📅 2021-yil 20-yanvar · Prezident farmonlari
Rasmiy matn. Rasmiy hujjat. Tahririy izohlar kiritilmagan.
UzbekAI
📅 2021 йил 20 январь · Президент фармонлари
Расмий матн. Расмий ҳужжат. Таҳририй изоҳлар киритилмаган.
📅 20 января 2021 г. · Указы Президента
Официальный текст. Официальный документ. Редакционные примечания не включены.
📅 20 January 2021 · Presidential decrees
Official text. Official document. Editorial notes are not included.
Ўзбекистон Республикаси Президентининг
Фармони
Тошкент шаҳри таркибида Янгиҳаёт тумани ташкил этилиши муносабати билан суд тизимини такомиллаштириш чора-тадбирлари тўғрисида
Тошкент вилояти ва Тошкент шаҳри чегараларининг ўзгартирилиши ҳамда Тошкент шаҳри таркибида Янгиҳаёт тумани ташкил этилиши муносабати билан Ўзбекистон Республикаси «Судлар тўғрисида»ги Қонунининг 78-моддасига асосан:
1. Тошкент шаҳрида Жиноят ишлари бўйича Янгиҳаёт туман суди ташкил этилсин.
2. Тошкент шаҳар Янгиҳаёт тумани Фуқаролик ишлари бўйича Яккасарой туманлараро суди, Тошкент туманлараро иқтисодий суди ва Тошкент туманлараро маъмурий судининг юрисдикция ҳудудига киритилсин.
3. Ўзбекистон Республикаси Олий суди ва Молия вазирлигининг Жиноят ишлари бўйича Сирғали, Мирзо Улуғбек туман (Тошкент шаҳри) ҳамда Каттақўрғон шаҳар (Самарқанд вилояти) судларининг биттадан судья ва биттадан судья ёрдамчиси штат бирликларини Жиноят ишлари бўйича Янгиҳаёт туман судига ўтказиш тўғрисидаги таклифлари маъқуллансин.
4. Молия вазирлиги Олий суд билан биргаликда икки ҳафта муддатда тегишли судларнинг штатлар жадвалига ўзгартиришлар киритсин.
5. Тошкент шаҳар ҳокимлиги Олий суд билан биргаликда икки ой муддатда янгидан ташкил этилаётган Жиноят ишлари бўйича Янгиҳаёт туман судининг жойлаштирилишини таъминласин.
6. Ўзбекистон Республикаси Президентининг айрим ҳужжатларига иловага мувофиқ қўшимча ва ўзгартиришлар киритилсин.
7. Мазкур Фармоннинг ижросини назорат қилиш Ўзбекистон Республикаси Президентининг маслаҳатчиси Р.Р. Иноятов зиммасига юклансин.
Ўзбекистон Республикаси Президентининг 2021 йил 20 январдаги ПФ-6143-сон Фармонига ИЛОВА
Ўзбекистон Республикаси Президентининг айрим ҳужжатларига киритилаётган қўшимча ва ўзгартиришлар
1. Ўзбекистон Республикаси Президентининг 2004 йил 20 февралдаги «Умумий юрисдикция судларининг айримларини тугатиш ва қайта ташкил этиш тўғрисида»ги ПФ-3400-сон Фармонига 7-илованинг «Тошкент шаҳри» бўлими «Сирғали» сўзидан кейин «Янгиҳаёт» сўзи билан тўлдирилсин.
2. Ўзбекистон Республикаси Президентининг 2017 йил 21 февралдаги «Ўзбекистон Республикаси суд тизими тузилмасини тубдан такомиллаштириш ва фаолияти самарадорлигини ошириш чора-тадбирлари тўғрисида»ги ПФ-4966-сон Фармони 9-бандида :
тўртинчи хатбошидаги «837» рақами «835» рақами билан алмаштирилсин;
саккизинчи хатбошидаги «970» рақами «972» рақами билан алмаштирилсин.
3. Ўзбекистон Республикаси Президентининг 2018 йил 13 июлдаги «Суд-ҳуқуқ тизимини янада такомиллаштириш ва суд ҳокимияти органларига ишончни ошириш чора-тадбирлари тўғрисида»ги ПФ-5482-сон Фармони 5-бандида :
иккинчи хатбоши чиқариб ташлансин;
учинчи — олтинчи хатбошилар тегишинча иккинчи — бешинчи хатбошилар деб ҳисоблансин.
4. Ўзбекистон Республикаси Президентининг 2020 йил 24 июлдаги «Судлар фаолиятини янада такомиллаштириш ва одил судлов самарадорлигини оширишга доир қўшимча чора-тадбирлар тўғрисида»ги ПФ-6034-сон Фармонида :
2-иловадаги «837» рақами «835» рақами билан алмаштирилсин;
6-иловадаги «970» рақами «972» рақами билан алмаштирилсин;
10 ва 11-иловаларнинг «Тошкент шаҳри» бўлимлари «Сирғали тумани» сўзларидан кейин «Янгиҳаёт тумани» сўзлари билан тўлдирилсин.
Ўзбекистон Республикаси Президенти Ш. МИРЗИЁЕВ
Тошкент ш.,
2021 йил 20 январь,
ПФ-6143-сон
Oʻzbekiston Respublikasi Prezidentining
Farmoni
Toshkent shahri tarkibida Yangihayot tumani tashkil etilishi munosabati bilan sud tizimini takomillashtirish chora-tadbirlari toʻgʻrisida
Toshkent viloyati va Toshkent shahri chegaralarining oʻzgartirilishi hamda Toshkent shahri tarkibida Yangihayot tumani tashkil etilishi munosabati bilan Oʻzbekiston Respublikasi “Sudlar toʻgʻrisida”gi Qonunining 78-moddasiga asosan:
1. Toshkent shahrida Jinoyat ishlari boʻyicha Yangihayot tuman sudi tashkil etilsin.
2. Toshkent shahar Yangihayot tumani Fuqarolik ishlari boʻyicha Yakkasaroy tumanlararo sudi, Toshkent tumanlararo iqtisodiy sudi va Toshkent tumanlararo maʼmuriy sudining yurisdiksiya hududiga kiritilsin.
3. Oʻzbekiston Respublikasi Oliy sudi va Moliya vazirligining Jinoyat ishlari boʻyicha Sirgʻali, Mirzo Ulugʻbek tuman (Toshkent shahri) hamda Kattaqoʻrgʻon shahar (Samarqand viloyati) sudlarining bittadan sudya va bittadan sudya yordamchisi shtat birliklarini Jinoyat ishlari boʻyicha Yangihayot tuman sudiga oʻtkazish toʻgʻrisidagi takliflari maʼqullansin.
4. Moliya vazirligi Oliy sud bilan birgalikda ikki hafta muddatda tegishli sudlarning shtatlar jadvaliga oʻzgartirishlar kiritsin.
5. Toshkent shahar hokimligi Oliy sud bilan birgalikda ikki oy muddatda yangidan tashkil etilayotgan Jinoyat ishlari boʻyicha Yangihayot tuman sudining joylashtirilishini taʼminlasin.
6. Oʻzbekiston Respublikasi Prezidentining ayrim hujjatlariga ilovaga muvofiq qoʻshimcha va oʻzgartirishlar kiritilsin.
7. Mazkur Farmonning ijrosini nazorat qilish Oʻzbekiston Respublikasi Prezidentining maslahatchisi R.R. Inoyatov zimmasiga yuklansin.
Oʻzbekiston Respublikasi Prezidentining 2021-yil 20-yanvardagi PF-6143-son Farmoniga ILOVA
Oʻzbekiston Respublikasi Prezidentining ayrim hujjatlariga kiritilayotgan qoʻshimcha va oʻzgartirishlar
1. Oʻzbekiston Respublikasi Prezidentining 2004-yil 20-fevraldagi “Umumiy yurisdiksiya sudlarining ayrimlarini tugatish va qayta tashkil etish toʻgʻrisida”gi PF-3400-son Farmoniga 7-ilovaning “Toshkent shahri” boʻlimi “Sirgʻali” soʻzidan keyin “Yangihayot” soʻzi bilan toʻldirilsin.
2. Oʻzbekiston Respublikasi Prezidentining 2017-yil 21-fevraldagi “Oʻzbekiston Respublikasi sud tizimi tuzilmasini tubdan takomillashtirish va faoliyati samaradorligini oshirish chora-tadbirlari toʻgʻrisida”gi PF-4966-son Farmoni 9-bandida :
toʻrtinchi xatboshidagi “837” raqami “835” raqami bilan almashtirilsin;
sakkizinchi xatboshidagi “970” raqami “972” raqami bilan almashtirilsin.
3. Oʻzbekiston Respublikasi Prezidentining 2018-yil 13-iyuldagi “Sud-huquq tizimini yanada takomillashtirish va sud hokimiyati organlariga ishonchni oshirish chora-tadbirlari toʻgʻrisida”gi PF-5482-son Farmoni 5-bandida :
ikkinchi xatboshi chiqarib tashlansin;
uchinchi — oltinchi xatboshilar tegishincha ikkinchi — beshinchi xatboshilar deb hisoblansin.
4. Oʻzbekiston Respublikasi Prezidentining 2020-yil 24-iyuldagi “Sudlar faoliyatini yanada takomillashtirish va odil sudlov samaradorligini oshirishga doir qoʻshimcha chora-tadbirlar toʻgʻrisida”gi PF-6034-son Farmonida :
2-ilovadagi “837” raqami “835” raqami bilan almashtirilsin;
6-ilovadagi “970” raqami “972” raqami bilan almashtirilsin;
10 va 11-ilovalarning “Toshkent shahri” boʻlimlari “Sirgʻali tumani” soʻzlaridan keyin “Yangihayot tumani” soʻzlari bilan toʻldirilsin.
Oʻzbekiston Respublikasi Prezidenti Sh. MIRZIYOYEV
Toshkent sh.,
2021-yil 20-yanvar,
PF-6143-son
Президента Республики Узбекистан
Указ
О мерах по совершенствованию судебной системы в связи с образованием Янгихаётского района в составе города Ташкента
На основании статьи 78 Закона Республики Узбекистан «О судах» в связи с изменением границ Ташкентской области и города Ташкента и образованием Янгихаётского района в составе города Ташкента:
1. Образовать в городе Ташкенте Янгихаётский районный суд по уголовным делам.
2. Включить Янгихаётский район города Ташкента в зону юрисдикции Яккасарайского межрайонного суда по гражданским делам, Ташкентского межрайонного экономического суда и Ташкентского межрайонного административного суда.
3. Одобрить предложения Верховного суда и Министерства финансов Республики Узбекистан о передаче Янгихаётскому районному суду по уголовным делам по одной штатной единице судьи и одной штатной единице помощника судьи Сергелийского, Мирзо-Улугбекского районных (город Ташкент) и Каттакурганского городского (Самаркандская область) судов по уголовным делам.
4. Министерству финансов совместно с Верховным судом в двухнедельный срок внести изменения в штатные расписания соответствующих судов.
5. Хокимияту города Ташкента совместно с Верховным судом в двухмесячный срок обеспечить размещение вновь создаваемого Янгихаётского районного суда по уголовным делам.
6. Внести дополнения и изменения в некоторые акты Президента Республики Узбекистан согласно приложению .
7. Контроль за исполнением настоящего Указа возложить на советника Президента Республики Узбекистан Р.Р. Иноятова.
ПРИЛОЖЕНИЕ к Указу Президента Республики Узбекистан от 20 января 2021 года № УП-6143
Дополнения и изменения, вносимые в некоторые акты Президента Республики Узбекистан
1. Текст на узбекском языке раздела «Тошкент шаҳри» приложения № 7 к Указу Президента Республики Узбекистан от 20 февраля 2004 года № УП-3400 «О ликвидации и преобразовании некоторых судов общей юрисдикции» после слова «Сирғали» дополнить словом «Янгиҳаёт».
2. В пункте 9 Указа Президента Республики Узбекистан от 21 февраля 2017 года № УП-4966 «О мерах по коренному совершенствованию структуры и повышению эффективности деятельности судебной системы Республики Узбекистан»:
в абзаце четвертом цифру «837» заменить цифрой «835»;
в абзаце восьмом цифру «970» заменить цифрой «972».
3. В пункте 5 Указа Президента Республики Узбекистан от 13 июля 2018 года № УП-5482 «О мерах по дальнейшему совершенствованию судебно-правовой системы и повышению доверия к органам судебной власти»:
абзац второй исключить;
абзацы третий — шестой считать соответственно абзацами вторым — пятым.
4. В Указе Президента Республики Узбекистан от 24 июля 2020 года № УП-6034 «О дополнительных мерах по дальнейшему совершенствованию деятельности судов и повышению эффективности правосудия»:
в приложении № 2 цифру «837» заменить цифрой «835»;
в приложении № 6 цифру «970» заменить цифрой «972»;
разделы «город Ташкент» приложений №№ 10 и 11 после слов «Сергелийский район» дополнить словами «Янгихаётский район».
Президент Республики Узбекистан Ш. МИРЗИЁЕВ
г. Ташкент,
20 января 2021 г.,
№ УП-6143