📅 2021-yil 27-yanvar · Prezident qarorlari
Rasmiy matn. Rasmiy hujjat. Tahririy izohlar kiritilmagan.
UzbekAI
📅 2021 йил 27 январь · Президент қарорлари
Расмий матн. Расмий ҳужжат. Таҳририй изоҳлар киритилмаган.
📅 27 января 2021 г. · Постановления Президента
Официальный текст. Официальный документ. Редакционные примечания не включены.
📅 27 January 2021 · Presidential resolutions
Official text. Official document. Editorial notes are not included.
Ўзбекистон Республикаси Президентининг
Қарори
Фермер, деҳқон хўжаликлари ва томорқа ер эгаларини молиявий қўллаб-қувватлаш бўйича қўшимча чора-тадбирлар тўғрисида
Фермер, деҳқон хўжаликлари ва томорқа ер эгалари фаолиятининг самарадорлигини янада ошириш, экин ерларидан самарали фойдаланиш, ҳудудларда фуқароларнинг бандлиги ва фаровонлигини ошириш мақсадида:
1. Ўзбекистон фермер, деҳқон хўжаликлари ва томорқа ер эгалари кенгаши ҳузуридаги Фермер, деҳқон хўжаликлари ва томорқа ер эгаларини қўллаб-қувватлаш жамғармасининг (кейинги ўринларда — Жамғарма) 413 миллиард сўм миқдоридаги маблағлари тижорат банклари орқали кредит маблағлари ажратишга йўналтирилганлиги маълумот учун қабул қилинсин.
2. Жамғарма «Микрокредитбанк» АТБ, «Агробанк» АТБ ҳамда АТ «Халқ банки» билан биргаликда Жамғарма томонидан аввал ажратилган кредит маблағларининг сўндирилган қисми ҳисобидан янги лойиҳаларни молиялаштириш учун кредит маблағлари ажратилишини таъминласин.
3. Молия вазирлиги Жамғармага тижорат банклари орқали «Томорқа хизмати» МЧЖлар, фермер ва деҳқон хўжаликлари моддий-техник базасини мустаҳкамлаш ҳамда томорқа ер эгаларини молиявий таъминлаш учун Ўзбекистон Республикаси Давлат бюджетини қўллаб-қувватлашга жалб қилинадиган халқаро молия институтлари ва хорижий ҳукумат молия ташкилотларининг қарз маблағлари ҳисобидан 200 миллиард сўм миқдорида маблағ ажратсин.
Белгилансинки, мазкур маблағларнинг 100 миллиард сўми жорий йилнинг биринчи чорагида, қолган қисми ҳақиқий талабдан келиб чиқиб, кейинги чоракларда молиялаштириб берилади ҳамда камида 50 миллиард сўми «Туронбанк» АТБ орқали лимончилик йўналишидаги лойиҳалар учун ажратилади.
4. Молия вазирлиги Жамғарма томонидан тижорат банкларига ажратилган кредит маблағларининг самарали ишлатилиши бўйича ўрганиш олиб борсин ва натижаси бўйича 2021 йилнинг 1 майига қадар Вазирлар Маҳкамасига ахборот киритсин.
5. Вазирлар Маҳкамаси икки ой муддатда «2021 йил учун Ўзбекистон Республикасининг Давлат бюджети тўғрисида»ги Ўзбекистон Республикаси Қонунига ўзгартиш ва қўшимчалар киритиш ҳақида»ги қонун лойиҳасини Олий Мажлис Қонунчилик палатасига белгиланган тартибда киритсин.
6. Мазкур қарорнинг ижросини назорат қилиш Ўзбекистон Республикаси Бош вазирининг ўринбосари Ш.М. Ғаниев зиммасига юклансин.
Ўзбекистон Республикаси Президенти Ш. МИРЗИЁЕВ
Тошкент ш.,
2021 йил 27 январь,
ПҚ-4964-сон
Oʻzbekiston Respublikasi Prezidentining
Qarori
Fermer, dehqon xoʻjaliklari va tomorqa yer egalarini moliyaviy qoʻllab-quvvatlash boʻyicha qoʻshimcha chora-tadbirlar toʻgʻrisida
Fermer, dehqon xoʻjaliklari va tomorqa yer egalari faoliyatining samaradorligini yanada oshirish, ekin yerlaridan samarali foydalanish, hududlarda fuqarolarning bandligi va farovonligini oshirish maqsadida:
1. Oʻzbekiston fermer, dehqon xoʻjaliklari va tomorqa yer egalari kengashi huzuridagi Fermer, dehqon xoʻjaliklari va tomorqa yer egalarini qoʻllab-quvvatlash jamgʻarmasining (keyingi oʻrinlarda — Jamgʻarma) 413 milliard soʻm miqdoridagi mablagʻlari tijorat banklari orqali kredit mablagʻlari ajratishga yoʻnaltirilganligi maʼlumot uchun qabul qilinsin.
2. Jamgʻarma “Mikrokreditbank” ATB, “Agrobank” ATB hamda AT “Xalq banki” bilan birgalikda Jamgʻarma tomonidan avval ajratilgan kredit mablagʻlarining soʻndirilgan qismi hisobidan yangi loyihalarni moliyalashtirish uchun kredit mablagʻlari ajratilishini taʼminlasin.
3. Moliya vazirligi Jamgʻarmaga tijorat banklari orqali “Tomorqa xizmati” MCHJlar, fermer va dehqon xoʻjaliklari moddiy-texnik bazasini mustahkamlash hamda tomorqa yer egalarini moliyaviy taʼminlash uchun Oʻzbekiston Respublikasi Davlat budjetini qoʻllab-quvvatlashga jalb qilinadigan xalqaro moliya institutlari va xorijiy hukumat moliya tashkilotlarining qarz mablagʻlari hisobidan 200 milliard soʻm miqdorida mablagʻ ajratsin.
Belgilansinki, mazkur mablagʻlarning 100 milliard soʻmi joriy yilning birinchi choragida, qolgan qismi haqiqiy talabdan kelib chiqib, keyingi choraklarda moliyalashtirib beriladi hamda kamida 50 milliard soʻmi “Turonbank” ATB orqali limonchilik yoʻnalishidagi loyihalar uchun ajratiladi.
4. Moliya vazirligi Jamgʻarma tomonidan tijorat banklariga ajratilgan kredit mablagʻlarining samarali ishlatilishi boʻyicha oʻrganish olib borsin va natijasi boʻyicha 2021-yilning 1-mayiga qadar Vazirlar Mahkamasiga axborot kiritsin.
5. Vazirlar Mahkamasi ikki oy muddatda “2021-yil uchun Oʻzbekiston Respublikasining Davlat budjeti toʻgʻrisida”gi Oʻzbekiston Respublikasi Qonuniga oʻzgartish va qoʻshimchalar kiritish haqida”gi qonun loyihasini Oliy Majlis Qonunchilik palatasiga belgilangan tartibda kiritsin.
6. Mazkur qarorning ijrosini nazorat qilish Oʻzbekiston Respublikasi Bosh vazirining oʻrinbosari Sh.M. Gʻaniyev zimmasiga yuklansin.
Oʻzbekiston Respublikasi Prezidenti Sh. MIRZIYOYEV
Toshkent sh.,
2021-yil 27-yanvar,
PQ-4964-son
Президента Республики Узбекистан
Постановление
О дополнительных мерах по финансовой поддержке фермерских, дехканских хозяйств и владельцев приусадебных земель
В целях дальнейшего повышения эффективности деятельности фермерских, дехканских хозяйств и владельцев приусадебных земель, эффективного использования посевных земель, повышения занятости и благосостояния населения в регионах:
1. Принять к сведению, что средства Фонда поддержки фермерских, дехканских хозяйств и владельцев приусадебных земель при Совете фермерских, дехканских хозяйств и владельцев приусадебных земель Узбекистана (далее — Фонд) в размере 413 миллиардов сумов направлены на выделение кредитных средств через коммерческие банки.
2. Фонду совместно с АКБ «Микрокредитбанк», АКБ «Агробанк» и АК «Халк банки» обеспечить выделение кредитных средств для финансирования новых проектов за счет погашенной части кредитных средств, ранее выделенных Фондом.
3. Министерству финансов выделить Фонду через коммерческие банки средства в размере 200 миллиардов сумов за счет заемных средств международных финансовых институтов и зарубежных правительственных финансовых организаций, привлекаемых для поддержки Государственного бюджета Республики Узбекистан, в целях укрепления материально-технической базы ООО «Томорка хизмати», фермерских и дехканских хозяйств и финансовой поддержки владельцев приусадебных земель.
Установить, что 100 миллиардов сумов данных средств финансируется в первом квартале текущего года, остальная часть — исходя из фактического требования в следующих кварталах, а также не менее 50 миллиардов сумов выделяется через АКБ «Туронбанк» на проекты по направлению лимоноводства.
4. Министерству финансов осуществлять изучение эффективного расходования кредитных средств, выделенных Фондом коммерческим банкам, и до 1 мая 2021 года внести в Кабинет Министров информацию по его результатам.
5. Кабинету Министров в двухмесячный срок в установленном порядке внести в Законодательную палату Олий Мажлиса проект закона «О внесении изменений и дополнений в Закон Республики Узбекистан «О Государственном бюджете Республики Узбекистан на 2021 год».
6. Контроль за исполнением настоящего постановления возложить на заместителя Премьер-министра Республики Узбекистан Ш.М. Ганиева.
Президент Республики Узбекистан Ш. МИРЗИЁЕВ
г. Ташкент,
27 января 2021 г.,
№ ПП-4964