UzbekAI

Ўзбекистон Республикаси Президентининг

Қарори

ТАРКИБИ

Маънавият ва ижодни қўллаб-қувватлаш мақсадли жамғармасини ташкил этиш тўғрисида

Мамлакатимизда маънавий-маърифий ишлар самарадорлиги ва таъсирчанлигини ошириш, кўп миллатли халқимиз ўртасида ҳамжиҳатлик ва ҳамкорликни янада мустаҳкамлаш, миллий қадрият, анъана ва урф-одатларни кенг тарғиб қилиш, бадиий ижод ва китобхонлик маданиятини фаол қўллаб-қувватлаш мақсадида:

1. Республика Маънавият ва маърифат маркази, Ўзбекистон Ёзувчилар уюшмаси, «Ижод» жамоат фонди васийлик кенгашининг:

«Ижод» жамоат фонди тасарруфидаги Ўзбекистон Ёзувчилар уюшмаси поликлиникаси, «Дўрмон» ижод уйидан фойдаланиш дирекцияси» унитар корхонаси ва «Оққум файз барака» шуъба корхонаси ҳамда уларга тегишли бўлган барча мол-мулк, бино ва иншоотларни Ўзбекистон Ёзувчилар уюшмасига ўтказиш;

«Ижод» жамоат фонди негизида Республика Маънавият ва маърифат маркази ҳузурида юридик шахс мақомисиз Маънавият ва ижодни қўллаб-қувватлаш мақсадли жамғармасини (кейинги ўринларда — Жамғарма) ташкил этиш ва иловага мувофиқ унинг васийлик кенгаши таркибини тасдиқлаш тўғрисидаги таклифлари маъқуллансин.

2. Жамғарма маблағлари қуйидаги тадбирларни молиялаштириш учун йўналтирилиши маълумот учун қабул қилинсин:

«Узлуксиз маънавий тарбия концепцияси» асосида мактабгача таълим, умумий ўрта таълим, ўрта махсус ва олий таълим босқичлари учун методик қўлланма, услубий тавсиялар, маънавий-ахлоқий тарбия назарияси ва методикасини бойитишга қаратилган илмий-амалий адабиётлар яратиш, уларни нашр этиш ва жойларга етказиш;

миллий меросимиз, буюк аждодларимизнинг жаҳон тамаддунига қўшган улкан ҳиссаларини дунё миқёсида кенг тарғиб қилишга қаратилган чора-тадбирларни амалга ошириш;

соҳага «Рақамли тарғибот» тизимини жорий қилиш мақсадида IT-парклар, инновацион марказлар ва фрилансерлар билан ҳамкорликда мобиль иловалар, компьютер ўйинлари, анимацион маҳсулотлар яратиш;

жойларда маънавий-маърифий муҳитни ўрганиш, ҳудудий маънавият ва маърифат кенгашлари фаолиятини ривожлантиришга кўмаклашиш, тарғибот-ташвиқот ишларининг самарадорлигини ошириш мақсадида ташкил этилган экспертлар гуруҳларини қўллаб-қувватлаш;

маънавий-маърифий соҳани, адабиёт ва китобхонликни ҳар томонлама ривожлантириш, бу борадаги ишлар самарадорлигини оширишга қаратилган ташаббусларни қўллаб-қувватлаш;

мамлакатимиз ва халқаро миқёсда илмий-маърифий тадбирлар, адабий анжуманлар, фестиваллар, танловлар, халқ сайиллари, адабий-мусиқий кечалар ўтказиш;

маънавий-маърифий, адабий-бадиий китоб ва плакатлар нашр этиш, замонавий тарғибот воситалари ва медиа маҳсулотлар яратиш;

Халқ таълими вазирлиги тизимидаги таълим муассасалари директорларининг маънавий-маърифий ишлар бўйича ўринбосарлари ва ижодий-маданий масалалар бўйича тарғиботчилар учун қисқа муддатли ўқув курслари ташкил этиш;

маҳаллий ҳокимликлар билан биргаликда олимлар ва мутахассисларни жалб этган ҳолда соҳада фаолият кўрсатаётган тарғиботчилар малакасини оширишга қаратилган семинар-тренинглар ташкил қилиш;

маънавий-маърифий ишларни ривожлантиришга қаратилган янги лойиҳалар, китоб, рисола ва мақолалар, тадбирлар сценарийларини яратиш бўйича ижтимоий буюртмаларни шакллантириш ҳамда бу ишларга жалб этилган олим ва мутахассисларни моддий рағбатлантириш;

Ўзбекистон Ёзувчилар уюшмаси томонидан тавсия этиладиган адибларнинг ижод намуналарини, жумладан ёш муаллифларнинг биринчи китобларини нашр этиш;

Ўзбекистон Ёзувчилар уюшмаси аъзоларининг ижодий кечаларини ўтказиш, адабиётимиз ривожига муносиб ҳисса қўшган уюшма аъзоларига моддий ёрдам кўрсатиш;

халқимизнинг қадимий тарихи, бой маданияти, асрий анъана ва қадриятлари тараннум этилган, миллий маънавиятимизнинг мазмун-моҳияти теран бадиий ифодасини топган мумтоз ва замонавий адабиётимизнинг муносиб намуналарини хорижий тилларга таржима қилиш ҳамда жаҳон ахборот тармоғида кенг тарғиб этиш;

миллий адабиётни ривожлантириш, адабий жамоатчилик томонидан эътироф этилган ҳамда мамлакат ижтимоий ҳаётида муҳим аҳамиятга эга бўлган бадиий асарлар муаллифларини моддий жиҳатдан рағбатлантириш;

Ўзбекистон Ёзувчилар уюшмаси ҳамда унинг таниқли аъзолари ижодий фаолиятига бағишланган веб-сайтларни яратиш ва уларни янгилаб бориш;

Республика Маънавият ва маърифат маркази, Ўзбекистон Ёзувчилар уюшмаси ва уларнинг тизимидаги ташкилотларнинг моддий-техника базасини мустаҳкамлаш, ходимларни ижтимоий қўллаб-қувватлаш.

3. Қуйидагилар жамғарма маблағларини шакллантириш манбалари этиб белгилансин:

Ўзбекистон Республикасининг республика бюджетидан ажратиладиган маблағлар;

жисмоний ва юридик шахсларнинг ҳомийлик хайриялари;

халқаро молия институтлари ва бошқа хорижий донорларнинг грантлари ва имтиёзли кредитлари;

вақтинча бўш турган маблағларни тижорат банклари депозитларига жойлаштириш ҳисобидан олинган даромадлар;

қонун ҳужжатларида тақиқланмаган бошқа манбалар.

4. Молия вазирлиги Жамғармага:

2021 йилда 120 миллиард сўм, жумладан Республика Маънавият ва маърифат марказига мамлакат миқёсида маънавий-маърифий ишларни самарали ташкил этиш учун 10 миллиард сўм, унинг ҳудудий бўлимларига жойларда маънавий-маърифий соҳаларни ривожлантириш учун 90 миллиард сўм, Ўзбекистон Ёзувчилар уюшмаси фаолиятини қўллаб-қувватлаш учун 20 миллиард сўм маблағ ажратсин;

2022 йилдан бошлаб Жамғарма васийлик кенгаши томонидан тасдиқланган харажатлар сметаси ва прогноз кўрсаткичларга мувофиқ маблағ ажратиб борилишини таъминласин.

5. Маънавият ва ижодни қўллаб-қувватлаш мақсадли жамғармаси васийлик кенгаши (А.Н. Арипов):

Жамғарма даромад ва харажатлари бўйича прогноз кўрсаткичларини ҳар йили тасдиқласин;

Жамғарма зиммасига юкланган вазифаларни амалга ошириш учун манфаатдор вазирлик ва идораларни жалб этсин;

Жамғарма маблағларидан мақсадли фойдаланиш бўйича тизимли назорат қилинишини таъминласин.

6. Ўзбекистон Республикаси Президентининг 2010 йил 26 февралдаги «Ўзбекистон Ёзувчилар уюшмаси ҳузурида «Ижод» фондини ташкил этиш тўғрисида»ги ПҚ-1292-сон қарори ўз кучини йўқотган деб ҳисоблансин.

7. Республика Маънавият ва маърифат маркази Адлия вазирлиги билан биргаликда бир ой муддатда қонунчилик ҳужжатларига мазкур қарордан келиб чиқадиган ўзгартириш ва қўшимчалар ҳақида Вазирлар Маҳкамасига таклифлар киритсин.

8. Мазкур қарорнинг ижросини назорат қилиш Ўзбекистон Республикасининг Бош вазири А.Н. Арипов зиммасига юклансин.

Ўзбекистон Республикаси Президентининг 2021 йил 26 мартдаги ПҚ-5039-сон қарорига ИЛОВА

Маънавият ва ижодни қўллаб-қувватлаш мақсадли жамғармаси васийлик кенгашининг

А.Н. Арипов — Ўзбекистон Республикасининг Бош вазири, Васийлик кенгаши раиси Б.А. Мусаев — Ўзбекистон Республикаси Бош вазирининг ўринбосари, Васийлик кенгаши раисининг ўринбосари Д.М. Кенжаев — Ўзбекистон Республикаси Президенти маслаҳатчисининг ўринбосари М.М. Хожиматов — Республика Маънавият ва маърифат маркази раҳбари С.С. Саидов — Ўзбекистон Ёзувчилар уюшмаси раиси О.А. Назарбеков — маданият вазири Ш.Х. Шерматов — халқ таълими вазири А.Х. Тошкулов — олий ва ўрта махсус таълим вазири Ж.И. Абрўев — молия вазирининг ўринбосари Ф.Ф. Абдухаликов — «Ўзбеккино» Миллий агентлиги бош директори З.А. Тўрақулов — Республика Маънавият ва маърифат маркази раҳбари ўринбосари, Васийлик кенгаши котиби

Ўзбекистон Республикаси Президенти Ш. МИРЗИЁЕВ

Тошкент ш.,

2021 йил 26 март,

ПҚ-5039-сон

(Қонун ҳужжатлари маълумотлари миллий базаси, 26.03.2021 й., 07/21/5039/0242-сон)

lex.uz

Oʻzbekiston Respublikasi Prezidentining

Qarori

TARKIBI

Maʼnaviyat va ijodni qoʻllab-quvvatlash maqsadli jamgʻarmasini tashkil etish toʻgʻrisida

Mamlakatimizda maʼnaviy-maʼrifiy ishlar samaradorligi va taʼsirchanligini oshirish, koʻp millatli xalqimiz oʻrtasida hamjihatlik va hamkorlikni yanada mustahkamlash, milliy qadriyat, anʼana va urf-odatlarni keng targʻib qilish, badiiy ijod va kitobxonlik madaniyatini faol qoʻllab-quvvatlash maqsadida:

1. Respublika Maʼnaviyat va maʼrifat markazi, Oʻzbekiston Yozuvchilar uyushmasi, “Ijod” jamoat fondi vasiylik kengashining:

“Ijod” jamoat fondi tasarrufidagi Oʻzbekiston Yozuvchilar uyushmasi poliklinikasi, “Doʻrmon” ijod uyidan foydalanish direksiyasi” unitar korxonasi va “Oqqum fayz baraka” shuʼba korxonasi hamda ularga tegishli boʻlgan barcha mol-mulk, bino va inshootlarni Oʻzbekiston Yozuvchilar uyushmasiga oʻtkazish;

“Ijod” jamoat fondi negizida Respublika Maʼnaviyat va maʼrifat markazi huzurida yuridik shaxs maqomisiz Maʼnaviyat va ijodni qoʻllab-quvvatlash maqsadli jamgʻarmasini (keyingi oʻrinlarda — Jamgʻarma) tashkil etish va ilovaga muvofiq uning vasiylik kengashi tarkibini tasdiqlash toʻgʻrisidagi takliflari maʼqullansin.

2. Jamgʻarma mablagʻlari quyidagi tadbirlarni moliyalashtirish uchun yoʻnaltirilishi maʼlumot uchun qabul qilinsin:

“Uzluksiz maʼnaviy tarbiya konsepsiyasi” asosida maktabgacha taʼlim, umumiy oʻrta taʼlim, oʻrta maxsus va oliy taʼlim bosqichlari uchun metodik qoʻllanma, uslubiy tavsiyalar, maʼnaviy-axloqiy tarbiya nazariyasi va metodikasini boyitishga qaratilgan ilmiy-amaliy adabiyotlar yaratish, ularni nashr etish va joylarga yetkazish;

milliy merosimiz, buyuk ajdodlarimizning jahon tamadduniga qoʻshgan ulkan hissalarini dunyo miqyosida keng targʻib qilishga qaratilgan chora-tadbirlarni amalga oshirish;

sohaga “Raqamli targʻibot” tizimini joriy qilish maqsadida IT-parklar, innovatsion markazlar va frilanserlar bilan hamkorlikda mobil ilovalar, kompyuter oʻyinlari, animatsion mahsulotlar yaratish;

joylarda maʼnaviy-maʼrifiy muhitni oʻrganish, hududiy maʼnaviyat va maʼrifat kengashlari faoliyatini rivojlantirishga koʻmaklashish, targʻibot-tashviqot ishlarining samaradorligini oshirish maqsadida tashkil etilgan ekspertlar guruhlarini qoʻllab-quvvatlash;

maʼnaviy-maʼrifiy sohani, adabiyot va kitobxonlikni har tomonlama rivojlantirish, bu boradagi ishlar samaradorligini oshirishga qaratilgan tashabbuslarni qoʻllab-quvvatlash;

mamlakatimiz va xalqaro miqyosda ilmiy-maʼrifiy tadbirlar, adabiy anjumanlar, festivallar, tanlovlar, xalq sayillari, adabiy-musiqiy kechalar oʻtkazish;

maʼnaviy-maʼrifiy, adabiy-badiiy kitob va plakatlar nashr etish, zamonaviy targʻibot vositalari va media mahsulotlar yaratish;

Xalq taʼlimi vazirligi tizimidagi taʼlim muassasalari direktorlarining maʼnaviy-maʼrifiy ishlar boʻyicha oʻrinbosarlari va ijodiy-madaniy masalalar boʻyicha targʻibotchilar uchun qisqa muddatli oʻquv kurslari tashkil etish;

mahalliy hokimliklar bilan birgalikda olimlar va mutaxassislarni jalb etgan holda sohada faoliyat koʻrsatayotgan targʻibotchilar malakasini oshirishga qaratilgan seminar-treninglar tashkil qilish;

maʼnaviy-maʼrifiy ishlarni rivojlantirishga qaratilgan yangi loyihalar, kitob, risola va maqolalar, tadbirlar ssenariylarini yaratish boʻyicha ijtimoiy buyurtmalarni shakllantirish hamda bu ishlarga jalb etilgan olim va mutaxassislarni moddiy ragʻbatlantirish;

Oʻzbekiston Yozuvchilar uyushmasi tomonidan tavsiya etiladigan adiblarning ijod namunalarini, jumladan yosh mualliflarning birinchi kitoblarini nashr etish;

Oʻzbekiston Yozuvchilar uyushmasi aʼzolarining ijodiy kechalarini oʻtkazish, adabiyotimiz rivojiga munosib hissa qoʻshgan uyushma aʼzolariga moddiy yordam koʻrsatish;

xalqimizning qadimiy tarixi, boy madaniyati, asriy anʼana va qadriyatlari tarannum etilgan, milliy maʼnaviyatimizning mazmun-mohiyati teran badiiy ifodasini topgan mumtoz va zamonaviy adabiyotimizning munosib namunalarini xorijiy tillarga tarjima qilish hamda jahon axborot tarmogʻida keng targʻib etish;

milliy adabiyotni rivojlantirish, adabiy jamoatchilik tomonidan eʼtirof etilgan hamda mamlakat ijtimoiy hayotida muhim ahamiyatga ega boʻlgan badiiy asarlar mualliflarini moddiy jihatdan ragʻbatlantirish;

Oʻzbekiston Yozuvchilar uyushmasi hamda uning taniqli aʼzolari ijodiy faoliyatiga bagʻishlangan veb-saytlarni yaratish va ularni yangilab borish;

Respublika Maʼnaviyat va maʼrifat markazi, Oʻzbekiston Yozuvchilar uyushmasi va ularning tizimidagi tashkilotlarning moddiy-texnika bazasini mustahkamlash, xodimlarni ijtimoiy qoʻllab-quvvatlash.

3. Quyidagilar jamgʻarma mablagʻlarini shakllantirish manbalari etib belgilansin:

Oʻzbekiston Respublikasining respublika budjetidan ajratiladigan mablagʻlar;

jismoniy va yuridik shaxslarning homiylik xayriyalari;

xalqaro moliya institutlari va boshqa xorijiy donorlarning grantlari va imtiyozli kreditlari;

vaqtincha boʻsh turgan mablagʻlarni tijorat banklari depozitlariga joylashtirish hisobidan olingan daromadlar;

qonun hujjatlarida taqiqlanmagan boshqa manbalar.

4. Moliya vazirligi Jamgʻarmaga:

2021-yilda 120 milliard soʻm, jumladan Respublika Maʼnaviyat va maʼrifat markaziga mamlakat miqyosida maʼnaviy-maʼrifiy ishlarni samarali tashkil etish uchun 10 milliard soʻm, uning hududiy boʻlimlariga joylarda maʼnaviy-maʼrifiy sohalarni rivojlantirish uchun 90 milliard soʻm, Oʻzbekiston Yozuvchilar uyushmasi faoliyatini qoʻllab-quvvatlash uchun 20 milliard soʻm mablagʻ ajratsin;

2022-yildan boshlab Jamgʻarma vasiylik kengashi tomonidan tasdiqlangan xarajatlar smetasi va prognoz koʻrsatkichlarga muvofiq mablagʻ ajratib borilishini taʼminlasin.

5. Maʼnaviyat va ijodni qoʻllab-quvvatlash maqsadli jamgʻarmasi vasiylik kengashi (A.N. Aripov):

Jamgʻarma daromad va xarajatlari boʻyicha prognoz koʻrsatkichlarini har yili tasdiqlasin;

Jamgʻarma zimmasiga yuklangan vazifalarni amalga oshirish uchun manfaatdor vazirlik va idoralarni jalb etsin;

Jamgʻarma mablagʻlaridan maqsadli foydalanish boʻyicha tizimli nazorat qilinishini taʼminlasin.

6. Oʻzbekiston Respublikasi Prezidentining 2010-yil 26-fevraldagi “Oʻzbekiston Yozuvchilar uyushmasi huzurida “Ijod” fondini tashkil etish toʻgʻrisida”gi PQ-1292-son qarori oʻz kuchini yoʻqotgan deb hisoblansin.

7. Respublika Maʼnaviyat va maʼrifat markazi Adliya vazirligi bilan birgalikda bir oy muddatda qonunchilik hujjatlariga mazkur qarordan kelib chiqadigan oʻzgartirish va qoʻshimchalar haqida Vazirlar Mahkamasiga takliflar kiritsin.

8. Mazkur qarorning ijrosini nazorat qilish Oʻzbekiston Respublikasining Bosh vaziri A.N. Aripov zimmasiga yuklansin.

Oʻzbekiston Respublikasi Prezidentining 2021-yil 26-martdagi PQ-5039-son qaroriga ILOVA

Maʼnaviyat va ijodni qoʻllab-quvvatlash maqsadli jamgʻarmasi vasiylik kengashining

A.N. Aripov — Oʻzbekiston Respublikasining Bosh vaziri, Vasiylik kengashi raisi B.A. Musayev — Oʻzbekiston Respublikasi Bosh vazirining oʻrinbosari, Vasiylik kengashi raisining oʻrinbosari D.M. Kenjayev — Oʻzbekiston Respublikasi Prezidenti maslahatchisining oʻrinbosari M.M. Xojimatov — Respublika Maʼnaviyat va maʼrifat markazi rahbari S.S. Saidov — Oʻzbekiston Yozuvchilar uyushmasi raisi O.A. Nazarbekov — madaniyat vaziri Sh.X. Shermatov — xalq taʼlimi vaziri A.X. Toshkulov — oliy va oʻrta maxsus taʼlim vaziri J.I. Abroʻyev — moliya vazirining oʻrinbosari F.F. Abduxalikov — “Oʻzbekkino” Milliy agentligi bosh direktori Z.A. Toʻraqulov — Respublika Maʼnaviyat va maʼrifat markazi rahbari oʻrinbosari, Vasiylik kengashi kotibi

Oʻzbekiston Respublikasi Prezidenti Sh. MIRZIYOYEV

Toshkent sh.,

2021-yil 26-mart,

PQ-5039-son

(Qonun hujjatlari maʼlumotlari milliy bazasi, 26.03.2021-y., 07/21/5039/0242-son)

lex.uz

Президента Республики Узбекистан

Постановление

СОСТАВ

Об образовании Целевого фонда по поддержке сферы духовности и творчества

В целях повышения эффективности и действенности духовно-просветительской работы, дальнейшего укрепления согласия и взаимопонимания среди многонационального народа нашей страны, сохранения и развития национальных ценностей, традиций и обычаев, активной поддержки художественного творчества и пропаганды культуры чтения:

1. Одобрить предложения Республиканского центра духовности и просветительства, Союза писателей Узбекистана, Попечительского совета Общественного фонда «Ижод» относительно:

передачи Союзу писателей Узбекистана находящихся в ведении Общественного фонда «Ижод» поликлиники Союза писателей Узбекистана, унитарного предприятия «Дирекция по эксплуатации творческого дома «Дурмон» и дочернего предприятия «Оккум файз барака» вместе со всем принадлежащим им имуществом, зданиями и сооружениями;

организации Целевого фонда по поддержке сферы духовности и творчества при Республиканском центре духовности и просветительства (далее — Фонд) без образования юридического лица на базе Общественного фонда «Ижод», а также утверждении состава его Попечительского совета согласно приложению .

2. Принять к сведению, что средства Фонда направляются на финансирование следующих мероприятий:

создание на основе «Концепции непрерывного духовного воспитания» методических пособий и рекомендаций, научно-практической литературы для систем дошкольного образования, общего среднего образования, среднего специального и высшего образования с целью обогащения теории и методики духовно-нравственного воспитания, их издание и доведение до мест;

реализация мер, направленных на широкую популяризацию национального наследия, весомого вклада наших великих ученых, поэтов и мыслителей в мировую цивилизацию как у нас в стране, так и за ее пределами;

совместно с IT-парками, инновационными центрами, фрилансерами создание мобильных приложений, компьютерных игр, другой анимационной продукции в целях внедрения в сферу духовности и просветительства систему цифровых технологий;

изучение духовно-нравственной среды на местах, содействие развитию деятельности региональных советов по духовности и просветительству, а также поддержка экспертных групп, созданных в целях повышения эффективности духовно-просветительской работы;

всестороннее развитие духовно-просветительской сферы, литературы и культуры чтения, поддержка инициатив, направленных на повышение эффективности работы в этой области;

проведение республиканских и международных научно-просветительских мероприятий, литературных форумов, фестивалей, конкурсов, народных гуляний, литературно-музыкальных вечеров;

издание книг и плакатов, создание медиапродукции по духовно-просветительской, литературно-художественной тематике;

организация краткосрочных учебных курсов для заместителей директоров по духовно-просветительской работе и специалистов по культурно-творческому воспитанию образовательных учреждений системы Министерства народного образования;

организация совместно с хокимиятами на местах с привлечением ведущих ученых и специалистов семинаров-тренингов по повышению квалификации работников духовно-просветительской сферы;

формирование социальных заказов на создание новых проектов, книг, брошюр и статей, сценариев мероприятий, направленных на развитие духовно-просветительской работы, и материальное стимулирование привлеченных к ней ученых и специалистов;

издание литературных произведений, рекомендованных Союзом писателей Узбекистана, в том числе первых книг молодых авторов;

проведение творческих вечеров членов Союза писателей Узбекистана, предоставление материальной помощи членам Союза писателей, внесшим достойных вклад в развитие литературы;

перевод на иностранные языки ярких образцов национальной классической и современной литературы, в которых воспеваются древняя история, богатая культура, вековые традиции и ценности нашего народа, и их широкая популяризация во всемирной информационной сети;

материальное стимулирование авторов художественных произведений, способствующих развитию национальной литературы, получивших признание литературной общественности и играющих важную роль в жизни страны;

создание и регулярное обновление веб-сайтов Союза писателей Узбекистана, а также посвященных творческой деятельности его членов — известных литераторов;

укрепление материально-технической базы Республиканского центра духовности и просветительства, Союза писателей Узбекистана, их подведомственных организаций, социальная поддержка сотрудников.

3. Определить источниками формирования средств Фонда:

средства, выделенные из республиканского бюджета Республики Узбекистан;

благотворительные пожертвования физических и юридических лиц;

средства грантов и льготных кредитов международных финансовых институтов и других зарубежных доноров;

доходы, полученные от размещения временно свободных денежных средств на депозиты коммерческих банков;

другие источники, не запрещенные законодательством.

4. Министерству финансов выделить Фонду:

в 2021 году 120 миллиардов сумов, в том числе Республиканскому центру духовности и просветительства для эффективной организации духовно-просветительской работы в масштабе страны — 10 миллиардов сумов, его территориальным подразделениям для развития духовно-просветительской сферы на местах — 90 миллиардов сумов, для поддержки деятельности Союза писателей Узбекистана — 20 миллиардов сумов;

начиная с 2022 года обеспечить выделение средств в соответствии со сметой расходов и прогнозными показателями, утвержденными Попечительским советом Фонда.

5. Попечительскому совету Целевого фонда по поддержке сферы духовности и творчества (А.Н. Арипов):

ежегодно утверждать прогнозные показатели доходов и расходов Фонда;

привлекать заинтересованные министерства и ведомства для реализации задач, возложенных на Фонд;

обеспечить системный контроль за целевым использованием средств Фонда.

6. Признать утратившим силу постановление Президента Республики Узбекистан от 26 февраля 2010 года № ПП-1292 «Об организации Фонда «Ижод» при Союзе писателей Узбекистана».

7. Республиканскому центру духовности и просветительства совместно с Министерством юстиции в месячный срок внести в Кабинет Министров предложения об изменениях и дополнениях в законодательство, вытекающих из настоящего постановления.

8. Контроль за исполнением настоящего постановления возложить на Премьер-министра Республики Узбекистан А.Н. Арипова.

ПРИЛОЖЕНИЕ к постановлению Президента Республики Узбекистан от 26 марта 2021 года № ПП-5039

Попечительского совета Целевого фонда поддержки духовности и творчества

Арипов А.Н. — Премьер-министр Республики Узбекистан, председатель Попечительского совета Мусаев Б.А. — заместитель Премьер-министра Республики Узбекистан, заместитель председателя Попечительского совета Кенжаев Д.М. — заместитель советника Президента Республики Узбекистан Хожиматов М.М. — руководитель Республиканского центра духовности и просветительства Саидов С.С. — председатель Союза писателей Узбекистана Назарбеков О.А. — министр культуры Шерматов Ш.Х. — министр народного образования Тошкулов А.Х. — министр высшего и среднего специального образования Абруев Ж.И. — заместитель министра финансов Абдухаликов Ф.Ф. — генеральный директор Национального агентства «Узбеккино» Туракулов З.А. — заместитель руководителя Республиканского центра духовности и просветительства, секретарь Попечительского совета

Президент Республики Узбекистан Ш. МИРЗИЁЕВ

г. Ташкент,

26 марта 2021 г.,

№ ПП-5039

(Национальная база данных законодательства, 26.03.2021 г., № 07/21/5039/0242)

lex.uz