📅 2021-yil 11-fevral · Prezident farmonlari
Rasmiy matn. Rasmiy hujjat. Tahririy izohlar kiritilmagan.
UzbekAI
📅 2021 йил 11 февраль · Президент фармонлари
Расмий матн. Расмий ҳужжат. Таҳририй изоҳлар киритилмаган.
📅 11 февраля 2021 г. · Указы Президента
Официальный текст. Официальный документ. Редакционные примечания не включены.
📅 11 February 2021 · Presidential decrees
Official text. Official document. Editorial notes are not included.
Ўзбекистон Республикаси Президентининг
Фармони
РЎЙХАТИ
рўйхати
Давлат активларини хусусийлаштириш жараёнларини янада жадаллаштириш тўғрисида
Ўзбекистон Республикаси Президентининг 2020 йил 27 октябрдаги «Давлат иштирокидаги корхоналарни ислоҳ қилишни жадаллаштириш ҳамда давлат активларини хусусийлаштиришга оид чора-тадбирлар тўғрисида»ги ПФ-6096-сон Фармонига мувофиқ ҳамда иқтисодиётга хусусий инвестицияларни жалб қилишни жадаллаштириш мақсадида:
1. Халқаро консалтинг, аудиторлик ва инвестиция маслаҳатчилари, инвестиция банклари ва бошқа ихтисослашган компанияларни (кейинги ўринларда — профессионал ташкилотлар) жалб этган ҳолда давлат активларини хусусийлаштиришнинг замонавий усулларини жорий этиш амалиёти бошланганлиги маълумот учун қабул қилинсин.
2. Шундай тартиб ўрнатилсинки, унга мувофиқ мазкур Фармоннинг 1 ва 2-иловаларида кўрсатилган давлат активларини оммавий савдоларга қўйишда ва уларни сотиш жараёнларини ташкил этишда:
профессионал ташкилотларни жалб этиш Давлат активларини бошқариш агентлиги ёки «UzAssets» инвестиция компанияси томонидан энг яхши таклифларни танлаб олиш асосида амалга оширилади. Бунда, улар билан тузиладиган шартномаларни экспертизадан ўтказиш талаб этилмайди;
профессионал ташкилотлар томонидан давлат активларини сотиш мақсадида аниқланган қиймат ёки қийматлар оралиғи (баҳолаш фаолиятининг миллий стандарти талабларидан қатъи назар) савдо жараёнида мўлжал сифатида ҳисобга олинишига рухсат берилади;
баҳолаш ташкилотининг баҳолаш тўғрисидаги ҳисоботида тавсия этилган ва унинг экспертиза хулосасида аниқланган нархни давлат активининг бошланғич нархи сифатида мажбурий белгилаш тўғрисидаги талаб амал қилмайди;
Давлат активларини хусусийлаштириш ва хусусийлаштириш жараёнларини мувофиқлаштириш бўйича давлат комиссиясига давлат активларининг бошланғич нархини эълон қилмаган ҳолда сотиш тўғрисида эълонлар бериш ҳамда 2 тадан кам бўлмаган таклифлар орасида энг яхшиси асосида сотиш бўйича қарорлар қабул қилиш ваколати берилади (баҳолаш тўғрисидаги ҳисоботда тавсия этилган ва экспертиза хулосасида аниқланган нархдан қатъи назар).
3. Белгилансинки, 2022 йил 1 февралдан бошлаб давлат активини самарали бошқаришни ташкил этишда (хусусийлаштириш, ишончли бошқарувга бериш, хўжалик жамиятлари устав фондига киритиш, давлат активини тасарруф этиш ва бутлигини сақлаш билан боғлиқ бошқа ҳолатларда) баҳоловчи ташкилотлар хизматларининг бошланғич қийматини аниқлаш, уларнинг таклифларини баҳолаш ва танлаш тартиби жорий этилади.
Давлат активларини бошқариш агентлиги Молия вазирлиги билан биргаликда 2022 йил 15 январга қадар давлат активини самарали бошқаришни ташкил этишда баҳоловчи ташкилотлар хизматларининг бошланғич қийматини аниқлаш, уларнинг таклифларини баҳолаш ва танлаш тартибини ишлаб чиқиб, Вазирлар Маҳкамасига тасдиқлаш учун киритсин.
3 1 . «UzAssets» АЖ инвестиция компанияси устав капиталига бериш орқали сотилган давлат акция пакетлари (улушлари)ни сотишдан тушган маблағлар («UzAssets» АЖ Кузатув кенгаши томонидан тасдиқланадиган сақлаш харажатлари, жумладан, корхоналарни сотишдан олдинги тайёрлаш ва сотиш билан боғлиқ харажатларни чегирган ҳолда) ҳар чоракда Давлат активларини бошқариш агентлиги ҳузуридаги бюджетдан ташқари Давлат активларини бошқариш, трансформация ва хусусийлаштириш жамғармасига ўтказилади ҳамда қонунчилик ҳужжатларида белгиланган тартибда тақсимланади.
Бунда, ушбу активларни сотишдан тушган маблағлар бўйича «UzAssets» АЖ фойда солиғи ҳамда тўлов манбаидан ушлаб қолинадиган дивидендлардан олинадиган солиқ суммасини тўлашдан озод этилади.
4. Ўзбекистон Республикаси Президентининг айрим ҳужжатларига 3-иловага мувофиқ ўзгартириш ва қўшимчалар киритилсин.
5. Мазкур Фармоннинг ижросини самарали ташкил этишга масъул ва жавобгар этиб Бош вазирнинг ўринбосари Ж.А. Қўчқоров ва Давлат активларини бошқариш агентлиги директори А.Ж. Ортиқов белгилансин.
Фармон ижросини ҳар чоракда муҳокама қилиб бориш, ижро учун масъул идоралар фаолиятини мувофиқлаштириш ва назорат қилиш Бош вазир А.Н. Арипов зиммасига юклансин.
Ўзбекистон Республикаси Президентининг 2021 йил 11 февралдаги ПФ-6167-сон Фармонига 1-ИЛОВА
2021 йилда савдога чиқариладиган давлат активларининг
Т/р Номи Жойлашган ҳудуд Балансда сақловчи Умумий ер майдони (га) Бино-иншоотлар майдони (кв.м) I. 2021 йил мартдан савдога чиқариладиган давлат активлари 1. «Пойтахт бизнес мажмуаси» МЧЖ * Тошкент шаҳри, Юнусобод тумани Тошкент шаҳар ҳокимлиги 0,4 34 592 2. «Шаҳар меҳмонхонаси» ДУК Тошкент шаҳри, М. Улуғбек тумани Ўзбекистон Республикаси Президенти Администрацияси 2,2 12 256 3. Газеталар ишлаб чиқариш мажмуаси биноси Тошкент шаҳри, Миробод тумани Давлат активларини бошқариш агентлиги 1,9 17 863 4. «Малика» савдо ва маиший хизмат кўрсатиш мажмуаси Тошкент шаҳри, Шайхонтоҳур тумани Тошкент шаҳар ҳокимлиги 4,1 13 833 5. «Белдирсой оромгоҳи» дам олиш маскани ** Тошкент вилояти, Бўстонлиқ тумани Тошкент шаҳар ҳокимлиги «Белдирсой оромгоҳи» шуъба корхонаси соғломлаштириш маркази 46,1 9 628 6. «Чорвоқ оромгоҳи» дам олиш маскани ** Тошкент вилояти, Бўстонлиқ тумани Тошкент шаҳар ҳокимлиги «Чорвоқ оромгоҳи» шуъба корхонаси соғломлаштириш маркази 76,1 31 211 7. «Ичан қалъа» меҳмонхона мажмуаси *** Тошкент шаҳри, Яккасарой тумани Ўзбекистон Республикаси Туризм ва маданий мерос вазирлиги 0,6 10 100 9. «Автогазтаъминот» МЧЖ Тошкент шаҳри, Яшнобод тумани Давлат активларини бошқариш агентлиги 18,4 19 316 10. «Қизил сув спорт соғломлаштириш» МЧЖ ** Тошкент вилояти, Бўстонлиқ тумани Давлат активларини бошқариш агентлиги 5,9 2 746 II. 2021 йил сентябрдан савдога чиқариладиган давлат активлари 11. «Тошкент» меҳмонхонаси Тошкент шаҳар, Юнусобод тумани «Ўзмиллийбанк» АЖ 1,1 24 206 12. «Нyatt Regency Tashkent» меҳмонхонаси Тошкент шаҳар, Юнусобод тумани Тошкент шаҳар ҳокимлиги «Пойтахт қурилиш ва хизмат» ДУК 3,1 60 113 13. Кинозал (Premier hall) Тошкент шаҳар, Миробод тумани «O'ZBEKKINO» ДУК 0,1 2 873 14. Маъмурий бино (матбуот уйи) Тошкент шаҳар, Миробод тумани Давлат активларини бошқариш агентлиги 0,82 18 142 16. Ишлаб чиқариш биноси (собиқ «Алгоритм» заводи бино-иншоотлари) Тошкент шаҳар, Чилонзор тумани Тошкент шаҳар ҳокимлиги 16,13 86 004 17. «Сергели» кичик саноат зонаси бино ва иншоотлари Тошкент шаҳар, Сирғали тумани Тошкент шаҳар ҳокимлиги 11,83 89 192 18. «Бектемир» кичик саноат зонаси бино ва иншоотлари Тошкент шаҳар, Бектемир тумани Тошкент шаҳар ҳокимлиги 5 33 733 19. «Ўзметкомбинат» АЖнинг темир сақлаш ва юклаш омбори Тошкент шаҳар, Мирзо Улуғбек тумани «Ўзметкомбинат» АЖ 5,8 4 351 20. Нотурар бино-иншоот комплекси (Парранда фабрикаси) Тошкент вилояти, Зангиота тумани Давлат активларини бошқариш агентлиги 20,7 31 105 21. Бўш турган бино ва иншоотлар (собиқ Кинология маркази) Тошкент шаҳар, Яшнобод тумани Тошкент шаҳар ҳокимлиги 8,6 16 531
Ўзбекистон Республикаси Президентининг 2021 йил 11 февралдаги ПФ-6167-сон Фармонига 2-ИЛОВА
2021 йилда савдога чиқариладиган давлат иштирокидаги хўжалик жамиятлари ва давлат корхоналари
Т/р Ташкилот номи Жойлашган жойи Сотиладиган улуш миқдори (фоизда) I. 2021 йил апрелдан савдога чиқариладиган давлат иштирокидаги хўжалик жамиятлари ва давлат корхоналари 1. «Кварц» АЖ Фарғона вилояти 89,5 2. «Трест-12» АЖ Тошкент шаҳри 51 3. «Ўзбеккимёмаш заводи» АЖ Тошкент вилояти 44,7 4. «Жиззах пластмасса» АЖ Жиззах вилояти 85,8 * 5. «Қўқон механика заводи» АЖ Фарғона вилояти 64,1 6. «Фарғона нефтни қайта ишлаш заводи» МЧЖ Фарғона вилояти 100 7. «Кафолат суғурта компанияси» АЖ Тошкент шаҳри 49,3 8. «Тошкентвино комбинати» АЖ Тошкент шаҳри 51,8 9. «Ўзбекистон шампани» АЖ Тошкент шаҳри 51,0 10. «Ховренко номидаги Самарқанд вино комбинати» АЖ Самарқанд вилояти 71,2 11. «Қибрай шароб илмий-экспериментал корхонаси» ДУК Тошкент вилояти 100 12. «Урганч шароб» АЖ Хоразм вилояти 60,3 13. «Нукус вино заводи» АЖ Қорақалпоғистон Республикаси 51 14. «Шаҳрисабз вино-ароқ» АЖ Қашқадарё вилояти 51 15. «Сирдарё вино» АЖ Сирдарё вилояти 51 16. «Конвин» АЖ Тошкент вилояти 51 17. «Мастона» АЖ Фарғона вилояти 51 18. «Электр қишлоқ қурилиш» АЖ Тошкент шаҳри 53,4 II. 2021 йил октябрдан савдога чиқариладиган давлат иштирокидаги хўжалик жамиятлари ва давлат корхоналари ** 19. «Қўқон биокимё» АЖ Фарғона вилояти 97,0 *** 20. «Андижон биокимё заводи» АЖ **** Андижон вилояти 70,0 21. «Бектемир-спирт экспериментал заводи» АЖ **** Тошкент шаҳри 25,0 22. «Биокимё» АЖ **** Тошкент вилояти 25,0 23. «Сувмаш» АЖ Тошкент шаҳри 47,0 24. «Шарқ НМАК» АЖ Тошкент шаҳри 94,5 25. «Ўрта осиё транс» АЖ Тошкент шаҳри 51,0 26. «93-махсус трест» АЖ Тошкент шаҳри 83,31 *** 27. «Ўзгазлойиҳа» МЧЖ Тошкент шаҳри 63,4 28. «ЎзГАШКЛИТИ» ДУК Тошкент шаҳри 100,0 29. Иссиқлик электр станциялари **** Республика бўйича *** 30. Дон корхоналари **** Республика бўйича ***
Ўзбекистон Республикаси Президентининг 2021 йил 11 февралдаги ПФ-6167-сон Фармонига 3-ИЛОВА
Ўзбекистон Республикаси Президентининг айрим ҳужжатларига киритилаётган ўзгартириш ва қўшимчалар
1. Ўзбекистон Республикаси Президентининг 2019 йил 19 февралдаги «Давлат мулки объектларидан самарали фойдаланиш бўйича қўшимча чора-тадбирлар тўғрисида»ги ПФ-5666-сон Фармони 4-бандининг иккинчи хатбошиси қуйидаги таҳрирда баён этилсин:
«Ўзбекистон Республикаси Президенти ва Вазирлар Маҳкамасининг ҳужжатлари ёки Давлат тендер комиссиясининг қарори билан бошқача тартиб ўрнатилмаган бўлса, давлат мулки объектларини (акциялардан ташқари) сотиш бўйича савдолар «E-IJRO AUKSION» электрон савдо майдончасида амалга оширилади;».
2. Ўзбекистон Республикаси Президентининг 2019 йил 4 декабрдаги «Ўзбекистонда футболни ривожлантиришни мутлақо янги босқичга олиб чиқиш чора-тадбирлари тўғрисида»ги ПФ-5887-сон Фармонининг 9-банди қуйидаги мазмундаги хатбоши билан тўлдирилсин:
«Ўзбекистон Республикаси Вазирлар Маҳкамасига Ўзбекистон Миллий Олимпия қўмитаси, Ўзбекистон футбол федерацияси таклифлари асосида профессионал футбол клублари устав фондидаги давлат улушини ишончли бошқарувга бериш ёки бошқа ташкилот ва идораларга ўтказиш ҳуқуқи берилсин».
3. Ўзбекистон Республикаси Президентининг 2020 йил 1 июлдаги «Бўш турган объектлардан самарали фойдаланишни ташкил этиш ва ахборот-коммуникация технологияларини кенг жорий этиш чора-тадбирлари тўғрисида»ги ПҚ-4771-сон қарорининг 8-банди «в» кичик банди «давлат муассасаси шаклидаги» сўзларидан кейин «бюджет ташкилотига тенглаштирилган» деган сўзлар билан тўлдирилсин.
4. Ўзбекистон Республикаси Президентининг 2020 йил 24 августдаги «Лицензиялаш ва рухсат бериш тартиб-таомилларини тубдан такомиллаштириш чора-тадбирлари тўғрисида»ги ПФ-6044-сон Фармонига 5-илованинг 43-позицияси «Ижро муддати» устунидаги «2020 йил 1 декабрь» сўзлари «2021 йил 1 август» сўзлари билан алмаштирилсин.
5. Ўзбекистон Республикаси Президентининг 2020 йил 27 октябрдаги «Давлат иштирокидаги корхоналарни ислоҳ қилишни жадаллаштириш ҳамда давлат активларини хусусийлаштиришга оид чора-тадбирлар тўғрисида»ги ПФ-6096-сон Фармонида :
а) 10-банднинг «г» кичик бандининг иккинчи хатбоши чиқариб ташлансин;
б) 12-банднинг тўртинчи хатбошисидаги «мазкур Фармоннинг 4-иловасидаги» сўзлари «хусусийлаштирилиши белгиланган» сўзлари билан алмаштирилсин;
в) 13-банднинг биринчи хатбошисидаги «уч ой муддатда» сўзлари «2021 йил 1 июлга қадар» сўзлари билан алмаштирилсин;
г) 15-банднинг иккинчи хатбошисидаги «2020 йил 1 декабрга қадар» сўзлари «2021 йил 1 июнга қадар» сўзлари билан алмаштирилсин;
д) 20-бандда :
учинчи хатбошидаги «2020» рақами «2021» рақами билан алмаштирилсин;
тўртинчи хатбошисидаги «уч ой муддатда» сўзлари «2021 йил 1 июнга қадар» сўзлари билан алмаштирилсин;
е) 5-иловадан «** Объектлар мулкий мажмуа сифатида барча мавжуд мол-мулки баҳоланган ҳолда савдога чиқарилади» сўзлари чиқариб ташлансин.
6. Ўзбекистон Республикаси Президентининг 2006 йил 21 июлдаги ПҚ-423-сон қарори билан тасдиқланган Давлат мулкини сотиш бўйича тендер савдолари ўтказувчи Давлат комиссияси тўғрисидаги низомда :
а) 1-банддаги «Вазирлар Маҳкамаси қарорлари» сўзи «Ҳукумати ҳужжатлари» сўзлари билан алмаштирилсин;
б) 4-бандда :
қуйидаги мазмундаги ўн тўртинчи — ўн еттинчи хатбошилар билан тўлдирилсин:
«корхоналар соф активларининг давлат акция пакетлари (улушлари)га нисбатан пропорционал қиймати 100 млн сўмдан ошмаса, соф активларининг пропорционал улушига тенг (соф активлари устав капиталидан кам бўлганда номинал) қийматда жамият қатнашчиларининг сотиб олишдаги устунлик ҳуқуқини қўлламаган ҳолда оммавий савдоларга қўйиш бўйича қарорлар қабул қилиш;
давлат активларини оммавий савдоларга чиқаришда уларнинг бошланғич нархини (баланс, номинал қийматларида, фонд биржаси котировкаси бўйича, соф активлари қийматида ёки давлат активлари баҳоланган нархининг 70 фоизгача пасайтирилган миқдорида) белгилаш;
давлат унитар корхоналарини хусусийлаштириш мақсадида хўжалик жамиятларига ўзгартиришда корхонанинг мол-мулклари ва мажбуриятларини хатлов ҳамда баҳолашни ўтказмасдан, уларнинг устав капитали миқдорини солиқ органларига топширилган охирги бухгалтерия баланси маълумотлари асосида соф активлари қийматида, соф активлари манфий бўлган тақдирда, корхона устав капитали миқдорида белгилаш;
давлат активларини устав капиталига бериш орқали хусусийлаштириш ёки давлат иштирокидаги корхоналарнинг бошқарув органлари қарорлари асосида уларнинг носоҳавий активларини давлатга бериш орқали улардаги давлат улушларини камайтириш тўғрисида қарорлар қабул қилиш.»;
ўн тўртинчи — ўн тўққизинчи хатбошилари тегишинча ўн саккизинчи — йигирма учинчи хатбошилар деб ҳисоблансин.
Ўзбекистон Республикаси Президенти Ш. МИРЗИЁЕВ
Тошкент ш.,
2021 йил 11 февраль,
ПФ-6167-сон
Oʻzbekiston Respublikasi Prezidentining
Farmoni
ROʻYXATI
roʻyxati
Davlat aktivlarini xususiylashtirish jarayonlarini yanada jadallashtirish toʻgʻrisida
Oʻzbekiston Respublikasi Prezidentining 2020-yil 27-oktabrdagi “Davlat ishtirokidagi korxonalarni isloh qilishni jadallashtirish hamda davlat aktivlarini xususiylashtirishga oid chora-tadbirlar toʻgʻrisida”gi PF-6096-son Farmoniga muvofiq hamda iqtisodiyotga xususiy investitsiyalarni jalb qilishni jadallashtirish maqsadida:
1. Xalqaro konsalting, auditorlik va investitsiya maslahatchilari, investitsiya banklari va boshqa ixtisoslashgan kompaniyalarni (keyingi oʻrinlarda — professional tashkilotlar) jalb etgan holda davlat aktivlarini xususiylashtirishning zamonaviy usullarini joriy etish amaliyoti boshlanganligi maʼlumot uchun qabul qilinsin.
2. Shunday tartib oʻrnatilsinki, unga muvofiq mazkur Farmonning 1 va 2-ilovalarida koʻrsatilgan davlat aktivlarini ommaviy savdolarga qoʻyishda va ularni sotish jarayonlarini tashkil etishda:
professional tashkilotlarni jalb etish Davlat aktivlarini boshqarish agentligi yoki “UzAssets” investitsiya kompaniyasi tomonidan eng yaxshi takliflarni tanlab olish asosida amalga oshiriladi. Bunda, ular bilan tuziladigan shartnomalarni ekspertizadan oʻtkazish talab etilmaydi;
professional tashkilotlar tomonidan davlat aktivlarini sotish maqsadida aniqlangan qiymat yoki qiymatlar oraligʻi (baholash faoliyatining milliy standarti talablaridan qatʼi nazar) savdo jarayonida moʻljal sifatida hisobga olinishiga ruxsat beriladi;
baholash tashkilotining baholash toʻgʻrisidagi hisobotida tavsiya etilgan va uning ekspertiza xulosasida aniqlangan narxni davlat aktivining boshlangʻich narxi sifatida majburiy belgilash toʻgʻrisidagi talab amal qilmaydi;
Davlat aktivlarini xususiylashtirish va xususiylashtirish jarayonlarini muvofiqlashtirish boʻyicha davlat komissiyasiga davlat aktivlarining boshlangʻich narxini eʼlon qilmagan holda sotish toʻgʻrisida eʼlonlar berish hamda 2 tadan kam boʻlmagan takliflar orasida eng yaxshisi asosida sotish boʻyicha qarorlar qabul qilish vakolati beriladi (baholash toʻgʻrisidagi hisobotda tavsiya etilgan va ekspertiza xulosasida aniqlangan narxdan qatʼi nazar).
3. Belgilansinki, 2022-yil 1-fevraldan boshlab davlat aktivini samarali boshqarishni tashkil etishda (xususiylashtirish, ishonchli boshqaruvga berish, xoʻjalik jamiyatlari ustav fondiga kiritish, davlat aktivini tasarruf etish va butligini saqlash bilan bogʻliq boshqa holatlarda) baholovchi tashkilotlar xizmatlarining boshlangʻich qiymatini aniqlash, ularning takliflarini baholash va tanlash tartibi joriy etiladi.
Davlat aktivlarini boshqarish agentligi Moliya vazirligi bilan birgalikda 2022-yil 15-yanvarga qadar davlat aktivini samarali boshqarishni tashkil etishda baholovchi tashkilotlar xizmatlarining boshlangʻich qiymatini aniqlash, ularning takliflarini baholash va tanlash tartibini ishlab chiqib, Vazirlar Mahkamasiga tasdiqlash uchun kiritsin.
3 1 . “UzAssets” AJ investitsiya kompaniyasi ustav kapitaliga berish orqali sotilgan davlat aksiya paketlari (ulushlari)ni sotishdan tushgan mablagʻlar (“UzAssets” AJ Kuzatuv kengashi tomonidan tasdiqlanadigan saqlash xarajatlari, jumladan, korxonalarni sotishdan oldingi tayyorlash va sotish bilan bogʻliq xarajatlarni chegirgan holda) har chorakda Davlat aktivlarini boshqarish agentligi huzuridagi budjetdan tashqari Davlat aktivlarini boshqarish, transformatsiya va xususiylashtirish jamgʻarmasiga oʻtkaziladi hamda qonunchilik hujjatlarida belgilangan tartibda taqsimlanadi.
Bunda, ushbu aktivlarni sotishdan tushgan mablagʻlar boʻyicha “UzAssets” AJ foyda soligʻi hamda toʻlov manbaidan ushlab qolinadigan dividendlardan olinadigan soliq summasini toʻlashdan ozod etiladi.
4. Oʻzbekiston Respublikasi Prezidentining ayrim hujjatlariga 3-ilovaga muvofiq oʻzgartirish va qoʻshimchalar kiritilsin.
5. Mazkur Farmonning ijrosini samarali tashkil etishga masʼul va javobgar etib Bosh vazirning oʻrinbosari J.A. Qoʻchqorov va Davlat aktivlarini boshqarish agentligi direktori A.J. Ortiqov belgilansin.
Farmon ijrosini har chorakda muhokama qilib borish, ijro uchun masʼul idoralar faoliyatini muvofiqlashtirish va nazorat qilish Bosh vazir A.N. Aripov zimmasiga yuklansin.
Oʻzbekiston Respublikasi Prezidentining 2021-yil 11-fevraldagi PF-6167-son Farmoniga 1-ILOVA
2021-yilda savdoga chiqariladigan davlat aktivlarining
T/r Nomi Joylashgan hudud Balansda saqlovchi Umumiy yer maydoni (ga) Bino-inshootlar maydoni (kv.m) I. 2021-yil martdan savdoga chiqariladigan davlat aktivlari 1. “Poytaxt biznes majmuasi” MChJ * Toshkent shahri, Yunusobod tumani Toshkent shahar hokimligi 0,4 34 592 2. “Shahar mehmonxonasi” DUK Toshkent shahri, M. Ulugʻbek tumani Oʻzbekiston Respublikasi Prezidenti Administratsiyasi 2,2 12 256 3. Gazetalar ishlab chiqarish majmuasi binosi Toshkent shahri, Mirobod tumani Davlat aktivlarini boshqarish agentligi 1,9 17 863 4. “Malika” savdo va maishiy xizmat koʻrsatish majmuasi Toshkent shahri, Shayxontohur tumani Toshkent shahar hokimligi 4,1 13 833 5. “Byeldirsoy oromgohi” dam olish maskani ** Toshkent viloyati, Boʻstonliq tumani Toshkent shahar hokimligi “Byeldirsoy oromgohi” shuʼba korxonasi sogʻlomlashtirish markazi 46,1 9 628 6. “Chorvoq oromgohi” dam olish maskani ** Toshkent viloyati, Boʻstonliq tumani Toshkent shahar hokimligi “Chorvoq oromgohi” shuʼba korxonasi sogʻlomlashtirish markazi 76,1 31 211 7. “Ichan qalʼa” mehmonxona majmuasi *** Toshkent shahri, Yakkasaroy tumani Oʻzbekiston Respublikasi Turizm va madaniy meros vazirligi 0,6 10 100 9. “Avtogaztaʼminot” MChJ Toshkent shahri, Yashnobod tumani Davlat aktivlarini boshqarish agentligi 18,4 19 316 10. “Qizil suv sport sogʻlomlashtirish” MChJ ** Toshkent viloyati, Boʻstonliq tumani Davlat aktivlarini boshqarish agentligi 5,9 2 746 II. 2021-yil sentyabrdan savdoga chiqariladigan davlat aktivlari 11. “Toshkent” mehmonxonasi Toshkent shahar, Yunusobod tumani “Oʻzmilliybank” AJ 1,1 24 206 12. “Nyatt Regency Tashkent” mehmonxonasi Toshkent shahar, Yunusobod tumani Toshkent shahar hokimligi “Poytaxt qurilish va xizmat” DUK 3,1 60 113 13. Kinozal (Premier hall) Toshkent shahar, Mirobod tumani “O'ZBEKKINO” DUK 0,1 2 873 14. Maʼmuriy bino (matbuot uyi) Toshkent shahar, Mirobod tumani Davlat aktivlarini boshqarish agentligi 0,82 18 142 16. Ishlab chiqarish binosi (sobiq “Algoritm” zavodi bino-inshootlari) Toshkent shahar, Chilonzor tumani Toshkent shahar hokimligi 16,13 86 004 17. “Sergeli” kichik sanoat zonasi bino va inshootlari Toshkent shahar, Sirgʻali tumani Toshkent shahar hokimligi 11,83 89 192 18. “Bektemir” kichik sanoat zonasi bino va inshootlari Toshkent shahar, Bektemir tumani Toshkent shahar hokimligi 5 33 733 19. “Oʻzmetkombinat” AJning temir saqlash va yuklash ombori Toshkent shahar, Mirzo Ulugʻbek tumani “Oʻzmetkombinat” AJ 5,8 4 351 20. Noturar bino-inshoot kompleksi (Parranda fabrikasi) Toshkent viloyati, Zangiota tumani Davlat aktivlarini boshqarish agentligi 20,7 31 105 21. Boʻsh turgan bino va inshootlar (sobiq Kinologiya markazi) Toshkent shahar, Yashnobod tumani Toshkent shahar hokimligi 8,6 16 531
Oʻzbekiston Respublikasi Prezidentining 2021-yil 11-fevraldagi PF-6167-son Farmoniga 2-ILOVA
2021-yilda savdoga chiqariladigan davlat ishtirokidagi xoʻjalik jamiyatlari va davlat korxonalari
T/r Tashkilot nomi Joylashgan joyi Sotiladigan ulush miqdori (foizda) I. 2021-yil apreldan savdoga chiqariladigan davlat ishtirokidagi xoʻjalik jamiyatlari va davlat korxonalari 1. “Kvars” AJ Fargʻona viloyati 89,5 2. “Trest-12” AJ Toshkent shahri 51 3. “Oʻzbekkimyomash zavodi” AJ Toshkent viloyati 44,7 4. “Jizzax plastmassa” AJ Jizzax viloyati 85,8 * 5. “Qoʻqon mexanika zavodi” AJ Fargʻona viloyati 64,1 6. “Fargʻona neftni qayta ishlash zavodi” MChJ Fargʻona viloyati 100 7. “Kafolat sugʻurta kompaniyasi” AJ Toshkent shahri 49,3 8. “Toshkentvino kombinati” AJ Toshkent shahri 51,8 9. “Oʻzbekiston shampani” AJ Toshkent shahri 51,0 10. “Xovrenko nomidagi Samarqand vino kombinati” AJ Samarqand viloyati 71,2 11. “Qibray sharob ilmiy-eksperimental korxonasi” DUK Toshkent viloyati 100 12. “Urganch sharob” AJ Xorazm viloyati 60,3 13. “Nukus vino zavodi” AJ Qoraqalpogʻiston Respublikasi 51 14. “Shahrisabz vino-aroq” AJ Qashqadaryo viloyati 51 15. “Sirdaryo vino” AJ Sirdaryo viloyati 51 16. “Konvin” AJ Toshkent viloyati 51 17. “Mastona” AJ Fargʻona viloyati 51 18. “Elektr qishloq qurilish” AJ Toshkent shahri 53,4 II. 2021-yil oktyabrdan savdoga chiqariladigan davlat ishtirokidagi xoʻjalik jamiyatlari va davlat korxonalari ** 19. “Qoʻqon biokimyo” AJ Fargʻona viloyati 97,0 *** 20. “Andijon biokimyo zavodi” AJ **** Andijon viloyati 70,0 21. “Bektemir-spirt eksperimental zavodi” AJ **** Toshkent shahri 25,0 22. “Biokimyo” AJ **** Toshkent viloyati 25,0 23. “Suvmash” AJ Toshkent shahri 47,0 24. “Sharq NMAK” AJ Toshkent shahri 94,5 25. “Oʻrta osiyo trans” AJ Toshkent shahri 51,0 26. “93-maxsus trest” AJ Toshkent shahri 83,31 *** 27. “Oʻzgazloyiha” MChJ Toshkent shahri 63,4 28. “OʻzGAShKLITI” DUK Toshkent shahri 100,0 29. Issiqlik elektr stansiyalari **** Respublika boʻyicha *** 30. Don korxonalari **** Respublika boʻyicha ***
Oʻzbekiston Respublikasi Prezidentining 2021-yil 11-fevraldagi PF-6167-son Farmoniga 3-ILOVA
Oʻzbekiston Respublikasi Prezidentining ayrim hujjatlariga kiritilayotgan oʻzgartirish va qoʻshimchalar
1. Oʻzbekiston Respublikasi Prezidentining 2019-yil 19-fevraldagi “Davlat mulki obyektlaridan samarali foydalanish boʻyicha qoʻshimcha chora-tadbirlar toʻgʻrisida”gi PF-5666-son Farmoni 4-bandining ikkinchi xatboshisi quyidagi tahrirda bayon etilsin:
“Oʻzbekiston Respublikasi Prezidenti va Vazirlar Mahkamasining hujjatlari yoki Davlat tender komissiyasining qarori bilan boshqacha tartib oʻrnatilmagan boʻlsa, davlat mulki obyektlarini (aksiyalardan tashqari) sotish boʻyicha savdolar “E-IJRO AUKSION” elektron savdo maydonchasida amalga oshiriladi;”.
2. Oʻzbekiston Respublikasi Prezidentining 2019-yil 4-dekabrdagi “Oʻzbekistonda futbolni rivojlantirishni mutlaqo yangi bosqichga olib chiqish chora-tadbirlari toʻgʻrisida”gi PF-5887-son Farmonining 9-bandi quyidagi mazmundagi xatboshi bilan toʻldirilsin:
“Oʻzbekiston Respublikasi Vazirlar Mahkamasiga Oʻzbekiston Milliy Olimpiya qoʻmitasi, Oʻzbekiston futbol federatsiyasi takliflari asosida professional futbol klublari ustav fondidagi davlat ulushini ishonchli boshqaruvga berish yoki boshqa tashkilot va idoralarga oʻtkazish huquqi berilsin”.
3. Oʻzbekiston Respublikasi Prezidentining 2020-yil 1-iyuldagi “Boʻsh turgan obyektlardan samarali foydalanishni tashkil etish va axborot-kommunikatsiya texnologiyalarini keng joriy etish chora-tadbirlari toʻgʻrisida”gi PQ-4771-son qarorining 8-bandi “v” kichik bandi “davlat muassasasi shaklidagi” soʻzlaridan keyin “budjet tashkilotiga tenglashtirilgan” degan soʻzlar bilan toʻldirilsin.
4. Oʻzbekiston Respublikasi Prezidentining 2020-yil 24-avgustdagi “Litsenziyalash va ruxsat berish tartib-taomillarini tubdan takomillashtirish chora-tadbirlari toʻgʻrisida”gi PF-6044-son Farmoniga 5-ilovaning 43-pozitsiyasi “Ijro muddati” ustunidagi “2020-yil 1-dekabr” soʻzlari “2021-yil 1-avgust” soʻzlari bilan almashtirilsin.
5. Oʻzbekiston Respublikasi Prezidentining 2020-yil 27-oktabrdagi “Davlat ishtirokidagi korxonalarni isloh qilishni jadallashtirish hamda davlat aktivlarini xususiylashtirishga oid chora-tadbirlar toʻgʻrisida”gi PF-6096-son Farmonida :
a) 10-bandning “g” kichik bandining ikkinchi xatboshi chiqarib tashlansin;
b) 12-bandning toʻrtinchi xatboshisidagi “mazkur Farmonning 4-ilovasidagi” soʻzlari “xususiylashtirilishi belgilangan” soʻzlari bilan almashtirilsin;
v) 13-bandning birinchi xatboshisidagi “uch oy muddatda” soʻzlari “2021-yil 1-iyulga qadar” soʻzlari bilan almashtirilsin;
g) 15-bandning ikkinchi xatboshisidagi “2020-yil 1-dekabrga qadar” soʻzlari “2021-yil 1-iyunga qadar” soʻzlari bilan almashtirilsin;
d) 20-bandda :
uchinchi xatboshidagi “2020” raqami “2021” raqami bilan almashtirilsin;
toʻrtinchi xatboshisidagi “uch oy muddatda” soʻzlari “2021-yil 1-iyunga qadar” soʻzlari bilan almashtirilsin;
e) 5-ilovadan “** Obyektlar mulkiy majmua sifatida barcha mavjud mol-mulki baholangan holda savdoga chiqariladi” soʻzlari chiqarib tashlansin.
6. Oʻzbekiston Respublikasi Prezidentining 2006-yil 21-iyuldagi PQ-423-son qarori bilan tasdiqlangan Davlat mulkini sotish boʻyicha tender savdolari oʻtkazuvchi Davlat komissiyasi toʻgʻrisidagi nizomda :
a) 1-banddagi “Vazirlar Mahkamasi qarorlari” soʻzi “Hukumati hujjatlari” soʻzlari bilan almashtirilsin;
b) 4-bandda :
quyidagi mazmundagi oʻn toʻrtinchi — oʻn yettinchi xatboshilar bilan toʻldirilsin:
“korxonalar sof aktivlarining davlat aksiya paketlari (ulushlari)ga nisbatan proporsional qiymati 100 mln soʻmdan oshmasa, sof aktivlarining proporsional ulushiga teng (sof aktivlari ustav kapitalidan kam boʻlganda nominal) qiymatda jamiyat qatnashchilarining sotib olishdagi ustunlik huquqini qoʻllamagan holda ommaviy savdolarga qoʻyish boʻyicha qarorlar qabul qilish;
davlat aktivlarini ommaviy savdolarga chiqarishda ularning boshlangʻich narxini (balans, nominal qiymatlarida, fond birjasi kotirovkasi boʻyicha, sof aktivlari qiymatida yoki davlat aktivlari baholangan narxining 70 foizgacha pasaytirilgan miqdorida) belgilash;
davlat unitar korxonalarini xususiylashtirish maqsadida xoʻjalik jamiyatlariga oʻzgartirishda korxonaning mol-mulklari va majburiyatlarini xatlov hamda baholashni oʻtkazmasdan, ularning ustav kapitali miqdorini soliq organlariga topshirilgan oxirgi buxgalteriya balansi maʼlumotlari asosida sof aktivlari qiymatida, sof aktivlari manfiy boʻlgan taqdirda, korxona ustav kapitali miqdorida belgilash;
davlat aktivlarini ustav kapitaliga berish orqali xususiylashtirish yoki davlat ishtirokidagi korxonalarning boshqaruv organlari qarorlari asosida ularning nosohaviy aktivlarini davlatga berish orqali ulardagi davlat ulushlarini kamaytirish toʻgʻrisida qarorlar qabul qilish.”;
oʻn toʻrtinchi — oʻn toʻqqizinchi xatboshilari tegishincha oʻn sakkizinchi — yigirma uchinchi xatboshilar deb hisoblansin.
Oʻzbekiston Respublikasi Prezidenti Sh. MIRZIYOYEV
Toshkent sh.,
2021-yil 11-fevral,
PF-6167-son
Президента Республики Узбекистан
Указ
ПЕРЕЧЕНЬ
ПЕРЕЧЕНЬ
О мерах по дальнейшему ускорению процессов приватизации государственных активов
В соответствии с Указом Президента Республики Узбекистан от 27 октября 2020 года № УП-6096 «О мерах по ускоренному реформированию предприятий с участием государства и приватизации государственных активов», а также в целях ускорения привлечения частных инвестиций в экономику:
1. Принять к сведению, что начата практика внедрения современных методов приватизации государственных активов с привлечением международных консалтинговых, аудиторских и инвестиционных консультантов, инвестиционных банков и других специализированных компаний (далее — профессиональные организации).
2. Установить порядок, в соответствии с которым при организации процессов выставления на публичные торги и реализации государственных активов, указанных в приложениях №№ 1 и 2 к настоящему Указу:
привлечение профессиональных организаций осуществляется Агентством по управлению государственными активами или инвестиционной компанией «UzAssets» на основе отбора наилучших предложений. При этом не требуется проведение экспертизы заключаемых с ними договоров;
разрешается в процессе торгов принимать в качестве ориентира стоимость или диапазон стоимости, определенной профессиональными организациями, с целью реализации государственных активов (независимо от требований национального стандарта оценочной деятельности);
не применяется требование об обязательном установлении в качестве стартовой цены государственного актива их стоимости, рекомендованной в отчете об оценке оценочной организации и определенной в заключении ее экспертизы;
Государственной комиссии по приватизации государственных активов и координации процессов приватизации предоставляется полномочие принимать решения по публикации объявлений о реализации государственных активов без объявления стартовой цены, а также реализации государственных активов на основе наилучшего из не менее двух предложений (независимо от цены, рекомендованной в отчете об оценке и определенной в заключении экспертизы).
3. Установить, что с 1 февраля 2022 года при организации эффективного управления государственного актива (приватизации, передаче в доверительное управление, внесении в уставный фонд хозяйственных обществ, других случаях, связанных с распоряжением и сохранением целостности государственных активов) внедряется порядок определения начальной стоимости услуг оценочных организаций, оценки и отбора их предложений.
Агентству по управлению государственными активами совместно с Министерством финансов в срок до 15 января 2022 года разработать и внести на утверждение в Кабинет Министров порядок определения начальной стоимости услуг оценочных организаций, оценки и отбора их предложений при организации эффективного управления государственными активами.
3 1 . Средства, поступившие от реализации государственных пакетов акций (долей), реализованных путем их передачи в уставный капитал инвестиционной компании АО «UzAssets» (за вычетом утвержденных Наблюдательным советом АО «UzAssets» расходов на хранение, включая расходы, связанные с предпродажной подготовкой и реализацией предприятий), ежеквартально переводятся во внебюджетный Фонд по управлению, трансформации и приватизации государственных активов при Агентстве по управлению государственными активами и распределяются в порядке, установленном актами законодательства.
При этом по средствам, поступившим от реализации данных активов, АО «UzAssets» освобождается от уплаты налога на прибыль, а также налога на дивиденды, удерживаемого у источника выплаты.
4. Внести изменения и дополнения в некоторые акты Президента Республики Узбекистан согласно приложению № 3 .
5. Возложить на заместителя Премьер-министра Д.А. Кучкарова и директора Агентства по управлению государственными активами А.Ж. Ортикова персональную ответственность за эффективную организацию исполнения настоящего Указа.
Ежеквартальное обсуждение хода исполнения настоящего Указа, осуществление координации и контроля за деятельностью ведомств, ответственных за его исполнение, возложить на Премьер-министра А.Н. Арипова.
ПРИЛОЖЕНИЕ № 1 к Указу Президента Республики Узбекистан от 11 февраля 2021 года № УП-6167
государственных активов, выставляемых на торги в 2021 году
№ Наименование Местоположение Балансодержатель Общая земельная площадь (га) Площадь зданий и сооружений (кв. м) I. Государственные активы, выставляемые на торги с марта 2021 года 1. ООО «Пойтахт бизнес мажмуаси» * город Ташкент, Юнусабадский район Хокимият города Ташкента 0,4 34 592 2. ГУП «Шахар мехмонхонаси» город Ташкент, Мирзо-Улугбекский район Администрация Президента Республики Узбекистан 2,2 12 256 3. Здание комплекса по производству газет город Ташкент, Мирабадский район Агентство по управлению государственными активами 1,9 17 863 4. Комплекс торговли и бытовых услуг «Малика» город Ташкент, Шайхантахурский район Хокимият города Ташкента 4,1 13 833 5. Зона отдыха «Белдирсой оромгохи» ** Ташкентская область, Бостанлыкский район Оздоровительный центр дочернего предприятия «Белдирсой оромгохи» х окимията города Ташкента 46,1 9 628 6. Зона отдыха «Чорвок оромгохи» ** Ташкентская область, Бостанлыкский район Оздоровительный центр дочернего предприятия « Чорвок оромгохи » х окимията города Ташкента 76,1 31 211 7. Гостиничный комплекс «Ичан калъа» *** город Ташкент, Яккасарайский район Министерство туризма и культурного наследия Республики Узбекистан 0,6 10 100 9. ООО «Автогазтаъминот» город Ташкент, Яшнабадский район Агентство по управлению государственными активами 18,4 19 316 10. ООО «Кизил сув спорт согломлаштириш» ** Ташкентская область, Бостанлыкский район Агентство по управлению государственными активами 5,9 2 746 II. Государственные активы, выставляемые на торги с сентября 2021 года 11. Гостиница «Ташкент» город Ташкент, Юнусабадский район АО «Узнацбанк» 1,1 24 206 12. Гостиница «Нyatt Regency Tashkent» город Ташкент, Юнусабадский район ГУП «Пойтахт курилиш ва хизмат» хокимията города Ташкента 3,1 60 113 13. Кинозал (Premier hall) город Ташкент, Мирабадский район ГУП «O'ZBEKKINO» 0,1 2 873 14. Административное здание (Дом прессы) город Ташкент, Мирабадский район Агентство по управлению государственными активами 0,82 18 142 16. Производственное здание (здания и сооружения бывшего завода «Алгоритм») город Ташкент, Чиланзарский район Хокимият города Ташкента 16,13 86 004 17. Здания и сооружения малой промышленной зоны «Сергели» город Ташкент, Сергелийский район Хокимият города Ташкента 11,83 89 192 18. Здания и сооружения малой промышленной зоны «Бектемир» город Ташкент, Бектемирский район Хокимият города Ташкента 5 33 733 19. Склад по хранению и отгрузке металла АО «Узметкомбинат» город Ташкент, Мирзо-Улугбекский район АО «Узметкомбинат» 5,8 4 351 20. Нежилой комплекс зданий и сооружений (птицефабрика) Ташкентсткая область, Зангиатинский район Агентство по управлению государственными активами 20,7 31 105 21. Пустующие здания и сооружения (бывший Кинологический центр) город Ташкент, Яшнабадский район Хокимият города Ташкента 8,6 16 531
ПРИЛОЖЕНИЕ № 2 к Указу Президента Республики Узбекистан от 11 февраля 2021 года № УП-6167
хозяйственных обществ с участием государства и государственных предприятий, выставляемых на торги в 2021 году
№ Наименование организации Местоположение Объем реализуемой доли (%) I. Хозяйственные общества с участием государства и государственные предприятия, выставляемые на торги с апреля 2021 года 1. АО «Кварц» Ферганская область 89,5 2. АО «Трест-12» город Ташкент 51 3. АО «Узбеккимёмаш заводи» Ташкентская область 44,7 4. АО «Жиззах пластмасса» Джизакская область 85,8 * 5. АО «Кокандский механический завод» Ферганская область 64,1 6. АО «Ферганский нефтеперерабатывающий завод» Ферганская область 100 7. АО «Страховая компания «Кафолат» город Ташкент 49,3 8. АО «Тошкентвино комбинати» город Ташкент 51,8 9. АО «Узбекистон шампани» город Ташкент 51,0 10. АО «Самаркандский винкомбина? имени Ховренко» Самаркандская область 71,2 11. ГУП «Кибрай шароб илмий-экспериментал корхонаси» Ташкентская область 100 12. АО «Урганч шароб» Хорезмская область 60,3 13. АО «Нукус вино заводи» Республика Каракалпакстан 51 14. АО «Шахрисабз вино-арок» Кашкадарьинская область 51 15. АО «Сирдарё вино» Сырдарьинская область 51 16. АО «Конвин» Ташкентская область 51 17. АО «Мастона» Ферганская область 51 18. АО «Электр кишлок курилиш» город Ташкент 53,4 II. Хозяйственные общества с участием государства и государственные предприятия, выставляемые на торги с октября 2021 года ** 19. АО «Кукон биокимё» Ферганская область 97,0 *** 20. АО «Андижон биокимё заводи» **** Андижанская область 70,0 21. АО «Бектемир-спирт экспериментал заводи» **** город Ташкент 25,0 22. АО «Биокимё» **** Ташкентская область 25,0 23. АО «Сувмаш» город Ташкент 47,0 24. АО «Шарк НМАК» город Ташкент 94,5 25. АО «Урта осиё транс» город Ташкент 51,0 26. АО «93-махсус трест» город Ташкент 83,31 *** 27. ООО «Узгазлойиха» город Ташкент 63,4 28. ГУП «УзГАШКЛИТИ» город Ташкент 100,0 29. Тепловые электрические станции **** по республике *** 30. Мукомольные предприятия **** по республике ***
ПРИЛОЖЕНИЕ № 3 к Указу Президента Республики Узбекистан от 11 февраля 2021 года № УП-6167
Изменения и дополнения, вносимые в некоторые акты Президента Республики Узбекистан
1. Абзац второй пункта 4 Указа Президента Республики Узбекистан от 19 февраля 2019 года № УП-5666 «О дополнительных мерах по эффективному использованию объектов государственной собственности» изложить в следующей редакции:
«Если иное не установлено актами Президента Республики Узбекистан и Кабинета Министров Республики Узбекистан или решениями Государственной тендерной комиссии, торги по реализации объектов государственной собственности (кроме акций) осуществляются на электронной торговой площадке «E-IJRO AUKSION».
2. Пункт 9 Указа Президента Республики Узбекистан от 4 декабря 2019 года № УП-5887 «О мерах по поднятию на совершенно новый этап развития футбола в Узбекистане» дополнить абзацем следующего содержания:
«Предоставить Кабинету Министров Республики Узбекистан право передачи государственной доли в уставном фонде профессиональных футбольных клубов в доверительное управление или другим организациям и ведомствам на основе предложений Национального олимпийского комитета Узбекистана и Федерации футбола Узбекистана».
3. Подпункт «в» пункта 8 постановления Президента Республики Узбекистан от 1 июля 2020 года № ПП-4771 «О мерах по организации эффективного использования пустующих объектов и широкого внедрения информационно-коммуникационных технологий» после слов «в форме государственного учреждения» дополнить словами «приравненную к бюджетной организации».
4. В позиции 43 графы «Ижро муддати» в тексте на узбекском языке приложения № 5 к Указу Президента Республики Узбекистан от 24 августа 2020 года № УП-6044 «О мерах по кардинальному совершенствованию лицензионных и разрешительных процедур» слова «2020 йил 1 декабрь» заменить словами «2021 йил 1 август».
5. В Указе Президента Республики Узбекистан от 27 октября 2020 года № УП-6096 «О мерах по ускоренному реформированию предприятий с участием государства и приватизации государственных активов»:
а) абзац второй подпункта «г» пункта 10 исключить;
б) в абзаце четвертом пункта 12 слова «указанных в приложении № 4 к настоящему Указу» заменить словами «подлежащих приватизации»;
в) в абзаце первом пункта 13 слова «в трехмесячный срок» заменить словами «в срок до 1 июля 2021 года»;
г) в абзаце втором пункта 15 слова «в срок до 1 декабря 2020 года» заменить словами «в срок до 1 июня 2021 года»;
д) в пункте 20 :
в абзаце третьем цифры «2020» заменить цифрами «2021»;
в абзаце четвертом слова «в трехмесячный срок» заменить словами «в срок до 1 июня 2021 года»;
е) в приложении № 5 слова «** Объекты выставляются на продажу в качестве имущественного комплекса с оценкой всего имеющегося имущества» исключить.
6. В Положении о Государственной комиссии по проведению тендерных торгов при продаже государственного имущества, утвержденном постановлением Президента Республики Узбекистан от 21 июля 2006 года № ПП-423:
а) в пункте 1 слова «решениями Президента» заменить словами «актами Президента Республики Узбекистан и Правительства»;
б) в пункте 4 :
дополнить абзацами четырнадцатым — семнадцатым следующего содержания:
«принимать решения о выставлении на публичные торги без реализации преимущественного права участников общества на покупку по стоимости, равной пропорциональной доле чистых активов (по номинальной стоимости, если чистые активы меньше уставного капитала), если пропорциональная стоимость чистых активов предприятий по отношению к государственным пакетам акций (долям) не превышает 100 миллионов сумов;
определять стартовую цену государственных активов при их выставлении на публичные торги (по балансовой, номинальной стоимости, по котировке на фондовой бирже, по стоимости чистых активов или в сумме оценочной стоимости государственных активов, сниженной до 70 процентов);
при преобразовании государственных унитарных предприятий в хозяйственные общества в целях их приватизации определять размер уставного капитала без проведения инвентаризации и оценки имущества и обязательств предприятия на основе данных последнего бухгалтерского баланса, представленного в налоговые органы, по стоимости чистых активов, при отрицательных показателях чистых активов — в размере уставного капитала предприятия;
принимать решения о приватизации путем передачи государственных активов в уставный капитал или уменьшении доли государства путем передачи непрофильных активов предприятий с государственным участием государству на основании решений их органов управления»;
абзацы четырнадцатый — девятнадцатый считать абзацами восемнадцатым — двадцать третьим соответственно.
Президент Республики Узбекистан Ш. МИРЗИЁЕВ
г. Ташкент,
11 февраля 2021 г.,
№ УП-6167