📅 2021-yil 2-aprel · Prezident qarorlari
Rasmiy matn. Rasmiy hujjat. Tahririy izohlar kiritilmagan.
UzbekAI
📅 2021 йил 2 апрель · Президент қарорлари
Расмий матн. Расмий ҳужжат. Таҳририй изоҳлар киритилмаган.
📅 2 апреля 2021 г. · Постановления Президента
Официальный текст. Официальный документ. Редакционные примечания не включены.
📅 2 April 2021 · Presidential resolutions
Official text. Official document. Editorial notes are not included.
Ўзбекистон Республикаси Президентининг
қарори
Андижон вилояти Асака туманини ободонлаштириш ва архитектура қиёфасини янада яхшилаш чора-тадбирлари тўғрисида
Андижон вилояти Асака туманининг архитектура қиёфасини янада яхшилаш, шунингдек, Ўзбекистон Республикаси Президентининг 2020 йил 28 декабрдаги ПҚ-4937-сон қарори билан тасдиқланган 2021 йилда инвестиция лойиҳалари доирасида инвестиция ва кредитларни ўзлаштириш бўйича йиғма манзилли дастурга мувофиқ «Asaka city» турар жой мажмуасини қуриш» лойиҳасини амалга ошириш учун зарур шарт-шароитларни яратиш мақсадида:
1. Қуйидагилар:
Андижон вилояти Асака тумани «Чек» маҳалла фуқаролар йиғини ҳудудида «Asaka city» замонавий кўп функцияли мажмуани (кейинги ўринларда — «Asaka city» мажмуаси) барпо этиш учун 53,3 гектар ер майдони танланганлиги;
«Avtosanoat-Injiniring» МЧЖ «Asaka city» мажмуаси лойиҳасининг (кейинги ўринларда — Лойиҳа) бош режасини (батафсил режалаштириш лойиҳасини) ишлаб чиқиш бўйича буюртмачи этиб, «Tashgiprogor» АЖ эса танлов асосида бош лойиҳа ташкилоти этиб белгиланганлиги;
2020 йил 31 декабрга қадар Лойиҳани амалга ошириш билан боғлиқ харажатлар (лойиҳа-смета ҳужжатларини ишлаб чиқиш, қурилиш-монтаж ишларига рухсат олиш, тайёргарлик ишлари ҳамда Лойиҳани амалга ошириш бўйича бошқа харажатлар) «Avtosanoat-Injiniring» МЧЖ томонидан ўз маблағлари ҳисобидан амалга оширилганлиги;
«Avtosanoat-Injiniring» МЧЖ томонидан автомобилсозлик саноати ходимларини арзон турар жойлар билан таъминлаш мақсадида «Asaka city» мажмуасида бир қатор намунавий кўп квартирали уйларни қуриш ишлари бошлаганлиги;
2021 йилдан бошлаб «Asaka city» мажмуасида объектларни қуриш инвесторларнинг маблағлари, шу жумладан кредитлар, ҳомийлик хайриялари ва қонунчилик ҳужжатларида тақиқланмаган бошқа манбалар ҳисобидан амалга оширилиши маълумот учун қабул қилинсин.
2. Андижон вилояти ҳокимлиги ва «Ўзавтосаноат» АЖнинг Андижон вилояти, Асака тумани, «Чек» маҳалла фуқаролар йиғини ҳудудидаги туман ҳокимлиги захирасида бўлган, қишлоқ хўжалигида фойдаланиш учун яроқсиз аҳволга келиб қолган 53,3 гектар суғориладиган тошлоқ ва унумдорлиги паст бўлган ер майдонида Лойиҳани амалга ошириш тўғрисидаги таклифига розилик берилсин.
Андижон вилояти ҳокимлиги Давлат солиқ қўмитаси ҳузуридаги Кадастр агентлиги билан биргаликда бир ой муддатда Лойиҳани амалга ошириш учун ушбу банднинг биринчи хатбошисида назарда тутилган ер майдони «Avtosanoat-Injiniring» МЧЖга ажратилишини таъминласин.
3. Белгилансинки, Лойиҳани амалга ошириш доирасида:
«Avtosanoat-Injiniring» МЧЖ танланган ҳудудда «Business city» замонавий ишбилармонлик марказлари қурилиши бўйича лойиҳаларни амалга ошириш доирасида дирекциялар учун қонунчиликда назарда тутилган объектларни қуриш ва улардан фойдаланиш дирекцияси функциялари ва вазифаларини, хусусан буюртмачи функцияларини бажариш, қурилишни мувофиқлаштириш ва назорат қилиш ҳамда объектлардан фойдаланишни амалга оширади;
инвесторлар «Ўзавтосаноат» АЖ ва «Avtosanoat-Injiniring» МЧЖ вакиллари иштирокида Андижон вилояти ҳокимлиги қошидаги «Business city» замонавий ишбилармонлик марказлари ҳудудида лойиҳалар ташаббускорларини танлаб олиш ва жойлаштириш бўйича танлов комиссияси томонидан ўтказиладиган энг яхши инвестиция таклифларининг танлови якунлари бўйича жалб қилинади;
Лойиҳани амалга оширишда иштирок этувчи — дирекция функцияларини бажарувчи юридик шахс, инвесторлар, бош пудрат ташкилотлари ҳамда ташкилотлар-норезидентларга нисбатан «Business city» замонавий ишбилармонлик марказлари қурилиши бўйича лойиҳаларни амалга ошириш доирасида қонунчилик ҳужжатларида белгиланган солиқ ва божхона имтиёзлари татбиқ этилади;
Лойиҳани амалга ошириш учун суғориладиган ер майдони ажратилиши билан боғлиқ қишлоқ хўжалиги ва ўрмон хўжалиги ишлаб чиқариши нобудгарчиликлари ўрнини қоплаш бўйича тўланадиган компенсация тўловлари, истисно тариқасида, ундирилмайди.
4. Андижон вилояти ҳокимлиги:
а) Молия вазирлиги, Энергетика вазирлиги, Уй-жой коммунал хизмат кўрсатиш вазирлиги, Транспорт вазирлиги ҳузуридаги Автомобиль йўллари қўмитаси ва «Ўзбектелеком» АК билан биргаликда:
бир ой муддатда Лойиҳани амалга оширишда муҳандислик-коммуникация ва ишлаб чиқариш инфратузилма объектларини ташкил этиш бўйича тармоқ жадваллари ишлаб чиқилишини ва тасдиқланишини;
Лойиҳа объектларининг жойлашувига мувофиқ, Андижон вилоятининг маҳаллий бюджети, шунингдек, хизматларни етказиб берувчилар маблағлари ҳисобидан Лойиҳанинг бўлиниш чегарасига қадар зарур муҳандислик-коммуникация ва ишлаб чиқариш инфратузилма объектларини қуриш ва модернизация қилиш ишлари бажарилишини;
б) суғориладиган ер майдонлари қисқариб кетишининг олдини олиш мақсадида Лойиҳа учун ажратилаётган суғориладиган ер майдонига тенг миқдорда янги ерлар ўзлаштирилишини таъминласин.
5. Қурилиш вазирлиги Лойиҳа амалга ошириладиган ҳудуддаги объектларда қурилиш-монтаж ишлари шаҳарсозлик нормалари ва қоидаларига риоя этилган ҳолда бажарилиши устидан белгиланган тартибда назорат ўрнатсин.
6. Мазкур қарорнинг ижросини назорат қилиш Ўзбекистон Республикасининг Бош вазири А.Н. Арипов зиммасига юклансин.
Ўзбекистон Республикаси Президенти Ш. МИРЗИЁЕВ
Тошкент ш.,
2021 йил 2 апрель,
ПҚ-5049-сон
Oʻzbekiston Respublikasi Prezidentining
qarori
Andijon viloyati Asaka tumanini obodonlashtirish va arxitektura qiyofasini yanada yaxshilash chora-tadbirlari toʻgʻrisida
Andijon viloyati Asaka tumanining arxitektura qiyofasini yanada yaxshilash, shuningdek, Oʻzbekiston Respublikasi Prezidentining 2020-yil 28-dekabrdagi PQ-4937-son qarori bilan tasdiqlangan 2021-yilda investitsiya loyihalari doirasida investitsiya va kreditlarni oʻzlashtirish boʻyicha yigʻma manzilli dasturga muvofiq “Asaka city” turar joy majmuasini qurish” loyihasini amalga oshirish uchun zarur shart-sharoitlarni yaratish maqsadida:
1. Quyidagilar:
Andijon viloyati Asaka tumani “Chek” mahalla fuqarolar yigʻini hududida “Asaka city” zamonaviy koʻp funksiyali majmuani (keyingi oʻrinlarda — “Asaka city” majmuasi) barpo etish uchun 53,3 gektar yer maydoni tanlanganligi;
“Avtosanoat-Injiniring” MCHJ “Asaka city” majmuasi loyihasining (keyingi oʻrinlarda — Loyiha) bosh rejasini (batafsil rejalashtirish loyihasini) ishlab chiqish boʻyicha buyurtmachi etib, “Tashgiprogor” AJ esa tanlov asosida bosh loyiha tashkiloti etib belgilanganligi;
2020-yil 31-dekabrga qadar Loyihani amalga oshirish bilan bogʻliq xarajatlar (loyiha-smeta hujjatlarini ishlab chiqish, qurilish-montaj ishlariga ruxsat olish, tayyorgarlik ishlari hamda Loyihani amalga oshirish boʻyicha boshqa xarajatlar) “Avtosanoat-Injiniring” MCHJ tomonidan oʻz mablagʻlari hisobidan amalga oshirilganligi;
“Avtosanoat-Injiniring” MCHJ tomonidan avtomobilsozlik sanoati xodimlarini arzon turar joylar bilan taʼminlash maqsadida “Asaka city” majmuasida bir qator namunaviy koʻp kvartirali uylarni qurish ishlari boshlaganligi;
2021-yildan boshlab “Asaka city” majmuasida obyektlarni qurish investorlarning mablagʻlari, shu jumladan kreditlar, homiylik xayriyalari va qonunchilik hujjatlarida taqiqlanmagan boshqa manbalar hisobidan amalga oshirilishi maʼlumot uchun qabul qilinsin.
2. Andijon viloyati hokimligi va “Oʻzavtosanoat” AJning Andijon viloyati, Asaka tumani, “Chek” mahalla fuqarolar yigʻini hududidagi tuman hokimligi zaxirasida boʻlgan, qishloq xoʻjaligida foydalanish uchun yaroqsiz ahvolga kelib qolgan 53,3 gektar sugʻoriladigan toshloq va unumdorligi past boʻlgan yer maydonida Loyihani amalga oshirish toʻgʻrisidagi taklifiga rozilik berilsin.
Andijon viloyati hokimligi Davlat soliq qoʻmitasi huzuridagi Kadastr agentligi bilan birgalikda bir oy muddatda Loyihani amalga oshirish uchun ushbu bandning birinchi xatboshisida nazarda tutilgan yer maydoni “Avtosanoat-Injiniring” MCHJga ajratilishini taʼminlasin.
3. Belgilansinki, Loyihani amalga oshirish doirasida:
“Avtosanoat-Injiniring” MCHJ tanlangan hududda “Business city” zamonaviy ishbilarmonlik markazlari qurilishi boʻyicha loyihalarni amalga oshirish doirasida direksiyalar uchun qonunchilikda nazarda tutilgan obyektlarni qurish va ulardan foydalanish direksiyasi funksiyalari va vazifalarini, xususan buyurtmachi funksiyalarini bajarish, qurilishni muvofiqlashtirish va nazorat qilish hamda obyektlardan foydalanishni amalga oshiradi;
investorlar “Oʻzavtosanoat” AJ va “Avtosanoat-Injiniring” MCHJ vakillari ishtirokida Andijon viloyati hokimligi qoshidagi “Business city” zamonaviy ishbilarmonlik markazlari hududida loyihalar tashabbuskorlarini tanlab olish va joylashtirish boʻyicha tanlov komissiyasi tomonidan oʻtkaziladigan eng yaxshi investitsiya takliflarining tanlovi yakunlari boʻyicha jalb qilinadi;
Loyihani amalga oshirishda ishtirok etuvchi — direksiya funksiyalarini bajaruvchi yuridik shaxs, investorlar, bosh pudrat tashkilotlari hamda tashkilotlar-norezidentlarga nisbatan “Business city” zamonaviy ishbilarmonlik markazlari qurilishi boʻyicha loyihalarni amalga oshirish doirasida qonunchilik hujjatlarida belgilangan soliq va bojxona imtiyozlari tatbiq etiladi;
Loyihani amalga oshirish uchun sugʻoriladigan yer maydoni ajratilishi bilan bogʻliq qishloq xoʻjaligi va oʻrmon xoʻjaligi ishlab chiqarishi nobudgarchiliklari oʻrnini qoplash boʻyicha toʻlanadigan kompensatsiya toʻlovlari, istisno tariqasida, undirilmaydi.
4. Andijon viloyati hokimligi:
a) Moliya vazirligi, Energetika vazirligi, Uy-joy kommunal xizmat koʻrsatish vazirligi, Transport vazirligi huzuridagi Avtomobil yoʻllari qoʻmitasi va “Oʻzbektelekom” AK bilan birgalikda:
bir oy muddatda Loyihani amalga oshirishda muhandislik-kommunikatsiya va ishlab chiqarish infratuzilma obyektlarini tashkil etish boʻyicha tarmoq jadvallari ishlab chiqilishini va tasdiqlanishini;
Loyiha obyektlarining joylashuviga muvofiq, Andijon viloyatining mahalliy budjeti, shuningdek, xizmatlarni yetkazib beruvchilar mablagʻlari hisobidan Loyihaning boʻlinish chegarasiga qadar zarur muhandislik-kommunikatsiya va ishlab chiqarish infratuzilma obyektlarini qurish va modernizatsiya qilish ishlari bajarilishini;
b) sugʻoriladigan yer maydonlari qisqarib ketishining oldini olish maqsadida Loyiha uchun ajratilayotgan sugʻoriladigan yer maydoniga teng miqdorda yangi yerlar oʻzlashtirilishini taʼminlasin.
5. Qurilish vazirligi Loyiha amalga oshiriladigan hududdagi obyektlarda qurilish-montaj ishlari shaharsozlik normalari va qoidalariga rioya etilgan holda bajarilishi ustidan belgilangan tartibda nazorat oʻrnatsin.
6. Mazkur qarorning ijrosini nazorat qilish Oʻzbekiston Respublikasining Bosh vaziri A.N. Aripov zimmasiga yuklansin.
Oʻzbekiston Respublikasi Prezidenti Sh. MIRZIYOYEV
Toshkent sh.,
2021-yil 2-aprel,
PQ-5049-son
Президента Республики Узбекистан
Постановление
О мерах по благоустройству и дальнейшему улучшению архитектурного облика Асакинского района Андижанской области
В целях дальнейшего улучшения архитектурного облика Асакинского района Андижанской области, а также создания необходимых условий для реализации проекта «Строительство жилищного комплекса «Asaka сity» в соответствии со сводной адресной программой освоения инвестиций и кредитов в рамках инвестиционных проектов в 2021 году, утвержденной постановлением Президента Республики Узбекистан от 28 декабря 2020 года № ПП-4937:
1. Принять к сведению, что:
на территории схода граждан махалли «Чек» Асакинского района Андижанской области отобран земельный участок площадью 53,3 гектара для строительства современного многофункционального комплекса «Asaka сity» (далее — комплекс «Asaka сity»);
ООО «Avtosanoat-Injiniring» определено заказчиком по разработке генерального плана (проекта детальной планировки) проекта комплекса «Asaka сity» (далее — Проект), а АО «Tashgiprogor» на конкурсной основе определено генеральной проектной организацией;
расходы, связанные с реализацией Проекта (с разработкой проектно-сметной документации, получением разрешения на осуществление строительно-монтажных работ, подготовительными работами и другие расходы по реализации Проекта) до 31 декабря 2020 года, осуществлены за счет собственных средств ООО «Avtosanoat-Injiniring»;
ООО «Avtosanoat-Injiniring» в целях обеспечения работников автомобилестроительной промышленности доступным жильем самостоятельно приступило к строительству ряда типовых многоквартирных домов в комплексе «Asaka сity»;
начиная с 2021 года строительство объектов в комплексе «Asaka сity» осуществляется за счет средств инвесторов, в том числе кредитов, благотворительных пожертвований и иных источников, не запрещенных законодательством.
2. Согласиться с предложением хокимията Андижанской области и АО «Узавтосаноат» о реализации Проекта на орошаемом, каменистом и низкоплодородном земельном участке площадью 53,3 гектара, находящемся в резерве хокимията района на территории схода граждан махалли «Чек» Асакинского района Андижанской области и пришедшем в состояние, не пригодное для дальнейшего использования в сельскохозяйственных целях.
Хокимияту Андижанской области совместно с Агентством по кадастру при Государственном налоговом комитете в месячный срок обеспечить для реализации Проекта отвод ООО «Avtosanoat-Injiniring» земельного участка, предусмотренного абзацем первым настоящего пункта.
3. Установить, что в рамках реализации Проекта:
ООО «Avtosanoat-Injiniring» осуществляет функции и задачи дирекции по строительству и эксплуатации объектов, предусмотренные законодательством для дирекций при реализации проектов по строительству современных деловых центров «Business city», в частности по выполнению функций заказчика, координации и контролю за строительством, и эксплуатации объектов на отобранной территории;
инвесторы привлекаются по итогам отбора наилучших инвестиционных предложений, проводимого конкурсной комиссией по отбору и размещению инициаторов проектов на территории современных деловых центров «Business city», образуемой при хокимияте Андижанской области с участием представителей АО «Узавтосаноат» и ООО «Avtosanoat-Injiniring»;
в рамках реализации Проекта на юридические лица, осуществляющие функции дирекции, инвесторов, генеральные подрядные организации — участников реализации Проекта, а также на организации-нерезидентов распространяются налоговые и таможенные льготы, предусмотренные законодательством при реализации проектов по строительству современных деловых центров «Business city»;
компенсации, выплачиваемые за возмещение потерь сельскохозяйственного и лесохозяйственного производства, связанные с отводом орошаемых земельных участков для реализации Проекта, в порядке исключения, не взимаются.
4. Хокимияту Андижанской области обеспечить:
а) совместно с Министерством финансов, Министерством энергетики, Министерством жилищно-коммунального обслуживания, Комитетом по автомобильным дорогам при Министерстве транспорта и АК «Узбектелеком»:
в месячный срок — разработку и утверждение сетевых графиков по созданию объектов инженерно-коммуникационной и производственной инфраструктуры в рамках реализации Проекта;
в соответствии с расположением объектов Проекта выполнение работ по строительству и модернизации необходимых объектов инженерно-коммуникационной и производственной инфраструктуры до границ разделения Проекта за счет средств местного бюджета Андижанской области и поставщиков услуг;
б) в целях предупреждения сокращения орошаемых земельных участков освоение новых земель в размере, равном выделяемому в рамках Проекта орошаемому земельному участку.
5. Министерству строительства в установленном порядке установить контроль за выполнением строительно-монтажных работ на объектах на территории реализации Проекта с соблюдением градостроительных норм и правил.
6. Контроль за исполнением настоящего постановления возложить на Премьер-министра Республики Узбекистан А.Н. Арипова.
Президент Республики Узбекистан Ш. МИРЗИЁЕВ
г. Ташкент,
2 апреля 2021 г.,
№ ПП-5049