UzbekAI

Ўзбекистон Республикаси Вазирлар Маҳкамасининг

қарори

НИЗОМ

СХЕМАСИ

Ўзбекистон Республикаси Ҳукумати тизимидаги давлат бошқаруви органлари, хўжалик бирлашмалари ва бошқа ташкилотларнинг ижро интизомига масъул таркибий бўлинмалари раҳбарларини лавозимларга тайинлашни ва уларнинг фаолиятини тартибга солиш чора-тадбирлари тўғрисида

Ўзбекистон Республикаси Президентининг «Қонунчилик ҳужжатлари ижросини самарали ташкил этишда давлат бошқаруви органлари ва маҳаллий ижро этувчи ҳокимият органлари раҳбарларининг шахсий жавобгарлигини кучайтиришга доир қўшимча чора-тадбирлар тўғрисида» 2021 йил 10 февралдаги ПФ-6166-сон Фармони ижросини ташкил этиш ҳамда Ўзбекистон Республикаси Ҳукумати тизимидаги давлат бошқаруви органлари, хўжалик бирлашмалари ва бошқа ташкилотларда ижро интизомига масъул таркибий бўлинмаларнинг раҳбарлари лавозимларига малакали кадрларни тайинлашни тартибга солиш, қонунчилик ҳужжатлари ва топшириқлар ижросини таъминлаш ва ижро интизомини мустаҳкамлашда уларнинг масъулияти ҳамда талабчанлигини ошириш мақсадида Вазирлар Маҳкамаси қарор қилади:

1. Ўзбекистон Республикаси Президентининг «Қонунчилик ҳужжатлари ижросини самарали ташкил этишда давлат бошқаруви органлари ва маҳаллий ижро этувчи ҳокимият органлари раҳбарларининг шахсий жавобгарлигини кучайтиришга доир қўшимча чора-тадбирлар тўғрисида» 2021 йил 10 февралдаги ПФ-6166-сон Фармонига мувофиқ 2021 йил 1 апрелдан бошлаб, барча республика даражасидаги давлат органлари ҳамда Қорақалпоғистон Республикаси Вазирлар Кенгаши, вилоятлар ва Тошкент шаҳар ҳокимликларининг ижро интизомига масъул бўлинмалари раҳбарларини лавозимга тайинлаш ва лавозимдан озод этиш масалалари мажбурий тартибда Ўзбекистон Республикаси Президенти Администрациясининг Назорат инспекцияси билан келишилиши белгиланганлиги маълумот учун қабул қилинсин.

2. Ўзбекистон Республикаси Ҳукумати тизимидаги давлат бошқаруви органлари, хўжалик бирлашмалари ва бошқа ташкилотларда ижро интизомига масъул таркибий бўлинмалар раҳбарлари лавозимларига номзодларни танлаш. лавозимга тайинлаш ва лавозимдан озод этиш масалаларини келишиш, уларнинг стажировкадан ўтказилишини ташкил этиш тартиби тўғрисидаги низом иловага мувофиқ тасдиқлансин.

Ўзбекистон Республикаси Вазирлар Маҳкамаси таркибига кирмайдиган давлат органларининг ижро интизомига масъул бўлинмалари раҳбарларини лавозимга тайинлаш ва лавозимдан озод этиш масалаларини Ўзбекистон Республикаси Президенти Администрациясининг Назорат инспекцияси билан келишиш Ўзбекистон Республикаси Президенти Администрацияси томонидан белгиланадиган тартибга асосан амалга оширилади.

3. Ўзбекистон Республикаси Ҳукумати тизимидаги давлат бошқаруви органлари, хўжалик бирлашмалари ва бошқа ташкилотларнинг (кейинги ўринларда — давлат органлари ва ташкилотлар) биринчи раҳбарлари:

жорий йил 1 июлга қадар ижро интизомига масъул таркибий бўлинмалари бўлмаган марказий аппарати, ҳудудий бўлинмалари ва тизим ташкилотларида уларнинг штат бирликлари чекланган сони доирасида ижро интизомига масъул алоҳида штат бирлиги жорий этилишини таъминлашга:

ижро интизомига масъул таркибий бўлинмалар раҳбарлари лавозимлари бўйича вакант ўринларга номзодларни келишиш юзасидан Ўзбекистон Республикаси Вазирлар Маҳкамасига белгиланган муддатда тақдимномалар киритилишига;

ижро интизомига масъул таркибий бўлинмалар раҳбарлари лавозимларига амалий тажрибага эга, юқори малакали, пухта танланган номзодлар тавсия этилишига ва ушбу лавозимлар бўйича кадрлар захираси шакллантирилишига;

ҳудудий бўлинмалар ва тизим ташкилотларидаги ижро интизомига масъул ходимлар малакасини ошириш ишлари ва стажировкалари тизимли ташкил этилишига;

ҳудудий бўлинмалар ва тизим ташкилотларидаги ижро интизомига масъул ходимларни марказий аппарат билан келишув асосида лавозимга тайинлаш тизимининг жорий қилинишига шахсан масъул эканлиги белгилаб қўйилсин.

4. Давлат органлари ва ташкилотларнинг ижро интизомига масъул таркибий бўлинмалари раҳбарлари қуйидагиларга жавобгар эканлиги белгилаб қуйилсин:

қонунчилик ҳужжатлари ва топшириқларни ҳисобга олиш ва уларнинг рўйхатини шакллантириш, улар бўйича аниқ ижрочилар, муддатлар ва бажариш механизмлари кўрсатилган топшириқлар тайёрланишини ҳамда уларнинг ижрочиларга етказилишини назоратга олиш;

қонунчилик ҳужжатлари ва топшириқлар бўйича амалга ошириш графикларининг (назорат режалари) тайёрланишини, тасдиқланишини ва ижрога қаратилишини назорат қилиш;

қонунчилик ҳужжатлари ва топшириқларнинг ўз вақтида бажарилиши юзасидан тизимли назоратни ташкил этиш ҳамда чуқур таҳлиллар асосида мониторингини олиб бориш;

қонунчилик ҳужжатлари ва топшириқлар бажарилишининг ҳар ҳафталик таҳлилларини амалга ошириш, ижроси кечикаётган топшириқларнинг ҳисобини юритиш ва кечикиш сабабларини аниқлаш ҳамда уларни бартараф қилиш юзасидан раҳбариятга таклифлар киритиб бориш;

қонунчилик ҳужжатлари ва топшириқларнинг бажарилиш ҳолати бўйича раҳбарнинг биринчи ўринбосари ҳузурида ҳар ҳафта жума куни, раҳбар ҳузурида ҳар ҳафтанинг душанба куни ўтказиладиган муҳокамаларга таҳлилий материаллар тайёрлаш;

қонунчилик ҳужжатлари ва топшириқларнинг бажарилиш ҳолати ҳар ой якунида коллегиал орган мажлисларида муҳокама қилинишини ҳамда масъул раҳбарлар ва ходимларнинг ҳисоботлари эшитилишини ташкил қилиш;

тизим ташкилотларида ижро интизоми ҳолатини мақсадли ўрганиш ишларини тизимли равишда амалга ошириш ва уларнинг натижаларини ҳар чорак якунида коллегиал орган мажлисларида муҳокама этиш бўйича таклифлар киритиш;

«Ijro.gov.uz» ижро интизоми идоралараро ягона электрон тизими орқали келиб тушган қонунчилик ҳужжатлари ва топшириқлар ижросининг тизимли назоратини амалга ошириш;

масъул ижрочилар томонидан назорат ҳужжатлари ва топшириқлар бажарилиши бўйича «Ijro.gov.uz» ижро интизоми идоралараро ягона электрон тизимига маълумотлар ва тасдиқловчи ҳужжатларнинг ўз вақтида киритилишини мунтазам назорат ва таҳлил қилиб бориш;

қонунчилик ҳужжатлари ва топшириқлар ижроси бўйича «Ijro.gov.uz» ижро интизоми идоралараро ягона электрон тизимига киритилган маълумотлар ва тасдиқловчи ҳужжатларга асосан топшириқларни назоратдан ечиш юзасидан Ўзбекистон Республикаси Адлия вазирлиги ва Ҳисоб палатаси билан мунтазам равишда ҳамкорликда иш олиб бориш;

бошқа давлат органлари ва ташкилотлар томонидан келишиш учун киритилган норматив-ҳуқуқий ҳужжатлар лойиҳаларини таркибий бўлинмаларда Ўзбекистон Республикаси Президенти Администрациясининг Регламенти ҳамда Ўзбекистон Республикаси Вазирлар Маҳкамасининг Регламентида белгиланган муддатларда кўриб чиқиш ва келишиш жараёнларини назоратга олиш ҳамда натижалари бўйича раҳбариятга ахборот бериб бориш.

5. Вазирлар Маҳкамаси аппаратининг бошқарувчиси Ўзбекистон Республикаси Президентининг Давлат хизмати ва ҳокимият вакиллик органлари билан ҳамкорлик қилиш масалалари бўйича маслаҳатчиси бўлинмаси билан ҳамкорликда бир ой муддатда Қорақалпоғистон Республикаси Вазирлар Кенгаши ва вилоятлар ҳокимликларининг Ташкилий-назорат гуруҳлари ҳамда Тошкент шаҳри ҳокимлигининг Ташкилий-назорат ва таҳлил бошқармаси раҳбарлари лавозимларига номзодларни танлаш, улар билан суҳбат ўтказиш ва лавозимларга тайинлаш бўйича қўшма тартиб ишлаб чиқсин.

6. Ўзбекистон Республикаси Президентининг «Қонунчилик ҳужжатлари ижросини самарали ташкил этишда давлат бошқаруви органлари ва маҳаллий ижро этувчи ҳокимият органлари раҳбарларининг шахсий жавобгарлигини кучайтиришга доир қўшимча чора-тадбирлар тўғрисида» 2021 йил 10 февралдаги ПФ-6166-сон Фармони ижросини таъминлаш мақсадида вазирликлар, давлат қўмиталари, идоралар ва хўжалик бирлашмалари ҳамда барча даражалардаги ҳокимликларнинг ижро интизомига масъул таркибий бўлинмалари раҳбарларининг сифат таркиби таҳлиллари ўтказилганлиги маълумот учун қабул қилинсин.

Ўзбекистон Республикаси Вазирлар Маҳкамаси аппаратининг бошқарувчиси жорий йил апрель — сентябрь ойларида вазирликлар, давлат қўмиталари, идоралар ва хўжалик бирлашмалари хамда барча даражалардаги ҳокимликларнинг ижро интизомига масъул таркибий бўлинмалари раҳбарларининг Вазирлар Маҳкамаси аппаратида стажировкалари ташкил этилишини таъминласин.

7. Давлат органлари ва ташкилотлар ўзлари қабул қилган норматив-ҳуқуқий ҳужжатларни бир ой муддатда ушбу қарорга мувофиқлаштирсин.

8. Мазкур қарорнинг бажарилишини назорат қилиш Ўзбекистон Республикаси Бош вазирининг ўринбосарлари, Бош вазир маслаҳатчилари ва Вазирлар Маҳкамаси аппаратининг бошқарувчиси зиммасига юклансин.

Вазирлар Маҳкамасининг 2021 йил 31 мартдаги 171-сон қарорига ИЛОВА

Ўзбекистон Республикаси Ҳукумати тизимидаги давлат бошқаруви органлари, хўжалик бирлашмалари ва бошқа ташкилотларда ижро интизомига масъул таркибий бўлинмалар раҳбарлари лавозимларига номзодларни танлаш, лавозимга тайинлаш ва лавозимдан озод этиш масалаларини келишиш, уларнинг стажировкадан ўтказилишини ташкил этиш тартиби тўғрисида

1-боб. Умумий қоидалар

1. Мазкур Низом Ўзбекистон Республикаси Президентининг «Қонунчилик ҳужжатлари ижросини самарали ташкил этишда давлат бошқаруви органлари ва маҳаллий ижро этувчи ҳокимият органлари раҳбарларининг шахсий жавобгарлигини кучайтиришга доир қўшимча чора-тадбирлар тўғрисида» 2021 йил 10 февралдаги ПФ-6166-сон Фармонига мувофиқ ишлаб чиқилган ҳамда Ўзбекистон Республикаси Ҳукумати тизимидаги давлат бошқаруви органлари, хўжалик бирлашмалари ва бошқа ташкилотларнинг (кейинги ўринларда — давлат органлари ва ташкилотлар) ижро интизомига масъул таркибий бўлинмалари (ёки ушбу вазифа юкланган таркибий бўлинмалар) раҳбарлари лавозимларига номзодларни танлаш, лавозимга тайинлаш ҳамда лавозимдан озод этиш масалаларини келишиш, уларнинг стажировкадан ўтказилишини ташкил этиш тартибини белгилайди.

2. Давлат органлари ва ташкилотлар марказий аппаратларидаги қонунчилик ҳужжатлари ва топшириқларнинг бажарилишини назорат қилиш вазифаларини амалга оширадиган алоҳида таркибий бўлинмалар (ёки ушбу вазифа юкланган таркибий бўлинмалар) ижро интизомига масъул таркибий бўлинмалар ҳисобланади.

3. Давлат органлари ва ташкилотларнинг ижро интизомига масъул таркибий бўлинмалари раҳбарлари лавозимларига номзодларни танлаш, лавозимга тайинлаш ва лавозимдан озод этиш масалалари Ўзбекистон Республикаси Президенти Администрациясининг Назорат инспекцияси билан келишилган ҳолда амалга оширилади.

4. Давлат органлари ва ташкилотларнинг ижро интизомига масъул таркибий бўлинмалари раҳбарлари лавозимларига номзодларни танлаш, келишиш ва тайинлаш ушбу Низомга иловага мувофиқ схема бўйича амалга оширилади.

2-боб. Давлат органлари ва ташкилотларнинг ижро интизомига масъул таркибий бўлинмалари раҳбарлари лавозимларига номзодларни танлаш ва тавсия этиш

5. Давлат органлари ва ташкилотларнинг биринчи раҳбарлари ижро интизомига масъул таркибий бўлинмалар раҳбарлари лавозимлари бўйича вакант ўринлар юзага келган тақдирда, ўн беш кун муддатда ушбу лавозимларга номзодларни тайинлашни келишиш юзасидан Вазирлар Маҳкамасига тақдимнома киритади.

6. Давлат органлари ва ташкилотларнинг ижро интизомига масъул таркибий бўлинмалари раҳбарлари лавозимларига тавсия этиладиган номзодлар (кейинги ўринларда — номзодлар), қоида тариқасида, давлат органлари ва ташкилотларнинг ходимлари орасидан ҳамда кадрлар захирасидан танлаб олинади.

Бунда номзодлар қуйидаги талабларга жавоб бериши:

ёши 30 ёшдан кичик бўлмаслиги;

олий маълумотга эга бўлиши;

чет тилларини билиши (тавсия сифатида);

давлат органлари ва ташкилотлар тизимида камида 5 йиллик иш стажига эга бўлиши;

ижро интизоми назоратини ташкил қилиш ва ижро интизомини мустаҳкамлаш бўйича Ўзбекистон Республикаси Президенти ва Ҳукумати томонидан қабул қилинган қонунчилик ҳужжатларини ҳамда уларнинг мазмуни ва моҳиятини билиши;

тегишли соҳа фаолиятини тартибга солувчи қонунчилик ҳужжатларининг мазмун ва моҳиятини билиши;

аппарат ишини ташкил этиш, иш юритиш, назорат ҳужжатлари ва топшириқлари билан «Ijro.gov.uz» ижро интизоми идоралараро ягона электрон тизимида ишлаш тажрибасига ҳамда ҳуқуқий билимларга эга бўлиши;

таҳлилий маълумотлар тайёрлаш ва тизимли фикрлай олиш қобилиятларига эга бўлиши лозим.

7. Давлат органлари ва ташкилотларнинг кадрлар хизматлари номзодлар бўйича ўн кун муддатда давлат органлари ва ташкилотларнинг биринчи раҳбарларига таклиф киритади.

8. Номзодлар давлат органлари ва ташкилотларнинг биринчи раҳбарлари томонидан ўтказилган суҳбатлар натижаларига кўра танлаб олинади.

9. Давлат органлари ва ташкилотлар томонидан ижро интизомига масъул таркибий бўлинмалар раҳбарлари лавозимига икки ёки ундан ортиқ номзодлар тавсия этилади.

10. Давлат органлари ва ташкилотлар томонидан номзодларни лавозимга тайинлашни келишиш учун қуйидаги ҳужжатлар тақдим этилади:

номзодларни лавозимга тавсия этиш тўғрисида давлат органлари ва ташкилотларнинг биринчи раҳбарлари томонидан имзоланган тақдимнома;

номзодлар тўғрисида шахсий фикрномалар (уч хил даражадаги раҳбарлардан);

номзодларнинг ижро интизомини мустаҳкамлаш ва ижро назоратини самарали ташкил этиш масалалари бўйича шахсий рефератлари;

номзодларнинг маълумотномаси (объективкаси);

номзодларнинг маълумоти тўғрисидаги диплом нусхаси;

номзодларнинг шахсини тасдиқловчи ҳужжат (паспорт) нусхаси.

3-боб. Давлат органлари ва ташкилотларнинг ижро интизомига масъул таркибий бўлинмалари раҳбарлари лавозимларига тавсия этилаётган номзодларни келишиш ва тайинлаш

11. Давлат органлари ва ташкилотлар номзодлар бўйича ушбу Низомнинг 10-бандида кўрсатилган ҳужжатларни Вазирлар Маҳкамаси аппаратининг Кадрлар бўлимига (кейинги ўринларда — Кадрлар бўлими) тақдим этади.

12. Кадрлар бўлими давлат органлари ва ташкилотлар томонидан тақдим этилган номзодларнинг ҳужжатларини улар келиб тушган кундан бошлаб икки кун муддатда ўрганади ва камчиликлар аниқланган тақдирда, номзодларни тавсия этган давлат органлари ва ташкилотлар билан биргаликда уларни бартараф этиш чораларини кўради.

13. Кадрлар бўлими номзодлар ҳужжатларини Вазирлар Маҳкамаси аппаратининг тегишли таркибий бўлинмалари (кейинги ўринларда — таркибий бўлинмалар) ҳамда Назорат ва ижро интизоми бўлимига кўриб чиқиш учун тақдим этади.

14. Таркибий бўлинмалар ҳамда Назорат ва ижро интизоми бўлими тақдим этилган номзодлар ҳужжатларини бир кун муддатда ўрганиб чиқади ҳамда номзодлар ҳужжатлари ва тайёрланган шахсий рефератлари бўйича Кадрлар бўлимига хулоса беради.

15. Кадрлар бўлими бир кун муддатда Вазирлар Маҳкамаси аппаратининг бошқарувчисига номзодлар бўйича ахборот беради ва номзодлар билан суҳбат ўтказиладиган сана ва вақтини келишади ҳамда бу ҳақда тегишли давлат органлари ва ташкилотларга хабар беради.

16. Номзодлар таркибий бўлинмалар раҳбарлари, Назорат ва ижро интизоми бўлими мудири ва Вазирлар Маҳкамаси аппарати бошқарувчисининг ўринбосари ҳузурида суҳбатдан ўтказилади, суҳбат натижалари бўйича таклифлар ва хулосалар суҳбат варақаларига киритилади ва номзодлар ҳужжатларига қўшиб қўйилади.

Суҳбат жараёнида номзодлар республикада амалга оширилаётган сиёсий ва ижтимоий-иқтисодий ислоҳотлар, давлат органлари ва ташкилотларда ижро интизоми назоратини ташкил қилиш ва ижро интизомини мустаҳкамлаш бўйича Ўзбекистон Республикаси Президенти ва Ҳукумати томонидан қабул қилинган ҳужжатлар ҳамда тегишли соҳа фаолиятини тартибга солувчи норматив-ҳуқуқий ҳужжатларнинг мазмун ва моҳиятини билиши, шунингдек, «Ijro.gov.uz» ижро интизоми идоралараро ягона электрон тизимида ишлаш тажрибаси, таҳлилий маълумотлар тайёрлаш ва тизимли фикрлай олиш қобилиятлари бўйича баҳоланади.

17. Вазирлар Маҳкамаси аппаратининг бошқарувчиси номзодлар ҳужжатлари ва Вазирлар Маҳкамаси аппарати бошқарувчиси ўринбосари, таркибий бўлинмалар раҳбарлари ҳамда Назорат ва ижро интизоми бўлими мудири ҳузурида ўтказилган суҳбат натижалари бўйича таклифлар ва хулосаларни кўриб чиқади ва номзодлар билан суҳбат ўтказади.

18. Суҳбат натижалари ва шахсий рефератлари ижобий деб ҳисобланган номзодларнинг ҳужжатлари Вазирлар Маҳкамаси аппарати бошқарувчисининг тақдимномаси билан Кадрлар бўлими томонидан Ўзбекистон Республикаси Президенти Администрациясининг Назорат инспекциясига тақдим қилинади.

19. Вазирлар Маҳкамаси аппаратида номзодларнинг ҳужжатларини кўриб чиқиш, келишиш, уларни суҳбатдан ўтказиш ва Ўзбекистон Республикаси Президенти Администрациясига тақдим қилиш ишлари ўн календаръ кунидан ошмаслиги лозим.

20. Давлат органлари ва ташкилотлар Ўзбекистон Республикаси Президенти Администрацияси Назорат инспекциясининг номзодни лавозимга тайинлаш масаласи келишилганлиги ҳақидаги кўрсатмасини олган кундан кейин бир кун муддатда уни лавозимга тайинлаш тўғрисида ҳужжат қабул қилади.

4-боб. Давлат органлари ва ташкилотларнинг ижро интизомига масъул таркибий бўлинмалари раҳбарларини лавозимларидан озод этишни келишиш

21. Давлат органлари ва ташкилотларнинг биринчи раҳбарлари ижро интизомига масъул таркибий бўлинмалар раҳбарларини лавозимдан озод этишни келишиш ҳақида Кадрлар бўлимига сабаблари кўрсатилган ҳолда мурожаат киритади ҳамда асословчи ҳужжатларни илова қилади.

22. Кадрлар бўлими таркибий бўлинмалар ҳамда Назорат ва ижро интизоми бўлими билан биргаликда давлат органлари ва ташкилотлар биринчи раҳбарларининг мурожаатини икки кун муддатда кўриб чиқади ва уларнинг тегишли хулосалари билан Вазирлар Маҳкамаси аппаратининг бошқарувчисига ахборот беради.

23. Вазирлар Маҳкамаси аппаратининг бошқарувчиси давлат органлари ва ташкилотлар биринчи раҳбарларининг мурожаатларини, асословчи ҳужжатлар ҳамда хулосаларни кўриб чиқади.

Тақдим этилган ҳужжатлар ижро интизомига масъул таркибий бўлинма раҳбарини лавозимдан озод этиш учун етарли бўлган тақдирда, ушбу ҳужжатлар Кадрлар бўлими томонидан Вазирлар Маҳкамаси аппарати бошқарувчисининг кузатув хати билан Ўзбекистон Республикаси Президенти Администрациясининг Назорат инспекциясига юборилади.

24. Давлат органлари ва ташкилотлар Ўзбекистон Республикаси Президенти Администрацияси Назорат инспекциясининг ижро интизомига масъул таркибий бўлинмалар раҳбарларини лавозимдан озод этиш масаласи келишилганлиги ҳақидаги кўрсатмасини олган кундан кейин бир кун муддатда лавозимдан озод этиш тўғрисида ҳужжат қабул қилади.

25. Ўзбекистон Республикаси Меҳнат кодексининг 100-моддаси иккинчи қисми 1-бандига мувофиқ давлат органлари ва ташкилотларда ижро интизомига масъул таркибий бўлинмалар раҳбарлари лавозимдан озод этилганда, Ўзбекистон Республикаси Президенти Администрациясининг Назорат инспекцияси билан келишиш талаб этилмайди.

5-боб. Давлат органлари ва ташкилотларнинг ижро интизомига масъул таркибий бўлинмалари раҳбарларини стажировкадан ўтказиш ва уларнинг малакасини ошириш

26. Давлат органлари ва ташкилотларнинг ижро интизомига масъул таркибий бўлинмалари раҳбарлари ҳар йили бир марта (бир ҳафта давомида) Вазирлар Маҳкамаси аппаратида тасдиқланган график асосида стажировкадан ўтказилади.

27. Давлат органлари ва ташкилотларнинг ижро интизомига масъул таркибий бўлинмалари раҳбарлари стажировкаларини ташкил этиш учун Вазирлар Маҳкамаси аппаратининг Назорат ва ижро интизоми бўлими таркибий бўлинмалар билан биргаликда стажировкадан ўтувчилар рўйхати, стажировка дастури ва графигини шакллантиради ҳамда Вазирлар Маҳкамаси аппаратининг бошқарувчисига тасдиқлаш учун киритади.

28. Вазирлар Маҳкамаси аппаратининг Назорат ва ижро интизоми бўлими таркибий бўлинмалар билан биргаликда тасдиқланган дастур ва график асосида стажировкани ташкил этади.

29. Давлат органлари ва ташкилотларнинг ижро интизомига масъул таркибий бўлинмалари раҳбарларини стажировкадан ўтказиш қуйидаги тадбирларни бажариш орқали амалга оширилади:

ижро интизомини мустаҳкамлаш бўйича қабул қилинган қонунчилик ҳужжатларини ўрганиш;

Вазирлар Маҳкамаси аппаратида жорий этилган назорат тизими билан танишиш;

давлат органлари ва ташкилотларда қонунчилик ҳужжатлари ва топшириқларнинг ўз вақтида ижро этилиши юзасидан назоратни ташкил этиш;

қабул қилинган қонунчилик ҳужжатлари юзасидан назорат режаларининг (чора-тадбирлар режалари) ўз вақтида ишлаб чиқилишини назорат қилиш ва тизимли ҳисобини юритиш;

давлат органлари ва ташкилотларда ижро интизоми ҳолатини мақсадли ўрганиш ишларига жалб қилиш.

30. Вазирлар Маҳкамаси аппаратининг Назорат ва ижро интизоми бўлими стажировкалар якунида давлат органлари ва ташкилотларнинг ижро интизомига масъул таркибий бўлинмалари раҳбарларининг касбий даражаси ва малакасини ошириш бўйича тегишли таклифлар тайёрлайди.

31. Давлат органлари ва ташкилотларнинг ижро интизомига масъул таркибий бўлинмалари раҳбарлари малакасини ошириш алоҳида дастурлар асосида ҳар йили ташкил этиладиган мавзули семинарлар, ўқув курслари ҳамда иқтисодий ўқишларни ташкил этиш йўли билан амалга оширилади.

6-боб. Якунловчи қоидалар

32. Кадрлар бўлими таркибий бўлинмалар билан биргаликда:

давлат органлари ва ташкилотларнинг ижро интизомига масъул таркибий бўлинмалари раҳбарлари лавозимлари ҳамда вакант лавозимлар бўйича электрон маълумотлар базасини (тузилмаси, штат бирликлари, маълумотномалар, сифат таркиби) шакллантиради ва мунтазам янгилаб боради;

давлат органлари ва ташкилотларнинг ижро интизомига масъул таркибий бўлинмаларининг раҳбарлари лавозимлари бўйича кадрлар ҳаракатланиши ҳисобини юритади.

33. Давлат органлари ва ташкилотларнинг ижро интизомига масъул таркибий бўлинмалари раҳбарларини лавозимга тайинлаш ва лавозимдан озод этиш масалаларини келишиш билан боғлиқ барча ҳужжатлар нусхалари Кадрлар бўлимида сақланади ва ошкор қилинмайди.

34. Давлат органлари ва ташкилотларнинг ижро интизомига масъул таркибий бўлинмаларининг раҳбарлари лавозимларига тавсия этилаётган номзодлар бўйича масъулият давлат органлари ва ташкилотларнинг шахсан биринчи раҳбарлари зиммасига юкланади.

35. Мазкур Низом талаблари бузилишига айбдор деб топилган шахслар қонунчилик ҳужжатлари талабларига мувофиқ жавоб берадилар.

Ўзбекистон Республикаси Ҳукумати тизимидаги давлат бошқаруви органлари, хўжалик бирлашмалари ва бошқа ташкилотларда ижро интизомига масъул таркибий бўлинмалар раҳбарлари лавозимларига номзодларни танлаш, лавозимга тайинлаш ва лавозимдан озод этиш масалаларини келишиш, уларнинг стажировкадан ўтказилишини ташкил этиш тартиби тўғрисидаги низомга ИЛОВА

Ўзбекистон Республикаси Ҳукумати тизимидаги давлат бошқаруви органлари, хўжалик бирлашмалари ва бошқа ташкилотларда ижро интизомига масъул таркибий бўлинмалар раҳбарлари лавозимларига номзодларни танлаш, келишиш ва тайинлаш

Босқичлар Субъектлар Амалга ошириладиган тадбирлар Ижро муддатлари 1 -босқич Давлат органлари ва ташкилотларнинг кадрлар хизматлари Номзодлар бўйича биринчи раҳбарларга таклиф киритиш. Вакансия юзага келгандан кейин ўн кун муддатда 2-босқич Давлат органлари ва ташкилотларнинг биринчи раҳбарлари Номзодлар билан суҳбат ўтказиш ва натижаларига кўра номзодларни танлаб олиш. Уч кун муддатда 3-босқич Давлат органлари ва ташкилотларнинг кадрлар хизматлари Номзодларни лавозимларига тайинлашни келишиш учун ҳужжатлар тайёрлаш. Бир кун муддатда 4-босқич Давлат органлари ва ташкилотларнинг кадрлар хизматлари Номзодларнинг ҳужжатларини Вазирлар Маҳкамаси аппаратининг Кадрлар бўлимига тақдим этиш. Бир кун муддатда 5-босқич Вазирлар Маҳкамаси аппаратининг Кадрлар бўлими Номзодлар бўйича давлат органлари ва ташкилотлар томонидан тақдим этилган ҳужжатларни ўрганиш. Икки кун муддатда 6-босқич Вазирлар Маҳкамаси аппаратининг Кадрлар бўлими Номзодларнинг ҳужжатларини Вазирлар Маҳкамаси аппаратининг тегишли таркибий бўлинмалари ҳамда Назорат ва ижро интизоми бўлимига кўриб чиқиш учун тақдим этиш. Бир кун муддатда 7-босқич Вазирлар Маҳкамаси аппаратининг тегишли таркибий бўлинмалари, Назорат ва ижро интизоми бўлими Тақдим этилган ҳужжатларни ўрганиб чиқиш ҳамда номзодларнинг ҳужжатлари ва тайёрланган шахсий рефератлар? бў?ича Кадрлар бўлимига хулоса бериш. Бир кун муддатда 8-босқич Вазирлар Маҳкамаси аппаратининг Кадрлар бўлими Вазирлар Маҳкамаси аппаратининг бошқарувчисига номзодлар бўйича ахборот бериш ва номзодлар билан суҳбат ўтказиладиган сана ва вақтини келишиш ҳамда бу ҳақда тегишли давлат органлари ва ташкилотларга хабар бериш. Бир кун муддатда 9-босқич Вазирлар Маҳкамаси аппарати бошқарувчисининг ўринбосари, таркибий бўлинмалар раҳбарлари, Назорат ва ижро интизоми бўлими мудири Номзодларни суҳбатдан ўтказиш, суҳбат натижалари бўйича таклифлар ва хулосаларни суҳбат варақаларига киритиш. Номзод суҳбатга келган кундан кейин бир кун муддатда 10-босқич Вазирлар Маҳкамаси аппаратининг бошқарувчиси Номзодларнинг ҳужжатлари ва Вазирлар Маҳкамаси аппарати бошқарувчисининг ўринбосари, таркибий бўлинмалар раҳбарлари ҳамда Назорат ва ижро интизоми бўлими мудири ҳузурида ўтказилган суҳбат натижалари бўйича таклифлар ва хулосаларни кўриб чиқиш ва номзодлар билан суҳбат ўтказиш. Бир кун муддатда 11-босқич Вазирлар Маҳкамаси аппаратининг Кадрлар бўлими Суҳбат натижалари ва шахсий рефератлари ижобий деб ҳисобланган номзодларнинг ҳужжатларини Вазирлар Маҳкамаси аппарати бошқарувчисининг тақдимномаси билан Ўзбекистон Республикаси Президенти Администрациясининг Назорат инспекциясига тақдим қилиш. Бир кун муддатда 12-босқич Давлат органлари ва ташкилотлар Ўзбекистон Республикаси Президенти Администрацияси Назорат инспекциясининг номзодни лавозимга тайинлаш масаласи келишилганлиги ҳақидаги кўрсатмаси асосида номзодни лавозимга тайинлаш тўғрисида ҳужжат қабул қилиш. Президент Администрациясидан ҳужжат келгандан кейин бир кун муддатда

Ўзбекистон Республикасининг Бош вазири А. АРИПОВ

Тошкент ш.,

2021 йил 31 март,

171-сон

(Қонун ҳужжатлари маълумотлари миллий базаси, 01.04.2021 й., 09/21/171/0262-сон; Қонунчилик маълумотлари миллий базаси, 26.11.2022 й., 09/22/674/1041-сон)

lex.uz

Oʻzbekiston Respublikasi Vazirlar Mahkamasining

qarori

NIZOM

SXEMASI

Oʻzbekiston Respublikasi Hukumati tizimidagi davlat boshqaruvi organlari, xoʻjalik birlashmalari va boshqa tashkilotlarning ijro intizomiga masʼul tarkibiy boʻlinmalari rahbarlarini lavozimlarga tayinlashni va ularning faoliyatini tartibga solish chora-tadbirlari toʻgʻrisida

Oʻzbekiston Respublikasi Prezidentining “Qonunchilik hujjatlari ijrosini samarali tashkil etishda davlat boshqaruvi organlari va mahalliy ijro etuvchi hokimiyat organlari rahbarlarining shaxsiy javobgarligini kuchaytirishga doir qoʻshimcha chora-tadbirlar toʻgʻrisida” 2021-yil 10-fevraldagi PF-6166-son Farmoni ijrosini tashkil etish hamda Oʻzbekiston Respublikasi Hukumati tizimidagi davlat boshqaruvi organlari, xoʻjalik birlashmalari va boshqa tashkilotlarda ijro intizomiga masʼul tarkibiy boʻlinmalarning rahbarlari lavozimlariga malakali kadrlarni tayinlashni tartibga solish, qonunchilik hujjatlari va topshiriqlar ijrosini taʼminlash va ijro intizomini mustahkamlashda ularning masʼuliyati hamda talabchanligini oshirish maqsadida Vazirlar Mahkamasi qaror qiladi:

1. Oʻzbekiston Respublikasi Prezidentining “Qonunchilik hujjatlari ijrosini samarali tashkil etishda davlat boshqaruvi organlari va mahalliy ijro etuvchi hokimiyat organlari rahbarlarining shaxsiy javobgarligini kuchaytirishga doir qoʻshimcha chora-tadbirlar toʻgʻrisida” 2021-yil 10-fevraldagi PF-6166-son Farmoniga muvofiq 2021-yil 1-apreldan boshlab, barcha respublika darajasidagi davlat organlari hamda Qoraqalpogʻiston Respublikasi Vazirlar Kengashi, viloyatlar va Toshkent shahar hokimliklarining ijro intizomiga masʼul boʻlinmalari rahbarlarini lavozimga tayinlash va lavozimdan ozod etish masalalari majburiy tartibda Oʻzbekiston Respublikasi Prezidenti Administratsiyasining Nazorat inspeksiyasi bilan kelishilishi belgilanganligi maʼlumot uchun qabul qilinsin.

2. Oʻzbekiston Respublikasi Hukumati tizimidagi davlat boshqaruvi organlari, xoʻjalik birlashmalari va boshqa tashkilotlarda ijro intizomiga masʼul tarkibiy boʻlinmalar rahbarlari lavozimlariga nomzodlarni tanlash. lavozimga tayinlash va lavozimdan ozod etish masalalarini kelishish, ularning stajirovkadan oʻtkazilishini tashkil etish tartibi toʻgʻrisidagi nizom ilovaga muvofiq tasdiqlansin.

Oʻzbekiston Respublikasi Vazirlar Mahkamasi tarkibiga kirmaydigan davlat organlarining ijro intizomiga masʼul boʻlinmalari rahbarlarini lavozimga tayinlash va lavozimdan ozod etish masalalarini Oʻzbekiston Respublikasi Prezidenti Administratsiyasining Nazorat inspeksiyasi bilan kelishish Oʻzbekiston Respublikasi Prezidenti Administratsiyasi tomonidan belgilanadigan tartibga asosan amalga oshiriladi.

3. Oʻzbekiston Respublikasi Hukumati tizimidagi davlat boshqaruvi organlari, xoʻjalik birlashmalari va boshqa tashkilotlarning (keyingi oʻrinlarda — davlat organlari va tashkilotlar) birinchi rahbarlari:

joriy yil 1-iyulga qadar ijro intizomiga masʼul tarkibiy boʻlinmalari boʻlmagan markaziy apparati, hududiy boʻlinmalari va tizim tashkilotlarida ularning shtat birliklari cheklangan soni doirasida ijro intizomiga masʼul alohida shtat birligi joriy etilishini taʼminlashga:

ijro intizomiga masʼul tarkibiy boʻlinmalar rahbarlari lavozimlari boʻyicha vakant oʻrinlarga nomzodlarni kelishish yuzasidan Oʻzbekiston Respublikasi Vazirlar Mahkamasiga belgilangan muddatda taqdimnomalar kiritilishiga;

ijro intizomiga masʼul tarkibiy boʻlinmalar rahbarlari lavozimlariga amaliy tajribaga ega, yuqori malakali, puxta tanlangan nomzodlar tavsiya etilishiga va ushbu lavozimlar boʻyicha kadrlar zaxirasi shakllantirilishiga;

hududiy boʻlinmalar va tizim tashkilotlaridagi ijro intizomiga masʼul xodimlar malakasini oshirish ishlari va stajirovkalari tizimli tashkil etilishiga;

hududiy boʻlinmalar va tizim tashkilotlaridagi ijro intizomiga masʼul xodimlarni markaziy apparat bilan kelishuv asosida lavozimga tayinlash tizimining joriy qilinishiga shaxsan masʼul ekanligi belgilab qoʻyilsin.

4. Davlat organlari va tashkilotlarning ijro intizomiga masʼul tarkibiy boʻlinmalari rahbarlari quyidagilarga javobgar ekanligi belgilab quyilsin:

qonunchilik hujjatlari va topshiriqlarni hisobga olish va ularning roʻyxatini shakllantirish, ular boʻyicha aniq ijrochilar, muddatlar va bajarish mexanizmlari koʻrsatilgan topshiriqlar tayyorlanishini hamda ularning ijrochilarga yetkazilishini nazoratga olish;

qonunchilik hujjatlari va topshiriqlar boʻyicha amalga oshirish grafiklarining (nazorat rejalari) tayyorlanishini, tasdiqlanishini va ijroga qaratilishini nazorat qilish;

qonunchilik hujjatlari va topshiriqlarning oʻz vaqtida bajarilishi yuzasidan tizimli nazoratni tashkil etish hamda chuqur tahlillar asosida monitoringini olib borish;

qonunchilik hujjatlari va topshiriqlar bajarilishining har haftalik tahlillarini amalga oshirish, ijrosi kechikayotgan topshiriqlarning hisobini yuritish va kechikish sabablarini aniqlash hamda ularni bartaraf qilish yuzasidan rahbariyatga takliflar kiritib borish;

qonunchilik hujjatlari va topshiriqlarning bajarilish holati boʻyicha rahbarning birinchi oʻrinbosari huzurida har hafta juma kuni, rahbar huzurida har haftaning dushanba kuni oʻtkaziladigan muhokamalarga tahliliy materiallar tayyorlash;

qonunchilik hujjatlari va topshiriqlarning bajarilish holati har oy yakunida kollegial organ majlislarida muhokama qilinishini hamda masʼul rahbarlar va xodimlarning hisobotlari eshitilishini tashkil qilish;

tizim tashkilotlarida ijro intizomi holatini maqsadli oʻrganish ishlarini tizimli ravishda amalga oshirish va ularning natijalarini har chorak yakunida kollegial organ majlislarida muhokama etish boʻyicha takliflar kiritish;

“Ijro.gov.uz” ijro intizomi idoralararo yagona elektron tizimi orqali kelib tushgan qonunchilik hujjatlari va topshiriqlar ijrosining tizimli nazoratini amalga oshirish;

masʼul ijrochilar tomonidan nazorat hujjatlari va topshiriqlar bajarilishi boʻyicha “Ijro.gov.uz” ijro intizomi idoralararo yagona elektron tizimiga maʼlumotlar va tasdiqlovchi hujjatlarning oʻz vaqtida kiritilishini muntazam nazorat va tahlil qilib borish;

qonunchilik hujjatlari va topshiriqlar ijrosi boʻyicha “Ijro.gov.uz” ijro intizomi idoralararo yagona elektron tizimiga kiritilgan maʼlumotlar va tasdiqlovchi hujjatlarga asosan topshiriqlarni nazoratdan yechish yuzasidan Oʻzbekiston Respublikasi Adliya vazirligi va Hisob palatasi bilan muntazam ravishda hamkorlikda ish olib borish;

boshqa davlat organlari va tashkilotlar tomonidan kelishish uchun kiritilgan normativ-huquqiy hujjatlar loyihalarini tarkibiy boʻlinmalarda Oʻzbekiston Respublikasi Prezidenti Administratsiyasining Reglamenti hamda Oʻzbekiston Respublikasi Vazirlar Mahkamasining Reglamentida belgilangan muddatlarda koʻrib chiqish va kelishish jarayonlarini nazoratga olish hamda natijalari boʻyicha rahbariyatga axborot berib borish.

5. Vazirlar Mahkamasi apparatining boshqaruvchisi Oʻzbekiston Respublikasi Prezidentining Davlat xizmati va hokimiyat vakillik organlari bilan hamkorlik qilish masalalari boʻyicha maslahatchisi boʻlinmasi bilan hamkorlikda bir oy muddatda Qoraqalpogʻiston Respublikasi Vazirlar Kengashi va viloyatlar hokimliklarining Tashkiliy-nazorat guruhlari hamda Toshkent shahri hokimligining Tashkiliy-nazorat va tahlil boshqarmasi rahbarlari lavozimlariga nomzodlarni tanlash, ular bilan suhbat oʻtkazish va lavozimlarga tayinlash boʻyicha qoʻshma tartib ishlab chiqsin.

6. Oʻzbekiston Respublikasi Prezidentining “Qonunchilik hujjatlari ijrosini samarali tashkil etishda davlat boshqaruvi organlari va mahalliy ijro etuvchi hokimiyat organlari rahbarlarining shaxsiy javobgarligini kuchaytirishga doir qoʻshimcha chora-tadbirlar toʻgʻrisida” 2021-yil 10-fevraldagi PF-6166-son Farmoni ijrosini taʼminlash maqsadida vazirliklar, davlat qoʻmitalari, idoralar va xoʻjalik birlashmalari hamda barcha darajalardagi hokimliklarning ijro intizomiga masʼul tarkibiy boʻlinmalari rahbarlarining sifat tarkibi tahlillari oʻtkazilganligi maʼlumot uchun qabul qilinsin.

Oʻzbekiston Respublikasi Vazirlar Mahkamasi apparatining boshqaruvchisi joriy yil aprel — sentyabr oylarida vazirliklar, davlat qoʻmitalari, idoralar va xoʻjalik birlashmalari xamda barcha darajalardagi hokimliklarning ijro intizomiga masʼul tarkibiy boʻlinmalari rahbarlarining Vazirlar Mahkamasi apparatida stajirovkalari tashkil etilishini taʼminlasin.

7. Davlat organlari va tashkilotlar oʻzlari qabul qilgan normativ-huquqiy hujjatlarni bir oy muddatda ushbu qarorga muvofiqlashtirsin.

8. Mazkur qarorning bajarilishini nazorat qilish Oʻzbekiston Respublikasi Bosh vazirining oʻrinbosarlari, Bosh vazir maslahatchilari va Vazirlar Mahkamasi apparatining boshqaruvchisi zimmasiga yuklansin.

Vazirlar Mahkamasining 2021-yil 31-martdagi 171-son qaroriga ILOVA

Oʻzbekiston Respublikasi Hukumati tizimidagi davlat boshqaruvi organlari, xoʻjalik birlashmalari va boshqa tashkilotlarda ijro intizomiga masʼul tarkibiy boʻlinmalar rahbarlari lavozimlariga nomzodlarni tanlash, lavozimga tayinlash va lavozimdan ozod etish masalalarini kelishish, ularning stajirovkadan oʻtkazilishini tashkil etish tartibi toʻgʻrisida

1-bob. Umumiy qoidalar

1. Mazkur Nizom Oʻzbekiston Respublikasi Prezidentining “Qonunchilik hujjatlari ijrosini samarali tashkil etishda davlat boshqaruvi organlari va mahalliy ijro etuvchi hokimiyat organlari rahbarlarining shaxsiy javobgarligini kuchaytirishga doir qoʻshimcha chora-tadbirlar toʻgʻrisida” 2021-yil 10-fevraldagi PF-6166-son Farmoniga muvofiq ishlab chiqilgan hamda Oʻzbekiston Respublikasi Hukumati tizimidagi davlat boshqaruvi organlari, xoʻjalik birlashmalari va boshqa tashkilotlarning (keyingi oʻrinlarda — davlat organlari va tashkilotlar) ijro intizomiga masʼul tarkibiy boʻlinmalari (yoki ushbu vazifa yuklangan tarkibiy boʻlinmalar) rahbarlari lavozimlariga nomzodlarni tanlash, lavozimga tayinlash hamda lavozimdan ozod etish masalalarini kelishish, ularning stajirovkadan oʻtkazilishini tashkil etish tartibini belgilaydi.

2. Davlat organlari va tashkilotlar markaziy apparatlaridagi qonunchilik hujjatlari va topshiriqlarning bajarilishini nazorat qilish vazifalarini amalga oshiradigan alohida tarkibiy boʻlinmalar (yoki ushbu vazifa yuklangan tarkibiy boʻlinmalar) ijro intizomiga masʼul tarkibiy boʻlinmalar hisoblanadi.

3. Davlat organlari va tashkilotlarning ijro intizomiga masʼul tarkibiy boʻlinmalari rahbarlari lavozimlariga nomzodlarni tanlash, lavozimga tayinlash va lavozimdan ozod etish masalalari Oʻzbekiston Respublikasi Prezidenti Administratsiyasining Nazorat inspeksiyasi bilan kelishilgan holda amalga oshiriladi.

4. Davlat organlari va tashkilotlarning ijro intizomiga masʼul tarkibiy boʻlinmalari rahbarlari lavozimlariga nomzodlarni tanlash, kelishish va tayinlash ushbu Nizomga ilovaga muvofiq sxema boʻyicha amalga oshiriladi.

2-bob. Davlat organlari va tashkilotlarning ijro intizomiga masʼul tarkibiy boʻlinmalari rahbarlari lavozimlariga nomzodlarni tanlash va tavsiya etish

5. Davlat organlari va tashkilotlarning birinchi rahbarlari ijro intizomiga masʼul tarkibiy boʻlinmalar rahbarlari lavozimlari boʻyicha vakant oʻrinlar yuzaga kelgan taqdirda, oʻn besh kun muddatda ushbu lavozimlarga nomzodlarni tayinlashni kelishish yuzasidan Vazirlar Mahkamasiga taqdimnoma kiritadi.

6. Davlat organlari va tashkilotlarning ijro intizomiga masʼul tarkibiy boʻlinmalari rahbarlari lavozimlariga tavsiya etiladigan nomzodlar (keyingi oʻrinlarda — nomzodlar), qoida tariqasida, davlat organlari va tashkilotlarning xodimlari orasidan hamda kadrlar zaxirasidan tanlab olinadi.

Bunda nomzodlar quyidagi talablarga javob berishi:

yoshi 30 yoshdan kichik boʻlmasligi;

oliy maʼlumotga ega boʻlishi;

chet tillarini bilishi (tavsiya sifatida);

davlat organlari va tashkilotlar tizimida kamida 5 yillik ish stajiga ega boʻlishi;

ijro intizomi nazoratini tashkil qilish va ijro intizomini mustahkamlash boʻyicha Oʻzbekiston Respublikasi Prezidenti va Hukumati tomonidan qabul qilingan qonunchilik hujjatlarini hamda ularning mazmuni va mohiyatini bilishi;

tegishli soha faoliyatini tartibga soluvchi qonunchilik hujjatlarining mazmun va mohiyatini bilishi;

apparat ishini tashkil etish, ish yuritish, nazorat hujjatlari va topshiriqlari bilan “Ijro.gov.uz” ijro intizomi idoralararo yagona elektron tizimida ishlash tajribasiga hamda huquqiy bilimlarga ega boʻlishi;

tahliliy maʼlumotlar tayyorlash va tizimli fikrlay olish qobiliyatlariga ega boʻlishi lozim.

7. Davlat organlari va tashkilotlarning kadrlar xizmatlari nomzodlar boʻyicha oʻn kun muddatda davlat organlari va tashkilotlarning birinchi rahbarlariga taklif kiritadi.

8. Nomzodlar davlat organlari va tashkilotlarning birinchi rahbarlari tomonidan oʻtkazilgan suhbatlar natijalariga koʻra tanlab olinadi.

9. Davlat organlari va tashkilotlar tomonidan ijro intizomiga masʼul tarkibiy boʻlinmalar rahbarlari lavozimiga ikki yoki undan ortiq nomzodlar tavsiya etiladi.

10. Davlat organlari va tashkilotlar tomonidan nomzodlarni lavozimga tayinlashni kelishish uchun quyidagi hujjatlar taqdim etiladi:

nomzodlarni lavozimga tavsiya etish toʻgʻrisida davlat organlari va tashkilotlarning birinchi rahbarlari tomonidan imzolangan taqdimnoma;

nomzodlar toʻgʻrisida shaxsiy fikrnomalar (uch xil darajadagi rahbarlardan);

nomzodlarning ijro intizomini mustahkamlash va ijro nazoratini samarali tashkil etish masalalari boʻyicha shaxsiy referatlari;

nomzodlarning maʼlumotnomasi (obyektivkasi);

nomzodlarning maʼlumoti toʻgʻrisidagi diplom nusxasi;

nomzodlarning shaxsini tasdiqlovchi hujjat (pasport) nusxasi.

3-bob. Davlat organlari va tashkilotlarning ijro intizomiga masʼul tarkibiy boʻlinmalari rahbarlari lavozimlariga tavsiya etilayotgan nomzodlarni kelishish va tayinlash

11. Davlat organlari va tashkilotlar nomzodlar boʻyicha ushbu Nizomning 10-bandida koʻrsatilgan hujjatlarni Vazirlar Mahkamasi apparatining Kadrlar boʻlimiga (keyingi oʻrinlarda — Kadrlar boʻlimi) taqdim etadi.

12. Kadrlar boʻlimi davlat organlari va tashkilotlar tomonidan taqdim etilgan nomzodlarning hujjatlarini ular kelib tushgan kundan boshlab ikki kun muddatda oʻrganadi va kamchiliklar aniqlangan taqdirda, nomzodlarni tavsiya etgan davlat organlari va tashkilotlar bilan birgalikda ularni bartaraf etish choralarini koʻradi.

13. Kadrlar boʻlimi nomzodlar hujjatlarini Vazirlar Mahkamasi apparatining tegishli tarkibiy boʻlinmalari (keyingi oʻrinlarda — tarkibiy boʻlinmalar) hamda Nazorat va ijro intizomi boʻlimiga koʻrib chiqish uchun taqdim etadi.

14. Tarkibiy boʻlinmalar hamda Nazorat va ijro intizomi boʻlimi taqdim etilgan nomzodlar hujjatlarini bir kun muddatda oʻrganib chiqadi hamda nomzodlar hujjatlari va tayyorlangan shaxsiy referatlari boʻyicha Kadrlar boʻlimiga xulosa beradi.

15. Kadrlar boʻlimi bir kun muddatda Vazirlar Mahkamasi apparatining boshqaruvchisiga nomzodlar boʻyicha axborot beradi va nomzodlar bilan suhbat oʻtkaziladigan sana va vaqtini kelishadi hamda bu haqda tegishli davlat organlari va tashkilotlarga xabar beradi.

16. Nomzodlar tarkibiy boʻlinmalar rahbarlari, Nazorat va ijro intizomi boʻlimi mudiri va Vazirlar Mahkamasi apparati boshqaruvchisining oʻrinbosari huzurida suhbatdan oʻtkaziladi, suhbat natijalari boʻyicha takliflar va xulosalar suhbat varaqalariga kiritiladi va nomzodlar hujjatlariga qoʻshib qoʻyiladi.

Suhbat jarayonida nomzodlar respublikada amalga oshirilayotgan siyosiy va ijtimoiy-iqtisodiy islohotlar, davlat organlari va tashkilotlarda ijro intizomi nazoratini tashkil qilish va ijro intizomini mustahkamlash boʻyicha Oʻzbekiston Respublikasi Prezidenti va Hukumati tomonidan qabul qilingan hujjatlar hamda tegishli soha faoliyatini tartibga soluvchi normativ-huquqiy hujjatlarning mazmun va mohiyatini bilishi, shuningdek, “Ijro.gov.uz” ijro intizomi idoralararo yagona elektron tizimida ishlash tajribasi, tahliliy maʼlumotlar tayyorlash va tizimli fikrlay olish qobiliyatlari boʻyicha baholanadi.

17. Vazirlar Mahkamasi apparatining boshqaruvchisi nomzodlar hujjatlari va Vazirlar Mahkamasi apparati boshqaruvchisi oʻrinbosari, tarkibiy boʻlinmalar rahbarlari hamda Nazorat va ijro intizomi boʻlimi mudiri huzurida oʻtkazilgan suhbat natijalari boʻyicha takliflar va xulosalarni koʻrib chiqadi va nomzodlar bilan suhbat oʻtkazadi.

18. Suhbat natijalari va shaxsiy referatlari ijobiy deb hisoblangan nomzodlarning hujjatlari Vazirlar Mahkamasi apparati boshqaruvchisining taqdimnomasi bilan Kadrlar boʻlimi tomonidan Oʻzbekiston Respublikasi Prezidenti Administratsiyasining Nazorat inspeksiyasiga taqdim qilinadi.

19. Vazirlar Mahkamasi apparatida nomzodlarning hujjatlarini koʻrib chiqish, kelishish, ularni suhbatdan oʻtkazish va Oʻzbekiston Respublikasi Prezidenti Administratsiyasiga taqdim qilish ishlari oʻn kalendarʼ kunidan oshmasligi lozim.

20. Davlat organlari va tashkilotlar Oʻzbekiston Respublikasi Prezidenti Administratsiyasi Nazorat inspeksiyasining nomzodni lavozimga tayinlash masalasi kelishilganligi haqidagi koʻrsatmasini olgan kundan keyin bir kun muddatda uni lavozimga tayinlash toʻgʻrisida hujjat qabul qiladi.

4-bob. Davlat organlari va tashkilotlarning ijro intizomiga masʼul tarkibiy boʻlinmalari rahbarlarini lavozimlaridan ozod etishni kelishish

21. Davlat organlari va tashkilotlarning birinchi rahbarlari ijro intizomiga masʼul tarkibiy boʻlinmalar rahbarlarini lavozimdan ozod etishni kelishish haqida Kadrlar boʻlimiga sabablari koʻrsatilgan holda murojaat kiritadi hamda asoslovchi hujjatlarni ilova qiladi.

22. Kadrlar boʻlimi tarkibiy boʻlinmalar hamda Nazorat va ijro intizomi boʻlimi bilan birgalikda davlat organlari va tashkilotlar birinchi rahbarlarining murojaatini ikki kun muddatda koʻrib chiqadi va ularning tegishli xulosalari bilan Vazirlar Mahkamasi apparatining boshqaruvchisiga axborot beradi.

23. Vazirlar Mahkamasi apparatining boshqaruvchisi davlat organlari va tashkilotlar birinchi rahbarlarining murojaatlarini, asoslovchi hujjatlar hamda xulosalarni koʻrib chiqadi.

Taqdim etilgan hujjatlar ijro intizomiga masʼul tarkibiy boʻlinma rahbarini lavozimdan ozod etish uchun yetarli boʻlgan taqdirda, ushbu hujjatlar Kadrlar boʻlimi tomonidan Vazirlar Mahkamasi apparati boshqaruvchisining kuzatuv xati bilan Oʻzbekiston Respublikasi Prezidenti Administratsiyasining Nazorat inspeksiyasiga yuboriladi.

24. Davlat organlari va tashkilotlar Oʻzbekiston Respublikasi Prezidenti Administratsiyasi Nazorat inspeksiyasining ijro intizomiga masʼul tarkibiy boʻlinmalar rahbarlarini lavozimdan ozod etish masalasi kelishilganligi haqidagi koʻrsatmasini olgan kundan keyin bir kun muddatda lavozimdan ozod etish toʻgʻrisida hujjat qabul qiladi.

25. Oʻzbekiston Respublikasi Mehnat kodeksining 100-moddasi ikkinchi qismi 1-bandiga muvofiq davlat organlari va tashkilotlarda ijro intizomiga masʼul tarkibiy boʻlinmalar rahbarlari lavozimdan ozod etilganda, Oʻzbekiston Respublikasi Prezidenti Administratsiyasining Nazorat inspeksiyasi bilan kelishish talab etilmaydi.

5-bob. Davlat organlari va tashkilotlarning ijro intizomiga masʼul tarkibiy boʻlinmalari rahbarlarini stajirovkadan oʻtkazish va ularning malakasini oshirish

26. Davlat organlari va tashkilotlarning ijro intizomiga masʼul tarkibiy boʻlinmalari rahbarlari har yili bir marta (bir hafta davomida) Vazirlar Mahkamasi apparatida tasdiqlangan grafik asosida stajirovkadan oʻtkaziladi.

27. Davlat organlari va tashkilotlarning ijro intizomiga masʼul tarkibiy boʻlinmalari rahbarlari stajirovkalarini tashkil etish uchun Vazirlar Mahkamasi apparatining Nazorat va ijro intizomi boʻlimi tarkibiy boʻlinmalar bilan birgalikda stajirovkadan oʻtuvchilar roʻyxati, stajirovka dasturi va grafigini shakllantiradi hamda Vazirlar Mahkamasi apparatining boshqaruvchisiga tasdiqlash uchun kiritadi.

28. Vazirlar Mahkamasi apparatining Nazorat va ijro intizomi boʻlimi tarkibiy boʻlinmalar bilan birgalikda tasdiqlangan dastur va grafik asosida stajirovkani tashkil etadi.

29. Davlat organlari va tashkilotlarning ijro intizomiga masʼul tarkibiy boʻlinmalari rahbarlarini stajirovkadan oʻtkazish quyidagi tadbirlarni bajarish orqali amalga oshiriladi:

ijro intizomini mustahkamlash boʻyicha qabul qilingan qonunchilik hujjatlarini oʻrganish;

Vazirlar Mahkamasi apparatida joriy etilgan nazorat tizimi bilan tanishish;

davlat organlari va tashkilotlarda qonunchilik hujjatlari va topshiriqlarning oʻz vaqtida ijro etilishi yuzasidan nazoratni tashkil etish;

qabul qilingan qonunchilik hujjatlari yuzasidan nazorat rejalarining (chora-tadbirlar rejalari) oʻz vaqtida ishlab chiqilishini nazorat qilish va tizimli hisobini yuritish;

davlat organlari va tashkilotlarda ijro intizomi holatini maqsadli oʻrganish ishlariga jalb qilish.

30. Vazirlar Mahkamasi apparatining Nazorat va ijro intizomi boʻlimi stajirovkalar yakunida davlat organlari va tashkilotlarning ijro intizomiga masʼul tarkibiy boʻlinmalari rahbarlarining kasbiy darajasi va malakasini oshirish boʻyicha tegishli takliflar tayyorlaydi.

31. Davlat organlari va tashkilotlarning ijro intizomiga masʼul tarkibiy boʻlinmalari rahbarlari malakasini oshirish alohida dasturlar asosida har yili tashkil etiladigan mavzuli seminarlar, oʻquv kurslari hamda iqtisodiy oʻqishlarni tashkil etish yoʻli bilan amalga oshiriladi.

6-bob. Yakunlovchi qoidalar

32. Kadrlar boʻlimi tarkibiy boʻlinmalar bilan birgalikda:

davlat organlari va tashkilotlarning ijro intizomiga masʼul tarkibiy boʻlinmalari rahbarlari lavozimlari hamda vakant lavozimlar boʻyicha elektron maʼlumotlar bazasini (tuzilmasi, shtat birliklari, maʼlumotnomalar, sifat tarkibi) shakllantiradi va muntazam yangilab boradi;

davlat organlari va tashkilotlarning ijro intizomiga masʼul tarkibiy boʻlinmalarining rahbarlari lavozimlari boʻyicha kadrlar harakatlanishi hisobini yuritadi.

33. Davlat organlari va tashkilotlarning ijro intizomiga masʼul tarkibiy boʻlinmalari rahbarlarini lavozimga tayinlash va lavozimdan ozod etish masalalarini kelishish bilan bogʻliq barcha hujjatlar nusxalari Kadrlar boʻlimida saqlanadi va oshkor qilinmaydi.

34. Davlat organlari va tashkilotlarning ijro intizomiga masʼul tarkibiy boʻlinmalarining rahbarlari lavozimlariga tavsiya etilayotgan nomzodlar boʻyicha masʼuliyat davlat organlari va tashkilotlarning shaxsan birinchi rahbarlari zimmasiga yuklanadi.

35. Mazkur Nizom talablari buzilishiga aybdor deb topilgan shaxslar qonunchilik hujjatlari talablariga muvofiq javob beradilar.

Oʻzbekiston Respublikasi Hukumati tizimidagi davlat boshqaruvi organlari, xoʻjalik birlashmalari va boshqa tashkilotlarda ijro intizomiga masʼul tarkibiy boʻlinmalar rahbarlari lavozimlariga nomzodlarni tanlash, lavozimga tayinlash va lavozimdan ozod etish masalalarini kelishish, ularning stajirovkadan oʻtkazilishini tashkil etish tartibi toʻgʻrisidagi nizomga ILOVA

Oʻzbekiston Respublikasi Hukumati tizimidagi davlat boshqaruvi organlari, xoʻjalik birlashmalari va boshqa tashkilotlarda ijro intizomiga masʼul tarkibiy boʻlinmalar rahbarlari lavozimlariga nomzodlarni tanlash, kelishish va tayinlash

Bosqichlar Subyektlar Amalga oshiriladigan tadbirlar Ijro muddatlari 1 -bosqich Davlat organlari va tashkilotlarning kadrlar xizmatlari Nomzodlar boʻyicha birinchi rahbarlarga taklif kiritish. Vakansiya yuzaga kelgandan keyin oʻn kun muddatda 2-bosqich Davlat organlari va tashkilotlarning birinchi rahbarlari Nomzodlar bilan suhbat oʻtkazish va natijalariga koʻra nomzodlarni tanlab olish. Uch kun muddatda 3-bosqich Davlat organlari va tashkilotlarning kadrlar xizmatlari Nomzodlarni lavozimlariga tayinlashni kelishish uchun hujjatlar tayyorlash. Bir kun muddatda 4-bosqich Davlat organlari va tashkilotlarning kadrlar xizmatlari Nomzodlarning hujjatlarini Vazirlar Mahkamasi apparatining Kadrlar boʻlimiga taqdim etish. Bir kun muddatda 5-bosqich Vazirlar Mahkamasi apparatining Kadrlar boʻlimi Nomzodlar boʻyicha davlat organlari va tashkilotlar tomonidan taqdim etilgan hujjatlarni oʻrganish. Ikki kun muddatda 6-bosqich Vazirlar Mahkamasi apparatining Kadrlar boʻlimi Nomzodlarning hujjatlarini Vazirlar Mahkamasi apparatining tegishli tarkibiy boʻlinmalari hamda Nazorat va ijro intizomi boʻlimiga koʻrib chiqish uchun taqdim etish. Bir kun muddatda 7-bosqich Vazirlar Mahkamasi apparatining tegishli tarkibiy boʻlinmalari, Nazorat va ijro intizomi boʻlimi Taqdim etilgan hujjatlarni oʻrganib chiqish hamda nomzodlarning hujjatlari va tayyorlangan shaxsiy referatlar? boʻ?icha Kadrlar boʻlimiga xulosa berish. Bir kun muddatda 8-bosqich Vazirlar Mahkamasi apparatining Kadrlar boʻlimi Vazirlar Mahkamasi apparatining boshqaruvchisiga nomzodlar boʻyicha axborot berish va nomzodlar bilan suhbat oʻtkaziladigan sana va vaqtini kelishish hamda bu haqda tegishli davlat organlari va tashkilotlarga xabar berish. Bir kun muddatda 9-bosqich Vazirlar Mahkamasi apparati boshqaruvchisining oʻrinbosari, tarkibiy boʻlinmalar rahbarlari, Nazorat va ijro intizomi boʻlimi mudiri Nomzodlarni suhbatdan oʻtkazish, suhbat natijalari boʻyicha takliflar va xulosalarni suhbat varaqalariga kiritish. Nomzod suhbatga kelgan kundan keyin bir kun muddatda 10-bosqich Vazirlar Mahkamasi apparatining boshqaruvchisi Nomzodlarning hujjatlari va Vazirlar Mahkamasi apparati boshqaruvchisining oʻrinbosari, tarkibiy boʻlinmalar rahbarlari hamda Nazorat va ijro intizomi boʻlimi mudiri huzurida oʻtkazilgan suhbat natijalari boʻyicha takliflar va xulosalarni koʻrib chiqish va nomzodlar bilan suhbat oʻtkazish. Bir kun muddatda 11-bosqich Vazirlar Mahkamasi apparatining Kadrlar boʻlimi Suhbat natijalari va shaxsiy referatlari ijobiy deb hisoblangan nomzodlarning hujjatlarini Vazirlar Mahkamasi apparati boshqaruvchisining taqdimnomasi bilan Oʻzbekiston Respublikasi Prezidenti Administratsiyasining Nazorat inspeksiyasiga taqdim qilish. Bir kun muddatda 12-bosqich Davlat organlari va tashkilotlar Oʻzbekiston Respublikasi Prezidenti Administratsiyasi Nazorat inspeksiyasining nomzodni lavozimga tayinlash masalasi kelishilganligi haqidagi koʻrsatmasi asosida nomzodni lavozimga tayinlash toʻgʻrisida hujjat qabul qilish. Prezident Administratsiyasidan hujjat kelgandan keyin bir kun muddatda

Oʻzbekiston Respublikasining Bosh vaziri A. ARIPOV

Toshkent sh.,

2021-yil 31-mart,

171-son

(Qonun hujjatlari maʼlumotlari milliy bazasi, 01.04.2021-y., 09/21/171/0262-son; Qonunchilik maʼlumotlari milliy bazasi, 26.11.2022-y., 09/22/674/1041-son)

lex.uz