📅 2021-yil 22-fevral · Prezident qarorlari
Rasmiy matn. Rasmiy hujjat. Tahririy izohlar kiritilmagan.
UzbekAI
📅 2021 йил 22 февраль · Президент қарорлари
Расмий матн. Расмий ҳужжат. Таҳририй изоҳлар киритилмаган.
📅 22 февраля 2021 г. · Постановления Президента
Официальный текст. Официальный документ. Редакционные примечания не включены.
📅 22 February 2021 · Presidential resolutions
Official text. Official document. Editorial notes are not included.
Ўзбекистон Республикаси Президентининг
Қарори
МАҚСАДЛИ ПАРАМЕТРЛАРИ
Заргарлик саноатини янада ривожлантириш учун қулай шарт-шароитлар яратиш чора-тадбирлари тўғрисида
Қимматбаҳо металлар ва қимматбаҳо тошлардан заргарлик буюмларини ишлаб чиқариш қувватларидан самарали фойдаланиш, соҳада рухсат бериш тартиб-таомилларини такомиллаштириш ва бюрократик тўсиқларни бартараф этиш, бунинг асосида янги иш ўринларини яратиш ва ёш мутахассисларни тайёрлаш ҳисобига кадрлар салоҳиятини мустаҳкамлаш мақсадида:
1. Иқтисодий тараққиёт ва камбағалликни қисқартириш вазирлиги, Марказий банк ва «Ўзбекзаргарсаноати» уюшмасининг 2026 йил 1 мартга қадар заргарлик буюмларини ишлаб чиқарувчиларга қимматбаҳо металларни тўғридан-тўғри шартнома асосида ёки кечиктириб тўлаш шарти билан сотиш тартибини жорий қилиш бўйича таклифлари маъқуллансин.
Белгилансинки:
қимматбаҳо металларни ишлаб чиқариш бўйича давлат буюртмаси доирасида «Навоий кон-металлургия комбинати» АЖ ва «Олмалиқ кон-металлургия комбинати» АЖ томонидан заргарлик буюмларини ишлаб чиқарувчиларга қимматбаҳо металлар кейинчалик хом ашё кўринишида қайта сотиш ҳуқуқисиз тўғридан-тўғри шартнома асосида ёки товар-хом ашё биржаси орқали нархнинг 15 фоизлик аванс тўловини амалга оширган ҳолда 180 кунга кечиктириб тўлаш шарти билан сотилади;
кечиктириб тўлаш шарти билан сотиб олинган қимматбаҳо металлар учун тўловларни амалга оширганда, 30 кун ичида амалга оширилган тўловлар қисмига — фоиз ҳисобланмайди, 31-кундан 180 кун (шу куни ҳам) ичида амалга оширилган тўловлар қисмига — 30-кундан кейин кечиктириб тўлаш имкониятидан фойдаланилган кунларга мос равишда Марказий банк асосий ставкаси миқдорида фоиз ҳисобланади;
заргарлик марказларида фаолият юритаётган заргарлик буюмларини ишлаб чиқарувчилар томонидан кечиктириб тўлаш шарти билан сотиб олинган қимматбаҳо металлар учун тўловлар амалга оширилганда, 90 кун ичида амалга оширилган тўловлар қисмига — фоиз ҳисобланмайди, 91-кундан бошлаб 180 кун (шу куни ҳам) ичида амалга оширилган тўловлар қисмига — 90-кундан кейин кечиктириб тўлаш имкониятидан фойдаланилган кунларга мос равишда йиллик 3 фоиз миқдорида фоиз ҳисобланади;
заргарлик буюмларини ишлаб чиқарувчилар қимматбаҳо металларни тўғридан-тўғри шартнома асосида сотиб олиш учун «Навоий кон-металлургия комбинати» АЖ ва «Олмалиқ кон-металлургия комбинати» АЖга қимматбаҳо металларга бўлган эҳтиёжини кўрсатган ҳолда мурожаат қилади;
заргарлик буюмларини ишлаб чиқарувчилар товар-хомашё биржаси орқали 180 кунга кечиктириб тўлаш шарти билан олинган қимматбаҳо металлар учун тўловни таъминлаш мақсадида «Навоий кон-металлургия комбинати» АЖ ва «Олмалиқ кон-металлургия комбинати» АЖ билан келишилган ҳолда банк кафолатини ёки «Тадбиркорликни ривожлантириш компанияси» АЖнинг кафиллигини тақдим этади;
банк ёки Экспортни рағбатлантириш агентлиги товар-хомашё биржаси орқали 180 кунга кечиктириб тўлаш шарти билан сотилган қимматбаҳо металлар учун банк кафолатини (кафилликни) шартнома суммасининг 85 фоизигача (85 фоизи ҳам киради) миқдорда йиллик 2 фоизгача комиссия ундирган ҳолда тақдим этади. Бунда, тўлов мажбуриятларини таъминлаш мақсадида бериладиган банк кафолати ва кафиллик бўйича хизмат ҳақини тарафларнинг келишувига асосан қатъий миқдорларда белгилашга рухсат этилади.
сотиладиган қимматбаҳо металл бўйича «Навоий кон-металлургия комбинати» АЖ ва «Олмалиқ кон-металлургия комбинати» АЖ билан ҳисоб-китоблар тўлов кунидаги Лондон қимматбаҳо металлар биржасининг эрталабки фиксинг нархи ва Марказий банкнинг курсидан келиб чиқиб амалга оширилади;
марварид, олмос ва қимматбаҳо тошларга импорт божхона божлари солинмайди (Ўзбекистон Республикаси Президентининг 2018 йил 29 июндаги «Ўзбекистон Республикасининг ташқи иқтисодий фаолиятини янада тартибга солиш ҳамда божхона-тариф жиҳатдан тартибга солиш тизимини такомиллаштириш чора-тадбирлари тўғрисида»ги ПҚ-3818-сон қарорига 1-илованинг 7101 — 7104 ТИФ ТН позициялари).
2. Белгилаб қўйилсинки, 2021 йилда кечиктириб тўлаш шарти билан сотиш учун зарур ҳажмдаги қимматбаҳо металлар «Навоий кон-металлургия комбинати» АЖ ва «Олмалиқ кон-металлургия комбинати» АЖ томонидан биржа савдолари орқали ва тўғридан-тўғри шартномалар асосида сотиладиган қимматбаҳо металлар ҳажми доирасида ажратилади.
Иқтисодий тараққиёт ва камбағалликни қисқартириш вазирлиги Марказий банк ва «Ўзбекзаргарсаноати» уюшмаси билан биргаликда 2022 ва 2023 йиллар учун Қимматбаҳо металларни ишлаб чиқариш бўйича давлат буюртмасини шакллантиришда кечиктириб тўлаш шарти билан сотиш учун зарур ҳажмдаги қимматбаҳо металлар ажратилишини назарда тутсин.
3. Шундай тартиб ўрнатилсинки, унга мувофиқ 2021 йил 1 апрелдан бошлаб:
а) заргарлик буюмларига асиллик даражаси тамғаси ва ишлаб чиқарувчининг шахсий тамғаси механик (зарб) ёки лазер усуллари ёрдамида туширишга рухсат этилади. Бунда заргарлик буюмларига лазер усуллари ёрдамида туширилган шахсий тамғанинг ҳақиқийлигини тасдиқлаш ишлаб чиқарувчининг зиммасига юкланади;
б) заргарлик буюмларига асиллик даражаси тамғаси ва ишлаб чиқарувчининг шахсий тамғаси билан тамғалаш усули заргарлик буюмларини ишлаб чиқарувчилар томонидан мустақил белгиланади;
в) аффинаж фаолиятини амалга ошириш ҳуқуқи учун лицензияга эга бўлган юридик шахсларга ўзлари ишлаб чиқарган ўлчовли ёмбиларни жисмоний ва юридик шахсларга сотишга рухсат берилади. Бунда, ёмбиларни сотиш нархи ҳисоб-китоб амалга оширилган санадаги Лондон қимматбаҳо металлар биржасининг эрталабки фиксинг нархи ва Марказий банкнинг курсидан кам бўлмаган миқдорда ишлаб чиқарувчи томонидан мустақил белгиланади;
г) қимматбаҳо металлардан ва қимматбаҳо (ярим қимматбаҳо) тошлардан ясалган заргарлик буюмларини ички ва ташқи бозорларда электрон тижорат орқали сотишга рухсат берилади;
д) қуйидаги ҳолларда қимматбаҳо металл ва қимматбаҳо тошлар билан боғлиқ бўлган операцияларни амалга оширувчи шахслар томонидан мижозни, унинг вакилини ва бенефициар мулкдорни текшириш (улардан шахсини тасдиқловчи ҳужжат, давлат рўйхатидан ўтказилганлиги тўғрисидаги гувоҳнома, таъсис ҳужжатлари ва бошқа маълумотларни сўраб олиш) талаб этилмайди:
нақд пулда ўзаро ҳисоб-китоб амалга оширилганда операциянинг умумий суммаси базавий ҳисоблаш миқдорининг 600 бараваридан ошмаган тақдирда;
операциянинг умумий суммасидан қатъи назар, ўзаро ҳисоб-китоб нақд пулсиз ва жисмоний шахсларнинг пластик карталари орқали амалга оширилганда.
Бунда, мижоз, унинг вакили ва бенефициар мулкдорнинг жиноий фаолиятдан олинган даромадларни легаллаштиришга ва терроризмни молиялаштиришга алоқадорлиги ҳақида асосланган шубҳалар мавжуд бўлган ҳолатларда операциянинг суммаси ва тўлов шаклидан қатъи назар, мижозни, унинг вакилини ва бенефициар мулкдорни текшириш чоралари кўрилиши лозим.
5. Белгилансинки, «Ўзмиллийбанк» АЖ томонидан мазкур қарорнинг 4-бандида белгиланган маблағлар ҳисобидан заргарлик буюмларини ишлаб чиқарувчиларга ишлаб чиқариш эҳтиёжлари учун асбоб-ускуна, эҳтиёт қисмлари ва хом ашё харид қилиш, айланма маблағларини тўлдириш мақсадида куйидаги шартларда микрокредитлар ажратилади:
300 миллион сўмгача бўлган миқдорда 3 йил муддатга, 6 ойгача имтиёзли давр билан;
қонунчилик ҳужжатларида назарда тутилган таъминот турлари асосида.
6. Бандлик ва меҳнат муносабатлари вазирлиги «Ўзбекзаргарсаноати» уюшмаси билан биргаликда:
«Ўзбекзаргарсаноати» уюшмасининг асосланган буюртмаларига асосан Қорақалпоғистон Республикаси, вилоятлар ва Тошкент шаҳридаги «Ишга марҳамат» мономарказлари ва касб-ҳунарга ўқитиш марказларида ҳамда «устоз-шогирд» услубида заргарлик соҳасида талаб юқори бўлган йўналишлар бўйича замонавий кўникмалар асосида ёшлар учун ўқув курслар ташкил этилишини;
заргарлик соҳасидаги замонавий ва инновацион технологиялардан фойдаланишга ўргатиш жараёнларига ишлаб чиқарувчи ташкилотлар вакиллари ва улардан фойдаланиш кўникмаларига эга малакали мутахассислар жалб этилишини таъминласин.
7. 2021 — 2023 йилларда заргарлик буюмларини ишлаб чиқариш, ёш мутахассисларни тайёрлаш ва яратиладиган янги иш ўринларининг мақсадли параметрлари 1-иловага мувофиқ тасдиқлансин.
Иқтисодий тараққиёт ва камбағалликни қисқартириш вазирлиги, Бандлик ва меҳнат муносабатлари вазирлиги, «Ўзбекзаргарсаноати» уюшмаси ушбу бандда назарда тутилган мақсадли параметрларга тўлиқ ва ўз вақтида эришилиши бўйича зарур чора-тадбирларни амалга оширсин.
8. Молия вазирлиги Давлат солиқ қўмитаси билан биргаликда 2021 йил 1 майга қадар Солиқ кодексига қуйидагиларни назарда тутувчи ўзгартириш ва қўшимчаларни киритиш тўғрисидаги қонун лойиҳасини ишлаб чиқиб, Вазирлар Маҳкамасига киритилишини таъминласин:
қимматбаҳо металларни ишлаб чиқаришда ҳосил бўладиган парчаларни ва чиқиндиларни, қимматбаҳо металларнинг ўлчов пластиналари ва гранулалари, қимматбаҳо ва ярим қимматбаҳо тошлар, қимматбаҳо металлар ва қимматбаҳо тошлардан ясалган ярим тайёр маҳсулотларни реализация қилиш бўйича айланмани қўшилган қиймат солиғидан озод этиш;
2023 йил 1 мартга қадар «Ўзбекзаргарсаноати» уюшмасига аъзо бўлган заргарлик буюмларини ишлаб чиқарувчи якка тартибдаги тадбиркорларга «Ҳунарманд» уюшмаси аъзолари учун берилган солиқ имтиёзларини татбиқ этиш.
9. Бухоро, Самарқанд, Наманган ва Фарғона вилоятлари ҳокимликлари Бухоро, Самарқанд, Наманган ва Қўқон шаҳарлари ҳудудларида жойлашган йирик бозорларнинг заргарлик буюмларини чакана сотишга ихтисослашган савдо расталари ўрнида миллий бренд асосида ишлаб чиқариладиган заргарлик буюмларининг замонавий кўргазма-савдо дўконлари ва заргарлик савдо-ишлаб чиқариш марказларини ташкил этиш чораларини кўрсин.
10. Инвестициялар ва ташқи савдо вазирлиги, Иқтисодий тараққиёт ва камбағалликни қисқартириш вазирлиги Ўзбекистон миллий заргарлик брендини жаҳонга танитиш мақсадида 2021 йилда Дубай (БАА) шаҳрида ўтказилиши режалаштирилган «World Expo — 2021», кейинчалик хорижий давлатларда ташкил этиладиган барча нуфузли кўргазмалар доирасида заргарлик буюмлари ишлаб чиқарувчиларнинг маҳсулотлари намойиш этилишини ташкил этсин.
11. Белгилансинки, 2023 йил 1 январга қадар заргарлик буюмлари ишлаб чиқарувчиларнинг халқаро кўргазмаларда иштирок этиш билан боғлиқ харажатлари Инвестициялар ва ташқи савдо вазирлиги ҳузуридаги Экспортни рағбатлантириш агентлиги томонидан компенсация қилинади.
Ташқи савдо, инвестициялар, маҳаллий саноатни ривожлантириш ва техник жиҳатдан тартибга солиш масалалари бўйича Ҳукумат комиссиясига мазкур бандда назарда тутилган компенсация беришнинг вақтинчалик тартибини тасдиқлаш ваколати берилсин.
12. Ўзбекистон Республикаси Президентининг 2018 йил 29 июндаги «Ўзбекистон Республикасининг ташқи иқтисодий фаолиятини янада тартибга солиш ҳамда божхона-тариф жиҳатдан тартибга солиш тизимини такомиллаштириш чора-тадбирлари тўғрисида»ги ПҚ-3818-сон қарорига 2-иловага мувофиқ қўшимча ва ўзгартиришлар киритилсин.
13. Иқтисодий тараққиёт ва камбағалликни қисқартириш вазирлиги Молия вазирлиги, манфаатдор вазирлик ва идоралар билан биргаликда бир ой муддатда қонун ҳужжатларига ушбу қарордан келиб чиқадиган ўзгартириш ва қўшимчалар тўғрисида Вазирлар Маҳкамасига таклифлар киритсин.
14. Мазкур қарор ижросини самарали ташкил этишга масъул ва шахсий жавобгар этиб Бош вазир ўринбосари Ж.А. Қўчқоров ва молия вазири Т.А. Ишметов белгилансин.
Қарор ижроси учун масъул идоралар фаолиятини мувофиқлаштириш ва назорат қилиш Ўзбекистон Республикасининг Бош вазири А.Н. Арипов зиммасига юклансин.
Ўзбекистон Республикаси Президентининг 2021 йил 22 февралдаги ПҚ-4998-сон қарорига 1-ИЛОВА
2021 — 2023 йилларда заргарлик буюмларини ишлаб чиқариш, ёш мутахассисларни тайёрлаш ва яратиладиган янги иш ўринлари
Т/р Ҳудудлар бўйича Заргарлик буюмларини ишлаб чиқариш (кг) Заргарлик буюмларини ишлаб чиқариш бўйича ёш мутахассисларни тайёрлаш (нафар) 2021 — 2023 йилларда яратиладиган янги иш ўринлари 2021 — 2023 йилларда жами Тилла буюмлар Кумуш буюмлар «Ишга марҳамат» моно-марказлари ва касб-ҳунарга ўқитиш марказларида «Устоз-шогирд» усулида жами тилла буюм кумуш буюм 2021 й. 2022 й. 2023 й. 2021 й. 2022 й. 2023 й. жами 2021 й. 2022 й. 2023 й. жами 2021 й. 2022 й. 2023 й. 1. Қорақалпоғистон Республикаси 580 380 200 80 120 180 50 65 85 120 30 30 60 1 230 150 330 750 1 350 2. Андижон 714 475 239 100 150 225 60 78 101 180 30 60 90 1 570 170 500 900 1 750 3. Бухоро 1 032 713 319 150 225 338 80 104 135 270 60 90 120 2 460 300 660 1 500 2 730 4. Жиззах 317 238 80 50 75 113 20 26 34 120 30 30 60 820 100 220 500 940 5. Қашқадарё 580 380 200 80 120 180 50 65 85 210 30 60 120 1 480 180 400 900 1 690 6. Навоий 317 238 80 50 75 113 20 26 34 120 30 30 60 820 100 220 500 940 7. Наманган 1 349 950 399 200 300 450 100 130 169 270 60 90 120 2 800 300 800 1 700 3 070 8. Самарқанд 1 666 1 188 479 250 375 563 120 156 203 300 60 90 150 2 460 300 660 1 500 2 760 9. Сирдарё 270 190 80 40 60 90 20 26 34 120 30 30 60 820 100 220 500 940 10. Сурхондарё 540 380 160 80 120 180 40 52 68 180 30 60 90 1 470 170 400 900 1 650 11. Тошкент 492 333 160 70 105 158 40 52 68 180 30 60 90 1 700 200 500 1 000 1 880 12. Фарғона 580 380 200 80 120 180 50 65 85 210 60 60 90 1 770 170 700 900 1 980 13. Хоразм 580 380 200 80 120 180 50 65 85 180 30 60 90 1 670 170 600 900 1 850 14. Тошкент ш. 5 795 3 800 1 995 800 1 200 1 800 500 650 845 570 150 180 240 5 400 600 1 700 3 100 5 970 Жами 14 811 10 023 4 788 2 110 3 165 4 748 1 200 1 560 2 028 3 030 660 930 1 440 26 470 3 010 7 910 15 550 29 500
Ўзбекистон Республикаси Президентининг 2021 йил 22 февралдаги ПҚ-4998-сон қарорига 2-ИЛОВА
Ўзбекистон Республикаси Президентининг 2018 йил 29 июндаги «Ўзбекистон Республикасининг ташқи иқтисодий фаолиятини янада тартибга солиш ҳамда божхона-тариф жиҳатдан тартибга солиш тизимини такомиллаштириш чора-тадбирлари тўғрисида»ги ПҚ-3818-сон қарорига киритилаётган қўшимча ва ўзгартиришлар
Ўзбекистон Республикаси Президентининг 2018 йил 29 июндаги «Ўзбекистон Республикасининг ташқи иқтисодий фаолиятини янада тартибга солиш ҳамда божхона-тариф жиҳатдан тартибга солиш тизимини такомиллаштириш чора-тадбирлари тўғрисида»ги ПҚ-3818-сон қарорига 1-илованинг рус тили матнида :
«7101», «7102», «7103» ва «7104» позицияларининг «Ставка пошлины (в % от таможенной стоимости товара или в долларах США за ед. изм.)» устунидаги «10» рақами «*» белгиси билан тўлдирилсин;
«7210 49 000 0» ва «7210 70 800 0» позицияларининг «Ставка пошлины (в % от таможенной стоимости товара или в долларах США за ед. изм.)» устунидаги «10*» сўзлари «10**» сўзлари билан алмаштирилсин;
изоҳ қуйидаги таҳрирда баён этилсин:
Ўзбекистон Республикаси Президенти Ш. МИРЗИЁЕВ
Тошкент ш.,
2021 йил 22 февраль,
ПҚ-4998-сон
Oʻzbekiston Respublikasi Prezidentining
Qarori
MAQSADLI PARAMETRLARI
Zargarlik sanoatini yanada rivojlantirish uchun qulay shart-sharoitlar yaratish chora-tadbirlari toʻgʻrisida
Qimmatbaho metallar va qimmatbaho toshlardan zargarlik buyumlarini ishlab chiqarish quvvatlaridan samarali foydalanish, sohada ruxsat berish tartib-taomillarini takomillashtirish va byurokratik toʻsiqlarni bartaraf etish, buning asosida yangi ish oʻrinlarini yaratish va yosh mutaxassislarni tayyorlash hisobiga kadrlar salohiyatini mustahkamlash maqsadida:
1. Iqtisodiy taraqqiyot va kambagʻallikni qisqartirish vazirligi, Markaziy bank va “Oʻzbekzargarsanoati” uyushmasining 2026-yil 1-martga qadar zargarlik buyumlarini ishlab chiqaruvchilarga qimmatbaho metallarni toʻgʻridan-toʻgʻri shartnoma asosida yoki kechiktirib toʻlash sharti bilan sotish tartibini joriy qilish boʻyicha takliflari maʼqullansin.
Belgilansinki:
qimmatbaho metallarni ishlab chiqarish boʻyicha davlat buyurtmasi doirasida “Navoiy kon-metallurgiya kombinati” AJ va “Olmaliq kon-metallurgiya kombinati” AJ tomonidan zargarlik buyumlarini ishlab chiqaruvchilarga qimmatbaho metallar keyinchalik xom ashyo koʻrinishida qayta sotish huquqisiz toʻgʻridan-toʻgʻri shartnoma asosida yoki tovar-xom ashyo birjasi orqali narxning 15 foizlik avans toʻlovini amalga oshirgan holda 180 kunga kechiktirib toʻlash sharti bilan sotiladi;
kechiktirib toʻlash sharti bilan sotib olingan qimmatbaho metallar uchun toʻlovlarni amalga oshirganda, 30 kun ichida amalga oshirilgan toʻlovlar qismiga — foiz hisoblanmaydi, 31-kundan 180 kun (shu kuni ham) ichida amalga oshirilgan toʻlovlar qismiga — 30-kundan keyin kechiktirib toʻlash imkoniyatidan foydalanilgan kunlarga mos ravishda Markaziy bank asosiy stavkasi miqdorida foiz hisoblanadi;
zargarlik markazlarida faoliyat yuritayotgan zargarlik buyumlarini ishlab chiqaruvchilar tomonidan kechiktirib toʻlash sharti bilan sotib olingan qimmatbaho metallar uchun toʻlovlar amalga oshirilganda, 90 kun ichida amalga oshirilgan toʻlovlar qismiga — foiz hisoblanmaydi, 91-kundan boshlab 180 kun (shu kuni ham) ichida amalga oshirilgan toʻlovlar qismiga — 90-kundan keyin kechiktirib toʻlash imkoniyatidan foydalanilgan kunlarga mos ravishda yillik 3 foiz miqdorida foiz hisoblanadi;
zargarlik buyumlarini ishlab chiqaruvchilar qimmatbaho metallarni toʻgʻridan-toʻgʻri shartnoma asosida sotib olish uchun “Navoiy kon-metallurgiya kombinati” AJ va “Olmaliq kon-metallurgiya kombinati” AJga qimmatbaho metallarga boʻlgan ehtiyojini koʻrsatgan holda murojaat qiladi;
zargarlik buyumlarini ishlab chiqaruvchilar tovar-xomashyo birjasi orqali 180 kunga kechiktirib toʻlash sharti bilan olingan qimmatbaho metallar uchun toʻlovni taʼminlash maqsadida “Navoiy kon-metallurgiya kombinati” AJ va “Olmaliq kon-metallurgiya kombinati” AJ bilan kelishilgan holda bank kafolatini yoki “Tadbirkorlikni rivojlantirish kompaniyasi” AJning kafilligini taqdim etadi;
bank yoki Eksportni ragʻbatlantirish agentligi tovar-xomashyo birjasi orqali 180 kunga kechiktirib toʻlash sharti bilan sotilgan qimmatbaho metallar uchun bank kafolatini (kafillikni) shartnoma summasining 85 foizigacha (85 foizi ham kiradi) miqdorda yillik 2 foizgacha komissiya undirgan holda taqdim etadi. Bunda, toʻlov majburiyatlarini taʼminlash maqsadida beriladigan bank kafolati va kafillik boʻyicha xizmat haqini taraflarning kelishuviga asosan qatʼiy miqdorlarda belgilashga ruxsat etiladi.
sotiladigan qimmatbaho metall boʻyicha “Navoiy kon-metallurgiya kombinati” AJ va “Olmaliq kon-metallurgiya kombinati” AJ bilan hisob-kitoblar toʻlov kunidagi London qimmatbaho metallar birjasining ertalabki fiksing narxi va Markaziy bankning kursidan kelib chiqib amalga oshiriladi;
marvarid, olmos va qimmatbaho toshlarga import bojxona bojlari solinmaydi (Oʻzbekiston Respublikasi Prezidentining 2018-yil 29-iyundagi “Oʻzbekiston Respublikasining tashqi iqtisodiy faoliyatini yanada tartibga solish hamda bojxona-tarif jihatdan tartibga solish tizimini takomillashtirish chora-tadbirlari toʻgʻrisida”gi PQ-3818-son qaroriga 1-ilovaning 7101 — 7104 TIF TN pozitsiyalari).
2. Belgilab qoʻyilsinki, 2021-yilda kechiktirib toʻlash sharti bilan sotish uchun zarur hajmdagi qimmatbaho metallar “Navoiy kon-metallurgiya kombinati” AJ va “Olmaliq kon-metallurgiya kombinati” AJ tomonidan birja savdolari orqali va toʻgʻridan-toʻgʻri shartnomalar asosida sotiladigan qimmatbaho metallar hajmi doirasida ajratiladi.
Iqtisodiy taraqqiyot va kambagʻallikni qisqartirish vazirligi Markaziy bank va “Oʻzbekzargarsanoati” uyushmasi bilan birgalikda 2022 va 2023-yillar uchun Qimmatbaho metallarni ishlab chiqarish boʻyicha davlat buyurtmasini shakllantirishda kechiktirib toʻlash sharti bilan sotish uchun zarur hajmdagi qimmatbaho metallar ajratilishini nazarda tutsin.
3. Shunday tartib oʻrnatilsinki, unga muvofiq 2021-yil 1-apreldan boshlab:
a) zargarlik buyumlariga asillik darajasi tamgʻasi va ishlab chiqaruvchining shaxsiy tamgʻasi mexanik (zarb) yoki lazer usullari yordamida tushirishga ruxsat etiladi. Bunda zargarlik buyumlariga lazer usullari yordamida tushirilgan shaxsiy tamgʻaning haqiqiyligini tasdiqlash ishlab chiqaruvchining zimmasiga yuklanadi;
b) zargarlik buyumlariga asillik darajasi tamgʻasi va ishlab chiqaruvchining shaxsiy tamgʻasi bilan tamgʻalash usuli zargarlik buyumlarini ishlab chiqaruvchilar tomonidan mustaqil belgilanadi;
v) affinaj faoliyatini amalga oshirish huquqi uchun litsenziyaga ega boʻlgan yuridik shaxslarga oʻzlari ishlab chiqargan oʻlchovli yombilarni jismoniy va yuridik shaxslarga sotishga ruxsat beriladi. Bunda, yombilarni sotish narxi hisob-kitob amalga oshirilgan sanadagi London qimmatbaho metallar birjasining ertalabki fiksing narxi va Markaziy bankning kursidan kam boʻlmagan miqdorda ishlab chiqaruvchi tomonidan mustaqil belgilanadi;
g) qimmatbaho metallardan va qimmatbaho (yarim qimmatbaho) toshlardan yasalgan zargarlik buyumlarini ichki va tashqi bozorlarda elektron tijorat orqali sotishga ruxsat beriladi;
d) quyidagi hollarda qimmatbaho metall va qimmatbaho toshlar bilan bogʻliq boʻlgan operatsiyalarni amalga oshiruvchi shaxslar tomonidan mijozni, uning vakilini va benefitsiar mulkdorni tekshirish (ulardan shaxsini tasdiqlovchi hujjat, davlat roʻyxatidan oʻtkazilganligi toʻgʻrisidagi guvohnoma, taʼsis hujjatlari va boshqa maʼlumotlarni soʻrab olish) talab etilmaydi:
naqd pulda oʻzaro hisob-kitob amalga oshirilganda operatsiyaning umumiy summasi bazaviy hisoblash miqdorining 600 baravaridan oshmagan taqdirda;
operatsiyaning umumiy summasidan qatʼi nazar, oʻzaro hisob-kitob naqd pulsiz va jismoniy shaxslarning plastik kartalari orqali amalga oshirilganda.
Bunda, mijoz, uning vakili va benefitsiar mulkdorning jinoiy faoliyatdan olingan daromadlarni legallashtirishga va terrorizmni moliyalashtirishga aloqadorligi haqida asoslangan shubhalar mavjud boʻlgan holatlarda operatsiyaning summasi va toʻlov shaklidan qatʼi nazar, mijozni, uning vakilini va benefitsiar mulkdorni tekshirish choralari koʻrilishi lozim.
5. Belgilansinki, “Oʻzmilliybank” AJ tomonidan mazkur qarorning 4-bandida belgilangan mablagʻlar hisobidan zargarlik buyumlarini ishlab chiqaruvchilarga ishlab chiqarish ehtiyojlari uchun asbob-uskuna, ehtiyot qismlari va xom ashyo xarid qilish, aylanma mablagʻlarini toʻldirish maqsadida kuyidagi shartlarda mikrokreditlar ajratiladi:
300 million soʻmgacha boʻlgan miqdorda 3 yil muddatga, 6 oygacha imtiyozli davr bilan;
qonunchilik hujjatlarida nazarda tutilgan taʼminot turlari asosida.
6. Bandlik va mehnat munosabatlari vazirligi “Oʻzbekzargarsanoati” uyushmasi bilan birgalikda:
“Oʻzbekzargarsanoati” uyushmasining asoslangan buyurtmalariga asosan Qoraqalpogʻiston Respublikasi, viloyatlar va Toshkent shahridagi “Ishga marhamat” monomarkazlari va kasb-hunarga oʻqitish markazlarida hamda “ustoz-shogird” uslubida zargarlik sohasida talab yuqori boʻlgan yoʻnalishlar boʻyicha zamonaviy koʻnikmalar asosida yoshlar uchun oʻquv kurslar tashkil etilishini;
zargarlik sohasidagi zamonaviy va innovatsion texnologiyalardan foydalanishga oʻrgatish jarayonlariga ishlab chiqaruvchi tashkilotlar vakillari va ulardan foydalanish koʻnikmalariga ega malakali mutaxassislar jalb etilishini taʼminlasin.
7. 2021 — 2023-yillarda zargarlik buyumlarini ishlab chiqarish, yosh mutaxassislarni tayyorlash va yaratiladigan yangi ish oʻrinlarining maqsadli parametrlari 1-ilovaga muvofiq tasdiqlansin.
Iqtisodiy taraqqiyot va kambagʻallikni qisqartirish vazirligi, Bandlik va mehnat munosabatlari vazirligi, “Oʻzbekzargarsanoati” uyushmasi ushbu bandda nazarda tutilgan maqsadli parametrlarga toʻliq va oʻz vaqtida erishilishi boʻyicha zarur chora-tadbirlarni amalga oshirsin.
8. Moliya vazirligi Davlat soliq qoʻmitasi bilan birgalikda 2021-yil 1-mayga qadar Soliq kodeksiga quyidagilarni nazarda tutuvchi oʻzgartirish va qoʻshimchalarni kiritish toʻgʻrisidagi qonun loyihasini ishlab chiqib, Vazirlar Mahkamasiga kiritilishini taʼminlasin:
qimmatbaho metallarni ishlab chiqarishda hosil boʻladigan parchalarni va chiqindilarni, qimmatbaho metallarning oʻlchov plastinalari va granulalari, qimmatbaho va yarim qimmatbaho toshlar, qimmatbaho metallar va qimmatbaho toshlardan yasalgan yarim tayyor mahsulotlarni realizatsiya qilish boʻyicha aylanmani qoʻshilgan qiymat soligʻidan ozod etish;
2023-yil 1-martga qadar “Oʻzbekzargarsanoati” uyushmasiga aʼzo boʻlgan zargarlik buyumlarini ishlab chiqaruvchi yakka tartibdagi tadbirkorlarga “Hunarmand” uyushmasi aʼzolari uchun berilgan soliq imtiyozlarini tatbiq etish.
9. Buxoro, Samarqand, Namangan va Fargʻona viloyatlari hokimliklari Buxoro, Samarqand, Namangan va Qoʻqon shaharlari hududlarida joylashgan yirik bozorlarning zargarlik buyumlarini chakana sotishga ixtisoslashgan savdo rastalari oʻrnida milliy brend asosida ishlab chiqariladigan zargarlik buyumlarining zamonaviy koʻrgazma-savdo doʻkonlari va zargarlik savdo-ishlab chiqarish markazlarini tashkil etish choralarini koʻrsin.
10. Investitsiyalar va tashqi savdo vazirligi, Iqtisodiy taraqqiyot va kambagʻallikni qisqartirish vazirligi Oʻzbekiston milliy zargarlik brendini jahonga tanitish maqsadida 2021-yilda Dubay (BAA) shahrida oʻtkazilishi rejalashtirilgan “World Expo — 2021”, keyinchalik xorijiy davlatlarda tashkil etiladigan barcha nufuzli koʻrgazmalar doirasida zargarlik buyumlari ishlab chiqaruvchilarning mahsulotlari namoyish etilishini tashkil etsin.
11. Belgilansinki, 2023-yil 1-yanvarga qadar zargarlik buyumlari ishlab chiqaruvchilarning xalqaro koʻrgazmalarda ishtirok etish bilan bogʻliq xarajatlari Investitsiyalar va tashqi savdo vazirligi huzuridagi Eksportni ragʻbatlantirish agentligi tomonidan kompensatsiya qilinadi.
Tashqi savdo, investitsiyalar, mahalliy sanoatni rivojlantirish va texnik jihatdan tartibga solish masalalari boʻyicha Hukumat komissiyasiga mazkur bandda nazarda tutilgan kompensatsiya berishning vaqtinchalik tartibini tasdiqlash vakolati berilsin.
12. Oʻzbekiston Respublikasi Prezidentining 2018-yil 29-iyundagi “Oʻzbekiston Respublikasining tashqi iqtisodiy faoliyatini yanada tartibga solish hamda bojxona-tarif jihatdan tartibga solish tizimini takomillashtirish chora-tadbirlari toʻgʻrisida”gi PQ-3818-son qaroriga 2-ilovaga muvofiq qoʻshimcha va oʻzgartirishlar kiritilsin.
13. Iqtisodiy taraqqiyot va kambagʻallikni qisqartirish vazirligi Moliya vazirligi, manfaatdor vazirlik va idoralar bilan birgalikda bir oy muddatda qonun hujjatlariga ushbu qarordan kelib chiqadigan oʻzgartirish va qoʻshimchalar toʻgʻrisida Vazirlar Mahkamasiga takliflar kiritsin.
14. Mazkur qaror ijrosini samarali tashkil etishga masʼul va shaxsiy javobgar etib Bosh vazir oʻrinbosari J.A. Qoʻchqorov va moliya vaziri T.A. Ishmetov belgilansin.
Qaror ijrosi uchun masʼul idoralar faoliyatini muvofiqlashtirish va nazorat qilish Oʻzbekiston Respublikasining Bosh vaziri A.N. Aripov zimmasiga yuklansin.
Oʻzbekiston Respublikasi Prezidentining 2021-yil 22-fevraldagi PQ-4998-son qaroriga 1-ILOVA
2021 — 2023-yillarda zargarlik buyumlarini ishlab chiqarish, yosh mutaxassislarni tayyorlash va yaratiladigan yangi ish oʻrinlari
T/r Hududlar boʻyicha Zargarlik buyumlarini ishlab chiqarish (kg) Zargarlik buyumlarini ishlab chiqarish boʻyicha yosh mutaxassislarni tayyorlash (nafar) 2021 — 2023-yillarda yaratiladigan yangi ish oʻrinlari 2021 — 2023-yillarda jami Tilla buyumlar Kumush buyumlar “Ishga marhamat” mono-markazlari va kasb-hunarga oʻqitish markazlarida “Ustoz-shogird” usulida jami tilla buyum kumush buyum 2021-y. 2022-y. 2023-y. 2021-y. 2022-y. 2023-y. jami 2021-y. 2022-y. 2023-y. jami 2021-y. 2022-y. 2023-y. 1. Qoraqalpogʻiston Respublikasi 580 380 200 80 120 180 50 65 85 120 30 30 60 1 230 150 330 750 1 350 2. Andijon 714 475 239 100 150 225 60 78 101 180 30 60 90 1 570 170 500 900 1 750 3. Buxoro 1 032 713 319 150 225 338 80 104 135 270 60 90 120 2 460 300 660 1 500 2 730 4. Jizzax 317 238 80 50 75 113 20 26 34 120 30 30 60 820 100 220 500 940 5. Qashqadaryo 580 380 200 80 120 180 50 65 85 210 30 60 120 1 480 180 400 900 1 690 6. Navoiy 317 238 80 50 75 113 20 26 34 120 30 30 60 820 100 220 500 940 7. Namangan 1 349 950 399 200 300 450 100 130 169 270 60 90 120 2 800 300 800 1 700 3 070 8. Samarqand 1 666 1 188 479 250 375 563 120 156 203 300 60 90 150 2 460 300 660 1 500 2 760 9. Sirdaryo 270 190 80 40 60 90 20 26 34 120 30 30 60 820 100 220 500 940 10. Surxondaryo 540 380 160 80 120 180 40 52 68 180 30 60 90 1 470 170 400 900 1 650 11. Toshkent 492 333 160 70 105 158 40 52 68 180 30 60 90 1 700 200 500 1 000 1 880 12. Fargʻona 580 380 200 80 120 180 50 65 85 210 60 60 90 1 770 170 700 900 1 980 13. Xorazm 580 380 200 80 120 180 50 65 85 180 30 60 90 1 670 170 600 900 1 850 14. Toshkent sh. 5 795 3 800 1 995 800 1 200 1 800 500 650 845 570 150 180 240 5 400 600 1 700 3 100 5 970 Jami 14 811 10 023 4 788 2 110 3 165 4 748 1 200 1 560 2 028 3 030 660 930 1 440 26 470 3 010 7 910 15 550 29 500
Oʻzbekiston Respublikasi Prezidentining 2021-yil 22-fevraldagi PQ-4998-son qaroriga 2-ILOVA
Oʻzbekiston Respublikasi Prezidentining 2018-yil 29-iyundagi “Oʻzbekiston Respublikasining tashqi iqtisodiy faoliyatini yanada tartibga solish hamda bojxona-tarif jihatdan tartibga solish tizimini takomillashtirish chora-tadbirlari toʻgʻrisida”gi PQ-3818-son qaroriga kiritilayotgan qoʻshimcha va oʻzgartirishlar
Oʻzbekiston Respublikasi Prezidentining 2018-yil 29-iyundagi “Oʻzbekiston Respublikasining tashqi iqtisodiy faoliyatini yanada tartibga solish hamda bojxona-tarif jihatdan tartibga solish tizimini takomillashtirish chora-tadbirlari toʻgʻrisida”gi PQ-3818-son qaroriga 1-ilovaning rus tili matnida :
“7101”, “7102”, “7103” va “7104” pozitsiyalarining “Stavka poshlini (v % ot tamojennoy stoimosti tovara ili v dollarax SSHA za yed. izm.)” ustunidagi “10” raqami “*” belgisi bilan toʻldirilsin;
“7210 49 000 0” va “7210 70 800 0” pozitsiyalarining “Stavka poshlini (v % ot tamojennoy stoimosti tovara ili v dollarax SSHA za yed. izm.)” ustunidagi “10*” soʻzlari “10**” soʻzlari bilan almashtirilsin;
izoh quyidagi tahrirda bayon etilsin:
Oʻzbekiston Respublikasi Prezidenti Sh. MIRZIYOYEV
Toshkent sh.,
2021-yil 22-fevral,
PQ-4998-son
Президента Республики Узбекистан
Постановление
ЦЕЛЕВЫЕ ПАРАМЕТРЫ
О мерах по созданию благоприятных условий для дальнейшего развития ювелирной промышленности
В целях эффективного использования мощностей по производству ювелирных изделий из драгоценных металлов и драгоценных камней, совершенствования разрешительных процедур и устранения бюрократических барьеров в данной сфере, а также укрепления на этой основе кадрового потенциала за счет создания новых рабочих мест и подготовки молодых специалистов:
1. Одобрить предложения Министерства экономического развития и сокращения бедности, Центрального банка и Ассоциации «Узбекзаргарсаноати» о внедрении на срок до 1 марта 2026 года порядка реализации драгоценных металлов производителям ювелирных изделий на основе прямого договора или с условием отсрочки платежа.
Установить, что:
в рамках Государственного заказа на производство драгоценных металлов АО «Навоийский горно-металлургический комбинат» и АО «Алмалыкский горно-металлургический комбинат» реализуют драгоценные металлы производителям ювелирных изделий в виде сырья без права перепродажи на основании прямого договора или через товарно-сырьевую биржу с осуществлением 15-процентной предоплаты от стоимости и условием отсрочки платежа на 180 дней;
при осуществлении платежей за драгоценные металлы, закупленные с условием отсрочки платежа, на часть платежей, произведенных в течение 30 дней, проценты не начисляются, а на часть платежей, произведенных с 31-го дня по 180 день включительно, — начисляются проценты в размере основной ставки Центрального банка пропорционально дням использования возможности уплаты в рассрочку, исчисляемых после 30 дня;
при осуществлении производителями ювелирных изделий, ведущими деятельность в ювелирных центрах, платежей за драгоценные металлы, закупленные с условием отсрочки платежа, на часть платежей, произведенных в течение 90 дней, проценты не начисляются, а на часть платежей, произведенных с 91-го дня по 180-й день включительно, — начисляются проценты в размере 3 процентов годовых пропорционально дням использования возможности уплаты в рассрочку, исчисляемых после 90-го дня;
для закупки драгоценных металлов на основе прямого договора производители ювелирных изделий обращаются в АО «Навоийский горно-металлургический комбинат» и АО «Алмалыкский горно-металлургический комбинат» с указанием потребности в драгоценных металлах;
в целях обеспечения оплаты за драгоценные металлы, приобретенные через товарно-сырьевую биржу с условием отсрочки платежа на 180 дней, производители ювелирных изделий по согласованию с АО «Навоийский горно-металлургический комбинат» и АО «Алмалыкский горно-металлургический комбинат» предоставляют банковскую гарантию или поручительство АО «Компания по развитию предпринимательства»;
банк или Агентство продвижения экспорта предоставляют банковскую гарантию (поручительство) на драгоценные металлы, реализуемые через товарно-сырьевую биржу с условием отсрочки платежа на 180 дней, в размере до 85 процентов (включительно) от суммы договора с взиманием комиссии до 2 процентов годовых. При этом по соглашению сторон допускается устанавливать плату за обслуживание банковской гарантии и поручительства, предоставляемых с целью обеспечения платежных обязательств, в фиксированных размерах.
расчеты с АО «Навоийский горно-металлургический комбинат» и АО «Алмалыкский горно-металлургический комбинат» за релизуемые драгоценные металлы осуществляются исходя из цены утреннего фиксинга Лондонской биржи драгоценных металлов и курса Центрального банка на день платежа;
жемчуг, алмазы и драгоценные камни не облагаются импортными таможенными пошлинами (позиции ТН ВЭД 7101 — 7104 приложения № 1 к постановлению Президента Республики Узбекистан от 29 июня 2018 года № ПП-3818 «О мерах по дальнейшему упорядочению внешнеэкономической деятельности и совершенствованию системы таможенно-тарифного регулирования Республики Узбекистан»).
2. Определить, что в 2021 году объем драгоценных металлов, необходимый для реализации с условием отсрочки платежа, выделяется АО «Навоийский горно-металлургический комбинат» и АО «Алмалыкский горно-металлургический комбинат» в пределах объема драгоценных металлов, реализуемых посредством биржевых торгов и на основании прямых договоров.
Министерству экономического развития и сокращения бедности совместно с Центральным банком и Ассоциацией «Узбекзаргарсаноати» при формировании Государственного заказа на производство драгоценных металлов на 2022 и 2023 годы предусмотреть выделение необходимого объема драгоценных металлов для реализации с условием отсрочки платежа.
3. Установить порядок, в соответствии с которым начиная с 1 апреля 2021 года:
а) разрешается нанесение пробирного клейма и персонального клейма производителя механическим (ударным) или лазерными методами. При этом обязанность по подтверждению подлинности персонального клейма, нанесенного на ювелирные изделия лазерными методами, возлагается на производителя;
б) способ клеймения ювелирных изделий пробирным клеймом и персональным клеймом производителя определяется производителями ювелирных изделий самостоятельно;
в) юридическим лицам, имеющим лицензию на право осуществления аффинажной деятельности, разрешается реализация физическим и юридическим лицам мерных слитков собственного производства. При этом стоимость реализации слитков устанавливается производителями самостоятельно в размере не менее цены утреннего фиксинга Лондонской биржи драгоценных металлов и курса Центрального банка на день осуществления расчета;
г) разрешается реализация на внутреннем и внешнем рынках ювелирных изделий, изготовленных из драгоценных металлов и драгоценных (полудрагоценных) камней, посредством электронной коммерции;
д) проверка клиента, его представителя и бенефициарного собственника (истребование документов, удостоверяющих личность, свидетельства о государственной регистрации, учредительных документов и иных данных) лицами, осуществляющими операции, связанные с драгоценными металлами и драгоценными камнями, не требуется в случаях:
осуществления взаиморасчета в наличной форме, если общая сумма сделки не превышает 600-кратного размера базовой расчетной величины;
осуществления взаиморасчета в безналичной форме или посредством пластиковых карт физических лиц, независимо от общей суммы сделки.
Вместе с тем при наличии обоснованных подозрений в причастности клиента, его представителя и бенефициарного собственника к легализации доходов, полученных в результате преступной деятельности, и финансированию терроризма требуется принятие мер по проверке клиента, его представителя и бенефициарного собственника независимо от суммы транзакции и формы оплаты.
5. Установить, что АО «Узнацбанк» за счет средств, указанных в пункте 4 настоящего постановления, выделяет производителям ювелирных изделий микрокредиты на закупку оборудования, запасных частей и сырья для производственных нужд и пополнение оборотных средств:
в размере до 300 миллионов сумов на срок три года, включая льготный период до шести месяцев;
на основании видов обеспечения, предусмотренных актами законодательства.
6. Министерству занятости и трудовых отношений совместно с Ассоциацией «Узбекзаргарсаноати» обеспечить:
на основании обоснованных заказов Ассоциации «Узбекзаргарсаноати» организацию в моноцентрах «Ишга мархамат» и центрах профессионального обучения Республики Каракалпакстан, областей и города Ташкента учебных курсов для молодежи по востребованным направлениям ювелирной сферы на основе современных навыков, в том числе по методу «устоз — шогирд»;
привлечение к процессам обучения использованию современных и инновационных технологий в ювелирной сфере представителей производственных организаций и квалифицированных специалистов, обладающих навыками применения данных технологий.
7. Утвердить Целевые параметры производства ювелирных изделий, подготовки молодых специалистов и создания новых рабочих мест в 2021 — 2023 годах согласно приложению № 1 .
Министерству экономического развития и сокращения бедности, Министерству занятости и трудовых отношений, Ассоциации «Узбекзаргарсаноати» осуществить необходимые меры по полному и своевременному достижению целевых параметров, предусмотренных данным пунктом.
8. Министерству финансов совместно с Государственным налоговым комитетом в срок до 1 мая 2021 года обеспечить разработку и внесение в Кабинет Министров проекта закона о внесении изменений и дополнений в Налоговый кодекс, предусматривающего:
освобождение от налога на добавленную стоимость оборота по реализации лома и отходов, образующихся в процессе производства драгоценных металлов, мерных пластин и гранул драгоценных металлов, драгоценных и полудрагоценных камней, а также полуфабрикатов, изготовленных из драгоценных металлов и драгоценных камней;
распространение на срок до 1 марта 2023 года налоговых льгот, предоставленных членам Ассоциации «Хунарманд», на индивидуальных предпринимателей — производителей ювелирных изделий, являющихся членами Ассоциации «Узбекзаргарсаноати».
9. Хокимиятам Бухарской, Самаркандской и Ферганской областей принять меры по созданию современных торгово-выставочных магазинов по продаже ювелирных изделий как продукции национального бренда, а также торгово-производственных центров на месте торговых рядов, специализированных на розничной торговле ювелирными изделиями, крупных рынков городов Бухары, Самарканда, Намангана и Коканда.
10. Министерству инвестиций и внешней торговли, Министерству экономического развития и сокращения бедности в целях продвижения национального ювелирного бренда Узбекистана в мировом масштабе организовать демонстрацию продукции производителей ювелирных изделий на выставке «World Expo — 2021», запланированной к проведению в городе Дубае (ОАЭ) в 2021 году, в последующем — на всех престижных выставках, проводимых в зарубежных государствах.
11. Определить, что на срок до 1 января 2023 года расходы производителей ювелирных изделий, связанных с их участием в международных выставках, компенсируются Агентством продвижения экспорта при Министерстве инвестиций и внешней торговли.
Уполномочить Правительственную комиссию по вопросам внешней торговли, инвестиций, развития местной промышленности и технического регулирования утверждать временный порядок предоставления компенсации, предусмотренной данным пунктом.
12. Внести дополнение и изменения в постановление Президента Республики Узбекистан от 29 июня 2018 года № ПП-3818 «О мерах по дальнейшему упорядочению внешнеэкономической деятельности и совершенствованию системы таможенно-тарифного регулирования Республики Узбекистан» согласно приложению № 2 .
13. Министерству экономического развития и сокращения бедности совместно с Министерством финансов, а также заинтересованными министерствами и ведомствами в месячный срок внести в Кабинет Министров предложения об изменениях и дополнениях в законодательство, вытекающих из настоящего постановления.
14. Возложить на заместителя Премьер-министра Ж.А. Кучкарова и министра финансов Т.А. Ишметова персональную ответственность за организацию эффективного исполнения настоящего постановления.
Осуществление координации и контроля за деятельностью ведомств, ответственных за исполнение настоящего постановления, возложить на Премьер-министра Республики Узбекистан А.Н. Арипова.
ПРИЛОЖЕНИЕ № 1 к постановлению Президента Республики Узбекистан от 22 февраля 2021 года № ПП-4998
производства ювелирных изделий, подготовки молодых специалистов и создания новых рабочих мест в 2021 — 2023 годах
№ По регионам Производство ювелирных изделий (кг) Подготовка молодых специалистов по производству ювелирных изделий (человек) новые рабочие места, создаваемые в 2021 — 2023 годах Всего в 2021 — 2023 годах Изделия из золота Изделия из серебра в моноцентрах «Ишга мархамат» и центрах профессионального обучения методом «Устоз-шогирд» всего изделия из золота изделия из серебра 2021 г . 2022 г . 2023 г . 2021 г . 2022 г . 2023 г . всего 2021 г . 2022 г . 2023 г . всего 2021 г . 2022 г . 2023 г . 1. Республика Каракалпакстан 580 380 200 80 120 180 50 65 85 120 30 30 60 1 230 150 330 750 1 350 2. Андижанская область 714 475 239 100 150 225 60 78 101 180 30 60 90 1 570 170 500 900 1 750 3. Бухарская область 1 032 713 319 150 225 338 80 104 135 270 60 90 120 2 460 300 660 1 500 2 730 4. Джизакская область 317 238 80 50 75 113 20 26 34 120 30 30 60 820 100 220 500 940 5. Кашкадарьинская область 580 380 200 80 120 180 50 65 85 210 30 60 120 1 480 180 400 900 1 690 6. Навоийская область 317 238 80 50 75 113 20 26 34 120 30 30 60 820 100 220 500 940 7. Наманганская область 1 349 950 399 200 300 450 100 130 169 270 60 90 120 2 800 300 800 1 700 3 070 8. Самаркандская область 1 666 1 188 479 250 375 563 120 156 203 300 60 90 150 2 460 300 660 1 500 2 760 9. Сырдарьинская область 270 190 80 40 60 90 20 26 34 120 30 30 60 820 100 220 500 940 10. Сурхандарьинская область 540 380 160 80 120 180 40 52 68 180 30 60 90 1 470 170 400 900 1 650 11. Ташкентская область 492 333 160 70 105 158 40 52 68 180 30 60 90 1 700 200 500 1 000 1 880 12. Ферганская область 580 380 200 80 120 180 50 65 85 210 60 60 90 1 770 170 700 900 1 980 13. Хорезмская область 580 380 200 80 120 180 50 65 85 180 30 60 90 1 670 170 600 900 1 850 14. Город Ташкент 5 795 3 800 1 995 800 1 200 1 800 500 650 845 570 150 180 240 5 400 600 1 700 3 100 5 970 Всего 14 811 10 023 4 788 2 110 3 165 4 748 1 200 1 560 2 028 3 030 660 930 1 440 26 470 3 010 7 910 15 550 29 500
ПРИЛОЖЕНИЕ № 2 к постановлению Президента Республики Узбекистан от 22 февраля 2021 года № ПП-4998
Дополнение и изменения, вносимые в постановление Президента Республики Узбекистан от 29 июня 2018 года № ПП-3818 «О мерах по дальнейшему упорядочению внешнеэкономической деятельности и совершенствованию системы таможенно-тарифного регулирования Республики Узбекистан»
В тексте на русском языке приложения № 1 к постановлению Президента Республики Узбекистан от 29 июня 2018 года № ПП-3818 «О мерах по дальнейшему упорядочению внешнеэкономической деятельности и совершенствованию системы таможенно-тарифного регулирования Республики Узбекистан»:
в позициях «7101», «7102», «7103» и «7104» графы «Ставка пошлины (в % от таможенной стоимости товара или в долларах США за ед. изм.)» цифру «10» дополнить знаком «*»;
в позициях «7210 49 000 0» и «7210 70 800 0» графы «Ставка пошлины (в % от таможенной стоимости товара или в долларах США за ед. изм.)» слова «10*» заменить словами «10**»;
примечание изложить в следующей редакции:
Президент Республики Узбекистан Ш. МИРЗИЁЕВ
г. Ташкент,
22 февраля 2021 г.,
№ ПП-4998