📅 2021-yil 3-mart · Prezident qarorlari
Rasmiy matn. Rasmiy hujjat. Tahririy izohlar kiritilmagan.
UzbekAI
📅 2021 йил 3 март · Президент қарорлари
Расмий матн. Расмий ҳужжат. Таҳририй изоҳлар киритилмаган.
📅 3 марта 2021 г. · Постановления Президента
Официальный текст. Официальный документ. Редакционные примечания не включены.
📅 3 March 2021 · Presidential resolutions
Official text. Official document. Editorial notes are not included.
Ўзбекистон Республикаси Президентининг
Қарори
Ўзбекистон Республикаси Ички ишлар вазирлиги Малака ошириш институтининг филиаллари фаолиятини такомиллаштириш бўйича қўшимча чора-тадбирлар тўғрисида
[Кўчирма]
Ўзбекистон Республикаси Миллий гвардиясининг ҳарбий хизматчи ва ходимларини, ички ишлар органлари сафдорлар таркиби ҳамда вазирлик ва идораларнинг қўриқлаш (ҳарбийлаштирилган, қоровуллик) бўлинмалари ходимларини (кейинги ўринларда — ҳарбий хизматчи ва ходимлар) тайёрлаш, қайта тайёрлаш ва уларнинг малакасини ошириш тизимини янада такомиллаштириш, шунингдек, ўқув жараёнини замонавий ахборот ва педагогик технология воситаларидан кенг фойдаланган ҳолда ташкил этиш учун зарур шарт-шароитлар яратиш мақсадида:
1. Қорақалпоғистон Республикаси Вазирлар Кенгаши, Тошкент шаҳар ҳокимлиги, Ўзбекистон Республикаси Миллий гвардияси ва Ички ишлар вазирлигининг:
Тошкент шаҳрининг Сергели туманидаги А. Қодирий кўчаси 43-уй манзилида жойлашган Ўзбекистон Республикаси Ички ишлар вазирлиги ҳузуридаги Қўриқлаш департаментининг Тошкент шаҳар Қўриқлаш бошқармаси балансидаги Автохўжалик ҳудудида Ўзбекистон Республикаси Ички ишлар вазирлиги Малака ошириш институтининг Тошкент филиалини ташкил этиш;
Ички ишлар вазирлигининг Фарғона минтақавий ўқув марказини Ички ишлар вазирлиги Малака ошириш институтининг Фарғона филиалига айлантириш;
Ички ишлар вазирлигининг Жиззах минтақавий ўқув марказини Ички ишлар вазирлиги Малака ошириш институтининг Жиззах филиалига айлантириш;
Сурхондарё вилояти Денов тумани Файзли маҳалласи Файзли кўчаси 105-уй манзилида Ички ишлар вазирлиги Малака ошириш институтининг Сурхондарё филиалини ташкил этиш тўғрисидаги таклифларига розилик берилсин.
2. Қуйидагилар Ўзбекистон Республикаси Ички ишлар вазирлиги Малака ошириш институти Нукус, Фарғона, Жиззах, Тошкент ва Сурхондарё филиалларининг (кейинги ўринларда — Филиаллар) асосий вазифалари этиб белгилансин:
ички ишлар органлари сафдор ва сержантлар таркибини маъмурий-ҳуқуқий, жамоат тартибини сақлаш, касбий ва психологик тайёргарлик, жанговар махсус тайёргарлик бўйича қайта тайёрлаш ва уларнинг малакасини ошириш ҳамда тор ихтисосликлар сирасига кирувчи сафдорлар ва офицерлар таркибидаги лавозимларга биринчи марта тайинланган ходимларни бошланғич касбий тайёрлаш;
ҳарбий хизматчи ва ходимларни ватанпарварлик, Ватанига ва хизмат бурчига садоқат руҳида тарбиялаш, уларда одоб-ахлоқ фазилатларини шакллантириш;
фуқароларнинг ҳуқуқ ва эркинликларини, жамоат тартиби ва хавфсизлигини ҳимоя қилишга қодир бўлган, билимли, маънавий етук, жисмонан соғлом, хизмат бурчини виждонан бажара оладиган фаол ҳарбий хизматчи ва ходимларни тарбиялаш;
Ўзбекистон Республикаси Миллий гвардияси ва ички ишлар органларининг соҳавий хизматлари ҳамда вазирлик ва идораларнинг қўриқлаш (ҳарбийлаштирилган, қоровуллик) бўлинмалари учун малакали мутахассислар тайёрлаш;
қонунийликни таъминлаш, ҳуқуқ-тартиботни мустаҳкамлаш ва жиноятчиликка қарши кураш муаммолари бўйича тадқиқотларни амалга ошириш ҳамда амалий таклифлар, тавсиялар ва қўлланмалар ишлаб чиқиш;
ҳарбий хизматчи ва ходимларни зиммасига юкланган хизмат вазифаларини бажаришлари учун зарур бўлган назарий билим, амалий кўникма ва малакаларни пухта эгаллаш имконини берадиган зарур шарт-шароитлар яратиб бериш;
ўқув жараёнига ўқитишнинг илғор услуб ва шаклларини, замонавий ахборот технологиялари воситаларини жорий қилиш, ҳарбий хизматчи ва ходимларнинг белгиланган вазифаларни ҳал этишга амалий йўналтирилганлигини таъминлаган ҳолда, ўқув-тарбия жараёнини узлуксиз равишда такомиллаштириб бориш;
ҳарбий хизматчи ва ходимларнинг малакасини оширишда ўқитишнинг онлайн шаклини кенг қўллаш;
Ўзбекистон Республикаси Ички ишлар вазирлиги ва Миллий гвардиясининг таълим муассасалари ўртасида доимий равишда илмий ва амалий тажриба алмашиш амалиётини йўлга қўйиш.
4. Белгилаб қўйилсинки:
б) Филиаллар Ўзбекистон Республикаси Ички ишлар вазирлигининг юридик шахс мақомига эга бўлган таркибий бўлинмаси ҳисобланади, Ўзбекистон Республикаси давлат герби тасвири туширилган ва ўз номи давлат тилида ёзилган муҳрга ва бланкларга, мустақил балансга ҳамда банк муассасаларида шахсий ҳисобварақларига эга бўлади;
в) Филиалларда ҳарбий хизматчи ва ходимларни ҳамда вазирлик ва идораларнинг ҳарбийлаштирилган ва қоровуллик қўриқлаш бўлинмаларининг мутахассисларини бошланғич тайёрлаш, қайта тайёрлаш ва уларнинг малакасини ошириш бўйича ўқув жараёни қуйидаги ҳудудларга тақсимланган ҳолда ташкил этилади:
Ўзбекистон Республикаси Ички ишлар вазирлиги Малака ошириш институтининг Тошкент филиали — Тошкент шаҳри ва Тошкент вилоятида хизмат қилаётган ҳарбий хизматчи ва ходимлар ҳамда мутахассислар учун;
Ўзбекистон Республикаси Ички ишлар вазирлиги Малака ошириш институтининг Фарғона филиали — Фарғона, Андижон ва Наманган вилоятларида хизмат қилаётган ҳарбий хизматчи ва ходимлар ҳамда мутахассислар учун;
Ўзбекистон Республикаси Ички ишлар вазирлиги Малака ошириш институтининг Жиззах филиали — Сирдарё, Жиззах ва Самарқанд вилоятларида хизмат қилаётган ҳарбий хизматчи ва ходимлар ҳамда мутахассислар учун;
Ўзбекистон Республикаси Ички ишлар вазирлиги Малака ошириш институтининг Нукус филиали — Қорақалпоғистон Республикаси, Хоразм, Навоий ва Бухоро вилоятларида хизмат қилаётган ҳарбий хизматчи ва ходимлар ҳамда мутахассислар учун;
Ўзбекистон Республикаси Ички ишлар вазирлиги Малака ошириш институтининг Сурхондарё филиали — Қашқадарё ва Сурхондарё вилоятларида хизмат қилаётган ҳарбий хизматчи ва ходимлар ҳамда мутахассислар учун.
5. Ўзбекистон Республикаси ички ишлар вазирига қуйидаги ҳуқуқлар берилсин:
Ўзбекистон Республикаси Ички ишлар вазирлигининг умумий штат бирликлари доирасида Филиалларнинг ташкилий-штат тузилмаларига ўзгартириш киритиш;
Ўзбекистон Республикаси Ички ишлар вазирлиги ҳузуридаги Қўриқлаш департаменти маблағлари ҳисобидан қўриқлаш бўлинмалари учун мутахассисларни ўқитиш самарадорлигини ошириш мақсадида Филиалларнинг моддий-техник ва ўқув-машғулот базаларини мустаҳкамлаш, қуриш, реконструкция қилиш ва таъмирлашни амалга ошириш.
6. Шундай тартиб ўрнатилсинки, унга мувофиқ:
Филиалларнинг раҳбар ва педагоглар таркибини қайта тайёрлаш ва уларнинг малакасини ошириш Ўзбекистон Республикаси Ички ишлар вазирлиги Академияси, Ички ишлар вазирлиги Малака ошириш институтида ҳамда вазирлик ва идораларнинг олий, олий ҳарбий ва ихтисослаштирилган таълим муассасаларида амалга оширилади;
Ўзбекистон Республикаси Миллий гвардияси Ихтисослашган ўқув маркази Ўзбекистон Республикаси Миллий гвардияси оддий аскар ва сержантлар таркибига мансуб ҳарбий хизматчилар ва ходимларни тайёрлаш бўйича таянч бўлинма ҳисобланади.
7. Ўзбекистон Республикаси Миллий гвардияси, Ички ишлар вазирлиги:
Ўзбекистон Республикаси Миллий гвардияси ва ички ишлар органларининг тегишли соҳавий хизмат мутахассислари Филиалларнинг ўқув-тарбия жараёнига жалб қилинишини;
Филиалларда таълим жараёнининг сифатини ошириш, ўқув машғулотларини ўтказиш мақсадида Ўзбекистон Республикаси Ички ишлар вазирлиги ҳузуридаги Қўриқлаш департаменти маблағлари ҳисобидан шартнома асосида республиканинг етакчи олий ва ўрта махсус таълим муассасалари ва илмий-тадқиқот марказларининг профессор-ўқитувчилар таркиби, юқори малакали мутахассислари ҳамда экспертлари, шунингдек, захирадаги ҳарбий хизматчи ва ходимларни жалб қилинишини;
ҳарбий хизматчи ва ходимлар билан касбий, жанговар ва махсус тайёргарлик бўйича амалий машғулотларни ўтказишда Ўзбекистон Республикаси Миллий гвардияси ва ички ишлар органлари ўқув объектларидан, ўқув моддий-техник базаларидан ҳамда дала ўқув майдонларидан (полигонларидан) бепул кенг фойдаланилишини таъминласин.
8. Белгилансинки:
2022 — 2024 йилларда Ўзбекистон Республикаси Миллий гвардияси Тошкент минтақавий ўқув марказининг қурилиш, реконструкция ва ободонлаштириш бўйича ишлари ўрнатилган тартибда Тошкент шаҳар ҳарбий-маъмурий сектори, Ўзбекистон Республикаси Миллий гвардияси Қўриқлаш бош бошқармаси маблағлари ва қонунчиликда тақиқланмаган бошқа маблағлар ҳисобидан амалга оширилади;
қурилиш даврида Ўзбекистон Республикаси Ички ишлар вазирлиги Малака ошириш институтининг Тошкент филиали вақтинча Тошкент шаҳар, Шайхонтоҳур тумани, Шохидонтепа кўчаси, 126-уй манзилида жойлаштирилади;
Ўзбекистон Республикаси Ички ишлар вазирлиги ҳузуридаги Қўриқлаш департаментига моддий-техник ва ўқув-машқ базаларини мустаҳкамлаш, такомиллаштириш учун республиканинг давлат ва тижорат банкларидан кредит олишга рухсат берилади.
8 1 . Таркибида қўриқлаш (ҳарбийлаштирилган, қоровуллик) бўлинмалари мавжуд бўлган вазирлик ва идоралар ҳар йили 1 декабрга қадар Ўзбекистон Республикаси Ички ишлар вазирлигига кейинги йил учун ушбу бўлинмалар мутахассисларини бошланғич тайёрлаш, қайта тайёрлаш ва уларнинг малакасини ошириш режасини тақдим этиб борсин ва уларнинг қатъий ижросини таъминласин.
9. Ўзбекистон Республикаси Миллий гвардияси вазирлик ва идоралар билан биргаликда қонун ҳужжатларига ушбу қарордан келиб чиқадиган ўзгартириш ва қўшимчаларни киритиш тўғрисида икки ой муддатда Вазирлар Маҳкамасига таклиф киритсин.
10. Мазкур қарорнинг ижросини назорат қилиш Ўзбекистон Республикасининг Бош вазири А.Н. Арипов ва Ўзбекистон Республикаси Президенти ҳузуридаги Хавфсизлик кенгаши котиби В.В. Махмудов зиммасига юклансин.
Ўзбекистон Республикаси Президенти Ш. МИРЗИЁЕВ
Тошкент ш.,
2021 йил 3 март,
ПҚ-5016-сон
Oʻzbekiston Respublikasi Prezidentining
Qarori
Oʻzbekiston Respublikasi Ichki ishlar vazirligi Malaka oshirish institutining filiallari faoliyatini takomillashtirish boʻyicha qoʻshimcha chora-tadbirlar toʻgʻrisida
[Koʻchirma]
Oʻzbekiston Respublikasi Milliy gvardiyasining harbiy xizmatchi va xodimlarini, ichki ishlar organlari safdorlar tarkibi hamda vazirlik va idoralarning qoʻriqlash (harbiylashtirilgan, qorovullik) boʻlinmalari xodimlarini (keyingi oʻrinlarda — harbiy xizmatchi va xodimlar) tayyorlash, qayta tayyorlash va ularning malakasini oshirish tizimini yanada takomillashtirish, shuningdek, oʻquv jarayonini zamonaviy axborot va pedagogik texnologiya vositalaridan keng foydalangan holda tashkil etish uchun zarur shart-sharoitlar yaratish maqsadida:
1. Qoraqalpogʻiston Respublikasi Vazirlar Kengashi, Toshkent shahar hokimligi, Oʻzbekiston Respublikasi Milliy gvardiyasi va Ichki ishlar vazirligining:
Toshkent shahrining Sergeli tumanidagi A. Qodiriy koʻchasi 43-uy manzilida joylashgan Oʻzbekiston Respublikasi Ichki ishlar vazirligi huzuridagi Qoʻriqlash departamentining Toshkent shahar Qoʻriqlash boshqarmasi balansidagi Avtoxoʻjalik hududida Oʻzbekiston Respublikasi Ichki ishlar vazirligi Malaka oshirish institutining Toshkent filialini tashkil etish;
Ichki ishlar vazirligining Fargʻona mintaqaviy oʻquv markazini Ichki ishlar vazirligi Malaka oshirish institutining Fargʻona filialiga aylantirish;
Ichki ishlar vazirligining Jizzax mintaqaviy oʻquv markazini Ichki ishlar vazirligi Malaka oshirish institutining Jizzax filialiga aylantirish;
Surxondaryo viloyati Denov tumani Fayzli mahallasi Fayzli koʻchasi 105-uy manzilida Ichki ishlar vazirligi Malaka oshirish institutining Surxondaryo filialini tashkil etish toʻgʻrisidagi takliflariga rozilik berilsin.
2. Quyidagilar Oʻzbekiston Respublikasi Ichki ishlar vazirligi Malaka oshirish instituti Nukus, Fargʻona, Jizzax, Toshkent va Surxondaryo filiallarining (keyingi oʻrinlarda — Filiallar) asosiy vazifalari etib belgilansin:
ichki ishlar organlari safdor va serjantlar tarkibini maʼmuriy-huquqiy, jamoat tartibini saqlash, kasbiy va psixologik tayyorgarlik, jangovar maxsus tayyorgarlik boʻyicha qayta tayyorlash va ularning malakasini oshirish hamda tor ixtisosliklar sirasiga kiruvchi safdorlar va ofitserlar tarkibidagi lavozimlarga birinchi marta tayinlangan xodimlarni boshlangʻich kasbiy tayyorlash;
harbiy xizmatchi va xodimlarni vatanparvarlik, Vataniga va xizmat burchiga sadoqat ruhida tarbiyalash, ularda odob-axloq fazilatlarini shakllantirish;
fuqarolarning huquq va erkinliklarini, jamoat tartibi va xavfsizligini himoya qilishga qodir boʻlgan, bilimli, maʼnaviy yetuk, jismonan sogʻlom, xizmat burchini vijdonan bajara oladigan faol harbiy xizmatchi va xodimlarni tarbiyalash;
Oʻzbekiston Respublikasi Milliy gvardiyasi va ichki ishlar organlarining sohaviy xizmatlari hamda vazirlik va idoralarning qoʻriqlash (harbiylashtirilgan, qorovullik) boʻlinmalari uchun malakali mutaxassislar tayyorlash;
qonuniylikni taʼminlash, huquq-tartibotni mustahkamlash va jinoyatchilikka qarshi kurash muammolari boʻyicha tadqiqotlarni amalga oshirish hamda amaliy takliflar, tavsiyalar va qoʻllanmalar ishlab chiqish;
harbiy xizmatchi va xodimlarni zimmasiga yuklangan xizmat vazifalarini bajarishlari uchun zarur boʻlgan nazariy bilim, amaliy koʻnikma va malakalarni puxta egallash imkonini beradigan zarur shart-sharoitlar yaratib berish;
oʻquv jarayoniga oʻqitishning ilgʻor uslub va shakllarini, zamonaviy axborot texnologiyalari vositalarini joriy qilish, harbiy xizmatchi va xodimlarning belgilangan vazifalarni hal etishga amaliy yoʻnaltirilganligini taʼminlagan holda, oʻquv-tarbiya jarayonini uzluksiz ravishda takomillashtirib borish;
harbiy xizmatchi va xodimlarning malakasini oshirishda oʻqitishning onlayn shaklini keng qoʻllash;
Oʻzbekiston Respublikasi Ichki ishlar vazirligi va Milliy gvardiyasining taʼlim muassasalari oʻrtasida doimiy ravishda ilmiy va amaliy tajriba almashish amaliyotini yoʻlga qoʻyish.
4. Belgilab qoʻyilsinki:
b) Filiallar Oʻzbekiston Respublikasi Ichki ishlar vazirligining yuridik shaxs maqomiga ega boʻlgan tarkibiy boʻlinmasi hisoblanadi, Oʻzbekiston Respublikasi davlat gerbi tasviri tushirilgan va oʻz nomi davlat tilida yozilgan muhrga va blanklarga, mustaqil balansga hamda bank muassasalarida shaxsiy hisobvaraqlariga ega boʻladi;
v) Filiallarda harbiy xizmatchi va xodimlarni hamda vazirlik va idoralarning harbiylashtirilgan va qorovullik qoʻriqlash boʻlinmalarining mutaxassislarini boshlangʻich tayyorlash, qayta tayyorlash va ularning malakasini oshirish boʻyicha oʻquv jarayoni quyidagi hududlarga taqsimlangan holda tashkil etiladi:
Oʻzbekiston Respublikasi Ichki ishlar vazirligi Malaka oshirish institutining Toshkent filiali — Toshkent shahri va Toshkent viloyatida xizmat qilayotgan harbiy xizmatchi va xodimlar hamda mutaxassislar uchun;
Oʻzbekiston Respublikasi Ichki ishlar vazirligi Malaka oshirish institutining Fargʻona filiali — Fargʻona, Andijon va Namangan viloyatlarida xizmat qilayotgan harbiy xizmatchi va xodimlar hamda mutaxassislar uchun;
Oʻzbekiston Respublikasi Ichki ishlar vazirligi Malaka oshirish institutining Jizzax filiali — Sirdaryo, Jizzax va Samarqand viloyatlarida xizmat qilayotgan harbiy xizmatchi va xodimlar hamda mutaxassislar uchun;
Oʻzbekiston Respublikasi Ichki ishlar vazirligi Malaka oshirish institutining Nukus filiali — Qoraqalpogʻiston Respublikasi, Xorazm, Navoiy va Buxoro viloyatlarida xizmat qilayotgan harbiy xizmatchi va xodimlar hamda mutaxassislar uchun;
Oʻzbekiston Respublikasi Ichki ishlar vazirligi Malaka oshirish institutining Surxondaryo filiali — Qashqadaryo va Surxondaryo viloyatlarida xizmat qilayotgan harbiy xizmatchi va xodimlar hamda mutaxassislar uchun.
5. Oʻzbekiston Respublikasi ichki ishlar vaziriga quyidagi huquqlar berilsin:
Oʻzbekiston Respublikasi Ichki ishlar vazirligining umumiy shtat birliklari doirasida Filiallarning tashkiliy-shtat tuzilmalariga oʻzgartirish kiritish;
Oʻzbekiston Respublikasi Ichki ishlar vazirligi huzuridagi Qoʻriqlash departamenti mablagʻlari hisobidan qoʻriqlash boʻlinmalari uchun mutaxassislarni oʻqitish samaradorligini oshirish maqsadida Filiallarning moddiy-texnik va oʻquv-mashgʻulot bazalarini mustahkamlash, qurish, rekonstruksiya qilish va taʼmirlashni amalga oshirish.
6. Shunday tartib oʻrnatilsinki, unga muvofiq:
Filiallarning rahbar va pedagoglar tarkibini qayta tayyorlash va ularning malakasini oshirish Oʻzbekiston Respublikasi Ichki ishlar vazirligi Akademiyasi, Ichki ishlar vazirligi Malaka oshirish institutida hamda vazirlik va idoralarning oliy, oliy harbiy va ixtisoslashtirilgan taʼlim muassasalarida amalga oshiriladi;
Oʻzbekiston Respublikasi Milliy gvardiyasi Ixtisoslashgan oʻquv markazi Oʻzbekiston Respublikasi Milliy gvardiyasi oddiy askar va serjantlar tarkibiga mansub harbiy xizmatchilar va xodimlarni tayyorlash boʻyicha tayanch boʻlinma hisoblanadi.
7. Oʻzbekiston Respublikasi Milliy gvardiyasi, Ichki ishlar vazirligi:
Oʻzbekiston Respublikasi Milliy gvardiyasi va ichki ishlar organlarining tegishli sohaviy xizmat mutaxassislari Filiallarning oʻquv-tarbiya jarayoniga jalb qilinishini;
Filiallarda taʼlim jarayonining sifatini oshirish, oʻquv mashgʻulotlarini oʻtkazish maqsadida Oʻzbekiston Respublikasi Ichki ishlar vazirligi huzuridagi Qoʻriqlash departamenti mablagʻlari hisobidan shartnoma asosida respublikaning yetakchi oliy va oʻrta maxsus taʼlim muassasalari va ilmiy-tadqiqot markazlarining professor-oʻqituvchilar tarkibi, yuqori malakali mutaxassislari hamda ekspertlari, shuningdek, zaxiradagi harbiy xizmatchi va xodimlarni jalb qilinishini;
harbiy xizmatchi va xodimlar bilan kasbiy, jangovar va maxsus tayyorgarlik boʻyicha amaliy mashgʻulotlarni oʻtkazishda Oʻzbekiston Respublikasi Milliy gvardiyasi va ichki ishlar organlari oʻquv obyektlaridan, oʻquv moddiy-texnik bazalaridan hamda dala oʻquv maydonlaridan (poligonlaridan) bepul keng foydalanilishini taʼminlasin.
8. Belgilansinki:
2022 — 2024-yillarda Oʻzbekiston Respublikasi Milliy gvardiyasi Toshkent mintaqaviy oʻquv markazining qurilish, rekonstruksiya va obodonlashtirish boʻyicha ishlari oʻrnatilgan tartibda Toshkent shahar harbiy-maʼmuriy sektori, Oʻzbekiston Respublikasi Milliy gvardiyasi Qoʻriqlash bosh boshqarmasi mablagʻlari va qonunchilikda taqiqlanmagan boshqa mablagʻlar hisobidan amalga oshiriladi;
qurilish davrida Oʻzbekiston Respublikasi Ichki ishlar vazirligi Malaka oshirish institutining Toshkent filiali vaqtincha Toshkent shahar, Shayxontohur tumani, Shoxidontepa koʻchasi, 126-uy manzilida joylashtiriladi;
Oʻzbekiston Respublikasi Ichki ishlar vazirligi huzuridagi Qoʻriqlash departamentiga moddiy-texnik va oʻquv-mashq bazalarini mustahkamlash, takomillashtirish uchun respublikaning davlat va tijorat banklaridan kredit olishga ruxsat beriladi.
8 1 . Tarkibida qoʻriqlash (harbiylashtirilgan, qorovullik) boʻlinmalari mavjud boʻlgan vazirlik va idoralar har yili 1-dekabrga qadar Oʻzbekiston Respublikasi Ichki ishlar vazirligiga keyingi yil uchun ushbu boʻlinmalar mutaxassislarini boshlangʻich tayyorlash, qayta tayyorlash va ularning malakasini oshirish rejasini taqdim etib borsin va ularning qatʼiy ijrosini taʼminlasin.
9. Oʻzbekiston Respublikasi Milliy gvardiyasi vazirlik va idoralar bilan birgalikda qonun hujjatlariga ushbu qarordan kelib chiqadigan oʻzgartirish va qoʻshimchalarni kiritish toʻgʻrisida ikki oy muddatda Vazirlar Mahkamasiga taklif kiritsin.
10. Mazkur qarorning ijrosini nazorat qilish Oʻzbekiston Respublikasining Bosh vaziri A.N. Aripov va Oʻzbekiston Respublikasi Prezidenti huzuridagi Xavfsizlik kengashi kotibi V.V. Maxmudov zimmasiga yuklansin.
Oʻzbekiston Respublikasi Prezidenti Sh. MIRZIYOYEV
Toshkent sh.,
2021-yil 3-mart,
PQ-5016-son
Президента Республики Узбекистан
Постановление
О дополнительных мерах по совершенствованию деятельности учебных центров Министерства внутренних дел Республики Узбекистан
[Извлечение]
В целях дальнейшего совершенствования системы подготовки, переподготовки и повышения квалификации военнослужащих и сотрудников Национальной гвардии Республики Узбекистан, рядового состава органов внутренних дел, сотрудников (далее — военнослужащие и сотрудники) подразделений (военизированных, сторожевых) охраны министерств и ведомств, а также создания необходимых условий для организации учебного процесса с широким применением современных информационных и педагогических технологий:
1. Согласиться с предложениями Совета Министров Республики Каракалпакстан, хокимията города Ташкента, Национальной гвардии и Министерства внутренних дел Республики Узбекистан предусматривающими:
образование на территории Автохозяйства, находящегося на балансе Управления охраны города Ташкента Департамента охраны при Министерстве внутренних дел Республики Узбекистан, расположенного по адресу: город Ташкент, Сергелийский район, улица А. Кадыри, 43, Ташкентского регионального учебного центра Министерства внутренних дел Республики Узбекистан;
преобразование Ферганского учебного центра Национальной гвардии Республики Узбекистан в Ферганский региональный учебный центр Министерства внутренних дел Республики Узбекистан;
преобразование Джизакского учебного центра Национальной гвардии Республики Узбекистан в Джизакский региональный учебный центр Министерства внутренних дел Республики Узбекистан.
2. Определить основными задачами Каракалпакского Республиканского регионального учебного центра, Ферганского регионального учебного центра, Джизакского регионального учебного центра и Ташкентского регионального учебного центра Министерства внутренних дел Республики Узбекистан (далее — региональные учебные центры):
начальную подготовку, переподготовку и повышение квалификации военнослужащих и сотрудников Министерства внутренних дел Республики Узбекистан, рядового состава органов внутренних дел по административно-правовой подготовке, охране общественного порядка, профессиональной и психологической подготовке, боевой специальной подготовке;
воспитание военнослужащих и сотрудников в духе патриотизма, преданности Родине и служебному долгу, формирование у них этических и нравственных качеств;
воспитание духовно развитых, физически здоровых, активных военнослужащих и сотрудников, обладающих знаниями, способных защищать права и свободы граждан, общественный порядок и безопасность, добросовестно выполнять свой служебный долг;
подготовку квалифицированных специалистов для отраслевых служб Национальной гвардии Республики Узбекистан и органов внутренних дел, а также подразделений (военизированных, сторожевых) охраны министерств и ведомств;
проведение исследований по проблемам обеспечения законности, укрепления правопорядка и борьбы с преступностью, разработку практических предложений, рекомендаций и пособий;
создание необходимых условий для прочного овладения военнослужащими и сотрудниками необходимыми теоретическими знаниями, практическими навыками и квалификациями для выполнения возложенных на них служебных обязанностей;
внедрение передовых методов и форм обучения, средств современных информационных технологий в учебный процесс, непрерывное совершенствование учебно-воспитательного процесса с обеспечением при этом практической ориентации военнослужащих и сотрудников на решение установленных задач;
широкое применение формы онлайн-обучения в повышении квалификации военнослужащих и сотрудников;
налаживание практики взаимного обмена научным и практическим опытом между образовательными учреждениями Национальной гвардии Республики Узбекистан на постоянной основе.
4. Установить, что:
б) региональные учебные центры являются структурными подразделениями Министерства внутренних дел Республики Узбекистан со статусом юридического лица, имеют печать и бланки со своим наименованием на государственном языке и изображением Государственного герба Республики Узбекистан, а также самостоятельный баланс и лицевые счета в банковских учреждениях;
в) учебный процесс в региональных учебных центрах по начальной подготовке, переподготовке и повышению квалификации военнослужащих и сотрудников, а также специалистов военизированных и караульных охранных подразделений министерств и ведомств организуется с распределением по следующим регионам:
в Ташкентском региональном учебном центре Министерства внутренних дел Республики Узбекистан — для военнослужащих и сотрудников, а также специалистов, проходящих службу в городе Ташкенте и Ташкентской области;
в Ферганском региональном учебном центре Министерства внутренних дел Республики Узбекистан — для военнослужащих и сотрудников, а также специалистов, проходящих службу в Ферганской, Андижанской и Наманганской областях;
в Джизакском региональном учебном центре Министерства внутренних дел Республики Узбекистан — для военнослужащих и сотрудников, а также специалистов, проходящих службу в Сырдарьинской, Джизакской, Самаркандской, Кашкадарьинской и Сурхандарьинской областях;
в Каракалпакском Республиканском региональном учебном центре Министерства внутренних дел Республики Узбекистан — для военнослужащих и сотрудников, а также специалистов, проходящих службу в Республике Каракалпакстан, Хорезмской, Навоийской и Бухарской областях.
5. Предоставить министру внутренних дел Республики Узбекистан право на:
внесение изменений в организационно-штатную структуру региональных учебных центров в рамках общих штатных единиц Министерства внутренних дел Республики Узбекистан;
проведение работ по укреплению, строительству, реконструкции и ремонту материально-технической и учебно-тренировочной базы региональных учебных центров за счет средств Департамента охраны при Министерстве внутренних дел Республики Узбекистан в целях повышения эффективности обучения специалистов для подразделений охраны.
6. Установить порядок, в соответствии с которым:
переподготовка и повышение квалификации руководящего и педагогического составов региональных учебных центров проводится в Академии Министерства внутренних дел Республики Узбекистан, Институте повышения квалификации Министерства внутренних дел, а также в высших, высших военных и специализированных образовательных учреждениях министерств и ведомств;
Специализированный учебный центр Национальной гвардии Республики Узбекистан считается базовым подразделением по подготовке военнослужащих и сотрудников рядового и сержантского составов Национальной гвардии Республики Узбекистан.
7. Национальной гвардии и Министерству внутренних дел Республики Узбекистан обеспечить:
привлечение специалистов соответствующих отраслевых служб Национальной гвардии Республики Узбекистан и органов внутренних дел к учебно-воспитательному процессу в региональных учебных центрах;
привлечение на договорной основе за счет средств Департамента охраны при Министерстве внутренних дел Республики Узбекистан профессорско-преподавательского состава ведущих высших, средних специальных образовательных учреждений и научно-исследовательских центров республики, высококвалифицированных специалистов и экспертов, а также военнослужащих и сотрудников резерва в целях повышения качества образовательного процесса и проведения учебных занятий в региональных учебных центрах;
бесплатную эксплуатацию учебных объектов, учебной материально-технической базы и полевых учебных площадок (полигонов) Национальной гвардии Республики Узбекистан и органов внутренних дел при проведении практических занятий с военнослужащими и сотрудниками по профессиональной, боевой и специальной подготовке.
8. Определить, что:
работы по строительству, реконструкции и благоустройству Ташкентского регионального учебного центра Национальной гвардии Республики Узбекистан проводятся в 2022 — 2024 годах в установленном порядке за счет средств военно-административного сектора города Ташкента, Главного управления охраны Национальной гвардии Республики Узбекистан и других средств, не запрещенных законодательством;
на время строительства Ташкентский региональный учебный центр Министерства внутренних дел Республики Узбекистан временно размещается по адресу: город Ташкент, Шайхантахурский район, улица Шохидонтепа, 126;
Департаменту охраны при Министерстве внутренних дел Республики Узбекистан разрешается брать кредиты у государственных и коммерческих банков республики для укрепления и совершенствования материально-технической и учебно-тренировочной базы.
8 1 . Министерствам и ведомствам, имеющим в своем составе охранные (военизированные, караульные) подразделения, ежегодно до 1 декабря представлять Министерству внутренних дел Республики Узбекистан планы на следующий год по первоначальной подготовке, переподготовке и повышению квалификации специалистов данных подразделений и обеспечить их строгое исполнение.
9. Национальной гвардии Республики Узбекистан совместно с министерствами и ведомствами в двухмесячный срок внести в Кабинет Министров предложения об изменениях и дополнениях в законодательство, вытекающих из настоящего постановления.
10. Контроль за исполнением настоящего постановления возложить на Премьер-министра Республики Узбекистан А.Н. Арипова и секретаря Совета безопасности при Президенте Республики Узбекистан В.В. Махмудова.
Президент Республики Узбекистан Ш. МИРЗИЁЕВ
г. Ташкент,
3 марта 2021 г.,
№ ПП-5016