📅 2021-yil 17-fevral · Vazirlar Mahkamasi qarorlari
Rasmiy matn. Rasmiy hujjat. Tahririy izohlar kiritilmagan.
UzbekAI
📅 2021 йил 17 февраль · Вазирлар Маҳкамаси қарорлари
Расмий матн. Расмий ҳужжат. Таҳририй изоҳлар киритилмаган.
📅 17 февраля 2021 г. · Постановления Кабинета Министров
Официальный текст. Официальный документ. Редакционные примечания не включены.
📅 17 February 2021 · Cabinet of Ministers resolutions
Official text. Official document. Editorial notes are not included.
Ўзбекистон Республикаси Вазирлар Маҳкамасининг
қарори
РАЗРЯДЛАРИ
«Tashkent Pharma Park» инновацион илмий-ишлаб чиқариш фармацевтика кластерининг фаолиятини ташкил этиш ва молиялаштириш чора-тадбирлари тўғрисида
Ўзбекистон Республикаси Президентининг « Tashkent Pharma Park» инновацион илмий-ишлаб чиқариш фармацевтика кластерини ташкил этиш тўғрисида » 2020 йил 28 январдаги ПҚ-4574-сон ва « Tashkent Pharma Park» инновацион илмий-ишлаб чиқариш фармацевтика кластерини ташкил этишни молиялаштиришга доир биринчи навбатдаги чора-тадбирлар тўғрисида » 2020 йил 28 апрелдаги ПҚ-4698-сон қарорлари ижросини таъминлаш мақсадида Вазирлар Маҳкамаси қарор қилади:
1. Ўзбекистон Республикаси Президентининг «Tashkent Pharma Park» инновацион илмий-ишлаб чиқариш фармацевтика кластерини ташкил этиш тўғрисида» 2020 йил 28 январдаги ПҚ-4574-сон қарорига мувофиқ қуйидагилар:
Тошкент вилояти Зангиота туманида «Tashkent Pharma Park» инновацион илмий-ишлаб чиқариш фармацевтика кластери (кейинги ўринларда — Кластер) ҳамда «Tashkent Pharma Park» инновацион илмий-ишлаб чиқариш фармацевтика кластерини ривожлантириш дирекцияси (кейинги ўринларда — Дирекция) ташкил этилганлиги;
Дирекция фаолиятини мувофиқлаштириш Ўзбекистон Республикаси Соғлиқни сақлаш вазирлиги ҳузуридаги Фармацевтика тармоғини ривожлантириш агентлиги (кейинги ўринларда — Агентлик) томонидан амалга оширилиши маълумот учун қабул қилинсин.
2. «Tashkent Pharma Park» инновацион илмий-ишлаб чиқариш фармацевтика кластерини ривожлантириш дирекцияси» давлат муассасаси раҳбар ходимлари ва мутахассислари меҳнатига ҳақ тўлашнинг Ягона тариф сеткаси бўйича разрядлари 1-иловага мувофиқ тасдиқлансин.
3. Агентлик:
икки ҳафта муддатда Дирекция бошқарув ходимларининг умумий чекланган сони 20 нафардан иборат бўлган тузилмасини ва Дирекциянинг штатлар жадвалини ишлаб чиқсин ҳамда тасдиқласин;
бир ой муддатда Дирекцияни малакали ходимлар билан таъминлаш ва унинг самарали фаолият кўрсатиши учун зарур шарт-шароитлар яратиш чораларини кўрсин, шу жумладан, Дирекцияга асосий воситалар ва моддий-техника базасини шакллантириш учун зарур маблағ ажратсин.
4. Белгилаб қўйилсинки:
Дирекция ходимларига Вазирлар Маҳкамасининг 2019 йил 1 августдаги 641-сон қарори билан тасдиқланган Ўзбекистон Республикаси Соғлиқни сақлаш вазирлиги ҳузуридаги Фармацевтика тармоғини ривожлантириш агентлиги ходимларини моддий рағбатлантириш тартиби тўғрисидаги низом талаблари татбиқ этилади;
Агентликка «Tashkent Pharma Park» инновацион илмий-ишлаб чиқариш фармацевтика кластери (кейинги ўринларда — Кластер) ҳудудида жойлаштирилган инвестиция лойиҳаларининг сони ва инвестициялар ҳажмига боғлиқ ҳолда Дирекция бошқарув ходимларининг умумий чекланган сони ва ажратилган меҳнатга ҳақ тўлаш фонди доирасида унинг тузилмаси ва штат жадвалига ўзгартириш киритиш ҳуқуқи берилади;
Кластер ҳудудида ташкил этиладиган лойиҳалар халқаро стандартлар асосида сифатли ҳамда белгиланган муддатларда амалга оширилиши учун жалб этилган консалтинг ва инжиниринг хизматларини кўрсатишда иштирок этадиган хорижий мутахассислар ҳамда маслаҳатчиларнинг меҳнатига ҳақ тўлаш Фармацевтика тармоғини қўллаб-қувватлаш ва ривожлантириш жамғармаси (кейинги ўринларда — Жамғарма) маблағлари ҳисобидан амалга оширилади.
5. Агентлик Жамғарма ҳисобидан Дирекцияга хизматда фойдаланиш учун 1 дона навбатчи енгил автотранспорт воситасини харид қилиш ва сақлаш учун зарур маблағ ажратсин.
6. Вазирлар Маҳкамасининг «Ўзбекистон Республикаси Соғлиқни сақлаш вазирлиги ҳузуридаги Фармацевтика тармоғини ривожлантириш агентлиги фаолиятини ташкил этиш тўғрисида» 2017 йил 18 декабрдаги 993-сон қарорига 2-иловага мувофиқ ўзгартириш киритилсин.
7. Мазкур қарорнинг бажарилишини назорат қилиш Ўзбекистон Республикаси Бош вазирининг ижтимоий ривожлантириш масалалари бўйича ўринбосари Б.А. Мусаев ва Ўзбекистон Республикаси Соғлиқни сақлаш вазирлиги ҳузуридаги Фармацевтика тармоғини ривожлантириш агентлиги директори С.Х. Кариев зиммасига юклансин.
Вазирлар Маҳкамасининг 2021 йил 17 февралдаги 78-сон қарорига 1-ИЛОВА
«Tashkent Pharma Park» инновацион илмий-ишлаб чиқариш фармацевтика кластерини ривожлантириш дирекцияси» давлат муассасаси раҳбар ходимлари ва мутахассислари меҳнатига ҳақ тўлашнинг Ягона тариф сеткаси бўйича
Т/р Лавозим номи Разряд 1. Директор 15 2. Директор ўринбосари 14 3. Бош юрисконсульт 12 4. Бош бухгалтер 12 5. Бўлим бошлиғи 12 6. Бош мутахассис 11 7. Етакчи мутахассис 10 8. 1-тоифали мутахассис 9 9. Офис-менежер 6
Вазирлар Маҳкамасининг 2021 йил 17 февралдаги 78-сон қарорига 2-ИЛОВА
Вазирлар Маҳкамасининг «Ўзбекистон Республикаси Соғлиқни сақлаш вазирлиги ҳузуридаги Фармацевтика тармоғини ривожлантириш агентлиги фаолиятини ташкил этиш тўғрисида» 2017 йил 18 декабрдаги 993-сон қарорига киритилаётган ўзгартириш
Ўзбекистон Республикаси Вазирлар Маҳкамасининг «Ўзбекистон Республикаси Соғлиқни сақлаш вазирлиги ҳузуридаги Фармацевтика тармоғини ривожлантириш агентлиги фаолиятини ташкил этиш тўғрисида» 2017 йил 18 декабрдаги 993-сон қарорига 1-илованинг матни қуйидаги таҳрирда баён қилинсин:
«Ўзбекистон Республикаси Соғлиқни сақлаш вазирлиги ҳузуридаги Фармацевтика тармоғини ривожлантириш агентлигининг
ТАШКИЛИЙ ТУЗИЛМАСИ
Ўзбекистон Республикаси Соғлиқни сақлаш вазирлиги ҳузуридаги Фармацевтика тармоғини ривожлантириш агентлиги Қорақалпоғистон Республикаси, вилоятлар ва Тошкент шаҳар фармацевтика тармоғини ривожлантириш бўлинмалари Ўзбекистон кимё-фармацевтика илмий-тадқиқот институти Тошкент вакцина ва зардоблар илмий-тадқиқот институти Дори воситалари, тиббий буюмлар ва тиббий техника экспертизаси ва стандартлаштириш давлат маркази «Tashkent Pharma Park» инновацион илмий-ишлаб чиқариш фармацевтика кластерини ривожлантириш дирекцияси «Шарқ табобати» илмий-тадқиқот институти ».
Ўзбекистон Республикасининг Бош вазири А. АРИПОВ
Тошкент ш.,
2021 йил 17 февраль,
78-сон
Oʻzbekiston Respublikasi Vazirlar Mahkamasining
qarori
RAZRYaDLARI
“Tashkent Pharma Park” innovatsion ilmiy-ishlab chiqarish farmatsevtika klasterining faoliyatini tashkil etish va moliyalashtirish chora-tadbirlari toʻgʻrisida
Oʻzbekiston Respublikasi Prezidentining “ Tashkent Pharma Park” innovatsion ilmiy-ishlab chiqarish farmatsevtika klasterini tashkil etish toʻgʻrisida ” 2020-yil 28-yanvardagi PQ-4574-son va “ Tashkent Pharma Park” innovatsion ilmiy-ishlab chiqarish farmatsevtika klasterini tashkil etishni moliyalashtirishga doir birinchi navbatdagi chora-tadbirlar toʻgʻrisida ” 2020-yil 28-apreldagi PQ-4698-son qarorlari ijrosini taʼminlash maqsadida Vazirlar Mahkamasi qaror qiladi:
1. Oʻzbekiston Respublikasi Prezidentining “Tashkent Pharma Park” innovatsion ilmiy-ishlab chiqarish farmatsevtika klasterini tashkil etish toʻgʻrisida” 2020-yil 28-yanvardagi PQ-4574-son qaroriga muvofiq quyidagilar:
Toshkent viloyati Zangiota tumanida “Tashkent Pharma Park” innovatsion ilmiy-ishlab chiqarish farmatsevtika klasteri (keyingi oʻrinlarda — Klaster) hamda “Tashkent Pharma Park” innovatsion ilmiy-ishlab chiqarish farmatsevtika klasterini rivojlantirish direksiyasi (keyingi oʻrinlarda — Direksiya) tashkil etilganligi;
Direksiya faoliyatini muvofiqlashtirish Oʻzbekiston Respublikasi Sogʻliqni saqlash vazirligi huzuridagi Farmatsevtika tarmogʻini rivojlantirish agentligi (keyingi oʻrinlarda — Agentlik) tomonidan amalga oshirilishi maʼlumot uchun qabul qilinsin.
2. “Tashkent Pharma Park” innovatsion ilmiy-ishlab chiqarish farmatsevtika klasterini rivojlantirish direksiyasi” davlat muassasasi rahbar xodimlari va mutaxassislari mehnatiga haq toʻlashning Yagona tarif setkasi boʻyicha razryadlari 1-ilovaga muvofiq tasdiqlansin.
3. Agentlik:
ikki hafta muddatda Direksiya boshqaruv xodimlarining umumiy cheklangan soni 20 nafardan iborat boʻlgan tuzilmasini va Direksiyaning shtatlar jadvalini ishlab chiqsin hamda tasdiqlasin;
bir oy muddatda Direksiyani malakali xodimlar bilan taʼminlash va uning samarali faoliyat koʻrsatishi uchun zarur shart-sharoitlar yaratish choralarini koʻrsin, shu jumladan, Direksiyaga asosiy vositalar va moddiy-texnika bazasini shakllantirish uchun zarur mablagʻ ajratsin.
4. Belgilab qoʻyilsinki:
Direksiya xodimlariga Vazirlar Mahkamasining 2019-yil 1-avgustdagi 641-son qarori bilan tasdiqlangan Oʻzbekiston Respublikasi Sogʻliqni saqlash vazirligi huzuridagi Farmatsevtika tarmogʻini rivojlantirish agentligi xodimlarini moddiy ragʻbatlantirish tartibi toʻgʻrisidagi nizom talablari tatbiq etiladi;
Agentlikka “Tashkent Pharma Park” innovatsion ilmiy-ishlab chiqarish farmatsevtika klasteri (keyingi oʻrinlarda — Klaster) hududida joylashtirilgan investitsiya loyihalarining soni va investitsiyalar hajmiga bogʻliq holda Direksiya boshqaruv xodimlarining umumiy cheklangan soni va ajratilgan mehnatga haq toʻlash fondi doirasida uning tuzilmasi va shtat jadvaliga oʻzgartirish kiritish huquqi beriladi;
Klaster hududida tashkil etiladigan loyihalar xalqaro standartlar asosida sifatli hamda belgilangan muddatlarda amalga oshirilishi uchun jalb etilgan konsalting va injiniring xizmatlarini koʻrsatishda ishtirok etadigan xorijiy mutaxassislar hamda maslahatchilarning mehnatiga haq toʻlash Farmatsevtika tarmogʻini qoʻllab-quvvatlash va rivojlantirish jamgʻarmasi (keyingi oʻrinlarda — Jamgʻarma) mablagʻlari hisobidan amalga oshiriladi.
5. Agentlik Jamgʻarma hisobidan Direksiyaga xizmatda foydalanish uchun 1 dona navbatchi yengil avtotransport vositasini xarid qilish va saqlash uchun zarur mablagʻ ajratsin.
6. Vazirlar Mahkamasining “Oʻzbekiston Respublikasi Sogʻliqni saqlash vazirligi huzuridagi Farmatsevtika tarmogʻini rivojlantirish agentligi faoliyatini tashkil etish toʻgʻrisida” 2017-yil 18-dekabrdagi 993-son qaroriga 2-ilovaga muvofiq oʻzgartirish kiritilsin.
7. Mazkur qarorning bajarilishini nazorat qilish Oʻzbekiston Respublikasi Bosh vazirining ijtimoiy rivojlantirish masalalari boʻyicha oʻrinbosari B.A. Musayev va Oʻzbekiston Respublikasi Sogʻliqni saqlash vazirligi huzuridagi Farmatsevtika tarmogʻini rivojlantirish agentligi direktori S.X. Kariyev zimmasiga yuklansin.
Vazirlar Mahkamasining 2021-yil 17-fevraldagi 78-son qaroriga 1-ILOVA
“Tashkent Pharma Park” innovatsion ilmiy-ishlab chiqarish farmatsevtika klasterini rivojlantirish direksiyasi” davlat muassasasi rahbar xodimlari va mutaxassislari mehnatiga haq toʻlashning Yagona tarif setkasi boʻyicha
T/r Lavozim nomi Razryad 1. Direktor 15 2. Direktor oʻrinbosari 14 3. Bosh yuriskonsult 12 4. Bosh buxgalter 12 5. Boʻlim boshligʻi 12 6. Bosh mutaxassis 11 7. Yetakchi mutaxassis 10 8. 1-toifali mutaxassis 9 9. Ofis-menejer 6
Vazirlar Mahkamasining 2021-yil 17-fevraldagi 78-son qaroriga 2-ILOVA
Vazirlar Mahkamasining “Oʻzbekiston Respublikasi Sogʻliqni saqlash vazirligi huzuridagi Farmatsevtika tarmogʻini rivojlantirish agentligi faoliyatini tashkil etish toʻgʻrisida” 2017-yil 18-dekabrdagi 993-son qaroriga kiritilayotgan oʻzgartirish
Oʻzbekiston Respublikasi Vazirlar Mahkamasining “Oʻzbekiston Respublikasi Sogʻliqni saqlash vazirligi huzuridagi Farmatsevtika tarmogʻini rivojlantirish agentligi faoliyatini tashkil etish toʻgʻrisida” 2017-yil 18-dekabrdagi 993-son qaroriga 1-ilovaning matni quyidagi tahrirda bayon qilinsin:
“Oʻzbekiston Respublikasi Sogʻliqni saqlash vazirligi huzuridagi Farmatsevtika tarmogʻini rivojlantirish agentligining
TAShKILIY TUZILMASI
Oʻzbekiston Respublikasi Sogʻliqni saqlash vazirligi huzuridagi Farmatsevtika tarmogʻini rivojlantirish agentligi Qoraqalpogʻiston Respublikasi, viloyatlar va Toshkent shahar farmatsevtika tarmogʻini rivojlantirish boʻlinmalari Oʻzbekiston kimyo-farmatsevtika ilmiy-tadqiqot instituti Toshkent vaksina va zardoblar ilmiy-tadqiqot instituti Dori vositalari, tibbiy buyumlar va tibbiy texnika ekspertizasi va standartlashtirish davlat markazi “Tashkent Pharma Park” innovatsion ilmiy-ishlab chiqarish farmatsevtika klasterini rivojlantirish direksiyasi “Sharq tabobati” ilmiy-tadqiqot instituti ”.
Oʻzbekiston Respublikasining Bosh vaziri A. ARIPOV
Toshkent sh.,
2021-yil 17-fevral,
78-son