📅 2021-yil 4-fevral · Prezident qarorlari
Rasmiy matn. Rasmiy hujjat. Tahririy izohlar kiritilmagan.
UzbekAI
📅 2021 йил 4 февраль · Президент қарорлари
Расмий матн. Расмий ҳужжат. Таҳририй изоҳлар киритилмаган.
📅 4 февраля 2021 г. · Постановления Президента
Официальный текст. Официальный документ. Редакционные примечания не включены.
📅 4 February 2021 · Presidential resolutions
Official text. Official document. Editorial notes are not included.
Ўзбекистон Республикаси Президентининг
Қарори
ТАРКИБИ
Тошкент шаҳрида «Янгиҳаёт» индустриал технопаркини ташкил этиш чора-тадбирлари тўғрисида
Тошкент шаҳрининг саноат ва экспорт салоҳиятини ошириш, янги турдаги рақобатбардош саноат маҳсулотлари ишлаб чиқаришни кенгайтириш, иқтисодиёт тармоқларига замонавий технологияларни жорий этиш, шу асосда аҳолини юқори даромадли иш жойлари билан таъминлаш мақсадида:
1. Тошкент шаҳар ҳокимлиги, Иқтисодий тараққиёт ва камбағалликни қисқартириш вазирлиги, Инвестициялар ва ташқи савдо вазирлигининг Тошкент шаҳри, Янгиҳаёт туманида «Хўжа Учқун», «Жалойиқ» ва «Гулзор» маҳаллалари туташган ҳудуддаги қишлоқ хўжалигига мўлжалланган ер майдонлари ҳисобидан 210 гектар ер участкасида «Янгиҳаёт» индустриал технопаркини ташкил этиш тўғрисидаги таклифига розилик берилсин.
Тошкент шаҳар ҳокимлиги (Ж.А. Артикходжаев) Давлат солиқ қўмитаси ҳузуридаги Кадастр агентлиги (Ф.К. Умаров) билан биргаликда ўн кун муддатда ушбу бандда назарда тутилган ер майдонларини «Янгиҳаёт» индустриал технопаркини ташкил этиш учун ажратсин.
2. «Янгиҳаёт» индустриал технопаркини ташкил этиш бўйича ташкилий комиссия (кейинги ўринларда — Ташкилий комиссия) иловага мувофиқ таркибда тузилсин.
Ташкилий комиссия (А.Н. Арипов):
а) бир ҳафта муддатда:
«Янгиҳаёт» индустриал технопарки таркибига киритиладиган ер майдонларининг чегараларини аниқ белгиласин;
«Янгиҳаёт» индустриал технопарки дирекциясини ташкил этсин;
б) икки ҳафта муддатда «Янгиҳаёт» индустриал технопаркининг бош режаси лойиҳаси ишлаб чиқилиши ва белгиланган тартибда тасдиқланишини таъминласин;
в) бир ой муддатда:
«Янгиҳаёт» индустриал технопаркининг ташқи муҳандислик-коммуникация ва йўл-транспорт инфратузилмасини барпо этиш дастурини тасдиқлаш ва унинг амалга оширилишини бошлаш;
«Янгиҳаёт» индустриал технопаркини ва унинг фаолиятини замонавий бошқарув тамойиллари асосида ташкил этишга кўмаклашиш учун етакчи халқаро экспертлар ва хорижий мутахассисларни жалб қилиш чораларини кўрсин.
2 1 . «Янгиҳаёт» индустриал технопарки, унинг дирекцияси ва иштирокчиларига кичик саноат зоналари учун белгиланган қуйидаги тартиблар татбиқ этилсин:
ер участкаларини ажратиш, улар бўйича тўловларни амалга ошириш ва маблағларни тақсимлаш;
ер участкаларига ижара ҳуқуқини гаровга қўйиш.
3. Белгилансинки:
«Янгиҳаёт» индустриал технопаркининг бош режаси лойиҳасини ишлаб чиқиш ҳамда ташқи муҳандислик-коммуникация ва йўл-транспорт инфратузилмасини барпо этиш ишлари Ўзбекистон Республикасининг ижтимоий ва ишлаб чиқариш инфратузилмасини ривожлантириш дастурида кўзда тутилган маблағлар, Тошкент шаҳри маҳаллий бюджетининг қўшимча манбалари, «Янгиҳаёт» индустриал технопарки дирекцияси маблағлари ва қонунчилик ҳужжатларида тақиқланмаган бошқа манбалар ҳисобидан молиялаштирилади;
«Янгиҳаёт» индустриал технопаркининг ички муҳандислик-коммуникация ва йўл-транспорт инфратузилмасини барпо этиш ишлари «Янгиҳаёт» индустриал технопарки дирекцияси ва инвесторлар маблағлари, шунингдек, қонун ҳужжатларида тақиқланмаган бошқа манбалар ҳисобидан молиялаштирилади.
3 1 . «Янгиҳаёт» индустриал технопарки дирекциясига технопарк бош режасини ишлаб чиқиш, инфратузилма объектларини лойиҳалаш ва қуриш ишларини амалга ошириш бўйича буюртмачи функциясини бажариш юклансин.
4. Шундай тартиб ўрнатилсинки, унга мувофиқ «Янгиҳаёт» индустриал технопаркини ташкил этиш учун ер майдонлари ажратилиши билан боғлиқ қишлоқ хўжалиги ва ўрмон хўжалиги ишлаб чиқариши нобудгарчиликларининг ўрнини қоплаш бўйича компенсация тўловлари беш йилгача бўлган даврда бўлиб-бўлиб тўланиши мумкин.
5. Мазкур қарор ижросини самарали ташкил этишга масъул ва шахсий жавобгар этиб Тошкент шаҳар ҳокими Ж.А. Артикходжаев ва Тошкент шаҳар ҳокимининг ўринбосари Ш.Д. Рахмонов белгилансин.
Қарор ижросини ҳар ойда муҳокама қилиб бориш, ижро учун масъул идоралар фаолиятини мувофиқлаштириш ва назорат қилиш Ўзбекистон Республикасининг Бош вазири А.Н. Арипов зиммасига юклансин.
Амалга оширилаётган чора-тадбирлар натижадорлиги юзасидан Ўзбекистон Республикаси Президентига ҳар ой якуни бўйича ахборот бериб борилсин.
Ўзбекистон Республикаси Президентининг 2021 йил 4 февралдаги ПҚ-4979-сон қарорига ИЛОВА
«Янгиҳаёт» индустриал технопаркини ташкил этиш бўйича ташкилий комиссия
А.Н. Арипов — Ўзбекистон Республикаси Бош вазири, Комиссия раиси Ж.А. Артикходжаев — Тошкент шаҳар ҳокими, Комиссия раисининг ўринбосари Ж.А. Қўчқоров — Бош вазир ўринбосари — иқтисодий тараққиёт ва камбағалликни қисқартириш вазири С.У. Умурзаков — Бош вазир ўринбосари — инвестициялар ва ташқи савдо вазири Т.А. Ишметов — молия вазири Б.И. Зокиров — қурилиш вазири А.С. Султанов — энергетика вазири Ш.С. Хидоятов — уй-жой коммунал хизмат кўрсатиш вазири И.Р. Маҳкамов — транспорт вазири в.б. Ш.М. Содиқов — ахборот технологиялари ва коммуникацияларини ривожлантириш вазири Ф.К. Умаров — Давлат солиқ қўмитаси ҳузуридаги Кадастр агентлиги директори Х.И. Иногамов — Янгиҳаёт тумани ҳокими Ш.Д. Рахмонов — Тошкент шаҳар ҳокимининг ўринбосари, Комиссия котиби
Ўзбекистон Республикаси Президенти Ш. МИРЗИЁЕВ
Тошкент ш.,
2021 йил 4 февраль,
ПҚ-4979-сон
Oʻzbekiston Respublikasi Prezidentining
Qarori
TARKIBI
Toshkent shahrida “Yangihayot” industrial texnoparkini tashkil etish chora-tadbirlari toʻgʻrisida
Toshkent shahrining sanoat va eksport salohiyatini oshirish, yangi turdagi raqobatbardosh sanoat mahsulotlari ishlab chiqarishni kengaytirish, iqtisodiyot tarmoqlariga zamonaviy texnologiyalarni joriy etish, shu asosda aholini yuqori daromadli ish joylari bilan taʼminlash maqsadida:
1. Toshkent shahar hokimligi, Iqtisodiy taraqqiyot va kambagʻallikni qisqartirish vazirligi, Investitsiyalar va tashqi savdo vazirligining Toshkent shahri, Yangihayot tumanida “Xoʻja Uchqun”, “Jaloyiq” va “Gulzor” mahallalari tutashgan hududdagi qishloq xoʻjaligiga moʻljallangan yer maydonlari hisobidan 210 gektar yer uchastkasida “Yangihayot” industrial texnoparkini tashkil etish toʻgʻrisidagi taklifiga rozilik berilsin.
Toshkent shahar hokimligi (J.A. Artikxodjayev) Davlat soliq qoʻmitasi huzuridagi Kadastr agentligi (F.K. Umarov) bilan birgalikda oʻn kun muddatda ushbu bandda nazarda tutilgan yer maydonlarini “Yangihayot” industrial texnoparkini tashkil etish uchun ajratsin.
2. “Yangihayot” industrial texnoparkini tashkil etish boʻyicha tashkiliy komissiya (keyingi oʻrinlarda — Tashkiliy komissiya) ilovaga muvofiq tarkibda tuzilsin.
Tashkiliy komissiya (A.N. Aripov):
a) bir hafta muddatda:
“Yangihayot” industrial texnoparki tarkibiga kiritiladigan yer maydonlarining chegaralarini aniq belgilasin;
“Yangihayot” industrial texnoparki direksiyasini tashkil etsin;
b) ikki hafta muddatda “Yangihayot” industrial texnoparkining bosh rejasi loyihasi ishlab chiqilishi va belgilangan tartibda tasdiqlanishini taʼminlasin;
v) bir oy muddatda:
“Yangihayot” industrial texnoparkining tashqi muhandislik-kommunikatsiya va yoʻl-transport infratuzilmasini barpo etish dasturini tasdiqlash va uning amalga oshirilishini boshlash;
“Yangihayot” industrial texnoparkini va uning faoliyatini zamonaviy boshqaruv tamoyillari asosida tashkil etishga koʻmaklashish uchun yetakchi xalqaro ekspertlar va xorijiy mutaxassislarni jalb qilish choralarini koʻrsin.
2 1 . “Yangihayot” industrial texnoparki, uning direksiyasi va ishtirokchilariga kichik sanoat zonalari uchun belgilangan quyidagi tartiblar tatbiq etilsin:
yer uchastkalarini ajratish, ular boʻyicha toʻlovlarni amalga oshirish va mablagʻlarni taqsimlash;
yer uchastkalariga ijara huquqini garovga qoʻyish.
3. Belgilansinki:
“Yangihayot” industrial texnoparkining bosh rejasi loyihasini ishlab chiqish hamda tashqi muhandislik-kommunikatsiya va yoʻl-transport infratuzilmasini barpo etish ishlari Oʻzbekiston Respublikasining ijtimoiy va ishlab chiqarish infratuzilmasini rivojlantirish dasturida koʻzda tutilgan mablagʻlar, Toshkent shahri mahalliy budjetining qoʻshimcha manbalari, “Yangihayot” industrial texnoparki direksiyasi mablagʻlari va qonunchilik hujjatlarida taqiqlanmagan boshqa manbalar hisobidan moliyalashtiriladi;
“Yangihayot” industrial texnoparkining ichki muhandislik-kommunikatsiya va yoʻl-transport infratuzilmasini barpo etish ishlari “Yangihayot” industrial texnoparki direksiyasi va investorlar mablagʻlari, shuningdek, qonun hujjatlarida taqiqlanmagan boshqa manbalar hisobidan moliyalashtiriladi.
3 1 . “Yangihayot” industrial texnoparki direksiyasiga texnopark bosh rejasini ishlab chiqish, infratuzilma obyektlarini loyihalash va qurish ishlarini amalga oshirish boʻyicha buyurtmachi funksiyasini bajarish yuklansin.
4. Shunday tartib oʻrnatilsinki, unga muvofiq “Yangihayot” industrial texnoparkini tashkil etish uchun yer maydonlari ajratilishi bilan bogʻliq qishloq xoʻjaligi va oʻrmon xoʻjaligi ishlab chiqarishi nobudgarchiliklarining oʻrnini qoplash boʻyicha kompensatsiya toʻlovlari besh yilgacha boʻlgan davrda boʻlib-boʻlib toʻlanishi mumkin.
5. Mazkur qaror ijrosini samarali tashkil etishga masʼul va shaxsiy javobgar etib Toshkent shahar hokimi J.A. Artikxodjayev va Toshkent shahar hokimining oʻrinbosari Sh.D. Raxmonov belgilansin.
Qaror ijrosini har oyda muhokama qilib borish, ijro uchun masʼul idoralar faoliyatini muvofiqlashtirish va nazorat qilish Oʻzbekiston Respublikasining Bosh vaziri A.N. Aripov zimmasiga yuklansin.
Amalga oshirilayotgan chora-tadbirlar natijadorligi yuzasidan Oʻzbekiston Respublikasi Prezidentiga har oy yakuni boʻyicha axborot berib borilsin.
Oʻzbekiston Respublikasi Prezidentining 2021-yil 4-fevraldagi PQ-4979-son qaroriga ILOVA
“Yangihayot” industrial texnoparkini tashkil etish boʻyicha tashkiliy komissiya
A.N. Aripov — Oʻzbekiston Respublikasi Bosh vaziri, Komissiya raisi J.A. Artikxodjayev — Toshkent shahar hokimi, Komissiya raisining oʻrinbosari J.A. Qoʻchqorov — Bosh vazir oʻrinbosari — iqtisodiy taraqqiyot va kambagʻallikni qisqartirish vaziri S.U. Umurzakov — Bosh vazir oʻrinbosari — investitsiyalar va tashqi savdo vaziri T.A. Ishmetov — moliya vaziri B.I. Zokirov — qurilish vaziri A.S. Sultanov — energetika vaziri Sh.S. Xidoyatov — uy-joy kommunal xizmat koʻrsatish vaziri I.R. Mahkamov — transport vaziri v.b. Sh.M. Sodiqov — axborot texnologiyalari va kommunikatsiyalarini rivojlantirish vaziri F.K. Umarov — Davlat soliq qoʻmitasi huzuridagi Kadastr agentligi direktori X.I. Inogamov — Yangihayot tumani hokimi Sh.D. Raxmonov — Toshkent shahar hokimining oʻrinbosari, Komissiya kotibi
Oʻzbekiston Respublikasi Prezidenti Sh. MIRZIYOYEV
Toshkent sh.,
2021-yil 4-fevral,
PQ-4979-son
Президента Республики Узбекистан
Постановление
СОСТАВ
О мерах по созданию индустриального технопарка «Янгихаёт» в городе Ташкенте
В целях повышения промышленного и экспортного потенциала города Ташкента, расширения производства новых видов конкурентоспособной промышленной продукции, внедрения современных технологий в отрасли экономики, обеспечения на этой основе населения высокооплачиваемыми рабочими местами:
1. Согласиться с предложением хокимията города Ташкента, Министерства экономического развития и сокращения бедности, Министерства инвестиций и внешней торговли о создании индустриального технопарка «Янгихаёт» на земельном участке площадью 210 гектаров за счет земельных площадей сельскохозяйственного назначения, расположенных на территории, прилегающей к махаллям «Хужа Учкун», «Жалойик» и «Гулзор» Янгихаётского района города Ташкента.
Хокимияту города Ташкента (Ж.А. Артыкходжаев) совместно с Агентством по кадастру при Государственном налоговом комитете (Ф.К. Умаров) в десятидневный срок выделить земельные участки, предусмотренные настоящим пунктом, для создания индустриального технопарка «Янгихаёт».
2. Образовать Организационную комиссию по созданию индустриального технопарка «Янгихаёт» (далее — Организационная комиссия) в составе согласно приложению .
Организационной комиссии (А.Н. Арипов):
а) в недельный срок:
конкретно определить границы земельных участков, включаемых в состав индустриального технопарка «Янгихаёт»;
организовать дирекцию индустриального технопарка «Янгихаёт»;
б) в двухнедельный срок обеспечить разработку и утверждение проекта генерального плана индустриального технопарка «Янгихаёт» в установленном порядке;
в) в месячный срок принять меры по:
утверждению и началу реализации программы строительства внешней инженерно-коммуникационной и дорожно-транспортной инфраструктуры индустриального технопарка «Янгихаёт»;
привлечению ведущих международных экспертов и зарубежных специалистов для содействия в создании индустриального технопарка «Янгихаёт» и организации его деятельности на основе современных принципов управления.
2 1 . На индустриальный технопарк «Янгихаёт», его дирекцию и участников распространяются следующие порядки, установленные для малых промышленных зон:
выделение земельных участков, осуществление по ним платежей и распределение средств;
передача в залог права аренды земельного участка.
3. Определить, что:
работы по разработке проекта генерального плана и строительству внешней инженерно-коммуникационной и дорожно-транспортной инфраструктуры индустриального технопарка «Янгихаёт» финансируются за счет средств, предусмотренных в Программе развития социальной и производственной инфраструктуры Республики Узбекистан, дополнительных источников местного бюджета города Ташкента, средств дирекции индустриального технопарка «Янгихаёт» и иных источников, не запрещенных актами законодательства;
работы по строительству внутренней инженерно-коммуникационной и дорожно-транспортной инфраструктуры индустриального технопарка «Янгихаёт» финансируются за счет средств дирекции индустриального технопарка «Янгихаёт» и инвесторов, а также иных источников, не запрещенных законодательством.
3 1 . Возложить на индустриальный технопарк «Янгихаёт» разработку генерального плана технопарка, функций заказчика выполнения работ по проектированию и строительству инфраструктурных объектов.
4. Установить порядок, в соответствии с которым компенсационные выплаты по возмещению потерь сельскохозяйственного и лесного производства, связанных с выделением земельных участков для создания индустриального технопарка «Янгихаёт», могут уплачиваться на условиях рассрочки сроком до пяти лет.
5. Возложить на хокима города Ташкента Ж.А. Артыкходжаева и заместителя хокима города Ташкента Ш.Д. Рахмонова персональную ответственность за эффективную организацию исполнения настоящего постановления.
Ежемесячное обсуждение хода исполнения настоящего постановления, а также осуществление координации и контроля за деятельностью ведомств, ответственных за его исполнение, возложить на Премьер-министра Республики Узбекистан А.Н. Арипова.
Информировать Президента Республики Узбекистан о результативности осуществляемых мер по итогам каждого месяца.
ПРИЛОЖЕНИЕ к постановлению Президента Республики Узбекистан от 4 февраля 2021 года № ПП-4979
Организационной комиссии по созданию индустриального технопарка «Янгихаёт»
Арипов А.Н. — Премьер-министр Республики Узбекистан, председатель Комиссии Артыкходжаев Ж.А. — хоким города Ташкента, заместитель председателя Комиссии Кучкаров Д.А. — заместитель Премьер-министра — министр экономического развития и сокращения бедности Умурзаков С.У. — заместитель Премьер-министра — министр инвестиций и внешней торговли Ишметов Т.А. — министр финансов Закиров Б.И. — министр строительства Султанов А.С. — министр энергетики Хидоятов Ш.С. — министр жилищно-коммунального обслуживания Махкамов И.Р. — и.о. министра транспорта Садиков Ш.М. — министр по развитию информационных технологий и коммуникаций Умаров Ф.К. — директор Агентства по кадастру при Государственном налоговом комитете Иногамов Х.И. — хоким Янгихаётского района Рахмонов Ш.Д. — заместитель хокима города Ташкента, секретарь Комиссии
Президент Республики Узбекистан Ш. МИРЗИЁЕВ
г. Ташкент,
4 февраля 2021 г.,
№ ПП-4979