📅 2021-yil 18-yanvar · Vazirlar Mahkamasi qarorlari
Rasmiy matn. Rasmiy hujjat. Tahririy izohlar kiritilmagan.
UzbekAI
📅 2021 йил 18 январь · Вазирлар Маҳкамаси қарорлари
Расмий матн. Расмий ҳужжат. Таҳририй изоҳлар киритилмаган.
📅 18 января 2021 г. · Постановления Кабинета Министров
Официальный текст. Официальный документ. Редакционные примечания не включены.
📅 18 January 2021 · Cabinet of Ministers resolutions
Official text. Official document. Editorial notes are not included.
Ўзбекистон Республикаси Вазирлар Маҳкамасининг
қарори
Вазирлар Маҳкамасининг «Tashkent Education» нодавлат таълим ташкилоти фаолиятини ташкил этиш чора-тадбирлари тўғрисида» 2019 йил 2 ноябрдаги 900-сон қарорига ўзгартиришлар киритиш ҳақида
Замонавий технологиялар ва инновацияларга асосланган нодавлат таълим хизматлари кўрсатиш фаолиятини янада кенгайтириш мақсадида Вазирлар Маҳкамаси қарор қилади:
1. Вазирлар Маҳкамасининг «Tashkent Education» нодавлат таълим ташкилоти фаолиятини ташкил этиш чора-тадбирлари тўғрисида» 2019 йил 2 ноябрдаги 900-сон қарорига иловага мувофиқ ўзгартиришлар киритилсин.
2. Ўзбекистон Республикаси Мактабгача таълим вазирлиги манфаатдор вазирлик ва идоралар билан биргаликда ўзлари қабул қилган норматив-ҳуқуқий ҳужжатларни бир ой муддатда мазкур қарорга мувофиқлаштирсин.
3. Мазкур қарор бажарилишини назорат қилиш Ўзбекистон Республикаси Бош вазирининг ижтимоий ривожлантириш масалалари бўйича ўринбосари Б.А. Мусаев ҳамда Ўзбекистон Республикаси мактабгача таълим вазири А.В. Шин зиммасига юклансин.
Вазирлар Маҳкамасининг 2021 йил 18 январдаги 25-сон қарорига ИЛОВА
Вазирлар Маҳкамасининг «Tashkent Education» нодавлат таълим ташкилоти фаолиятини ташкил этиш чора-тадбирлари тўғрисида» 2019 йил 2 ноябрдаги 900-сон қарорига киритилаётган ўзгартиришлар
4-банднинг «б» кичик бандида :
а) учинчи хатбоши қуйидаги таҳрирда баён этилсин:
«ўз маблағлари ҳисобидан Тошкент шаҳар, Мирзо Улуғбек тумани, Марказ — 2, Олой мавзеси манзилида жойлашган 422-сонли давлат мактабгача таълим ташкилоти бино ва иншоотларини реконструкция қилиш ва жиҳозлаш;»
б) саккизинчи хатбоши қуйидаги таҳрирда баён этилсин:
«Ўзбекистон Республикаси Мактабгача таълим вазирлиги келгусида Тошкент шаҳар, Мирзо Улуғбек тумани, Марказ — 2, Олой мавзеси манзилида жойлашган бино ва иншоотлардан белгиланган тартибда давлат мактабгача таълим ташкилоти сифатида фойдаланиш давом эттирилишини таъминласин.».
Ўзбекистон Республикасининг Бош вазири А. АРИПОВ
Тошкент ш.,
2021 йил 18 январь,
25-сон
Oʻzbekiston Respublikasi Vazirlar Mahkamasining
qarori
Vazirlar Mahkamasining “Tashkent Education” nodavlat taʼlim tashkiloti faoliyatini tashkil etish chora-tadbirlari toʻgʻrisida” 2019-yil 2-noyabrdagi 900-son qaroriga oʻzgartirishlar kiritish haqida
Zamonaviy texnologiyalar va innovatsiyalarga asoslangan nodavlat taʼlim xizmatlari koʻrsatish faoliyatini yanada kengaytirish maqsadida Vazirlar Mahkamasi qaror qiladi:
1. Vazirlar Mahkamasining “Tashkent Education” nodavlat taʼlim tashkiloti faoliyatini tashkil etish chora-tadbirlari toʻgʻrisida” 2019-yil 2-noyabrdagi 900-son qaroriga ilovaga muvofiq oʻzgartirishlar kiritilsin.
2. Oʻzbekiston Respublikasi Maktabgacha taʼlim vazirligi manfaatdor vazirlik va idoralar bilan birgalikda oʻzlari qabul qilgan normativ-huquqiy hujjatlarni bir oy muddatda mazkur qarorga muvofiqlashtirsin.
3. Mazkur qaror bajarilishini nazorat qilish Oʻzbekiston Respublikasi Bosh vazirining ijtimoiy rivojlantirish masalalari boʻyicha oʻrinbosari B.A. Musayev hamda Oʻzbekiston Respublikasi maktabgacha taʼlim vaziri A.V. Shin zimmasiga yuklansin.
Vazirlar Mahkamasining 2021-yil 18-yanvardagi 25-son qaroriga ILOVA
Vazirlar Mahkamasining “Tashkent Education” nodavlat taʼlim tashkiloti faoliyatini tashkil etish chora-tadbirlari toʻgʻrisida” 2019-yil 2-noyabrdagi 900-son qaroriga kiritilayotgan oʻzgartirishlar
4-bandning “b” kichik bandida :
a) uchinchi xatboshi quyidagi tahrirda bayon etilsin:
“oʻz mablagʻlari hisobidan Toshkent shahar, Mirzo Ulugʻbek tumani, Markaz — 2, Oloy mavzesi manzilida joylashgan 422-sonli davlat maktabgacha taʼlim tashkiloti bino va inshootlarini rekonstruksiya qilish va jihozlash;”
b) sakkizinchi xatboshi quyidagi tahrirda bayon etilsin:
“Oʻzbekiston Respublikasi Maktabgacha taʼlim vazirligi kelgusida Toshkent shahar, Mirzo Ulugʻbek tumani, Markaz — 2, Oloy mavzesi manzilida joylashgan bino va inshootlardan belgilangan tartibda davlat maktabgacha taʼlim tashkiloti sifatida foydalanish davom ettirilishini taʼminlasin.”.
Oʻzbekiston Respublikasining Bosh vaziri A. ARIPOV
Toshkent sh.,
2021-yil 18-yanvar,
25-son