📅 2021-yil 11-mart · Prezident qarorlari
Rasmiy matn. Rasmiy hujjat. Tahririy izohlar kiritilmagan.
UzbekAI
📅 2021 йил 11 март · Президент қарорлари
Расмий матн. Расмий ҳужжат. Таҳририй изоҳлар киритилмаган.
📅 11 марта 2021 г. · Постановления Президента
Официальный текст. Официальный документ. Редакционные примечания не включены.
📅 11 March 2021 · Presidential resolutions
Official text. Official document. Editorial notes are not included.
Ўзбекистон Республикаси Президентининг
Қарори
Йилқичилик ва от спортини янада ривожлантириш ҳамда замонавий бешкураш ва поло спорт турини оммалаштириш бўйича қўшимча чора-тадбирлар тўғрисида
Мамлакатимизда йилқичилик, наслчилик ва от спортини ривожлантириш, маҳаллий зотдор отларни кўпайтириш, замонавий бешкураш ва поло спорт турини оммалаштириш, соҳага тўғридан-тўғри хорижий инвестицияларни кенг жалб этиш, шунингдек, моддий-техник базасини мустаҳкамлаш мақсадида:
1. Қуйидагилар Ўзбекистонда йилқичилик ва от спортини (кейинги ўринларда — от спорти) ҳамда замонавий бешкураш ва поло спорт турларини янада ривожлантиришнинг асосий йўналишлари этиб белгилансин:
мамлакатда от спортини ҳамда замонавий бешкураш ва поло спорт турларини аҳоли ўртасида энг оммавий спорт турларидан бирига айлантириш, иқтидорли ёшларни танлаш, саралаб олиш (селекция) ва уларни профессионал спортчилар сифатида тайёрлаш тизимини йўлга қўйиш;
от спорти ҳамда замонавий бешкураш ва поло спорт турлари бўйича профессионал тренерлар, ҳакамларни тайёрлаш, ўқув-услубий қўлланмалар ишлаб чиқиш, от спортининг илмий-методологик базасини янада кучайтириш;
от спорти ҳамда замонавий бешкураш ва поло спорт турлари билан шуғулланиш учун зарур моддий-техник база ва инфратузилмани шакллантириш, шу жумладан от спорти клублари фаолиятини ривожлантириш, терма жамоалар учун ўқув-машқ жараёнини самарали ташкил этиш;
Қуролли Кучлар ва ҳуқуқни муҳофаза қилувчи органларнинг жисмоний тайёргарлик машғулотларига босқичма-босқич от спорти ҳамда замонавий бешкураш ва поло спорт турларини киритиш;
от спорти ҳамда замонавий бешкураш ва поло спорт турларини ривожланган мамлакатлар билан рақобат қила оладиган даражага етказиш, халқаро талаб ва стандартлар асосида мутахассисларни тайёрлаш, йирик халқаро мусобақалар, жумладан ўсмирлар, ёшлар ва хотин-қизлар жамоалари ўртасида жаҳон ва қитъа биринчиликларини ўтказиш;
от спорти ҳамда замонавий бешкураш ва поло спорт турларини аҳоли ўртасида, шу жумладан оммавий ахборот воситалари орқали кенг тарғиб қилиш.
2. Бош вазирнинг ўринбосари А.А. Абдуҳакимов Қишлоқ хўжалиги вазирлиги, Ветеринария ва чорвачиликни ривожлантириш давлат қўмитаси, Ўзбекистон Миллий олимпия қўмитаси, Ўзбекистон йилқичилик ва от спорти федерацияси, Ўзбекистон замонавий бешкураш федерацияси, Ўзбекистон поло федерацияси ҳамда бошқа манфаатдор ташкилотлар билан биргаликда 2021 йил 1 июнга қадар мазкур қарорда белгилаб берилган устувор вазифалардан келиб чиқиб, соҳада катта тажрибага эга бўлган маҳаллий ва хорижий мутахассислар ҳамда ташкилотларни жалб этган ҳолда, Ўзбекистон Республикаси Президентининг Ўзбекистонда йилқичилик, от спорти, замонавий бешкураш ва поло спорт турини 2025 йилгача ривожлантириш давлат дастурини мақсадли кўрсаткичлар (индикаторлар) ҳамда уни амалга оширишга доир йиллар бўйича «Йўл харитаси» билан биргаликда тасдиқлашни назарда тутувчи қарори лойиҳасини белгиланган тартибда Вазирлар Маҳкамасига киритсин.
3. Вазирлар Маҳкамаси, Қишлоқ хўжалиги вазирлиги, Молия вазирлиги, Ўзбекистон Миллий олимпия қўмитаси, Қашқадарё вилояти ҳокимлиги ва Ўзбекистон йилқичилик ва от спорти федерациясининг:
Қашқадарё, Сурхондарё, Тошкент, Фарғона вилоятлари ва Тошкент шаҳрида от спортини ривожлантириш, наслли ва зотдор отларни кўпайтириш, шунингдек, маҳаллий ва хорижий туристларнинг дам олишини ташкил қилиш учун зарур инфратузилма объектларидан (ипподром, стадион, сузиш ҳавзаси, меҳмонхона, даволаш-соғломлаштириш мажмуаси, кафе, ветеринария дорихонаси, ўқув маркази, спорт ва зотдор отлар учун ветеринария клиникаси) иборат кўп тармоқли спорт мажмуаларини давлат-хусусий шериклик асосида барпо этиш;
Қашқадарё вилоятини республикада от спортини ривожлантириш бўйича етакчи ҳудуд сифатида белгилаш;
соф зотдор отларни урчитиш ва кўпайтириш, ёш отлар ривожланиши ва ўсишини, яйлов ва ем-озуқа базасини мустаҳкамлаш, йилқичилик фермаларида қимиз ишлаб чиқаришни, интенсив от бўрдоқичилигини ташкил этиш ва отлардан олинган маҳсулотлар турларини кенгайтириш учун белгиланган тартибда ер майдонлари ажратиш;
от спортига ихтисослаштирилган болалар ва ўсмирлар ҳамда республика олий спорт маҳорати мактабларида ноёб зотдор спорт отларини кўпайтириш учун Давлат бюджетидан уч йил давомида 5 миллиард сўмгача маблағ ажратиш ва устувор равишда республика от заводларида кўпайтирилган ноёб зотдор спорт отлари ҳисобидан таъминлашни йўлга қўйиш;
ҳар бир олимпия захиралари коллежида 2021 — 2025 йиллар давомида от спорти бўлимларини ташкил этиш тўғрисидаги таклифлари қабул қилинсин.
4. Қуйидагиларни назарда тутувчи от спорти бўйича спорт мусобақаларини ўтказишнинг уч босқичли тизими жорий этилсин:
биринчи босқичда — от спорт клублари, от спорти мактаблари, секциялар жамоалари ўртасидаги мусобақалар (туман/шаҳар босқичи);
иккинчи босқичда — туман (шаҳар) спорт мусобақаларида ғолиб чиққанлар, жамоалар ўртасидаги мусобақалар (вилоят босқичи);
учинчи босқичда — ҳудудларда ташкил этилган спорт мусобақаларида ғолиб чиққанлар, жамоалар ўртасидаги мусобақалар (республика чемпионати, биринчилиги, кубоги) (республика босқичи).
6. Қорақалпоғистон Республикаси Вазирлар Кенгаши раиси, вилоятлар ва Тошкент шаҳар ҳокимлари зиммасига қуйидаги вазифаларни ҳал этиш юклансин:
ҳудудий йилқичилик ва от спорти федерацияларининг молиявий ва моддий-техник базасини мустаҳкамлашга кўмаклашиш;
тегишли ҳудудларнинг раҳбар кадрлари орасидан номзодларни ҳудудий от спорти ва йилқичилик федерациялари раиси лавозимига тавсия этиш;
тегишли ҳудудда от спортининг ривожланиши учун зарур шарт-шароитлар яратилишини таъминлаш, давлат-хусусий шериклик асосида камида битта от спорти клубини ташкил этиш, от спорти машғулотларини ўтказиш учун от спортига ихтисослаштирилган болалар ва ўсмирлар спорт мактаби базасида ипподром, шунингдек, тегишли ҳудудий от спорти ва йилқичилик федерацияларини жойлаштириш учун бинолар ажратиш;
7. Ветеринария ва чорвачиликни ривожлантириш давлат қўмитаси ҳамда Ўзбекистон йилқичилик ва от спорти федерациясининг Ўзбекистон Республикаси Президентининг «Ўзбекистон Республикасида йилқичилик ва от спортини янада ривожлантириш чора-тадбирлари тўғрисида»ги 2019 йил 18 февралдаги ПҚ-4194-сон қарорига мувофиқ ташкил этилиши белгиланган Қорабайир зотли отларни етиштириш ва кўпайтириш бўйича инновацион селекция-генетика маркази негизида Ўзбекистон йилқичилик ва от спорти федерацияси ҳузурида «Oʻzbegim Otlari» МЧЖ билан ҳамкорликда давлат-хусусий шериклик асосида, юридик шахс мақомига эга бўлган, Наслли, спорт ва тозақонли отларни етиштириш ва кўпайтириш бўйича инновацион селекция-генетика марказини (кейинги ўринларда — Марказ) ташкил этиш тўғрисидаги таклифи маъқуллансин.
8. Ветеринария ва чорвачиликни ривожлантириш давлат қўмитаси Тошкент вилояти ҳокимлиги, Ўзбекистон йилқичилик ва от спорти федерацияси ҳамда «Oʻzbegim Otlari» МЧЖ билан биргаликда:
икки ой муддатда Марказ фаолиятини ташкил этиш ва унинг уставини белгиланган тартибда давлат рўйхатидан ўтказиш;
олти ой муддатда Марказнинг бино ва иншоотларини қуриб битказиш ҳамда 2022 йил 1 январдан тўлақонли фаолиятини бошлаш чораларини кўрсин.
Молия вазирлиги Ветеринария ва чорвачиликни ривожлантириш давлат қўмитаси билан биргаликда бир ой муддатда Марказ фаолиятини ташкил этиш билан боғлиқ харажатларни молиялаштириш юзасидан Вазирлар Маҳкамасига асосланган таклиф киритсин.
9. Белгилансинки, 2021 йил 1 апрелдан бошлаб от спортини ривожлантиришда катта аҳамият касб этадиган «зоотехник», «ветеринар-шифокор», «фельдшер-ветеринар», «уста-чавондоз», «от парваришловчи», «тақачи» мутахассисликлари учун шифокор, ҳамшира, тренер ва спортчиларга тенглаштирилган даражада ойлик маошлар тўланади.
10. Инновацион ривожланиш вазирлиги 2021 йилдан бошлаб илмий-тадқиқот ишларига давлат буюртмаси талабларига мувофиқ мамлакатимизда зотдор отларни кўпайтириш ва наслчилик технологияларини яратиш билан боғлиқ муаммоларнинг илмий ечимига қаратилган лойиҳалар танловлар асосида молиялаштирилишини таъминласин.
11. Туризмни ривожлантириш давлат қўмитаси, Тошкент вилояти ҳокимлиги, Ўзбекистон Миллий олимпия қўмитаси, Ўзбекистон йилқичилик ва от спорти федерацияси, Ўзбекистон замонавий бешкураш федерацияси, Ўзбекистон поло федерациясининг «Universal Jumping Agro» МЧЖ (кейинги ўринларда — Инвестор) томонидан Тошкент вилояти, Қибрай тумани, «Мевазор» МФЙ ҳудудида замонавий кўп тармоқли спорт комплекси ҳамда маҳаллий ва хорижий туристларнинг дам олишини ташкил қилиш учун ёпиқ сузиш ҳавзаси, меҳмонхона, даволаш-соғломлаштириш муассасалари, савдо-кўнгилочар ва дам олиш инфратузилмалари, автотранспорт воситалари турар жойлари, ипподром, стадион, енгил атлетика билан шуғулланиш учун майдон ва бошқа объектларни (кейинги ўринларда — инвестиция лойиҳаси) 2021-2022 йилларда барпо этиш тўғрисидаги таклифига розилик берилсин.
12. Тошкент вилояти ҳокимлиги Давлат солиқ қўмитаси ҳузуридаги Кадастр агентлиги билан биргаликда ўн кун муддатда Тошкент вилояти, Қибрай тумани, «Мевазор» МФЙ ҳудудида жойлашган ва Инвесторга бириктириб берилган қишлоқ хўжалигига мўлжалланган ерлардан инвестиция лойиҳасини тўлиқ амалга ошириш учун Инвесторга доимий фойдаланиш ҳуқуқи асосида зарур ер майдонлари ажратилишини таъминласин.
13. Қуйидагилар инвестиция лойиҳасини амалга ошириш натижасида барпо этиладиган замонавий кўп тармоқли спорт мажмуасининг асосий фаолият йўналишлари эканлиги инобатга олинсин:
йилқичиликда наслчилик ишларини такомиллаштириш йўли билан ноёб зотли спорт отларини кўпайтириш;
ёш авлод чавандозларини тарбиялашга йўналтирилган от спорти мусобақаларини ташкил этиш ва ўтказиш ҳамда миллий от спортининг халқаро довруғини ошириш;
ёш спортчиларни жалб қилган ҳолда, миллий ва халқаро от спорт турларини ривожлантириш, спорт тадбирларини ташкил этиш ва ўтказиш, шунингдек, миллий ва халқаро даражада йилқилар кўргазмаларини ташкил этиш;
йилқичилик соҳасида кадрлар тайёрлаш ва уларнинг малакасини оширишда таълим муассасалари билан ҳамкорлик ўрнатиш;
замонавий бешкураш спортчиларининг маҳорат даражасини ошириш орқали уларнинг халқаро даражаларга кўтарилиши учун қулай шарт-шароитлар яратиш;
ўсмир болалар ва ёшларни замонавий бешкураш ва поло спорт тури билан мунтазам шуғулланишга жалб этиш, уларнинг ҳар томонлама жисмоний камол топишига ва соғлом турмуш тарзига йўналтиришга қаратилган жисмоний тарбия ва соғломлаштириш ишларини амалга ошириш;
замонавий бешкураш бўйича ҳакамларни тайёрлаш ва уларнинг малакасини оширишга кўмаклашиш.
14. Белгилансинки:
а) инвестиция лойиҳасини амалга оширишда Инвестор қуйидаги мажбуриятларни ўз зиммасига олади:
Инвестор фаолият турини ўн йил давомида сақлаб туриш шарти билан ажратилган ер майдонига камида 10 млн АҚШ доллари, шундан 7 млн АҚШ доллари миқдоридаги тўғридан-тўғри хорижий инвестицияларни жалб қилиш ҳисобидан камида 150 ўринли 3 юлдузли меҳмонхона, даволаш-соғломлаштириш муассасалари, спорт ва зотли отлар учун мўлжалланган ветеринария клиникаси, маиший хизмат кўрсатиш, автотранспорт воситалари турар жойлари, савдо-кўнгилочар ва бошқа дам олиш инфратузилма объектларини барпо этиш;
ишлаб чиқиладиган лойиҳа-смета ҳужжатлари асосида 2021-2022 йилларда белгиланган инвестиция маблағларини тўлиқ ўзлаштириш ва объектларни фойдаланишга топшириш;
камида 150 та янги иш ўринларини яратиш;
б) Инвестор 2022 — 2025 йиллар мобайнида Ёшлар сиёсати ва спорт вазирлиги ҳамда Ўзбекистон Миллий олимпия қўмитаси томонидан тақдим этиладиган рўйхатларга мувофиқ:
терма жамоалар спортчиларини от спорти ва бешкураш спорт турлари билан бепул шуғулланиши учун етарлича шарт-шароит яратади;
Вазирлар Маҳкамаси томонидан тасдиқланадиган рўйхатлар асосида республика ва халқаро даражадаги спорт тадбирларини ижара тўловларисиз ўтказади;
ҳар йили 25 нафар ёш спортчи (чавандоз)ларни бепул малакасини ошириши учун шароит яратади;
республикадаги кўп тармоқли от спорти мажмуаларида хорижий малакали мутахассисларни жалб қилган ҳолда бепул маслаҳатлар, ўқув-семинарлар, давра суҳбатлари ўтказиб борилишини таъминлайди;
в) «Universal Jumping Agro», «Oʻzbegim Otlari» ва «Oltin Taqa Qoʻshuv» МЧЖларининг йилқичилик ва от спорти мажмуалари кейинги уч йил давомида республикада наслли отларни кўпайтириш ва от спортини ривожлантириш бўйича ўқув-машғулот базалари функциясини бажаради;
г) Ўзбекистон йилқичилик ва от спорти федерацияси аъзоси ҳисобланган нодавлат от заводлари (мажмуалари), клублари, мактаблар (муассасалар) ҳар йили хориждан қуйидаги тақсимотга асосан наслли, спорт ва тозақонли отлар олиб келиш орқали доимий равишда зотдор отлар сонини кўпайтириш чораларини кўради. Бунда мавжуд от боши 50 тагача бўлса — 2 та от, 50 дан 100 тагача бўлса — 3 та от, 100 дан 400 тагача бўлса — 4 та от ва 400 дан кўп бўлса — 5 тага от кўпаяди;
д) истисно тариқасида, Инвестор томонидан амалга ошириладиган инвестиция лойиҳаси ҳамда Марказни ташкил этиш билан боғлиқ қишлоқ хўжалиги ва ўрмон хўжалиги ишлаб чиқариши нобудгарчиликлари учун тўловлар ундирилмайди;
е) 2025 йилнинг 1 январига қадар:
Ўзбекистон йилқичилик ва от спорти федерацияси ҳамда унинг аъзолари мол-мулк, ер солиғи ва қишлоқ хўжалиги ерлари учун ер солиғидан;
ипподромлар, от спорти клублари ва спорт мактабларининг моддий-техник базасини мустаҳкамлаш учун олиб келинадиган, республикамизда ишлаб чиқарилмайдиган инвентарлар, спорт отлари, наслли маҳсулотлар (материаллар), озуқалар, ветеринария дори воситалари ва озуқабоп қўшимчалар, витаминлар, ускуналар ва материаллар белгиланган тартибда шакллантириладиган рўйхатга мувофиқ божхона тўловларидан (қўшилган қиймат солиғи ва божхона йиғимидан ташқари) озод этилади.
15. Давлат хавфсизлик хизматининг Чегара қўшинлари, Миллий гвардия, Ички ишлар вазирлиги Ўзбекистон йилқичилик ва от спорти федерацияси билан ҳамкорликда бир ой муддатда 2021 — 2023 йилларда от спорти мактаблари ҳамда клубларини ташкил этиш ва ўзига тегишли бўлганларини такомиллаштириш чораларини кўриш, шунингдек, идоравий мансуб йилқичилик ва спорт базаларини уларда ёшларни от спорти билан шуғулланишга жалб этиш мақсадида барча учун очиқ бўлган секциялар ҳамда тўгаракларни ташкил этган ҳолда модернизация қилиш ишларини бошласин.
16. Тошкент шаҳар ҳокимлиги Иқтисодий тараққиёт ва камбағалликни қисқартириш вазирлиги, Молия вазирлиги, Давлат активларини бошқариш агентлиги ҳамда Ўзбекистон йилқичилик ва от спорти федерацияси билан биргаликда бир ой муддатда «Марказий ипподром» АЖда реконструкция ва таъмирлаш ишларини давом эттириш юзасидан аниқ ҳисоб-китобларга асосланган ва молиявий манбаси аниқланган таклифларни Вазирлар Маҳкамасига киритсин.
17. Тошкент вилояти ҳокимлиги Инвестициялар ва ташқи савдо вазирлиги ҳамда Давлат солиқ қўмитаси ҳузуридаги Кадастр агентлиги билан биргаликда:
белгиланган инвестиция ва ижтимоий мажбуриятлар ўз муддатида бажарилиши юзасидан мониторинг юритилишини ҳамда ҳар чорак якуни билан Вазирлар Маҳкамасига ахборот киритиб борилишини;
зиммасига олинган мажбуриятлар бажарилмаган тақдирда, қишлоқ хўжалигига мўлжалланган ер майдони ажратилиши билан боғлиқ қишлоқ хўжалиги ва ўрмон хўжалиги ишлаб чиқариши нобудгарчиликлари ўрни Инвестор ҳисобидан тўлиқ қопланишини таъминласин.
18. Тошкент вилояти ҳокимлиги қишлоқ хўжалигига мўлжалланган ер майдонлари қисқариб кетишининг олдини олиш мақсадида инвестиция лойиҳаси учун ажратиладиган қишлоқ хўжалигига мўлжалланган ер майдонига тенг миқдорда янги ерлар ўзлаштирилишини таъминлаш бўйича зарур чораларни кўрсин.
19. Қурилиш вазирлиги мазкур қарор доирасида объектларни қуриш, реконструкция қилиш ва мукаммал таъмирлаш бўйича бажариладиган ишларнинг сифати, шаҳарсозлик нормалари ва қоидаларига риоя этилиши юзасидан давлат архитектура-қурилиш назоратини амалга оширсин.
20. Мазкур қарорнинг ижросини назорат қилиш Ўзбекистон Республикасининг Бош вазири А.Н. Арипов ва Ўзбекистон Республикаси Президентининг маслаҳатчиси А.А. Абдувахитов зиммасига юклансин.
Ўзбекистон Республикаси Президенти Ш. МИРЗИЁЕВ
Тошкент ш.,
2021 йил 11 март,
ПҚ-5024-сон
Oʻzbekiston Respublikasi Prezidentining
Qarori
Yilqichilik va ot sportini yanada rivojlantirish hamda zamonaviy beshkurash va polo sport turini ommalashtirish boʻyicha qoʻshimcha chora-tadbirlar toʻgʻrisida
Mamlakatimizda yilqichilik, naslchilik va ot sportini rivojlantirish, mahalliy zotdor otlarni koʻpaytirish, zamonaviy beshkurash va polo sport turini ommalashtirish, sohaga toʻgʻridan-toʻgʻri xorijiy investitsiyalarni keng jalb etish, shuningdek, moddiy-texnik bazasini mustahkamlash maqsadida:
1. Quyidagilar Oʻzbekistonda yilqichilik va ot sportini (keyingi oʻrinlarda — ot sporti) hamda zamonaviy beshkurash va polo sport turlarini yanada rivojlantirishning asosiy yoʻnalishlari etib belgilansin:
mamlakatda ot sportini hamda zamonaviy beshkurash va polo sport turlarini aholi oʻrtasida eng ommaviy sport turlaridan biriga aylantirish, iqtidorli yoshlarni tanlash, saralab olish (seleksiya) va ularni professional sportchilar sifatida tayyorlash tizimini yoʻlga qoʻyish;
ot sporti hamda zamonaviy beshkurash va polo sport turlari boʻyicha professional trenerlar, hakamlarni tayyorlash, oʻquv-uslubiy qoʻllanmalar ishlab chiqish, ot sportining ilmiy-metodologik bazasini yanada kuchaytirish;
ot sporti hamda zamonaviy beshkurash va polo sport turlari bilan shugʻullanish uchun zarur moddiy-texnik baza va infratuzilmani shakllantirish, shu jumladan ot sporti klublari faoliyatini rivojlantirish, terma jamoalar uchun oʻquv-mashq jarayonini samarali tashkil etish;
Qurolli Kuchlar va huquqni muhofaza qiluvchi organlarning jismoniy tayyorgarlik mashgʻulotlariga bosqichma-bosqich ot sporti hamda zamonaviy beshkurash va polo sport turlarini kiritish;
ot sporti hamda zamonaviy beshkurash va polo sport turlarini rivojlangan mamlakatlar bilan raqobat qila oladigan darajaga yetkazish, xalqaro talab va standartlar asosida mutaxassislarni tayyorlash, yirik xalqaro musobaqalar, jumladan oʻsmirlar, yoshlar va xotin-qizlar jamoalari oʻrtasida jahon va qitʼa birinchiliklarini oʻtkazish;
ot sporti hamda zamonaviy beshkurash va polo sport turlarini aholi oʻrtasida, shu jumladan ommaviy axborot vositalari orqali keng targʻib qilish.
2. Bosh vazirning oʻrinbosari A.A. Abduhakimov Qishloq xoʻjaligi vazirligi, Veterinariya va chorvachilikni rivojlantirish davlat qoʻmitasi, Oʻzbekiston Milliy olimpiya qoʻmitasi, Oʻzbekiston yilqichilik va ot sporti federatsiyasi, Oʻzbekiston zamonaviy beshkurash federatsiyasi, Oʻzbekiston polo federatsiyasi hamda boshqa manfaatdor tashkilotlar bilan birgalikda 2021-yil 1-iyunga qadar mazkur qarorda belgilab berilgan ustuvor vazifalardan kelib chiqib, sohada katta tajribaga ega boʻlgan mahalliy va xorijiy mutaxassislar hamda tashkilotlarni jalb etgan holda, Oʻzbekiston Respublikasi Prezidentining Oʻzbekistonda yilqichilik, ot sporti, zamonaviy beshkurash va polo sport turini 2025-yilgacha rivojlantirish davlat dasturini maqsadli koʻrsatkichlar (indikatorlar) hamda uni amalga oshirishga doir yillar boʻyicha “Yoʻl xaritasi” bilan birgalikda tasdiqlashni nazarda tutuvchi qarori loyihasini belgilangan tartibda Vazirlar Mahkamasiga kiritsin.
3. Vazirlar Mahkamasi, Qishloq xoʻjaligi vazirligi, Moliya vazirligi, Oʻzbekiston Milliy olimpiya qoʻmitasi, Qashqadaryo viloyati hokimligi va Oʻzbekiston yilqichilik va ot sporti federatsiyasining:
Qashqadaryo, Surxondaryo, Toshkent, Fargʻona viloyatlari va Toshkent shahrida ot sportini rivojlantirish, naslli va zotdor otlarni koʻpaytirish, shuningdek, mahalliy va xorijiy turistlarning dam olishini tashkil qilish uchun zarur infratuzilma obyektlaridan (ippodrom, stadion, suzish havzasi, mehmonxona, davolash-sogʻlomlashtirish majmuasi, kafe, veterinariya dorixonasi, oʻquv markazi, sport va zotdor otlar uchun veterinariya klinikasi) iborat koʻp tarmoqli sport majmualarini davlat-xususiy sheriklik asosida barpo etish;
Qashqadaryo viloyatini respublikada ot sportini rivojlantirish boʻyicha yetakchi hudud sifatida belgilash;
sof zotdor otlarni urchitish va koʻpaytirish, yosh otlar rivojlanishi va oʻsishini, yaylov va yem-ozuqa bazasini mustahkamlash, yilqichilik fermalarida qimiz ishlab chiqarishni, intensiv ot boʻrdoqichiligini tashkil etish va otlardan olingan mahsulotlar turlarini kengaytirish uchun belgilangan tartibda yer maydonlari ajratish;
ot sportiga ixtisoslashtirilgan bolalar va oʻsmirlar hamda respublika oliy sport mahorati maktablarida noyob zotdor sport otlarini koʻpaytirish uchun Davlat budjetidan uch yil davomida 5 milliard soʻmgacha mablagʻ ajratish va ustuvor ravishda respublika ot zavodlarida koʻpaytirilgan noyob zotdor sport otlari hisobidan taʼminlashni yoʻlga qoʻyish;
har bir olimpiya zaxiralari kollejida 2021 — 2025-yillar davomida ot sporti boʻlimlarini tashkil etish toʻgʻrisidagi takliflari qabul qilinsin.
4. Quyidagilarni nazarda tutuvchi ot sporti boʻyicha sport musobaqalarini oʻtkazishning uch bosqichli tizimi joriy etilsin:
birinchi bosqichda — ot sport klublari, ot sporti maktablari, seksiyalar jamoalari oʻrtasidagi musobaqalar (tuman/shahar bosqichi);
ikkinchi bosqichda — tuman (shahar) sport musobaqalarida gʻolib chiqqanlar, jamoalar oʻrtasidagi musobaqalar (viloyat bosqichi);
uchinchi bosqichda — hududlarda tashkil etilgan sport musobaqalarida gʻolib chiqqanlar, jamoalar oʻrtasidagi musobaqalar (respublika chempionati, birinchiligi, kubogi) (respublika bosqichi).
6. Qoraqalpogʻiston Respublikasi Vazirlar Kengashi raisi, viloyatlar va Toshkent shahar hokimlari zimmasiga quyidagi vazifalarni hal etish yuklansin:
hududiy yilqichilik va ot sporti federatsiyalarining moliyaviy va moddiy-texnik bazasini mustahkamlashga koʻmaklashish;
tegishli hududlarning rahbar kadrlari orasidan nomzodlarni hududiy ot sporti va yilqichilik federatsiyalari raisi lavozimiga tavsiya etish;
tegishli hududda ot sportining rivojlanishi uchun zarur shart-sharoitlar yaratilishini taʼminlash, davlat-xususiy sheriklik asosida kamida bitta ot sporti klubini tashkil etish, ot sporti mashgʻulotlarini oʻtkazish uchun ot sportiga ixtisoslashtirilgan bolalar va oʻsmirlar sport maktabi bazasida ippodrom, shuningdek, tegishli hududiy ot sporti va yilqichilik federatsiyalarini joylashtirish uchun binolar ajratish;
7. Veterinariya va chorvachilikni rivojlantirish davlat qoʻmitasi hamda Oʻzbekiston yilqichilik va ot sporti federatsiyasining Oʻzbekiston Respublikasi Prezidentining “Oʻzbekiston Respublikasida yilqichilik va ot sportini yanada rivojlantirish chora-tadbirlari toʻgʻrisida”gi 2019-yil 18-fevraldagi PQ-4194-son qaroriga muvofiq tashkil etilishi belgilangan Qorabayir zotli otlarni yetishtirish va koʻpaytirish boʻyicha innovatsion seleksiya-genetika markazi negizida Oʻzbekiston yilqichilik va ot sporti federatsiyasi huzurida “Oʻzbegim Otlari” MCHJ bilan hamkorlikda davlat-xususiy sheriklik asosida, yuridik shaxs maqomiga ega boʻlgan, Naslli, sport va tozaqonli otlarni yetishtirish va koʻpaytirish boʻyicha innovatsion seleksiya-genetika markazini (keyingi oʻrinlarda — Markaz) tashkil etish toʻgʻrisidagi taklifi maʼqullansin.
8. Veterinariya va chorvachilikni rivojlantirish davlat qoʻmitasi Toshkent viloyati hokimligi, Oʻzbekiston yilqichilik va ot sporti federatsiyasi hamda “Oʻzbegim Otlari” MCHJ bilan birgalikda:
ikki oy muddatda Markaz faoliyatini tashkil etish va uning ustavini belgilangan tartibda davlat roʻyxatidan oʻtkazish;
olti oy muddatda Markazning bino va inshootlarini qurib bitkazish hamda 2022-yil 1-yanvardan toʻlaqonli faoliyatini boshlash choralarini koʻrsin.
Moliya vazirligi Veterinariya va chorvachilikni rivojlantirish davlat qoʻmitasi bilan birgalikda bir oy muddatda Markaz faoliyatini tashkil etish bilan bogʻliq xarajatlarni moliyalashtirish yuzasidan Vazirlar Mahkamasiga asoslangan taklif kiritsin.
9. Belgilansinki, 2021-yil 1-apreldan boshlab ot sportini rivojlantirishda katta ahamiyat kasb etadigan “zootexnik”, “veterinar-shifokor”, “feldsher-veterinar”, “usta-chavondoz”, “ot parvarishlovchi”, “taqachi” mutaxassisliklari uchun shifokor, hamshira, trener va sportchilarga tenglashtirilgan darajada oylik maoshlar toʻlanadi.
10. Innovatsion rivojlanish vazirligi 2021-yildan boshlab ilmiy-tadqiqot ishlariga davlat buyurtmasi talablariga muvofiq mamlakatimizda zotdor otlarni koʻpaytirish va naslchilik texnologiyalarini yaratish bilan bogʻliq muammolarning ilmiy yechimiga qaratilgan loyihalar tanlovlar asosida moliyalashtirilishini taʼminlasin.
11. Turizmni rivojlantirish davlat qoʻmitasi, Toshkent viloyati hokimligi, Oʻzbekiston Milliy olimpiya qoʻmitasi, Oʻzbekiston yilqichilik va ot sporti federatsiyasi, Oʻzbekiston zamonaviy beshkurash federatsiyasi, Oʻzbekiston polo federatsiyasining “Universal Jumping Agro” MCHJ (keyingi oʻrinlarda — Investor) tomonidan Toshkent viloyati, Qibray tumani, “Mevazor” MFY hududida zamonaviy koʻp tarmoqli sport kompleksi hamda mahalliy va xorijiy turistlarning dam olishini tashkil qilish uchun yopiq suzish havzasi, mehmonxona, davolash-sogʻlomlashtirish muassasalari, savdo-koʻngilochar va dam olish infratuzilmalari, avtotransport vositalari turar joylari, ippodrom, stadion, yengil atletika bilan shugʻullanish uchun maydon va boshqa obyektlarni (keyingi oʻrinlarda — investitsiya loyihasi) 2021-2022-yillarda barpo etish toʻgʻrisidagi taklifiga rozilik berilsin.
12. Toshkent viloyati hokimligi Davlat soliq qoʻmitasi huzuridagi Kadastr agentligi bilan birgalikda oʻn kun muddatda Toshkent viloyati, Qibray tumani, “Mevazor” MFY hududida joylashgan va Investorga biriktirib berilgan qishloq xoʻjaligiga moʻljallangan yerlardan investitsiya loyihasini toʻliq amalga oshirish uchun Investorga doimiy foydalanish huquqi asosida zarur yer maydonlari ajratilishini taʼminlasin.
13. Quyidagilar investitsiya loyihasini amalga oshirish natijasida barpo etiladigan zamonaviy koʻp tarmoqli sport majmuasining asosiy faoliyat yoʻnalishlari ekanligi inobatga olinsin:
yilqichilikda naslchilik ishlarini takomillashtirish yoʻli bilan noyob zotli sport otlarini koʻpaytirish;
yosh avlod chavandozlarini tarbiyalashga yoʻnaltirilgan ot sporti musobaqalarini tashkil etish va oʻtkazish hamda milliy ot sportining xalqaro dovrugʻini oshirish;
yosh sportchilarni jalb qilgan holda, milliy va xalqaro ot sport turlarini rivojlantirish, sport tadbirlarini tashkil etish va oʻtkazish, shuningdek, milliy va xalqaro darajada yilqilar koʻrgazmalarini tashkil etish;
yilqichilik sohasida kadrlar tayyorlash va ularning malakasini oshirishda taʼlim muassasalari bilan hamkorlik oʻrnatish;
zamonaviy beshkurash sportchilarining mahorat darajasini oshirish orqali ularning xalqaro darajalarga koʻtarilishi uchun qulay shart-sharoitlar yaratish;
oʻsmir bolalar va yoshlarni zamonaviy beshkurash va polo sport turi bilan muntazam shugʻullanishga jalb etish, ularning har tomonlama jismoniy kamol topishiga va sogʻlom turmush tarziga yoʻnaltirishga qaratilgan jismoniy tarbiya va sogʻlomlashtirish ishlarini amalga oshirish;
zamonaviy beshkurash boʻyicha hakamlarni tayyorlash va ularning malakasini oshirishga koʻmaklashish.
14. Belgilansinki:
a) investitsiya loyihasini amalga oshirishda Investor quyidagi majburiyatlarni oʻz zimmasiga oladi:
Investor faoliyat turini oʻn yil davomida saqlab turish sharti bilan ajratilgan yer maydoniga kamida 10 mln AQSH dollari, shundan 7 mln AQSH dollari miqdoridagi toʻgʻridan-toʻgʻri xorijiy investitsiyalarni jalb qilish hisobidan kamida 150 oʻrinli 3 yulduzli mehmonxona, davolash-sogʻlomlashtirish muassasalari, sport va zotli otlar uchun moʻljallangan veterinariya klinikasi, maishiy xizmat koʻrsatish, avtotransport vositalari turar joylari, savdo-koʻngilochar va boshqa dam olish infratuzilma obyektlarini barpo etish;
ishlab chiqiladigan loyiha-smeta hujjatlari asosida 2021-2022-yillarda belgilangan investitsiya mablagʻlarini toʻliq oʻzlashtirish va obyektlarni foydalanishga topshirish;
kamida 150 ta yangi ish oʻrinlarini yaratish;
b) Investor 2022 — 2025-yillar mobaynida Yoshlar siyosati va sport vazirligi hamda Oʻzbekiston Milliy olimpiya qoʻmitasi tomonidan taqdim etiladigan roʻyxatlarga muvofiq:
terma jamoalar sportchilarini ot sporti va beshkurash sport turlari bilan bepul shugʻullanishi uchun yetarlicha shart-sharoit yaratadi;
Vazirlar Mahkamasi tomonidan tasdiqlanadigan roʻyxatlar asosida respublika va xalqaro darajadagi sport tadbirlarini ijara toʻlovlarisiz oʻtkazadi;
har yili 25 nafar yosh sportchi (chavandoz)larni bepul malakasini oshirishi uchun sharoit yaratadi;
respublikadagi koʻp tarmoqli ot sporti majmualarida xorijiy malakali mutaxassislarni jalb qilgan holda bepul maslahatlar, oʻquv-seminarlar, davra suhbatlari oʻtkazib borilishini taʼminlaydi;
v) “Universal Jumping Agro”, “Oʻzbegim Otlari” va “Oltin Taqa Qoʻshuv” MCHJlarining yilqichilik va ot sporti majmualari keyingi uch yil davomida respublikada naslli otlarni koʻpaytirish va ot sportini rivojlantirish boʻyicha oʻquv-mashgʻulot bazalari funksiyasini bajaradi;
g) Oʻzbekiston yilqichilik va ot sporti federatsiyasi aʼzosi hisoblangan nodavlat ot zavodlari (majmualari), klublari, maktablar (muassasalar) har yili xorijdan quyidagi taqsimotga asosan naslli, sport va tozaqonli otlar olib kelish orqali doimiy ravishda zotdor otlar sonini koʻpaytirish choralarini koʻradi. Bunda mavjud ot boshi 50 tagacha boʻlsa — 2 ta ot, 50 dan 100 tagacha boʻlsa — 3 ta ot, 100 dan 400 tagacha boʻlsa — 4 ta ot va 400 dan koʻp boʻlsa — 5 taga ot koʻpayadi;
d) istisno tariqasida, Investor tomonidan amalga oshiriladigan investitsiya loyihasi hamda Markazni tashkil etish bilan bogʻliq qishloq xoʻjaligi va oʻrmon xoʻjaligi ishlab chiqarishi nobudgarchiliklari uchun toʻlovlar undirilmaydi;
e) 2025-yilning 1-yanvariga qadar:
Oʻzbekiston yilqichilik va ot sporti federatsiyasi hamda uning aʼzolari mol-mulk, yer soligʻi va qishloq xoʻjaligi yerlari uchun yer soligʻidan;
ippodromlar, ot sporti klublari va sport maktablarining moddiy-texnik bazasini mustahkamlash uchun olib kelinadigan, respublikamizda ishlab chiqarilmaydigan inventarlar, sport otlari, naslli mahsulotlar (materiallar), ozuqalar, veterinariya dori vositalari va ozuqabop qoʻshimchalar, vitaminlar, uskunalar va materiallar belgilangan tartibda shakllantiriladigan roʻyxatga muvofiq bojxona toʻlovlaridan (qoʻshilgan qiymat soligʻi va bojxona yigʻimidan tashqari) ozod etiladi.
15. Davlat xavfsizlik xizmatining Chegara qoʻshinlari, Milliy gvardiya, Ichki ishlar vazirligi Oʻzbekiston yilqichilik va ot sporti federatsiyasi bilan hamkorlikda bir oy muddatda 2021 — 2023-yillarda ot sporti maktablari hamda klublarini tashkil etish va oʻziga tegishli boʻlganlarini takomillashtirish choralarini koʻrish, shuningdek, idoraviy mansub yilqichilik va sport bazalarini ularda yoshlarni ot sporti bilan shugʻullanishga jalb etish maqsadida barcha uchun ochiq boʻlgan seksiyalar hamda toʻgaraklarni tashkil etgan holda modernizatsiya qilish ishlarini boshlasin.
16. Toshkent shahar hokimligi Iqtisodiy taraqqiyot va kambagʻallikni qisqartirish vazirligi, Moliya vazirligi, Davlat aktivlarini boshqarish agentligi hamda Oʻzbekiston yilqichilik va ot sporti federatsiyasi bilan birgalikda bir oy muddatda “Markaziy ippodrom” AJda rekonstruksiya va taʼmirlash ishlarini davom ettirish yuzasidan aniq hisob-kitoblarga asoslangan va moliyaviy manbasi aniqlangan takliflarni Vazirlar Mahkamasiga kiritsin.
17. Toshkent viloyati hokimligi Investitsiyalar va tashqi savdo vazirligi hamda Davlat soliq qoʻmitasi huzuridagi Kadastr agentligi bilan birgalikda:
belgilangan investitsiya va ijtimoiy majburiyatlar oʻz muddatida bajarilishi yuzasidan monitoring yuritilishini hamda har chorak yakuni bilan Vazirlar Mahkamasiga axborot kiritib borilishini;
zimmasiga olingan majburiyatlar bajarilmagan taqdirda, qishloq xoʻjaligiga moʻljallangan yer maydoni ajratilishi bilan bogʻliq qishloq xoʻjaligi va oʻrmon xoʻjaligi ishlab chiqarishi nobudgarchiliklari oʻrni Investor hisobidan toʻliq qoplanishini taʼminlasin.
18. Toshkent viloyati hokimligi qishloq xoʻjaligiga moʻljallangan yer maydonlari qisqarib ketishining oldini olish maqsadida investitsiya loyihasi uchun ajratiladigan qishloq xoʻjaligiga moʻljallangan yer maydoniga teng miqdorda yangi yerlar oʻzlashtirilishini taʼminlash boʻyicha zarur choralarni koʻrsin.
19. Qurilish vazirligi mazkur qaror doirasida obyektlarni qurish, rekonstruksiya qilish va mukammal taʼmirlash boʻyicha bajariladigan ishlarning sifati, shaharsozlik normalari va qoidalariga rioya etilishi yuzasidan davlat arxitektura-qurilish nazoratini amalga oshirsin.
20. Mazkur qarorning ijrosini nazorat qilish Oʻzbekiston Respublikasining Bosh vaziri A.N. Aripov va Oʻzbekiston Respublikasi Prezidentining maslahatchisi A.A. Abduvaxitov zimmasiga yuklansin.
Oʻzbekiston Respublikasi Prezidenti Sh. MIRZIYOYEV
Toshkent sh.,
2021-yil 11-mart,
PQ-5024-son
Президента Республики Узбекистан
Постановление
О дополнительных мерах по дальнейшему развитию коневодства и конного спорта, а также популяризации современного пятиборья и поло
В целях развития в стране коневодства, племенного дела и конного спорта, разведения отечественных породистых лошадей, популяризации современного пятиборья и поло, широкого привлечения прямых иностранных инвестиций в сферу, а также укрепления материально-технической базы:
1. Определить основными направлениями дальнейшего развития коневодства и конного спорта (далее — конный спорт), а также современного пятиборья и поло в Узбекистане:
превращение конного спорта, а также современного пятиборья и поло в наиболее популярные виды спорта среди населения, налаживание системы выбора, отбора (селекции) и подготовки талантливой молодежи в качестве профессиональных спортсменов в стране;
подготовку профессиональных тренеров и судей по конному спорту, а также по современному пятиборью и поло, разработку учебно-методических пособий, дальнейшее усиление научно-методологической базы конного спорта;
формирование необходимой материально-технической базы и инфраструктуры для занятия конным спортом, а также современным пятиборьем и поло, в том числе развитие деятельности конноспортивных клубов, эффективная организация учебно-тренировочного процесса сборных команд;
поэтапное введение конного спорта, а также современного пятиборья и поло в занятия по физической подготовке Вооруженных Сил и правоохранительных органов;
выведение конного спорта, а также современного пятиборья и поло на уровень, способный конкурировать с развитыми странами, подготовку специалистов на основе международных требований и стандартов, проведение крупных международных соревнований, в том числе первенств мира и континента среди юношеских, молодежных и женских команд;
широкую пропаганду конного спорта, а также современного пятиборья и поло среди населения, в том числе посредством средств массовой информации.
2. Заместителю Премьер-министра А.А. Абдухакимову совместно с Министерством сельского хозяйства, Государственным комитетом ветеринарии и развития животноводства, Национальным олимпийским комитетом Узбекистана, Федерацией коневодства и конного спорта Узбекистана, Федерацией современного пятиборья Узбекистана, Федерацией поло Узбекистана, а также другими заинтересованными организациями исходя из установленных в настоящем постановлении приоритетных задач с привлечением отечественных и зарубежных специалистов и организаций, имеющих большой опыт в данной сфере, в срок до 1 июня 2021 года внести в установленном порядке в Кабинет Министров проект постановления Президента Республики Узбекистан, предусматривающий утверждение Государственной программы развития коневодства, конного спорта, современного пятиборья и поло в Узбекистане до 2025 года с целевыми показателями (индикаторами) и «Дорожной картой» по ее реализации по годам.
3. Принять предложения Кабинета Министров, Министерства сельского хозяйства, Министерства финансов, Национального олимпийского комитета Узбекистана, хокимията Кашкадарьинской области и Федерации коневодства и конного спорта Узбекистана о:
сооружении многопрофильных спортивных комплексов в Кашкадарьинской, Сурхандарьинской, Ташкентской, Ферганской областях и городе Ташкенте на основе государственно-частного партнерства, состоящих из необходимых объектов инфраструктуры (ипподромов, стадионов, плавательных бассейнов, гостиниц, лечебно-оздоровительных комплексов, кафе, ветеринарных аптек, учебных центров, ветеринарных клиник для спортивных и породистых лошадей), способствующих развитию конного спорта, разведению племенных и породистых лошадей, организации отдыха отечественных и иностранных туристов;
определении Кашкадарьинской области в качестве ведущего региона по развитию конного спорта в республике;
выделении земельных площадей в установленном порядке для скрещевания и разведения чистых породистых лошадей, развития и роста молодых лошадей, укрепления их пастбищ и кормовой базы, организации производства кумыса и интенсивного откорма лошадей на коневодческих фермах, расширения видов конской продукции;
выделении из Государственного бюджета средств в размере до 5 миллиардов сумов в течение трех лет в целях разведения высокоценных спортивных лошадей в специализированных детско-юношеских конноспортивных школах и республиканских школах высшего спортивного мастерства, а также налаживания обеспечения данных школ высокоценными спортивными лошадями, выращенными на конных заводах республики;
создании конноспортивных отделений в каждом колледже олимпийского резерва в 2021 — 2025 годах.
4. Внедрить трехэтапную систему проведения конноспортивных соревнований, предусматривающую:
на первом этапе — соревнования между командами конноспортивных клубов, конноспортивных школ, секций (районный/городской этап);
на втором этапе — соревнования между победителями районных (городских) этапов спортивных, а также командных соревнований (областной этап);
на третьем этапе — соревнования между победителями региональных этапов спортивных, а также командных соревнований (чемпионаты, первенства, кубки республики) (республиканский этап).
6. Возложить на председателя Совета Министров Республики Каракалпакстан, хокимов областей и города Ташкента решение задач по:
оказанию содействия в укреплении финансовой и материально-технической базы региональных федераций коневодства и конного спорта;
представлению кандидатур на должность председателя региональной федерации коневодства и конного спорта из числа руководящих кадров соответствующего региона;
обеспечению создания необходимых условий для развития конного спорта в соответствующих регионах, созданию не менее одного конноспортивного клуба на основе государственно-частного партнерства, ипподромов на базе специализированных детско-юношеских конноспортивных школ для занятий конным спортом, выделению необходимых зданий под размещение соответствующих региональных федераций коневодства и конного спорта;
7. Одобрить предложение Государственного комитета ветеринарии и развития животноводства и Федерации коневодства и конного спорта Узбекистана о создании на основе государственно-частного партнерства при содействии ООО «Oʻzbegim оtlari» Инновационного селекционно-генетического центра по разведению и выращиванию породистых, спортивных и чистокровных лошадей при Федерации коневодства и конного спорта Узбекистана (далее — Центр) со статусом юридического лица на базе Инновационного селекционно-генетического центра по воспроизводству и разведению лошадей породы Карабаир, созданного в соответствии с постановлением Президента Республики Узбекистан от 18 февраля 2019 года № ПП-4194 «О мерах по дальнейшему развитию коневодства и конного спорта в Республике Узбекистан».
8. Государственному комитету ветеринарии и развития животноводства совместно с хокимиятом Ташкентской области, Федерацией коневодства и конного спорта Узбекистана и ООО «Oʻzbegim otlari» принять меры по:
в двухмесячный срок — организации деятельности и государственной регистрации устава Центра в установленном порядке;
в шестимесячный срок — завершению строительства зданий и сооружений и организации начиная с 1 января 2022 года полноценной деятельности Центра.
Министерству финансов совместно с Государственным комитетом ветеринарии и развития животноводства в месячный срок внести в Кабинет Министров обоснованное предложение о финансировании расходов, связанных с организацией деятельности Центра.
9. Установить, что с 1 апреля 2021 года по специальностям «зоотехник», «врач-ветеринар», «фельдшер-ветеринар», «мастер-всадник», «конюх», «кузнец», имеющим большое значение для развития конного спорта, выплачивается заработная плата на уровне заработной платы врача, медицинской сестры, тренера и спортсменов.
10. Министерству инновационного развития начиная с 2021 года обеспечить на конкурсной основе финансирование проектов, направленных на научное решение проблем, связанных с разведением породистых лошадей и созданием в стране технологий племенного дела по требованиям государственного заказа на соответствующие научно-исследовательские работы.
11. Согласиться с предложением Государственного комитета по развитию туризма, хокимията Ташкентской области, Национального олимпийского комитета Узбекистана, Федерации коневодства и конного спорта Узбекистана, Федерации современного пятиборья Узбекистана и Федерации поло Узбекистана о строительстве обществом с ограниченной ответственностью «Universal Jumping Agro» (далее — Инвестор) в 2021-2022 годах на территории СГМ «Мевазор» Кибрайского района Ташкентской области современного многофункционального спортивного комплекса, а также закрытого плавательного бассейна, гостиницы, лечебно-оздоровительных учреждений, инфраструктуры торговли, развлечений и отдыха, автостоянок, ипподрома, стадиона, площадок для занятия легкой атлетикой и иных объектов в целях организации отдыха отечественных и иностранных туристов (далее — инвестиционный проект).
12. Хокимияту Ташкентской области совместно с Агентством по кадастру при Государственном налоговом комитете в десятидневный срок обеспечить выделение Инвестору необходимой земельной площади для полной реализации инвестиционного проекта на основе права постоянного пользования за счет земель сельскохозяйственного назначения, закрепленных за Инвестором, расположенных на территории СГМ «Мевазор» Кибрайского района Ташкентской области.
13. Принять во внимание, что основными направлениями деятельности современного многофункционального спортивного комплекса, создаваемого в результате реализации инвестиционного проекта, являются:
разведение высокоценных спортивных лошадей путем совершенствования племенной работы в коневодстве;
организация и проведение конноспортивных соревнований, направленных на воспитание молодого поколения всадников, повышение международного авторитета национального конного спорта;
развитие национальных и международных видов конного спорта, организация и проведение спортивных мероприятий, а также организация конных выставок национального и международного уровня с привлечением молодых спортсменов;
установление сотрудничества с образовательными учреждениями по подготовке и повышению квалификации кадров в сфере коневодства;
создание благоприятных условий для выхода на международный уровень спортсменов по современному пятиборью путем совершенствования уровня их профессионального мастерства;
привлечение подростков и молодежи к регулярным занятиям современным пятиборьем и поло, осуществление работ по физической культуре и оздоровлению, направленных на их ориентацию на всестороннее физическое развитие и ведение здорового образа жизни;
оказание содействия в подготовке и повышении квалификации судей по современному пятиборью.
14. Установить, что:
а) Инвестор при реализации инвестиционного проекта берет на себя обязательства по:
строительству трехзвездочной гостиницы минимум на 150 мест, лечебно-оздоровительных учреждений, ветеринарной клиники для спортивных и породистых лошадей, пунктов бытового обслуживания, автостоянок, торгово-развлекательных и иных объектов инфраструктуры отдыха за счет привлечения на выделенную земельную площадь не менее 10 млн долларов США, из них прямых иностранных инвестиций в размере 7 млн долларов США с условием сохранения Инвестором вида своей деятельности в течение десяти лет;
полному освоению определенных инвестиционных средств и сдаче объектов в эксплуатацию в 2021-2022 годах на основе разработанной проектно-сметной документации;
созданию не менее 150 новых рабочих мест;
б) Инвестор в соответствии с перечнями, предоставляемыми Министерством молодежной политики и спорта и Национальным олимпийским комитетом Узбекистана в течение 2022 — 2025 годов:
создает условия, достаточные для бесплатного занятия спортсменами сборных команд конным спортом и пятиборьем;
на основании перечней, утверждаемых Кабинетом Министров, проводит спортивные мероприятия республиканского и международного уровня без взимания арендной платы;
создает условия для ежегодного бесплатного повышения квалификации 25 молодых спортсменов (всадников);
обеспечивает проведение в многофункциональных конноспортивных комплексах республики бесплатных консультаций, учебных семинаров и «круглых столов» с привлечением зарубежных квалифицированных специалистов;
в) коневодческие и конноспортивные комплексы обществ с ограниченной ответственностью «Universal Jumping Agro», «Oʻzbegim otlari» и «Oltin Taqa Qoʻshuv» в течение последующих трех лет выполняют функцию учебно-тренировочной базы по разведению породистых лошадей и развитию конного спорта в республике;
г) негосударственные конные заводы (комплексы), клубы и школы (учреждения), являющиеся членами Федерации коневодства и конного спорта Узбекистана, каждый год принимают меры по увеличению поголовья породистых лошадей путем ежегодного ввоза из-за рубежа племенных, спортивных и чистокровных лошадей на основе следующего распределения: при наличии до 50 голов — на 2 лошади, от 50 до 100 голов — на 3 лошади, от 100 до 400 голов — на 4 лошади, свыше 400 голов — на 5 лошадей;
д) платежи за реализацию Инвестором инвестиционного проекта, а также потери сельскохозяйственного и лесохозяйственного производства, связанные с созданием Центра, в порядке исключения не взимаются;
е) в срок до 1 января 2025 года:
Федерация коневодства и конного спорта Узбекистана и ее члены освобождаются от налога на имущество, земельного налога и земельного налога на сельскохозяйственные угодья;
инвентарь, спортивные лошади, племенная продукция (материал), корма, ветеринарные лекарственные средства и пищевые добавки, витамины, оборудование и материалы, не производимые в республике, ввозимые для укрепления материально-технической базы ипподромов, конноспортивных клубов и конноспортивных школ по перечням, формируемым в установленном порядке, освобождаются от таможенных платежей (за исключением налога на добавленную стоимость и таможенных сборов).
15. Пограничным войскам Службы государственной безопасности, Национальной гвардии, Министерству внутренних дел совместно с Федерацией коневодства и конного спорта Узбекистана в месячный срок принять меры по созданию новых и совершенствованию принадлежащих им конноспортивных школ и клубов в 2021 — 2023 годах, приступить к модернизации подведомственных коневодческих и спортивных баз с организацией общедоступных секций и кружков в целях привлечения молодежи к занятиям конным спортом.
16. Хокимияту города Ташкента совместно с Министерством экономического развития и сокращения бедности, Министерством финансов, Агентством по управлению государственными активами и Федерацией коневодства и конного спорта Узбекистана в месячный срок внести в Кабинет Министров предложения о продолжении работ по реконструкции и ремонту в АО «Центральный ипподром», основанных на конкретных расчетах и источниках финансирования.
17. Хокимияту Ташкентской области совместно с Министерством инвестиций и внешней торговли и Агентством по кадастру при Государственном налоговом комитете обеспечить:
осуществление мониторинга и ежеквартальное внесение в Кабинет Министров информации о своевременном выполнении установленных инвестиционных и социальных обязательств;
в случае невыполнения взятых на себя обязательств — полное покрытие за счет Инвестора потерь сельскохозяйственного и лесохозяйственного производства, связанных с выделением земельной площади сельскохозяйственного назначения.
18. Хокимияту Ташкентской области принять необходимые меры по обеспечению освоения новых земель площадью, равной земельной площади сельскохозяйственного назначения, выделяемой для инвестиционного проекта в целях предотвращения сокращения земель сельскохозяйственного назначения.
19. Министерству строительства осуществлять государственный архитектурно-строительный контроль за качеством, соблюдением градостроительных норм и правил при выполнении работ по строительству, реконструкции и капитальному ремонту объектов в рамках настоящего постановления.
20. Контроль за исполнением настоящего постановления возложить на Премьер-министра Республики Узбекистан А.Н. Арипова и советника Президента Республики Узбекистан А.А. Абдувахитова
Президент Республики Узбекистан Ш. МИРЗИЁЕВ
г. Ташкент,
11 марта 2021 г.,
№ ПП-5024