📅 2021-yil 23-fevral · Prezident qarorlari
Rasmiy matn. Rasmiy hujjat. Tahririy izohlar kiritilmagan.
UzbekAI
📅 2021 йил 23 февраль · Президент қарорлари
Расмий матн. Расмий ҳужжат. Таҳририй изоҳлар киритилмаган.
📅 23 февраля 2021 г. · Постановления Президента
Официальный текст. Официальный документ. Редакционные примечания не включены.
📅 23 February 2021 · Presidential resolutions
Official text. Official document. Editorial notes are not included.
Ўзбекистон Республикаси Президентининг
Қарори
РЎЙХАТИ
«Бухоро вилоятининг Пешку туманида қуввати 300 — 500 МВт бўлган шамол электр станциясини қуриш» инвестиция лойиҳасини амалга ошириш чора-тадбирлари тўғрисида
Қайта тикланувчи энергия манбаларидан фойдаланиш кўламини кенгайтириш, электр энергияси ишлаб чиқаришда табиий газдан фойдаланишни камайтириш ҳамда ишлаб чиқаришни диверсификациялаш, шунингдек, электр энергетика тармоғига тўғридан-тўғри хорижий инвестицияларни кенг жалб қилиш мақсадида:
1. Қуйидагилар:
а) «International Company for water and power projects» (Саудия Арабистони) компанияси томонидан (кейинги ўринларда — Инвестор) «Бухоро вилоятининг Пешку туманида қуввати 300 — 500 МВт бўлган шамол электр станциясини қуриш» инвестиция лойиҳаси (кейинги ўринларда — инвестиция лойиҳаси) доирасида Ўзбекистон Республикасида «ACWA Power Dzhankeldy Wind» МЧЖ (кейинги ўринларда — Лойиҳа компанияси) таъсис этилганлиги;
б) Ўзбекистон Республикаси Ҳукумати номидан Инвестициялар ва ташқи савдо вазирлиги, Инвестор ва Лойиҳа компанияси ўртасида 2021 йил 24 январда инвестиция битими имзоланганлиги (кейинги ўринларда — Инвестиция битими) ҳамда унга мувофиқ Инвестор ва Лойиҳа компанияси:
инвестиция лойиҳасини амалга оширишнинг бутун даври мобайнида Бухоро вилоятининг Пешку туманида қуввати 300 — 500 МВт бўлган шамол электр станциясини (кейинги ўринларда — ШЭС) лойиҳалаштириши, молиялаштириши, қуриши ҳамда эксплуатация қилиши;
юзага келиши мумкин бўлган хавф-хатарларни ўз зиммаларига олган ҳолда, жами дастлабки баҳолаш бўйича 650 млн АҚШ доллари миқдорида тўғридан-тўғри хорижий инвестицияларни жалб этиши;
в) «Ўзбекистон миллий электр тармоқлари» АЖ ва Лойиҳа компанияси ўртасида 2021 йил 24 январда Электр энергиясини сотиб олиш тўғрисидаги битим (кейинги ўринларда — Электр энергиясини сотиб олиш тўғрисидаги битим) тўғридан-тўғри музокаралар натижасида имзоланганлиги ҳамда унга мувофиқ:
Лойиҳа компанияси ишлаб чиқарилган электр энергиясини ягона харидор бўлган «Ўзбекистон миллий электр тармоқлари» АЖга кафолатланган тарзда сотиш мажбуриятини олиши;
Лойиҳа компанияси қурилиш давридаги ўз мажбуриятлари лозим даражада бажарилишининг таъминоти сифатида 18 млн АҚШ доллари миқдорида банк кафолатини тақдим этиши;
инвестиция лойиҳаси доирасида ШЭСни ягона электр энергияси тармоғига улаш учун қуриладиган ҳаво электр узатиш тармоқлари ва бошқа электр иншоотлари Инвестор ва Лойиҳа компанияси томонидан қурилиши ва ушбу ишлар учун сарфланган харажатлар «Ўзбекистон миллий электр тармоқлари» АЖ томонидан 10 йил давомида ойлик тўловлар асосида қопланиши;
«Ўзбекистон миллий электр тармоқлари» АЖ 25 йил давомида электр энергиясини кафолатланган тарзда харид қилиш мажбуриятини олиши ва электр энергияси учун тўловни миллий валютада амалга ошириши назарда тутилганлиги маълумот учун қабул қилинсин.
2. Ўзбекистон Республикаси Ҳукумати номидан Инвестициялар ва ташқи савдо вазирлиги, Инвестор ва Лойиҳа компанияси ўртасида тузилган Инвестиция битими тасдиқлансин.
Белгилансинки, Инвестиция битими унда кўрсатилган шартлар асосида кучга киради.
3. «Ўзбекистон миллий электр тармоқлари» АЖ ва Лойиҳа компанияси ўртасида тўғридан-тўғри музокаралар натижасида имзоланган Электр энергиясини сотиб олиш тўғрисидаги битим маъқуллансин.
4. Инвестиция битими ва Электр энергиясини сотиб олиш тўғрисидаги битимга мувофиқ уларнинг амал қилиш муддати давомида электр энергиясининг сотиб олиниши чет эл валютасида деноминацияланган қатъий тариф бўйича амалга оширилиши белгилаб қўйилсин.
5. Инвестициялар ва ташқи савдо вазирлиги, «Ўзбекистон миллий электр тармоқлари» АЖ ва Энергетика вазирлигига Инвестор, Лойиҳа компанияси ва инвестиция лойиҳасини молиялаштиришда иштирок этадиган кредиторлар билан инвестиция лойиҳасини амалга ошириш доирасида имзоланган битимлар бўйича мажбуриятлар Лойиҳа компанияси томонидан бажарилмаган тақдирда Лойиҳа компанияси ва Инвестор ҳуқуқларини кредиторларга бериш юзасидан битимлар тузиш ҳуқуқи берилсин.
6. Электр энергиясини сотиб олиш тўғрисидаги битимга мувофиқ «Ўзбекистон миллий электр тармоқлари» АЖга:
Лойиҳа компанияси билан биргаликда Электр энергиясини сотиб олиш тўғрисидаги битимда белгиланган тартибга мувофиқ халқаро мустақил инжиниринг компанияларини жалб қилишга;
халқаро мустақил инжиниринг компаниялари билан инвестиция лойиҳаси доирасида белгиланган тартибда мажбурий экспертиза ва рўйхатдан ўтказмаган ҳолда, истисно тариқасида, тўғридан-тўғри шартномалар тузишга;
Лойиҳа компанияси томонидан ишлаб чиқариладиган электр энергиясини уч ой мобайнида сотиб олишни қоплаш учун мажбуриятлар бажарилишининг таъминоти сифатида Лойиҳа компанияси фойдасига Ўзбекистон Республикаси тижорат банкининг чет эл валютасида тасдиқланган, тикланадиган аккредитивини очишга рухсат берилсин.
7. Инвестиция битимига мувофиқ инвестиция лойиҳасини амалга ошириш доирасида Лойиҳа компаниясига қуйидагиларга рухсат берилсин:
кредитлаш, чет эл валютасидаги маблағларни олиш ва улардан фойдаланиш (шу жумладан, бошқалардан ташқари чет эл валютасида кредит тушумлари) учун чет элдаги хорижий банкларда банк ҳисобварақлари очиш;
чет элдаги банк ҳисобварақларидан чет эл валютасида кредит олиш;
инвестиция лойиҳаси доирасида бош пудратчи билан тузилган шартномада («EPC» шартномаси) белгиланган кафолат муддати тугагунга қадар Лойиҳа компанияси иштирокчилари билан тузилган қарз битимлари ва оралиқ қарз битимлари бўйича чет эл валютасида пул маблағларини қабул қилиш;
Ўзбекистон Республикасининг ташқарисидаги хорижий пудратчиларга, етказиб берувчиларга ёки хорижий кредиторларга тўловларни тўғридан-тўғри чет элдаги банк ҳисобварақларидан амалга ошириш;
учувчисиз учиш аппаратларини (дрон) харид қилиш ва белгиланган тартибда улар орқали қурилиш ишларининг мониторингини олиб бориш.
8. Бухоро вилояти ҳокимлиги 2022 йил 30 июлга қадар Инвестиция битими ва Электр энергиясини сотиб олиш тўғрисидаги битимдаги ва Электр энергиясини сотиб олиш тўғрисидаги битимда кўрсатилган шартларга мос келадиган ШЭС, подстанция ва ҳаво электр узатиш тармоқларини қуриш учун зарур бўлган ер участкаларини, таянч қурилмалар эгаллайдиган ер координаталаридан келиб чиқиб давлат ва жамоат эҳтиёжлари учун Энергетика вазирлигига доимий фойдаланиш ҳуқуқи билан ажратилишини таъминласин.
Энергетика вазирлиги мазкур бандга асосан давлат ва жамоат эҳтиёжлари учун:
ШЭС ва подстанция қурилиши учун ажратилган ер участкасининг инвестиция лойиҳасини амалга ошириш муддатига тенг даврга Лойиҳа компаниясига;
ҳаво электр узатиш тармоқларини қуриш учун ажратилган ер участкасининг «Ўзбекистон миллий электр тармоқлари» АЖга ижарага берилишини таъминласин.
Ерни ижарага олиш ҳуқуқи учун бозор қийматида ҳақ тўлаш ерга нисбатан амал қилувчи ва Лойиҳа компанияси томонидан тўланадиган ижара тўловлари кўринишида ифодаланиши белгилансин.
Бунда, Лойиҳа компанияси ва «Ўзбекистон миллий электр тармоқлари» АЖ инвестиция лойиҳасини амалга ошириш доирасида қишлоқ хўжалигига мўлжалланган ерлардан фойдаланганлик учун қишлоқ хўжалиги ишлаб чиқариши нобудгарчилиги ўрнини қоплашдан (компенсация тўловларидан) озод қилинсин.
8 1 . Инвестициялар ва ташқи савдо вазирлиги, Қишлоқ хўжалиги вазирлиги, Сув хўжалиги вазирлиги, Бухоро ва Навоий вилоятлари ҳокимликларининг инвестиция лойиҳасини жойлаштириш учун Бухоро вилоятининг Пешку ва Ғиждувон туманларида ҳамда Навоий вилояти Конимех туманидаги мазкур қарорнинг иловасига мувофиқ жами 154,2 гектар ер майдонини қишлоқ хўжалигига мўлжалланган ерлар тоифасидан саноат мақсадларига мўлжалланган ерлар тоифасига ўтказиш тўғрисидаги таклифига розилик берилсин.
Бухоро ва Навоий вилоятлари ҳокимликлари 2022 йил охирига қадар ушбу қарор билан тоифаси ўзгартирилаётган ер участкалари майдонига тенг миқдорда қишлоқ хўжалигига мўлжалланган янги ерлар ўзлаштирилишини таъминласин.
9. Адлия вазирлиги (Р.К. Давлетов) инвестиция лойиҳасини амалга ошириш доирасида Инвестиция битими юзасидан юридик хулоса берсин.
10. Инвестициялар ва ташқи савдо вазирлиги (Ш.А. Вафаев) инвестиция лойиҳасининг амалга оширилиши, шунингдек, томонларнинг Инвестиция битими ва Электр энергиясини сотиб олиш тўғрисидаги битим доирасидаги мажбуриятларини бажариши устидан доимий назорат ўрнатсин.
11. Ташқи ишлар вазирлиги (А.Х. Комилов) Лойиҳа компаниясининг буюртманомаларига асосан инвестиция лойиҳасини амалга оширишда иштирок этадиган хорижий мутахассисларга, шунингдек, уларнинг оила аъзоларига кириш визалари расмийлаштирилишини (муддати узайтирилишини) белгиланган тартибда таъминласин.
12. Ички ишлар вазирлиги (П.Р. Бобожонов) Лойиҳа компанияси буюртманомаларига асосан инвестиция лойиҳасини амалга оширишда иштирок этадиган хорижий мутахассисларга, шунингдек, уларнинг оила аъзоларига кўп марталик визалар расмийлаштирилишини, берилишини (муддати узайтирилишини) ҳамда вақтинча яшаш жойи бўйича вақтинчалик рўйхатдан ўтишини ва унинг муддати узайтирилишини белгиланган тартибда таъминласин.
13. Бандлик ва меҳнат муносабатлари вазирлиги (Н.Б. Хусанов) Лойиҳа компанияси буюртманомаларига асосан Ўзбекистон Республикасига хорижий ишчи кучини (Ўзбекистон Республикаси фуқаролари бўлмаганлар орасидан) жалб этишга рухсатномалар берилишини (муддати узайтирилишини), шунингдек, хорижий фуқароларга Ўзбекистон Республикаси ҳудудида меҳнат фаолияти билан шуғулланиш ҳуқуқини берувчи тасдиқномалар берилишини (муддати узайтирилишини) белгиланган тартибда таъминласин.
14. Мазкур қарорнинг ижросини самарали ташкил этишга масъул ва шахсий жавобгар этиб энергетика вазири А.С. Султанов белгилансин.
Қарор ижросини ҳар чоракда муҳокама қилиб бориш, ижро учун масъул идоралар фаолиятини мувофиқлаштириш ва назорат қилиш Бош вазир ўринбосари С.У. Умурзаков зиммасига юклансин.
Амалга оширилаётган чора-тадбирлар натижадорлиги юзасидан ҳар чорак якунида Ўзбекистон Республикаси Президентига ахборот берилсин.
Ўзбекистон Республикаси Президентининг 2021 йил 23 февралдаги ПҚ-5001-сон қарорига ИЛОВА
«Бухоро вилоятининг Пешку туманида қуввати 300 — 500 МВт бўлган шамол электр станциясини қуриш» инвестиция лойиҳасини амалга ошириш доирасида қишлоқ хўжалигига мўлжалланган ерлар тоифасидан саноат мақсадларга мўлжалланган ерлар тоифасига ўтказилаётган ер майдонлари
Ҳудуд номи Контур рақами Жами ер участкаси (гектар) Шундан, яйлов ерлар Тупроқ балл бонитети Шамол электр станциясини қўриш учун Пешку тумани Жонгелди массиви 39қ 4,63 4,63 баҳоланмаган 86қ 11,65 11,65 баҳоланмаган 42қ 0,5 0,5 баҳоланмаган 44қ 32,84 32,84 баҳоланмаган 45қ 26,04 26,04 баҳоланмаган 87 қ 41,84 41,84 баҳоланмаган Жами 117,5 117,5 Ҳаво электр узатиш тармоқларининг таянч қурилмаларини қуриш учун Пешку тумани Жонгелди массиви 86қ 0,1 0,1 баҳоланмаган 87қ 1,25 1,25 баҳоланмаган Ҳудуд бўйича жами 1,35 1,35 Ғиждувон тумани Кўкча массиви 117қ 0,73 0,73 баҳоланмаган 118қ 0,35 0,35 баҳоланмаган 120қ 0,32 0,32 баҳоланмаган 123қ 0,59 0,59 баҳоланмаган 161қ 0,38 0,38 баҳоланмаган 159қ 0,14 0,14 баҳоланмаган 160қ 0,29 0,29 баҳоланмаган 175қ 0,33 0,33 баҳоланмаган 176қ 0,32 0,32 баҳоланмаган 177қ 0,61 0,61 баҳоланмаган Ҳудуд бўйича жами 4,06 4,06 Навоий вилояти Конимех тумани «Қарақата» ОФЙ ҳудуди 125қ 0,65 0,65 баҳоланмаган 126қ 1,05 1,05 баҳоланмаган 127қ 0,9 0,9 баҳоланмаган 128қ 0,15 0,15 баҳоланмаган 129қ 0,45 0,45 баҳоланмаган 130қ 0,6 0,6 баҳоланмаган 131қ 0,1 0,1 баҳоланмаган 132қ 0,75 0,75 баҳоланмаган 142қ 0,2 0,2 баҳоланмаган 164қ 0,9 0,9 баҳоланмаган 166қ 0,85 0,85 баҳоланмаган 167қ 0,05 0,05 баҳоланмаган 168қ 1,65 1,65 баҳоланмаган 169қ 0,9 0,9 баҳоланмаган 176ақ 1,3 1,3 баҳоланмаган 183а қ 0,45 0,45 баҳоланмаган 182а қ 1,05 1,05 баҳоланмаган 180қ 0,3 0,3 баҳоланмаган 181қ 1,2 1,2 баҳоланмаган Ҳудуд бўйича жами 13,5 13,5 Жами 18,91 18,91 Подстанция қурилиши учун Пешку туман Жонгелди массиви 87қ 17,79 17,79 баҳоланмаган Ҳудуд бўйича жами 17,79 17,79 Лойиҳа бўйича жами 154,2 154,2
Ўзбекистон Республикаси Президенти Ш. МИРЗИЁЕВ
Тошкент ш.,
2021 йил 23 февраль,
ПҚ-5001-сон
Oʻzbekiston Respublikasi Prezidentining
Qarori
ROʻYXATI
“Buxoro viloyatining Peshku tumanida quvvati 300 — 500 MVt boʻlgan shamol elektr stansiyasini qurish” investitsiya loyihasini amalga oshirish chora-tadbirlari toʻgʻrisida
Qayta tiklanuvchi energiya manbalaridan foydalanish koʻlamini kengaytirish, elektr energiyasi ishlab chiqarishda tabiiy gazdan foydalanishni kamaytirish hamda ishlab chiqarishni diversifikatsiyalash, shuningdek, elektr energetika tarmogʻiga toʻgʻridan-toʻgʻri xorijiy investitsiyalarni keng jalb qilish maqsadida:
1. Quyidagilar:
a) “International Company for water and power projects” (Saudiya Arabistoni) kompaniyasi tomonidan (keyingi oʻrinlarda — Investor) “Buxoro viloyatining Peshku tumanida quvvati 300 — 500 MVt boʻlgan shamol elektr stansiyasini qurish” investitsiya loyihasi (keyingi oʻrinlarda — investitsiya loyihasi) doirasida Oʻzbekiston Respublikasida “ACWA Power Dzhankeldy Wind” MCHJ (keyingi oʻrinlarda — Loyiha kompaniyasi) taʼsis etilganligi;
b) Oʻzbekiston Respublikasi Hukumati nomidan Investitsiyalar va tashqi savdo vazirligi, Investor va Loyiha kompaniyasi oʻrtasida 2021-yil 24-yanvarda investitsiya bitimi imzolanganligi (keyingi oʻrinlarda — Investitsiya bitimi) hamda unga muvofiq Investor va Loyiha kompaniyasi:
investitsiya loyihasini amalga oshirishning butun davri mobaynida Buxoro viloyatining Peshku tumanida quvvati 300 — 500 MVt boʻlgan shamol elektr stansiyasini (keyingi oʻrinlarda — SHES) loyihalashtirishi, moliyalashtirishi, qurishi hamda ekspluatatsiya qilishi;
yuzaga kelishi mumkin boʻlgan xavf-xatarlarni oʻz zimmalariga olgan holda, jami dastlabki baholash boʻyicha 650 mln AQSH dollari miqdorida toʻgʻridan-toʻgʻri xorijiy investitsiyalarni jalb etishi;
v) “Oʻzbekiston milliy elektr tarmoqlari” AJ va Loyiha kompaniyasi oʻrtasida 2021-yil 24-yanvarda Elektr energiyasini sotib olish toʻgʻrisidagi bitim (keyingi oʻrinlarda — Elektr energiyasini sotib olish toʻgʻrisidagi bitim) toʻgʻridan-toʻgʻri muzokaralar natijasida imzolanganligi hamda unga muvofiq:
Loyiha kompaniyasi ishlab chiqarilgan elektr energiyasini yagona xaridor boʻlgan “Oʻzbekiston milliy elektr tarmoqlari” AJga kafolatlangan tarzda sotish majburiyatini olishi;
Loyiha kompaniyasi qurilish davridagi oʻz majburiyatlari lozim darajada bajarilishining taʼminoti sifatida 18 mln AQSH dollari miqdorida bank kafolatini taqdim etishi;
investitsiya loyihasi doirasida SHESni yagona elektr energiyasi tarmogʻiga ulash uchun quriladigan havo elektr uzatish tarmoqlari va boshqa elektr inshootlari Investor va Loyiha kompaniyasi tomonidan qurilishi va ushbu ishlar uchun sarflangan xarajatlar “Oʻzbekiston milliy elektr tarmoqlari” AJ tomonidan 10 yil davomida oylik toʻlovlar asosida qoplanishi;
“Oʻzbekiston milliy elektr tarmoqlari” AJ 25 yil davomida elektr energiyasini kafolatlangan tarzda xarid qilish majburiyatini olishi va elektr energiyasi uchun toʻlovni milliy valyutada amalga oshirishi nazarda tutilganligi maʼlumot uchun qabul qilinsin.
2. Oʻzbekiston Respublikasi Hukumati nomidan Investitsiyalar va tashqi savdo vazirligi, Investor va Loyiha kompaniyasi oʻrtasida tuzilgan Investitsiya bitimi tasdiqlansin.
Belgilansinki, Investitsiya bitimi unda koʻrsatilgan shartlar asosida kuchga kiradi.
3. “Oʻzbekiston milliy elektr tarmoqlari” AJ va Loyiha kompaniyasi oʻrtasida toʻgʻridan-toʻgʻri muzokaralar natijasida imzolangan Elektr energiyasini sotib olish toʻgʻrisidagi bitim maʼqullansin.
4. Investitsiya bitimi va Elektr energiyasini sotib olish toʻgʻrisidagi bitimga muvofiq ularning amal qilish muddati davomida elektr energiyasining sotib olinishi chet el valyutasida denominatsiyalangan qatʼiy tarif boʻyicha amalga oshirilishi belgilab qoʻyilsin.
5. Investitsiyalar va tashqi savdo vazirligi, “Oʻzbekiston milliy elektr tarmoqlari” AJ va Energetika vazirligiga Investor, Loyiha kompaniyasi va investitsiya loyihasini moliyalashtirishda ishtirok etadigan kreditorlar bilan investitsiya loyihasini amalga oshirish doirasida imzolangan bitimlar boʻyicha majburiyatlar Loyiha kompaniyasi tomonidan bajarilmagan taqdirda Loyiha kompaniyasi va Investor huquqlarini kreditorlarga berish yuzasidan bitimlar tuzish huquqi berilsin.
6. Elektr energiyasini sotib olish toʻgʻrisidagi bitimga muvofiq “Oʻzbekiston milliy elektr tarmoqlari” AJga:
Loyiha kompaniyasi bilan birgalikda Elektr energiyasini sotib olish toʻgʻrisidagi bitimda belgilangan tartibga muvofiq xalqaro mustaqil injiniring kompaniyalarini jalb qilishga;
xalqaro mustaqil injiniring kompaniyalari bilan investitsiya loyihasi doirasida belgilangan tartibda majburiy ekspertiza va roʻyxatdan oʻtkazmagan holda, istisno tariqasida, toʻgʻridan-toʻgʻri shartnomalar tuzishga;
Loyiha kompaniyasi tomonidan ishlab chiqariladigan elektr energiyasini uch oy mobaynida sotib olishni qoplash uchun majburiyatlar bajarilishining taʼminoti sifatida Loyiha kompaniyasi foydasiga Oʻzbekiston Respublikasi tijorat bankining chet el valyutasida tasdiqlangan, tiklanadigan akkreditivini ochishga ruxsat berilsin.
7. Investitsiya bitimiga muvofiq investitsiya loyihasini amalga oshirish doirasida Loyiha kompaniyasiga quyidagilarga ruxsat berilsin:
kreditlash, chet el valyutasidagi mablagʻlarni olish va ulardan foydalanish (shu jumladan, boshqalardan tashqari chet el valyutasida kredit tushumlari) uchun chet eldagi xorijiy banklarda bank hisobvaraqlari ochish;
chet eldagi bank hisobvaraqlaridan chet el valyutasida kredit olish;
investitsiya loyihasi doirasida bosh pudratchi bilan tuzilgan shartnomada (“EPC” shartnomasi) belgilangan kafolat muddati tugagunga qadar Loyiha kompaniyasi ishtirokchilari bilan tuzilgan qarz bitimlari va oraliq qarz bitimlari boʻyicha chet el valyutasida pul mablagʻlarini qabul qilish;
Oʻzbekiston Respublikasining tashqarisidagi xorijiy pudratchilarga, yetkazib beruvchilarga yoki xorijiy kreditorlarga toʻlovlarni toʻgʻridan-toʻgʻri chet eldagi bank hisobvaraqlaridan amalga oshirish;
uchuvchisiz uchish apparatlarini (dron) xarid qilish va belgilangan tartibda ular orqali qurilish ishlarining monitoringini olib borish.
8. Buxoro viloyati hokimligi 2022-yil 30-iyulga qadar Investitsiya bitimi va Elektr energiyasini sotib olish toʻgʻrisidagi bitimdagi va Elektr energiyasini sotib olish toʻgʻrisidagi bitimda koʻrsatilgan shartlarga mos keladigan SHES, podstansiya va havo elektr uzatish tarmoqlarini qurish uchun zarur boʻlgan yer uchastkalarini, tayanch qurilmalar egallaydigan yer koordinatalaridan kelib chiqib davlat va jamoat ehtiyojlari uchun Energetika vazirligiga doimiy foydalanish huquqi bilan ajratilishini taʼminlasin.
Energetika vazirligi mazkur bandga asosan davlat va jamoat ehtiyojlari uchun:
SHES va podstansiya qurilishi uchun ajratilgan yer uchastkasining investitsiya loyihasini amalga oshirish muddatiga teng davrga Loyiha kompaniyasiga;
havo elektr uzatish tarmoqlarini qurish uchun ajratilgan yer uchastkasining “Oʻzbekiston milliy elektr tarmoqlari” AJga ijaraga berilishini taʼminlasin.
Yerni ijaraga olish huquqi uchun bozor qiymatida haq toʻlash yerga nisbatan amal qiluvchi va Loyiha kompaniyasi tomonidan toʻlanadigan ijara toʻlovlari koʻrinishida ifodalanishi belgilansin.
Bunda, Loyiha kompaniyasi va “Oʻzbekiston milliy elektr tarmoqlari” AJ investitsiya loyihasini amalga oshirish doirasida qishloq xoʻjaligiga moʻljallangan yerlardan foydalanganlik uchun qishloq xoʻjaligi ishlab chiqarishi nobudgarchiligi oʻrnini qoplashdan (kompensatsiya toʻlovlaridan) ozod qilinsin.
8 1 . Investitsiyalar va tashqi savdo vazirligi, Qishloq xoʻjaligi vazirligi, Suv xoʻjaligi vazirligi, Buxoro va Navoiy viloyatlari hokimliklarining investitsiya loyihasini joylashtirish uchun Buxoro viloyatining Peshku va Gʻijduvon tumanlarida hamda Navoiy viloyati Konimex tumanidagi mazkur qarorning ilovasiga muvofiq jami 154,2 gektar yer maydonini qishloq xoʻjaligiga moʻljallangan yerlar toifasidan sanoat maqsadlariga moʻljallangan yerlar toifasiga oʻtkazish toʻgʻrisidagi taklifiga rozilik berilsin.
Buxoro va Navoiy viloyatlari hokimliklari 2022-yil oxiriga qadar ushbu qaror bilan toifasi oʻzgartirilayotgan yer uchastkalari maydoniga teng miqdorda qishloq xoʻjaligiga moʻljallangan yangi yerlar oʻzlashtirilishini taʼminlasin.
9. Adliya vazirligi (R.K. Davletov) investitsiya loyihasini amalga oshirish doirasida Investitsiya bitimi yuzasidan yuridik xulosa bersin.
10. Investitsiyalar va tashqi savdo vazirligi (Sh.A. Vafayev) investitsiya loyihasining amalga oshirilishi, shuningdek, tomonlarning Investitsiya bitimi va Elektr energiyasini sotib olish toʻgʻrisidagi bitim doirasidagi majburiyatlarini bajarishi ustidan doimiy nazorat oʻrnatsin.
11. Tashqi ishlar vazirligi (A.X. Komilov) Loyiha kompaniyasining buyurtmanomalariga asosan investitsiya loyihasini amalga oshirishda ishtirok etadigan xorijiy mutaxassislarga, shuningdek, ularning oila aʼzolariga kirish vizalari rasmiylashtirilishini (muddati uzaytirilishini) belgilangan tartibda taʼminlasin.
12. Ichki ishlar vazirligi (P.R. Bobojonov) Loyiha kompaniyasi buyurtmanomalariga asosan investitsiya loyihasini amalga oshirishda ishtirok etadigan xorijiy mutaxassislarga, shuningdek, ularning oila aʼzolariga koʻp martalik vizalar rasmiylashtirilishini, berilishini (muddati uzaytirilishini) hamda vaqtincha yashash joyi boʻyicha vaqtinchalik roʻyxatdan oʻtishini va uning muddati uzaytirilishini belgilangan tartibda taʼminlasin.
13. Bandlik va mehnat munosabatlari vazirligi (N.B. Xusanov) Loyiha kompaniyasi buyurtmanomalariga asosan Oʻzbekiston Respublikasiga xorijiy ishchi kuchini (Oʻzbekiston Respublikasi fuqarolari boʻlmaganlar orasidan) jalb etishga ruxsatnomalar berilishini (muddati uzaytirilishini), shuningdek, xorijiy fuqarolarga Oʻzbekiston Respublikasi hududida mehnat faoliyati bilan shugʻullanish huquqini beruvchi tasdiqnomalar berilishini (muddati uzaytirilishini) belgilangan tartibda taʼminlasin.
14. Mazkur qarorning ijrosini samarali tashkil etishga masʼul va shaxsiy javobgar etib energetika vaziri A.S. Sultanov belgilansin.
Qaror ijrosini har chorakda muhokama qilib borish, ijro uchun masʼul idoralar faoliyatini muvofiqlashtirish va nazorat qilish Bosh vazir oʻrinbosari S.U. Umurzakov zimmasiga yuklansin.
Amalga oshirilayotgan chora-tadbirlar natijadorligi yuzasidan har chorak yakunida Oʻzbekiston Respublikasi Prezidentiga axborot berilsin.
Oʻzbekiston Respublikasi Prezidentining 2021-yil 23-fevraldagi PQ-5001-son qaroriga ILOVA
“Buxoro viloyatining Peshku tumanida quvvati 300 — 500 MVt boʻlgan shamol elektr stansiyasini qurish” investitsiya loyihasini amalga oshirish doirasida qishloq xoʻjaligiga moʻljallangan yerlar toifasidan sanoat maqsadlarga moʻljallangan yerlar toifasiga oʻtkazilayotgan yer maydonlari
Hudud nomi Kontur raqami Jami yer uchastkasi (gektar) Shundan, yaylov yerlar Tuproq ball boniteti Shamol elektr stansiyasini qoʻrish uchun Peshku tumani Jongeldi massivi 39q 4,63 4,63 baholanmagan 86q 11,65 11,65 baholanmagan 42q 0,5 0,5 baholanmagan 44q 32,84 32,84 baholanmagan 45q 26,04 26,04 baholanmagan 87 q 41,84 41,84 baholanmagan Jami 117,5 117,5 Havo elektr uzatish tarmoqlarining tayanch qurilmalarini qurish uchun Peshku tumani Jongeldi massivi 86q 0,1 0,1 baholanmagan 87q 1,25 1,25 baholanmagan Hudud boʻyicha jami 1,35 1,35 Gʻijduvon tumani Koʻkcha massivi 117q 0,73 0,73 baholanmagan 118q 0,35 0,35 baholanmagan 120q 0,32 0,32 baholanmagan 123q 0,59 0,59 baholanmagan 161q 0,38 0,38 baholanmagan 159q 0,14 0,14 baholanmagan 160q 0,29 0,29 baholanmagan 175q 0,33 0,33 baholanmagan 176q 0,32 0,32 baholanmagan 177q 0,61 0,61 baholanmagan Hudud boʻyicha jami 4,06 4,06 Navoiy viloyati Konimex tumani “Qaraqata” OFY hududi 125q 0,65 0,65 baholanmagan 126q 1,05 1,05 baholanmagan 127q 0,9 0,9 baholanmagan 128q 0,15 0,15 baholanmagan 129q 0,45 0,45 baholanmagan 130q 0,6 0,6 baholanmagan 131q 0,1 0,1 baholanmagan 132q 0,75 0,75 baholanmagan 142q 0,2 0,2 baholanmagan 164q 0,9 0,9 baholanmagan 166q 0,85 0,85 baholanmagan 167q 0,05 0,05 baholanmagan 168q 1,65 1,65 baholanmagan 169q 0,9 0,9 baholanmagan 176aq 1,3 1,3 baholanmagan 183a q 0,45 0,45 baholanmagan 182a q 1,05 1,05 baholanmagan 180q 0,3 0,3 baholanmagan 181q 1,2 1,2 baholanmagan Hudud boʻyicha jami 13,5 13,5 Jami 18,91 18,91 Podstansiya qurilishi uchun Peshku tuman Jongeldi massivi 87q 17,79 17,79 baholanmagan Hudud boʻyicha jami 17,79 17,79 Loyiha boʻyicha jami 154,2 154,2
Oʻzbekiston Respublikasi Prezidenti Sh. MIRZIYOYEV
Toshkent sh.,
2021-yil 23-fevral,
PQ-5001-son
Президента Республики Узбекистан
Постановление
ПЕРЕЧЕНЬ
О мерах по реализации инвестиционного проекта «Строительство ветряной электростанции мощностью 300 — 500 МВт в Пешкунском районе Бухарской области»
В целях расширения масштаба использования источников возобновляемой энергии, уменьшения потребления природного газа при производстве электрической энергии, диверсификации производства, а также широкого привлечения прямых иностранных инвестиций в электроэнергетическую отрасль:
1. Принять к сведению, что:
а) компанией «International Company for water and power projects» (Саудовская Аравия) (далее — Инвестор) в рамках Инвестиционного проекта «Строительство ветряной электростанции мощностью 300 — 500 МВт в Пешкунском районе Бухарской области» (далее — Инвестиционный проект) в Республике Узбекистан учреждено ООО «ACWA Power Dzhankeldy Wind» (далее — Проектная компания);
б) между Правительством Республики Узбекистан в лице Министерства инвестиций и внешней торговли, Инвестором и Проектной компанией 24 января 2021 года подписано Инвестиционное соглашение (далее — Инвестиционное соглашение), предусматривающее взятие Инвестором и Проектной компанией обязательств, в соответствии с которыми:
проектирование, финансирование, строительство и эксплуатация ветряной электростанции мощностью 300 — 500 МВт в Пешкунском районе Бухарской области (далее — ВЭС) осуществляются на протяжении всего периода реализации Инвестиционного проекта;
привлечение прямых иностранных инвестиций на сумму по предварительным расчетам 650 млн долларов США осуществляется с принятием возможных рисков на себя;
в) в результате прямых переговоров между АО «Национальные электрические сети Узбекистана» и Проектной компанией 24 января 2021 года заключено Соглашение о закупке электрической энергии (далее — Соглашение о закупке электрической энергии), в соответствии с которым:
Проектная компания принимает обязательство гарантированной продажи произведенной электрической энергии единому покупателю в лице АО «Национальные электрические сети Узбекистана»;
Проектная компания предоставляет банковскую гарантию по надлежащему исполнению своих обязательств в период строительства в размере 18 млн долларов США;
Инвестор и Проектная компания в рамках Инвестиционного проекта осуществляют строительство воздушных линий электропередач и других электрических сооружений для подлючения ВЭС к единой сети электроэнергии, АО «Национальные электрические сети Узбекистана» — покрывает расходы, затраченные на указанные работы, в течение 10 лет на основе ежемесячных платежей;
АО «Национальные электрические сети Узбекистана» принимает обязательство гарантированной закупки электрической энергии в течение 25 лет и осуществления оплаты за электрическую энергию в национальной валюте.
2. Утвердить Инвестиционное соглашение между Правительством Республики Узбекистан в лице Министерства инвестиций и внешней торговли, Инвестором и Проектной компанией.
Определить, что Инвестиционное соглашение вступает в силу на основе указанных в нем условий.
3. Одобрить Соглашение о закупке электрической энергии, подписанное в результате проведения прямых переговоров между АО «Национальные электрические сети Узбекистана» и Проектной компанией.
4. Установить, что в соответствии с Инвестиционным соглашением и Соглашением о закупке электрической энергии на срок их действия установлен фиксированный тариф на закупку электрической энергии, деноминированный в иностранной валюте.
5. Предоставить Министерству инвестиций и внешней торговли, АО «Национальные электрические сети Узбекистана» и Министерству энергетики право на заключение с Инвестором, Проектной компанией и кредиторами, принимающими участие в финансировании Инвестиционного проекта, соглашений по уступке прав Проектной компании и Инвестора кредиторам в случае неисполнения Проектной компанией обязательств по соглашениям, подписанным в рамках реализации Инвестиционного проекта.
6. Разрешить АО «Национальные электрические сети Узбекистана» в соответствии с Соглашением о закупке электрической энергии:
привлечение совместно с Проектной компанией международных независимых инжиниринговых компаний в соответствии с порядком, установленным в Соглашении о закупке электрической энергии;
заключение в установленном порядкев рамах Инвестиционного проекта в порядке исключения прямых договоров с международными независимыми инжиниринговыми компаниями без проведения обязательной экспертизы и регистрации;
открытие подтвержденного в иностранной валюте, возобновляемого аккредитива коммерческого банка Республики Узбекистан в пользу Проектной компании в качестве обеспечения исполнения обязательств по покрытию закупки производимой Проектной компанией электрической энергии на протяжении трех месяцев.
7. Разрешить Проектной компании в соответствии с Инвестиционным соглашением в рамках реализации Инвестиционного проекта:
открывать банковские счета в зарубежных банках для кредитования, получения и использования денежных средств в иностранной валюте (включая, помимо прочего, поступления кредитных средств в иностранной валюте);
получать кредитные средства в иностранной валюте на банковские счета за рубежом;
принимать денежные средства в иностранной валюте по договорам займа и промежуточным заемным соглашениям, заключенным с участниками Проектной компании до истечения гарантийного срока, установленного в договоре (ЕРС-контракте), заключенном с генеральным подрядчиком в рамках Инвестиционного соглашения;
осуществлять платежи зарубежным подрядчикам, поставщикам или иностранным кредиторам за пределами Республики Узбекистан напрямую с банковских счетов за рубежом;
приобретать беспилотные летательные аппараты (дроны) и проводить мониторинг строительных работ посредством их использования в установленном порядке.
8. Хокимияту Бухарской области в срок до 30 июля 2022 года обеспечить выделение Министерству энергетики на праве постоянного пользования земельного участка, а также земельной площади, необходимой для строительства ВЭС, подстанции, а также воздушных линий электропередач исходя из координат земли, занятой опорными сооружениями, соответствующих условиям, указанным в Инвестиционном соглашении и Соглашении о закупке электрической энергии.
Министерству энергетики в соответствии с настоящим пунктом для государственных и общественных нужд обеспечить передачу в аренду:Проектной компании — земельного участка, выделенного для строительства ВЭС и подстанции, на период, равный сроку реализации Инвестиционного проекта;
Проектной компании — земельного участка, выделенного для строительства ВЭС и подстанции, на период, равный сроку реализации Инвестиционного проекта;
АО «Национальные электрические сети Узбекистана» — земельного участка, выделенного для строительства воздушных линий электропередач.
Определить, что плата за право аренды земли по рыночной стоимости выражается в форме арендной платы, действующей в отношении земли и уплачиваемой Проектной компанией.
При этом освободить Проектную компанию и АО «Национальные электрические сети Узбекистана» от возмещения потерь сельскохозяйственного производства (компенсационных выплат) при использовании земель сельскохозяйственного назначения в рамках реализации Инвестиционного проекта.
8 1 . Согласиться с предложением Министерства инвестиций и внешней торговли, Министерства сельского хозяйства, Министерства водного хозяйства, хокимиятов Бухарской и Навоийской областей о переводе земель, выделенных для размещения Инвестиционного проекта общей площадью 154,2 гектаров в Пешкунском и Гиждуванском районах Бухарской области и Канимехском районе Навоийской области из категории сельскохозяйственного назначения в категорию земель промышленного назначения согласно приложению к настоящему постановлению.
Хокимиятам Бухарской и Навоийской областей в срок до конца 2022 года обеспечить освоение новых земель сельскохозяйственного назначения, равных площади земельных участков, категория которых меняется согласно настоящему постановлению.
9. Министерству юстиции (Р.К. Давлетов) выдать юридическое заключение по Инвестиционному соглашению в рамках реализации Инвестиционного проекта.
10. Министерству инвестиций и внешней торговли (Ш.А. Вафаев) установить постоянный контроль за реализацией Инвестиционного проекта и исполнением сторонами обязательств в рамках Инвестиционного соглашения и Соглашения о закупке электрической энергии.
11. Министерству иностранных дел (А.Х. Комилов ) на основании заявок Проектной компании в установленном порядке обеспечить оформление (продление) въездных виз иностранным специалистам, принимающим участие в реализации Инвестиционного проекта, и членам их семей.
12. Министерству внутренних дел (П.Р. Бобожонов) на основании заявок Проектной компании в установленном порядке обеспечить оформление, выдачу (продление) многократных виз, а также временную регистрацию по месту временного проживания и ее продление иностранным специалистам, принимающим участие в реализации Инвестиционного проекта, и членам их семей.
13. Министерству занятости и трудовых отношений (Н.Б. Хусанов) на основании заявок Проектной компании в установленном порядке обеспечить выдачу (продление) разрешений на привлечение в Республику Узбекистан иностранной рабочей силы (не из числа граждан Республики Узбекистан), а также выдачу (продление) иностранным гражданам подтверждений на право трудовой деятельности на территории Республики Узбекистан.
14. Возложить на министра энергетики А.С. Султанова персональную ответственность за эффективную организацию исполнения настоящего постановления.
Ежеквартальное обсуждение хода исполнения настоящего постановления, а также осуществление координации и контроля за деятельностью ведомств, ответственных за его исполнение, возложить на заместителя Премьер-министра С.У. Умурзакова.
О результативности осуществляемых мер информировать Президента Республики Узбекистан по итогам каждого квартала.
ПРИЛОЖЕНИЕ к постановлению Президента Республики Узбекистан от 23 февраля 2021 года № ПП-5001
земельных участков, категория которых переводится из сельскохозяйственного назначения в категорию промышленного и иного назначения в рамках реализации Инвестиционного проекта «Строительство ветряной электростанции мощностью 300 — 500 МВт в Пешкунском районе Бухарской области»
Наименование территории Номер контура Площадь земельного участка (гектар) Из них, пастбища Балл бонитет Для ветряной электростанции Пешкунский район, массив Жонгелди 39к 4,63 4,63 Не оценивался 86к 11,65 11,65 Не оценивался 42к 0,5 0,5 Не оценивался 44к 32,84 32,84 Не оценивался 45к 26,04 26,04 Не оценивался 87 к 41,84 41,84 Не оценивался Итого 117,5 117,5 Для строительства опорных сооружений линий электропередачи Пешкунский район массив Жонгелди 86к 0,1 0,1 Не оценивался 87к 1,25 1,25 Не оценивался Итого по территории 1,35 1,35 Гиждуванский район массив Кукча 117к 0,73 0,73 Не оценивался 118к 0,35 0,35 Не оценивался 120к 0,32 0,32 Не оценивался 123к 0,59 0,59 Не оценивался 161к 0,38 0,38 Не оценивался 159к 0,14 0,14 Не оценивался 160к 0,29 0,29 Не оценивался 175к 0,33 0,33 Не оценивался 176к 0,32 0,32 Не оценивался 177к 0,61 0,61 Не оценивался Итого по территории 4,06 4,06 Навоийская область Канимехский район сход граждан аула «Караката» 125к 0,65 0,65 Не оценивался 126к 1,05 1,05 Не оценивался 127к 0,9 0,9 Не оценивался 128к 0,15 0,15 Не оценивался 129к 0,45 0,45 Не оценивался 130к 0,6 0,6 Не оценивался 131к 0,1 0,1 Не оценивался 132к 0,75 0,75 Не оценивался 142к 0,2 0,2 Не оценивался 164к 0,9 0,9 Не оценивался 166к 0,85 0,85 Не оценивался 167к 0,05 0,05 Не оценивался 168к 1,65 1,65 Не оценивался 169к 0,9 0,9 Не оценивался 176ак 1,3 1,3 Не оценивался 183а к 0,45 0,45 Не оценивался 182а к 1,05 1,05 Не оценивался 180к 0,3 0,3 Не оценивался 181к 1,2 1,2 Не оценивался Итого по территории 13,5 13,5 Итого 18,91 18,91 Для строительства подстанции Пешкунский район, массив Жонгелди 87к 17,79 17,79 Не оценивался Итого по территории 17,79 17,79 Итого по проекту 154,2 154,2
Президент Республики Узбекистан Ш. МИРЗИЁЕВ
г. Ташкент,
23 февраля 2021 г.,
№ ПП-5001