UzbekAI

Ўзбекистон Республикаси Давлат божхона қўмитасининг

Қарори

ТАРТИБИ

Товарлар ва транспорт воситаларини белгиланган жойлардан ташқарида ва (ёки) божхона органларининг белгиланган иш вақтидан ташқари вақтда божхона расмийлаштирувидан ўтказганлик учун божхона йиғимларини ундириш тартибини тасдиқлаш ҳақида

Ўзбекистон Республикасининг Божхона кодекси ва Вазирлар Маҳкамасининг 2020 йил 9 ноябрдаги 700-сон «Божхона йиғимлари ставкаларини тасдиқлаш тўғрисида»ги қарорига мувофиқ Ўзбекистон Республикаси Давлат божхона қўмитаси қарор қилади:

1. Товарлар ва транспорт воситаларини белгиланган жойлардан ташқарида ва (ёки) божхона органларининг белгиланган иш вақтидан ташқари вақтда божхона расмийлаштирувидан ўтказганлик учун божхона йиғимларини ундириш тартиби иловага мувофиқ тасдиқлансин.

2. Мазкур қарор расмий эълон қилинган кундан эътиборан уч ойдан кейин кучга киради.

Келишилди:

Ўзбекистон Республикаси Давлат божхона қўмитасининг 2021 йил 25 февралдаги 01-02/8-10-сон қарорига ИЛОВА

Товарлар ва транспорт воситаларини белгиланган жойлардан ташқарида ва (ёки) божхона органларининг белгиланган иш вақтидан ташқари вақтда божхона расмийлаштирувидан ўтказганлик учун божхона йиғимларини ундириш

1-боб. Умумий қоидалар

1. Мазкур Тартиб божхона органлари томонидан товарлар ва транспорт воситаларини белгиланган жойлардан ташқарида ва (ёки) божхона органларининг белгиланган иш вақтидан ташқари вақтда божхона расмийлаштирувидан ўтказганлик учун божхона йиғимларини ундириш тартибини белгилайди.

2. Ушбу Тартибда қуйидаги асосий тушунчалардан фойдаланилади:

буюртма-наряд — товарлар ва транспорт воситаларини белгиланган жойлардан ташқарида ва (ёки) божхона органларининг иш вақтидан ташқари вақтда божхона расмийлаштирувидан ўтказганлик учун божхона йиғимларини ундиришда божхона органлари томонидан расмийлаштириладиган электрон шаклдаги ҳужжат;

манфаатдор шахс — товарлар ва транспорт воситаларини белгиланган жойлардан ташқарида ва (ёки) божхона органларининг иш вақтидан ташқари вақтда божхона расмийлаштирувидан ўтказиш учун мурожаат қилган шахс;

божхона йиғими — товарлар ва транспорт воситаларини белгиланган жойлардан ташқарида ва (ёки) божхона органларининг иш вақтидан ташқари вақтда божхона расмийлаштирувидан ўтказганлик учун ундириладиган йиғим;

юк операцияси — божхона назорати остида турган товарларни ва (ёки) транспорт воситаларини ташиш, юклаш, тушириш, қайта юклаш, уларнинг бузилган ўровларини тўғрилаш, уларни ўраш, қайта ўраш ва ташиш учун қабул қилиш;

божхона расмийлаштируви учун белгиланган жойлар — божхона расмийлаштирувини амалга ошираётган ходим хизмат олиб борадиган божхона пости ва унга бириктирилган божхона омбори, эркин омбор, бож олинмайдиган савдо дўкони, шунингдек уларга бевосита туташ бўлган доимий божхона назорати зоналари;

божхона органларининг иш вақтидан ташқари вақти — соат 18.00 дан 09.00 га қадар бўлган вақт ҳамда дам олиш ва байрам кунлари (бундан чегара ва смена асосида иш ташкил қилинган божхона постлари мустасно);

смена асосида иш ташкил қилинган божхона постлари — божхона органининг буйруғига мувофиқ тасдиқланган ҳамда Ўзбекистон Республикаси Иқтисодиёт ва молия вазирлиги ҳузуридаги Божхона қўмитасининг (бундан буён матнда Божхона қўмитаси деб юритилади) расмий веб-сайтига жойлаштирилган божхона постлари.

2-боб. Божхона йиғимларини ундириш тартиби

3. Манфаатдор шахс товарлар ва транспорт воситаларини белгиланган жойлардан ташқарида ва (ёки) божхона органларининг иш вақтидан ташқари вақтда божхона расмийлаштирувидан ўтказиш учун божхона органларига ёзма ёки электрон шаклда мурожаат қилади.

4. Манфаатдор шахснинг мурожаати божхона пости бошлиғи ёки унинг вазифасини бажарувчи шахс томонидан бир кун ичида кўриб чиқилади ва божхона расмийлаштирувини амалга ошириш учун ходим(лар) ажратилади.

Бунда манфаатдор шахс божхона расмийлаштирувини тезлаштириш мақсадида бир нечта ходим ажратиш юзасидан мурожаат қилиш ҳуқуқига эга.

5. Манфаатдор шахс мурожаатига асосан божхона йиғимлари божхона органлари томонидан қуйидаги тартибда ундирилади:

а) божхона кўриги, божхона назорати остидаги товарларни декларант томонидан кўздан кечируви, юк операцияларини амалга ошириш учун ушбу Тартибга мувофиқ буюртма-нарядни расмийлаштириш орқали (бундан енгиб бўлмас куч таъсири оқибатидаги ҳолатлар мустасно);

б) божхона юк декларациясини расмийлаштирганлик учун Божхона юк декларациясини тўлдириш тартиби тўғрисидаги йўриқномага (рўйхат рақами 2773, 2016 йил 6 апрель) мувофиқ БЮДнинг 47-графасига тегишли маълумотлар киритиш орқали.

Бунда божхона йиғими ҳар бир БЮД учун (БЮДнинг «D» графасига божхона органи томонидан белги қўйилган вақт божхона органларининг иш вақтидан ташқари вақти бўлганда) ундирилади.

6. Божхона органи томонидан божхона расмийлаштируви учун бир соатдан кам бўлган вақт сарф қилинган тақдирда, божхона йиғими бир ходимнинг тўлиқ бир соат иш вақти учун ундирилади.

Агар манфаатдор шахснинг мурожаатида божхона кўриги, божхона назорати остидаги товарларни декларант томонидан кўздан кечируви, юк операцияларини амалга ошириш учун бир нечта ходим ажратиш сўралган бўлса божхона йиғими божхона пости томонидан ажратилган ҳар бир ходим учун тўланади.

7. Божхона йиғимлари мазкур Тартибнинг 6-бандига мувофиқ божхона органлари ғазна ҳисоб-рақамидаги манфаатдор шахснинг пул маблағлари ҳисобидан ундирилади.

8. Ҳисобланган божхона йиғимларини тўлаш учун пул маблағлари етарли бўлмаган тақдирда, манфаатдор шахс томонидан божхона йиғимларини божхона органларига тўлиқ тўланиши таъминлангандан сўнг божхона расмийлаштируви амалга оширилади.

3-боб. Буюртма-нарядни расмийлаштириш

9. Буюртма-наряд Божхона қўмитасининг Ягона автоматлаштирилган ахборот тизимида ушбу Тартибнинг иловасига мувофиқ шаклда электрон тарзда расмийлаштирилади.

10. Божхона қўмитаси манфаатдор шахсларга Ўзбекистон Республикаси Ягона интерактив давлат хизматлари портали ёки Божхона қўмитаси томонидан кўрсатиладиган интерактив хизматлар орқали расмийлаштирилган буюртма-наряднинг қоғозда чоп этиш имкониятини яратади.

11. Буюртма-наряд икки қисмдан («буюртма-наряд» ва «ҳисоб-фактура») иборат бўлади.

12. Буюртма-наряд манфаатдор шахснинг божхона органларига йўлланган мурожаатида келтирилган маълумотлар асосида ахборот тизимида божхона органлари томонидан тўлдирилади. Бунда божхона расмийлаштируви учун ундирилган божхона йиғимлари тўғрисидаги маълумотлар кўрсатилади.

4-боб. Якуний қоидалар

14. Буюртма-наряд расмийлаштирилган йилдан кейинги йилдан эътиборан уч йил давомида сақланади.

15. Ушбу Тартиб талабларининг бузилишида айбдор бўлган шахслар қонунчилик ҳужжатларида белгиланган тартибда жавобгар бўлади.

16. Мазкур Тартиб Ўзбекистон Республикаси Савдо-саноат палатаси билан келишилган.

Товарлар ва транспорт воситаларини белгиланган жойлардан ташқарида ва (ёки) божхона органларининг иш вақтидан ташқари вақтда божхона расмийлаштирувидан ўтказганлик учун божхона йиғимларини ундириш тартибига ИЛОВА

БУЮРТМА-НАРЯД ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ __________-сон ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ 1. Манфаатдор шахс номи _______________________________________________________ 2. СТИР ___________________ 3. Божхона пости ‎ ‎ ‎ ‎ ‎ ‎ ‎ ‎ ‎ ______________/______________ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ коди ‎ ‎ номи 4. Ходимлар сон________ 5. Ҳужжатга оид маълумотлар ___________________________________________________ ‎ ‎ ‎ ‎ ‎ ‎ ‎ ‎ божхона юк декларацияси / юкни етказиб бериш назорат китобчаси / ‎ ‎ ‎ ‎ ‎ ‎ ‎ ‎ ‎ ‎ ‎ халқаро йўлларда ташиш китобчаси рақами ‎ ‎ ‎ ‎ ‎ ‎ ‎ ‎ 6. Божхона расмийлаштируви тури ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎‎ божхона кўриги ‎ ‎ [ ] ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎‎ божхона назорати остидаги товарларни декларант томонидан кўздан кечируви [ ] ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ товарларни юк операцияси [ ] ҲИСОБ-ФАКТУРА ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ 7. Божхона расмийлаштирувини амалга ошириш жойи ______________________________ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ белгиланган жойда ‎ ‎ ‎ ‎ ‎ [ ] ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ белгиланган жойдан ташқарида‎ ‎ ‎ ‎ ‎ ‎ [ ] Божхона кўриги далолатномаси/мурожаат рақами ‏ Божхона органи ходими ‏ Божхона расмийлаштируви санаси бошланган вақт якунланган вақт ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ 8. Божхона органи ходими томонидан амалга оширилган божхона расмийлаштируви 9. Ундирилган божхона йиғимлари Божхона йиғими ‎ Йиғим ставкалари Сарфланган соатлар Йиғим суммаси ‎ ‎ ‎ ‎ кундузги вақтда (9.00 – 18.00 иш вақтида) ‎ ‎ ‎ ‎ божхона органлари иш вақтидан ташқари (18.00 – 9.00), дам олиш ва байрам кунлари. ‎ ‎ ‎ ‎ Жами ундирилган божхона йиғимлари суммаси ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎‎‎10. Божхона органи ходими Ф.И.O. ______________________________ ‎ ‎ ‎ ‎ ‎ ‎ ‎ QR-код‎‏ 11. Расмийлаштирилган сана ___________________‎‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎

Раис М. АЗИМОВ

Раис А. ИКРАМОВ

Тошкент ш.,

2021 йил 25 февраль,

2021 йил 24 февраль

01-02/8-10-сон

(Қонун ҳужжатлари маълумотлари миллий базаси, 25.03.2021 й., 10/21/3290/0236-сон; Қонунчилик маълумотлари миллий базаси, 17.07.2023 й., 10/23/3447/0484-сон; 02.05.2025 й., 10/25/3290-1/0401-сон)

lex.uz

Oʻzbekiston Respublikasi Davlat bojxona qoʻmitasining

Qarori

TARTIBI

Tovarlar va transport vositalarini belgilangan joylardan tashqarida va (yoki) bojxona organlarining belgilangan ish vaqtidan tashqari vaqtda bojxona rasmiylashtiruvidan oʻtkazganlik uchun bojxona yigʻimlarini undirish tartibini tasdiqlash haqida

Oʻzbekiston Respublikasining Bojxona kodeksi va Vazirlar Mahkamasining 2020-yil 9-noyabrdagi 700-son “Bojxona yigʻimlari stavkalarini tasdiqlash toʻgʻrisida”gi qaroriga muvofiq Oʻzbekiston Respublikasi Davlat bojxona qoʻmitasi qaror qiladi:

1. Tovarlar va transport vositalarini belgilangan joylardan tashqarida va (yoki) bojxona organlarining belgilangan ish vaqtidan tashqari vaqtda bojxona rasmiylashtiruvidan oʻtkazganlik uchun bojxona yigʻimlarini undirish tartibi ilovaga muvofiq tasdiqlansin.

2. Mazkur qaror rasmiy eʼlon qilingan kundan eʼtiboran uch oydan keyin kuchga kiradi.

Kelishildi:

Oʻzbekiston Respublikasi Davlat bojxona qoʻmitasining 2021-yil 25-fevraldagi 01-02/8-10-son qaroriga ILOVA

Tovarlar va transport vositalarini belgilangan joylardan tashqarida va (yoki) bojxona organlarining belgilangan ish vaqtidan tashqari vaqtda bojxona rasmiylashtiruvidan oʻtkazganlik uchun bojxona yigʻimlarini undirish

1-bob. Umumiy qoidalar

1. Mazkur Tartib bojxona organlari tomonidan tovarlar va transport vositalarini belgilangan joylardan tashqarida va (yoki) bojxona organlarining belgilangan ish vaqtidan tashqari vaqtda bojxona rasmiylashtiruvidan oʻtkazganlik uchun bojxona yigʻimlarini undirish tartibini belgilaydi.

2. Ushbu Tartibda quyidagi asosiy tushunchalardan foydalaniladi:

buyurtma-naryad — tovarlar va transport vositalarini belgilangan joylardan tashqarida va (yoki) bojxona organlarining ish vaqtidan tashqari vaqtda bojxona rasmiylashtiruvidan oʻtkazganlik uchun bojxona yigʻimlarini undirishda bojxona organlari tomonidan rasmiylashtiriladigan elektron shakldagi hujjat;

manfaatdor shaxs — tovarlar va transport vositalarini belgilangan joylardan tashqarida va (yoki) bojxona organlarining ish vaqtidan tashqari vaqtda bojxona rasmiylashtiruvidan oʻtkazish uchun murojaat qilgan shaxs;

bojxona yigʻimi — tovarlar va transport vositalarini belgilangan joylardan tashqarida va (yoki) bojxona organlarining ish vaqtidan tashqari vaqtda bojxona rasmiylashtiruvidan oʻtkazganlik uchun undiriladigan yigʻim;

yuk operatsiyasi — bojxona nazorati ostida turgan tovarlarni va (yoki) transport vositalarini tashish, yuklash, tushirish, qayta yuklash, ularning buzilgan oʻrovlarini toʻgʻrilash, ularni oʻrash, qayta oʻrash va tashish uchun qabul qilish;

bojxona rasmiylashtiruvi uchun belgilangan joylar — bojxona rasmiylashtiruvini amalga oshirayotgan xodim xizmat olib boradigan bojxona posti va unga biriktirilgan bojxona ombori, erkin ombor, boj olinmaydigan savdo doʻkoni, shuningdek ularga bevosita tutash boʻlgan doimiy bojxona nazorati zonalari;

bojxona organlarining ish vaqtidan tashqari vaqti — soat 18.00 dan 09.00 ga qadar boʻlgan vaqt hamda dam olish va bayram kunlari (bundan chegara va smena asosida ish tashkil qilingan bojxona postlari mustasno);

smena asosida ish tashkil qilingan bojxona postlari — bojxona organining buyrugʻiga muvofiq tasdiqlangan hamda Oʻzbekiston Respublikasi Iqtisodiyot va moliya vazirligi huzuridagi Bojxona qoʻmitasining (bundan buyon matnda Bojxona qoʻmitasi deb yuritiladi) rasmiy veb-saytiga joylashtirilgan bojxona postlari.

2-bob. Bojxona yigʻimlarini undirish tartibi

3. Manfaatdor shaxs tovarlar va transport vositalarini belgilangan joylardan tashqarida va (yoki) bojxona organlarining ish vaqtidan tashqari vaqtda bojxona rasmiylashtiruvidan oʻtkazish uchun bojxona organlariga yozma yoki elektron shaklda murojaat qiladi.

4. Manfaatdor shaxsning murojaati bojxona posti boshligʻi yoki uning vazifasini bajaruvchi shaxs tomonidan bir kun ichida koʻrib chiqiladi va bojxona rasmiylashtiruvini amalga oshirish uchun xodim(lar) ajratiladi.

Bunda manfaatdor shaxs bojxona rasmiylashtiruvini tezlashtirish maqsadida bir nechta xodim ajratish yuzasidan murojaat qilish huquqiga ega.

5. Manfaatdor shaxs murojaatiga asosan bojxona yigʻimlari bojxona organlari tomonidan quyidagi tartibda undiriladi:

a) bojxona koʻrigi, bojxona nazorati ostidagi tovarlarni deklarant tomonidan koʻzdan kechiruvi, yuk operatsiyalarini amalga oshirish uchun ushbu Tartibga muvofiq buyurtma-naryadni rasmiylashtirish orqali (bundan yengib boʻlmas kuch taʼsiri oqibatidagi holatlar mustasno);

b) bojxona yuk deklaratsiyasini rasmiylashtirganlik uchun Bojxona yuk deklaratsiyasini toʻldirish tartibi toʻgʻrisidagi yoʻriqnomaga (roʻyxat raqami 2773, 2016-yil 6-aprel) muvofiq BYDning 47-grafasiga tegishli maʼlumotlar kiritish orqali.

Bunda bojxona yigʻimi har bir BYD uchun (BYDning “D” grafasiga bojxona organi tomonidan belgi qoʻyilgan vaqt bojxona organlarining ish vaqtidan tashqari vaqti boʻlganda) undiriladi.

6. Bojxona organi tomonidan bojxona rasmiylashtiruvi uchun bir soatdan kam boʻlgan vaqt sarf qilingan taqdirda, bojxona yigʻimi bir xodimning toʻliq bir soat ish vaqti uchun undiriladi.

Agar manfaatdor shaxsning murojaatida bojxona koʻrigi, bojxona nazorati ostidagi tovarlarni deklarant tomonidan koʻzdan kechiruvi, yuk operatsiyalarini amalga oshirish uchun bir nechta xodim ajratish soʻralgan boʻlsa bojxona yigʻimi bojxona posti tomonidan ajratilgan har bir xodim uchun toʻlanadi.

7. Bojxona yigʻimlari mazkur Tartibning 6-bandiga muvofiq bojxona organlari gʻazna hisob-raqamidagi manfaatdor shaxsning pul mablagʻlari hisobidan undiriladi.

8. Hisoblangan bojxona yigʻimlarini toʻlash uchun pul mablagʻlari yetarli boʻlmagan taqdirda, manfaatdor shaxs tomonidan bojxona yigʻimlarini bojxona organlariga toʻliq toʻlanishi taʼminlangandan soʻng bojxona rasmiylashtiruvi amalga oshiriladi.

3-bob. Buyurtma-naryadni rasmiylashtirish

9. Buyurtma-naryad Bojxona qoʻmitasining Yagona avtomatlashtirilgan axborot tizimida ushbu Tartibning ilovasiga muvofiq shaklda elektron tarzda rasmiylashtiriladi.

10. Bojxona qoʻmitasi manfaatdor shaxslarga Oʻzbekiston Respublikasi Yagona interaktiv davlat xizmatlari portali yoki Bojxona qoʻmitasi tomonidan koʻrsatiladigan interaktiv xizmatlar orqali rasmiylashtirilgan buyurtma-naryadning qogʻozda chop etish imkoniyatini yaratadi.

11. Buyurtma-naryad ikki qismdan (“buyurtma-naryad” va “hisob-faktura”) iborat boʻladi.

12. Buyurtma-naryad manfaatdor shaxsning bojxona organlariga yoʻllangan murojaatida keltirilgan maʼlumotlar asosida axborot tizimida bojxona organlari tomonidan toʻldiriladi. Bunda bojxona rasmiylashtiruvi uchun undirilgan bojxona yigʻimlari toʻgʻrisidagi maʼlumotlar koʻrsatiladi.

4-bob. Yakuniy qoidalar

14. Buyurtma-naryad rasmiylashtirilgan yildan keyingi yildan eʼtiboran uch yil davomida saqlanadi.

15. Ushbu Tartib talablarining buzilishida aybdor boʻlgan shaxslar qonunchilik hujjatlarida belgilangan tartibda javobgar boʻladi.

16. Mazkur Tartib Oʻzbekiston Respublikasi Savdo-sanoat palatasi bilan kelishilgan.

Tovarlar va transport vositalarini belgilangan joylardan tashqarida va (yoki) bojxona organlarining ish vaqtidan tashqari vaqtda bojxona rasmiylashtiruvidan oʻtkazganlik uchun bojxona yigʻimlarini undirish tartibiga ILOVA

BUYURTMA-NARYAD ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ __________-son ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ 1. Manfaatdor shaxs nomi _______________________________________________________ 2. STIR ___________________ 3. Bojxona posti ‎ ‎ ‎ ‎ ‎ ‎ ‎ ‎ ‎ ______________/______________ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ kodi ‎ ‎ nomi 4. Xodimlar son________ 5. Hujjatga oid maʼlumotlar ___________________________________________________ ‎ ‎ ‎ ‎ ‎ ‎ ‎ ‎ bojxona yuk deklaratsiyasi / yukni yetkazib berish nazorat kitobchasi / ‎ ‎ ‎ ‎ ‎ ‎ ‎ ‎ ‎ ‎ ‎ xalqaro yoʻllarda tashish kitobchasi raqami ‎ ‎ ‎ ‎ ‎ ‎ ‎ ‎ 6. Bojxona rasmiylashtiruvi turi ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎‎ bojxona koʻrigi ‎ ‎ [ ] ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎‎ bojxona nazorati ostidagi tovarlarni deklarant tomonidan koʻzdan kechiruvi [ ] ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ tovarlarni yuk operatsiyasi [ ] HISOB-FAKTURA ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ 7. Bojxona rasmiylashtiruvini amalga oshirish joyi ______________________________ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ belgilangan joyda ‎ ‎ ‎ ‎ ‎ [ ] ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ belgilangan joydan tashqarida‎ ‎ ‎ ‎ ‎ ‎ [ ] Bojxona koʻrigi dalolatnomasi/murojaat raqami ‏ Bojxona organi xodimi ‏ Bojxona rasmiylashtiruvi sanasi boshlangan vaqt yakunlangan vaqt ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ 8. Bojxona organi xodimi tomonidan amalga oshirilgan bojxona rasmiylashtiruvi 9. Undirilgan bojxona yigʻimlari Bojxona yigʻimi ‎ Yigʻim stavkalari Sarflangan soatlar Yigʻim summasi ‎ ‎ ‎ ‎ kunduzgi vaqtda (9.00 – 18.00 ish vaqtida) ‎ ‎ ‎ ‎ bojxona organlari ish vaqtidan tashqari (18.00 – 9.00), dam olish va bayram kunlari. ‎ ‎ ‎ ‎ Jami undirilgan bojxona yigʻimlari summasi ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎‎‎10. Bojxona organi xodimi F.I.O. ______________________________ ‎ ‎ ‎ ‎ ‎ ‎ ‎ QR-kod‎‏ 11. Rasmiylashtirilgan sana ___________________‎‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎

Rais M. AZIMOV

Rais A. IKRAMOV

Toshkent sh.,

2021-yil 25-fevral,

2021-yil 24-fevral

01-02/8-10-son

(Qonun hujjatlari maʼlumotlari milliy bazasi, 25.03.2021-y., 10/21/3290/0236-son; Qonunchilik maʼlumotlari milliy bazasi, 17.07.2023-y., 10/23/3447/0484-son; 02.05.2025-y., 10/25/3290-1/0401-son)

lex.uz