📅 2021-yil 14-yanvar · Prezident qarorlari
Rasmiy matn. Rasmiy hujjat. Tahririy izohlar kiritilmagan.
UzbekAI
📅 2021 йил 14 январь · Президент қарорлари
Расмий матн. Расмий ҳужжат. Таҳририй изоҳлар киритилмаган.
📅 14 января 2021 г. · Постановления Президента
Официальный текст. Официальный документ. Редакционные примечания не включены.
📅 14 January 2021 · Presidential resolutions
Official text. Official document. Editorial notes are not included.
Ўзбекистон Республикаси Президентининг
қарори
2021 йилда Ўзбекистон Республикасининг экспорт салоҳиятини амалга ошириш чора-тадбирлари тўғрисида
[Кўчирма]
Экспортни ҳар томонлама қўллаб-қувватлаш ва рағбатлантириш, унинг ҳажмлари барқарор ўсишини таъминлаш ва таркибини такомиллаштириш бўйича мамлакатда амалга оширилаётган комплекс чора-тадбирлар, ушбу мақсадларда мавжуд ресурс ва ишлаб чиқариш салоҳиятидан максимал даражада фойдаланиш коронавирус пандемияси муносабати билан жорий этилган чекловларнинг оқибатларини юмшатиш имконини берди.
2021 йилда республика экспорт салоҳиятини тиклаш ва янада кенгайтириш мақсадида:
1. Экспорт ва инвестицияларни ривожлантириш масалалари бўйича Ҳукумат комиссиясининг (кейинги ўринларда — Ҳукумат комиссияси) Инвестициялар ва ташқи савдо вазирлигининг ҳудудий бўлинмаларида жойлаштирган ҳолда доимий фаолият юритувчи ҳудудий экспорт штабларини ташкил этиш тўғрисидаги таклифига розилик берилсин.
Ҳукумат комиссияси ўн кун муддатда «ишлаб чиқаришдан то хорижий истеъмолчигача» тамойили бўйича экспортчи ташкилотларга кўмаклашишда алоқадор вазирликлар, идоралар, тижорат банклари ва маҳаллий давлат бошқаруви органларининг «горизонтал ва вертикал ўзаро ҳамкорликда ишлаш» механизмини назарда тутган ҳолда ҳудудий экспорт штабларининг тўлақонли фаолият юритишини таъминласин.
2. 2021 йилда Экспортни қўллаб-қувватлаш жамғармасидан экспортчи ташкилотларга хом ашё сотиб олиш ва экспортга йўналтириладиган маҳсулотларни ишлаб чиқариш учун 100 миллион АҚШ доллари ажратилиши назарда тутилганлиги маълумот учун қабул қилинсин.
Инвестициялар ва ташқи савдо вазирлиги 2021 йил 1 февралдан Экспортни қўллаб-қувватлаш жамғармаси маблағлари ҳисобидан экспортчи ташкилотларга экспортолди молиялаштириш ажратилишини таъминласин.
3. Белгилансинки, 2021 йил 1 апрелдан маҳаллий экспортчи, шунингдек қайта ишлаш маҳсулотларини олиб чиқадиган корхоналарнинг савдо уйларини очиш ва сақлаш, офис, савдо ва омбор биноларини ижарага олиш, шунингдек, реклама кампанияларини ташкил қилиш билан боғлиқ чет элдаги харажатларининг 50 фоизи Инвестициялар ва ташқи савдо вазирлиги ҳузуридаги Экспортни рағбатлантириш агентлиги маблағлари ҳисобидан қоплаб берилади.
Вазирлар Маҳкамаси икки ой муддатда маҳаллий экспортчи корхоналарнинг савдо уйларини очиш ва сақлаш, офис, савдо ва омбор биноларини ижарага олиш, шунингдек, реклама кампанияларини ташкил қилиш билан боғлиқ чет элдаги харажатларини қоплаб бериш тартибини тасдиқласин.
7. Ҳукумат комиссиясига Вазирлар Маҳкамасининг «Ташқи савдо операциялари бўйича тўлов интизомини мустаҳкамлашга оид ташкилий чора-тадбирлар тўғрисида» 2019 йил 6 июндаги 464-сон қарорига мувофиқ ташкил этилган Ташқи савдо шартномалари юзасидан дебитор ва кредитор қарздорлигини камайтириш бўйича доимий фаолият юритувчи республика ишчи гуруҳининг вазифа ва ваколатлари юклатилсин.
Ҳукумат комиссияси валюта назорати органлари билан биргаликда бир ой муддатда Ташқи савдо операцияларининг ягона электрон ахборот тизимидан умидсиз қарздорликларни ҳисобдан ечиш тартибини тасдиқлаш учун Вазирлар Маҳкамасига киритсин.
8. Қуйидагиларга:
Бош вазирнинг инвестициялар ва ташқи иқтисодий алоқалар масалалари бўйича ўринбосари — инвестициялар ва ташқи савдо вазири С.У. Умурзаков зиммасига — барқарор ўсишни таъминлаш, экспортга йўналтирилган маҳсулотларни ташқи бозорларга узлуксиз етказиб берилишини ташкил қилиш, экспортчи ташкилотларни давлат томонидан қўллаб-қувватлаш бўйича ташкил этилган тизимнинг самарали фаолият юритиши;
Бош вазирнинг молия-иқтисодиёт ва камбағалликни қисқартириш масалалари бўйича ўринбосари — иқтисодий тараққиёт ва камбағалликни қисқартириш вазири Ж.А. Қўчқоров зиммасига — экспортни ривожлантириш бўйича чора-тадбирларни ўз вақтида бюджетдан молиялаштириш, экспортчи ташкилотларга қонунчиликка мувофиқ солиқ имтиёзлари, преференциялар ва субсидиялар бериш;
энергетика вазири А.С. Султанов зиммасига — экспортчи ташкилотларни шартнома мажбуриятларига мувофиқ электр энергияси ва табиий газ билан узлуксиз таъминлаш;
қишлоқ хўжалиги вазири Ж.А. Ходжаев зиммасига — қишлоқ хўжалиги хом ашёсини ишлаб чиқаришнинг самарали тизими яратилишини таъминлаш, озиқ-овқат саноати маҳсулотлари экспортини кенгайтириш, республика ҳудудларида тўлиқ ишлаб чиқариш циклига эга йирик агросаноат кластерларини барпо этиш, рақобатбардош мева-сабзавот маҳсулотлари ишлаб чиқариш бўйича замонавий интенсив боғлар ва иссиқхона хўжаликларини ташкил этиш;
транспорт вазири вазифасини бажарувчи И.Р. Махкамов зиммасига — экспортчи ташкилотларни ҳаракатланувчи таркиб билан узлуксиз таъминлаш, авиа парки ва темир йўл ҳаракатланувчи таркибини кенгайтириш, шунингдек, қўшни давлатлар ҳудуди орқали экспорт ва транзит юкларининг эркин ҳаракатланишини ташкил қилиш ҳамда экспорт ва транзит юк ташувлари соҳасида тариф сиёсатини оптималлаштириш;
ташқи ишлар вазирининг биринчи ўринбосари Ф.Н. Арзиев зиммасига — Ўзбекистон Республикасининг чет элдаги дипломатик ваколатхоналарининг маҳаллий экспортчи ташкилотларга хорижий ҳамкорларни топиш ҳамда экспорт шартномаларининг имзоланишини таъминлаш бўйича фаолиятини ва дипломатик қўллаб-қувватлашнинг бошқа чора-тадбирларини мувофиқлаштириш;
Қорақалпоғистон Республикаси Вазирлар Кенгаши Раиси, вилоятлар ва Тошкент шаҳар ҳокимлари зиммасига — мева-сабзавот ва саноат маҳсулотларининг экспортчи ташкилотларига ишлаб чиқариш омиллари ҳамда муҳандислик-коммуникация инфратузилмаси билан таъминлашда кўмаклашиш бўйича шахсий масъулият юклансин.
9. Инвестициялар ва ташқи савдо вазирлиги манфаатдор вазирлик ва идоралар билан биргаликда икки ой муддатда қонун ҳужжатларига мазкур қарордан келиб чиқадиган ўзгартириш ва қўшимчалар тўғрисида Вазирлар Маҳкамасига таклифлар киритсин.
10. Мазкур қарорнинг ижросини назорат қилиш Ўзбекистон Республикаси Бош вазирининг ўринбосари С.У. Умурзаков зиммасига юклансин.
Ўзбекистон Республикаси Президенти Ш. МИРЗИЁЕВ
Тошкент ш.,
2021 йил 14 январь,
ПҚ-4949-сон
Oʻzbekiston Respublikasi Prezidentining
qarori
2021-yilda Oʻzbekiston Respublikasining eksport salohiyatini amalga oshirish chora-tadbirlari toʻgʻrisida
[Koʻchirma]
Eksportni har tomonlama qoʻllab-quvvatlash va ragʻbatlantirish, uning hajmlari barqaror oʻsishini taʼminlash va tarkibini takomillashtirish boʻyicha mamlakatda amalga oshirilayotgan kompleks chora-tadbirlar, ushbu maqsadlarda mavjud resurs va ishlab chiqarish salohiyatidan maksimal darajada foydalanish koronavirus pandemiyasi munosabati bilan joriy etilgan cheklovlarning oqibatlarini yumshatish imkonini berdi.
2021-yilda respublika eksport salohiyatini tiklash va yanada kengaytirish maqsadida:
1. Eksport va investitsiyalarni rivojlantirish masalalari boʻyicha Hukumat komissiyasining (keyingi oʻrinlarda — Hukumat komissiyasi) Investitsiyalar va tashqi savdo vazirligining hududiy boʻlinmalarida joylashtirgan holda doimiy faoliyat yurituvchi hududiy eksport shtablarini tashkil etish toʻgʻrisidagi taklifiga rozilik berilsin.
Hukumat komissiyasi oʻn kun muddatda “ishlab chiqarishdan to xorijiy isteʼmolchigacha” tamoyili boʻyicha eksportchi tashkilotlarga koʻmaklashishda aloqador vazirliklar, idoralar, tijorat banklari va mahalliy davlat boshqaruvi organlarining “gorizontal va vertikal oʻzaro hamkorlikda ishlash” mexanizmini nazarda tutgan holda hududiy eksport shtablarining toʻlaqonli faoliyat yuritishini taʼminlasin.
2. 2021-yilda Eksportni qoʻllab-quvvatlash jamgʻarmasidan eksportchi tashkilotlarga xom ashyo sotib olish va eksportga yoʻnaltiriladigan mahsulotlarni ishlab chiqarish uchun 100 million AQSH dollari ajratilishi nazarda tutilganligi maʼlumot uchun qabul qilinsin.
Investitsiyalar va tashqi savdo vazirligi 2021-yil 1-fevraldan Eksportni qoʻllab-quvvatlash jamgʻarmasi mablagʻlari hisobidan eksportchi tashkilotlarga eksportoldi moliyalashtirish ajratilishini taʼminlasin.
3. Belgilansinki, 2021-yil 1-apreldan mahalliy eksportchi, shuningdek qayta ishlash mahsulotlarini olib chiqadigan korxonalarning savdo uylarini ochish va saqlash, ofis, savdo va ombor binolarini ijaraga olish, shuningdek, reklama kampaniyalarini tashkil qilish bilan bogʻliq chet eldagi xarajatlarining 50 foizi Investitsiyalar va tashqi savdo vazirligi huzuridagi Eksportni ragʻbatlantirish agentligi mablagʻlari hisobidan qoplab beriladi.
Vazirlar Mahkamasi ikki oy muddatda mahalliy eksportchi korxonalarning savdo uylarini ochish va saqlash, ofis, savdo va ombor binolarini ijaraga olish, shuningdek, reklama kampaniyalarini tashkil qilish bilan bogʻliq chet eldagi xarajatlarini qoplab berish tartibini tasdiqlasin.
7. Hukumat komissiyasiga Vazirlar Mahkamasining “Tashqi savdo operatsiyalari boʻyicha toʻlov intizomini mustahkamlashga oid tashkiliy chora-tadbirlar toʻgʻrisida” 2019-yil 6-iyundagi 464-son qaroriga muvofiq tashkil etilgan Tashqi savdo shartnomalari yuzasidan debitor va kreditor qarzdorligini kamaytirish boʻyicha doimiy faoliyat yurituvchi respublika ishchi guruhining vazifa va vakolatlari yuklatilsin.
Hukumat komissiyasi valyuta nazorati organlari bilan birgalikda bir oy muddatda Tashqi savdo operatsiyalarining yagona elektron axborot tizimidan umidsiz qarzdorliklarni hisobdan yechish tartibini tasdiqlash uchun Vazirlar Mahkamasiga kiritsin.
8. Quyidagilarga:
Bosh vazirning investitsiyalar va tashqi iqtisodiy aloqalar masalalari boʻyicha oʻrinbosari — investitsiyalar va tashqi savdo vaziri S.U. Umurzakov zimmasiga — barqaror oʻsishni taʼminlash, eksportga yoʻnaltirilgan mahsulotlarni tashqi bozorlarga uzluksiz yetkazib berilishini tashkil qilish, eksportchi tashkilotlarni davlat tomonidan qoʻllab-quvvatlash boʻyicha tashkil etilgan tizimning samarali faoliyat yuritishi;
Bosh vazirning moliya-iqtisodiyot va kambagʻallikni qisqartirish masalalari boʻyicha oʻrinbosari — iqtisodiy taraqqiyot va kambagʻallikni qisqartirish vaziri J.A. Qoʻchqorov zimmasiga — eksportni rivojlantirish boʻyicha chora-tadbirlarni oʻz vaqtida budjetdan moliyalashtirish, eksportchi tashkilotlarga qonunchilikka muvofiq soliq imtiyozlari, preferensiyalar va subsidiyalar berish;
energetika vaziri A.S. Sultanov zimmasiga — eksportchi tashkilotlarni shartnoma majburiyatlariga muvofiq elektr energiyasi va tabiiy gaz bilan uzluksiz taʼminlash;
qishloq xoʻjaligi vaziri J.A. Xodjayev zimmasiga — qishloq xoʻjaligi xom ashyosini ishlab chiqarishning samarali tizimi yaratilishini taʼminlash, oziq-ovqat sanoati mahsulotlari eksportini kengaytirish, respublika hududlarida toʻliq ishlab chiqarish sikliga ega yirik agrosanoat klasterlarini barpo etish, raqobatbardosh meva-sabzavot mahsulotlari ishlab chiqarish boʻyicha zamonaviy intensiv bogʻlar va issiqxona xoʻjaliklarini tashkil etish;
transport vaziri vazifasini bajaruvchi I.R. Maxkamov zimmasiga — eksportchi tashkilotlarni harakatlanuvchi tarkib bilan uzluksiz taʼminlash, avia parki va temir yoʻl harakatlanuvchi tarkibini kengaytirish, shuningdek, qoʻshni davlatlar hududi orqali eksport va tranzit yuklarining erkin harakatlanishini tashkil qilish hamda eksport va tranzit yuk tashuvlari sohasida tarif siyosatini optimallashtirish;
tashqi ishlar vazirining birinchi oʻrinbosari F.N. Arziyev zimmasiga — Oʻzbekiston Respublikasining chet eldagi diplomatik vakolatxonalarining mahalliy eksportchi tashkilotlarga xorijiy hamkorlarni topish hamda eksport shartnomalarining imzolanishini taʼminlash boʻyicha faoliyatini va diplomatik qoʻllab-quvvatlashning boshqa chora-tadbirlarini muvofiqlashtirish;
Qoraqalpogʻiston Respublikasi Vazirlar Kengashi Raisi, viloyatlar va Toshkent shahar hokimlari zimmasiga — meva-sabzavot va sanoat mahsulotlarining eksportchi tashkilotlariga ishlab chiqarish omillari hamda muhandislik-kommunikatsiya infratuzilmasi bilan taʼminlashda koʻmaklashish boʻyicha shaxsiy masʼuliyat yuklansin.
9. Investitsiyalar va tashqi savdo vazirligi manfaatdor vazirlik va idoralar bilan birgalikda ikki oy muddatda qonun hujjatlariga mazkur qarordan kelib chiqadigan oʻzgartirish va qoʻshimchalar toʻgʻrisida Vazirlar Mahkamasiga takliflar kiritsin.
10. Mazkur qarorning ijrosini nazorat qilish Oʻzbekiston Respublikasi Bosh vazirining oʻrinbosari S.U. Umurzakov zimmasiga yuklansin.
Oʻzbekiston Respublikasi Prezidenti Sh. MIRZIYOYEV
Toshkent sh.,
2021-yil 14-yanvar,
PQ-4949-son
Президента Республики Узбекистан
Постановление
О мерах по реализации экспортного потенциала Республики Узбекистан на 2021 год
[Извлечение]
Реализуемые в стране комплексные меры по всесторонней поддержке и стимулированию экспорта, обеспечению устойчивого роста его объемов и совершенствованию структуры, максимальное использование в этих целях имеющегося ресурсного и производственного потенциала смягчили последствия ограничений, введенных в связи с коронавирусной пандемией.
В целях восстановления и дальнейшего расширения экспортного потенциала республики в 2021 году:
1. Согласиться с предложением Правительственной комиссии по вопросам развития экспорта и инвестиций (далее — Правительственная комиссия) по созданию постоянно действующих региональных экспортных штабов с их расположением в территориальных подразделениях Министерства инвестиций и внешней торговли.
Правительственной комиссии в декадный срок обеспечить полноценное функционирование региональных экспортных штабов, предусмотрев механизм «горизонтального и вертикального взаимодействия» причастных министерств, ведомств, коммерческих банков и органов государственного управления на местах в оказании содействия организациям-экспортерам по принципу «от производства до иностранного потребителя».
2. Принять к сведению, что в 2021 году из Фонда по поддержке экспорта предусмотрено выделение 100 млн долл. США для организаций-экспортеров на закупку сырья и производство экспортоориентированной продукции.
Министерству инвестиций и внешней торговли обеспечить с 1 февраля 2021 года выделение для организаций-экспортеров предэкспортного финансирования за счет средств Фонда по поддержке экспорта.
3. Установить, что с 1 апреля 2021 года 50 процентов расходов отечественных организаций-экспортеров, а также организаций, вывозящих продукты переработки за рубежом, связанных с открытием и содержанием торговых домов, арендой офисных, торговых и складских помещений, а также организацией рекламных кампаний компенсируются за счет средств Агентства продвижения экспорта при Министерстве инвестиций и внешней торговли.
Кабинету Министров в двухмесячный срок утвердить порядок компенсации расходов отечественных организаций-экспортеров за рубежом, связанных с открытием и содержанием торговых домов, арендой офисных, торговых и складских помещений, а также организацией рекламных кампаний.
7. Передать Правительственной комиссии функции и полномочия Постоянно действующей республиканской рабочей группы по сокращению дебиторской и кредиторской задолженности по внешнеторговым договорам, образованной постановлением Кабинета Министров от 6 июня 2019 года № 464 «Об организационных мерах по укреплению платежной дисциплины по внешнеторговым операциям».
Правительственной комиссии совместно с органами валютного контроля в месячный срок внести на утверждение в Кабинет Министров порядок снятия с учета безнадежных задолженностей в Единой электронной информационной системе внешнеторговых операций.
8. Возложить персональную ответственность на:
заместителя Премьер-министра по вопросам инвестиций и внешнеэкономических связей — министра инвестиций и внешней торговли С.У. Умурзакова — за обеспечение устойчивого роста, организацию стабильного продвижения экспортоориентированной продукции на внешние рынки, эффективное функционирование созданной системы государственной поддержки организаций-экспортеров;
заместителя Премьер-министра по финансово-экономическим вопросам и сокращению бедности — министра экономического развития и сокращения бедности Д.А. Кучкарова — за своевременное бюджетное финансирование мероприятий по продвижению экспорта, предоставление организациям-экспортерам налоговых льгот, преференций и субсидий, предусмотренных законодательством;
министра энергетики А.С. Султанова — за бесперебойное обеспечение электроэнергией и природным газом организаций-экспортеров в соответствии с договорными обязательствами;
министра сельского хозяйства Ж.А. Ходжаева — за обеспечение создания эффективной системы производства сельскохозяйственного сырья, расширение экспорта продукции пищевой промышленности, создание в регионах республики крупных агропромышленных кластеров с законченным циклом производства, а также организацию современных интенсивных садов и тепличных хозяйств по производству конкурентоспособной плодоовощной продукции;
исполняющего обязанности министра транспорта И.Р. Махкамова — за бесперебойное обеспечение подвижным составом организаций-экспортеров, расширение авиапарка и железнодорожного подвижного состава, а также организацию свободного перемещения экспортных и транзитных грузов через территорию соседних стран и оптимизацию тарифной политики в сфере грузовых экспортных и транзитных перевозок;
первого заместителя министра иностранных дел Ф.Н. Арзиева — за координацию деятельности дипломатических представительств Республики Узбекистан за рубежом по оказанию содействия отечественным организациям-экспортерам в поиске иностранных партнеров и обеспечении заключения экспортных контрактов и других мер дипломатической поддержки;
Председателя Совета Министров Республики Каракалпакстан, хокимов областей и г. Ташкента — за оказание содействия организациям-экспортерам плодоовощной и промышленной продукции в обеспечении факторами производства и инженерно-коммуникационной инфраструктурой.
9. Министерству инвестиций и внешней торговли совместно с заинтересованными министерствами и ведомствами в двухмесячный срок внести в Кабинет Министров предложения об изменениях и дополнениях в законодательство, вытекающих из настоящего постановления.
10. Контроль за исполнением настоящего постановления возложить на заместителя Премьер-министра Республики Узбекистан С.У. Умурзакова.
Президент Республики Узбекистан Ш. МИРЗИЁЕВ
г. Ташкент,
14 января 2021 г.,
№ ПП-4949