UzbekAI

Ўзбекистон Республикаси Вазирлар Маҳкамасининг

қарори

НИЗОМ

СХЕМАСИ

МАЪМУРИЙ РЕГЛАМЕНТИ

СХЕМАСИ

СТАВКАЛАРИ

Қишлоқ хўжалиги экинлари навларини синаш тизимини такомиллаштириш тўғрисида

Вазирлар Маҳкамасининг «Қишлоқ хўжалиги экинлари навларини синаш маркази фаолиятини такомиллаштириш, қишлоқ хўжалиги ўсимликлари турларининг Миллий генбанкини яратиш тўғрисида» 2020 йил 13 майдаги 282-сон қарорига мувофиқ, шунингдек, жаҳон амалиётида кенг қўлланилаётган замонавий синаш усуллари ва технологияларидан фойдаланган ҳолда қишлоқ хўжалиги экинлари навларининг хўжалик учун фойдали белги ва хусусиятлари бўйича синаш ишларини ташкил этиш ҳамда республика ҳудудида экиш учун тавсия этиладиган қишлоқ хўжалиги экинларининг давлат реестрини юритишни ҳуқуқий тартибга солиш мақсадида Вазирлар Маҳкамаси қарор қилади:

1. Қуйидагилар:

Ўзбекистон Республикаси ҳудудида экишга тавсия қилинган қишлоқ хўжалиги экинлари давлат реестрини (кейинги ўринларда — давлат реестри) юритиш тартиби ва унга қўйиладиган талабларни, давлат реестрида рўйхатдан ўтказиш учун талабнома бериш ҳамда уни кўриб чиқиш тартибини, давлат реестрида қайд этиладиган маълумотларни, шунингдек, қишлоқ хўжалиги экинлари навларини давлат реестридан чиқариш асослари ва тартибини назарда тутувчи Ўзбекистон Республикаси ҳудудида экишга тавсия қилинган қишлоқ хўжалиги экинлари давлат реестрини юритиш тартиби тўғрисидаги низом 1-иловага мувофиқ;

қишлоқ хўжалиги экинларининг янги навларини синаш бўйича фаолият юритиш учун қўйиладиган талаб ва шартларни, қишлоқ хўжалиги экинлари навларини синаш бўйича давлат хизматлари кўрсатиш тартиби ва зарур ҳужжатлар рўйхатини, давлат реестрида рўйхатдан ўтказиш тўғрисидаги талабномани кўриб чиқиш, рўйхатдан ўтказилганлик тўғрисидаги гувоҳномаси бериш ва давлат реестрида рўйхатдан ўтказилганлик гувоҳномасининг амал қилиш муддатини узайтириш тартибини назарда тутувчи Қишлоқ хўжалиги экинлари навларини синаш бўйича давлат хизматлари кўрсатишнинг маъмурий регламенти (кейинги ўринларда — Регламент) 2-иловага мувофиқ тасдиқлансин.

2. Белгилансинки:

қишлоқ хўжалиги экинлари навларини синаш учун ажратилган тажриба ер майдонлари мақбуллаштирилмайди, шунингдек, ушбу ер майдонларида қишлоқ хўжалиги экинлари Қишлоқ хўжалиги вазирлиги ҳузуридаги Қишлоқ хўжалиги экинлари навларини синаш маркази (кейинги ўринларда — Марказ) томонидан тузилган тақсимот бўйича мустақил жойлаштирилади ва алмашлаб экиш тизими жорий қилинади;

Марказнинг моддий-техника базасини мустаҳкамлаш ва модернизация қилиш билан боғлиқ харажатлар Ўзбекистон Республикаси Президентининг «Халқаро тикланиш ва тараққиёт банки ҳамда Халқаро тараққиёт уюшмаси иштирокида «Ўзбекистон Республикаси қишлоқ хўжалигини модернизация қилиш» лойиҳасини амалга ошириш чора-тадбирлари тўғрисида» 2020 йил 11 августдаги ПҚ-4803-сон қарори доирасида амалга оширилади.

3. Ўзбекистон Республикаси Ҳукуматининг 3-иловага мувофиқ айрим қарорларига ўзгартириш ва қўшимчалар киритилсин.

4. Вазирлар Маҳкамасининг «Тошкент давлат аграр университети ҳузуридаги «Ғўза уруғчилиги маркази» давлат муассасаси фаолиятини ташкил этиш чора-тадбирлари тўғрисида» 2019 йил 23 ноябрдаги 942-сон қарори ўз кучини йўқотган деб ҳисоблансин.

5. Ўзбекистон Республикаси Қишлоқ хўжалиги вазирлиги манфаатдор вазирлик ва идоралар билан биргаликда ўзлари қабул қилган норматив-ҳуқуқий ҳужжатларни икки ой муддатда ушбу қарорга мувофиқлаштирсин.

6. Мазкур қарорнинг бажарилишини назорат қилиш Ўзбекистон Республикаси Бош вазирининг аграр ва озиқ-овқат соҳаларини ривожлантириш масалалари бўйича ўринбосари Ш.М. Ғаниев ва Ўзбекистон Республикаси қишлоқ хўжалиги вазири Ж.А. Ходжаев зиммасига юклансин.

Вазирлар Маҳкамасининг 2021 йил 27 мартдаги 158-сон қарорига 1-ИЛОВА

Ўзбекистон Республикаси ҳудудида экишга тавсия қилинган қишлоқ хўжалиги экинлари давлат реестрини юритиш тартиби тўғрисида

1-боб. Умумий қоидалар

1. Мазкур Низом Ўзбекистон Республикаси ҳудудида экишга тавсия қилинган қишлоқ хўжалиги экинлари давлат реестрини (кейинги ўринларда — давлат реестри) юритиш тартибини белгилайди.

2. Ушбу Низомда қуйидаги асосий тушунчалар қўлланилади:

андоза нав — давлат реестрида рўйхатдан ўтказилган, Ўзбекистон Республикасининг турли тупроқ-иқлим шароитли ҳудудларида кенг жорий этилган қишлоқ хўжалиги экини нави;

«Navagrotest.uz» ахборот тизими (кейинги ўринларда-ахборот тизими) — қишлоқ хўжалиги экинлари навларининг синови бўйича маълумотларни ва давлат реестрини электрон кўринишда шакллантириш ҳамда янгилаб боришнинг автоматлаштирилган ахборот тизими;

истиқболли навлар — қишлоқ хўжалиги экинлари давлат нав синовининг дастлабки йилларида хўжалик кўрсаткичлари ва хусусиятлари, маҳсулот сифати ҳамда бошқа белгилари бўйича давлат реестрига киритилган нав ва дурагайлардан устун бўлган нав ва дурагайлар;

қишлоқ хўжалиги экинлари навларини синаш — Ўзбекистон Республикаси Қишлоқ хўжалиги вазирлиги ҳузуридаги Қишлоқ хўжалиги экинлари навларини синаш маркази (кейинги ўринларда — Марказ) томонидан тасдиқланган тартиб асосида Ўзбекистон Республикасининг турли табиий тупроқ-иқлим шароитли ҳудудларида жойлашган нав синаш станциялари ва участкаларида ҳамда ариза берувчи томонидан танланган майдонларда қишлоқ хўжалиги экинлари навларининг хўжалик учун фойдали белгилари бўйича ўрганиш;

нав — ўсимликлар гуруҳи бўлиб, у наслдан наслга барқарор ўтувчи, муайян генотип ёки генотиплар комбинациясини бошқаларидан ажратиб турувчи белгиларга қараб аниқланади ва айни бир ботаник таксондаги бошқа ўсимликлар гуруҳидан бир ёки бир неча белгилари билан фарқланади. Клон, линия, биринчи авлод дурагайи, популяция навнинг муҳофаза қилинадиган объектларидир;

навларнинг хўжалик учун фойдали белгилари — қишлоқ хўжалиги навларининг ҳосилдорлиги, ўсиш даври, касаллик ва зараркунандаларга, турли тупроқ-иқлим шароитларига чидамлилиги ҳамда маҳсулотнинг сифати ва бошқа белгилари;

патент эгаси — селекция ютуғига берилган патент эгаси;

талабнома берувчи — қишлоқ хўжалиги экинлари навларини давлат реестрида рўйхатдан ўтказиш мақсадида Марказга мурожаат этувчи резидент ёки норезидент (юридик ва жисмоний шахслар)

Ўзбекистон Республикаси Қишлоқ хўжалиги вазирлиги ҳузуридаги экперт комиссияси (кейинги ўринларда — Эксперт комиссияси) — Марказ томонидан ўтказилган синов натижалари асосида қишлоқ хўжалиги экинлари навларини Давлат реестрида рўйхатдан ўтказиш ва ундан чиқариш бўйича таклифларни кўриб чиқиш бўйича соҳага алоқадор вазирлик ва идоралар вакиллари таркибидаги идоралараро коллегиал орган;

эксперт баҳолаш — Марказ мутахассислари томонидан Ўзбекистон Республикаси ҳудудларида кам тарқалган қишлоқ хўжалиги экинлари навлари бўйича синов ишларини ариза берувчининг ўзи танлаган майдонларда ўтказиш, ваколатли давлат муассасаси мутахассислари, ариза берувчи ва бошқа давлатларнинг соҳадаги ваколатли ташкилотлари томонидан тақдим этилган синов натижаларидан фойдаланиш.

3. Давлат реестри қуйидагиларни тизимли ташкил этишга кўмаклашиш мақсадида юритилади:

қишлоқ хўжалиги экинларининг янги навларини синаш ва эксперт баҳолаш;

патент эгасининг хоҳишига кўра муҳофаза ҳужжатлари билан ҳимоя қилинган қишлоқ хўжалиги экинлари навларини рўйхатдан ўтказиш ва экишга тавсия этиш;

талабнома берувчининг хоҳишига кўра муҳофаза ҳужжатлари билан ҳимоя қилинмаган қишлоқ хўжалиги экинлари навларини рўйхатдан ўтказиш ва экишга тавсия этиш;

Ўзбекистон Республикаси ҳудудида экишга тавсия қилинган қишлоқ хўжалиги экинлари тўғрисида муҳим ва энг сўнгги маълумотларни йиғиш, таҳлил этиш, ўзаро алмашиш мақсадида ахборот фаолиятини ташкил этиш.

4. Марказ қишлоқ хўжалиги экинларининг давлат реестрини юритувчи ваколатли давлат органи ҳисобланади.

5. Ўзбекистон Республикаси Давлат бюджети маблағлари ҳамда қишлоқ хўжалиги экинлари навлари синовини ўтказиш бўйича кўрсатилган хизматлар учун тўловлардан тушган маблағлар давлат реестрини жорий этиш ва юритиш билан боғлиқ фаолиятни молиялаштириш манбалари ҳисобланади.

6. Қишлоқ хўжалиги экинлари навларини Ўзбекистон Республикаси ҳудудида экиш учун тавсия этилган қишлоқ хўжалиги экинлари давлат реестрида рўйхатдан ўтказиш ушбу Низомга иловада келтирилган схемага мувофиқ амалга оширилади.

2-боб. Давлат реестрини юритиш тартиби ва унга қўйиладиган талаблар

7. Қишлоқ хўжалиги экинлари навларини Давлат реестрида рўйхатдан ўтказиш учун талабгор Марказга ахборот тизими орқали талабнома ва унга илова қилинадиган тегишли ҳужжатларни тақдим этади.

8. Марказ беш иш куни ичида талабнома берувчи томонидан тақдим қилинган ҳужжатларнинг тўлиқлиги ва тўғрилигини кўриб чиқади. Зарур ҳолларда талабнома берувчидан қишлоқ хўжалиги экинлари навлари бўйича қўшимча маълумотлар сўраб олинади.

9. Давлат реестрида рўйхатдан ўтказиладиган қишлоқ хўжалиги экинлари навлари хўжалик учун фойдали белгиларга эга бўлиши керак. Қишлоқ хўжалиги экинлари навларининг хўжалик учун фойдали белгилари бўйича синов ишлари ҳар йили Марказ тизимидаги нав синаш станциялари ва нав синаш станцияси ва участкаларининг (ёки талабнома берувчининг ўзи танлаган) ер майдонларида ўтказилади.

10. Синовдан ўтаётган қишлоқ хўжалиги экинлари навларининг бир ёки бир нечта хўжалик учун фойдали белгилар бўйича кўрсаткичлари андоза навдан устун ва қолган белгилари бўйича андоза нав даражасида бўлиши лозим.

11. Бир йиллик қишлоқ хўжалиги экинлари навлари хўжалик учун фойдали белгилари бўйича камида икки йил, кўп йиллик қишлоқ хўжалиги экинлари навлари учун улар тўлиқ ҳосилга кирган пайтидан камида бир йил мобайнида синовдан ўтказилади.

12. Экперт комиссияси хулосасига кўра, қишлоқ хўжалиги экинлари навлари бир йиллик синов натижалари бўйича давлат реестрида рўйхатдан ўтказилиши мумкин.

13. Марказнинг қишлоқ хўжалиги экинлари навларини экишга тавсия қилиш тўғрисидаги қарори тасдиқлангандан ҳамда талабнома берувчи томонидан тегишли тўловлар амалга оширилгандан кейин уч ой муддатда қишлоқ хўжалиги экинлари навлари давлат реестрида рўйхатдан ўтказилади.

14. Давлат реестрида қуйидаги маълумотлар қайд этилади:

ўсимликнинг тури (хили) ва навнинг номи;

талабнома берувчининг номи, манзили ва мамлакат коди;

буюртманинг тартиб рақами;

нав давлат реестрида рўйхатдан ўтказилган тартиб рақами ва сана;

навнинг муаллифи ва нав оригинаторининг номи, манзили;

воситачининг номи ва манзили (агар мавжуд бўлса);

нав давлат реестридан чиқарилган сана.

15. Қишлоқ хўжалиги экинлари навларини давлат реестридан ва Қишлоқ хўжалиги вазирлиги буйруғи билан шакллантириладиган истиқболли навлар рўйхатидан чиқариш учун қуйидаги ҳолатлар асос бўлади:

қишлоқ хўжалиги экини нави хўжалик учун фойдали белгиларини йўқотганда ва ўзининг хос белги кўрсаткичлари бўйича тавсифига мувофиқ келмай қолган тақдирда;

давлат реестрида рўйхатдан ўтказилган қишлоқ хўжалиги экини нави уч йилдан кўп вақт давомида хўжалик муомаласига киритилмаган тақдирда;

патент эгаси томонидан қишлоқ хўжалиги экини навини давлат реестри рўйхатидан чиқариш юзасидан мурожаат қилинган тақдирда.

16. Давлат реестри Марказ томонидан ахборот тизимида электрон шаклда юритилади.

3-боб. Якунловчи қоидалар

18. Ахборот тизимига давлат реестри бўйича маълумотлар Марказ томонидан жойлаштирилади ҳамда жисмоний ва юридик шахслар танишиши учун очиқ ҳисобланади.

19. Нав муаллифи ёки нав оригинатори қишлоқ хўжалиги экинлари навларини Давлат реестри рўйхатидан чиқариш тўғрисидаги қарордан, шунингдек, Марказнинг мансабдор шахслари ҳаракатлари (ҳаракатсизлиги)дан норози бўлганда, қонунчилик ҳужжатларида белгиланган тартибда шикоят қилиш ҳуқуқига эга.

20. Ушбу Низом талаблари бузилишида айбдор бўлган шахслар қонунчилик ҳужжатларига мувофиқ жавобгар бўлади.

Ўзбекистон Республикаси ҳудудида экишга тавсия қилинган қишлоқ хўжалиги экинлари давлат реестрини юритиш тартиби тўғрисидаги низомга ИЛОВА

Ўзбекистон Республикаси ҳудудида экиш учун тавсия этилган қишлоқ хўжалиги экинлари давлат реестрида рўйхатдан ўтказиш

Босқичлар Масъуллар Амалга ошириш механизми Ижро муддати 1-босқич Талабнома берувчи (юридик ёки жисмоний шахс) Ўзбекистон Республикаси ҳудудида экиш учун тавсия этилган қишлоқ хўжалиги экинлари давлат реестрида рўйхатдан ўтказиш учун талабгор Марказга талабнома ва унга илова қилинадиган тегишли ҳужжатларни тақдим этган ҳолда мурожаат қилади. Йил давомида 2-босқич Қишлоқ хўжалиги экинлари навларини синаш маркази Марказ талабнома берувчи томонидан тақдим этилган ҳужжатларни кўриб чиқади. Зарур ҳолларда талабнома берувчидан қишлоқ хўжалиги экинлари навлари бўйича қўшимча маълумотларни сўраб олади. 5 иш куни ичида 3-босқич Қишлоқ хўжалиги экинлари навларини синаш маркази Қишлоқ хўжалиги экинлари навларининг хўжалик учун фойдали белгилари бўйича синов ишлари Марказ тизимидаги нав синаш станциялари ва нав синаш участкаларининг тажриба ер майдонларида ўтказилади. Ҳар йили 4-босқич Қишлоқ хўжалиги экинлари навларини синаш маркази Бир йиллик қишлоқ хўжалиги экинлари навлари хўжалик учун фойдали белгилари бўйича камида икки йил, кўп йиллик қишлоқ хўжалиги экинлари навлари учун улар тўлиқ ҳосилга кирган пайтидан камида бир йил мобайнида синовдан ўтказилади. Тегишли равишда икки йил ва бир йил 5-босқич Қишлоқ хўжалиги экинлари навларини синаш маркази Марказнинг қишлоқ хўжалиги экинларини экишга тавсия қилиш тўғрисидаги қарори тасдиқлангандан ҳамда талабнома берувчи томонидан тегишли тўловлар амалга оширилгандан кейин қишлоқ хўжалиги экинлари навлари Давлат реестрида рўйхатдан ўтказилади. Тегишли қарор қабул қилинганидан ва тўловлар тўлангандан кейин 3 ой муддатда

Вазирлар Маҳкамасининг 2021 йил 27 мартдаги 158-сон қарорига 2-ИЛОВА

Қишлоқ хўжалиги экинлари навларини синаш бўйича давлат хизматлари кўрсатишнинг

1-боб. Умумий қоидалар

1. Мазкур Қишлоқ хўжалиги экинлари навларини синаш бўйича давлат хизматлари кўрсатишнинг маъмурий регламенти (кейинги ўринларда — Регламент) жисмоний ва юридик шахсларга қишлоқ хўжалиги экинлари навларини синаш бўйича давлат хизматлари кўрсатиш тартибини белгилайди.

2. Ушбу Регламентда қуйидаги асосий тушунчалар қўлланилади:

давлат реестрида рўйхатдан ўтказилганлик тўғрисида гувоҳнома — Ўзбекистон Республикаси ҳудудида экишга тавсия қилинган қишлоқ хўжалиги экинлари давлат реестрида (кейинги ўринларда — давлат реестри) рўйхатдан ўтказилган қишлоқ хўжалиги экинлари навларига талабнома берувчининг хоҳишига кўра бериладиган, ваколатли орган томонидан давлат реестрида рўйхатдан ўтказилганлигини тасдиқловчи расмий ҳужжат;

истиқболли навлар — қишлоқ хўжалиги экинлари давлат нав синовининг дастлабки йилларида хўжалик кўрсаткичлари ва хусусиятлари, маҳсулот сифати ҳамда бошқа белгилари бўйича давлат реестрига киритилган нав ва дурагайлардан устун бўлган нав ва дурагайлар;

талабнома берувчи — қишлоқ хўжалиги экинлари навларини давлат реестрида рўйхатдан ўтказиш мақсадида Ўзбекистон Республикаси Қишлоқ хўжалиги вазирлиги ҳузуридаги Қишлоқ хўжалиги экинлари навларини синаш марказига (кейинги ўринларда — Марказ) мурожаат этувчи резидент ёки норезидент (юридик ва жисмоний шахслар);

шахсий кабинет — лойиҳа ташаббускорлари ва буюртмачиларга электрон платформада маълумотларни киритиш, юклаш, сақлаш, юбориш ва тасдиқлаш функцияларини амалга ошириш мақсадида бириктирилган саҳифа;

электрон идентификация рақами — Ўзбекистон Республикаси Қишлоқ хўжалиги вазирлиги ҳузуридаги Қишлоқ хўжалиги экинлари навларини синаш маркази томонидан синовга олинадиган қишлоқ хўжалиги экинларининг навларига бериладиган ҳамда юритиладиган идентификация рақами (код).

3. Қишлоқ хўжалиги экинлари навларини синаш бўйича давлат хизматлари Ўзбекистон Республикаси Қишлоқ хўжалиги вазирлиги ҳузуридаги Қишлоқ хўжалиги экинлари навларини синаш маркази (кейинги ўринларда — ваколатли орган) томонидан қишлоқ хўжалиги экинлари навларини Давлат реестрида рўйхатдан ўтказиш ва рўйхатдан ўтказганлик тўғрисида гувоҳнома бериш мақсадида кўрсатилади.

4. Ўзбекистон Республикаси Қишлоқ хўжалиги вазирлиги ҳузуридаги Қишлоқ хўжалиги экинлари навларини синаш маркази томонидан қишлоқ хўжалиги экинлари навларини синаш бўйича давлат хизматлари кўрсатиш ушбу Регламентга 1-иловада келтирилган схемага мувофиқ амалга оширилади.

5. Қишлоқ хўжалиги экинлари навларини хўжалик учун фойдали белгилари бўйича баҳолаш ишлари ваколатли органнинг талабнома берувчи томонидан танланадиган нав синаш станциялари ва участкаларида амалга оширилади. Қишлоқ хўжалиги экинлари навларини хўжалик учун фойдали белгилари бўйича баҳолаш ишларида олдин ўтказилган лаборатория таҳлиллари, махсус фитопатологик тажрибалар ва бошқа ваколатли ташкилотларнинг синовлари ҳамда сифат таҳлил натижалари ҳам инобатга олинади.

6. Ўзбекистон Республикаси ҳудудларида кам тарқалган қишлоқ хўжалиги экинлари навларининг хўжалик учун фойдали белгилари талабнома берувчи томонидан танланган экин майдонидан олинган маълумотлар ёки эксперт баҳолаш натижалари асосида аниқланади.

Давлат реестрида рўйхатдан ўтказиш учун андоза (стандарт) нав мавжуд бўлмаган тақдирда, синовдан ўтказилаётган қишлоқ хўжалиги экини турига мансуб янги навлар орасидан энг яхшиси танлаб олинади.

7. Талабнома берувчига унинг хоҳишига кўра ушбу Регламентга 2-иловага мувофиқ шаклдаги давлат реестрида рўйхатдан ўтказилганлик тўғрисида гувоҳнома берилади.

Бунда талабнома берувчи Давлат реестрида рўйхатдан ўтказилганлик тўғрисида гувоҳнома бериш билан боғлиқ давлат хизматлари учун белгиланган тартибда ва миқдорда тўловни амалга оширади.

8. Талабгор қишлоқ хўжалиги экини навини Давлат реестрида рўйхатдан ўтказиш ва рўйхатдан ўтказилганлик тўғрисида гувоҳнома бериш бўйича давлат хизматларини кўрсатувчи ваколатли органга мурожаат қилади.

9. Давлат реестрида рўйхатдан ўтказилмаган қишлоқ хўжалиги экинлари навларининг уруғликларини реализация қилишга, шунингдек, Ўзбекистон Республикаси ҳудудига олиб кириш ва унинг ҳудудидан олиб чиқишга йўл қўйилмайди.

10. Мазкур Регламентнинг 9-банди талаблари илмий ва синаш мақсадларида олиб келинаётган қишлоқ хўжалиги экинларининг янги навларига татбиқ этилмайди.

2-боб. Қишлоқ хўжалиги экинлари навларини синаш бўйича фаолиятга нисбатан қўйиладиган талаб ва шартлар

11. Қуйидагилар қишлоқ хўжалиги экинлари навларини синаш бўйича фаолиятга нисбатан қўйиладиган талаблар ва шартлар ҳисобланади:

навларни синаш фаолияти соҳасидаги қонунчилик ҳужжатларига, низом талабларига ва техник жиҳатдан тартибга солувчи ҳужжатлар талабларига риоя этиш;

Давлат реестрида рўйхатдан ўтказилганлик тўғрисидаги гувоҳноманинг амал қилиш даврида гувоҳнома эгаси томонидан Давлат реестрида рўйхатдан ўтказиш ҳужжатларига киритилган ўзгартириш ёки қўшимчалар тўғрисида, ушбу ўзгартириш ёки қўшимчаларнинг киритилиши сабаблари ва уларнинг сифат кўрсаткичларига таъсири ҳақидаги тўлиқ маълумотларни келтирган ҳолда ваколатли органни хабардор қилиш;

Ўзбекистон Республикасида қишлоқ хўжалиги экинларининг янги навларини синаш усулларини қўллаш;

қишлоқ хўжалиги экинлари навларини хўжалик учун фойдали белгилари бўйича баҳолаш натижаларини соҳага алоқадор вазирлик ва идоралар вакилларидан иборат Эксперт комиссиясида муҳокама қилиш натижалари бўйича хулосага асосан Давлат реестрида рўйхатдан ўтказишни амалга ошириш.

3-боб. Давлат хизматларини кўрсатиш тартиби ва зарур бўладиган ҳужжатлар

12. Талабнома берувчи қишлоқ хўжалиги экинлари навларини давлат реестрида рўйхатдан ўтказиш ҳамда рўйхатдан ўтказилганлик тўғрисида гувоҳномани олиш бўйича давлат хизматларидан фойдаланиш учун ваколатли органга «Navagrotest.uz» ахборот тизими (кейинги ўринларда — ахборот тизими) орқали талабномани шакллантиради ва жойлаштиради.

Бунда резидентлар ахборот тизимида OnelD идентификация тизими орқали рўйхатдан ўтказилади. Норезидентлар учун ахборот тизимида онлайн рўйхатдан ўтган ҳолда тизимга кириш имконияти яратилади.

13. Талабнома берувчи қишлоқ хўжалиги экинлари навларини давлат реестрида рўйхатдан ўтказиш учун ваколатли органнинг ахборот тизимида рўйхатдан ўтиб, ўзининг шахсий кабинети орқали ушбу Регламентга 3-иловага мувофиқ талабномани тўлдиради ҳамда талаб этилган ҳужжатларни жойлаштиради.

Талабномани кўриб чиқиш учун ушбу Регламентга 4-иловага мувофиқ ставкаларда тўлов ундирилади.

Талабномада қуйидаги маълумотлар кўрсатилади:

навнинг анкетаси ва тавсифи;

ишончнома (воситачи ва ҳуқуқий ворислар томонидан талабнома берилган тақдирда);

навнинг фотосуратлари тўплами;

навни давлат реестрида рўйхатдан ўтказишга тавсия қилган ташкилотнинг илмий кенгаши баённомаси;

нав яратувчиларининг муаллифлигини тасдиқловчи маълумотнома (маҳаллий навлар бўйича талабнома берилган тақдирда);

навнинг генетик модификацияланган организм эканлиги ёхуд ген муҳандислиги йўли билан яратилганлиги тўғрисидаги маълумотнома (изоҳловчи илова);

нав яратувчиси томонидан тавсия этиладиган ҳудудлар (ёки тупроқ-иқлим зоналар) бўйича хабарнома.

Ваколатли орган томонидан талабнома берувчидан ушбу бандда назарда тутилмаган ҳужжатларни тақдим этишни талаб қилишга йўл қўйилмайди.

14. Талабнома берувчига тўловларни амалга ошириш учун беш иш куни ичида ахборот тизими орқали унинг шахсий кабинетига шартнома юборилади.

15. Талабнома берувчи шартнома билан танишиб чиқиб, хизматлар учун талаб этиладиган тўловни амалга оширади. Тўлов тижорат банки ёки электрон тўлов тизимлари орқали амалга оширилади.

16. Ваколатли органнинг талабномани кўриб чиқиш рад этилганлиги тўғрисидаги хабарномасида кўрсатилган муддат ичида талабнома қайта кўриб чиқилганлиги учун йиғим ундирилмайди. Хабарномада кўрсатилган муддат ўтгандан кейин талабгор томонидан берилган талабнома янгидан топширилган ҳисобланади.

17. Қуйидаги ҳолларда талабномани кўриб чиқиш рад этилади:

талабнома берувчи томонидан ушбу Регламентга 13-бандда қайд этилган ҳужжатлар тўлиқ тақдим этилмаганда;

талабнома берувчи томонидан тақдим этилган ҳужжатларда нотўғри ёки бузиб кўрсатилган маълумотлар мавжуд бўлганда;

ушбу Регламентга 4-иловага мувофиқ ставкаларда тўловлар амалга оширилмаганда;

нав бошқа талабнома берувчи томонидан синаш учун такроран тақдим этилганда.

Талабномада ҳақиқий бўлмаган, сохта ва нотўғри маълумотлар мавжудлиги аниқланганда ёки ҳужжатлар тўлиқ тақдим этилмаганда, ваколатли орган талабнома берувчига ушбу камчиликларни ўн иш куни ичида бартараф этиш имкониятини беради.

Бунда давлат хизматлари кўрсатишнинг муддати аниқланган камчиликларни бартараф этиш вақтида тўхтатиб турилади.

Ваколатли органнинг давлат хизматлари кўрсатишни бошқа асосларга кўра рад этиши қатъий тақиқланади.

18. Талабнома берувчи ваколатли орган томонидан кўрсатиладиган давлат хизматларидан унинг ҳар қандай босқичида бош тортиш ҳамда шартномани бекор қилиш ҳақида ахборот тизими орқали маълум қилиш ҳуқуқига эга.

19. Давлат реестрида рўйхатдан ўтказилган ва рўйхатдан ўтказилганлик тўғрисида гувоҳнома олиш учун тақдим этилган ҳужжатлардаги махфий маълумотлар ваколатли орган томонидан ошкор қилинишига йўл қўйилмайди.

20. Талабнома берувчи юридик шахс у қонунчилик ҳужжатларида белгиланган тартибда тугатилганда, Давлат реестрида рўйхатдан ўтказилганлик тўғрисида гувоҳномасининг амал қилиши муддати тугаганда ваколатли органни хабардор қилади.

21. Талабнома берувчи ваколатли органга тақдим этган тегишли шаклдаги талабномадан воз кечганда, унинг талабномаси кўрилмасдан қолдирилади ва давлат хизматлари учун тўланган йиғим қайтарилмайди.

4-боб. Давлат реестрида рўйхатдан ўтказиш ва рўйхатдан ўтказилганлик тўғрисидаги гувоҳномани беришга доир талабномани кўриб чиқиш

22. Ваколатли орган талабнома берувчидан ҳужжатларни қабул қилиб олгандан кейин беш иш куни ичида уларнинг тўлиқлиги ва тўғрилигини кўриб чиқади.

Ваколатли орган талабнома берувчига ҳужжатлар қабул қилинганлиги тўғрисида сана кўрсатилган хабарномани, давлат хизматларини кўрсатиш бўйича шартномани ҳамда навнинг уруғлик материалларини нав синаш станциялари ва участкаларига етказиб бериш бўйича тақсимотни юборади.

Ҳужжатлар тўлиқ ёки тўғри бўлмаганда, ваколатли орган талабнома берувчига камчиликларни бартараф этиш учун ахборот тизими орқали хабарнома юборади.

23. Давлат реестрида рўйхатдан ўтказиш ва рўйхатдан ўтказилганлик тўғрисида гувоҳномани бериш бўйича давлат хизматларидан фойдаланиш учун талабнома берувчи ваколатли органнинг қуйидаги талабларига қатъий амал қилган ҳолда:

навни синаш билан боғлиқ давлат хизматларини кўрсатиш учун белгиланган миқдорда тўловларни амалга оширади;

ваколатли орган томонидан тузилган ва ахборот тизими орқали юборилган тақсимотни олгандан кейин унда белгиланган муддатда қишлоқ хўжалиги экини нав ва дурагайларининг сифатли уруғлик материалларини етказиб беради.

24. Ваколатли орган талабнома берувчи томонидан ҳужжатлар тўлиқ ва тўғри тақдим этилиб, тегишли тўловлар амалга оширилгандан кейин қуйидагиларни амалга оширади:

навнинг уруғлик материалларини нав синаш станциялари ва участкаларига етказиб бериш бўйича тақсимотни ишлаб чиқади ва ахборот тизими орқали талабнома берувчига етказади;

талабнома берувчининг уруғлик материалларини тақсимотга мувофиқ Марказга ўз вақтида ва белгиланган миқдорда етказиб беришини назорат қилади ҳамда синаш ишларини ташкил этиш қоидалари ва талабларига мувофиқлигини баҳолайди;

навга электрон идентификация рақамини (код) қўйган ҳолда, нав синаш станциялари ва участкаларида хўжалик учун фойдали белгилар бўйича (ҳар йили, ҳар мавсумда) кузатувларни ташкил этади ва маълумотларни ахборот тизимига доимий равишда жойлаштириб боради;

талабнома берувчини навларни синаш бўйича эксперт баҳолаш усуллари тўғрисида ахборот тизими орқали хабардор қилади ва эксперт баҳолаш усуллари бўйича мавсум давомида ишларни ташкил этади ҳамда ҳар бир навга электрон идентификация рақамини (код) қўйган ҳолда, эксперт баҳолаш натижалари юзасидан хулоса ва далолатномаларни ахборот тизимига жойлаштиради;

навнинг ҳар йилги ҳосилидан олинган намуналар бўйича лаборатория таҳлиллари натижаларини (зарур ҳолларда, оригинатор томонидан тақдим этилган таҳлил натижаларини) ахборот тизимига жойлаштиради;

нав синаш станциялари ва участкаларида ўтказилган синаш ишлари натижалари асосида йиғилган маълумотларга кўра ахборот тизимида ҳар йили навлар бўйича таклифларни шакллантиради ҳамда Эксперт комиссияси аъзоларига тақдим этади.

25. Қишлоқ хўжалиги экинлари навларини синаш фаолиятини назорат қилиш ва синаш ишлари ваколатли орган томонидан тасдиқланган синаш усулларига ёки дастурга мувофиқ амалга оширилади.

26. Ваколатли орган Эксперт комиссиясининг хулосасига асосан ўзининг тегишли қарори лойиҳасини ахборот тизимида навларнинг электрон идентификация рақамини (код) кўрсатган ҳолда шакллантиради ҳамда йигирма беш иш куни ичида Қишлоқ хўжалиги вазирлиги билан келишган ҳолда тасдиқлайди.

27. Ваколатли орган ахборот тизимда навларнинг давлат реестрида рўйхатдан ўтказилганлиги ёки ўтказилмаганлиги тўғрисидаги маълумотномани шакллантиради ва электрон рақамли имзо билан тасдиқлаган ҳолда, уч иш куни ичида талабнома берувчининг шахсий кабинетига юборади.

Қишлоқ хўжалиги экини навини Давлат реестрида рўйхатдан ўтказиш рад этилган ҳолларда талабнома берувчи томонидан тўланган йиғим қайтарилмайди.

28. Ваколатли орган талабнома берувчининг хоҳишига кўра уч иш куни ичида қишлоқ хўжалиги экини навининг давлат реестрида рўйхатдан ўтказилганлиги тўғрисидаги гувоҳномани шакллантиради ва белгиланган тартибда тақдим этади.

29. Талабнома берувчи ушбу Регламентга 4-иловада келтирилган ставкаларга мувофиқ қишлоқ хўжалиги экинлари навларини синаш бўйича ваколатли орган томонидан кўрсатилган давлат хизматлари учун тўловларни амалга оширади. Бунда тўланган тўловлар ваколатли органнинг ҳисобварағига ўтказилади.

Қишлоқ хўжалиги экинлари навларини синаш маркази томонидан кўрсатиладиган давлат хизматлари бўйича тўлов ставкалари маҳаллий ва хорижий селекция навлари учун фарқли ҳолда белгиланади.

30. Қуйидагилар қишлоқ хўжалиги экини навларини истиқболли навлар ва давлат реестри рўйхатидан чиқариш ҳамда рўйхатдан ўтказишни рад этиш учун асос ҳисобланади:

талабнома берувчи ваколатли орган томонидан тузилган тақсимотга мувофиқ қишлоқ хўжалиги экинлари нави ва дурагайларининг сифатли уруғлик материалларини белгиланган муддатда ва миқдорда етказиб бермаганда;

қишлоқ хўжалиги экини нави хўжалик учун фойдали белгилари (ҳосилдорлик, касалликларга, зараркунандаларга, совуққа, иссиққа ва қурғоқчиликка чидамлилик, олинадиган маҳсулот сифати ва бошқа хўжалик ва биологик белгилари) кўрсаткичларини йўқотганда ва ўзининг хос белги кўрсаткичлари бўйича тавсифига мувофиқ келмай қолганда;

қишлоқ хўжалиги экини навининг хўжалик учун фойдали белги кўрсаткичлари андоза (стандарт) нав кўрсаткичидан паст бўлганда;

қишлоқ хўжалиги экини нави 3 йилдан кўп давр ичида хўжалик муомаласига киритилмаганда;

талабнома берувчи томонидан қишлоқ хўжалиги экини навини Давлат реестрида рўйхатдан ўтказиш учун белгиланган тўловлар амалга оширилмаганда;

патент эгаси қишлоқ хўжалиги экини навини Давлат реестри рўйхатидан чиқариш тўғрисида мурожаат қилганда;

Эксперт комиссияси томонидан Давлат реестрида рўйхатдан ўтказишни тўхтатиш, рад этиш ва чиқариш юзасидан хулосалар тақдим этилганда.

Қишлоқ хўжалиги экини нави бошқа асосланмаган сабабларга кўра, шу жумладан, мақсадга номувофиқлиги сабабли Давлат реестрида рўйхатдан чиқарилишига йўл қўйилмайди.

31. Навларни давлат реестрида рўйхатдан ўтказишни рад этиш тўғрисида қарор қабул қилинганда, уч иш куни ичида талабнома берувчига ахборот тизими орқали талабнома рад этилганлиги ҳақида электрон шаклдаги хабарнома юборилади. Хабарномада талабномани рад этиш сабаблари ва уларни бартараф этиб, кўрсатилган муддатда ҳужжатларни қайта кўриб чиқиш учун такроран тақдим этиш мумкинлиги баён қилинади.

32. Талабнома берувчи Давлат реестрида рўйхатдан ўтказишни рад этиш сабабларини бартараф қилиши ва ҳужжатларни қайта тақдим этиши мумкин бўлган муддат ёзма ёки электрон шаклдаги хабарнома юборилган кундан эътиборан 10 кундан кам бўлмаслиги керак.

33. Талабнома берувчи Давлат реестрида рўйхатдан ўтказишни рад этиш учун асос бўлган сабабларни белгиланган муддатда бартараф этиб, буни тасдиқловчи ҳужжатларни тақдим этганидан кейин ваколатли орган ҳужжатларни 10 кун муддат ичида қайта кўриб чиқади.

Талабнома берувчининг талабномаси қайта кўриб чиқилганлиги учун йиғим ундирилмайди.

34. Давлат реестрида рўйхатдан ўтказиш рад этилганлиги ҳақидаги хабарномада кўрсатилган муддат ўтгандан кейин топширилган талабнома янгидан топширилган ҳисобланади.

35. Талабнома берувчи талабномасининг рад этилиши, шунингдек, ваколатли органнинг мансабдор шахсининг ҳаракатлари (ёки ҳаракатсизлиги) юзасидан белгиланган тартибда шикоят қилиш ҳуқуқига эга.

5-боб. Давлат реестрида рўйхатдан ўтказилганлик тўғрисидаги гувоҳноманинг амал қилиш муддатини узайтириш

36. Давлат реестридан рўйхатдан ўтказилганлик тўғрисидаги гувоҳнома 3 йил муддатга берилади. Давлат реестрида рўйхатдан ўтказилганлик тўғрисида гувоҳноманинг амал қилиш муддати тугагач, талабнома берувчининг хоҳишига кўра унинг муддати узайтирилиши мумкин.

37. Давлат реестрида рўйхатдан ўтказилганлик тўғрисидаги гувоҳноманинг муддатини узайтириш юзасидан талабнома унинг амал қилиш муддати тугашидан 30 кун олдин ваколатли органга топширилиши шарт.

6-боб. Якунловчи қоида

38. Ушбу Регламент талаблари бузилишида айбдор бўлган шахслар қонунчилик ҳужжатларига мувофиқ жавобгар бўлади.

Қишлоқ хўжалиги экинлари навларини синаш бўйича давлат хизматлари кўрсатишнинг маъмурий регламентига 1-ИЛОВА

Ўзбекистон Республикаси Қишлоқ хўжалиги вазирлиги ҳузуридаги Қишлоқ хўжалиги экинлари навларини синаш маркази томонидан қишлоқ хўжалиги экинлари нав ва дурагайларини синаш бўйича давлат хизматларини кўрсатиш

Босқичлар Масъуллар Амалга ошириш механизми Ижро муддати 1-босқич Талабнома берувчи (Ўзбекистон Республикаси резиденти ёки норезиденти) 1. Қишлоқ хўжалиги экини навини Давлат реестрида рўйхатдан ўтказиш мақсадида ваколатли органга «Navagrotest.uz» ахборот тизими орқали талабномани шакллантиради ва киритади. Ихтиёрий равишда (электрон шахсий кабинет орқали) 2. Қишлоқ хўжалиги экинларини синаш маркази (кейинги ўринларда — ваколатли орган) томонидан кўрсатиладиган давлат хизматлари учун тўловларни амалга оширади. Талабномани бериш билан бир вақтда 2-босқич Ваколатли орган Ҳужжатларни белгиланган тартибда қабул қилади ва қабул қилинган санани кўрсатган ҳолда талабнома берувчига хабарнома (ёки эксперт баҳолаш тартибини), уруғлик материалларини етказиб бериш бўйича тақсимот ва кўрсатиладиган давлат хизматлари учун тўлов шартномасини ахборот тизимида юборади. Ҳужжатлар қабул қилингандан кейин 5 иш кунида 3-босқич Талабнома берувчи Ваколатли орган томонидан тузилган тақсимотга мувофиқ қишлоқ хўжалиги экини нав ва дурагайларининг сифатли уруғлик материалларини белгиланган муддатда ва миқдорда етказиб беради. Тақсимотни олгандан сўнг 10 кун муддатда 4-босқич Ваколатли орган 1. Уруғлик материаллари тегишли манзилга тақсимотга мувофиқ ўз вақтида етказиб берилишини назорат қилади ҳамда синаш ишларини ташкил этиш қоидалари ва талабларига мувофиқлигини баҳолайди. Ҳар йили қишлоқ хўжалиги экинларини экишдан 10 кун олдин ва синаш ишлари даврида 2. Нав синаш станциялари ва участкаларидаги қишлоқ хўжалиги экинлари навларининг электрон идентификация (код) рақамини қўйган ҳолда хўжалик учун фойдали белгилар бўйича кузатувларни олиб боради (ёки эксперт баҳолаш) ва маълумотларни ахборот тизимида қайд этиб боради. Қишлоқ хўжалиги экинларининг вегетация даврида 3. Қишлоқ хўжалиги экинлари навларининг электрон идентификация (код) рақами орқали ҳар йилги ҳосилидан олинган намуналарда лаборатория таҳлилларини ўтказади (зарур ҳолларда, оригинатор томонидан тақдим этилган таҳлил натижаларидан фойдаланилади) ва ахборот тизимига киритади. Етиштирилган ҳосил йиғиштириб олингандан кейин 4. Қишлоқ хўжалиги экинлари навлари юзасидан таклифларни уларнинг электрон идентификация (код) рақами бўйича тизимда шакллантиради ва Эксперт комиссияси аъзоларига тизим орқали тақдим этади. Камида уч йил ва ҳар мавсум якунида 5. Эксперт комиссиясининг хулосаси асосида ўзининг тегишли қарори лойиҳасини тизимда қишлоқ хўжалиги экинлари навларининг электрон идентификация (код) рақамини эълон қилган ҳолда шакллантиради ва Қишлоқ хўжалиги вазирлиги билан келишган ҳолда тасдиқлайди. Эксперт комиссияси хулосасидан кейин 25 кун муддатда 6. Қишлоқ хўжалиги экинлари навини Давлат реестрида рўйхатдан ўтказишни рад этиш тўғрисида қарор қабул қилинганда, талабгорга талабнома рад этилганлиги ҳақида тизим орқали хабарнома юборади. 3 кун муддатда 7. Талабнома берувчининг хоҳишига кўра қишлоқ хўжалиги экини навининг Давлат реестрида рўйхатдан ўтказилгани тўғрисидаги гувоҳномани (ёки маълумотнома) тақдим этади. Талабнома берувчининг талабидан кейин 3 кун муддатда

Қишлоқ хўжалиги экинлари навларини синаш бўйича давлат хизматлари кўрсатишнинг маъмурий регламентига 2-ИЛОВА

‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ Қишлоқ хўжалиги вазирлиги ‎Министерство сельского хозяйства ‎Қишлоқ хўжалиги экинлари навларини синаш маркази ‎ Центр по сортоиспытанию сельскохозяйственных культур ‎‎РЎЙХАТГА ОЛИШ ГУВОҲНОМАСИ № 000-000 ‎ СВИДЕТЕЛЬСТВО О РЕГИСТРАЦИИ ‎‎ ‎ ‎ ‎ ‎ ‎ ‎‎Ушбу гувоҳнома __________________________________________________________га шу ҳақда берилдики, ‎‎Настоящее сведетельство выдано‎ ‎‎(талабнома берувчи/заявитель) ‎ Ариза бўйича устунлик санаси ва рақами_________________________________________________________ № по заявке с датой приоритета ‎ ‎Қишлоқ хўжалиги экинлари навларини синаш марказининг қарорига мувофиқ____________________________ ‎В соответствии с решением Центра по сортоиспытанию сельскохозяйственных культур ‎___________________________________________________________________________________________ (экин тури ва селекция ютуғи номи/вид культуры и наименование селекционного достижения) ‎ Ариза рақами (код заявки) — 0000-00 рақами билан‎ Ўзбекистон Республикаси ҳудудида экиш учун тавсия этилган қишлоқ хўжалиги экинлари Давлат реестри ‎рўйхатига киритилди Зарегистрировано в Государственном реестре сельскохозяйственных культур рекомендованных ‎‎ к посеву на территории Республики Узбекистан _______________________________________________________________________________ (мамлакат ва ишлаб чиқарувчи номи/страна и наименование производителя) ‎ Муаллиф(лар):______________________________________________________________________________ Автор(ы):‎ ‎ ‎‎20___ йил/год «___»__________ ‎ ‎ ‎ Амал қилиш муддати ‎3 йил/срок действия ‎3 года ‎ ‎‎Ушбу гувоҳнома мазкур қишлоқ хўжалиги экини нави учун сифат сертификати ҳисобланмайди.‎ Настояще свидетельство не является сертификатом качества сорта сельскохозяйственной культуры. ‎ ‎‎ ‎ Раҳбар‎ ‎ ‎Руководитель‎ ‎ _______________ ‎(имзо/подпись)‎ ‎‎_______________________________ ‎(Ф.И.О) Муҳр ўрни‎ ‎ ‎ ‎ ‎ Место печати‎ ‎ ‎ ‎ ‎

Қишлоқ хўжалиги экинлари навларини синаш бўйича давлат хизматлари кўрсатишнинг маъмурий регламентига 3-ИЛОВА

Қишлоқ хўжалиги экинлари навларини синаш маркази Центр по сортоиспытанию сельскохозяйственных культур (100144, Тошкент шаҳар, М. Улуғбек тумани, Буюк ипак йўли кўчаси, 374-уй) СЕЛЕКЦИЯ ЮТУҚЛАРИНИ ЭКИШГА ТАВСИЯ ЭТИШГА АРИЗА ЗАЯВЛЕНИЕ НА РЕКОМЕНДАЦИЮ СЕЛЕКЦИОННОГО ДОСТИЖЕНИЯ К ПОСЕВУ Шакл-90 Рўйхатга олинган сана Дата регистрации Ариза рақами ________________ _____________________________ Номер заявки (кун, ой, йил/число, месяц, год) 1(а). Аризачи(лар) ____________________________________________________________________ Заявитель(и) (юридик ва жисмоний шахснинг исми ва манзили/имя юридического или физического лица и его адрес) ___________________________________________________________________________________ ___________________________________________________________________________________ 1(б). Фу қ аролиги (фа қ ат жисмоний шахс) Гражданство (только для физических лиц) 2(а). Ариза бўйича ёзишма олиб борувчи шахс манзили ва Ф.И.О ____________________________ Адрес и Ф.И.О лица, уполномоченного вести переписку по заявке ___________________________________________________________________________________ ___________________________________________________________________________________ Телефон __________________________________ Факс _____________________________________ 2(б). Селекция юту ғ и оригинатори манзили ва номи ______________________________________ Адрес и наименование оригинатора селекционного достижения ___________________________________________________________________________________ Телефон __________________________________ Факс _____________________________________ 3(а). Авлод, тур ______________________________________________________________________ Род, вид (ўзбек ёки рус тилидаги номи/название на узбекском или русском языке) 3(б). Авлод,тур ______________________________________________________________________ Род, вид (лотинча номи/латинское название) 4(а). Таклиф этилган ном _____________________________________________________________ Предлагаемое название 4(б). Селекция ра қ ами ________________________________________________________________ Селекционный номер 5. Муаллифлар (агарда муаллифлар аризачи бўлмаса) Авторы (если авторы не являются заявителями) (Ф.И.О тўли қ кўрсатилади) (указать полностью Ф.И.О) ___________________________________________________________________________________ ___________________________________________________________________________________ ___________________________________________________________________________________ Менда (бизда) мавжуд маълумотларга кўра бош қ а муаллифлар йў қ По имеющейся у меня (нас) информации других авторов нет. 6. Аввалги аризалар Предыдущие заявки Рўйхатдан ўтган Зарегистрированы Ариза ра қ ами Номер заявки Даражаси Стадия Қайси ном билан Под каким названием Давлатда В стране Кун Дата Экишга тавсия этишга На рекомендацию к посеву Мен (биз) маьлум қ иламан (миз)ки, ҳ а қ и қ атдан биринчи ариза бўйича берилган маьлумот шу селекция юту ғ иники ва мазкур аризага мосдир. Я (мы) заявляю (ем), что материал, переданный с первой заявкой представляет данное селекционное достижение и соответствует настоящей заявке. 7. Оригинатор томонидан селекция юту ғ ини синашга таклиф этилаётган ҳ удудлар Рекомендуемые оригинатором регионы испытания селекционного достижения Фойдаланиш томонлари Направление использования Ҳудудлар рақами (керак бўлмагани ўчирилади) Номера регионов (ненужные зачеркнуть) 1 2 3 4 5 6 7 8 9 10 11 12 13 Аризага илова қ илинаётган ҳ ужжатлар: Прилагаемые к заявлению документы: {} — Селекция юту ғ и анкетаси 2 нусхада. Анкета селекционного достижения в 2-х экземплярах. {} — Селекция юту ғ и таърифи. Описание селекционного достижения. {} — Ариза беришга ҳ у қ у қ берилганлигини тасди қ ловчи ҳ ужжат (воситачи ва ҳ у қ у қ ий ворислар учун) Документ, подтверждающий право на подачу заявки (для правопреемников и посредников) {} — Фотосуратлар тўплами Комплект фотографий. {} — Илмий кенгаш баёни {} — Протокол учёного совет а Мен (биз), селекция юту ғ ини экиш учун тавсия этилган қ ишло қ хўжалиги экинлари давлат реестрига киритишингизни сўрайман (миз). Я (мы) прошу (сим) включить селекционное достижение в государственный реестр сельскохозяйственных культур рекомендованных к посеву. Мен (биз), мазкур аризага ва иловага киритилган, аризани кўриб чи қ иш учун берилган менда (бизда) мавжуд маьлумотлар тў ғ ри ва охиргиси эканлигини таъкидлайман (миз). Я (мы) заявляю (ем), что по имеющимся у меня (нас) сведениям информация, необходимая для рассмотрения заявки и внесённая в настоящее заявление и в приложения, является окончательной и правильной. Мен (биз), ҳ а қ и қ атдан мазкур селекция юту ғ и тў ғ ри танланган лигини ва намуналар тў ғ ри олинганлигини тасди қ лайман (миз). Я (мы) подтверждаю(ем), что образцы получены должным образом и представляют репрезентативную выборку данного селекционного достижения. Мен (биз), селекция юту ғ ини хўжалик учун фойдали белгилари б ўйича синаш учун Марказ та қ симотига асосан манзилларга ҳ амда Миллий генбанкка етарли ми қ дорда уру ғ лик материалларини бепул етказиб бериш мажбуриятини зиммамга оламан (миз). Я (мы) обязуюсь (емся) безвозмездно предоставлять необходимое количество семян для проведения испытаний на хозяйственную полезность в количестве и по адресам, указанным в разнорядках Госкомиссии, а также образец селекционного достижения в Национальный генбанк. АРИЗАЧИ (ЛАР) ИМЗОСИ (ЛАРИ) ПОДПИСЬ (И) ЗАЯВИТЕЛЯ (ЕЙ) МУ Ҳ Р (ЛАР) ЎРНИ МЕСТО ПЕЧАТИ (ЕЙ)

Қишлоқ хўжалиги экинлари навларини синаш бўйича давлат хизматлари кўрсатишнинг маъмурий регламентига 4-ИЛОВА

Қишлоқ хўжалиги экинлари навларини синаш маркази томонидан кўрсатиладиган давлат хизматлари учун тўлов

Тўловлар коди Кўрсатиладиган хизматлар учун тўловлар номи 1 нав ёки дурагай учун ставкалар (базавий ҳисоблаш миқдори) Тўловлар тўланганлиги тўғрисидаги ҳужжатни тақдим этиш муддати маҳаллий селекция хорижий селекция 1. Талабномани қабул қилиш 1.1 . Давлат реестрида рўйхатдан ўтказиш ҳамда рўйхатдан ўтказилганлик тўғрисида гувоҳнома бериш бўйича талабномани қабул қилиш ва кўриб чиқиш, синовга қабул қилинганлиги юзасидан маълумотнома юбориш 1 2 Талабнома бериш билан бир вақтда 2. Давлат реестрида рўйхатдан ўтказишда муносиблик юзасидан конкурс нав синови бўйича 2.1 . Қишлоқ хўжалиги экинлари навларини синаш марказига топшириладиган қишлоқ хўжалиги экинининг 1 та янги нав ёки дурагайи учун 1 йиллик конкурс нави синови харажатлари (1 та вегетация даври учун) 6 10 Талабнома қабул қилинганлиги тўғрисидаги хабарнома жўнатилган санадан бошлаб 3 ой муддатгача 2.2 . Синаш ишлари амалга оширилаётган қишлоқ хўжалиги экинлари нав ёки дурагайларида хўжалик учун фойдали белгилар бўйича эксперт баҳолаш синовини ўтказиш ва далолатнома тузиш 5 10 Кўриб чиқишга талабнома қабул қилинганлиги тўғрисидаги маълумотнома жўнатилган санадан бошлаб 3 ой муддатгача 3. Давлат реестрида рўйхатдан ўтказиш, эълон қилиш ва рўйхатдан ўтказилганлик тўғрисида гувоҳнома бериш 3.1 . Қишлоқ хўжалиги экинларининг нав ёки дурагайини рўйхатдан ўтказиш 0,5 3 Ваколатли орган қарори тасдиқланган санадан бошлаб 3 ой муддатда 3.2 . Ўзбекистон Республикаси ҳудудида экиш учун тавсия этилган қишлоқ хўжалиги экинларини Давлат реестрида эълон қилиш: а) Давлат реестри китобининг нархи: 0,3 Сотиб олиш билан бир вақтда б) Давлат реестридаги қишлоқ хўжалиги экинлари навлари ва дурагайлари тавсифи китобининг нархи 0,5 3.3 . Талабномага асосан Давлат реестрида рўйхатдан ўтказилганлик тўғрисидаги гувоҳномани бериш: а) Давлат реестрида рўйхатдан ўтказилганлик тўғрисидаги гувоҳномани расмийлаштириш ва бериш 2 3 Ваколатли орган қарори тасдиқланган санадан бошлаб 6 ой муддатда б) Давлат реестрида рўйхатдан ўтказилганлик тўғрисидаги гувоҳнома дубликатини бериш 1 1,5 Давлат реестрида рўйхатдан ўтказилган бўлса — доимий 4. Давлат реестрида сақлаш учун тўловлар 4.1 . Давлат реестрида рўйхатдан ўтказилган санадан бошлаб амал қилиш муддатлари (ҳар йил учун): Биринчи йилда Давлат реестрида рўйхатдан ўтказиш, эълон қилиш ва гувоҳнома бериш учун тўлов тўланганлигини тасдиқловчи ҳужжат билан бир вақтда, кейинги йилларда амал қилиш муддати тугагунга қадар — ҳар йили IV чоракда а) биринчи — учинчи йиллар учун 0,5 1 б) тўртинчи — ўнинчи йиллар учун 1 1,5 в) ўн биринчи — йигирманчи йиллар учун 1,5 2 г) кейинги йилларга 2 2,5 5. Ўзгартиришлар киритиш 5.1 . Давлат реестрида рўйхатдан ўтказиладиган қишлоқ хўжалиги экинлари навларининг талабномасига ўзгартириш, қўшимчалар ва аниқликлар киритиш 1 2 Ўзгартиришлар киритилган ҳужжатларни топшириш билан бир вақтда 6. Давлат реестрида рўйхатдан ўтказиш жараёнида ахборот ҳамда маълумотномалар тақдим этиш 6.1 . Давлат реестрида рўйхатдан ўтказилганлиги ва синов ҳолати бўйича қишлоқ хўжалиги экинлари нави ёки дурагайига маълумотнома тақдим этиш 1 2 Талабнома берувчининг талабига асосан

Вазирлар Маҳкамасининг 2021 йил 27 мартдаги 158-сон қарорига 3-ИЛОВА

Ўзбекистон Республикаси Ҳукуматининг айрим қарорларига киритилаётган ўзгартириш ва қўшимчалар

1. Вазирлар Маҳкамасининг 2017 йил 19 июлдаги 530-сон қарори билан тасдиқланган Ўзбекистон Республикаси Ўрмон хўжалиги давлат қўмитаси тўғрисидаги низомнинг 11-банди «д» кичик бандига қуйидаги мазмундаги ўнинчи хатбоши қўшилсин:

«Ўзбекистон Республикаси ҳудудида экишга тавсия этилган қишлоқ хўжалиги экинларининг давлат реестрида районлаштирилган манзарали, доривор, техник ва озуқабоп ўсимликларнинг рўйхати юритилишини таъминлаш».

2. Вазирлар Маҳкамасининг «Сабзавот-полизчилик, боғдорчилик ва узумчилик йўналишидаги фермер хўжаликларининг ер майдонларидан фойдаланиш самарадорлигини ошириш чора-тадбирлари тўғрисида» 2018 йил 3 апрелдаги 258-сон қарорининг 9-бандида «Қишлоқ хўжалиги экинлари уруғларини сифатини назорат қилиш ва сертификатлаш маркази» сўзлари «Агросаноат мажмуи устидан назорат қилиш инспекцияси» сўзлари билан алмаштирилсин.

3. Вазирлар Маҳкамасининг 2019 йил 9 июлдаги 571-сон қарори билан тасдиқланган Ўзбекистон Республикаси Қишлоқ хўжалиги вазирлиги тўғрисидаги низомнинг 9-бандида :

а) бешинчи хатбоши чиқариб ташлансин;

олтинчи — ўн бешинчи хатбошилар тегишли равишда бешинчи — ўн тўртинчи хатбошилар деб ҳисоблансин;

б) қуйидаги мазмундаги саккизинчи хатбоши қўшилсин:

«Андижон қишлоқ хўжалиги ва агротехнологиялар институти»;

тўққизинчи — ўн тўртинчи хатбошилар тегишли равишда ўнинчи — ўн бешинчи хатбошилар деб ҳисоблансин;

в) ўн иккинчи хатбошида «Агроинновация» давлат унитар корхонаси» сўзлари ««Қишлоқ хўжалигида билим ва инновациялар миллий маркази» давлат муассасаси» сўзлари билан алмаштирилсин.

Ўзбекистон Республикасининг Бош вазири А. АРИПОВ

Тошкент ш.,

2021 йил 27 март,

158-сон

(Қонун ҳужжатлари маълумотлари миллий базаси, 27.03.2021 й., 09/21/158/0241-сон; Қонунчилик маълумотлари миллий базаси, 28.11.2023 й., 09/23/623/0898-сон; 08.07.2025 й., 09/25/416/0588-сон)

lex.uz

Oʻzbekiston Respublikasi Vazirlar Mahkamasining

qarori

NIZOM

SXEMASI

MAʼMURIY REGLAMENTI

SXEMASI

STAVKALARI

Qishloq xoʻjaligi ekinlari navlarini sinash tizimini takomillashtirish toʻgʻrisida

Vazirlar Mahkamasining “Qishloq xoʻjaligi ekinlari navlarini sinash markazi faoliyatini takomillashtirish, qishloq xoʻjaligi oʻsimliklari turlarining Milliy genbankini yaratish toʻgʻrisida” 2020-yil 13-maydagi 282-son qaroriga muvofiq, shuningdek, jahon amaliyotida keng qoʻllanilayotgan zamonaviy sinash usullari va texnologiyalaridan foydalangan holda qishloq xoʻjaligi ekinlari navlarining xoʻjalik uchun foydali belgi va xususiyatlari boʻyicha sinash ishlarini tashkil etish hamda respublika hududida ekish uchun tavsiya etiladigan qishloq xoʻjaligi ekinlarining davlat reyestrini yuritishni huquqiy tartibga solish maqsadida Vazirlar Mahkamasi qaror qiladi:

1. Quyidagilar:

Oʻzbekiston Respublikasi hududida ekishga tavsiya qilingan qishloq xoʻjaligi ekinlari davlat reyestrini (keyingi oʻrinlarda — davlat reyestri) yuritish tartibi va unga qoʻyiladigan talablarni, davlat reyestrida roʻyxatdan oʻtkazish uchun talabnoma berish hamda uni koʻrib chiqish tartibini, davlat reyestrida qayd etiladigan maʼlumotlarni, shuningdek, qishloq xoʻjaligi ekinlari navlarini davlat reyestridan chiqarish asoslari va tartibini nazarda tutuvchi Oʻzbekiston Respublikasi hududida ekishga tavsiya qilingan qishloq xoʻjaligi ekinlari davlat reyestrini yuritish tartibi toʻgʻrisidagi nizom 1-ilovaga muvofiq;

qishloq xoʻjaligi ekinlarining yangi navlarini sinash boʻyicha faoliyat yuritish uchun qoʻyiladigan talab va shartlarni, qishloq xoʻjaligi ekinlari navlarini sinash boʻyicha davlat xizmatlari koʻrsatish tartibi va zarur hujjatlar roʻyxatini, davlat reyestrida roʻyxatdan oʻtkazish toʻgʻrisidagi talabnomani koʻrib chiqish, roʻyxatdan oʻtkazilganlik toʻgʻrisidagi guvohnomasi berish va davlat reyestrida roʻyxatdan oʻtkazilganlik guvohnomasining amal qilish muddatini uzaytirish tartibini nazarda tutuvchi Qishloq xoʻjaligi ekinlari navlarini sinash boʻyicha davlat xizmatlari koʻrsatishning maʼmuriy reglamenti (keyingi oʻrinlarda — Reglament) 2-ilovaga muvofiq tasdiqlansin.

2. Belgilansinki:

qishloq xoʻjaligi ekinlari navlarini sinash uchun ajratilgan tajriba yer maydonlari maqbullashtirilmaydi, shuningdek, ushbu yer maydonlarida qishloq xoʻjaligi ekinlari Qishloq xoʻjaligi vazirligi huzuridagi Qishloq xoʻjaligi ekinlari navlarini sinash markazi (keyingi oʻrinlarda — Markaz) tomonidan tuzilgan taqsimot boʻyicha mustaqil joylashtiriladi va almashlab ekish tizimi joriy qilinadi;

Markazning moddiy-texnika bazasini mustahkamlash va modernizatsiya qilish bilan bogʻliq xarajatlar Oʻzbekiston Respublikasi Prezidentining “Xalqaro tiklanish va taraqqiyot banki hamda Xalqaro taraqqiyot uyushmasi ishtirokida “Oʻzbekiston Respublikasi qishloq xoʻjaligini modernizatsiya qilish” loyihasini amalga oshirish chora-tadbirlari toʻgʻrisida” 2020-yil 11-avgustdagi PQ-4803-son qarori doirasida amalga oshiriladi.

3. Oʻzbekiston Respublikasi Hukumatining 3-ilovaga muvofiq ayrim qarorlariga oʻzgartirish va qoʻshimchalar kiritilsin.

4. Vazirlar Mahkamasining “Toshkent davlat agrar universiteti huzuridagi “Gʻoʻza urugʻchiligi markazi” davlat muassasasi faoliyatini tashkil etish chora-tadbirlari toʻgʻrisida” 2019-yil 23-noyabrdagi 942-son qarori oʻz kuchini yoʻqotgan deb hisoblansin.

5. Oʻzbekiston Respublikasi Qishloq xoʻjaligi vazirligi manfaatdor vazirlik va idoralar bilan birgalikda oʻzlari qabul qilgan normativ-huquqiy hujjatlarni ikki oy muddatda ushbu qarorga muvofiqlashtirsin.

6. Mazkur qarorning bajarilishini nazorat qilish Oʻzbekiston Respublikasi Bosh vazirining agrar va oziq-ovqat sohalarini rivojlantirish masalalari boʻyicha oʻrinbosari Sh.M. Gʻaniyev va Oʻzbekiston Respublikasi qishloq xoʻjaligi vaziri J.A. Xodjayev zimmasiga yuklansin.

Vazirlar Mahkamasining 2021-yil 27-martdagi 158-son qaroriga 1-ILOVA

Oʻzbekiston Respublikasi hududida ekishga tavsiya qilingan qishloq xoʻjaligi ekinlari davlat reyestrini yuritish tartibi toʻgʻrisida

1-bob. Umumiy qoidalar

1. Mazkur Nizom Oʻzbekiston Respublikasi hududida ekishga tavsiya qilingan qishloq xoʻjaligi ekinlari davlat reyestrini (keyingi oʻrinlarda — davlat reyestri) yuritish tartibini belgilaydi.

2. Ushbu Nizomda quyidagi asosiy tushunchalar qoʻllaniladi:

andoza nav — davlat reyestrida roʻyxatdan oʻtkazilgan, Oʻzbekiston Respublikasining turli tuproq-iqlim sharoitli hududlarida keng joriy etilgan qishloq xoʻjaligi ekini navi;

“Navagrotest.uz” axborot tizimi (keyingi oʻrinlarda-axborot tizimi) — qishloq xoʻjaligi ekinlari navlarining sinovi boʻyicha maʼlumotlarni va davlat reyestrini elektron koʻrinishda shakllantirish hamda yangilab borishning avtomatlashtirilgan axborot tizimi;

istiqbolli navlar — qishloq xoʻjaligi ekinlari davlat nav sinovining dastlabki yillarida xoʻjalik koʻrsatkichlari va xususiyatlari, mahsulot sifati hamda boshqa belgilari boʻyicha davlat reyestriga kiritilgan nav va duragaylardan ustun boʻlgan nav va duragaylar;

qishloq xoʻjaligi ekinlari navlarini sinash — Oʻzbekiston Respublikasi Qishloq xoʻjaligi vazirligi huzuridagi Qishloq xoʻjaligi ekinlari navlarini sinash markazi (keyingi oʻrinlarda — Markaz) tomonidan tasdiqlangan tartib asosida Oʻzbekiston Respublikasining turli tabiiy tuproq-iqlim sharoitli hududlarida joylashgan nav sinash stansiyalari va uchastkalarida hamda ariza beruvchi tomonidan tanlangan maydonlarda qishloq xoʻjaligi ekinlari navlarining xoʻjalik uchun foydali belgilari boʻyicha oʻrganish;

nav — oʻsimliklar guruhi boʻlib, u nasldan naslga barqaror oʻtuvchi, muayyan genotip yoki genotiplar kombinatsiyasini boshqalaridan ajratib turuvchi belgilarga qarab aniqlanadi va ayni bir botanik taksondagi boshqa oʻsimliklar guruhidan bir yoki bir necha belgilari bilan farqlanadi. Klon, liniya, birinchi avlod duragayi, populyatsiya navning muhofaza qilinadigan obyektlaridir;

navlarning xoʻjalik uchun foydali belgilari — qishloq xoʻjaligi navlarining hosildorligi, oʻsish davri, kasallik va zararkunandalarga, turli tuproq-iqlim sharoitlariga chidamliligi hamda mahsulotning sifati va boshqa belgilari;

patent egasi — seleksiya yutugʻiga berilgan patent egasi;

talabnoma beruvchi — qishloq xoʻjaligi ekinlari navlarini davlat reyestrida roʻyxatdan oʻtkazish maqsadida Markazga murojaat etuvchi rezident yoki norezident (yuridik va jismoniy shaxslar)

Oʻzbekiston Respublikasi Qishloq xoʻjaligi vazirligi huzuridagi ekpert komissiyasi (keyingi oʻrinlarda — Ekspert komissiyasi) — Markaz tomonidan oʻtkazilgan sinov natijalari asosida qishloq xoʻjaligi ekinlari navlarini Davlat reyestrida roʻyxatdan oʻtkazish va undan chiqarish boʻyicha takliflarni koʻrib chiqish boʻyicha sohaga aloqador vazirlik va idoralar vakillari tarkibidagi idoralararo kollegial organ;

ekspert baholash — Markaz mutaxassislari tomonidan Oʻzbekiston Respublikasi hududlarida kam tarqalgan qishloq xoʻjaligi ekinlari navlari boʻyicha sinov ishlarini ariza beruvchining oʻzi tanlagan maydonlarda oʻtkazish, vakolatli davlat muassasasi mutaxassislari, ariza beruvchi va boshqa davlatlarning sohadagi vakolatli tashkilotlari tomonidan taqdim etilgan sinov natijalaridan foydalanish.

3. Davlat reyestri quyidagilarni tizimli tashkil etishga koʻmaklashish maqsadida yuritiladi:

qishloq xoʻjaligi ekinlarining yangi navlarini sinash va ekspert baholash;

patent egasining xohishiga koʻra muhofaza hujjatlari bilan himoya qilingan qishloq xoʻjaligi ekinlari navlarini roʻyxatdan oʻtkazish va ekishga tavsiya etish;

talabnoma beruvchining xohishiga koʻra muhofaza hujjatlari bilan himoya qilinmagan qishloq xoʻjaligi ekinlari navlarini roʻyxatdan oʻtkazish va ekishga tavsiya etish;

Oʻzbekiston Respublikasi hududida ekishga tavsiya qilingan qishloq xoʻjaligi ekinlari toʻgʻrisida muhim va eng soʻnggi maʼlumotlarni yigʻish, tahlil etish, oʻzaro almashish maqsadida axborot faoliyatini tashkil etish.

4. Markaz qishloq xoʻjaligi ekinlarining davlat reyestrini yurituvchi vakolatli davlat organi hisoblanadi.

5. Oʻzbekiston Respublikasi Davlat budjeti mablagʻlari hamda qishloq xoʻjaligi ekinlari navlari sinovini oʻtkazish boʻyicha koʻrsatilgan xizmatlar uchun toʻlovlardan tushgan mablagʻlar davlat reyestrini joriy etish va yuritish bilan bogʻliq faoliyatni moliyalashtirish manbalari hisoblanadi.

6. Qishloq xoʻjaligi ekinlari navlarini Oʻzbekiston Respublikasi hududida ekish uchun tavsiya etilgan qishloq xoʻjaligi ekinlari davlat reyestrida roʻyxatdan oʻtkazish ushbu Nizomga ilovada keltirilgan sxemaga muvofiq amalga oshiriladi.

2-bob. Davlat reyestrini yuritish tartibi va unga qoʻyiladigan talablar

7. Qishloq xoʻjaligi ekinlari navlarini Davlat reyestrida roʻyxatdan oʻtkazish uchun talabgor Markazga axborot tizimi orqali talabnoma va unga ilova qilinadigan tegishli hujjatlarni taqdim etadi.

8. Markaz besh ish kuni ichida talabnoma beruvchi tomonidan taqdim qilingan hujjatlarning toʻliqligi va toʻgʻriligini koʻrib chiqadi. Zarur hollarda talabnoma beruvchidan qishloq xoʻjaligi ekinlari navlari boʻyicha qoʻshimcha maʼlumotlar soʻrab olinadi.

9. Davlat reyestrida roʻyxatdan oʻtkaziladigan qishloq xoʻjaligi ekinlari navlari xoʻjalik uchun foydali belgilarga ega boʻlishi kerak. Qishloq xoʻjaligi ekinlari navlarining xoʻjalik uchun foydali belgilari boʻyicha sinov ishlari har yili Markaz tizimidagi nav sinash stansiyalari va nav sinash stansiyasi va uchastkalarining (yoki talabnoma beruvchining oʻzi tanlagan) yer maydonlarida oʻtkaziladi.

10. Sinovdan oʻtayotgan qishloq xoʻjaligi ekinlari navlarining bir yoki bir nechta xoʻjalik uchun foydali belgilar boʻyicha koʻrsatkichlari andoza navdan ustun va qolgan belgilari boʻyicha andoza nav darajasida boʻlishi lozim.

11. Bir yillik qishloq xoʻjaligi ekinlari navlari xoʻjalik uchun foydali belgilari boʻyicha kamida ikki yil, koʻp yillik qishloq xoʻjaligi ekinlari navlari uchun ular toʻliq hosilga kirgan paytidan kamida bir yil mobaynida sinovdan oʻtkaziladi.

12. Ekpert komissiyasi xulosasiga koʻra, qishloq xoʻjaligi ekinlari navlari bir yillik sinov natijalari boʻyicha davlat reyestrida roʻyxatdan oʻtkazilishi mumkin.

13. Markazning qishloq xoʻjaligi ekinlari navlarini ekishga tavsiya qilish toʻgʻrisidagi qarori tasdiqlangandan hamda talabnoma beruvchi tomonidan tegishli toʻlovlar amalga oshirilgandan keyin uch oy muddatda qishloq xoʻjaligi ekinlari navlari davlat reyestrida roʻyxatdan oʻtkaziladi.

14. Davlat reyestrida quyidagi maʼlumotlar qayd etiladi:

oʻsimlikning turi (xili) va navning nomi;

talabnoma beruvchining nomi, manzili va mamlakat kodi;

buyurtmaning tartib raqami;

nav davlat reyestrida roʻyxatdan oʻtkazilgan tartib raqami va sana;

navning muallifi va nav originatorining nomi, manzili;

vositachining nomi va manzili (agar mavjud boʻlsa);

nav davlat reyestridan chiqarilgan sana.

15. Qishloq xoʻjaligi ekinlari navlarini davlat reyestridan va Qishloq xoʻjaligi vazirligi buyrugʻi bilan shakllantiriladigan istiqbolli navlar roʻyxatidan chiqarish uchun quyidagi holatlar asos boʻladi:

qishloq xoʻjaligi ekini navi xoʻjalik uchun foydali belgilarini yoʻqotganda va oʻzining xos belgi koʻrsatkichlari boʻyicha tavsifiga muvofiq kelmay qolgan taqdirda;

davlat reyestrida roʻyxatdan oʻtkazilgan qishloq xoʻjaligi ekini navi uch yildan koʻp vaqt davomida xoʻjalik muomalasiga kiritilmagan taqdirda;

patent egasi tomonidan qishloq xoʻjaligi ekini navini davlat reyestri roʻyxatidan chiqarish yuzasidan murojaat qilingan taqdirda.

16. Davlat reyestri Markaz tomonidan axborot tizimida elektron shaklda yuritiladi.

3-bob. Yakunlovchi qoidalar

18. Axborot tizimiga davlat reyestri boʻyicha maʼlumotlar Markaz tomonidan joylashtiriladi hamda jismoniy va yuridik shaxslar tanishishi uchun ochiq hisoblanadi.

19. Nav muallifi yoki nav originatori qishloq xoʻjaligi ekinlari navlarini Davlat reyestri roʻyxatidan chiqarish toʻgʻrisidagi qarordan, shuningdek, Markazning mansabdor shaxslari harakatlari (harakatsizligi)dan norozi boʻlganda, qonunchilik hujjatlarida belgilangan tartibda shikoyat qilish huquqiga ega.

20. Ushbu Nizom talablari buzilishida aybdor boʻlgan shaxslar qonunchilik hujjatlariga muvofiq javobgar boʻladi.

Oʻzbekiston Respublikasi hududida ekishga tavsiya qilingan qishloq xoʻjaligi ekinlari davlat reyestrini yuritish tartibi toʻgʻrisidagi nizomga ILOVA

Oʻzbekiston Respublikasi hududida ekish uchun tavsiya etilgan qishloq xoʻjaligi ekinlari davlat reyestrida roʻyxatdan oʻtkazish

Bosqichlar Masʼullar Amalga oshirish mexanizmi Ijro muddati 1-bosqich Talabnoma beruvchi (yuridik yoki jismoniy shaxs) Oʻzbekiston Respublikasi hududida ekish uchun tavsiya etilgan qishloq xoʻjaligi ekinlari davlat reyestrida roʻyxatdan oʻtkazish uchun talabgor Markazga talabnoma va unga ilova qilinadigan tegishli hujjatlarni taqdim etgan holda murojaat qiladi. Yil davomida 2-bosqich Qishloq xoʻjaligi ekinlari navlarini sinash markazi Markaz talabnoma beruvchi tomonidan taqdim etilgan hujjatlarni koʻrib chiqadi. Zarur hollarda talabnoma beruvchidan qishloq xoʻjaligi ekinlari navlari boʻyicha qoʻshimcha maʼlumotlarni soʻrab oladi. 5 ish kuni ichida 3-bosqich Qishloq xoʻjaligi ekinlari navlarini sinash markazi Qishloq xoʻjaligi ekinlari navlarining xoʻjalik uchun foydali belgilari boʻyicha sinov ishlari Markaz tizimidagi nav sinash stansiyalari va nav sinash uchastkalarining tajriba yer maydonlarida oʻtkaziladi. Har yili 4-bosqich Qishloq xoʻjaligi ekinlari navlarini sinash markazi Bir yillik qishloq xoʻjaligi ekinlari navlari xoʻjalik uchun foydali belgilari boʻyicha kamida ikki yil, koʻp yillik qishloq xoʻjaligi ekinlari navlari uchun ular toʻliq hosilga kirgan paytidan kamida bir yil mobaynida sinovdan oʻtkaziladi. Tegishli ravishda ikki yil va bir yil 5-bosqich Qishloq xoʻjaligi ekinlari navlarini sinash markazi Markazning qishloq xoʻjaligi ekinlarini ekishga tavsiya qilish toʻgʻrisidagi qarori tasdiqlangandan hamda talabnoma beruvchi tomonidan tegishli toʻlovlar amalga oshirilgandan keyin qishloq xoʻjaligi ekinlari navlari Davlat reyestrida roʻyxatdan oʻtkaziladi. Tegishli qaror qabul qilinganidan va toʻlovlar toʻlangandan keyin 3 oy muddatda

Vazirlar Mahkamasining 2021-yil 27-martdagi 158-son qaroriga 2-ILOVA

Qishloq xoʻjaligi ekinlari navlarini sinash boʻyicha davlat xizmatlari koʻrsatishning

1-bob. Umumiy qoidalar

1. Mazkur Qishloq xoʻjaligi ekinlari navlarini sinash boʻyicha davlat xizmatlari koʻrsatishning maʼmuriy reglamenti (keyingi oʻrinlarda — Reglament) jismoniy va yuridik shaxslarga qishloq xoʻjaligi ekinlari navlarini sinash boʻyicha davlat xizmatlari koʻrsatish tartibini belgilaydi.

2. Ushbu Reglamentda quyidagi asosiy tushunchalar qoʻllaniladi:

davlat reyestrida roʻyxatdan oʻtkazilganlik toʻgʻrisida guvohnoma — Oʻzbekiston Respublikasi hududida ekishga tavsiya qilingan qishloq xoʻjaligi ekinlari davlat reyestrida (keyingi oʻrinlarda — davlat reyestri) roʻyxatdan oʻtkazilgan qishloq xoʻjaligi ekinlari navlariga talabnoma beruvchining xohishiga koʻra beriladigan, vakolatli organ tomonidan davlat reyestrida roʻyxatdan oʻtkazilganligini tasdiqlovchi rasmiy hujjat;

istiqbolli navlar — qishloq xoʻjaligi ekinlari davlat nav sinovining dastlabki yillarida xoʻjalik koʻrsatkichlari va xususiyatlari, mahsulot sifati hamda boshqa belgilari boʻyicha davlat reyestriga kiritilgan nav va duragaylardan ustun boʻlgan nav va duragaylar;

talabnoma beruvchi — qishloq xoʻjaligi ekinlari navlarini davlat reyestrida roʻyxatdan oʻtkazish maqsadida Oʻzbekiston Respublikasi Qishloq xoʻjaligi vazirligi huzuridagi Qishloq xoʻjaligi ekinlari navlarini sinash markaziga (keyingi oʻrinlarda — Markaz) murojaat etuvchi rezident yoki norezident (yuridik va jismoniy shaxslar);

shaxsiy kabinet — loyiha tashabbuskorlari va buyurtmachilarga elektron platformada maʼlumotlarni kiritish, yuklash, saqlash, yuborish va tasdiqlash funksiyalarini amalga oshirish maqsadida biriktirilgan sahifa;

elektron identifikatsiya raqami — Oʻzbekiston Respublikasi Qishloq xoʻjaligi vazirligi huzuridagi Qishloq xoʻjaligi ekinlari navlarini sinash markazi tomonidan sinovga olinadigan qishloq xoʻjaligi ekinlarining navlariga beriladigan hamda yuritiladigan identifikatsiya raqami (kod).

3. Qishloq xoʻjaligi ekinlari navlarini sinash boʻyicha davlat xizmatlari Oʻzbekiston Respublikasi Qishloq xoʻjaligi vazirligi huzuridagi Qishloq xoʻjaligi ekinlari navlarini sinash markazi (keyingi oʻrinlarda — vakolatli organ) tomonidan qishloq xoʻjaligi ekinlari navlarini Davlat reyestrida roʻyxatdan oʻtkazish va roʻyxatdan oʻtkazganlik toʻgʻrisida guvohnoma berish maqsadida koʻrsatiladi.

4. Oʻzbekiston Respublikasi Qishloq xoʻjaligi vazirligi huzuridagi Qishloq xoʻjaligi ekinlari navlarini sinash markazi tomonidan qishloq xoʻjaligi ekinlari navlarini sinash boʻyicha davlat xizmatlari koʻrsatish ushbu Reglamentga 1-ilovada keltirilgan sxemaga muvofiq amalga oshiriladi.

5. Qishloq xoʻjaligi ekinlari navlarini xoʻjalik uchun foydali belgilari boʻyicha baholash ishlari vakolatli organning talabnoma beruvchi tomonidan tanlanadigan nav sinash stansiyalari va uchastkalarida amalga oshiriladi. Qishloq xoʻjaligi ekinlari navlarini xoʻjalik uchun foydali belgilari boʻyicha baholash ishlarida oldin oʻtkazilgan laboratoriya tahlillari, maxsus fitopatologik tajribalar va boshqa vakolatli tashkilotlarning sinovlari hamda sifat tahlil natijalari ham inobatga olinadi.

6. Oʻzbekiston Respublikasi hududlarida kam tarqalgan qishloq xoʻjaligi ekinlari navlarining xoʻjalik uchun foydali belgilari talabnoma beruvchi tomonidan tanlangan ekin maydonidan olingan maʼlumotlar yoki ekspert baholash natijalari asosida aniqlanadi.

Davlat reyestrida roʻyxatdan oʻtkazish uchun andoza (standart) nav mavjud boʻlmagan taqdirda, sinovdan oʻtkazilayotgan qishloq xoʻjaligi ekini turiga mansub yangi navlar orasidan eng yaxshisi tanlab olinadi.

7. Talabnoma beruvchiga uning xohishiga koʻra ushbu Reglamentga 2-ilovaga muvofiq shakldagi davlat reyestrida roʻyxatdan oʻtkazilganlik toʻgʻrisida guvohnoma beriladi.

Bunda talabnoma beruvchi Davlat reyestrida roʻyxatdan oʻtkazilganlik toʻgʻrisida guvohnoma berish bilan bogʻliq davlat xizmatlari uchun belgilangan tartibda va miqdorda toʻlovni amalga oshiradi.

8. Talabgor qishloq xoʻjaligi ekini navini Davlat reyestrida roʻyxatdan oʻtkazish va roʻyxatdan oʻtkazilganlik toʻgʻrisida guvohnoma berish boʻyicha davlat xizmatlarini koʻrsatuvchi vakolatli organga murojaat qiladi.

9. Davlat reyestrida roʻyxatdan oʻtkazilmagan qishloq xoʻjaligi ekinlari navlarining urugʻliklarini realizatsiya qilishga, shuningdek, Oʻzbekiston Respublikasi hududiga olib kirish va uning hududidan olib chiqishga yoʻl qoʻyilmaydi.

10. Mazkur Reglamentning 9-bandi talablari ilmiy va sinash maqsadlarida olib kelinayotgan qishloq xoʻjaligi ekinlarining yangi navlariga tatbiq etilmaydi.

2-bob. Qishloq xoʻjaligi ekinlari navlarini sinash boʻyicha faoliyatga nisbatan qoʻyiladigan talab va shartlar

11. Quyidagilar qishloq xoʻjaligi ekinlari navlarini sinash boʻyicha faoliyatga nisbatan qoʻyiladigan talablar va shartlar hisoblanadi:

navlarni sinash faoliyati sohasidagi qonunchilik hujjatlariga, nizom talablariga va texnik jihatdan tartibga soluvchi hujjatlar talablariga rioya etish;

Davlat reyestrida roʻyxatdan oʻtkazilganlik toʻgʻrisidagi guvohnomaning amal qilish davrida guvohnoma egasi tomonidan Davlat reyestrida roʻyxatdan oʻtkazish hujjatlariga kiritilgan oʻzgartirish yoki qoʻshimchalar toʻgʻrisida, ushbu oʻzgartirish yoki qoʻshimchalarning kiritilishi sabablari va ularning sifat koʻrsatkichlariga taʼsiri haqidagi toʻliq maʼlumotlarni keltirgan holda vakolatli organni xabardor qilish;

Oʻzbekiston Respublikasida qishloq xoʻjaligi ekinlarining yangi navlarini sinash usullarini qoʻllash;

qishloq xoʻjaligi ekinlari navlarini xoʻjalik uchun foydali belgilari boʻyicha baholash natijalarini sohaga aloqador vazirlik va idoralar vakillaridan iborat Ekspert komissiyasida muhokama qilish natijalari boʻyicha xulosaga asosan Davlat reyestrida roʻyxatdan oʻtkazishni amalga oshirish.

3-bob. Davlat xizmatlarini koʻrsatish tartibi va zarur boʻladigan hujjatlar

12. Talabnoma beruvchi qishloq xoʻjaligi ekinlari navlarini davlat reyestrida roʻyxatdan oʻtkazish hamda roʻyxatdan oʻtkazilganlik toʻgʻrisida guvohnomani olish boʻyicha davlat xizmatlaridan foydalanish uchun vakolatli organga “Navagrotest.uz” axborot tizimi (keyingi oʻrinlarda — axborot tizimi) orqali talabnomani shakllantiradi va joylashtiradi.

Bunda rezidentlar axborot tizimida OnelD identifikatsiya tizimi orqali roʻyxatdan oʻtkaziladi. Norezidentlar uchun axborot tizimida onlayn roʻyxatdan oʻtgan holda tizimga kirish imkoniyati yaratiladi.

13. Talabnoma beruvchi qishloq xoʻjaligi ekinlari navlarini davlat reyestrida roʻyxatdan oʻtkazish uchun vakolatli organning axborot tizimida roʻyxatdan oʻtib, oʻzining shaxsiy kabineti orqali ushbu Reglamentga 3-ilovaga muvofiq talabnomani toʻldiradi hamda talab etilgan hujjatlarni joylashtiradi.

Talabnomani koʻrib chiqish uchun ushbu Reglamentga 4-ilovaga muvofiq stavkalarda toʻlov undiriladi.

Talabnomada quyidagi maʼlumotlar koʻrsatiladi:

navning anketasi va tavsifi;

ishonchnoma (vositachi va huquqiy vorislar tomonidan talabnoma berilgan taqdirda);

navning fotosuratlari toʻplami;

navni davlat reyestrida roʻyxatdan oʻtkazishga tavsiya qilgan tashkilotning ilmiy kengashi bayonnomasi;

nav yaratuvchilarining muallifligini tasdiqlovchi maʼlumotnoma (mahalliy navlar boʻyicha talabnoma berilgan taqdirda);

navning genetik modifikatsiyalangan organizm ekanligi yoxud gen muhandisligi yoʻli bilan yaratilganligi toʻgʻrisidagi maʼlumotnoma (izohlovchi ilova);

nav yaratuvchisi tomonidan tavsiya etiladigan hududlar (yoki tuproq-iqlim zonalar) boʻyicha xabarnoma.

Vakolatli organ tomonidan talabnoma beruvchidan ushbu bandda nazarda tutilmagan hujjatlarni taqdim etishni talab qilishga yoʻl qoʻyilmaydi.

14. Talabnoma beruvchiga toʻlovlarni amalga oshirish uchun besh ish kuni ichida axborot tizimi orqali uning shaxsiy kabinetiga shartnoma yuboriladi.

15. Talabnoma beruvchi shartnoma bilan tanishib chiqib, xizmatlar uchun talab etiladigan toʻlovni amalga oshiradi. Toʻlov tijorat banki yoki elektron toʻlov tizimlari orqali amalga oshiriladi.

16. Vakolatli organning talabnomani koʻrib chiqish rad etilganligi toʻgʻrisidagi xabarnomasida koʻrsatilgan muddat ichida talabnoma qayta koʻrib chiqilganligi uchun yigʻim undirilmaydi. Xabarnomada koʻrsatilgan muddat oʻtgandan keyin talabgor tomonidan berilgan talabnoma yangidan topshirilgan hisoblanadi.

17. Quyidagi hollarda talabnomani koʻrib chiqish rad etiladi:

talabnoma beruvchi tomonidan ushbu Reglamentga 13-bandda qayd etilgan hujjatlar toʻliq taqdim etilmaganda;

talabnoma beruvchi tomonidan taqdim etilgan hujjatlarda notoʻgʻri yoki buzib koʻrsatilgan maʼlumotlar mavjud boʻlganda;

ushbu Reglamentga 4-ilovaga muvofiq stavkalarda toʻlovlar amalga oshirilmaganda;

nav boshqa talabnoma beruvchi tomonidan sinash uchun takroran taqdim etilganda.

Talabnomada haqiqiy boʻlmagan, soxta va notoʻgʻri maʼlumotlar mavjudligi aniqlanganda yoki hujjatlar toʻliq taqdim etilmaganda, vakolatli organ talabnoma beruvchiga ushbu kamchiliklarni oʻn ish kuni ichida bartaraf etish imkoniyatini beradi.

Bunda davlat xizmatlari koʻrsatishning muddati aniqlangan kamchiliklarni bartaraf etish vaqtida toʻxtatib turiladi.

Vakolatli organning davlat xizmatlari koʻrsatishni boshqa asoslarga koʻra rad etishi qatʼiy taqiqlanadi.

18. Talabnoma beruvchi vakolatli organ tomonidan koʻrsatiladigan davlat xizmatlaridan uning har qanday bosqichida bosh tortish hamda shartnomani bekor qilish haqida axborot tizimi orqali maʼlum qilish huquqiga ega.

19. Davlat reyestrida roʻyxatdan oʻtkazilgan va roʻyxatdan oʻtkazilganlik toʻgʻrisida guvohnoma olish uchun taqdim etilgan hujjatlardagi maxfiy maʼlumotlar vakolatli organ tomonidan oshkor qilinishiga yoʻl qoʻyilmaydi.

20. Talabnoma beruvchi yuridik shaxs u qonunchilik hujjatlarida belgilangan tartibda tugatilganda, Davlat reyestrida roʻyxatdan oʻtkazilganlik toʻgʻrisida guvohnomasining amal qilishi muddati tugaganda vakolatli organni xabardor qiladi.

21. Talabnoma beruvchi vakolatli organga taqdim etgan tegishli shakldagi talabnomadan voz kechganda, uning talabnomasi koʻrilmasdan qoldiriladi va davlat xizmatlari uchun toʻlangan yigʻim qaytarilmaydi.

4-bob. Davlat reyestrida roʻyxatdan oʻtkazish va roʻyxatdan oʻtkazilganlik toʻgʻrisidagi guvohnomani berishga doir talabnomani koʻrib chiqish

22. Vakolatli organ talabnoma beruvchidan hujjatlarni qabul qilib olgandan keyin besh ish kuni ichida ularning toʻliqligi va toʻgʻriligini koʻrib chiqadi.

Vakolatli organ talabnoma beruvchiga hujjatlar qabul qilinganligi toʻgʻrisida sana koʻrsatilgan xabarnomani, davlat xizmatlarini koʻrsatish boʻyicha shartnomani hamda navning urugʻlik materiallarini nav sinash stansiyalari va uchastkalariga yetkazib berish boʻyicha taqsimotni yuboradi.

Hujjatlar toʻliq yoki toʻgʻri boʻlmaganda, vakolatli organ talabnoma beruvchiga kamchiliklarni bartaraf etish uchun axborot tizimi orqali xabarnoma yuboradi.

23. Davlat reyestrida roʻyxatdan oʻtkazish va roʻyxatdan oʻtkazilganlik toʻgʻrisida guvohnomani berish boʻyicha davlat xizmatlaridan foydalanish uchun talabnoma beruvchi vakolatli organning quyidagi talablariga qatʼiy amal qilgan holda:

navni sinash bilan bogʻliq davlat xizmatlarini koʻrsatish uchun belgilangan miqdorda toʻlovlarni amalga oshiradi;

vakolatli organ tomonidan tuzilgan va axborot tizimi orqali yuborilgan taqsimotni olgandan keyin unda belgilangan muddatda qishloq xoʻjaligi ekini nav va duragaylarining sifatli urugʻlik materiallarini yetkazib beradi.

24. Vakolatli organ talabnoma beruvchi tomonidan hujjatlar toʻliq va toʻgʻri taqdim etilib, tegishli toʻlovlar amalga oshirilgandan keyin quyidagilarni amalga oshiradi:

navning urugʻlik materiallarini nav sinash stansiyalari va uchastkalariga yetkazib berish boʻyicha taqsimotni ishlab chiqadi va axborot tizimi orqali talabnoma beruvchiga yetkazadi;

talabnoma beruvchining urugʻlik materiallarini taqsimotga muvofiq Markazga oʻz vaqtida va belgilangan miqdorda yetkazib berishini nazorat qiladi hamda sinash ishlarini tashkil etish qoidalari va talablariga muvofiqligini baholaydi;

navga elektron identifikatsiya raqamini (kod) qoʻygan holda, nav sinash stansiyalari va uchastkalarida xoʻjalik uchun foydali belgilar boʻyicha (har yili, har mavsumda) kuzatuvlarni tashkil etadi va maʼlumotlarni axborot tizimiga doimiy ravishda joylashtirib boradi;

talabnoma beruvchini navlarni sinash boʻyicha ekspert baholash usullari toʻgʻrisida axborot tizimi orqali xabardor qiladi va ekspert baholash usullari boʻyicha mavsum davomida ishlarni tashkil etadi hamda har bir navga elektron identifikatsiya raqamini (kod) qoʻygan holda, ekspert baholash natijalari yuzasidan xulosa va dalolatnomalarni axborot tizimiga joylashtiradi;

navning har yilgi hosilidan olingan namunalar boʻyicha laboratoriya tahlillari natijalarini (zarur hollarda, originator tomonidan taqdim etilgan tahlil natijalarini) axborot tizimiga joylashtiradi;

nav sinash stansiyalari va uchastkalarida oʻtkazilgan sinash ishlari natijalari asosida yigʻilgan maʼlumotlarga koʻra axborot tizimida har yili navlar boʻyicha takliflarni shakllantiradi hamda Ekspert komissiyasi aʼzolariga taqdim etadi.

25. Qishloq xoʻjaligi ekinlari navlarini sinash faoliyatini nazorat qilish va sinash ishlari vakolatli organ tomonidan tasdiqlangan sinash usullariga yoki dasturga muvofiq amalga oshiriladi.

26. Vakolatli organ Ekspert komissiyasining xulosasiga asosan oʻzining tegishli qarori loyihasini axborot tizimida navlarning elektron identifikatsiya raqamini (kod) koʻrsatgan holda shakllantiradi hamda yigirma besh ish kuni ichida Qishloq xoʻjaligi vazirligi bilan kelishgan holda tasdiqlaydi.

27. Vakolatli organ axborot tizimda navlarning davlat reyestrida roʻyxatdan oʻtkazilganligi yoki oʻtkazilmaganligi toʻgʻrisidagi maʼlumotnomani shakllantiradi va elektron raqamli imzo bilan tasdiqlagan holda, uch ish kuni ichida talabnoma beruvchining shaxsiy kabinetiga yuboradi.

Qishloq xoʻjaligi ekini navini Davlat reyestrida roʻyxatdan oʻtkazish rad etilgan hollarda talabnoma beruvchi tomonidan toʻlangan yigʻim qaytarilmaydi.

28. Vakolatli organ talabnoma beruvchining xohishiga koʻra uch ish kuni ichida qishloq xoʻjaligi ekini navining davlat reyestrida roʻyxatdan oʻtkazilganligi toʻgʻrisidagi guvohnomani shakllantiradi va belgilangan tartibda taqdim etadi.

29. Talabnoma beruvchi ushbu Reglamentga 4-ilovada keltirilgan stavkalarga muvofiq qishloq xoʻjaligi ekinlari navlarini sinash boʻyicha vakolatli organ tomonidan koʻrsatilgan davlat xizmatlari uchun toʻlovlarni amalga oshiradi. Bunda toʻlangan toʻlovlar vakolatli organning hisobvaragʻiga oʻtkaziladi.

Qishloq xoʻjaligi ekinlari navlarini sinash markazi tomonidan koʻrsatiladigan davlat xizmatlari boʻyicha toʻlov stavkalari mahalliy va xorijiy seleksiya navlari uchun farqli holda belgilanadi.

30. Quyidagilar qishloq xoʻjaligi ekini navlarini istiqbolli navlar va davlat reyestri roʻyxatidan chiqarish hamda roʻyxatdan oʻtkazishni rad etish uchun asos hisoblanadi:

talabnoma beruvchi vakolatli organ tomonidan tuzilgan taqsimotga muvofiq qishloq xoʻjaligi ekinlari navi va duragaylarining sifatli urugʻlik materiallarini belgilangan muddatda va miqdorda yetkazib bermaganda;

qishloq xoʻjaligi ekini navi xoʻjalik uchun foydali belgilari (hosildorlik, kasalliklarga, zararkunandalarga, sovuqqa, issiqqa va qurgʻoqchilikka chidamlilik, olinadigan mahsulot sifati va boshqa xoʻjalik va biologik belgilari) koʻrsatkichlarini yoʻqotganda va oʻzining xos belgi koʻrsatkichlari boʻyicha tavsifiga muvofiq kelmay qolganda;

qishloq xoʻjaligi ekini navining xoʻjalik uchun foydali belgi koʻrsatkichlari andoza (standart) nav koʻrsatkichidan past boʻlganda;

qishloq xoʻjaligi ekini navi 3 yildan koʻp davr ichida xoʻjalik muomalasiga kiritilmaganda;

talabnoma beruvchi tomonidan qishloq xoʻjaligi ekini navini Davlat reyestrida roʻyxatdan oʻtkazish uchun belgilangan toʻlovlar amalga oshirilmaganda;

patent egasi qishloq xoʻjaligi ekini navini Davlat reyestri roʻyxatidan chiqarish toʻgʻrisida murojaat qilganda;

Ekspert komissiyasi tomonidan Davlat reyestrida roʻyxatdan oʻtkazishni toʻxtatish, rad etish va chiqarish yuzasidan xulosalar taqdim etilganda.

Qishloq xoʻjaligi ekini navi boshqa asoslanmagan sabablarga koʻra, shu jumladan, maqsadga nomuvofiqligi sababli Davlat reyestrida roʻyxatdan chiqarilishiga yoʻl qoʻyilmaydi.

31. Navlarni davlat reyestrida roʻyxatdan oʻtkazishni rad etish toʻgʻrisida qaror qabul qilinganda, uch ish kuni ichida talabnoma beruvchiga axborot tizimi orqali talabnoma rad etilganligi haqida elektron shakldagi xabarnoma yuboriladi. Xabarnomada talabnomani rad etish sabablari va ularni bartaraf etib, koʻrsatilgan muddatda hujjatlarni qayta koʻrib chiqish uchun takroran taqdim etish mumkinligi bayon qilinadi.

32. Talabnoma beruvchi Davlat reyestrida roʻyxatdan oʻtkazishni rad etish sabablarini bartaraf qilishi va hujjatlarni qayta taqdim etishi mumkin boʻlgan muddat yozma yoki elektron shakldagi xabarnoma yuborilgan kundan eʼtiboran 10 kundan kam boʻlmasligi kerak.

33. Talabnoma beruvchi Davlat reyestrida roʻyxatdan oʻtkazishni rad etish uchun asos boʻlgan sabablarni belgilangan muddatda bartaraf etib, buni tasdiqlovchi hujjatlarni taqdim etganidan keyin vakolatli organ hujjatlarni 10 kun muddat ichida qayta koʻrib chiqadi.

Talabnoma beruvchining talabnomasi qayta koʻrib chiqilganligi uchun yigʻim undirilmaydi.

34. Davlat reyestrida roʻyxatdan oʻtkazish rad etilganligi haqidagi xabarnomada koʻrsatilgan muddat oʻtgandan keyin topshirilgan talabnoma yangidan topshirilgan hisoblanadi.

35. Talabnoma beruvchi talabnomasining rad etilishi, shuningdek, vakolatli organning mansabdor shaxsining harakatlari (yoki harakatsizligi) yuzasidan belgilangan tartibda shikoyat qilish huquqiga ega.

5-bob. Davlat reyestrida roʻyxatdan oʻtkazilganlik toʻgʻrisidagi guvohnomaning amal qilish muddatini uzaytirish

36. Davlat reyestridan roʻyxatdan oʻtkazilganlik toʻgʻrisidagi guvohnoma 3 yil muddatga beriladi. Davlat reyestrida roʻyxatdan oʻtkazilganlik toʻgʻrisida guvohnomaning amal qilish muddati tugagach, talabnoma beruvchining xohishiga koʻra uning muddati uzaytirilishi mumkin.

37. Davlat reyestrida roʻyxatdan oʻtkazilganlik toʻgʻrisidagi guvohnomaning muddatini uzaytirish yuzasidan talabnoma uning amal qilish muddati tugashidan 30 kun oldin vakolatli organga topshirilishi shart.

6-bob. Yakunlovchi qoida

38. Ushbu Reglament talablari buzilishida aybdor boʻlgan shaxslar qonunchilik hujjatlariga muvofiq javobgar boʻladi.

Qishloq xoʻjaligi ekinlari navlarini sinash boʻyicha davlat xizmatlari koʻrsatishning maʼmuriy reglamentiga 1-ILOVA

Oʻzbekiston Respublikasi Qishloq xoʻjaligi vazirligi huzuridagi Qishloq xoʻjaligi ekinlari navlarini sinash markazi tomonidan qishloq xoʻjaligi ekinlari nav va duragaylarini sinash boʻyicha davlat xizmatlarini koʻrsatish

Bosqichlar Masʼullar Amalga oshirish mexanizmi Ijro muddati 1-bosqich Talabnoma beruvchi (Oʻzbekiston Respublikasi rezidenti yoki norezidenti) 1. Qishloq xoʻjaligi ekini navini Davlat reyestrida roʻyxatdan oʻtkazish maqsadida vakolatli organga “Navagrotest.uz” axborot tizimi orqali talabnomani shakllantiradi va kiritadi. Ixtiyoriy ravishda (elektron shaxsiy kabinet orqali) 2. Qishloq xoʻjaligi ekinlarini sinash markazi (keyingi oʻrinlarda — vakolatli organ) tomonidan koʻrsatiladigan davlat xizmatlari uchun toʻlovlarni amalga oshiradi. Talabnomani berish bilan bir vaqtda 2-bosqich Vakolatli organ Hujjatlarni belgilangan tartibda qabul qiladi va qabul qilingan sanani koʻrsatgan holda talabnoma beruvchiga xabarnoma (yoki ekspert baholash tartibini), urugʻlik materiallarini yetkazib berish boʻyicha taqsimot va koʻrsatiladigan davlat xizmatlari uchun toʻlov shartnomasini axborot tizimida yuboradi. Hujjatlar qabul qilingandan keyin 5 ish kunida 3-bosqich Talabnoma beruvchi Vakolatli organ tomonidan tuzilgan taqsimotga muvofiq qishloq xoʻjaligi ekini nav va duragaylarining sifatli urugʻlik materiallarini belgilangan muddatda va miqdorda yetkazib beradi. Taqsimotni olgandan soʻng 10 kun muddatda 4-bosqich Vakolatli organ 1. Urugʻlik materiallari tegishli manzilga taqsimotga muvofiq oʻz vaqtida yetkazib berilishini nazorat qiladi hamda sinash ishlarini tashkil etish qoidalari va talablariga muvofiqligini baholaydi. Har yili qishloq xoʻjaligi ekinlarini ekishdan 10 kun oldin va sinash ishlari davrida 2. Nav sinash stansiyalari va uchastkalaridagi qishloq xoʻjaligi ekinlari navlarining elektron identifikatsiya (kod) raqamini qoʻygan holda xoʻjalik uchun foydali belgilar boʻyicha kuzatuvlarni olib boradi (yoki ekspert baholash) va maʼlumotlarni axborot tizimida qayd etib boradi. Qishloq xoʻjaligi ekinlarining vegetatsiya davrida 3. Qishloq xoʻjaligi ekinlari navlarining elektron identifikatsiya (kod) raqami orqali har yilgi hosilidan olingan namunalarda laboratoriya tahlillarini oʻtkazadi (zarur hollarda, originator tomonidan taqdim etilgan tahlil natijalaridan foydalaniladi) va axborot tizimiga kiritadi. Yetishtirilgan hosil yigʻishtirib olingandan keyin 4. Qishloq xoʻjaligi ekinlari navlari yuzasidan takliflarni ularning elektron identifikatsiya (kod) raqami boʻyicha tizimda shakllantiradi va Ekspert komissiyasi aʼzolariga tizim orqali taqdim etadi. Kamida uch yil va har mavsum yakunida 5. Ekspert komissiyasining xulosasi asosida oʻzining tegishli qarori loyihasini tizimda qishloq xoʻjaligi ekinlari navlarining elektron identifikatsiya (kod) raqamini eʼlon qilgan holda shakllantiradi va Qishloq xoʻjaligi vazirligi bilan kelishgan holda tasdiqlaydi. Ekspert komissiyasi xulosasidan keyin 25 kun muddatda 6. Qishloq xoʻjaligi ekinlari navini Davlat reyestrida roʻyxatdan oʻtkazishni rad etish toʻgʻrisida qaror qabul qilinganda, talabgorga talabnoma rad etilganligi haqida tizim orqali xabarnoma yuboradi. 3 kun muddatda 7. Talabnoma beruvchining xohishiga koʻra qishloq xoʻjaligi ekini navining Davlat reyestrida roʻyxatdan oʻtkazilgani toʻgʻrisidagi guvohnomani (yoki maʼlumotnoma) taqdim etadi. Talabnoma beruvchining talabidan keyin 3 kun muddatda

Qishloq xoʻjaligi ekinlari navlarini sinash boʻyicha davlat xizmatlari koʻrsatishning maʼmuriy reglamentiga 2-ILOVA

‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ Qishloq xoʻjaligi vazirligi ‎Ministerstvo selskogo xozyaystva ‎Qishloq xoʻjaligi ekinlari navlarini sinash markazi ‎ Sentr po sortoispitaniyu selskoxozyaystvennix kultur ‎‎ROʻYXATGA OLISH GUVOHNOMASI № 000-000 ‎ SVIDETELSTVO O REGISTRATSII ‎‎ ‎ ‎ ‎ ‎ ‎ ‎‎Ushbu guvohnoma __________________________________________________________ga shu haqda berildiki, ‎‎Nastoyasheye svedetelstvo vidano‎ ‎‎(talabnoma beruvchi/zayavitel) ‎ Ariza boʻyicha ustunlik sanasi va raqami_________________________________________________________ № po zayavke s datoy prioriteta ‎ ‎Qishloq xoʻjaligi ekinlari navlarini sinash markazining qaroriga muvofiq____________________________ ‎V sootvetstvii s resheniyem Sentra po sortoispitaniyu selskoxozyaystvennix kultur ‎___________________________________________________________________________________________ (ekin turi va seleksiya yutugʻi nomi/vid kulturi i naimenovaniye seleksionnogo dostijeniya) ‎ Ariza raqami (kod zayavki) — 0000-00 raqami bilan‎ Oʻzbekiston Respublikasi hududida ekish uchun tavsiya etilgan qishloq xoʻjaligi ekinlari Davlat reyestri ‎roʻyxatiga kiritildi Zaregistrirovano v Gosudarstvennom reyestre selskoxozyaystvennix kultur rekomendovannix ‎‎ k posevu na territorii Respubliki Uzbekistan _______________________________________________________________________________ (mamlakat va ishlab chiqaruvchi nomi/strana i naimenovaniye proizvoditelya) ‎ Muallif(lar):______________________________________________________________________________ Avtor(i):‎ ‎ ‎‎20___ yil/god “___”__________ ‎ ‎ ‎ Amal qilish muddati ‎3 yil/srok deystviya ‎3 goda ‎ ‎‎Ushbu guvohnoma mazkur qishloq xoʻjaligi ekini navi uchun sifat sertifikati hisoblanmaydi.‎ Nastoyashe svidetelstvo ne yavlyayetsya sertifikatom kachestva sorta selskoxozyaystvennoy kulturi. ‎ ‎‎ ‎ Rahbar‎ ‎ ‎Rukovoditel‎ ‎ _______________ ‎(imzo/podpis)‎ ‎‎_______________________________ ‎(F.I.O) Muhr oʻrni‎ ‎ ‎ ‎ ‎ Mesto pechati‎ ‎ ‎ ‎ ‎

Qishloq xoʻjaligi ekinlari navlarini sinash boʻyicha davlat xizmatlari koʻrsatishning maʼmuriy reglamentiga 3-ILOVA

Qishloq xoʻjaligi ekinlari navlarini sinash markazi Sentr po sortoispitaniyu selskoxozyaystvennix kultur (100144, Toshkent shahar, M. Ulugʻbek tumani, Buyuk ipak yoʻli koʻchasi, 374-uy) SELEKSIYA YUTUQLARINI EKISHGA TAVSIYA ETISHGA ARIZA ZAYAVLENIYE NA REKOMENDATSIYU SELEKSIONNOGO DOSTIJENIYA K POSEVU Shakl-90 Roʻyxatga olingan sana Data registratsii Ariza raqami ________________ _____________________________ Nomer zayavki (kun, oy, yil/chislo, mesyats, god) 1(a). Arizachi(lar) ____________________________________________________________________ Zayavitel(i) (yuridik va jismoniy shaxsning ismi va manzili/imya yuridicheskogo ili fizicheskogo litsa i yego adres) ___________________________________________________________________________________ ___________________________________________________________________________________ 1(b). Fu q aroligi (fa q at jismoniy shaxs) Grajdanstvo (tolko dlya fizicheskix lits) 2(a). Ariza boʻyicha yozishma olib boruvchi shaxs manzili va F.I.O ____________________________ Adres i F.I.O litsa, upolnomochennogo vesti perepisku po zayavke ___________________________________________________________________________________ ___________________________________________________________________________________ Telefon __________________________________ Faks _____________________________________ 2(b). Seleksiya yutu gʻ i originatori manzili va nomi ______________________________________ Adres i naimenovaniye originatora seleksionnogo dostijeniya ___________________________________________________________________________________ Telefon __________________________________ Faks _____________________________________ 3(a). Avlod, tur ______________________________________________________________________ Rod, vid (oʻzbek yoki rus tilidagi nomi/nazvaniye na uzbekskom ili russkom yazike) 3(b). Avlod,tur ______________________________________________________________________ Rod, vid (lotincha nomi/latinskoye nazvaniye) 4(a). Taklif etilgan nom _____________________________________________________________ Predlagayemoye nazvaniye 4(b). Seleksiya ra q ami ________________________________________________________________ Seleksionniy nomer 5. Mualliflar (agarda mualliflar arizachi boʻlmasa) Avtori (yesli avtori ne yavlyayutsya zayavitelyami) (F.I.O toʻli q koʻrsatiladi) (ukazat polnostyu F.I.O) ___________________________________________________________________________________ ___________________________________________________________________________________ ___________________________________________________________________________________ Menda (bizda) mavjud maʼlumotlarga koʻra bosh q a mualliflar yoʻ q Po imeyusheysya u menya (nas) informatsii drugix avtorov net. 6. Avvalgi arizalar Predidushiye zayavki Roʻyxatdan oʻtgan Zaregistrirovani Ariza ra q ami Nomer zayavki Darajasi Stadiya Qaysi nom bilan Pod kakim nazvaniyem Davlatda V strane Kun Data Ekishga tavsiya etishga Na rekomendatsiyu k posevu Men (biz) malum q ilaman (miz)ki, h a q i q atdan birinchi ariza boʻyicha berilgan malumot shu seleksiya yutu gʻ iniki va mazkur arizaga mosdir. Ya (mi) zayavlyayu (yem), chto material, peredanniy s pervoy zayavkoy predstavlyayet dannoye seleksionnoye dostijeniye i sootvetstvuyet nastoyashey zayavke. 7. Originator tomonidan seleksiya yutu gʻ ini sinashga taklif etilayotgan h ududlar Rekomenduyemie originatorom regioni ispitaniya seleksionnogo dostijeniya Foydalanish tomonlari Napravleniye ispolzovaniya Hududlar raqami (kerak boʻlmagani oʻchiriladi) Nomera regionov (nenujnie zacherknut) 1 2 3 4 5 6 7 8 9 10 11 12 13 Arizaga ilova q ilinayotgan h ujjatlar: Prilagayemie k zayavleniyu dokumenti: {} — Seleksiya yutu gʻ i anketasi 2 nusxada. Anketa seleksionnogo dostijeniya v 2-x ekzemplyarax. {} — Seleksiya yutu gʻ i taʼrifi. Opisaniye seleksionnogo dostijeniya. {} — Ariza berishga h u q u q berilganligini tasdi q lovchi h ujjat (vositachi va h u q u q iy vorislar uchun) Dokument, podtverjdayushiy pravo na podachu zayavki (dlya pravopreyemnikov i posrednikov) {} — Fotosuratlar toʻplami Komplekt fotografiy. {} — Ilmiy kengash bayoni {} — Protokol uchyonogo sovet a Men (biz), seleksiya yutu gʻ ini ekish uchun tavsiya etilgan q ishlo q xoʻjaligi ekinlari davlat reyestriga kiritishingizni soʻrayman (miz). Ya (mi) proshu (sim) vklyuchit seleksionnoye dostijeniye v gosudarstvenniy reyestr selskoxozyaystvennix kultur rekomendovannix k posevu. Men (biz), mazkur arizaga va ilovaga kiritilgan, arizani koʻrib chi q ish uchun berilgan menda (bizda) mavjud malumotlar toʻ gʻ ri va oxirgisi ekanligini taʼkidlayman (miz). Ya (mi) zayavlyayu (yem), chto po imeyushimsya u menya (nas) svedeniyam informatsiya, neobxodimaya dlya rassmotreniya zayavki i vnesyonnaya v nastoyasheye zayavleniye i v prilojeniya, yavlyayetsya okonchatelnoy i pravilnoy. Men (biz), h a q i q atdan mazkur seleksiya yutu gʻ i toʻ gʻ ri tanlangan ligini va namunalar toʻ gʻ ri olinganligini tasdi q layman (miz). Ya (mi) podtverjdayu(yem), chto obrazsi polucheni doljnim obrazom i predstavlyayut reprezentativnuyu viborku dannogo seleksionnogo dostijeniya. Men (biz), seleksiya yutu gʻ ini xoʻjalik uchun foydali belgilari b oʻyicha sinash uchun Markaz ta q simotiga asosan manzillarga h amda Milliy genbankka yetarli mi q dorda uru gʻ lik materiallarini bepul yetkazib berish majburiyatini zimmamga olaman (miz). Ya (mi) obyazuyus (yemsya) bezvozmezdno predostavlyat neobxodimoye kolichestvo semyan dlya provedeniya ispitaniy na xozyaystvennuyu poleznost v kolichestve i po adresam, ukazannim v raznoryadkax Goskomissii, a takje obrazets seleksionnogo dostijeniya v Natsionalniy genbank. ARIZACHI (LAR) IMZOSI (LARI) PODPIS (I) ZAYAVITELYA (YEY) MU H R (LAR) OʻRNI MESTO PECHATI (YEY)

Qishloq xoʻjaligi ekinlari navlarini sinash boʻyicha davlat xizmatlari koʻrsatishning maʼmuriy reglamentiga 4-ILOVA

Qishloq xoʻjaligi ekinlari navlarini sinash markazi tomonidan koʻrsatiladigan davlat xizmatlari uchun toʻlov

Toʻlovlar kodi Koʻrsatiladigan xizmatlar uchun toʻlovlar nomi 1 nav yoki duragay uchun stavkalar (bazaviy hisoblash miqdori) Toʻlovlar toʻlanganligi toʻgʻrisidagi hujjatni taqdim etish muddati mahalliy seleksiya xorijiy seleksiya 1. Talabnomani qabul qilish 1.1 . Davlat reyestrida roʻyxatdan oʻtkazish hamda roʻyxatdan oʻtkazilganlik toʻgʻrisida guvohnoma berish boʻyicha talabnomani qabul qilish va koʻrib chiqish, sinovga qabul qilinganligi yuzasidan maʼlumotnoma yuborish 1 2 Talabnoma berish bilan bir vaqtda 2. Davlat reyestrida roʻyxatdan oʻtkazishda munosiblik yuzasidan konkurs nav sinovi boʻyicha 2.1 . Qishloq xoʻjaligi ekinlari navlarini sinash markaziga topshiriladigan qishloq xoʻjaligi ekinining 1 ta yangi nav yoki duragayi uchun 1 yillik konkurs navi sinovi xarajatlari (1 ta vegetatsiya davri uchun) 6 10 Talabnoma qabul qilinganligi toʻgʻrisidagi xabarnoma joʻnatilgan sanadan boshlab 3 oy muddatgacha 2.2 . Sinash ishlari amalga oshirilayotgan qishloq xoʻjaligi ekinlari nav yoki duragaylarida xoʻjalik uchun foydali belgilar boʻyicha ekspert baholash sinovini oʻtkazish va dalolatnoma tuzish 5 10 Koʻrib chiqishga talabnoma qabul qilinganligi toʻgʻrisidagi maʼlumotnoma joʻnatilgan sanadan boshlab 3 oy muddatgacha 3. Davlat reyestrida roʻyxatdan oʻtkazish, eʼlon qilish va roʻyxatdan oʻtkazilganlik toʻgʻrisida guvohnoma berish 3.1 . Qishloq xoʻjaligi ekinlarining nav yoki duragayini roʻyxatdan oʻtkazish 0,5 3 Vakolatli organ qarori tasdiqlangan sanadan boshlab 3 oy muddatda 3.2 . Oʻzbekiston Respublikasi hududida ekish uchun tavsiya etilgan qishloq xoʻjaligi ekinlarini Davlat reyestrida eʼlon qilish: a) Davlat reyestri kitobining narxi: 0,3 Sotib olish bilan bir vaqtda b) Davlat reyestridagi qishloq xoʻjaligi ekinlari navlari va duragaylari tavsifi kitobining narxi 0,5 3.3 . Talabnomaga asosan Davlat reyestrida roʻyxatdan oʻtkazilganlik toʻgʻrisidagi guvohnomani berish: a) Davlat reyestrida roʻyxatdan oʻtkazilganlik toʻgʻrisidagi guvohnomani rasmiylashtirish va berish 2 3 Vakolatli organ qarori tasdiqlangan sanadan boshlab 6 oy muddatda b) Davlat reyestrida roʻyxatdan oʻtkazilganlik toʻgʻrisidagi guvohnoma dublikatini berish 1 1,5 Davlat reyestrida roʻyxatdan oʻtkazilgan boʻlsa — doimiy 4. Davlat reyestrida saqlash uchun toʻlovlar 4.1 . Davlat reyestrida roʻyxatdan oʻtkazilgan sanadan boshlab amal qilish muddatlari (har yil uchun): Birinchi yilda Davlat reyestrida roʻyxatdan oʻtkazish, eʼlon qilish va guvohnoma berish uchun toʻlov toʻlanganligini tasdiqlovchi hujjat bilan bir vaqtda, keyingi yillarda amal qilish muddati tugagunga qadar — har yili IV chorakda a) birinchi — uchinchi yillar uchun 0,5 1 b) toʻrtinchi — oʻninchi yillar uchun 1 1,5 v) oʻn birinchi — yigirmanchi yillar uchun 1,5 2 g) keyingi yillarga 2 2,5 5. Oʻzgartirishlar kiritish 5.1 . Davlat reyestrida roʻyxatdan oʻtkaziladigan qishloq xoʻjaligi ekinlari navlarining talabnomasiga oʻzgartirish, qoʻshimchalar va aniqliklar kiritish 1 2 Oʻzgartirishlar kiritilgan hujjatlarni topshirish bilan bir vaqtda 6. Davlat reyestrida roʻyxatdan oʻtkazish jarayonida axborot hamda maʼlumotnomalar taqdim etish 6.1 . Davlat reyestrida roʻyxatdan oʻtkazilganligi va sinov holati boʻyicha qishloq xoʻjaligi ekinlari navi yoki duragayiga maʼlumotnoma taqdim etish 1 2 Talabnoma beruvchining talabiga asosan

Vazirlar Mahkamasining 2021-yil 27-martdagi 158-son qaroriga 3-ILOVA

Oʻzbekiston Respublikasi Hukumatining ayrim qarorlariga kiritilayotgan oʻzgartirish va qoʻshimchalar

1. Vazirlar Mahkamasining 2017-yil 19-iyuldagi 530-son qarori bilan tasdiqlangan Oʻzbekiston Respublikasi Oʻrmon xoʻjaligi davlat qoʻmitasi toʻgʻrisidagi nizomning 11-bandi “d” kichik bandiga quyidagi mazmundagi oʻninchi xatboshi qoʻshilsin:

“Oʻzbekiston Respublikasi hududida ekishga tavsiya etilgan qishloq xoʻjaligi ekinlarining davlat reyestrida rayonlashtirilgan manzarali, dorivor, texnik va ozuqabop oʻsimliklarning roʻyxati yuritilishini taʼminlash”.

2. Vazirlar Mahkamasining “Sabzavot-polizchilik, bogʻdorchilik va uzumchilik yoʻnalishidagi fermer xoʻjaliklarining yer maydonlaridan foydalanish samaradorligini oshirish chora-tadbirlari toʻgʻrisida” 2018-yil 3-apreldagi 258-son qarorining 9-bandida “Qishloq xoʻjaligi ekinlari urugʻlarini sifatini nazorat qilish va sertifikatlash markazi” soʻzlari “Agrosanoat majmui ustidan nazorat qilish inspeksiyasi” soʻzlari bilan almashtirilsin.

3. Vazirlar Mahkamasining 2019-yil 9-iyuldagi 571-son qarori bilan tasdiqlangan Oʻzbekiston Respublikasi Qishloq xoʻjaligi vazirligi toʻgʻrisidagi nizomning 9-bandida :

a) beshinchi xatboshi chiqarib tashlansin;

oltinchi — oʻn beshinchi xatboshilar tegishli ravishda beshinchi — oʻn toʻrtinchi xatboshilar deb hisoblansin;

b) quyidagi mazmundagi sakkizinchi xatboshi qoʻshilsin:

“Andijon qishloq xoʻjaligi va agrotexnologiyalar instituti”;

toʻqqizinchi — oʻn toʻrtinchi xatboshilar tegishli ravishda oʻninchi — oʻn beshinchi xatboshilar deb hisoblansin;

v) oʻn ikkinchi xatboshida “Agroinnovatsiya” davlat unitar korxonasi” soʻzlari ““Qishloq xoʻjaligida bilim va innovatsiyalar milliy markazi” davlat muassasasi” soʻzlari bilan almashtirilsin.

Oʻzbekiston Respublikasining Bosh vaziri A. ARIPOV

Toshkent sh.,

2021-yil 27-mart,

158-son

(Qonun hujjatlari maʼlumotlari milliy bazasi, 27.03.2021-y., 09/21/158/0241-son; Qonunchilik maʼlumotlari milliy bazasi, 28.11.2023-y., 09/23/623/0898-son; 08.07.2025-y., 09/25/416/0588-son)

lex.uz