📅 2021-yil 12-yanvar · Prezident qarorlari
Rasmiy matn. Rasmiy hujjat. Tahririy izohlar kiritilmagan.
UzbekAI
📅 2021 йил 12 январь · Президент қарорлари
Расмий матн. Расмий ҳужжат. Таҳририй изоҳлар киритилмаган.
📅 12 января 2021 г. · Постановления Президента
Официальный текст. Официальный документ. Редакционные примечания не включены.
📅 12 January 2021 · Presidential resolutions
Official text. Official document. Editorial notes are not included.
Ўзбекистон Республикаси Президентининг
Қарори
РЎЙХАТИ
Тошкент шаҳрида «Санкт-Петербург давлат университети» Федерал давлат бюджети олий таълим муассасаси филиали фаолиятини ташкил этиш тўғрисида
«Санкт-Петербург давлат университети» Федерал давлат бюджети олий таълим муассасасининг таълим дастурлари асосида чуқур фундаментал ва илмий-амалий тайёргарликка эга юқори малакали кадрларни тайёрлаш, олий таълим соҳасидаги халқаро ҳамкорликни кенгайтириш, иш берувчиларнинг олий маълумотли мутахассисларга бўлган эҳтиёжларини қондириш мақсадида:
1. Олий ва ўрта махсус таълим вазирлиги, Ташқи ишлар вазирлиги, Соғлиқни сақлаш вазирлиги ҳамда «Санкт-Петербург давлат университети» Федерал давлат бюджети олий таълим муассасасининг (Россия Федерацияси) (кейинги ўринларда — Университет) Тошкент шаҳрида «Санкт-Петербург давлат университети» Федерал давлат бюджети олий таълим муассасаси филиалини (кейинги ўринларда — Филиал) ташкил этиш тўғрисидаги таклифига розилик берилсин.
2. Қуйидагилар Филиал фаолиятининг асосий йўналишлари этиб белгилансин:
олий таълим сифатига қўйиладиган халқаро талабларга мувофиқ шарқ тиллари филологияси, мамлакатшунослик ва хорижий мамлакатлар иқтисодиёти, биотиббиёт, аниқ фанлар каби йўналишлар ва мутахассисликлар бўйича юқори малакали кадрларни тайёрлаш, қайта тайёрлаш ва малакасини ошириш;
замонавий таълим дастурлари ва ўқитиш шаклларини ишлаб чиқиш ҳамда жорий этиш, ўқув жараёнига илғор педагогик ва ахборот технологияларини, илм-фан ва техниканинг энг сўнгги ютуқларини татбиқ этиш, ўқув-педагогик салоҳиятни ривожлантириш;
ўқув жараёнига масофавий таълим технологияларини кенг жорий этиш, электрон таълим ресурсларини ишлаб чиқиш ва амалиётга татбиқ қилиш;
фундаментал, амалий илмий ва инновацион тадқиқотлар олиб бориш, инновацион лойиҳаларни ишлаб чиқиш ва амалга ошириш;
илм-фан ва таълимнинг сифатини ошириш, уларнинг узлуксизлигини ва узвийлигини таъминлаш, жаҳон таълим ва илмий ҳамжамиятига мақсадли интеграциялашув орқали мутахассислар ва илмий-педагогик кадрлар тайёрлаш тизимини такомиллаштириш;
хорижий мамлакатларнинг етакчи таълим ташкилотлари, илмий-тадқиқот марказлари ва бизнес-ҳамжамиятлари билан таълим ҳамда илм-фан соҳаларида узоқ муддатли ҳамкорликни мустаҳкамлаш ва ривожлантириш.
3. Белгилаб қўйилсинки, Филиал:
Университетнинг алоҳида таркибий бўлинмаси ҳисобланади;
кадрларга бўлган эҳтиёжларни инобатга олган ҳолда олий таълимнинг сифатига қўйиладиган халқаро талабларга мос таълим дастурлари асосида барча даражадаги мутахассисларни тайёрлаш, қайта тайёрлаш ва уларнинг малакасини оширишни, шу жумладан илмий-педагогик кадрлар тайёрлашни амалга оширади;
таълим жараёнини Олий таълим, фан ва инновациялар вазирлиги ҳамда Соғлиқни сақлаш вазирлиги билан келишилган ҳолда Университет томонидан тасдиқланадиган ўқув режа ва дастурлари асосида рус тилида, кейинчалик бошқа тилларда ҳам олиб боради;
кадрлар тайёрлашни кундузги, кейинчалик сиртқи ва бошқа таълим шаклида олиб боради;
таълим фаолиятини 2022/2023 ўқув йилидан бошлайди;
абитуриентларни қабул қилиш ва битирувчиларни аттестациядан ўтказишни Олий таълим, фан ва инновациялар вазирлиги билан келишган ҳолда Университет томонидан белгиланадиган талаблар, тартиб ва муддатларга мувофиқ амалга оширади;
битирувчиларига Ўзбекистон Республикасида олий маълумот тўғрисидаги ҳужжат сифатида тан олинадиган Университетнинг белгиланган намунадаги дипломини беради;
фаолиятини Ўзбекистон Республикаси ва Россия Федерацияси қонунчилигига мувофиқ амалга оширади.
4. Маълумот учун қабул қилинсинки, Университет:
Филиал таълим жараёнига илғор педагогик ҳамда ахборот технологияларини, фан ва техниканинг энг янги ютуқларини жорий этади;
хорижий ва маҳаллий профессор-ўқитувчиларни Филиалда дарс беришга ва илмий фаолиятга жалб этади;
Филиал профессор-ўқитувчиларини маҳаллий ҳамда хорижий олий таълим ташкилотлари, илмий тадқиқот марказлари ва етакчи корхоналарида қайта тайёрлаш ва малакасини ошириш ишларини тизимли равишда ташкил этади;
Филиалнинг кутубхона фондини шакллантириш ҳамда уни замонавий ўқув, ўқув-методик ва илмий-техник адабиётлар билан тўлдиришга кўмаклашади;
Филиалнинг зарур ўқув, лаборатория ва илмий асбоб-ускуналар билан жиҳозланишини таъминлайди.
5. «Санкт-Петербург давлат университети» Федерал давлат бюджети олий таълим муассасаси Тошкент шаҳридаги филиалининг бакалавриат таълим йўналишлари ва магистратура мутахассисликлари рўйхати иловага мувофиқ тасдиқлансин.
6. Қуйидагилар Филиал фаолиятини молиялаштириш манбалари этиб белгилансин:
Филиалга ўқишга қабул қилинган талабалар умумий сонининг 30 фоизидан ошмаган ҳолда давлат гранти асосида талабаларни ўқитиш учун Олий таълим, фан ва инновациялар вазирлигига ажратиладиган Давлат бюджети маблағлари;
талабаларни тўлов-контракт асосида ўқитишдан тушадиган маблағлар;
юридик ва жисмоний шахсларнинг ҳомийлик хайриялари;
халқаро молия институтлари ва хорижий ташкилотларнинг грантлари;
қонун ҳужжатлари билан тақиқланмаган бошқа манбалар.
7. Белгилансинки:
Филиалга қабул параметрлари манфаатдор вазирликлар ва идораларнинг кадрларга бўлган реал эҳтиёжини ҳисобга олиб, Иқтисодиёт ва молия вазирлиги, Олий таълим, фан ва инновациялар вазирлиги, Соғлиқни сақлаш вазирлиги ҳамда Университет билан келишилган ҳолда Филиал томонидан тасдиқланади;
Филиалга талабаларни ўқишга қабул қилиш давлат гранти ҳамда тўлов-контракт асосида амалга оширилади. Бунда, давлат гранти асосида таълим олган Филиал битирувчилари уч йилдан кам бўлмаган муддатга мажбурий ишлаб бериш шарти билан Ўзбекистон Республикасининг давлат органлари ва ташкилотларига тақсимланади;
Филиалда ўқитишнинг тўлов-контракт миқдори Олий таълим, фан ва инновациялар вазирлиги, Соғлиқни сақлаш вазирлиги ҳамда Университет билан келишилган ҳолда Филиал томонидан белгиланади;
Филиалга Университетдан жалб қилинадиган профессор-ўқитувчиларнинг хизмат сафари ва меҳнатига ҳақ тўлаш харажатлари ўқув жараёнининг эҳтиёжларидан келиб чиқиб, тузилган шартномаларга мувофиқ амалга оширилади;
Филиалнинг дарс жараёнида фойдаланиладиган махсус ускуналар ва дастурлар билан ишлаш кўникмасига эга, юқори малакали ходимлари учун Филиалнинг бюджетдан ташқари маблағлари ҳисобидан шахсий устамалар белгиланиши мумкин;
Филиалга ўқитувчилик ва илмий фаолият олиб бориш учун таклиф этиладиган хорижлик профессор-ўқитувчиларнинг яшаш ҳамда транспорт харажатларини тузиладиган шартномалар асосида Ўзбекистон Республикаси фуқаролари учун белгиланган тарифларда тўлашга рухсат берилади;
2021 йилда Филиални сақлаш учун бюджет маблағлари Олий ва ўрта махсус таълим вазирлигига Давлат бюджетидан ажратилган маблағлар доирасида ажратилади ва 2022 йилдан бошлаб Давлат бюджети параметрларида назарда тутилади.
8. Филиал Тошкент давлат шарқшунослик университетининг Тошкент шаҳар, Миробод тумани, Шаҳрисабз кўчаси, 16-уй манзилида жойлашган бино ва иншоотларига текин фойдаланиш ҳуқуқи асосида жойлаштирилсин.
Бунда, Филиалга ажратилган бино, иншоотлар ва ҳудудларни сақлаш билан боғлиқ барча харажатлар, шу жумладан коммунал тўловлар Филиал маблағлари ҳисобидан қопланади.
9. Олий ва ўрта махсус таълим вазирлиги (И. Маджидов) Университет билан ҳамкорликда:
а) икки ой муддатда:
Филиалнинг таъсис ҳужжатларини ишлаб чиқсин ва тасдиқласин, шунингдек, Филиални белгиланган тартибда давлат рўйхатидан ўтказсин;
Филиалнинг штат жадвалини тасдиқласин;
б) 2022/2023 ўқув йили бошлангунига қадар Филиални танлов асосида малакали профессор-ўқитувчилар билан таъминласин.
10. Соғлиқни сақлаш вазирлиги (А. Хаджибаев), Фармацевтика тармоғини ривожлантириш агентлиги (С. Кариев) Филиалнинг таълим дастурлари ва илмий тадқиқотларида даволаш-профилактика муассасалари, маҳаллий фармацевтика маҳсулотлари ишлаб чиқарувчилари, фармацевтика эркин иқтисодий зоналари иштирокчилари ва «Tashkent Pharma Park» инновацион илмий ва ишлаб чиқариш фармацевтика кластери резидентларининг иштирокини таъминласин.
11. Иқтисодий тараққиёт ва камбағалликни қисқартириш вазирлиги (И. Норқулов) манфаатдор вазирлик ва идоралар билан биргаликда тасдиқланган лойиҳа-смета ҳужжатларига асосан мазкур қарорнинг 8-бандида кўрсатилган бино ва иншоотларни реконструкция қилишни 2022 йил ҳамда кейинги йилларга мўлжалланган Инвестиция дастурига белгиланган тартибда киритилишини таъминласин.
12. Филиалга иккита енгил автотранспорт, шу жумладан битта хизмат ва битта навбатчи автотранспорт воситасини сақлаш учун лимит ажратилсин.
13. 2024 йил 1 январга қадар Филиални реконструкция қилиш, капитал таъмирлаш, жиҳозлаш ва унинг фаолиятини таъминлаш учун белгиланган тартибда шакллантириладиган рўйхатлар бўйича олиб кириладиган, Ўзбекистон Республикасида ишлаб чиқарилмайдиган ўқув ва илмий-лаборатория жиҳозлари, компьютер техникаси, дастурий маҳсулотлар, ўқув ва илмий-услубий адабиётлар, инвентарлар, қурилиш материаллари ва моддий-техник ресурслар божхона тўловларидан (қўшилган қиймат солиғи ва божхона расмийлаштируви йиғимларидан ташқари) озод этилсин.
14. Олий ва ўрта махсус таълим вазирлиги (И. Маджидов), Соғлиқни сақлаш вазирлиги (А. Хаджибаев), Адлия вазирлиги (Р. Давлетов) манфаатдор вазирлик ва идоралар билан биргаликда бир ой муддатда қонун ҳужжатларига мазкур қарордан келиб чиқадиган ўзгартириш ва қўшимчалар тўғрисида Вазирлар Маҳкамасига таклифлар киритсин.
15. Мазкур қарорнинг ижросини самарали ташкил этишга масъул ва шахсий жавобгар этиб Ўзбекистон Республикаси Бош вазирининг ўринбосари Б.А. Мусаев ҳамда Ўзбекистон Республикаси олий ва ўрта махсус таълим вазири И.У. Маджидов белгилансин.
Қарор ижросини ҳар чоракда муҳокама қилиб бориш, ижро учун масъул идоралар фаолиятини мувофиқлаштириш ва назорат қилиш Ўзбекистон Республикасининг Бош вазири А.Н. Арипов зиммасига юклансин.
Ўзбекистон Республикаси Президентининг 2021 йил 12 январдаги ПҚ-4942-сон қарорига ИЛОВА
«Санкт-Петербург давлат университети» Федерал давлат бюджети олий таълим муассасаси Тошкент шаҳридаги филиалининг бакалавриат таълим йўналишлари ва магистратура мутахассисликлари
1. Филология (шарқ тиллари бўйича);
2. Мамлакатшунослик ва хорижий мамлакатлар иқтисодиёти (шарқ мамлакатлари бўйича);
3. Биотиббиёт (кимё, биология, физика, психология ва бошқалар).
Ўзбекистон Республикаси Президенти Ш. МИРЗИЁЕВ
Тошкент ш.,
2021 йил 12 январь,
ПҚ-4942-сон
Oʻzbekiston Respublikasi Prezidentining
Qarori
ROʻYXATI
Toshkent shahrida “Sankt-Peterburg davlat universiteti” Federal davlat budjeti oliy taʼlim muassasasi filiali faoliyatini tashkil etish toʻgʻrisida
“Sankt-Peterburg davlat universiteti” Federal davlat budjeti oliy taʼlim muassasasining taʼlim dasturlari asosida chuqur fundamental va ilmiy-amaliy tayyorgarlikka ega yuqori malakali kadrlarni tayyorlash, oliy taʼlim sohasidagi xalqaro hamkorlikni kengaytirish, ish beruvchilarning oliy maʼlumotli mutaxassislarga boʻlgan ehtiyojlarini qondirish maqsadida:
1. Oliy va oʻrta maxsus taʼlim vazirligi, Tashqi ishlar vazirligi, Sogʻliqni saqlash vazirligi hamda “Sankt-Peterburg davlat universiteti” Federal davlat budjeti oliy taʼlim muassasasining (Rossiya Federatsiyasi) (keyingi oʻrinlarda — Universitet) Toshkent shahrida “Sankt-Peterburg davlat universiteti” Federal davlat budjeti oliy taʼlim muassasasi filialini (keyingi oʻrinlarda — Filial) tashkil etish toʻgʻrisidagi taklifiga rozilik berilsin.
2. Quyidagilar Filial faoliyatining asosiy yoʻnalishlari etib belgilansin:
oliy taʼlim sifatiga qoʻyiladigan xalqaro talablarga muvofiq sharq tillari filologiyasi, mamlakatshunoslik va xorijiy mamlakatlar iqtisodiyoti, biotibbiyot, aniq fanlar kabi yoʻnalishlar va mutaxassisliklar boʻyicha yuqori malakali kadrlarni tayyorlash, qayta tayyorlash va malakasini oshirish;
zamonaviy taʼlim dasturlari va oʻqitish shakllarini ishlab chiqish hamda joriy etish, oʻquv jarayoniga ilgʻor pedagogik va axborot texnologiyalarini, ilm-fan va texnikaning eng soʻnggi yutuqlarini tatbiq etish, oʻquv-pedagogik salohiyatni rivojlantirish;
oʻquv jarayoniga masofaviy taʼlim texnologiyalarini keng joriy etish, elektron taʼlim resurslarini ishlab chiqish va amaliyotga tatbiq qilish;
fundamental, amaliy ilmiy va innovatsion tadqiqotlar olib borish, innovatsion loyihalarni ishlab chiqish va amalga oshirish;
ilm-fan va taʼlimning sifatini oshirish, ularning uzluksizligini va uzviyligini taʼminlash, jahon taʼlim va ilmiy hamjamiyatiga maqsadli integratsiyalashuv orqali mutaxassislar va ilmiy-pedagogik kadrlar tayyorlash tizimini takomillashtirish;
xorijiy mamlakatlarning yetakchi taʼlim tashkilotlari, ilmiy-tadqiqot markazlari va biznes-hamjamiyatlari bilan taʼlim hamda ilm-fan sohalarida uzoq muddatli hamkorlikni mustahkamlash va rivojlantirish.
3. Belgilab qoʻyilsinki, Filial:
Universitetning alohida tarkibiy boʻlinmasi hisoblanadi;
kadrlarga boʻlgan ehtiyojlarni inobatga olgan holda oliy taʼlimning sifatiga qoʻyiladigan xalqaro talablarga mos taʼlim dasturlari asosida barcha darajadagi mutaxassislarni tayyorlash, qayta tayyorlash va ularning malakasini oshirishni, shu jumladan ilmiy-pedagogik kadrlar tayyorlashni amalga oshiradi;
taʼlim jarayonini Oliy taʼlim, fan va innovatsiyalar vazirligi hamda Sogʻliqni saqlash vazirligi bilan kelishilgan holda Universitet tomonidan tasdiqlanadigan oʻquv reja va dasturlari asosida rus tilida, keyinchalik boshqa tillarda ham olib boradi;
kadrlar tayyorlashni kunduzgi, keyinchalik sirtqi va boshqa taʼlim shaklida olib boradi;
taʼlim faoliyatini 2022/2023 oʻquv yilidan boshlaydi;
abituriyentlarni qabul qilish va bitiruvchilarni attestatsiyadan oʻtkazishni Oliy taʼlim, fan va innovatsiyalar vazirligi bilan kelishgan holda Universitet tomonidan belgilanadigan talablar, tartib va muddatlarga muvofiq amalga oshiradi;
bitiruvchilariga Oʻzbekiston Respublikasida oliy maʼlumot toʻgʻrisidagi hujjat sifatida tan olinadigan Universitetning belgilangan namunadagi diplomini beradi;
faoliyatini Oʻzbekiston Respublikasi va Rossiya Federatsiyasi qonunchiligiga muvofiq amalga oshiradi.
4. Maʼlumot uchun qabul qilinsinki, Universitet:
Filial taʼlim jarayoniga ilgʻor pedagogik hamda axborot texnologiyalarini, fan va texnikaning eng yangi yutuqlarini joriy etadi;
xorijiy va mahalliy professor-oʻqituvchilarni Filialda dars berishga va ilmiy faoliyatga jalb etadi;
Filial professor-oʻqituvchilarini mahalliy hamda xorijiy oliy taʼlim tashkilotlari, ilmiy tadqiqot markazlari va yetakchi korxonalarida qayta tayyorlash va malakasini oshirish ishlarini tizimli ravishda tashkil etadi;
Filialning kutubxona fondini shakllantirish hamda uni zamonaviy oʻquv, oʻquv-metodik va ilmiy-texnik adabiyotlar bilan toʻldirishga koʻmaklashadi;
Filialning zarur oʻquv, laboratoriya va ilmiy asbob-uskunalar bilan jihozlanishini taʼminlaydi.
5. “Sankt-Peterburg davlat universiteti” Federal davlat budjeti oliy taʼlim muassasasi Toshkent shahridagi filialining bakalavriat taʼlim yoʻnalishlari va magistratura mutaxassisliklari roʻyxati ilovaga muvofiq tasdiqlansin.
6. Quyidagilar Filial faoliyatini moliyalashtirish manbalari etib belgilansin:
Filialga oʻqishga qabul qilingan talabalar umumiy sonining 30 foizidan oshmagan holda davlat granti asosida talabalarni oʻqitish uchun Oliy taʼlim, fan va innovatsiyalar vazirligiga ajratiladigan Davlat budjeti mablagʻlari;
talabalarni toʻlov-kontrakt asosida oʻqitishdan tushadigan mablagʻlar;
yuridik va jismoniy shaxslarning homiylik xayriyalari;
xalqaro moliya institutlari va xorijiy tashkilotlarning grantlari;
qonun hujjatlari bilan taqiqlanmagan boshqa manbalar.
7. Belgilansinki:
Filialga qabul parametrlari manfaatdor vazirliklar va idoralarning kadrlarga boʻlgan real ehtiyojini hisobga olib, Iqtisodiyot va moliya vazirligi, Oliy taʼlim, fan va innovatsiyalar vazirligi, Sogʻliqni saqlash vazirligi hamda Universitet bilan kelishilgan holda Filial tomonidan tasdiqlanadi;
Filialga talabalarni oʻqishga qabul qilish davlat granti hamda toʻlov-kontrakt asosida amalga oshiriladi. Bunda, davlat granti asosida taʼlim olgan Filial bitiruvchilari uch yildan kam boʻlmagan muddatga majburiy ishlab berish sharti bilan Oʻzbekiston Respublikasining davlat organlari va tashkilotlariga taqsimlanadi;
Filialda oʻqitishning toʻlov-kontrakt miqdori Oliy taʼlim, fan va innovatsiyalar vazirligi, Sogʻliqni saqlash vazirligi hamda Universitet bilan kelishilgan holda Filial tomonidan belgilanadi;
Filialga Universitetdan jalb qilinadigan professor-oʻqituvchilarning xizmat safari va mehnatiga haq toʻlash xarajatlari oʻquv jarayonining ehtiyojlaridan kelib chiqib, tuzilgan shartnomalarga muvofiq amalga oshiriladi;
Filialning dars jarayonida foydalaniladigan maxsus uskunalar va dasturlar bilan ishlash koʻnikmasiga ega, yuqori malakali xodimlari uchun Filialning budjetdan tashqari mablagʻlari hisobidan shaxsiy ustamalar belgilanishi mumkin;
Filialga oʻqituvchilik va ilmiy faoliyat olib borish uchun taklif etiladigan xorijlik professor-oʻqituvchilarning yashash hamda transport xarajatlarini tuziladigan shartnomalar asosida Oʻzbekiston Respublikasi fuqarolari uchun belgilangan tariflarda toʻlashga ruxsat beriladi;
2021-yilda Filialni saqlash uchun budjet mablagʻlari Oliy va oʻrta maxsus taʼlim vazirligiga Davlat budjetidan ajratilgan mablagʻlar doirasida ajratiladi va 2022-yildan boshlab Davlat budjeti parametrlarida nazarda tutiladi.
8. Filial Toshkent davlat sharqshunoslik universitetining Toshkent shahar, Mirobod tumani, Shahrisabz koʻchasi, 16-uy manzilida joylashgan bino va inshootlariga tekin foydalanish huquqi asosida joylashtirilsin.
Bunda, Filialga ajratilgan bino, inshootlar va hududlarni saqlash bilan bogʻliq barcha xarajatlar, shu jumladan kommunal toʻlovlar Filial mablagʻlari hisobidan qoplanadi.
9. Oliy va oʻrta maxsus taʼlim vazirligi (I. Madjidov) Universitet bilan hamkorlikda:
a) ikki oy muddatda:
Filialning taʼsis hujjatlarini ishlab chiqsin va tasdiqlasin, shuningdek, Filialni belgilangan tartibda davlat roʻyxatidan oʻtkazsin;
Filialning shtat jadvalini tasdiqlasin;
b) 2022/2023 oʻquv yili boshlanguniga qadar Filialni tanlov asosida malakali professor-oʻqituvchilar bilan taʼminlasin.
10. Sogʻliqni saqlash vazirligi (A. Xadjibayev), Farmatsevtika tarmogʻini rivojlantirish agentligi (S. Kariyev) Filialning taʼlim dasturlari va ilmiy tadqiqotlarida davolash-profilaktika muassasalari, mahalliy farmatsevtika mahsulotlari ishlab chiqaruvchilari, farmatsevtika erkin iqtisodiy zonalari ishtirokchilari va “Tashkent Pharma Park” innovatsion ilmiy va ishlab chiqarish farmatsevtika klasteri rezidentlarining ishtirokini taʼminlasin.
11. Iqtisodiy taraqqiyot va kambagʻallikni qisqartirish vazirligi (I. Norqulov) manfaatdor vazirlik va idoralar bilan birgalikda tasdiqlangan loyiha-smeta hujjatlariga asosan mazkur qarorning 8-bandida koʻrsatilgan bino va inshootlarni rekonstruksiya qilishni 2022-yil hamda keyingi yillarga moʻljallangan Investitsiya dasturiga belgilangan tartibda kiritilishini taʼminlasin.
12. Filialga ikkita yengil avtotransport, shu jumladan bitta xizmat va bitta navbatchi avtotransport vositasini saqlash uchun limit ajratilsin.
13. 2024-yil 1-yanvarga qadar Filialni rekonstruksiya qilish, kapital taʼmirlash, jihozlash va uning faoliyatini taʼminlash uchun belgilangan tartibda shakllantiriladigan roʻyxatlar boʻyicha olib kiriladigan, Oʻzbekiston Respublikasida ishlab chiqarilmaydigan oʻquv va ilmiy-laboratoriya jihozlari, kompyuter texnikasi, dasturiy mahsulotlar, oʻquv va ilmiy-uslubiy adabiyotlar, inventarlar, qurilish materiallari va moddiy-texnik resurslar bojxona toʻlovlaridan (qoʻshilgan qiymat soligʻi va bojxona rasmiylashtiruvi yigʻimlaridan tashqari) ozod etilsin.
14. Oliy va oʻrta maxsus taʼlim vazirligi (I. Madjidov), Sogʻliqni saqlash vazirligi (A. Xadjibayev), Adliya vazirligi (R. Davletov) manfaatdor vazirlik va idoralar bilan birgalikda bir oy muddatda qonun hujjatlariga mazkur qarordan kelib chiqadigan oʻzgartirish va qoʻshimchalar toʻgʻrisida Vazirlar Mahkamasiga takliflar kiritsin.
15. Mazkur qarorning ijrosini samarali tashkil etishga masʼul va shaxsiy javobgar etib Oʻzbekiston Respublikasi Bosh vazirining oʻrinbosari B.A. Musayev hamda Oʻzbekiston Respublikasi oliy va oʻrta maxsus taʼlim vaziri I.U. Madjidov belgilansin.
Qaror ijrosini har chorakda muhokama qilib borish, ijro uchun masʼul idoralar faoliyatini muvofiqlashtirish va nazorat qilish Oʻzbekiston Respublikasining Bosh vaziri A.N. Aripov zimmasiga yuklansin.
Oʻzbekiston Respublikasi Prezidentining 2021-yil 12-yanvardagi PQ-4942-son qaroriga ILOVA
“Sankt-Peterburg davlat universiteti” Federal davlat budjeti oliy taʼlim muassasasi Toshkent shahridagi filialining bakalavriat taʼlim yoʻnalishlari va magistratura mutaxassisliklari
1. Filologiya (sharq tillari boʻyicha);
2. Mamlakatshunoslik va xorijiy mamlakatlar iqtisodiyoti (sharq mamlakatlari boʻyicha);
3. Biotibbiyot (kimyo, biologiya, fizika, psixologiya va boshqalar).
Oʻzbekiston Respublikasi Prezidenti Sh. MIRZIYOYEV
Toshkent sh.,
2021-yil 12-yanvar,
PQ-4942-son
Президента Республики Узбекистан
Постановление
ПЕРЕЧЕНЬ
Об организации деятельности филиала Федерального государственного бюджетного образовательного учреждения высшего образования «Санкт-Петербургский государственный университет» в городе Ташкенте
В целях подготовки высококвалифицированных кадров, прошедших углубленную фундаментальную и научно-практическую подготовку на основе образовательных программ Федерального государственного бюджетного образовательного учреждения высшего образования «Санкт-Петербургский государственный университет», расширения международного сотрудничества в сфере высшего образования, удовлетворения потребностей работодателей в специалистах с высшим образованием:
1. Согласиться с предложением Министерства высшего и среднего специального образования, Министерства иностранных дел, Министерства здравоохранения и Федерального государственного бюджетного образовательного учреждения высшего образования «Санкт-Петербургский государственный университет» (Российская Федерация) (далее — Университет) о создании в городе Ташкенте филиала Федерального государственного бюджетного образовательного учреждения высшего образования «Санкт-Петербургский государственный университет» (далее — Филиал).
2. Определить основными направлениями деятельности Филиала:
подготовку, переподготовку и повышение квалификации высококвалифицированных кадров по таким направлениям и специальностям, как филология восточных языков, страноведение и экономика зарубежных стран, биомедицина, точные науки, в соответствии с международными требованиями, предъявляемыми к качеству высшего образования;
разработку и внедрение современных образовательных программ и форм обучения, применение передовых педагогических и информационных технологий, новейших достижений науки и техники в учебном процессе, развитие учебно-педагогического потенциала;
широкое внедрение дистанционных образовательных технологий в учебный процесс, разработку и внедрение на практике электронных образовательных ресурсов;
проведение фундаментальных, прикладных научных и инновационных исследований, разработку и реализацию инновационных проектов;
повышение качества науки и образования, обеспечение их непрерывности и преемственности, совершенствование системы подготовки специалистов и научно-педагогических кадров путем целенаправленной интеграции в мировое образовательное и научное сообщество;
укрепление и развитие долгосрочного сотрудничества в сфере образования и науки с ведущими образовательными организациями, научно-исследовательскими центрами и бизнес-сообществами зарубежных стран.
3. Установить, что Филиал:
является обособленным структурным подразделением Университета;
осуществляет подготовку, переподготовку и повышение квалификации специалистов всех уровней, в том числе подготовку научно-педагогических кадров, на основе образовательных программ, соответствующих международным требованиям, предъявляемым к качеству высшего образования с учетом потребности в кадрах;
ведет образовательный процесс на русском языке, в дальнейшем — также на других языках на основе учебных планов и программ, утверждаемых Университетом по согласованию с Министерством высшего образования, науки и инноваций и Министерством здравоохранения;
осуществляет подготовку кадров по дневной, в дальнейшем — по заочной и другим формам обучения;
начинает образовательную деятельность с 2022/2023 учебного года;
осуществляет прием абитуриентов и проводит аттестацию выпускников в соответствии с требованиями, порядком и сроками, устанавливаемыми Университетом по согласованию с Министерством высшего образования, науки и инноваций;
выдает выпускникам диплом Университета установленного образца, признаваемый документом о высшем образовании в Республике Узбекистан;
осуществляет деятельность в соответствии с законодательством Республики Узбекистан и Российской Федерации.
4. Принять к сведению, что Университет:
внедряет в образовательный процесс Филиала передовые педагогические и информационные технологии, новейшие достижения науки и техники;
привлекает зарубежных и отечественных профессоров-преподавателей к преподаванию и научной деятельности в Филиале;
организует работу по переподготовке и повышению квалификации профессоров-преподавателей Филиала на системной основе в отечественных и зарубежных высших образовательных организациях, научно-исследовательских центрах и на ведущих предприятиях;
оказывает содействие в формировании библиотечного фонда Филиала и его пополнении современной учебной, учебно-методической и научно-технической литературой;
обеспечивает оснащение Филиала необходимым учебным, лабораторным и научным оборудованием.
5. Утвердить перечень направлений образования бакалавриата и специальностей магистратуры филиала Федерального государственного бюджетного образовательного учреждения высшего образования «Санкт-Петербургский государственный университет» в городе Ташкенте согласно приложению .
6. Определить источниками финансирования деятельности Филиала:
средства Государственного бюджета, выделяемые Министерству высшего образования, науки и инноваций для обучения студентов на основе государственного гранта, но не более 30 процентов общего числа студентов, принятых на учебу в Филиал;
средства, поступающие от обучения студентов на платно-контрактной основе;
благотворительные пожертвования юридических и физических лиц;
гранты международных финансовых институтов и зарубежных организаций;
иные источники, не запрещенные законодательством.
7. Установить, что:
параметры приема в Филиал утверждаются Филиалом по согласованию с Министерством экономики и финансов, Министерством высшего образования, науки и инноваций, Министерством здравоохранения и Университетом с учетом реальной потребности в кадрах заинтересованных министерств и ведомств;
прием студентов на учебу в Филиал проводится на основе государственного гранта и платного контракта. При этом выпускники Филиала, прошедшие обучение на основе государственного гранта, распределяются в государственные органы и организации Республики Узбекистан с условием обязательной отработки на срок не менее трех лет;
размер платного контракта за обучение в Филиале определяется Филиалом по согласованию с Министерством высшего образования, науки и инноваций, Министерством здравоохранения и Университетом;
расходы на служебные командировки и оплату труда профессоров-преподавателей, привлекаемых в Филиал из Университета, производятся в соответствии с заключенными договорами исходя из потребностей учебного процесса;
для высококвалифицированных работников, имеющих навыки работы со специальным оборудованием и программами, применяемыми в процессе обучения в Филиале, могут устанавливаться персональные надбавки за счет внебюджетных средств Филиала;
разрешается оплачивать расходы на проживание, а также транспортные расходы зарубежных профессоров-преподавателей, приглашаемых в Филиал для ведения педагогической и научной деятельности, на основе заключаемых договоров по тарифам, установленным для граждан Республики Узбекистан;
бюджетные средства на содержание Филиала в 2021 году выделяются в рамках средств, выделенных Министерству высшего и среднего специального образования из Государственного бюджета, начиная с 2022 года — предусматриваются в параметрах Государственного бюджета.
8. Разместить Филиал в зданиях и сооружениях Ташкентского государственного университета востоковедения, расположенных по адресу: город Ташкент, Мирабадский район, улица Шахрисабз, 16, на основе права безвозмездного пользования.
При этом все расходы, связанные с содержанием выделенных зданий, сооружений и соответствующей территории, включая коммунальные платежи, покрываются за счет средств Филиала.
9. Министерству высшего и среднего специального образования (И. Маджидов) в сотрудничестве с Университетом:
а) в двухмесячный срок:
разработать и утвердить учредительные документы Филиала, а также провести государственную регистрацию Филиала в установленном порядке;
утвердить штатное расписание Филиала;
б) до начала 2022/2023 учебного года укомплектовать Филиал квалифицированными профессорами-преподавателями на конкурсной основе.
10. Министерству здравоохранения (А. Хаджибаев) и Агентству по развитию фармацевтической отрасли (С. Кариев) обеспечить участие лечебно-профилактических учреждений, производителей отечественной фармацевтической продукции, участников фармацевтических свободных экономических зон и резидентов инновационного научно-производственного фармацевтического кластера «Tashkent Pharma Park» в образовательных программах и научных исследованиях Филиала.
11. Министерству экономического развития и сокращения бедности (И. Норкулов) совместно с заинтересованными министерствами и ведомствами в установленном порядке обеспечить включение в инвестиционные программы на 2022 год и последующие годы работ по реконструкции зданий и сооружений, указанных в пункте 8 настоящего постановления, на основании утвержденной проектно-сметной документации.
12. Выделить Филиалу лимит на содержание двух легковых автотранспортных средств, в частности одного служебного и одного дежурного автотранспортного средства.
13. Освободить Филиал на срок до 1 января 2024 года от таможенных платежей (за исключением налога на добавленную стоимость и сборов за таможенное оформление) за учебное и научно-лабораторное оборудование, компьютерную технику, программные продукты, учебную и научно-методическую литературу, инвентарь, строительные материалы и материально-технические ресурсы, не производимые в Республике Узбекистан, ввозимые для реконструкции, капитального ремонта, оснащения и обеспечения деятельности Филиала по перечням, формируемым в установленном порядке.
14. Министерству высшего и среднего специального образования (И. Маджидов), Министерству здравоохранения (А. Хаджибаев), Министерству юстиции (Р. Давлетов) совместно с заинтересованными министерствами и ведомствами в месячный срок внести в Кабинет Министров предложения об изменениях и дополнениях в законодательство, вытекающих из настоящего постановления.
15. Возложить на заместителя Премьер-министра Республики Узбекистан Б.А. Мусаева и министра высшего и среднего специального образования Республики Узбекистан И.У. Маджидова персональную ответственность за эффективную организацию исполнения настоящего постановления.
Ежеквартальное обсуждение хода исполнения настоящего постановления, а также осуществление координации и контроля за деятельностью ведомств, ответственных за его исполнение, возложить на Премьер-министра Республики Узбекистан А.Н. Арипова .
ПРИЛОЖЕНИЕ к постановлению Президента Республики Узбекистан от 12 января 2021 года № ПП-4942
направлений образования бакалавриата и специальностей магистратуры филиала Федерального государственного бюджетного образовательного учреждения высшего образования «Санкт-Петербургский государственный университет» в городе Ташкенте
1. Филология (восточные языки);
2. Страноведение и экономика зарубежных стран (страны Востока);
3. Биомедицина (химия, биология, физика, психология и другие).
Президент Республики Узбекистан Ш. МИРЗИЁЕВ
г. Ташкент,
12 января 2021 г.,
№ ПП-4942