📅 2021-yil 18-yanvar · Vazirlar Mahkamasi qarorlari
Rasmiy matn. Rasmiy hujjat. Tahririy izohlar kiritilmagan.
UzbekAI
📅 2021 йил 18 январь · Вазирлар Маҳкамаси қарорлари
Расмий матн. Расмий ҳужжат. Таҳририй изоҳлар киритилмаган.
📅 18 января 2021 г. · Постановления Кабинета Министров
Официальный текст. Официальный документ. Редакционные примечания не включены.
📅 18 January 2021 · Cabinet of Ministers resolutions
Official text. Official document. Editorial notes are not included.
Ўзбекистон Республикаси Вазирлар Маҳкамасининг
қарори
Ўзбекистон Республикаси вакилларининг ўқишини ташкил этиш учун Япония ҳукумати грантидан самарали фойдаланиш чора-тадбирлари тўғрисида
Ўзбекистон Республикаси вакилларининг Японияда ўқишини ташкил этиш учун берилаётган Япония ҳукуматининг грантларидан самарали фойдаланиш мақсадида Вазирлар Маҳкамаси қарор қилади:
1. Кадрлар тайёрлаш учун стипендиялар ажратиш лойиҳасини амалга ошириш мақсадида Япониянинг етакчи университетлари магистратураси ва докторантурасида Ўзбекистон Республикаси вакилларининг ўқишини ташкил этиш тўғрисидаги Япония ҳукуматининг таклифи (кейинги ўринларда — лойиҳа) қабул қилинсин.
2. Қуйидагилар:
Ўзбекистон Республикаси ва Япония ҳукуматлари ўртасида ҳар йили Япониянинг етакчи университетлари магистратураси ва докторантурасида Ўзбекистон Республикаси вакилларининг ўқишини ташкил этиш бўйича алмашинув ноталари ва грант битимлари имзоланиши;
ҳар йили имзоланадиган алмашинув ноталари ва грант битимлари асосида Япония ҳукумати томонидан Япониянинг етакчи университетларида ўқиш учун стипендиялар ажратилиши;
Ўзбекистон Республикаси Ҳукумати томонидан 2020 йил 18 август куни имзоланган алмашинув нотаси ва грант битими асосида Япония ҳукуматининг 291 млн Япония иенаси (2,6 млн АҚШ долларига эквивалентда) миқдоридаги гранти 2021-2022 йилларда фойдаланиш учун тақдим этилгани;
лойиҳани амалга оширишни мувофиқлаштириш ва ўқиш учун номзодларни танлаб олиш Ўзбекистон Республикаси томонидан — Вазирлар Маҳкамасининг Таълим ва соғлиқни сақлаш масалалари котибияти, Ўзбекистон Республикаси Олий ва ўрта махсус таълим вазирлиги ҳамда Инвестициялар ва ташқи савдо вазирлиги, Япония томонидан — Япониянинг Ўзбекистондаги Элчихонаси, Япония халқаро ҳамкорлик агентлиги (кейинги ўринларда — JICA), Ўзбекистон-Япония Инсон ресурсларини ривожлантириш маркази томонидан амалга оширилиши маълумот учун қабул қилинсин.
3. Ўзбекистон Республикаси Олий ва ўрта махсус таълим вазирлиги ҳамда Инвестициялар ва ташқи савдо вазирлигига ҳар йили:
лойиҳани амалга ошириш доирасида грантни олиш ва ундан фойдаланиш учун Япония томони билан келишган ҳолда тегишли ҳужжатларни расмийлаштириш;
лойиҳани сифатли бажариш ва ҳисоб-китобларни амалга ошириш мақсадида «Ўзбекистон Республикаси Ташқи иқтисодий фаолият миллий банки» АЖ (кейинги ўринларда — «Ўзмиллийбанк» АЖ) билан тегишли агентлик битимини тузиш вазифаси юклансин.
4. Ўзбекистон Республикаси Олий ва ўрта махсус таълим вазирлиги:
грант ҳисоб-китоблари доирасида Япониянинг MUFG Bank, Ltd. банки (кейинги ўринларда — Япония банки) хизматлари ва воситачилик харажатларини тўлаб бериш мажбурияти ҳақида белгиланган шаклдаги кафолат хатини (acknowledgement letter) «Ўзмиллийбанк» АЖга тақдим қилсин;
«Ўзмиллийбанк» АЖ томонидан тегишли талабнома тақдим этилгандан сўнг уч иш куни ичида Япония банки воситачилик ҳақи ва грант бўйича юзага келадиган бошқа харажатларни тўлаб берсин;
грант ҳисоб-китобларини амалга ошириш юзасидан банк хизматлари, воситачилик харажатлари ва грант бўйича юзага келадиган бошқа харажатлар Ўзбекистон Республикаси Олий ва ўрта махсус таълим вазирлигининг Олий таълим муассасаларини ривожлантириш жамғармаси маблағлари ҳисобидан қопланишини таъминласин;
манфаатдор вазирликлар ва идоралар билан биргаликда лойиҳа доирасида Японияда таҳсил олаётган стипендиатларнинг ўқиши ва ўқишни тамомлаган стипендиатларнинг меҳнат фаолияти юзасидан доимий мониторинг олиб борсин.
5. «Ўзмиллийбанк» АЖга ҳар йили:
JICA томонидан ажратилган грантлардан фойдаланиш ва унга хизмат кўрсатиш юзасидан Япония банки билан банклараро битимни тузиш ҳамда юқорида кўрсатиб ўтилган алмашинув ноталари ва грант битимлари асосида грантларнинг ҳисоб-китоб хизматларини Ўзбекистон Республикаси Олий ва ўрта махсус таълим вазирлиги билан лойиҳа доирасида агентлик битими асосида амалга ошириш;
Ўзбекистон Республикаси Олий ва ўрта махсус таълим вазирлиги томонидан тегишли маблағлар тақдим этилгандан сўнг уч иш куни ичида Япония банки воситачилик харажатларини тўлаб бериш тавсия этилсин.
6. Мазкур қарорнинг бажарилишини назорат қилиш Ўзбекистон Республикаси Бош вазирининг ижтимоий ривожлантириш масалалари бўйича ўринбосари Б.А. Мусаев зиммасига юклансин.
Ўзбекистон Республикасининг Бош вазири А. АРИПОВ
Тошкент ш.,
2021 йил 18 январь,
26-сон
Oʻzbekiston Respublikasi Vazirlar Mahkamasining
qarori
Oʻzbekiston Respublikasi vakillarining oʻqishini tashkil etish uchun Yaponiya hukumati grantidan samarali foydalanish chora-tadbirlari toʻgʻrisida
Oʻzbekiston Respublikasi vakillarining Yaponiyada oʻqishini tashkil etish uchun berilayotgan Yaponiya hukumatining grantlaridan samarali foydalanish maqsadida Vazirlar Mahkamasi qaror qiladi:
1. Kadrlar tayyorlash uchun stipendiyalar ajratish loyihasini amalga oshirish maqsadida Yaponiyaning yetakchi universitetlari magistraturasi va doktoranturasida Oʻzbekiston Respublikasi vakillarining oʻqishini tashkil etish toʻgʻrisidagi Yaponiya hukumatining taklifi (keyingi oʻrinlarda — loyiha) qabul qilinsin.
2. Quyidagilar:
Oʻzbekiston Respublikasi va Yaponiya hukumatlari oʻrtasida har yili Yaponiyaning yetakchi universitetlari magistraturasi va doktoranturasida Oʻzbekiston Respublikasi vakillarining oʻqishini tashkil etish boʻyicha almashinuv notalari va grant bitimlari imzolanishi;
har yili imzolanadigan almashinuv notalari va grant bitimlari asosida Yaponiya hukumati tomonidan Yaponiyaning yetakchi universitetlarida oʻqish uchun stipendiyalar ajratilishi;
Oʻzbekiston Respublikasi Hukumati tomonidan 2020-yil 18-avgust kuni imzolangan almashinuv notasi va grant bitimi asosida Yaponiya hukumatining 291 mln Yaponiya iyenasi (2,6 mln AQSh dollariga ekvivalentda) miqdoridagi granti 2021-2022-yillarda foydalanish uchun taqdim etilgani;
loyihani amalga oshirishni muvofiqlashtirish va oʻqish uchun nomzodlarni tanlab olish Oʻzbekiston Respublikasi tomonidan — Vazirlar Mahkamasining Taʼlim va sogʻliqni saqlash masalalari kotibiyati, Oʻzbekiston Respublikasi Oliy va oʻrta maxsus taʼlim vazirligi hamda Investitsiyalar va tashqi savdo vazirligi, Yaponiya tomonidan — Yaponiyaning Oʻzbekistondagi Elchixonasi, Yaponiya xalqaro hamkorlik agentligi (keyingi oʻrinlarda — JICA), Oʻzbekiston-Yaponiya Inson resurslarini rivojlantirish markazi tomonidan amalga oshirilishi maʼlumot uchun qabul qilinsin.
3. Oʻzbekiston Respublikasi Oliy va oʻrta maxsus taʼlim vazirligi hamda Investitsiyalar va tashqi savdo vazirligiga har yili:
loyihani amalga oshirish doirasida grantni olish va undan foydalanish uchun Yaponiya tomoni bilan kelishgan holda tegishli hujjatlarni rasmiylashtirish;
loyihani sifatli bajarish va hisob-kitoblarni amalga oshirish maqsadida “Oʻzbekiston Respublikasi Tashqi iqtisodiy faoliyat milliy banki” AJ (keyingi oʻrinlarda — “Oʻzmilliybank” AJ) bilan tegishli agentlik bitimini tuzish vazifasi yuklansin.
4. Oʻzbekiston Respublikasi Oliy va oʻrta maxsus taʼlim vazirligi:
grant hisob-kitoblari doirasida Yaponiyaning MUFG Bank, Ltd. banki (keyingi oʻrinlarda — Yaponiya banki) xizmatlari va vositachilik xarajatlarini toʻlab berish majburiyati haqida belgilangan shakldagi kafolat xatini (acknowledgement letter) “Oʻzmilliybank” AJga taqdim qilsin;
“Oʻzmilliybank” AJ tomonidan tegishli talabnoma taqdim etilgandan soʻng uch ish kuni ichida Yaponiya banki vositachilik haqi va grant boʻyicha yuzaga keladigan boshqa xarajatlarni toʻlab bersin;
grant hisob-kitoblarini amalga oshirish yuzasidan bank xizmatlari, vositachilik xarajatlari va grant boʻyicha yuzaga keladigan boshqa xarajatlar Oʻzbekiston Respublikasi Oliy va oʻrta maxsus taʼlim vazirligining Oliy taʼlim muassasalarini rivojlantirish jamgʻarmasi mablagʻlari hisobidan qoplanishini taʼminlasin;
manfaatdor vazirliklar va idoralar bilan birgalikda loyiha doirasida Yaponiyada tahsil olayotgan stipendiatlarning oʻqishi va oʻqishni tamomlagan stipendiatlarning mehnat faoliyati yuzasidan doimiy monitoring olib borsin.
5. “Oʻzmilliybank” AJga har yili:
JICA tomonidan ajratilgan grantlardan foydalanish va unga xizmat koʻrsatish yuzasidan Yaponiya banki bilan banklararo bitimni tuzish hamda yuqorida koʻrsatib oʻtilgan almashinuv notalari va grant bitimlari asosida grantlarning hisob-kitob xizmatlarini Oʻzbekiston Respublikasi Oliy va oʻrta maxsus taʼlim vazirligi bilan loyiha doirasida agentlik bitimi asosida amalga oshirish;
Oʻzbekiston Respublikasi Oliy va oʻrta maxsus taʼlim vazirligi tomonidan tegishli mablagʻlar taqdim etilgandan soʻng uch ish kuni ichida Yaponiya banki vositachilik xarajatlarini toʻlab berish tavsiya etilsin.
6. Mazkur qarorning bajarilishini nazorat qilish Oʻzbekiston Respublikasi Bosh vazirining ijtimoiy rivojlantirish masalalari boʻyicha oʻrinbosari B.A. Musayev zimmasiga yuklansin.
Oʻzbekiston Respublikasining Bosh vaziri A. ARIPOV
Toshkent sh.,
2021-yil 18-yanvar,
26-son