📅 2021-yil 9-mart · Vazirlar Mahkamasi qarorlari
Rasmiy matn. Rasmiy hujjat. Tahririy izohlar kiritilmagan.
UzbekAI
📅 2021 йил 9 март · Вазирлар Маҳкамаси қарорлари
Расмий матн. Расмий ҳужжат. Таҳририй изоҳлар киритилмаган.
📅 9 марта 2021 г. · Постановления Кабинета Министров
Официальный текст. Официальный документ. Редакционные примечания не включены.
📅 9 March 2021 · Cabinet of Ministers resolutions
Official text. Official document. Editorial notes are not included.
Ўзбекистон Республикаси Вазирлар Маҳкамасининг
қарори
НИЗОМ
талаблар
ЎЛЧАМЛАРИ
НАМУНАСИ
НАМУНАСИ
рўйхати
Транспорт воситаларини мажбурий техник кўрикдан ўтказиш тартибини такомиллаштиришга доир қўшимча чора-тадбирлар тўғрисида
«Йўл ҳаракати хавфсизлиги тўғрисида»ги Ўзбекистон Республикаси Қонуни ҳамда Ўзбекистон Республикаси Президентининг «2017 — 2021 йилларда Ўзбекистон Республикасини ривожлантиришнинг бешта устувор йўналиши бўйича Ҳаракатлар стратегиясини «Ёшларни қўллаб-қувватлаш ва аҳоли саломатлигини мустаҳкамлаш йили»да амалга оширишга оид давлат дастури тўғрисида» 2021 йил 3 февралдаги ПФ-6155-сон Фармони ижросини таъминлаш, шунингдек, автомототранспорт воситаларини техник кўрикдан ўтказиш тартибини янада соддалаштириш, юридик ва жисмоний шахсларга қўшимча қулайликлар яратиш ҳамда транспорт воситаларини мажбурий техник кўрикдан ўтказиш самарадорлигини ошириш мақсадида Вазирлар Маҳкамаси қарор қилади:
3. Белгилансинки:
Давлат бошқаруви органлари ҳамда ташкилотларига, хорижий юридик ва жисмоний шахсларга тегишли транспорт воситалари Давлат йўл ҳаракати хавфсизлиги хизмати томонидан белгиланган тартибда мажбурий техник кўрикдан ўтказилади.
Ўзбекистон Республикаси Миллий гвардияси, Мудофаа вазирлиги, Ички ишлар вазирлиги ва Давлат хавфсизлик хизмати ҳарбий бўлинмаларининг транспорт воситалари мазкур идоралар томонидан белгиланган тартибда мажбурий техник кўрикдан ўтказилади.
4. Қуйидагиларни назарда тутувчи Транспорт воситаларини мажбурий техник кўрикдан ўтказиш тартиби тўғрисидаги низом 1-иловага мувофиқ тасдиқлансин:
жисмоний ва юридик шахсларга тегишли бўлган автомототранспорт воситалари, электромобиллари ва уларнинг тиркамаларини, шунингдек, трамвай ва троллейбусларни техник кўрикдан ўтказиш тартиби;
транспорт воситаларини техник кўрикдан ўтказиш учун мўлжалланган ишлаб чиқариш-техника базаси жойлаштириладиган хона ва майдонларга доир талаблар;
транспорт воситаларини техник кўрикдан ўтказиш муддатлари ва даврийлиги.
5. Ўзбекистон Республикаси Ички ишлар вазирлиги 2021 йил 1 июлга қадар қонунчилик ҳужжатларида белгиланган тартибда автотранспорт воситаларини мажбурий техник кўрикдан ўтказиш фаолиятини амалга оширувчи тадбиркорлик субъектларига ахборот хавфсизлиги талабларини инобатга олган ҳолда, Ўзбекистон Республикаси Ички ишлар вазирлиги Жамоат хавфсизлиги департаменти Йўл ҳаракати хавфсизлиги хизмати Ягона автоматлаштирилган ахборот тизимининг «Техник кўрик» модулига (кейинги ўринларда — «Техник кўрик» модули) кириш имкониятини яратиш чораларини кўрсин.
6. 2021 йил 1 сентябрдан бошлаб хорижий давлатларга чиқадиган транспорт воситаларидан ташқари барча транспорт воситаларига техник кўрикдан ўтганлиги тўғрисидаги талонларни бериш амалиёти бекор қилинсин.
7. Ўзбекистон Республикаси Ҳукуматининг 2-иловага мувофиқ айрим қарорлари ўз кучини йўқотган деб ҳисоблансин.
8. Ўзбекистон Республикаси Ички ишлар вазирлиги манфаатдор вазирликлар ва идоралар билан биргаликда ўзлари қабул қилган норматив-ҳуқуқий ҳужжатларини бир ой муддатда ушбу қарорга мувофиқлаштирсин.
9. Мазкур қарорнинг бажарилишини назорат қилиш Ўзбекистон Республикаси ички ишлар вазири П.Р. Бобожонов зиммасига юклансин.
Вазирлар Маҳкамасининг 2021 йил 9 мартдаги 125-сон қарорига 1-ИЛОВА
Транспорт воситаларини мажбурий техник кўрикдан ўтказиш тартиби тўғрисида
1-боб. Умумий қоидалар
1. Ушбу Низом Ўзбекистон Республикасининг «Йўл ҳаракати тўғрисида»ги Қонунига мувофиқ автомобиллар, электромобиллар (гибрид автомобиллар) ва уларнинг тиркамаларини (яримтиркамаларини), мотоцикл, электромотоцикл, мопед ва скутерларни, шунингдек, трамвай ва троллейбусларни (кейинги ўринларда — транспорт воситалари) мажбурий техник кўрикдан ўтказиш тартибини белгилайди.
2. Транспорт воситаларининг мажбурий техник кўриги (кейинги ўринларда — техник кўрик) Ўзбекистон Республикаси Ички ишлар вазирлигининг Давлат йўл ҳаракати хавфсизлиги хизмати (кейинги ўринларда — ДЙҲХХ) органлари ҳамда тадбиркорлик субъектлари — юридик шахслар (кейинги ўринларда — тадбиркорлик субъектлари) томонидан мазкур Низомга мувофиқ ўтказилади.
Транспорт воситаларининг техник ҳолати ва ускуналарининг мувофиқлигини баҳолаш учун ДЙҲХХ органлари томонидан вазирликлар, идоралар ва бошқа ташкилотларнинг техника базалари, шунингдек, хусусий техник хизмат кўрсатиш станциялари шартнома асосида жалб этилиши мумкин.
Жисмоний ва юридик шахсларга (давлат органлари ва ташкилотларига, хорижий юридик ва жисмоний шахсларга тегишли транспорт воситалари бундан мустасно) тегишли бўлган барча (М, N, O, L) тоифадаги транспорт воситалари тадбиркорлик субъектлари томонидан техник кўрикдан ўтказилади.
Давлат органлари ва ташкилотларига, хорижий юридик ва жисмоний шахсларга тегишли транспорт воситалари Давлат йўл ҳаракати хавфсизлиги хизмати томонидан техник кўрикдан ўтказилади.
3. Қуйидагилар техник кўрикдан ўтказишнинг асосий вазифалари ҳисобланади:
транспорт воситаларининг техник ҳолати, улардан фойдаланиш нормалари ва қоидаларига риоя этилиши бўйича самарали назоратни ташкил этиш;
транспорт воситалари техник ҳолати ва ускуналарининг йўл ҳаракати хавфсизлигининг техник регламентлари ёки стандартлари, қоидалари, нормаларига мувофиқлигини баҳолаш;
транспорт воситаларининг сонини, ҳолатини, амалда мавжудлигини, тегишлилигини ва рўйхатдан ўтказиш бўйича бошқа маълумотларини аниқлаштириш;
йўл ҳаракати хавфсизлигини таъминлаш юзасидан профилактика ишларини ташкил этиш;
йўл ҳаракати ва транспорт воситаларидан фойдаланиш соҳасидаги ҳуқуқбузарликлар ва жиноятларнинг олдини олиш, уларни аниқлаш ҳамда уларга барҳам бериш.
4. Юридик ва жисмоний шахсларга, шу жумладан, хорижий юридик ва жисмоний шахсларга тегишли бўлган, белгиланган тартибда ДЙҲХХ органларида рўйхатдан ўтказилган транспорт воситалари мажбурий техник кўрикдан ўтказилади.
Ўзбекистон Республикаси Ташқи ишлар вазирлигида аккредитациядан ўтган хорижий давлатларнинг дипломатик ваколатхоналари ва консуллик муассасаларига, халқаро (давлатлараро, ҳукуматлараро) ташкилотлар ва уларнинг ваколатхоналарига, шунингдек, ушбу ваколатхоналар ва ташкилотларнинг ходимларига ҳамда уларнинг оила аъзоларига тегишли бўлган транспорт воситалари ушбу Низомга мувофиқ умумий асосларда техник кўрикдан ўтказилади.
Юридик ва жисмоний шахслар транспорт воситаларини техник кўрикдан ўтказишга ариза юбориш учун Ўзбекистон Республикаси Ягона интерактив давлат хизматлари портали (кейинги ўринларда — ЯИДХП) ёки ДЙҲХХ дастурий таъминоти (мобиль илова) орқали мурожаат этишлари мумкин.
ЯИДХП ёки ДЙҲХХнинг дастурий таъминоти (мобиль илова) орқали шакллантирилган мурожаат Ўзбекистон Республикаси Ички ишлар вазирлиги Жамоат хавфсизлиги департаменти Йўл ҳаракати хавфсизлиги хизмати Ягона автоматлаштирилган ахборот тизимининг «Техник кўрик» модули (кейинги ўринларда — «Техник кўрик» модули) орқали тадбиркорлик субъектларига онлайн режимида юборилади.
Техник кўрикдан ўтказиш жойи ва вақти ҳақида жисмоний ва юридик шахсларга онлайн режимда хабар юборилади.
Техник кўрикдан ўтказилган транспорт воситалари тўғрисидаги маълумотлар мазкур Низом асосида Ўзбекистон Республикаси Ички ишлар вазирлиги Жамоат хавфсизлиги департаменти Йўл ҳаракати хавфсизлиги хизматининг «Техник кўрик» модулига киритиб борилади.
5. Транспорт воситалари қуйидаги даврийликка мувофиқ техник кўрикдан ўтказилиши керак:
а) тижорат асосида йўловчилар ташиш фаолияти билан шуғулланувчи енгил автомобиллар, автобуслар, троллейбуслар, трамвайлар ва ўриндиқлар сони 8 та ва ундан ортиқ бўлган (ҳайдовчининг ўрнидан ташқари), одамларни мунтазам ташиш учун жиҳозланган юк автомобиллари, махсус ҳамда йирик габаритли, оғир вазнли ва хавфли юкларни ташиш учун мослаштирилган транспорт воситалари ва уларнинг тиркамалари — бир йилда икки марта;
б) ишлаб чиқарилганига олти йилдан кўп бўлмаган, юридик шахсларга тегишли барча тоифадаги ҳамда жисмоний шахсларга тегишли бўлган М2, М3, N ва О тоифадаги транспорт воситалари (мазкур банднинг «а» кичик бандида кўрсатилган транспорт воситаларидан ташқари), шунингдек, ишлаб чиқарилганига ўн бир йилдан ўн тўрт йилгача (ўн тўртинчи йили ҳам) бўлган, жисмоний шахсларга тегишли М1 ва L тоифадаги транспорт воситалари (мазкур банднинг «а» кичик бандида кўрсатилган транспорт воситаларидан ташқари) — икки йилда бир марта;
в) ишлаб чиқарилганига олти йилдан ортиқ бўлган, юридик шахсларга тегишли барча тоифадаги ҳамда жисмоний шахсларга тегишли М2, М3, N ва О тоифадаги транспорт воситалари (мазкур банднинг «а» кичик бандида кўрсатилган транспорт воситаларидан ташқари), шунингдек, ишлаб чиқарилганига ўн беш йил ва ундан ортиқ бўлган, жисмоний шахсларга тегишли М1 ва L тоифадаги транспорт воситалари (мазкур банднинг «а» кичик бандида кўрсатилган транспорт воситаларидан ташқари) — бир йилда бир марта;
г) тиркамалар техник кўрикдан транспорт воситаси — шатакчи учун белгиланган муддатларда;
д) СТГ-3 турдаги газ баллонлари ўрнатилган транспорт воситалари (мазкур банднинг «а», «б», «в» кичик бандларида кўрсатилган транспорт воситаларидан ташқари) — уч йилда бир марта.
Ишлаб чиқарилганига ўн йилгача (ўнинчи йили ҳам) бўлган, жисмоний шахсларга тегишли М1 ва L тоифадаги транспорт воситалари (мазкур банднинг «а» кичик бандида кўрсатилган транспорт воситаларидан ташқари) техник кўрикдан ихтиёрий равишда ўтказилади.
6. Мазкур Низомнинг 5-банди «а» кичик бандида кўрсатилган транспорт воситаларининг техник кўриги:
биринчи марта — 1 март — 30 июнда;
иккинчи марта — 1 сентябрь — 31 октябрда ўтказилади.
Жисмоний ва юридик шахсларга тегишли бошқа транспорт воситаларининг техник кўриги 1 январь — 31 декабрда ўтказилади.
7. Ишлаб чиқарилганлигидан қатъи назар транспорт воситаларини ДЙҲХХ органларида рўйхатдан ўтказишда (қайта рўйхатдан ўтказишда), уларнинг агрегат рақамлари техник ҳужжатларга мослиги текширилади.
8. Транспорт воситалари техник кўрикка белгиланган муддатлардан олдин тақдим этилиши мумкин.
9. Транспорт воситалари ДЙҲХХ органлари томонидан техник кўрикдан ўтказилганлиги учун Ўзбекистон Республикаси Ички ишлар вазирлиги томонидан Иқтисодиёт ва молия вазирлиги билан келишилган ҳолда тасдиқланадиган миқдорда йиғим ундирилади.
Биринчи (олдинги) техник кўрикда носоз деб топилган транспорт воситалари такрорий техник кўрикдан ўтказилганлик учун йиғим ундирилади.
Суд бошқарувчисининг аризасига кўра автотранспорт воситаси олдиндан тўловларни амалга оширмасдан кўрикдан ўтказилади ва белгиланган тўловнинг ўрни суд бошқарувчиси томонидан «Тўловга қобилиятсизлик тўғрисида»ги Ўзбекистон Республикаси Қонунининг 150-моддаси биринчи қисмида назарда тутилган тартибда тўланади.
Техник кўрик ўтказилганлиги учун йиғим суммаси тегишли маҳаллий бюджетга ўтказилади.
10. Транспорт воситаларини техник кўрикдан ўтказганлик учун тўлов миқдори тадбиркорлик субъектлари томонидан мустақил равишда белгиланади ҳамда келиб тушадиган маблағлар тўлиқ ҳажмда унинг тасарруфида қолади.
2-боб. Транспорт воситаларини техник кўрикдан ўтказишни ташкил этиш тартиби
11. Транспорт воситалари рўйхатдан ўтказилган (вақтинча рўйхатдан ўтказилган) ҳудудда ёки эгаларининг хоҳишига кўра экстерриториаллик тамойили асосида бошқа ҳудудларда ҳам техник кўрикдан ўтказилади.
12. Транспорт воситаларни навбатдаги техник кўрикка қўйиш санаси жорий техник кўрик пайтида мазкур Низомнинг 5-банди талабларидан келиб чиққан ҳолда белгиланади.
Транспорт воситалари эгалари транспорт воситаларини навбатдаги техник кўрикка белгиланган муддатдан кечиктирмай тақдим этишлари шарт.
13. Транспорт воситаларини техник кўрикдан ўтказиш:
ДЙҲХХнинг диагностика станцияларида (тадбиркорлик субъектлари томонидан техник кўрикдан ўтказиладиган транспорт воситалари бундан мустасно);
техник хизмат кўрсатиш станцияларида (шартнома асосида);
тадбиркорлик субъектларининг техник базасида (М1, М2, М3, N1, N2, N3 тоифадаги транспорт воситалари).
14. Транспорт воситаларини техник кўрикдан ўтказиш учун ДЙҲХХнинг диагностика станциялари ва тадбиркорлик субъектлари Ўзбекистон техник жиҳатдан тартибга солиш агентлигининг Техник жиҳатдан тартибга солиш соҳасида назорат инспекцияси томонидан белгиланган тартибда техник жиҳатдан малакалилиги маъқуллашдан ўтказилган, транспорт воситаларини техник кўрикдан ўтказиш учун зарур технологик жиҳозлар билан таъминланган ишлаб чиқариш-техника базасига (кейинги ўринларда — ишлаб чиқариш-техника базаси) эга бўлиши зарур.
15. Транспорт воситаларини техник кўрикдан ўтказиш учун ишлаб чиқариш-техника базаси:
а) қуйидагиларга мувофиқ бўлиши зарур:
транспорт воситаларини техник кўрикдан ўтказиш учун — Вазирлар Маҳкамаси томонидан тасдиқланадиган автотранспорт воситалари конструкциясининг фойдаланиш шартлари бўйича хавфсизлигига қўйиладиган талабларга;
автотранспорт воситаларига ўрнатилган газ баллони ускуналари уланмаларининг герметиклиги ва ишончлилигини синовдан ўтказиш ҳамда уларнинг баллонларини текшириш учун — Вазирлар Маҳкамаси томонидан тасдиқланадиган сиқилган табиий газда (кейинги ўринларда — СТГ), суюлтирилган нефть газида (кейинги ўринларда — СНГ) ёки дизель ва газсимон ёқилғи аралашмасида ишлайдиган транспорт воситаларининг хавфсизлигига қўйиладиган талабларга;
б) зарур техник диагностика воситаларига эга бўлиши лозим, шу жумладан:
транспорт воситаларининг тормоз тизимини текшириш учун тормоз тизимининг техник диагностика воситалари ҳамда уларнинг электрон тизимига;
пневматик ва пневмогидравлик тормоз узатмаларида сиқилган ҳаво босими ва герметикликни (босим тушишини) назорат қилиш воситаларига;
автоматик бошқарувга эга бўлган транспорт воситаларининг тормоз тизимини текшириш учун тормоз йўлаги мавжуд бўлишига;
тиркамаларни улаш мосламасининг босиб туриш қурилмасига;
руль бошқарувидаги умумий люфтни ўлчаш прибори ҳамда унинг электрон тизимига;
руль бошқаруви ва подвескаси деталларидаги люфтларни текшириш тестерига;
чироқлар ёруғлигини бошқариш ва кучини назорат қилиш прибори ҳамда унинг электрон тизимига;
шиналарни техник диагностика қилиш воситаларига;
газ анализаторига — учқундан ўт олдириш двигателларига эга транспорт воситаларининг ишлаб бўлинган газларида ифлослантирувчи моддаларнинг мавжудлигини аниқлаш прибори ҳамда унинг электрон тизимига;
тутун ўлчаш приборига — сиқилишдан ўт олдириш двигателларига эга транспорт воситаларининг ишлаб бўлинган газларида тутунни аниқлаш приборига;
двигатель айланиш частотаси ва мой ҳароратини ўлчаш приборига;
шовқинни ўлчаш приборига;
ойналарнинг ёруғлик ўтказишини текшириш прибори ҳамда унинг электрон тизимига;
компрессорга;
қинчали манометрга;
зарур компьютер техникасига ва давлат рақами белгиларини аниқловчи фото-видеокузатув камералари тизимига.
Айрим техник диагностика воситалари хавфсиз фойдаланиш бўйича талабларга мувофиқ бўлиш шарти билан универсал техник воситаларга алмаштирилиши мумкин.
Қўлланиладиган барча ўлчов воситалари тасдиқланган типда бўлиши, қонунчилик ҳужжатларига мувофиқ текширувдан ўтган бўлиши шарт.
Ушбу бандда кўрсатилган электрон тизимлар «Техник кўрик» модулига мажбурий интеграция қилинади.
17. Электромобилларни техник кўрикдан ўтказиш учун ишлаб чиқариш-техника базаси қўшимча равишда қуйидаги техник диагностика воситалари билан жиҳозланган бўлиши лозим:
аккумулятор батареясининг кучланишини ва ток кучини аниқлаш тестри;
электр узатгич симларининг техник ҳолатини аниқлаш тестри;
электромобилнинг техник ҳолатини диагностика қилиш компьютер техникаси (дастурий таъминоти билан).
18. Транспорт воситаларини техник кўрикдан ўтказиш учун мўлжалланган ишлаб чиқариш-техника базаси жойлаштириладиган хона ва майдонларга доир талаблар ушбу Низомга 1-иловага мувофиқ белгиланади.
19. Транспорт воситаларини техник кўрикдан ўтказишга тегишли мутахассисликка эга бўлган ёки диагностика қилиш технологияси, диагностика жиҳозларининг тузилиши ва ишлаш принциплари, диагностика воситаларини қўллаган ҳолда техник ҳолатни текшириш методлари, меҳнатни муҳофаза қилиш бўйича талабларни ўрганган шахслар қўйилиши мумкин.
20. Тадбиркорлик субъектлари транспорт воситаларини техник кўрикдан ўтказишни бошлашдан олдин Қорақалпоғистон Республикаси Ички ишлар вазирлиги, Тошкент шаҳар ва Тошкент вилояти ички ишлар бош бошқармалари ҳамда вилоятлар ички ишлар бошқармаларининг жамоат хавфсизлиги хизматлари йўл ҳаракати хавфсизлиги бошқармаларини (кейинги ўринларда — ҳудудий ИҲХБ) яратилган шароитлар мазкур Низом талабларига мувофиқлиги ва фаолиятни амалга оширишга тайёр эканлиги ҳақида ёзма равишда хабардор қилишлари шарт.
Ҳудудий ЙҲХБ томонидан тадбиркорлик субъектининг устави ҳамда транспорт воситаларини техник кўрикдан ўтказишни ташкил этиш учун тегишли технологик жиҳозлар билан таъминланган ишлаб чиқариш-техника базасининг Ўзбекистон техник жиҳатдан тартибга солиш агентлигининг Техник жиҳатдан тартибга солиш соҳасида назорат инспекцияси томонидан берилган маъқуллаш тўғрисидаги гувоҳномаси мустақил равишда олинади.
21. Мазкур Низомнинг 20-бандига мувофиқ олинган ҳужжатлар ҳудудий ЙҲХБлар томонидан уч кундан кўп бўлмаган муддатда ўрганилиб, камчиликлар бўлмаган тақдирда Ўзбекистон Республикаси Ички ишлар вазирлиги Жамоат хавфсизлиги департаменти Йўл ҳаракати хавфсизлиги хизматига (кейинги ўринларда — ЙҲХХ) тақдим этилади.
ЙҲХХ тақдим этилган ҳужжатлар асосида тадбиркорлик субъектини транспорт воситаларини техник кўрикдан ўтказиш учун зарур шароитларга эга бўлган тадбиркорлик субъектлари ҳисобини юритиш реестрига киритиб, Ички ишлар вазирлигининг Интернет жаҳон ахборот тармоғидаги расмий веб-сайтига жойлаштиради ҳамда бу ҳақда тадбиркорлик субъектини хабардор қилади.
Реестр аҳолини транспорт воситаларини техник кўрикдан ўтказиш учун зарур шароитларга эга бўлган тадбиркорлик субъектлари ҳақида хабардор қилиш мақсадида юритилади.
22. Низомнинг 20-бандида кўрсатилган ҳужжатлар тегишли давлат органларининг электрон тизимларида мавжуд бўлмаган тақдирда, ҳудудий ЙҲХБ икки иш куни ичида тадбиркорлик субъектларига бу ҳақда хабар беради.
Тадбиркорлик субъектлари мазкур Низомнинг 20-бандига мувофиқ ҳудудий ЙҲХБга такроран хабарнома юбориш ҳуқуқига эга»;
24. Транспорт воситаларини техник кўрикдан ўтказиш учун транспорт воситасининг эгаси ёки унинг ваколатли вакили тадбиркорлик субъектлари ходимига (операторига) мурожаат қилади ва қуйидаги ҳужжатларни кўрсатади:
тегишли тоифадаги транспорт воситасини бошқариш ҳуқуқини берувчи ҳайдовчилик гувоҳномаси;
транспорт воситасининг рўйхатдан ўтказилганлиги тўғрисидаги гувоҳнома (техник паспорт, техник талон);
газ ёнилғисида ишлашга қайта жиҳозланган транспорт воситасига ўрнатилган газ баллонининг сертификатлаштириш органи томонидан берилган мувофиқлик сертификати нусхаси.
Транспорт воситасининг тақдим этилган ҳужжатларда кўрсатилган маълумотларга мувофиқлиги «Техник кўрик» модули орқали текширилади ва маълумотлар мос келган тақдирда, белгиланган тартибда техник кўрикдан ўтказишга рухсат этилади.
25. Транспорт воситасини техник кўрикдан ўтказиш тадбиркорлик субъектлари ходими (оператори) томонидан мазкур Низомнинг 5-бобида назарда тутилган тартибда текширилади.
Транспорт воситаларига ўрнатилган СТГ ва СНГ тизимларининг герметиклиги ҳамда агрегатлари ва узеллари уланган жойларининг ишончлилиги тадбиркорлик субъектлари томонидан Вазирлар Маҳкамаси томонидан тасдиқланган Сиқилган табиий газда, суюлтирилган нефть газида ёки дизель ва газсимон ёқилғи аралашмасида ишлайдиган транспорт воситаларининг хавфсизлиги тўғрисидаги умумий техник регламентга мувофиқ синовдан (опрессовка) ўтказилади.
26. Техник кўрикка тақдим этилган транспорт воситасининг эгаси томонидан қонунчилик ҳужжатларининг талабларини бузиш (кўрсатилган ҳужжатларни, агрегатларнинг идентификация рақамларини сохталаштириш ва бошқалар), транспорт воситаси қидирувдалиги ҳолатлари аниқланган тақдирда ҳамда агрегат рақамлари техник ҳужжатларга мос келмаса, транспорт воситаси йўл-транспорт ҳодисаси иштирокчиси бўлганлигига шубҳа уйғонса, тадбиркорлик субъектининг вакили бу ҳақда дарҳол ички ишлар органларига хабар бериши шарт.
27. Тадбиркорлик субъектлари қайта рўйхатдан ўтказилганда, номи ёки жойлашган ери (почта манзили) ўзгарганда бу ҳақида етти иш кунида ҳудудий ЙҲХБларни хабардор қилиши шарт.
3-боб. Давлат органлари ва ташкилотларига, хорижий юридик ва жисмоний шахсларга тегишли, шунингдек, хавфли юкларни ташиш учун мослаштирилган транспорт воситаларини техник кўрикдан ўтказишни ташкил этиш тартиби
29. Давлат органлари ва ташкилотларига, хорижий юридик ва жисмоний шахсларга тегишли, шунингдек, махсус ва хавфли юкларни ташиш учун мослаштирилган транспорт воситаларининг техник кўриги транспорт воситалари рўйхатдан ўтказилган (вақтинча рўйхатдан ўтказилган) жойда ёки уларнинг мурожаатларига кўра экстерриториаллик тамойили асосида қуйидаги жойларда техник кўрикдан ўтказилади:
зарур шарт-шароитларга (техник диагностика ускуналарига, кўтариш мосламаларига ёки қараб чиқиш учун хандақ (яма)ларга, назорат-ўлчаш асбобларига, асфальт ёки бетон билан қопланган бир текис шризонтал майдончага) ва малакали мутахассисларга эга бўлган ташкилотларда;
техник хизмат кўрсатиш станцияларида;
ДЙҲХХнинг диагностика станцияларида.
Транспорт воситаларини техник кўрикдан ўтказиш жойлари ДЙҲХХнинг ҳудудий бўлинмалари томонидан белгиланади.
Ташкилотларда техник кўрик бошлангунга қадар барча диагностика асбоб-ускуналари текширилиши ва иш ҳолатига келтирилиши зарур.
30. Техник кўрикни ташкил этиш давлат органлари ва ташкилотлари ҳамда бошқаларнинг мурожаатлари асосида режалаштирилади.
31. Техник кўрикка қўйиладиган транспорт воситалари сони мавжуд диагностика ва назорат-ўлчаш ускуналарининг кунлик унумдорлигидан келиб чиқиб белгиланади.
33. ДЙҲХХ ҳудудий органи томонидан давлат органлари ва ташкилотлари ҳамда бошқаларга электрон почта (электрон тизим) орқали техник кўрик муддатлари тўғрисида хабарнома юборилади.
Транспорт воситалари тўғрисидаги маълумотлар ДЙҲХХ ходимлари томонидан электрон тизим орқали олинади.
34. Техник кўрик ташкилотларда, диагностика станцияларида ва техник хизмат кўрсатиш станцияларида ўтказилади.
4-боб. Троллейбуслар ва трамвайларни техник кўрикдан ўтказишни ташкил этиш
37. Троллейбуслар ва трамвайларнинг техник ҳолати фойдаланиш қоидаларига, стандартларига, йўл ҳаракати ва техника хавфсизлигига мослигини текшириш мақсадида техник кўрикдан ДЙҲХХ ходимлари томонидан троллейбус ва трамвай деполарида ўтказилади.
38. Йўл ҳаракати хавфсизлиги талабларидан ҳеч бўлмаганда биттасига жавоб бермайдиган троллейбус ва трамвайлар носоз деб топилади.
39. Техник кўрикка қўйилган, бироқ техник носозлик туфайли кўрикдан ўтмаган трамвайлар ва троллейбуслардан фойдаланишга йўл қўйилмайди.
40. Ўтказилган техник кўрик натижалари бўйича мазкур Низомда белгиланган тартибда ҳужжатлар тузилади ва расмийлаштирилади.
5-боб. Техник кўрикни ўтказишнинг умумий тартиби
41. Ҳар қайси транспорт воситасининг техник кўриги рўйхатдан ўтказиш тўғрисидаги гувоҳномада (техник паспортда, техник талонда) кўрсатилган маълумотларга транспорт воситаси тури, маркаси, модели, давлат рўйхатидан ўтказиш рақами белгилари, шасси (рама), кузов ва двигателнинг идентификациялаш рақамларининг мувофиқлигини текширишдан бошланади.
42. Ҳар қайси транспорт воситасининг техник ҳолати ва жиҳозлари техник регламентлар, стандартлар талабларига, йўл ҳаракати хавфсизлиги қоидалари ва нормаларига мувофиқлиги жиҳатидан текширилади.
Газ ёнилғисида ишлаш учун қайта жиҳозланган транспорт воситаларини техник кўрикдан ўтказишда газ баллонларининг фойдаланиш муддати, ишлаб чиқарилган йили, завод рақами, газ баллонларини синовдан ўтказиш муддатлари, газ баллони анжомларининг белгиланган талабларга мувофиқлиги ҳам текширилади.
43. Тиркамалар ва ярим тиркамалар техник кўрикдан автопоезд таркибида ҳам, алоҳида турган ҳолатида ҳам ўтказилади.
44. Техник кўрикдан ўтказилган транспорт воситалари тўғрисидаги маълумотлар «Техник кўрик» модулига киритилади ва ушбу Низомга 3 ёки 4-иловаларда келтирилган далолатнома электрон шакллантирилади.
Хорижий давлатларга чиқадиган транспорт воситаларига ушбу Низомга 5-иловада келтирилган шаклдаги «Транспорт воситаси техник кўрикдан ўтказилганлиги тўғрисида»ги талон электрон шаклда берилади.
Техник кўрикдан ўтказилганлиги тўғрисидаги талонни (ёки дубликатни) берганлик учун йигим ундирилмайди.
Техник кўрикдан ўтказилганлиги тўғрисидаги талон навбатдаги техник кўрик ўтказилгунгача сақланади.
45. Транспорт воситасини техник кўрикдан ўтказиш жойига олиб бориш имкони бўлмаган тақдирда, жисмоний ва юридик шахслар белгиланган муддатларда ДЙҲХХнинг ҳудудий органига мурожаат қилади ва ушбу Низомнинг 24-бандида кўрсатилган ҳужжатларни тақдим этади (ҳайдовчи гувоҳномаси, техник кўрикдан ўтказиш учун йиғим тўланганлиги тўғрисидаги ҳужжат бундан мустасно).
Бунда ДЙҲХХнинг ҳудудий органи ходими жойига чиққан ҳолда, носозликлар тўғрисида Низомга 3-иловада келтирилган намунадаги алоҳида транспорт воситасининг техник кўрик далолатномасини электрон шаклда расмийлаштиради ва барча носозликлар тўғрисидаги маълумотларни «Техник кўрик» модулига киритади.
Носозлик бартараф этилгандан кейин транспорт воситаси эгаси уни мазкур Низом талаблари асосида техник кўрикка қўяди.
47. Ўзбекистон Республикаси Рақамли технологиялар вазирлигининг рухсатномасини олиш талаб қилинадиган радиоэлектрон воситалар ва юқори частотали қурилмаларга эга бўлган транспорт воситаларида тегишли рухсатноманинг мавжудлиги текширилади.
48. Махсус ва тезкор хизматларнинг транспорт воситаларида махсус рангли ва овозли сигналлар қурилмаларининг мавжудлиги, созлиги ва қонунийлиги, шунингдек, транспорт воситасининг ранг-график бўяш схемаларининг техник регламентлар ёки стандартлар талабларига мувофиқлиги ДЙҲХХ ходимлари томонидан текширилади.
49. Консервацияга қўйилган транспорт воситаларини техник кўрикдан ўтказишда уларнинг бутлиги текширилади. Транспорт воситасининг соз ҳолатдалигига шубҳа туғдирадиган сабаблар мавжуд бўлганда, транспорт воситасининг ғилдиракларини юксизлантириш учун тагликлардан қўзғатмаган ҳолда унинг двигатели ва трансмиссиясининг ишлаши текширилади.
50. Жисмоний шахснинг транспорт воситасини (носозлиги ёки бошқа сабаблар туфайли) техник кўрикдан ўтказиш жойига олиб бориш имконияти бўлмаган тақдирда, рўйхатдан ўтказиш, қайта рўйхатдан ўтказиш, ҳисобдан чиқариш учун ёки бошқа ҳолатларда транспорт воситаси эгасининг ёзма шаклдаги аризасига кўра ДЙҲХХнинг ҳудудий органи ходими томонидан транспорт воситаси турган жойда алоҳида транспортни кўрикдан ўтказиш далолатномаси тузилган ҳолда техник кўрикдан ўтказилиши мумкин.
Далолатнома берилган вақтидан бошлаб 30 кун мобайнида ҳақиқий ҳисобланади.
51. Техник ҳолати ва жиҳозлари йўл ҳаракати хавфсизлиги талабларидан ҳатто биттасига жавоб бермайдиган транспорт воситаси носоз ҳисобланади ва ундан фойдаланиш ман этилади.
Аниқланган техник носозликлар тўғрисидаги маълумотлар «Техник кўрик» модулига киритилади ва техник носозлик тўғрисида белги қўйилади.
Бундай транспорт воситаси олдинги техник кўрикдан ўтказилган вақтдан бошлаб йигирма кундан кечикмай, ушбу Низомда белгиланган тартибда такрорий техник кўрикдан ўтказилади. Бундай ҳолатда техник ҳолатни текшириш фақат олдинги кўрикдан ўтказишда йўл ҳаракати хавфсизлиги талабларига мувофиқ бўлмаган кўрсаткичлар бўйича ўтказилади.
Транспорт воситаси олдинги кўрикдан ўтказиш вақтидан бошлаб 20 кундан ортиқ бўлган муддатда такрорий кўрикдан ўтказишга қўйилган тақдирда, техник ҳолатни текшириш тўлиқ ҳажмда ўтказилади.
51 1 . Давлат назоратини ўрнатиш мақсадида техник кўрикдан ўтказилган транспорт воситаси тадбиркорлик субъектлари томонидан мазкур Низомнинг 15 , 17 , 23, 24 ва 25-бандлари талабларига мувофиқ ДЙҲХХ ходими иштирокида назорат тариқасида қайта техник кўрикдан ўтказилиши мумкин.
Қайта техник кўрикдан ўтказиш жараёнида транспорт воситасининг техник носозлиги аниқланса, тадбиркорлик субъектлари томонидан ўтказилган техник кўрик бекор қилинади ва «Техник кўрик» модулига транспорт воситасининг носозлиги тўғрисидаги маълумотлар киритилади.
51 2 . Оммавий ва махсус тадбирларга жалб этиладиган транспорт воситаларининг техник ҳолати ДЙҲХХ ходимлари томонидан текширилади ва ушбу Низомга 2 , 3 ёки 4-иловаларда келтирилган далолатномалардан бири икки нусхада расмийлаштирилади.
Далолатноманинг бир нусхаси транспорт воситаси ҳайдовчисига (транспорт воситалари эгасига ёки тадбир ташкилотчисига) берилади, иккинчи нусхаси ДЙҲХХда сақланади.
Транспорт воситаларини техник ҳолатини текшириш жойлари ДЙҲХХнинг ҳудудий бўлинмалари томонидан белгиланади.
Бунда тадбиркорлик субъектлари ёки бошқа ташкилотларга тегишли бўлган техник базалардан улар билан келишилган ҳолда фойдаланиши мумкин.
6-боб. Якунловчи қоидалар
52. Техник кўрикдан ўтказилганлиги тўғрисидаги муҳрларни ушбу Низомга 6-иловага мувофиқ шаклда тайёрлаш ва ДЙҲХХнинг ҳудудий органларини ушбу муҳрлар билан таъминлаш Қорақалпоғистон Республикаси Ички ишлар вазирлиги, Тошкент шаҳар ва Тошкент вилояти ички ишлар бош бошқармалари ҳамда вилоятлар ички ишлар бошқармалари томонидан амалга оширилади.
54. Тадбиркорлик субъектлари транспорт воситаларини мазкур Низом талабларига мувофиқ ҳолда сифатли техник кўрикдан ўтказилишини таъминлаш учун масъул бўладилар.
55. Мазкур Низом талаблари бузилишида айбдор бўлган шахслар қонунчилик ҳужжатларида белгиланган тартибда жавоб берадилар.
Транспорт воситаларини мажбурий техник кўрикдан ўтказиш тартиби тўғрисидаги низомга 1-ИЛОВА
Транспорт воситаларини техник кўрикдан ўтказиш учун мўлжалланган ишлаб чиқариш-техника базаси жойлаштириладиган хона ва майдонларга доир
1-§. Умумий қоидалар
1. Ушбу Талаблар ДЙҲХХ диагностика станциялари, вазирликлар ва идоралар, бошқа ташкилотлар ҳамда жисмоний шахсларга тегишли бўлган техник хизмат кўрсатиш станциялари, тадбиркорлик субъектлари — юридик шахслар томонидан транспорт воситаларини техник кўрикдан ўтказиш учун мўлжалланган ишлаб чиқариш-техника базаси (лабораториялар) (кейинги ўринларда — ишлаб чиқариш-техника базаси) жойлаштириладиган хона ва майдонларнинг параметрларига доир техник нормаларни белгилайди.
2. Ишлаб чиқариш-техника базаси белгиланган тартибда техник жиҳатдан малакалилигини маъқуллашдан ўтказилган, транспорт воситаларининг техник ҳолатини техник жиҳатидан тартибга солиш соҳасидаги норматив ҳужжатлар талабларига мувофиқлигини баҳолашни ташкил этиш ва ўтказиш учун тегишли технологик, синов жиҳозлари ва ўлчаш воситалари билан таъминланган бўлиши зарур.
2-§. Ишлаб чиқариш-техника базасининг ҳудудига доир талаблар
3. Ишлаб чиқариш-техника базаси ҳудудининг ўлчамларида қуйидаги мажбурий элементларни жойлаштириш имконияти назарда тутилган бўлиши керак:
ишлаб чиқариш хоналари;
техник кўрикдан ўтказилиши кутилаётган ва тугалланган транспорт воситалари учун майдон;
хона ва майдонларга кириш ва ўтиш йўллари.
4. Ишлаб чиқариш-техника базаси ҳудудида транспорт воситалари ҳаракатини ташкил этиш учун қуйидагилар мавжуд бўлиши керак:
сунъий ёритиш чироқлари;
қатнов қисми текис ва қаттиқ қопламали (асфальт-бетонли ёки цемент-бетонли) бўлган кириш йўли, майдони;
периметри бўйича ўрнатилган тўсиқ.
5. Ишлаб чиқариш-техника базаси ҳудуди ёки у жойлашган ташкилотга кириш жойи олдида ишлаб чиқариш-техника базасининг иш режими ва техник кўрикдан ўтказиладиган транспорт воситаларининг ҳаракатланиш схемаси кўрсатилган ахборот стенди ўрнатилган бўлиши керак.
Ишлаб чиқариш-техника базаси биносининг кириш қисмида 2,0 метрдан ва баландлиги 0,7 метрдан кам бўлмаган ўлчамдаги, давлат тилида «Texnik koʻrik» ёзуви бўлган пешлавҳа ўрнатилган бўлиши керак. Ёзув бошқа тилларда такрорланиши ҳам мумкин.
6. Ишлаб чиқариш-техника базаси ҳудуди, хоналари ва унга кириш-чиқиш жойларига замонавий видеокузатув камералари ўрнатилган бўлиши керак.
7. Ишлаб чиқариш-техника базасининг ишлаб чиқариш хонасига кириш йўллари бўйлаб транспорт воситаларининг ҳаракати қуйидаги талаблар ҳисобга олган ҳолда ташкил қилиниши зарур:
транспорт воситаларининг бир томонлама ҳаракатини ташкил этиш;
транспорт воситаларининг хавфсиз ҳаракатланиши учун имконият яратиш;
ишлаб чиқариш-техника базаси ҳудудида транспорт воситаларининг рухсат этилган ҳаракат йўналишларини тегишли йўл чизиқлари билан белгилаш.
8. Ишлаб чиқариш-техника базаси ҳудуди ичимлик ва ишлаб чиқариш сув қувурлари билан жиҳозланган бўлиши керак.
9. Ишлаб чиқариш-техника базаси ҳудуди майдонининг юзаси текис, унда сув қувурлари ва сув оқиб кетадиган ариқ мавжуд бўлиши керак.
10. Ишлаб чиқариш-техника базасига кириш ҳамда унинг ҳудуди бўйлаб транспорт воситаларининг ҳаракатланиши барча мавжуд иншоотлар, йўл белгилари ва чизиқлари кўрсатилган схема ҳудудида ишлаб чиқариш-техника базаси жойлашган ташкилот раҳбари томонидан тасдиқланади.
Йўлнинг кенглиги енгил автомобиллар учун 3 метрдан, юк автомобиллари ва автобуслар учун 4,5 метрдан кам бўлмаслиги керак.
11. Техник кўрикдан ўтишни кутаётган ва ўтган транспорт воситаларини жойлаштириш учун майдонларнинг ўлчамларини аниқлашда баҳоланадиган транспорт воситаларининг габарит ўлчамлари ва техник кўрик линиясининг камида бир соатлик ишлаб чиқариш қувватига тенг бўлган миқдордаги транспорт воситаларининг техник кўрик линияси майдонида айнан бир вақтда бўлиши эътиборга олиниши керак.
12. Ишлаб чиқариш-техника базасининг ишлаб чиқариш хонасига кириш олдидаги майдон 70 квадрат метрдан кам бўлмаслиги керак.
13. Сиқилган ва суюлтирилган табиий газ ёнилғисида ишлайдиган транспорт воситаларини техник кўрикдан ўтказишга мўлжалланган хоналар ертўлада, аҳоли яшаш уйларида ва бошқа корхоналар биноларига туташган ҳолда жойлаштирилишига рухсат этилмайди.
3-§. Ишлаб чиқариш-техника базасининг хоналарига доир талаблар
14. Ишлаб чиқариш-техника базаси таркибига қуйидагилар киритилиши керак:
ишлаб чиқариш хонаси;
транспорт воситалари эгаларини қабул қилиш ва уларга хизмат кўрсатиш хонаси;
транспорт воситасини техник кўрикдан ўтказиш натижаларини расмийлаштириш учун хона;
санитария-гигиена хоналари.
15. Ишлаб чиқариш-техника базасининг ишлаб чиқариш хоналари қуйидагиларни инобатга олган ҳолда режалаштирилади:
транспорт воситасининг техник ҳолатини баҳолашдан ўтказиш дастури;
қўлланиладиган ўлчаш воситалари ва синов жиҳозлари;
транспорт воситасининг техник ҳолатини баҳолаш ва натижаларини расмийлаштиришнинг технологик жараёни;
ёнғин хавфсизлиги ва меҳнатни муҳофаза қилиш талаблари.
16. Ишлаб чиқариш-техника базаси ишлаб чиқариш хонасининг ўлчамлари мазкур Талабларга иловага мувофиқ техник кўрик линияларининг технологик постлари сони ва транспорт воситаларининг габарит ўлчамларидан келиб чиққан ҳолда аниқланади.
17. Ишлаб чиқариш-техника базаси ишлаб чиқариш хонасининг режаси ишлаб чиқариш бино ва иншоотларини технологик лойиҳалаштириш қоидалари ва нормалари талабларига мувофиқ бўлиши керак.
Ишлаб чиқариш корпуси хонасининг бўртиб чиққан қурилиш конструкцияларигача бўлган баландлиги енгил автомобиллар учун — 4,0 метрдан, юк автомобиллари ва автобуслар учун — 6,0 метрдан кам бўлмаслиги керак.
Хоналарнинг поли текис, нефть маҳсулотлари таъсирига чидамли бўлиши керак.
18. Хонада барча технологик жараёнлар санитария-гигиена нормаларига мувофиқ ҳолда хавфсиз ва оқилона бажарилиши керак.
19. Ишлаб чиқариш хоналаридаги шовқин ва вибрация даражаси санитария-гигиена нормаларида белгиланган ҳамда рухсат этилган кўрсаткичлардан ошмаслиги керак.
20. Хона ва иш жойларининг табиий ва сунъий ёритилиши ишларнинг хавфсиз бажарилиши, одамлар учун хавфсиз бўлиши ва уларнинг ҳаракатланишини таъминлаш учун етарли ва қуйидаги талабларга мувофиқ бўлиши керак:
иш жойларида хонанинг поли сатҳида — камида 200 лк;
ишчи хоналарда (кабинетларда) полдан 0,8 метр баландликдаги сатҳда — камида 200 лк;
кўрикдан ўтказиш хандағида транспорт воситаларининг таг қисми сатҳида — камида 150 лк;
авария ҳолатларида ёритиш иш юзасини умумий ёритиш учун белгиланган нормаларнинг 5 фоизидан кам бўлмаслиги, лекин камида 2 лк бўлиши керак.
21. Транспорт воситаларини техник кўрикдан ўтказиш учун мўлжалланган хоналардаги ҳаво ҳарорати ўтказиладиган синов методларига доир норматив ҳужжатлар талабларига мувофиқ бўлиши керак. Ишлаб чиқариш-техника базаси биноларидаги ҳаво ҳарорати йилнинг совуқ даврида — 15 °C дан 25 °C гача, иссиқ даврида — 22 °C дан 30 °C гача оралиқда бўлиши керак.
22. Транспорт воситаларининг корхона ҳудудида ҳаракатланиш тезлиги очиқ йўлларда — 10 км/с дан, хона ичида — 5 км/с дан ортиқ бўлмаслиги керак.
23. Ишлаб чиқариш-техника базасининг ишлаб чиқариш хонасига кириш жойи пешлавҳа билан белгиланади ва сутканинг қоронғи пайтида ёритилади. Ишлаб чиқариш хонасига кириш (чиқиш) йўли ишлаб чиқариш хонасидан бошқариладиган ёруғлик (масалан, светофор) сигнализацияси билан жиҳозланади.
Кириш дарвозаси устида 3.13 «Чекланган баландлик», 3.14 «Чекланган кенглик» ва 3.24 «Юқори тезлик чекланган (5 км/с)» йўл белгилари жойлаштирилади.
24. Ишлаб чиқариш-техника базаси хонасининг мижозлар учун қулай бўлган жойида қуйидаги маълумотлар акс эттирилган ахборот стенди ёки бошқа махсус қурилма ўрнатилади:
ишлаб чиқариш-техника базасининг тегишлилиги, жойлашган ери, иш тартиби ва режими, алоқа телефонлари;
Ўзбекистон Республикаси Ички ишлар вазирлигининг Call-маркази телефони ва ҳудудий ЙҲХБнинг ишонч телефони рақамлари, таклиф ва эътирозлар китоби сақланадиган жой ва уни юритиш (сақлаш) учун масъул бўлган шахснинг фамилияси, исми, отасининг исми;
транспорт воситаларини техник кўрикдан ўтказиш тартиби, текшириладиган (баҳоланадиган) параметрлар ва нормативлар, мажбурий техник кўрикдан ўтказишнинг даврийлиги ва техник ҳолатни баҳолаш натижалари тўғрисидаги ҳужжатни бериш тартиби;
транспорт воситасини техник кўрикдан ўтказиш учун қонунчилик ҳужжатларига мувофиқ кўрсатилиши зарур бўлган ҳужжатлар, мажбурий техник кўрикдан ўтказиш учун тўлов миқдори, зарур жараёнларни амалга ошириш муддати ва бошқа маълумотлар.
25. Ишлаб чиқариш хонаси электр хавфсизлиги талабларини белгиловчи норматив-ҳуқуқий ҳужжатлар талабларига мувофиқ электр таъминоти (ёритиш) учун электр тармоқлари, шунингдек, қувват бериш кабеллари (диагностика жиҳозларининг электр энергияси таъминоти учун) ва тақсимлагич электрошитлар билан жиҳозланади.
26. Ишлаб чиқариш-техника базасининг ишлаб чиқариш хонасида иккитадан кам бўлмаган эвакуация чиқиш жойлари мавжуд бўлиши назарда тутилади. Эвакуация чиқиш жойларининг эшиклари хонадан ташқари томонга очиладиган, ўтиш йўлагининг кенглиги 1 метрдан кам бўлмаслиги керак.
27. Ишлаб чиқариш-техника базасининг ёнғиндан ҳимояси, ёнғиннинг олдини олиш тизими ва ёнғин хавфсизлиги ҳамда портлаш хавфсизлигини таъминлаш бўйича ташкилий-техник тадбирлар қонунчилик ҳужжатларида белгиланган талабларга мувофиқ бўлиши керак.
28. Транспорт воситалари эгаларини қабул қилиш ва уларга хизмат кўрсатиш хонаси (биноси) ҳамда транспорт воситасининг техник ҳолатини баҳолаш натижалари ҳақидаги ҳужжатни расмийлаштириш учун хона ишлаб чиқариш-техника базасининг ишлаб чиқариш хонасида ёки унга бевосита яқин жойда бўлиши керак. Ушбу хоналарга кириш жойи тегишли кўрсаткичлар билан белгилаб қўйилади.
29. Транспорт воситаларининг эгаларини қабул қилиш ва уларга хизмат кўрсатиш хоналарининг ўлчамларини аниқлашда, уларда ишлаб чиқариш-техника базасининг ходими томонидан ҳужжатларни расмийлаштириш учун иш жойлари ҳамда транспорт воситаларини эгаларининг кутиб туриш жойлари инобатга олииниши керак.
Транспорт воситалари эгаларининг кутиб туриш жойлари сони ҳар бир техник кўрик линиясига бештадан кам бўлмаслиги керак.
30. Ишлаб чиқариш-техника базаси ишлаб чиқариш хонасининг санитария-гигиена нормалари ва қоидаларига мувофиқлиги ваколатли санитария-эпидемиология назорат органининг тегишли хулосаси билан тасдиқланади.
4-§. Ишлаб чиқариш-техника базасининг ишлаб чиқариш хонасини технологик режалаштиришга доир талаблар
31. Ишлаб чиқариш-техника базасининг диагностика жиҳозлари технологик лойиҳалашга доир талаблар ва нормаларга амал қилган ҳолда ўрнатилиши керак.
32. Транспорт воситаларини техник кўрикдан ўтказиш двигатель ишлаб турган пайтда бажариладиган постлар (ишлаб чиқарилган газлардаги тутун ва заҳарли газ миқдорини, шовқин даражасини, тормозланиш самарадорлиги кўрсаткичларини текшириш ва бошқалар) транспорт воситасидан газларни чиқариш қувури (қувурлари)дан чиқаётган ишлаб чиқарилган газларни ташқарига олиб чиқиш тизими билан жиҳозланади.
33. Ишлаб чиқариш-техника базасининг ишлаб чиқариш хонасига транспорт воситаларининг кириши (чиқиши) учун ҳар бир техник кўрик линиясида:
универсал линиялар учун — кенглиги 3,0 метрдан ва баландлиги 4,3 метрдан кам бўлмаган;
М1 ва N1 тоифадаги транспорт воситаларини текшириш бўйича линиялар учун — кенглиги 2,5 метрдан ва баландлиги 2,3 метрдан кам бўлмаган ўлчамли кириш (чиқиш) дарвозалари қурилади.
34. Техник кўрик линияларида транспорт воситаларини техник кўрикдан ўтказиш хандағидан фойдаланган ҳолда бажарилади. Бунда:
ишлаб чиқариш хонасидаги кўрикдан ўтказиш хандақлари сони техник кўрикдан ўтказиш линиялари сонига мувофиқ бўлиши;
кўрикдан ўтказиш хандағининг узунлиги мазкур линияда текширилиши режалаштирилаётган транспорт воситасининг максимал узунлигини ва ундан чиқиб кетиш учун захира йўлнинг мавжудлигини ҳисобга олган ҳолда аниқланиши;
кўрикдан ўтказиш хандағининг кенглиги 0,9 метрдан, чуқурлиги 1,6 метрдан кам бўлмаслиги керак. Максимал кенглиги мазкур линияда текширилиши режалаштирилаётган минимал колеяли транспорт воситасининг хандақдан ўтиш имкониятини ҳисобга олган ҳолда аниқланиши;
кўрикдан ўтказиш хандақлари тутунни тортиб олиш вентиляцияси билан жиҳозланиши керак.
5-§. Якунловчи қоидалар
35. Транспорт воситаларининг техник ҳолатини баҳолашнинг технологик жараёни техник кўрик линиясининг режалаштириладиган ечимларини, текшириладиган транспорт воситаларининг тоифасини, бажариладиган ишларнинг мураккаблигини, қўлланадиган жиҳозлар, ўлчов воситалари ва анжомларни ҳисобга олган ҳолда ишлаб чиқилади.
36. Транспорт воситаларининг техник ҳолатини баҳолаш бўйича ишларни бажаришда техника хавфсизлиги ва меҳнат муҳофазаси соҳасидаги норматив-ҳуқуқий ҳужжатлар талабларига амал қилиш мажбурий ҳисобланади.
37. Технологик постларда диагностика параметрлари, техника хавфсизлиги қоидалари ва ишларнинг хавфсиз усуллари бўйича амалда бўлган тавсиялар кўрсатилган технологик хариталар жойлаштирилади.
38. Ишлаб чиқариш-техника базасида техник ҳолати баҳоланадиган тоифага мансуб транспорт воситаларидан фойдаланиш бўйича норматив-ҳуқуқий ҳужжатлар, техник тартибга солиш соҳасидаги норматив ҳужжатлар, қўлланмалар (йўриқномалар), автомобиль маълумотномалари ва бошқа зарур маълумотномалар мавжуд бўлиши керак.
39. Ишлаб чиқариш-техника базасида биринчи тиббий ёрдам кўрсатиш учун зарур бўладиган тиббиёт дори воситалари ва анжомлари билан жамланган тиббиёт қутичаси бўлиши керак.
Транспорт воситаларини техник кўрикдан ўтказиш учун мўлжалланган ишлаб чиқариш-техника базаси жойлаштириладиган хона ва майдонларга доир талабларга ИЛОВА
Транспорт воситаларини техник кўрикдан ўтказиш учун техник кўрик линияларининг
Т/р Техник ҳолати баҳоланадиган транспорт воситаларининг тоифалари Технологик постлар сони 1 2 3 Техник кўрик линиясининг узунлиги, метрдан кам эмас 1. M1, M2, N1, O1 12 18 24 2. M1, M2, M3, N1, N2, N3, O1 18 30 42 3. M1, M2, M3, N1, N2, N3, O1, O2 21 36 51 4. M1, M2, M3, N1, N2, N3, O1, O2, O3 24 42 60 5. M1, M2, M3, N1, N2, N3, O1, O2, O3, О4 27 45 66
Транспорт воситаларини мажбурий техник кўрикдан ўтказиш тартиби тўғрисидаги низомга 2-ИЛОВА
Транспорт воситалари гуруҳини мажбурий техник кўрикдан ўтказиш ДАЛОЛАТНОМАСИ Тузилган санаси: 20___ йил «___»_____________ 20___ йил «___»____________дан 20___ йил «___»____________гача ______________________ (юридик шахснинг номи) _______________________________________га тегишли бўлган транспорт воситалари гуруҳи техник кўрикдан ўтказилди. Т/р Транспорт воситасининг тури Давлат рўйхатидан ўтказиш рақами Русуми Ишлаб чиқарилган йили Агрегатлар рақами Техник ҳолати, носоз транспорт воситасининг рўйхатдан ўтказиш гувоҳномаси олиб қўйилганлиги ва давлат рўйхатидан ўтказиш рақами белгилари ечиб олинганлиги тўғрисидаги белги Изоҳ: бензин, дизель ёнилғиси, сиқилган табиий газда ёки суюлтирилган нефть газида ишлайди двигатель кузов шасси (рама ) 1 2 3 4 5 6 7 8 9 10 1. 2. 3. Юридик шахс ҳисобидаги (балансидаги) транспорт воситалари сонини тасдиқлаймиз: Рўйхатда кўрсатилган транспорт воситалари ЙҲХБ РИБ (ТРИБ, РИП) ҳисобга олиш маълумотлари билан таққосланган Ташкилот раҳбари:____________________________ ___________________________________________ РИБ (ТРИБ, РИП) ходими___________________________ _______________________________________________ (имзо, Ф.И.О) (лавозими, ДЙҲХХ органи номи, унвони, Ф.И.О) Бош бухгалтер (бухгалтер ёки ҳисобни юритувчи шахс) ___________________________________________ ___________________________________________ ___________________________________________ м.ў. (имзо, Ф.И.О) м.ў. Ташкилот ҳисобида ҳаммаси бўлиб ___ автомобиль, ___ тиркама, ярим тиркама ва ___ мототранспорт воситалари мавжуд, улардан ___ автомобиль, ___ тиркама, ___ ярим тиркама ва ____ мототранспорт воситалари техник кўрикка қўйилган. ___ автомобиль, ___ мототранспорт воситаси, ___ тиркама, ярим тиркама мукаммал таъмирлашдалиги ва ___ автомобиль, ___ мототранспорт воситаси, ___ тиркама ва ярим тиркама хизмат сафаридалиги туфайли ___ автомобиль, ___ мототранспорт воситалари, ___ тиркама, ярим тиркама техник кўрикдан ўтмади. Текширилган автомобиллардан ___ автомобиль, ___ мототранспорт воситалари, ___ тиркама, ярим тиркама техник жиҳатдан носоз деб топилди. Шу жумладан: __ та транспорт воситасининг тормоз тизимида; __ та транспорт воситасининг руль бошқарувида; __ та транспорт воситасининг ташқи ёритиш приборларида носозлик мавжудлиги; __ та транспорт воситасида фойдаланиш учун яроқсиз автошиналар мавжудлиги; __ та транспорт воситасидан чиққан газда зарарли моддалар мавжудлиги ва уларнинг тутунлилиги белгиланган нормалардан ортиқлиги аниқланди. Ҳисобдаги автомобиллардан ___ таси бензин ёнилғиси билан, __ таси дизель ёнилғиси, ___та суюлтирилган газ, __ таси сиқилган газда ишлайди. Бензинда ишлайдиган текширилган __ та автомобилдан ___таси, дизель ёнилғисида ишлайдиган ___тасидан ___таси, сиқилган табиий газда ишлайдиган ___тасидан ___таси ва суюлтирилган нефть газида ишлайдиган __тасидан __ таси носоз деб топилди. ____________________________________________________________________________________________ (лавозими, ДЙҲХХ органининг номи, унвони, Ф.И.О. имзо) ____________________________________________________________________________________________ Далолатнома нусхасини олдим: Юридик шахс раҳбари _________________________________________________________________________ (Ф.И.О. имзо)
Транспорт воситаларини мажбурий техник кўрикдан ўтказиш тартиби тўғрисидаги низомга 3-ИЛОВА
Алоҳида транспорт воситасини техник кўрикдан ўтказиш ДАЛОЛАТНОМАСИ Тузилган санаси 20 ___ йил «___» _____________ ____________________________________________________________________________________________ (ДЙҲХХ органининг номи, ________________________________________________________________ томонидан техник кўрик ўтказилди мансабдор шахснинг лавозими, унвони, Ф.И.О) 1. Транспорт воситасининг маркаси, модели _________ _____________________________________________ 6. Шасси (рама) рақами __________________________ 2. Тури ______________________________________ 7. Двигатель рақами_____________________________ 3. Ранги ______________________________________ 8. Кузов рақами ________________________________ 4. Ишлаб чиқарилган йили _______________________ 9. Рўйхатдан ўтказиш тўғрисидаги гувоҳнома (техник паспорт) серияси, рақами ________________________ 5. Давлат рўйхатидан ўтказиш рақами ______________ ____________________________________________ 10. Транспорт воситаси ________________________________________________________________________ (юридик шахснинг тўлиқ номи, ___________________________________________________________________________________га тегишли якка тартибдаги транспорт воситаси эгасининг Ф.И.О) 11. Жойлашган жойи (турар жойи)_______________________________________________________________ 12. Қуйидаги техник носозликлар аниқланди: _______________________________________________________ ___________________________________________________________________________________________ ___________________________________________________________________________________________ ___________________________________________________________________________________________ 13. Автомашинанинг ҳолати ____________________________________________________________________ 14. Радиотўсиқларни йўқотиш мосламаларининг мавжудлиги __________________________________________ 15. Спидометрнинг ҳолати ______________________________________________________________________ 16. Техник ҳолати тўғрисида хулоса _______________________________________________________________ (техник жиҳатдан соз, носоз) ДЙҲХХ ходими ______________________________________________________________________________ (имзо, Ф.И.О) Далолатнома нусхасини олдим __________________________________________________________________ (имзо Ф.И.О)
Транспорт воситаларини мажбурий техник кўрикдан ўтказиш тартиби тўғрисидаги низомга 4-ИЛОВА
Газ ёнилғисида ишлаш учун қайта жиҳозланган алоҳида транспорт воситасини техник кўрикдан ўтказиш ДАЛОЛАТНОМАСИ Тузилган санаси 20 ___ йил «___» _____________ ___________________________________________________________________________________________ ___________________________________________________________________________________________ (ДЙҲХХ, мансабдор шахснинг лавозими, унвони, Ф.И.О) томонидан техник кўрик ўтказилди 1. Транспорт воситасининг маркаси, модели_________ 6. Шасси (рама) рақами _________________________ 2. Тури ______________________________________ 7. Двигатель рақами ____________________________ 3. Ранги ______________________________________ 8. Кузов рақами _______________________________ 4. Ишлаб чиқарилган йили _______________________ 9. Рўйхатдан ўтказиш тўғрисидаги гувоҳнома (техник паспорт)нинг серияси ва рақами) _________________ 5. Давлат рўйхатидан ўтказиш рақами белгиси ________ 9а. Газ ёнилғиси тури ___________________________ 9в. Газ баллони рақами _________________________ (суюлтирилган газ, сиқилган газ) 9б. Газ баллони ишлаб чиқарилган йил _____________ 9д. Газ баллони синовдан ўтказилган сана __________ ____________________________________________ 9г. Газ баллонидан фойдаланиш муддати ___________ 9е. Газ баллонини навбатдаги синовдан ўтказиш санаси ______________________________________________ 10. Транспорт воситасининг тегишлилиги _________________________________________________________ ___________________________________________________________________________________________ (юридик шахснинг тўлиқ номи, якка тартибда эгалик қилувчининг Ф.И.О) 11. Жойлашган жойи (турар жойи)_______________________________________________________________ 12. Қуйидаги техник носозликлар аниқланди: _______________________________________________________ ___________________________________________________________________________________________ ___________________________________________________________________________________________ 13. Автомашинанинг ҳолати ____________________________________________________________________ 14. Радиотўсиқларни бартараф этиш учун мослама мавжудлиги________________________________________ 15. Спидометрнинг ҳолати ______________________________________________________________________ 16. Техник ҳолати тўғрисида хулоса _______________________________________________________________ (техниксоз,техник носоз) ДЙҲХХ ходими ______________________________________________________________________________ (имзо, Ф.И.О) Далолатнома нусхасини олдим __________________________________________________________________ (имзо Ф.И.О)
Транспорт воситаларини мажбурий техник кўрикдан ўтказиш тартиби тўғрисидаги низомга 5-ИЛОВА
Техник кўрикдан ўтганлиги тўғрисидаги талон
Транспорт воситаларини мажбурий техник кўрикдан ўтказиш тартиби тўғрисидаги низомга 6-ИЛОВА
Транспорт воситасининг техник кўрикдан ўтказилганлиги тўғрисидаги муҳр
Муҳр 50х8 мм. ўлчамга эга бўлиб, унга қуйидагилар киритилади:
муҳрнинг 12х8 мм. ўлчамли чап томонидаги тўрт бурчакнинг юқори қисмида ҳудуднинг коди (01, 10, 20 ва ҳ.к), пастки қисмида муҳр рақами киритилади;
муҳрнинг 13х8 мм. ўлчамли ўртадаги тўрт бурчагида «SOZ» сўзи ёзилади;
муҳрнинг 25х8 мм. ўлчамли ўнг томонидаги бурчакда навбатдаги техник кўрик ўтказиш санаси кўрсатилади.
Вазирлар Маҳкамасининг 2021 йил 9 мартдаги 125-сон қарорига 2-ИЛОВА
Ўзбекистон Республикаси Ҳукуматининг ўз кучини йўқотган деб эътироф этилаётган баъзи қарорлари
1. Вазирлар Маҳкамасининг «Транспорт воситаларини мажбурий техник кўрикдан ўтказиш тартиби тўғрисидаги низомни тасдиқлаш ҳақида» 2003 йил 31 январдаги 54-сон қарори (Ўзбекистон Республикаси ҚТ, 2003 й., 1-сон, 12-модда).
2. Вазирлар Маҳкамасининг «Ўзбекистон Республикаси Ҳукуматининг айрим қарорларига ўзгартириш ва қўшимчалар киритиш тўғрисида» 2004 йил 29 апрелдаги 203-сон қарорига (Ўзбекистон Республикаси ҚТ, 2004 й., 4-сон, 43-модда) илованинг 7-банди .
3. Вазирлар Маҳкамасининг «Ўзбекистон Республикаси Ҳукуматининг айрим қарорларига ўзгартиришлар киритиш ҳамда баъзиларини ўз кучини йўқотган деб ҳисоблаш тўғрисида» 2004 йил 26 июлдаги 359-сон қарорига (Ўзбекистон Республикаси ҚТ, 2004 й., 7-сон, 74-модда) илованинг 9-банди .
4. Вазирлар Маҳкамасининг «Транспорт воситаларини мажбурий техник кўрикдан ўтказиш тартиби тўғрисидаги низомга ўзгартириш ва қўшимчалар киритиш ҳақида» 2012 йил 24 февралдаги 49-сон қарори .
5. Вазирлар Маҳкамасининг «Ўзбекистон Республикаси Ҳукуматининг айрим қарорларига ўзгартириш ва қўшимчалар киритиш, шунингдек баъзиларини ўз кучини йўқотган деб ҳисоблаш тўғрисида» 2012 йил 1 ноябрдаги 313-сон қарорига (Ўзбекистон Республикаси ҚТ, 2012 й., 11-сон, 79-модда) 1-илованинг 31-банди .
6. Вазирлар Маҳкамасининг «Ўзбекистон Республикаси Ҳукуматининг айрим қарорларига ўзгартириш ва қўшимчалар киритиш ҳамда баъзиларини ўз кучини йўқотган деб ҳисоблаш тўғрисида» 2014 йил 3 мартдаги 45-сон қарорига (Ўзбекистон Республикаси ҚТ, 2014 й., 3-сон, 16-модда)» 1-илованинг 11-банди .
7. Вазирлар Маҳкамасининг «Ўзбекистон Республикаси Ҳукуматининг айрим қарорларига ўзгартиришлар киритиш тўғрисида» 2014 йил 11 сентябрдаги 259-сон қарорига илованинг 3-банди .
9. Вазирлар Маҳкамасининг «Инновацион ўқитиш услубларини жорий этиш йўли билан ҳайдовчиларни тайёрлаш ва қайта тайёрлаш, шунингдек уларнинг малакасини ошириш тизимини янада такомиллаштириш тўғрисида» 2017 йил 4 сентябрдаги 693-сон қарорига (Ўзбекистон Республикаси ҚҲТ, 2017 й., 36-сон, 958-модда) 2-илованинг 1 ва 2-бандлари .
10. Вазирлар Маҳкамасининг «Ўзбекистон Республикаси Ҳукуматининг айрим қарорларига ўзгартириш ва қўшимчалар киритиш тўғрисида» 2017 йил 20 декабрдаги 1001-сон қарорига (Ўзбекистон Республикаси ҚТ, 2017 й., 12-сон, 292-модда) илованинг 12 , 15 ва 40-бандлари .
11. Вазирлар Маҳкамасининг «Транспорт воситаларини мажбурий техник кўрикдан ўтказиш тартибини такомиллаштиришга доир қўшимча чора-тадбирлар тўғрисида» 2017 йил 22 декабрдаги 1010-сон қарори (Ўзбекистон Республикаси ҚТ, 2017 й., 12-сон, 298-модда).
12. Вазирлар Маҳкамасининг «Автомототранспорт воситалари ҳайдовчиларини тайёрлаш, қайта тайёрлаш ва уларнинг малакасини ошириш тизимини такомиллаштириш чора-тадбирлари тўғрисида» 2018 йил 23 февралдаги 139-сон қарорига (Ўзбекистон Республикаси ҚТ, 2018 й., 2-сон, 47-модда) 2-илованинг 1 ва 3-бандлари .
13. Вазирлар Маҳкамасининг «Ўзбекистон Республикаси Ҳукуматининг айрим қарорларига ўзгартиришлар киритиш тўғрисида» 2018 йил 29 майдаги 396-сон қарорига илованинг 22-банди .
14. Вазирлар Маҳкамасининг «Ўзбекистон Республикаси Ҳукуматининг айрим қарорларига ўзгартириш ва қўшимчалар киритиш тўғрисида» 2018 йил 20 сентябрдаги 748-сон қарорига (Ўзбекистон Республикаси ҚТ, 2018 й., 9-сон, 230-модда) илованинг 10 ва 48-бандлари .
15. Вазирлар Маҳкамасининг «Транспорт воситаларини мажбурий техник кўрикдан ўтказиш тартибининг такомиллаштирилиши муносабати билан Ўзбекистон Республикаси Ҳукуматининг айрим қарорларига ўзгартириш ва қўшимчалар киритиш тўғрисида» 2019 йил 15 февралдаги 136-сон қарори .
16. Вазирлар Маҳкамасининг «Ўзбекистон Республикаси Ҳукуматининг айрим қарорларига ўзгартириш ва қўшимчалар киритиш тўғрисида» 2019 йил 10 августдаги 661-сон қарорига (Ўзбекистон Республикаси ҚТ, 8-сон, 179-модда) илованинг 3 ва 16-бандлари .
17. Вазирлар Маҳкамасининг «Ўзбекистон Республикаси Ҳукуматининг айрим қарорларига ўзгартириш ва қўшимчалар киритиш, шунингдек, баъзиларини ўз кучини йўқотган деб ҳисоблаш тўғрисида» 2020 йил 8 майдаги 271-сон қарорига 1-илованинг 8-банди .
19. Вазирлар Маҳкамасининг «Ўзбекистон Республикасида чет эл фуқаролари ва фуқаролиги бўлмаган шахсларни рўйхатга олиш тартибини соддалаштириш чора-тадбирлари тўғрисида» 2020 йил 28 сентябрдаги 593-сон қарорига 4-илованинг 6-банди .
Ўзбекистон Республикасининг Бош вазири А. АРИПОВ
Тошкент ш.,
2021 йил 9 март,
125-сон
Oʻzbekiston Respublikasi Vazirlar Mahkamasining
qarori
NIZOM
talablar
OʻLCHAMLARI
NAMUNASI
NAMUNASI
roʻyxati
Transport vositalarini majburiy texnik koʻrikdan oʻtkazish tartibini takomillashtirishga doir qoʻshimcha chora-tadbirlar toʻgʻrisida
“Yoʻl harakati xavfsizligi toʻgʻrisida”gi Oʻzbekiston Respublikasi Qonuni hamda Oʻzbekiston Respublikasi Prezidentining “2017 — 2021-yillarda Oʻzbekiston Respublikasini rivojlantirishning beshta ustuvor yoʻnalishi boʻyicha Harakatlar strategiyasini “Yoshlarni qoʻllab-quvvatlash va aholi salomatligini mustahkamlash yili”da amalga oshirishga oid davlat dasturi toʻgʻrisida” 2021-yil 3-fevraldagi PF-6155-son Farmoni ijrosini taʼminlash, shuningdek, avtomototransport vositalarini texnik koʻrikdan oʻtkazish tartibini yanada soddalashtirish, yuridik va jismoniy shaxslarga qoʻshimcha qulayliklar yaratish hamda transport vositalarini majburiy texnik koʻrikdan oʻtkazish samaradorligini oshirish maqsadida Vazirlar Mahkamasi qaror qiladi:
3. Belgilansinki:
Davlat boshqaruvi organlari hamda tashkilotlariga, xorijiy yuridik va jismoniy shaxslarga tegishli transport vositalari Davlat yoʻl harakati xavfsizligi xizmati tomonidan belgilangan tartibda majburiy texnik koʻrikdan oʻtkaziladi.
Oʻzbekiston Respublikasi Milliy gvardiyasi, Mudofaa vazirligi, Ichki ishlar vazirligi va Davlat xavfsizlik xizmati harbiy boʻlinmalarining transport vositalari mazkur idoralar tomonidan belgilangan tartibda majburiy texnik koʻrikdan oʻtkaziladi.
4. Quyidagilarni nazarda tutuvchi Transport vositalarini majburiy texnik koʻrikdan oʻtkazish tartibi toʻgʻrisidagi nizom 1-ilovaga muvofiq tasdiqlansin:
jismoniy va yuridik shaxslarga tegishli boʻlgan avtomototransport vositalari, elektromobillari va ularning tirkamalarini, shuningdek, tramvay va trolleybuslarni texnik koʻrikdan oʻtkazish tartibi;
transport vositalarini texnik koʻrikdan oʻtkazish uchun moʻljallangan ishlab chiqarish-texnika bazasi joylashtiriladigan xona va maydonlarga doir talablar;
transport vositalarini texnik koʻrikdan oʻtkazish muddatlari va davriyligi.
5. Oʻzbekiston Respublikasi Ichki ishlar vazirligi 2021-yil 1-iyulga qadar qonunchilik hujjatlarida belgilangan tartibda avtotransport vositalarini majburiy texnik koʻrikdan oʻtkazish faoliyatini amalga oshiruvchi tadbirkorlik subyektlariga axborot xavfsizligi talablarini inobatga olgan holda, Oʻzbekiston Respublikasi Ichki ishlar vazirligi Jamoat xavfsizligi departamenti Yoʻl harakati xavfsizligi xizmati Yagona avtomatlashtirilgan axborot tizimining “Texnik koʻrik” moduliga (keyingi oʻrinlarda — “Texnik koʻrik” moduli) kirish imkoniyatini yaratish choralarini koʻrsin.
6. 2021-yil 1-sentabrdan boshlab xorijiy davlatlarga chiqadigan transport vositalaridan tashqari barcha transport vositalariga texnik koʻrikdan oʻtganligi toʻgʻrisidagi talonlarni berish amaliyoti bekor qilinsin.
7. Oʻzbekiston Respublikasi Hukumatining 2-ilovaga muvofiq ayrim qarorlari oʻz kuchini yoʻqotgan deb hisoblansin.
8. Oʻzbekiston Respublikasi Ichki ishlar vazirligi manfaatdor vazirliklar va idoralar bilan birgalikda oʻzlari qabul qilgan normativ-huquqiy hujjatlarini bir oy muddatda ushbu qarorga muvofiqlashtirsin.
9. Mazkur qarorning bajarilishini nazorat qilish Oʻzbekiston Respublikasi ichki ishlar vaziri P.R. Bobojonov zimmasiga yuklansin.
Vazirlar Mahkamasining 2021-yil 9-martdagi 125-son qaroriga 1-ILOVA
Transport vositalarini majburiy texnik koʻrikdan oʻtkazish tartibi toʻgʻrisida
1-bob. Umumiy qoidalar
1. Ushbu Nizom Oʻzbekiston Respublikasining “Yoʻl harakati toʻgʻrisida”gi Qonuniga muvofiq avtomobillar, elektromobillar (gibrid avtomobillar) va ularning tirkamalarini (yarimtirkamalarini), mototsikl, elektromototsikl, moped va skuterlarni, shuningdek, tramvay va trolleybuslarni (keyingi oʻrinlarda — transport vositalari) majburiy texnik koʻrikdan oʻtkazish tartibini belgilaydi.
2. Transport vositalarining majburiy texnik koʻrigi (keyingi oʻrinlarda — texnik koʻrik) Oʻzbekiston Respublikasi Ichki ishlar vazirligining Davlat yoʻl harakati xavfsizligi xizmati (keyingi oʻrinlarda — DYHXX) organlari hamda tadbirkorlik subyektlari — yuridik shaxslar (keyingi oʻrinlarda — tadbirkorlik subyektlari) tomonidan mazkur Nizomga muvofiq oʻtkaziladi.
Transport vositalarining texnik holati va uskunalarining muvofiqligini baholash uchun DYHXX organlari tomonidan vazirliklar, idoralar va boshqa tashkilotlarning texnika bazalari, shuningdek, xususiy texnik xizmat koʻrsatish stansiyalari shartnoma asosida jalb etilishi mumkin.
Jismoniy va yuridik shaxslarga (davlat organlari va tashkilotlariga, xorijiy yuridik va jismoniy shaxslarga tegishli transport vositalari bundan mustasno) tegishli boʻlgan barcha (M, N, O, L) toifadagi transport vositalari tadbirkorlik subyektlari tomonidan texnik koʻrikdan oʻtkaziladi.
Davlat organlari va tashkilotlariga, xorijiy yuridik va jismoniy shaxslarga tegishli transport vositalari Davlat yoʻl harakati xavfsizligi xizmati tomonidan texnik koʻrikdan oʻtkaziladi.
3. Quyidagilar texnik koʻrikdan oʻtkazishning asosiy vazifalari hisoblanadi:
transport vositalarining texnik holati, ulardan foydalanish normalari va qoidalariga rioya etilishi boʻyicha samarali nazoratni tashkil etish;
transport vositalari texnik holati va uskunalarining yoʻl harakati xavfsizligining texnik reglamentlari yoki standartlari, qoidalari, normalariga muvofiqligini baholash;
transport vositalarining sonini, holatini, amalda mavjudligini, tegishliligini va roʻyxatdan oʻtkazish boʻyicha boshqa maʼlumotlarini aniqlashtirish;
yoʻl harakati xavfsizligini taʼminlash yuzasidan profilaktika ishlarini tashkil etish;
yoʻl harakati va transport vositalaridan foydalanish sohasidagi huquqbuzarliklar va jinoyatlarning oldini olish, ularni aniqlash hamda ularga barham berish.
4. Yuridik va jismoniy shaxslarga, shu jumladan, xorijiy yuridik va jismoniy shaxslarga tegishli boʻlgan, belgilangan tartibda DYHXX organlarida roʻyxatdan oʻtkazilgan transport vositalari majburiy texnik koʻrikdan oʻtkaziladi.
Oʻzbekiston Respublikasi Tashqi ishlar vazirligida akkreditatsiyadan oʻtgan xorijiy davlatlarning diplomatik vakolatxonalari va konsullik muassasalariga, xalqaro (davlatlararo, hukumatlararo) tashkilotlar va ularning vakolatxonalariga, shuningdek, ushbu vakolatxonalar va tashkilotlarning xodimlariga hamda ularning oila aʼzolariga tegishli boʻlgan transport vositalari ushbu Nizomga muvofiq umumiy asoslarda texnik koʻrikdan oʻtkaziladi.
Yuridik va jismoniy shaxslar transport vositalarini texnik koʻrikdan oʻtkazishga ariza yuborish uchun Oʻzbekiston Respublikasi Yagona interaktiv davlat xizmatlari portali (keyingi oʻrinlarda — YIDXP) yoki DYHXX dasturiy taʼminoti (mobil ilova) orqali murojaat etishlari mumkin.
YIDXP yoki DYHXXning dasturiy taʼminoti (mobil ilova) orqali shakllantirilgan murojaat Oʻzbekiston Respublikasi Ichki ishlar vazirligi Jamoat xavfsizligi departamenti Yoʻl harakati xavfsizligi xizmati Yagona avtomatlashtirilgan axborot tizimining “Texnik koʻrik” moduli (keyingi oʻrinlarda — “Texnik koʻrik” moduli) orqali tadbirkorlik subyektlariga onlayn rejimida yuboriladi.
Texnik koʻrikdan oʻtkazish joyi va vaqti haqida jismoniy va yuridik shaxslarga onlayn rejimda xabar yuboriladi.
Texnik koʻrikdan oʻtkazilgan transport vositalari toʻgʻrisidagi maʼlumotlar mazkur Nizom asosida Oʻzbekiston Respublikasi Ichki ishlar vazirligi Jamoat xavfsizligi departamenti Yoʻl harakati xavfsizligi xizmatining “Texnik koʻrik” moduliga kiritib boriladi.
5. Transport vositalari quyidagi davriylikka muvofiq texnik koʻrikdan oʻtkazilishi kerak:
a) tijorat asosida yoʻlovchilar tashish faoliyati bilan shugʻullanuvchi yengil avtomobillar, avtobuslar, trolleybuslar, tramvaylar va oʻrindiqlar soni 8 ta va undan ortiq boʻlgan (haydovchining oʻrnidan tashqari), odamlarni muntazam tashish uchun jihozlangan yuk avtomobillari, maxsus hamda yirik gabaritli, ogʻir vaznli va xavfli yuklarni tashish uchun moslashtirilgan transport vositalari va ularning tirkamalari — bir yilda ikki marta;
b) ishlab chiqarilganiga olti yildan koʻp boʻlmagan, yuridik shaxslarga tegishli barcha toifadagi hamda jismoniy shaxslarga tegishli boʻlgan M2, M3, N va O toifadagi transport vositalari (mazkur bandning “a” kichik bandida koʻrsatilgan transport vositalaridan tashqari), shuningdek, ishlab chiqarilganiga oʻn bir yildan oʻn toʻrt yilgacha (oʻn toʻrtinchi yili ham) boʻlgan, jismoniy shaxslarga tegishli M1 va L toifadagi transport vositalari (mazkur bandning “a” kichik bandida koʻrsatilgan transport vositalaridan tashqari) — ikki yilda bir marta;
v) ishlab chiqarilganiga olti yildan ortiq boʻlgan, yuridik shaxslarga tegishli barcha toifadagi hamda jismoniy shaxslarga tegishli M2, M3, N va O toifadagi transport vositalari (mazkur bandning “a” kichik bandida koʻrsatilgan transport vositalaridan tashqari), shuningdek, ishlab chiqarilganiga oʻn besh yil va undan ortiq boʻlgan, jismoniy shaxslarga tegishli M1 va L toifadagi transport vositalari (mazkur bandning “a” kichik bandida koʻrsatilgan transport vositalaridan tashqari) — bir yilda bir marta;
g) tirkamalar texnik koʻrikdan transport vositasi — shatakchi uchun belgilangan muddatlarda;
d) STG-3 turdagi gaz ballonlari oʻrnatilgan transport vositalari (mazkur bandning “a”, “b”, “v” kichik bandlarida koʻrsatilgan transport vositalaridan tashqari) — uch yilda bir marta.
Ishlab chiqarilganiga oʻn yilgacha (oʻninchi yili ham) boʻlgan, jismoniy shaxslarga tegishli M1 va L toifadagi transport vositalari (mazkur bandning “a” kichik bandida koʻrsatilgan transport vositalaridan tashqari) texnik koʻrikdan ixtiyoriy ravishda oʻtkaziladi.
6. Mazkur Nizomning 5-bandi “a” kichik bandida koʻrsatilgan transport vositalarining texnik koʻrigi:
birinchi marta — 1-mart — 30-iyunda;
ikkinchi marta — 1-sentabr — 31-oktabrda oʻtkaziladi.
Jismoniy va yuridik shaxslarga tegishli boshqa transport vositalarining texnik koʻrigi 1-yanvar — 31-dekabrda oʻtkaziladi.
7. Ishlab chiqarilganligidan qatʼi nazar transport vositalarini DYHXX organlarida roʻyxatdan oʻtkazishda (qayta roʻyxatdan oʻtkazishda), ularning agregat raqamlari texnik hujjatlarga mosligi tekshiriladi.
8. Transport vositalari texnik koʻrikka belgilangan muddatlardan oldin taqdim etilishi mumkin.
9. Transport vositalari DYHXX organlari tomonidan texnik koʻrikdan oʻtkazilganligi uchun Oʻzbekiston Respublikasi Ichki ishlar vazirligi tomonidan Iqtisodiyot va moliya vazirligi bilan kelishilgan holda tasdiqlanadigan miqdorda yigʻim undiriladi.
Birinchi (oldingi) texnik koʻrikda nosoz deb topilgan transport vositalari takroriy texnik koʻrikdan oʻtkazilganlik uchun yigʻim undiriladi.
Sud boshqaruvchisining arizasiga koʻra avtotransport vositasi oldindan toʻlovlarni amalga oshirmasdan koʻrikdan oʻtkaziladi va belgilangan toʻlovning oʻrni sud boshqaruvchisi tomonidan “Toʻlovga qobiliyatsizlik toʻgʻrisida”gi Oʻzbekiston Respublikasi Qonunining 150-moddasi birinchi qismida nazarda tutilgan tartibda toʻlanadi.
Texnik koʻrik oʻtkazilganligi uchun yigʻim summasi tegishli mahalliy budjetga oʻtkaziladi.
10. Transport vositalarini texnik koʻrikdan oʻtkazganlik uchun toʻlov miqdori tadbirkorlik subyektlari tomonidan mustaqil ravishda belgilanadi hamda kelib tushadigan mablagʻlar toʻliq hajmda uning tasarrufida qoladi.
2-bob. Transport vositalarini texnik koʻrikdan oʻtkazishni tashkil etish tartibi
11. Transport vositalari roʻyxatdan oʻtkazilgan (vaqtincha roʻyxatdan oʻtkazilgan) hududda yoki egalarining xohishiga koʻra eksterritoriallik tamoyili asosida boshqa hududlarda ham texnik koʻrikdan oʻtkaziladi.
12. Transport vositalarni navbatdagi texnik koʻrikka qoʻyish sanasi joriy texnik koʻrik paytida mazkur Nizomning 5-bandi talablaridan kelib chiqqan holda belgilanadi.
Transport vositalari egalari transport vositalarini navbatdagi texnik koʻrikka belgilangan muddatdan kechiktirmay taqdim etishlari shart.
13. Transport vositalarini texnik koʻrikdan oʻtkazish:
DYHXXning diagnostika stansiyalarida (tadbirkorlik subyektlari tomonidan texnik koʻrikdan oʻtkaziladigan transport vositalari bundan mustasno);
texnik xizmat koʻrsatish stansiyalarida (shartnoma asosida);
tadbirkorlik subyektlarining texnik bazasida (M1, M2, M3, N1, N2, N3 toifadagi transport vositalari).
14. Transport vositalarini texnik koʻrikdan oʻtkazish uchun DYHXXning diagnostika stansiyalari va tadbirkorlik subyektlari Oʻzbekiston texnik jihatdan tartibga solish agentligining Texnik jihatdan tartibga solish sohasida nazorat inspeksiyasi tomonidan belgilangan tartibda texnik jihatdan malakaliligi maʼqullashdan oʻtkazilgan, transport vositalarini texnik koʻrikdan oʻtkazish uchun zarur texnologik jihozlar bilan taʼminlangan ishlab chiqarish-texnika bazasiga (keyingi oʻrinlarda — ishlab chiqarish-texnika bazasi) ega boʻlishi zarur.
15. Transport vositalarini texnik koʻrikdan oʻtkazish uchun ishlab chiqarish-texnika bazasi:
a) quyidagilarga muvofiq boʻlishi zarur:
transport vositalarini texnik koʻrikdan oʻtkazish uchun — Vazirlar Mahkamasi tomonidan tasdiqlanadigan avtotransport vositalari konstruksiyasining foydalanish shartlari boʻyicha xavfsizligiga qoʻyiladigan talablarga;
avtotransport vositalariga oʻrnatilgan gaz balloni uskunalari ulanmalarining germetikligi va ishonchliligini sinovdan oʻtkazish hamda ularning ballonlarini tekshirish uchun — Vazirlar Mahkamasi tomonidan tasdiqlanadigan siqilgan tabiiy gazda (keyingi oʻrinlarda — STG), suyultirilgan neft gazida (keyingi oʻrinlarda — SNG) yoki dizel va gazsimon yoqilgʻi aralashmasida ishlaydigan transport vositalarining xavfsizligiga qoʻyiladigan talablarga;
b) zarur texnik diagnostika vositalariga ega boʻlishi lozim, shu jumladan:
transport vositalarining tormoz tizimini tekshirish uchun tormoz tizimining texnik diagnostika vositalari hamda ularning elektron tizimiga;
pnevmatik va pnevmogidravlik tormoz uzatmalarida siqilgan havo bosimi va germetiklikni (bosim tushishini) nazorat qilish vositalariga;
avtomatik boshqaruvga ega boʻlgan transport vositalarining tormoz tizimini tekshirish uchun tormoz yoʻlagi mavjud boʻlishiga;
tirkamalarni ulash moslamasining bosib turish qurilmasiga;
rul boshqaruvidagi umumiy lyuftni oʻlchash pribori hamda uning elektron tizimiga;
rul boshqaruvi va podveskasi detallaridagi lyuftlarni tekshirish testeriga;
chiroqlar yorugʻligini boshqarish va kuchini nazorat qilish pribori hamda uning elektron tizimiga;
shinalarni texnik diagnostika qilish vositalariga;
gaz analizatoriga — uchqundan oʻt oldirish dvigatellariga ega transport vositalarining ishlab boʻlingan gazlarida ifloslantiruvchi moddalarning mavjudligini aniqlash pribori hamda uning elektron tizimiga;
tutun oʻlchash priboriga — siqilishdan oʻt oldirish dvigatellariga ega transport vositalarining ishlab boʻlingan gazlarida tutunni aniqlash priboriga;
dvigatel aylanish chastotasi va moy haroratini oʻlchash priboriga;
shovqinni oʻlchash priboriga;
oynalarning yorugʻlik oʻtkazishini tekshirish pribori hamda uning elektron tizimiga;
kompressorga;
qinchali manometrga;
zarur kompyuter texnikasiga va davlat raqami belgilarini aniqlovchi foto-videokuzatuv kameralari tizimiga.
Ayrim texnik diagnostika vositalari xavfsiz foydalanish boʻyicha talablarga muvofiq boʻlish sharti bilan universal texnik vositalarga almashtirilishi mumkin.
Qoʻllaniladigan barcha oʻlchov vositalari tasdiqlangan tipda boʻlishi, qonunchilik hujjatlariga muvofiq tekshiruvdan oʻtgan boʻlishi shart.
Ushbu bandda koʻrsatilgan elektron tizimlar “Texnik koʻrik” moduliga majburiy integratsiya qilinadi.
17. Elektromobillarni texnik koʻrikdan oʻtkazish uchun ishlab chiqarish-texnika bazasi qoʻshimcha ravishda quyidagi texnik diagnostika vositalari bilan jihozlangan boʻlishi lozim:
akkumulyator batareyasining kuchlanishini va tok kuchini aniqlash testri;
elektr uzatgich simlarining texnik holatini aniqlash testri;
elektromobilning texnik holatini diagnostika qilish kompyuter texnikasi (dasturiy taʼminoti bilan).
18. Transport vositalarini texnik koʻrikdan oʻtkazish uchun moʻljallangan ishlab chiqarish-texnika bazasi joylashtiriladigan xona va maydonlarga doir talablar ushbu Nizomga 1-ilovaga muvofiq belgilanadi.
19. Transport vositalarini texnik koʻrikdan oʻtkazishga tegishli mutaxassislikka ega boʻlgan yoki diagnostika qilish texnologiyasi, diagnostika jihozlarining tuzilishi va ishlash prinsiplari, diagnostika vositalarini qoʻllagan holda texnik holatni tekshirish metodlari, mehnatni muhofaza qilish boʻyicha talablarni oʻrgangan shaxslar qoʻyilishi mumkin.
20. Tadbirkorlik subyektlari transport vositalarini texnik koʻrikdan oʻtkazishni boshlashdan oldin Qoraqalpogʻiston Respublikasi Ichki ishlar vazirligi, Toshkent shahar va Toshkent viloyati ichki ishlar bosh boshqarmalari hamda viloyatlar ichki ishlar boshqarmalarining jamoat xavfsizligi xizmatlari yoʻl harakati xavfsizligi boshqarmalarini (keyingi oʻrinlarda — hududiy IHXB) yaratilgan sharoitlar mazkur Nizom talablariga muvofiqligi va faoliyatni amalga oshirishga tayyor ekanligi haqida yozma ravishda xabardor qilishlari shart.
Hududiy YHXB tomonidan tadbirkorlik subyektining ustavi hamda transport vositalarini texnik koʻrikdan oʻtkazishni tashkil etish uchun tegishli texnologik jihozlar bilan taʼminlangan ishlab chiqarish-texnika bazasining Oʻzbekiston texnik jihatdan tartibga solish agentligining Texnik jihatdan tartibga solish sohasida nazorat inspeksiyasi tomonidan berilgan maʼqullash toʻgʻrisidagi guvohnomasi mustaqil ravishda olinadi.
21. Mazkur Nizomning 20-bandiga muvofiq olingan hujjatlar hududiy YHXBlar tomonidan uch kundan koʻp boʻlmagan muddatda oʻrganilib, kamchiliklar boʻlmagan taqdirda Oʻzbekiston Respublikasi Ichki ishlar vazirligi Jamoat xavfsizligi departamenti Yoʻl harakati xavfsizligi xizmatiga (keyingi oʻrinlarda — YHXX) taqdim etiladi.
YHXX taqdim etilgan hujjatlar asosida tadbirkorlik subyektini transport vositalarini texnik koʻrikdan oʻtkazish uchun zarur sharoitlarga ega boʻlgan tadbirkorlik subyektlari hisobini yuritish reyestriga kiritib, Ichki ishlar vazirligining Internet jahon axborot tarmogʻidagi rasmiy veb-saytiga joylashtiradi hamda bu haqda tadbirkorlik subyektini xabardor qiladi.
Reyestr aholini transport vositalarini texnik koʻrikdan oʻtkazish uchun zarur sharoitlarga ega boʻlgan tadbirkorlik subyektlari haqida xabardor qilish maqsadida yuritiladi.
22. Nizomning 20-bandida koʻrsatilgan hujjatlar tegishli davlat organlarining elektron tizimlarida mavjud boʻlmagan taqdirda, hududiy YHXB ikki ish kuni ichida tadbirkorlik subyektlariga bu haqda xabar beradi.
Tadbirkorlik subyektlari mazkur Nizomning 20-bandiga muvofiq hududiy YHXBga takroran xabarnoma yuborish huquqiga ega”;
24. Transport vositalarini texnik koʻrikdan oʻtkazish uchun transport vositasining egasi yoki uning vakolatli vakili tadbirkorlik subyektlari xodimiga (operatoriga) murojaat qiladi va quyidagi hujjatlarni koʻrsatadi:
tegishli toifadagi transport vositasini boshqarish huquqini beruvchi haydovchilik guvohnomasi;
transport vositasining roʻyxatdan oʻtkazilganligi toʻgʻrisidagi guvohnoma (texnik pasport, texnik talon);
gaz yonilgʻisida ishlashga qayta jihozlangan transport vositasiga oʻrnatilgan gaz ballonining sertifikatlashtirish organi tomonidan berilgan muvofiqlik sertifikati nusxasi.
Transport vositasining taqdim etilgan hujjatlarda koʻrsatilgan maʼlumotlarga muvofiqligi “Texnik koʻrik” moduli orqali tekshiriladi va maʼlumotlar mos kelgan taqdirda, belgilangan tartibda texnik koʻrikdan oʻtkazishga ruxsat etiladi.
25. Transport vositasini texnik koʻrikdan oʻtkazish tadbirkorlik subyektlari xodimi (operatori) tomonidan mazkur Nizomning 5-bobida nazarda tutilgan tartibda tekshiriladi.
Transport vositalariga oʻrnatilgan STG va SNG tizimlarining germetikligi hamda agregatlari va uzellari ulangan joylarining ishonchliligi tadbirkorlik subyektlari tomonidan Vazirlar Mahkamasi tomonidan tasdiqlangan Siqilgan tabiiy gazda, suyultirilgan neft gazida yoki dizel va gazsimon yoqilgʻi aralashmasida ishlaydigan transport vositalarining xavfsizligi toʻgʻrisidagi umumiy texnik reglamentga muvofiq sinovdan (opressovka) oʻtkaziladi.
26. Texnik koʻrikka taqdim etilgan transport vositasining egasi tomonidan qonunchilik hujjatlarining talablarini buzish (koʻrsatilgan hujjatlarni, agregatlarning identifikatsiya raqamlarini soxtalashtirish va boshqalar), transport vositasi qidiruvdaligi holatlari aniqlangan taqdirda hamda agregat raqamlari texnik hujjatlarga mos kelmasa, transport vositasi yoʻl-transport hodisasi ishtirokchisi boʻlganligiga shubha uygʻonsa, tadbirkorlik subyektining vakili bu haqda darhol ichki ishlar organlariga xabar berishi shart.
27. Tadbirkorlik subyektlari qayta roʻyxatdan oʻtkazilganda, nomi yoki joylashgan yeri (pochta manzili) oʻzgarganda bu haqida yetti ish kunida hududiy YHXBlarni xabardor qilishi shart.
3-bob. Davlat organlari va tashkilotlariga, xorijiy yuridik va jismoniy shaxslarga tegishli, shuningdek, xavfli yuklarni tashish uchun moslashtirilgan transport vositalarini texnik koʻrikdan oʻtkazishni tashkil etish tartibi
29. Davlat organlari va tashkilotlariga, xorijiy yuridik va jismoniy shaxslarga tegishli, shuningdek, maxsus va xavfli yuklarni tashish uchun moslashtirilgan transport vositalarining texnik koʻrigi transport vositalari roʻyxatdan oʻtkazilgan (vaqtincha roʻyxatdan oʻtkazilgan) joyda yoki ularning murojaatlariga koʻra eksterritoriallik tamoyili asosida quyidagi joylarda texnik koʻrikdan oʻtkaziladi:
zarur shart-sharoitlarga (texnik diagnostika uskunalariga, koʻtarish moslamalariga yoki qarab chiqish uchun xandaq (yama)larga, nazorat-oʻlchash asboblariga, asfalt yoki beton bilan qoplangan bir tekis shrizontal maydonchaga) va malakali mutaxassislarga ega boʻlgan tashkilotlarda;
texnik xizmat koʻrsatish stansiyalarida;
DYHXXning diagnostika stansiyalarida.
Transport vositalarini texnik koʻrikdan oʻtkazish joylari DYHXXning hududiy boʻlinmalari tomonidan belgilanadi.
Tashkilotlarda texnik koʻrik boshlangunga qadar barcha diagnostika asbob-uskunalari tekshirilishi va ish holatiga keltirilishi zarur.
30. Texnik koʻrikni tashkil etish davlat organlari va tashkilotlari hamda boshqalarning murojaatlari asosida rejalashtiriladi.
31. Texnik koʻrikka qoʻyiladigan transport vositalari soni mavjud diagnostika va nazorat-oʻlchash uskunalarining kunlik unumdorligidan kelib chiqib belgilanadi.
33. DYHXX hududiy organi tomonidan davlat organlari va tashkilotlari hamda boshqalarga elektron pochta (elektron tizim) orqali texnik koʻrik muddatlari toʻgʻrisida xabarnoma yuboriladi.
Transport vositalari toʻgʻrisidagi maʼlumotlar DYHXX xodimlari tomonidan elektron tizim orqali olinadi.
34. Texnik koʻrik tashkilotlarda, diagnostika stansiyalarida va texnik xizmat koʻrsatish stansiyalarida oʻtkaziladi.
4-bob. Trolleybuslar va tramvaylarni texnik koʻrikdan oʻtkazishni tashkil etish
37. Trolleybuslar va tramvaylarning texnik holati foydalanish qoidalariga, standartlariga, yoʻl harakati va texnika xavfsizligiga mosligini tekshirish maqsadida texnik koʻrikdan DYHXX xodimlari tomonidan trolleybus va tramvay depolarida oʻtkaziladi.
38. Yoʻl harakati xavfsizligi talablaridan hech boʻlmaganda bittasiga javob bermaydigan trolleybus va tramvaylar nosoz deb topiladi.
39. Texnik koʻrikka qoʻyilgan, biroq texnik nosozlik tufayli koʻrikdan oʻtmagan tramvaylar va trolleybuslardan foydalanishga yoʻl qoʻyilmaydi.
40. Oʻtkazilgan texnik koʻrik natijalari boʻyicha mazkur Nizomda belgilangan tartibda hujjatlar tuziladi va rasmiylashtiriladi.
5-bob. Texnik koʻrikni oʻtkazishning umumiy tartibi
41. Har qaysi transport vositasining texnik koʻrigi roʻyxatdan oʻtkazish toʻgʻrisidagi guvohnomada (texnik pasportda, texnik talonda) koʻrsatilgan maʼlumotlarga transport vositasi turi, markasi, modeli, davlat roʻyxatidan oʻtkazish raqami belgilari, shassi (rama), kuzov va dvigatelning identifikatsiyalash raqamlarining muvofiqligini tekshirishdan boshlanadi.
42. Har qaysi transport vositasining texnik holati va jihozlari texnik reglamentlar, standartlar talablariga, yoʻl harakati xavfsizligi qoidalari va normalariga muvofiqligi jihatidan tekshiriladi.
Gaz yonilgʻisida ishlash uchun qayta jihozlangan transport vositalarini texnik koʻrikdan oʻtkazishda gaz ballonlarining foydalanish muddati, ishlab chiqarilgan yili, zavod raqami, gaz ballonlarini sinovdan oʻtkazish muddatlari, gaz balloni anjomlarining belgilangan talablarga muvofiqligi ham tekshiriladi.
43. Tirkamalar va yarim tirkamalar texnik koʻrikdan avtopoyezd tarkibida ham, alohida turgan holatida ham oʻtkaziladi.
44. Texnik koʻrikdan oʻtkazilgan transport vositalari toʻgʻrisidagi maʼlumotlar “Texnik koʻrik” moduliga kiritiladi va ushbu Nizomga 3 yoki 4-ilovalarda keltirilgan dalolatnoma elektron shakllantiriladi.
Xorijiy davlatlarga chiqadigan transport vositalariga ushbu Nizomga 5-ilovada keltirilgan shakldagi “Transport vositasi texnik koʻrikdan oʻtkazilganligi toʻgʻrisida”gi talon elektron shaklda beriladi.
Texnik koʻrikdan oʻtkazilganligi toʻgʻrisidagi talonni (yoki dublikatni) berganlik uchun yigim undirilmaydi.
Texnik koʻrikdan oʻtkazilganligi toʻgʻrisidagi talon navbatdagi texnik koʻrik oʻtkazilgungacha saqlanadi.
45. Transport vositasini texnik koʻrikdan oʻtkazish joyiga olib borish imkoni boʻlmagan taqdirda, jismoniy va yuridik shaxslar belgilangan muddatlarda DYHXXning hududiy organiga murojaat qiladi va ushbu Nizomning 24-bandida koʻrsatilgan hujjatlarni taqdim etadi (haydovchi guvohnomasi, texnik koʻrikdan oʻtkazish uchun yigʻim toʻlanganligi toʻgʻrisidagi hujjat bundan mustasno).
Bunda DYHXXning hududiy organi xodimi joyiga chiqqan holda, nosozliklar toʻgʻrisida Nizomga 3-ilovada keltirilgan namunadagi alohida transport vositasining texnik koʻrik dalolatnomasini elektron shaklda rasmiylashtiradi va barcha nosozliklar toʻgʻrisidagi maʼlumotlarni “Texnik koʻrik” moduliga kiritadi.
Nosozlik bartaraf etilgandan keyin transport vositasi egasi uni mazkur Nizom talablari asosida texnik koʻrikka qoʻyadi.
47. Oʻzbekiston Respublikasi Raqamli texnologiyalar vazirligining ruxsatnomasini olish talab qilinadigan radioelektron vositalar va yuqori chastotali qurilmalarga ega boʻlgan transport vositalarida tegishli ruxsatnomaning mavjudligi tekshiriladi.
48. Maxsus va tezkor xizmatlarning transport vositalarida maxsus rangli va ovozli signallar qurilmalarining mavjudligi, sozligi va qonuniyligi, shuningdek, transport vositasining rang-grafik boʻyash sxemalarining texnik reglamentlar yoki standartlar talablariga muvofiqligi DYHXX xodimlari tomonidan tekshiriladi.
49. Konservatsiyaga qoʻyilgan transport vositalarini texnik koʻrikdan oʻtkazishda ularning butligi tekshiriladi. Transport vositasining soz holatdaligiga shubha tugʻdiradigan sabablar mavjud boʻlganda, transport vositasining gʻildiraklarini yuksizlantirish uchun tagliklardan qoʻzgʻatmagan holda uning dvigateli va transmissiyasining ishlashi tekshiriladi.
50. Jismoniy shaxsning transport vositasini (nosozligi yoki boshqa sabablar tufayli) texnik koʻrikdan oʻtkazish joyiga olib borish imkoniyati boʻlmagan taqdirda, roʻyxatdan oʻtkazish, qayta roʻyxatdan oʻtkazish, hisobdan chiqarish uchun yoki boshqa holatlarda transport vositasi egasining yozma shakldagi arizasiga koʻra DYHXXning hududiy organi xodimi tomonidan transport vositasi turgan joyda alohida transportni koʻrikdan oʻtkazish dalolatnomasi tuzilgan holda texnik koʻrikdan oʻtkazilishi mumkin.
Dalolatnoma berilgan vaqtidan boshlab 30 kun mobaynida haqiqiy hisoblanadi.
51. Texnik holati va jihozlari yoʻl harakati xavfsizligi talablaridan hatto bittasiga javob bermaydigan transport vositasi nosoz hisoblanadi va undan foydalanish man etiladi.
Aniqlangan texnik nosozliklar toʻgʻrisidagi maʼlumotlar “Texnik koʻrik” moduliga kiritiladi va texnik nosozlik toʻgʻrisida belgi qoʻyiladi.
Bunday transport vositasi oldingi texnik koʻrikdan oʻtkazilgan vaqtdan boshlab yigirma kundan kechikmay, ushbu Nizomda belgilangan tartibda takroriy texnik koʻrikdan oʻtkaziladi. Bunday holatda texnik holatni tekshirish faqat oldingi koʻrikdan oʻtkazishda yoʻl harakati xavfsizligi talablariga muvofiq boʻlmagan koʻrsatkichlar boʻyicha oʻtkaziladi.
Transport vositasi oldingi koʻrikdan oʻtkazish vaqtidan boshlab 20 kundan ortiq boʻlgan muddatda takroriy koʻrikdan oʻtkazishga qoʻyilgan taqdirda, texnik holatni tekshirish toʻliq hajmda oʻtkaziladi.
51 1 . Davlat nazoratini oʻrnatish maqsadida texnik koʻrikdan oʻtkazilgan transport vositasi tadbirkorlik subyektlari tomonidan mazkur Nizomning 15 , 17 , 23, 24 va 25-bandlari talablariga muvofiq DYHXX xodimi ishtirokida nazorat tariqasida qayta texnik koʻrikdan oʻtkazilishi mumkin.
Qayta texnik koʻrikdan oʻtkazish jarayonida transport vositasining texnik nosozligi aniqlansa, tadbirkorlik subyektlari tomonidan oʻtkazilgan texnik koʻrik bekor qilinadi va “Texnik koʻrik” moduliga transport vositasining nosozligi toʻgʻrisidagi maʼlumotlar kiritiladi.
51 2 . Ommaviy va maxsus tadbirlarga jalb etiladigan transport vositalarining texnik holati DYHXX xodimlari tomonidan tekshiriladi va ushbu Nizomga 2 , 3 yoki 4-ilovalarda keltirilgan dalolatnomalardan biri ikki nusxada rasmiylashtiriladi.
Dalolatnomaning bir nusxasi transport vositasi haydovchisiga (transport vositalari egasiga yoki tadbir tashkilotchisiga) beriladi, ikkinchi nusxasi DYHXXda saqlanadi.
Transport vositalarini texnik holatini tekshirish joylari DYHXXning hududiy boʻlinmalari tomonidan belgilanadi.
Bunda tadbirkorlik subyektlari yoki boshqa tashkilotlarga tegishli boʻlgan texnik bazalardan ular bilan kelishilgan holda foydalanishi mumkin.
6-bob. Yakunlovchi qoidalar
52. Texnik koʻrikdan oʻtkazilganligi toʻgʻrisidagi muhrlarni ushbu Nizomga 6-ilovaga muvofiq shaklda tayyorlash va DYHXXning hududiy organlarini ushbu muhrlar bilan taʼminlash Qoraqalpogʻiston Respublikasi Ichki ishlar vazirligi, Toshkent shahar va Toshkent viloyati ichki ishlar bosh boshqarmalari hamda viloyatlar ichki ishlar boshqarmalari tomonidan amalga oshiriladi.
54. Tadbirkorlik subyektlari transport vositalarini mazkur Nizom talablariga muvofiq holda sifatli texnik koʻrikdan oʻtkazilishini taʼminlash uchun masʼul boʻladilar.
55. Mazkur Nizom talablari buzilishida aybdor boʻlgan shaxslar qonunchilik hujjatlarida belgilangan tartibda javob beradilar.
Transport vositalarini majburiy texnik koʻrikdan oʻtkazish tartibi toʻgʻrisidagi nizomga 1-ILOVA
Transport vositalarini texnik koʻrikdan oʻtkazish uchun moʻljallangan ishlab chiqarish-texnika bazasi joylashtiriladigan xona va maydonlarga doir
1-§. Umumiy qoidalar
1. Ushbu Talablar DYHXX diagnostika stansiyalari, vazirliklar va idoralar, boshqa tashkilotlar hamda jismoniy shaxslarga tegishli boʻlgan texnik xizmat koʻrsatish stansiyalari, tadbirkorlik subyektlari — yuridik shaxslar tomonidan transport vositalarini texnik koʻrikdan oʻtkazish uchun moʻljallangan ishlab chiqarish-texnika bazasi (laboratoriyalar) (keyingi oʻrinlarda — ishlab chiqarish-texnika bazasi) joylashtiriladigan xona va maydonlarning parametrlariga doir texnik normalarni belgilaydi.
2. Ishlab chiqarish-texnika bazasi belgilangan tartibda texnik jihatdan malakaliligini maʼqullashdan oʻtkazilgan, transport vositalarining texnik holatini texnik jihatidan tartibga solish sohasidagi normativ hujjatlar talablariga muvofiqligini baholashni tashkil etish va oʻtkazish uchun tegishli texnologik, sinov jihozlari va oʻlchash vositalari bilan taʼminlangan boʻlishi zarur.
2-§. Ishlab chiqarish-texnika bazasining hududiga doir talablar
3. Ishlab chiqarish-texnika bazasi hududining oʻlchamlarida quyidagi majburiy elementlarni joylashtirish imkoniyati nazarda tutilgan boʻlishi kerak:
ishlab chiqarish xonalari;
texnik koʻrikdan oʻtkazilishi kutilayotgan va tugallangan transport vositalari uchun maydon;
xona va maydonlarga kirish va oʻtish yoʻllari.
4. Ishlab chiqarish-texnika bazasi hududida transport vositalari harakatini tashkil etish uchun quyidagilar mavjud boʻlishi kerak:
sunʼiy yoritish chiroqlari;
qatnov qismi tekis va qattiq qoplamali (asfalt-betonli yoki sement-betonli) boʻlgan kirish yoʻli, maydoni;
perimetri boʻyicha oʻrnatilgan toʻsiq.
5. Ishlab chiqarish-texnika bazasi hududi yoki u joylashgan tashkilotga kirish joyi oldida ishlab chiqarish-texnika bazasining ish rejimi va texnik koʻrikdan oʻtkaziladigan transport vositalarining harakatlanish sxemasi koʻrsatilgan axborot stendi oʻrnatilgan boʻlishi kerak.
Ishlab chiqarish-texnika bazasi binosining kirish qismida 2,0 metrdan va balandligi 0,7 metrdan kam boʻlmagan oʻlchamdagi, davlat tilida “Texnik koʻrik” yozuvi boʻlgan peshlavha oʻrnatilgan boʻlishi kerak. Yozuv boshqa tillarda takrorlanishi ham mumkin.
6. Ishlab chiqarish-texnika bazasi hududi, xonalari va unga kirish-chiqish joylariga zamonaviy videokuzatuv kameralari oʻrnatilgan boʻlishi kerak.
7. Ishlab chiqarish-texnika bazasining ishlab chiqarish xonasiga kirish yoʻllari boʻylab transport vositalarining harakati quyidagi talablar hisobga olgan holda tashkil qilinishi zarur:
transport vositalarining bir tomonlama harakatini tashkil etish;
transport vositalarining xavfsiz harakatlanishi uchun imkoniyat yaratish;
ishlab chiqarish-texnika bazasi hududida transport vositalarining ruxsat etilgan harakat yoʻnalishlarini tegishli yoʻl chiziqlari bilan belgilash.
8. Ishlab chiqarish-texnika bazasi hududi ichimlik va ishlab chiqarish suv quvurlari bilan jihozlangan boʻlishi kerak.
9. Ishlab chiqarish-texnika bazasi hududi maydonining yuzasi tekis, unda suv quvurlari va suv oqib ketadigan ariq mavjud boʻlishi kerak.
10. Ishlab chiqarish-texnika bazasiga kirish hamda uning hududi boʻylab transport vositalarining harakatlanishi barcha mavjud inshootlar, yoʻl belgilari va chiziqlari koʻrsatilgan sxema hududida ishlab chiqarish-texnika bazasi joylashgan tashkilot rahbari tomonidan tasdiqlanadi.
Yoʻlning kengligi yengil avtomobillar uchun 3 metrdan, yuk avtomobillari va avtobuslar uchun 4,5 metrdan kam boʻlmasligi kerak.
11. Texnik koʻrikdan oʻtishni kutayotgan va oʻtgan transport vositalarini joylashtirish uchun maydonlarning oʻlchamlarini aniqlashda baholanadigan transport vositalarining gabarit oʻlchamlari va texnik koʻrik liniyasining kamida bir soatlik ishlab chiqarish quvvatiga teng boʻlgan miqdordagi transport vositalarining texnik koʻrik liniyasi maydonida aynan bir vaqtda boʻlishi eʼtiborga olinishi kerak.
12. Ishlab chiqarish-texnika bazasining ishlab chiqarish xonasiga kirish oldidagi maydon 70 kvadrat metrdan kam boʻlmasligi kerak.
13. Siqilgan va suyultirilgan tabiiy gaz yonilgʻisida ishlaydigan transport vositalarini texnik koʻrikdan oʻtkazishga moʻljallangan xonalar yertoʻlada, aholi yashash uylarida va boshqa korxonalar binolariga tutashgan holda joylashtirilishiga ruxsat etilmaydi.
3-§. Ishlab chiqarish-texnika bazasining xonalariga doir talablar
14. Ishlab chiqarish-texnika bazasi tarkibiga quyidagilar kiritilishi kerak:
ishlab chiqarish xonasi;
transport vositalari egalarini qabul qilish va ularga xizmat koʻrsatish xonasi;
transport vositasini texnik koʻrikdan oʻtkazish natijalarini rasmiylashtirish uchun xona;
sanitariya-gigiyena xonalari.
15. Ishlab chiqarish-texnika bazasining ishlab chiqarish xonalari quyidagilarni inobatga olgan holda rejalashtiriladi:
transport vositasining texnik holatini baholashdan oʻtkazish dasturi;
qoʻllaniladigan oʻlchash vositalari va sinov jihozlari;
transport vositasining texnik holatini baholash va natijalarini rasmiylashtirishning texnologik jarayoni;
yongʻin xavfsizligi va mehnatni muhofaza qilish talablari.
16. Ishlab chiqarish-texnika bazasi ishlab chiqarish xonasining oʻlchamlari mazkur Talablarga ilovaga muvofiq texnik koʻrik liniyalarining texnologik postlari soni va transport vositalarining gabarit oʻlchamlaridan kelib chiqqan holda aniqlanadi.
17. Ishlab chiqarish-texnika bazasi ishlab chiqarish xonasining rejasi ishlab chiqarish bino va inshootlarini texnologik loyihalashtirish qoidalari va normalari talablariga muvofiq boʻlishi kerak.
Ishlab chiqarish korpusi xonasining boʻrtib chiqqan qurilish konstruksiyalarigacha boʻlgan balandligi yengil avtomobillar uchun — 4,0 metrdan, yuk avtomobillari va avtobuslar uchun — 6,0 metrdan kam boʻlmasligi kerak.
Xonalarning poli tekis, neft mahsulotlari taʼsiriga chidamli boʻlishi kerak.
18. Xonada barcha texnologik jarayonlar sanitariya-gigiyena normalariga muvofiq holda xavfsiz va oqilona bajarilishi kerak.
19. Ishlab chiqarish xonalaridagi shovqin va vibratsiya darajasi sanitariya-gigiyena normalarida belgilangan hamda ruxsat etilgan koʻrsatkichlardan oshmasligi kerak.
20. Xona va ish joylarining tabiiy va sunʼiy yoritilishi ishlarning xavfsiz bajarilishi, odamlar uchun xavfsiz boʻlishi va ularning harakatlanishini taʼminlash uchun yetarli va quyidagi talablarga muvofiq boʻlishi kerak:
ish joylarida xonaning poli sathida — kamida 200 lk;
ishchi xonalarda (kabinetlarda) poldan 0,8 metr balandlikdagi sathda — kamida 200 lk;
koʻrikdan oʻtkazish xandagʻida transport vositalarining tag qismi sathida — kamida 150 lk;
avariya holatlarida yoritish ish yuzasini umumiy yoritish uchun belgilangan normalarning 5 foizidan kam boʻlmasligi, lekin kamida 2 lk boʻlishi kerak.
21. Transport vositalarini texnik koʻrikdan oʻtkazish uchun moʻljallangan xonalardagi havo harorati oʻtkaziladigan sinov metodlariga doir normativ hujjatlar talablariga muvofiq boʻlishi kerak. Ishlab chiqarish-texnika bazasi binolaridagi havo harorati yilning sovuq davrida — 15 °C dan 25 °C gacha, issiq davrida — 22 °C dan 30 °C gacha oraliqda boʻlishi kerak.
22. Transport vositalarining korxona hududida harakatlanish tezligi ochiq yoʻllarda — 10 km/s dan, xona ichida — 5 km/s dan ortiq boʻlmasligi kerak.
23. Ishlab chiqarish-texnika bazasining ishlab chiqarish xonasiga kirish joyi peshlavha bilan belgilanadi va sutkaning qorongʻi paytida yoritiladi. Ishlab chiqarish xonasiga kirish (chiqish) yoʻli ishlab chiqarish xonasidan boshqariladigan yorugʻlik (masalan, svetofor) signalizatsiyasi bilan jihozlanadi.
Kirish darvozasi ustida 3.13 “Cheklangan balandlik”, 3.14 “Cheklangan kenglik” va 3.24 “Yuqori tezlik cheklangan (5 km/s)” yoʻl belgilari joylashtiriladi.
24. Ishlab chiqarish-texnika bazasi xonasining mijozlar uchun qulay boʻlgan joyida quyidagi maʼlumotlar aks ettirilgan axborot stendi yoki boshqa maxsus qurilma oʻrnatiladi:
ishlab chiqarish-texnika bazasining tegishliligi, joylashgan yeri, ish tartibi va rejimi, aloqa telefonlari;
Oʻzbekiston Respublikasi Ichki ishlar vazirligining Call-markazi telefoni va hududiy YHXBning ishonch telefoni raqamlari, taklif va eʼtirozlar kitobi saqlanadigan joy va uni yuritish (saqlash) uchun masʼul boʻlgan shaxsning familiyasi, ismi, otasining ismi;
transport vositalarini texnik koʻrikdan oʻtkazish tartibi, tekshiriladigan (baholanadigan) parametrlar va normativlar, majburiy texnik koʻrikdan oʻtkazishning davriyligi va texnik holatni baholash natijalari toʻgʻrisidagi hujjatni berish tartibi;
transport vositasini texnik koʻrikdan oʻtkazish uchun qonunchilik hujjatlariga muvofiq koʻrsatilishi zarur boʻlgan hujjatlar, majburiy texnik koʻrikdan oʻtkazish uchun toʻlov miqdori, zarur jarayonlarni amalga oshirish muddati va boshqa maʼlumotlar.
25. Ishlab chiqarish xonasi elektr xavfsizligi talablarini belgilovchi normativ-huquqiy hujjatlar talablariga muvofiq elektr taʼminoti (yoritish) uchun elektr tarmoqlari, shuningdek, quvvat berish kabellari (diagnostika jihozlarining elektr energiyasi taʼminoti uchun) va taqsimlagich elektroshitlar bilan jihozlanadi.
26. Ishlab chiqarish-texnika bazasining ishlab chiqarish xonasida ikkitadan kam boʻlmagan evakuatsiya chiqish joylari mavjud boʻlishi nazarda tutiladi. Evakuatsiya chiqish joylarining eshiklari xonadan tashqari tomonga ochiladigan, oʻtish yoʻlagining kengligi 1 metrdan kam boʻlmasligi kerak.
27. Ishlab chiqarish-texnika bazasining yongʻindan himoyasi, yongʻinning oldini olish tizimi va yongʻin xavfsizligi hamda portlash xavfsizligini taʼminlash boʻyicha tashkiliy-texnik tadbirlar qonunchilik hujjatlarida belgilangan talablarga muvofiq boʻlishi kerak.
28. Transport vositalari egalarini qabul qilish va ularga xizmat koʻrsatish xonasi (binosi) hamda transport vositasining texnik holatini baholash natijalari haqidagi hujjatni rasmiylashtirish uchun xona ishlab chiqarish-texnika bazasining ishlab chiqarish xonasida yoki unga bevosita yaqin joyda boʻlishi kerak. Ushbu xonalarga kirish joyi tegishli koʻrsatkichlar bilan belgilab qoʻyiladi.
29. Transport vositalarining egalarini qabul qilish va ularga xizmat koʻrsatish xonalarining oʻlchamlarini aniqlashda, ularda ishlab chiqarish-texnika bazasining xodimi tomonidan hujjatlarni rasmiylashtirish uchun ish joylari hamda transport vositalarini egalarining kutib turish joylari inobatga oliinishi kerak.
Transport vositalari egalarining kutib turish joylari soni har bir texnik koʻrik liniyasiga beshtadan kam boʻlmasligi kerak.
30. Ishlab chiqarish-texnika bazasi ishlab chiqarish xonasining sanitariya-gigiyena normalari va qoidalariga muvofiqligi vakolatli sanitariya-epidemiologiya nazorat organining tegishli xulosasi bilan tasdiqlanadi.
4-§. Ishlab chiqarish-texnika bazasining ishlab chiqarish xonasini texnologik rejalashtirishga doir talablar
31. Ishlab chiqarish-texnika bazasining diagnostika jihozlari texnologik loyihalashga doir talablar va normalarga amal qilgan holda oʻrnatilishi kerak.
32. Transport vositalarini texnik koʻrikdan oʻtkazish dvigatel ishlab turgan paytda bajariladigan postlar (ishlab chiqarilgan gazlardagi tutun va zaharli gaz miqdorini, shovqin darajasini, tormozlanish samaradorligi koʻrsatkichlarini tekshirish va boshqalar) transport vositasidan gazlarni chiqarish quvuri (quvurlari)dan chiqayotgan ishlab chiqarilgan gazlarni tashqariga olib chiqish tizimi bilan jihozlanadi.
33. Ishlab chiqarish-texnika bazasining ishlab chiqarish xonasiga transport vositalarining kirishi (chiqishi) uchun har bir texnik koʻrik liniyasida:
universal liniyalar uchun — kengligi 3,0 metrdan va balandligi 4,3 metrdan kam boʻlmagan;
M1 va N1 toifadagi transport vositalarini tekshirish boʻyicha liniyalar uchun — kengligi 2,5 metrdan va balandligi 2,3 metrdan kam boʻlmagan oʻlchamli kirish (chiqish) darvozalari quriladi.
34. Texnik koʻrik liniyalarida transport vositalarini texnik koʻrikdan oʻtkazish xandagʻidan foydalangan holda bajariladi. Bunda:
ishlab chiqarish xonasidagi koʻrikdan oʻtkazish xandaqlari soni texnik koʻrikdan oʻtkazish liniyalari soniga muvofiq boʻlishi;
koʻrikdan oʻtkazish xandagʻining uzunligi mazkur liniyada tekshirilishi rejalashtirilayotgan transport vositasining maksimal uzunligini va undan chiqib ketish uchun zaxira yoʻlning mavjudligini hisobga olgan holda aniqlanishi;
koʻrikdan oʻtkazish xandagʻining kengligi 0,9 metrdan, chuqurligi 1,6 metrdan kam boʻlmasligi kerak. Maksimal kengligi mazkur liniyada tekshirilishi rejalashtirilayotgan minimal koleyali transport vositasining xandaqdan oʻtish imkoniyatini hisobga olgan holda aniqlanishi;
koʻrikdan oʻtkazish xandaqlari tutunni tortib olish ventilyatsiyasi bilan jihozlanishi kerak.
5-§. Yakunlovchi qoidalar
35. Transport vositalarining texnik holatini baholashning texnologik jarayoni texnik koʻrik liniyasining rejalashtiriladigan yechimlarini, tekshiriladigan transport vositalarining toifasini, bajariladigan ishlarning murakkabligini, qoʻllanadigan jihozlar, oʻlchov vositalari va anjomlarni hisobga olgan holda ishlab chiqiladi.
36. Transport vositalarining texnik holatini baholash boʻyicha ishlarni bajarishda texnika xavfsizligi va mehnat muhofazasi sohasidagi normativ-huquqiy hujjatlar talablariga amal qilish majburiy hisoblanadi.
37. Texnologik postlarda diagnostika parametrlari, texnika xavfsizligi qoidalari va ishlarning xavfsiz usullari boʻyicha amalda boʻlgan tavsiyalar koʻrsatilgan texnologik xaritalar joylashtiriladi.
38. Ishlab chiqarish-texnika bazasida texnik holati baholanadigan toifaga mansub transport vositalaridan foydalanish boʻyicha normativ-huquqiy hujjatlar, texnik tartibga solish sohasidagi normativ hujjatlar, qoʻllanmalar (yoʻriqnomalar), avtomobil maʼlumotnomalari va boshqa zarur maʼlumotnomalar mavjud boʻlishi kerak.
39. Ishlab chiqarish-texnika bazasida birinchi tibbiy yordam koʻrsatish uchun zarur boʻladigan tibbiyot dori vositalari va anjomlari bilan jamlangan tibbiyot qutichasi boʻlishi kerak.
Transport vositalarini texnik koʻrikdan oʻtkazish uchun moʻljallangan ishlab chiqarish-texnika bazasi joylashtiriladigan xona va maydonlarga doir talablarga ILOVA
Transport vositalarini texnik koʻrikdan oʻtkazish uchun texnik koʻrik liniyalarining
T/r Texnik holati baholanadigan transport vositalarining toifalari Texnologik postlar soni 1 2 3 Texnik koʻrik liniyasining uzunligi, metrdan kam emas 1. M1, M2, N1, O1 12 18 24 2. M1, M2, M3, N1, N2, N3, O1 18 30 42 3. M1, M2, M3, N1, N2, N3, O1, O2 21 36 51 4. M1, M2, M3, N1, N2, N3, O1, O2, O3 24 42 60 5. M1, M2, M3, N1, N2, N3, O1, O2, O3, O4 27 45 66
Transport vositalarini majburiy texnik koʻrikdan oʻtkazish tartibi toʻgʻrisidagi nizomga 2-ILOVA
Transport vositalari guruhini majburiy texnik koʻrikdan oʻtkazish DALOLATNOMASI Tuzilgan sanasi: 20___ yil “___”_____________ 20___ yil “___”____________dan 20___ yil “___”____________gacha ______________________ (yuridik shaxsning nomi) _______________________________________ga tegishli boʻlgan transport vositalari guruhi texnik koʻrikdan oʻtkazildi. T/r Transport vositasining turi Davlat roʻyxatidan oʻtkazish raqami Rusumi Ishlab chiqarilgan yili Agregatlar raqami Texnik holati, nosoz transport vositasining roʻyxatdan oʻtkazish guvohnomasi olib qoʻyilganligi va davlat roʻyxatidan oʻtkazish raqami belgilari yechib olinganligi toʻgʻrisidagi belgi Izoh: benzin, dizel yonilgʻisi, siqilgan tabiiy gazda yoki suyultirilgan neft gazida ishlaydi dvigatel kuzov shassi (rama ) 1 2 3 4 5 6 7 8 9 10 1. 2. 3. Yuridik shaxs hisobidagi (balansidagi) transport vositalari sonini tasdiqlaymiz: Roʻyxatda koʻrsatilgan transport vositalari YHXB RIB (TRIB, RIP) hisobga olish maʼlumotlari bilan taqqoslangan Tashkilot rahbari:____________________________ ___________________________________________ RIB (TRIB, RIP) xodimi___________________________ _______________________________________________ (imzo, F.I.O) (lavozimi, DYHXX organi nomi, unvoni, F.I.O) Bosh buxgalter (buxgalter yoki hisobni yurituvchi shaxs) ___________________________________________ ___________________________________________ ___________________________________________ m.oʻ. (imzo, F.I.O) m.oʻ. Tashkilot hisobida hammasi boʻlib ___ avtomobil, ___ tirkama, yarim tirkama va ___ mototransport vositalari mavjud, ulardan ___ avtomobil, ___ tirkama, ___ yarim tirkama va ____ mototransport vositalari texnik koʻrikka qoʻyilgan. ___ avtomobil, ___ mototransport vositasi, ___ tirkama, yarim tirkama mukammal taʼmirlashdaligi va ___ avtomobil, ___ mototransport vositasi, ___ tirkama va yarim tirkama xizmat safaridaligi tufayli ___ avtomobil, ___ mototransport vositalari, ___ tirkama, yarim tirkama texnik koʻrikdan oʻtmadi. Tekshirilgan avtomobillardan ___ avtomobil, ___ mototransport vositalari, ___ tirkama, yarim tirkama texnik jihatdan nosoz deb topildi. Shu jumladan: __ ta transport vositasining tormoz tizimida; __ ta transport vositasining rul boshqaruvida; __ ta transport vositasining tashqi yoritish priborlarida nosozlik mavjudligi; __ ta transport vositasida foydalanish uchun yaroqsiz avtoshinalar mavjudligi; __ ta transport vositasidan chiqqan gazda zararli moddalar mavjudligi va ularning tutunliligi belgilangan normalardan ortiqligi aniqlandi. Hisobdagi avtomobillardan ___ tasi benzin yonilgʻisi bilan, __ tasi dizel yonilgʻisi, ___ta suyultirilgan gaz, __ tasi siqilgan gazda ishlaydi. Benzinda ishlaydigan tekshirilgan __ ta avtomobildan ___tasi, dizel yonilgʻisida ishlaydigan ___tasidan ___tasi, siqilgan tabiiy gazda ishlaydigan ___tasidan ___tasi va suyultirilgan neft gazida ishlaydigan __tasidan __ tasi nosoz deb topildi. ____________________________________________________________________________________________ (lavozimi, DYHXX organining nomi, unvoni, F.I.O. imzo) ____________________________________________________________________________________________ Dalolatnoma nusxasini oldim: Yuridik shaxs rahbari _________________________________________________________________________ (F.I.O. imzo)
Transport vositalarini majburiy texnik koʻrikdan oʻtkazish tartibi toʻgʻrisidagi nizomga 3-ILOVA
Alohida transport vositasini texnik koʻrikdan oʻtkazish DALOLATNOMASI Tuzilgan sanasi 20 ___ yil “___” _____________ ____________________________________________________________________________________________ (DYHXX organining nomi, ________________________________________________________________ tomonidan texnik koʻrik oʻtkazildi mansabdor shaxsning lavozimi, unvoni, F.I.O) 1. Transport vositasining markasi, modeli _________ _____________________________________________ 6. Shassi (rama) raqami __________________________ 2. Turi ______________________________________ 7. Dvigatel raqami_____________________________ 3. Rangi ______________________________________ 8. Kuzov raqami ________________________________ 4. Ishlab chiqarilgan yili _______________________ 9. Roʻyxatdan oʻtkazish toʻgʻrisidagi guvohnoma (texnik pasport) seriyasi, raqami ________________________ 5. Davlat roʻyxatidan oʻtkazish raqami ______________ ____________________________________________ 10. Transport vositasi ________________________________________________________________________ (yuridik shaxsning toʻliq nomi, ___________________________________________________________________________________ga tegishli yakka tartibdagi transport vositasi egasining F.I.O) 11. Joylashgan joyi (turar joyi)_______________________________________________________________ 12. Quyidagi texnik nosozliklar aniqlandi: _______________________________________________________ ___________________________________________________________________________________________ ___________________________________________________________________________________________ ___________________________________________________________________________________________ 13. Avtomashinaning holati ____________________________________________________________________ 14. Radiotoʻsiqlarni yoʻqotish moslamalarining mavjudligi __________________________________________ 15. Spidometrning holati ______________________________________________________________________ 16. Texnik holati toʻgʻrisida xulosa _______________________________________________________________ (texnik jihatdan soz, nosoz) DYHXX xodimi ______________________________________________________________________________ (imzo, F.I.O) Dalolatnoma nusxasini oldim __________________________________________________________________ (imzo F.I.O)
Transport vositalarini majburiy texnik koʻrikdan oʻtkazish tartibi toʻgʻrisidagi nizomga 4-ILOVA
Gaz yonilgʻisida ishlash uchun qayta jihozlangan alohida transport vositasini texnik koʻrikdan oʻtkazish DALOLATNOMASI Tuzilgan sanasi 20 ___ yil “___” _____________ ___________________________________________________________________________________________ ___________________________________________________________________________________________ (DYHXX, mansabdor shaxsning lavozimi, unvoni, F.I.O) tomonidan texnik koʻrik oʻtkazildi 1. Transport vositasining markasi, modeli_________ 6. Shassi (rama) raqami _________________________ 2. Turi ______________________________________ 7. Dvigatel raqami ____________________________ 3. Rangi ______________________________________ 8. Kuzov raqami _______________________________ 4. Ishlab chiqarilgan yili _______________________ 9. Roʻyxatdan oʻtkazish toʻgʻrisidagi guvohnoma (texnik pasport)ning seriyasi va raqami) _________________ 5. Davlat roʻyxatidan oʻtkazish raqami belgisi ________ 9a. Gaz yonilgʻisi turi ___________________________ 9v. Gaz balloni raqami _________________________ (suyultirilgan gaz, siqilgan gaz) 9b. Gaz balloni ishlab chiqarilgan yil _____________ 9d. Gaz balloni sinovdan oʻtkazilgan sana __________ ____________________________________________ 9g. Gaz ballonidan foydalanish muddati ___________ 9e. Gaz ballonini navbatdagi sinovdan oʻtkazish sanasi ______________________________________________ 10. Transport vositasining tegishliligi _________________________________________________________ ___________________________________________________________________________________________ (yuridik shaxsning toʻliq nomi, yakka tartibda egalik qiluvchining F.I.O) 11. Joylashgan joyi (turar joyi)_______________________________________________________________ 12. Quyidagi texnik nosozliklar aniqlandi: _______________________________________________________ ___________________________________________________________________________________________ ___________________________________________________________________________________________ 13. Avtomashinaning holati ____________________________________________________________________ 14. Radiotoʻsiqlarni bartaraf etish uchun moslama mavjudligi________________________________________ 15. Spidometrning holati ______________________________________________________________________ 16. Texnik holati toʻgʻrisida xulosa _______________________________________________________________ (texniksoz,texnik nosoz) DYHXX xodimi ______________________________________________________________________________ (imzo, F.I.O) Dalolatnoma nusxasini oldim __________________________________________________________________ (imzo F.I.O)
Transport vositalarini majburiy texnik koʻrikdan oʻtkazish tartibi toʻgʻrisidagi nizomga 5-ILOVA
Texnik koʻrikdan oʻtganligi toʻgʻrisidagi talon
Transport vositalarini majburiy texnik koʻrikdan oʻtkazish tartibi toʻgʻrisidagi nizomga 6-ILOVA
Transport vositasining texnik koʻrikdan oʻtkazilganligi toʻgʻrisidagi muhr
Muhr 50x8 mm. oʻlchamga ega boʻlib, unga quyidagilar kiritiladi:
muhrning 12x8 mm. oʻlchamli chap tomonidagi toʻrt burchakning yuqori qismida hududning kodi (01, 10, 20 va h.k), pastki qismida muhr raqami kiritiladi;
muhrning 13x8 mm. oʻlchamli oʻrtadagi toʻrt burchagida “SOZ” soʻzi yoziladi;
muhrning 25x8 mm. oʻlchamli oʻng tomonidagi burchakda navbatdagi texnik koʻrik oʻtkazish sanasi koʻrsatiladi.
Vazirlar Mahkamasining 2021-yil 9-martdagi 125-son qaroriga 2-ILOVA
Oʻzbekiston Respublikasi Hukumatining oʻz kuchini yoʻqotgan deb eʼtirof etilayotgan baʼzi qarorlari
1. Vazirlar Mahkamasining “Transport vositalarini majburiy texnik koʻrikdan oʻtkazish tartibi toʻgʻrisidagi nizomni tasdiqlash haqida” 2003-yil 31-yanvardagi 54-son qarori (Oʻzbekiston Respublikasi QT, 2003-y., 1-son, 12-modda).
2. Vazirlar Mahkamasining “Oʻzbekiston Respublikasi Hukumatining ayrim qarorlariga oʻzgartirish va qoʻshimchalar kiritish toʻgʻrisida” 2004-yil 29-apreldagi 203-son qaroriga (Oʻzbekiston Respublikasi QT, 2004-y., 4-son, 43-modda) ilovaning 7-bandi .
3. Vazirlar Mahkamasining “Oʻzbekiston Respublikasi Hukumatining ayrim qarorlariga oʻzgartirishlar kiritish hamda baʼzilarini oʻz kuchini yoʻqotgan deb hisoblash toʻgʻrisida” 2004-yil 26-iyuldagi 359-son qaroriga (Oʻzbekiston Respublikasi QT, 2004-y., 7-son, 74-modda) ilovaning 9-bandi .
4. Vazirlar Mahkamasining “Transport vositalarini majburiy texnik koʻrikdan oʻtkazish tartibi toʻgʻrisidagi nizomga oʻzgartirish va qoʻshimchalar kiritish haqida” 2012-yil 24-fevraldagi 49-son qarori .
5. Vazirlar Mahkamasining “Oʻzbekiston Respublikasi Hukumatining ayrim qarorlariga oʻzgartirish va qoʻshimchalar kiritish, shuningdek baʼzilarini oʻz kuchini yoʻqotgan deb hisoblash toʻgʻrisida” 2012-yil 1-noyabrdagi 313-son qaroriga (Oʻzbekiston Respublikasi QT, 2012-y., 11-son, 79-modda) 1-ilovaning 31-bandi .
6. Vazirlar Mahkamasining “Oʻzbekiston Respublikasi Hukumatining ayrim qarorlariga oʻzgartirish va qoʻshimchalar kiritish hamda baʼzilarini oʻz kuchini yoʻqotgan deb hisoblash toʻgʻrisida” 2014-yil 3-martdagi 45-son qaroriga (Oʻzbekiston Respublikasi QT, 2014-y., 3-son, 16-modda)” 1-ilovaning 11-bandi .
7. Vazirlar Mahkamasining “Oʻzbekiston Respublikasi Hukumatining ayrim qarorlariga oʻzgartirishlar kiritish toʻgʻrisida” 2014-yil 11-sentabrdagi 259-son qaroriga ilovaning 3-bandi .
9. Vazirlar Mahkamasining “Innovatsion oʻqitish uslublarini joriy etish yoʻli bilan haydovchilarni tayyorlash va qayta tayyorlash, shuningdek ularning malakasini oshirish tizimini yanada takomillashtirish toʻgʻrisida” 2017-yil 4-sentabrdagi 693-son qaroriga (Oʻzbekiston Respublikasi QHT, 2017-y., 36-son, 958-modda) 2-ilovaning 1 va 2-bandlari .
10. Vazirlar Mahkamasining “Oʻzbekiston Respublikasi Hukumatining ayrim qarorlariga oʻzgartirish va qoʻshimchalar kiritish toʻgʻrisida” 2017-yil 20-dekabrdagi 1001-son qaroriga (Oʻzbekiston Respublikasi QT, 2017-y., 12-son, 292-modda) ilovaning 12 , 15 va 40-bandlari .
11. Vazirlar Mahkamasining “Transport vositalarini majburiy texnik koʻrikdan oʻtkazish tartibini takomillashtirishga doir qoʻshimcha chora-tadbirlar toʻgʻrisida” 2017-yil 22-dekabrdagi 1010-son qarori (Oʻzbekiston Respublikasi QT, 2017-y., 12-son, 298-modda).
12. Vazirlar Mahkamasining “Avtomototransport vositalari haydovchilarini tayyorlash, qayta tayyorlash va ularning malakasini oshirish tizimini takomillashtirish chora-tadbirlari toʻgʻrisida” 2018-yil 23-fevraldagi 139-son qaroriga (Oʻzbekiston Respublikasi QT, 2018-y., 2-son, 47-modda) 2-ilovaning 1 va 3-bandlari .
13. Vazirlar Mahkamasining “Oʻzbekiston Respublikasi Hukumatining ayrim qarorlariga oʻzgartirishlar kiritish toʻgʻrisida” 2018-yil 29-maydagi 396-son qaroriga ilovaning 22-bandi .
14. Vazirlar Mahkamasining “Oʻzbekiston Respublikasi Hukumatining ayrim qarorlariga oʻzgartirish va qoʻshimchalar kiritish toʻgʻrisida” 2018-yil 20-sentabrdagi 748-son qaroriga (Oʻzbekiston Respublikasi QT, 2018-y., 9-son, 230-modda) ilovaning 10 va 48-bandlari .
15. Vazirlar Mahkamasining “Transport vositalarini majburiy texnik koʻrikdan oʻtkazish tartibining takomillashtirilishi munosabati bilan Oʻzbekiston Respublikasi Hukumatining ayrim qarorlariga oʻzgartirish va qoʻshimchalar kiritish toʻgʻrisida” 2019-yil 15-fevraldagi 136-son qarori .
16. Vazirlar Mahkamasining “Oʻzbekiston Respublikasi Hukumatining ayrim qarorlariga oʻzgartirish va qoʻshimchalar kiritish toʻgʻrisida” 2019-yil 10-avgustdagi 661-son qaroriga (Oʻzbekiston Respublikasi QT, 8-son, 179-modda) ilovaning 3 va 16-bandlari .
17. Vazirlar Mahkamasining “Oʻzbekiston Respublikasi Hukumatining ayrim qarorlariga oʻzgartirish va qoʻshimchalar kiritish, shuningdek, baʼzilarini oʻz kuchini yoʻqotgan deb hisoblash toʻgʻrisida” 2020-yil 8-maydagi 271-son qaroriga 1-ilovaning 8-bandi .
19. Vazirlar Mahkamasining “Oʻzbekiston Respublikasida chet el fuqarolari va fuqaroligi boʻlmagan shaxslarni roʻyxatga olish tartibini soddalashtirish chora-tadbirlari toʻgʻrisida” 2020-yil 28-sentabrdagi 593-son qaroriga 4-ilovaning 6-bandi .
Oʻzbekiston Respublikasining Bosh vaziri A. ARIPOV
Toshkent sh.,
2021-yil 9-mart,
125-son