📅 2021-yil 4-mart · Prezident qarorlari
Rasmiy matn. Rasmiy hujjat. Tahririy izohlar kiritilmagan.
UzbekAI
📅 2021 йил 4 март · Президент қарорлари
Расмий матн. Расмий ҳужжат. Таҳририй изоҳлар киритилмаган.
📅 4 марта 2021 г. · Постановления Президента
Официальный текст. Официальный документ. Редакционные примечания не включены.
📅 4 March 2021 · Presidential resolutions
Official text. Official document. Editorial notes are not included.
Ўзбекистон Республикаси Президентининг
Қарори
«Тошкент вилоятида қуввати 240 МВт бўлган буғ-газ электр станцияси ва қуввати 230 МВт бўлган газ-поршенли электр станциясини қуриш» ҳамда «Бухоро вилоятида қуввати 270 МВт бўлган газ-поршенли электр станциясини қуриш» инвестиция лойиҳаларини амалга ошириш чора-тадбирлари тўғрисида
Электр энергетика тармоғига тўғридан-тўғри хорижий инвестицияларни жалб этган ҳолда электр энергиясини ишлаб чиқариш қувватларини ривожлантириш ҳамда иқтисодиёт тармоқларини ва аҳолини энергия ресурслари билан барқарор ва сифатли таъминлаш мақсадида:
1. Қуйидагилар:
а) Ўзбекистон Республикаси Ҳукумати номидан Ўзбекистон Республикаси Инвестициялар ва ташқи савдо вазирлиги 2021 йил 20 январда «Aksa Enerji Üretim A.Ş.» (Туркия Республикаси) компанияси (кейинги ўринларда — Инвестор) билан Тошкент вилоятида қуввати 240 МВт бўлган буғ-газ электр станцияси ва қуввати 230 МВт бўлган газ-поршенли электр станцияси (кейинги ўринларда — Тошкент вилоятидаги инвестиция лойиҳаси) ҳамда Бухоро вилоятида қуввати 270 МВт бўлган газ-поршенли электр станциясини (кейинги ўринларда — Бухоро вилоятидаги инвестиция лойиҳаси) лойиҳалаштириш, молиялаштириш, қуриш ва 25 йил давомида ишлатиш билан боғлиқ инвестиция лойиҳаларининг (кейинги ўринларда — инвестиция лойиҳалари) амалга оширилиши режалаштирилганлиги;
б) Тошкент вилоятидаги инвестиция лойиҳасини амалга ошириш мақсадида Инвестор томонидан «Aksa Enerji Tashkent» МЧЖ (кейинги ўринларда — Тошкент вилоятидаги лойиҳа компанияси) ташкил этилганлиги;
в) Бухоро вилоятидаги инвестиция лойиҳасини амалга ошириш мақсадида Инвестор томонидан «Aksa Enerji Bukhara» МЧЖ (кейинги ўринларда — Бухоро вилоятидаги лойиҳа компанияси) ташкил этилганлиги;
г) Ўзбекистон Республикаси Ҳукумати номидан Инвестициялар ва ташқи савдо вазирлиги, Инвестор ва Тошкент вилоятидаги лойиҳа компанияси (кейинчалик битимга қўшилишини ҳисобга олган ҳолда) ўртасида 2021 йил 20 январда Тошкент вилоятида қуввати 240 МВт бўлган буғ-газ электр станцияси ва қуввати 230 МВт бўлган газ поршенли электр станциясини лойиҳалаштириш, молиялаштириш, қуриш ва 25 йил давомида ишлатиш билан боғлиқ Инвестор ва Тошкент вилоятидаги лойиҳа компаниясининг мажбуриятларини назарда тутувчи инвестиция битими янги таҳрирда тузилганлиги (кейинги ўринларда — Тошкент вилоятидаги инвестиция битими);
д) Ўзбекистон Республикаси Ҳукумати номидан Инвестициялар ва ташқи савдо вазирлиги, Инвестор ва Бухоро вилоятидаги лойиҳа компанияси (кейинчалик битимга қўшилишини ҳисобга олган ҳолда) ўртасида 2021 йил 20 январда Бухоро вилоятида қуввати 270 МВт бўлган газ-поршенли электр станциясини лойиҳалаштириш, молиялаштириш, қуриш ва 25 йил давомида ишлатиш билан боғлиқ Инвестор ва Бухоро вилоятидаги лойиҳа компаниясининг мажбуриятларини назарда тутувчи инвестиция битими имзоланганлиги (кейинги ўринларда — Бухоро вилоятидаги инвестиция битими);
е) Тошкент вилоятидаги инвестиция битими ва Бухоро вилоятидаги инвестиция битимига мувофиқ Инвестор, Тошкент вилоятидаги лойиҳа компанияси ва Бухоро вилоятидаги лойиҳа компанияси юзага келиши мумкин бўлган хавф-хатарларни ўз зиммасига олган ҳолда, жами 450 млн АҚШ доллари миқдорида тўғридан-тўғри хорижий инвестицияларни жалб этиши;
ж) 2021 йил 20 январда «Ўзбекистон миллий электр тармоқлари» АЖ ва Инвестор ўртасида Тошкент вилоятидаги инвестиция лойиҳаси доирасида Электр энергиясини сотиб олиш тўғрисидаги битим янги таҳрирда ва Бухоро вилоятидаги инвестиция лойиҳаси доирасида Электр энергиясини сотиб олиш тўғрисидаги битим ҳамда 2024 йил 10 сентябрда «Ўзбекистон миллий электр тармоқлари» АЖнинг ушбу битимларда белгиланган ҳуқуқ ва мажбуриятларини «Ўзэнергосотиш» АЖга ўтказиш орқали қайта расмийлаштириш ҳақидаги қўшимча битим (кейинги ўринларда — Электр энергиясини сотиб олиш тўғрисидаги битимлар) имзоланганлиги ва шунга мувофиқ:
Инвестор ўз ҳуқуқ ва мажбуриятларидан Тошкент вилоятидаги лойиҳа компанияси ва Бухоро вилоятидаги лойиҳа компанияси (кейинги ўринларда — Лойиҳа компаниялари) фойдасига тегишли Электр энергиясини сотиб олиш тўғрисидаги битимларга мувофиқ воз кечиши;
Лойиҳа компаниялари ишлаб чиқарилган электр энергиясини кафолатланган тарзда «Ўзэнергосотиш» АЖ тимсолида ягона харидорга сотиш мажбуриятини олганликлари;
«Ўзэнергосотиш» АЖ 25 йил давомида электр энергиясини кафолатланган тарзда харид қилиш мажбуриятини олганлиги ва электр энергияси учун тўловларни миллий валютада амалга ошириши назарда тутилганлиги маълумот учун қабул қилинсин.
2. Ўзбекистон Республикаси Ҳукумати номидан Инвестициялар ва ташқи савдо вазирлиги, Инвестор ва Тошкент вилоятидаги лойиҳа компанияси ўртасида тузилган Тошкент вилоятидаги инвестиция битими ҳамда Ўзбекистон Республикаси Ҳукумати номидан Инвестициялар ва ташқи савдо вазирлиги, Инвестор ва Бухоро вилоятидаги лойиҳа компанияси ўртасидаги тузилган Бухоро вилоятидаги инвестиция битими тасдиқлансин.
Белгилансинки, Тошкент вилоятидаги инвестиция битими ва Бухоро вилоятидаги инвестиция битими уларда кўрсатилган шартларга мувофиқ кучга киради.
3. Электр энергиясини сотиб олиш тўғрисидаги битимлар маъқуллансин.
4. Электр энергиясини сотиб олиш тўғрисидаги битимларга мувофиқ «Ўзэнергосотиш» АЖга:
Лойиҳа компаниялари томонидан ишлаб чиқариладиган электр энергиясини уч ой мобайнида сотиб олишни қоплаш учун мажбуриятлар бажарилишининг таъминоти сифатида Лойиҳа компаниялари фойдасига Ўзбекистон Республикаси тижорат банкининг чет эл валютасида тасдиқланган, тикланадиган, қайтариб берилмайдиган ва шартсиз банк кафолатини тақдим этишга;
инвестиция лойиҳалари эҳтиёжи учун табиий газ етказиб берувчи сифатида иштирок этишга ҳамда жалб қилинадиган чет эл инвестициялари бўйича Ўзбекистон Республикаси ҳудудида реализация қилинадиган товарлар (ишлар, хизматлар) нархларини чет эл валютасига боғланган ҳолда белгилашга рухсат берилсин.
5. «Ўзтрансгаз» АЖ «Ўзэнергосотиш» АЖ билан Электр энергиясини сотиб олиш тўғрисидаги битимларда назарда тутилган ҳажмларга ва параметрларга мувофиқ Лойиҳа компанияларига табиий газ етказиб бериш тўғрисидаги шартномалар имзоланишини таъминласин.
Сув хўжалиги вазирлиги Лойиҳа компаниялари билан Электр энергиясини сотиб олиш тўғрисидаги битимларда назарда тутилган ҳажмларга ва параметрларга мувофиқ уларга техник сув етказиб бериш тўғрисидаги шартномалар имзоланишини таъминласин.
6. Инвестиция лойиҳаларини амалга ошириш доирасида Лойиҳа компанияларига тўланиши лозим бўлган барча солиқлар ва мажбурий тўловлар амалга оширилган ҳолда кредитлаш, чет эл валютасидаги маблағларни олиш ва улардан фойдаланиш учун чет элдаги банкларда банк ҳисобварақлари очиш ҳамда республикада очилган банк ҳисобварақларидан хорижда очилган банк ҳисобварақларига пул маблағларини ўтказишга рухсат берилсин.
7. Тошкент вилояти ҳокимлиги Давлат солиқ қўмитаси ҳузуридаги Кадастр агентлиги билан биргаликда бир ой муддатда Тошкент вилоятидаги лойиҳа компаниясига Тошкент вилоятидаги инвестиция битими ва Электр энергиясини сотиб олиш тўғрисидаги битимда кўрсатилган шартлар ва муддатларда Тошкент вилоятидаги инвестиция лойиҳасини амалга ошириш учун зарур ер участкасини белгиланган тартибда ажратсин.
Тошкент вилояти ҳокимлигига Қишлоқ хўжалиги вазирлигининг Пахта селекцияси, уруғчилиги ва етиштириш агротехнологиялари илмий-тадқиқот институти (кейинги ўринларда — институт) ҳудудидан Тошкент вилоятидаги инвестиция лойиҳаси учун тегишли ер участкасини ажратиш бўйича ваколат берилсин.
Институтга Тошкент вилоятидаги лойиҳа компанияси билан Электр энергиясини сотиб олиш тўғрисидаги битимда кўрсатилган ҳамда Тошкент вилоятидаги инвестиция лойиҳаси қурилиши босқичида зарур бўлган қўшимча 2 гектар ер участкасидан 2022 йилнинг 31 мартига қадар вақтинчалик фойдаланиш шартномасини тузишга рухсат берилсин.
Тошкент вилояти ҳокимлиги Тошкент вилоятидаги лойиҳа компаниясига Тошкент вилоятидаги инвестиция лойиҳаси учун тегишли ер участкасини ажратгандан сўнг икки ой муддатда институтга Тошкент вилояти ҳудудидан ўринга-ўрин тенг бўлган майдоннинг ажратилиши таъминлансин.
8. Бухоро вилояти ҳокимлиги Давлат солиқ қўмитаси ҳузуридаги Кадастр агентлиги билан биргаликда бир ой муддатда Бухоро вилоятидаги лойиҳа компаниясига Бухоро вилоятидаги инвестиция битими ва Электр энергиясини сотиб олиш тўғрисидаги битимда кўрсатилган шартлар ва муддатларда Бухоро вилоятидаги инвестиция лойиҳасини амалга ошириш учун зарур ер участкасини белгиланган тартибда ажратсин.
9. Лойиҳа компаниялари инвестиция лойиҳаларини амалга ошириш доирасида қишлоқ хўжалиги ва ўрмон хўжалиги ишлаб чиқариши нобудгарчиликлари ўрнини қоплашдан (компенсация тўловларидан) озод қилинсин.
10. Адлия вазирлиги (Р.К. Давлетов) инвестиция лойиҳаларини амалга ошириш доирасида Тошкент вилоятидаги инвестиция битими ва Бухоро вилоятидаги инвестиция битими юзасидан юридик хулосалар берсин.
11. Инвестициялар ва ташқи савдо вазирлиги (Ш.А. Вафаев) инвестиция лойиҳаларининг амалга оширилиши, шунингдек, томонларнинг Тошкент вилоятидаги инвестиция битими ва Бухоро вилоятидаги инвестиция битими ҳамда тегишли Электр энергиясини сотиб олиш тўғрисидаги битимлар доирасидаги мажбуриятларини бажариши устидан назорат ўрнатсин.
12. Ташқи ишлар вазирлиги (А.Х. Камилов) Лойиҳа компанияларининг буюртманомаларига асосан инвестиция лойиҳаларини амалга ошириш доирасида жалб қилинадиган хорижий мутахассисларга, шунингдек, уларнинг оила аъзоларига кириш визалари расмийлаштирилишини (муддати узайтирилишини) белгиланган тартибда таъминласин.
13. Ички ишлар вазирлиги (П.Р. Бобожонов) Лойиҳа компаниялари буюртманомаларига асосан инвестиция лойиҳаларини амалга ошириш даврида иштирок этадиган хорижий мутахассисларга, шунингдек, уларнинг оила аъзоларига кўп марталик визалар расмийлаштирилишини, берилишини (муддати узайтирилишини) ҳамда вақтинча яшаш жойи бўйича вақтинчалик рўйхатдан ўтишини ва унинг муддати узайтирилишини белгиланган тартибда таъминласин.
14. Бандлик ва меҳнат муносабатлари вазирлиги (Н.Б. Хусанов) Лойиҳа компаниялари аризаларига биноан хорижий мутахассисларнинг (Ўзбекистон Республикаси фуқаролари орасида бўлмаган тақдирда) Ўзбекистон Республикаси ҳудудида меҳнат фаолиятини амалга ошириш ҳуқуқини берувчи тасдиқномалар берилишини (муддати узайтирилишини) белгиланган тартибда таъминласин.
15. Энергетика вазирлиги манфаатдор вазирлик ва идоралар билан биргаликда икки ой муддатда қонун ҳужжатларига мазкур қарордан келиб чиқадиган ўзгартириш ва қўшимчалар тўғрисида Вазирлар Маҳкамасига таклифлар киритсин.
16. Мазкур қарорнинг ижросини самарали ташкил этишга масъул ва шахсий жавобгар этиб энергетика вазири А.С. Султанов белгилансин.
Қарор ижросини ҳар чоракда муҳокама қилиб бориш, ижро учун масъул идоралар фаолиятини мувофиқлаштириш ва назорат қилиш Бош вазир ўринбосари С.У. Умурзаков зиммасига юклансин.
Амалга оширилаётган чора-тадбирлар натижадорлиги юзасидан ҳар чорак якунида Ўзбекистон Республикаси Президентига ахборот берилсин.
Ўзбекистон Республикаси Президенти Ш. МИРЗИЁЕВ
Тошкент ш.,
2021 йил 4 март,
ПҚ-5018-сон
Oʻzbekiston Respublikasi Prezidentining
Qarori
“Toshkent viloyatida quvvati 240 MVt boʻlgan bugʻ-gaz elektr stansiyasi va quvvati 230 MVt boʻlgan gaz-porshenli elektr stansiyasini qurish” hamda “Buxoro viloyatida quvvati 270 MVt boʻlgan gaz-porshenli elektr stansiyasini qurish” investitsiya loyihalarini amalga oshirish chora-tadbirlari toʻgʻrisida
Elektr energetika tarmogʻiga toʻgʻridan-toʻgʻri xorijiy investitsiyalarni jalb etgan holda elektr energiyasini ishlab chiqarish quvvatlarini rivojlantirish hamda iqtisodiyot tarmoqlarini va aholini energiya resurslari bilan barqaror va sifatli taʼminlash maqsadida:
1. Quyidagilar:
a) Oʻzbekiston Respublikasi Hukumati nomidan Oʻzbekiston Respublikasi Investitsiyalar va tashqi savdo vazirligi 2021-yil 20-yanvarda “Aksa Enerji Üretim A.Ş.” (Turkiya Respublikasi) kompaniyasi (keyingi oʻrinlarda — Investor) bilan Toshkent viloyatida quvvati 240 MVt boʻlgan bugʻ-gaz elektr stansiyasi va quvvati 230 MVt boʻlgan gaz-porshenli elektr stansiyasi (keyingi oʻrinlarda — Toshkent viloyatidagi investitsiya loyihasi) hamda Buxoro viloyatida quvvati 270 MVt boʻlgan gaz-porshenli elektr stansiyasini (keyingi oʻrinlarda — Buxoro viloyatidagi investitsiya loyihasi) loyihalashtirish, moliyalashtirish, qurish va 25 yil davomida ishlatish bilan bogʻliq investitsiya loyihalarining (keyingi oʻrinlarda — investitsiya loyihalari) amalga oshirilishi rejalashtirilganligi;
b) Toshkent viloyatidagi investitsiya loyihasini amalga oshirish maqsadida Investor tomonidan “Aksa Enerji Tashkent” MCHJ (keyingi oʻrinlarda — Toshkent viloyatidagi loyiha kompaniyasi) tashkil etilganligi;
v) Buxoro viloyatidagi investitsiya loyihasini amalga oshirish maqsadida Investor tomonidan “Aksa Enerji Bukhara” MCHJ (keyingi oʻrinlarda — Buxoro viloyatidagi loyiha kompaniyasi) tashkil etilganligi;
g) Oʻzbekiston Respublikasi Hukumati nomidan Investitsiyalar va tashqi savdo vazirligi, Investor va Toshkent viloyatidagi loyiha kompaniyasi (keyinchalik bitimga qoʻshilishini hisobga olgan holda) oʻrtasida 2021-yil 20-yanvarda Toshkent viloyatida quvvati 240 MVt boʻlgan bugʻ-gaz elektr stansiyasi va quvvati 230 MVt boʻlgan gaz porshenli elektr stansiyasini loyihalashtirish, moliyalashtirish, qurish va 25 yil davomida ishlatish bilan bogʻliq Investor va Toshkent viloyatidagi loyiha kompaniyasining majburiyatlarini nazarda tutuvchi investitsiya bitimi yangi tahrirda tuzilganligi (keyingi oʻrinlarda — Toshkent viloyatidagi investitsiya bitimi);
d) Oʻzbekiston Respublikasi Hukumati nomidan Investitsiyalar va tashqi savdo vazirligi, Investor va Buxoro viloyatidagi loyiha kompaniyasi (keyinchalik bitimga qoʻshilishini hisobga olgan holda) oʻrtasida 2021-yil 20-yanvarda Buxoro viloyatida quvvati 270 MVt boʻlgan gaz-porshenli elektr stansiyasini loyihalashtirish, moliyalashtirish, qurish va 25 yil davomida ishlatish bilan bogʻliq Investor va Buxoro viloyatidagi loyiha kompaniyasining majburiyatlarini nazarda tutuvchi investitsiya bitimi imzolanganligi (keyingi oʻrinlarda — Buxoro viloyatidagi investitsiya bitimi);
e) Toshkent viloyatidagi investitsiya bitimi va Buxoro viloyatidagi investitsiya bitimiga muvofiq Investor, Toshkent viloyatidagi loyiha kompaniyasi va Buxoro viloyatidagi loyiha kompaniyasi yuzaga kelishi mumkin boʻlgan xavf-xatarlarni oʻz zimmasiga olgan holda, jami 450 mln AQSH dollari miqdorida toʻgʻridan-toʻgʻri xorijiy investitsiyalarni jalb etishi;
j) 2021-yil 20-yanvarda “Oʻzbekiston milliy elektr tarmoqlari” AJ va Investor oʻrtasida Toshkent viloyatidagi investitsiya loyihasi doirasida Elektr energiyasini sotib olish toʻgʻrisidagi bitim yangi tahrirda va Buxoro viloyatidagi investitsiya loyihasi doirasida Elektr energiyasini sotib olish toʻgʻrisidagi bitim hamda 2024-yil 10-sentabrda “Oʻzbekiston milliy elektr tarmoqlari” AJning ushbu bitimlarda belgilangan huquq va majburiyatlarini “Oʻzenergosotish” AJga oʻtkazish orqali qayta rasmiylashtirish haqidagi qoʻshimcha bitim (keyingi oʻrinlarda — Elektr energiyasini sotib olish toʻgʻrisidagi bitimlar) imzolanganligi va shunga muvofiq:
Investor oʻz huquq va majburiyatlaridan Toshkent viloyatidagi loyiha kompaniyasi va Buxoro viloyatidagi loyiha kompaniyasi (keyingi oʻrinlarda — Loyiha kompaniyalari) foydasiga tegishli Elektr energiyasini sotib olish toʻgʻrisidagi bitimlarga muvofiq voz kechishi;
Loyiha kompaniyalari ishlab chiqarilgan elektr energiyasini kafolatlangan tarzda “Oʻzenergosotish” AJ timsolida yagona xaridorga sotish majburiyatini olganliklari;
“Oʻzenergosotish” AJ 25 yil davomida elektr energiyasini kafolatlangan tarzda xarid qilish majburiyatini olganligi va elektr energiyasi uchun toʻlovlarni milliy valyutada amalga oshirishi nazarda tutilganligi maʼlumot uchun qabul qilinsin.
2. Oʻzbekiston Respublikasi Hukumati nomidan Investitsiyalar va tashqi savdo vazirligi, Investor va Toshkent viloyatidagi loyiha kompaniyasi oʻrtasida tuzilgan Toshkent viloyatidagi investitsiya bitimi hamda Oʻzbekiston Respublikasi Hukumati nomidan Investitsiyalar va tashqi savdo vazirligi, Investor va Buxoro viloyatidagi loyiha kompaniyasi oʻrtasidagi tuzilgan Buxoro viloyatidagi investitsiya bitimi tasdiqlansin.
Belgilansinki, Toshkent viloyatidagi investitsiya bitimi va Buxoro viloyatidagi investitsiya bitimi ularda koʻrsatilgan shartlarga muvofiq kuchga kiradi.
3. Elektr energiyasini sotib olish toʻgʻrisidagi bitimlar maʼqullansin.
4. Elektr energiyasini sotib olish toʻgʻrisidagi bitimlarga muvofiq “Oʻzenergosotish” AJga:
Loyiha kompaniyalari tomonidan ishlab chiqariladigan elektr energiyasini uch oy mobaynida sotib olishni qoplash uchun majburiyatlar bajarilishining taʼminoti sifatida Loyiha kompaniyalari foydasiga Oʻzbekiston Respublikasi tijorat bankining chet el valyutasida tasdiqlangan, tiklanadigan, qaytarib berilmaydigan va shartsiz bank kafolatini taqdim etishga;
investitsiya loyihalari ehtiyoji uchun tabiiy gaz yetkazib beruvchi sifatida ishtirok etishga hamda jalb qilinadigan chet el investitsiyalari boʻyicha Oʻzbekiston Respublikasi hududida realizatsiya qilinadigan tovarlar (ishlar, xizmatlar) narxlarini chet el valyutasiga bogʻlangan holda belgilashga ruxsat berilsin.
5. “Oʻztransgaz” AJ “Oʻzenergosotish” AJ bilan Elektr energiyasini sotib olish toʻgʻrisidagi bitimlarda nazarda tutilgan hajmlarga va parametrlarga muvofiq Loyiha kompaniyalariga tabiiy gaz yetkazib berish toʻgʻrisidagi shartnomalar imzolanishini taʼminlasin.
Suv xoʻjaligi vazirligi Loyiha kompaniyalari bilan Elektr energiyasini sotib olish toʻgʻrisidagi bitimlarda nazarda tutilgan hajmlarga va parametrlarga muvofiq ularga texnik suv yetkazib berish toʻgʻrisidagi shartnomalar imzolanishini taʼminlasin.
6. Investitsiya loyihalarini amalga oshirish doirasida Loyiha kompaniyalariga toʻlanishi lozim boʻlgan barcha soliqlar va majburiy toʻlovlar amalga oshirilgan holda kreditlash, chet el valyutasidagi mablagʻlarni olish va ulardan foydalanish uchun chet eldagi banklarda bank hisobvaraqlari ochish hamda respublikada ochilgan bank hisobvaraqlaridan xorijda ochilgan bank hisobvaraqlariga pul mablagʻlarini oʻtkazishga ruxsat berilsin.
7. Toshkent viloyati hokimligi Davlat soliq qoʻmitasi huzuridagi Kadastr agentligi bilan birgalikda bir oy muddatda Toshkent viloyatidagi loyiha kompaniyasiga Toshkent viloyatidagi investitsiya bitimi va Elektr energiyasini sotib olish toʻgʻrisidagi bitimda koʻrsatilgan shartlar va muddatlarda Toshkent viloyatidagi investitsiya loyihasini amalga oshirish uchun zarur yer uchastkasini belgilangan tartibda ajratsin.
Toshkent viloyati hokimligiga Qishloq xoʻjaligi vazirligining Paxta seleksiyasi, urugʻchiligi va yetishtirish agrotexnologiyalari ilmiy-tadqiqot instituti (keyingi oʻrinlarda — institut) hududidan Toshkent viloyatidagi investitsiya loyihasi uchun tegishli yer uchastkasini ajratish boʻyicha vakolat berilsin.
Institutga Toshkent viloyatidagi loyiha kompaniyasi bilan Elektr energiyasini sotib olish toʻgʻrisidagi bitimda koʻrsatilgan hamda Toshkent viloyatidagi investitsiya loyihasi qurilishi bosqichida zarur boʻlgan qoʻshimcha 2 gektar yer uchastkasidan 2022-yilning 31-martiga qadar vaqtinchalik foydalanish shartnomasini tuzishga ruxsat berilsin.
Toshkent viloyati hokimligi Toshkent viloyatidagi loyiha kompaniyasiga Toshkent viloyatidagi investitsiya loyihasi uchun tegishli yer uchastkasini ajratgandan soʻng ikki oy muddatda institutga Toshkent viloyati hududidan oʻringa-oʻrin teng boʻlgan maydonning ajratilishi taʼminlansin.
8. Buxoro viloyati hokimligi Davlat soliq qoʻmitasi huzuridagi Kadastr agentligi bilan birgalikda bir oy muddatda Buxoro viloyatidagi loyiha kompaniyasiga Buxoro viloyatidagi investitsiya bitimi va Elektr energiyasini sotib olish toʻgʻrisidagi bitimda koʻrsatilgan shartlar va muddatlarda Buxoro viloyatidagi investitsiya loyihasini amalga oshirish uchun zarur yer uchastkasini belgilangan tartibda ajratsin.
9. Loyiha kompaniyalari investitsiya loyihalarini amalga oshirish doirasida qishloq xoʻjaligi va oʻrmon xoʻjaligi ishlab chiqarishi nobudgarchiliklari oʻrnini qoplashdan (kompensatsiya toʻlovlaridan) ozod qilinsin.
10. Adliya vazirligi (R.K. Davletov) investitsiya loyihalarini amalga oshirish doirasida Toshkent viloyatidagi investitsiya bitimi va Buxoro viloyatidagi investitsiya bitimi yuzasidan yuridik xulosalar bersin.
11. Investitsiyalar va tashqi savdo vazirligi (Sh.A. Vafayev) investitsiya loyihalarining amalga oshirilishi, shuningdek, tomonlarning Toshkent viloyatidagi investitsiya bitimi va Buxoro viloyatidagi investitsiya bitimi hamda tegishli Elektr energiyasini sotib olish toʻgʻrisidagi bitimlar doirasidagi majburiyatlarini bajarishi ustidan nazorat oʻrnatsin.
12. Tashqi ishlar vazirligi (A.X. Kamilov) Loyiha kompaniyalarining buyurtmanomalariga asosan investitsiya loyihalarini amalga oshirish doirasida jalb qilinadigan xorijiy mutaxassislarga, shuningdek, ularning oila aʼzolariga kirish vizalari rasmiylashtirilishini (muddati uzaytirilishini) belgilangan tartibda taʼminlasin.
13. Ichki ishlar vazirligi (P.R. Bobojonov) Loyiha kompaniyalari buyurtmanomalariga asosan investitsiya loyihalarini amalga oshirish davrida ishtirok etadigan xorijiy mutaxassislarga, shuningdek, ularning oila aʼzolariga koʻp martalik vizalar rasmiylashtirilishini, berilishini (muddati uzaytirilishini) hamda vaqtincha yashash joyi boʻyicha vaqtinchalik roʻyxatdan oʻtishini va uning muddati uzaytirilishini belgilangan tartibda taʼminlasin.
14. Bandlik va mehnat munosabatlari vazirligi (N.B. Xusanov) Loyiha kompaniyalari arizalariga binoan xorijiy mutaxassislarning (Oʻzbekiston Respublikasi fuqarolari orasida boʻlmagan taqdirda) Oʻzbekiston Respublikasi hududida mehnat faoliyatini amalga oshirish huquqini beruvchi tasdiqnomalar berilishini (muddati uzaytirilishini) belgilangan tartibda taʼminlasin.
15. Energetika vazirligi manfaatdor vazirlik va idoralar bilan birgalikda ikki oy muddatda qonun hujjatlariga mazkur qarordan kelib chiqadigan oʻzgartirish va qoʻshimchalar toʻgʻrisida Vazirlar Mahkamasiga takliflar kiritsin.
16. Mazkur qarorning ijrosini samarali tashkil etishga masʼul va shaxsiy javobgar etib energetika vaziri A.S. Sultanov belgilansin.
Qaror ijrosini har chorakda muhokama qilib borish, ijro uchun masʼul idoralar faoliyatini muvofiqlashtirish va nazorat qilish Bosh vazir oʻrinbosari S.U. Umurzakov zimmasiga yuklansin.
Amalga oshirilayotgan chora-tadbirlar natijadorligi yuzasidan har chorak yakunida Oʻzbekiston Respublikasi Prezidentiga axborot berilsin.
Oʻzbekiston Respublikasi Prezidenti Sh. MIRZIYOYEV
Toshkent sh.,
2021-yil 4-mart,
PQ-5018-son
Президента Республики Узбекистан
Постановление
О мерах по реализации инвестиционных проектов «Строительство парогазовой электростанции мощностью 240 МВт и газопоршневой электростанции мощностью 230 МВт в Ташкентской области» и «Строительство газопоршневой электростанции мощностью 270 МВт в Бухарской области»
В целях развития мощностей по производству электрической энергии с привлечением прямых иностранных инвестиций в электроэнергетическую отрасль, а также стабильного и качественного обеспечения отраслей экономики и населения энергоресурсами:
1. Принять к сведению, что:
а) между Правительством Республики Узбекистан в лице Министерства инвестиций и внешней торговли и компанией «Aksa Enerji Üretim A.Ş.» (Турецкая Республика) (далее — Инвестор) 20 января 2021 года запланирована реализация инвестиционных проектов (далее — Инвестиционные проекты), связанных с проектированием, финансированием, строительством и эксплуатацией в течение 25 лет парогазовой электростанции мощностью 240 МВт и газопоршневой электростанции мощностью 230 МВт в Ташкентской области (далее — Инвестиционный проект в Ташкентской области), а также газопоршневой электростанции мощностью 270 МВт в Бухарской области (далее — Инвестиционный проект в Бухарской области);
б) в целях реализации Инвестиционного проекта в Ташкентской области Инвестором создано ООО «Aksa Enerji Tashkent» (далее — Проектная компания в Ташкентской области);
в) в целях реализации Инвестиционного проекта в Бухарской области Инвестором создано ООО «Aksa Enerji Bukhara» (далее — Проектная компания в Бухарской области);
г) между Правительством Республики Узбекистан в лице Министерства инвестиций и внешней торговли, Инвестором и Проектной компанией в Ташкентской области (с учетом последующего присоединения к соглашению) 20 января 2021 года составлено инвестиционное соглашение в новой редакции, предусматривающее обязательства Инвестора и Проектной компании в Ташкентской области, связанные с проектированием, финансированием, строительством и эксплуатацией в течение 25 лет парогазовой электростанции мощностью 240 МВт и газопоршневой электростанции мощностью 230 МВт в Ташкентской области (далее — Инвестиционное соглашение в Ташкентской области);
д) между Правительством Республики Узбекистан в лице Министерства инвестиций и внешней торговли, Инвестором и Проектной компанией в Бухарской области (с учетом последующего присоединения к соглашению) 20 января 2021 года подписано инвестиционное соглашение, предусматривающее обязательства Инвестора и Проектной компании в Бухарской области, связанные с проектированием, финансированием, строительством и эксплуатацией в течение 25 лет газопоршневой электростанции мощностью 270 МВт в Бухарской области (далее — Инвестиционное соглашение в Бухарской области);
е) в соответствии с Инвестиционным соглашением в Ташкентской области и Инвестиционным соглашением в Бухарской области Инвестор, Проектная компания в Ташкентской области и Проектная компания в Бухарской области привлекают прямые иностранные инвестиции в размере 450 млн долларов США с принятием на себя возможных рисков;
ж) в рамках инвестиционного проекта в Ташкентской области между АО «Национальные электрические сети Узбекистана» и Инвестором 20 января 2021 года было подписано Соглашение о закупке электроэнергии в новой редакции, а в рамках инвестиционного проекта в Бухарской области – Соглашение о закупке электроэнергии, а 10 сентября 2024 года -дополнительное соглашение о переоформлении прав и обязательств АО «Национальные электрические сети Узбекистана», установленных в данных соглашениях путем их передачи АО «Узэнергосотиш» (далее – Соглашения о закупке электроэнергии)», в соответствии с которым:
Инвестор согласно соответствующим соглашениям о закупке электрической энергии уступает свои права и обязательства в пользу Проектной компании в Ташкентской области и Проектной компании в Бухарской области (далее — Проектные компании);
Проектные компании принимают обязательство гарантированной продажи произведенной электрической энергии единому покупателю в лице АО «Узэнергосотиш»;
АО «Узэнергосотиш» принимает обязательство гарантированной закупки электрической энергии и осуществления оплаты за электрическую энергию в национальной валюте в течение 25 лет.
2. Утвердить Инвестиционное соглашение в Ташкентской области, заключенное между Правительством Республики Узбекистан в лице Министерства инвестиций и внешней торговли, Инвестором и Проектной компанией в Ташкентской области, а также Инвестиционное соглашение в Бухарской области, заключенное между Правительством Республики Узбекистан в лице Министерства инвестиций и внешней торговли, Инвестором и Проектной компанией в Бухарской области.
Определить, что Инвестиционное соглашение в Ташкентской области и Инвестиционное соглашение в Бухарской области вступают в силу в соответствии с указанными в них условиями.
3. Одобрить Соглашение о закупке электроэнергии.
4. Разрешить АО «Узэнергосотиш» в соответствии с соглашениями о закупке электрической энергии:
предоставление подтвержденной в иностранной валюте, возобновляемой, безотзывной и безусловной банковской гарантии коммерческого банка Республики Узбекистан в пользу Проектных компаний в качестве обеспечения исполнения обязательств по покрытию закупки электрической энергии, вырабатываемой Проектными компаниями в течение трех месяцев;
принимать участие в качестве поставщика природного газа для потребностей Инвестиционных проектов, а также устанавливать цены на товары (работы, услуги), реализуемые на территории Республики Узбекистан по привлекаемым иностранным инвестициям, с привязкой к иностранной валюте.
5. АО «Узтрансгаз» обеспечить заключение с АО «Узэнергосотиш» договоров поставки природного газа Проектным компаниям согласно объемам и параметрам, предусмотренным в соглашениях о закупке электрической энергии.
Министерству водного хозяйства обеспечить заключение с Проектными компаниями договоров поставки им технической воды согласно объемам и параметрам, предусмотренным в соглашениях о закупке электрической энергии.
6. Разрешить Проектным компаниям в рамках реализации Инвестиционных проектов открывать банковские счета в зарубежных банках для кредитования, получения и использования средств в иностранной валюте с осуществлением оплаты всех налогов и обязательных платежей, а также перечислять денежные средства с банковских счетов, открытых в республике, на банковские счета, открытые за рубежом.
7. Хокимияту Ташкентской области совместно с Агентством по кадастру при Государственном налоговом комитете в месячный срок в установленном порядке выделить Проектной компании в Ташкентской области земельный участок, необходимый для реализации Инвестиционного проекта в Ташкентской области, на условиях и на срок, указанные в Инвестиционном соглашении в Ташкентской области и Соглашении о закупке электрической энергии.
Предоставить хокимияту Ташкентской области полномочие на выделение соответствующего земельного участка для Инвестиционного проекта в Ташкентской области на территории Научно-исследовательского института селекции, семеноводства и агротехнологии выращивания хлопка (далее — институт).
Разрешить институту заключить на срок до 31 марта 2022 года с Проектной компанией в Ташкентской области договор о временном использовании дополнительного земельного участка площадью 2 гектара, указанного в Соглашении о закупке электрической энергии и необходимого на этапе строительства Инвестиционного проекта в Ташкентской области.
Хокимияту Ташкентской области после выделения Проектной компании в Ташкентской области соответствующего земельного участка для реализации Инвестиционного проекта в Ташкентской области в двухмесячный срок обеспечить выделение институту соразмерной площади на территории Ташкентской области.
8. Хокимияту Бухарской области совместно с Агентством по кадастру при Государственном налоговом комитете в месячный срок в установленном порядке выделить Проектной компании в Бухарской области земельный участок, необходимый для реализации Инвестиционного проекта в Бухарской области, на условиях и на срок, указанные в Инвестиционном соглашении в Бухарской области и Соглашении о закупке электрической энергии.
9. Освободить Проектные компании от возмещения потерь сельскохозяйственного и лесохозяйственного производства (компенсационных выплат) в рамках реализации Инвестиционных проектов.
10. Министерству юстиции (Р.К. Давлетов) выдать юридические заключения по Инвестиционному соглашению в Ташкентской области и Инвестиционному соглашению в Бухарской области в рамках реализации Инвестиционных проектов.
11. Министерству инвестиций и внешней торговли (Ш.А. Вафаев) установить контроль за реализацией Инвестиционных проектов, а также исполнением сторонами обязательств в рамках Инвестиционного соглашения в Ташкентской области, Инвестиционного соглашения в Бухарской области и соответствующих соглашений о закупке электрической энергии.
12. Министерству иностранных дел (А.Х. Камилов) на основании заявок Проектных компаний обеспечить в установленном порядке оформление (продление) въездных виз иностранным специалистам, привлекаемым в рамках реализации Инвестиционных проектов, а также членам их семей.
13. Министерству внутренних дел (П.Р. Бобожонов) на основании заявок Проектных компаний обеспечить в установленном порядке оформление, выдачу (продление срока) многократных виз, а также временную регистрацию по месту временного проживания и ее продление иностранным специалистам, принимающим участие в реализации Инвестиционных проектов, а также членам их семей.
14. Министерству занятости и трудовых отношений (Н.Б. Хусанов) на основании заявок Проектных компаний обеспечить в установленном порядке выдачу (продление) иностранным специалистам (не из числа граждан Республики Узбекистан) подтверждений на право осуществления трудовой деятельности на территории Республики Узбекистан.
15. Министерству энергетики совместно с заинтересованными министерствами и ведомствами в двухмесячный срок внести в Кабинет Министров предложения об изменениях и дополнениях в законодательство, вытекающих из настоящего постановления.
16. Возложить на министра энергетики А.С. Султанова персональную ответственность за эффективную организацию исполнения настоящего постановления.
Ежеквартальное обсуждение хода исполнения настоящего постановления, а также осуществление координации и контроля за деятельностью ведомств, ответственных за его исполнение, возложить на заместителя Премьер-министра Республики Узбекистан С.У. Умурзакова.
О результативности осуществляемых мер информировать Президента Республики Узбекистан по итогам каждого квартала.
Президент Республики Узбекистан Ш. МИРЗИЁЕВ
г. Ташкент,
4 марта 2021 г.,
№ ПП-5018