📅 2021-yil 23-fevral · Prezident qarorlari
Rasmiy matn. Rasmiy hujjat. Tahririy izohlar kiritilmagan.
UzbekAI
📅 2021 йил 23 февраль · Президент қарорлари
Расмий матн. Расмий ҳужжат. Таҳририй изоҳлар киритилмаган.
📅 23 февраля 2021 г. · Постановления Президента
Официальный текст. Официальный документ. Редакционные примечания не включены.
📅 23 February 2021 · Presidential resolutions
Official text. Official document. Editorial notes are not included.
Ўзбекистон Республикаси Президентининг
Қарори
Соғлиқни сақлаш соҳасида рақамлаштириш ишларини самарали ташкил этиш чора-тадбирлари тўғрисида
Соғлиқни сақлаш соҳасини рақамлаштириш ва ахборот тизимлари ягона комплексини жорий этиш, бошқарув жараёнидаги ортиқча тартиб-тамойилларни қисқартириш, аҳолига хизматлар кўрсатиш сифатини ошириш, тиббиёт ходимларининг иш самарадорлигини таъминлаш, шунингдек, ушбу йўналишда қабул қилинган рақамли трансформация қилиш дастурларини самарали амалга ошириш мақсадида:
1. Соғлиқни сақлаш вазирлигининг «Ахборот коммуникация технологияларини ривожлантириш маркази» давлат унитар корхонаси негизида Соғлиқни сақлаш вазирлиги муассислигида «IT-Med» масъулияти чекланган жамиятини (кейинги ўринларда — «IT-Med» МЧЖ) ташкил этиш тўғрисидаги таклифи маъқуллансин.
Белгилансинки, «IT-Med» МЧЖ «Ахборот коммуникация технологияларини ривожлантириш маркази» ДУКнинг ҳуқуқлари, мажбуриятлари ва шартномалари, шу жумладан халқаро шартномалари бўйича ҳуқуқий вориси ҳисобланади.
2. «IT-Med» МЧЖ зиммасига қуйидаги қўшимча вазифалар юклатилсин:
соғлиқни сақлаш тизими ва ташкилотларидаги жараёнларни оптималлаштириш, рационаллаштириш, стандартлаштириш ва автоматлаштириш;
соғлиқни сақлаш соҳасида ахборот тизимларини ривожлантириш учун амалга ошириладиган ҳамда халқаро молия ташкилотлари ҳисобига молиялаштириладиган лойиҳаларнинг техник-иқтисодий параметрлари, концепциялари ҳамда бошқа лойиҳа ва лойиҳаолди ҳужжатларини ишлаб чиқиш;
тиббиёт ва фармацевтика соҳасида ахборот технологияси ва коммуникациялари сиёсати ва стандартларини жорий этиш;
«Электрон соғлиқни сақлаш» ахборот тизимлари ягона комплексини жорий этиш ва кузатиб бориш, шунингдек, уларнинг бошқа давлат органлари ахборот тизимлари билан интеграциясини таъминлаш;
соғлиқни сақлаш тизимида бизнес жараён ва IТ-реинжинирингини ривожлантириш ва ушбу йўналишда халқаро тажрибани амалиётга татбиқ этиш;
қўйилган вазифаларни рўёбга чиқариш мақсадида инвесторлар, бизнес ҳамкорлар ва аутсорсинг хизматларини жалб қилиш;
тиббиёт соҳасини рақамлаштириш кўламини кенгайтириш мақсадида жорий этилаётган ахборот тизимлари ва дастурий маҳсулотларни ўзида қамраб олувчи соғлиқни сақлашнинг ахборот тизими ягона платформаси (кейинги ўринларда — Ягона платформа)ни жорий этиш.
Бунда, «IT-Med» МЧЖ мустақил равишда хўжалик ва молиявий масалаларни ҳал қилиши инобатга олинсин.
5. Белгилансинки:
2024 йил 1 январдан бошлаб республикадаги барча тиббиёт ва фармацевтика ташкилотлари, шу жумладан дорихоналар мажбурий тартибда босқичма-босқич Ягона платформага уланади;
соғлиқни сақлаш соҳасидаги ахборот тизимлари, ресурслари ва бошқа дастурий маҳсулотларни яратиш ва жорий этиш мажбурий тарзда «IT-Med» МЧЖ билан келишилган ҳолда амалга оширилади.
6. Соғлиқни сақлаш вазири ўринбосари А.А. Азизов:
соғлиқни сақлаш тизимига Ягона платформани ўз вақтида, тўлақонли ва сифатли жорий қилиш, масъул вазирлик, идора ва ташкилотлар билан жорий этилаётган лойиҳаларни мувофиқлаштириш, амалга оширилган ишлар ҳолатини баҳолаш ҳамда мунтазам равишда соғлиқни сақлаш ва бошқа тизимлардаги раҳбар ва улар ўринбосарларининг ҳисоботларини эшитишни ташкил этсин;
Соғлиқни сақлаш вазирлиги тизимининг рақамлаштирилишига инвесторларни жалб қилсин;
2023 йил 1 январга қадар аҳоли ва тизим фойдаланувчилари томонидан интерактив тиббий хизматларни олиш имконини берувчи махсус дастур ва мобил иловаларни ишлаб чиқсин ва ишга туширсин.
Ушбу бандда назарда тутилган вазифаларни тўлақонли ва самарали амалга ошириш соғлиқни сақлаш вазири ўринбосари А.А. Азизов иш фаолияти натижадорлигининг асосий мезонларидан (KPI) бири этиб белгилансин.
8. Ўзбекистон Республикаси Президентининг айрим қарорларига иловага мувофиқ ўзгартиришлар киритилсин.
9. Соғлиқни сақлаш вазирлиги манфаатдор вазирлик ва идоралар билан биргаликда икки ой муддатда қонун ҳужжатларига мазкур қарордан келиб чиқадиган ўзгартириш ва қўшимчалар тўғрисида Вазирлар Маҳкамасига таклифлар киритсин.
10. Мазкур қарорнинг ижросини назорат қилиш Ўзбекистон Республикаси Президентининг маслаҳатчиси А.А. Абдувахитов ва Ўзбекистон Республикаси Бош вазирининг ўринбосари Б.А. Мусаев зиммасига юклансин.
Ўзбекистон Республикаси Президентининг 2021 йил 23 февралдаги ПҚ-5000-сон қарорига ИЛОВА
Ўзбекистон Республикаси Президентининг айрим қарорларига киритилаётган ўзгартиришлар
1. Ўзбекистон Республикаси Президентининг 2018 йил 7 декабрдаги «Ўзбекистон Республикаси Соғлиқни сақлаш вазирлиги фаолиятини ташкил этиш чора-тадбирлари тўғрисида»ги ПҚ-4055-сон қарорида :
а) 3-банд «б» кичик бандидаги «давлат унитар корхонаси шаклида Ахборот-коммуникация технологияларини ривожлантириш марказини (кейинги ўринларда — Марказ)» сўзлари «IT-Med» масъулияти чекланган жамиятини» сўзлари билан алмаштирилсин;
б) 6-банд «б» кичик банди биринчи хатбошидаги «Марказнинг» сўзи «IT-Med» масъулияти чекланган жамиятининг» сўзлари билан алмаштирилсин.
2. Ўзбекистон Республикаси Президентининг 2020 йил 2 октябрдаги «Соғлиқни сақлаш соҳасида давлат бошқаруви тизимини янада такомиллаштириш чора-тадбирлари тўғрисида»ги ПҚ-4847-сон қарорида :
а) 6-банд «б» кичик банди бешинчи хатбошисидан «ва рақамлаштириш» сўзлари чиқариб ташлансин;
б) 1-иловада :
«Ахборот-коммуникация технологияларини ривожлантириш маркази» ДУК» блоки «IT-Med» масъулияти чекланган жамияти» блоки билан алмаштирилсин;
«Соғлиқни сақлаш соҳасида ислоҳотларни лойиҳалаштириш ва рақамлаштириш маркази» блокидан «ва рақамлаштириш» сўзлари чиқариб ташлансин;
в) 2-иловадаги «Ахборот-коммуникация технологияларини ривожлантириш маркази» ДУК» блоки «IT-Med» масъулияти чекланган жамияти» блоки билан алмаштирилсин.
Ўзбекистон Республикаси Президенти Ш. МИРЗИЁЕВ
Тошкент ш.,
2021 йил 23 февраль,
ПҚ-5000-сон
Oʻzbekiston Respublikasi Prezidentining
Qarori
Sogʻliqni saqlash sohasida raqamlashtirish ishlarini samarali tashkil etish chora-tadbirlari toʻgʻrisida
Sogʻliqni saqlash sohasini raqamlashtirish va axborot tizimlari yagona kompleksini joriy etish, boshqaruv jarayonidagi ortiqcha tartib-tamoyillarni qisqartirish, aholiga xizmatlar koʻrsatish sifatini oshirish, tibbiyot xodimlarining ish samaradorligini taʼminlash, shuningdek, ushbu yoʻnalishda qabul qilingan raqamli transformatsiya qilish dasturlarini samarali amalga oshirish maqsadida:
1. Sogʻliqni saqlash vazirligining “Axborot kommunikatsiya texnologiyalarini rivojlantirish markazi” davlat unitar korxonasi negizida Sogʻliqni saqlash vazirligi muassisligida “IT-Med” masʼuliyati cheklangan jamiyatini (keyingi oʻrinlarda — “IT-Med” MCHJ) tashkil etish toʻgʻrisidagi taklifi maʼqullansin.
Belgilansinki, “IT-Med” MCHJ “Axborot kommunikatsiya texnologiyalarini rivojlantirish markazi” DUKning huquqlari, majburiyatlari va shartnomalari, shu jumladan xalqaro shartnomalari boʻyicha huquqiy vorisi hisoblanadi.
2. “IT-Med” MCHJ zimmasiga quyidagi qoʻshimcha vazifalar yuklatilsin:
sogʻliqni saqlash tizimi va tashkilotlaridagi jarayonlarni optimallashtirish, ratsionallashtirish, standartlashtirish va avtomatlashtirish;
sogʻliqni saqlash sohasida axborot tizimlarini rivojlantirish uchun amalga oshiriladigan hamda xalqaro moliya tashkilotlari hisobiga moliyalashtiriladigan loyihalarning texnik-iqtisodiy parametrlari, konsepsiyalari hamda boshqa loyiha va loyihaoldi hujjatlarini ishlab chiqish;
tibbiyot va farmatsevtika sohasida axborot texnologiyasi va kommunikatsiyalari siyosati va standartlarini joriy etish;
“Elektron sogʻliqni saqlash” axborot tizimlari yagona kompleksini joriy etish va kuzatib borish, shuningdek, ularning boshqa davlat organlari axborot tizimlari bilan integratsiyasini taʼminlash;
sogʻliqni saqlash tizimida biznes jarayon va IT-reinjiniringini rivojlantirish va ushbu yoʻnalishda xalqaro tajribani amaliyotga tatbiq etish;
qoʻyilgan vazifalarni roʻyobga chiqarish maqsadida investorlar, biznes hamkorlar va autsorsing xizmatlarini jalb qilish;
tibbiyot sohasini raqamlashtirish koʻlamini kengaytirish maqsadida joriy etilayotgan axborot tizimlari va dasturiy mahsulotlarni oʻzida qamrab oluvchi sogʻliqni saqlashning axborot tizimi yagona platformasi (keyingi oʻrinlarda — Yagona platforma)ni joriy etish.
Bunda, “IT-Med” MCHJ mustaqil ravishda xoʻjalik va moliyaviy masalalarni hal qilishi inobatga olinsin.
5. Belgilansinki:
2024-yil 1-yanvardan boshlab respublikadagi barcha tibbiyot va farmatsevtika tashkilotlari, shu jumladan dorixonalar majburiy tartibda bosqichma-bosqich Yagona platformaga ulanadi;
sogʻliqni saqlash sohasidagi axborot tizimlari, resurslari va boshqa dasturiy mahsulotlarni yaratish va joriy etish majburiy tarzda “IT-Med” MCHJ bilan kelishilgan holda amalga oshiriladi.
6. Sogʻliqni saqlash vaziri oʻrinbosari A.A. Azizov:
sogʻliqni saqlash tizimiga Yagona platformani oʻz vaqtida, toʻlaqonli va sifatli joriy qilish, masʼul vazirlik, idora va tashkilotlar bilan joriy etilayotgan loyihalarni muvofiqlashtirish, amalga oshirilgan ishlar holatini baholash hamda muntazam ravishda sogʻliqni saqlash va boshqa tizimlardagi rahbar va ular oʻrinbosarlarining hisobotlarini eshitishni tashkil etsin;
Sogʻliqni saqlash vazirligi tizimining raqamlashtirilishiga investorlarni jalb qilsin;
2023-yil 1-yanvarga qadar aholi va tizim foydalanuvchilari tomonidan interaktiv tibbiy xizmatlarni olish imkonini beruvchi maxsus dastur va mobil ilovalarni ishlab chiqsin va ishga tushirsin.
Ushbu bandda nazarda tutilgan vazifalarni toʻlaqonli va samarali amalga oshirish sogʻliqni saqlash vaziri oʻrinbosari A.A. Azizov ish faoliyati natijadorligining asosiy mezonlaridan (KPI) biri etib belgilansin.
8. Oʻzbekiston Respublikasi Prezidentining ayrim qarorlariga ilovaga muvofiq oʻzgartirishlar kiritilsin.
9. Sogʻliqni saqlash vazirligi manfaatdor vazirlik va idoralar bilan birgalikda ikki oy muddatda qonun hujjatlariga mazkur qarordan kelib chiqadigan oʻzgartirish va qoʻshimchalar toʻgʻrisida Vazirlar Mahkamasiga takliflar kiritsin.
10. Mazkur qarorning ijrosini nazorat qilish Oʻzbekiston Respublikasi Prezidentining maslahatchisi A.A. Abduvaxitov va Oʻzbekiston Respublikasi Bosh vazirining oʻrinbosari B.A. Musayev zimmasiga yuklansin.
Oʻzbekiston Respublikasi Prezidentining 2021-yil 23-fevraldagi PQ-5000-son qaroriga ILOVA
Oʻzbekiston Respublikasi Prezidentining ayrim qarorlariga kiritilayotgan oʻzgartirishlar
1. Oʻzbekiston Respublikasi Prezidentining 2018-yil 7-dekabrdagi “Oʻzbekiston Respublikasi Sogʻliqni saqlash vazirligi faoliyatini tashkil etish chora-tadbirlari toʻgʻrisida”gi PQ-4055-son qarorida :
a) 3-band “b” kichik bandidagi “davlat unitar korxonasi shaklida Axborot-kommunikatsiya texnologiyalarini rivojlantirish markazini (keyingi oʻrinlarda — Markaz)” soʻzlari “IT-Med” masʼuliyati cheklangan jamiyatini” soʻzlari bilan almashtirilsin;
b) 6-band “b” kichik bandi birinchi xatboshidagi “Markazning” soʻzi “IT-Med” masʼuliyati cheklangan jamiyatining” soʻzlari bilan almashtirilsin.
2. Oʻzbekiston Respublikasi Prezidentining 2020-yil 2-oktabrdagi “Sogʻliqni saqlash sohasida davlat boshqaruvi tizimini yanada takomillashtirish chora-tadbirlari toʻgʻrisida”gi PQ-4847-son qarorida :
a) 6-band “b” kichik bandi beshinchi xatboshisidan “va raqamlashtirish” soʻzlari chiqarib tashlansin;
b) 1-ilovada :
“Axborot-kommunikatsiya texnologiyalarini rivojlantirish markazi” DUK” bloki “IT-Med” masʼuliyati cheklangan jamiyati” bloki bilan almashtirilsin;
“Sogʻliqni saqlash sohasida islohotlarni loyihalashtirish va raqamlashtirish markazi” blokidan “va raqamlashtirish” soʻzlari chiqarib tashlansin;
v) 2-ilovadagi “Axborot-kommunikatsiya texnologiyalarini rivojlantirish markazi” DUK” bloki “IT-Med” masʼuliyati cheklangan jamiyati” bloki bilan almashtirilsin.
Oʻzbekiston Respublikasi Prezidenti Sh. MIRZIYOYEV
Toshkent sh.,
2021-yil 23-fevral,
PQ-5000-son
Президента Республики Узбекистан
Постановление
О мерах по эффективной организации цифровизации в сфере здравоохранения
В целях цифровизации сферы здравоохранения и внедрения единого комплекса информационных систем, сокращения излишних процедур в процессе управления, повышения качества оказания услуг населению, обеспечения эффективности работы медицинских работников, а также полноценной реализации программ цифровой трансформации, принятых в данном направлении:
1. Одобрить предложение Министерства здравоохранения о создании при учредительстве Министерства здравоохранения общества с ограниченной ответственностью «IT-Med» (далее — ООО «IT-Med») на базе государственного унитарного предприятия «Центр развития информационно-коммуникационных технологий».
Определить, что ООО «IT-Med» является правопреемником по правам, обязательствам и договорам, в том числе международным договорам, ГУП «Центр развития информационно-коммуникационных технологий».
2. Возложить на ООО «IT-Med» следующие дополнительные задачи по:
оптимизации, рационализации, стандартизации и автоматизации процессов в системе здравоохранения и организациях;
разработке технико-экономических параметров, концепций, а также другой проектной и предпроектной документации проектов, реализуемых в сфере здравоохранения, для развития информационных систем и финансируемых за счет средств международных финансовых организаций;
внедрению политики и стандартов информационных технологий и коммуникаций в сфере медицины и фармацевтики;
внедрению и сопровождению единого комплекса информационных систем «Электронное здравоохранение», а также обеспечению их интеграции с информационными системами других государственных органов;
развитию бизнес-процессов и IT-реинжиниринга в системе здравоохранения и внедрению в практику международного опыта в данном направлении;
привлечению инвесторов, бизнес-партнеров и услуг аутсорсинга для выполнения поставленных задач;
внедрению единой платформы информационной системы здравоохранения (далее — Единая платформа), включающей в себя информационные системы и программные продукты, внедряемые в целях расширения масштабов цифровизации сферы медицины.
При этом принять к сведению, что ООО «IT-Med» самостоятельно решает хозяйственные и финансовые вопросы.
5. Установить, что:
с 1 января 2024 года все медицинские и фармацевтические организации республики, в том числе аптеки, поэтапно подключаются к Единой платформе в обязательном порядке;
разработка и внедрение информационных систем, ресурсов и других программных продуктов сферы здравоохранения осуществляются по согласованию с ООО «IT-Med» в обязательном порядке.
6. Заместителю министра здравоохранения А.А. Азизову:
организовать своевременное, полное и качественное внедрение Единой платформы в систему здравоохранения, координацию проектов, реализуемых с ответственными министерствами, ведомствами и организациями, оценку состояния выполненных работ, а также заслушивание отчетов руководителей и их заместителей системы здравоохранения и других на регулярной основе;
привлечь инвесторов к цифровизации системы Министерства здравоохранения;
в срок до 1 января 2023 года разработать и запустить специальные программы и мобильные приложения, позволяющие населению и пользователям системы получать интерактивные медицинские услуги.
Определить полное и качественное выполнение задач, предусмотренных в настоящем пункте, одним из основных критериев эффективности деятельности (KPI) заместителя министра здравоохранения А.А. Азизова.
8. Внести изменения в некоторые постановления Президента Республики Узбекистан согласно приложению .
9. Министерству здравоохранения совместно с заинтересованными министерствами и ведомствами в двухмесячный срок внести в Кабинет Министров предложения об изменениях и дополнениях в законодательство, вытекающих из настоящего постановления.
10. Контроль за исполнением настоящего постановления возложить на советника Президента Республики Узбекистан А.А. Абдувахитова и заместителя Премьер-министра Республики Узбекистан Б.А. Мусаева.
ПРИЛОЖЕНИЕ к постановлению Президента Республики Узбекистан от 23 февраля 2021 года № ПП-5000
Изменения, вносимые в некоторые постановления Президента Республики Узбекистан
1. В постановлении Президента Республики Узбекистан от 7 декабря 2018 года № ПП-4055 «О мерах по организации деятельности Министерства здравоохранения Республики Узбекистан»:
а) в подпункте «б» пункта 3 слова «Центра развития информационно-коммуникационных технологий (далее — Центр) в форме государственного унитарного предприятия» заменить словами «общества с ограниченной ответственностью «IT-Med»;
б) в абзаце первом подпункта «б» пункта 6 слово «Центра» заменить словами «общества с ограниченной ответственностью «IT-Med».
2. В постановлении Президента Республики Узбекистан от 2 октября 2020 года № ПП-4847 «О мерах по дальнейшему совершенствованию системы государственного управления сферой здравоохранения»:
а) из абзаца пятого подпункта «б» пункта 6 слова «и цифровизации» исключить;
б) в приложении № 1 :
блок «ГУП «Центр развития информационно-коммуникационных технологий» заменить блоком «Общество с ограниченной ответственностью «IT-Med»;
из блока «Центр проектирования реформ и цифровизации сферы здравоохранения» слова «и цифровизации» исключить;
в) в приложении № 2 блок «ГУП «Центр развития информационно-коммуникационных технологий» заменить блоком «Общество с ограниченной ответственностью «IT-Med».
Президент Республики Узбекистан Ш. МИРЗИЁЕВ
г. Ташкент,
23 февраля 2021 г.,
№ ПП-5000