📅 2021-yil 23-fevral · Vazirlar Mahkamasi qarorlari
Rasmiy matn. Rasmiy hujjat. Tahririy izohlar kiritilmagan.
UzbekAI
📅 2021 йил 23 февраль · Вазирлар Маҳкамаси қарорлари
Расмий матн. Расмий ҳужжат. Таҳририй изоҳлар киритилмаган.
📅 23 февраля 2021 г. · Постановления Кабинета Министров
Официальный текст. Официальный документ. Редакционные примечания не включены.
📅 23 February 2021 · Cabinet of Ministers resolutions
Official text. Official document. Editorial notes are not included.
Ўзбекистон Республикаси Вазирлар Маҳкамасининг
қарори
НИЗОМ
СХЕМАСИ
Органик қишлоқ хўжалиги ва озиқ-овқат маҳсулотлари ишлаб чиқаришни ихтиёрий сертификатлаштиришдан ўтказиш тартиби тўғрисидаги низомни тасдиқлаш ҳақида
Ўзбекистон Республикаси Президентининг «Қишлоқ хўжалиги маҳсулотларининг сифат ва хавфсизлик кўрсаткичлари халқаро стандартларга мувофиқлигини таъминлашга доир қўшимча чора-тадбирлар тўғрисида» 2020 йил 18 майдаги ПФ-5995-сон Фармони ижроси юзасидан Вазирлар Маҳкамаси қарор қилади:
1. Қуйидагиларни назарда тутувчи Органик қишлоқ хўжалиги ва озиқ-овқат маҳсулотлари ишлаб чиқаришни ихтиёрий сертификатлаштиришдан ўтказиш тартиби тўғрисидаги низом иловага мувофиқ тасдиқлансин:
органик қишлоқ хўжалиги ва озиқ-овқат маҳсулотлари ишлаб чиқаришни ихтиёрий сертификатлашни ташкил этиш;
органик қишлоқ хўжалиги ва озиқ-овқат маҳсулотлари ишлаб чиқаришни ихтиёрий сертификатлашда ўтиш даври тартиб-таомиллари;
мувофиқликни баҳолаш органи томонидан инспекция назоратини амалга ошириш;
органик мувофиқлик сертификатини расмийлаштириш, амал қилишини тўхтатиб туриш, тугатиш ва бекор қилиш, органик мувофиқлик сертификатини қайта расмийлаштириш тартиби.
2. Белгилаб қўйилсинки, органик қишлоқ хўжалиги ва озиқ-овқат маҳсулотлари ишлаб чиқаришни ихтиёрий сертификатлаштириш қуйидагиларга нисбатан татбиқ этилади:
қайта ишланмаган қишлоқ хўжалиги экинлари;
тирик ҳайвонлар, паррандалар ва улардан олинган маҳсулотлар (қайта ишланган маҳсулотлар бундан мустасно);
қайта ишланган қишлоқ хўжалиги ва озиқ-овқат маҳсулотлари;
ҳайвонларнинг озуқа еми сифатида қайта ишланган қишлоқ хўжалиги маҳсулотлари;
ўсимлик уруғлари ва экиш материаллари;
қўлланиладиган ўғитлар ва ўсимликларни ҳимоя қилиш воситалари ҳамда препаратлар.
3. Ўзбекистон Республикаси Қишлоқ хўжалиги вазирлиги манфаатдор вазирлик ва идоралар билан биргаликда ўзлари қабул қилган норматив-ҳуқуқий ҳужжатларни икки ой муддатда ушбу қарорга мувофиқлаштирсин.
4. Мазкур қарорнинг бажарилишини назорат қилиш Ўзбекистон Республикаси Бош вазирининг аграр ва озиқ-овқат соҳаларини ривожлантириш масалалари бўйича ўринбосари Ш.М. Ғаниев ва Ўзбекистон Республикаси қишлоқ хўжалиги вазири Ж.А. Ходжаев зиммасига юклансин.
Вазирлар Маҳкамасининг 2021 йил 23 февралдаги 96-сон қарорига ИЛОВА
Органик қишлоқ хўжалиги ва озиқ-овқат маҳсулотлари ишлаб чиқаришни ихтиёрий сертификатлаштиришдан ўтказиш тартиби тўғрисида
1-боб. Умумий қоидалар
1. Мазкур Низом органик қишлоқ хўжалиги ва озиқ-овқат маҳсулотлари ишлаб чиқаришни ихтиёрий сертификатлаштиришдан ўтказиш тартибини белгилайди.
2. Ушбу Низомда қуйидаги асосий тушунчалар қўлланилади:
ариза берувчи — органик мувофиқлик сертификатини олиш юзасидан мувофиқликни баҳолаш органига ариза билан мурожаат қилувчи юридик ёки жисмоний шахс;
ваколатли давлат органи — Ўзбекистон Республикаси Қишлоқ хўжалиги вазирлиги;
инспектор — мувофиқликни баҳолаш органи томонидан ариза берувчининг органик ишлаб чиқариш жойида инспекция назоратини амалга ошириш учун тайинланган мутахассис;
инспекция назорати — органик қишлоқ хўжалиги ва озиқ-овқат маҳсулотларини ишлаб чиқаришнинг барча жараёнларининг ушбу Низом ва техник жиҳатдан тартибга солиш соҳасидаги норматив ҳужжатларда белгиланган талабларга мувофиқлигини текшириш;
қайта ишланган органик қишлоқ хўжалиги ва озиқ-овқат маҳсулоти — техник жиҳатдан тартибга солиш соҳасидаги норматив ҳужжатлар талабларига мувофиқ якуний тайёр маҳсулот таркибида масса улуши 95 фоиздан кам бўлмаган миқдорда органик хом ашёлардан иборат бўлган, шунингдек, таркибида озуқа тузлари ва сувларидан ташқари органик бўлмаган ингредиентларнинг масса улуши 5 фоиздан ошмаган қайта ишланган озиқ-овқат маҳсулотлари;
мувофиқликни баҳолаш органи — юридик шахс бўлган ва мувофиқликни баҳолашга доир ишларни бажариш учун белгиланган тартибда аккредитация қилинган сертификатлаштириш органи;
органик мувофиқлик сертификати — қишлоқ хўжалиги ва озиқ-овқат маҳсулотларини ишлаб чиқариш жараёнларининг техник жиҳатдан тартибга солиш соҳасидаги норматив ҳужжатларда белгиланган талабларга мувофиқлигини тасдиқлаш учун сертификатлаштириш тизими қоидаларига биноан берилган ҳужжат;
тартиб-таомил ҳужжатлари — мувофиқликни баҳолаш органи томонидан амалга ошириладиган жараёнлар кетма-кетликда олиб борилиши тўғрисидаги маълумотларни ўз ичига олган ҳужжатлар;
тирик ҳайвонлар, паррандалар ва улардан олинган, лекин қайта ишланмаган маҳсулотлар — органик қишлоқ хўжалиги маҳсулотларини ишлаб чиқариш талабларига мувофиқ етиштирилган ва уларда олинган наслли ҳайвонлардан, асаларилардан, паррандалардан олинадиган маҳсулотлар.
ўтиш даври — қишлоқ хўжалиги маҳсулотларини анъанавий усулда етиштиришдан техник жиҳатдан тартибга солиш соҳасидаги норматив ҳужжатларда белгиланган давр ичида органик усулда етиштиришга ўтиш муддати.
3. Органик қишлоқ хўжалиги ва озиқ-овқат маҳсулотлари ишлаб чиқаришни ихтиёрий сертификатлаштиришдан ўтказиш доираси қуйидагилардан иборат:
қайта ишланмаган қишлоқ хўжалиги экинлари;
тирик ҳайвонлар, паррандалар ва улардан олинган маҳсулотлар (қайта ишланган маҳсулотлар бундан мустасно);
қайта ишланган қишлоқ хўжалиги ва озиқ-овқат маҳсулотлари;
ҳайвонларнинг озуқа еми сифатида қайта ишланган қишлоқ хўжалиги маҳсулотлари;
ўсимлик уруғлари ва экиш материаллари;
қўлланиладиган ўғитлар ва ўсимликларни ҳимоя қилиш воситалари ҳамда препаратлари.
4. Мазкур Низом талаблари техник жиҳатдан тартибга солиш соҳасидаги норматив ҳужжатларга номувофиқ етиштирилган ҳамда қайта ишланган қишлоқ хўжалиги ва озиқ-овқат маҳсулотларига, шунингдек, Global G.A.P., ISO 22000, НACCP, Нalal халқаро стандартлар талабларига асосан сертификатланган ҳамда маркировкаланган қадоқлардаги маҳсулотларга татбиқ этилмайди.
5. Органик қишлоқ хўжалиги ва озиқ-овқат маҳсулотларини ишлаб чиқариш ушбу Низомга 1-иловага мувофиқ схема бўйича ихтиёрий сертификатлаштиришдан ўтказилади.
2-боб. Сертификатлаштиришни ташкил этиш
6. Органик мувофиқлик сертификатини расмийлаштириш мувофиқликни баҳолаш органлари томонидан амалга оширилади.
Мувофиқликни баҳолаш органи ариза берувчи томонидан мустақил равишда танланади.
7. Ариза берувчи мувофиқликни баҳолаш органига мазкур Низомга 2-иловага мувофиқ шаклдаги органик қишлоқ хўжалиги маҳсулотларини етиштириш ва қайта ишлаш тизимини ихтиёрий сертификатлаштириш учун аризани ёзма ёки электрон шаклда тақдим этади.
8. Аризага қуйидагилар илова қилинади:
ушбу Низомга 2а-иловага мувофиқ шаклдаги ариза берувчининг фаолияти бўйича умумий маълумот;
ушбу Низомга 2б-иловага мувофиқ шаклдаги ишлаб чиқариш бинолари, омборхоналар, сақлаш майдонлари ва совиткичларнинг тавсифлари;
ушбу Низомга 2в-иловага мувофиқ шаклдаги тегишли йилга ишлаб чиқариш режаси.
9. Ариза берувчининг сертификатлаштириш доирасини инобатга олган ҳолда аризага қуйидагилар ҳам илова қилинади:
қайта ишланмаган қишлоқ хўжалиги экинлари учун — мазкур Низомга 2г-иловага мувофиқ шаклдаги алмашлаб экиш ва ўғитлаш режаси;
тирик ҳайвонлар, паррандалар ва улардан олинган лекин қайта ишланмаган маҳсулотлар учун — ушбу Низомга 2д-иловага мувофиқ шаклдаги қишлоқ хўжалиги чорва моллари ҳамда режалаштирилган чорва маҳсулотлари ҳақида маълумот;
асаларичилик соҳасида органик ишлаб чиқариш учун — мазкур Низомга 2е-иловага мувофиқ шаклдаги асаларичилик фаолияти бўйича маълумот.
10. Мувофиқликни баҳолаш органи ариза берувчининг талабига мувофиқ қуйидагиларни ариза қабул қилингунга қадар тақдим этиши лозим:
органик қишлоқ хўжалиги ва озиқ-овқат маҳсулотлари ишлаб чиқаришни ихтиёрий сертификатлаштиришдан ўтказиш бўйича шартнома (кейинги ўринларда — шартнома);
органик ишлаб чиқаришда техник жиҳатдан тартибга солиш соҳасидаги норматив ҳужжатлар, мувофиқликни баҳолаш усуллари ва тартиб-таомил ҳужжатлари;
мувофиқликни баҳолаш органи томонидан техник жиҳатдан тартибга солиш соҳасидаги норматив ҳужжатлар талабларига мувофиқлик ёки номувофиқлик тўғрисида хулоса чиқаришда асос бўлувчи ҳужжатлар рўйхати;
мувофиқликни баҳолаш органининг органик қишлоқ хўжалиги ва озиқ-овқат маҳсулотларини ишлаб чиқариш соҳасида мувофиқликни баҳолашга доир ишларни бажаришга ваколатли эканлигини тасдиқловчи аккредитация тўғрисидаги гувоҳномаси нусхаси.
11. Мувофиқликни баҳолаш органи ушбу Низомнинг 9-бандида назарда тутилган ҳужжатлардан ташқари қуйидаги ҳужжатларни тегишли ваколатли давлат органларидан ўз ташаббуси билан сўраб олиши мумкин:
Ўзбекистон Республикаси Қишлоқ хўжалиги вазирлиги ҳузуридаги Кимёлаштириш ва ўсимликларни ҳимоя қилиш воситаларини синовдан ўтказиш ва рўйхатга олиш бўйича давлат комиссиясидан — ариза берувчи томонидан фойдаланилган кимёлаштириш ва ўсимликларни ҳимоя қилиш воситаларини рўйхатга олганлик тўғрисидаги гувоҳнома нусхаси;
Ўзбекистон Республикаси Ветеринария ва чорвачиликни ривожлантириш давлат қўмитасидан — ариза берувчи томонидан фойдаланилган маҳаллий ҳамда импорт қилинадиган ветеринария дори воситалари ва озуқабоп қўшимчалар рўйхатдан ўтказилганлиги тўғрисидаги гувоҳнома нусхаси.
12. Мувофиқликни баҳолаш органи беш иш кунида ариза ва унга илова қилинган ҳужжатларнинг мазкур Низомга 2-иловада келтирилган намунага мувофиқлиги ҳамда ариза берувчининг аризада талаб этилган сертификатлаштириш доирасидаги хизматни кўрсата олиши юзасидан таҳлил қилади ҳамда шартнома тузиш ёки шартнома тузишни рад этиш ҳақида қарор қабул қилиб, ариза берувчини бу ҳақда ёзма ёки электрон шаклда хабардор қилади.
Мувофиқликни баҳолаш органининг қарори баённома шаклида расмийлаштирилади.
Ариза берувчининг фаолият тури ҳамда тақдим этилган ариза ва унга илова қилинган ҳужжатлар мувофиқликни баҳолаш органи томонидан мазкур Низом талабларига мувофиқ эмас деб топилса, ариза берувчи билан шартнома тузиш рад этилади.
13. Шартнома тузишни рад этиш учун асос бўлган ҳолатлар бартараф этилгандан кейин ариза берувчи умумий тартибда ариза билан мувофиқликни баҳолаш органига янгидан мурожаат этишга ҳақли.
14. Мувофиқликни баҳолаш органи шартнома тузиш ҳақидаги қарорга асосан ариза берувчи билан шартномани расмийлаштиради.
Шартномада қуйидаги қоидалар назарда тутилиши керак:
ариза берувчи ушбу Низом, шунингдек, техник жиҳатдан тартибга солиш соҳасидаги норматив ҳужжатлар талабларига мувофиқлиги, сертификатланадиган ишлаб чиқаришни баҳолаш учун зарур бўлган барча маълумотни тақдим этиш;
ўтиш даври муддати;
мувофиқликни баҳолаш органига барча тегишли ҳужжатлар билан танишиш, инспекция назоратини амалга ошириш ҳуқуқини бериш;
мувофиқликни баҳолаш органига ариза берувчининг органик ва органик бўлмаган қишлоқ хўжалиги ҳамда озиқ-овқат маҳсулотлари етиштириш ва ишлаб чиқариш объектига яқин жойлашган (ариза берувчига мулк ҳуқуқи ёки ижара ҳуқуқи асосида тегишли бўлган) ер майдонлари ва улар билан боғлиқ ишлаб чиқариш жараёнини ўрганиш ва инспекция назоратини амалга ошириш ҳуқуқини бериш;
органик қишлоқ хўжалиги маҳсулотларини етиштирувчи томонидан органик мувофиқлик сертификатидан фойдаланишни суиистъемол қилганлик бўйича асосли маълумотга эга бўлганда, мувофиқликни баҳолаш органига режадан ташқари инспекция назоратини амалга ошириш ҳуқуқини бериш.
Ўтиш даври муддати техник жиҳатдан тартибга солиш соҳасидаги норматив ҳужжатларга мувофиқ белгиланади.
3-боб. Ўтиш даври тартиб-таомиллари
15. Ариза берувчи ўтиш даврида техник жиҳатдан тартибга солиш соҳасидаги норматив ҳужжатларда белгиланган талабларни бажаради.
Ариза берувчи ёввойи ҳолда ўсувчи ёввойи ўсимликларни йиғиб олишда техник жиҳатдан тартибга солиш соҳасидаги норматив ҳужжатларда белгиланган талабларни бажарган тақдирда ўтиш даври талаб этилмайди.
16. Мувофиқликни баҳолаш органининг инспектори ўтиш даврида мазкур Низомнинг 4-бобида белгиланган тартибда инспекция назоратини амалга оширади.
17. Мувофиқликни баҳолаш органининг инспектори, қоида тариқасида, якуний инспекция назоратини ўтиш даврининг охирги ўн беш кунида амалга оширилади.
18. Ўтказилган инспекция назорати натижасига кўра, мувофиқликни баҳолаш органи мазкур Низомнинг 26-бандида белгиланган қарорлардан бирини қабул қилади.
4-боб. Мувофиқликни баҳолаш органи томонидан инспекция назоратини амалга ошириш
19. Инспекция назорати мувофиқликни баҳолаш органининг инспектори томонидан амалга оширилади.
Инспектор белгиланган объектга чиқиб, инспекция назоратини амалга оширишда органик қишлоқ хўжалиги ва озиқ-овқат маҳсулотларини ишлаб чиқариш билан боғлиқ тўлиқ жараёнларнинг мазкур Низом ва техник жиҳатдан тартибга солиш соҳасидаги норматив ҳужжатлар талабларига мувофиқлигини текширади.
20. Органик қишлоқ хўжалиги ва озиқ-овқат маҳсулотларини ишлаб чиқариш жараёнини инспекция назоратидан ўтказиш органик мувофиқлик сертификати ариза берувчига тақдим этилгунга қадар ҳамда сертификат берилгандан кейин режали ва режадан ташқари тартибда амалга оширилади.
Ариза берувчининг ишлаб чиқариш жараёнини текшириш бўйича йилига кўпи билан бир марта режали ва режадан ташқари инспекция назорати амалга оширилади.
Мувофиқликни баҳолаш органи режали инспекция назоратини техник жиҳатдан тартибга солиш соҳасидаги норматив ҳужжатларга ҳамда ариза берувчи билан келишилган режага асосан амалга оширади.
21. Режадан ташқари инспекция назоратини амалга оширишда мувофиқликни баҳолаш органи инспекторининг ишлаб чиқариш жойига ташриф буюриши ҳақида ариза берувчи икки кун олдин огоҳлантирилади.
22. Мувофиқликни баҳолаш органи ваколатли давлат органи билан келишган ҳолда инпекция назоратини аутсорсинг асосида амалга ошириши мумкин.
23. Инспекция назоратини амалга оширишда мувофиқликни баҳолаш органининг инспектори, ариза берувчи ёки унинг вакили иштирок этади.
Баҳолаш органи инспектори инспекция назорати давомида аниқланган номувофиқликлар бўйича баённома расмийлаштиради ва унинг бир нусхасини ариза берувчига тақдим этади.
Ариза берувчи баённомада кўрсатилган номувофиқликларни бартараф этади ва бу ҳақда инспекция назорати амалга оширилган кундан эътиборан ўн беш иш куни ичида инспекторга маълумот тақдим этади.
Инспектор тақдим этилган маълумотни ишончсиз деб ҳисобласа, режадан ташқари инспекция назоратини амалга ошириш мумкин.
Инспекция назоратини амалга оширган айни бир инспектор томонидан такроран режадан ташқари инспекция назоратининг амалга оширилишига йўл қўйилмайди.
Инспекция назоратини ташкил этиш ва инспекторларни тайинлаш ваколати органик маҳсулот мувофиқлигини баҳолаш органи раҳбарига юкланади.
Дастлабки инспекция назорати учун инспектор органик маҳсулот мувофиқлигини баҳолаш органи раҳбари томонидан инспекторлар реестридан танлаб олинади. Бунда малакали, манфаатлар тўқнашуви мавжуд бўлмаган ва ушбу объект билан охирги уч йил давомида хизмат муносабатларига эга бўлмаган инспектор танланиши шарт.
Такроран, режадан ташқари инспекция назоратини амалга ошириш учун дастлабки инспекцияни ўтказган инспектор тайинланмайди. Ушбу ҳолда органик маҳсулот мувофиқлигини баҳолаш органи раҳбари реестрдан бошқа мустақил инспекторни тайинлайди.
Инспекторни тайинлаш тўғрисидаги буйруқ электрон шаклда расмийлаштирилади ва унда инспекторнинг шахсий маълумотлари, малакаси, текширув тури ва объекти, текширув асоси, муддати ва вазифалари кўрсатилади. Буйруқ нусхаси инспектор ҳамда текширилаётган субъектга юборилади.
Инспекторни тайинлашда манфаатлар тўқнашувининг олдини олиш, холислик ва мустақиллик мезонлари мажбурий тарзда текширилади. Манфаатлар тўқнашуви аниқланган шахснинг инспектор сифатида тайинланишига йўл қўйилмайди.
Органик маҳсулот мувофиқлигини баҳолаш органи инспекторни тайинлашга оид барча маълумотларни электрон реестрда сақлайди ва зарурат бўлганда назорат қилувчи органларга тақдим этади.
23 1 . Қуйидаги ҳолларда тақдим этилган маълумот ишончсиз деб топилади:
сохталаштирилган маълумотлар мавжуд бўлса;
бошқа манбалардан текшириб кўрилган маълумотлар билан солиштирилганда, шунингдек, саналар ва кўрсаткичларда номувофиқликлар аниқланса;
тақдим этилган маълумотларни тасдиқловчи ҳужжатлар (гувоҳномалар, сертификатлар ва хулосалар) бўлмаса.
Ушбу бандда кўрсатилмаган бошқа асосларга кўра тақдим этилган маълумотни ишончсиз деб топишга йўл қўйилмайди.
24. Инспекция назорати бўйича мувофиқликни баҳолаш органи инспектори томонидан ҳисобот расмийлаштирилади.
ҳисоботда қуйидагилар акс эттирилади:
инспекция назоратини ўтказиш санаси ва муддати;
инспекция назоратини амалга оширган мувофиқликни баҳолаш органи инспекторининг фамилияси, исми, отасининг исми;
танлаб олинган ер майдонлари ва ишлаб чиқариш объектлари тўғрисида маълумот;
ариза берувчи аниқланган номувофиқликларни бартараф этганлиги ҳақида маълумот;
илгари аниқланган номувофиқликлар бартараф этилишини текшириш натижалари бўйича маълумотлар;
органик қишлоқ хўжалиги ва озиқ-овқат маҳсулотлари ишлаб чиқаришни ихтиёрий сертификатлаштиришдан ўтказиш доирасига кирувчи маҳсулотдан олинган намуналар бўйича ўтказилган лаборатория таҳлиллари натижалари;
инспекция назорати жараёнида ўрганилган ҳужжатлар (маҳсулотларни топшириш, қабул қилиш, даромад ва харажатлар бўйича ҳисоботлар, органик ишлаб чиқариш жараёнини тасдиқловчи бошқа ҳужжатлар), шу жумладан, текшириш тафсилотлари, ҳисоботнинг қисқача мазмуни ва хулосалар.
Инспектор инспекция назорати бўйича тайёрланган ҳисобот техник жиҳатдан тартибга солиш соҳасидаги норматив ҳужжатлар ва мазкур Низом талаблари асосида расмийлаштирилиши учун жавобгар ҳисобланади.
25. Мувофиқликни баҳолаш органи органик қишлоқ хўжалиги ва озиқ-овқат маҳсулотлари ишлаб чиқаришни ихтиёрий сертификатлаштиришдан ўтказиш доирасига кирувчи маҳсулот таркибида гени ўзгартирилган маҳсулот мавжудлигини аниқлаш ва бошқа турдаги синовларни ўтказиш учун намуна танлаш ҳамда синовларни ўтказиш юзасидан инспекция назоратини ўтказишда техник жиҳатдан тартибга солиш соҳасидаги норматив ҳужжатлар талабларига риоя қилиши керак.
5-боб. Органик мувофиқлик сертификатини расмийлаштириш
26. Инспектор томонидан тақдим этилган инспекция назорати ҳисоботи мувофиқликни баҳолаш органи томонидан холисликни таъминлаган ҳолда ўрганиб чиқилади ҳамда натижасига кўра ариза берувчига органик мувофиқлик сертификатини бериш ёки органик мувофиқлик сертификатини беришни рад этиш тўғрисида қарор қабул қилинади.
27. Қуйидаги ҳолларда ариза берувчига органик мувофиқлик сертификатини беришни рад этиш тўғрисида қарор қабул қилинади ва беш иш кунида ариза берувчига тақдим этилади:
ариза берувчи инспекция назоратини амалга оширишдан бош тортганда ёки инспекция назоратини талаб этиладиган муддатда амалга оширилишига рухсат бермаса;
шартнома шартларининг ариза берувчи томонидан бажарилмаганлиги аниқланганда;
ариза берувчи томонидан техник жиҳатдан тартибга солиш соҳасидаги норматив ҳужжатлар талабларининг бажарилмаган ёки лозим даражада бажарилмаганлиги аниқланганда.
Мазкур бандда назарда тутилмаган асосларга кўра ариза берувчига органик мувофиқлик сертификатини беришни рад этиш тўғрисида қарор қабул қилишга йўл қўйилмайди.
28. Инспектор тақдим этган ҳисобот асосида ариза берувчининг ишлаб чиқариш жараёни техник жиҳатдан тартибга солиш соҳасидаги норматив ҳужжатлар талаблари ва шартнома шартларига мувофиқ деб топилганда, унга ушбу Низомга 3-иловага мувофиқ шаклдаги органик мувофиқлик сертификати берилади.
Органик қишлоқ хўжалиги ва озиқ-овқат маҳсулотлари ишлаб чиқаришни ихтиёрий сертификатлаштиришдан ўтказиш харажатлари ариза берувчи томонидан қопланади.
29. Органик мувофиқлик сертификатини олган ариза берувчи органик қишлоқ хўжалиги маҳсулотларини етиштирувчи мақомига эга бўлади.
Органик мувофиқлик сертификати берилган санадан бошлаб ўн беш ой давомида амал қилади.
6-боб. Органик мувофиқлик сертификатини қайта расмийлаштириш
30. Органик қишлоқ хўжалиги маҳсулотларини етиштирувчи органик мувофиқлик сертификатининг амал қилиш муддати тугашидан уч ой олдин сертификатни қайта расмийлаштириш учун ариза билан сертификат берган орган ёки бошқа мувофиқликни баҳолаш органига мурожаат қилиши мумкин.
Мазкур муддат ўтказиб юборилган ҳолда тақдим этилган ариза мувофиқликни баҳолаш органи томонидан мазкур Низомнинг 2-бобида белгиланган тартибда кўриб чиқилади.
31. Мазкур Низомнинг 3-бандига мувофиқ бир турдаги сертификатлаштириш доираси бўйича органик мувофиқлик сертификатини қайта расмийлаштиришда ўтиш даврини белгилашга йўл қўйилмайди, органик қишлоқ хўжалиги маҳсулоти етиштирувчининг сертификатланган ишлаб чиқариш жараёнини кенгайтириш бўйича сертификатлаштириш ҳақидаги мурожаатлари бундан мустасно.
7-боб. Органик мувофиқлик сертификатининг амал қилишини тўхтатиб туриш, тугатиш ва бекор қилиш
32. Органик мувофиқлик сертификатининг амал қилиши мувофиқликни баҳолаш органи томонидан қуйидаги ҳолларда олти ойдан кўп бўлмаган муддатга тўхтатиб турилади:
инспекция назорати давомида бартараф этиш мумкин бўлган шартнома шартларига ҳамда техник жиҳатдан тартибга солиш соҳасидаги норматив ҳужжатлар талабларига номувофиқликлар аниқланганда;
инспекция назорати давомида аниқланган номувофиқликлар ихтиёрий равишда сертификатнинг амал қилишини тўхтатиб туриш ҳақида ариза билан мурожаат қилинганда.
33. Органик мувофиқлик сертификатининг амал қилиши органик мувофиқлик сертификатини берган мувофиқликни баҳолаш органи томонидан қуйидаги ҳолларда тугатилади:
органик қишлоқ хўжалиги маҳсулотларини етиштирувчи инспекция назоратини амалга оширишдан бош тортганда ёки инспекция назоратини талаб этиладиган муддатда амалга оширишга рухсат бермаганда;
инспекция назорати давомида органик қишлоқ хўжалиги маҳсулотларини етиштирувчи томонидан техник жиҳатдан тартибга солиш соҳасидаги норматив ҳужжатлар талаблари бажарилмаган ёки лозим даражада бажарилмаганлиги аниқланганда;
органик қишлоқ хўжалиги маҳсулотларини етиштирувчи томонидан мувофиқлик сертификатининг амал қилишини тугатиш ҳақида ариза билан мурожаат қилинганда;
органик қишлоқ хўжалиги маҳсулотларини етиштирувчининг фаолияти тугатилганда;
органик мувофиқлик сертификатининг амал қилиши тўхтатиб турилишига сабаб бўлган ҳолатлар мувофиқликни баҳолаш органи томонидан белгиланган муддатда ариза берувчи томонидан бартараф этилмаганда.
34. Мувофиқлик сертификатининг амал қилиши уни тугатиш ҳақида қарор қабул қилинган санадан эътиборан тугатилади.
35. Органик мувофиқлик сертификати сертификатни берган мувофиқликни баҳолаш органи ёки суд томонидан қуйидаги ҳолларда бекор қилинади:
органик мувофиқлик сертификатини олиш жараёнида сохта ҳужжатлардан фойдаланилганлиги аниқланганда;
мувофиқликни баҳолаш органининг органик мувофиқлик сертификатини бериш ҳақидаги қарори ноқонуний деб топилганда.
36. Мувофиқлик сертификатини бекор қилиш ҳақида мувофиқликни баҳолаш органи ёки суднинг қарори қабул қилинганда, органик мувофиқлик сертификати у берилган санадан эътиборан бекор қилинган ҳисобланади.
37. Органик мувофиқлик сертификатининг амал қилишини тўхтатиб туриш, тугатиш ва бекор қилиш мувофиқликни баҳолаш органининг қарори билан расмийлаштирилади.
Мувофиқликни баҳолаш органининг қарорларидан норози бўлган тақдирда, ариза берувчи Ўзбекистон техник жиҳатдан тартибга солиш агентлигининг шикоятларни кўриб чиқиш кенгашига ёки бевосита судга мурожаат этишга ҳақлидир.
Агар органик мувофиқлик сертификатининг амал қилиш муддати тугаган ёки унинг амал қилиши тўхтатиб қўйилган бўлса, маҳсулот органик қишлоқ хўжалиги маҳсулоти сифатида реализация қилиниши мумкин эмас.
8-боб. Якунловчи қоидалар
38. Мувофиқликни баҳолаш органи органик қишлоқ хўжалиги маҳсулотларини етиштирувчига органик мувофиқлик сертификатини бериш, унинг амал қилишини тўхтатиб туриш, тугатиш ва уни бекор қилиш бўйича қабул қилинган ҳар бир қарор ҳақидаги маълумотни ваколатли давлат органига ҳар ой якуни билан тақдим этиб боради.
39. Органик қишлоқ хўжалиги ва озиқ-овқат маҳсулотлари ишлаб чиқаришни сертификатлаштиришдан ўтказиш жараёнида юзага келадиган низолар қонунчилик ҳужжатларида белгиланган тартибда ҳал этилади.
40. Мазкур Низом талаблари бузилишида айбдор бўлган шахслар қонунчилик ҳужжатларига мувофиқ жавобгар бўлади.
Органик қишлоқ хўжалиги ва озиқ-овқат маҳсулотлари ишлаб чиқаришни ихтиёрий сертификатлаштиришдан ўтказиш тартиби тўғрисида низомга 1-ИЛОВА
Органик қишлоқ хўжалиги ва озиқ-овқат маҳсулотлари ишлаб чиқаришни ихтиёрий сертификатлаштиришдан ўтказиш
Босқичлар Субъект Амалга ошириш жараёни Муддати 1-босқич Ариза берувчи Тегишли ҳужжатларни илова қилган ҳолда ёзма ёки электрон шаклда ариза топширади. Ариза берувчи хоҳишига кўра 2-босқич Мувофиқликни баҳолаш органи 1. Ариза ва унга илова қилинган ҳужжатларни ўрганиб чиқади. 2. Сертификатлаштириш учун шартнома тузади ёки рад этади. Беш иш кунида 3-босқич Ариза берувчи Ўтиш даврида шартнома шартларини ва техник жиҳатдан тартибга солиш соҳасидаги норматив ҳужжатларда белгиланган талабларни бажаради. Норматив ҳужжатларда белгиланган муддатда 4-босқич Мувофиқликни баҳолаш органининг инспектори 1. Режали ва режадан ташқари инспекция назоратини амалга оширади. 2. Ўтказилган инспекция назорати юзасидан мувофиқликни баҳолаш органига ҳисобот тақдим этади. Бир йилда бир марта 5-босқич Мувофиқликни баҳолаш органи 1. Ариза берувчига сертификат бериш тўғрисида қарор қабул қилади. 2. Органик мувофиқлик сертификатини расмийлаштиради ва электрон маълумотлар базасига киритади. Беш иш кунида 6-босқич Мувофиқликни баҳолаш органи Етиштирувчининг органик ишлаб чиқариш жараёнини инспекция назоратидан ўтказади. Бир йилда бир марта 7-босқич Органик қишлоқ хўжалиги маҳсулотларини етиштирувчи Аввал берилган сертификатни қайта расмийлаштириш учун мувофиқликни баҳолаш органига мурожаат қилади. Сертификатнинг амал қилиш муддати тугашидан уч ой олдин 8-босқич Мувофиқликни баҳолаш органи 1. Шартномани қайта расмийлаштиради. 2. Органик қишлоқ хўжалиги маҳсулотларини етиштирувчининг органик ишлаб чиқариш жараёнини инспекция назоратидан ўтказади. Икки иш кунида 9-босқич Мувофиқликни баҳолаш органи 1. Органик қишлоқ хўжалиги маҳсулотларини етиштирувчига сертификат бериш тўғрисида қарор қабул қилади. 2. Органик мувофиқлик сертификатни расмийлаштиради. Беш иш кунида
Органик қишлоқ хўжалиги ва озиқ-овқат маҳсулотлари ишлаб чиқаришни ихтиёрий сертификатлаштиришдан ўтказиш тартиби тўғрисида низомга 2-ИЛОВА
Органик қишлоқ хўжалиги маҳсулотларини етиштириш ва қайта ишлаш тизимини ихтиёрий сертификатлаштириш учун ариза намунаси
Ариза берувчининг номи Давлат тилида Хорижий тилда (зарурат бўлса) давлат рўйхатидан ўтган рақами СТИР ( солиқ тўловчининг идентификация рақами ) почта манзили амалдаги манзили банк реквизити телефон рақами e-mail м анзил: раҳбарнинг Ф.И.О қўшимча маълумотлар тўловни амалга оширувчи учинчи шахс ҳақида маълумотлар тўловчининг номи СТИР (солиқ тўловчининг идентификация рақами) почта манзили банк реквизити телефон рақами e-mail раҳбарнинг Ф.И.О органик талабларни белгиловчи стандарт белгиси ташкилот гувоҳномаси серияси ва рақами аввалги сертификат ҳақида маълумот сертификатлаш органи номи сертификат берилган сана, сертификатнинг амал қилиш муддати бошқа сертификатлаш органидан ўтиш ҳолатида, ташкилот баҳоланганлигини тасдиқловчи барча ҳужжатлар Фаолият тури (норматив ҳужжатларга асосан) Қишлоқ хўжалиги тармоқлари: ўсимликшунослик ( техник ўсимликлар ) боғдорчилик чорвачилик сабзавотчилик полизчилик ғаллачилик-пахтачилик экинлар бўйича режалаштирилган биринчи экишнинг бошланиш санаси чорвачилик соҳаси: сутчиликка йўналтирилган чорва гўштга мўлжалланган чорва чўчқачилик қуёнчилик эчкичилик, қўй-қўзичилик асаларичилик паррандачилик умумий ер майдони (га) узоқ муддатли ижарага олинган ер майдони ( га ) қишлоқ хўжалиги учун мўлжалланган ер майдони (га) узоқ муддатли ижарага олинган ер майдони ( га ) сертификатланган майдон (га) узоқ муддатли ижарага олинган ер майдони ( га ) маҳсулотларни қайта ишлаш бўйича маълумот ўсимлик маҳсулотларини қайта ишлаш чорва маҳсулотларини қайта ишлаш маҳсулотларни сотиш маҳсулотларни қадоқлаш маҳсулотларни сақлаш маҳсулотлар импорти ____________ ___ _______ ______________ _______________ _/ _____ ____________ ___________/ (сана) (имзо) (Ф.И.О.)
Органик қишлоқ хўжалиги ва озиқ-овқат маҳсулотлари ишлаб чиқаришни ихтиёрий сертификатлаштиришдан ўтказиш тартиби тўғрисида низомга 2а-ИЛОВА
Ариза берувчининг фаолияти бўйича умумий маълумот
1. Умумий тавсиф Ташкилот номи Рўйхатдан ўтган рақами Ташкилот эгаси ёки ваколатли шахс Ф.И.О. Ишлаб чиқариш соҳаси: Ўсимликшунослик ( алмашлаб экиш ва ўғитлаш режасини илова қилиш ) (1.3-илова): Чорвачилик ( қишлоқ хўжалиги чорва молларига тегишли бўлган ҳужжатларни илова қилиш ): Асаларичилик( асаларичиликнинг радиуси 3 км дан кам бўлмаган харитани илова қилиш ) Ўсимликшунослик (техник экинлар) Сут етиштиришга мўлжалланган чорва моллари сабзавотчилик гўштга мўлжалланган чорва моллари полизчилик эчки ва қўй-қўзи бошқалар: мевачилик паррандачилик ёввойи ўсимлик маҳсулотларини йиғиш чўчқачилик қуёнчилик Қўшни хўжаликлар тавсифи (фаолияти, усули): □ Органик бўлмаган маҳсулотларни интенсив ишлаб чиқариш Ишлаб чиқариш соҳаси:__________________________________ □ Органик бўлмаган маҳсулотларни экстенсив ишлаб чиқариш Ишлаб чиқариш соҳаси: _________________________________ □ Органик қишлоқ хўжалиги тизимида ишлаб чиқариш. Ишлаб чиқариш соҳаси: ________________________________ Техник таъминланганлик Ходимлар, вазифалари ҳамкорлар 2. Биноларнинг ва бошқа ишлаб чиқариш майдонларининг тавсифи молхона . м 2 ; омбор . м 2 ; ёпиқ хона . м 2 ; ертўла . м 2 ; қуритиш хонаси . м 2 ; молнинг айланиш ҳудуди . м 2 ; Маҳаллий ўғит сақлаш омбори ( тури, ҳажми, гўнгни сақлаш муддати ва бошқалар ) ____________ ___ _______ ______________ ________________ _/ _____ ____________ ___________/ (сана) (имзо) (Ф.И.О.)
Органик қишлоқ хўжалиги ва озиқ-овқат маҳсулотлари ишлаб чиқаришни ихтиёрий сертификатлаштиришдан ўтказиш тартиби тўғрисида низомга 2б-ИЛОВА
Ишлаб чиқариш бинолари, омборхоналар, сақлаш майдонлари ва совуткичларнинг тавсифлари
Омбор рақами Маҳсулот қабул қилиб олинадиган майдон ҳажми (м 2 / м 3 / тонна) Сақлаш жойининг манзили Сақлаш жойларидан фойдаланишга ҳуқуқ (ижара ёки шахсийлигини тасдиқловчи ҳужжат ) Сақлаш учун асос ( ижара шартномаси, шахсий бўлган тақдирда, шахсийлигини тасдиқловчи ҳужжат, органик сертификат нусхаси ) Сақланадиган маҳсулотни сақлаш усуллари ( органик ёки ўтиш даврида, органик бўлмаган ) Изоҳ ( омбордан фойдаланиш/ижарага берилган /ҳамкорликда фойдаланилади ва бошқалар ) ___________________ _________ __ _______/ ______ _ __________/ (сана) (имзо) (Ф.И.О.)
Органик қишлоқ хўжалиги ва озиқ-овқат маҳсулотлари ишлаб чиқаришни ихтиёрий сертификатлаштиришдан ўтказиш тартиби тўғрисида низомга 2в-ИЛОВА
Органик қишлоқ хўжалиги ва озиқ-овқат маҳсулотлари ишлаб чиқаришни ихтиёрий сертификатлаштиришдан ўтказиш тартиби тўғрисида низомга 2г-ИЛОВА
Алмашлаб экиш ва ўғитлаш режаси
Т/Р Контур ( рақами ) Ер майдони ( гектар ) Рухсат этилмаган воситалардан охирги фойдаланиш муддати (йил ва тури) 20 ___ й 20 ___ й 20 ___ й 20 ___ й Экин тури Режалаштирилган ўғитлар миқдори (тонна) Экин тури Режалаштирилган ўғитлар миқдори (тонна) Экин тури Режалаштирилган ўғитлар миқдори (тонна) Экин тури Режалаштирилган ўғитлар миқдори (тонна) Жами ___________________ ____________________ _________________________ ( сана) (имзо) (Ф.И.О.)
Органик қишлоқ хўжалиги ва озиқ-овқат маҳсулотлари ишлаб чиқаришни ихтиёрий сертификатлаштиришдан ўтказиш тартиби тўғрисида низомга 2д-ИЛОВА
Қишлоқ хўжалиги чорва моллари ва режалаштирилган чорва маҳсулотлари ҳақида маълумот
Поданинг рўйхатга олинган рақами Ҳайвонларни боқиш комплекси Ҳайвон тури Насли Миқдори Ҳайвонларнинг майдонга (га) нисбатан максимал сони Боқилаётган ҳайвонлар миқдорига мувофиқ ер майдони (га) Яйловлатиш даври Айлантириш учун майдон м 2 Молхона майдони, м 2 _______________________ __________ __ ______/ ______ _ __________/ (сана) (имзо) (Ф.И.О.)
Органик қишлоқ хўжалиги ва озиқ-овқат маҳсулотлари ишлаб чиқаришни ихтиёрий сертификатлаштиришдан ўтказиш тартиби тўғрисида низомга 2е-ИЛОВА
Асаларичилик фаолияти бўйича маълумот
Органик қишлоқ хўжалиги ва озиқ-овқат маҳсулотлари ишлаб чиқаришни ихтиёрий сертификатлаштиришдан ўтказиш тартиби тўғрисида низомга 3-ИЛОВА
Ўзбекистон Республикасининг Бош вазири А. АРИПОВ
Тошкент ш.,
2021 йил 23 февраль,
96-сон
Oʻzbekiston Respublikasi Vazirlar Mahkamasining
qarori
NIZOM
SXEMASI
Organik qishloq xoʻjaligi va oziq-ovqat mahsulotlari ishlab chiqarishni ixtiyoriy sertifikatlashtirishdan oʻtkazish tartibi toʻgʻrisidagi nizomni tasdiqlash haqida
Oʻzbekiston Respublikasi Prezidentining “Qishloq xoʻjaligi mahsulotlarining sifat va xavfsizlik koʻrsatkichlari xalqaro standartlarga muvofiqligini taʼminlashga doir qoʻshimcha chora-tadbirlar toʻgʻrisida” 2020-yil 18-maydagi PF-5995-son Farmoni ijrosi yuzasidan Vazirlar Mahkamasi qaror qiladi:
1. Quyidagilarni nazarda tutuvchi Organik qishloq xoʻjaligi va oziq-ovqat mahsulotlari ishlab chiqarishni ixtiyoriy sertifikatlashtirishdan oʻtkazish tartibi toʻgʻrisidagi nizom ilovaga muvofiq tasdiqlansin:
organik qishloq xoʻjaligi va oziq-ovqat mahsulotlari ishlab chiqarishni ixtiyoriy sertifikatlashni tashkil etish;
organik qishloq xoʻjaligi va oziq-ovqat mahsulotlari ishlab chiqarishni ixtiyoriy sertifikatlashda oʻtish davri tartib-taomillari;
muvofiqlikni baholash organi tomonidan inspeksiya nazoratini amalga oshirish;
organik muvofiqlik sertifikatini rasmiylashtirish, amal qilishini toʻxtatib turish, tugatish va bekor qilish, organik muvofiqlik sertifikatini qayta rasmiylashtirish tartibi.
2. Belgilab qoʻyilsinki, organik qishloq xoʻjaligi va oziq-ovqat mahsulotlari ishlab chiqarishni ixtiyoriy sertifikatlashtirish quyidagilarga nisbatan tatbiq etiladi:
qayta ishlanmagan qishloq xoʻjaligi ekinlari;
tirik hayvonlar, parrandalar va ulardan olingan mahsulotlar (qayta ishlangan mahsulotlar bundan mustasno);
qayta ishlangan qishloq xoʻjaligi va oziq-ovqat mahsulotlari;
hayvonlarning ozuqa yemi sifatida qayta ishlangan qishloq xoʻjaligi mahsulotlari;
oʻsimlik urugʻlari va ekish materiallari;
qoʻllaniladigan oʻgʻitlar va oʻsimliklarni himoya qilish vositalari hamda preparatlar.
3. Oʻzbekiston Respublikasi Qishloq xoʻjaligi vazirligi manfaatdor vazirlik va idoralar bilan birgalikda oʻzlari qabul qilgan normativ-huquqiy hujjatlarni ikki oy muddatda ushbu qarorga muvofiqlashtirsin.
4. Mazkur qarorning bajarilishini nazorat qilish Oʻzbekiston Respublikasi Bosh vazirining agrar va oziq-ovqat sohalarini rivojlantirish masalalari boʻyicha oʻrinbosari Sh.M. Gʻaniyev va Oʻzbekiston Respublikasi qishloq xoʻjaligi vaziri J.A. Xodjayev zimmasiga yuklansin.
Vazirlar Mahkamasining 2021-yil 23-fevraldagi 96-son qaroriga ILOVA
Organik qishloq xoʻjaligi va oziq-ovqat mahsulotlari ishlab chiqarishni ixtiyoriy sertifikatlashtirishdan oʻtkazish tartibi toʻgʻrisida
1-bob. Umumiy qoidalar
1. Mazkur Nizom organik qishloq xoʻjaligi va oziq-ovqat mahsulotlari ishlab chiqarishni ixtiyoriy sertifikatlashtirishdan oʻtkazish tartibini belgilaydi.
2. Ushbu Nizomda quyidagi asosiy tushunchalar qoʻllaniladi:
ariza beruvchi — organik muvofiqlik sertifikatini olish yuzasidan muvofiqlikni baholash organiga ariza bilan murojaat qiluvchi yuridik yoki jismoniy shaxs;
vakolatli davlat organi — Oʻzbekiston Respublikasi Qishloq xoʻjaligi vazirligi;
inspektor — muvofiqlikni baholash organi tomonidan ariza beruvchining organik ishlab chiqarish joyida inspeksiya nazoratini amalga oshirish uchun tayinlangan mutaxassis;
inspeksiya nazorati — organik qishloq xoʻjaligi va oziq-ovqat mahsulotlarini ishlab chiqarishning barcha jarayonlarining ushbu Nizom va texnik jihatdan tartibga solish sohasidagi normativ hujjatlarda belgilangan talablarga muvofiqligini tekshirish;
qayta ishlangan organik qishloq xoʻjaligi va oziq-ovqat mahsuloti — texnik jihatdan tartibga solish sohasidagi normativ hujjatlar talablariga muvofiq yakuniy tayyor mahsulot tarkibida massa ulushi 95 foizdan kam boʻlmagan miqdorda organik xom ashyolardan iborat boʻlgan, shuningdek, tarkibida ozuqa tuzlari va suvlaridan tashqari organik boʻlmagan ingrediyentlarning massa ulushi 5 foizdan oshmagan qayta ishlangan oziq-ovqat mahsulotlari;
muvofiqlikni baholash organi — yuridik shaxs boʻlgan va muvofiqlikni baholashga doir ishlarni bajarish uchun belgilangan tartibda akkreditatsiya qilingan sertifikatlashtirish organi;
organik muvofiqlik sertifikati — qishloq xoʻjaligi va oziq-ovqat mahsulotlarini ishlab chiqarish jarayonlarining texnik jihatdan tartibga solish sohasidagi normativ hujjatlarda belgilangan talablarga muvofiqligini tasdiqlash uchun sertifikatlashtirish tizimi qoidalariga binoan berilgan hujjat;
tartib-taomil hujjatlari — muvofiqlikni baholash organi tomonidan amalga oshiriladigan jarayonlar ketma-ketlikda olib borilishi toʻgʻrisidagi maʼlumotlarni oʻz ichiga olgan hujjatlar;
tirik hayvonlar, parrandalar va ulardan olingan, lekin qayta ishlanmagan mahsulotlar — organik qishloq xoʻjaligi mahsulotlarini ishlab chiqarish talablariga muvofiq yetishtirilgan va ularda olingan naslli hayvonlardan, asalarilardan, parrandalardan olinadigan mahsulotlar.
oʻtish davri — qishloq xoʻjaligi mahsulotlarini anʼanaviy usulda yetishtirishdan texnik jihatdan tartibga solish sohasidagi normativ hujjatlarda belgilangan davr ichida organik usulda yetishtirishga oʻtish muddati.
3. Organik qishloq xoʻjaligi va oziq-ovqat mahsulotlari ishlab chiqarishni ixtiyoriy sertifikatlashtirishdan oʻtkazish doirasi quyidagilardan iborat:
qayta ishlanmagan qishloq xoʻjaligi ekinlari;
tirik hayvonlar, parrandalar va ulardan olingan mahsulotlar (qayta ishlangan mahsulotlar bundan mustasno);
qayta ishlangan qishloq xoʻjaligi va oziq-ovqat mahsulotlari;
hayvonlarning ozuqa yemi sifatida qayta ishlangan qishloq xoʻjaligi mahsulotlari;
oʻsimlik urugʻlari va ekish materiallari;
qoʻllaniladigan oʻgʻitlar va oʻsimliklarni himoya qilish vositalari hamda preparatlari.
4. Mazkur Nizom talablari texnik jihatdan tartibga solish sohasidagi normativ hujjatlarga nomuvofiq yetishtirilgan hamda qayta ishlangan qishloq xoʻjaligi va oziq-ovqat mahsulotlariga, shuningdek, Global G.A.P., ISO 22000, NACCP, Nalal xalqaro standartlar talablariga asosan sertifikatlangan hamda markirovkalangan qadoqlardagi mahsulotlarga tatbiq etilmaydi.
5. Organik qishloq xoʻjaligi va oziq-ovqat mahsulotlarini ishlab chiqarish ushbu Nizomga 1-ilovaga muvofiq sxema boʻyicha ixtiyoriy sertifikatlashtirishdan oʻtkaziladi.
2-bob. Sertifikatlashtirishni tashkil etish
6. Organik muvofiqlik sertifikatini rasmiylashtirish muvofiqlikni baholash organlari tomonidan amalga oshiriladi.
Muvofiqlikni baholash organi ariza beruvchi tomonidan mustaqil ravishda tanlanadi.
7. Ariza beruvchi muvofiqlikni baholash organiga mazkur Nizomga 2-ilovaga muvofiq shakldagi organik qishloq xoʻjaligi mahsulotlarini yetishtirish va qayta ishlash tizimini ixtiyoriy sertifikatlashtirish uchun arizani yozma yoki elektron shaklda taqdim etadi.
8. Arizaga quyidagilar ilova qilinadi:
ushbu Nizomga 2a-ilovaga muvofiq shakldagi ariza beruvchining faoliyati boʻyicha umumiy maʼlumot;
ushbu Nizomga 2b-ilovaga muvofiq shakldagi ishlab chiqarish binolari, omborxonalar, saqlash maydonlari va sovitkichlarning tavsiflari;
ushbu Nizomga 2v-ilovaga muvofiq shakldagi tegishli yilga ishlab chiqarish rejasi.
9. Ariza beruvchining sertifikatlashtirish doirasini inobatga olgan holda arizaga quyidagilar ham ilova qilinadi:
qayta ishlanmagan qishloq xoʻjaligi ekinlari uchun — mazkur Nizomga 2g-ilovaga muvofiq shakldagi almashlab ekish va oʻgʻitlash rejasi;
tirik hayvonlar, parrandalar va ulardan olingan lekin qayta ishlanmagan mahsulotlar uchun — ushbu Nizomga 2d-ilovaga muvofiq shakldagi qishloq xoʻjaligi chorva mollari hamda rejalashtirilgan chorva mahsulotlari haqida maʼlumot;
asalarichilik sohasida organik ishlab chiqarish uchun — mazkur Nizomga 2e-ilovaga muvofiq shakldagi asalarichilik faoliyati boʻyicha maʼlumot.
10. Muvofiqlikni baholash organi ariza beruvchining talabiga muvofiq quyidagilarni ariza qabul qilingunga qadar taqdim etishi lozim:
organik qishloq xoʻjaligi va oziq-ovqat mahsulotlari ishlab chiqarishni ixtiyoriy sertifikatlashtirishdan oʻtkazish boʻyicha shartnoma (keyingi oʻrinlarda — shartnoma);
organik ishlab chiqarishda texnik jihatdan tartibga solish sohasidagi normativ hujjatlar, muvofiqlikni baholash usullari va tartib-taomil hujjatlari;
muvofiqlikni baholash organi tomonidan texnik jihatdan tartibga solish sohasidagi normativ hujjatlar talablariga muvofiqlik yoki nomuvofiqlik toʻgʻrisida xulosa chiqarishda asos boʻluvchi hujjatlar roʻyxati;
muvofiqlikni baholash organining organik qishloq xoʻjaligi va oziq-ovqat mahsulotlarini ishlab chiqarish sohasida muvofiqlikni baholashga doir ishlarni bajarishga vakolatli ekanligini tasdiqlovchi akkreditatsiya toʻgʻrisidagi guvohnomasi nusxasi.
11. Muvofiqlikni baholash organi ushbu Nizomning 9-bandida nazarda tutilgan hujjatlardan tashqari quyidagi hujjatlarni tegishli vakolatli davlat organlaridan oʻz tashabbusi bilan soʻrab olishi mumkin:
Oʻzbekiston Respublikasi Qishloq xoʻjaligi vazirligi huzuridagi Kimyolashtirish va oʻsimliklarni himoya qilish vositalarini sinovdan oʻtkazish va roʻyxatga olish boʻyicha davlat komissiyasidan — ariza beruvchi tomonidan foydalanilgan kimyolashtirish va oʻsimliklarni himoya qilish vositalarini roʻyxatga olganlik toʻgʻrisidagi guvohnoma nusxasi;
Oʻzbekiston Respublikasi Veterinariya va chorvachilikni rivojlantirish davlat qoʻmitasidan — ariza beruvchi tomonidan foydalanilgan mahalliy hamda import qilinadigan veterinariya dori vositalari va ozuqabop qoʻshimchalar roʻyxatdan oʻtkazilganligi toʻgʻrisidagi guvohnoma nusxasi.
12. Muvofiqlikni baholash organi besh ish kunida ariza va unga ilova qilingan hujjatlarning mazkur Nizomga 2-ilovada keltirilgan namunaga muvofiqligi hamda ariza beruvchining arizada talab etilgan sertifikatlashtirish doirasidagi xizmatni koʻrsata olishi yuzasidan tahlil qiladi hamda shartnoma tuzish yoki shartnoma tuzishni rad etish haqida qaror qabul qilib, ariza beruvchini bu haqda yozma yoki elektron shaklda xabardor qiladi.
Muvofiqlikni baholash organining qarori bayonnoma shaklida rasmiylashtiriladi.
Ariza beruvchining faoliyat turi hamda taqdim etilgan ariza va unga ilova qilingan hujjatlar muvofiqlikni baholash organi tomonidan mazkur Nizom talablariga muvofiq emas deb topilsa, ariza beruvchi bilan shartnoma tuzish rad etiladi.
13. Shartnoma tuzishni rad etish uchun asos boʻlgan holatlar bartaraf etilgandan keyin ariza beruvchi umumiy tartibda ariza bilan muvofiqlikni baholash organiga yangidan murojaat etishga haqli.
14. Muvofiqlikni baholash organi shartnoma tuzish haqidagi qarorga asosan ariza beruvchi bilan shartnomani rasmiylashtiradi.
Shartnomada quyidagi qoidalar nazarda tutilishi kerak:
ariza beruvchi ushbu Nizom, shuningdek, texnik jihatdan tartibga solish sohasidagi normativ hujjatlar talablariga muvofiqligi, sertifikatlanadigan ishlab chiqarishni baholash uchun zarur boʻlgan barcha maʼlumotni taqdim etish;
oʻtish davri muddati;
muvofiqlikni baholash organiga barcha tegishli hujjatlar bilan tanishish, inspeksiya nazoratini amalga oshirish huquqini berish;
muvofiqlikni baholash organiga ariza beruvchining organik va organik boʻlmagan qishloq xoʻjaligi hamda oziq-ovqat mahsulotlari yetishtirish va ishlab chiqarish obyektiga yaqin joylashgan (ariza beruvchiga mulk huquqi yoki ijara huquqi asosida tegishli boʻlgan) yer maydonlari va ular bilan bogʻliq ishlab chiqarish jarayonini oʻrganish va inspeksiya nazoratini amalga oshirish huquqini berish;
organik qishloq xoʻjaligi mahsulotlarini yetishtiruvchi tomonidan organik muvofiqlik sertifikatidan foydalanishni suiistyemol qilganlik boʻyicha asosli maʼlumotga ega boʻlganda, muvofiqlikni baholash organiga rejadan tashqari inspeksiya nazoratini amalga oshirish huquqini berish.
Oʻtish davri muddati texnik jihatdan tartibga solish sohasidagi normativ hujjatlarga muvofiq belgilanadi.
3-bob. Oʻtish davri tartib-taomillari
15. Ariza beruvchi oʻtish davrida texnik jihatdan tartibga solish sohasidagi normativ hujjatlarda belgilangan talablarni bajaradi.
Ariza beruvchi yovvoyi holda oʻsuvchi yovvoyi oʻsimliklarni yigʻib olishda texnik jihatdan tartibga solish sohasidagi normativ hujjatlarda belgilangan talablarni bajargan taqdirda oʻtish davri talab etilmaydi.
16. Muvofiqlikni baholash organining inspektori oʻtish davrida mazkur Nizomning 4-bobida belgilangan tartibda inspeksiya nazoratini amalga oshiradi.
17. Muvofiqlikni baholash organining inspektori, qoida tariqasida, yakuniy inspeksiya nazoratini oʻtish davrining oxirgi oʻn besh kunida amalga oshiriladi.
18. Oʻtkazilgan inspeksiya nazorati natijasiga koʻra, muvofiqlikni baholash organi mazkur Nizomning 26-bandida belgilangan qarorlardan birini qabul qiladi.
4-bob. Muvofiqlikni baholash organi tomonidan inspeksiya nazoratini amalga oshirish
19. Inspeksiya nazorati muvofiqlikni baholash organining inspektori tomonidan amalga oshiriladi.
Inspektor belgilangan obyektga chiqib, inspeksiya nazoratini amalga oshirishda organik qishloq xoʻjaligi va oziq-ovqat mahsulotlarini ishlab chiqarish bilan bogʻliq toʻliq jarayonlarning mazkur Nizom va texnik jihatdan tartibga solish sohasidagi normativ hujjatlar talablariga muvofiqligini tekshiradi.
20. Organik qishloq xoʻjaligi va oziq-ovqat mahsulotlarini ishlab chiqarish jarayonini inspeksiya nazoratidan oʻtkazish organik muvofiqlik sertifikati ariza beruvchiga taqdim etilgunga qadar hamda sertifikat berilgandan keyin rejali va rejadan tashqari tartibda amalga oshiriladi.
Ariza beruvchining ishlab chiqarish jarayonini tekshirish boʻyicha yiliga koʻpi bilan bir marta rejali va rejadan tashqari inspeksiya nazorati amalga oshiriladi.
Muvofiqlikni baholash organi rejali inspeksiya nazoratini texnik jihatdan tartibga solish sohasidagi normativ hujjatlarga hamda ariza beruvchi bilan kelishilgan rejaga asosan amalga oshiradi.
21. Rejadan tashqari inspeksiya nazoratini amalga oshirishda muvofiqlikni baholash organi inspektorining ishlab chiqarish joyiga tashrif buyurishi haqida ariza beruvchi ikki kun oldin ogohlantiriladi.
22. Muvofiqlikni baholash organi vakolatli davlat organi bilan kelishgan holda inpeksiya nazoratini autsorsing asosida amalga oshirishi mumkin.
23. Inspeksiya nazoratini amalga oshirishda muvofiqlikni baholash organining inspektori, ariza beruvchi yoki uning vakili ishtirok etadi.
Baholash organi inspektori inspeksiya nazorati davomida aniqlangan nomuvofiqliklar boʻyicha bayonnoma rasmiylashtiradi va uning bir nusxasini ariza beruvchiga taqdim etadi.
Ariza beruvchi bayonnomada koʻrsatilgan nomuvofiqliklarni bartaraf etadi va bu haqda inspeksiya nazorati amalga oshirilgan kundan eʼtiboran oʻn besh ish kuni ichida inspektorga maʼlumot taqdim etadi.
Inspektor taqdim etilgan maʼlumotni ishonchsiz deb hisoblasa, rejadan tashqari inspeksiya nazoratini amalga oshirish mumkin.
Inspeksiya nazoratini amalga oshirgan ayni bir inspektor tomonidan takroran rejadan tashqari inspeksiya nazoratining amalga oshirilishiga yoʻl qoʻyilmaydi.
Inspeksiya nazoratini tashkil etish va inspektorlarni tayinlash vakolati organik mahsulot muvofiqligini baholash organi rahbariga yuklanadi.
Dastlabki inspeksiya nazorati uchun inspektor organik mahsulot muvofiqligini baholash organi rahbari tomonidan inspektorlar reyestridan tanlab olinadi. Bunda malakali, manfaatlar toʻqnashuvi mavjud boʻlmagan va ushbu obyekt bilan oxirgi uch yil davomida xizmat munosabatlariga ega boʻlmagan inspektor tanlanishi shart.
Takroran, rejadan tashqari inspeksiya nazoratini amalga oshirish uchun dastlabki inspeksiyani oʻtkazgan inspektor tayinlanmaydi. Ushbu holda organik mahsulot muvofiqligini baholash organi rahbari reyestrdan boshqa mustaqil inspektorni tayinlaydi.
Inspektorni tayinlash toʻgʻrisidagi buyruq elektron shaklda rasmiylashtiriladi va unda inspektorning shaxsiy maʼlumotlari, malakasi, tekshiruv turi va obyekti, tekshiruv asosi, muddati va vazifalari koʻrsatiladi. Buyruq nusxasi inspektor hamda tekshirilayotgan subyektga yuboriladi.
Inspektorni tayinlashda manfaatlar toʻqnashuvining oldini olish, xolislik va mustaqillik mezonlari majburiy tarzda tekshiriladi. Manfaatlar toʻqnashuvi aniqlangan shaxsning inspektor sifatida tayinlanishiga yoʻl qoʻyilmaydi.
Organik mahsulot muvofiqligini baholash organi inspektorni tayinlashga oid barcha maʼlumotlarni elektron reyestrda saqlaydi va zarurat boʻlganda nazorat qiluvchi organlarga taqdim etadi.
23 1 . Quyidagi hollarda taqdim etilgan maʼlumot ishonchsiz deb topiladi:
soxtalashtirilgan maʼlumotlar mavjud boʻlsa;
boshqa manbalardan tekshirib koʻrilgan maʼlumotlar bilan solishtirilganda, shuningdek, sanalar va koʻrsatkichlarda nomuvofiqliklar aniqlansa;
taqdim etilgan maʼlumotlarni tasdiqlovchi hujjatlar (guvohnomalar, sertifikatlar va xulosalar) boʻlmasa.
Ushbu bandda koʻrsatilmagan boshqa asoslarga koʻra taqdim etilgan maʼlumotni ishonchsiz deb topishga yoʻl qoʻyilmaydi.
24. Inspeksiya nazorati boʻyicha muvofiqlikni baholash organi inspektori tomonidan hisobot rasmiylashtiriladi.
hisobotda quyidagilar aks ettiriladi:
inspeksiya nazoratini oʻtkazish sanasi va muddati;
inspeksiya nazoratini amalga oshirgan muvofiqlikni baholash organi inspektorining familiyasi, ismi, otasining ismi;
tanlab olingan yer maydonlari va ishlab chiqarish obyektlari toʻgʻrisida maʼlumot;
ariza beruvchi aniqlangan nomuvofiqliklarni bartaraf etganligi haqida maʼlumot;
ilgari aniqlangan nomuvofiqliklar bartaraf etilishini tekshirish natijalari boʻyicha maʼlumotlar;
organik qishloq xoʻjaligi va oziq-ovqat mahsulotlari ishlab chiqarishni ixtiyoriy sertifikatlashtirishdan oʻtkazish doirasiga kiruvchi mahsulotdan olingan namunalar boʻyicha oʻtkazilgan laboratoriya tahlillari natijalari;
inspeksiya nazorati jarayonida oʻrganilgan hujjatlar (mahsulotlarni topshirish, qabul qilish, daromad va xarajatlar boʻyicha hisobotlar, organik ishlab chiqarish jarayonini tasdiqlovchi boshqa hujjatlar), shu jumladan, tekshirish tafsilotlari, hisobotning qisqacha mazmuni va xulosalar.
Inspektor inspeksiya nazorati boʻyicha tayyorlangan hisobot texnik jihatdan tartibga solish sohasidagi normativ hujjatlar va mazkur Nizom talablari asosida rasmiylashtirilishi uchun javobgar hisoblanadi.
25. Muvofiqlikni baholash organi organik qishloq xoʻjaligi va oziq-ovqat mahsulotlari ishlab chiqarishni ixtiyoriy sertifikatlashtirishdan oʻtkazish doirasiga kiruvchi mahsulot tarkibida geni oʻzgartirilgan mahsulot mavjudligini aniqlash va boshqa turdagi sinovlarni oʻtkazish uchun namuna tanlash hamda sinovlarni oʻtkazish yuzasidan inspeksiya nazoratini oʻtkazishda texnik jihatdan tartibga solish sohasidagi normativ hujjatlar talablariga rioya qilishi kerak.
5-bob. Organik muvofiqlik sertifikatini rasmiylashtirish
26. Inspektor tomonidan taqdim etilgan inspeksiya nazorati hisoboti muvofiqlikni baholash organi tomonidan xolislikni taʼminlagan holda oʻrganib chiqiladi hamda natijasiga koʻra ariza beruvchiga organik muvofiqlik sertifikatini berish yoki organik muvofiqlik sertifikatini berishni rad etish toʻgʻrisida qaror qabul qilinadi.
27. Quyidagi hollarda ariza beruvchiga organik muvofiqlik sertifikatini berishni rad etish toʻgʻrisida qaror qabul qilinadi va besh ish kunida ariza beruvchiga taqdim etiladi:
ariza beruvchi inspeksiya nazoratini amalga oshirishdan bosh tortganda yoki inspeksiya nazoratini talab etiladigan muddatda amalga oshirilishiga ruxsat bermasa;
shartnoma shartlarining ariza beruvchi tomonidan bajarilmaganligi aniqlanganda;
ariza beruvchi tomonidan texnik jihatdan tartibga solish sohasidagi normativ hujjatlar talablarining bajarilmagan yoki lozim darajada bajarilmaganligi aniqlanganda.
Mazkur bandda nazarda tutilmagan asoslarga koʻra ariza beruvchiga organik muvofiqlik sertifikatini berishni rad etish toʻgʻrisida qaror qabul qilishga yoʻl qoʻyilmaydi.
28. Inspektor taqdim etgan hisobot asosida ariza beruvchining ishlab chiqarish jarayoni texnik jihatdan tartibga solish sohasidagi normativ hujjatlar talablari va shartnoma shartlariga muvofiq deb topilganda, unga ushbu Nizomga 3-ilovaga muvofiq shakldagi organik muvofiqlik sertifikati beriladi.
Organik qishloq xoʻjaligi va oziq-ovqat mahsulotlari ishlab chiqarishni ixtiyoriy sertifikatlashtirishdan oʻtkazish xarajatlari ariza beruvchi tomonidan qoplanadi.
29. Organik muvofiqlik sertifikatini olgan ariza beruvchi organik qishloq xoʻjaligi mahsulotlarini yetishtiruvchi maqomiga ega boʻladi.
Organik muvofiqlik sertifikati berilgan sanadan boshlab oʻn besh oy davomida amal qiladi.
6-bob. Organik muvofiqlik sertifikatini qayta rasmiylashtirish
30. Organik qishloq xoʻjaligi mahsulotlarini yetishtiruvchi organik muvofiqlik sertifikatining amal qilish muddati tugashidan uch oy oldin sertifikatni qayta rasmiylashtirish uchun ariza bilan sertifikat bergan organ yoki boshqa muvofiqlikni baholash organiga murojaat qilishi mumkin.
Mazkur muddat oʻtkazib yuborilgan holda taqdim etilgan ariza muvofiqlikni baholash organi tomonidan mazkur Nizomning 2-bobida belgilangan tartibda koʻrib chiqiladi.
31. Mazkur Nizomning 3-bandiga muvofiq bir turdagi sertifikatlashtirish doirasi boʻyicha organik muvofiqlik sertifikatini qayta rasmiylashtirishda oʻtish davrini belgilashga yoʻl qoʻyilmaydi, organik qishloq xoʻjaligi mahsuloti yetishtiruvchining sertifikatlangan ishlab chiqarish jarayonini kengaytirish boʻyicha sertifikatlashtirish haqidagi murojaatlari bundan mustasno.
7-bob. Organik muvofiqlik sertifikatining amal qilishini toʻxtatib turish, tugatish va bekor qilish
32. Organik muvofiqlik sertifikatining amal qilishi muvofiqlikni baholash organi tomonidan quyidagi hollarda olti oydan koʻp boʻlmagan muddatga toʻxtatib turiladi:
inspeksiya nazorati davomida bartaraf etish mumkin boʻlgan shartnoma shartlariga hamda texnik jihatdan tartibga solish sohasidagi normativ hujjatlar talablariga nomuvofiqliklar aniqlanganda;
inspeksiya nazorati davomida aniqlangan nomuvofiqliklar ixtiyoriy ravishda sertifikatning amal qilishini toʻxtatib turish haqida ariza bilan murojaat qilinganda.
33. Organik muvofiqlik sertifikatining amal qilishi organik muvofiqlik sertifikatini bergan muvofiqlikni baholash organi tomonidan quyidagi hollarda tugatiladi:
organik qishloq xoʻjaligi mahsulotlarini yetishtiruvchi inspeksiya nazoratini amalga oshirishdan bosh tortganda yoki inspeksiya nazoratini talab etiladigan muddatda amalga oshirishga ruxsat bermaganda;
inspeksiya nazorati davomida organik qishloq xoʻjaligi mahsulotlarini yetishtiruvchi tomonidan texnik jihatdan tartibga solish sohasidagi normativ hujjatlar talablari bajarilmagan yoki lozim darajada bajarilmaganligi aniqlanganda;
organik qishloq xoʻjaligi mahsulotlarini yetishtiruvchi tomonidan muvofiqlik sertifikatining amal qilishini tugatish haqida ariza bilan murojaat qilinganda;
organik qishloq xoʻjaligi mahsulotlarini yetishtiruvchining faoliyati tugatilganda;
organik muvofiqlik sertifikatining amal qilishi toʻxtatib turilishiga sabab boʻlgan holatlar muvofiqlikni baholash organi tomonidan belgilangan muddatda ariza beruvchi tomonidan bartaraf etilmaganda.
34. Muvofiqlik sertifikatining amal qilishi uni tugatish haqida qaror qabul qilingan sanadan eʼtiboran tugatiladi.
35. Organik muvofiqlik sertifikati sertifikatni bergan muvofiqlikni baholash organi yoki sud tomonidan quyidagi hollarda bekor qilinadi:
organik muvofiqlik sertifikatini olish jarayonida soxta hujjatlardan foydalanilganligi aniqlanganda;
muvofiqlikni baholash organining organik muvofiqlik sertifikatini berish haqidagi qarori noqonuniy deb topilganda.
36. Muvofiqlik sertifikatini bekor qilish haqida muvofiqlikni baholash organi yoki sudning qarori qabul qilinganda, organik muvofiqlik sertifikati u berilgan sanadan eʼtiboran bekor qilingan hisoblanadi.
37. Organik muvofiqlik sertifikatining amal qilishini toʻxtatib turish, tugatish va bekor qilish muvofiqlikni baholash organining qarori bilan rasmiylashtiriladi.
Muvofiqlikni baholash organining qarorlaridan norozi boʻlgan taqdirda, ariza beruvchi Oʻzbekiston texnik jihatdan tartibga solish agentligining shikoyatlarni koʻrib chiqish kengashiga yoki bevosita sudga murojaat etishga haqlidir.
Agar organik muvofiqlik sertifikatining amal qilish muddati tugagan yoki uning amal qilishi toʻxtatib qoʻyilgan boʻlsa, mahsulot organik qishloq xoʻjaligi mahsuloti sifatida realizatsiya qilinishi mumkin emas.
8-bob. Yakunlovchi qoidalar
38. Muvofiqlikni baholash organi organik qishloq xoʻjaligi mahsulotlarini yetishtiruvchiga organik muvofiqlik sertifikatini berish, uning amal qilishini toʻxtatib turish, tugatish va uni bekor qilish boʻyicha qabul qilingan har bir qaror haqidagi maʼlumotni vakolatli davlat organiga har oy yakuni bilan taqdim etib boradi.
39. Organik qishloq xoʻjaligi va oziq-ovqat mahsulotlari ishlab chiqarishni sertifikatlashtirishdan oʻtkazish jarayonida yuzaga keladigan nizolar qonunchilik hujjatlarida belgilangan tartibda hal etiladi.
40. Mazkur Nizom talablari buzilishida aybdor boʻlgan shaxslar qonunchilik hujjatlariga muvofiq javobgar boʻladi.
Organik qishloq xoʻjaligi va oziq-ovqat mahsulotlari ishlab chiqarishni ixtiyoriy sertifikatlashtirishdan oʻtkazish tartibi toʻgʻrisida nizomga 1-ILOVA
Organik qishloq xoʻjaligi va oziq-ovqat mahsulotlari ishlab chiqarishni ixtiyoriy sertifikatlashtirishdan oʻtkazish
Bosqichlar Subyekt Amalga oshirish jarayoni Muddati 1-bosqich Ariza beruvchi Tegishli hujjatlarni ilova qilgan holda yozma yoki elektron shaklda ariza topshiradi. Ariza beruvchi xohishiga koʻra 2-bosqich Muvofiqlikni baholash organi 1. Ariza va unga ilova qilingan hujjatlarni oʻrganib chiqadi. 2. Sertifikatlashtirish uchun shartnoma tuzadi yoki rad etadi. Besh ish kunida 3-bosqich Ariza beruvchi Oʻtish davrida shartnoma shartlarini va texnik jihatdan tartibga solish sohasidagi normativ hujjatlarda belgilangan talablarni bajaradi. Normativ hujjatlarda belgilangan muddatda 4-bosqich Muvofiqlikni baholash organining inspektori 1. Rejali va rejadan tashqari inspeksiya nazoratini amalga oshiradi. 2. Oʻtkazilgan inspeksiya nazorati yuzasidan muvofiqlikni baholash organiga hisobot taqdim etadi. Bir yilda bir marta 5-bosqich Muvofiqlikni baholash organi 1. Ariza beruvchiga sertifikat berish toʻgʻrisida qaror qabul qiladi. 2. Organik muvofiqlik sertifikatini rasmiylashtiradi va elektron maʼlumotlar bazasiga kiritadi. Besh ish kunida 6-bosqich Muvofiqlikni baholash organi Yetishtiruvchining organik ishlab chiqarish jarayonini inspeksiya nazoratidan oʻtkazadi. Bir yilda bir marta 7-bosqich Organik qishloq xoʻjaligi mahsulotlarini yetishtiruvchi Avval berilgan sertifikatni qayta rasmiylashtirish uchun muvofiqlikni baholash organiga murojaat qiladi. Sertifikatning amal qilish muddati tugashidan uch oy oldin 8-bosqich Muvofiqlikni baholash organi 1. Shartnomani qayta rasmiylashtiradi. 2. Organik qishloq xoʻjaligi mahsulotlarini yetishtiruvchining organik ishlab chiqarish jarayonini inspeksiya nazoratidan oʻtkazadi. Ikki ish kunida 9-bosqich Muvofiqlikni baholash organi 1. Organik qishloq xoʻjaligi mahsulotlarini yetishtiruvchiga sertifikat berish toʻgʻrisida qaror qabul qiladi. 2. Organik muvofiqlik sertifikatni rasmiylashtiradi. Besh ish kunida
Organik qishloq xoʻjaligi va oziq-ovqat mahsulotlari ishlab chiqarishni ixtiyoriy sertifikatlashtirishdan oʻtkazish tartibi toʻgʻrisida nizomga 2-ILOVA
Organik qishloq xoʻjaligi mahsulotlarini yetishtirish va qayta ishlash tizimini ixtiyoriy sertifikatlashtirish uchun ariza namunasi
Ariza beruvchining nomi Davlat tilida Xorijiy tilda (zarurat boʻlsa) davlat roʻyxatidan oʻtgan raqami STIR ( soliq toʻlovchining identifikatsiya raqami ) pochta manzili amaldagi manzili bank rekviziti telefon raqami e-mail m anzil: rahbarning F.I.O qoʻshimcha maʼlumotlar toʻlovni amalga oshiruvchi uchinchi shaxs haqida maʼlumotlar toʻlovchining nomi STIR (soliq toʻlovchining identifikatsiya raqami) pochta manzili bank rekviziti telefon raqami e-mail rahbarning F.I.O organik talablarni belgilovchi standart belgisi tashkilot guvohnomasi seriyasi va raqami avvalgi sertifikat haqida maʼlumot sertifikatlash organi nomi sertifikat berilgan sana, sertifikatning amal qilish muddati boshqa sertifikatlash organidan oʻtish holatida, tashkilot baholanganligini tasdiqlovchi barcha hujjatlar Faoliyat turi (normativ hujjatlarga asosan) Qishloq xoʻjaligi tarmoqlari: oʻsimlikshunoslik ( texnik oʻsimliklar ) bogʻdorchilik chorvachilik sabzavotchilik polizchilik gʻallachilik-paxtachilik ekinlar boʻyicha rejalashtirilgan birinchi ekishning boshlanish sanasi chorvachilik sohasi: sutchilikka yoʻnaltirilgan chorva goʻshtga moʻljallangan chorva choʻchqachilik quyonchilik echkichilik, qoʻy-qoʻzichilik asalarichilik parrandachilik umumiy yer maydoni (ga) uzoq muddatli ijaraga olingan yer maydoni ( ga ) qishloq xoʻjaligi uchun moʻljallangan yer maydoni (ga) uzoq muddatli ijaraga olingan yer maydoni ( ga ) sertifikatlangan maydon (ga) uzoq muddatli ijaraga olingan yer maydoni ( ga ) mahsulotlarni qayta ishlash boʻyicha maʼlumot oʻsimlik mahsulotlarini qayta ishlash chorva mahsulotlarini qayta ishlash mahsulotlarni sotish mahsulotlarni qadoqlash mahsulotlarni saqlash mahsulotlar importi ____________ ___ _______ ______________ _______________ _/ _____ ____________ ___________/ (sana) (imzo) (F.I.O.)
Organik qishloq xoʻjaligi va oziq-ovqat mahsulotlari ishlab chiqarishni ixtiyoriy sertifikatlashtirishdan oʻtkazish tartibi toʻgʻrisida nizomga 2a-ILOVA
Ariza beruvchining faoliyati boʻyicha umumiy maʼlumot
1. Umumiy tavsif Tashkilot nomi Roʻyxatdan oʻtgan raqami Tashkilot egasi yoki vakolatli shaxs F.I.O. Ishlab chiqarish sohasi: Oʻsimlikshunoslik ( almashlab ekish va oʻgʻitlash rejasini ilova qilish ) (1.3-ilova): Chorvachilik ( qishloq xoʻjaligi chorva mollariga tegishli boʻlgan hujjatlarni ilova qilish ): Asalarichilik( asalarichilikning radiusi 3 km dan kam boʻlmagan xaritani ilova qilish ) Oʻsimlikshunoslik (texnik ekinlar) Sut yetishtirishga moʻljallangan chorva mollari sabzavotchilik goʻshtga moʻljallangan chorva mollari polizchilik echki va qoʻy-qoʻzi boshqalar: mevachilik parrandachilik yovvoyi oʻsimlik mahsulotlarini yigʻish choʻchqachilik quyonchilik Qoʻshni xoʻjaliklar tavsifi (faoliyati, usuli): □ Organik boʻlmagan mahsulotlarni intensiv ishlab chiqarish Ishlab chiqarish sohasi:__________________________________ □ Organik boʻlmagan mahsulotlarni ekstensiv ishlab chiqarish Ishlab chiqarish sohasi: _________________________________ □ Organik qishloq xoʻjaligi tizimida ishlab chiqarish. Ishlab chiqarish sohasi: ________________________________ Texnik taʼminlanganlik Xodimlar, vazifalari hamkorlar 2. Binolarning va boshqa ishlab chiqarish maydonlarining tavsifi molxona . m 2 ; ombor . m 2 ; yopiq xona . m 2 ; yertoʻla . m 2 ; quritish xonasi . m 2 ; molning aylanish hududi . m 2 ; Mahalliy oʻgʻit saqlash ombori ( turi, hajmi, goʻngni saqlash muddati va boshqalar ) ____________ ___ _______ ______________ ________________ _/ _____ ____________ ___________/ (sana) (imzo) (F.I.O.)
Organik qishloq xoʻjaligi va oziq-ovqat mahsulotlari ishlab chiqarishni ixtiyoriy sertifikatlashtirishdan oʻtkazish tartibi toʻgʻrisida nizomga 2b-ILOVA
Ishlab chiqarish binolari, omborxonalar, saqlash maydonlari va sovutkichlarning tavsiflari
Ombor raqami Mahsulot qabul qilib olinadigan maydon hajmi (m 2 / m 3 / tonna) Saqlash joyining manzili Saqlash joylaridan foydalanishga huquq (ijara yoki shaxsiyligini tasdiqlovchi hujjat ) Saqlash uchun asos ( ijara shartnomasi, shaxsiy boʻlgan taqdirda, shaxsiyligini tasdiqlovchi hujjat, organik sertifikat nusxasi ) Saqlanadigan mahsulotni saqlash usullari ( organik yoki oʻtish davrida, organik boʻlmagan ) Izoh ( ombordan foydalanish/ijaraga berilgan /hamkorlikda foydalaniladi va boshqalar ) ___________________ _________ __ _______/ ______ _ __________/ (sana) (imzo) (F.I.O.)
Organik qishloq xoʻjaligi va oziq-ovqat mahsulotlari ishlab chiqarishni ixtiyoriy sertifikatlashtirishdan oʻtkazish tartibi toʻgʻrisida nizomga 2v-ILOVA
Organik qishloq xoʻjaligi va oziq-ovqat mahsulotlari ishlab chiqarishni ixtiyoriy sertifikatlashtirishdan oʻtkazish tartibi toʻgʻrisida nizomga 2g-ILOVA
Almashlab ekish va oʻgʻitlash rejasi
T/R Kontur ( raqami ) Yer maydoni ( gektar ) Ruxsat etilmagan vositalardan oxirgi foydalanish muddati (yil va turi) 20 ___ y 20 ___ y 20 ___ y 20 ___ y Ekin turi Rejalashtirilgan oʻgʻitlar miqdori (tonna) Ekin turi Rejalashtirilgan oʻgʻitlar miqdori (tonna) Ekin turi Rejalashtirilgan oʻgʻitlar miqdori (tonna) Ekin turi Rejalashtirilgan oʻgʻitlar miqdori (tonna) Jami ___________________ ____________________ _________________________ ( sana) (imzo) (F.I.O.)
Organik qishloq xoʻjaligi va oziq-ovqat mahsulotlari ishlab chiqarishni ixtiyoriy sertifikatlashtirishdan oʻtkazish tartibi toʻgʻrisida nizomga 2d-ILOVA
Qishloq xoʻjaligi chorva mollari va rejalashtirilgan chorva mahsulotlari haqida maʼlumot
Podaning roʻyxatga olingan raqami Hayvonlarni boqish kompleksi Hayvon turi Nasli Miqdori Hayvonlarning maydonga (ga) nisbatan maksimal soni Boqilayotgan hayvonlar miqdoriga muvofiq yer maydoni (ga) Yaylovlatish davri Aylantirish uchun maydon m 2 Molxona maydoni, m 2 _______________________ __________ __ ______/ ______ _ __________/ (sana) (imzo) (F.I.O.)
Organik qishloq xoʻjaligi va oziq-ovqat mahsulotlari ishlab chiqarishni ixtiyoriy sertifikatlashtirishdan oʻtkazish tartibi toʻgʻrisida nizomga 2e-ILOVA
Asalarichilik faoliyati boʻyicha maʼlumot
Organik qishloq xoʻjaligi va oziq-ovqat mahsulotlari ishlab chiqarishni ixtiyoriy sertifikatlashtirishdan oʻtkazish tartibi toʻgʻrisida nizomga 3-ILOVA
Oʻzbekiston Respublikasining Bosh vaziri A. ARIPOV
Toshkent sh.,
2021-yil 23-fevral,
96-son