📅 2021-yil 11-yanvar · Prezident qarorlari
Rasmiy matn. Rasmiy hujjat. Tahririy izohlar kiritilmagan.
UzbekAI
📅 2021 йил 11 январь · Президент қарорлари
Расмий матн. Расмий ҳужжат. Таҳририй изоҳлар киритилмаган.
📅 11 января 2021 г. · Постановления Президента
Официальный текст. Официальный документ. Редакционные примечания не включены.
📅 11 January 2021 · Presidential resolutions
Official text. Official document. Editorial notes are not included.
Ўзбекистон Республикаси Президентининг
Қарори
СХЕМАСИ
Олис ҳудудлардаги бюджет ташкилотларига малакали мутахассисларни жалб қилиш чора-тадбирлари тўғрисида
Ўзбекистон Республикаси Президентининг 2020 йил 29 декабрдаги Олий Мажлисга Мурожаатномасида белгиланган вазифаларни амалга ошириш, олис ва чекка ҳудудлардаги бюджет ташкилотларида бошқа ҳудудлардан келиб фаолият юритаётган олий маълумотли мутахассислар меҳнатини янада рағбатлантириш, бўш иш ўринларини тўлдириш ҳамда жойларда малакали кадрларнинг меҳнат фаолияти ва ижтимоий ҳимояси учун муносиб шарт-шароитлар яратиш мақсадида:
1. 2021 йил 1 январдан бошлаб:
Ўзбекистон Республикаси Президентининг 2020 йил 6 ноябрдаги «Ўзбекистоннинг янги тараққиёт даврида таълим-тарбия ва илм-фан соҳаларини ривожлантириш чора-тадбирлари тўғрисида»ги ПФ-6108-сон Фармонига мувофиқ, олис ҳудудларда жойлашган бюджет ташкилотларига (кейинги ўринларда — бюджет ташкилоти) бошқа ҳудудлардан меҳнат фаолиятини амалга ошириш учун келган олий маълумотли мутахассисларга (кейинги ўринларда — олий маълумотли мутахассислар) базавий ҳисоблаш миқдорининг 50 баравари миқдорида бир марталик бошланғич ёрдам пули ва уй-жойларни ижарага олганлик (ижарада турганлик) учун базавий ҳисоблаш миқдорининг 2 баравари миқдорида ҳар ойлик пул компенсацияси берилиши белгиланганлиги маълумот учун қабул қилинсин.
2. Белгилаб қўйилсинки:
мазкур қарорда олис ва чекка ҳудуд деганда, Вазирлар Маҳкамасининг 2019 йил 7 июндаги 471-сон қарори билан тасдиқланган умумий ўрта таълим муассасаларида бошқа ҳудудлардан келиб фаолият юритаётган педагог ходимларга махсус устама белгиланадиган ҳудудлар тушунилади;
мазкур қарорда назарда тутилган бошланғич ёрдам пули ва ҳар ойлик пул компенсацияси солиқ тўловчининг жами даромадига киритилмайди ҳамда жисмоний шахслардан олинадиган даромад солиғининг солиқ солиш объекти ҳисобланмайди;
мазкур қарорда назарда тутилган бошланғич ёрдам пули ва ҳар ойлик пул компенсацияси ҳамда уй-жой шароитини яхшилаш бўйича имтиёзлардан олис ва чекка ҳудудларда жойлашган оилавий шифокор пунктлари ва оилавий поликлиникалар ҳамда таълим муассасаларига ишга қабул қилинган олий маълумотли бошқа ҳудудда яшовчи шифокорлар ва мутахассислар, шунингдек, олий таълим муассасасининг бакалавриати ёки магистратурасини (таълим шаклидан қатъи назар — кундузги, сиртқи, кечки, шунингдек, иккинчи мутахассислик) тамомлаганидан кейин уч йил мобайнида олис ва чекка ҳудудларда жойлашган бюджет ташкилотларига ишга кирган битирувчилар фойдаланиш ҳуқуқига эга;
ҳар ойлик пул компенсацияси олий маълумотли мутахассис ва (ёки) тиббиёт ходими ишга қабул қилинган ойдан бошлаб 36 ой мобайнида тўланади, бунда ходим ушбу ҳудудда шахсий уй-жойга эга бўлганда, унга хизмат турар жойи берилганда ёки у билан тузилган меҳнат шартномаси бекор қилинганда, пул компенсацияси тўлаш тўхтатилади;
олий маълумотли мутахассис ва (ёки) тиббиёт ходими ҳар ойлик пул компенсациясини олиш учун вақтинча яшаш жойини ва уй-жойни ижарага олганлик учун коммунал хизматлар қийматисиз амалдаги харажатлар суммасини кўрсатган ҳолда, тегишли бюджет ташкилоти раҳбарига ариза беради. Бунда, уй-жой ижараси учун ҳақиқатда тўланаётган тўлов базавий ҳисоблаш миқдорининг 2 бараваридан кам бўлган тақдирда, ҳар ойлик пул компенсацияси миқдори ҳақиқатда тўланаётган тўлов миқдорига мувофиқ камайтирилади, қолган барча ҳолатларда ҳар ойлик пул компенсацияси базавий ҳисоблаш миқдорининг 2 баравари миқдорида тўланади;
ҳар ойлик пул компенсацияси унинг миқдорини кўрсатган ҳолда, тегишли бюджет ташкилоти раҳбарининг буйруғи билан тайинланади ҳамда ушбу ташкилот бухгалтерияси томонидан иш ҳақи билан биргаликда тўланади;
Ўзбекистон Республикаси Президентининг 2017 йил 25 апрелдаги «Навоий вилоятининг олис чўл туманлари аҳолиси турмуш даражасини янада оширишга доир қўшимча чора-тадбирлар тўғрисида»ги ПҚ-2925-сон қарори ҳамда Вазирлар Маҳкамасининг 2012 йил 31 октябрдаги 312-сон қарори билан тасдиқланган Судьяларга, суд органлари ходимларига, Ўзбекистон Республикаси Ҳисоб палатаси, прокуратура органлари, Ўзбекистон Республикаси Бош прокуратураси ҳузуридаги Иқтисодий жиноятларга қарши курашиш департаменти, давлат солиқ хизмати ва давлат божхона хизмати органлари ходимларига уй-жойларни ижарага олганлик (ижарага турганлик) учун ҳар ойлик пул компенсацияси тўлаш тартиби тўғрисидаги низомда назарда тутилган ходимларга уй-жойларни ижарага олганлик учун ҳар ойлик пул компенсацияси тўлаш ушбу норматив-ҳуқуқий ҳужжатларда белгиланган тартибда амалга оширилади;
олий маълумотли мутахассис ва (ёки) тиббиёт ходими тегишлилиги бўйича олис ва чекка ҳудудда жойлашган бир бюджет ташкилотидан ва (ёки) тиббиёт муассасасидан бошқа бюджет ташкилотига ва (ёки) тиббиёт муассасасига ўтказилганида, ҳар ойлик пул компенсациясини тўлаш белгиланган муддат тугагунга қадар давом эттирилади;
олий маълумотли мутахассис ва (ёки) тиббиёт ходими тегишлилиги бўйича олис ва чекка ҳудудда жойлашган бюджет ташкилоти ва (ёки) тиббиёт муассасасидаги фаолиятини 36 ойгача бўлган муддат ичида тўхтатган тақдирда, бошланғич ёрдам пули тўлиқ ҳажмда бюджетга қайтарилади, олий маълумотли мутахассис ва (ёки) тиббиёт ходимининг бюджет ташкилоти ва (ёки) тиббиёт муассасасидаги фаолиятини унинг ўзига боғлиқ бўлмаган ҳолатларга кўра (ходимнинг вафоти, ногиронлиги бўлган шахс деб топилиши, бюджет ташкилотининг фаолияти тўхтатилиши ва Ўзбекистон Республикаси Меҳнат кодексининг 106-моддасида белгиланган ҳолатлар) тўхтатиши бундан мустасно.
3. Олис ва чекка ҳудудларда жойлашган бюджет ташкилотларига бошқа ҳудудлардан меҳнат фаолиятини амалга ошириш учун келган олий маълумотли мутахассис ва (ёки) тиббиёт ходимига бошланғич ёрдам пули тўлаш схемаси 1-иловага мувофиқ тасдиқлансин.
4. 2021 йил 1 мартдан бошлаб таълим даражаси юқори бўлмаган мактабларда дарс бериш учун бошқа ҳудудлардан жалб қилинган олий ва биринчи тоифага эга ўқитувчи-педагогларнинг базавий тариф ставкаларига махсус устамалар жорий қилинсин. Бунда:
бир маъмурий-ҳудудий бирликлар доирасида бошқа туман ва шаҳарлардан келиб фаолият юритаётган ўқитувчи-педагогларнинг базавий тариф ставкаларига 50 фоиз;
бошқа маъмурий-ҳудудий бирликдан келиб фаолият юритаётган ўқитувчи-педагогларнинг базавий тариф ставкаларига 100 фоиз махсус устамалар тўлансин.
5. Белгилансинки:
таълим даражаси юқори бўлмаган мактабларда дарс бериш учун бошқа ҳудудда камида бир йил ишлаган олий ва биринчи тоифага эга ўқитувчи-педагоглар жалб қилинади;
таълим даражаси юқори бўлмаган мактаблар рўйхати Мактабгача ва мактаб таълими вазирлиги томонидан шакллантирилади ҳамда ҳар йили 1 сентябрга қадар Мактабгача ва мактаб таълими вазирлигининг расмий веб-сайтида эълон қилинади;
бошқа ҳудудлардан жалб қилинган олий ва биринчи тоифага эга ўқитувчи-педагогларнинг базавий тариф ставкаларига махсус устамалар улар борган мактаб таълим даражаси юқори бўлмаган мактаблар рўйхатидан чиқарилган йилдан кейинги йил учун ҳам тўланади.
6. Шундай тартиб ўрнатилсинки, унга кўра:
бошланғич ёрдам пули ва ҳар ойлик пул компенсацияси тегишли бюджет ташкилотининг ҳудудий молия органига берган сўровига асосан белгиланган тартибда Ўзбекистон Республикаси Давлат бюджети маблағлари ҳисобидан молиялаштирилади;
бошланғич ёрдам пули ва ҳар ойлик пул компенсацияси учун талаб қилинадиган маблағлар тегишли бюджет ташкилотининг харажатлар сметасида назарда тутилади. Бунда, олий маълумотли мутахассис ва (ёки) тиббиёт ходимининг ишга қабул қилиниши жорий молия йилида рўй берган ҳолатда, бюджет ташкилотининг харажатлар сметасига белгиланган тартибда ўзгартириш киритилади.
7. Вазирлар Маҳкамасининг 2020 йил 25 мартдаги 182-сон қарори билан тасдиқланган Уй-жойга муҳтож фуқароларни аниқлашнинг ижтимоий мезонларига «Олис ҳудудларда жойлашган бюджет ташкилотларида бошқа ҳудудлардан келиб фаолият юритаётган олий маълумотли мутахассислар ва (ёки) тиббиёт ходимлари» мезони киритилсин.
8. Қорақалпоғистон Республикаси Вазирлар Кенгаши ва вилоятлар ҳокимликлари:
олис ва чекка ҳудудларда жойлашган бюджет ташкилотлари ва (ёки) тиббиёт муассасаларида олий маълумотли мутахассис ва (ёки) тиббиёт ходимига бўлган эҳтиёж бўйича бўш иш ўринлари юзасидан маълумотларни ҳар ой якуни бўйича кейинги ойнинг 5-кунига қадар расмий веб-сайтларида жойлаштириб борсин;
жойларда олий таълим муассасалари битирувчилари билан учрашувлар ташкил этиб, уларни чекка ҳудудларда жойлашган, олий маълумотли кадрларга эҳтиёж мавжуд бўлган бюджет ташкилотларига ишга жалб этиш, шунингдек, ёш мутахассисларга фаолият юритиш учун зарур шарт-шароитлар яратиш чораларини кўрсин;
жойлардаги маҳаллий давлат ҳокимияти органлари томонидан олис ва чекка ҳудудларда жойлашган бюджет ташкилотлари ва (ёки) тиббиёт муассасаларида бошқа ҳудудлардан келиб фаолият юритаётган олий маълумотли мутахассисларга ва (ёки) тиббиёт ходимларига тегишли ҳудудлардаги захира ерларидан қонун ҳужжатларида белгиланган тартибда уй-жой қурилиши учун ер участкалари ажратилишини назоратга олсин.
9. Вазирлар Маҳкамасининг 2019 йил 26 февралдаги 170-сон қарори билан тасдиқланган Уй-жой шароитларини яхшилашга муҳтож бўлган фуқароларни ҳисобга олиш, давлат уй-жой фондидаги турар жойларни тақсимлаш ва тақдим этиш тартиби тўғрисидаги низомга 2-иловага мувофиқ қўшимча киритилсин.
10. Молия вазирлиги (Т.А. Ишметов) бошқа манфаатдор вазирлик ва идоралар билан биргаликда бир ой муддатда:
мазкур қарорда назарда тутилган бошланғич ёрдам пули ва ҳар ойлик пул компенсациясини солиқ тўловчининг жами даромадига киритилмайдиган даромадлар этиб белгилаш бўйича Ўзбекистон Республикаси Солиқ кодексига ўзгартириш ва қўшимчалар киритиш тўғрисидаги қонун лойиҳасини Вазирлар Маҳкамасига киритсин;
қонун ҳужжатларига мазкур қарордан келиб чиқадиган ўзгартириш ва қўшимчалар тўғрисида Вазирлар Маҳкамасига таклифлар киритсин;
ўзлари қабул қилган норматив-ҳуқуқий ҳужжатларни ушбу қарорга мувофиқлаштирсин.
11. Адлия вазирлиги (Р.Қ. Давлетов) мазкур қарорнинг моҳияти ва аҳамиятини аҳоли ўртасида тушунтириш, ижрочиларга етказиш ва белгиланган чора-тадбирларни амалга ошириш бўйича давлат органлари ва ташкилотлари фаолиятини мувофиқлаштириш ишларини ташкил қилсин.
12. Мазкур қарорнинг ижросини назорат қилиш Бош вазирнинг ўринбосарлари Ж.А. Қўчқоров ва Б.А. Мусаев зиммасига юклансин.
Ўзбекистон Республикаси Президентининг 2021 йил 11 январдаги ПҚ-4940-сон қарорига 1-ИЛОВА
Олис ва чекка ҳудудларда жойлашган бюджет ташкилотларига бошқа ҳудудлардан меҳнат фаолиятини амалга ошириш учун келган олий маълумотли мутахассис ва (ёки) тиббиёт ходимига бошланғич ёрдам пули ва ҳар ойлик пул компенсациясини тўлаш
Босқичлар Субъектлар Тадбирлар Ижро муддати 1-босқич Олий маълумотли мутахассис ва (ёки) тиббиёт ходими Олис ҳудудларда жойлашган бюджет ташкилотларида олий маълумотли мутахассисга ва (ёки) тиббиёт ходимига бўлган эҳтиёж бўйича бўш иш ўринлари юзасидан Қорақалпоғистон Республикаси Вазирлар Кенгаши ва (ёки) вилоят ҳокимлигининг расмий веб-сайтида жойлаштирилган маълумотга асосан бюджет ташкилотини танлаган ҳолда ишга кириш юзасидан мурожаат қилади. Ўз хоҳишига кўра 2-босқич Қорақалпоғистон Республикаси Вазирлар Кенгаши ва (ёки) вилоят ҳокимлиги Олий маълумотли мутахассис ва (ёки) тиббиёт ходими Қорақалпоғистон Республикаси Вазирлар Кенгаши ва (ёки) вилоят ҳокимлиги ўртасида мазкур қарор билан белгиланган имтиёзлардан фойдаланиш бўйича шартнома имзоланади ва олис ҳудудларда жойлашган олий маълумотли мутахассис ва (ёки) тиббиёт ходими талаб этилаётган бюджет ташкилотига ишга жойлашиш учун Қорақалпоғистон Республикаси Вазирлар Кенгаши Раисининг ва (ёки) вилоят ҳокимининг масъул ўринбосари томонидан имзоланган тавсиянома берилади. Тавсиянома бюджет ташкилотига юборилади. Мурожаат тушган кундан бошлаб икки иш кунида 3-босқич Бюджет ташкилоти Қорақалпоғистон Республикаси Вазирлар Кенгаши Раисининг ва (ёки) вилоят ҳокимининг масъул ўринбосари томонидан имзоланган тавсияномага асосан олий маълумотли мутахассисни ва (ёки) тиббиёт ходимини ишга қабул қилиш ҳамда бошланғич ёрдам пули ва ҳар ойлик пул компенсациясини тўлаш тўғрисида ташкилот раҳбари буйруғини чиқаради. Икки иш кунида 4-босқич Бюджет ташкилоти Олий маълумотли мутахассис ва (ёки) тиббиёт ходимига бошланғич ёрдам пули ва ҳар ойлик пул компенсациясини тўлаш учун талаб этиладиган маблағларнинг бюджет ташкилотининг харажатлар сметасида ушбу мақсадлар учун кўзда тутилган маблағлар ҳисобидан молиялаштиради. Бунда, бюджет маблағлари етишмовчилиги юзага келганда туман (шаҳар) ҳокимлиги молия бўлимига сўров юборади. Буйруқ қабул қилинган кундан бошлаб икки иш кунида 5-босқич Туман (шаҳар) ҳокимлиги молия бўлими Барча сўровларни умумлаштиради ҳамда Давлат бюджети маблағлари ҳисобидан бошланғич ёрдам пули ва ҳар ойлик пул компенсациясини тўлаш учун талаб этиладиган маблағларни ажратиш юзасидан тегишлилиги бўйича Қорақалпоғистон Республикаси Молия вазирлигига ва вилоят ҳокимлиги молия бош бошқармасига мурожаат қилади. Ҳар ойнинг 5-кунига қадар 6-босқич Қорақалпоғистон Республикаси Молия вазирлиги, вилоят ҳокимлиги молия бош бошқармаси Туман (шаҳар) ҳокимликлари молия бўлимлари сўровларини умумлаштириб, бошланғич ёрдам пули ва ҳар ойлик пул компенсациясини тўлаш учун қўшимча маблағ ажратиш чораларини кўради ҳамда республика бюджети ҳисобдан маблағ ажратиш зарурати бўлган тақдирда, қўшимча талаб этиладиган маблағларни ажратиш юзасидан Ўзбекистон Республикаси Молия вазирлигига мурожаат қилади. Ҳар ойнинг 10-кунига қадар 7-босқич Ўзбекистон Республикаси Молия вазирлиги Қорақалпоғистон Республикаси Молия вазирлиги ва вилоят ҳокимликларининг молия бош бошқармалари сўровларига асосан Давлат бюджети маблағлари ҳисобидан бошланғич ёрдам пули ва ҳар ойлик пул компенсациясини тўлаш учун талаб этиладиган қўшимча маблағларни тегишли бюджетларга ажратади. Ҳар ойнинг 20-кунига қадар 8-босқич Қорақалпоғистон Республикаси Молия вазирлиги, вилоят ҳокимлиги молия бош бошқармаси Ажратилган маблағларни туман (шаҳар) бюджетларига ажратади. Маблағ ажратилган куни 9-босқич Туман (шаҳар) ҳокимлиги молия бўлими Ажратилган маблағни олий маълумотли мутахассисга ва (ёки) тиббиёт ходими талаб этилаётган бюджет ташкилотининг шахсий ғазна ҳисобварағига ўтказади. Маблағ ажратилган куни 10-босқич Бюджет ташкилоти Олий маълумотли мутахассисга ва (ёки) тиббиёт ходимига бошланғич ёрдам пули ва ҳар ойлик пул компенсациясини тўлаб беради. Маблағлар ажратилгандан сўнг уч иш кунида
Ўзбекистон Республикаси Президентининг 2021 йил 11 январдаги ПҚ-4940-сон қарорига 2-ИЛОВА
Вазирлар Маҳкамасининг 2019 йил 26 февралдаги 170-сон қарори билан тасдиқланган Уй-жой шароитларини яхшилашга муҳтож бўлган фуқароларни ҳисобга олиш, давлат уй-жой фондидаги турар жойларни тақсимлаш ва тақдим этиш тартиби тўғрисидаги низомга киритилаётган қўшимча
3-илова қуйидаги мазмундаги 22-позиция билан тўлдирилсин:
« 22. Олис ҳудудларда жойлашган бюджет ташкилотларида бошқа ҳудудлардан келиб фаолият юритаётган олий маълумотли мутахассислар » .
Ўзбекистон Республикаси Президенти Ш. МИРЗИЁЕВ
Тошкент ш.,
2021 йил 11 январь,
ПҚ-4940-сон
Oʻzbekiston Respublikasi Prezidentining
Qarori
SXEMASI
Olis hududlardagi budjet tashkilotlariga malakali mutaxassislarni jalb qilish chora-tadbirlari toʻgʻrisida
Oʻzbekiston Respublikasi Prezidentining 2020-yil 29-dekabrdagi Oliy Majlisga Murojaatnomasida belgilangan vazifalarni amalga oshirish, olis va chekka hududlardagi budjet tashkilotlarida boshqa hududlardan kelib faoliyat yuritayotgan oliy maʼlumotli mutaxassislar mehnatini yanada ragʻbatlantirish, boʻsh ish oʻrinlarini toʻldirish hamda joylarda malakali kadrlarning mehnat faoliyati va ijtimoiy himoyasi uchun munosib shart-sharoitlar yaratish maqsadida:
1. 2021-yil 1-yanvardan boshlab:
Oʻzbekiston Respublikasi Prezidentining 2020-yil 6-noyabrdagi “Oʻzbekistonning yangi taraqqiyot davrida taʼlim-tarbiya va ilm-fan sohalarini rivojlantirish chora-tadbirlari toʻgʻrisida”gi PF-6108-son Farmoniga muvofiq, olis hududlarda joylashgan budjet tashkilotlariga (keyingi oʻrinlarda — budjet tashkiloti) boshqa hududlardan mehnat faoliyatini amalga oshirish uchun kelgan oliy maʼlumotli mutaxassislarga (keyingi oʻrinlarda — oliy maʼlumotli mutaxassislar) bazaviy hisoblash miqdorining 50 baravari miqdorida bir martalik boshlangʻich yordam puli va uy-joylarni ijaraga olganlik (ijarada turganlik) uchun bazaviy hisoblash miqdorining 2 baravari miqdorida har oylik pul kompensatsiyasi berilishi belgilanganligi maʼlumot uchun qabul qilinsin.
2. Belgilab qoʻyilsinki:
mazkur qarorda olis va chekka hudud deganda, Vazirlar Mahkamasining 2019-yil 7-iyundagi 471-son qarori bilan tasdiqlangan umumiy oʻrta taʼlim muassasalarida boshqa hududlardan kelib faoliyat yuritayotgan pedagog xodimlarga maxsus ustama belgilanadigan hududlar tushuniladi;
mazkur qarorda nazarda tutilgan boshlangʻich yordam puli va har oylik pul kompensatsiyasi soliq toʻlovchining jami daromadiga kiritilmaydi hamda jismoniy shaxslardan olinadigan daromad soligʻining soliq solish obyekti hisoblanmaydi;
mazkur qarorda nazarda tutilgan boshlangʻich yordam puli va har oylik pul kompensatsiyasi hamda uy-joy sharoitini yaxshilash boʻyicha imtiyozlardan olis va chekka hududlarda joylashgan oilaviy shifokor punktlari va oilaviy poliklinikalar hamda taʼlim muassasalariga ishga qabul qilingan oliy maʼlumotli boshqa hududda yashovchi shifokorlar va mutaxassislar, shuningdek, oliy taʼlim muassasasining bakalavriati yoki magistraturasini (taʼlim shaklidan qatʼi nazar — kunduzgi, sirtqi, kechki, shuningdek, ikkinchi mutaxassislik) tamomlaganidan keyin uch yil mobaynida olis va chekka hududlarda joylashgan budjet tashkilotlariga ishga kirgan bitiruvchilar foydalanish huquqiga ega;
har oylik pul kompensatsiyasi oliy maʼlumotli mutaxassis va (yoki) tibbiyot xodimi ishga qabul qilingan oydan boshlab 36 oy mobaynida toʻlanadi, bunda xodim ushbu hududda shaxsiy uy-joyga ega boʻlganda, unga xizmat turar joyi berilganda yoki u bilan tuzilgan mehnat shartnomasi bekor qilinganda, pul kompensatsiyasi toʻlash toʻxtatiladi;
oliy maʼlumotli mutaxassis va (yoki) tibbiyot xodimi har oylik pul kompensatsiyasini olish uchun vaqtincha yashash joyini va uy-joyni ijaraga olganlik uchun kommunal xizmatlar qiymatisiz amaldagi xarajatlar summasini koʻrsatgan holda, tegishli budjet tashkiloti rahbariga ariza beradi. Bunda, uy-joy ijarasi uchun haqiqatda toʻlanayotgan toʻlov bazaviy hisoblash miqdorining 2 baravaridan kam boʻlgan taqdirda, har oylik pul kompensatsiyasi miqdori haqiqatda toʻlanayotgan toʻlov miqdoriga muvofiq kamaytiriladi, qolgan barcha holatlarda har oylik pul kompensatsiyasi bazaviy hisoblash miqdorining 2 baravari miqdorida toʻlanadi;
har oylik pul kompensatsiyasi uning miqdorini koʻrsatgan holda, tegishli budjet tashkiloti rahbarining buyrugʻi bilan tayinlanadi hamda ushbu tashkilot buxgalteriyasi tomonidan ish haqi bilan birgalikda toʻlanadi;
Oʻzbekiston Respublikasi Prezidentining 2017-yil 25-apreldagi “Navoiy viloyatining olis choʻl tumanlari aholisi turmush darajasini yanada oshirishga doir qoʻshimcha chora-tadbirlar toʻgʻrisida”gi PQ-2925-son qarori hamda Vazirlar Mahkamasining 2012-yil 31-oktabrdagi 312-son qarori bilan tasdiqlangan Sudyalarga, sud organlari xodimlariga, Oʻzbekiston Respublikasi Hisob palatasi, prokuratura organlari, Oʻzbekiston Respublikasi Bosh prokuraturasi huzuridagi Iqtisodiy jinoyatlarga qarshi kurashish departamenti, davlat soliq xizmati va davlat bojxona xizmati organlari xodimlariga uy-joylarni ijaraga olganlik (ijaraga turganlik) uchun har oylik pul kompensatsiyasi toʻlash tartibi toʻgʻrisidagi nizomda nazarda tutilgan xodimlarga uy-joylarni ijaraga olganlik uchun har oylik pul kompensatsiyasi toʻlash ushbu normativ-huquqiy hujjatlarda belgilangan tartibda amalga oshiriladi;
oliy maʼlumotli mutaxassis va (yoki) tibbiyot xodimi tegishliligi boʻyicha olis va chekka hududda joylashgan bir budjet tashkilotidan va (yoki) tibbiyot muassasasidan boshqa budjet tashkilotiga va (yoki) tibbiyot muassasasiga oʻtkazilganida, har oylik pul kompensatsiyasini toʻlash belgilangan muddat tugagunga qadar davom ettiriladi;
oliy maʼlumotli mutaxassis va (yoki) tibbiyot xodimi tegishliligi boʻyicha olis va chekka hududda joylashgan budjet tashkiloti va (yoki) tibbiyot muassasasidagi faoliyatini 36 oygacha boʻlgan muddat ichida toʻxtatgan taqdirda, boshlangʻich yordam puli toʻliq hajmda budjetga qaytariladi, oliy maʼlumotli mutaxassis va (yoki) tibbiyot xodimining budjet tashkiloti va (yoki) tibbiyot muassasasidagi faoliyatini uning oʻziga bogʻliq boʻlmagan holatlarga koʻra (xodimning vafoti, nogironligi boʻlgan shaxs deb topilishi, budjet tashkilotining faoliyati toʻxtatilishi va Oʻzbekiston Respublikasi Mehnat kodeksining 106-moddasida belgilangan holatlar) toʻxtatishi bundan mustasno.
3. Olis va chekka hududlarda joylashgan budjet tashkilotlariga boshqa hududlardan mehnat faoliyatini amalga oshirish uchun kelgan oliy maʼlumotli mutaxassis va (yoki) tibbiyot xodimiga boshlangʻich yordam puli toʻlash sxemasi 1-ilovaga muvofiq tasdiqlansin.
4. 2021-yil 1-martdan boshlab taʼlim darajasi yuqori boʻlmagan maktablarda dars berish uchun boshqa hududlardan jalb qilingan oliy va birinchi toifaga ega oʻqituvchi-pedagoglarning bazaviy tarif stavkalariga maxsus ustamalar joriy qilinsin. Bunda:
bir maʼmuriy-hududiy birliklar doirasida boshqa tuman va shaharlardan kelib faoliyat yuritayotgan oʻqituvchi-pedagoglarning bazaviy tarif stavkalariga 50 foiz;
boshqa maʼmuriy-hududiy birlikdan kelib faoliyat yuritayotgan oʻqituvchi-pedagoglarning bazaviy tarif stavkalariga 100 foiz maxsus ustamalar toʻlansin.
5. Belgilansinki:
taʼlim darajasi yuqori boʻlmagan maktablarda dars berish uchun boshqa hududda kamida bir yil ishlagan oliy va birinchi toifaga ega oʻqituvchi-pedagoglar jalb qilinadi;
taʼlim darajasi yuqori boʻlmagan maktablar roʻyxati Maktabgacha va maktab taʼlimi vazirligi tomonidan shakllantiriladi hamda har yili 1-sentabrga qadar Maktabgacha va maktab taʼlimi vazirligining rasmiy veb-saytida eʼlon qilinadi;
boshqa hududlardan jalb qilingan oliy va birinchi toifaga ega oʻqituvchi-pedagoglarning bazaviy tarif stavkalariga maxsus ustamalar ular borgan maktab taʼlim darajasi yuqori boʻlmagan maktablar roʻyxatidan chiqarilgan yildan keyingi yil uchun ham toʻlanadi.
6. Shunday tartib oʻrnatilsinki, unga koʻra:
boshlangʻich yordam puli va har oylik pul kompensatsiyasi tegishli budjet tashkilotining hududiy moliya organiga bergan soʻroviga asosan belgilangan tartibda Oʻzbekiston Respublikasi Davlat budjeti mablagʻlari hisobidan moliyalashtiriladi;
boshlangʻich yordam puli va har oylik pul kompensatsiyasi uchun talab qilinadigan mablagʻlar tegishli budjet tashkilotining xarajatlar smetasida nazarda tutiladi. Bunda, oliy maʼlumotli mutaxassis va (yoki) tibbiyot xodimining ishga qabul qilinishi joriy moliya yilida roʻy bergan holatda, budjet tashkilotining xarajatlar smetasiga belgilangan tartibda oʻzgartirish kiritiladi.
7. Vazirlar Mahkamasining 2020-yil 25-martdagi 182-son qarori bilan tasdiqlangan Uy-joyga muhtoj fuqarolarni aniqlashning ijtimoiy mezonlariga “Olis hududlarda joylashgan budjet tashkilotlarida boshqa hududlardan kelib faoliyat yuritayotgan oliy maʼlumotli mutaxassislar va (yoki) tibbiyot xodimlari” mezoni kiritilsin.
8. Qoraqalpogʻiston Respublikasi Vazirlar Kengashi va viloyatlar hokimliklari:
olis va chekka hududlarda joylashgan budjet tashkilotlari va (yoki) tibbiyot muassasalarida oliy maʼlumotli mutaxassis va (yoki) tibbiyot xodimiga boʻlgan ehtiyoj boʻyicha boʻsh ish oʻrinlari yuzasidan maʼlumotlarni har oy yakuni boʻyicha keyingi oyning 5-kuniga qadar rasmiy veb-saytlarida joylashtirib borsin;
joylarda oliy taʼlim muassasalari bitiruvchilari bilan uchrashuvlar tashkil etib, ularni chekka hududlarda joylashgan, oliy maʼlumotli kadrlarga ehtiyoj mavjud boʻlgan budjet tashkilotlariga ishga jalb etish, shuningdek, yosh mutaxassislarga faoliyat yuritish uchun zarur shart-sharoitlar yaratish choralarini koʻrsin;
joylardagi mahalliy davlat hokimiyati organlari tomonidan olis va chekka hududlarda joylashgan budjet tashkilotlari va (yoki) tibbiyot muassasalarida boshqa hududlardan kelib faoliyat yuritayotgan oliy maʼlumotli mutaxassislarga va (yoki) tibbiyot xodimlariga tegishli hududlardagi zaxira yerlaridan qonun hujjatlarida belgilangan tartibda uy-joy qurilishi uchun yer uchastkalari ajratilishini nazoratga olsin.
9. Vazirlar Mahkamasining 2019-yil 26-fevraldagi 170-son qarori bilan tasdiqlangan Uy-joy sharoitlarini yaxshilashga muhtoj boʻlgan fuqarolarni hisobga olish, davlat uy-joy fondidagi turar joylarni taqsimlash va taqdim etish tartibi toʻgʻrisidagi nizomga 2-ilovaga muvofiq qoʻshimcha kiritilsin.
10. Moliya vazirligi (T.A. Ishmetov) boshqa manfaatdor vazirlik va idoralar bilan birgalikda bir oy muddatda:
mazkur qarorda nazarda tutilgan boshlangʻich yordam puli va har oylik pul kompensatsiyasini soliq toʻlovchining jami daromadiga kiritilmaydigan daromadlar etib belgilash boʻyicha Oʻzbekiston Respublikasi Soliq kodeksiga oʻzgartirish va qoʻshimchalar kiritish toʻgʻrisidagi qonun loyihasini Vazirlar Mahkamasiga kiritsin;
qonun hujjatlariga mazkur qarordan kelib chiqadigan oʻzgartirish va qoʻshimchalar toʻgʻrisida Vazirlar Mahkamasiga takliflar kiritsin;
oʻzlari qabul qilgan normativ-huquqiy hujjatlarni ushbu qarorga muvofiqlashtirsin.
11. Adliya vazirligi (R.Q. Davletov) mazkur qarorning mohiyati va ahamiyatini aholi oʻrtasida tushuntirish, ijrochilarga yetkazish va belgilangan chora-tadbirlarni amalga oshirish boʻyicha davlat organlari va tashkilotlari faoliyatini muvofiqlashtirish ishlarini tashkil qilsin.
12. Mazkur qarorning ijrosini nazorat qilish Bosh vazirning oʻrinbosarlari J.A. Qoʻchqorov va B.A. Musayev zimmasiga yuklansin.
Oʻzbekiston Respublikasi Prezidentining 2021-yil 11-yanvardagi PQ-4940-son qaroriga 1-ILOVA
Olis va chekka hududlarda joylashgan budjet tashkilotlariga boshqa hududlardan mehnat faoliyatini amalga oshirish uchun kelgan oliy maʼlumotli mutaxassis va (yoki) tibbiyot xodimiga boshlangʻich yordam puli va har oylik pul kompensatsiyasini toʻlash
Bosqichlar Subyektlar Tadbirlar Ijro muddati 1-bosqich Oliy maʼlumotli mutaxassis va (yoki) tibbiyot xodimi Olis hududlarda joylashgan budjet tashkilotlarida oliy maʼlumotli mutaxassisga va (yoki) tibbiyot xodimiga boʻlgan ehtiyoj boʻyicha boʻsh ish oʻrinlari yuzasidan Qoraqalpogʻiston Respublikasi Vazirlar Kengashi va (yoki) viloyat hokimligining rasmiy veb-saytida joylashtirilgan maʼlumotga asosan budjet tashkilotini tanlagan holda ishga kirish yuzasidan murojaat qiladi. Oʻz xohishiga koʻra 2-bosqich Qoraqalpogʻiston Respublikasi Vazirlar Kengashi va (yoki) viloyat hokimligi Oliy maʼlumotli mutaxassis va (yoki) tibbiyot xodimi Qoraqalpogʻiston Respublikasi Vazirlar Kengashi va (yoki) viloyat hokimligi oʻrtasida mazkur qaror bilan belgilangan imtiyozlardan foydalanish boʻyicha shartnoma imzolanadi va olis hududlarda joylashgan oliy maʼlumotli mutaxassis va (yoki) tibbiyot xodimi talab etilayotgan budjet tashkilotiga ishga joylashish uchun Qoraqalpogʻiston Respublikasi Vazirlar Kengashi Raisining va (yoki) viloyat hokimining masʼul oʻrinbosari tomonidan imzolangan tavsiyanoma beriladi. Tavsiyanoma budjet tashkilotiga yuboriladi. Murojaat tushgan kundan boshlab ikki ish kunida 3-bosqich Budjet tashkiloti Qoraqalpogʻiston Respublikasi Vazirlar Kengashi Raisining va (yoki) viloyat hokimining masʼul oʻrinbosari tomonidan imzolangan tavsiyanomaga asosan oliy maʼlumotli mutaxassisni va (yoki) tibbiyot xodimini ishga qabul qilish hamda boshlangʻich yordam puli va har oylik pul kompensatsiyasini toʻlash toʻgʻrisida tashkilot rahbari buyrugʻini chiqaradi. Ikki ish kunida 4-bosqich Budjet tashkiloti Oliy maʼlumotli mutaxassis va (yoki) tibbiyot xodimiga boshlangʻich yordam puli va har oylik pul kompensatsiyasini toʻlash uchun talab etiladigan mablagʻlarning budjet tashkilotining xarajatlar smetasida ushbu maqsadlar uchun koʻzda tutilgan mablagʻlar hisobidan moliyalashtiradi. Bunda, budjet mablagʻlari yetishmovchiligi yuzaga kelganda tuman (shahar) hokimligi moliya boʻlimiga soʻrov yuboradi. Buyruq qabul qilingan kundan boshlab ikki ish kunida 5-bosqich Tuman (shahar) hokimligi moliya boʻlimi Barcha soʻrovlarni umumlashtiradi hamda Davlat budjeti mablagʻlari hisobidan boshlangʻich yordam puli va har oylik pul kompensatsiyasini toʻlash uchun talab etiladigan mablagʻlarni ajratish yuzasidan tegishliligi boʻyicha Qoraqalpogʻiston Respublikasi Moliya vazirligiga va viloyat hokimligi moliya bosh boshqarmasiga murojaat qiladi. Har oyning 5-kuniga qadar 6-bosqich Qoraqalpogʻiston Respublikasi Moliya vazirligi, viloyat hokimligi moliya bosh boshqarmasi Tuman (shahar) hokimliklari moliya boʻlimlari soʻrovlarini umumlashtirib, boshlangʻich yordam puli va har oylik pul kompensatsiyasini toʻlash uchun qoʻshimcha mablagʻ ajratish choralarini koʻradi hamda respublika budjeti hisobdan mablagʻ ajratish zarurati boʻlgan taqdirda, qoʻshimcha talab etiladigan mablagʻlarni ajratish yuzasidan Oʻzbekiston Respublikasi Moliya vazirligiga murojaat qiladi. Har oyning 10-kuniga qadar 7-bosqich Oʻzbekiston Respublikasi Moliya vazirligi Qoraqalpogʻiston Respublikasi Moliya vazirligi va viloyat hokimliklarining moliya bosh boshqarmalari soʻrovlariga asosan Davlat budjeti mablagʻlari hisobidan boshlangʻich yordam puli va har oylik pul kompensatsiyasini toʻlash uchun talab etiladigan qoʻshimcha mablagʻlarni tegishli budjetlarga ajratadi. Har oyning 20-kuniga qadar 8-bosqich Qoraqalpogʻiston Respublikasi Moliya vazirligi, viloyat hokimligi moliya bosh boshqarmasi Ajratilgan mablagʻlarni tuman (shahar) budjetlariga ajratadi. Mablagʻ ajratilgan kuni 9-bosqich Tuman (shahar) hokimligi moliya boʻlimi Ajratilgan mablagʻni oliy maʼlumotli mutaxassisga va (yoki) tibbiyot xodimi talab etilayotgan budjet tashkilotining shaxsiy gʻazna hisobvaragʻiga oʻtkazadi. Mablagʻ ajratilgan kuni 10-bosqich Budjet tashkiloti Oliy maʼlumotli mutaxassisga va (yoki) tibbiyot xodimiga boshlangʻich yordam puli va har oylik pul kompensatsiyasini toʻlab beradi. Mablagʻlar ajratilgandan soʻng uch ish kunida
Oʻzbekiston Respublikasi Prezidentining 2021-yil 11-yanvardagi PQ-4940-son qaroriga 2-ILOVA
Vazirlar Mahkamasining 2019-yil 26-fevraldagi 170-son qarori bilan tasdiqlangan Uy-joy sharoitlarini yaxshilashga muhtoj boʻlgan fuqarolarni hisobga olish, davlat uy-joy fondidagi turar joylarni taqsimlash va taqdim etish tartibi toʻgʻrisidagi nizomga kiritilayotgan qoʻshimcha
3-ilova quyidagi mazmundagi 22-pozitsiya bilan toʻldirilsin:
“ 22. Olis hududlarda joylashgan budjet tashkilotlarida boshqa hududlardan kelib faoliyat yuritayotgan oliy maʼlumotli mutaxassislar ” .
Oʻzbekiston Respublikasi Prezidenti Sh. MIRZIYOYEV
Toshkent sh.,
2021-yil 11-yanvar,
PQ-4940-son
Президента Республики Узбекистан
Постановление
СХЕМА
О мерах по привлечению квалифицированных специалистов в бюджетные организации, расположенные в отдаленных районах
В целях реализации задач, определенных в Послании Президента Республики Узбекистан Олий Мажлису от 29 декабря 2020 года, дальнейшего стимулирования труда специалистов с высшим образованием, перешедших на работу из других регионов в бюджетные организации в отдаленных и труднодоступных районах, укомплектования вакантных рабочих мест, а также создания на местах достойных условий для трудовой деятельности и социальной защиты квалифицированных кадров:
1. Принять к сведению, что с 1 января 2021 года:
согласно Указу Президента Республики Узбекистан от 6 ноября 2020 года № УП-6108 «О мерах по развитию сфер образования и воспитания, и науки в новый период развития Узбекистана» специалистам с высшим образованием (далее — специалисты с высшим образованием), перешедшим на работу из других регионов в бюджетные организации, расположенные в отдаленных районах (далее — бюджетные организации), предусмотрено выделение единовременной первоначальной денежной помощи в 50-кратном размере базовой расчетной величины с выплатой ежемесячной денежной компенсации в двукратном размере базовой расчетной величины за аренду жилья.
2. Установить, что:
под отдаленными и труднодоступными районами в настоящем постановлении понимаются территории, утвержденные постановлением Кабинета Министров от 7 июня 2019 года № 471, где расположены средние общеобразовательные учреждения, перешедшим на работу в которые педагогическим работникам устанавливается специальная надбавка;
первоначальная денежная помощь и ежемесячная денежная компенсация, предусмотренные настоящим постановлением, не включаются в совокупный доход налогоплательщиков и не являются объектами налогообложения налога на доходы физических лиц;
льготы по получению первоначальной денежной помощи и ежемесячной денежной компенсации, а также улучшению жилищных условий распространяются на проживающих в других регионах врачей и специалистов с высшим образованием, принятых на работу в семейные врачебные пункты, семейные поликлиники и образовательные учреждения, расположенные в отдаленных и труднодоступных районах, а также на выпускников высших образовательных учреждений, принятых на работу в бюджетные организации, расположенные в отдаленных и труднодоступных районах, в течение трех лет после окончания бакалавриата или магистратуры (независимо от формы обучения — дневной, заочной, вечерней, а также второй специальности);
ежемесячная денежная компенсация выплачивается специалистам с высшим образованием и (или) медицинским работникам на протяжении 36 месяцев начиная с месяца приема на работу, при этом в случаях приобретения жилья либо предоставления указанным лицам служебной жилой площади на данной территории, а также прекращения заключенного с ними трудового договора выплата денежной компенсации приостанавливается;
для получения ежемесячной денежной компенсации специалисты с высшим образованием и (или) медицинские работники подают на имя руководителя соответствующей бюджетной организации заявление о выплате денежной компенсации с указанием места временного проживания и суммы фактических затрат на аренду жилого помещения без стоимости коммунальных услуг. При этом в случае, когда сумма фактических затрат на аренду жилого помещения меньше двукратного размера базовой расчетной величины, размер ежемесячной денежной компенсации уменьшается соответственно на сумму фактических затрат, во всех остальных случаях ежемесячная денежная компенсация выплачивается в двукратном размере базовой расчетной величины;
ежемесячная денежная компенсация назначается приказом руководителя соответствующей бюджетной организации с указанием ее размера и выплачивается бухгалтерией данной организации вместе с заработной платой;
выплата ежемесячной денежной компенсации за аренду жилья работникам, указанным в постановлении Президента Республики Узбекистан от 25 апреля 2017 года № 2925 «О дополнительных мерах по дальнейшему повышению уровня жизни населения отдаленных степных районов Навоийской области» и Положении о порядке выплаты судьям, работникам судебных органов, работникам Счетной палаты Республики Узбекистан, органов прокуратуры, Департамента по борьбе с экономическими преступлениями при Генеральной прокуратуре Республики Узбекистан, органов Государственной налоговой службы и сотрудникам органов Государственной таможенной службы ежемесячной денежной компенсации за аренду (наем) жилых помещений, утвержденном постановлением Кабинета Министров от 31 октября 2012 года № 312, производится в порядке, установленном в данных нормативно-правовых актах;
при переводе специалистов с высшим образованием и (или) медицинских работников соответственно из одной бюджетной организации и (или) медицинского учреждения в другую бюджетную организацию и (или) медицинское учреждение, расположенные в отдаленных и труднодоступных районах, выплата ежемесячной денежной компенсации продолжается до истечения установленного срока;
при прекращении специалистами с высшим образованием и (или) медицинскими работниками деятельности в бюджетной организации и (или) медицинском учреждении, расположенных в отдаленных и труднодоступных районах, в срок до 36 месяцев первоначальная денежная помощь возвращается в бюджет в полном объеме, за исключением случаев прекращения специалистами с высшим образованием и (или) медицинскими работниками деятельности в бюджетной организации и (или) медицинском учреждении по не зависящим от них обстоятельствам (смерть работника, признание его лицом с инвалидностью, прекращение деятельности бюджетной организации, а также по обстоятельствам, приведенным в статье 106 Трудового кодекса Республики Узбекистан).
3. Утвердить Схему выплаты первоначальной денежной помощи и ежемесячной денежной компенсации специалистам с высшим образованием и (или) медицинским работникам, перешедшим на работу из других регионов в бюджетные организации, расположенные в отдаленных и труднодоступных районах, согласно приложению № 1 .
4. Установить с 1 марта 2021 года специальные надбавки к базовой тарифной ставке учителей и педагогов, имеющих высшую и первую категории, привлеченных к преподаванию в школы с невысоким уровнем образования из других регионов. При этом специальные надбавки выплачиваются в размере:
50 процентов базовой тарифной ставки учителей и педагогов, перешедших на работу из других районов и городов в рамках одной административно-территориальной единицы;
100 процентов базовой тарифной ставки учителей и педагогов, перешедших на работу из других административно-территориальных единиц.
5. Определить, что:
к преподаванию в школы с невысоким уровнем образования привлекаются учителя и преподаватели, имеющие высшую и первую категории и проработавшие в других регионах не менее одного года;
перечень школ с невысоким уровнем образования формируется Министерством дошкольного и школьного образования и публикуется на официальном веб-сайте Министерства дошкольного и школьного образования ежегодно до 1 сентября;
специальная надбавка к базовой тарифной ставке учителей и педагогов, имеющих высшую и первую категории, привлеченных из других регионов, выплачивается также в год, следующий за годом исключения школы, в которую они перешли на работу, из перечня школ с невысоким уровнем образования.
6. Установить порядок, в соответствии с которым:
первоначальная денежная помощь и ежемесячная денежная компенсация финансируются в установленном порядке за счет средств Государственного бюджета Республики Узбекистан на основании запроса соответствующей бюджетной организации, представленного в территориальный финансовый орган;
средства, требуемые для выплаты первоначальной денежной помощи и ежемесячной денежной компенсации, предусматриваются в смете расходов соответствующей бюджетной организации. При этом в случае принятия на работу специалиста с высшим образованием и (или) медицинского работника в текущем финансовом году в смету расходов бюджетной организации в установленном порядке вносится изменение.
7. Внести в социальные критерии определения граждан, нуждающихся в жилье, утвержденные постановлением Кабинета Министров от 25 марта 2020 года № 182, критерий «Специалисты и (или) медицинские работники с высшим образованием, перешедшие из других регионов на работу в бюджетные организации, расположенные в отдаленных районах».
8. Совету Министров Республики Каракалпакстан и хокимиятам областей:
размещать по итогам каждого месяца до 5-го числа месяца, следующего за отчетным, на своих официальных веб-сайтах сведения о вакантных рабочих местах по специалистам с высшим образованием и (или) медицинским работникам в бюджетных организациях и (или) медицинских учреждениях, расположенных в отдаленных и труднодоступных районах;
принять меры по привлечению выпускников высших образовательных учреждений на работу в бюджетные организации, расположенные в труднодоступных районах и имеющие потребность в кадрах с высшим образованием с организацией встреч на местах и созданием условий, необходимых для деятельности молодых специалистов;
взять на контроль выделение органами государственной власти на местах в порядке, установленном законодательством, земельных участков под строительство жилья для специалистов с высшим образованием и (или) медицинских работников, перешедших на работу из других регионов в бюджетные организации и (или) медицинские учреждения, расположенные в отдаленных и труднодоступных районах, за счет земель запаса на соответствующей территории.
9. Внести дополнение в Положение о порядке учета граждан, нуждающихся в улучшении жилищных условий, распределения и предоставления жилых помещений государственного жилищного фонда, утвержденного постановлением Кабинета Министров от 26 февраля 2019 года № 170, согласно приложению № 2 .
10. Министерству финансов (Т.А. Ишметов) совместно с заинтересованными министерствами и ведомствами в месячный срок:
внести в Кабинет Министров проект закона о внесении изменений и дополнений в Налоговый кодекс Республики Узбекистан по определению первоначальной денежной помощи и ежемесячной денежной компенсации, предусмотренных настоящим постановлением, в качестве дохода, не включаемого в совокупный доход налогоплательщиков;
внести в Кабинет Министров предложения об изменениях и дополнениях в законодательство, вытекающих из настоящего постановления;
привести принятые ими нормативно-правовые акты в соответствие с настоящим постановлением.
11. Министерству юстиции (Р.К. Давлетов) организовать работу по разъяснению среди населения сути и значения, доведению до исполнителей, а также координации деятельности государственных органов и организаций по реализации мер, определенных настоящим постановлением.
12. Контроль за исполнением настоящего постановления возложить на заместителей Премьер-министра Д.А. Кучкарова и Б.А. Мусаева.
ПРИЛОЖЕНИЕ № 1 к постановлению Президента Республики Узбекистан от 11 января 2021 года № ПП-4940
выплаты первоначальной денежной помощи и ежемесячной денежной компенсации специалистам с высшим образованием и (или) медицинским работникам, перешедшим на работу из других регионов в бюджетные организации, расположенные в отдаленных и труднодоступных районах
Этапы Субъекты Мероприятия Сроки исполнения 1-й этап Специалисты с высшим образованием и (или) медицинские работники На основе сведений о наличии вакантных рабочих мест и потребности в специалистах с высшим образованием и (или) медицинских работниках бюджетных организаций, расположенных в отдаленных районах, размещенных на официальном веб-сайте Совета Министров Республики Каракалпакстан и (или) хокимиятов областей, делают выбор и обращаются в бюджетные организации для трудоустройства. По собственному желанию 2-й этап Совет Министров Республики Каракалпакстан и (или) хокимият области Между специалистом с высшим образованием и (или) медицинским работником и Советом Министров Республики Каракалпакстан и (или) хокимиятом области заключается договор о применении льгот, установленных настоящим постановлением, и трудоустройстве в бюджетную организацию, имеющую потребность в специалистах с высшим образованием и (или) медицинских работниках, расположенную в отдаленном районе, и выдается рекомендация за подписью ответственного заместителя Председателя Совета Министров Республики Каракалпакстан или хокима области. Данная рекомендация направляется в бюджетную организацию. В течение двух рабочих дней со дня поступления обращения 3-й этап Бюджетная организация На основании рекомендации, подписанной ответственным заместителем Председателя Совета Министров Республики Каракалпакстан и (или) хокима области , руководитель организации издает приказ о принятии на работу и выплате единовременной первоначальной денежной помощи и ежемесячной денежной компенсации специалисту с высшим образованием и (или) медицинскому работнику. В течение двух рабочих дней 4-й этап Бюджетная организация Финансирует средства, требуемые для выплаты первоначальной денежной помощи и ежемесячной денежной компенсации специалисту с высшим образованием и (или) медицинскому работнику за счет средств, предусмотренных в смете расходов бюджетной организации на данные цели. При этом в случае нехватки бюджетных средств направляет запрос в финансовый отдел хокимията района (города). В течение двух рабочих дней со дня издания приказа 5-й этап Финансовый отдел хокимията района (города) Обобщает все поступившие запросы и обращается соответственно в Министерство финансов Республики Каракалпакстан или главное финансовое управление хокимията области за выделением средств, требуемых для выплаты первоначальной денежной помощи и ежемесячной денежной компенсации за счет средств Государственного бюджета. Ежемесячно до 5-го числа 6-й этап Министерство финансов Республики Каракалпакстан, главное финансовое управление хокимията области Обобщает запросы финансовых отделов хокимиятов районов (городов) и принимает все меры по выделению дополнительных средств на выплату первоначальной денежной помощи и ежемесячной денежной компенсации, при необходимости выделения средств за счет республиканского бюджета — обращается в Министерство финансов Республики Узбекистан для выделения дополнительно требуемых средств. Ежемесячно до 10-го числа 7-й этап Министерство финансов Республики Узбекистан На основании запросов Министерства финансов Республики Каракалпакстан и главных финансовых управлений хокимиятов областей выделяет соответствующим бюджетам средства, требуемые для выплаты первоначальной денежной помощи и ежемесячной денежной компенсации за счет средств Государственного бюджета. Ежемесячно до 20-го числа 8-й этап Министерство финансов Республики Каракалпакстан, главное финансовое управление хокимията области Выделяет выделенные средства бюджетам районов (городов). В день выделения средств 9-й этап Финансовый отдел хокимията районов (городов) Перечисляет выделенные средства на казначейские лицевые счета бюджетных организаций, имеющих потребность в специалистах с высшим образованием и (или) медицинских работниках. В день выделения средств 10-й этап Бюджетная организация Осуществляет выплату первоначальной денежной помощи и ежемесячной денежной компенсации специалисту с высшим образованием и (или) медицинскому работнику. В течение трех рабочих дней после выделения средств
ПРИЛОЖЕНИЕ № 2 к постановлению Президента Республики Узбекистан от 11 января 2021 года № ПП-4940
Дополнение, вносимое в Положение о порядке учета граждан, нуждающихся в улучшении жилищных условий, распределения и предоставления жилых помещений государственного жилищного фонда, утвержденного постановлением Кабинета Министров от 26 февраля 2019 года № 170
1. Приложение № 3 текста на государственном языке дополнить позицией 22 следующего содержания:
« 22. Олис ҳудудларда жойлашган бюджет ташкилотларида бошқа ҳудудлардан келиб фаолият юритаётган олий маълумотли мутахассислар » .
Президент Республики Узбекистан Ш. МИРЗИЁЕВ
г. Ташкент,
11 января 2021 г.,
№ ПП-4940