📅 2021-yil 10-fevral · Prezident qarorlari
Rasmiy matn. Rasmiy hujjat. Tahririy izohlar kiritilmagan.
UzbekAI
📅 2021 йил 10 февраль · Президент қарорлари
Расмий матн. Расмий ҳужжат. Таҳририй изоҳлар киритилмаган.
📅 10 февраля 2021 г. · Постановления Президента
Официальный текст. Официальный документ. Редакционные примечания не включены.
📅 10 February 2021 · Presidential resolutions
Official text. Official document. Editorial notes are not included.
Ўзбекистон Республикаси Президентининг
Қарори
Ахборот технологиялари ва коммуникацияларини янада ривожлантиришга инвестицияларни жалб қилиш чора-тадбирлари тўғрисида
Республикада рақамли иқтисодиётни жадал ривожлантириш учун инвестицияларни жалб қилиш, иқтисодиёт тармоқларида инновацион технологиялардан кенг фойдаланишни рағбатлантириш, шунингдек, «Рақамли Ўзбекистон — 2030» стратегиясида белгиланган вазифалар ижросини таъминлаш мақсадида:
1. Қуйидагилар:
Ўзбекистон Республикаси Ҳукумати ва «МегаФон» очиқ акциядорлик жамияти (Россия Федерацияси) (кейинги ўринларда — «МегаФон» ОАЖ) ўртасида «Digital Holding» қўшма корхонасини ташкил этиш тўғрисида Ҳадли шартнома имзоланганлиги;
«МегаФон» ОАЖ ва «ЮэСэМ Телеком» масъулияти чекланган жамияти томонидан Россия Федерациясида масъулияти чекланган жамият шаклида «Диджитал Инвест» корхонаси (кейинги ўринларда — «Диджитал Инвест» МЧЖ) таъсис этилганлиги маълумот учун қабул қилинсин.
2. Ўзбекистон Республикаси Ҳукумати номидан Инвестициялар ва ташқи савдо вазирлиги ҳамда «Диджитал Инвест» МЧЖ ўртасида имзоланган Ўзбекистон Республикасида ахборот технологиялари ва телекоммуникациялар соҳасидаги лойиҳага доир қуйидагиларни назарда тутувчи Инвестиция шартномаси (кейинги ўринларда — Инвестиция шартномаси) тасдиқлансин:
Ўзбекистон Республикаси ҳудудида масъулияти чекланган жамият шаклида «Digital Holding» Ўзбекистон-Россия қўшма корхонасининг (кейинги ўринларда — «Digital Holding» ҚК МЧЖ) фаолиятини ташкил этиш;
Ўзбекистон Республикаси Давлат активларини бошқариш агентлиги «Digital Holding» ҚК МЧЖ устав фондида (капиталида) 49 фоиз миқдоридаги улуш билан ва «Диджитал Инвест» МЧЖ (Россия Федерацияси) 51 фоиз миқдоридаги улуш билан иштирок этиши;
Ўзбекистон Республикаси Давлат активларини бошқариш агентлиги томонидан «Digital Holding» МЧЖ устав фондига (капиталига) киритиладиган ҳисса сифатида «COSCOM» МЧЖ устав фондидаги (капиталидаги) 100 фоиз миқдоридаги давлат улушининг ўтказилиши;
«Диджитал Инвест» МЧЖнинг «CRPT Turon» МЧЖ ва «ICS Holding Uzbekistan» МЧЖ устав фондидаги (капиталидаги) 100 фоиз миқдоридаги улушларини, шунингдек, 100 миллион АҚШ доллари миқдоридаги пул маблағларини (ёки ушбу пул миқдорининг бошқа чет эл валютасидаги эквивалентини) «Диджитал Инвест» МЧЖ қўшган ҳисса сифатида «Digital Holding» ҚК МЧЖ устав фондига (капиталига) ўтказиш.
3. Қуйидагилар «Digital Holding» ҚК МЧЖнинг асосий вазифалари этиб белгилансин:
молия-техника сектори ва электрон тижорат соҳасида инновацион ва технологик фаолликни ривожлантириш учун инновацион платформаларни татбиқ қилишда, шунингдек, республикада ахборотлаштириш сектори самарадорлигини ошириш ва замонавий телекоммуникация технологияларини жорий этишда маслаҳат ёрдамини кўрсатиш;
халқаро стандартларга мувофиқ рақамлаштириш жараёнларини тезлаштириш ва инновацион фаолиятни ривожлантириш учун юқори технологик телекоммуникация инфратузилмасини шакллантиришга ҳисса қўшиш;
Ўзбекистон Республикаси ҳудудида телекоммуникация хизматларидан фойдаланиш имкониятларини кенгайтириш ва уларни тақдим этиш сифатини ошириш мақсадида мавжуд телекоммуникация инфратузилмасини такомиллаштириш ва янги телекоммуникация инфратузилмасини яратиш;
маҳсулотларнинг айрим турларини маркировка қилиш ва уларнинг ҳаракатини назорат қилиш (кузатиб бориш) тизимини яратишда иштирок этиш;
маҳаллий ва халқаро товар айланмаси ривожини рағбатлантириш учун молия-тўлов хизматлари ҳамда содиқлик маркетинг хизматларининг замонавий юқори технологик тизимини яратиш;
аҳолига кенг турдаги товарларни етказиб беришни, шу жумладан, тўловларни қабул қилувчи серхаражат тармоқлар қуриш заруратини истисно этган ҳолда, товарларни онлайн харид имкониятларини соддалаштириш учун электрон тижорат (рақамли маркетплейс) механизмини жорий этиш;
илғор технологияларни жорий этиш ва, шу жумладан ахборот хавфсизлиги, бизнесни қўллаб-қувватлаш тизимлари ва маълумотларни сақлаш соҳаларидаги, шунингдек, комплекс интеграциялашнинг замонавий тизимларидан фойдаланишга кўмаклашиш (хўжалик шартномалари асосида).
4. Белгилаб қўйилсинки:
а) «Digital Holding» ҚК МЧЖ унинг ягона муассиси сифатида «Диджитал Инвест» МЧЖ (Россия Федерацияси) томонидан таъсис этилиши ва кўрсатилган ном билан рўйхатдан ўтказилиши ҳамда «ICS Holding Uzbekistan» МЧЖ унинг ягона муассиси сифатида «ЮэСэМ Телеком» (Россия Федерацияси) масъулияти чекланган жамият томонидан таъсис этилиши ва кўрсатилган ном билан рўйхатдан ўтказилиши мумкин;
б) «Диджитал Инвест» МЧЖ ва «Digital Holding» ҚК МЧЖ (шу жумладан, «Дижитал Инвест» МЧЖнинг солиқ агенти сифатида) Инвестиция шартномасининг амал қилиш муддати давомида қуйидаги тўловлардан озод қилинади:
«COSCOM» МЧЖ, «CRPT Turon» МЧЖ, «ICS Holding Uzbekistan» МЧЖ ва «Digital Holding» ҚК МЧЖнинг бошқа шуъба корхоналари фойдасини тақсимлашда ва дивидендларни тўлаш жараёнида тўлов манбаида юзага келадиган дивидендлар кўринишидаги даромадлардан келиб чиқадиган фойда солиғидан (бунда, чет эл инвесторига фойдани репатриация қилиш ҳолатида тўлов манбаида юзага келадиган дивидендлар кўринишидаги даромадлардан келиб чиқадиган фойда солиғи бўйича белгиланган солиқ мажбуриятлари тўлиқ қоплаб берилади);
«Digital Holding» ҚК МЧЖнинг устав фондига (капиталига) ҳисса қўшиш жараёнида, шу жумладан «Digital Holding» ҚК МЧЖни ташкил этиш пайтидаги унинг устав фондини (капиталини) шакллантириш жараёнида, шунингдек, «Digital Holding» ҚК МЧЖ устав фондининг (капиталининг) келгусида кўпайтирилиши жараёнида юзага келадиган ёки ҳисобланган солиқларнинг барча турларидан (устав фондининг (капиталининг) бундай кўпайтирилиши «Digital Holding» ҚК МЧЖнинг тақсимланмаган фойдаси, шу жумладан шуъба корхоналардан дивиденд кўринишида олинган фойда ҳисобига амалга ошириладиган ҳолатлар бундан мустасно);
в) «COSCOM» МЧЖнинг Ўзбекистон Республикаси Давлат активларини бошқариш агентлиги олдидаги қарзи, шу жумладан Ўзбекистон Республикаси Солиқ кодексининг 299-моддасини татбиқ этиш мақсадида пул маблағларидан текин фойдаланиш ҳуқуқи деб тан олинмайди ва «COSCOM» МЧЖнинг солиқ солинадиган даромадлари шаклланишига олиб келмайди;
г) телекоммуникация соҳасида лицензиялаш ва рухсатномалар бериш тартиби доирасида қўйиладиган талаблар ва шартлар Ўзбекистон Республикаси ҳудудида фаолият юритадиган барча уяли алоқа операторлари учун ягона ва бир хилдир;
д) «Digital Holding» ҚК МЧЖ ва унинг шуъба корхоналарининг устав фондидаги (капиталидаги) давлат улуши 50 фоиздан кам эканлигини ҳисобга олган ҳолда, харид қилиш тартиб-таомиллари улар томонидан ички корпоратив қоидаларга мувофиқ тўғридан-тўғри музокаралар асосида тендер (танлов) савдоларини ўтказмасдан амалга оширилади.
Харид қилиш тартиб-таомилларига оид қонунчиликда келгусида ўзгариш юз берган тақдирда, «Digital Holding» МЧЖ ва унинг шуъба корхоналарига харид қилиш тартиб-таомилларини ички корпоратив қоидаларга мувофиқ амалга ошириш ҳуқуқи берилсин.
5. Қуйидагиларга:
«COSCOM» МЧЖ устав фондидаги (капиталидаги) 201,4 миллион доллар миқдоридаги тўлиқ давлат улушини «Digital Holding» МЧЖ устав фондига (капиталига) Давлат активларини бошқариш агентлигининг ҳиссаси сифатида ўтказиш йўли билан беришга (бегоналаштиришга);
давлат органлари ва бошқа ташкилотлар томонидан тўғридан-тўғри музокаралар асосида «Digital Holding» МЧЖ ва унинг шуъба корхоналари билан тендер (танлов) савдоларисиз шартнома ва келишувлар тузишга рухсат берилсин.
6. Ўзбекистон Республикаси Ахборот технологиялари ва коммуникацияларини ривожлантириш вазирлиги «CRPT Turon» МЧЖ ва «ICS Holding Uzbekistan» МЧЖга Дастурий маҳсулотлар ва ахборот технологиялари технологик паркининг резиденти мақоми берилишини таъминласин ва шунга мос равишда уларга Ўзбекистон Республикаси Президентининг «Республикада ахборот технологиялари соҳасини ривожлантириш учун шарт-шароитларни тубдан яхшилаш чора-тадбирлари тўғрисида» 2017 йил 30 июндаги ПФ-5099-сон Фармони билан ушбу қарор қабул қилинган кун ҳолатига тақдим этилган солиқ имтиёзлари таъсири, башарти ушбу имтиёзлар улар томонидан учинчи шахсларга технологик ускуналар, аппарат тизимлари ва эҳтиёт қисмларни етказиб беришдан олинадиган даромадларга тааллуқли бўлмаса қўлланилсин.
7. «Digital Holding» ҚК МЧЖнинг таъсисчилари Инвестиция шартномасига мувофиқ «Digital Holding» ҚК МЧЖнинг устав фондига (капиталига) ўтказилаётган активларга ва бошқа мол-мулкка эгалик ҳуқуқини рўйхатдан ўтказишда «Digital Holding» ҚК МЧЖга ёрдам кўрсатсин.
8. Ўзбекистон Республикаси Инвестициялар ва ташқи савдо вазирлиги, Ахборот технологиялари ва коммуникацияларини ривожлантириш вазирлиги, Давлат активларини бошқариш агентлиги «Digital Holding» МЧЖ билан биргаликда:
улушлари «Digital Holding» МЧЖга ўтказилган хўжалик жамиятлари фаолиятининг самарадорлигини ошириш ва шаффофлигини таъминлаш, хорижий технологик шериклар ва инвесторларнинг таклифларини инобатга олган ҳолда юқори даромадлилик ва капитализация ўсишига эришиш;
давлат иштирокидаги корхоналарни босқичма-босқич ички ва ташқи бозорда рақобатлаша оладиган самарали корхоналарга айлантириш чораларини кўрсин.
9. «Digital Holding» МЧЖга ва унинг шуъба корхоналарига Инвестиция шартномасининг амал қилиш муддати давомида қуйидаги ҳуқуқлар берилсин:
ўзига тегишли бўлган ер усти станциясини яратиш ва ҳар бир ҳолатда «Digital Holding» МЧЖ ва унинг шуъба корхоналари томонидан йўлдош алоқаси провайдерларини мустақил танлаш имконияти билан, телекоммуникация тармоқларида тезкор-қидирув тадбирларини ўтказиш бўйича зарур шартларга риоя қилган ҳолда, йўлдош алоқа каналларидан ўз тижорат эҳтиёжлари учун бошқа операторлар ва телекоммуникация провайдерларига хизматлар кўрсатиш ҳуқуқисиз фойдаланиш;
телекоммуникация объектлари ва иншоотлари бўйича қурилиш-монтаж ишларини лойиҳалаштириш билан бир вақтда амалга ошириш;
радиоэлектрон воситалар ва юқори частотали қурилмаларни фойдаланишга қабул қилиш ҳамда телекоммуникация воситалари ва иншоотларидан фойдаланиш учун рухсатномаларни олиш далолатномаларини параллел равишда расмийлаштирган ҳолда алоқа хизматларини кўрсатиш;
телекоммуникация объектлари ва иншоотларини қуриш (жойлаштириш) мақсадида ваколатли органлардан аукцион савдоларини ўтказмасдан доимий фойдаланиш учун ер участкаларини олиш;
мавжуд телекоммуникация воситалари ва иншоотларини кенгайтириш ва янги телекоммуникация воситалари ва иншоотларини қуриш мақсадида устав фондида (капиталида) давлат улуши 50 фоиз ва ундан ортиқ бўлган хўжалик юритувчи субъектларнинг инфратузилмасидан, шу жумладан барча фойдаланувчилар учун тенг шартларда тузиладиган хўжалик шартномалари асосида уларнинг биноларидан ва биноларнинг қисмларидан, биноларнинг конструктив элементлари ва уларнинг қисмларидан, антенна-мачта иншоотларидан ва алоқа каналларидан ҳақ эвазига фойдаланиш имкониятига эга бўлиш.
10. Ўзбекистон Республикаси Молия вазирлиги, Иқтисодий тараққиёт ва камбағалликни қисқартириш вазирлиги, Ахборот технологиялари ва коммуникацияларини ривожлантириш вазирлигининг уяли алоқа операторлари учун уяли алоқа хизматларига солинадиган акциз солиғи ставкаси 2022 йил 1 январдан 10 фоиз этиб белгиланиши ва 2025 йил 1 январдан бошлаб уяли алоқа хизматларига акциз солиғи солинмаслиги тўғрисидаги таклифи маъқуллансин.
11. «Ўзбектелеком» АКга қуйидагилар тавсия этилсин:
«COSCOM» МЧЖ томонидан «Ўзбектелеком» АК алоқа каналларидан фойдаланган ҳолда «МегаФон» ОАЖдан бошқа операторларга ва телекоммуникация провайдерларига хизмат кўрсатиш ҳуқуқи берилмаган ҳолда ва фақат ўз тижорат эҳтиёжлари учун ташқи (халқаро) Интернет каналларини сотиб олишни назарда тутувчи ташқи (халқаро) Интернет каналларини сотиб олиш тўғрисида «МегаФон» ОАЖ ва «COSCOM» МЧЖ билан уч томонлама шартнома тузиш;
«COSCOM» МЧЖ билан амалдаги барча қисқа муддатли шартномаларни фақат томонларнинг ўзаро келишуви асосида бекор қилиш шартини назарда тутган ҳолда 5 йиллик муддатни кўзлайдиган узоқ муддатга қайта тузиш.
12. Ўзбекистон Республикаси Ахборот технологиялари ва коммуникацияларини ривожлантириш вазирлиги вазирликлар ва идоралар билан биргаликда икки ой муддатда:
аҳоли пунктлари ташқарисида оптик толали алоқа линияларини қуриш имкониятларини кенгайтиришни назарда тутувчи телекоммуникациялар соҳасидаги қонунчиликка ўзгартиришлар киритиш;
қонун ҳужжатларига ушбу қарордан келиб чиқадиган ўзгартириш ва қўшимчалар тўғрисидаги таклифларини Вазирлар Маҳкамасига киритсин.
13. Мазкур қарорнинг ижросини назорат қилиш Ўзбекистон Республикасининг Бош вазири А.Н. Арипов зиммасига юклансин.
Ўзбекистон Республикаси Президенти Ш. МИРЗИЁЕВ
Тошкент ш.,
2021 йил 10 февраль,
ПҚ-4986-сон
Oʻzbekiston Respublikasi Prezidentining
Qarori
Axborot texnologiyalari va kommunikatsiyalarini yanada rivojlantirishga investitsiyalarni jalb qilish chora-tadbirlari toʻgʻrisida
Respublikada raqamli iqtisodiyotni jadal rivojlantirish uchun investitsiyalarni jalb qilish, iqtisodiyot tarmoqlarida innovatsion texnologiyalardan keng foydalanishni ragʻbatlantirish, shuningdek, “Raqamli Oʻzbekiston — 2030” strategiyasida belgilangan vazifalar ijrosini taʼminlash maqsadida:
1. Quyidagilar:
Oʻzbekiston Respublikasi Hukumati va “MegaFon” ochiq aksiyadorlik jamiyati (Rossiya Federatsiyasi) (keyingi oʻrinlarda — “MegaFon” OAJ) oʻrtasida “Digital Holding” qoʻshma korxonasini tashkil etish toʻgʻrisida Hadli shartnoma imzolanganligi;
“MegaFon” OAJ va “YueSeM Telekom” masʼuliyati cheklangan jamiyati tomonidan Rossiya Federatsiyasida masʼuliyati cheklangan jamiyat shaklida “Didjital Invest” korxonasi (keyingi oʻrinlarda — “Didjital Invest” MCHJ) taʼsis etilganligi maʼlumot uchun qabul qilinsin.
2. Oʻzbekiston Respublikasi Hukumati nomidan Investitsiyalar va tashqi savdo vazirligi hamda “Didjital Invest” MCHJ oʻrtasida imzolangan Oʻzbekiston Respublikasida axborot texnologiyalari va telekommunikatsiyalar sohasidagi loyihaga doir quyidagilarni nazarda tutuvchi Investitsiya shartnomasi (keyingi oʻrinlarda — Investitsiya shartnomasi) tasdiqlansin:
Oʻzbekiston Respublikasi hududida masʼuliyati cheklangan jamiyat shaklida “Digital Holding” Oʻzbekiston-Rossiya qoʻshma korxonasining (keyingi oʻrinlarda — “Digital Holding” QK MCHJ) faoliyatini tashkil etish;
Oʻzbekiston Respublikasi Davlat aktivlarini boshqarish agentligi “Digital Holding” QK MCHJ ustav fondida (kapitalida) 49 foiz miqdoridagi ulush bilan va “Didjital Invest” MCHJ (Rossiya Federatsiyasi) 51 foiz miqdoridagi ulush bilan ishtirok etishi;
Oʻzbekiston Respublikasi Davlat aktivlarini boshqarish agentligi tomonidan “Digital Holding” MCHJ ustav fondiga (kapitaliga) kiritiladigan hissa sifatida “COSCOM” MCHJ ustav fondidagi (kapitalidagi) 100 foiz miqdoridagi davlat ulushining oʻtkazilishi;
“Didjital Invest” MCHJning “CRPT Turon” MCHJ va “ICS Holding Uzbekistan” MCHJ ustav fondidagi (kapitalidagi) 100 foiz miqdoridagi ulushlarini, shuningdek, 100 million AQSH dollari miqdoridagi pul mablagʻlarini (yoki ushbu pul miqdorining boshqa chet el valyutasidagi ekvivalentini) “Didjital Invest” MCHJ qoʻshgan hissa sifatida “Digital Holding” QK MCHJ ustav fondiga (kapitaliga) oʻtkazish.
3. Quyidagilar “Digital Holding” QK MCHJning asosiy vazifalari etib belgilansin:
moliya-texnika sektori va elektron tijorat sohasida innovatsion va texnologik faollikni rivojlantirish uchun innovatsion platformalarni tatbiq qilishda, shuningdek, respublikada axborotlashtirish sektori samaradorligini oshirish va zamonaviy telekommunikatsiya texnologiyalarini joriy etishda maslahat yordamini koʻrsatish;
xalqaro standartlarga muvofiq raqamlashtirish jarayonlarini tezlashtirish va innovatsion faoliyatni rivojlantirish uchun yuqori texnologik telekommunikatsiya infratuzilmasini shakllantirishga hissa qoʻshish;
Oʻzbekiston Respublikasi hududida telekommunikatsiya xizmatlaridan foydalanish imkoniyatlarini kengaytirish va ularni taqdim etish sifatini oshirish maqsadida mavjud telekommunikatsiya infratuzilmasini takomillashtirish va yangi telekommunikatsiya infratuzilmasini yaratish;
mahsulotlarning ayrim turlarini markirovka qilish va ularning harakatini nazorat qilish (kuzatib borish) tizimini yaratishda ishtirok etish;
mahalliy va xalqaro tovar aylanmasi rivojini ragʻbatlantirish uchun moliya-toʻlov xizmatlari hamda sodiqlik marketing xizmatlarining zamonaviy yuqori texnologik tizimini yaratish;
aholiga keng turdagi tovarlarni yetkazib berishni, shu jumladan, toʻlovlarni qabul qiluvchi serxarajat tarmoqlar qurish zaruratini istisno etgan holda, tovarlarni onlayn xarid imkoniyatlarini soddalashtirish uchun elektron tijorat (raqamli marketpleys) mexanizmini joriy etish;
ilgʻor texnologiyalarni joriy etish va, shu jumladan axborot xavfsizligi, biznesni qoʻllab-quvvatlash tizimlari va maʼlumotlarni saqlash sohalaridagi, shuningdek, kompleks integratsiyalashning zamonaviy tizimlaridan foydalanishga koʻmaklashish (xoʻjalik shartnomalari asosida).
4. Belgilab qoʻyilsinki:
a) “Digital Holding” QK MCHJ uning yagona muassisi sifatida “Didjital Invest” MCHJ (Rossiya Federatsiyasi) tomonidan taʼsis etilishi va koʻrsatilgan nom bilan roʻyxatdan oʻtkazilishi hamda “ICS Holding Uzbekistan” MCHJ uning yagona muassisi sifatida “YueSeM Telekom” (Rossiya Federatsiyasi) masʼuliyati cheklangan jamiyat tomonidan taʼsis etilishi va koʻrsatilgan nom bilan roʻyxatdan oʻtkazilishi mumkin;
b) “Didjital Invest” MCHJ va “Digital Holding” QK MCHJ (shu jumladan, “Dijital Invest” MCHJning soliq agenti sifatida) Investitsiya shartnomasining amal qilish muddati davomida quyidagi toʻlovlardan ozod qilinadi:
“COSCOM” MCHJ, “CRPT Turon” MCHJ, “ICS Holding Uzbekistan” MCHJ va “Digital Holding” QK MCHJning boshqa shuʼba korxonalari foydasini taqsimlashda va dividendlarni toʻlash jarayonida toʻlov manbaida yuzaga keladigan dividendlar koʻrinishidagi daromadlardan kelib chiqadigan foyda soligʻidan (bunda, chet el investoriga foydani repatriatsiya qilish holatida toʻlov manbaida yuzaga keladigan dividendlar koʻrinishidagi daromadlardan kelib chiqadigan foyda soligʻi boʻyicha belgilangan soliq majburiyatlari toʻliq qoplab beriladi);
“Digital Holding” QK MCHJning ustav fondiga (kapitaliga) hissa qoʻshish jarayonida, shu jumladan “Digital Holding” QK MCHJni tashkil etish paytidagi uning ustav fondini (kapitalini) shakllantirish jarayonida, shuningdek, “Digital Holding” QK MCHJ ustav fondining (kapitalining) kelgusida koʻpaytirilishi jarayonida yuzaga keladigan yoki hisoblangan soliqlarning barcha turlaridan (ustav fondining (kapitalining) bunday koʻpaytirilishi “Digital Holding” QK MCHJning taqsimlanmagan foydasi, shu jumladan shuʼba korxonalardan dividend koʻrinishida olingan foyda hisobiga amalga oshiriladigan holatlar bundan mustasno);
v) “COSCOM” MCHJning Oʻzbekiston Respublikasi Davlat aktivlarini boshqarish agentligi oldidagi qarzi, shu jumladan Oʻzbekiston Respublikasi Soliq kodeksining 299-moddasini tatbiq etish maqsadida pul mablagʻlaridan tekin foydalanish huquqi deb tan olinmaydi va “COSCOM” MCHJning soliq solinadigan daromadlari shakllanishiga olib kelmaydi;
g) telekommunikatsiya sohasida litsenziyalash va ruxsatnomalar berish tartibi doirasida qoʻyiladigan talablar va shartlar Oʻzbekiston Respublikasi hududida faoliyat yuritadigan barcha uyali aloqa operatorlari uchun yagona va bir xildir;
d) “Digital Holding” QK MCHJ va uning shuʼba korxonalarining ustav fondidagi (kapitalidagi) davlat ulushi 50 foizdan kam ekanligini hisobga olgan holda, xarid qilish tartib-taomillari ular tomonidan ichki korporativ qoidalarga muvofiq toʻgʻridan-toʻgʻri muzokaralar asosida tender (tanlov) savdolarini oʻtkazmasdan amalga oshiriladi.
Xarid qilish tartib-taomillariga oid qonunchilikda kelgusida oʻzgarish yuz bergan taqdirda, “Digital Holding” MCHJ va uning shuʼba korxonalariga xarid qilish tartib-taomillarini ichki korporativ qoidalarga muvofiq amalga oshirish huquqi berilsin.
5. Quyidagilarga:
“COSCOM” MCHJ ustav fondidagi (kapitalidagi) 201,4 million dollar miqdoridagi toʻliq davlat ulushini “Digital Holding” MCHJ ustav fondiga (kapitaliga) Davlat aktivlarini boshqarish agentligining hissasi sifatida oʻtkazish yoʻli bilan berishga (begonalashtirishga);
davlat organlari va boshqa tashkilotlar tomonidan toʻgʻridan-toʻgʻri muzokaralar asosida “Digital Holding” MCHJ va uning shuʼba korxonalari bilan tender (tanlov) savdolarisiz shartnoma va kelishuvlar tuzishga ruxsat berilsin.
6. Oʻzbekiston Respublikasi Axborot texnologiyalari va kommunikatsiyalarini rivojlantirish vazirligi “CRPT Turon” MCHJ va “ICS Holding Uzbekistan” MCHJga Dasturiy mahsulotlar va axborot texnologiyalari texnologik parkining rezidenti maqomi berilishini taʼminlasin va shunga mos ravishda ularga Oʻzbekiston Respublikasi Prezidentining “Respublikada axborot texnologiyalari sohasini rivojlantirish uchun shart-sharoitlarni tubdan yaxshilash chora-tadbirlari toʻgʻrisida” 2017-yil 30-iyundagi PF-5099-son Farmoni bilan ushbu qaror qabul qilingan kun holatiga taqdim etilgan soliq imtiyozlari taʼsiri, basharti ushbu imtiyozlar ular tomonidan uchinchi shaxslarga texnologik uskunalar, apparat tizimlari va ehtiyot qismlarni yetkazib berishdan olinadigan daromadlarga taalluqli boʻlmasa qoʻllanilsin.
7. “Digital Holding” QK MCHJning taʼsischilari Investitsiya shartnomasiga muvofiq “Digital Holding” QK MCHJning ustav fondiga (kapitaliga) oʻtkazilayotgan aktivlarga va boshqa mol-mulkka egalik huquqini roʻyxatdan oʻtkazishda “Digital Holding” QK MCHJga yordam koʻrsatsin.
8. Oʻzbekiston Respublikasi Investitsiyalar va tashqi savdo vazirligi, Axborot texnologiyalari va kommunikatsiyalarini rivojlantirish vazirligi, Davlat aktivlarini boshqarish agentligi “Digital Holding” MCHJ bilan birgalikda:
ulushlari “Digital Holding” MCHJga oʻtkazilgan xoʻjalik jamiyatlari faoliyatining samaradorligini oshirish va shaffofligini taʼminlash, xorijiy texnologik sheriklar va investorlarning takliflarini inobatga olgan holda yuqori daromadlilik va kapitalizatsiya oʻsishiga erishish;
davlat ishtirokidagi korxonalarni bosqichma-bosqich ichki va tashqi bozorda raqobatlasha oladigan samarali korxonalarga aylantirish choralarini koʻrsin.
9. “Digital Holding” MCHJga va uning shuʼba korxonalariga Investitsiya shartnomasining amal qilish muddati davomida quyidagi huquqlar berilsin:
oʻziga tegishli boʻlgan yer usti stansiyasini yaratish va har bir holatda “Digital Holding” MCHJ va uning shuʼba korxonalari tomonidan yoʻldosh aloqasi provayderlarini mustaqil tanlash imkoniyati bilan, telekommunikatsiya tarmoqlarida tezkor-qidiruv tadbirlarini oʻtkazish boʻyicha zarur shartlarga rioya qilgan holda, yoʻldosh aloqa kanallaridan oʻz tijorat ehtiyojlari uchun boshqa operatorlar va telekommunikatsiya provayderlariga xizmatlar koʻrsatish huquqisiz foydalanish;
telekommunikatsiya obyektlari va inshootlari boʻyicha qurilish-montaj ishlarini loyihalashtirish bilan bir vaqtda amalga oshirish;
radioelektron vositalar va yuqori chastotali qurilmalarni foydalanishga qabul qilish hamda telekommunikatsiya vositalari va inshootlaridan foydalanish uchun ruxsatnomalarni olish dalolatnomalarini parallel ravishda rasmiylashtirgan holda aloqa xizmatlarini koʻrsatish;
telekommunikatsiya obyektlari va inshootlarini qurish (joylashtirish) maqsadida vakolatli organlardan auksion savdolarini oʻtkazmasdan doimiy foydalanish uchun yer uchastkalarini olish;
mavjud telekommunikatsiya vositalari va inshootlarini kengaytirish va yangi telekommunikatsiya vositalari va inshootlarini qurish maqsadida ustav fondida (kapitalida) davlat ulushi 50 foiz va undan ortiq boʻlgan xoʻjalik yurituvchi subyektlarning infratuzilmasidan, shu jumladan barcha foydalanuvchilar uchun teng shartlarda tuziladigan xoʻjalik shartnomalari asosida ularning binolaridan va binolarning qismlaridan, binolarning konstruktiv elementlari va ularning qismlaridan, antenna-machta inshootlaridan va aloqa kanallaridan haq evaziga foydalanish imkoniyatiga ega boʻlish.
10. Oʻzbekiston Respublikasi Moliya vazirligi, Iqtisodiy taraqqiyot va kambagʻallikni qisqartirish vazirligi, Axborot texnologiyalari va kommunikatsiyalarini rivojlantirish vazirligining uyali aloqa operatorlari uchun uyali aloqa xizmatlariga solinadigan aksiz soligʻi stavkasi 2022-yil 1-yanvardan 10 foiz etib belgilanishi va 2025-yil 1-yanvardan boshlab uyali aloqa xizmatlariga aksiz soligʻi solinmasligi toʻgʻrisidagi taklifi maʼqullansin.
11. “Oʻzbektelekom” AKga quyidagilar tavsiya etilsin:
“COSCOM” MCHJ tomonidan “Oʻzbektelekom” AK aloqa kanallaridan foydalangan holda “MegaFon” OAJdan boshqa operatorlarga va telekommunikatsiya provayderlariga xizmat koʻrsatish huquqi berilmagan holda va faqat oʻz tijorat ehtiyojlari uchun tashqi (xalqaro) Internet kanallarini sotib olishni nazarda tutuvchi tashqi (xalqaro) Internet kanallarini sotib olish toʻgʻrisida “MegaFon” OAJ va “COSCOM” MCHJ bilan uch tomonlama shartnoma tuzish;
“COSCOM” MCHJ bilan amaldagi barcha qisqa muddatli shartnomalarni faqat tomonlarning oʻzaro kelishuvi asosida bekor qilish shartini nazarda tutgan holda 5 yillik muddatni koʻzlaydigan uzoq muddatga qayta tuzish.
12. Oʻzbekiston Respublikasi Axborot texnologiyalari va kommunikatsiyalarini rivojlantirish vazirligi vazirliklar va idoralar bilan birgalikda ikki oy muddatda:
aholi punktlari tashqarisida optik tolali aloqa liniyalarini qurish imkoniyatlarini kengaytirishni nazarda tutuvchi telekommunikatsiyalar sohasidagi qonunchilikka oʻzgartirishlar kiritish;
qonun hujjatlariga ushbu qarordan kelib chiqadigan oʻzgartirish va qoʻshimchalar toʻgʻrisidagi takliflarini Vazirlar Mahkamasiga kiritsin.
13. Mazkur qarorning ijrosini nazorat qilish Oʻzbekiston Respublikasining Bosh vaziri A.N. Aripov zimmasiga yuklansin.
Oʻzbekiston Respublikasi Prezidenti Sh. MIRZIYOYEV
Toshkent sh.,
2021-yil 10-fevral,
PQ-4986-son
Президента Республики Узбекистан
Постановление
О мерах по привлечению инвестиций в дальнейшее развитие информационных технологий и коммуникаций
В целях привлечения инвестиций для ускоренного развития цифровой экономики в республике, стимулирования широкого применения инновационных технологий в отраслях экономики, а также во исполнение задач, определенных в Стратегии «Цифровой Узбекистан-2030»:
1. Принять к сведению, что:
между Правительством Республики Узбекистан и публичным акционерным обществом «МегаФон» (Российская Федерация) (далее — ПАО «МегаФон») подписано Рамочное соглашение о создании совместного предприятия «Digital Нolding»;
ПАО «МегаФон» и обществом с ограниченной ответственностью «ЮэСэМ Телеком» учреждено в Российской Федерации предприятие в форме общества с ограниченной ответственностью «Диджитал Инвест» (далее — ООО «Диджитал Инвест»).
2. Утвердить Инвестиционное соглашение в отношении проекта в сфере информационных технологий и телекоммуникаций в Республике Узбекистан (далее — Инвестиционное соглашение), подписанное между Правительством Республики Узбекистан в лице Министерства инвестиций и внешней торговли Республики Узбекистан и ООО «Диджитал Инвест», предусматривающее:
организацию деятельности на территории Республики Узбекистан узбекско-российского совместного предприятия «Digital Нolding» в форме общества с ограниченной ответственностью (далее — СП ООО «Digital Нolding»);
участие Агентства по управлению государственными активами Республики Узбекистан в уставном фонде СП ООО «Digital Нolding» с долей в размере 49 процентов и ООО «Диджитал Инвест» (Российская Федерация) с долей в размере 51 процент;
передачу Агентством по управлению государственными активами Республики Узбекистан государственной доли в размере 100 процентов в уставном фонде ООО «COSCOM» в качестве вклада в уставный фонд СП ООО «Digital Нolding»;
передачу долей ООО «Диджитал Инвест» в размере 100 процентов в уставных капиталах ООО «CRPT Turon» и ООО «ICS Нolding Uzbekistan», а также денежных средств в размере 100 миллионов долларов США (или эквивалента данной суммы в иной иностранной валюте) в качестве вклада ООО «Диджитал Инвест» в уставный фонд СП ООО «Digital Нolding».
3. Определить основными задачами СП ООО «Digital Нolding»:
оказание консультационного содействия во внедрении инновационных платформ для развития инновационной и технологической активности в финансово-техническом секторе и электронной коммерции, а также повышении эффективности сферы информатизации и во внедрении современных телекоммуникационных технологий в республике;
способствование формированию высокотехнологичной телекоммуникационной инфраструктуры для ускорения процессов цифровизации и развития инновационной деятельности в соответствии с международными стандартами;
совершенствование существующей и строительство новой телекоммуникационной инфраструктуры с целью расширения доступа к телекоммуникационным услугам на территории Республики Узбекистан и повышению качества их предоставления;
участие в создании системы маркировки и контроля (отслеживания) движения отдельных видов товаров;
создание современной высокотехнологичной системы финансово-платежных сервисов и сервисов лояльности для стимулирования развития локального и международного товарооборота;
внедрение механизма электронной коммерции (цифрового маркетплейса) для упрощения доступа населения к широкому спектру товаров, в том числе приобретения их онлайн, исключая необходимость строительства затратной физической сети приема платежей;
способствование (на основе хозяйственных договоров) внедрению передовых технологий и использованию современных систем, в том числе в сферах информационной безопасности, систем поддержки бизнеса и хранения данных, а также комплексной интеграции.
4. Установить, что:
а) СП ООО «Digital Нolding» может быть учреждено и зарегистрировано с указанным наименованием ООО «Диджитал Инвест» (Российская Федерация) в качестве единственного учредителя, и ООО «ICS Нolding Uzbekistan» может быть учреждено и зарегистрировано с указанным наименованием обществом с ограниченной ответственностью «ЮэСэМ Телеком» (Российская Федерация) в качестве единственного учредителя;
б) ООО «Диджитал Инвест» и СП ООО «Digital Нolding» (в том числе в качестве налогового агента ООО «Диджитал Инвест») освобождаются на срок действия Инвестиционного соглашения от уплаты:
налога на прибыль у источника выплаты по доходам в виде дивидендов при выплате дивидендов и распределении прибыли ООО «COSCOM», ООО «CRPT Turon», ООО «ICS Нolding Uzbekistan» и другими дочерними хозяйственными обществами СП ООО «Digital Нolding» (при этом в случае репатриации прибыли иностранному инвестору установленные налоговые обязательства в части налога на прибыль у источника выплаты по доходам в виде дивидендов будут покрываться полностью);
всех видов налогов, возникающих или исчисляемых в процессе внесения вкладов в уставный фонд СП ООО «Digital Нolding», в том числе в процессе формирования уставного фонда СП ООО «Digital Нolding» при его учреждении, а также в процессе последующих увеличений уставного фонда СП ООО «Digital Нolding» (за исключением случаев, когда такое увеличение уставного фонда осуществляется за счет нераспределенной прибыли СП ООО «Digital Нolding», в том числе полученной в виде дивидендов от дочерних хозяйственных обществ);
в) задолженность ООО «COSCOM» перед Агентством по управлению государственными активами Республики Узбекистан не признается безвозмездно полученным правом пользования денежными средствами, в том числе в целях применения статьи 299 Налогового кодекса Республики Узбекистан, и не приводит к образованию налогооблагаемого дохода OOO «COSCOM»;
г) требования и условия, предъявляемые в рамках лицензирования и разрешительных процедур в сфере телекоммуникаций, едины и одинаковы для всех операторов мобильной связи, осуществляющих свою деятельность на территории Республики Узбекистан;
д) проведение закупочных процедур осуществляется СП ООО «Digital Нolding» и его дочерними хозяйственными обществами в соответствии с внутренними корпоративными правилами с учетом того, что доля государства в их уставных фондах составляет менее 50 процентов.
В случае последующего изменения законодательства относительно проведения закупочных процедур предоставить СП ООО «Digital Нolding» и его дочерним обществам право осуществлять закупочные процедуры в соответствии с внутренними корпоративными правилами.
5. Разрешить:
отчуждение государственной доли в уставном фонде ООО «COSCOM» стоимостью 201,4 миллиона долларов США путем ее передачи в уставный фонд СП ООО «Digital Нolding» в качестве вклада Агентства по управлению государственными активами Республики Узбекистан;
государственным органам и иным организациям заключать с СП ООО «Digital Нolding» и его дочерними хозяйственными обществами договоры и соглашения без проведения тендерных (конкурсных) торгов на основе проведения прямых переговоров.
6. Министерству по развитию информационных технологий и коммуникаций Республики Узбекистан обеспечить предоставление для ООО «CRPT Turon» и ООО «ICS Нolding Uzbekistan» статуса резидентов Технологического парка программных продуктов и информационных технологий и, соответственно, распространить на них действие налоговых льгот, представленных по состоянию на дату настоящего постановления Указом Президента Республики Узбекистан от 30 июня 2017 года № УП-5099 «О мерах по коренному улучшению условий для развития отрасли информационных технологий в республике», в соответствии с Инвестиционным соглашением, при условии, что указанные льготы не применяются в отношении доходов, полученных ими от поставок третьим лицам технологического оборудования, аппаратных комплексов и запасных частей к ним.
7. Учредителям СП ООО «Digital Нolding» оказать содействие СП ООО «Digital Нolding» в оформлении прав собственности на активы и другое имущество, передаваемое в уставный фонд совместного предприятия в соответствии с Инвестиционным соглашением.
8. Министерству инвестиций и внешней торговли, Министерству по развитию информационных технологий и коммуникаций, Агентству по управлению государственными активами Республики Узбекистан совместно с СП ООО «Digital Нolding» принять меры по:
повышению эффективности и обеспечению прозрачности деятельности хозяйственных обществ, доли которых передаются СП ООО «Digital Нolding», достижению высокой доходности и роста капитализации, с учетом предложений иностранных технологических партнеров и инвесторов;
поэтапной трансформации предприятий с государственным участием в эффективные предприятия, способные конкурировать на внутреннем и внешнем рынках.
9. Предоставить СП ООО «Digital Нolding» и его дочерним хозяйственным обществам право на срок действия Инвестиционного соглашения:
использовать спутниковые каналы связи для собственных коммерческих нужд без права оказания услуг другим операторам и провайдерам телекоммуникаций с созданием собственной наземной станции и возможностью в каждом случае самостоятельного выбора со стороны СП ООО «Digital Нolding» и его дочерних хозяйственных обществ международных поставщиков услуг спутниковой связи при соблюдении необходимых условий для проведения оперативно-розыскных мероприятий на сетях телекоммуникаций;
осуществлять строительно-монтажные работы в отношении средств и сооружений телекоммуникаций с применением параллельного проектирования;
оказывать услуги связи с параллельным оформлением актов приемки средств и сооружений телекоммуникаций в эксплуатацию и получением разрешений на эксплуатацию радиоэлектронных средств и высокочастотных устройств;
получать в постоянное пользование земельные участки от уполномоченных органов для строительства (размещения) средств и сооружений телекоммуникаций без проведения аукционов;
иметь доступ к инфраструктуре, в том числе в форме возмездного пользования помещениями и их частями, конструктивными элементами зданий и их частями, антенно-мачтовыми сооружениями, каналами связи хозяйствующих субъектов с долей государства в уставном фонде 50 процентов и более, при расширении существующих и для строительства новых средств и сооружений телекоммуникаций на основе хозяйственных договоров, заключаемых на равных для всех пользователей условиях.
10. Принять предложение Министерства финансов, Министерства экономического развития и сокращения бедности, Министерства по развитию информационных технологий и коммуникаций Республики Узбекистан, в соответствии с которым для операторов мобильной связи ставка акцизного налога на услуги мобильной связи снижается с 1 января 2022 года до 10 процентов, а начиная с 1 января 2025 года услуги мобильной связи не подлежат обложению акцизным налогом.
11. Рекомендовать АК «Узбектелеком»:
заключить с ПАО «МегаФон» и ООО «COSCOM» трехстороннее соглашение о закупке внешних (международных) интернет-каналов, подразумевающее приобретение ООО «COSCOM» внешних (международных) интернет-каналов у ПАО «МегаФон» с использованием каналов связи АК «Узбектелеком» исключительно для собственных коммерческих нужд без права оказания услуг другим операторам и провайдерам телекоммуникаций;
перезаключить с ООО «COSCOM» все действующие краткосрочные договоры на долгосрочные сроком на 5 лет, предусматривающие условие их расторжения исключительно по обоюдному согласию сторон.
12. Министерству по развитию информационных технологий и коммуникаций совместно с министерствами и ведомствами в двухмесячный срок внести в Кабинет Министров Республики Узбекистан предложения:
по внесению изменений в законодательство в сфере телекоммуникаций, предусматривающих расширение возможностей строительства волоконно-оптических линий связи за пределами населенных пунктов;
по внесению изменений и дополнений в законодательство, вытекающих из настоящего постановления.
13. Контроль за исполнением настоящего постановления возложить на Премьер-министра Республики Узбекистан А.Н. Арипова.
Президент Республики Узбекистан Ш. МИРЗИЁЕВ
г. Ташкент,
10 февраля 2021 г.,
№ ПП-4986