UzbekAI

Ўзбекистон Республикаси Вазирлар Маҳкамасининг

қарори

НИЗОМ

СХЕМАСИ

РЎЙХАТИ

Ўзбекистон Республикаси божхона органлари тизимида товарларнинг намуна ва синамаларини тасарруф этиш тўғрисидаги низомни тасдиқлаш ҳақида

Божхона хизмати органларида божхона экспертизасини ўтказиш тартибини жаҳон стандартларига мослаштириш, намуна ва синама олиш жараёнларини соддалаштириш ҳамда янада такомиллаштириш, тадбиркорлик субъектларига қулай имкониятлар яратиш, шунингдек, мамлакатимизнинг халқаро рейтинглардаги ўрнини яхшилаш мақсадида Вазирлар Маҳкамаси қарор қилади:

1. Белгилансинки:

а) товарлар намуналарини ёки синамаларини олиш мазкур товарларни идентификациялаш ва Ўзбекистон Республикаси Ташқи иқтисодий фаолият товар номенклатурасига биноан товар кодини аниқлаш мақсадларида амалга оширилади;

б) товарлар намуналари ёки синамаларни тасарруф этиш ҳамда божхона экспертизасини ўтказиш учун зарур сарфлаш материаллари давлат божхона хизмати органларининг ҳар йилги истеъмолидан келиб чиққан ҳолда белгиланган тартибда харид қилинади;

в) товарлар намуналари ёки синамалари товар партиясининг таркиби ва хусусиятларини тўлиқ ифодалаши ҳамда олинган намуналар ёки синамалар, шунингдек, маълумотлар ишончлилиги учун қуйидагилар шахсан жавобгар ҳисобланади:

товарлар эркин муомалага чиқариш (импорт) божхона режимига жойлаштирилаётганда — божхона органи мансабдор шахси;

товар жисмоний шахс ёки юридик шахслар томонидан тақдим этилганда — жисмоний шахс ёки юридик шахснинг масъул этиб тайинлаган ходимлари;

намуналар ёки синамаларни олиш суриштирув, тергов, прокуратура ва суд органлари қарорлари асосида амалга оширилганда — ушбу қарорларда масъул этиб тайинланган шахслар.

2. Ўзбекистон Республикасининг божхона чегарасидан ўтказилаётган товарлардан намуналар ёки синамалар танлаб олиш, уларни божхона лабораторияларига тақдим этиш, тасарруф этиш, сақлаш ҳамда йўқ қилиш тартибини назарда тутувчи Ўзбекистон Республикаси божхона органлари тизимида товарларнинг намуналари ва синамаларини тасарруф этиш тартиби тўғрисидаги низом иловага мувофиқ тасдиқлансин.

3. Ўзбекистон Республикаси Давлат божхона қўмитаси манфаатдор вазирлик ва идоралар билан биргаликда ўзлари қабул қилган норматив-ҳуқуқий ҳужжатларни бир ой муддатда ушбу қарорга мувофиқлаштирсин.

4. Мазкур қарорнинг бажарилишини назорат қилиш Ўзбекистон Республикаси Бош вазирининг молия-иқтисодиёт ва камбағалликни қисқартириш масалалари бўйича ўринбосари — иқтисодий тараққиёт ва камбағалликни қисқартириш вазири Ж.А. Қўчқоров ҳамда Ўзбекистон Республикаси Давлат божхона қўмитаси раиси М.Б. Азимов зиммасига юклансин.

Вазирлар Маҳкамасининг 2021 йил 17 мартдаги 145-сон қарорига ИЛОВА

Ўзбекистон Республикаси божхона органлари тизимида товарларнинг намуналари ва синамаларини тасарруф этиш тартиби тўғрисида

1-боб. Умумий қоидалар

1. Мазкур Низом Ўзбекистон Республикаси божхона чегарасидан ўтказилаётган товарлардан намуналар ёки синамаларни танлаб олиш, божхона лабораторияларига тақдим этиш, тасарруф этиш, сақлаш ва йўқ қилиш тартибини белгилайди.

2. Ушбу Низомда қуйидаги асосий тушунчалар қўлланилади:

божхона лабораторияси — божхона органлари тизимидаги божхона экспертизасини амалга оширишга мўлжалланган махсус лаборатория;

ваколатли орган — қонунчилик ҳужжатларига мувофиқ тадқиқот (экспертиза) тайинлаш ваколатига эга бўлган суриштирув, тергов, прокуратура ва суд органлари;

йўлланма хати — божхона органи, ваколатли органлар, жисмоний ёки юридик шахслар томонидан тадқиқот (экспертиза) тайинлаш тўғрисидаги ёзма ёки электрон мурожаати;

намуна — божхона мақсадлари учун тақдим этилган ёки терговга қадар текширув, суриштирув ҳаракатлари, тергов ва суд жараёнларидаги товар партиясининг таркиби ва хусусиятларини тўлиқ ифодаловчи товар;

намуналарни ёки синамаларни йўқ қилиш — намуналар ёки синамаларни товар сифатида белгиланган мақсадларда ишлатишга яроқсиз ҳолатга келтириш (ёқиб юбориш, кўмиб ташлаш ва бошқалар);

синама — божхона мақсадлари учун тақдим этилган ёки терговга қадар текширув, суриштирув ҳаракатлари, тергов ва суд жараёнларидаги товар партиясининг таркиби ва хусусиятларини тўлиқ ифодаловчи товарнинг минимал қисми;

тадқиқот (экспертиза) — божхона лабораторияси эксперти томонидан фан, техника ва бошқа соҳалардаги махсус билимлар асосида намуналар ёки синамаларни ўрганиш.

3. Намуналар ёки синамалар товарларни идентификациялаш ва Ўзбекистон Республикаси Ташқи иқтисодий фаолият товар номенклатурасига (кейинги ўринларда — ТИФ ТН) биноан товар кодини аниқлаш мақсадларида олинади.

Намуналар ёки синамаларни божхона лабораторияларида тасарруф этиш ушбу Низомга 1-иловага мувофиқ схема бўйича амалга оширилади.

4. Товарлардан намуналар ёки синамаларни олиш усули товар туридан келиб чиққан ҳолда халқаро стандартлар, техник жиҳатдан тартибга солиш соҳасидаги норматив ҳужжатлар ҳамда улар асосида Ўзбекистон Республикаси Давлат божхона қўмитаси (кейинги матнларда — Давлат божхона қўмитаси) томонидан ишлаб чиқилган услубга мувофиқ амалга оширилади.

5. Товар намуналари ёки синамаларини тасарруф этиш ҳамда божхона экспертизасини ўтказиш учун зарур сарфлаш материаллари мазкур Низомга 2-иловага мувофиқ божхона органларининг ҳар йилги истеъмолидан келиб чиққан ҳолда белгиланган тартибда харид қилинади.

2-боб. Намуналар ёки синамаларни олиш

1-§. Товар эркин муомалага чиқариш (импорт) божхона режимига жойлаштирилаётганда намуналар ёки синамалар олиш тартиби

6. Тадқиқот (экспертиза) мақсадлари учун эркин муомалага чиқариш (импорт) божхона режимига жойлаштирилаётган товарлардан намуналар ёки синамалар олиш божхона органи бошлиғи томонидан масъул этиб тайинланган божхона органи мансабдор шахси томонидан товарга нисбатан ваколатга эга бўлган шахс, шунингдек, заруратга кўра (заҳарли, токсик, кучли таъсир қилувчи товарлар), мутахассис иштирокида амалга оширилади.

Бунда божхона органи мансабдор шахси намуналар ёки синамалар товар партиясининг таркиби ва хусусиятларини тўлиқ ифодалаш ҳамда олинган намуналар ёки синамалар, шунингдек, маълумотларнинг ишончлилиги учун шахсан жавобгар ҳисобланади.

7. Намуналар ёки синамалар уч нусхада олинади ва мазкур Низомга 3-иловага мувофиқ шакл бўйича божхона органи мансабдор шахси томонидан учта нусхада намуналар ёки синамалар олиш далолатномаси тузилади. Бунда далолатноманинг:

биринчи нусхаси намуналар ёки синамалар билан биргаликда божхона лабораториясига шу куннинг ўзида юборилади;

иккинчи нусхаси товарга нисбатан ваколатларга эга бўлган шахсга берилади;

учинчи нусхаси тадқиқотни (экспертизани) тайинлаган божхона органида қолдирилади.

8. Намуналар ёки синамаларнинг ҳар бир нусхаси мазкур Низомга 4-иловага мувофиқ қадоқланади ва махсус қадоқ устидаги жадвал товар тўғрисидаги маълумотлар билан тўлдирилади ҳамда божхона органи мансабдор шахсининг рақамланган шахсий муҳри билан пакетнинг белгиланган қисмига муҳр босилади.

9. Намуналар ёки синамаларни олишда техника хавфсизлиги қоидаларига риоя этилиши бўйича жавобгарлик тадқиқотни (экспертизани) тайинлаган божхона органи бошлиғи ёки ваколатли органнинг масъул ходими ҳамда намуналар ва синамаларни олган шахснинг заммасига юкланади.

2-§. Товар жисмоний ёки юридик шахслар томонидан тақдим этилаётганда намуналар ёки синамалар олиш

10. Жисмоний ёки юридик шахслар томонидан тадқиқот (экспертиза) мақсадларида товарлардан намуналар ёки синамалар олиш жисмоний шахс ёки юридик шахснинг масъул этиб тайинлаган ходимлари томонидан, зарурат юзасидан (заҳарли, токсик, кучли таъсир қилувчи товарлар) эса, мутахассис иштирокида олинади.

Бунда жисмоний шахс ёки юридик шахснинг масъул этиб тайинлаган ходимлари намуналар ёки синамалар товар партиясининг таркиби ва хусусиятларини тўлиқ ифодалаш ҳамда олинган намуналар ёки синамалар, шунингдек, маълумотларнинг ишончлилиги учун жавоб беради.

11. Намуналар ёки синамалар уч нусхада олиниб, йўлланма хати орқали намуналар ёки синамалар билан божхона лабораториясига жисмоний ёки юридик шахс томонидан танланган куни юборилади.

Товар миқдори уч нусхада намуналар ёки синамалар олиш имкониятини бермаса, у ҳолда товардан бир нусхада намуна ёки синама олиниб, йўлланма хати орқали лабораторияга юборилади.

12. Намуналар ёки синамаларнинг ҳар бир нусхаси мазкур Низомга 4-иловага мувофиқ қадоқланиб, махсус қадоқ устидаги жадвал товар тўғрисидаги маълумотлар билан тўлдирилади ҳамда жисмоний ёки юридик шахснинг масъул этиб тайинлаган ходимлари томонидан имзоланади ва пакетнинг белгиланган қисмига муҳр босилади.

13. Намуналар ёки синамаларни олишда техника хавфсизлиги қоидаларига риоя этилиши бўйича жавобгарлик тадқиқотни (экспертизани) тайинлаган жисмоний шахс ёки юридик шахснинг масъул этиб тайинлаган ходимлари зиммасига юкланади.

3-§. Суриштирув, тергов, прокуратура, суд органлари қарорлари асосида намуналар ёки синамалар олиш

14. Суриштирув, тергов, прокуратура, суд органлари қарорлари асосида товарлардан намуналар ёки синамалар олиш, ушбу қарорларда масъул этиб тайинланган шахс томонидан холислар, заруратга кўра, мутахассис иштирокида амалга оширилади.

Бунда намуналарни (синамаларни) олган шахс намуналар ёки синамалар товар партияси таркиби ва хусусиятларини тўлиқ ифодалашини таъминлаши шарт ҳамда олинган намуналар ёки синамалар, маълумотларнинг ишончлилиги учун жавоб беради.

15. Намуналар ёки синамалар уч нусхада олиниб, ушбу Низомга 3-иловага мувофиқ икки нусхада тузиладиган намуналар ёки синамалар олиш далолатномасини қарорда масъул этиб тайинланган шахс расмийлаштиради ҳамда қарорда масъул этиб тайинланган шахс, холислар, шунингдек, заруратга кўра эса, мутахассис томонидан имзоланади.

Бунда далолатноманинг биринчи нусхаси намуналар ёки синамалар билан бирга божхона лабораториясига шу куннинг ўзида юборилади, иккинчи нусхаси қарорда масъул этиб тайинланган шахсга берилади.

16. Намуналар ёки синамаларнинг ҳар бир нусхаси мазкур Низомга 4-иловага мувофиқ қадоқланади ва махсус қадоқ устидаги жадвал товар тўғрисидаги маълумотлар билан тўлдирилади ҳамда қарорда масъул этиб тайинланган шахс, холислар, шунингдек, заруратга кўра, мутахассис томонидан пакетнинг белгиланган қисми имзоланади ва қарорда масъул этиб тайинланган шахснинг муҳри босилади.

17. Намуналар ёки синамаларни олишда техника хавфсизлиги қоидаларига риоя этилиши бўйича жавобгарлик тадқиқотни (экспертизани) тайинлаган қарорда масъул этиб тайинланган шахсга юклатилади.

3-боб. Намуналар ёки синамаларни қабул қилиш

1-§. Товар эркин муомалага чиқариш (импорт) божхона режимига жойлаштирилаётганда намуналар ёки синамаларни қабул қилиш

18. Тадқиқот (экспертиза) божхона постининг божхона лабораторияси эксперти томонидан амалга оширилаётган бўлса, намуналар ёки синамалар ушбу Низомга 3-иловага мувофиқ шаклдаги намуналар ёки синамалар олиш далолатномаси билан бирга намуналар ёки синамаларни олган божхона органи мансабдор шахси томонидан божхона постининг божхона лабораторияси экспертига етказилади.

Тадқиқот (экспертиза) Давлат божхона қўмитасининг ёки унинг ҳудудий бошқармаларининг божхона лабораторияси экспертлари томонидан амалга оширилаётган бўлса, тадқиқотни (экспертизани) тайинлаган божхона органининг йўлланма хати, намуналар ёки синамалар ва ушбу Низомга 3-иловага мувофиқ шаклдаги намуналар ёки синамалар олиш далолатномаси билан бирга Давлат божхона қўмитаси ёки унинг ҳудудий бошқармаларининг божхона лабораторияси экспертларига етказилади.

Тадқиқотни (экспертизани) тайинлаган божхона органи ушбу тадқиқот (экспертиза) қайси лабораторияда ўтказилишини кўрсатиб ўтади.

19. Йўлланма хатида қуйидаги маълумотлар:

божхона лабораториясига ҳал қилиш учун қўйилган саволлар;

миқдори кўрсатилган намуналар ёки синамалар рўйхати;

намуналар ёки синамалар қадоқланган махсус қадоқ идентификация рақами;

ҳар бир ҳужжатнинг рақами;

божхона юк декларациясининг 7-графасидаги рақами акс эттирилади.

Йўлланма хати тадқиқотни (экспертизани) тайинлаган божхона органининг бошлиғи ёки унинг ўринбосари томонидан имзоланади.

20. Намуналар ёки синамалар божхона пости божхона лабораториясига келиб тушганда, божхона лабораторияси эксперти тақдим этилган намуналар ёки синамалар ушбу Низомга 4-иловага мувофиқ қадоқланганлигини текширади.

Йўлланма хати, намуналар ёки синамалар ва ушбу Низомга 3-иловага мувофиқ шаклдаги намуналар ёки синамалар олиш далолатномаси Давлат божхона қўмитаси ёки унинг ҳудудий бошқармаларининг божхона лабораторияси экспертларига келиб тушганда, материалларни қабул қилиш ва экспертиза материаллари жавобларининг жўнатилишига масъул бўлган шахс томонидан ушбу Низомга 4-иловага мувофиқ экспертизага юборилган ва тақдим этилган материаллар қадоқланганлигини ва мазкур Низомнинг 19-бандида назарда тутилган маълумотларни текшириб чиқади.

Ушбу Низом талабларини бузган ҳолда расмийлаштирилган намуналар ёки синамалар тадқиқотни (экспертизани) тайинлаган божхона органига камчиликларни бартараф этиш учун камчиликлар аниқланган куннинг ўзида қайтарилади.

Тақдим этилган материаллар ушбу Низом талабларига мувофиқ келса, йўлланма хатининг иккинчи нусхасига қабул қилиб олганлик тўғрисида белги қўйилади ҳамда у тадқиқотни (экспертизани) тайинлаган божхона органига қайтарилади.

21. Намуналар ёки синамалар декларация қилинган товарга тегишли бўлмаса, қадоқда товарга нисбатан ваколатли шахс имзоси бўлмаса, божхона лабораторияси экспертлари қайтадан намуналар ёки синамалар олишни тайинлаш ҳуқуқига эга, қайтадан намуналар ёки синамалар олиш ушбу Низом билан белгиланган тартибда, мажбурий равишда мутахассис сифатида божхона лабораторияси эксперти иштирок этган ҳолда ўтказилади.

2-§. Жисмоний ёки юридик шахслар томонидан тақдим этилган товар намуналарини (синамаларини) қабул қилиш тартиби

22. Тадқиқот (экспертиза) жисмоний ёки юридик шахслар мурожаатига асосан амалга оширилаётганда, йўлланма хати ва намуналар ёки синамалар Давлат божхона қўмитаси ёки унинг ҳудудий бошқармаларининг божхона лабораторияси экспертларига етказилади.

23. Йўлланма хатида қуйидаги маълумотлар:

божхона лабораториясига ҳал қилиш учун қўйилган саволлар;

миқдори кўрсатилган намуналар ёки синамалар рўйхати;

намуналар ёки синамалар қадоқланган махсус қадоқнинг идентификация рақами;

намуналар ёки синамалар товарларни таснифлаш бўйича дастлабки қарорни қабул қилиш учун тақдим этилган бўлса, Ўзбекистон Республикаси Божхона кодексининг 371-моддасида белгиланган маълумотлар мажбурий тарзда акс эттирилиши керак.

Йўлланма хати тадқиқотни (экспертизани) тайинлаган жисмоний шахс ёки юридик шахснинг масъул раҳбари томонидан имзоланади.

Йўлланма хати намуналар ёки синамалар билан бирга Давлат божхона қўмитаси ёки унинг ҳудудий бошқармаларининг божхона лабораторияси экспертларига келиб тушганда, материалларни қабул қилиш ва экспертиза материаллари жавобларининг жўнатилишига масъул бўлган шахс томонидан экспертизага юборилган ва тақдим этилган материаллар мазкур Низомга 4-иловага мувофиқ қадоқланганлигини ва ушбу Низомнинг 23-бандида назарда тутилган маълумотларнинг тўлиқлигини текшириб чиқади.

Ушбу Низом талабларини бузган ҳолда расмийлаштирилган намуналар ёки синамалар тадқиқотни (экспертиза) тайинлаган жисмоний ёки юридик шахсларга камчиликларни бартараф этиш учун қайтарилади.

Тақдим этилган материаллар ушбу Низом талабларига мувофиқ келган ҳолатларда йўлланма хати белгиланган тартибда қабул қилиб олинади.

3-§. Суриштирув, тергов, прокуратура ва суд органлари қарорлари асосида юборилган товар намуналарини (синамаларини) қабул қилиш тартиби

24. Суриштирув, тергов, прокуратура ва суд органларининг қарорлари асосида тайинланган тадқиқотни (экспертизани) Давлат божхона қўмитаси ёки унинг ҳудудий бошқармалари экспертлари амалга ошираётган бўлса, тадқиқотни (экспертиза) тайинлаган органнинг қарори йўлланма хати билан бирга Давлат божхона қўмитаси ёки унинг ҳудудий бошқармалари экспертларига етказилади.

25. Йўлланма хати тадқиқотни (экспертизани) тайинлаган ваколатли орган раҳбарияти томонидан имзоланади.

26. Суриштирув, тергов, прокуратура ва суд органларининг қарорларида белгиланган шахс томонидан намуналар ёки синамалар тадқиқот (экспертиза) учун Давлат божхона қўмитаси ёки унинг ҳудудий бошқармалари божхона лабораторияси экспертларига келиб тушганда, намуналар ёки синамалар белгиланган тартибга мувофиқ қадоқланганлиги текшириб чиқилади.

Ушбу Низом талабларини бузган ҳолда расмийлаштирилган намуналар ёки синамаларни юборган шахсга камчиликларни бартараф этиш учун қайтарилади.

4-боб. Намуналар ёки синамаларни тасарруф этиш

1-§. «Эркин муомалага чиқариш (импорт)» божхона режимига жойлаштирилаётган товарлар намуналари ёки синамаларини тасарруф этиш

27. Тадқиқот (экспертиза) натижасида товарнинг божхона лабораторияси эксперти томонидан аниқланган ТИФ ТН коди божхона юк декларациясида кўрсатилган кодга мос келса — ижобий экспертиза хулосаси ёки товарнинг божхона лабораторияси эксперти томонидан аниқланган ТИФ ТН коди божхона юк декларациясида кўрсатилган кодга мос келмаса — салбий экспертиза хулосаси берилади. Божхона экспертизаси йигирма иш кунигача бўлган вақтда ўтказилади.

28. Намуналар ёки синамалар, шунингдек, уларнинг физик-кимёвий тадқиқотлар ўтказилгандан сўнг қолган қисмлари (шундай тадқиқот ўтказилган ҳолатда) қуйидаги тартибда тасарруф этилади:

салбий эксперт хулосаси қабул қилинганда — тадқиқ қилиш учун тақдим этилган намуналар ёки синамаларнинг ва уларнинг қолдиқларининг барча нусхалари божхона лабораториясида қолдирилади;

ижобий эксперт хулосаси қабул қилинганда — тадқиқ қилиш учун тақдим этилган намуналар ёки синамалар ва уларнинг қолдиқлари товарга нисбатан ваколатларга эга бўлган шахсга қайтарилади.

29. Қайтарилиши лозим бўлган намуналар ёки синамалар ва (ёки) уларнинг қолдиқлари тадқиқотни (экспертизани) тайинлаган божхона органи ходимига қадоқланган (муҳрланган) ҳолда экспертиза хулосаси берилган кунинг ўзида қайтарилади ҳамда ушбу мансабдор шахс томонидан йўлланма хатининг иккинчи нусхасига қабул қилиб олганлик ва миқдори тўғрисида белги қўйилади. Белги қўйилган йўлланма хатининг иккинчи нусхаси божхона лабораториясида қолади.

Божхона лабораториясидан олинган намуналар ёки синамалар ва (ёки) уларнинг қолдиқлари тадқиқотни (экспертизани) тайинлаган божхона органи ходими томонидан товарга нисбатан ваколатларга эга бўлган шахсга қайтарилади.

Агар қайтариб юборилган намуналар ёки синамалар ва (ёки) уларнинг қолдиқларига тааллуқли тадқиқот (экспертиза) юзасидан такрорий, қўшимча ёки комплекс тадқиқот (экспертиза) ўтказишга эҳтиёж туғилган тақдирда, қайтариб юборилган намуналар ёки синамалар ва (ёки) уларнинг қолдиқлари сақлаш қоидаларига риоя қилинган (қадоқланган, муҳрланган) ҳолда экспертизага юборилиши шарт.

Қўшимча божхона экспертизаси биринчи (аввалги) божхона экспертизаси хулосасида мавжуд бўлган камчиликларни тўлдириш учун тайинланади ва ўша экспертнинг ўзи ёки бошқа эксперт ёхуд экспертлар комиссияси томонидан ўтказилади.

Хулоса асосланмаганда ёхуд унинг асосидаги далиллар ҳақиқий эмас деб топилганда, такрорий божхона экспертизаси тайинланади.

Божхона экспертизасини экспертлар комиссияси томонидан ўтказиш божхона экспертизасини тайинлаган орган томонидан белгиланади.

30. Божхона лабораториясида қолдирилган намуналар ёки синамалар тегишли божхона органи ёки ваколатли органлар томонидан тайинланган қайта тадқиқот (экспертиза) ўтказишда ишлатилиши мумкин.

2-§. Жисмоний ёки юридик шахслар томонидан тақдим этилган товарлар намуналари ёки синамаларини тасарруф этиш

31. Намуналар ёки синамалар, шунингдек, уларнинг физик-кимёвий тадқиқотлар ўтказилгандан кейин қолган қисмлари жисмоний ёки юридик шахсларга қайтарилади. Божхона экспертизаси йигирма иш кунигача бўлган вақтда ўтказилади.

32. Қайтарилиши лозим бўлган намуналар ёки синамалар ва уларнинг қолдиқлари жисмоний ёки юридик шахснинг масъул ходимига қадоқланган (муҳрланган) ҳолда экспертиза хулосаси берилган кунинг ўзида қайтарилади ва ушбу ходим томонидан йўлланма хатининг иккинчи нусхасига қабул қилиб олганлик ва миқдори тўғрисида белги қўйилади. Белги қўйилган йўлланма хатининг иккинчи нусхаси божхона лабораториясида қолади.

Агар қайтариб юборилган намуналар ёки синамалар ва (ёки) уларнинг қолдиқларига тааллуқли тадқиқот (экспертиза) юзасидан такрорий, қўшимча ёки комплекс тадқиқотга (экспертизага) эҳтиёж туғилган тақдирда, қайтариб юборилган намуналар ёки синамалар ва (ёки) уларнинг қолдиқлари сақлаш қоидаларига риоя қилинган ҳолда экспертизага юборилиши шарт.

Қўшимча божхона экспертизаси биринчи (аввалги) божхона экспертизаси хулосасида мавжуд бўлган камчиликларни тўлдириш учун тайинланади ва ўша экспертнинг ўзи ёки бошқа эксперт ёхуд экспертлар комиссияси томонидан ўтказилади.

Хулоса асосланмаганда ёхуд унинг асосидаги далиллар ҳақиқий эмас деб топилганда, такрорий божхона экспертизаси тайинланади.

Божхона экспертизасини экспертлар комиссияси томонидан ўтказиш божхона экспертизасини тайинлаган орган томонидан белгиланади.

33. Бир нусхада олинган (товар миқдоридан келиб чиққан ҳолда имконияти мавжуд бўлмаган) намуналар ёки синамаларнинг тадқиқот ўтказилгандан сўнг қолдиқлари жисмоний ва юридик шахсларга ушбу Низомнинг 32-бандига мувофиқ қайтарилади.

3-§. Суриштирув, тергов, прокуратура ва суд органлари қарорлари асосида юборилган товарлар намуналари ёки синамаларини тасарруф этиш

34. Намуналар ёки синамалар, шунингдек, уларнинг физик-кимёвий тадқиқотлар ўтказилгандан кейин қолган қисмлари суриштирув, тергов, прокуратура, суд органлари қарорларида намуналарни тақдим қилишга масъул этиб тайинланган шахсга, яъни намуналарни божхона лабораториясига юборган шахсга қайтарилади. Божхона экспертизаси суриштирув, тергов, прокуратура, суд органлари қарорлари асосида ўттиз иш кунигача бўлган вақтда ўтказилади.

35. Қайтарилиши лозим бўлган намуналар ёки синамалар ва (ёки) уларнинг қолдиқлари намуна учун масъул этиб тайинланган шахсга қадоқланган (муҳрланган) ҳолда экспертиза хулосаси берилган кунинг ўзида қайтарилади ва ушбу шахс томонидан йўлланма хатининг иккинчи нусхасига қабул қилиб олганлик ва миқдори тўғрисида белги қўйилади. Белги қўйилган йўлланма хатининг иккинчи нусхаси божхона лабораториясида қолади.

Агар қайтариб юборилган намуналар ёки синамалар ва (ёки) уларнинг қолдиқларига тааллуқли тадқиқот (экспертиза) юзасидан такрорий, қўшимча ёки комплекс тадқиқотга (экспертизага) эҳтиёж туғилган тақдирда, қайтариб юборилган намуналар ёки синамалар ва (ёки) уларнинг қолдиқлари сақлаш қоидаларига риоя қилинган ҳолда экспертизага юборилиши шарт.

Қўшимча божхона экспертизаси биринчи (аввалги) божхона экспертизаси хулосасида мавжуд бўлган камчиликларни тўлдириш учун тайинланади ва ўша экспертнинг ўзи ёки бошқа эксперт ёхуд экспертлар комиссияси томонидан ўтказилади.

Хулоса асосланмаганда ёхуд унинг асосидаги далиллар ҳақиқий эмас деб топилганда такрорий божхона экспертизаси тайинланади.

Божхона экспертизасини экспертлар комиссияси томонидан ўтказиш божхона экспертизасини тайинлаган орган томонидан белгиланади.

5-боб. Намуналар ёки синамаларни сақлаш

36. Божхона лабораториясида қолдирилган намуналар ёки синамалар товарнинг истеъмол идишида кўрсатилган сақлаш (яроқлилик) муддатларига мувофиқ сақланади. Бундай маълумотлар мавжуд бўлмаган тақдирда, уларнинг сақлаш муддатлари товарга тегишли бўлган халқаро стандартлар ва Ўзбекистон Республикаси стандартлари билан белгиланган муддатларни аниқлаган ҳолда, қуйидаги муддатлардан ошиб кетмаган ҳолда сақланади:

божхона лабораториясида салбий эксперт хулосаси қабул қилинса, хулоса берилган санадан бошлаб — 3 йил давомида;

тез бузиладиган озиқ-овқат маҳсулотларининг намуналарини (синамаларини) сақлаш муддати — улар божхона лабораториясига тақдим қилинган вақтдан бошлаб 1 ой давомида;

агар намуналар ёки синамаларнинг яроқлилик муддати божхона лабораториясига топширилгандан бошлаб, ушбу бандда белгиланган сақлаш муддати оралиғида тугаса ва божхона экспертизасида уларнинг қадоқларидаги, ёрлиқларидаги маълумотлардан фойдаланилган бўлса, у ҳолда ушбу қадоқлар ва ёрлиқлар қолган белгиланган муддатгача сақланади.

37. Ҳудудий божхона бошқарма ва божхона постида намуналар ёки синамаларни сақлаш ҳудудий божхона бошқармалари ва «Тошкент-АЭРО» ихтисослаштирилган божхона комплекси бошлиғининг топшириғига асосан белгиланган моддий жавобгар шахс жавобгарлиги остида амалга оширилади.

38. Давлат божхона қўмитасида намуналар ёки синамаларни сақлаш масъул бошқарма моддий жавобгар шахсининг жавобгарлиги остида амалга оширилади.

39. Намуналар ёки синамалар товарнинг ТИФ ТН коди бўйича таснифланишига таъсир қилувчи кўрсаткичлар ўзгармаслигини таъминловчи, ёнғин хавфсизлигига жавоб берувчи, намликдан ва ташқи муҳитнинг ноқулай омилларидан ҳимояланган шароитларда сақланиши керак.

6-боб. Намуналар ёки синамаларни йўқ қилиш

40. Намуналар ёки синамаларни сақлаш муддати тугагач, улар йўқ қилинади.

41. Масъул бошқарма ҳудудий божхона бошқармаси ва божхона постининг масъул шахси ҳар чоракда, ҳисобот чорагидан кейинги ойнинг 15-санасидан кечиктирмасдан, сақлаш муддати ўтиб кетган (агар шундай ҳолатлар бўлса) намуналар ёки синамаларни йўқ қилиш тўғрисида ушбу масъул бошқарма бошлиғи (пост бошлиғи) номига билдирги беради.

Билдиргида товарнинг номи, сони, божхона лабораториясининг тегишли хулосаси рўйхатга олинган рақами кўрсатилган ҳолда, сақлаш муддати ўтиб кетган намуналар, синамалар рўйхати илова қилинади.

42. Намуналар ёки синамаларни йўқ қилиш учун масъул бошқарма бошлиғининг (пост бошлиғининг) ёзма кўрсатмасига кўра таркибида камида учта божхона ходимларидан иборат бўлган комиссия тузилади.

43. Намуналар ёки синамаларни йўқ қилиш усули намуналар ёки синамалар йўқ қилинаётганда вужудга келувчи моддаларнинг атроф-муҳитга таъсири, шунингдек, иқтисодий самарадорлик нуқтаи назаридан келиб чиққан ҳолда тегишли комиссия аъзолари томонидан танланади.

Намуналар ёки синамаларни йўқ қилиш учун намуналар ва синамаларни ёқиш, парчалаш, майдалаш каби усуллардан фойдаланилади.

44. Комиссия намуналар ёки синамаларни йўқ қилгач, бу тўғрисида ушбу Низомга 5-иловага мувофиқ шаклда намуналар ёки синамаларни йўқ қилиш тўғрисида далолатнома тузади. Далолатномада ҳар бир намунани (синамани) йўқ қилиш усули акс эттирилиши керак.

45. Сақлаш муддати ўтиб кетган алоҳида намуналар ёки синамалар божхона лабораторияси бошлиғининг кўрсатмасига биноан кўргазмали ўқув қуроллари ёки лаборатория музейининг экспонати сифатида қолдирилиши мумкин.

7-боб Якунловчи қоида

46. Ушбу Низом талабларининг бузилишига айбдор бўлган шахслар қонунчилик ҳужжатларида белгиланган тартибда жавоб берадилар.

Ўзбекистон Республикаси божхона органлари тизимида товарларнинг намуналари ва синамаларини тасарруф этиш тартиби тўғрисидаги низомга 1-ИЛОВА

Ўзбекистон Республикаси божхона органлари тизимида товарларнинг намуналари ёки синамаларини тасарруф этиш

Босқичлар Субъектлар Тадбирлар Бажариш муддатлари 1-босқич Божхона органлари Ушбу низомнинг 2-боби талабларига асосан намуналар ёки синамалар олиниб, махсус қадоқларда божхона лабораториясига юборилади. Намуналар ёки синамалар олинган куни 2-босқич Божхона органлари Божхона лабораторияси намуналар ёки синамаларни ушбу Низомнинг 3-боби талаблари асосида қабул қилади ва экспертиза ўтказади. Йигирма иш кунигача 3-босқич Божхона органлари Намуналар ёки синамалар ва уларнинг қолдиқлари божхона экспертизасини тайинлаган божхона органига ушбу Низомнинг 4-боби талаблари асосида қадоқланган ҳолда қайтарилади. Экспертиза натижалари асосида хулоса қабул қилинган куни 1-босқич Жисмоний ёки юридик шахслар томонидан Ушбу Низомнинг 2-боби талабларига асосан намуналар ёки синамалар олиниб, махсус қадоқларда божхона лабораториясига юборилади. Жисмоний ёки юридик шахслар хоҳишига кўра 2-босқич Жисмоний ёки юридик шахслар томонидан Божхона лабораторияси намуналар ёки синамаларни ушбу Низомнинг 3-боби талаблари асосида қабул қилади ва экспертиза ўтказади. Йигирма иш кунигача 3-босқич Жисмоний ёки юридик шахслар томонидан Намуналар ёки синамалар ва уларнинг қолдиқлари жисмоний ёки юридик шахсга ушбу Низомнинг 4-боби талаблари асосида қадоқланган ҳолда қайтарилади. Экспертиза натижалари асосида хулоса қабул қилинган куни 1-босқич Суриштирув, тергов, прокуратура ва суд органлари қарорлари асосида Ушбу Низомнинг 2-боби талабларига асосан намуналар ёки синамалар олиниб, махсус қадоқларда божхона лабораториясига юборилади. Намуналар ёки синамалар олинган куни 2-босқич Суриштирув, тергов, прокуратура ва суд органлари қарорлари асосида Божхона лабораторияси намуналар ёки синамаларни ушбу Низомнинг 3-боби талаблари асосида қабул қилади ва экспертиза ўтказади. Ўттиз иш кунигача 3-босқич Суриштирув, тергов, прокуратура ва суд органлари қарорлари асосида Намуналар ёки синамалар ва уларнинг қолдиқлари намуналар ёки синамаларни тақдим этган органга ушбу Низомнинг 4-боби талаблари асосида қадоқланган ҳолда қайтарилади. Экспертиза натижалари асосида хулоса қабул қилинган куни

Ўзбекистон Республикаси божхона органлари тизимида товарларнинг намуналари ва синамаларини тасарруф этиш тартиби тўғрисидаги низомга 2-ИЛОВА

Намуналар ва синамаларни тасарруф этиш ва божхона экспертизасини ўтказиш мақсадида зарур сарфлаш материаллари

Т/р Номи 1. Махсус полимер пакет 2. Оғиз қисми бураб ёпиладиган шаффоф полимер идиш ва қопқоқ 3. Оғиз қисми кенг, бураб ёпиладиган полимер идиш ва қопқоқ 4. Оғиз қисми бураб ёпиладиган шиша идиш ва қопқоқ 5. Оғиз қисми кенг, бураб ёпиладиган шиша идиш ва қопқоқ

Ўзбекистон Республикаси божхона органлари тизимида товарларнинг намуналари ва синамаларини тасарруф этиш тартиби тўғрисидаги низомга 3-ИЛОВА

‎‎‎ЎЗБЕКИСТОН РЕСПУБЛИКАСИ ‎ДАВЛАТ БОЖХОНА ҚЎМИТАСИ ‎ ‎‎Намуналар ёки синамаларни олиш далолатномаси ‎Махсус қадоқнинг идентификация рақами __________________ ‎ ‎‎________________________________ шаҳар ‎‎20___ йил «___»___________ ‎‎(далолатнома тузилган жой) ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎‎____________________________________________________________________________________________ ‎‎(божхона пости коди ва номи, божхона пости мансабдор шахсининг Ф.И.О., мансаби) __________________________________________________________________________________ иштирокида ‎‎(товарга нисбатан ваколатга эга бўлган шахснинг Ф.И.О., мансаби, манзили) ‎‎__________________________________________________________________________________ иштирокида (заҳарли, токсик, кучли таъсир қилувчи товарлар учун мутахассиснинг Ф.И.О., иш жойи, мансаби) ‎ ‎ ‎‎____________________________________________________________________________________________ (Ф.И.О., яшаш манзили) ____________________________________________________________________________________________‎‎ (Ф.И.О., яшаш манзили) ‎‎‎‎__________________________________________________________________________________ иштирокида ‎‎(намуна ва синамаларни олишга алоқаси бўлган бошқа шахслар) ‎ ‎ ‎‎Ўзбекистон Республикаси Божхона Кодексининг 211-моддасига мувофиқ тадқиқот (экспертиза) ўтказиш учун намуналар ёки синамалар танлаб олинди. ____________________________________________________________________________________________ ‎‎(товарнинг номи) ‎‎тегишли товар ________________________________________________________________________________ ‎ ‎ ‎ ‎‎(товарга нисбатан ваколатга эга бўлган хўжалик субъектининг номи) ‎‎____________________________________________________________________________________________ ‎‎(ёки жисмоний шахснинг Ф.И.О., паспорти серияси ва рақами) ‎‎Товар келиб тушди ____________________________________________________________________________ ‎ ‎ ‎ ‎‎(қайси транспорт турида (авиа, т/й, авто) ва транспорт воситасининг рақами ёки қўл юки рақами) _____________________________________________________________________________________ ўралган ‎‎(қопларга, қутиларга ёки бошқа идишларга солинган) ‎ ‎ ______________________________________________________________________________ дан келган товар‎‎ ‎‎(хўжалик субъектининг номи, манзили, экспорт қилувчи мамлакат) ‎ ‎ ‎ ‎‎__________________________________________________________________________ манзилга жўнатилган ‎‎(юкни олувчи хўжалик субъектининг номи, манзили, импорт қилувчи мамлакат) ‎ ‎ ‎ ‎ ‎‎ва божхона расмийлаштирувига 20___ йил «___» ______________да тақдим этилган. ‎‎Намуналар ёки синамалар олинишидан олдин юқорида кўрсатилган шахсларга божхона постининг мансабдор шахси томонидан намуналар олинаётганда амалга ошириладиган барча ҳаракатларда иштирок этиш ҳуқуқи, далолатномага киритиладиган аризаларни, тушунтиришларни бериши мумкинлиги тушунтирилди. ‎‎‎‎____________________________________________________________________________________________ ‎‎(танлов иштирокчиларининг Ф.И.О. ва имзоси) ‎‎Намуналар ёки синамаларни олиш қуйидаги шароитларда амалга оширилади ‎‎____________________________________________________________________________________________ ‎‎(очиқ, қуёшли, булутли ҳавода ва бошқалар) ва __________________________________________________________________________________________‎‎ ‎‎‎‎(табиий ва сунъий ёритишларда) ‎‎манзил бўйича. ‎‎Намуналар ёки синамаларни олишда қуйидаги илмий-техник воситалар ва техник назорат воситалари қўлланилади. ____________________________________________________________________________________________‎‎ ‎‎Ушбу далолатнома бўйича намуналар ёки синамалар сифатида қуйидаги намуналар ёки синамалар олинди: ____________________________________________________________________________________________‎‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ Т/р‎ Намуналар ёки синамаларнинг шахсий белгилари‎‎ Ўлчов бирлиги (кг, л, гр, м 2 , дона ва бошқалар) ‎‎ Намуналар ёки синамалар сони‎ 1‎ 2‎‎ 3‎‎ 4‎‎ (Тўлдириш бўйича мисол:)‎‎ 1.‎ Оч жигар рангли «Shell» мотор мойи, 0,5 л. пластик идишларда ‎‎ л‎‎ 3 бут. х 0,5 = 1,5‎‎ ‎‎3 нусхада олинди, намуналар ёки синамалар ________________________________________________________ _____________________________________________________________________________________ ‎‎ўралган ‎‎(ўраш тури, ёрлиқдаги муҳр рақами) ‎‎Иштирок этувчи шахсларнинг аризалари, фикр-мулоҳазалари __________________________________________ ‎____________________________________________________________________________________________ ‎‎Маълумотнома ўқиб чиқилди. Маълумотлар тўғри ёзилган. ‎‎Иштирокчилар: ‎‎_____________________________________ _____________________________________‎‎ ‎ ‎‎(имзо, Ф.И.О.) ‎ ‎ ‎‎(имзо, Ф.И.О.) ‎ ‎‎_____________________________________ ‎‎ ‎‎_____________________________________ ‎‎ ‎ ‎‎(имзо, Ф.И.О.) ‎ ‎ ‎‎(имзо, Ф.И.О.) ‎ Далолатноманинг нусхасини олди _____________________________________ ‎‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎‎(имзо, Ф.И.О.) ‎ ‎‎Далолатномани тузган божхона постининг мансабдор шахси ________________________ _______________________________ ‎‎ (муҳр ўрни)‎‎ (имзо)‎‎ (Ф.И.О.)‎‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎

Ўзбекистон Республикаси божхона органлари тизимида товарларнинг намуналари ва синамаларини тасарруф этиш тартиби тўғрисидаги низомга 4-ИЛОВА

Намуналар ёки синамаларни қадоқлаш усуллари

Намуналар ёки синамаларни қадоқлаш олинган намуналар ёки синамаларни алмаштириб қўйишга йўл қўймайдиган, ёрлиқ ёки ўрамни бутунлигини таъминлайдиган усулда амалга оширилиши керак.

Шунингдек, намуналар ёки синамаларнинг хусусиятларидан келиб чиққан ҳолда, мазкур илованинг биринчи хатбоши талабларига жавоб берувчи махсус қадоқлардан фойдаланган ҳолда амалга оширилиши керак.

Махсус қадоқ — герметик полимер пакет бўлиб, уч томондан ёпилган, фақат бир томонидан намуналар ёки синамаларни қадоқ ичига солиш имкониятига эга. Ушбу пакетнинг оғиз қисми бир марталик ўзи ёпишадиган лента билан таъминланган бўлиб, ушбу лента пакет оғзи ёпилгандан сўнг қайта очиш имкониятини бермасликка мўлжалланган. Пакетнинг устки юқори қисмида махсус қадоқнинг идентификация рақами, марказ қисмида намуналар ёки синамалар тўғрисида маълумотлар (номи, миқдори, кўриниши, огоҳлантирувчи белгилар), товар «эркин муомалага чиқариш (импорт)» божхона режимига жойлаштирилаётганда божхона пости коди ва номи, намуналар ёки синамалар олинганда қатнашган шахсларнинг исми, фамилияси, имзоси ва намуналар ёки синамалар олинган санани ёзишга мўлжалланган жадвал кўринишидаги катакчалар ва муҳр ўрни мавжуд. Махсус қадоқларнинг ҳисоботи электрон тарзда юритилади.

Пакетнинг намуналар ёки синамалар солинадиган оғиз қисмидан намуналар (синамалар) пакет ичига жойлаштиргандан сўнг оғиз қисмидаги ўзи ёпишадиган лента ёрдамида пакет оғзи ёпилади. Пакетнинг устки томонида намуналар ёки синамалар тўғрисида маълумотлар (номи, миқдори, кўриниши, огоҳлантирувчи белгилар), товар «эркин муомалага чиқариш (импорт)» божхона режимига жойлаштирилаётганда божхона пости коди ва номи, намуналар ёки синамалар олинган сана, намуналар ёки синамалар олинганда қатнашган шахсларнинг исми, фамилияси ёзилади ва намуналар ёки синамалар олинганда қатнашган шахслар ўз исми, фамилияси тўғрисига имзо қўяди. Маълумотлар қўлёзма шаклида пакетга ёзилади.

Тайёр товарлардан олинган намуналар ёки синамалар ишлаб чиқарувчининг қадоқлари билан бирга, ишлаб чиқарувчининг қадоқлари очилмаган ҳолда махсус қадоқларга жойлаштирилиши керак.

Юқорида келтирилган махсус қадоқларда, намуналар ёки синамаларни хусусиятлари ва шаклидан келиб чиққан ҳолда қуйидаги ўраш усулларидан фойдаланилади:

1) намуналар ёки синамаларнинг қаттиқ шакллари (газламаларнинг бўлаклари, брусоклар, листлар, плиталар ва бошқалар) ва сочиладиган турлари (кукунлар, гранулалар, қаламчалар ва бошқалар) махсус қадоқларга тўғридан-тўғри солинади ва мазкур илованинг тўртинчи хатбоши талаблари асосида қадоқланади;

2) намуналар ёки синамаларнинг суюқ турлари (эритмалар, суюқликлар, эмульсиялар, суспензиялар ва бошқалар) тоза ва қуруқ идишга (ёрлиқ ёпиштирилмаган шиша, пластик бутилкаларга ва флакончаларга) солинади ва қопқоқ билан беркитилади (тиқин, қопқоқ). Агар олинган нусха учиб кетувчи моддалардан иборат бўлса, олинган нусханинг парланиб (буғланиб) кетишининг олдини олиш мақсадида идишнинг юқори қисми тоза полимер пленка билан ўралади ва мустаҳкам ип билан боғланади. Сўнгра ушбу намуналар ёки синамалар солинган идиш махсус қадоқларга солинади ва мазкур илованинг тўртинчи хатбоши талаблари асосида қадоқланади.

Ўзбекистон Республикаси божхона органлари тизимида товарларнинг намуналари ва синамаларини тасарруф этиш тартиби тўғрисидаги низомга 5-ИЛОВА

‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎‎‎«Тасдиқлайман» ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎‎________________________________ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎‎(раҳбарнинг лавозими) ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ________________________________ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎‎________________________________ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎‎(Ф.И.О., имзо) ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎‎20___ йил «___» ____________ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎‎Намуналар ёки синамаларни йўқ қилиш ‎ДАЛОЛАТНОМАСИ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎‎‎‎_______________ шаҳри ‎ ‎ ‎ ‎ ‎ ‎ ‎ ‎‎20__ йил «____»_____________ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎‎Биз, намуналар ёки синамаларни йўқ қилиш бўйича қуйидаги таркибда тасдиқланган комиссия аъзолари: ________________________ ____________________________________________________________________________________________ ‎‎(лавозими, Ф.И.О.) ‎‎20__ йил «___» ____________ ‎‎____________________________________________________________________________________________ (лавозими, Ф.И.О.) ____________________________________________________________________________________________ ‎‎(лавозими, Ф.И.О.) ‎‎____________________________________________________________________________________________ ‎‎(лавозими, Ф.И.О.) ____________________________________________________________________________________________ (Ф.И.О., яшаш манзили)‎‎ ____________________________________________________________________________________________‎‎ (Ф.И.О., яшаш манзили)‎‎ ____________________________________________________________________________________________‎‎ ‎‎(божхона лабораториясининг номи) ‎‎сақланган қуйидаги намуналар ёки синамалар йўқ қилинди. ‎‎Намуналар ёки синамаларни йўқ қилиш қуйидаги манзил бўйича амалга оширилади: _____________________________________________________. ‎‎Ушбу далолатнома бўйича қуйидаги намуналар ёки синамалар йўқ қилинди: ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎‎ Т/р‎ Хулоса рақами ва санаси Намуналар ёки синамалар номи‎‎ Ўлчов бирлиги ‎(кг, л, гр, м 2 , дона ва бошқалар) ‎‎ Намуналар ёки синамалар сони‎‎ Йўқ қилиш услуби ‎ ‎‎ ‎‎ ‎‎ ‎‎ ‎‎ ‎ ‎‎ ‎‎ ‎‎ ‎‎ ‎‎ ‎ ‎‎ ‎‎ ‎‎ ‎‎ ‎‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎‎Иштирок этувчиларнинг аризалари, фикр-мулоҳазалари ____________________________________________________________________________________________ ____________________________________________________________________________________________‎‎ ‎‎‎‎ ‎Далолатнома ўқиб чиқилди. Маълумотлар тўғри ёзилган. ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎‎Иштирокчилар: ‎ ‎ ‎‎‎‎ _____________________________________ ‎ ‎ ‎ ‎ ‎ ‎ ‎ ‎ ‎‎(имзо, Ф.И.О.) ‎ ‎ ‎ ‎ ‎ ‎ ‎ ‎ ‎ ‎ ‎ ‎ _____________________________________ ‎ ‎ ‎ ‎ ‎ ‎ ‎ ‎ ‎ ‎‎(имзо, Ф.И.О.) ‎ ‎ ‎ ‎ ‎ ‎ ‎ ‎ ‎ ‎ ‎ ‎ ________________________________ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎‎‎‎(имзо, Ф.И.О.) ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎‎Комиссия бошлиғи ‎ ___________________________ ____________________________________ ‎ ‎ ‎ ‎ ‎ ‎‎(имзо) ‎ ‎‎(Ф.И.О.) ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎‎20__ йил «___» ____________ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎

Ўзбекистон Республикасининг Бош вазири А. АРИПОВ

Тошкент ш.,

2021 йил 17 март,

145-сон

(Қонун ҳужжатлари маълумотлари миллий базаси, 18.03.2021 й., 09/21/145/0218-сон)

lex.uz

Oʻzbekiston Respublikasi Vazirlar Mahkamasining

qarori

NIZOM

SXEMASI

ROʻYXATI

Oʻzbekiston Respublikasi bojxona organlari tizimida tovarlarning namuna va sinamalarini tasarruf etish toʻgʻrisidagi nizomni tasdiqlash haqida

Bojxona xizmati organlarida bojxona ekspertizasini oʻtkazish tartibini jahon standartlariga moslashtirish, namuna va sinama olish jarayonlarini soddalashtirish hamda yanada takomillashtirish, tadbirkorlik subyektlariga qulay imkoniyatlar yaratish, shuningdek, mamlakatimizning xalqaro reytinglardagi oʻrnini yaxshilash maqsadida Vazirlar Mahkamasi qaror qiladi:

1. Belgilansinki:

a) tovarlar namunalarini yoki sinamalarini olish mazkur tovarlarni identifikatsiyalash va Oʻzbekiston Respublikasi Tashqi iqtisodiy faoliyat tovar nomenklaturasiga binoan tovar kodini aniqlash maqsadlarida amalga oshiriladi;

b) tovarlar namunalari yoki sinamalarni tasarruf etish hamda bojxona ekspertizasini oʻtkazish uchun zarur sarflash materiallari davlat bojxona xizmati organlarining har yilgi isteʼmolidan kelib chiqqan holda belgilangan tartibda xarid qilinadi;

v) tovarlar namunalari yoki sinamalari tovar partiyasining tarkibi va xususiyatlarini toʻliq ifodalashi hamda olingan namunalar yoki sinamalar, shuningdek, maʼlumotlar ishonchliligi uchun quyidagilar shaxsan javobgar hisoblanadi:

tovarlar erkin muomalaga chiqarish (import) bojxona rejimiga joylashtirilayotganda — bojxona organi mansabdor shaxsi;

tovar jismoniy shaxs yoki yuridik shaxslar tomonidan taqdim etilganda — jismoniy shaxs yoki yuridik shaxsning masʼul etib tayinlagan xodimlari;

namunalar yoki sinamalarni olish surishtiruv, tergov, prokuratura va sud organlari qarorlari asosida amalga oshirilganda — ushbu qarorlarda masʼul etib tayinlangan shaxslar.

2. Oʻzbekiston Respublikasining bojxona chegarasidan oʻtkazilayotgan tovarlardan namunalar yoki sinamalar tanlab olish, ularni bojxona laboratoriyalariga taqdim etish, tasarruf etish, saqlash hamda yoʻq qilish tartibini nazarda tutuvchi Oʻzbekiston Respublikasi bojxona organlari tizimida tovarlarning namunalari va sinamalarini tasarruf etish tartibi toʻgʻrisidagi nizom ilovaga muvofiq tasdiqlansin.

3. Oʻzbekiston Respublikasi Davlat bojxona qoʻmitasi manfaatdor vazirlik va idoralar bilan birgalikda oʻzlari qabul qilgan normativ-huquqiy hujjatlarni bir oy muddatda ushbu qarorga muvofiqlashtirsin.

4. Mazkur qarorning bajarilishini nazorat qilish Oʻzbekiston Respublikasi Bosh vazirining moliya-iqtisodiyot va kambagʻallikni qisqartirish masalalari boʻyicha oʻrinbosari — iqtisodiy taraqqiyot va kambagʻallikni qisqartirish vaziri J.A. Qoʻchqorov hamda Oʻzbekiston Respublikasi Davlat bojxona qoʻmitasi raisi M.B. Azimov zimmasiga yuklansin.

Vazirlar Mahkamasining 2021-yil 17-martdagi 145-son qaroriga ILOVA

Oʻzbekiston Respublikasi bojxona organlari tizimida tovarlarning namunalari va sinamalarini tasarruf etish tartibi toʻgʻrisida

1-bob. Umumiy qoidalar

1. Mazkur Nizom Oʻzbekiston Respublikasi bojxona chegarasidan oʻtkazilayotgan tovarlardan namunalar yoki sinamalarni tanlab olish, bojxona laboratoriyalariga taqdim etish, tasarruf etish, saqlash va yoʻq qilish tartibini belgilaydi.

2. Ushbu Nizomda quyidagi asosiy tushunchalar qoʻllaniladi:

bojxona laboratoriyasi — bojxona organlari tizimidagi bojxona ekspertizasini amalga oshirishga moʻljallangan maxsus laboratoriya;

vakolatli organ — qonunchilik hujjatlariga muvofiq tadqiqot (ekspertiza) tayinlash vakolatiga ega boʻlgan surishtiruv, tergov, prokuratura va sud organlari;

yoʻllanma xati — bojxona organi, vakolatli organlar, jismoniy yoki yuridik shaxslar tomonidan tadqiqot (ekspertiza) tayinlash toʻgʻrisidagi yozma yoki elektron murojaati;

namuna — bojxona maqsadlari uchun taqdim etilgan yoki tergovga qadar tekshiruv, surishtiruv harakatlari, tergov va sud jarayonlaridagi tovar partiyasining tarkibi va xususiyatlarini toʻliq ifodalovchi tovar;

namunalarni yoki sinamalarni yoʻq qilish — namunalar yoki sinamalarni tovar sifatida belgilangan maqsadlarda ishlatishga yaroqsiz holatga keltirish (yoqib yuborish, koʻmib tashlash va boshqalar);

sinama — bojxona maqsadlari uchun taqdim etilgan yoki tergovga qadar tekshiruv, surishtiruv harakatlari, tergov va sud jarayonlaridagi tovar partiyasining tarkibi va xususiyatlarini toʻliq ifodalovchi tovarning minimal qismi;

tadqiqot (ekspertiza) — bojxona laboratoriyasi eksperti tomonidan fan, texnika va boshqa sohalardagi maxsus bilimlar asosida namunalar yoki sinamalarni oʻrganish.

3. Namunalar yoki sinamalar tovarlarni identifikatsiyalash va Oʻzbekiston Respublikasi Tashqi iqtisodiy faoliyat tovar nomenklaturasiga (keyingi oʻrinlarda — TIF TN) binoan tovar kodini aniqlash maqsadlarida olinadi.

Namunalar yoki sinamalarni bojxona laboratoriyalarida tasarruf etish ushbu Nizomga 1-ilovaga muvofiq sxema boʻyicha amalga oshiriladi.

4. Tovarlardan namunalar yoki sinamalarni olish usuli tovar turidan kelib chiqqan holda xalqaro standartlar, texnik jihatdan tartibga solish sohasidagi normativ hujjatlar hamda ular asosida Oʻzbekiston Respublikasi Davlat bojxona qoʻmitasi (keyingi matnlarda — Davlat bojxona qoʻmitasi) tomonidan ishlab chiqilgan uslubga muvofiq amalga oshiriladi.

5. Tovar namunalari yoki sinamalarini tasarruf etish hamda bojxona ekspertizasini oʻtkazish uchun zarur sarflash materiallari mazkur Nizomga 2-ilovaga muvofiq bojxona organlarining har yilgi isteʼmolidan kelib chiqqan holda belgilangan tartibda xarid qilinadi.

2-bob. Namunalar yoki sinamalarni olish

1-§. Tovar erkin muomalaga chiqarish (import) bojxona rejimiga joylashtirilayotganda namunalar yoki sinamalar olish tartibi

6. Tadqiqot (ekspertiza) maqsadlari uchun erkin muomalaga chiqarish (import) bojxona rejimiga joylashtirilayotgan tovarlardan namunalar yoki sinamalar olish bojxona organi boshligʻi tomonidan masʼul etib tayinlangan bojxona organi mansabdor shaxsi tomonidan tovarga nisbatan vakolatga ega boʻlgan shaxs, shuningdek, zaruratga koʻra (zaharli, toksik, kuchli taʼsir qiluvchi tovarlar), mutaxassis ishtirokida amalga oshiriladi.

Bunda bojxona organi mansabdor shaxsi namunalar yoki sinamalar tovar partiyasining tarkibi va xususiyatlarini toʻliq ifodalash hamda olingan namunalar yoki sinamalar, shuningdek, maʼlumotlarning ishonchliligi uchun shaxsan javobgar hisoblanadi.

7. Namunalar yoki sinamalar uch nusxada olinadi va mazkur Nizomga 3-ilovaga muvofiq shakl boʻyicha bojxona organi mansabdor shaxsi tomonidan uchta nusxada namunalar yoki sinamalar olish dalolatnomasi tuziladi. Bunda dalolatnomaning:

birinchi nusxasi namunalar yoki sinamalar bilan birgalikda bojxona laboratoriyasiga shu kunning oʻzida yuboriladi;

ikkinchi nusxasi tovarga nisbatan vakolatlarga ega boʻlgan shaxsga beriladi;

uchinchi nusxasi tadqiqotni (ekspertizani) tayinlagan bojxona organida qoldiriladi.

8. Namunalar yoki sinamalarning har bir nusxasi mazkur Nizomga 4-ilovaga muvofiq qadoqlanadi va maxsus qadoq ustidagi jadval tovar toʻgʻrisidagi maʼlumotlar bilan toʻldiriladi hamda bojxona organi mansabdor shaxsining raqamlangan shaxsiy muhri bilan paketning belgilangan qismiga muhr bosiladi.

9. Namunalar yoki sinamalarni olishda texnika xavfsizligi qoidalariga rioya etilishi boʻyicha javobgarlik tadqiqotni (ekspertizani) tayinlagan bojxona organi boshligʻi yoki vakolatli organning masʼul xodimi hamda namunalar va sinamalarni olgan shaxsning zammasiga yuklanadi.

2-§. Tovar jismoniy yoki yuridik shaxslar tomonidan taqdim etilayotganda namunalar yoki sinamalar olish

10. Jismoniy yoki yuridik shaxslar tomonidan tadqiqot (ekspertiza) maqsadlarida tovarlardan namunalar yoki sinamalar olish jismoniy shaxs yoki yuridik shaxsning masʼul etib tayinlagan xodimlari tomonidan, zarurat yuzasidan (zaharli, toksik, kuchli taʼsir qiluvchi tovarlar) esa, mutaxassis ishtirokida olinadi.

Bunda jismoniy shaxs yoki yuridik shaxsning masʼul etib tayinlagan xodimlari namunalar yoki sinamalar tovar partiyasining tarkibi va xususiyatlarini toʻliq ifodalash hamda olingan namunalar yoki sinamalar, shuningdek, maʼlumotlarning ishonchliligi uchun javob beradi.

11. Namunalar yoki sinamalar uch nusxada olinib, yoʻllanma xati orqali namunalar yoki sinamalar bilan bojxona laboratoriyasiga jismoniy yoki yuridik shaxs tomonidan tanlangan kuni yuboriladi.

Tovar miqdori uch nusxada namunalar yoki sinamalar olish imkoniyatini bermasa, u holda tovardan bir nusxada namuna yoki sinama olinib, yoʻllanma xati orqali laboratoriyaga yuboriladi.

12. Namunalar yoki sinamalarning har bir nusxasi mazkur Nizomga 4-ilovaga muvofiq qadoqlanib, maxsus qadoq ustidagi jadval tovar toʻgʻrisidagi maʼlumotlar bilan toʻldiriladi hamda jismoniy yoki yuridik shaxsning masʼul etib tayinlagan xodimlari tomonidan imzolanadi va paketning belgilangan qismiga muhr bosiladi.

13. Namunalar yoki sinamalarni olishda texnika xavfsizligi qoidalariga rioya etilishi boʻyicha javobgarlik tadqiqotni (ekspertizani) tayinlagan jismoniy shaxs yoki yuridik shaxsning masʼul etib tayinlagan xodimlari zimmasiga yuklanadi.

3-§. Surishtiruv, tergov, prokuratura, sud organlari qarorlari asosida namunalar yoki sinamalar olish

14. Surishtiruv, tergov, prokuratura, sud organlari qarorlari asosida tovarlardan namunalar yoki sinamalar olish, ushbu qarorlarda masʼul etib tayinlangan shaxs tomonidan xolislar, zaruratga koʻra, mutaxassis ishtirokida amalga oshiriladi.

Bunda namunalarni (sinamalarni) olgan shaxs namunalar yoki sinamalar tovar partiyasi tarkibi va xususiyatlarini toʻliq ifodalashini taʼminlashi shart hamda olingan namunalar yoki sinamalar, maʼlumotlarning ishonchliligi uchun javob beradi.

15. Namunalar yoki sinamalar uch nusxada olinib, ushbu Nizomga 3-ilovaga muvofiq ikki nusxada tuziladigan namunalar yoki sinamalar olish dalolatnomasini qarorda masʼul etib tayinlangan shaxs rasmiylashtiradi hamda qarorda masʼul etib tayinlangan shaxs, xolislar, shuningdek, zaruratga koʻra esa, mutaxassis tomonidan imzolanadi.

Bunda dalolatnomaning birinchi nusxasi namunalar yoki sinamalar bilan birga bojxona laboratoriyasiga shu kunning oʻzida yuboriladi, ikkinchi nusxasi qarorda masʼul etib tayinlangan shaxsga beriladi.

16. Namunalar yoki sinamalarning har bir nusxasi mazkur Nizomga 4-ilovaga muvofiq qadoqlanadi va maxsus qadoq ustidagi jadval tovar toʻgʻrisidagi maʼlumotlar bilan toʻldiriladi hamda qarorda masʼul etib tayinlangan shaxs, xolislar, shuningdek, zaruratga koʻra, mutaxassis tomonidan paketning belgilangan qismi imzolanadi va qarorda masʼul etib tayinlangan shaxsning muhri bosiladi.

17. Namunalar yoki sinamalarni olishda texnika xavfsizligi qoidalariga rioya etilishi boʻyicha javobgarlik tadqiqotni (ekspertizani) tayinlagan qarorda masʼul etib tayinlangan shaxsga yuklatiladi.

3-bob. Namunalar yoki sinamalarni qabul qilish

1-§. Tovar erkin muomalaga chiqarish (import) bojxona rejimiga joylashtirilayotganda namunalar yoki sinamalarni qabul qilish

18. Tadqiqot (ekspertiza) bojxona postining bojxona laboratoriyasi eksperti tomonidan amalga oshirilayotgan boʻlsa, namunalar yoki sinamalar ushbu Nizomga 3-ilovaga muvofiq shakldagi namunalar yoki sinamalar olish dalolatnomasi bilan birga namunalar yoki sinamalarni olgan bojxona organi mansabdor shaxsi tomonidan bojxona postining bojxona laboratoriyasi ekspertiga yetkaziladi.

Tadqiqot (ekspertiza) Davlat bojxona qoʻmitasining yoki uning hududiy boshqarmalarining bojxona laboratoriyasi ekspertlari tomonidan amalga oshirilayotgan boʻlsa, tadqiqotni (ekspertizani) tayinlagan bojxona organining yoʻllanma xati, namunalar yoki sinamalar va ushbu Nizomga 3-ilovaga muvofiq shakldagi namunalar yoki sinamalar olish dalolatnomasi bilan birga Davlat bojxona qoʻmitasi yoki uning hududiy boshqarmalarining bojxona laboratoriyasi ekspertlariga yetkaziladi.

Tadqiqotni (ekspertizani) tayinlagan bojxona organi ushbu tadqiqot (ekspertiza) qaysi laboratoriyada oʻtkazilishini koʻrsatib oʻtadi.

19. Yoʻllanma xatida quyidagi maʼlumotlar:

bojxona laboratoriyasiga hal qilish uchun qoʻyilgan savollar;

miqdori koʻrsatilgan namunalar yoki sinamalar roʻyxati;

namunalar yoki sinamalar qadoqlangan maxsus qadoq identifikatsiya raqami;

har bir hujjatning raqami;

bojxona yuk deklaratsiyasining 7-grafasidagi raqami aks ettiriladi.

Yoʻllanma xati tadqiqotni (ekspertizani) tayinlagan bojxona organining boshligʻi yoki uning oʻrinbosari tomonidan imzolanadi.

20. Namunalar yoki sinamalar bojxona posti bojxona laboratoriyasiga kelib tushganda, bojxona laboratoriyasi eksperti taqdim etilgan namunalar yoki sinamalar ushbu Nizomga 4-ilovaga muvofiq qadoqlanganligini tekshiradi.

Yoʻllanma xati, namunalar yoki sinamalar va ushbu Nizomga 3-ilovaga muvofiq shakldagi namunalar yoki sinamalar olish dalolatnomasi Davlat bojxona qoʻmitasi yoki uning hududiy boshqarmalarining bojxona laboratoriyasi ekspertlariga kelib tushganda, materiallarni qabul qilish va ekspertiza materiallari javoblarining joʻnatilishiga masʼul boʻlgan shaxs tomonidan ushbu Nizomga 4-ilovaga muvofiq ekspertizaga yuborilgan va taqdim etilgan materiallar qadoqlanganligini va mazkur Nizomning 19-bandida nazarda tutilgan maʼlumotlarni tekshirib chiqadi.

Ushbu Nizom talablarini buzgan holda rasmiylashtirilgan namunalar yoki sinamalar tadqiqotni (ekspertizani) tayinlagan bojxona organiga kamchiliklarni bartaraf etish uchun kamchiliklar aniqlangan kunning oʻzida qaytariladi.

Taqdim etilgan materiallar ushbu Nizom talablariga muvofiq kelsa, yoʻllanma xatining ikkinchi nusxasiga qabul qilib olganlik toʻgʻrisida belgi qoʻyiladi hamda u tadqiqotni (ekspertizani) tayinlagan bojxona organiga qaytariladi.

21. Namunalar yoki sinamalar deklaratsiya qilingan tovarga tegishli boʻlmasa, qadoqda tovarga nisbatan vakolatli shaxs imzosi boʻlmasa, bojxona laboratoriyasi ekspertlari qaytadan namunalar yoki sinamalar olishni tayinlash huquqiga ega, qaytadan namunalar yoki sinamalar olish ushbu Nizom bilan belgilangan tartibda, majburiy ravishda mutaxassis sifatida bojxona laboratoriyasi eksperti ishtirok etgan holda oʻtkaziladi.

2-§. Jismoniy yoki yuridik shaxslar tomonidan taqdim etilgan tovar namunalarini (sinamalarini) qabul qilish tartibi

22. Tadqiqot (ekspertiza) jismoniy yoki yuridik shaxslar murojaatiga asosan amalga oshirilayotganda, yoʻllanma xati va namunalar yoki sinamalar Davlat bojxona qoʻmitasi yoki uning hududiy boshqarmalarining bojxona laboratoriyasi ekspertlariga yetkaziladi.

23. Yoʻllanma xatida quyidagi maʼlumotlar:

bojxona laboratoriyasiga hal qilish uchun qoʻyilgan savollar;

miqdori koʻrsatilgan namunalar yoki sinamalar roʻyxati;

namunalar yoki sinamalar qadoqlangan maxsus qadoqning identifikatsiya raqami;

namunalar yoki sinamalar tovarlarni tasniflash boʻyicha dastlabki qarorni qabul qilish uchun taqdim etilgan boʻlsa, Oʻzbekiston Respublikasi Bojxona kodeksining 371-moddasida belgilangan maʼlumotlar majburiy tarzda aks ettirilishi kerak.

Yoʻllanma xati tadqiqotni (ekspertizani) tayinlagan jismoniy shaxs yoki yuridik shaxsning masʼul rahbari tomonidan imzolanadi.

Yoʻllanma xati namunalar yoki sinamalar bilan birga Davlat bojxona qoʻmitasi yoki uning hududiy boshqarmalarining bojxona laboratoriyasi ekspertlariga kelib tushganda, materiallarni qabul qilish va ekspertiza materiallari javoblarining joʻnatilishiga masʼul boʻlgan shaxs tomonidan ekspertizaga yuborilgan va taqdim etilgan materiallar mazkur Nizomga 4-ilovaga muvofiq qadoqlanganligini va ushbu Nizomning 23-bandida nazarda tutilgan maʼlumotlarning toʻliqligini tekshirib chiqadi.

Ushbu Nizom talablarini buzgan holda rasmiylashtirilgan namunalar yoki sinamalar tadqiqotni (ekspertiza) tayinlagan jismoniy yoki yuridik shaxslarga kamchiliklarni bartaraf etish uchun qaytariladi.

Taqdim etilgan materiallar ushbu Nizom talablariga muvofiq kelgan holatlarda yoʻllanma xati belgilangan tartibda qabul qilib olinadi.

3-§. Surishtiruv, tergov, prokuratura va sud organlari qarorlari asosida yuborilgan tovar namunalarini (sinamalarini) qabul qilish tartibi

24. Surishtiruv, tergov, prokuratura va sud organlarining qarorlari asosida tayinlangan tadqiqotni (ekspertizani) Davlat bojxona qoʻmitasi yoki uning hududiy boshqarmalari ekspertlari amalga oshirayotgan boʻlsa, tadqiqotni (ekspertiza) tayinlagan organning qarori yoʻllanma xati bilan birga Davlat bojxona qoʻmitasi yoki uning hududiy boshqarmalari ekspertlariga yetkaziladi.

25. Yoʻllanma xati tadqiqotni (ekspertizani) tayinlagan vakolatli organ rahbariyati tomonidan imzolanadi.

26. Surishtiruv, tergov, prokuratura va sud organlarining qarorlarida belgilangan shaxs tomonidan namunalar yoki sinamalar tadqiqot (ekspertiza) uchun Davlat bojxona qoʻmitasi yoki uning hududiy boshqarmalari bojxona laboratoriyasi ekspertlariga kelib tushganda, namunalar yoki sinamalar belgilangan tartibga muvofiq qadoqlanganligi tekshirib chiqiladi.

Ushbu Nizom talablarini buzgan holda rasmiylashtirilgan namunalar yoki sinamalarni yuborgan shaxsga kamchiliklarni bartaraf etish uchun qaytariladi.

4-bob. Namunalar yoki sinamalarni tasarruf etish

1-§. “Erkin muomalaga chiqarish (import)” bojxona rejimiga joylashtirilayotgan tovarlar namunalari yoki sinamalarini tasarruf etish

27. Tadqiqot (ekspertiza) natijasida tovarning bojxona laboratoriyasi eksperti tomonidan aniqlangan TIF TN kodi bojxona yuk deklaratsiyasida koʻrsatilgan kodga mos kelsa — ijobiy ekspertiza xulosasi yoki tovarning bojxona laboratoriyasi eksperti tomonidan aniqlangan TIF TN kodi bojxona yuk deklaratsiyasida koʻrsatilgan kodga mos kelmasa — salbiy ekspertiza xulosasi beriladi. Bojxona ekspertizasi yigirma ish kunigacha boʻlgan vaqtda oʻtkaziladi.

28. Namunalar yoki sinamalar, shuningdek, ularning fizik-kimyoviy tadqiqotlar oʻtkazilgandan soʻng qolgan qismlari (shunday tadqiqot oʻtkazilgan holatda) quyidagi tartibda tasarruf etiladi:

salbiy ekspert xulosasi qabul qilinganda — tadqiq qilish uchun taqdim etilgan namunalar yoki sinamalarning va ularning qoldiqlarining barcha nusxalari bojxona laboratoriyasida qoldiriladi;

ijobiy ekspert xulosasi qabul qilinganda — tadqiq qilish uchun taqdim etilgan namunalar yoki sinamalar va ularning qoldiqlari tovarga nisbatan vakolatlarga ega boʻlgan shaxsga qaytariladi.

29. Qaytarilishi lozim boʻlgan namunalar yoki sinamalar va (yoki) ularning qoldiqlari tadqiqotni (ekspertizani) tayinlagan bojxona organi xodimiga qadoqlangan (muhrlangan) holda ekspertiza xulosasi berilgan kuning oʻzida qaytariladi hamda ushbu mansabdor shaxs tomonidan yoʻllanma xatining ikkinchi nusxasiga qabul qilib olganlik va miqdori toʻgʻrisida belgi qoʻyiladi. Belgi qoʻyilgan yoʻllanma xatining ikkinchi nusxasi bojxona laboratoriyasida qoladi.

Bojxona laboratoriyasidan olingan namunalar yoki sinamalar va (yoki) ularning qoldiqlari tadqiqotni (ekspertizani) tayinlagan bojxona organi xodimi tomonidan tovarga nisbatan vakolatlarga ega boʻlgan shaxsga qaytariladi.

Agar qaytarib yuborilgan namunalar yoki sinamalar va (yoki) ularning qoldiqlariga taalluqli tadqiqot (ekspertiza) yuzasidan takroriy, qoʻshimcha yoki kompleks tadqiqot (ekspertiza) oʻtkazishga ehtiyoj tugʻilgan taqdirda, qaytarib yuborilgan namunalar yoki sinamalar va (yoki) ularning qoldiqlari saqlash qoidalariga rioya qilingan (qadoqlangan, muhrlangan) holda ekspertizaga yuborilishi shart.

Qoʻshimcha bojxona ekspertizasi birinchi (avvalgi) bojxona ekspertizasi xulosasida mavjud boʻlgan kamchiliklarni toʻldirish uchun tayinlanadi va oʻsha ekspertning oʻzi yoki boshqa ekspert yoxud ekspertlar komissiyasi tomonidan oʻtkaziladi.

Xulosa asoslanmaganda yoxud uning asosidagi dalillar haqiqiy emas deb topilganda, takroriy bojxona ekspertizasi tayinlanadi.

Bojxona ekspertizasini ekspertlar komissiyasi tomonidan oʻtkazish bojxona ekspertizasini tayinlagan organ tomonidan belgilanadi.

30. Bojxona laboratoriyasida qoldirilgan namunalar yoki sinamalar tegishli bojxona organi yoki vakolatli organlar tomonidan tayinlangan qayta tadqiqot (ekspertiza) oʻtkazishda ishlatilishi mumkin.

2-§. Jismoniy yoki yuridik shaxslar tomonidan taqdim etilgan tovarlar namunalari yoki sinamalarini tasarruf etish

31. Namunalar yoki sinamalar, shuningdek, ularning fizik-kimyoviy tadqiqotlar oʻtkazilgandan keyin qolgan qismlari jismoniy yoki yuridik shaxslarga qaytariladi. Bojxona ekspertizasi yigirma ish kunigacha boʻlgan vaqtda oʻtkaziladi.

32. Qaytarilishi lozim boʻlgan namunalar yoki sinamalar va ularning qoldiqlari jismoniy yoki yuridik shaxsning masʼul xodimiga qadoqlangan (muhrlangan) holda ekspertiza xulosasi berilgan kuning oʻzida qaytariladi va ushbu xodim tomonidan yoʻllanma xatining ikkinchi nusxasiga qabul qilib olganlik va miqdori toʻgʻrisida belgi qoʻyiladi. Belgi qoʻyilgan yoʻllanma xatining ikkinchi nusxasi bojxona laboratoriyasida qoladi.

Agar qaytarib yuborilgan namunalar yoki sinamalar va (yoki) ularning qoldiqlariga taalluqli tadqiqot (ekspertiza) yuzasidan takroriy, qoʻshimcha yoki kompleks tadqiqotga (ekspertizaga) ehtiyoj tugʻilgan taqdirda, qaytarib yuborilgan namunalar yoki sinamalar va (yoki) ularning qoldiqlari saqlash qoidalariga rioya qilingan holda ekspertizaga yuborilishi shart.

Qoʻshimcha bojxona ekspertizasi birinchi (avvalgi) bojxona ekspertizasi xulosasida mavjud boʻlgan kamchiliklarni toʻldirish uchun tayinlanadi va oʻsha ekspertning oʻzi yoki boshqa ekspert yoxud ekspertlar komissiyasi tomonidan oʻtkaziladi.

Xulosa asoslanmaganda yoxud uning asosidagi dalillar haqiqiy emas deb topilganda, takroriy bojxona ekspertizasi tayinlanadi.

Bojxona ekspertizasini ekspertlar komissiyasi tomonidan oʻtkazish bojxona ekspertizasini tayinlagan organ tomonidan belgilanadi.

33. Bir nusxada olingan (tovar miqdoridan kelib chiqqan holda imkoniyati mavjud boʻlmagan) namunalar yoki sinamalarning tadqiqot oʻtkazilgandan soʻng qoldiqlari jismoniy va yuridik shaxslarga ushbu Nizomning 32-bandiga muvofiq qaytariladi.

3-§. Surishtiruv, tergov, prokuratura va sud organlari qarorlari asosida yuborilgan tovarlar namunalari yoki sinamalarini tasarruf etish

34. Namunalar yoki sinamalar, shuningdek, ularning fizik-kimyoviy tadqiqotlar oʻtkazilgandan keyin qolgan qismlari surishtiruv, tergov, prokuratura, sud organlari qarorlarida namunalarni taqdim qilishga masʼul etib tayinlangan shaxsga, yaʼni namunalarni bojxona laboratoriyasiga yuborgan shaxsga qaytariladi. Bojxona ekspertizasi surishtiruv, tergov, prokuratura, sud organlari qarorlari asosida oʻttiz ish kunigacha boʻlgan vaqtda oʻtkaziladi.

35. Qaytarilishi lozim boʻlgan namunalar yoki sinamalar va (yoki) ularning qoldiqlari namuna uchun masʼul etib tayinlangan shaxsga qadoqlangan (muhrlangan) holda ekspertiza xulosasi berilgan kuning oʻzida qaytariladi va ushbu shaxs tomonidan yoʻllanma xatining ikkinchi nusxasiga qabul qilib olganlik va miqdori toʻgʻrisida belgi qoʻyiladi. Belgi qoʻyilgan yoʻllanma xatining ikkinchi nusxasi bojxona laboratoriyasida qoladi.

Agar qaytarib yuborilgan namunalar yoki sinamalar va (yoki) ularning qoldiqlariga taalluqli tadqiqot (ekspertiza) yuzasidan takroriy, qoʻshimcha yoki kompleks tadqiqotga (ekspertizaga) ehtiyoj tugʻilgan taqdirda, qaytarib yuborilgan namunalar yoki sinamalar va (yoki) ularning qoldiqlari saqlash qoidalariga rioya qilingan holda ekspertizaga yuborilishi shart.

Qoʻshimcha bojxona ekspertizasi birinchi (avvalgi) bojxona ekspertizasi xulosasida mavjud boʻlgan kamchiliklarni toʻldirish uchun tayinlanadi va oʻsha ekspertning oʻzi yoki boshqa ekspert yoxud ekspertlar komissiyasi tomonidan oʻtkaziladi.

Xulosa asoslanmaganda yoxud uning asosidagi dalillar haqiqiy emas deb topilganda takroriy bojxona ekspertizasi tayinlanadi.

Bojxona ekspertizasini ekspertlar komissiyasi tomonidan oʻtkazish bojxona ekspertizasini tayinlagan organ tomonidan belgilanadi.

5-bob. Namunalar yoki sinamalarni saqlash

36. Bojxona laboratoriyasida qoldirilgan namunalar yoki sinamalar tovarning isteʼmol idishida koʻrsatilgan saqlash (yaroqlilik) muddatlariga muvofiq saqlanadi. Bunday maʼlumotlar mavjud boʻlmagan taqdirda, ularning saqlash muddatlari tovarga tegishli boʻlgan xalqaro standartlar va Oʻzbekiston Respublikasi standartlari bilan belgilangan muddatlarni aniqlagan holda, quyidagi muddatlardan oshib ketmagan holda saqlanadi:

bojxona laboratoriyasida salbiy ekspert xulosasi qabul qilinsa, xulosa berilgan sanadan boshlab — 3 yil davomida;

tez buziladigan oziq-ovqat mahsulotlarining namunalarini (sinamalarini) saqlash muddati — ular bojxona laboratoriyasiga taqdim qilingan vaqtdan boshlab 1 oy davomida;

agar namunalar yoki sinamalarning yaroqlilik muddati bojxona laboratoriyasiga topshirilgandan boshlab, ushbu bandda belgilangan saqlash muddati oraligʻida tugasa va bojxona ekspertizasida ularning qadoqlaridagi, yorliqlaridagi maʼlumotlardan foydalanilgan boʻlsa, u holda ushbu qadoqlar va yorliqlar qolgan belgilangan muddatgacha saqlanadi.

37. Hududiy bojxona boshqarma va bojxona postida namunalar yoki sinamalarni saqlash hududiy bojxona boshqarmalari va “Toshkent-AERO” ixtisoslashtirilgan bojxona kompleksi boshligʻining topshirigʻiga asosan belgilangan moddiy javobgar shaxs javobgarligi ostida amalga oshiriladi.

38. Davlat bojxona qoʻmitasida namunalar yoki sinamalarni saqlash masʼul boshqarma moddiy javobgar shaxsining javobgarligi ostida amalga oshiriladi.

39. Namunalar yoki sinamalar tovarning TIF TN kodi boʻyicha tasniflanishiga taʼsir qiluvchi koʻrsatkichlar oʻzgarmasligini taʼminlovchi, yongʻin xavfsizligiga javob beruvchi, namlikdan va tashqi muhitning noqulay omillaridan himoyalangan sharoitlarda saqlanishi kerak.

6-bob. Namunalar yoki sinamalarni yoʻq qilish

40. Namunalar yoki sinamalarni saqlash muddati tugagach, ular yoʻq qilinadi.

41. Masʼul boshqarma hududiy bojxona boshqarmasi va bojxona postining masʼul shaxsi har chorakda, hisobot choragidan keyingi oyning 15-sanasidan kechiktirmasdan, saqlash muddati oʻtib ketgan (agar shunday holatlar boʻlsa) namunalar yoki sinamalarni yoʻq qilish toʻgʻrisida ushbu masʼul boshqarma boshligʻi (post boshligʻi) nomiga bildirgi beradi.

Bildirgida tovarning nomi, soni, bojxona laboratoriyasining tegishli xulosasi roʻyxatga olingan raqami koʻrsatilgan holda, saqlash muddati oʻtib ketgan namunalar, sinamalar roʻyxati ilova qilinadi.

42. Namunalar yoki sinamalarni yoʻq qilish uchun masʼul boshqarma boshligʻining (post boshligʻining) yozma koʻrsatmasiga koʻra tarkibida kamida uchta bojxona xodimlaridan iborat boʻlgan komissiya tuziladi.

43. Namunalar yoki sinamalarni yoʻq qilish usuli namunalar yoki sinamalar yoʻq qilinayotganda vujudga keluvchi moddalarning atrof-muhitga taʼsiri, shuningdek, iqtisodiy samaradorlik nuqtai nazaridan kelib chiqqan holda tegishli komissiya aʼzolari tomonidan tanlanadi.

Namunalar yoki sinamalarni yoʻq qilish uchun namunalar va sinamalarni yoqish, parchalash, maydalash kabi usullardan foydalaniladi.

44. Komissiya namunalar yoki sinamalarni yoʻq qilgach, bu toʻgʻrisida ushbu Nizomga 5-ilovaga muvofiq shaklda namunalar yoki sinamalarni yoʻq qilish toʻgʻrisida dalolatnoma tuzadi. Dalolatnomada har bir namunani (sinamani) yoʻq qilish usuli aks ettirilishi kerak.

45. Saqlash muddati oʻtib ketgan alohida namunalar yoki sinamalar bojxona laboratoriyasi boshligʻining koʻrsatmasiga binoan koʻrgazmali oʻquv qurollari yoki laboratoriya muzeyining eksponati sifatida qoldirilishi mumkin.

7-bob Yakunlovchi qoida

46. Ushbu Nizom talablarining buzilishiga aybdor boʻlgan shaxslar qonunchilik hujjatlarida belgilangan tartibda javob beradilar.

Oʻzbekiston Respublikasi bojxona organlari tizimida tovarlarning namunalari va sinamalarini tasarruf etish tartibi toʻgʻrisidagi nizomga 1-ILOVA

Oʻzbekiston Respublikasi bojxona organlari tizimida tovarlarning namunalari yoki sinamalarini tasarruf etish

Bosqichlar Subyektlar Tadbirlar Bajarish muddatlari 1-bosqich Bojxona organlari Ushbu nizomning 2-bobi talablariga asosan namunalar yoki sinamalar olinib, maxsus qadoqlarda bojxona laboratoriyasiga yuboriladi. Namunalar yoki sinamalar olingan kuni 2-bosqich Bojxona organlari Bojxona laboratoriyasi namunalar yoki sinamalarni ushbu Nizomning 3-bobi talablari asosida qabul qiladi va ekspertiza oʻtkazadi. Yigirma ish kunigacha 3-bosqich Bojxona organlari Namunalar yoki sinamalar va ularning qoldiqlari bojxona ekspertizasini tayinlagan bojxona organiga ushbu Nizomning 4-bobi talablari asosida qadoqlangan holda qaytariladi. Ekspertiza natijalari asosida xulosa qabul qilingan kuni 1-bosqich Jismoniy yoki yuridik shaxslar tomonidan Ushbu Nizomning 2-bobi talablariga asosan namunalar yoki sinamalar olinib, maxsus qadoqlarda bojxona laboratoriyasiga yuboriladi. Jismoniy yoki yuridik shaxslar xohishiga koʻra 2-bosqich Jismoniy yoki yuridik shaxslar tomonidan Bojxona laboratoriyasi namunalar yoki sinamalarni ushbu Nizomning 3-bobi talablari asosida qabul qiladi va ekspertiza oʻtkazadi. Yigirma ish kunigacha 3-bosqich Jismoniy yoki yuridik shaxslar tomonidan Namunalar yoki sinamalar va ularning qoldiqlari jismoniy yoki yuridik shaxsga ushbu Nizomning 4-bobi talablari asosida qadoqlangan holda qaytariladi. Ekspertiza natijalari asosida xulosa qabul qilingan kuni 1-bosqich Surishtiruv, tergov, prokuratura va sud organlari qarorlari asosida Ushbu Nizomning 2-bobi talablariga asosan namunalar yoki sinamalar olinib, maxsus qadoqlarda bojxona laboratoriyasiga yuboriladi. Namunalar yoki sinamalar olingan kuni 2-bosqich Surishtiruv, tergov, prokuratura va sud organlari qarorlari asosida Bojxona laboratoriyasi namunalar yoki sinamalarni ushbu Nizomning 3-bobi talablari asosida qabul qiladi va ekspertiza oʻtkazadi. Oʻttiz ish kunigacha 3-bosqich Surishtiruv, tergov, prokuratura va sud organlari qarorlari asosida Namunalar yoki sinamalar va ularning qoldiqlari namunalar yoki sinamalarni taqdim etgan organga ushbu Nizomning 4-bobi talablari asosida qadoqlangan holda qaytariladi. Ekspertiza natijalari asosida xulosa qabul qilingan kuni

Oʻzbekiston Respublikasi bojxona organlari tizimida tovarlarning namunalari va sinamalarini tasarruf etish tartibi toʻgʻrisidagi nizomga 2-ILOVA

Namunalar va sinamalarni tasarruf etish va bojxona ekspertizasini oʻtkazish maqsadida zarur sarflash materiallari

T/r Nomi 1. Maxsus polimer paket 2. Ogʻiz qismi burab yopiladigan shaffof polimer idish va qopqoq 3. Ogʻiz qismi keng, burab yopiladigan polimer idish va qopqoq 4. Ogʻiz qismi burab yopiladigan shisha idish va qopqoq 5. Ogʻiz qismi keng, burab yopiladigan shisha idish va qopqoq

Oʻzbekiston Respublikasi bojxona organlari tizimida tovarlarning namunalari va sinamalarini tasarruf etish tartibi toʻgʻrisidagi nizomga 3-ILOVA

‎‎‎OʻZBEKISTON RESPUBLIKASI ‎DAVLAT BOJXONA QOʻMITASI ‎ ‎‎Namunalar yoki sinamalarni olish dalolatnomasi ‎Maxsus qadoqning identifikatsiya raqami __________________ ‎ ‎‎________________________________ shahar ‎‎20___ yil “___”___________ ‎‎(dalolatnoma tuzilgan joy) ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎‎____________________________________________________________________________________________ ‎‎(bojxona posti kodi va nomi, bojxona posti mansabdor shaxsining F.I.O., mansabi) __________________________________________________________________________________ ishtirokida ‎‎(tovarga nisbatan vakolatga ega boʻlgan shaxsning F.I.O., mansabi, manzili) ‎‎__________________________________________________________________________________ ishtirokida (zaharli, toksik, kuchli taʼsir qiluvchi tovarlar uchun mutaxassisning F.I.O., ish joyi, mansabi) ‎ ‎ ‎‎____________________________________________________________________________________________ (F.I.O., yashash manzili) ____________________________________________________________________________________________‎‎ (F.I.O., yashash manzili) ‎‎‎‎__________________________________________________________________________________ ishtirokida ‎‎(namuna va sinamalarni olishga aloqasi boʻlgan boshqa shaxslar) ‎ ‎ ‎‎Oʻzbekiston Respublikasi Bojxona Kodeksining 211-moddasiga muvofiq tadqiqot (ekspertiza) oʻtkazish uchun namunalar yoki sinamalar tanlab olindi. ____________________________________________________________________________________________ ‎‎(tovarning nomi) ‎‎tegishli tovar ________________________________________________________________________________ ‎ ‎ ‎ ‎‎(tovarga nisbatan vakolatga ega boʻlgan xoʻjalik subyektining nomi) ‎‎____________________________________________________________________________________________ ‎‎(yoki jismoniy shaxsning F.I.O., pasporti seriyasi va raqami) ‎‎Tovar kelib tushdi ____________________________________________________________________________ ‎ ‎ ‎ ‎‎(qaysi transport turida (avia, t/y, avto) va transport vositasining raqami yoki qoʻl yuki raqami) _____________________________________________________________________________________ oʻralgan ‎‎(qoplarga, qutilarga yoki boshqa idishlarga solingan) ‎ ‎ ______________________________________________________________________________ dan kelgan tovar‎‎ ‎‎(xoʻjalik subyektining nomi, manzili, eksport qiluvchi mamlakat) ‎ ‎ ‎ ‎‎__________________________________________________________________________ manzilga joʻnatilgan ‎‎(yukni oluvchi xoʻjalik subyektining nomi, manzili, import qiluvchi mamlakat) ‎ ‎ ‎ ‎ ‎‎va bojxona rasmiylashtiruviga 20___ yil “___” ______________da taqdim etilgan. ‎‎Namunalar yoki sinamalar olinishidan oldin yuqorida koʻrsatilgan shaxslarga bojxona postining mansabdor shaxsi tomonidan namunalar olinayotganda amalga oshiriladigan barcha harakatlarda ishtirok etish huquqi, dalolatnomaga kiritiladigan arizalarni, tushuntirishlarni berishi mumkinligi tushuntirildi. ‎‎‎‎____________________________________________________________________________________________ ‎‎(tanlov ishtirokchilarining F.I.O. va imzosi) ‎‎Namunalar yoki sinamalarni olish quyidagi sharoitlarda amalga oshiriladi ‎‎____________________________________________________________________________________________ ‎‎(ochiq, quyoshli, bulutli havoda va boshqalar) va __________________________________________________________________________________________‎‎ ‎‎‎‎(tabiiy va sunʼiy yoritishlarda) ‎‎manzil boʻyicha. ‎‎Namunalar yoki sinamalarni olishda quyidagi ilmiy-texnik vositalar va texnik nazorat vositalari qoʻllaniladi. ____________________________________________________________________________________________‎‎ ‎‎Ushbu dalolatnoma boʻyicha namunalar yoki sinamalar sifatida quyidagi namunalar yoki sinamalar olindi: ____________________________________________________________________________________________‎‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ T/r‎ Namunalar yoki sinamalarning shaxsiy belgilari‎‎ Oʻlchov birligi (kg, l, gr, m 2 , dona va boshqalar) ‎‎ Namunalar yoki sinamalar soni‎ 1‎ 2‎‎ 3‎‎ 4‎‎ (Toʻldirish boʻyicha misol:)‎‎ 1.‎ Och jigar rangli “Shell” motor moyi, 0,5 l. plastik idishlarda ‎‎ l‎‎ 3 but. x 0,5 = 1,5‎‎ ‎‎3 nusxada olindi, namunalar yoki sinamalar ________________________________________________________ _____________________________________________________________________________________ ‎‎oʻralgan ‎‎(oʻrash turi, yorliqdagi muhr raqami) ‎‎Ishtirok etuvchi shaxslarning arizalari, fikr-mulohazalari __________________________________________ ‎____________________________________________________________________________________________ ‎‎Maʼlumotnoma oʻqib chiqildi. Maʼlumotlar toʻgʻri yozilgan. ‎‎Ishtirokchilar: ‎‎_____________________________________ _____________________________________‎‎ ‎ ‎‎(imzo, F.I.O.) ‎ ‎ ‎‎(imzo, F.I.O.) ‎ ‎‎_____________________________________ ‎‎ ‎‎_____________________________________ ‎‎ ‎ ‎‎(imzo, F.I.O.) ‎ ‎ ‎‎(imzo, F.I.O.) ‎ Dalolatnomaning nusxasini oldi _____________________________________ ‎‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎‎(imzo, F.I.O.) ‎ ‎‎Dalolatnomani tuzgan bojxona postining mansabdor shaxsi ________________________ _______________________________ ‎‎ (muhr oʻrni)‎‎ (imzo)‎‎ (F.I.O.)‎‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎

Oʻzbekiston Respublikasi bojxona organlari tizimida tovarlarning namunalari va sinamalarini tasarruf etish tartibi toʻgʻrisidagi nizomga 4-ILOVA

Namunalar yoki sinamalarni qadoqlash usullari

Namunalar yoki sinamalarni qadoqlash olingan namunalar yoki sinamalarni almashtirib qoʻyishga yoʻl qoʻymaydigan, yorliq yoki oʻramni butunligini taʼminlaydigan usulda amalga oshirilishi kerak.

Shuningdek, namunalar yoki sinamalarning xususiyatlaridan kelib chiqqan holda, mazkur ilovaning birinchi xatboshi talablariga javob beruvchi maxsus qadoqlardan foydalangan holda amalga oshirilishi kerak.

Maxsus qadoq — germetik polimer paket boʻlib, uch tomondan yopilgan, faqat bir tomonidan namunalar yoki sinamalarni qadoq ichiga solish imkoniyatiga ega. Ushbu paketning ogʻiz qismi bir martalik oʻzi yopishadigan lenta bilan taʼminlangan boʻlib, ushbu lenta paket ogʻzi yopilgandan soʻng qayta ochish imkoniyatini bermaslikka moʻljallangan. Paketning ustki yuqori qismida maxsus qadoqning identifikatsiya raqami, markaz qismida namunalar yoki sinamalar toʻgʻrisida maʼlumotlar (nomi, miqdori, koʻrinishi, ogohlantiruvchi belgilar), tovar “erkin muomalaga chiqarish (import)” bojxona rejimiga joylashtirilayotganda bojxona posti kodi va nomi, namunalar yoki sinamalar olinganda qatnashgan shaxslarning ismi, familiyasi, imzosi va namunalar yoki sinamalar olingan sanani yozishga moʻljallangan jadval koʻrinishidagi katakchalar va muhr oʻrni mavjud. Maxsus qadoqlarning hisoboti elektron tarzda yuritiladi.

Paketning namunalar yoki sinamalar solinadigan ogʻiz qismidan namunalar (sinamalar) paket ichiga joylashtirgandan soʻng ogʻiz qismidagi oʻzi yopishadigan lenta yordamida paket ogʻzi yopiladi. Paketning ustki tomonida namunalar yoki sinamalar toʻgʻrisida maʼlumotlar (nomi, miqdori, koʻrinishi, ogohlantiruvchi belgilar), tovar “erkin muomalaga chiqarish (import)” bojxona rejimiga joylashtirilayotganda bojxona posti kodi va nomi, namunalar yoki sinamalar olingan sana, namunalar yoki sinamalar olinganda qatnashgan shaxslarning ismi, familiyasi yoziladi va namunalar yoki sinamalar olinganda qatnashgan shaxslar oʻz ismi, familiyasi toʻgʻrisiga imzo qoʻyadi. Maʼlumotlar qoʻlyozma shaklida paketga yoziladi.

Tayyor tovarlardan olingan namunalar yoki sinamalar ishlab chiqaruvchining qadoqlari bilan birga, ishlab chiqaruvchining qadoqlari ochilmagan holda maxsus qadoqlarga joylashtirilishi kerak.

Yuqorida keltirilgan maxsus qadoqlarda, namunalar yoki sinamalarni xususiyatlari va shaklidan kelib chiqqan holda quyidagi oʻrash usullaridan foydalaniladi:

1) namunalar yoki sinamalarning qattiq shakllari (gazlamalarning boʻlaklari, brusoklar, listlar, plitalar va boshqalar) va sochiladigan turlari (kukunlar, granulalar, qalamchalar va boshqalar) maxsus qadoqlarga toʻgʻridan-toʻgʻri solinadi va mazkur ilovaning toʻrtinchi xatboshi talablari asosida qadoqlanadi;

2) namunalar yoki sinamalarning suyuq turlari (eritmalar, suyuqliklar, emulsiyalar, suspenziyalar va boshqalar) toza va quruq idishga (yorliq yopishtirilmagan shisha, plastik butilkalarga va flakonchalarga) solinadi va qopqoq bilan berkitiladi (tiqin, qopqoq). Agar olingan nusxa uchib ketuvchi moddalardan iborat boʻlsa, olingan nusxaning parlanib (bugʻlanib) ketishining oldini olish maqsadida idishning yuqori qismi toza polimer plenka bilan oʻraladi va mustahkam ip bilan bogʻlanadi. Soʻngra ushbu namunalar yoki sinamalar solingan idish maxsus qadoqlarga solinadi va mazkur ilovaning toʻrtinchi xatboshi talablari asosida qadoqlanadi.

Oʻzbekiston Respublikasi bojxona organlari tizimida tovarlarning namunalari va sinamalarini tasarruf etish tartibi toʻgʻrisidagi nizomga 5-ILOVA

‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎‎‎“Tasdiqlayman” ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎‎________________________________ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎‎(rahbarning lavozimi) ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ________________________________ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎‎________________________________ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎‎(F.I.O., imzo) ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎‎20___ yil “___” ____________ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎‎Namunalar yoki sinamalarni yoʻq qilish ‎DALOLATNOMASI ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎‎‎‎_______________ shahri ‎ ‎ ‎ ‎ ‎ ‎ ‎ ‎‎20__ yil “____”_____________ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎‎Biz, namunalar yoki sinamalarni yoʻq qilish boʻyicha quyidagi tarkibda tasdiqlangan komissiya aʼzolari: ________________________ ____________________________________________________________________________________________ ‎‎(lavozimi, F.I.O.) ‎‎20__ yil “___” ____________ ‎‎____________________________________________________________________________________________ (lavozimi, F.I.O.) ____________________________________________________________________________________________ ‎‎(lavozimi, F.I.O.) ‎‎____________________________________________________________________________________________ ‎‎(lavozimi, F.I.O.) ____________________________________________________________________________________________ (F.I.O., yashash manzili)‎‎ ____________________________________________________________________________________________‎‎ (F.I.O., yashash manzili)‎‎ ____________________________________________________________________________________________‎‎ ‎‎(bojxona laboratoriyasining nomi) ‎‎saqlangan quyidagi namunalar yoki sinamalar yoʻq qilindi. ‎‎Namunalar yoki sinamalarni yoʻq qilish quyidagi manzil boʻyicha amalga oshiriladi: _____________________________________________________. ‎‎Ushbu dalolatnoma boʻyicha quyidagi namunalar yoki sinamalar yoʻq qilindi: ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎‎ T/r‎ Xulosa raqami va sanasi Namunalar yoki sinamalar nomi‎‎ Oʻlchov birligi ‎(kg, l, gr, m 2 , dona va boshqalar) ‎‎ Namunalar yoki sinamalar soni‎‎ Yoʻq qilish uslubi ‎ ‎‎ ‎‎ ‎‎ ‎‎ ‎‎ ‎ ‎‎ ‎‎ ‎‎ ‎‎ ‎‎ ‎ ‎‎ ‎‎ ‎‎ ‎‎ ‎‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎‎Ishtirok etuvchilarning arizalari, fikr-mulohazalari ____________________________________________________________________________________________ ____________________________________________________________________________________________‎‎ ‎‎‎‎ ‎Dalolatnoma oʻqib chiqildi. Maʼlumotlar toʻgʻri yozilgan. ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎‎Ishtirokchilar: ‎ ‎ ‎‎‎‎ _____________________________________ ‎ ‎ ‎ ‎ ‎ ‎ ‎ ‎ ‎‎(imzo, F.I.O.) ‎ ‎ ‎ ‎ ‎ ‎ ‎ ‎ ‎ ‎ ‎ ‎ _____________________________________ ‎ ‎ ‎ ‎ ‎ ‎ ‎ ‎ ‎ ‎‎(imzo, F.I.O.) ‎ ‎ ‎ ‎ ‎ ‎ ‎ ‎ ‎ ‎ ‎ ‎ ________________________________ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎‎‎‎(imzo, F.I.O.) ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎‎Komissiya boshligʻi ‎ ___________________________ ____________________________________ ‎ ‎ ‎ ‎ ‎ ‎‎(imzo) ‎ ‎‎(F.I.O.) ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎‎20__ yil “___” ____________ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎

Oʻzbekiston Respublikasining Bosh vaziri A. ARIPOV

Toshkent sh.,

2021-yil 17-mart,

145-son

(Qonun hujjatlari maʼlumotlari milliy bazasi, 18.03.2021-y., 09/21/145/0218-son)

lex.uz