📅 2021-yil 23-mart · Prezident qarorlari
Rasmiy matn. Rasmiy hujjat. Tahririy izohlar kiritilmagan.
UzbekAI
📅 2021 йил 23 март · Президент қарорлари
Расмий матн. Расмий ҳужжат. Таҳририй изоҳлар киритилмаган.
📅 23 марта 2021 г. · Постановления Президента
Официальный текст. Официальный документ. Редакционные примечания не включены.
📅 23 March 2021 · Presidential resolutions
Official text. Official document. Editorial notes are not included.
Ўзбекистон Республикаси Президентининг
Қарори
Ўзбекистон Республикаси фуқароларининг ҳарбий хизматни ўташ тартиби тўғрисидаги низомга ўзгартиришлар киритиш тўғрисида
Ўзбекистон Республикаси Мудофаа вазирлиги ҳарбий округлари қўшинларининг жанговар таркибини янада такомиллаштириш, шунингдек, бюджет маблағларидан самарали фойдаланиш мақсадида:
1. Ўзбекистон Республикаси Президентининг 2019 йил 12 сентябрдаги ПҚ-4447-сон қарори билан тасдиқланган Ўзбекистон Республикаси фуқароларининг ҳарбий хизматни ўташ тартиби тўғрисидаги низомга иловага мувофиқ ўзгартиришлар киритилсин.
2. Мазкур қарорнинг ижросини назорат қилиш Ўзбекистон Республикасининг Бош вазири А.Н. Арипов ва Ўзбекистон Республикаси Президенти ҳузуридаги Хавфсизлик кенгаши котиби В.В. Махмудов зиммасига юклансин.
Ўзбекистон Республикаси Президентининг 2021 йил 23 мартдаги ПҚ-5035-сон қарорига ИЛОВА
Ўзбекистон Республикаси фуқароларининг ҳарбий хизматни ўташ тартиби тўғрисидаги низомга киритилаётган ўзгартиришлар
1. 92-бандда :
учинчи хатбоши чиқариб ташлансин;
тўртинчи хатбоши учинчи хатбоши деб ҳисоблансин.
2. 146-банд қуйидаги таҳрирда баён этилсин:
«146. Контракт бўйича ҳарбий хизматчини командирнинг (бошлиқнинг) ихтиёрига ўтказиш ҳамда тегишли тўловларни тўлаш қуйидаги ҳолатларда ва муддатларга амалга оширилади:
а) ташкилий-штат тадбирлари ўтказилиши ёки бошқа лавозимга тайинланганлиги муносабати билан лавозимдан бўшатилганда — икки ойдан кўп бўлмаган муддатда.
Бунда ҳарбий хизматчига қуйидаги тўловлар амалга оширилади: ҳарбий унвон маоши, охирги эгаллаб турган асосий лавозими бўйича лавозим маоши, хизмат йиллари учун устама, махсус моддий рағбатлантириш жамғармаси ҳисобидан устама (15 фоизгача), бир йўла тўланадиган пул таъминоти, қонунчиликда белгиланган тартибда озиқ-овқат паёги учун компенсация пули ва турар жойни ижарага олганлик (ижарада турганлик) учун пул компенсацияси;
б) бир ойдан ортиқ вақт давомида бедарак йўқолганида — ҳарбий хизматчи ҳарбий қисмга қайтгунича (агарда унинг ҳарбий хизматни давом эттириши тўғрисида бошқа қарор қабул қилинмаган бўлса) ёки унинг бедарак йўқолган деб тан олингани ёки вафот этган деб эълон қилингани тўғрисидаги суд қарори қонуний кучга кирган кунга қадар (ўша кунни ҳам қўшиб ҳисоблаганда).
Бунда пул таъминоти ҳарбий хизматчининг охирги эгаллаб турган асосий лавозими бўйича, ҳарбий хизматчи ҳарбий қисмга қайтгунича (агарда унинг ҳарбий хизматни давом эттириши тўғрисида бошқа қарор қабул қилинмаган бўлса) ёки унинг бедарак йўқолган деб тан олингани ёки вафот этган деб эълон қилингани тўғрисидаги суд қарори қонуний кучга кирган кунга қадар (ўша кунни ҳам қўшиб ҳисоблаганда) ҳарбий хизматчига (унинг оила аъзоларига) ўн икки ойдан ошмаган муддатда тўлиқ тўланади;
в) ҳарбий хизматчи асирда ёки гаров сифатида ушланган ҳолларда — асирда бўлган ёки гаров тариқасида ушлаб турилган бутун давр давомида.
Бунда пул таъминоти ҳарбий хизматчига (унинг оила аъзоларига) охирги эгаллаб турган асосий лавозими бўйича юқорида кўрсатилган давр учун тўлиқ тўланади (ўз ихтиёрига кўра асирда бўлган (гаров тариқасида ушлаб турилган) ёки Ўзбекистон Республикасига нисбатан жиноят содир этган ҳоллар бундан мустасно);
г) ҳарбий хизматчига нисбатан қидирув эълон қилинган кундан бошлаб.
Бунда ҳарбий хизматчига нисбатан суднинг қарори қабул қилинган кунгача пул таъминоти тўланмайди;
д) ҳарбий хизматчи бола парвариши таътилида бўлганлиги муносабати билан — ушбу таътил тугагунга қадар.
Бунда кўрсатилган даврда ҳарбий хизматчига пул таъминоти тўланмайди. Турар жойни ижарага олганлик (ижарада турганлик) учун пул компенсацияси қонунчиликда белгиланган тартибда тўланади;
е) ҳарбий хизматчи олти ойдан кўпроқ муддатга тайёргарлик, қайта тайёргарлик ва малака ошириш курсларига, шу жумладан Ўзбекистон Республикаси ҳудудидан ташқарига ўқишга юборилганда қуйидаги тўловлар: ҳарбий унвон маоши, охирги эгаллаб турган асосий лавозими бўйича лавозим маоши, хизмат йиллари учун устама, махсус моддий рағбатлантириш жамғармаси ҳисобидан устама (15 фоизгача), бир йўла тўланадиган пул таъминоти, қонунчиликда белгиланган тартибда озиқ-овқат паёги учун компенсация пули ва турар жойни ижарага олганлик (ижарада турганлик) учун пул компенсацияси — ўқишнинг бутун муддати давомида сақланиб қолинади;
ж) суд томонидан ҳарбий хизматчини эгаллаган лавозимидан четлатиш тўғрисида ажрим чиқарилган ҳолатда — кўрсатилган ажрим бекор қилингунга ёки жиноят иши бўйича узил-кесил қарор қабул қилингунга қадар.
Бунда пул таъминотини тўлаш мазкур Низомнинг 148-бандида белгиланган тартибда амалга оширилади;
з) ҳарбий хизматчига нисбатан қамоққа олиш тарзидаги эҳтиёт чораси қўлланилганда — қамоққа олинган кундан бошлаб ушбу эҳтиёт чораси бекор қилингунга қадар.
Бунда кўрсатилган даврда ҳарбий хизматчига пул таъминоти тўланмайди».
Ўзбекистон Республикаси Президенти Ш. МИРЗИЁЕВ
Тошкент ш.,
2021 йил 23 март,
ПҚ-5035-сон
Oʻzbekiston Respublikasi Prezidentining
Qarori
Oʻzbekiston Respublikasi fuqarolarining harbiy xizmatni oʻtash tartibi toʻgʻrisidagi nizomga oʻzgartirishlar kiritish toʻgʻrisida
Oʻzbekiston Respublikasi Mudofaa vazirligi harbiy okruglari qoʻshinlarining jangovar tarkibini yanada takomillashtirish, shuningdek, budjet mablagʻlaridan samarali foydalanish maqsadida:
1. Oʻzbekiston Respublikasi Prezidentining 2019-yil 12-sentabrdagi PQ-4447-son qarori bilan tasdiqlangan Oʻzbekiston Respublikasi fuqarolarining harbiy xizmatni oʻtash tartibi toʻgʻrisidagi nizomga ilovaga muvofiq oʻzgartirishlar kiritilsin.
2. Mazkur qarorning ijrosini nazorat qilish Oʻzbekiston Respublikasining Bosh vaziri A.N. Aripov va Oʻzbekiston Respublikasi Prezidenti huzuridagi Xavfsizlik kengashi kotibi V.V. Maxmudov zimmasiga yuklansin.
Oʻzbekiston Respublikasi Prezidentining 2021-yil 23-martdagi PQ-5035-son qaroriga ILOVA
Oʻzbekiston Respublikasi fuqarolarining harbiy xizmatni oʻtash tartibi toʻgʻrisidagi nizomga kiritilayotgan oʻzgartirishlar
1. 92-bandda :
uchinchi xatboshi chiqarib tashlansin;
toʻrtinchi xatboshi uchinchi xatboshi deb hisoblansin.
2. 146-band quyidagi tahrirda bayon etilsin:
“146. Kontrakt boʻyicha harbiy xizmatchini komandirning (boshliqning) ixtiyoriga oʻtkazish hamda tegishli toʻlovlarni toʻlash quyidagi holatlarda va muddatlarga amalga oshiriladi:
a) tashkiliy-shtat tadbirlari oʻtkazilishi yoki boshqa lavozimga tayinlanganligi munosabati bilan lavozimdan boʻshatilganda — ikki oydan koʻp boʻlmagan muddatda.
Bunda harbiy xizmatchiga quyidagi toʻlovlar amalga oshiriladi: harbiy unvon maoshi, oxirgi egallab turgan asosiy lavozimi boʻyicha lavozim maoshi, xizmat yillari uchun ustama, maxsus moddiy ragʻbatlantirish jamgʻarmasi hisobidan ustama (15 foizgacha), bir yoʻla toʻlanadigan pul taʼminoti, qonunchilikda belgilangan tartibda oziq-ovqat payogi uchun kompensatsiya puli va turar joyni ijaraga olganlik (ijarada turganlik) uchun pul kompensatsiyasi;
b) bir oydan ortiq vaqt davomida bedarak yoʻqolganida — harbiy xizmatchi harbiy qismga qaytgunicha (agarda uning harbiy xizmatni davom ettirishi toʻgʻrisida boshqa qaror qabul qilinmagan boʻlsa) yoki uning bedarak yoʻqolgan deb tan olingani yoki vafot etgan deb eʼlon qilingani toʻgʻrisidagi sud qarori qonuniy kuchga kirgan kunga qadar (oʻsha kunni ham qoʻshib hisoblaganda).
Bunda pul taʼminoti harbiy xizmatchining oxirgi egallab turgan asosiy lavozimi boʻyicha, harbiy xizmatchi harbiy qismga qaytgunicha (agarda uning harbiy xizmatni davom ettirishi toʻgʻrisida boshqa qaror qabul qilinmagan boʻlsa) yoki uning bedarak yoʻqolgan deb tan olingani yoki vafot etgan deb eʼlon qilingani toʻgʻrisidagi sud qarori qonuniy kuchga kirgan kunga qadar (oʻsha kunni ham qoʻshib hisoblaganda) harbiy xizmatchiga (uning oila aʼzolariga) oʻn ikki oydan oshmagan muddatda toʻliq toʻlanadi;
v) harbiy xizmatchi asirda yoki garov sifatida ushlangan hollarda — asirda boʻlgan yoki garov tariqasida ushlab turilgan butun davr davomida.
Bunda pul taʼminoti harbiy xizmatchiga (uning oila aʼzolariga) oxirgi egallab turgan asosiy lavozimi boʻyicha yuqorida koʻrsatilgan davr uchun toʻliq toʻlanadi (oʻz ixtiyoriga koʻra asirda boʻlgan (garov tariqasida ushlab turilgan) yoki Oʻzbekiston Respublikasiga nisbatan jinoyat sodir etgan hollar bundan mustasno);
g) harbiy xizmatchiga nisbatan qidiruv eʼlon qilingan kundan boshlab.
Bunda harbiy xizmatchiga nisbatan sudning qarori qabul qilingan kungacha pul taʼminoti toʻlanmaydi;
d) harbiy xizmatchi bola parvarishi taʼtilida boʻlganligi munosabati bilan — ushbu taʼtil tugagunga qadar.
Bunda koʻrsatilgan davrda harbiy xizmatchiga pul taʼminoti toʻlanmaydi. Turar joyni ijaraga olganlik (ijarada turganlik) uchun pul kompensatsiyasi qonunchilikda belgilangan tartibda toʻlanadi;
e) harbiy xizmatchi olti oydan koʻproq muddatga tayyorgarlik, qayta tayyorgarlik va malaka oshirish kurslariga, shu jumladan Oʻzbekiston Respublikasi hududidan tashqariga oʻqishga yuborilganda quyidagi toʻlovlar: harbiy unvon maoshi, oxirgi egallab turgan asosiy lavozimi boʻyicha lavozim maoshi, xizmat yillari uchun ustama, maxsus moddiy ragʻbatlantirish jamgʻarmasi hisobidan ustama (15 foizgacha), bir yoʻla toʻlanadigan pul taʼminoti, qonunchilikda belgilangan tartibda oziq-ovqat payogi uchun kompensatsiya puli va turar joyni ijaraga olganlik (ijarada turganlik) uchun pul kompensatsiyasi — oʻqishning butun muddati davomida saqlanib qolinadi;
j) sud tomonidan harbiy xizmatchini egallagan lavozimidan chetlatish toʻgʻrisida ajrim chiqarilgan holatda — koʻrsatilgan ajrim bekor qilingunga yoki jinoyat ishi boʻyicha uzil-kesil qaror qabul qilingunga qadar.
Bunda pul taʼminotini toʻlash mazkur Nizomning 148-bandida belgilangan tartibda amalga oshiriladi;
z) harbiy xizmatchiga nisbatan qamoqqa olish tarzidagi ehtiyot chorasi qoʻllanilganda — qamoqqa olingan kundan boshlab ushbu ehtiyot chorasi bekor qilingunga qadar.
Bunda koʻrsatilgan davrda harbiy xizmatchiga pul taʼminoti toʻlanmaydi”.
Oʻzbekiston Respublikasi Prezidenti Sh. MIRZIYOYEV
Toshkent sh.,
2021-yil 23-mart,
PQ-5035-son
Президента Республики Узбекистан
Постановление
О внесении изменений в Положение о порядке прохождения военной службы гражданами Республики Узбекистан
В целях дальнейшего совершенствования боевого состава войск военных округов Министерства обороны, а также эффективного использования бюджетных средств:
1. Внести изменения в Положение о порядке прохождения военной службы гражданами Республики Узбекистан, утвержденному постановлением Президента Республики Узбекистан от 12 сентября 2019 года № ПП-4447 согласно приложению .
2. Контроль за исполнением настоящего постановления возложить на Премьер-министра Республики Узбекистан А.Н. Арипова и секретаря Совета безопасности при Президенте Республики Узбекистан В.В. Махмудова.
ПРИЛОЖЕНИЕ к постановлению Президента Республики Узбекистан от 23 марта 2021 года № ПП-5035
Изменения, вносимые в Положение о порядке прохождения военной службы гражданами Республики Узбекистан
1. В пункте 92 :
абзац третий исключить;
абзац четвертый считать абзацем третьим.
2. Пункт 146 изложить в следующей редакции:
«146. Зачисление военнослужащего по контракту в распоряжение командира (начальника) и осуществление соответствующих выплат производятся в следующих случаях и в соответствующие сроки:
а) в случаях освобождения от должности в связи с проведением организационно-штатных мероприятий или назначением на другую должность — не более двух месяцев.
При этом военнослужащему выплачиваются:
оклад по воинскому званию; должностной оклад по последней занимаемой основной должности; надбавка за выслугу лет, надбавка за счет Специального фонда материального стимулирования (до 15 процентов), единовременное денежное довольствие; денежные компенсации взамен продовольственного пайка, а также за наем (поднаем) жилья в порядке, установленном законодательством;
б) в связи с безвестным отсутствием более одного месяца — до возвращения военнослужащего в воинскую часть (если не принято иное решение о дальнейшем прохождении им военной службы) или до дня (включительно) вступления в законную силу решения суда о признании его безвестно отсутствующим либо об объявлении умершим.
При этом денежное довольствие выплачивается военнослужащему (членам его семьи) полностью по последней занимаемой основной должности до возвращения военнослужащего в воинскую часть (если не принято иное решение о дальнейшем прохождении им военной службы) или дня (включительно) вступления в законную силу решения суда о признании его безвестно отсутствующим либо об объявлении умершим, на срок не более двенадцати месяцев;
в) в связи с нахождением военнослужащего в плену или в качестве заложника — на весь период нахождения.
При этом денежное довольствие за вышеуказанный период выплачивается военнослужащему (членам его семьи) по последней занимаемой основной должности полностью (за исключением добровольной сдачи в плен (пребывания в качестве заложника) или совершения преступления против Республики Узбекистан);
г) со дня объявления военнослужащего в розыск.
При этом до дня принятия решения суда в отношении военнослужащего денежное довольствие не выплачивается;
д) в связи с нахождением военнослужащего в отпуске по уходу за ребенком — до окончания этого отпуска.
При этом в указанный период денежное довольствие военнослужащему не выплачивается. Денежная компенсация за наем (поднаем) жилья выплачивается в порядке, установленном законодательством;
е) в случае направления военнослужащего для обучения на курсах подготовки, переподготовки и повышения квалификации, в том числе за пределы Республики Узбекистан, на срок свыше шести месяцев.
При этом на весь срок обучения за военнослужащим сохраняются оклад по воинскому званию; должностной оклад по последней занимаемой основной должности; надбавка за выслугу лет, надбавка за счет Специального фонда материального стимулирования (до 15 процентов), единовременные виды денежного довольствия; денежные компенсации взамен продовольственного пайка и за наем (поднаем) жилья в порядке, установленном законодательством;
ж) в случае вынесения судом определения об отстранении военнослужащего от занимаемой должности — до отмены указанного определения или принятия окончательного решения по уголовному делу.
При этом выплата денежного довольствия осуществляется в порядке, установленном в пункте 148 настоящего Положения;
з) в случае применения в отношении военнослужащего меры пресечения в виде заключения под стражу — со дня заключения под стражу до дня отмены данной меры пресечения.
При этом в указанный период денежное довольствие военнослужащему не выплачивается».
Президент Республики Узбекистан Ш. МИРЗИЁЕВ
г. Ташкент,
23 марта 2021 г.,
№ ПП-5035