchi guruh esa tekshirish kodini tashkil etadi. Bunda:

birinchi guruh 14 ta raqamdan iborat boʻlib, tovar kodini oʻz ichiga oladi, bundan oldin qoʻllash identifikatori (01) keladi, tamaki mahsulotlari aylanmasi ishtirokchilari tomonidan kiritilgan maʼlumotlar asosida ushbu kod operator tomonidan shakllantiriladi;

ikkinchi guruh 7 ta belgidan (raqamlar, lotin alifbosining kichik va katta harflari, hamda maxsus belgilardan) iborat boʻladi va tamaki mahsulotining guruhlangan qadogʻida individual seriya raqamini bildiradi, bundan oldin qoʻllash identifikatori (21) keladi va u operator yoki tamaki mahsulotlari aylanmasi ishtirokchilari tomonidan shakllantiriladi (ASCII belgilar jadvalida 29 kodiga ega boʻlgan belgi maʼlumotlarning ushbu guruhi uchun yakunlovchi belgi hisoblanadi);

uchinchi guruh 8 ta belgidan (raqamlar, lotin alifbosining satrli va yozma harflaridan hamda maxsus belgilardan) tashkil topadi va tekshirish kodini oʻz ichiga oladi, undan oldin qoʻllash identifikatori (93) keladi va u operator tomonidan shakllantiriladi.

Tamaki mahsulotining guruhlangan qadogʻini raqamli identifikatsiyalash vositasi ikki oʻlchamli shtrix kod koʻrinishida DataMatrix formatida tushiriladi.

13. Isteʼmol va guruhlangan qadoqlarga va (yoki) yorliqqa, raqamli identifikatsiyalash vositasi qadoq va (yoki) yorliqdan koʻchirib olinishiga yoʻl qoʻymaydigan usulda, raqamli identifikatsiyalash vositasi tushiriladi.

Isteʼmol qadogʻiga raqamli identifikatsiyalash vositasi qadoqning past yoki yon tomoniga 5x5 millimetrdan kam boʻlmagan oʻlchamda maxsus ajratilgan kontrast maydonga tushiriladi.

Agregatsiyalash taomillarini amalga oshirishga qulay oʻlchamda boʻlishini taʼminlash maqsadida, guruhlangan va transport qadogʻiga raqamli identifikatsiyalash vositasi qadoqning old yoki yon tomoniga tushiriladi.

Isteʼmol va guruhlangan qadoqlarga 0,25 millimetrdan kam boʻlmagan oʻlchamda, transport qadogʻiga esa 2 millimetrdan kam boʻlmagan oʻlchamdagi maxsus modul qoʻllaniladi.

Isteʼmol qadogʻiga yopishtirilgan Oʻzbekiston Respublikasining amaldagi qonunchilik hujjatlari bilan belgilangan aksiz markasi ustiga stiker (boshqa usulda raqamli identifikatsiyalash vositasini tushirish imkoniyatiga ega boʻlmagan isteʼmol qadogʻiga yoki guruhlangan qadoqqa mahkamlanuvchi, raqamli identifikatsiyalash vositasini shikastlamasdan qadoqdan uning ajratib olinishini yoʻl qoʻyilmaydigan usulda raqamli identifikatsiyalash vositasini tushirish uchun moʻljallangan qoʻshimcha yorliq yoki yopishtirma yorliq) orqali tushiriladigan raqamli identifikatsiyalash vositasini tushirish yoki yopishtirish taqiqlanadi.

14. Isteʼmol qadogʻi va guruhlangan qadoqqa va (yoki) yorliqqa tushiriladigan raqamli identifikatsiyalash vositasi shaffof oʻrash plyonkasi yoki biron-bir boshqa tashqi oʻrash materiali ustiga chop etilmasligi va raqamli identifikatsiyalash vositasining oʻqilishiga toʻsqinlik qiluvchi boshqa maʼlumot bilan toʻsib qoʻyilmasligi kerak.

15. Raqamli identifikatsiyalash vositasi texnik tartibga solish sohasidagi normativ hujjatlar talablariga muvofiq tamaki mahsulotlari qadogʻiga tushirilgan axborotning butunligiga zarar yetkazmaydigan tarzda joylashtirilishi kerak.

16. Tamaki mahsulotlariga yorliqlarning tushirilishiga quyidagi talablar qoʻyiladi:

tamaki mahsulotlarining isteʼmol qadogʻi va guruhlangan qadogʻiga yorliqlarni tushirish uchun yorliqqa tushirilgan raqamli identifikatsiyalash vositasining yorliq tushirilgan paytdan boshlab tamaki mahsuloti isteʼmolchiga sotilgunicha oʻqilishini taʼminlovchi texnologiya qoʻllanilishi kerak;

yorliq tamaki mahsulotining isteʼmol qadogʻi yoki guruhlangan qadogʻiga yopishtirish yoʻli bilan tushiriladi, tamaki mahsulotlari ishlab chiqaruvchisi tomonidan tovarning qadogʻiga tushiriladigan oʻrash plyonkasiga yorliqning mahkamlanishiga ruxsat beriladi;

yorliq ustiga yorliq yuzasini yopib qoʻyadigan va (yoki) raqamli identifikatsiyalash vositasining oʻqilishini qiyinlashtiradigan biron-bir elementlar tushirilishiga yoʻl qoʻyilmaydi (tamaki mahsulotlari ishlab chiqaruvchisi tomonidan qadoqqa tushiriladigan shaffof oʻrash plyonkasi bundan mustasno).

raqamli identifikatsiyalash vositasining oʻlchami va joylashuvi markirovka kodlarini, shu jumladan, ISO/IEC 15415 “Axborot texnologiyalar. Avtomatik identifikatsiyalash va maʼlumotlarni yigʻish texnologiyalari. Chop yetish sifatini baholash uchun shtrix kod ramzlarini test spetsifikatsiyasi. Ikki oʻlchamli ramzlar” (ISO/IEC 15415:2011 “Information technology — Automatic identification and data capture techniques — Bar code print quality test specification — Two-dimensional symbols”) standartiga muvofiq maʼlumotlarning yigʻish terminallari, maxsus (mobil) ilovalar va lazer skanerlari orqali toʻgʻri oʻqilishini va aniqlanishini taʼminlashi kerak.

3-bob. Tamaki mahsulotlarini agregatsiyalash tartibi

17. Ishlab chiqaruvchilar va import qiluvchilar tamaki mahsulotlarini agregatsiyalashni amalga oshiradi (alohida qadoqni guruhlangan qadoqqa va guruhlangan qadoqni transport qadogʻiga) va uni tamaki mahsulotining agregatsiyalangani toʻgʻrisidagi maʼlumotni tamaki mahsuloti aylanmasining keyingi ishtirokchisiga uzatishdan (sotishdan) avval markirovkalash axborot tizimiga kiritadi.

Agregatsiyalash tadbirini amalga oshirish maqsadida mahsulot aylanmasining ishtirokchisi quyidagi maʼlumotlarni markirovkalash axborot tizimiga yuboradi:

agregatsiyalashni amalga oshiruvchi mahsulot aylanmasi ishtirokchisining STIRi;

ishlab chiqarish liniyasining identifikatori;

ishlab chiqarish buyurtmasi identifikatori;

agregatsiyalashga rejalashtirilgan qadoqlar soni;

haqiqatda agregatsiyalangan qadoqlar soni;

yaratiladigan guruhlangan yoki transport qadogʻining identifikatsiya kodi;

yaratiladigan guruhlangan yoki transport qadogʻiga kiritilgan agregirlangan qadoqlarning markirovkalash kodlari roʻyxati;

Transport qadogʻining identifikatsiya kodi agregatsiyalash tadbirini amalga oshiruvchi mahsulot aylanmasining ishtirokchisi tomonidan yaratiladi (generatsiya qilinadi) hamda “ISO/IEC 15459-1:2006 “Information technology-Unique identifiers-Part 1: Unique identifiers for transport units” standarti talablariga muvofiq qadoqning ustida qoʻllaniladi.

Operator quyidagi holatlar mavjud boʻlgan taqdirda, mahsulot aylanmasining ishtirokchisiga agregatsiyalash maʼlumotlarini qabul qilishni hamda transport qadogʻining maʼlumotlarini roʻyxatdan oʻtkazishni rad etadi:

mahsulot aylanmasining ishtirokchisi bitta yoki bir nechta agregatsiyalanadigan qadoqlarning markirovkalash kodlarining egasi emas;

agregatsiyalanadigan qadoqlarning markirovkalash kodlari roʻyxati noyob boʻlmagan (takrorlangan) belgilardan tashkil qilingan;

agregatsiyalanadigan qadoqlarning markirovkalash kodlari roʻyxatida markirovkalash axborot tizimida roʻyxatdan oʻtmagan markirovkalash kodlari mavjud;

agregatsiyalanadigan qadoqlarning markirovkalash kodlari roʻyxatida markirovkalash axborot tizimida markirovkalash kodlari qoʻllanilganligi yoki markirovkalash kodlari uchun toʻlovlar amalga oshirilganligi yuzasidan maʼlumotlar mavjud emas;

agregatsiyalanadigan qadoqlarning markirovkalash kodlari roʻyxatida aylanmadan chiqarilgan holatida boʻlgan markirovkalash kodlari mavjud;

agregatsiyalanadigan qadoqlarning markirovkalash kodlari roʻyxatida boshqa mahsulot turlari uchun buyurtma qilingan markirovkalash kodlari mavjud;

yaratiladigan guruhlangan yoki transport qadogʻining identifikatsiya kodi qabul qilingan formatga muvofiq emas;

yaratiladigan guruhlangan yoki transport qadogʻining identifikatsiya kodi markirovkalash axborot tizimida avval roʻyxatdan oʻtkazilgan;

Operator quyidagi holatlarda guruhlangan yoki transport qadogʻining agregatsiyasini buzish (bekor qilish) tadbirini amalga oshiradi:

markirovkalash axborot tizimida guruhlangan yoki transport qadogʻiga biriktirilgan markirovkalash kodlari qayta agretsiyalangan;

markirovkalash axborot tizimiga guruhlangan yoki transport qadogʻiga biriktirilgan markirovkalash kodlarining aylanmaga kiritilishi, aylanmada boʻlishi yoki aylanmadan chiqarilganligi yuzasidan maʼlumotlar taqdim etilgan.

18. 1 (bir) hisobot davri (oyi) doirasida butun ishlab chiqarilgan tamaki mahsulotlari boʻyicha isteʼmol va guruhlangan qadoqlarni agregatsiyalashning oʻrtacha samaradorligi quyidagilarni tashkil qilishi kerak:

a) filtrli sigaretalar uchun:

95 foizdan kam boʻlmagan — 2021-yil 1-maydan boshlab;

99 foizdan kam boʻlmagan — 2021-yil 1-iyuldan boshlab;

b) filtrsiz sigaretalar uchun:

95 foizdan kam boʻlmagan — 2022-yil 1-apreldan boshlab;

99 foizdan kam boʻlmagan — 2022-yil 1-iyundan boshlab;

v) boshqa turdagi chekiladigan tamaki mahsulotlari, chekilmaydigan tamaki mahsulotlari, nikotinli tamakisiz snyuslar, tarkibida nikotin mavjud suyuqliklar va nikotinli elektron sigaretalar uchun:

95 foizdan kam boʻlmagan — 2022-yil 1-dekabrdan boshlab;

99 foizdan kam boʻlmagan — 2023-yil 1-fevraldan boshlab.

Bunda, guruhlangan qadoq ichida agregatsiyalanadigan ikkita isteʼmol qadogʻidan va transport qadogʻi ichida ikkita guruhlangan qadoqdan oshmagan holda identifikatsiyalash kodi toʻgʻrisidagi maʼlumotlar mavjud boʻlmasligiga ruxsat etiladi.

Ushbu holatda agregatsiyalashni amalga oshiruvchi tamaki mahsulotlari aylanmasining ishtirokchisi agregatsiyalash boshlangan kundan 5 (besh) ish kuni davomida isteʼmol qadoqlarini identifikatsiyalash kodlari va (yoki) agregatsiyalashda markirovkalash axborot tizimiga uzatilmagan guruhlangan qadoqlarni identifikatsiyalash kodlari toʻgʻrisidagi maʼlumotlarni markirovkalash axborot tizimiga kiritadi.

Vazirlar Mahkamasining 2020-yil 31-dekabrdagi 833-son qaroriga 4-ILOVA

Alkogol mahsulotlarini raqamli identifikatsiya vositalari bilan majburiy markirovkalash xususiyatlari toʻgʻrisida

1-bob. Umumiy qoidalar

1. Mazkur Nizom alkogol mahsulotlarini raqamli identifikatsiyalash vositalari bilan markirovkalash xususiyatlarini, alkogol mahsulotlarini raqamli identifikatsiyalash vositalarining xususiyatlarini, alkogol mahsulotlari aylanmasi ishtirokchilari tomonidan Mahsulotlarni markirovkalash va kuzatib borish milliy axborot tizimi operatoriga (keyingi oʻrinlarda — operator, markirovkalash axborot tizimi) alkogol mahsulotlari aylanmasi toʻgʻrisidagi maʼlumotni taqdim etishning bosqichlari va muddatlarini belgilaydi.

2. Mazkur Nizomda quyidagi asosiy tushunchalar qoʻllaniladi:

agregatsiyalash — yaratiluvchi guruhlangan qadoq va (yoki) transport qadogʻining identifikatsiyalash kodi bilan har bir joylashtirilgan isteʼmol qadogʻi, guruhlangan qadoq, transport qadogʻining identifikatsiyalash kodlarining oʻzaro bogʻliqligi toʻgʻrisidagi maʼlumotni saqlovchi yaratiluvchi guruhlangan qadoq va (yoki) transport qadogʻiga bosib tushirish bilan isteʼmol qadogʻini birinchi daraja guruhlangan qadogʻiga va (yoki) transport qadogʻiga hamda birinchi daraja transport qadoqlarining keyingi daraja transport qadogʻiga mahsulotlarni birlashtirish jarayoni;

servis-provayder — mahsulotlar aylanishi ishtirokchisining topshirigʻi boʻyicha markirovkalash kodining identifikatsiyalash vositasiga oʻzgartirilishini va identifikatsiyalash vositasining isteʼmol qadogʻiga va (yoki) guruhlangan qadogʻiga va (yoki) yorliqqa va (yoki) stikerga distributsiyaning, nashrning va validatsiyaning dasturiy-apparat majmuasini qoʻllash bilan tushirilishini hamda identifikatsiyalash vositalarining validatsiyasini amalga oshiruvchi yuridik shaxs yoki yakka tartibdagi tadbirkor;

stiker — boshqa usulda raqamli identifikatsiyalash vositasini tushirish imkoniyatiga ega boʻlmagan isteʼmol qadogʻiga yoki guruhlangan qadogʻiga mahkamlanuvchi, raqamli identifikatsiyalash vositasini qayta ishlatish, nusxalash va shikastlamasdan qadoqdan uning ajratib olinishiga yoʻl qoʻyilmaydigan usulda raqamli identifikatsiyalash vositasini tushirish uchun moʻljallangan qoʻshimcha yorliq (yopishtirma yorliq);

yorliq — yozuvlar, tasvirlar, belgilar, ramzlar, boshqa belgilanishlar va (yoki) ularning majmuasi koʻrinishida mahsulot toʻgʻrisidagi maʼlumotni tushiruvchi va qadoqqa, jumladan, yopishtirish yoʻli bilan mahkamlanuvchi maʼlumotni tashuvchi.

3. Raqamli identifikatsiyalash vositalari bilan alkogol mahsulotlarning majburiy markirovkalash isteʼmol qadogʻi va (yoki) guruhlangan qadoqda sotiladigan alkogol mahsulotlarining quyidagi turlariga nisbatan amalga oshiriladi:

a) spirtli ichimliklar;

b) vino va vinochilik mahsulotlari;

v) pivo va pivo ichimliklari.

Alkogol mahsulotlarining turi Vazirlar Mahkamasining 2017-yil 13-fevraldagi 71-son qarori bilan tasdiqlangan Alkogol mahsulotlarining xavfsizligi toʻgʻrisidagi umumiy texnik reglament (UzTR.71-012:2017) asosida belgilanadi.

4. Alkogol mahsulotlarini ishlab chiqaruvchilar va import qiluvchilar:

a) alkogol mahsulotlarini ishlab chiqarish yoki import qilish bilan shugʻullanuvchilarda alkogol mahsulotini foydalanishga kiritish va (yoki) foydalanish bilan bogʻliq faoliyatni amalga oshiruvchi ishlab chiqaruvchilari va import qiluvchilari 2020-yil 31-dekabrgacha yoki 2020-yil 31-dekabrdan keyin mazkur faoliyatni amalga oshirilishi zarurati yuzaga kelgan kundan boshlab 7 kalendar kuni davomida markirovkalash axborot tizimidan roʻyxatdan oʻtadi va Oʻzbekiston Respublikasida ishlab chiqariladigan va (yoki) olib kiriladigan alkogol mahsulotlari nomenklaturasi toʻgʻrisidagi maʼlumotlarni markirovkalash axborot tizimiga kiritadi;

b) raqamli identifikatsiyalash vositasi alkogol mahsulotlarining isteʼmol qadogʻiga tushirilishini taʼminlaydi, shuningdek, alkogol mahsulotlarni markirovkalash toʻgʻrisidagi maʼlumotlarni markirovkalash axborot tizimiga kiritadi:

spirtli ichimliklar — 2021-yil 1-yanvardan;

vino va vinochilik mahsulotlari — 2021-yil 1-yanvardan;

pivo va pivo mahsulotlari — 2021-yil 1-apreldan;

metall, shu jumladan, alyumin idishdagi alkogol mahsulotlari — 2021-yil 1-dekabrdan.

v) alkogol mahsulotlarini agregatsiyalashni taʼminlaydi:

spirtli ichimliklar — 2021-yil 1-dekabrdan;

vino va vinochilik mahsulotlari — 2021-yil 1-dekabrdan;

pivo va pivo mahsulotlari — 2022-yil 1-martdan;

metall, shu jumladan, alyumin idishdagi alkogol mahsulotlari — 2022-yil 1-noyabrdan.

g) alkogol mahsulotlari aylanmasi boʻyicha barcha harakatlar toʻgʻrisidagi maʼlumotlarni markirovkalash axborot tizimiga kiritadi:

spirtli ichimliklar — 2022-yil 1-yanvardan;

vino va vinochilik mahsulotlari — 2022-yil 1-yanvardan;

pivo va pivo mahsulotlari — 2022-yil 1-apreldan;

metall, shu jumladan, alyumin idishdagi alkogol mahsulotlari — 2022-yil 1-dekabrdan.

d) markirovkalanmagan alkogol mahsulotlari qoldiqlarining sotilishini (ulgurji savdoga sotilishini) va (yoki) ularning uchinchi shaxslarga sotilishi bilan bogʻliq boʻlmagan sabablar boʻyicha koʻrsatilgan qoldiqlarning aylanmadan chiqarilishini taʼminlaydi:

spirtli ichimliklar — 2021-yil 1-iyulgacha;

vino va vinochilik mahsulotlari — 2021-yil 1-iyulgacha;

pivo va pivo mahsulotlari — 2021-yil 1-oktabrgacha;

metall, shu jumladan, alyumin idishdagi alkogol mahsulotlari — 2022-yil 1-iyungacha.

5. Raqamli identifikatsiya vositalarini shakllantirish va ularning alkogol mahsulotlari isteʼmol qadogʻiga va guruhlangan qadogʻiga tushirilishi uchun zarur boʻlgan markirovkalash kodlarini berganlik uchun toʻlovlar 2021-yil 1-apreldan boshlab operatorga toʻlab boriladi.

6. Alkogol mahsulotlarini bevosita ishlab chiqaruvchilardan va import qiluvchilardan sotib oladigan alkogol mahsulotlarining ulgurji savdosi tashkilotlari:

a) alkogol mahsulotlarini bevosita ishlab chiqaruvchilar va import qiluvchilardan sotib olish bilan bogʻliq faoliyatni amalga oshiruvchi ulgurji savdo tashkilotlari 2021-yil 1-fevralgacha yoki 2021-yil 1-fevraldan keyin mazkur faoliyatni amalga oshirilishi zarurati paydo boʻlgan kundan boshlab 7 kalendar kuni davomida markirovkalash axborot tizimidan roʻyxatdan oʻtadi;

b) markirovkalanmagan alkogol mahsulotlarining qoldiqlari sotilishini (chakana savdoga sotilishini) va (yoki) ularning uchinchi shaxslarga sotilishi bilan bogʻliq boʻlmagan sabablar tufayli ushbu qoldiqlar muomaladan chiqarilishini taʼminlaydi:

spirtli ichimliklar — 2021-yil 1-oktabrgacha;

vino va vinochilik mahsulotlari — 2021-yil 1-oktabrgacha;

pivo va pivo mahsulotlari — 2022-yil 1-yanvargacha;

metall, shu jumladan, alyumin idishdagi alkogol mahsulotlari — 2022-yil 1-sentabrgacha.

v) alkogol mahsulotlarini ishlab chiqaruvchilardan va import qiluvchilardan sotib olishga doir barcha harakatlar toʻgʻrisidagi maʼlumotlarni markirovkalash axborot tizimiga kiritadi:

spirtli ichimliklar — 2021-yil 1-dekabrdan;

vino va vinochilik mahsulotlari — 2021-yil 1-dekabrdan;

pivo va pivo mahsulotlari — 2022-yil 1-martdan;

metall, shu jumladan, alyumin idishdagi alkogol mahsulotlari — 2022-yil 1-noyabrdan.

g) alkogol mahsulotlari aylanmasi boʻyicha barcha harakatlar toʻgʻrisidagi maʼlumotlarni markirovkalash axborot tizimiga kiritadi:

spirtli ichimliklar — 2022-yil 1-yanvardan;

vino va vinochilik mahsulotlari — 2022-yil 1-yanvardan;

pivo va pivo mahsulotlari — 2022-yil 1-apreldan;

metall, shu jumladan, alyumin idishdagi alkogol mahsulotlari — 2022-yil 1-dekabrdan.

7. Alkogol mahsulotlarining chakana savdosini amalga oshiruvchi alkogol mahsulotlari aylanmasi ishtirokchilari (chakana savdo va umumiy ovqatlanish korxonalari).

8. 2021-yil 1-yanvarga qadar operator taqdim etgan markirovkalash kodlaridan alkogol mahsulotlari aylanmasi ishtirokchilari tomonidan qayta oʻzgartirilgan raqamli identifikatsiya vositalari bilan markirovkalangan alkogol mahsulotlari alkogol mahsulotlari aylanmasi ishtirokchilaridan 2021-yil 1-yanvar holati boʻyicha raqamli identifikatsiya vositalarini shunday alkogol mahsulotlariga tushirish toʻgʻrisida olingan maʼlumotlar markirovkalash axborot tizimida operator tomonidan aks ettirilishi sharti bilan tegishli ravishda markirovkalangan deb tan olinadi.

9. Oʻzbekiston Respublikasi hududida alkogol mahsulotlarini (pivo mahsulotlari hamda metall, shu jumladan, alyumin idishdagi alkogol mahsulotlaridan tashqari) raqamli identifikatsiyalash vositalari tushirimasdan hamda alkogol mahsulotlarining koʻrsatilgan turlarini raqamli identifikatsiyalash vositalari bilan markirovkalash toʻgʻrisidagi maʼlumotlarni markirovkalash axborot tizimiga yubormasdan 2021-yil 1-yanvardan boshlab ishlab chiqarish taqiqlanadi.

2021-yil 1-yanvardan keyin ishlab chiqarilgan (olib kirilgan) alkogol mahsulotlarining koʻrsatilgan turlarini chakana sotilishi faqat ularning chakana sotilishi toʻgʻrisidagi maʼlumotlar markirovkalash axborot tizimiga kiritilganda yoʻl qoʻyiladi.

2021-yil 1-yanvargacha ishlab chiqarilgan (olib kirilgan) alkogol mahsulotlarining koʻrsatilgan turlarining chakana savdosiga 2022-yil 1-yanvargacha yoʻl qoʻyiladi.

10. Oʻzbekiston Respublikasi hududida pivo mahsulotlarini raqamli identifikatsiyalash vositalari tushirmasdan hamda alkogol mahsulotlarining koʻrsatilgan turlarini raqamli identifikatsiyalash vositalari bilan markirovkalash toʻgʻrisidagi maʼlumotlarni markirovkalash axborot tizimiga yubormasdan 2021-yil 1-apreldan boshlab ishlab chiqarish taqiqlanadi.

2021-yil 1-apreldan boshlab ishlab chiqarilgan (olib kirilgan) alkogol mahsulotlarining koʻrsatilgan turlarining chakana sotilishiga faqat ularning chakana sotilishi toʻgʻrisida maʼlumotlar markirovkalash axborot tizimiga kiritilganda yoʻl qoʻyiladi.

2021-yil 1-aprelgacha ishlab chiqarilgan (olib kirilgan) alkogol mahsulotlarning koʻrsatilgan turlarining chakana savdosiga 2022-yil 1-aprelgacha yoʻl qoʻyiladi.

11. Oʻzbekiston Respublikasi hududida metall, shu jumladan, alyumin idishdagi alkogol mahsulotlarini raqamli identifikatsiyalash vositalari tushirimasdan hamda alkogol mahsulotlarining koʻrsatilgan turlarini raqamli identifikatsiyalash vositalari bilan markirovkalash toʻgʻrisidagi maʼlumotlarni markirovkalash axborot tizimiga yubormasdan 2021-yil 1-dekabrdan boshlab ishlab chiqarish taqiqlanadi.

2021-yil 1-dekabrdan boshlab ishlab chiqarilgan (olib kirilgan) alkogol mahsulotlarining koʻrsatilgan turlarining chakana sotilishiga faqat ularning chakana sotilishi toʻgʻrisida maʼlumotlar markirovkalash axborot tizimiga kiritilganda yoʻl qoʻyiladi.

2021-yil 1-dekabrgacha ishlab chiqarilgan (olib kirilgan) alkogol mahsulotlarning koʻrsatilgan turlarining chakana savdosiga 2022-yil 1-dekabrgacha yoʻl qoʻyiladi.

2-bob. Alkogol mahsulotlarini raqamli identifikatsiyalash vositalarining xususiyatlari, shu jumladan, markirovkalash kodlarining tuzilmasi va formati

12. Alkogol mahsulotlarining isteʼmol qadogʻini raqamli identifikatsiyalash vositasi 3 guruhdagi maʼlumotlarni tashkil etuvchi markirovkalash kodini oʻz ichiga oladi. Ushbu maʼlumotlarning birinchi va ikkinchi guruhi alkogol mahsulotlarining guruhlangan qadogʻi kodini, uchinchi guruh esa tekshirish kodini tashkil etadi. Bunda:

birinchi guruh 14 ta raqamdan iborat boʻlib, tovar kodini oʻz ichiga oladi, bundan oldin qoʻllash identifikatori (01) keladi, alkogol mahsulotlari aylanmasi ishtirokchilari tomonidan kiritilgan maʼlumotlar asosida ushbu kod operator tomonidan shakllantiriladi;

ikkinchi guruh 7 ta belgidan (raqamlar, lotin alifbosining kichik va katta harflari, hamda maxsus belgilardan) iborat boʻladi va alkogol mahsulotining guruhlangan qadogʻida individual seriya raqamini bildiradi, bundan oldin qoʻllash identifikatori (21) keladi va u operator yoki alkogol mahsulotlari aylanmasi ishtirokchilari tomonidan shakllantiriladi (ASCII belgilar jadvalida 29 kodiga ega boʻlgan belgi maʼlumotlarni ushbu guruhi uchun yakunlovchi belgi hisoblanadi);

uchinchi guruh 4 ta belgidan (raqamlar, lotin alifbosining kichik va katta harflaridan hamda maxsus belgilardan) tashkil topadi va tekshirish kodini oʻz ichiga oladi, undan oldin qoʻllash identifikatori (93) keladi va u operator tomonidan shakllantiriladi.

Alkogol mahsulotining guruhlangan qadogʻini raqamli identifikatsiyalash vositasi ikki oʻlchamli shtrix kod koʻrinishida DataMatrix formatida tushiriladi.

13. Alkogol mahsulotlarining guruhlangan qadogʻini raqamli identifikatsiyalash vositasi 3 guruhdagi maʼlumotlarni tashkil etuvchi markirovkalash kodini oʻz ichiga oladi. Ushbu maʼlumotlarning birinchi va ikkinchi guruhi alkogol mahsulotlarining isteʼmol qadogʻi kodini, uchinchi guruh esa tekshirish kodini tashkil etadi. Bunda:

birinchi guruh 14 ta raqamdan iborat boʻlib, tovar kodini oʻz ichiga oladi, bundan oldin qoʻllash identifikatori (01) keladi, alkogol mahsulotlari aylanmasi ishtirokchilari tomonidan kiritilgan maʼlumotlar asosida ushbu kod operator tomonidan shakllantiriladi;

ikkinchi guruh 13 ta belgidan (raqamlar, lotin alifbosining kichik va katta harflari, hamda maxsus belgilardan) iborat boʻladi va alkogol mahsulotining guruhlangan qadogʻida individual seriya raqamini bildiradi, bundan oldin qoʻllash identifikatori (21) keladi va u operator yoki alkogol mahsulotlari aylanmasi ishtirokchilari tomonidan shakllantiriladi (ASCII belgilar jadvalida 29 kodiga ega boʻlgan belgi maʼlumotlarni ushbu guruhi uchun yakunlovchi belgi hisoblanadi);

uchinchi guruh 4 ta belgidan (raqamlar, lotin alifbosining kichik va katta harflaridan hamda maxsus belgilardan) tashkil topadi va tekshirish kodini oʻz ichiga oladi, undan oldin qoʻllash identifikatori (93) keladi va u operator tomonidan shakllantiriladi.

Alkogol mahsulotining guruhlangan qadogʻini raqamli identifikatsiyalash vositasi ikki oʻlchamli shtrix kod koʻrinishida DataMatrix formatida tushiriladi.

14. Raqamli identifikatsiyalash vositasi isteʼmol qadogʻi va (yoki) guruhlangan qadoqqa va (yoki) stikerga raqamli identifikatsiyalash vositasining qadoqdan koʻchirib olinishiga yoʻl qoʻymaydigan usulda tushiriladi.

Isteʼmol qadogʻiga raqamli identifikatsiyalash vositasi yorliq (kontryorliq) va (yoki) stikerda 7x7 millimetrdan (guruhlangan qadogʻiga — 10x10 millimetrdan) kam boʻlmagan oʻlchamda maxsus ajratilgan kontrast maydonga tushiriladi.

Guruhlangan va transport qadogʻiga raqamli identifikatsiyalash vositasi qadoqning old yoki yon tomoniga tushiriladi va agregatsiyalash taomillarini amalga oshirishga qulay oʻlchamda boʻlishini taʼminlash kerak.

Isteʼmol qadogʻi va guruhlangan qadoqqa 0,35 millimetrdan kam boʻlmagan oʻlchamda, transport qadogʻiga esa 2 millimetrdan kam boʻlmagan oʻlchamdagi maxsus modul qoʻllaniladi.

Isteʼmol qadogʻini (pivo mahsulotlaridan tashqari) stiker yordamida markirovkalashga faqat dekor yoki boshqa usullar bilan bezatilgan va yorligʻi (etiketka, kontretiketka) boʻlmagan isteʼmol qadoq uchun ruxsat etiladi.

Import qilinadigan mahsulotlarga nisbatan raqamli identifikatsiyalash vositasi davlat tilida markirovkalash uchun moʻljallangan stikerga tushirilish kerak.

Isteʼmol qadogʻiga yopishtirilgan Oʻzbekiston Respublikasining amaldagi qonunchilik hujjatlarida belgilangan aksiz markasi ustiga stiker orqali tushiriladigan raqamli identifikatsiyalash vositasini tushirish yoki yopishtirish taqiqlanadi.

15. Isteʼmol qadogʻi va guruhlangan qadoqqa va (yoki) yorliqqa va (yoki) stikerga tushiriladigan raqamli identifikatsiyalash vositasi shaffof oʻrash plyonkasi yoki biron-bir boshqa tashqi oʻrash materiali ustiga chop etilmasligi va raqamli identifikatsiyalash vositasining oʻqilishiga toʻsqinlik qiluvchi boshqa maʼlumot bilan toʻsib qoʻyilmasligi kerak.

16. Isteʼmol qadogʻi va guruhlangan qadoqqa va (yoki) yorliqqa tushiriladigan raqamli identifikatsiyalash vositasi shaffof oʻrash plyonkasi yoki biron-bir boshqa tashqi oʻrash materiali ustiga chop etilmasligi va raqamli identifikatsiyalash vositasining oʻqilishiga toʻsqinlik qiluvchi boshqa maʼlumot bilan toʻsib qoʻyilmasligi kerak.

17. Alkogol mahsulotlariga yorliqlar (kontryorliqlar) va (yoki) stikerlar tushirilishiga quyidagi talablar qoʻyiladi:

alkogol mahsulotlarining qadogʻiga yorliqlar (kontryorliqlar) va (yoki) stikerni tushirish uchun yorliqqa va (yoki) stikerga tushirilgan raqamli identifikatsiyalash vositasining yorliq va (yoki) stiker tushirilgan paytdan boshlab alkogol mahsuloti isteʼmolchiga sotilgunicha oʻqilishini taʼminlovchi texnologiya qoʻllanilishi kerak;

yorliq (kontryorliq) va (yoki) stiker alkogol mahsulotining bevosita qadogʻiga yopishtirish yoʻli bilan tushiriladi;

yorliq (kontryorliq) va (yoki) stiker ustiga yorliq yuzasini yopib qoʻyadigan va (yoki) raqamli identifikatsiyalash vositasining oʻqilishini qiyinlashtiradigan biron-bir elementlar tushirilishiga yoʻl qoʻyilmaydi;

raqamli identifikatsiyalash vositasining oʻlchami va joylashuvi markirovkalash kodlarini, shu jumladan, ISO/IEC 15415 “Axborot texnologiyalar. Avtomatik identifikatsiyalash va maʼlumotlarni yigʻish texnologiyalari. Chop etish sifatini baholash uchun shtrix kodi ramzlarini test spetsifikatsiyasi. Ikki oʻlchamli ramzlar” (ISO/IEC 15415:2011 “Information technology — Automatic identification and data capture techniques — Bar code print quality test specification — Two-dimensional symbols”) standartiga muvofiq maʼlumotlarning yigʻish terminallari, maxsus (mobil) ilovalar va lazer skanerlari orqali toʻgʻri oʻqilishini va aniqlanishini taʼminlashi kerak.

18. Markirovkalash kodlarini raqamli identifikatsiyalash vositalariga oʻzgartirish va ularni isteʼmol qadogʻiga va (yoki) guruhlangan qadoqqa, va (yoki) yorliqqa, va (yoki) stikerga tushirish alkogol mahsulotlarini ishlab chiqaruvchi va import qiluvchi va (yoki) servis-provayder tomonidan amalga oshiriladi.

Raqamli identifikatsiya vositalarini qoʻllovchi (chop etuvchi) yuridik shaxslar va yakka tartibdagi tadbirkorlar operatorga quyidagi maʼlumotlarni oʻz ichiga olgan raqamli identifikatsiya vositalarini qoʻllash (chop etish) sifati toʻgʻrisida hisobot taqdim etadilar, unda “Axborot texnologiyalari. Avtomatik identifikatsiya qilish va maʼlumotlarni toʻplash texnologiyalari. Chop etish sifatini baholash uchun shtrix-kod belgilar testlarining spetsifikatsiyasi. Ikki oʻlchovli belgilar” (“Information technology — Automatic identification and data capture techniques — Bar code print quality test specification — Two-dimensional symbols” standartiga muvofiq raqamli identifikatsiya vositalarini qoʻllash (chop etish) sifati toʻgʻrisidagi maʼlumotlar mavjud.

Raqamli identifikatsiya vositalarini qoʻllash (chop etish) sifati C yoki undan yuqori sinfga mos kelishi kerak. Raqamli identifikatsiya vositalarini qoʻllash (bosib chiqarish) sifati dasturiy - apparat komplekslari (texnik koʻrish vositalari) yordamida baholanishi kerak.

2026-yil 1-iyuldan boshlab alkogol mahsulotlarini ishlab chiqarish (quyish) hamda alkogol mahsulotlarining isteʼmolchi va (yoki) guruhli qadoqlariga raqamli identifikatsiya vositalarini qoʻllash vaqtida ishlab chiqaruvchi markirovka kodlarini qoʻllash (foydalanish) toʻgʻrisida hisobot tuzadi va operatorga yuboradi. Hisobotda alkogol mahsulotlarini markirovkalash uchun amalda qoʻllanadigan markirovka kodlari roʻyxati, shuningdek, ushbu mahsulot ishlab chiqarilgan (quyilgan) sana boʻlishi kerak.

Import qiluvchi tomonidan isteʼmolchi va (yoki) guruhli qadoqlash uchun raqamli identifikatsiya vositalari qoʻllanilganda, markirovka kodlarini qoʻllash (foydalanish) toʻgʻrisidagi hisobot mahsulotlarni erkin muomala (import) rejimida bojxona rasmiylashtiruviga taqdim etishdan kechiktirmasdan operatorga yuboriladi.

19. Markirovkalash kodlarini raqamli identifikatsiya vositalariga oʻzgartirish va ularni servis-provayder tomonidan tushirilishi uchun quyidagilarga ega boʻlishi zarur:

a) elektron raqamli imzo;

b) alkogol mahsulotlari aylanmasi ishtirokchisining topshirigʻi boʻyicha raqamli identifikatsiya vositasini oʻzgartirish va uni tushirish uchun yetarli boʻlgan, ammo alkogol mahsulotlari aylanmasi ishtirokchisining qadoqlar, yorliqlar va stikerlar ishlab chiqarish uchun muntazam joylashtiriladigan buyurtmalaridan past boʻlmagan unumdorlik bilan ishlaydigan kompleks poligrafiya asbob-uskunasi;

v) quyidagilarni taʼminlovchi distributsiya, matbaa va validatsiya dasturiy-apparat kompleksi:

alkogol mahsulotlari aylanmasi ishtirokchilarining markirovkalash kodlarini himoyalangan holda saqlash;

alkogol mahsulotlari aylanmasi ishtirokchisidan servis-provayderga markirovkalash kodlarini yetkazib beruvchi aloqa kanalini himoya qilish;

alkogol mahsulotlari aylanmasi ishtirokchisidan servis-provayderga markirovkalash kodining yetkazib berish;

markirovkalash kodlarini raqamli identifikatsiyalash vositalariga oʻzgartirish (nashrni boshqarish);

raqamli identifikatsiyalash vositalarining tushirilish sifatini apparatli validatsiyalash (texnik koʻrish vositalarini qoʻllagan holda);

raqamli identifikatsiyalash vositalarini validatsiyalash moduli yordamida markirovkalash kodlarini raqamli identifikatsiyalash vositalariga oʻzgartirish toʻgʻrisida hisobotlarni shakllantirish va ularni markirovkalash axborot tizimiga kiritish;

markirovkalash qoidalariga rioya etish (tushirish sifatini validatsiyalashdan soʻng va markirovkalash kodidan foydalanish toʻgʻrisidagi hisobot shakllantirilgan keyin tekshirish kodini oʻchirib tashlash);

alohida tezkor saqlash imkonini beradigan himoyalangan saqlagichdan alkogol mahsulotlarini aylanmasi ishtirokchilarining markirovkalash kodlarini (ishlab chiqarish jarayonida markirovkalash kodlarini raqamli identifikatsiya vositalariga oʻzgartirish) va markirovkalash kodlari hamda alkogol mahsulotlari aylanmasi turli ishtirokchilarining identifikatsiyalash vositalari tushirilishi va validatsiyasi toʻgʻrisidagi hisobotlarini tanlash;

markirovkalash kodlarining tushirilishi va validatsiyalashdan keyin ularni takroran tushirish imkoniyati yoʻqligining kafolati;

nosoz raqamli identifikatsiya vositalarini olib qoʻyish, hisobdan chiqarish hisobotini shakllantirish;

elektron hisob-fakturalardan foydalanish imkoniyati;

sotib olish jarayonlari va nazorat-kassa texnikasining ishlashi bilan muvofiqligi;

ombor operatsiyalarini bajarish (koʻp darajali mahsulotni qadoqlash, joʻnatish, namuna olish, qayta qadoqlash, hisobot berish).

20. Distributsiya, matbaa va validatsiyaning dasturiy-apparat kompleksi rivojlanishi servis-provayder tomonidan ishlab chiqariladi.

Raqamli markirovkalash tizimiga distributsiya, matbaa va validatsiya dasturiy-apparat kompleksini ulash uchun servis provayderlar operator bilan shartnoma tuzadilar.

21. Servis-provayder identifikatsiyalash vositalarining tushirilishida raqamli identifikatsiyalash vositalarini nashr qilish sifati standartlariga rioya qilishga majburdir.

22. Servis-provayder tomonidan markirovkalash kodining raqamli identifikatsiyalash vositasiga oʻzgartirilishi va qadoqqa yoki yorliqqa, yoki stikerga tushirilishidan keyin alkogol mahsulotlari aylanmasi ishtirokchisiga raqamli identifikatsiyalash vositasi tushirilgan qadoqni yoki yorliqni, yoki stikerni berib yuborishdan avval nashr qilish sifati validatsiyasi amalga oshiriladi.

23. Validatsiyadan oʻtgandan keyin distributsiya, matbaa va validatsiyaning dasturiy-apparat kompleksi raqamli identifikatsiyalash vositalariga oʻzgartirilgan markirovkalash kodlarining muvaffaqiyatli tushirilishi toʻgʻrisida hisobotni shakllantiradi.

24. Servis-provayder Oʻzbekiston Respublikasi Vazirlar Mahkamasining 2017-yil 7-iyuldagi 476-son qarori bilan tasdiqlangan Oziq-ovqat mahsulotlariga tegib turadigan qadoqlarning xavfsizligi toʻgʻrisidagi umumiy texnik reglamentning (UzTR.476-021:2017) sanitar-gigiyenik talablarini qoniqtiruvchi sertifikatlangan materiallardan foydalanishi kerak.

25. Raqamli identifikatsiyalash vositasini tushirish usuli ishlab chiqaruvchi tomonidan belgilangan saqlash sharoitlari va transportda tashish qoidalariga rioya etilganda, oziq-ovqat mahsulotlarining butun yaroqlilik muddati davomida raqamli identifikatsiyalash vositasining saqlanishini (barqarorligini) taʼminlashi kerak.

26. Servis-provayder distributsiya, matbaa va validatsiyaning dasturiy-apparat kompleksini mazkur Nizom talablariga asosan mustaqil ravishda ishlab chiqishi va undan foydalanishi shart.

27. Servis-provayder aylanma ishtirokchilaridan olingan markirovkalash kodlarini uchinchi tomonga taqdim etishi mumkin emas.

3-bob. Alkogol mahsulotlarni agregatsiyalash tartibi

28. Ishlab chiqaruvchilar va import qiluvchilar 2021-yil 1-dekabrdan boshlab alkogol mahsulotlarini agregatsiyalashni amalga oshiradi (alohida qadoqni guruhlangan qadoqqa va guruhlangan qadoqni transport qadogʻiga) va uni alkogol mahsulotining agregatsiyalangani toʻgʻrisidagi maʼlumotni alkogol mahsuloti aylanmasining keyingi ishtirokchisiga uzatishdan (sotishdan) avval markirovkalash axborot tizimiga kiritadi.

Agregatsiyalash tadbirini amalga oshirish maqsadida mahsulot aylanmasining ishtirokchisi quyidagi maʼlumotlarni markirovkalash axborot tizimiga yuboradi:

agregatsiyalashni amalga oshiruvchi mahsulot aylanmasi ishtirokchisining STIRi;

ishlab chiqarish liniyasining identifikatori;

ishlab chiqarish buyurtmasi identifikatori;

agregatsiyalashga rejalashtirilgan qadoqlar soni;

haqiqatda agregatsiyalangan qadoqlar soni;

yaratiladigan guruhlangan yoki transport qadogʻining identifikatsiya kodi;

yaratiladigan guruhlangan yoki transport qadogʻiga kiritilgan agregirlangan qadoqlarning markirovkalash kodlari roʻyxati;

Transport qadogʻining identifikatsiya kodi agregatsiyalash tadbirini amalga oshiruvchi mahsulot aylanmasining ishtirokchisi tomonidan yaratiladi (generatsiya qilinadi) hamda “ISO/IEC 15459-1:2006 “Information technology-Unique identifiers-Part 1: Unique identifiers for transport units” standarti talablariga muvofiq qadoqning ustida qoʻllaniladi.

Operator quyidagi holatlar mavjud boʻlgan taqdirda, mahsulot aylanmasining ishtirokchisiga agregatsiyalash maʼlumotlarini qabul qilishni hamda transport qadogʻining maʼlumotlarini roʻyxatdan oʻtkazishni rad etadi:

mahsulot aylanmasining ishtirokchisi bitta yoki bir nechta agregatsiyalanadigan qadoqlarning markirovkalash kodlarining egasi emas;

agregatsiyalanadigan qadoqlarning markirovkalash kodlari roʻyxati noyob boʻlmagan (takrorlangan) belgilardan tashkil qilingan;

agregatsiyalanadigan qadoqlarning markirovkalash kodlari roʻyxatida markirovkalash axborot tizimida roʻyxatdan oʻtmagan markirovkalash kodlari mavjud;

agregatsiyalanadigan qadoqlarning markirovkalash kodlari roʻyxatida markirovkalash axborot tizimida markirovkalash kodlari qoʻllanilganligi yoki markirovkalash kodlari uchun toʻlovlar amalga oshirilganligi yuzasidan maʼlumotlar mavjud emas;

agregatsiyalanadigan qadoqlarning markirovkalash kodlari roʻyxatida aylanmadan chiqarilgan holatida boʻlgan markirovkalash kodlari mavjud;

agregatsiyalanadigan qadoqlarning markirovkalash kodlari roʻyxatida boshqa mahsulot turlari uchun buyurtma qilingan markirovkalash kodlari mavjud;

yaratiladigan guruhlangan yoki transport qadogʻining identifikatsiya kodi qabul qilingan formatga muvofiq emas;

yaratiladigan guruhlangan yoki transport qadogʻining identifikatsiya kodi markirovkalash axborot tizimida avval roʻyxatdan oʻtkazilgan;

Operator quyidagi holatlarda guruhlangan yoki transport qadogʻining agregatsiyasini buzish (bekor qilish) tadbirini amalga oshiradi:

markirovkalash axborot tizimida guruhlangan yoki transport qadogʻiga biriktirilgan markirovkalash kodlari qayta agretsiyalangan;

markirovkalash axborot tizimiga guruhlangan yoki transport qadogʻiga biriktirilgan markirovkalash kodlarining aylanmaga kiritilishi, aylanmada boʻlishi yoki aylanmadan chiqarilganligi yuzasidan maʼlumotlar taqdim etilgan.

29. 1 (bir) hisobot davri (oyi) doirasida butun ishlab chiqarilgan alkogol mahsulotlari boʻyicha isteʼmol qadogʻi va guruhlangan qadoqlarni agregatsiyalashning oʻrtacha samaradorligi 99 foizdan kam boʻlishi mumkin emas:

spirtli ichimliklar — 2022-yil 1-yanvardan;

vino va vinochilik mahsulotlari — 2022-yil 1-yanvardan;

pivo va pivo mahsulotlari — 2022-yil 1-apreldan;

metall, shu jumladan, alyumin idishdagi alkogol mahsulotlari — 2022-yil 1-dekabrdan.

Bunda guruhlangan qadoq ichida agregatsiyalanadigan ikkita isteʼmol qadogʻida va transport qadogʻi ichida ikkita guruhlangan qadoqda identifikatsiyalash kodi toʻgʻrisidagi maʼlumotlarning mavjud boʻlmasligiga ruxsat etiladi.

Ushbu holatda agregatsiyalashni amalga oshiruvchi alkogol mahsulotlari aylanmasining ishtirokchisi agregatsiyalash boshlangan kundan 5 (besh) ish kuni davomida isteʼmol qadoqlarini identifikatsiyalash kodlari va (yoki) agregatsiyalashda markirovkalash axborot tizimiga uzatilmagan guruhlangan qadoqlarni identifikatsiyalash kodlari toʻgʻrisidagi maʼlumotlarni markirovkalash axborot tizimiga kiritadi.

Vazirlar Mahkamasining 2020-yil 31-dekabrdagi 833-son qaroriga 5-ILOVA

Oʻzbekiston Respublikasi Hukumatining ayrim qarorlariga kiritilayotgan

1. Vazirlar Mahkamasining 2002-yil 26-noyabrdagi 407-son qarori bilan tasdiqlangan Ulgurji va chakana savdo faoliyatini amalga oshirish tartibi toʻgʻrisidagi nizomda :

10-bandga quyidagi mazmundagi xatboshi qoʻshilsin:

“Tovarlar identifikatsiya vositalari bilan majburiy raqamli markirovkalash tartiblariga rioya etgan holda (identifikatsiya vositasi bilan majburiy raqamli markirovkalash talab etiladigan mahsulotlar uchun) ulgurji sotilishi mumkin”;

20-band quyidagi tahrirda bayon qilinsin:

“20. Chakana savdoni amalga oshiruvchi yuridik shaxslar tovarlarning sotib olinganligini tasdiqlovchi hujjatlarga, qonun hujjatlarida belgilangan holda sotish joylarida sotilayotgan tovarlarning muvofiqlik sertifikatlariga ega boʻlishlari hamda identifikatsiya vositalari bilan majburiy raqamli markirovkalash tartiblariga (identifikatsiya vositasi bilan majburiy raqamli markirovkalash talab etiladigan mahsulotlar uchun) rioya etishi shart. Sotiladigan tovarlar vitrinalarga qoʻyilgan boʻlishi va kelib chiqqan mamlakati, ishlab chiqaruvchisi va narxi koʻrsatilgan narxnomalarga ega boʻlishi kerak. Yaroqlilik muddatiga ega boʻlgan tovarlarni sotish chogʻida narxnomalarda yaroqlilik muddati ham koʻrsatilgan boʻlishi kerak”;

32-band quyidagi tahrirda bayon qilinsin:

“32. Chakana savdoni amalga oshiruvchi yakka tartibdagi tadbirkorlar tovarlarning sotib olinganligini tasdiqlovchi hujjatlarga, qonun hujjatlarida belgilangan hollarda sotish joylarida sotilayotgan tovarlarning muvofiqlik sertifikatlariga ega boʻlishlari hamda identifikatsiya vositalari bilan majburiy raqamli markirovkalash tartiblariga (identifikatsiya vositasi bilan majburiy raqamli markirovkalash talab etiladigan mahsulotlar uchun) rioya etishi shart. Sotiladigan tovarlar vitrinalarga qoʻyilgan boʻlishi va kelib chiqqan mamlakati, ishlab chiqaruvchisi va narxi koʻrsatilgan narxnomalarga ega boʻlishi kerak. Yaroqlilik muddatiga ega boʻlgan tovarlarni sotish chogʻida narxnomalarda yaroqlilik muddati ham koʻrsatilgan boʻlishi kerak”;

40-band quyidagi tahrirda bayon qilinsin:

“40. Savdo komplekslarida yakka tartibdagi tadbirkorlar tomonidan tovarlarni chakana sotish fiskal xotiraga ega boʻlgan nazorat-kassa mashinalarini va toʻlovlarni plastik kartochkalardan qabul qilish boʻyicha toʻlov terminallarini majburiy qoʻllagan hamda identifikatsiya vositalari bilan majburiy raqamli markirovkalash tartiblariga (identifikatsiya vositasi bilan majburiy raqamli markirovkalash talab etiladigan mahsulotlar uchun) rioya etgan holda amalga oshiriladi”.

2. Vazirlar Mahkamasining “Oʻzbekiston Respublikasida chakana savdo qoidalarini hamda Oʻzbekiston Respublikasida umumiy ovqatlanish mahsulotlarini (xizmatlarini) ishlab chiqarish va sotish qoidalarini tasdiqlash toʻgʻrisida” 2003-yil 13-fevraldagi 75-son qarorida :

a) 1-ilovada :

37-bandda :

quyidagi tahrirdagi sakkizinchi xatboshi qoʻshilsin:

“identifikatsiya vositasi bilan majburiy raqamli markirovkalash (identifikatsiya qilish orqali majburiy raqamli markirovkalash talab etiladigan mahsulotlar uchun);”

sakkizinchi va toʻqqizinchi xatboshilari tegishlicha toʻqqizinchi va oʻninchi xatboshilari deb hisoblansin;

58-band quyidagi tahrirda bayon qilinsin:

“58. Sifatiga koʻra texnik reglamentlar yoki standartlarning majburiy talablariga muvofiq boʻlgan, belgilangan namunadagi aksiz markalari bilan markalangan (pivodan tashqari), shuningdek, identifikatsiya vositasi bilan majburiy raqamli markirovkalangan alkogol va tamaki mahsulotlari sotilishi kerak”;

60-bandda:

oʻn sakkizinchi xatboshidagi “taqiqlanadi” soʻzi chiqarib tashlansin;

quyidagi mazmundagi xatboshi qoʻshilsin:

“identifikatsiya vositasi bilan majburiy raqamli markirovkalanmagan (identifikatsiya vositasi bilan majburiy raqamli markirovkalash talab etiladigan mahsulotlar uchun) tovarlarni sotish taqiqlanadi”;

189-bandda :

quyidagi tahrirdagi yigirmanchi xatboshi qoʻshilsin*:

“identifikatsiya vositasi bilan majburiy raqamli markirovkalanmagan tovarlarni sotish (identifikatsiya vositasi bilan majburiy raqamli markirovkalash talab etiladigan mahsulotlar uchun)”;

yigirmanchi — yigirma toʻrtinchi xatboshilar tegishlicha yigirma birinchi — yigirma beshinchi xatboshilar deb hisoblansin;

b) 2-ilovada :

20 1 -bandning beshinchi xatboshi quyidagi tahrirda bayon qilinsin:

“alkogolli mahsulot idishida alkogolli mahsulotlarni isteʼmol qilish inson sogʻligʻiga salbiy taʼsir koʻrsatishi toʻgʻrisidagi matn va (yoki) rasm shaklidagi tibbiy ogohlantirish mavjud boʻlmaganda, shuningdek, identifikatsiya vositasi bilan majburiy raqamli markirovkalanmaganda”;

25-bandda :

quyidagi mazmundagi oʻn beshinchi xatboshi qoʻshilsin:

“identifikatsiya vositasi bilan majburiy raqamli markirovkalanmagan tovarlarni sotish (identifikatsiya vositasi bilan majburiy raqamli markirovkalash talab etiladigan mahsulotlar uchun)”;

oʻn beshinchi va oʻn oltinchi xatboshilar tegishlicha oʻn oltinchi va oʻn yettinchi xatboshilar deb hisoblansin.

4. Vazirlar Mahkamasining “Oʻzbekiston Respublikasiga isteʼmol tovarlari olib kirishni takomillashtirishga doir qoʻshimcha chora-tadbirlar toʻgʻrisida” 2013-yil 13-maydagi 127-son qarorining 5-bandida :

quyidagi mazmundagi oʻninchi xatboshi qoʻshilsin:

“Oʻzbekiston Respublikasi Vazirlar Mahkamasining “Ayrim turdagi mahsulotlarni majburiy raqamli markirovkalash tizimini joriy etish toʻgʻrisida” 2020-yil 20-noyabrdagi 737-son qarorida nazarda tutilgan raqamli markirovka qilinishi lozim boʻlgan mahsulotlar uchun raqamli identifikatsiyalash vositasi (DataMatrix kodi)”;

oʻninchi — oʻn ikkinchi xatboshilar tegishlicha oʻn birinchi — oʻn uchinchi xatboshilar deb hisoblansin.

8. Vazirlar Mahkamasining 2020-yil 14-avgustdagi 489-son qarori bilan tasdiqlangan Hisobvaraq-fakturalarning shakllari hamda ularni toʻldirish, taqdim etish va qabul qilish tartibi toʻgʻrisidagi nizomda :

15-bandi oʻn ikkinchi xatboshida “Markirovkalanadigan” soʻzi “Identifikatsiya vositalari bilan majburiy raqamli markirovkalanadigan” soʻzlariga almashtirilsin;

17-bandi oʻn beshinchi xatboshida “Markirovkalanadigan” soʻzi “Identifikatsiya vositalari bilan majburiy raqamli markirovkalanadigan” soʻzlariga almashtirilsin.

Vazirlar Mahkamasining 2020-yil 31-dekabrdagi 833-son qaroriga 6-ILOVA

Oʻzbekiston Respublikasi Hukumatining oʻz kuchini yoʻqotgan deb eʼtirof etilayotgan ayrim qarorlari

1. Vazirlar Mahkamasining “Oʻzbekiston Respublikasi Hukumatining ayrim qarorlariga oʻzgartirishlar kiritish, shuningdek baʼzilarini oʻz kuchini yoʻqotgan deb hisoblash toʻgʻrisida” 2008-yil 7-maydagi 90-son qaroriga 1-ilovaning 16-bandi .

2. Vazirlar Mahkamasining “Isteʼmol tovarlarining ayrim guruhlarini Oʻzbekiston Respublikasiga chetdan keltirishni takomillashtirish chora-tadbirlarini amalga oshirish toʻgʻrisida” 2011-yil 12-dekabrdagi 324-son qarori .

3. Vazirlar Mahkamasining “Oʻzbekiston Respublikasi Hukumatining ayrim qarorlariga oʻzgartirishlar kiritish toʻgʻrisida” 2012-yil 14-sentabrdagi 271-son qaroriga ilovaning 13 va 22-bandlari .

4. Vazirlar Mahkamasining “Vazirlar Mahkamasining “Isteʼmol tovarlarining ayrim guruhlarini Oʻzbekiston Respublikasiga chetdan keltirishni takomillashtirish chora-tadbirlarini amalga oshirish toʻgʻrisida” 2011-yil 12-dekabrdagi 324-son qaroriga qoʻshimcha va oʻzgartirish kiritish haqida” 2013-yil 19-fevraldagi 47-son qarori .

5. Vazirlar Mahkamasining “Oʻzbekiston Respublikasi Vazirlar Mahkamasining “Oʻzbekiston Respublikasining bojxona chegarasi orqali olib oʻtilayotganda koʻzdan kechirish majburiy boʻlgan tovarlar roʻyxatini tasdiqlash toʻgʻrisida” 2006-yil 4-maydagi 75-son qaroriga oʻzgartirish va qoʻshimchalar kiritish haqida” 2013-yil 4-martdagi 62-son qarori .

6. Vazirlar Mahkamasining “Oʻzbekiston Respublikasi Hukumatining ayrim qarorlariga oʻzgartirish va qoʻshimchalar kiritish, shuningdek baʼzilarini oʻz kuchini yoʻqotgan deb hisoblash toʻgʻrisida” 2016-yil 20-iyundagi 211-son qaroriga 1-ilovaning 16 va 18-bandlari .

7. Vazirlar Mahkamasining “Mahsulotlarni identifikatsiya vositalari yordamida markirovkalash va kelgusida kuzatish tartibini bosqichma-bosqich joriy etish chora-tadbirlari toʻgʻrisida” 2019-yil 23-noyabrdagi 944-son qarori .

Oʻzbekiston Respublikasining Bosh vaziri A. ARIPOV

Toshkent sh.,

2020-yil 31-dekabr,

833-son

(Qonun hujjatlari maʼlumotlari milliy bazasi, 31.12.2020-y., 09/20/833/1704-son; Qonunchilik maʼlumotlari milliy bazasi, 21.05.2021-y., 09/21/322/0481-son, 22.09.2021-y., 09/21/595/0900-son, 02.11.2021-y., 09/21/665/1008-son; 22.02.2022-y., 09/22/80/0154-son; 02.04.2022-y., 09/22/148/0262-son; 05.04.2022-y., 09/22/153/0266-son; 12.06.2023-y., 06/23/90/0352-son; 23.12.2024-y., 09/24/859/1047-son; 26.05.2025-y., 07/25/190/0464-son; 18.10.2025-y., 09/25/650/0946-son; 07.11.2025-y., 09/25/700/1022-son; 23.01.2026-y., 09/26/23/0070-son)

lex.uz