📅 2021-yil 8-fevral · Vazirlar Mahkamasi qarorlari
Rasmiy matn. Rasmiy hujjat. Tahririy izohlar kiritilmagan.
UzbekAI
📅 2021 йил 8 февраль · Вазирлар Маҳкамаси қарорлари
Расмий матн. Расмий ҳужжат. Таҳририй изоҳлар киритилмаган.
📅 8 февраля 2021 г. · Постановления Кабинета Министров
Официальный текст. Официальный документ. Редакционные примечания не включены.
📅 8 February 2021 · Cabinet of Ministers resolutions
Official text. Official document. Editorial notes are not included.
Ўзбекистон Республикаси Вазирлар Маҳкамасининг
қарори
МАЙДОНИ
МАЙДОНИ
ТУЗИЛМАСИ
Қорақалпоғистон Республикасида «Судочье-Акпетки» давлат буюртма қўриқхонасини ташкил қилиш тўғрисида
Ўзбекистон Республикаси Президентининг «Муҳофаза этиладиган табиий ҳудудлар соҳасида давлат бошқаруви тизимини такомиллаштириш чора-тадбирлари тўғрисида» 2019 йил 20 мартдаги ПҚ-4247-сон қарори ижросини таъминлаш, давлат буюртма қўриқхонаси ҳудудида алоҳида экологик қимматга эга бўлган табиий объектлар ва мажмуаларни, ҳайвонларнинг ноёб турларини сақлаб қолиш ҳамда уларни қайта тиклаш мақсадида Вазирлар Маҳкамаси қарор қилади:
1. Қорақалпоғистон Республикаси Вазирлар Кенгаши, Ўзбекистон Республикаси Экология ва атроф муҳитни муҳофаза қилиш давлат қўмитасининг (кейинги ўринларда — Давлат экология қўмитаси) Қорақалпоғистон Республикаси Мўйноқ, Тахтакўпир ва Қўнғирот туманларида юридик шахс ташкил қилган ҳолда, умумий майдони 280 507 гектар бўлган давлат табиатни муҳофаза қилиш муассасаси шаклидаги «Судочье-Акпетки» давлат буюртма қўриқхонасини (кейинги ўринларда — буюртма қўриқхонаси) ташкил қилиш тўғрисидаги таклифи маъқуллансин.
2. Қуйидагилар:
«Судочье-Акпетки» давлат буюртма қўриқхонасига доимий фойдаланиш ҳуқуқи асосида бериладиган ер участкаларининг майдони 1-иловага мувофиқ;
«Судочье-Акпетки» давлат буюртма қўриқхонасининг қўриқланма зоналари майдони 2-иловага мувофиқ;
«Судочье-Акпетки» давлат буюртма қўриқхонаси ижро этувчи аппаратининг тузилмаси 3-иловага мувофиқ тасдиқлансин.
3. Белгилансинки:
а) буюртма қўриқхонаси участкаларининг қўриқланма зоналаридаги ерлар ушбу ҳудудларда жойлашган ер эгалари, ердан фойдаланувчилар ва ижарачилар ихтиёрида қолади;
б) буюртма қўриқхонаси Давлат экология қўмитасининг таркибий бўлинмаси ҳисобланади;
в) буюртма қўриқхонасининг фаолияти Қорақалпоғистон Республикаси бюджети маблағлари, Давлат экология қўмитасининг Экология, атроф муҳитни муҳофаза қилиш ва чиқиндилар билан боғлиқ ишларни амалга ошириш жамғармаси ҳамда қонунчилик ҳужжатларида тақиқланмаган бошқа манбалар ҳисобидан молиялаштирилади;
г) «Судочье кўллар тизими» участкасида қонунчилик ҳужжатларида белгиланган тартибда балиқ овлашга, кўлдаги гидрологик ҳолатни яхшилаш мақсадида кўл тубини тозалаш тадбирларига ҳамда квота асосида қамиш ўсимлигидан фойдаланишга рухсат этилади;
д) буюртма қўриқхонасининг:
«Судочье кўллар тизими» участкасида — қирғоқ ландшафтлари, каналлар, коллекторлар ва улардаги сув оқими, сув, сув атрофида яшовчи қушлар, ноёб, йўқолиб кетиш хавфи остида бўлган балиқлар, йиртқич қушлар ва сут эмизувчи ҳайвонлар;
«Акпетки» участкасида — сувда ва сув атрофида яшовчи қушлар, ноёб ва йўқолиб кетиш хавфи остида бўлган йиртқич қушлар, сут эмизувчи ҳайвонлар муҳофазага олинадиган асосий объектлар ҳисобланади.
4. Давлат экология қўмитаси икки ой муддатда:
буюртма қўриқхонаси ва унинг қўриқланма зонаси тўғрисидаги низомни ишлаб чиқсин ва тасдиқласин;
буюртма қўриқхонасининг штатлар жадвали тасдиқланишини ва малакали мутахассислар билан тўлдирилишини таъминласин;
2021 йил якунига қадар Судочье кўлини халқаро аҳамиятга (Рамсар конвенцияси) эга бўлган сувли-ботқоқ жойлар рўйхатига киритиш бўйича таклифларни ишлаб чиқсин ва Вазирлар Маҳкамасига киритсин.
5. Қорақалпоғистон Республикаси Вазирлар Кенгаши уч ой муддатда:
«Судочье-Акпетки» давлат буюртма қўриқхонаси тўғрисидаги низомга асосан Ўзбекистон Республикаси Давлат активларини бошқариш агентлиги билан биргаликда буюртма қўриқхонасининг ижро этувчи аппарати учун Мўйноқ туманида оператив бошқарув ҳуқуқи асосида бепул бино ажратилишини;
Ўзбекистон Республикаси Давлат солиқ қўмитаси ҳузуридаги Кадастр агентлиги билан биргаликда буюртма қўриқхонасининг ер участкалари ҳужжатлари белгиланган тартибда расмийлаштирилишини;
кадастр ҳужжатларига тегишли ўзгартиришлар киритилишини таъминласин.
6. Ўзбекистон Республикаси Ҳукуматининг 4-иловага мувофиқ айрим қарорларига ўзгартириш ва қўшимча киритилсин.
7. Давлат экология қўмитаси манфаатдор вазирликлар ва идоралар билан биргаликда ўзлари қабул қилган норматив-ҳуқуқий ҳужжатларни бир ой муддатда ушбу қарорга мувофиқлаштирсин.
8. Мазкур қарорнинг бажарилишини назорат қилиш Ўзбекистон Республикаси Бош вазирининг биринчи ўринбосари А.Ж. Раматов, Ўзбекистон Республикаси Экология ва атроф муҳитни муҳофаза қилиш давлат қўмитаси раиси А.И. Мақсудов ва Қорақалпоғистон Республикаси Вазирлар Кенгаши Раиси К.Р. Сариев зиммасига юклансин.
Вазирлар Маҳкамасининг 2021 йил 8 февралдаги 58-сон қарорига 1-ИЛОВА
«Судочье-Акпетки» давлат буюртма қўриқхонасига доимий фойдаланиш ҳуқуқи асосида бериладиган ер участкаларининг
Ҳудуд номи Олдинги ердан фойдаланганлар Бериладиган ер участкалари майдони (га) Берилаётган ерларнинг тоифалари I. «Судочье кўллар тизими» участкаси Мўйноқ тумани Захира ерлар 84 702 Қишлоқ хўжалигида фойдаланилмайдиган ерлар Жами: 84 702 II. «Акпетки» участкаси Тахтакўпир тумани Захира ерлар 195 805 Қишлоқ хўжалигида фойдаланилмайдиган ерлар Жами: 195 805 Умумий ер майдони: 280 507
Вазирлар Маҳкамасининг 2021 йил 8 февралдаги 58-сон қарорига 2-ИЛОВА
«Судочье-Акпетки» давлат буюртма қўриқхонасининг қўриқланма зоналари
Ҳудуд номи Бериладиган ер участкалари майдони (га) I. «Судочье кўллар тизими» участкаси Мўйноқ тумани 45 178 Қўнғирот тумани 7 760 Жами: 52 938 II. «Акпетки» участкаси Мўйноқ тумани 335 484 Тахтакўпир тумани 53 801 Жами: 389 285 Умумий ер майдони 442 223
Вазирлар Маҳкамасининг 2021 йил 8 февралдаги 58-сон қарорига 3-ИЛОВА
«Судочье-Акпетки» давлат буюртма қўриқхонаси ижро этувчи аппаратининг
Маслаҳатлашув комиссияси Директор Директор ўринбосари Бош бухгалтер 1 «Судочье кўллар тизими» участкаси катта қўриқлаш ходими (катта инспектор) 1 «Акпетки» участкаси катта қўриқлаш ходими (катта инспектор) 1 Юрисконсульт 1 «Судочье кўллар тизими» участкаси қўриқлаш ходимлари (инспекторлар) 5 «Акпетки» участкаси қўриқлаш ходимлари (инспектор) 9
Вазирлар Маҳкамасининг 2021 йил 8 февралдаги 58-сон қарорига 4-ИЛОВА
Ўзбекистон Республикаси Ҳукуматининг айрим қарорларига киритилаётган ўзгартириш ва қўшимча
1. Вазирлар Маҳкамасининг 2017 йил 15 июндаги 375-сон қарори (Ўзбекистон Республикаси ҚТ, 2017 й., 6-сон, 100-модда) билан тасдиқланган Экология, атроф муҳитни муҳофаза қилиш ва чиқиндилар билан боғлиқ ишларни амалга ошириш жамғармаси маблағларини шакллантириш ва улардан фойдаланиш тартиби тўғрисидаги низомнинг 5-банди «в» кичик бандидаги «бошқармалари» сўзидан кейин «шунингдек, тизимдаги муҳофаза этиладиган табиий ҳудудлар» сўзлари қўшилсин.
2. Вазирлар Маҳкамасининг 2019 йил 15 январдаги 29-сон қарори (Ўзбекистон Республикаси ҚТ, 2019 й., 1-сон, 5-модда) билан тасдиқланган Ўзбекистон Республикаси Экология ва атроф муҳитни муҳофаза қилиш давлат қўмитаси тўғрисидаги низомнинг 9-банди қуйидаги таҳрирда баён қилинсин:
«9. Давлат экология қўмитаси тизимига қуйидагилар киради:
Давлат экология қўмитасининг марказий аппарати;
Қорақалпоғистон Республикаси Экология ва атроф муҳитни муҳофаза қилиш қўмитаси, вилоятлар ва Тошкент шаҳар Экология ва атроф муҳитни муҳофаза қилиш бошқармалари ҳамда уларнинг туман (шаҳар) инспекциялари;
Атроф муҳитни муҳофаза қилиш соҳасида ихтисослаштирилган аналитик назорат маркази;
Давлат экологик экспертизаси маркази ва Қорақалпоғистон Республикаси, вилоятлар ва Тошкент шаҳар давлат экологик экспертизаси марказлари;
Давлат экологик сертификатлаштириш ва стандартлаштириш марказлари ва уларнинг филиаллари;
Атроф муҳитни муҳофаза қилиш соҳасида фаолият кўрсатаётган ходимларни қайта тайёрлаш ва уларнинг малакасини ошириш маркази;
Экологик ахборот, ахборот-коммуникация технологияларини жорий этиш ва мультимедиа маркази;
Экология ва атроф муҳитни муҳофаза қилиш илмий-тадқиқот институти;
«Эко-энергия» илмий татбиқ этиш маркази»;
Ҳисор давлат қўриқхонаси;
Зомин давлат қўриқхонаси;
Сурхон давлат қўриқхонаси;
Нурота давлат қўриқхонаси;
Қизилқум давлат қўриқхонаси;
Чотқол давлат биосфера қўриқхонаси;
«Сайгачий» мажмуа (ландшафт) буюртма қўриқхонаси;
«Жанубий Устюрт» миллий табиат боғи;
Хоразм миллий табиат боғи;
«Сайхун» давлат буюртма қўриқхонаси;
«Судочье-Акпетки» давлат буюртма қўриқхонаси;
Қуйи Амударё давлат биосфера резервати;
«Жайрон» Бухоро ихтисослаштирилган питомниги;
Бинолардан фойдаланиш ва капитал қурилиш дирекцияси;
Санитар тозалаш бўйича ихтисослаштирилган корхоналар республика бирлашмаси;
Қорақалпоғистон Республикаси ва вилоятлар «Тоза ҳудуд» ДУК, уларнинг туман (шаҳар)лардаги филиаллари».
Ўзбекистон Республикасининг Бош вазири А. АРИПОВ
Тошкент ш.,
2021 йил 8 февраль,
58-сон
Oʻzbekiston Respublikasi Vazirlar Mahkamasining
qarori
MAYDONI
MAYDONI
TUZILMASI
Qoraqalpogʻiston Respublikasida “Sudochye-Akpetki” davlat buyurtma qoʻriqxonasini tashkil qilish toʻgʻrisida
Oʻzbekiston Respublikasi Prezidentining “Muhofaza etiladigan tabiiy hududlar sohasida davlat boshqaruvi tizimini takomillashtirish chora-tadbirlari toʻgʻrisida” 2019-yil 20-martdagi PQ-4247-son qarori ijrosini taʼminlash, davlat buyurtma qoʻriqxonasi hududida alohida ekologik qimmatga ega boʻlgan tabiiy obyektlar va majmualarni, hayvonlarning noyob turlarini saqlab qolish hamda ularni qayta tiklash maqsadida Vazirlar Mahkamasi qaror qiladi:
1. Qoraqalpogʻiston Respublikasi Vazirlar Kengashi, Oʻzbekiston Respublikasi Ekologiya va atrof muhitni muhofaza qilish davlat qoʻmitasining (keyingi oʻrinlarda — Davlat ekologiya qoʻmitasi) Qoraqalpogʻiston Respublikasi Moʻynoq, Taxtakoʻpir va Qoʻngʻirot tumanlarida yuridik shaxs tashkil qilgan holda, umumiy maydoni 280 507 gektar boʻlgan davlat tabiatni muhofaza qilish muassasasi shaklidagi “Sudochye-Akpetki” davlat buyurtma qoʻriqxonasini (keyingi oʻrinlarda — buyurtma qoʻriqxonasi) tashkil qilish toʻgʻrisidagi taklifi maʼqullansin.
2. Quyidagilar:
“Sudochye-Akpetki” davlat buyurtma qoʻriqxonasiga doimiy foydalanish huquqi asosida beriladigan yer uchastkalarining maydoni 1-ilovaga muvofiq;
“Sudochye-Akpetki” davlat buyurtma qoʻriqxonasining qoʻriqlanma zonalari maydoni 2-ilovaga muvofiq;
“Sudochye-Akpetki” davlat buyurtma qoʻriqxonasi ijro etuvchi apparatining tuzilmasi 3-ilovaga muvofiq tasdiqlansin.
3. Belgilansinki:
a) buyurtma qoʻriqxonasi uchastkalarining qoʻriqlanma zonalaridagi yerlar ushbu hududlarda joylashgan yer egalari, yerdan foydalanuvchilar va ijarachilar ixtiyorida qoladi;
b) buyurtma qoʻriqxonasi Davlat ekologiya qoʻmitasining tarkibiy boʻlinmasi hisoblanadi;
v) buyurtma qoʻriqxonasining faoliyati Qoraqalpogʻiston Respublikasi budjeti mablagʻlari, Davlat ekologiya qoʻmitasining Ekologiya, atrof muhitni muhofaza qilish va chiqindilar bilan bogʻliq ishlarni amalga oshirish jamgʻarmasi hamda qonunchilik hujjatlarida taqiqlanmagan boshqa manbalar hisobidan moliyalashtiriladi;
g) “Sudochye koʻllar tizimi” uchastkasida qonunchilik hujjatlarida belgilangan tartibda baliq ovlashga, koʻldagi gidrologik holatni yaxshilash maqsadida koʻl tubini tozalash tadbirlariga hamda kvota asosida qamish oʻsimligidan foydalanishga ruxsat etiladi;
d) buyurtma qoʻriqxonasining:
“Sudochye koʻllar tizimi” uchastkasida — qirgʻoq landshaftlari, kanallar, kollektorlar va ulardagi suv oqimi, suv, suv atrofida yashovchi qushlar, noyob, yoʻqolib ketish xavfi ostida boʻlgan baliqlar, yirtqich qushlar va sut emizuvchi hayvonlar;
“Akpetki” uchastkasida — suvda va suv atrofida yashovchi qushlar, noyob va yoʻqolib ketish xavfi ostida boʻlgan yirtqich qushlar, sut emizuvchi hayvonlar muhofazaga olinadigan asosiy obyektlar hisoblanadi.
4. Davlat ekologiya qoʻmitasi ikki oy muddatda:
buyurtma qoʻriqxonasi va uning qoʻriqlanma zonasi toʻgʻrisidagi nizomni ishlab chiqsin va tasdiqlasin;
buyurtma qoʻriqxonasining shtatlar jadvali tasdiqlanishini va malakali mutaxassislar bilan toʻldirilishini taʼminlasin;
2021-yil yakuniga qadar Sudochye koʻlini xalqaro ahamiyatga (Ramsar konvensiyasi) ega boʻlgan suvli-botqoq joylar roʻyxatiga kiritish boʻyicha takliflarni ishlab chiqsin va Vazirlar Mahkamasiga kiritsin.
5. Qoraqalpogʻiston Respublikasi Vazirlar Kengashi uch oy muddatda:
“Sudochye-Akpetki” davlat buyurtma qoʻriqxonasi toʻgʻrisidagi nizomga asosan Oʻzbekiston Respublikasi Davlat aktivlarini boshqarish agentligi bilan birgalikda buyurtma qoʻriqxonasining ijro etuvchi apparati uchun Moʻynoq tumanida operativ boshqaruv huquqi asosida bepul bino ajratilishini;
Oʻzbekiston Respublikasi Davlat soliq qoʻmitasi huzuridagi Kadastr agentligi bilan birgalikda buyurtma qoʻriqxonasining yer uchastkalari hujjatlari belgilangan tartibda rasmiylashtirilishini;
kadastr hujjatlariga tegishli oʻzgartirishlar kiritilishini taʼminlasin.
6. Oʻzbekiston Respublikasi Hukumatining 4-ilovaga muvofiq ayrim qarorlariga oʻzgartirish va qoʻshimcha kiritilsin.
7. Davlat ekologiya qoʻmitasi manfaatdor vazirliklar va idoralar bilan birgalikda oʻzlari qabul qilgan normativ-huquqiy hujjatlarni bir oy muddatda ushbu qarorga muvofiqlashtirsin.
8. Mazkur qarorning bajarilishini nazorat qilish Oʻzbekiston Respublikasi Bosh vazirining birinchi oʻrinbosari A.J. Ramatov, Oʻzbekiston Respublikasi Ekologiya va atrof muhitni muhofaza qilish davlat qoʻmitasi raisi A.I. Maqsudov va Qoraqalpogʻiston Respublikasi Vazirlar Kengashi Raisi K.R. Sariyev zimmasiga yuklansin.
Vazirlar Mahkamasining 2021-yil 8-fevraldagi 58-son qaroriga 1-ILOVA
“Sudochye-Akpetki” davlat buyurtma qoʻriqxonasiga doimiy foydalanish huquqi asosida beriladigan yer uchastkalarining
Hudud nomi Oldingi yerdan foydalanganlar Beriladigan yer uchastkalari maydoni (ga) Berilayotgan yerlarning toifalari I. “Sudochye koʻllar tizimi” uchastkasi Moʻynoq tumani Zaxira yerlar 84 702 Qishloq xoʻjaligida foydalanilmaydigan yerlar Jami: 84 702 II. “Akpetki” uchastkasi Taxtakoʻpir tumani Zaxira yerlar 195 805 Qishloq xoʻjaligida foydalanilmaydigan yerlar Jami: 195 805 Umumiy yer maydoni: 280 507
Vazirlar Mahkamasining 2021-yil 8-fevraldagi 58-son qaroriga 2-ILOVA
“Sudochye-Akpetki” davlat buyurtma qoʻriqxonasining qoʻriqlanma zonalari
Hudud nomi Beriladigan yer uchastkalari maydoni (ga) I. “Sudochye koʻllar tizimi” uchastkasi Moʻynoq tumani 45 178 Qoʻngʻirot tumani 7 760 Jami: 52 938 II. “Akpetki” uchastkasi Moʻynoq tumani 335 484 Taxtakoʻpir tumani 53 801 Jami: 389 285 Umumiy yer maydoni 442 223
Vazirlar Mahkamasining 2021-yil 8-fevraldagi 58-son qaroriga 3-ILOVA
“Sudochye-Akpetki” davlat buyurtma qoʻriqxonasi ijro etuvchi apparatining
Maslahatlashuv komissiyasi Direktor Direktor oʻrinbosari Bosh buxgalter 1 “Sudochye koʻllar tizimi” uchastkasi katta qoʻriqlash xodimi (katta inspektor) 1 “Akpetki” uchastkasi katta qoʻriqlash xodimi (katta inspektor) 1 Yuriskonsult 1 “Sudochye koʻllar tizimi” uchastkasi qoʻriqlash xodimlari (inspektorlar) 5 “Akpetki” uchastkasi qoʻriqlash xodimlari (inspektor) 9
Vazirlar Mahkamasining 2021-yil 8-fevraldagi 58-son qaroriga 4-ILOVA
Oʻzbekiston Respublikasi Hukumatining ayrim qarorlariga kiritilayotgan oʻzgartirish va qoʻshimcha
1. Vazirlar Mahkamasining 2017-yil 15-iyundagi 375-son qarori (Oʻzbekiston Respublikasi QT, 2017-y., 6-son, 100-modda) bilan tasdiqlangan Ekologiya, atrof muhitni muhofaza qilish va chiqindilar bilan bogʻliq ishlarni amalga oshirish jamgʻarmasi mablagʻlarini shakllantirish va ulardan foydalanish tartibi toʻgʻrisidagi nizomning 5-bandi “v” kichik bandidagi “boshqarmalari” soʻzidan keyin “shuningdek, tizimdagi muhofaza etiladigan tabiiy hududlar” soʻzlari qoʻshilsin.
2. Vazirlar Mahkamasining 2019-yil 15-yanvardagi 29-son qarori (Oʻzbekiston Respublikasi QT, 2019-y., 1-son, 5-modda) bilan tasdiqlangan Oʻzbekiston Respublikasi Ekologiya va atrof muhitni muhofaza qilish davlat qoʻmitasi toʻgʻrisidagi nizomning 9-bandi quyidagi tahrirda bayon qilinsin:
“9. Davlat ekologiya qoʻmitasi tizimiga quyidagilar kiradi:
Davlat ekologiya qoʻmitasining markaziy apparati;
Qoraqalpogʻiston Respublikasi Ekologiya va atrof muhitni muhofaza qilish qoʻmitasi, viloyatlar va Toshkent shahar Ekologiya va atrof muhitni muhofaza qilish boshqarmalari hamda ularning tuman (shahar) inspeksiyalari;
Atrof muhitni muhofaza qilish sohasida ixtisoslashtirilgan analitik nazorat markazi;
Davlat ekologik ekspertizasi markazi va Qoraqalpogʻiston Respublikasi, viloyatlar va Toshkent shahar davlat ekologik ekspertizasi markazlari;
Davlat ekologik sertifikatlashtirish va standartlashtirish markazlari va ularning filiallari;
Atrof muhitni muhofaza qilish sohasida faoliyat koʻrsatayotgan xodimlarni qayta tayyorlash va ularning malakasini oshirish markazi;
Ekologik axborot, axborot-kommunikatsiya texnologiyalarini joriy etish va multimedia markazi;
Ekologiya va atrof muhitni muhofaza qilish ilmiy-tadqiqot instituti;
“Eko-energiya” ilmiy tatbiq etish markazi”;
Hisor davlat qoʻriqxonasi;
Zomin davlat qoʻriqxonasi;
Surxon davlat qoʻriqxonasi;
Nurota davlat qoʻriqxonasi;
Qizilqum davlat qoʻriqxonasi;
Chotqol davlat biosfera qoʻriqxonasi;
“Saygachiy” majmua (landshaft) buyurtma qoʻriqxonasi;
“Janubiy Ustyurt” milliy tabiat bogʻi;
Xorazm milliy tabiat bogʻi;
“Sayxun” davlat buyurtma qoʻriqxonasi;
“Sudochye-Akpetki” davlat buyurtma qoʻriqxonasi;
Quyi Amudaryo davlat biosfera rezervati;
“Jayron” Buxoro ixtisoslashtirilgan pitomnigi;
Binolardan foydalanish va kapital qurilish direksiyasi;
Sanitar tozalash boʻyicha ixtisoslashtirilgan korxonalar respublika birlashmasi;
Qoraqalpogʻiston Respublikasi va viloyatlar “Toza hudud” DUK, ularning tuman (shahar)lardagi filiallari”.
Oʻzbekiston Respublikasining Bosh vaziri A. ARIPOV
Toshkent sh.,
2021-yil 8-fevral,
58-son