UzbekAI

Ўзбекистон Республикаси Вазирлар Маҳкамасининг

қарори

НИЗОМ

СХЕМАСИ

Оммавий-маданий ва концерт-томоша тадбирларининг йиллик календарь режаларини шакллантириш ва тасдиқлаш тартиби тўғрисидаги низомни тасдиқлаш ҳақида

Ўзбекистон Республикаси Президентининг «Ўзбекистон Республикасида маданият ва санъат соҳасини янада ривожлантириш чора-тадбирлари тўғрисида» 2020 йил 26 майдаги ПФ-6000-сон Фармонига мувофиқ оммавий-маданий ва концерт-томоша тадбирларининг календарь режалари асосида ўтказилишини таъминлаш мақсадида Вазирлар Маҳкамаси қарор қилади:

1. Ўзбекистон Республикаси Маданият вазирлиги томонидан ишлаб чиқилган қуйидагиларни назарда тутувчи Оммавий-маданий ва концерт-томоша тадбирларининг йиллик календарь режаларини шакллантириш ва тасдиқлаш тартиби тўғрисидаги низом иловага мувофиқ тасдиқлансин:

оммавий-маданий ва концерт-томоша тадбирларини (кейинги ўринларда — тадбирлар) ташкил этиш ва ўтказиш ҳамда уларда қатнашишнинг яхлит тизимини шакллантириш;

оммавий-маданий ва концерт-томоша тадбирларининг йиллик календарь режаларини (кейинги ўринларда — календарь режалар) шакллантириш ва тасдиқлаш;

календарь режаларда назарда тутилган тадбирларни молиялаштириш.

2. Белгилаб қўйилсинки:

календарь режа тегишлича Вазирлар Маҳкамаси, Қорақалпоғистон Республикаси Вазирлар Кенгаши, вилоятлар, Тошкент шаҳар, туманлар ва шаҳарлар ҳокимликларининг қарорлари билан тасдиқланади;

концерт-томоша фаолиятини амалга оширувчи шахслар томонидан давлат органлари ва ташкилотларининг буюртмаларига асосан барча хизматлар ёзма шаклда тузиладиган шартнома асосида ҳақ тўлаш эвазига кўрсатилади, концерт-томоша фаолиятини амалга оширувчи давлат муассасалари ходимлари билан тузилган меҳнат шартномаларидан келиб чиқадиган мажбуриятлар бундан мустасно;

календарь режаларда назарда тутилган тадбирлар ушбу мақсадларга ажратилган маблағлар доирасида Ўзбекистон Республикаси республика бюджети ва Қорақалпоғистон Республикаси бюджети, вилоятлар, Тошкент шаҳар, туманлар ва шаҳарлар маҳаллий бюджетлари маблағлари ҳисобидан, буюртмачи маблағлари, шунингдек, қонунчилик ҳужжатларида тақиқланмаган бошқа манбалар ҳисобидан молиялаштирилади.

3. Ўзбекистон Республикаси Маданият вазирлиги:

2021 йилдан бошлаб календарь режаларда назарда тутиладиган тадбирларининг рўйхати ҳамда уларни ўтказиш билан боғлиқ йиллик харажатлар сметасини, асосланган ҳисоб-китобларни ва бошқа молиявий материалларни Молия вазирлигига тақдим этиб борсин;

манфаатдор вазирликлар ва идоралар билан биргаликда ўзлари қабул қилган норматив-ҳуқуқий ҳужжатларни бир ой муддатда ушбу қарорга мувофиқлаштирсин.

4. Мазкур қарорнинг бажарилишини назорат қилиш Ўзбекистон Республикаси Бош вазирининг ижтимоий ривожлантириш масалалари бўйича ўринбосари Б.А. Мусаев ва Ўзбекистон Республикаси маданият вазири О.А. Назарбеков зиммасига юклансин.

Вазирлар Маҳкамасининг 2021 йил 23 февралдаги 98-сон қарорига ИЛОВА

Оммавий-маданий ва концерт-томоша тадбирларининг йиллик календарь режаларини шакллантириш ва тасдиқлаш тартиби тўғрисида

1-боб. Умумий қоидалар

1. Ушбу Низом Ўзбекистон Республикаси ҳудудида халқаро ва республика миқёсидаги, шунингдек, Ўзбекистон Республикаси томонидан хорижий давлатларда оммавий-маданий ва концерт-томоша тадбирларини (кейинги ўринларда — тадбирлар) ташкил этиш ва ўтказиш бўйича йиллик календарь режаларни (кейинги ўринларда — календарь режалар) шакллантириш ҳамда тасдиқлаш тартибини белгилайди.

2. Қуйидагилар календарь режаларни шакллантиришнинг асосий вазифалари ҳисобланади:

тадбирларни ташкил этиш ва ўтказиш ҳамда уларда қатнашишнинг яхлит тизимини шакллантириш;

тадбирларни ташкил этиш ва ўтказишга йўналтириладиган бюджет маблағларидан мақсадли ҳамда самарали фойдаланиш;

тадбирларни ташкил этиш ва ўтказиш бўйича аниқ маълумотларни оммавий ахборот воситалари ҳамда кенг жамоатчилик томонидан барвақт олиш имкониятини яратиш;

тадбирларга жалб этиладиган ижрочилар томонидан давлат органлари ва ташкилотларининг буюртмаларига асосан барча хизматлар ёзма шаклда тузиладиган шартнома асосида ҳақ тўлаш эвазига кўрсатилишини жорий қилиш.

3. Ушбу Низомда қуйидаги асосий тушунчалардан фойдаланилади:

буюртмачи — тадбирни ўтказиш истагини билдирган манфаатдор давлат органлари ва ташкилотлари;

ижрочи — тадбирнинг ташкилий, бадиий, расмий қисмларини шартнома асосида амалга оширувчи юридик ёки жисмоний шахс;

оммавий-маданий ва концерт-томоша тадбирлари (тадбирлар) — анъанавий тарзда ўтказилиб келинаётган умумхалқ байрамлари, давлат тадбирларининг бадиий қисмлари, касб байрамлари, атоқли намоёндаларнинг юбилей саналари, оммавий спорт ва бошқа халқаро тадбирларнинг тантанали очилиш ва ёпилиш маросимлари, фестиваллар, кўрик-танловлар, концертлар, халқ сайиллари ва бошқа тадбирлар.

4. Календарь режалар ушбу Низомга 1-иловадаги намунавий жадвалга мувофиқ шакллантирилади.

5. Тадбирлар Ўзбекистон Республикаси Маданият вазирлиги ҳамда Қорақалпоғистон Республикаси Маданият вазирлиги, вилоятлар ва Тошкент шаҳар маданият бошқармалари (кейинги ўринларда — Маданият вазирлиги ва унинг ҳудудий бўлинмалари) билан келишилган ҳолда, мазкур Низом талаблари асосида ўтказилади.

2-боб. Календарь режаларни шакллантириш ва тасдиқлаш тартиби

6. Календарь режалар Маданият вазирлиги ва унинг ҳудудий бўлинмалари томонидан буюртмачи таклифлари асосида республика, Қорақалпоғистон Республикаси, вилоятлар, Тошкент шаҳри ҳамда туман ва шаҳарлар миқёсида ишлаб чиқилади.

7. Тадбирлар юзасидан таклифлар тегишлилиги бўйича республика миқёсидаги давлат органлари ва ташкилотлари (буюртмачи) томонидан Маданият вазирлигига, ҳудудий давлат органлари ва ташкилотлари (буюртмачи) томонидан Маданият вазирлигининг ҳудудий бўлинмаларига қуйидаги ҳужжатлар билан биргаликда тақдим этилади:

тадбирларни ташкил этиш ва ўтказиш бўйича асословчи ҳужжатлар;

тадбир концепцияси;

тадбирнинг буюртмачи томонидан тасдиқланган молиялаштириш манбалари ва харажатлар сметаси лойиҳалари.

Таклифлар Маданият вазирлиги ва унинг ҳудудий бўлинмалари томонидан мазкур Низом талабларига тўлиқ риоя қилган ҳолда тақдим этилган тақдирда қабул қилинади.

8. Календарь режалар қуйидагиларга бўлинади:

республика календарь режаси — республика миқёсидаги давлат органлари ва бошқа ташкилотлар (буюртмачилар)нинг таклифи бўйича Маданият вазирлиги томонидан шакллантирилади ва Вазирлар Маҳкамаси фармойиши билан тасдиқланади;

ҳудудий календарь режа — ҳудудий давлат органлари ва ташкилотлари (буюртмачилар)нинг таклифи бўйича Маданият вазирлигининг ҳудудий бўлинмалари томонидан шакллантирилади ҳамда тегишли маҳаллий ижро этувчи ҳокимият органларининг қарори билан тасдиқланади.

9. Календарь режаларга умумхалқ байрамлари, давлат тадбирларининг бадиий қисмлари, касб байрамлари, атоқли намоёндаларнинг юбилей саналари, оммавий спорт ва бошқа халқаро тадбирларнинг тантанали очилиш ва ёпилиш маросимлари, фестиваллар, кўрик-танловлар, концертлар, халқ сайиллари ва бошқа тадбирлар киритилади.

10. Календарь режалар ушбу Низомга 2-иловадаги схемага мувофиқ ҳар йили қуйидаги тартибда ва муддатларда шакллантирилади ва тасдиқланади:

буюртмачи томонидан календарь режаларга киритиладиган тадбирлар рўйхатини шакллантириш — март ойи давомида;

буюртмачи томонидан календарь режаларга киритиладиган тадбирлар рўйхатини тегишлилиги бўйича Маданият вазирлиги ёки унинг ҳудудий бўлинмаларига тақдим этиш — апрель ойи давомида;

Маданият вазирлиги ва унинг ҳудудий бўлинмалари томонидан календарь режаларга киритиладиган тадбирлар рўйхатини умумлаштириш — апрель ойи давомида;

Маданият вазирлиги ва унинг ҳудудий бўлинмалари томонидан календарь режаларга киритиладиган тадбирлар рўйхатини белгиланган тартибда Вазирлар Маҳкамаси ёки маҳаллий ижро этувчи ҳокимият органларига тасдиқлаш учун киритиш — ҳар йили июнь ойига қадар;

Вазирлар Маҳкамаси ва маҳаллий ижро этувчи ҳокимият органлари томонидан белгиланган тартибда календарь режаларни кўриб чиқиш ва тасдиқлаш — октябрь ойи давомида.

11. Тасдиқланган календарь режалар Маданият вазирлиги ҳамда маҳаллий ижро этувчи ҳокимият органларининг расмий веб-сайтлари ва бошқа оммавий ахборот воситалари орқали эълон қилинади.

12. Ўзбекистон Республикаси Президенти, Вазирлар Маҳкамаси, маҳаллий ижро этувчи ҳокимият органларининг календарь режаларга киритилмаган тадбирларни ўтказишни назарда тутувчи қарорларида ушбу тадбирларни ташкил этиш бўйича кўрсатиладиган хизматлар бўйича буюртмачилар ҳамда уларни молиялаштириш манбалари белгиланади.

3-боб. Тадбирларни молиялаштириш ва календарь режаларга ўзгартириш киритиш тартиби

13. Республика календарь режаси ҳамда ҳудудий календарь режаларда назарда тутилган тадбирлар:

Ўзбекистон Республикаси республика ва маҳаллий бюджет маблағлари;

буюртмачи маблағлари;

жисмоний ва юридик шахсларнинг ҳомийлик хайриялари;

қонунчилик ҳужжатлари билан тақиқланмаган бошқа манбалар ҳисобидан молиялаштирилади.

14. Календарь режаларнинг йиллик сметаларига тадбирлар ўтказиладиган вақтдаги хизматлар қийматининг ўзгариши инобатга олинган ҳолда, ўзгартириш ва қўшимчалар киритилиши мумкин.

15. Ижрочилар томонидан давлат органлари ва ташкилотларининг буюртмаларига асосан барча хизматлар ёзма шаклда тузиладиган шартнома асосида ҳақ тўлаш эвазига кўрсатилади, концерт-томоша фаолиятини амалга оширувчи давлат муассасалари ходимлари билан тузилган меҳнат шартномаларидан келиб чиқадиган мажбуриятлар бундан мустасно.

16. Календарь режаларга қуйидаги ҳолларда ўзгартириш ва қўшимчалар киритилиши мумкин:

тадбирларни ўтказиш муддатлари ва (ёки) жойлари ўзгарганда;

календарь режаларга қўшимча тадбир киритиш зарурати юзага келганда;

тадбирларнинг бадиий қисмига ўзгартириш ва қўшимчалар киритилганда;

тадбир қатнашчиларининг таркиби ёки сони ўзгарганда;

буюртмачининг молиявий имконияти ва шартлари ўзгарганда;

тадбирлар учун назарда тутилган маблағлар етишмаганда.

Маданият вазирлиги ва унинг ҳудудий бўлинмалари томонидан тегишлича Вазирлар Маҳкамаси ёки маҳаллий ижро этувчи ҳокимият органлари билан келишилган ҳолда, календарь режаларга ўзгартириш ва қўшимчалар киритилиши мумкин.

Бунда тадбир учун зарур бўладиган қўшимча харажатлар буюртмачи маблағлари ҳисобидан амалга оширилади.

4-боб. Якунловчи қоидалар

17. Мазкур Низом талабларига риоя этиш Маданият вазирлиги томонидан назорат қилинади.

18. Ушбу Низом талабларини бузган шахслар қонунчилик ҳужжатларига мувофиқ жавобгар бўлади.

Оммавий-маданий ва концерт-томоша тадбирларининг йиллик календарь режаларини шакллантириш ва тасдиқлаш тартиби тўғрисидаги низомга 1-ИЛОВА

Намуна 20___ йилда _________________________да ўтказиладиган оммавий-маданий ва концерт-томоша тадбирларининг (ҳудуд номи) ЙИЛЛИК КАЛЕНДАРЬ РЕЖАСИ * Т/р Тадбир номи Тадбир ўтказиш учун асос (ҳужжат рақами ва санаси) Тадбир ўтказиладиган жой, сана ва вақти Тадбир буюртмачиси Тадбир ижрочиси Тадбирни молиялаштириш манбаси Талаб этиладиган маблағ миқдори (сўм) Тадбир ижрочисининг тадбирдаги вазифалари 1. Касб байрами Бош бошқарманинг фаоллар зали 202 __ йил 21 март соат: 10.00 Тошкент шаҳар Соғлиқни сақлаш бош бошқармаси Ўзбекистон давлат филармонияси Давлат бюджети, буюртмачининг бюджетдан ташқари маблағлари 200 млн Ташкилий қисм, Бадиий қисм, Расмий қисм ... ... ... ... ... ... ... ...

Оммавий-маданий ва концерт-томоша тадбирларининг йиллик календарь режаларини шакллантириш ва тасдиқлаш тартиби тўғрисидаги низомга 2-ИЛОВА

Оммавий-маданий ва концерт-томоша тадбирларининг йиллик календарь режаларини шакллантириш ва тасдиқлаш

Босқичлар Субъектлар Амалга ошириладиган ишлар Муддатлар I босқич Оммавий-маданий ва концерт-томоша тадбирини ўтказиш истагини билдирган юридик шахс (буюртмачи) Календарь режага киритиладиган тадбирлар рўйхатини шакллантириш ҳар йили март ойида II босқич Оммавий-маданий ва концерт-томоша тадбирини ўтказиш истагини билдирган юридик шахс (буюртмачи) Календарь режага киритиладиган тадбирлар рўйхатини тегишлилиги бўйича Маданият вазирлиги ёки унинг ҳудудий бўлинмаларига тақдим этиш ҳар йили апрель ойида III босқич Маданият вазирлиги ва унинг ҳудудий бўлинмалари Календарь режага киритиладиган тадбирлар рўйхатини умумлаштириш ҳар йили май ойида IV босқич Маданият вазирлиги ва унинг ҳудудий бўлинмалари Календарь режага киритиладиган тадбирлар рўйхатини белгиланган тартибда Вазирлар Маҳкамаси ёки маҳаллий ижро этувчи ҳокимият органларига тасдиқлаш учун киритиш ҳар йили июнь ойида V босқич Вазирлар Маҳкамаси ва маҳаллий ижро этувчи ҳокимият органлари Белгиланган тартибда календарь режаларни кўриб чиқиш ва тасдиқлаш ҳар йили октябрь ойида V I босқич Маданият вазирлиги ва унинг ҳудудий бўлинмалари Тегишлилиги бўйича Вазирлар Маҳкамаси ёки маҳаллий ижро этувчи ҳокимият органлари билан келишилган ҳолда календарь режага ўзгартириш ва қўшимчалар киритиш заруратга кўра

Ўзбекистон Республикасининг Бош вазири А. АРИПОВ

Тошкент ш.,

2021 йил 23 февраль,

98-сон

(Қонун ҳужжатлари маълумотлари миллий базаси, 24.02.2021 й., 09/21/98/0150-сон, Қонунчилик маълумотлари миллий базаси, 05.04.2022 й., 09/22/153/0266-сон)

lex.uz

Oʻzbekiston Respublikasi Vazirlar Mahkamasining

qarori

NIZOM

SXEMASI

Ommaviy-madaniy va konsert-tomosha tadbirlarining yillik kalendar rejalarini shakllantirish va tasdiqlash tartibi toʻgʻrisidagi nizomni tasdiqlash haqida

Oʻzbekiston Respublikasi Prezidentining “Oʻzbekiston Respublikasida madaniyat va sanʼat sohasini yanada rivojlantirish chora-tadbirlari toʻgʻrisida” 2020-yil 26-maydagi PF-6000-son Farmoniga muvofiq ommaviy-madaniy va konsert-tomosha tadbirlarining kalendar rejalari asosida oʻtkazilishini taʼminlash maqsadida Vazirlar Mahkamasi qaror qiladi:

1. Oʻzbekiston Respublikasi Madaniyat vazirligi tomonidan ishlab chiqilgan quyidagilarni nazarda tutuvchi Ommaviy-madaniy va konsert-tomosha tadbirlarining yillik kalendar rejalarini shakllantirish va tasdiqlash tartibi toʻgʻrisidagi nizom ilovaga muvofiq tasdiqlansin:

ommaviy-madaniy va konsert-tomosha tadbirlarini (keyingi oʻrinlarda — tadbirlar) tashkil etish va oʻtkazish hamda ularda qatnashishning yaxlit tizimini shakllantirish;

ommaviy-madaniy va konsert-tomosha tadbirlarining yillik kalendar rejalarini (keyingi oʻrinlarda — kalendar rejalar) shakllantirish va tasdiqlash;

kalendar rejalarda nazarda tutilgan tadbirlarni moliyalashtirish.

2. Belgilab qoʻyilsinki:

kalendar reja tegishlicha Vazirlar Mahkamasi, Qoraqalpogʻiston Respublikasi Vazirlar Kengashi, viloyatlar, Toshkent shahar, tumanlar va shaharlar hokimliklarining qarorlari bilan tasdiqlanadi;

konsert-tomosha faoliyatini amalga oshiruvchi shaxslar tomonidan davlat organlari va tashkilotlarining buyurtmalariga asosan barcha xizmatlar yozma shaklda tuziladigan shartnoma asosida haq toʻlash evaziga koʻrsatiladi, konsert-tomosha faoliyatini amalga oshiruvchi davlat muassasalari xodimlari bilan tuzilgan mehnat shartnomalaridan kelib chiqadigan majburiyatlar bundan mustasno;

kalendar rejalarda nazarda tutilgan tadbirlar ushbu maqsadlarga ajratilgan mablagʻlar doirasida Oʻzbekiston Respublikasi respublika budjeti va Qoraqalpogʻiston Respublikasi budjeti, viloyatlar, Toshkent shahar, tumanlar va shaharlar mahalliy budjetlari mablagʻlari hisobidan, buyurtmachi mablagʻlari, shuningdek, qonunchilik hujjatlarida taqiqlanmagan boshqa manbalar hisobidan moliyalashtiriladi.

3. Oʻzbekiston Respublikasi Madaniyat vazirligi:

2021-yildan boshlab kalendar rejalarda nazarda tutiladigan tadbirlarining roʻyxati hamda ularni oʻtkazish bilan bogʻliq yillik xarajatlar smetasini, asoslangan hisob-kitoblarni va boshqa moliyaviy materiallarni Moliya vazirligiga taqdim etib borsin;

manfaatdor vazirliklar va idoralar bilan birgalikda oʻzlari qabul qilgan normativ-huquqiy hujjatlarni bir oy muddatda ushbu qarorga muvofiqlashtirsin.

4. Mazkur qarorning bajarilishini nazorat qilish Oʻzbekiston Respublikasi Bosh vazirining ijtimoiy rivojlantirish masalalari boʻyicha oʻrinbosari B.A. Musayev va Oʻzbekiston Respublikasi madaniyat vaziri O.A. Nazarbekov zimmasiga yuklansin.

Vazirlar Mahkamasining 2021-yil 23-fevraldagi 98-son qaroriga ILOVA

Ommaviy-madaniy va konsert-tomosha tadbirlarining yillik kalendar rejalarini shakllantirish va tasdiqlash tartibi toʻgʻrisida

1-bob. Umumiy qoidalar

1. Ushbu Nizom Oʻzbekiston Respublikasi hududida xalqaro va respublika miqyosidagi, shuningdek, Oʻzbekiston Respublikasi tomonidan xorijiy davlatlarda ommaviy-madaniy va konsert-tomosha tadbirlarini (keyingi oʻrinlarda — tadbirlar) tashkil etish va oʻtkazish boʻyicha yillik kalendar rejalarni (keyingi oʻrinlarda — kalendar rejalar) shakllantirish hamda tasdiqlash tartibini belgilaydi.

2. Quyidagilar kalendar rejalarni shakllantirishning asosiy vazifalari hisoblanadi:

tadbirlarni tashkil etish va oʻtkazish hamda ularda qatnashishning yaxlit tizimini shakllantirish;

tadbirlarni tashkil etish va oʻtkazishga yoʻnaltiriladigan budjet mablagʻlaridan maqsadli hamda samarali foydalanish;

tadbirlarni tashkil etish va oʻtkazish boʻyicha aniq maʼlumotlarni ommaviy axborot vositalari hamda keng jamoatchilik tomonidan barvaqt olish imkoniyatini yaratish;

tadbirlarga jalb etiladigan ijrochilar tomonidan davlat organlari va tashkilotlarining buyurtmalariga asosan barcha xizmatlar yozma shaklda tuziladigan shartnoma asosida haq toʻlash evaziga koʻrsatilishini joriy qilish.

3. Ushbu Nizomda quyidagi asosiy tushunchalardan foydalaniladi:

buyurtmachi — tadbirni oʻtkazish istagini bildirgan manfaatdor davlat organlari va tashkilotlari;

ijrochi — tadbirning tashkiliy, badiiy, rasmiy qismlarini shartnoma asosida amalga oshiruvchi yuridik yoki jismoniy shaxs;

ommaviy-madaniy va konsert-tomosha tadbirlari (tadbirlar) — anʼanaviy tarzda oʻtkazilib kelinayotgan umumxalq bayramlari, davlat tadbirlarining badiiy qismlari, kasb bayramlari, atoqli namoyondalarning yubiley sanalari, ommaviy sport va boshqa xalqaro tadbirlarning tantanali ochilish va yopilish marosimlari, festivallar, koʻrik-tanlovlar, konsertlar, xalq sayillari va boshqa tadbirlar.

4. Kalendar rejalar ushbu Nizomga 1-ilovadagi namunaviy jadvalga muvofiq shakllantiriladi.

5. Tadbirlar Oʻzbekiston Respublikasi Madaniyat vazirligi hamda Qoraqalpogʻiston Respublikasi Madaniyat vazirligi, viloyatlar va Toshkent shahar madaniyat boshqarmalari (keyingi oʻrinlarda — Madaniyat vazirligi va uning hududiy boʻlinmalari) bilan kelishilgan holda, mazkur Nizom talablari asosida oʻtkaziladi.

2-bob. Kalendar rejalarni shakllantirish va tasdiqlash tartibi

6. Kalendar rejalar Madaniyat vazirligi va uning hududiy boʻlinmalari tomonidan buyurtmachi takliflari asosida respublika, Qoraqalpogʻiston Respublikasi, viloyatlar, Toshkent shahri hamda tuman va shaharlar miqyosida ishlab chiqiladi.

7. Tadbirlar yuzasidan takliflar tegishliligi boʻyicha respublika miqyosidagi davlat organlari va tashkilotlari (buyurtmachi) tomonidan Madaniyat vazirligiga, hududiy davlat organlari va tashkilotlari (buyurtmachi) tomonidan Madaniyat vazirligining hududiy boʻlinmalariga quyidagi hujjatlar bilan birgalikda taqdim etiladi:

tadbirlarni tashkil etish va oʻtkazish boʻyicha asoslovchi hujjatlar;

tadbir konsepsiyasi;

tadbirning buyurtmachi tomonidan tasdiqlangan moliyalashtirish manbalari va xarajatlar smetasi loyihalari.

Takliflar Madaniyat vazirligi va uning hududiy boʻlinmalari tomonidan mazkur Nizom talablariga toʻliq rioya qilgan holda taqdim etilgan taqdirda qabul qilinadi.

8. Kalendar rejalar quyidagilarga boʻlinadi:

respublika kalendar rejasi — respublika miqyosidagi davlat organlari va boshqa tashkilotlar (buyurtmachilar)ning taklifi boʻyicha Madaniyat vazirligi tomonidan shakllantiriladi va Vazirlar Mahkamasi farmoyishi bilan tasdiqlanadi;

hududiy kalendar reja — hududiy davlat organlari va tashkilotlari (buyurtmachilar)ning taklifi boʻyicha Madaniyat vazirligining hududiy boʻlinmalari tomonidan shakllantiriladi hamda tegishli mahalliy ijro etuvchi hokimiyat organlarining qarori bilan tasdiqlanadi.

9. Kalendar rejalarga umumxalq bayramlari, davlat tadbirlarining badiiy qismlari, kasb bayramlari, atoqli namoyondalarning yubiley sanalari, ommaviy sport va boshqa xalqaro tadbirlarning tantanali ochilish va yopilish marosimlari, festivallar, koʻrik-tanlovlar, konsertlar, xalq sayillari va boshqa tadbirlar kiritiladi.

10. Kalendar rejalar ushbu Nizomga 2-ilovadagi sxemaga muvofiq har yili quyidagi tartibda va muddatlarda shakllantiriladi va tasdiqlanadi:

buyurtmachi tomonidan kalendar rejalarga kiritiladigan tadbirlar roʻyxatini shakllantirish — mart oyi davomida;

buyurtmachi tomonidan kalendar rejalarga kiritiladigan tadbirlar roʻyxatini tegishliligi boʻyicha Madaniyat vazirligi yoki uning hududiy boʻlinmalariga taqdim etish — aprel oyi davomida;

Madaniyat vazirligi va uning hududiy boʻlinmalari tomonidan kalendar rejalarga kiritiladigan tadbirlar roʻyxatini umumlashtirish — aprel oyi davomida;

Madaniyat vazirligi va uning hududiy boʻlinmalari tomonidan kalendar rejalarga kiritiladigan tadbirlar roʻyxatini belgilangan tartibda Vazirlar Mahkamasi yoki mahalliy ijro etuvchi hokimiyat organlariga tasdiqlash uchun kiritish — har yili iyun oyiga qadar;

Vazirlar Mahkamasi va mahalliy ijro etuvchi hokimiyat organlari tomonidan belgilangan tartibda kalendar rejalarni koʻrib chiqish va tasdiqlash — oktyabr oyi davomida.

11. Tasdiqlangan kalendar rejalar Madaniyat vazirligi hamda mahalliy ijro etuvchi hokimiyat organlarining rasmiy veb-saytlari va boshqa ommaviy axborot vositalari orqali eʼlon qilinadi.

12. Oʻzbekiston Respublikasi Prezidenti, Vazirlar Mahkamasi, mahalliy ijro etuvchi hokimiyat organlarining kalendar rejalarga kiritilmagan tadbirlarni oʻtkazishni nazarda tutuvchi qarorlarida ushbu tadbirlarni tashkil etish boʻyicha koʻrsatiladigan xizmatlar boʻyicha buyurtmachilar hamda ularni moliyalashtirish manbalari belgilanadi.

3-bob. Tadbirlarni moliyalashtirish va kalendar rejalarga oʻzgartirish kiritish tartibi

13. Respublika kalendar rejasi hamda hududiy kalendar rejalarda nazarda tutilgan tadbirlar:

Oʻzbekiston Respublikasi respublika va mahalliy budjet mablagʻlari;

buyurtmachi mablagʻlari;

jismoniy va yuridik shaxslarning homiylik xayriyalari;

qonunchilik hujjatlari bilan taqiqlanmagan boshqa manbalar hisobidan moliyalashtiriladi.

14. Kalendar rejalarning yillik smetalariga tadbirlar oʻtkaziladigan vaqtdagi xizmatlar qiymatining oʻzgarishi inobatga olingan holda, oʻzgartirish va qoʻshimchalar kiritilishi mumkin.

15. Ijrochilar tomonidan davlat organlari va tashkilotlarining buyurtmalariga asosan barcha xizmatlar yozma shaklda tuziladigan shartnoma asosida haq toʻlash evaziga koʻrsatiladi, konsert-tomosha faoliyatini amalga oshiruvchi davlat muassasalari xodimlari bilan tuzilgan mehnat shartnomalaridan kelib chiqadigan majburiyatlar bundan mustasno.

16. Kalendar rejalarga quyidagi hollarda oʻzgartirish va qoʻshimchalar kiritilishi mumkin:

tadbirlarni oʻtkazish muddatlari va (yoki) joylari oʻzgarganda;

kalendar rejalarga qoʻshimcha tadbir kiritish zarurati yuzaga kelganda;

tadbirlarning badiiy qismiga oʻzgartirish va qoʻshimchalar kiritilganda;

tadbir qatnashchilarining tarkibi yoki soni oʻzgarganda;

buyurtmachining moliyaviy imkoniyati va shartlari oʻzgarganda;

tadbirlar uchun nazarda tutilgan mablagʻlar yetishmaganda.

Madaniyat vazirligi va uning hududiy boʻlinmalari tomonidan tegishlicha Vazirlar Mahkamasi yoki mahalliy ijro etuvchi hokimiyat organlari bilan kelishilgan holda, kalendar rejalarga oʻzgartirish va qoʻshimchalar kiritilishi mumkin.

Bunda tadbir uchun zarur boʻladigan qoʻshimcha xarajatlar buyurtmachi mablagʻlari hisobidan amalga oshiriladi.

4-bob. Yakunlovchi qoidalar

17. Mazkur Nizom talablariga rioya etish Madaniyat vazirligi tomonidan nazorat qilinadi.

18. Ushbu Nizom talablarini buzgan shaxslar qonunchilik hujjatlariga muvofiq javobgar boʻladi.

Ommaviy-madaniy va konsert-tomosha tadbirlarining yillik kalendar rejalarini shakllantirish va tasdiqlash tartibi toʻgʻrisidagi nizomga 1-ILOVA

Namuna 20___ yilda _________________________da oʻtkaziladigan ommaviy-madaniy va konsert-tomosha tadbirlarining (hudud nomi) YILLIK KALENDAR REJASI * T/r Tadbir nomi Tadbir oʻtkazish uchun asos (hujjat raqami va sanasi) Tadbir oʻtkaziladigan joy, sana va vaqti Tadbir buyurtmachisi Tadbir ijrochisi Tadbirni moliyalashtirish manbasi Talab etiladigan mablagʻ miqdori (soʻm) Tadbir ijrochisining tadbirdagi vazifalari 1. Kasb bayrami Bosh boshqarmaning faollar zali 202 __ yil 21-mart soat: 10.00 Toshkent shahar Sogʻliqni saqlash bosh boshqarmasi Oʻzbekiston davlat filarmoniyasi Davlat budjeti, buyurtmachining budjetdan tashqari mablagʻlari 200 mln Tashkiliy qism, Badiiy qism, Rasmiy qism ... ... ... ... ... ... ... ...

Ommaviy-madaniy va konsert-tomosha tadbirlarining yillik kalendar rejalarini shakllantirish va tasdiqlash tartibi toʻgʻrisidagi nizomga 2-ILOVA

Ommaviy-madaniy va konsert-tomosha tadbirlarining yillik kalendar rejalarini shakllantirish va tasdiqlash

Bosqichlar Subyektlar Amalga oshiriladigan ishlar Muddatlar I bosqich Ommaviy-madaniy va konsert-tomosha tadbirini oʻtkazish istagini bildirgan yuridik shaxs (buyurtmachi) Kalendar rejaga kiritiladigan tadbirlar roʻyxatini shakllantirish har yili mart oyida II bosqich Ommaviy-madaniy va konsert-tomosha tadbirini oʻtkazish istagini bildirgan yuridik shaxs (buyurtmachi) Kalendar rejaga kiritiladigan tadbirlar roʻyxatini tegishliligi boʻyicha Madaniyat vazirligi yoki uning hududiy boʻlinmalariga taqdim etish har yili aprel oyida III bosqich Madaniyat vazirligi va uning hududiy boʻlinmalari Kalendar rejaga kiritiladigan tadbirlar roʻyxatini umumlashtirish har yili may oyida IV bosqich Madaniyat vazirligi va uning hududiy boʻlinmalari Kalendar rejaga kiritiladigan tadbirlar roʻyxatini belgilangan tartibda Vazirlar Mahkamasi yoki mahalliy ijro etuvchi hokimiyat organlariga tasdiqlash uchun kiritish har yili iyun oyida V bosqich Vazirlar Mahkamasi va mahalliy ijro etuvchi hokimiyat organlari Belgilangan tartibda kalendar rejalarni koʻrib chiqish va tasdiqlash har yili oktyabr oyida V I bosqich Madaniyat vazirligi va uning hududiy boʻlinmalari Tegishliligi boʻyicha Vazirlar Mahkamasi yoki mahalliy ijro etuvchi hokimiyat organlari bilan kelishilgan holda kalendar rejaga oʻzgartirish va qoʻshimchalar kiritish zaruratga koʻra

Oʻzbekiston Respublikasining Bosh vaziri A. ARIPOV

Toshkent sh.,

2021-yil 23-fevral,

98-son

(Qonun hujjatlari maʼlumotlari milliy bazasi, 24.02.2021-y., 09/21/98/0150-son, Qonunchilik maʼlumotlari milliy bazasi, 05.04.2022-y., 09/22/153/0266-son)

lex.uz