UzbekAI

Ўзбекистон Республикаси Президентининг

Қарори

режаси

Нодавлат нотижорат ташкилотларини давлат томонидан қўллаб-қувватлаш, уларнинг фаолияти эркинлиги, ҳуқуқлари ва қонуний манфаатлари ҳимоя қилинишини таъминлашга оид қўшимча чора-тадбирлар тўғрисида

2017 — 2021 йилларда Ўзбекистон Республикасини ривожлантиришнинг бешта устувор йўналиши бўйича Ҳаракатлар стратегиясида фуқаролик жамияти институтларини ривожлантириш, уларнинг ижтимоий ва сиёсий фаоллигини ошириш давлат ва жамият қурилишини такомиллаштиришнинг асосий йўналиши сифатида белгиланган.

Бугунги кунда нодавлат нотижорат ташкилотлари ва фуқаролик жамиятининг бошқа институтлари демократик ҳуқуқий давлат барпо этиш, жамиятда қонун устуворлигини таъминлаш ҳамда мамлакатнинг ижтимоий-сиёсий ва социал-иқтисодий салоҳиятини ошириш йўлида муҳим аҳамият касб этмоқда.

Республикамизда амалга оширилаётган ислоҳотларда фаол иштирокчи ва ҳамкор сифатида нодавлат нотижорат ташкилотларининг ролини янада ошириш, уларнинг ҳуқуқлари ва қонуний манфаатлари ҳимоясини мустаҳкамлаш, давлат томонидан қўллаб-қувватлаш кўламини кенгайтириш ҳамда уларга қулай шарт-шароитлар яратиш мақсадида:

1. Белгилансинки, 2021 йил 1 мартдан бошлаб:

нодавлат нотижорат ташкилотлари томонидан рўйхатдан ўтказувчи органни хабардор қилган (маълумот учун) ҳолда хорижий манбалардан олинадиган пул маблағлари ва мол-мулкнинг бир календарь йилидаги жами суммаси базавий ҳисоблаш миқдорининг йигирма бараваридан юз бараваригача оширилади;

нодавлат нотижорат ташкилотини қайта рўйхатдан ҳамда унинг рамзини давлат рўйхатидан ўтказиш муддати бир ойдан ўн беш кунгача қисқартирилади;

ногиронлиги бўлган шахслар, фахрийлар, нуронийлар, хотин-қизлар, болалар жамоат бирлашмалари рамзларини давлат рўйхатидан (қайта рўйхатдан) ўтказиш учун давлат божи ундирилмайди;

нодавлат нотижорат ташкилотининг алоҳида бўлинмаси юридик шахс ҳисобланади, бунда алоҳида бўлинмаларни ҳисобга қўйиш тартиби бекор қилинади.

2. Ўзбекистон Республикаси Олий Мажлиси ҳузуридаги Нодавлат нотижорат ташкилотларини ва фуқаролик жамиятининг бошқа институтларини қўллаб-қувватлаш жамоат фонди (кейинги ўринларда — Жамоат фонди) маблағларини бошқариш бўйича парламент комиссияси ҳамда Ўзбекистон нодавлат нотижорат ташкилотлари миллий ассоциациясининг (кейинги ўринларда — Ассоциация) қуйидаги таклифлари маъқуллансин:

маҳаллий нодавлат нотижорат ташкилотларини ривожлантиришга қаратилган дастур ва лойиҳаларни молиялаштириш учун Ўзбекистон нодавлат нотижорат ташкилотларини қўллаб-қувватлаш жамоат фондига давлат субсидиясини ажратиб бориш;

Ассоциация ва унинг ҳудудий бўлинмалари бошқарув ходимларининг умумий чекланган сонини 44 нафар этиб белгилаш ҳамда уларнинг меҳнатига ҳақ тўлаш миқдорларини икки бараварга ошириш;

Ассоциация марказий аппарати ва ҳудудий бўлинмаларини зарур техника, автотранспорт воситаси, офис анжомлари, мебель жиҳозлари билан таъминлаш ҳамда бошқа моддий-техника базасини мустаҳкамлаш.

Ассоциацияга икки ҳафта муддатда Ассоциациянинг янгиланган тузилмасини ишлаб чиқиш ва тасдиқлаш тавсия этилсин.

Мазкур бандда назарда тутилган чора-тадбирларни амалга ошириш билан боғлиқ харажатларни қоплаш учун Жамоат фондига «2021 йил учун Ўзбекистон Республикасининг Давлат бюджети тўғрисида»ги Қонунида зарур маблағлар кўзда тутилганлиги маълумот учун қабул қилинсин.

Молия вазирлиги мазкур банднинг иккинчи ва учинчи хатбошиларида белгиланган чора-тадбирларни амалга ошириш билан боғлиқ харажатларни 2022 йилдан бошлаб Давлат бюджети параметрларида назарда тутишни таъминласин.

3. Ассоциация фаолиятининг асосий йўналишлари этиб қуйидагилар белгиланганлиги маълумот учун қабул қилинсин:

нодавлат нотижорат ташкилотларининг ҳуқуқлари ва қонуний манфаатларини давлат органларида, судларда, халқаро, хорижий, шунингдек, бошқа ташкилотларда ифода этиш ҳамда ҳимоя қилиш;

нодавлат нотижорат ташкилотларини Ассоциацияга бирлаштириш, уларнинг фаолиятини йўналтириш, ривожлантириш, шунингдек, самарадорлиги ва сифатини оширишга кўмаклашиш;

нодавлат нотижорат ташкилотлари, тадбиркорлик субъектлари, халқаро ва хорижий тузилмалар ҳамда давлат органлари ўртасида ўзаро манфаатли ҳамкорликни ривожлантиришда иштирок этиш;

нодавлат нотижорат ташкилотлари ташаббусларини амалга ошириш учун уларга қулай ҳуқуқий, иқтисодий ва ижтимоий шароитлар яратишга кўмаклашиш;

мамлакатда демократик жараёнларни барқарор ривожлантириш ва илгари суришда аъзолар ҳамда ҳамкорларнинг саъй-ҳаракатларини бирлаштириш;

нодавлат нотижорат ташкилотларининг ҳуқуқлари ва қонуний манфаатларига дахлдор бўлган норматив-ҳуқуқий ҳужжатлар лойиҳаларини ишлаб чиқишда иштирок этиш ҳамда соҳани тартибга солувчи қонунчиликни такомиллаштириш юзасидан таклифлар тайёрлаш;

нодавлат нотижорат ташкилотлари раҳбарлари ва ходимларининг ташкилотни самарали бошқариш, молиявий барқарорликка эришиш, ижтимоий муҳим лойиҳаларни ишлаб чиқиш, ижтимоий шериклик ва таъсирчан жамоатчилик назоратини амалга ошириш, волонтёрларни, хайрия ва бошқа ресурсларни жалб қилиш, ижтимоий менежмент, ижтимоий тадбиркорлик йўналишларида салоҳиятини ошириш;

нодавлат нотижорат ташкилотлари вакиллари учун қўлланмалар, ўқув дастурлари, китоблар, мамлакатимизга мос назарий ёндашувларни ишлаб чиқиш.

4. Белгилаб қўйилсинки:

Ассоциация раҳбари бир вақтнинг ўзида Ўзбекистон Республикаси Президенти ҳузуридаги Жамоатчилик палатаси раисининг, Ассоциация ҳудудий бўлинмалари раҳбарлари эса — ҳудудий жамоатчилик палаталари раисларининг нодавлат нотижорат ташкилотлари масалалари бўйича жамоатчилик асосида фаолият юритадиган маслаҳатчилари ҳисобланади;

Қорақалпоғистон Республикаси, вилоятлар марказлари ва Тошкент шаҳридаги «Нодавлат нотижорат ташкилотлари уйлари»га ижтимоий аҳамиятга эга бўлган соҳаларда ўз фаолиятини амалга ошираётган нодавлат нотижорат ташкилотларини жойлаштириш Ассоциациянинг тавсияномаси асосида амалга оширилади.

Ассоциацияга бир ой муддатда кенг жамоатчилик таклифлари асосида нодавлат нотижорат ташкилотларини «Нодавлат нотижорат ташкилотлари уйлари»га жойлаштириш учун тавсиянома бериш тартибини ишлаб чиқиш тавсия этилсин.

5. «Юксалиш» умуммиллий ҳаракати, «Тараққиёт стратегияси» маркази ва Ассоциациянинг халқаро грант маблағлари ҳисобидан иловага мувофиқ 2021-2022 йилларда Қорақалпоғистон Республикаси, вилоятлар марказлари ва Тошкент шаҳрида фуқаролик жамияти институтлари фаоллари ўртасида самарали ҳамкорликни йўлга қўйиш, янги фуқаролик ташаббусларини амалга ошириш, мамлакатни ижтимоий-иқтисодий ривожлантириш масалаларини муҳокама қилиш, мавжуд муаммоларнинг ечими юзасидан таклифлар тайёрлаш ҳамда шахсий билим ва кўникмаларини оширишга хизмат қилувчи коворкинг-марказларини ташкил этиш ташаббуси қўллаб-қувватлансин.

Қорақалпоғистон Республикаси Вазирлар Кенгаши, вилоятлар ва Тошкент шаҳар ҳокимликлари коворкинг-марказларини ташкил этиш, шунингдек, ушбу ташаббуснинг самарали ва тўлиқ амалга оширилишида ҳар томонлама кўмаклашсин.

6. Белгилансинки:

фаолиятини устав мақсадларига мувофиқ Ўзбекистон Республикасининг барча ҳудудида олиб борадиган ҳамда икки ёки ундан ортиқ маъмурий-ҳудудий бирликда алоҳида бўлинмаларига эга бўлган нодавлат нотижорат ташкилотлари республика нодавлат нотижорат ташкилотлари этиб эътироф этилади;

фаолиятини устав мақсадларига мувофиқ вилоят, туман, шаҳар, шаҳарча, қишлоқ ва овул ҳудудида олиб борадиган нодавлат нотижорат ташкилотлари ҳудудий нодавлат нотижорат ташкилотлари ҳисобланади;

ҳудудий нодавлат нотижорат ташкилотларини давлат рўйхатидан ўтказиш учун базавий ҳисоблаш миқдорининг 50 фоизи миқдорида давлат божи ундирилади.

7. Ўзбекистон Республикаси «Ижтимоий шериклик тўғрисида»ги Қонунининг 5-моддасида ижтимоий шерикликни амалга ошириш соҳалари белгиланганлиги маълумот учун қабул қилинсин.

Вазирлик ва идоралар белгиланган ижтимоий шериклик соҳаларидан келиб чиқиб, бир ой муддатда ижтимоий аҳамиятга молик лойиҳаларни амалга ошириш учун нодавлат нотижорат ташкилотларига бюджетдан ташқари маблағлари ҳисобидан бериладиган давлат ижтимоий буюртмаларининг 2021 — 2023 йилларга мўлжалланган режаларини ишлаб чиқсин ва тасдиқласин.

Адлия вазирлиги (М. Икрамов) вазирлик ва идораларга давлат ижтимоий буюртмасини бериш юзасидан услубий ҳамда амалий ёрдам кўрсатиб борсин.

8. Адлия вазирлиги (Р. Давлетов) Олий суд (К. Камилов) ва Бош прокуратура (Н. Йўлдошев) билан биргаликда икки ҳафта муддатда давлат органлари ҳамда улар мансабдор шахсларининг нодавлат нотижорат ташкилотларининг қонуний фаолиятига аралашганлик учун маъмурий жавобгарликни назарда тутувчи қонун лойиҳасини Вазирлар Маҳкамасига киритсин.

9. Ассоциацияга «Юксалиш» умуммиллий ҳаракати билан биргаликда давлат ижтимоий буюртмалари рўйхати, унинг ижрочилари, ижро ҳолати ва эришилган натижаларни назарда тутувчи ижтимоий шериклик лойиҳаларининг ягона базасини яратиш, юритиш ҳамда расмий веб-сайтларига жойлаштириш тавсия этилсин.

10. Олий ва ўрта махсус таълим вазирлиги (А. Тошқулов) 2021/2022 ўқув йилидан бошлаб Ассоциациянинг буюртманомаларига кўра республикадаги олий таълим муассасалари талабалари тегишли таълим йўналишлари бўйича ишлаб чиқариш амалиётидан ўтиши учун Ассоциацияга мунтазам юборилишини таъминласин.

11. Ташқи ишлар вазирлиги (А. Камилов) Ассоциацияга турдош хорижий нодавлат нотижорат ташкилотлари билан яқин ҳамкорликни йўлга қўйишда, соҳа бўйича тажриба алмашиш учун уларнинг малакали мутахассисларини жалб этишда кўмаклашсин.

12. Қорақалпоғистон Республикаси Вазирлар Кенгаши, вилоятлар ва Тошкент шаҳар ҳокимликлари:

бир ой муддатда тегишли молия, бандлик ва меҳнат муносабатлари органлари билан биргаликда Қорақалпоғистон Республикаси Жўқорғи Кенгеси, халқ депутатлари вилоятлар ва Тошкент шаҳар Кенгашлари ҳузуридаги нодавлат нотижорат ташкилотларини ва фуқаролик жамиятининг бошқа институтларини қўллаб-қувватлаш жамоат фондларининг тузилмалари ва уларнинг ходимлари меҳнатига ҳақ тўлаш разрядларини тасдиқласин;

2021 йилда Қорақалпоғистон Республикаси бюджети, вилоятлар ва Тошкент шаҳри маҳаллий бюджетларидан мазкур жамоат фондларини сақлаш харажатларига ҳамда уларнинг асосий фаолият йўналишларини амалга ошириши учун 1,1 миллиард сўмдан кам бўлмаган маблағларни йўналтирсин;

Ассоциациянинг Қорақалпоғистон Республикаси ва вилоятлардаги ҳудудий бўлинмаларига текин фойдаланиш ҳуқуқи асосида зарур шарт-шароитлар яратилган алоҳида хизмат хоналарини ажратсин.

13. Ассоциация марказий аппарати ва Тошкент шаҳар ҳудудий бўлинмаси Тошкент шаҳар, Шайхонтоҳур тумани, Фурқат кўчаси, 1А-уй манзилида текин фойдаланиш ҳуқуқи асосида жойлаштирилсин.

14. Адлия вазирлиги манфаатдор идоралар билан биргаликда икки ой муддатда қонун ҳужжатларига мазкур қарордан келиб чиқадиган ўзгартириш ва қўшимчалар тўғрисида Вазирлар Маҳкамасига таклифлар киритсин.

15. Мазкур қарорнинг ижросини самарали ташкил этишга масъул ва шахсий жавобгар этиб Бош вазир ўринбосари Б.А. Мусаев, адлия вазири Р.Қ. Давлетов, Қорақалпоғистон Республикаси Вазирлар Кенгаши раиси, вилоятлар ва Тошкент шаҳар ҳокимлари белгилансин.

Қарор ижросини муҳокама қилиб бориш, ижро учун масъул идоралар фаолиятини мувофиқлаштириш ва назорат қилиш Ўзбекистон Республикаси Бош вазири А.Н. Арипов ва Ўзбекистон Республикаси Президентининг маслаҳатчиси Р.С. Қосимов зиммасига юклансин.

Амалга оширилаётган чора-тадбирлар натижадорлиги юзасидан 2021 йил 1 июль ва 2022 йил 1 январгача Ўзбекистон Республикаси Президентига ахборот берилсин.

Ўзбекистон Республикаси Президентининг 2021 йил 3 мартдаги ПҚ-5012-сон қарорига ИЛОВА

2021-2022 йилларда Қорақалпоғистон Республикаси, вилоятлар марказлари ва Тошкент шаҳрида коворкинг-марказларини ташкил этиш

Т/р Ҳудудлар Жами Шу жумладан: 2021 йилда 2022 йилда Жами: 15 1. Қорақалпоғистон Республикаси 1 1 2. Андижон вилояти 1 1 3. Бухоро вилояти 1 1 4. Жиззах вилояти 1 1 5. Қашқадарё вилояти 1 1 6. Навоий вилояти 1 1 7. Наманган вилояти 1 1 8. Самарқанд вилояти 1 1 9. Сирдарё вилояти 1 1 10. Сурхондарё вилояти 1 1 11. Тошкент вилояти 1 1 12. Фарғона вилояти 2 2 13. Хоразм вилояти 1 1 14. Тошкент шаҳри 1 1

Ўзбекистон Республикаси Президенти Ш. МИРЗИЁЕВ

Тошкент ш.,

2021 йил 3 март,

ПҚ-5012-сон

(Қонун ҳужжатлари маълумотлари миллий базаси, 03.03.2021 й., 07/21/5012/0176-сон)

lex.uz

Oʻzbekiston Respublikasi Prezidentining

Qarori

rejasi

Nodavlat notijorat tashkilotlarini davlat tomonidan qoʻllab-quvvatlash, ularning faoliyati erkinligi, huquqlari va qonuniy manfaatlari himoya qilinishini taʼminlashga oid qoʻshimcha chora-tadbirlar toʻgʻrisida

2017 — 2021-yillarda Oʻzbekiston Respublikasini rivojlantirishning beshta ustuvor yoʻnalishi boʻyicha Harakatlar strategiyasida fuqarolik jamiyati institutlarini rivojlantirish, ularning ijtimoiy va siyosiy faolligini oshirish davlat va jamiyat qurilishini takomillashtirishning asosiy yoʻnalishi sifatida belgilangan.

Bugungi kunda nodavlat notijorat tashkilotlari va fuqarolik jamiyatining boshqa institutlari demokratik huquqiy davlat barpo etish, jamiyatda qonun ustuvorligini taʼminlash hamda mamlakatning ijtimoiy-siyosiy va sotsial-iqtisodiy salohiyatini oshirish yoʻlida muhim ahamiyat kasb etmoqda.

Respublikamizda amalga oshirilayotgan islohotlarda faol ishtirokchi va hamkor sifatida nodavlat notijorat tashkilotlarining rolini yanada oshirish, ularning huquqlari va qonuniy manfaatlari himoyasini mustahkamlash, davlat tomonidan qoʻllab-quvvatlash koʻlamini kengaytirish hamda ularga qulay shart-sharoitlar yaratish maqsadida:

1. Belgilansinki, 2021-yil 1-martdan boshlab:

nodavlat notijorat tashkilotlari tomonidan roʻyxatdan oʻtkazuvchi organni xabardor qilgan (maʼlumot uchun) holda xorijiy manbalardan olinadigan pul mablagʻlari va mol-mulkning bir kalendar yilidagi jami summasi bazaviy hisoblash miqdorining yigirma baravaridan yuz baravarigacha oshiriladi;

nodavlat notijorat tashkilotini qayta roʻyxatdan hamda uning ramzini davlat roʻyxatidan oʻtkazish muddati bir oydan oʻn besh kungacha qisqartiriladi;

nogironligi boʻlgan shaxslar, faxriylar, nuroniylar, xotin-qizlar, bolalar jamoat birlashmalari ramzlarini davlat roʻyxatidan (qayta roʻyxatdan) oʻtkazish uchun davlat boji undirilmaydi;

nodavlat notijorat tashkilotining alohida boʻlinmasi yuridik shaxs hisoblanadi, bunda alohida boʻlinmalarni hisobga qoʻyish tartibi bekor qilinadi.

2. Oʻzbekiston Respublikasi Oliy Majlisi huzuridagi Nodavlat notijorat tashkilotlarini va fuqarolik jamiyatining boshqa institutlarini qoʻllab-quvvatlash jamoat fondi (keyingi oʻrinlarda — Jamoat fondi) mablagʻlarini boshqarish boʻyicha parlament komissiyasi hamda Oʻzbekiston nodavlat notijorat tashkilotlari milliy assotsiatsiyasining (keyingi oʻrinlarda — Assotsiatsiya) quyidagi takliflari maʼqullansin:

mahalliy nodavlat notijorat tashkilotlarini rivojlantirishga qaratilgan dastur va loyihalarni moliyalashtirish uchun Oʻzbekiston nodavlat notijorat tashkilotlarini qoʻllab-quvvatlash jamoat fondiga davlat subsidiyasini ajratib borish;

Assotsiatsiya va uning hududiy boʻlinmalari boshqaruv xodimlarining umumiy cheklangan sonini 44 nafar etib belgilash hamda ularning mehnatiga haq toʻlash miqdorlarini ikki baravarga oshirish;

Assotsiatsiya markaziy apparati va hududiy boʻlinmalarini zarur texnika, avtotransport vositasi, ofis anjomlari, mebel jihozlari bilan taʼminlash hamda boshqa moddiy-texnika bazasini mustahkamlash.

Assotsiatsiyaga ikki hafta muddatda Assotsiatsiyaning yangilangan tuzilmasini ishlab chiqish va tasdiqlash tavsiya etilsin.

Mazkur bandda nazarda tutilgan chora-tadbirlarni amalga oshirish bilan bogʻliq xarajatlarni qoplash uchun Jamoat fondiga “2021-yil uchun Oʻzbekiston Respublikasining Davlat budjeti toʻgʻrisida”gi Qonunida zarur mablagʻlar koʻzda tutilganligi maʼlumot uchun qabul qilinsin.

Moliya vazirligi mazkur bandning ikkinchi va uchinchi xatboshilarida belgilangan chora-tadbirlarni amalga oshirish bilan bogʻliq xarajatlarni 2022-yildan boshlab Davlat budjeti parametrlarida nazarda tutishni taʼminlasin.

3. Assotsiatsiya faoliyatining asosiy yoʻnalishlari etib quyidagilar belgilanganligi maʼlumot uchun qabul qilinsin:

nodavlat notijorat tashkilotlarining huquqlari va qonuniy manfaatlarini davlat organlarida, sudlarda, xalqaro, xorijiy, shuningdek, boshqa tashkilotlarda ifoda etish hamda himoya qilish;

nodavlat notijorat tashkilotlarini Assotsiatsiyaga birlashtirish, ularning faoliyatini yoʻnaltirish, rivojlantirish, shuningdek, samaradorligi va sifatini oshirishga koʻmaklashish;

nodavlat notijorat tashkilotlari, tadbirkorlik subyektlari, xalqaro va xorijiy tuzilmalar hamda davlat organlari oʻrtasida oʻzaro manfaatli hamkorlikni rivojlantirishda ishtirok etish;

nodavlat notijorat tashkilotlari tashabbuslarini amalga oshirish uchun ularga qulay huquqiy, iqtisodiy va ijtimoiy sharoitlar yaratishga koʻmaklashish;

mamlakatda demokratik jarayonlarni barqaror rivojlantirish va ilgari surishda aʼzolar hamda hamkorlarning saʼy-harakatlarini birlashtirish;

nodavlat notijorat tashkilotlarining huquqlari va qonuniy manfaatlariga daxldor boʻlgan normativ-huquqiy hujjatlar loyihalarini ishlab chiqishda ishtirok etish hamda sohani tartibga soluvchi qonunchilikni takomillashtirish yuzasidan takliflar tayyorlash;

nodavlat notijorat tashkilotlari rahbarlari va xodimlarining tashkilotni samarali boshqarish, moliyaviy barqarorlikka erishish, ijtimoiy muhim loyihalarni ishlab chiqish, ijtimoiy sheriklik va taʼsirchan jamoatchilik nazoratini amalga oshirish, volontyorlarni, xayriya va boshqa resurslarni jalb qilish, ijtimoiy menejment, ijtimoiy tadbirkorlik yoʻnalishlarida salohiyatini oshirish;

nodavlat notijorat tashkilotlari vakillari uchun qoʻllanmalar, oʻquv dasturlari, kitoblar, mamlakatimizga mos nazariy yondashuvlarni ishlab chiqish.

4. Belgilab qoʻyilsinki:

Assotsiatsiya rahbari bir vaqtning oʻzida Oʻzbekiston Respublikasi Prezidenti huzuridagi Jamoatchilik palatasi raisining, Assotsiatsiya hududiy boʻlinmalari rahbarlari esa — hududiy jamoatchilik palatalari raislarining nodavlat notijorat tashkilotlari masalalari boʻyicha jamoatchilik asosida faoliyat yuritadigan maslahatchilari hisoblanadi;

Qoraqalpogʻiston Respublikasi, viloyatlar markazlari va Toshkent shahridagi “Nodavlat notijorat tashkilotlari uylari”ga ijtimoiy ahamiyatga ega boʻlgan sohalarda oʻz faoliyatini amalga oshirayotgan nodavlat notijorat tashkilotlarini joylashtirish Assotsiatsiyaning tavsiyanomasi asosida amalga oshiriladi.

Assotsiatsiyaga bir oy muddatda keng jamoatchilik takliflari asosida nodavlat notijorat tashkilotlarini “Nodavlat notijorat tashkilotlari uylari”ga joylashtirish uchun tavsiyanoma berish tartibini ishlab chiqish tavsiya etilsin.

5. “Yuksalish” umummilliy harakati, “Taraqqiyot strategiyasi” markazi va Assotsiatsiyaning xalqaro grant mablagʻlari hisobidan ilovaga muvofiq 2021-2022-yillarda Qoraqalpogʻiston Respublikasi, viloyatlar markazlari va Toshkent shahrida fuqarolik jamiyati institutlari faollari oʻrtasida samarali hamkorlikni yoʻlga qoʻyish, yangi fuqarolik tashabbuslarini amalga oshirish, mamlakatni ijtimoiy-iqtisodiy rivojlantirish masalalarini muhokama qilish, mavjud muammolarning yechimi yuzasidan takliflar tayyorlash hamda shaxsiy bilim va koʻnikmalarini oshirishga xizmat qiluvchi kovorking-markazlarini tashkil etish tashabbusi qoʻllab-quvvatlansin.

Qoraqalpogʻiston Respublikasi Vazirlar Kengashi, viloyatlar va Toshkent shahar hokimliklari kovorking-markazlarini tashkil etish, shuningdek, ushbu tashabbusning samarali va toʻliq amalga oshirilishida har tomonlama koʻmaklashsin.

6. Belgilansinki:

faoliyatini ustav maqsadlariga muvofiq Oʻzbekiston Respublikasining barcha hududida olib boradigan hamda ikki yoki undan ortiq maʼmuriy-hududiy birlikda alohida boʻlinmalariga ega boʻlgan nodavlat notijorat tashkilotlari respublika nodavlat notijorat tashkilotlari etib eʼtirof etiladi;

faoliyatini ustav maqsadlariga muvofiq viloyat, tuman, shahar, shaharcha, qishloq va ovul hududida olib boradigan nodavlat notijorat tashkilotlari hududiy nodavlat notijorat tashkilotlari hisoblanadi;

hududiy nodavlat notijorat tashkilotlarini davlat roʻyxatidan oʻtkazish uchun bazaviy hisoblash miqdorining 50 foizi miqdorida davlat boji undiriladi.

7. Oʻzbekiston Respublikasi “Ijtimoiy sheriklik toʻgʻrisida”gi Qonunining 5-moddasida ijtimoiy sheriklikni amalga oshirish sohalari belgilanganligi maʼlumot uchun qabul qilinsin.

Vazirlik va idoralar belgilangan ijtimoiy sheriklik sohalaridan kelib chiqib, bir oy muddatda ijtimoiy ahamiyatga molik loyihalarni amalga oshirish uchun nodavlat notijorat tashkilotlariga budjetdan tashqari mablagʻlari hisobidan beriladigan davlat ijtimoiy buyurtmalarining 2021 — 2023-yillarga moʻljallangan rejalarini ishlab chiqsin va tasdiqlasin.

Adliya vazirligi (M. Ikramov) vazirlik va idoralarga davlat ijtimoiy buyurtmasini berish yuzasidan uslubiy hamda amaliy yordam koʻrsatib borsin.

8. Adliya vazirligi (R. Davletov) Oliy sud (K. Kamilov) va Bosh prokuratura (N. Yoʻldoshev) bilan birgalikda ikki hafta muddatda davlat organlari hamda ular mansabdor shaxslarining nodavlat notijorat tashkilotlarining qonuniy faoliyatiga aralashganlik uchun maʼmuriy javobgarlikni nazarda tutuvchi qonun loyihasini Vazirlar Mahkamasiga kiritsin.

9. Assotsiatsiyaga “Yuksalish” umummilliy harakati bilan birgalikda davlat ijtimoiy buyurtmalari roʻyxati, uning ijrochilari, ijro holati va erishilgan natijalarni nazarda tutuvchi ijtimoiy sheriklik loyihalarining yagona bazasini yaratish, yuritish hamda rasmiy veb-saytlariga joylashtirish tavsiya etilsin.

10. Oliy va oʻrta maxsus taʼlim vazirligi (A. Toshqulov) 2021/2022 oʻquv yilidan boshlab Assotsiatsiyaning buyurtmanomalariga koʻra respublikadagi oliy taʼlim muassasalari talabalari tegishli taʼlim yoʻnalishlari boʻyicha ishlab chiqarish amaliyotidan oʻtishi uchun Assotsiatsiyaga muntazam yuborilishini taʼminlasin.

11. Tashqi ishlar vazirligi (A. Kamilov) Assotsiatsiyaga turdosh xorijiy nodavlat notijorat tashkilotlari bilan yaqin hamkorlikni yoʻlga qoʻyishda, soha boʻyicha tajriba almashish uchun ularning malakali mutaxassislarini jalb etishda koʻmaklashsin.

12. Qoraqalpogʻiston Respublikasi Vazirlar Kengashi, viloyatlar va Toshkent shahar hokimliklari:

bir oy muddatda tegishli moliya, bandlik va mehnat munosabatlari organlari bilan birgalikda Qoraqalpogʻiston Respublikasi Joʻqorgʻi Kengesi, xalq deputatlari viloyatlar va Toshkent shahar Kengashlari huzuridagi nodavlat notijorat tashkilotlarini va fuqarolik jamiyatining boshqa institutlarini qoʻllab-quvvatlash jamoat fondlarining tuzilmalari va ularning xodimlari mehnatiga haq toʻlash razryadlarini tasdiqlasin;

2021-yilda Qoraqalpogʻiston Respublikasi budjeti, viloyatlar va Toshkent shahri mahalliy budjetlaridan mazkur jamoat fondlarini saqlash xarajatlariga hamda ularning asosiy faoliyat yoʻnalishlarini amalga oshirishi uchun 1,1 milliard soʻmdan kam boʻlmagan mablagʻlarni yoʻnaltirsin;

Assotsiatsiyaning Qoraqalpogʻiston Respublikasi va viloyatlardagi hududiy boʻlinmalariga tekin foydalanish huquqi asosida zarur shart-sharoitlar yaratilgan alohida xizmat xonalarini ajratsin.

13. Assotsiatsiya markaziy apparati va Toshkent shahar hududiy boʻlinmasi Toshkent shahar, Shayxontohur tumani, Furqat koʻchasi, 1A-uy manzilida tekin foydalanish huquqi asosida joylashtirilsin.

14. Adliya vazirligi manfaatdor idoralar bilan birgalikda ikki oy muddatda qonun hujjatlariga mazkur qarordan kelib chiqadigan oʻzgartirish va qoʻshimchalar toʻgʻrisida Vazirlar Mahkamasiga takliflar kiritsin.

15. Mazkur qarorning ijrosini samarali tashkil etishga masʼul va shaxsiy javobgar etib Bosh vazir oʻrinbosari B.A. Musayev, adliya vaziri R.Q. Davletov, Qoraqalpogʻiston Respublikasi Vazirlar Kengashi raisi, viloyatlar va Toshkent shahar hokimlari belgilansin.

Qaror ijrosini muhokama qilib borish, ijro uchun masʼul idoralar faoliyatini muvofiqlashtirish va nazorat qilish Oʻzbekiston Respublikasi Bosh vaziri A.N. Aripov va Oʻzbekiston Respublikasi Prezidentining maslahatchisi R.S. Qosimov zimmasiga yuklansin.

Amalga oshirilayotgan chora-tadbirlar natijadorligi yuzasidan 2021-yil 1-iyul va 2022-yil 1-yanvargacha Oʻzbekiston Respublikasi Prezidentiga axborot berilsin.

Oʻzbekiston Respublikasi Prezidentining 2021-yil 3-martdagi PQ-5012-son qaroriga ILOVA

2021-2022-yillarda Qoraqalpogʻiston Respublikasi, viloyatlar markazlari va Toshkent shahrida kovorking-markazlarini tashkil etish

T/r Hududlar Jami Shu jumladan: 2021-yilda 2022-yilda Jami: 15 1. Qoraqalpogʻiston Respublikasi 1 1 2. Andijon viloyati 1 1 3. Buxoro viloyati 1 1 4. Jizzax viloyati 1 1 5. Qashqadaryo viloyati 1 1 6. Navoiy viloyati 1 1 7. Namangan viloyati 1 1 8. Samarqand viloyati 1 1 9. Sirdaryo viloyati 1 1 10. Surxondaryo viloyati 1 1 11. Toshkent viloyati 1 1 12. Fargʻona viloyati 2 2 13. Xorazm viloyati 1 1 14. Toshkent shahri 1 1

Oʻzbekiston Respublikasi Prezidenti Sh. MIRZIYOYEV

Toshkent sh.,

2021-yil 3-mart,

PQ-5012-son

(Qonun hujjatlari maʼlumotlari milliy bazasi, 03.03.2021-y., 07/21/5012/0176-son)

lex.uz

Президента Республики Узбекистан

Постановление

ПЛАН

О дополнительных мерах по государственной поддержке негосударственных некоммерческих организаций, обеспечению свободы их деятельности, защиты прав и законных интересов

В Стратегии действий по пяти приоритетным направлениям развития Республики Узбекистан в 2017 — 2021 годах развитие институтов гражданского общества, повышение их общественной и политической активности определены в качестве основного направления совершенствования государственного и общественного строительства.

В настоящее время негосударственные некоммерческие организации и другие институты гражданского общества имеют важное значение в построении демократического правового государства, обеспечении верховенства закона в обществе, а также повышении общественно-политического и социально-экономического потенциала страны.

В целях дальнейшего повышения роли негосударственных некоммерческих организаций как активных участников и партнеров в осуществляемых в стране реформах, усиления защиты их прав и законных интересов, расширения масштаба государственной поддержки, а также создания им благоприятных условий:

1. Установить, что с 1 марта 2021 года:

общая сумма денежных средств и имущества, получаемых за один календарный год негосударственными некоммерческими организациями от иностранных источников, с уведомлением (для сведения) регистрирующего органа увеличивается с двадцати до ста базовых расчетных величин;

срок перерегистрации негосударственной некоммерческой организации, а также государственной регистрации ее символики сокращается с одного месяца до пятнадцати дней;

при государственной регистрации (перерегистрации) символик общественных объединений лиц с инвалидностью, ветеранов, пожилых граждан, женщин, детей государственная пошлина не взимается;

обособленное подразделение негосударственной некоммерческой организации является юридическим лицом, при этом порядок постановки на учет обособленного подразделения отменяется.

2. Одобрить следующие предложения Парламентской комиссии по управлению средствами Общественного фонда по поддержке негосударственных некоммерческих организаций и других институтов гражданского общества при Олий Мажлисе Республики Узбекистан (далее — Общественный фонд), а также Национальной ассоциации негосударственных некоммерческих организаций Узбекистана (далее — Ассоциация):

о выделении Общественному фонду по поддержке негосударственных некоммерческих организаций Узбекистана государственной субсидии для финансирования программ и проектов, направленных на развитие отечественных негосударственных некоммерческих организаций;

об установлении общей предельной численности управленческого персонала Ассоциации и ее территориальных отделений — 44 единицы, а также увеличении в два раза размеров оплаты их труда;

об обеспечении центрального аппарата и территориальных отделений Ассоциации необходимой техникой, автотранспортным средством, офисным оборудованием, мебелью, а также укреплении другой материально-технической базы.

Рекомендовать Ассоциации в двухнедельный срок разработать и утвердить обновленную структуру Ассоциации.

Принять к сведению, что в Законе Республики Узбекистан «О Государственном бюджете Республики Узбекистан на 2021 год» Общественному фонду предусмотрены необходимые средства для покрытия расходов, связанных с реализацией мер, определенных в настоящем пункте.

Министерству финансов, начиная с 2022 года, предусмотреть в параметрах Государственного бюджета расходы, связанные с реализацией мер, указанных в абзацах втором и третьем настоящего пункта.

3. Принять к сведению, что основными направлениями деятельности Ассоциации являются:

представление, а также защита прав и законных интересов негосударственных некоммерческих организаций в государственных органах, судах, международных, зарубежных, а также других организациях;

объединение в Ассоциацию негосударственных некоммерческих организаций, направление, развитие, а также содействие в повышении эффективности и качества их деятельности;

участие в развитии взаимовыгодного сотрудничества между негосударственными некоммерческими организациями, субъектами предпринимательства, международными и зарубежными структурами, а также государственными органами;

содействие в создании благоприятных правовых, экономических и социальных условий для реализации инициатив негосударственных некоммерческих организаций;

объединение усилий членов, а также партнеров в устойчивом развитии и продвижении в стране демократических процессов;

участие в разработке проектов нормативно-правовых актов, затрагивающих права и законные интересы негосударственных некоммерческих организаций, а также подготовка предложений по совершенствованию законодательства, регулирующего данную сферу;

повышение потенциала руководителей и работников негосударственных некоммерческих организаций в направлениях эффективного управления организацией, достижения финансовой устойчивости, разработки общественно значимых проектов, социального партнерства и осуществления действенного общественного контроля, привлечения волонтеров, благотворительных и других ресурсов, социального менеджмента, социального предпринимательства;

разработка пособий, учебных программ, учебников, свойственных стране теоретических подходов для представителей негосударственных некоммерческих организаций.

4. Определить, что:

руководитель Ассоциации одновременно является советником председателя Общественной палаты при Президенте Республики Узбекистан, руководители территориальных отделений Ассоциации — советниками председателей региональных общественных палат по вопросам негосударственных некоммерческих организаций, осуществляющими свою деятельность на общественных началах;

размещение негосударственных некоммерческих организаций, осуществляющих свою деятельность в общественно значимых сферах, в «Домах негосударственных некоммерческих организаций» в Республике Каракалпакстан, областных центрах и городе Ташкенте, осуществляется на основе рекомендации Ассоциации.

Рекомендовать Ассоциации в месячный срок разработать на основе предложений широкой общественности порядок выдачи рекомендаций для размещения негосударственных некоммерческих организаций в «Домах негосударственных некоммерческих организаций».

5. Поддержать инициативу Общенационального движения «Юксалиш», Центра «Стратегия развития» и Ассоциации о создании в 2021-2022 годах коворкинг-центров в Республике Каракалпакстан, областных центрах и городе Ташкенте, способствующих налаживанию эффективного сотрудничества между активистами институтов гражданского общества, реализации новых гражданских инициатив, обсуждению вопросов социально-экономического развития страны, подготовке предложений по решению имеющихся проблем, а также повышению индивидуальных знаний и навыков, за счет грантовых средств согласно приложению .

Совету Министров Республики Каракалпакстан, хокимиятам областей и города Ташкента оказывать всестороннее содействие в создании коворкинг-центров, а также эффективной и полноценной реализации данной инициативы.

6. Установить, что:

негосударственные некоммерческие организации, осуществляющие деятельность в соответствии с уставными целями на всей территории Республики Узбекистан, а также имеющие обособленные подразделения в двух или более административно-территориальных единицах, признаются республиканскими негосударственными некоммерческими организациями;

негосударственные некоммерческие организации, осуществляющие деятельность в соответствии с уставными целями на территории области, района, города, поселка, кишлака и аула, являются территориальными негосударственными некоммерческими организациями;

для государственной регистрации территориальных негосударственных некоммерческих организаций государственная пошлина взимается в размере 50 процентов базовой расчетной величины.

7. Принять к сведению, что в статье 5 Закона Республики Узбекистан «О социальном партнерстве» определены сферы осуществления социального партнерства.

Министерствам и ведомствам в месячный срок, исходя из определенных сфер социального партнерства, разработать и утвердить планы государственных социальных заказов на 2021 — 2023 годы, предоставляемых за счет внебюджетных средств негосударственным некоммерческим организациям для реализации общественно значимых проектов.

Министерству юстиции (М. Икрамов) оказывать министерствам и ведомствам методическую и практическую помощь по предоставлению государственного социального заказа.

8. Министерству юстиции (Р. Давлетов) совместно с Верховным судом (К. Камилов) и Генеральной прокуратурой (Н. Йулдошев) в двухнедельный срок внести в Кабинет Министров проект закона, предусматривающий административную ответственность за вмешательство государственных органов и их должностных лиц в законную деятельность негосударственных некоммерческих организаций.

9. Рекомендовать Ассоциации совместно с Общенациональным движением «Юксалиш» создание, ведение, а также размещение на своих официальных веб-сайтах единой базы проектов социального партнерства, предусматривающей перечень государственных социальных заказов, их исполнителей, состояние исполнения и достигнутые результаты.

10. Министерству высшего и среднего специального образования (А. Тошкулов) по заявкам Ассоциации, начиная с 2021/2022 учебного года, обеспечить регулярное направление в Ассоциацию студентов высших образовательных учреждений республики для прохождения производственной практики по соответствующим направлениям образования.

11. Министерству иностранных дел (А. Камилов) оказывать содействие Ассоциации в налаживании тесного сотрудничества с профильными зарубежными негосударственными некоммерческими организациями, привлечении их квалифицированных специалистов для обмена опытом в данной сфере.

12. Совету Министров Республики Каракалпакстан, хокимиятам областей и города Ташкента:

совместно с соответствующими финансовыми органами, органами занятости и трудовых отношений в месячный срок утвердить структуры и разряды оплаты труда работников общественных фондов по поддержке негосударственных некоммерческих организаций и других институтов гражданского общества при Жокаргы Кенесе Республики Каракалпакстан, Кенгашах народных депутатов областей и города Ташкента;

направить в 2021 году из бюджета Республики Каракалпакстан, местных бюджетов областей и города Ташкента средства в размере не менее 1,1 миллиарда сумов для содержания данных общественных фондов, а также осуществления ими основных направлений деятельности;

выделить территориальным отделениям Ассоциации в Республике Каракалпакстан и областях отдельные служебные помещения с созданными необходимыми условиями на основе права безвозмездного пользования.

13. Разместить центральный аппарат и Ташкентское городское территориальное отделение Ассоциации по адресу: город Ташкент, Шайхантахурский район, улица Фурката, 1А на праве безвозмездного пользования.

14. Министерству юстиции совместно с заинтересованными ведомствами в двухмесячный срок внести в Кабинет Министров предложения об изменениях и дополнениях в законодательство, вытекающих из настоящего постановления.

15. Возложить на заместителя Премьер-министра Б.А. Мусаева, министра юстиции Р.К. Давлетова, председателя Совета Министров Республики Каракалпакстан, хокимов областей и города Ташкента персональную ответственность за организацию эффективного исполнения настоящего постановления.

Обсуждение хода исполнения настоящего постановления, осуществление координации и контроля за деятельностью ведомств, ответственных за его исполнение, возложить на Премьер-министра Республики Узбекистан А.Н. Арипова и советника Президента Республики Узбекистан Р.С. Касимова.

О результативности осуществляемых мер информировать Президента Республики Узбекистан в срок до 1 июля 2021 года и до 1 января 2022 года.

ПРИЛОЖЕНИЕ к постановлению Президента Республики Узбекистан от 3 марта 2021 года № ПП-5012

создания коворкинг-центров в Республике Каракалпакстан, областных центрах и городе Ташкенте в 2021-2022 годах

№ Регионы Всего В том числе: в 2021 году в 2022 году Всего: 15 1. Республика Каракалпакстан 1 1 2. Андижанская область 1 1 3. Бухарская область 1 1 4. Джизакская область 1 1 5. Кашкадарьинская область 1 1 6. Навоийская область 1 1 7. Наманганская область 1 1 8. Самаркандская область 1 1 9. Сырдарьинская область 1 1 10. Сурхандарьинская область 1 1 11. Ташкентская область 1 1 12. Ферганская область 2 2 13. Хорезмская область 1 1 14. Город Ташкент 1 1

Президент Республики Узбекистан Ш. МИРЗИЁЕВ

г. Ташкент,

3 марта 2021 г.,

№ ПП-5012

(Национальная база данных законодательства, 03.03.2021 г., № 07/21/5012/0176)

lex.uz