📅 2021-yil 10-fevral · Vazirlar Mahkamasi qarorlari
Rasmiy matn. Rasmiy hujjat. Tahririy izohlar kiritilmagan.
UzbekAI
📅 2021 йил 10 февраль · Вазирлар Маҳкамаси қарорлари
Расмий матн. Расмий ҳужжат. Таҳририй изоҳлар киритилмаган.
📅 10 февраля 2021 г. · Постановления Кабинета Министров
Официальный текст. Официальный документ. Редакционные примечания не включены.
📅 10 February 2021 · Cabinet of Ministers resolutions
Official text. Official document. Editorial notes are not included.
Ўзбекистон Республикаси Вазирлар Маҳкамасининг
қарори
«ЙЎЛ ХАРИТАСИ»
ТАРКИБИ
Лотин ёзувига асосланган ўзбек алифбосига босқичма-босқич тўлиқ ўтишни таъминлаш чора-тадбирлари тўғрисида
Ўзбекистон Республикаси Президентининг «Мамлакатимизда ўзбек тилини янада ривожлантириш ва тил сиёсатини такомиллаштириш чора-тадбирлари тўғрисида»ги 2020 йил 20 октябрдаги ПФ-6084-сон Фармони ижросини таъминлаш мақсадида Вазирлар Маҳкамаси қарор қилади:
1. Лотин ёзувига асосланган ўзбек алифбосига босқичма-босқич тўлиқ ўтишни таъминлаш бўйича «йўл харитаси» 1-иловага мувофиқ тасдиқлансин.
2. Лотин ёзувига асосланган ўзбек алифбосига босқичма-босқич тўлиқ ўтишни таъминлаш бўйича республика ишчи гуруҳи 2-иловага мувофиқ таркибда тузилсин.
3. Ишчи гуруҳи:
уч ҳафта муддатда масъул вазирлик, идора ва ташкилотлар раҳбарлари иштирокида видеоконференцалоқа воситаларидан фойдаланган ҳолда мажлис ўтказиб, мазкур қарорга мувофиқ амалга оширилиши лозим бўлган ишлар тўғрисида ахборот берсин ҳамда ҳар чоракда ижросини муҳокама қилсин;
«Йўл харитаси»да белгиланган топшириқларга масъул этиб белгиланган вазирлик, идора ва ташкилотлар фаолиятини мувофиқлаштирсин, улар томонидан бажарилган ишлар тўғрисидаги ҳисоботларни эшитиб борсин;
ушбу топшириқларни бажаришда юзага келадиган масалаларни тезкорлик билан ҳал этиш чораларини кўрсин ҳамда уларнинг ўз муддатида ва сифатли бажарилишини таъминласин.
«Йўл харитаси»ни бажаришга масъул бўлган вазирлик, идора ва ташкилотлар ўзларига юклатилган вазифа ва топшириқларни ўз вақтида, сифатли ва тўлиқ бажарилишини таъминласин, шунингдек, уларнинг ижро этилиши ҳолати тўғрисида ҳар чорак якуни бўйича Вазирлар Маҳкамасига ахборот тақдим этиб борсин.
4. Вазирлик, идора ва ташкилотлар Ўзбекистон Республикаси Давлат бюджетидан ажратилган маблағлар доирасида, шунингдек, бюджетдан ташқари маблағлари ҳисобидан лотин ёзувига асосланган ўзбек алифбосини жорий этиш билан боғлиқ масалаларга зарур маблағлар ажратишни назарда тутсин.
5. Мазкур қарорнинг бажарилишини назорат қилиш Ўзбекистон Республикаси Бош вазирининг ўринбосарлари ва Ўзбекистон Республикаси Вазирлар Маҳкамасининг Маънавият ва давлат тилини ривожлантириш масалалари департаменти зиммасига юклансин.
Вазирлар Маҳкамасининг 2021 йил 10 февралдаги 61-сон қарорига 1-ИЛОВА
Лотин ёзувига асосланган ўзбек алифбосига босқичма-босқич тўлиқ ўтишни таъминлаш бўйича
Т/р Амалга ошириладиган тадбирлар Ижро механизмлари Ижро муддатлари Молиялаштириш манбалари Ижро учун масъуллар I. Норматив-ҳуқуқий базани такомиллаштириш 1. Лотин ёзувига асосланган ўзбек алифбосига босқичма-босқич тўлиқ ўтишни таъминлашга қаратилган норматив-ҳуқуқий ҳужжат лойиҳаси ни ишлаб чиқиш. 1. Норматив-ҳуқуқий ҳужжат лойиҳасини ишлаб чиқиш бўйича ишчи гуруҳ тузиш. 2021 йил март - Фанлар академияси, Адлия вазирлиги, Олий ва ўрта махсус таълим вазирлиги, Халқ таълими вазирлиги, Мактабгача таълим вазирлиги, манфаатдор вазирлик ва идоралар 2. Норматив-ҳуқуқий ҳужжат лойиҳасини ишлаб чиқиш ва кенг жамоатчилик муҳокамасидан ўтказиш. 2021 йил апрель 3. Норматив-ҳуқуқий ҳужжат лойиҳасини белгиланган тартибда Вазирлар Маҳкамасига киритиш. 2021 йил май 2. Лотин ёзувидаги ўзбек алифбосининг янги таҳрири асосида « Ўзбек тилининг имло қоидалари »ни тасдиқлаш бўйича Ҳукумат қарори лойиҳасини ишлаб чиқиш. 1. Ҳукумат қарори лойиҳасини ишлаб чиқиш бўйича ишчи гуруҳ тузиш. 2021 йил март - Фанлар академияси, Адлия вазирлиги, Олий ва ўрта махсус таълим вазирлиги, Халқ таълими вазирлиги, Мактабгача таълим вазирлиги, манфаатдор вазирлик ва идоралар 2. Ҳукумат қарори лойиҳасини ишлаб чиқиш ва кенг жамоатчилик муҳокамасидан ўтказиш. 2021 йил сентябрь 3. Ҳукумат қарори лойиҳасини белгиланган тартибда Вазирлар Маҳкамасига киритиш. 2021 йил октябрь 3. Норматив-ҳуқуқий ҳужжатлар лойиҳаларини тайёрлаш, юридик-техник жиҳатдан расмийлаштириш, келишиш ва киритиш тартибини белгилайдиган қонун ҳужжатларига лойиҳаларни лотин ёзувига асосланган ўзбек алифбосида тайёрлаш ва киритиш тартибини белгиловчи норматив-ҳуқуқий ҳужжат лойиҳасини (лойиҳаларини) ишлаб чиқиш. 1. Норматив-ҳуқуқий ҳужжат лойиҳасини (лойиҳаларини) ишлаб чиқиш бўйича ишчи гуруҳ тузиш. 2021 йил март - Адлия вазирлиги, манфаатдор вазирлик ва идоралар 2. Норматив-ҳуқуқий ҳужжат лойиҳасини (лойиҳаларини) ишлаб чиқиш ва кенг жамоатчилик муҳокамасидан ўтказиш. 2021 йил октябрь 3. Норматив-ҳуқуқий ҳужжат лойиҳасини (лойиҳаларини) белгиланган тартибда Вазирлар Маҳкамасига киритиш. 2021 йил ноябрь 4. Норматив-ҳуқуқий ҳужжатлар лойиҳаларини лотин ёзувига асосланган ўзбек алифбосидан келиб чиққан ҳолда, илмий лингвистик экспертизадан ўтказишнинг ташкилий-ҳуқуқий асосларини белгилаш. Норматив-ҳуқуқий ҳужжатлар лойиҳаларини илмий лингвистик экспертизадан ўтказишнинг қуйидаги механизмларини назарда тутувчи ташкилий-ҳуқуқий асосларини белгилаш: «илмий лингвистик экспертиза» тушунчаси, экспертизани ўтказишнинг мақсад ва вазифалари ҳамда объектини аниқлаш; илмий лингвистик экспертизага қўйиладиган асосий талабларни белгилаш; илмий лингвистик экспертизадан ўтказувчи ваколатли органлар ва уларнинг ваколатлари доирасини аниқлаш. 2021 йил декабрь - Адлия вазирлиги, манфаатдор вазирлик ва идоралар 5. Норматив-ҳуқуқий ҳужжатлар лойиҳалари муҳокамаси порталига (regulation.gov.uz) жойлаштириш учун тақдим қилинган лойиҳаларнинг давлат тили қоидаларига ҳамда «Норматив-ҳуқуқий ҳужжатлар тўғрисида»ги Қонун талабларига мувофиқлиги, шунингдек, лойиҳалар лотин ёзувига асосланган ўзбек алифбосида тайёрланганлиги текширилгандан кейин муҳокамага чиқариш тартибини жорий этиш. 1. Норматив-ҳуқуқий ҳужжат лойиҳасини ишлаб чиқиш бўйича ишчи гуруҳ тузиш. 2021 йил апрель - Адлия вазирлиги, манфаатдор вазирлик ва идоралар 2. Норматив-ҳуқуқий ҳужжат лойиҳасини ишлаб чиқиш ва кенг жамоатчилик муҳокамасидан ўтказиш. 2021 йил октябрь 3. Норматив-ҳуқуқий ҳужжат лойиҳасини белгиланган тартибда Вазирлар Маҳкамасига киритиш. 2021 йил ноябрь 6. Ўзбек тили алифбоси ва имло қоидалари асосида транслитерацияга мўлжалланган ахборот дастурий таъминотлар учун ягона талаб ишлаб чиқиш ва жорий этиш. 1. Ягона талаб ишлаб чиқиш бўйича ишчи гуруҳини тузиш. 2021 йил декабрь - Фанлар академияси, Инновацион ривожланиш вазирлиги, Ахборот технологиялари ва коммуникацияларини ривожлантириш вазирлиги, манфаатдор вазирлик ва идоралар 2. Ягона талабни ишлаб чиқиш ва амалиётга жорий этиш. 2022 йил январь II. Алифбо ва имлони ўқитиш, тарғиб қилишни ташкил этиш 7. Лотин ёзувига асосланган ўзбек алифбоси, имло қоидалари ва давлат тилида иш юритишни ўрганиш бўйича ўқув машғулотларини ташкил этиш . 1. Алишер Навоий номидаги Тошкент давлат ўзбек тили ва адабиёти университети ҳузуридаги Давлат тилида иш юритиш асосларини ўқитиш ва малака ошириш маркази ҳамда унинг ҳудудий бўлинмаларида лотин ёзувига асосланган ўзбек алифбоси, имло қоидалари ва давлат тилида иш юритишни ўрганиш бўйича ўқув курсларини ташкил этиш . 2. Тегишли вазирлик, идора ва ташкилотларнинг ўз тизимида таълим муассасалари ходимларини қайта тайёрлаш ва уларнинг малакасини ошириш институт (марказ)ларида онлайн ўқув машғулотларини ташкил этиш . 2023 йил январь Малака ошириш учун берилган бюджет маблағлари Олий ва ўрта махсус таълим вазирлиги, Тошкент давлат ўзбек тили ва адабиёти университети 3. Ўзбекистон Республикаси фуқароси шахсини тасдиқловчи гувоҳномалар, паспортларнинг такомиллаштирилган лотин ёзувига асосланган ўзбек алифбосида тўғри ёзилишини таъминлаш мақсадида соҳа ходимлари учун ўқув машғулотлар ташкил этиш. Халқ таълими вазирлиги, Олий ва ўрта махсус таълим вазирлиги, Мактабгача таълим вазирлиги, Ички ишлар вазирлиги, тегишли вазирлик, идора ва ташкилотлар 8. Оммавий ахборот воситалари, Интернет тармоғида лотин ёзувига асосланган ўзбек алифбосига тўлиқ ўтишнинг моҳиятини кенг аҳоли қатламига тушунтириш мақсадида махсус дастурлар ҳамда тарғибот чиқишларини изчил ташкил этиш . 1. Медиа режа ишлаб чиқиш. 2021 йил ноябрь - Ахборот ва оммавий коммуникациялар агентлиги, МТРК, ЭОАВМА, ЎзА, Фанлар академияси, Олий ва ўрта махсус таълим вазирлиги, Халқ таълими вазирлиги, манфаатдор вазирлик ва идоралар 2. Медиа режа асосида махсус дастурлар ҳамда тарғибот чиқишларини изчил ташкил этиш. 2022 йил 1 январдан бошлаб III. Ўқув-услубий адабиётлар, қўлланмалар ва уларнинг электрон дастурий таъминотларини тайёрлаш ва тарқатиш 9. Таълим муассасалари учун ўқув қўлланмалар ва бошқа адабиётларни лотин ёзувига асосланган ўзбек алифбосида босқичма-босқич нашр этиб бориш. Дарслик ва қўлланмалар чоп этиш бўйича дастур ва нашр режасига тегишли ўзгартиришлар киритиш. Режа асосида Ижрочилар маблағлари, ҳомийлик хайриялари, бошқа манбалар Халқ таълими вазирлиги, Олий ва ўрта махсус таълим вазирлиги, Мактабгача таълим вазирлиги, манфаатдор вазирлик ва идоралар 10. Мактабгача ёшдаги болаларнинг лотин ёзувига асосланган ўзбек алифбоси ва янги имло қоидалари бўйича саводхонлигини шакллантиришга мўлжалланган турли кўргазмали ва тарқатма материаллар тайёрлаш. 1. Тегишли материалларни ишлаб чиқиш режасини шакллантириш. 2022 йил май Ижрочилар маблағлари, ҳомийлик хайриялари, бошқа манбалар Мактабгача таълим вазирлиги, Ахборот ва оммавий коммуникациялари агентлиги, манфаатдор вазирлик ва идоралар 2. Тегишли материалларни нашр этиш ва тарқатиш. 2022 йил сентябрдан 11. Факультатив ва мустақил ўрганувчилар, шунингдек, вазирлик, идора ва ташкилотларда лотин ёзувига асосланган ўзбек алифбоси ва янги имло қоидаларини ўрганишга мўлжалланган услубий қўлланма ва имло, атама, жой, киши номлари, ўқув луғатлари тайёрлаш ва нашр этиш . 1. Қўшма чора-тадбирлар дастури ишлаб чиқиш. 2022 йил март Ижрочилар маблағлари, ҳомийлик хайриялари, бошқа манбалар Фанлар академияси, Олий ва ўрта махсус таълим вазирлиги, Халқ таълими вазирлиги, Ахборот ва оммавий коммуникациялар агентлиги, манфаатдор вазирлик ва идоралар 2. Адабиётларни тизимли чоп этиб бориш. Дастурга мувофиқ 12. Ахборот кутубхона марказлари, ташкилотлар ва бошқа кутубхоналарнинг лотин ёзувига асосланган ўзбек алифбосидаги адабиётлар билан босқичма-босқич бойитиб борилишини таъминлаш. 1. Ҳар бир вазирлик, идора ва ташкилотлар ўз тизими доирасида режа-дастур ишлаб чиқиш. 2022 йил март Ижрочилар маблағлари, ҳомийлик хайриялари, бошқа манбалар Қорақалпоғистон Республикаси Вазирлар Кенгаши, вилоятлар ва Тошкент шаҳар ҳокимликлари, Ахборот ва оммавий коммуникациялар агентлиги, Халқ таълими вазирлиги, Олий ва ўрта махсус таълим вазирлиги, манфаатдор вазирлик ва идоралар 2. Режа-дастурга мувофиқ кутубхоналар фондини лотин алифбосидаги адабиётлар билан бойитиш. Дастурга мувофиқ 13. Кирилл алифбосида чоп этилган ва кутубхоналарда сақланаётган адабиётларни босқичма-босқич лотин ёзувига асосланган ўзбек алифбосидаги электрон кўринишларини яратиш. 1. Чора-тадбирлар дастурини ишлаб чиқиш. 2022 йил август - Ахборот ва оммавий коммуникациялар агентлиги, манфаатдор вазирлик ва идоралар 2. Кирилл алифбосидаги адабиётларни лотин ёзувига асосланган ўзбек алифбосига босқичма-босқич ўтказиш. Дастурга мувофиқ 14. Кирилл ёзувидан лотин ёзувига (ёки аксинча) саводли ўгирадиган дастурий таъминотлар ҳамда уларнинг мобил иловаларини яратишни рағбатлантириш. 1. Дастурий маҳсулотлар ва уларнинг мобил иловаларини яратиш бўйича тендер танловини ўтказиш. 2022 йил июль Жамғарма маблағлари Ўзбек тилини ривожлантириш жамғармаси, Олий ва ўрта махсус таълим вазирлиги, Фанлар академияси, Халқ таълими вазирлиги, Ахборот технологиялари ва коммуникацияларини ривожлантириш вазирлиги 2. Дастурий маҳсулотлар ва уларнинг мобил иловаларини яратиш ва ишга тушириш. 2022 йил декабрь 15. Интернет тармоғидаги Ўзбекистон Республикаси расмий веб-сайтларининг лотин ёзувига асосланган ўзбек алифбосига тўлиқ ўтказилишини таъминлаш. Давлат органлари, давлат иштирокидаги ташкилотлар ҳамда Ўзбекистон Республикасида рўйхатдан ўтган оммавий ахборот воситаларининг Интернет жаҳон ахборот тармоғидаги веб-сайтлари ва саҳифаларида дастлабки юкланиш лотин ёзувига асосланган ўзбек алифбосида амалга ошишини таъминлаш. 2022 йил декабрь - Ахборот ва оммавий коммуникациялар агентлиги, Ахборот технологиялари ва коммуникацияларини ривожлантириш вазирлиги, манфаатдор вазирлик ва идоралар IV. Янги алифбодаги ёзувда иш юритишга тўлиқ ўтиш 16. Ўзбекистон Республикаси фуқароси шахсини тасдиқловчи гувоҳномалар, ID-карталар, фуқаролиги бўлмаган шахс ҳамда чет давлат фуқароларининг яшаш гувоҳномаларини такомиллаштирилган лотин ёзувига асосланган ўзбек алифбосида бўлишини таъминлаш. 1. Шахсни тасдиқловчи ҳужжатларга доир ахборот тизимларини такомиллашган лотин ёзувига асосланган ўзбек алифбосига мослаш. 2021 йил декабрь - Ички ишлар вазирлиги, Давлат персоналлаштириш маркази, Адлия вазирлиги 2. Шахсни тасдиқловчи ҳужжатлар расмийлаштиришни такомиллаштириш. 2022 йил январь 17. Ўзбекистон Республикасида илмий-тадқиқот ишлари натижалари юзасидан тайёрланган диссертациялар ҳимояси билан боғлиқ жараёнларнинг лотин ёзувига асосланган ўзбек алифбосида бўлишини таъминлаш. 1. Тегишли талабларни ишлаб чиқиш. 2022 йил ноябрь - Олий аттестация комиссияси, Олий ва ўрта махсус таълим вазирлиги, Инновацион ривожланиш вазирлиги, Фанлар академияси 2. Амалиётга жорий қилиш. 2022 йил декабрь 18. Иш қоғозлари, турли бланкларни лотин ёзувига асосланган ўзбек алифбосида бўлишини таъминлаш. 1. Режа-жадвал ишлаб чиқиш. 2022 йил ноябрь Ижрочилар маблағлари, ҳомийлик хайриялари, бошқа манбалар Вазирлик ва идоралар 2. Тўлиқ лотин ёзувига асосланган ўзбек алифбосида ёзилишини таъминлаш. 2022 йил декабрь 19. Мамлакатимиздаги жой, кўча, атамалар, ташкилотларнинг номлари, пешлавҳалар, оммавий тарғибот воситалари, реклама ва эълонларни тўлиқ лотин ёзувига асосланган ўзбек алифбосида ёзилишини таъминлаш. 1. Режа-жадвал ишлаб чиқиш. 2022 йил ноябрь Ижрочилар маблағлари, ҳомийлик хайриялари, бошқа манбалар Вазирлик ва идоралар 2. Тўлиқ лотин ёзувига асосланган ўзбек алифбосида ёзилишини таъминлаш. 2022 йил декабрь 20. Марказий, маҳаллий босма ва электрон оммавий ахборот воситалари, интернет сайтлари, нашриётлар, матбаа корхоналари фаолиятини тўлиқ лотин ёзувига асосланган ўзбек алифбосига ўтказиш. 1. Тегишли тарғибот-тушунтириш ишларини йўлга қўйиш. 2022 йил ноябрь - Ахборот ва оммавий коммуникациялар агентлиги, Миллий телерадиокомпания, ЭОАВМА, ЎзА 2. Лотин ёзувига асосланган ўзбек алифбосида тўлиқ ўтилишини таъминлаш. 2022 йил декабрь 21. Ташкилий-ҳуқуқий шаклидан қатъи назар, барча ташкилотларда иш юритиш ҳужжатлари ва бошқа ҳужжатларни лотин ёзувига асосланган ўзбек алифбосида ишлаб чиқиш, қабул қилиш ва эълон қилиш амалиётини тўлиқ жорий қилиш. Давлат органлари ва бошқа ташкилотларнинг лотин ёзувига асосланган ўзбек алифбосида иш юритишга тўлиқ ўтишини таъминлаш. 2023 йил 1 январдан бошлаб Ижрочилар маблағлари, ҳомийлик хайриялари, бошқа манбалар Вазирлик ва идоралар
Вазирлар Маҳкамасининг 2021 йил 10 февралдаги 61-сон қарорига 2-ИЛОВА
Лотин ёзувига асосланган ўзбек алифбосига босқичма-босқич тўлиқ ўтишни таъминлаш бўйича республика ишчи гуруҳи
1. А.Н. Арипов — Ўзбекистон Республикасининг Бош вазири, Ишчи гуруҳи раҳбари 2. А.А. Джурабаев — Ўзбекистон Республикаси Президенти маслаҳатчисининг ўринбосари (келишув асосида) 3. А.К. Кадиров — Олий Мажлис Қонунчилик палатаси Спикерининг ўринбосари (келишув асосида) 4. А.Ж. Раматов — Бош вазирнинг биринчи ўринбосари 5. Б.А. Мусаев — Бош вазир ўринбосари 6. Ж.А. Қўчқоров — Бош вазир ўринбосари 7. С.У. Умурзаков — Бош вазир ўринбосари 8. Ш.М. Ғаниев — Бош вазир ўринбосари 9. А.А. Абдуҳакимов — Бош вазир ўринбосари 10. О.М. Умаров — Бош вазир маслаҳатчиси 11. О.К. Иминов — Олий Мажлис Сенати Фан, таълим ва соғлиқни сақлаш масалалари қўмитаси раиси (келишув асосида) 12. Э.А. Захидов — Олий Мажлис Қонунчилик палатаси Фан, таълим, маданият ва спорт масалалари қўмитаси раиси (келишув асосида) 13. Б.С. Йўлдошев — Фанлар академияси президенти 14. Р.Қ. Давлетов — Адлия вазири 15. Т.А. Ишметов — Молия вазири 16. А.В. Шин — Мактабгача таълим вазири 17. Ш.Х. Шерматов — Халқ таълими вазири 18. А.Ҳ. Тошқулов — Олий ва ўрта махсус таълим вазири 19. О.А. Назарбеков — Маданият вазири 20. А.А. Хаджаев — Ахборот ва оммавий коммуникациялар агентлиги директори 21. А.З. Саъдуллаев — Ёшлар ишлари агентлиги директори 22. А.Ж. Хаджаев — Ўзбекистон Миллий телерадиокомпанияси раиси 23. М.М. Ҳожиматов — Республика Маънавият ва маърифат маркази раҳбари 24. С.С. Саидов — Ўзбекистон Ёзувчилар уюшмаси раиси 25. Ш.С. Сирожиддинов — Алишер Навоий номидаги Тошкент давлат ўзбек тили ва адабиёти университети ректори 26. Н.М. Махмудов — Фанлар академияси Ўзбек тили, адабиёти ва фольклори институти директори 27. А.К. Қирғизбоев — Вазирлар Маҳкамаси Маънавият ва давлат тилини ривожлантириш масалалари департаменти мудири, Ишчи гуруҳи котиби
Ўзбекистон Республикасининг Бош вазири А. АРИПОВ
Тошкент ш.,
2021 йил 10 февраль,
61-сон
Oʻzbekiston Respublikasi Vazirlar Mahkamasining
qarori
“YOʻL XARITASI”
TARKIBI
Lotin yozuviga asoslangan oʻzbek alifbosiga bosqichma-bosqich toʻliq oʻtishni taʼminlash chora-tadbirlari toʻgʻrisida
Oʻzbekiston Respublikasi Prezidentining “Mamlakatimizda oʻzbek tilini yanada rivojlantirish va til siyosatini takomillashtirish chora-tadbirlari toʻgʻrisida”gi 2020-yil 20-oktabrdagi PF-6084-son Farmoni ijrosini taʼminlash maqsadida Vazirlar Mahkamasi qaror qiladi:
1. Lotin yozuviga asoslangan oʻzbek alifbosiga bosqichma-bosqich toʻliq oʻtishni taʼminlash boʻyicha “yoʻl xaritasi” 1-ilovaga muvofiq tasdiqlansin.
2. Lotin yozuviga asoslangan oʻzbek alifbosiga bosqichma-bosqich toʻliq oʻtishni taʼminlash boʻyicha respublika ishchi guruhi 2-ilovaga muvofiq tarkibda tuzilsin.
3. Ishchi guruhi:
uch hafta muddatda masʼul vazirlik, idora va tashkilotlar rahbarlari ishtirokida videokonferensaloqa vositalaridan foydalangan holda majlis oʻtkazib, mazkur qarorga muvofiq amalga oshirilishi lozim boʻlgan ishlar toʻgʻrisida axborot bersin hamda har chorakda ijrosini muhokama qilsin;
“Yoʻl xaritasi”da belgilangan topshiriqlarga masʼul etib belgilangan vazirlik, idora va tashkilotlar faoliyatini muvofiqlashtirsin, ular tomonidan bajarilgan ishlar toʻgʻrisidagi hisobotlarni eshitib borsin;
ushbu topshiriqlarni bajarishda yuzaga keladigan masalalarni tezkorlik bilan hal etish choralarini koʻrsin hamda ularning oʻz muddatida va sifatli bajarilishini taʼminlasin.
“Yoʻl xaritasi”ni bajarishga masʼul boʻlgan vazirlik, idora va tashkilotlar oʻzlariga yuklatilgan vazifa va topshiriqlarni oʻz vaqtida, sifatli va toʻliq bajarilishini taʼminlasin, shuningdek, ularning ijro etilishi holati toʻgʻrisida har chorak yakuni boʻyicha Vazirlar Mahkamasiga axborot taqdim etib borsin.
4. Vazirlik, idora va tashkilotlar Oʻzbekiston Respublikasi Davlat budjetidan ajratilgan mablagʻlar doirasida, shuningdek, budjetdan tashqari mablagʻlari hisobidan lotin yozuviga asoslangan oʻzbek alifbosini joriy etish bilan bogʻliq masalalarga zarur mablagʻlar ajratishni nazarda tutsin.
5. Mazkur qarorning bajarilishini nazorat qilish Oʻzbekiston Respublikasi Bosh vazirining oʻrinbosarlari va Oʻzbekiston Respublikasi Vazirlar Mahkamasining Maʼnaviyat va davlat tilini rivojlantirish masalalari departamenti zimmasiga yuklansin.
Vazirlar Mahkamasining 2021-yil 10-fevraldagi 61-son qaroriga 1-ILOVA
Lotin yozuviga asoslangan oʻzbek alifbosiga bosqichma-bosqich toʻliq oʻtishni taʼminlash boʻyicha
T/r Amalga oshiriladigan tadbirlar Ijro mexanizmlari Ijro muddatlari Moliyalashtirish manbalari Ijro uchun masʼullar I. Normativ-huquqiy bazani takomillashtirish 1. Lotin yozuviga asoslangan oʻzbek alifbosiga bosqichma-bosqich toʻliq oʻtishni taʼminlashga qaratilgan normativ-huquqiy hujjat loyihasi ni ishlab chiqish. 1. Normativ-huquqiy hujjat loyihasini ishlab chiqish boʻyicha ishchi guruh tuzish. 2021-yil mart - Fanlar akademiyasi, Adliya vazirligi, Oliy va oʻrta maxsus taʼlim vazirligi, Xalq taʼlimi vazirligi, Maktabgacha taʼlim vazirligi, manfaatdor vazirlik va idoralar 2. Normativ-huquqiy hujjat loyihasini ishlab chiqish va keng jamoatchilik muhokamasidan oʻtkazish. 2021-yil aprel 3. Normativ-huquqiy hujjat loyihasini belgilangan tartibda Vazirlar Mahkamasiga kiritish. 2021-yil may 2. Lotin yozuvidagi oʻzbek alifbosining yangi tahriri asosida “ Oʻzbek tilining imlo qoidalari ”ni tasdiqlash boʻyicha Hukumat qarori loyihasini ishlab chiqish. 1. Hukumat qarori loyihasini ishlab chiqish boʻyicha ishchi guruh tuzish. 2021-yil mart - Fanlar akademiyasi, Adliya vazirligi, Oliy va oʻrta maxsus taʼlim vazirligi, Xalq taʼlimi vazirligi, Maktabgacha taʼlim vazirligi, manfaatdor vazirlik va idoralar 2. Hukumat qarori loyihasini ishlab chiqish va keng jamoatchilik muhokamasidan oʻtkazish. 2021-yil sentyabr 3. Hukumat qarori loyihasini belgilangan tartibda Vazirlar Mahkamasiga kiritish. 2021-yil oktyabr 3. Normativ-huquqiy hujjatlar loyihalarini tayyorlash, yuridik-texnik jihatdan rasmiylashtirish, kelishish va kiritish tartibini belgilaydigan qonun hujjatlariga loyihalarni lotin yozuviga asoslangan oʻzbek alifbosida tayyorlash va kiritish tartibini belgilovchi normativ-huquqiy hujjat loyihasini (loyihalarini) ishlab chiqish. 1. Normativ-huquqiy hujjat loyihasini (loyihalarini) ishlab chiqish boʻyicha ishchi guruh tuzish. 2021-yil mart - Adliya vazirligi, manfaatdor vazirlik va idoralar 2. Normativ-huquqiy hujjat loyihasini (loyihalarini) ishlab chiqish va keng jamoatchilik muhokamasidan oʻtkazish. 2021-yil oktyabr 3. Normativ-huquqiy hujjat loyihasini (loyihalarini) belgilangan tartibda Vazirlar Mahkamasiga kiritish. 2021-yil noyabr 4. Normativ-huquqiy hujjatlar loyihalarini lotin yozuviga asoslangan oʻzbek alifbosidan kelib chiqqan holda, ilmiy lingvistik ekspertizadan oʻtkazishning tashkiliy-huquqiy asoslarini belgilash. Normativ-huquqiy hujjatlar loyihalarini ilmiy lingvistik ekspertizadan oʻtkazishning quyidagi mexanizmlarini nazarda tutuvchi tashkiliy-huquqiy asoslarini belgilash: “ilmiy lingvistik ekspertiza” tushunchasi, ekspertizani oʻtkazishning maqsad va vazifalari hamda obyektini aniqlash; ilmiy lingvistik ekspertizaga qoʻyiladigan asosiy talablarni belgilash; ilmiy lingvistik ekspertizadan oʻtkazuvchi vakolatli organlar va ularning vakolatlari doirasini aniqlash. 2021-yil dekabr - Adliya vazirligi, manfaatdor vazirlik va idoralar 5. Normativ-huquqiy hujjatlar loyihalari muhokamasi portaliga (regulation.gov.uz) joylashtirish uchun taqdim qilingan loyihalarning davlat tili qoidalariga hamda “Normativ-huquqiy hujjatlar toʻgʻrisida”gi Qonun talablariga muvofiqligi, shuningdek, loyihalar lotin yozuviga asoslangan oʻzbek alifbosida tayyorlanganligi tekshirilgandan keyin muhokamaga chiqarish tartibini joriy etish. 1. Normativ-huquqiy hujjat loyihasini ishlab chiqish boʻyicha ishchi guruh tuzish. 2021-yil aprel - Adliya vazirligi, manfaatdor vazirlik va idoralar 2. Normativ-huquqiy hujjat loyihasini ishlab chiqish va keng jamoatchilik muhokamasidan oʻtkazish. 2021-yil oktyabr 3. Normativ-huquqiy hujjat loyihasini belgilangan tartibda Vazirlar Mahkamasiga kiritish. 2021-yil noyabr 6. Oʻzbek tili alifbosi va imlo qoidalari asosida transliteratsiyaga moʻljallangan axborot dasturiy taʼminotlar uchun yagona talab ishlab chiqish va joriy etish. 1. Yagona talab ishlab chiqish boʻyicha ishchi guruhini tuzish. 2021-yil dekabr - Fanlar akademiyasi, Innovatsion rivojlanish vazirligi, Axborot texnologiyalari va kommunikatsiyalarini rivojlantirish vazirligi, manfaatdor vazirlik va idoralar 2. Yagona talabni ishlab chiqish va amaliyotga joriy etish. 2022-yil yanvar II. Alifbo va imloni oʻqitish, targʻib qilishni tashkil etish 7. Lotin yozuviga asoslangan oʻzbek alifbosi, imlo qoidalari va davlat tilida ish yuritishni oʻrganish boʻyicha oʻquv mashgʻulotlarini tashkil etish . 1. Alisher Navoiy nomidagi Toshkent davlat oʻzbek tili va adabiyoti universiteti huzuridagi Davlat tilida ish yuritish asoslarini oʻqitish va malaka oshirish markazi hamda uning hududiy boʻlinmalarida lotin yozuviga asoslangan oʻzbek alifbosi, imlo qoidalari va davlat tilida ish yuritishni oʻrganish boʻyicha oʻquv kurslarini tashkil etish . 2. Tegishli vazirlik, idora va tashkilotlarning oʻz tizimida taʼlim muassasalari xodimlarini qayta tayyorlash va ularning malakasini oshirish institut (markaz)larida onlayn oʻquv mashgʻulotlarini tashkil etish . 2023-yil yanvar Malaka oshirish uchun berilgan budjet mablagʻlari Oliy va oʻrta maxsus taʼlim vazirligi, Toshkent davlat oʻzbek tili va adabiyoti universiteti 3. Oʻzbekiston Respublikasi fuqarosi shaxsini tasdiqlovchi guvohnomalar, pasportlarning takomillashtirilgan lotin yozuviga asoslangan oʻzbek alifbosida toʻgʻri yozilishini taʼminlash maqsadida soha xodimlari uchun oʻquv mashgʻulotlar tashkil etish. Xalq taʼlimi vazirligi, Oliy va oʻrta maxsus taʼlim vazirligi, Maktabgacha taʼlim vazirligi, Ichki ishlar vazirligi, tegishli vazirlik, idora va tashkilotlar 8. Ommaviy axborot vositalari, Internet tarmogʻida lotin yozuviga asoslangan oʻzbek alifbosiga toʻli� oʻtishning mohiyatini keng aholi qatlamiga tushuntirish maqsadida maxsus dasturlar hamda targʻibot chiqishlarini izchil tashkil etish . 1. Media reja ishlab chiqish. 2021-yil noyabr - Axborot va ommaviy kommunikatsiyalar agentligi, MTRK, EOAVMA, OʻzA, Fanlar akademiyasi, Oliy va oʻrta maxsus taʼlim vazirligi, Xalq taʼlimi vazirligi, manfaatdor vazirlik va idoralar 2. Media reja asosida maxsus dasturlar hamda targʻibot chiqishlarini izchil tashkil etish. 2022-yil 1-yanvardan boshlab III. Oʻquv-uslubiy adabiyotlar, qoʻllanmalar va ularning elektron dasturiy taʼminotlarini tayyorlash va tarqatish 9. Taʼlim muassasalari uchun oʻquv qoʻllanmalar va boshqa adabiyotlarni lotin yozuviga asoslangan oʻzbek alifbosida bosqichma-bosqich nashr etib borish. Darslik va qoʻllanmalar chop etish boʻyicha dastur va nashr rejasiga tegishli oʻzgartirishlar kiritish. Reja asosida Ijrochilar mablagʻlari, homiylik xayriyalari, boshqa manbalar Xalq taʼlimi vazirligi, Oliy va oʻrta maxsus taʼlim vazirligi, Maktabgacha taʼlim vazirligi, manfaatdor vazirlik va idoralar 10. Maktabgacha yoshdagi bolalarning lotin yozuviga asoslangan oʻzbek alifbosi va yangi imlo qoidalari boʻyicha savodxonligini shakllantirishga moʻljallangan turli koʻrgazmali va tarqatma materiallar tayyorlash. 1. Tegishli materiallarni ishlab chiqish rejasini shakllantirish. 2022-yil may Ijrochilar mablagʻlari, homiylik xayriyalari, boshqa manbalar Maktabgacha taʼlim vazirligi, Axborot va ommaviy kommunikatsiyalari agentligi, manfaatdor vazirlik va idoralar 2. Tegishli materiallarni nashr etish va tarqatish. 2022-yil sentyabrdan 11. Fakultativ va mustaqil oʻrganuvchilar, shuningdek, vazirlik, idora va tashkilotlarda lotin yozuviga asoslangan oʻzbek alifbosi va yangi imlo qoidalarini oʻrganishga moʻljallangan uslubiy qoʻllanma va imlo, atama, joy, kishi nomlari, oʻquv lugʻatlari tayyorlash va nashr etish . 1. Qoʻshma chora-tadbirlar dasturi ishlab chiqish. 2022-yil mart Ijrochilar mablagʻlari, homiylik xayriyalari, boshqa manbalar Fanlar akademiyasi, Oliy va oʻrta maxsus taʼlim vazirligi, Xalq taʼlimi vazirligi, Axborot va ommaviy kommunikatsiyalar agentligi, manfaatdor vazirlik va idoralar 2. Adabiyotlarni tizimli chop etib borish. Dasturga muvofiq 12. Axborot kutubxona markazlari, tashkilotlar va boshqa kutubxonalarning lotin yozuviga asoslangan oʻzbek alifbosidagi adabiyotlar bilan bosqichma-bosqich boyitib borilishini taʼminlash. 1. Har bir vazirlik, idora va tashkilotlar oʻz tizimi doirasida reja-dastur ishlab chiqish. 2022-yil mart Ijrochilar mablagʻlari, homiylik xayriyalari, boshqa manbalar Qoraqalpogʻiston Respublikasi Vazirlar Kengashi, viloyatlar va Toshkent shahar hokimliklari, Axborot va ommaviy kommunikatsiyalar agentligi, Xalq taʼlimi vazirligi, Oliy va oʻrta maxsus taʼlim vazirligi, manfaatdor vazirlik va idoralar 2. Reja-dasturga muvofiq kutubxonalar fondini lotin alifbosidagi adabiyotlar bilan boyitish. Dasturga muvofiq 13. Kirill alifbosida chop etilgan va kutubxonalarda saqlanayotgan adabiyotlarni bosqichma-bosqich lotin yozuviga asoslangan oʻzbek alifbosidagi elektron koʻrinishlarini yaratish. 1. Chora-tadbirlar dasturini ishlab chiqish. 2022-yil avgust - Axborot va ommaviy kommunikatsiyalar agentligi, manfaatdor vazirlik va idoralar 2. Kirill alifbosidagi adabiyotlarni lotin yozuviga asoslangan oʻzbek alifbosiga bosqichma-bosqich oʻtkazish. Dasturga muvofiq 14. Kirill yozuvidan lotin yozuviga (yoki aksincha) savodli oʻgiradigan dasturiy taʼminotlar hamda ularning mobil ilovalarini yaratishni ragʻbatlantirish. 1. Dasturiy mahsulotlar va ularning mobil ilovalarini yaratish boʻyicha tender tanlovini oʻtkazish. 2022-yil iyul Jamgʻarma mablagʻlari Oʻzbek tilini rivojlantirish jamgʻarmasi, Oliy va oʻrta maxsus taʼlim vazirligi, Fanlar akademiyasi, Xalq taʼlimi vazirligi, Axborot texnologiyalari va kommunikatsiyalarini rivojlantirish vazirligi 2. Dasturiy mahsulotlar va ularning mobil ilovalarini yaratish va ishga tushirish. 2022-yil dekabr 15. Internet tarmogʻidagi Oʻzbekiston Respublikasi rasmiy veb-saytlarining lotin yozuviga asoslangan oʻzbek alifbosiga toʻliq oʻtkazilishini taʼminlash. Davlat organlari, davlat ishtirokidagi tashkilotlar hamda Oʻzbekiston Respublikasida roʻyxatdan oʻtgan ommaviy axborot vositalarining Internet jahon axborot tarmogʻidagi veb-saytlari va sahifalarida dastlabki yuklanish lotin yozuviga asoslangan oʻzbek alifbosida amalga oshishini taʼminlash. 2022-yil dekabr - Axborot va ommaviy kommunikatsiyalar agentligi, Axborot texnologiyalari va kommunikatsiyalarini rivojlantirish vazirligi, manfaatdor vazirlik va idoralar IV. Yangi alifbodagi yozuvda ish yuritishga toʻliq oʻtish 16. Oʻzbekiston Respublikasi fuqarosi shaxsini tasdiqlovchi guvohnomalar, ID-kartalar, fuqaroligi boʻlmagan shaxs hamda chet davlat fuqarolarining yashash guvohnomalarini takomillashtirilgan lotin yozuviga asoslangan oʻzbek alifbosida boʻlishini taʼminlash. 1. Shaxsni tasdiqlovchi hujjatlarga doir axborot tizimlarini takomillashgan lotin yozuviga asoslangan oʻzbek alifbosiga moslash. 2021-yil dekabr - Ichki ishlar vazirligi, Davlat personallashtirish markazi, Adliya vazirligi 2. Shaxsni tasdiqlovchi hujjatlar rasmiylashtirishni takomillashtirish. 2022-yil yanvar 17. Oʻzbekiston Respublikasida ilmiy-tadqiqot ishlari natijalari yuzasidan tayyorlangan dissertatsiyalar himoyasi bilan bogʻliq jarayonlarning lotin yozuviga asoslangan oʻzbek alifbosida boʻlishini taʼminlash. 1. Tegishli talablarni ishlab chiqish. 2022-yil noyabr - Oliy attestatsiya komissiyasi, Oliy va oʻrta maxsus taʼlim vazirligi, Innovatsion rivojlanish vazirligi, Fanlar akademiyasi 2. Amaliyotga joriy qilish. 2022-yil dekabr 18. Ish qogʻozlari, turli blanklarni lotin yozuviga asoslangan oʻzbek alifbosida boʻlishini taʼminlash. 1. Reja-jadval ishlab chiqish. 2022-yil noyabr Ijrochilar mablagʻlari, homiylik xayriyalari, boshqa manbalar Vazirlik va idoralar 2. Toʻliq lotin yozuviga asoslangan oʻzbek alifbosida yozilishini taʼminlash. 2022-yil dekabr 19. Mamlakatimizdagi joy, koʻcha, atamalar, tashkilotlarning nomlari, peshlavhalar, ommaviy targʻibot vositalari, reklama va eʼlonlarni toʻliq lotin yozuviga asoslangan oʻzbek alifbosida yozilishini taʼminlash. 1. Reja-jadval ishlab chiqish. 2022-yil noyabr Ijrochilar mablagʻlari, homiylik xayriyalari, boshqa manbalar Vazirlik va idoralar 2. Toʻliq lotin yozuviga asoslangan oʻzbek alifbosida yozilishini taʼminlash. 2022-yil dekabr 20. Markaziy, mahalliy bosma va elektron ommaviy axborot vositalari, internet saytlari, nashriyotlar, matbaa korxonalari faoliyatini toʻliq lotin yozuviga asoslangan oʻzbek alifbosiga oʻtkazish. 1. Tegishli targʻibot-tushuntirish ishlarini yoʻlga qoʻyish. 2022-yil noyabr - Axborot va ommaviy kommunikatsiyalar agentligi, Milliy teleradiokompaniya, EOAVMA, OʻzA 2. Lotin yozuviga asoslangan oʻzbek alifbosida toʻliq oʻtilishini taʼminlash. 2022-yil dekabr 21. Tashkiliy-huquqiy shaklidan qatʼi nazar, barcha tashkilotlarda ish yuritish hujjatlari va boshqa hujjatlarni lotin yozuviga asoslangan oʻzbek alifbosida ishlab chiqish, qabul qilish va eʼlon qilish amaliyotini toʻliq joriy qilish. Davlat organlari va boshqa tashkilotlarning lotin yozuviga asoslangan oʻzbek alifbosida ish yuritishga toʻliq oʻtishini taʼminlash. 2023-yil 1-yanvardan boshlab Ijrochilar mablagʻlari, homiylik xayriyalari, boshqa manbalar Vazirlik va idoralar
Vazirlar Mahkamasining 2021-yil 10-fevraldagi 61-son qaroriga 2-ILOVA
Lotin yozuviga asoslangan oʻzbek alifbosiga bosqichma-bosqich toʻliq oʻtishni taʼminlash boʻyicha respublika ishchi guruhi
1. A.N. Aripov — Oʻzbekiston Respublikasining Bosh vaziri, Ishchi guruhi rahbari 2. A.A. Djurabayev — Oʻzbekiston Respublikasi Prezidenti maslahatchisining oʻrinbosari (kelishuv asosida) 3. A.K. Kadirov — Oliy Majlis Qonunchilik palatasi Spikerining oʻrinbosari (kelishuv asosida) 4. A.J. Ramatov — Bosh vazirning birinchi oʻrinbosari 5. B.A. Musayev — Bosh vazir oʻrinbosari 6. J.A. Qoʻchqorov — Bosh vazir oʻrinbosari 7. S.U. Umurzakov — Bosh vazir oʻrinbosari 8. Sh.M. Gʻaniyev — Bosh vazir oʻrinbosari 9. A.A. Abduhakimov — Bosh vazir oʻrinbosari 10. O.M. Umarov — Bosh vazir maslahatchisi 11. O.K. Iminov — Oliy Majlis Senati Fan, taʼlim va sogʻliqni saqlash masalalari qoʻmitasi raisi (kelishuv asosida) 12. E.A. Zaxidov — Oliy Majlis Qonunchilik palatasi Fan, taʼlim, madaniyat va sport masalalari qoʻmitasi raisi (kelishuv asosida) 13. B.S. Yoʻldoshev — Fanlar akademiyasi prezidenti 14. R.Q. Davletov — Adliya vaziri 15. T.A. Ishmetov — Moliya vaziri 16. A.V. Shin — Maktabgacha taʼlim vaziri 17. Sh.X. Shermatov — Xalq taʼlimi vaziri 18. A.H. Toshqulov — Oli� va oʻrta maxsus taʼlim vaziri 19. O.A. Nazarbekov — Madaniyat vaziri 20. A.A. Xadjayev — Axborot va ommaviy kommunikatsiyalar agentligi direktori 21. A.Z. Saʼdullayev — Yoshlar ishlari agentligi direktori 22. A.J. Xadjayev — Oʻzbekiston Milliy teleradiokompaniyasi raisi 23. M.M. Hojimatov — Respublika Maʼnaviyat va maʼrifat markazi rahbari 24. S.S. Saidov — Oʻzbekiston Yozuvchilar uyushmasi raisi 25. Sh.S. Sirojiddinov — Alisher Navoiy nomidagi Toshkent davlat oʻzbek tili va adabiyoti universiteti rektori 26. N.M. Maxmudov — Fanlar akademiyasi Oʻzbek tili, adabiyoti va folklori instituti direktori 27. A.K. Qirgʻizboyev — Vazirlar Mahkamasi Maʼnaviyat va davlat tilini rivojlantirish masalalari departamenti mudiri, Ishchi guruhi kotibi
Oʻzbekiston Respublikasining Bosh vaziri A. ARIPOV
Toshkent sh.,
2021-yil 10-fevral,
61-son