📅 2021-yil 22-fevral · Vazirlar Mahkamasi qarorlari
Rasmiy matn. Rasmiy hujjat. Tahririy izohlar kiritilmagan.
UzbekAI
📅 2021 йил 22 февраль · Вазирлар Маҳкамаси қарорлари
Расмий матн. Расмий ҳужжат. Таҳририй изоҳлар киритилмаган.
📅 22 февраля 2021 г. · Постановления Кабинета Министров
Официальный текст. Официальный документ. Редакционные примечания не включены.
📅 22 February 2021 · Cabinet of Ministers resolutions
Official text. Official document. Editorial notes are not included.
Ўзбекистон Республикаси Вазирлар Маҳкамасининг
қарори
Вазирлар Маҳкамасининг «Самарқанд вилоятидаги ижтимоий соҳа муассасаларининг моддий-техник базасини янада мустаҳкамлаш чора-тадбирлари тўғрисида» 2020 йил 25 июндаги 410-сон қарорига ўзгартиришлар ва қўшимча киритиш тўғрисида
Самарқанд вилоятида хусусий тиббий хизматни ривожлантириш ҳамда аҳоли учун қулай ва замонавий тиббиёт муассасалари барпо этиш ишларини жадаллаштириш мақсадида Вазирлар Маҳкамаси қарор қилади:
1. Вазирлар Маҳкамасининг «Самарқанд вилоятидаги ижтимоий соҳа муассасаларининг моддий-техник базасини янада мустаҳкамлаш чора-тадбирлари тўғрисида» 2020 йил 25 июндаги 410-сон қарорига иловага мувофиқ ўзгартиришлар ва қўшимча киритилсин.
2. Вазирликлар ва идоралар ўзлари қабул қилган норматив-ҳуқуқий ҳужжатларни бир ой муддатда ушбу қарорга мувофиқлаштирсинлар.
3. Мазкур қарорнинг бажарилишини назорат қилиш Ўзбекистон Республикаси Бош вазирининг ижтимоий ривожлантириш масалалари бўйича ўринбосари Б.А. Мусаев, Давлат активларини бошқариш агентлиги директори А.Ж. Ортиқов ва Самарқанд вилояти ҳокими Э.О. Турдимов зиммасига юклансин.
Вазирлар Маҳкамасининг 2021 йил 22 февралдаги 90-сон қарорига ИЛОВА
Вазирлар Маҳкамасининг «Самарқанд вилоятидаги ижтимоий соҳа муассасаларининг моддий-техник базасини янада мустаҳкамлаш чора-тадбирлари тўғрисида» 2020 йил 25 июндаги 410-сон қарорига киритилаётган ўзгартиришлар ва қўшимча
1. 5-банднинг «б» кичик банди биринчи хатбошиси қуйидаги таҳрирда баён этилсин:
«б) ташаббускор инвесторларни жалб қилган ҳолда, ўзаро келишув битимларига асосан салоҳиятли инвесторларга бериладиган объектларнинг қувватларидан кам бўлмаган ҳолда:».
2. 6-банднинг учинчи хатбошиси қуйидаги таҳрирда баён этилсин:
«Самарқанд вилоят тери-таносил касалликлари диспансерига тегишли Самарқанд шаҳар, Термез кўчаси, 8-уй ҳамда Л.М. Исаев номидаги тиббий паразитология илмий-тадқиқот институтига тегишли Самарқанд шаҳар, Хўжа Аҳрор Валий кўчаси, 25-уй манзилида жойлашган шифохона, лаборатория, бошқа бино ва иншоотлар мавжуд ер майдонлари билан биргаликда тузиладиган тегишли шартномаларга мувофиқ янги биноларни қуриш ва фойдаланишга топшириш эвазига салоҳиятли инвесторларга берилади;»
3. Қуйидаги мазмундаги 6 1 -банд билан тўлдирилсин:
«6 1 . Самарқанд вилояти ҳокимлиги:
а) Соғлиқни сақлаш вазирлиги билан биргаликда бир ҳафта муддатда ушбу қарорнинг 5-банди «б» кичик банди ва 6-бандида назарда тутилган лойиҳаларни амалга ошириш учун салоҳиятли ташаббускор инвесторлар танлаб олинишини ва улар билан ўзаро инвестиция битами расмийлаштирилишини;
б) Давлат активларини бошқариш агентлиги билан биргаликда:
икки ҳафта муддатда танлаб олинган инвестор билан тегишли шартнома тузилишини ҳамда қабул қилинган инвестиция мажбуриятлари бажарилиши юзасидан мониторинг олиб борилишини;
инвестиция мажбуриятлари белгиланган тартибда тўлиқ бажарилган деб эътироф этилгандан сўнг, ташаббускор инвесторларга мазкур объектларга нисбатан «тасарруф этиш ҳуқуқи» билан мулк ҳуқуқини тасдиқловчи давлат ордери берилишини таъминласин».
Ўзбекистон Республикасининг Бош вазири А. АРИПОВ
Тошкент ш.,
2021 йил 22 февраль,
90-сон
Oʻzbekiston Respublikasi Vazirlar Mahkamasining
qarori
Vazirlar Mahkamasining “Samarqand viloyatidagi ijtimoiy soha muassasalarining moddiy-texnik bazasini yanada mustahkamlash chora-tadbirlari toʻgʻrisida” 2020-yil 25-iyundagi 410-son qaroriga oʻzgartirishlar va qoʻshimcha kiritish toʻgʻrisida
Samarqand viloyatida xususiy tibbiy xizmatni rivojlantirish hamda aholi uchun qulay va zamonaviy tibbiyot muassasalari barpo etish ishlarini jadallashtirish maqsadida Vazirlar Mahkamasi qaror qiladi:
1. Vazirlar Mahkamasining “Samarqand viloyatidagi ijtimoiy soha muassasalarining moddiy-texnik bazasini yanada mustahkamlash chora-tadbirlari toʻgʻrisida” 2020-yil 25-iyundagi 410-son qaroriga ilovaga muvofiq oʻzgartirishlar va qoʻshimcha kiritilsin.
2. Vazirliklar va idoralar oʻzlari qabul qilgan normativ-huquqiy hujjatlarni bir oy muddatda ushbu qarorga muvofiqlashtirsinlar.
3. Mazkur qarorning bajarilishini nazorat qilish Oʻzbekiston Respublikasi Bosh vazirining ijtimoiy rivojlantirish masalalari boʻyicha oʻrinbosari B.A. Musayev, Davlat aktivlarini boshqarish agentligi direktori A.J. Ortiqov va Samarqand viloyati hokimi E.O. Turdimov zimmasiga yuklansin.
Vazirlar Mahkamasining 2021-yil 22-fevraldagi 90-son qaroriga ILOVA
Vazirlar Mahkamasining “Samarqand viloyatidagi ijtimoiy soha muassasalarining moddiy-texnik bazasini yanada mustahkamlash chora-tadbirlari toʻgʻrisida” 2020-yil 25-iyundagi 410-son qaroriga kiritilayotgan oʻzgartirishlar va qoʻshimcha
1. 5-bandning “b” kichik bandi birinchi xatboshisi quyidagi tahrirda bayon etilsin:
“b) tashabbuskor investorlarni jalb qilgan holda, oʻzaro kelishuv bitimlariga asosan salohiyatli investorlarga beriladigan obyektlarning quvvatlaridan kam boʻlmagan holda:”.
2. 6-bandning uchinchi xatboshisi quyidagi tahrirda bayon etilsin:
“Samarqand viloyat teri-tanosil kasalliklari dispanseriga tegishli Samarqand shahar, Termez koʻchasi, 8-uy hamda L.M. Isayev nomidagi tibbiy parazitologiya ilmiy-tadqiqot institutiga tegishli Samarqand shahar, Xoʻja Ahror Valiy koʻchasi, 25-uy manzilida joylashgan shifoxona, laboratoriya, boshqa bino va inshootlar mavjud yer maydonlari bilan birgalikda tuziladigan tegishli shartnomalarga muvofiq yangi binolarni qurish va foydalanishga topshirish evaziga salohiyatli investorlarga beriladi;”
3. Quyidagi mazmundagi 6 1 -band bilan toʻldirilsin:
“6 1 . Samarqand viloyati hokimligi:
a) Sogʻliqni saqlash vazirligi bilan birgalikda bir hafta muddatda ushbu qarorning 5-bandi “b” kichik bandi va 6-bandida nazarda tutilgan loyihalarni amalga oshirish uchun salohiyatli tashabbuskor investorlar tanlab olinishini va ular bilan oʻzaro investitsiya bitami rasmiylashtirilishini;
b) Davlat aktivlarini boshqarish agentligi bilan birgalikda:
ikki hafta muddatda tanlab olingan investor bilan tegishli shartnoma tuzilishini hamda qabul qilingan investitsiya majburiyatlari bajarilishi yuzasidan monitoring olib borilishini;
investitsiya majburiyatlari belgilangan tartibda toʻliq bajarilgan deb eʼtirof etilgandan soʻng, tashabbuskor investorlarga mazkur obyektlarga nisbatan “tasarruf etish huquqi” bilan mulk huquqini tasdiqlovchi davlat orderi berilishini taʼminlasin”.
Oʻzbekiston Respublikasining Bosh vaziri A. ARIPOV
Toshkent sh.,
2021-yil 22-fevral,
90-son