UzbekAI

Ўзбекистон Республикаси Президентининг

Қарори

Халқаро шартномани тасдиқлаш тўғрисида

«Ўзбекистон Республикасининг халқаро шартномалари тўғрисида»ги Ўзбекистон Республикаси қонунининг 22-моддасига мувофиқ:

1. 2019 йил 28 май куни Тошкент шаҳрида имзоланган Ўзбекистон Республикаси Ҳукумати билан Германия Федератив Республикаси Ҳукумати ўртасида махфий ахборотни алмашиш ва ўзаро муҳофаза қилиш тўғрисидаги битим тасдиқлансин.

2. Ўзбекистон Республикаси Давлат хавфсизлик хизмати юқорида кўрсатилган халқаро шартномани амалга ошириш юзасидан масъул ваколатли орган этиб белгилансин.

3. Ўзбекистон Республикаси Ташки ишлар вазирлиги немис томонига мазкур халқаро шартнома кучга кириши учун Ўзбекистон Республикаси томонидан зарур бўлган давлат ички процедуралари бажарилганлиги тўғрисидаги тегишли билдиришномани юборсин.

4. Ўзбекистон Республикаси Вазирлар Маҳкамаси хамда тегишли вазирликлар ва идораларнинг раҳбарлари ушбу халқаро шартнома кучга киргандан кейин унинг қоидалари бажарилиши устидан белгиланган тартибда назоратни таъминласин.

5. Мазкур қарорнинг ижросини назорат қилиш Ўзбекистон Республикаси Президенти ҳузуридаги Хавфсизлик кенгаши котиби В.В. Махмудов ва Ўзбекистон Республикаси Давлат хавфсизлик хизмати раиси А.А. Азизов зиммасига юклансин.

Ўзбекистон Республикаси Президенти Ш. МИРЗИЁЕВ

Тошкент ш.,

2021 йил 21 январь,

ПҚ-4958-сон

(Қонун ҳужжатлари маълумотлари миллий базаси, 22.01.2021 й., 07/21/4958/0061-сон)

lex.uz

Oʻzbekiston Respublikasi Prezidentining

Qarori

Xalqaro shartnomani tasdiqlash toʻgʻrisida

“Oʻzbekiston Respublikasining xalqaro shartnomalari toʻgʻrisida”gi Oʻzbekiston Respublikasi qonunining 22-moddasiga muvofiq:

1. 2019-yil 28-may kuni Toshkent shahrida imzolangan Oʻzbekiston Respublikasi Hukumati bilan Germaniya Federativ Respublikasi Hukumati oʻrtasida maxfiy axborotni almashish va oʻzaro muhofaza qilish toʻgʻrisidagi bitim tasdiqlansin.

2. Oʻzbekiston Respublikasi Davlat xavfsizlik xizmati yuqorida koʻrsatilgan xalqaro shartnomani amalga oshirish yuzasidan masʼul vakolatli organ etib belgilansin.

3. Oʻzbekiston Respublikasi Tashki ishlar vazirligi nemis tomoniga mazkur xalqaro shartnoma kuchga kirishi uchun Oʻzbekiston Respublikasi tomonidan zarur boʻlgan davlat ichki protseduralari bajarilganligi toʻgʻrisidagi tegishli bildirishnomani yuborsin.

4. Oʻzbekiston Respublikasi Vazirlar Mahkamasi xamda tegishli vazirliklar va idoralarning rahbarlari ushbu xalqaro shartnoma kuchga kirgandan keyin uning qoidalari bajarilishi ustidan belgilangan tartibda nazoratni taʼminlasin.

5. Mazkur qarorning ijrosini nazorat qilish Oʻzbekiston Respublikasi Prezidenti huzuridagi Xavfsizlik kengashi kotibi V.V. Maxmudov va Oʻzbekiston Respublikasi Davlat xavfsizlik xizmati raisi A.A. Azizov zimmasiga yuklansin.

Oʻzbekiston Respublikasi Prezidenti Sh. MIRZIYOYEV

Toshkent sh.,

2021-yil 21-yanvar,

PQ-4958-son

(Qonun hujjatlari maʼlumotlari milliy bazasi, 22.01.2021-y., 07/21/4958/0061-son)

lex.uz

Президента Республики Узбекистан

Постановление

Об утверждении международного договора

В соответствии со статьей 22 Закона Республики Узбекистан «О международных договорах Республики Узбекистан»:

1. Утвердить Соглашение между Правительством Республики Узбекистан и Правительством Федеративной Республики Германия об обмене и взаимной защите секретной информации, подписанное 28 мая 2019 года в городе Ташкенте.

2. Определить Службу государственной безопасности Республики Узбекистан уполномоченным органом по реализации вышеуказанного международного соглашения.

3. Министерству иностранных дел Республики Узбекистан направить Федеративной Республике Германия соответствующее уведомление о выполнении Республикой Узбекистан внутригосударственных процедур, необходимых для вступления в силу указанного международного договора.

4. Кабинету Министров Республики Узбекистан и руководителям соответствующих министерств и ведомств после вступления в силу данного международного договора в установленном порядке обеспечить контроль за выполнением его положений.

5. Контроль за исполнением настоящего постановления возложить на секретаря Совета безопасности при Президенте Республики Узбекистан В.В. Махмудова и председателя Службы государственной безопасности Республики Узбекистан А.А. Азизова.

Президент Республики Узбекистан Ш. МИРЗИЁЕВ

г. Ташкент,

21 января 2021 г.,

№ ПП-4958

(Национальная база данных законодательства, 22.01.2021 г., № 07/21/4958/0061)

lex.uz