📅 2021-yil 29-mart · Prezident qarorlari
Rasmiy matn. Rasmiy hujjat. Tahririy izohlar kiritilmagan.
UzbekAI
📅 2021 йил 29 март · Президент қарорлари
Расмий матн. Расмий ҳужжат. Таҳририй изоҳлар киритилмаган.
📅 29 марта 2021 г. · Постановления Президента
Официальный текст. Официальный документ. Редакционные примечания не включены.
📅 29 March 2021 · Presidential resolutions
Official text. Official document. Editorial notes are not included.
Ўзбекистон Республикаси Президентининг
Қарори
Республика аэропортларини бошқариш соҳасида давлат-хусусий шерикликни ривожлантириш чора-тадбирлари тўғрисида
Ўзбекистон Республикаси Президентининг 2018 йил 27 ноябрдаги «Ўзбекистон Республикасининг фуқаро авиациясини тубдан такомиллаштириш чора-тадбирлари тўғрисида»ги ПФ-5584-сон Фармонига мувофиқ ҳамда республика аэропортларида йўловчиларга ва авиаташувчиларга юқори даражада хизмат кўрсатилишини таъминлаш мақсадида:
1. Белгилаб қўйилсинки, республика аэропортларини давлат-хусусий шериклик асосида қуриш, реконструкция, модернизация, эксплуатация қилиш ва бошқариш лойиҳаларини амалга ошириш доирасида давлат-хусусий шериклик тўғрисидаги битим имзоланган кундан бошлаб:
а) тўрт йилгача (қурилиш даврида) муддатга хусусий шериклар, улар томонидан жалб қилинадиган лойиҳа ташкилотлари, операторлар, маслаҳатчилар, пудратчилар ва субпудратчилар:
олиб кириладиган махсус транспорт воситалари, йўл-қурилиш техникаси, машиналар, механизмлар, ускуналар, хом ашё, материаллар, эҳтиёт қисмлар, бутловчи буюмлар, узеллар, технологик ва лойиҳа ҳужжатлари, дастурий таъминот, жиҳозлар, шу жумладан, лойиҳани амалга оширишда иштирок этаётган пудрат қурилиш ташкилотларини жиҳозлашга мўлжалланган махсус йўл-қурилиш техникаси ва ускуналари учун божхона божидан;
олиб кириладиган транспорт воситалари (енгил автомобиллардан ташқари) ва махсус техника учун утилизация йиғимидан озод қилинади;
б) уч йил муддатга хусусий шериклар ва аэропортлар мол-мулк солиғини, фойда солиғини, шу жумладан, дивиденд тўлашда ушлаб қолинадиган фойда солиғини белгиланган ставканинг 50 фоизи миқдорида тўлайди;
в) лойиҳа ишга туширилган кундан бошлаб қўшимча 1 йил давомида дефекти аниқланган машиналар, механизмлар, ускуналар, хом ашё, материаллар, эҳтиёт қисмлар, бутловчи буюмлар, узеллар, технологик ва лойиҳа ҳужжатлари, дастурий таъминот, жиҳозлар ва махсус техникалар божхона божидан озод қилинади;
г) импорт қилинадиган технологик (махсус) транспорт воситаларининг мувофиқлиги баҳоланишини, уларнинг тури ва миқдоридан қатъи назар, ҳар бир бирлигини сертификатлаштириш орқали амалга оширилади.
2. Транспорт вазирлиги «Uzbekistan Airports» АЖ билан биргаликда:
республика аэропортларини қуриш, реконструкция, модернизация, эксплуатация қилиш ва бошқариш лойиҳаларини амалга оширишга давлат-хусусий шериклик механизмларини кенг жорий этиш ва салоҳиятли инвесторларни жалб қилиш чораларини кўриб борсин;
давлат-хусусий шериклик асосида қуриш, реконструкция, модернизация, эксплуатация қилиш ва бошқариш лойиҳалари амалга ошириладиган аэропортларда халқаро ҳуқуқ меъёрларига мувофиқ хорижий авиакомпаниялар учун рейслар ва йўналишлар бўйича чекловларнинг ўрнатилган тартибда бекор қилинишини кўзда тутувчи «Очиқ осмон» режими жорий этилишини таъминласин.
3. Мазкур қарорнинг ижросини назорат қилиш Ўзбекистон Республикасининг Бош вазири А.Н. Арипов зиммасига юклансин.
Ўзбекистон Республикаси Президенти Ш. МИРЗИЁЕВ
Тошкент ш.,
2021 йил 29 март,
ПҚ-5042-сон
Oʻzbekiston Respublikasi Prezidentining
Qarori
Respublika aeroportlarini boshqarish sohasida davlat-xususiy sheriklikni rivojlantirish chora-tadbirlari toʻgʻrisida
Oʻzbekiston Respublikasi Prezidentining 2018-yil 27-noyabrdagi “Oʻzbekiston Respublikasining fuqaro aviatsiyasini tubdan takomillashtirish chora-tadbirlari toʻgʻrisida”gi PF-5584-son Farmoniga muvofiq hamda respublika aeroportlarida yoʻlovchilarga va aviatashuvchilarga yuqori darajada xizmat koʻrsatilishini taʼminlash maqsadida:
1. Belgilab qoʻyilsinki, respublika aeroportlarini davlat-xususiy sheriklik asosida qurish, rekonstruksiya, modernizatsiya, ekspluatatsiya qilish va boshqarish loyihalarini amalga oshirish doirasida davlat-xususiy sheriklik toʻgʻrisidagi bitim imzolangan kundan boshlab:
a) toʻrt yilgacha (qurilish davrida) muddatga xususiy sheriklar, ular tomonidan jalb qilinadigan loyiha tashkilotlari, operatorlar, maslahatchilar, pudratchilar va subpudratchilar:
olib kiriladigan maxsus transport vositalari, yoʻl-qurilish texnikasi, mashinalar, mexanizmlar, uskunalar, xom ashyo, materiallar, ehtiyot qismlar, butlovchi buyumlar, uzellar, texnologik va loyiha hujjatlari, dasturiy taʼminot, jihozlar, shu jumladan, loyihani amalga oshirishda ishtirok etayotgan pudrat qurilish tashkilotlarini jihozlashga moʻljallangan maxsus yoʻl-qurilish texnikasi va uskunalari uchun bojxona bojidan;
olib kiriladigan transport vositalari (yengil avtomobillardan tashqari) va maxsus texnika uchun utilizatsiya yigʻimidan ozod qilinadi;
b) uch yil muddatga xususiy sheriklar va aeroportlar mol-mulk soligʻini, foyda soligʻini, shu jumladan, dividend toʻlashda ushlab qolinadigan foyda soligʻini belgilangan stavkaning 50 foizi miqdorida toʻlaydi;
v) loyiha ishga tushirilgan kundan boshlab qoʻshimcha 1 yil davomida defekti aniqlangan mashinalar, mexanizmlar, uskunalar, xom ashyo, materiallar, ehtiyot qismlar, butlovchi buyumlar, uzellar, texnologik va loyiha hujjatlari, dasturiy taʼminot, jihozlar va maxsus texnikalar bojxona bojidan ozod qilinadi;
g) import qilinadigan texnologik (maxsus) transport vositalarining muvofiqligi baholanishini, ularning turi va miqdoridan qatʼi nazar, har bir birligini sertifikatlashtirish orqali amalga oshiriladi.
2. Transport vazirligi “Uzbekistan Airports” AJ bilan birgalikda:
respublika aeroportlarini qurish, rekonstruksiya, modernizatsiya, ekspluatatsiya qilish va boshqarish loyihalarini amalga oshirishga davlat-xususiy sheriklik mexanizmlarini keng joriy etish va salohiyatli investorlarni jalb qilish choralarini koʻrib borsin;
davlat-xususiy sheriklik asosida qurish, rekonstruksiya, modernizatsiya, ekspluatatsiya qilish va boshqarish loyihalari amalga oshiriladigan aeroportlarda xalqaro huquq meʼyorlariga muvofiq xorijiy aviakompaniyalar uchun reyslar va yoʻnalishlar boʻyicha cheklovlarning oʻrnatilgan tartibda bekor qilinishini koʻzda tutuvchi “Ochiq osmon” rejimi joriy etilishini taʼminlasin.
3. Mazkur qarorning ijrosini nazorat qilish Oʻzbekiston Respublikasining Bosh vaziri A.N. Aripov zimmasiga yuklansin.
Oʻzbekiston Respublikasi Prezidenti Sh. MIRZIYOYEV
Toshkent sh.,
2021-yil 29-mart,
PQ-5042-son
Президента Республики Узбекистан
Постановление
О мерах по развитию государственно-частного партнерства в сфере управления аэропортами республики
В соответствии с Указом Президента Республики Узбекистан от 27 ноября 2018 года № УП-5584 «О мерах по кардинальному совершенствованию гражданской авиации Республики Узбекистан», а также в целях обеспечения высокого уровня обслуживания пассажиров и авиаперевозчиков в аэропортах республики:
1. Установить, что с даты подписания соглашения о государственно-частном партнерстве в рамках реализации проектов строительства, реконструкции, модернизации, эксплуатации и управления аэропортами республики на основе государственно-частного партнерства:
а) частные партнеры, привлекаемые ими проектные организации, операторы, консультанты, подрядчики и субподрядчики сроком до четырех лет (период строительства) освобождаются от:
таможенной пошлины за ввозимые специальные транспортные средства, дорожно-строительную технику, машины, механизмы, оборудование, сырье, материалы, запасные части, комплектующие, узлы, технологическую и проектную документацию, программное обеспечение, инвентарь, в том числе специальную дорожно-строительную технику и оборудование для оснащения строительных подрядных организаций, участвующих в реализации проекта;
утилизационного сбора за ввозимые транспортные средства (кроме легковых автомобилей) и специальную технику;
б) частные партнеры и аэропорты сроком на три года уплачивают налог на имущество, налог на прибыль, в том числе налог на прибыль, удерживаемый при выплате дивидендов, в размере 50 процентов от установленной ставки;
в) машины, механизмы, оборудование, сырье, материалы, запасные части, комплектующие, узлы, технологическая и проектная документация, программное обеспечение, инвентарь и специальная техника, у которых выявлен дефект, освобождаются дополнительно на 1 год от уплаты таможенной пошлины с момента запуска проекта;
г) оценка соответствия импортируемых технологических (специальных) транспортных средств независимо от их вида и количества осуществляется путем сертификации каждой их единицы.
2. Министерству транспорта совместно с АО «Uzbekistan Airports»:
принимать меры по широкому внедрению механизмов государственно-частного партнерства и привлечению потенциальных инвесторов к реализации проектов строительства, реконструкции, модернизации, эксплуатации и управления аэропортами республики;
обеспечить в соответствии с нормами международного права введение режима «Открытое небо», предусматривающего отмену в установленном порядке ограничений рейсов и маршрутов для иностранных авиакомпаний в аэропортах, где реализуются проекты строительства, реконструкции, модернизации, эксплуатации и управления на основе государственно-частного партнерства.
3. Контроль за исполнением настоящего постановления возложить на Премьер-министра Республики Узбекистан А.Н. Арипова.
Президент Республики Узбекистан Ш. МИРЗИЁЕВ
г. Ташкент,
29 марта 2021 г.,
№ ПП-5042