📅 2021-yil 1-fevral · Prezident qarorlari
Rasmiy matn. Rasmiy hujjat. Tahririy izohlar kiritilmagan.
UzbekAI
📅 2021 йил 1 февраль · Президент қарорлари
Расмий матн. Расмий ҳужжат. Таҳририй изоҳлар киритилмаган.
📅 1 февраля 2021 г. · Постановления Президента
Официальный текст. Официальный документ. Редакционные примечания не включены.
📅 1 February 2021 · Presidential resolutions
Official text. Official document. Editorial notes are not included.
Ўзбекистон Республикаси Президентининг
Қарори
Қишлоқ хўжалиги машинасозлиги тармоғида соғлом рақобат муҳитини яратишга доир қўшимча чора-тадбирлар тўғрисида
Қишлоқ хўжалиги машинасозлиги тармоғида соғлом рақобат муҳитини ривожлантириш, барча ишлаб чиқарувчиларга тенг шароитлар яратиш ва тармоқнинг инвестициявий жозибадорлигини ошириш мақсадида:
1. Қишлоқ хўжалиги машинасозлиги тармоғида фаолият юритувчи маҳаллий қишлоқ хўжалиги техникасини ишлаб чиқарувчилар қишлоқ хўжалиги техникасини ишлаб чиқариш ва унга сервис хизматини кўрсатиш учун бутловчи буюмлар, хом ашё ва материалларни импорт қилишда товарлар эркин муомалага (импортга) чиқаришнинг божхона режимига жойлаштирилган санадан бошлаб қўшилган қиймат солиғини 120 кун кечиктириб тўлашига рухсат берилсин.
2. Белгилансинки, ушбу қарорга мувофиқ имтиёзлар қўлланган ҳолда:
импорт қилинадиган эҳтиёт қисмлари ва бутловчи буюмлар рўйхатлари ва уларга тузатишлар имтиёз берилган ташкилот томонидан шакллантирилади ҳамда улар юзасидан Иқтисодий тараққиёт ва камбағалликни қисқартириш вазирлиги ҳузуридаги «Лойиҳалар ва импорт контрактларини комплекс экспертиза қилиш маркази» ДУКнинг ижобий хулосаси олинган тақдирда, импорт қилувчи ҳар қандай ташкилотлар рўйхатда кўрсатилган товарларни белгиланган тартибда импорт қилиш ҳуқуқига эга бўлади;
импорт қилинган товарлардан мақсадли фойдаланиш учун импорт қилган ташкилотлар раҳбарлари шахсан масъул ҳисобланади.
3. Иқтисодий тараққиёт ва камбағалликни қисқартириш вазирлиги Молия вазирлиги, Қишлоқ хўжалиги вазирлиги ва тегишли манфаатдор ташкилотлар билан биргаликда 2021 йил 1 декабрга қадар қишлоқ хўжалиги машинасозлигини янада ривожлантиришни рағбатлантириш, шу жумладан тармоқда янги маҳсулотларни ишлаб чиқаришни йўлга қўйиш ҳамда маҳаллийлаштиришни чуқурлаштиришга қаратилган лойиҳаларни хорижий ва маҳаллий инвесторлар учун жозибадорлигини ошириш бўйича таклифлар ишлаб чиқсин ва белгиланган тартибда Вазирлар Маҳкамасига киритсин.
4. Мазкур қарорнинг ижросини назорат қилиш Ўзбекистон Республикаси Бош вазирининг ўринбосарлари Ж.А. Қўчқоров ва С.Ў. Умурзаков зиммасига юклансин.
Ўзбекистон Республикаси Президенти Ш. МИРЗИЁЕВ
Тошкент ш.,
2021 йил 1 февраль,
ПҚ-4969-сон
Oʻzbekiston Respublikasi Prezidentining
Qarori
Qishloq xoʻjaligi mashinasozligi tarmogʻida sogʻlom raqobat muhitini yaratishga doir qoʻshimcha chora-tadbirlar toʻgʻrisida
Qishloq xoʻjaligi mashinasozligi tarmogʻida sogʻlom raqobat muhitini rivojlantirish, barcha ishlab chiqaruvchilarga teng sharoitlar yaratish va tarmoqning investitsiyaviy jozibadorligini oshirish maqsadida:
1. Qishloq xoʻjaligi mashinasozligi tarmogʻida faoliyat yurituvchi mahalliy qishloq xoʻjaligi texnikasini ishlab chiqaruvchilar qishloq xoʻjaligi texnikasini ishlab chiqarish va unga servis xizmatini koʻrsatish uchun butlovchi buyumlar, xom ashyo va materiallarni import qilishda tovarlar erkin muomalaga (importga) chiqarishning bojxona rejimiga joylashtirilgan sanadan boshlab qoʻshilgan qiymat soligʻini 120 kun kechiktirib toʻlashiga ruxsat berilsin.
2. Belgilansinki, ushbu qarorga muvofiq imtiyozlar qoʻllangan holda:
import qilinadigan ehtiyot qismlari va butlovchi buyumlar roʻyxatlari va ularga tuzatishlar imtiyoz berilgan tashkilot tomonidan shakllantiriladi hamda ular yuzasidan Iqtisodiy taraqqiyot va kambagʻallikni qisqartirish vazirligi huzuridagi “Loyihalar va import kontraktlarini kompleks ekspertiza qilish markazi” DUKning ijobiy xulosasi olingan taqdirda, import qiluvchi har qanday tashkilotlar roʻyxatda koʻrsatilgan tovarlarni belgilangan tartibda import qilish huquqiga ega boʻladi;
import qilingan tovarlardan maqsadli foydalanish uchun import qilgan tashkilotlar rahbarlari shaxsan masʼul hisoblanadi.
3. Iqtisodiy taraqqiyot va kambagʻallikni qisqartirish vazirligi Moliya vazirligi, Qishloq xoʻjaligi vazirligi va tegishli manfaatdor tashkilotlar bilan birgalikda 2021-yil 1-dekabrga qadar qishloq xoʻjaligi mashinasozligini yanada rivojlantirishni ragʻbatlantirish, shu jumladan tarmoqda yangi mahsulotlarni ishlab chiqarishni yoʻlga qoʻyish hamda mahalliylashtirishni chuqurlashtirishga qaratilgan loyihalarni xorijiy va mahalliy investorlar uchun jozibadorligini oshirish boʻyicha takliflar ishlab chiqsin va belgilangan tartibda Vazirlar Mahkamasiga kiritsin.
4. Mazkur qarorning ijrosini nazorat qilish Oʻzbekiston Respublikasi Bosh vazirining oʻrinbosarlari J.A. Qoʻchqorov va S.Oʻ. Umurzakov zimmasiga yuklansin.
Oʻzbekiston Respublikasi Prezidenti Sh. MIRZIYOYEV
Toshkent sh.,
2021-yil 1-fevral,
PQ-4969-son
Президента Республики Узбекистан
Постановление
О дополнительных мерах по созданию здоровой конкурентной среды в отрасли сельскохозяйственного машиностроения
В целях развития здоровой конкурентной среды, создания равных условий для всех производителей и повышения инвестиционной привлекательности отрасли сельскохозяйственного машиностроения:
1. Разрешить отечественным производителям сельскохозяйственной техники, осуществляющим деятельность в отрасли сельскохозяйственного машиностроения, отсрочку уплаты налога на добавленную стоимость на срок 120 дней, начиная со дня помещения в таможенный режим «выпуск для свободного обращения» (импорта) товаров при импорте комплектующих, сырья и материалов для производства и сервисного обслуживания сельскохозяйственной техники.
2. Установить, что при применении льгот в соответствии с настоящим постановлением:
перечни запасных частей и комплектующих, подлежащих импорту, а также корректировки к ним формируются привилегированной организацией, в случае получения по ним положительного заключения ГУП «Центр комплексной экспертизы проектов и импортных контрактов» при Министерстве экономического развития и сокращения бедности любая организация-импортер получает право на импорт товаров, указанных в перечнях, в установленном порядке;
на руководителей организаций-импортеров возлагается персональная ответственность за целевое использование импортированных товаров.
3. Министерству экономического развития и сокращения бедности совместно с Министерством финансов, Министерством сельского хозяйства и соответствующими заинтересованными организациями в срок до 1 декабря 2021 года разработать и внести в Кабинет Министров в установленном порядке предложения о повышении привлекательности для зарубежных и отечественных инвесторов проектов, направленных на стимулирование дальнейшего развития сельскохозяйственного машиностроения, в том числе организацию производства новой продукции и углубление локализации в данной отрасли.
4. Контроль за исполнением настоящего постановления возложить на заместителей Премьер-министра Республики Узбекистан Д.А. Кучкарова и С.У. Умурзакова.
Президент Республики Узбекистан Ш. МИРЗИЁЕВ
г. Ташкент,
1 февраля 2021 г.,
№ ПП-4969