📅 2021-yil 5-aprel · Vazirlar Mahkamasi qarorlari
Rasmiy matn. Rasmiy hujjat. Tahririy izohlar kiritilmagan.
UzbekAI
📅 2021 йил 5 апрель · Вазирлар Маҳкамаси қарорлари
Расмий матн. Расмий ҳужжат. Таҳририй изоҳлар киритилмаган.
📅 5 апреля 2021 г. · Постановления Кабинета Министров
Официальный текст. Официальный документ. Редакционные примечания не включены.
📅 5 April 2021 · Cabinet of Ministers resolutions
Official text. Official document. Editorial notes are not included.
Ўзбекистон Республикаси Вазирлар Маҳкамасининг
қарори
Қашқадарё вилоятининг Деҳқонобод туманини ижтимоий-иқтисодий ривожлантириш бўйича қўшимча чора-тадбирлар тўғрисида
Қашқадарё вилоятининг Деҳқонобод туманини ижтимоий-иқтисодий ривожлантириш, шу жумладан, писта ва каврак етиштириш бўйича мавжуд имкониятлардан самарали фойдаланиш, тадбиркорликни ривожлантириш учун шарт-шароитлар яратиш, шунингдек, аҳоли бандлигини таъминлаш мақсадида Вазирлар Маҳкамаси қарор қилади:
1. Ўзбекистон Республикаси Давлат солиқ қўмитаси, Иқтисодий тараққиёт ва камбағалликни қисқартириш вазирлиги ҳамда Қашқадарё вилояти ҳокимлигининг Деҳқонобод туманини ривожлантириш бўйича қуйидаги таклифлари маъқуллансин:
туманда писта ва каврак плантацияларини (кейинги ўринларда — плантация) ташкил этиш;
туманда масъулияти чекланган жамият шаклида «Тадбиркорликни ривожлантириш офиси»ни (кейинги ўринларда — Лойиҳа офиси) ташкил этиш.
2. Қуйидагилар Лойиҳа офисининг асосий вазифалари этиб белгилансин:
тумандаги устувор лойиҳаларнинг амалга оширилишини таъминлаш, шу жумладан, ташкилий ва ҳуқуқий масалаларни ҳал қилишда кўмаклашиш;
бизнес-режаларни ишлаб чиқиш, маркетинг тадқиқотларини ўтказиш, молиявий маблағларни жалб қилиш, маҳсулотларни ички ва ташқи бозорларда сотишда кўмаклашиш;
экспертлар ва илмий-тадқиқот муассасаларининг ходимларини плантацияларни ташкил этишга жалб қилиш, шунингдек, халқаро молия институтлари ҳамда бошқа хорижий донорларнинг техник кўмаги ва грант маблағларини жалб қилиш ҳамда улардан фойдаланиш.
3. Белгилансинки:
Лойиҳа офисининг фаолиятидан ва лойиҳа ташаббускорларига хизмат кўрсатишдан олинадиган даромадлар ва қонунчилик ҳужжатларида тақиқланмаган бошқа манбалари унинг фаолиятини молиялаштириш манбалари ҳисобланади;
Ўзбекистон Республикаси Давлат солиқ қўмитаси Лойиҳа офисининг фаолияти ташкил этилишини таъминлайди, шунингдек, келгусида салоҳиятли инвесторни аниқлайди, унга Лойиҳа офисининг устав фондидаги улушини қонунчилик ҳужжатларида белгиланган тартибда сотиш шарти билан давлат-хусусий шериклик битимини тузади;
Лойиҳа офисининг раҳбари ва бошқарув ходимлари қонунчиликда белгиланган тартибда лавозимга тайинланади ва лавозимдан озод қилинади;
Лойиҳа офиси ходимлари меҳнатига ҳақ тўлаш улар билан тузиладиган меҳнат шартномаси асосида амалга оширилади.
4. Ўзбекистон Республикаси Давлат солиқ қўмитаси:
Лойиҳа офисининг устав фондини шакллантириш учун ўз тизимидаги ташкилотларнинг 2020 йилги соф фойдаси ҳисобидан 4,0 млрд сўм миқдорида маблағ ажратсин;
Лойиҳа офисини Деҳқонобод тумани давлат солиқ инспекциясининг Қорашина шаҳарчаси, Бобур кўчаси 3-уй манзилида жойлашган биносига текин фойдаланиш ҳуқуқи асосида жойлаштирсин.
5. Қашқадарё вилояти ҳокимлиги, Ўзбекистон Республикаси Бандлик ва меҳнат муносабатлари вазирлиги ҳамда Давлат солиқ қўмитасининг:
мазкур қарорга 1-илова билан тасдиқланган 24 та лотлар (лойиҳалар) асосида плантацияларни ташкил этиш учун Ўзбекистон Республикаси Бандлик ва меҳнат муносабатлари вазирлиги ҳузуридаги Бандликка кўмаклашиш давлат жамғармаси маблағлари ҳисобидан писта кўчатларини сотиб олиш харажатларининг бир қисмини қоплаб бериш мақсадида ҳар бир гектар ер учун 3,0 миллион сўмдан кўп бўлмаган миқдорда субсидия бериш;
плантацияларни ташкил этиш харажатларининг камида 50 фоизини ташаббускорларнинг ўз маблағлари, шунингдек, кредит ва субсидиялар ҳисобидан биргаликда молиялаштириш тамойили асосида амалга ошириш тўғрисидаги таклифлари маъқуллансин.
Бунда лойиҳа ташаббускорларининг ўз маблағлари панжара ёки евро сетка ўрнатиш, каврак уруғини сотиб олиш ва лойиҳани ташкил этиш билан боғлиқ бошқа харажатларга, кредитлар — сув тармоқларини қуриш ва ўтказиш ҳамда артезиан қудуқларни бурғилашга, субсидиялар — писта кўчатларини сотиб олишга йўналтирилади.
6. Шундай тартиб ўрнатилсинки, унга мувофиқ:
танлов ўтказиш тўғрисидаги эълонлар уни ўтказиш санасидан камида 30 кун олдин оммавий ахборот воситаларида, ижтимоий тармоқларда, бошқа очиқ манбаларда, шунингдек, Деҳқонобод туманидаги ташқи реклама объектларида Лойиҳа офиси маблағлари ҳисобидан жойлаштирилади;
субсидиялар Лойиҳа офиси ва Деҳқонобод тумани ҳокимлигининг ташаббускорлар маблағи ҳисобидан панжарани ёки евро сеткани ўрнатиш якунланганлиги тўғрисидаги қўшма хулосаси асосида ажратилади;
7. Қашқадарё вилоятининг Деҳқонобод тумани ҳокимлиги:
Лойиҳа офиси билан келишган ҳолда плантацияларни ташкил этиш бўйича тармоқ жадвалини тасдиқласин ва унда ташаббускорлар томонидан писта кўчатлари экилгунга қадар панжара ёки евро сетка ўрнатилиши, шунингдек, 2022 йил апрелгача писта кўчатларини экиш ва каврак уруғини сепишни назарда тутсин.
8. «Ўзбекистон Республикаси Ташқи иқтисодий фаолият миллий банки» АЖга (кейинги ўринларда — «Ўзмиллийбанк» АЖ) лойиҳа ташаббускорларига 10 йил муддатга 5 йиллик имтиёзли давр билан кредитлар ажратиш тавсия этилсин.
Бунда плантациялар ташкил этиш лойиҳалари ташаббускорларига «Ўзмиллийбанк» АЖ томонидан миллий валютада 10 миллиард сўмдан ортиқ бўлмаган миқдорда ажратиладиган кредитларнинг Марказий банк қайта молиялаштириш ставкасининг 1,5 бараваридан ошмайдиган фоизли ставка билан қайта молиялаштириш ставкасидан ортиқ бўлган, бироқ 5 фоизли пунктдан кўп бўлмаган қисми бўйича компенсация кредитнинг биринчи 5 йилига берилади.
9. Ўзбекистон Республикаси Ўрмон хўжалиги давлат қўмитаси Қишлоқ хўжалиги вазирлиги ва Қашқадарё вилояти ҳокимлиги билан биргаликда 2021 йил 1 ноябрга қадар соҳадаги илмий-тадқиқот институтлари ва кўчатчилик хўжаликларида етиштирилаётган юқори сифатли писта кўчатларини лойиҳа ташаббускорларига белгиланган тартибда етказиб бериш чораларини кўрсин.
10. Ўзбекистон Республикаси Ўрмон хўжалиги давлат қўмитаси Экология ва атроф муҳитни муҳофаза қилиш давлат қўмитаси билан биргаликда Деҳқонобод туманида плантациялар ташкил этиш мақсадида:
2021 йил 1 июнга қадар аниқ ҳисоб-китоблар асосида каврак уруғини йиғиб олиш учун квота ажратсин;
2021 йил 1 сентябрга қадар лойиҳа ташаббускорларига етказиб бериш учун мазкур квота асосида каврак уруғларининг етарли захирасини яратсин;
2021-2022 йилларда тадбиркорлик субъектларини жалб қилган ҳолда, ўрмон фонди ерларида 1 000 гектардан кам бўлмаган ер майдонларини белгиланган тартибда узоқ муддатли ижара шартномаси асосида ажратсин.
11. Ўзбекистон Республикаси Ахборот технологиялари ва коммуникацияларини ривожлантириш вазирлиги икки ой муддатда Қашқадарё вилоятининг Деҳқонобод туманидаги барча ижтимоий соҳа объектлари ва давлат органларининг ҳудудий бўлинмаларини юқори тезликдаги Интернет жаҳон ахборот тармоғи билан таъминлаш чораларини кўрсин.
13. Вазирликлар ва идоралар ўзлари қабул қилган норматив-ҳуқуқий ҳужжатларни бир ой муддатда ушбу қарорга мувофиқлаштирсин.
14. Мазкур қарорнинг бажарилишини назорат қилиш Ўзбекистон Республикаси Бош вазирининг молия-иқтисодиёт ва камбағалликни қисқартириш масалалари бўйича ўринбосари — иқтисодий тараққиёт ва камбағалликни қисқартириш вазири Ж.А. Қўчқоров ҳамда Ўзбекистон Республикаси Давлат солиқ қўмитаси раиси Ш.Д. Кудбиев зиммасига юклансин.
Вазирлар Маҳкамасининг 2021 йил 5 апрелдаги 182-сон қарорига 1-ИЛОВА
Писта ва каврак плантацияларини ташкил этиш учун ажратилган лотлар *
Лот рақами Майдони (га) Ер тоифаси Манзили (МФЙ) Лот қиймати (млн сўм) Жумладан: лойиҳа ташаббускорининг ўз маблағлари (млн сўм) имтиёзли кредит ресурслари (млн сўм) субсидия (млн сўм) 1. 41,8 лалми М. Ибрагимов 996,2 675,7 195,1 125,4 2. 36,0 лалми М. Ибрагимов 963,5 663,7 191,6 108,1 3. 47,6 лалми М. Ибрагимов 1 109,3 767,7 198,6 143,0 4. 84,2 лалми М. Ибрагимов 1 550,6 1 077,4 220,5 252,6 5. 73,0 лалми М. Ибрагимов 1 338,8 905,7 213,9 219,3 6. 61,2 лалми Деҳқонобод 1 192,8 802,5 206,7 183,6 7. 66,2 лалми Деҳқонобод 1 247,2 838,8 209,7 198,6 8. 86,5 лалми У. Юсупов 1 503,4 1 021,5 222,0 259,9 9. 79,6 лалми У. Юсупов 1 450,9 994,3 217,8 238,8 10. 64,8 лалми У. Юсупов 1 287,6 884,3 208,9 194,4 11. 39,2 лалми Деҳқонобод 971,2 659,8 193,6 117,8 12. 29,4 лалми Белибойли 886,6 610,5 187,7 88,4 13. 18,3 лалми Белибойли 767,6 531,6 181,0 55,0 14. 66,9 лалми Деҳқонобод 1 268,9 857,8 210,2 200,9 15. 37,2 лалми Бошчорвоғ 948,4 644,5 192,3 111,6 16. 19,0 лалми Бошчорвоғ 759,8 521,1 181,5 57,3 17. 229,5 лалми Х. Бегимкулов 3 232,9 2 236,5 307,7 688,7 18. 195,1 лалми Х. Бегимкулов 3 121,5 2 249,1 287,1 585,4 19. 64,4 лалми Деҳқонобод 1 222,4 820,4 208,7 193,3 20. 49,9 лалми Деҳқонобод 1 057,7 707,7 200,0 149,9 21. 70,8 лалми Қўнғирот 1 378,5 953,3 212,5 212,6 22. 28,8 лалми Деҳқонобод 872,6 598,6 187,3 86,6 23. 50,7 лалми Оқработ 1 121,1 768,5 200,4 152,1 24. 49,0 лалми Белибойли 1 150,8 804,6 199,4 146,9 Жами ** 1 589,1 – – 31 401,0 21 596,2 5 034,1 4 770,7
Ўзбекистон Республикасининг Бош вазири А. АРИПОВ
Тошкент ш.,
2021 йил 5 апрель,
182-сон
Oʻzbekiston Respublikasi Vazirlar Mahkamasining
qarori
Qashqadaryo viloyatining Dehqonobod tumanini ijtimoiy-iqtisodiy rivojlantirish boʻyicha qoʻshimcha chora-tadbirlar toʻgʻrisida
Qashqadaryo viloyatining Dehqonobod tumanini ijtimoiy-iqtisodiy rivojlantirish, shu jumladan, pista va kavrak yetishtirish boʻyicha mavjud imkoniyatlardan samarali foydalanish, tadbirkorlikni rivojlantirish uchun shart-sharoitlar yaratish, shuningdek, aholi bandligini taʼminlash maqsadida Vazirlar Mahkamasi qaror qiladi:
1. Oʻzbekiston Respublikasi Davlat soliq qoʻmitasi, Iqtisodiy taraqqiyot va kambagʻallikni qisqartirish vazirligi hamda Qashqadaryo viloyati hokimligining Dehqonobod tumanini rivojlantirish boʻyicha quyidagi takliflari maʼqullansin:
tumanda pista va kavrak plantatsiyalarini (keyingi oʻrinlarda — plantatsiya) tashkil etish;
tumanda masʼuliyati cheklangan jamiyat shaklida “Tadbirkorlikni rivojlantirish ofisi”ni (keyingi oʻrinlarda — Loyiha ofisi) tashkil etish.
2. Quyidagilar Loyiha ofisining asosiy vazifalari etib belgilansin:
tumandagi ustuvor loyihalarning amalga oshirilishini taʼminlash, shu jumladan, tashkiliy va huquqiy masalalarni hal qilishda koʻmaklashish;
biznes-rejalarni ishlab chiqish, marketing tadqiqotlarini oʻtkazish, moliyaviy mablagʻlarni jalb qilish, mahsulotlarni ichki va tashqi bozorlarda sotishda koʻmaklashish;
ekspertlar va ilmiy-tadqiqot muassasalarining xodimlarini plantatsiyalarni tashkil etishga jalb qilish, shuningdek, xalqaro moliya institutlari hamda boshqa xorijiy donorlarning texnik koʻmagi va grant mablagʻlarini jalb qilish hamda ulardan foydalanish.
3. Belgilansinki:
Loyiha ofisining faoliyatidan va loyiha tashabbuskorlariga xizmat koʻrsatishdan olinadigan daromadlar va qonunchilik hujjatlarida taqiqlanmagan boshqa manbalari uning faoliyatini moliyalashtirish manbalari hisoblanadi;
Oʻzbekiston Respublikasi Davlat soliq qoʻmitasi Loyiha ofisining faoliyati tashkil etilishini taʼminlaydi, shuningdek, kelgusida salohiyatli investorni aniqlaydi, unga Loyiha ofisining ustav fondidagi ulushini qonunchilik hujjatlarida belgilangan tartibda sotish sharti bilan davlat-xususiy sheriklik bitimini tuzadi;
Loyiha ofisining rahbari va boshqaruv xodimlari qonunchilikda belgilangan tartibda lavozimga tayinlanadi va lavozimdan ozod qilinadi;
Loyiha ofisi xodimlari mehnatiga haq toʻlash ular bilan tuziladigan mehnat shartnomasi asosida amalga oshiriladi.
4. Oʻzbekiston Respublikasi Davlat soliq qoʻmitasi:
Loyiha ofisining ustav fondini shakllantirish uchun oʻz tizimidagi tashkilotlarning 2020-yilgi sof foydasi hisobidan 4,0 mlrd soʻm miqdorida mablagʻ ajratsin;
Loyiha ofisini Dehqonobod tumani davlat soliq inspeksiyasining Qorashina shaharchasi, Bobur koʻchasi 3-uy manzilida joylashgan binosiga tekin foydalanish huquqi asosida joylashtirsin.
5. Qashqadaryo viloyati hokimligi, Oʻzbekiston Respublikasi Bandlik va mehnat munosabatlari vazirligi hamda Davlat soliq qoʻmitasining:
mazkur qarorga 1-ilova bilan tasdiqlangan 24 ta lotlar (loyihalar) asosida plantatsiyalarni tashkil etish uchun Oʻzbekiston Respublikasi Bandlik va mehnat munosabatlari vazirligi huzuridagi Bandlikka koʻmaklashish davlat jamgʻarmasi mablagʻlari hisobidan pista koʻchatlarini sotib olish xarajatlarining bir qismini qoplab berish maqsadida har bir gektar yer uchun 3,0 million soʻmdan koʻp boʻlmagan miqdorda subsidiya berish;
plantatsiyalarni tashkil etish xarajatlarining kamida 50 foizini tashabbuskorlarning oʻz mablagʻlari, shuningdek, kredit va subsidiyalar hisobidan birgalikda moliyalashtirish tamoyili asosida amalga oshirish toʻgʻrisidagi takliflari maʼqullansin.
Bunda loyiha tashabbuskorlarining oʻz mablagʻlari panjara yoki yevro setka oʻrnatish, kavrak urugʻini sotib olish va loyihani tashkil etish bilan bogʻliq boshqa xarajatlarga, kreditlar — suv tarmoqlarini qurish va oʻtkazish hamda artezian quduqlarni burgʻilashga, subsidiyalar — pista koʻchatlarini sotib olishga yoʻnaltiriladi.
6. Shunday tartib oʻrnatilsinki, unga muvofiq:
tanlov oʻtkazish toʻgʻrisidagi eʼlonlar uni oʻtkazish sanasidan kamida 30 kun oldin ommaviy axborot vositalarida, ijtimoiy tarmoqlarda, boshqa ochiq manbalarda, shuningdek, Dehqonobod tumanidagi tashqi reklama obyektlarida Loyiha ofisi mablagʻlari hisobidan joylashtiriladi;
subsidiyalar Loyiha ofisi va Dehqonobod tumani hokimligining tashabbuskorlar mablagʻi hisobidan panjarani yoki yevro setkani oʻrnatish yakunlanganligi toʻgʻrisidagi qoʻshma xulosasi asosida ajratiladi;
7. Qashqadaryo viloyatining Dehqonobod tumani hokimligi:
Loyiha ofisi bilan kelishgan holda plantatsiyalarni tashkil etish boʻyicha tarmoq jadvalini tasdiqlasin va unda tashabbuskorlar tomonidan pista koʻchatlari ekilgunga qadar panjara yoki yevro setka oʻrnatilishi, shuningdek, 2022-yil aprelgacha pista koʻchatlarini ekish va kavrak urugʻini sepishni nazarda tutsin.
8. “Oʻzbekiston Respublikasi Tashqi iqtisodiy faoliyat milliy banki” AJga (keyingi oʻrinlarda — “Oʻzmilliybank” AJ) loyiha tashabbuskorlariga 10 yil muddatga 5 yillik imtiyozli davr bilan kreditlar ajratish tavsiya etilsin.
Bunda plantatsiyalar tashkil etish loyihalari tashabbuskorlariga “Oʻzmilliybank” AJ tomonidan milliy valyutada 10 milliard soʻmdan ortiq boʻlmagan miqdorda ajratiladigan kreditlarning Markaziy bank qayta moliyalashtirish stavkasining 1,5 baravaridan oshmaydigan foizli stavka bilan qayta moliyalashtirish stavkasidan ortiq boʻlgan, biroq 5 foizli punktdan koʻp boʻlmagan qismi boʻyicha kompensatsiya kreditning birinchi 5 yiliga beriladi.
9. Oʻzbekiston Respublikasi Oʻrmon xoʻjaligi davlat qoʻmitasi Qishloq xoʻjaligi vazirligi va Qashqadaryo viloyati hokimligi bilan birgalikda 2021-yil 1-noyabrga qadar sohadagi ilmiy-tadqiqot institutlari va koʻchatchilik xoʻjaliklarida yetishtirilayotgan yuqori sifatli pista koʻchatlarini loyiha tashabbuskorlariga belgilangan tartibda yetkazib berish choralarini koʻrsin.
10. Oʻzbekiston Respublikasi Oʻrmon xoʻjaligi davlat qoʻmitasi Ekologiya va atrof muhitni muhofaza qilish davlat qoʻmitasi bilan birgalikda Dehqonobod tumanida plantatsiyalar tashkil etish maqsadida:
2021-yil 1-iyunga qadar aniq hisob-kitoblar asosida kavrak urugʻini yigʻib olish uchun kvota ajratsin;
2021-yil 1-sentabrga qadar loyiha tashabbuskorlariga yetkazib berish uchun mazkur kvota asosida kavrak urugʻlarining yetarli zaxirasini yaratsin;
2021-2022-yillarda tadbirkorlik subyektlarini jalb qilgan holda, oʻrmon fondi yerlarida 1 000 gektardan kam boʻlmagan yer maydonlarini belgilangan tartibda uzoq muddatli ijara shartnomasi asosida ajratsin.
11. Oʻzbekiston Respublikasi Axborot texnologiyalari va kommunikatsiyalarini rivojlantirish vazirligi ikki oy muddatda Qashqadaryo viloyatining Dehqonobod tumanidagi barcha ijtimoiy soha obyektlari va davlat organlarining hududiy boʻlinmalarini yuqori tezlikdagi Internet jahon axborot tarmogʻi bilan taʼminlash choralarini koʻrsin.
13. Vazirliklar va idoralar oʻzlari qabul qilgan normativ-huquqiy hujjatlarni bir oy muddatda ushbu qarorga muvofiqlashtirsin.
14. Mazkur qarorning bajarilishini nazorat qilish Oʻzbekiston Respublikasi Bosh vazirining moliya-iqtisodiyot va kambagʻallikni qisqartirish masalalari boʻyicha oʻrinbosari — iqtisodiy taraqqiyot va kambagʻallikni qisqartirish vaziri J.A. Qoʻchqorov hamda Oʻzbekiston Respublikasi Davlat soliq qoʻmitasi raisi Sh.D. Kudbiyev zimmasiga yuklansin.
Vazirlar Mahkamasining 2021-yil 5-apreldagi 182-son qaroriga 1-ILOVA
Pista va kavrak plantatsiyalarini tashkil etish uchun ajratilgan lotlar *
Lot raqami Maydoni (ga) Yer toifasi Manzili (MFY) Lot qiymati (mln soʻm) Jumladan: loyiha tashabbuskorining oʻz mablagʻlari (mln soʻm) imtiyozli kredit resurslari (mln soʻm) subsidiya (mln soʻm) 1. 41,8 lalmi M. Ibragimov 996,2 675,7 195,1 125,4 2. 36,0 lalmi M. Ibragimov 963,5 663,7 191,6 108,1 3. 47,6 lalmi M. Ibragimov 1 109,3 767,7 198,6 143,0 4. 84,2 lalmi M. Ibragimov 1 550,6 1 077,4 220,5 252,6 5. 73,0 lalmi M. Ibragimov 1 338,8 905,7 213,9 219,3 6. 61,2 lalmi Dehqonobod 1 192,8 802,5 206,7 183,6 7. 66,2 lalmi Dehqonobod 1 247,2 838,8 209,7 198,6 8. 86,5 lalmi U. Yusupov 1 503,4 1 021,5 222,0 259,9 9. 79,6 lalmi U. Yusupov 1 450,9 994,3 217,8 238,8 10. 64,8 lalmi U. Yusupov 1 287,6 884,3 208,9 194,4 11. 39,2 lalmi Dehqonobod 971,2 659,8 193,6 117,8 12. 29,4 lalmi Beliboyli 886,6 610,5 187,7 88,4 13. 18,3 lalmi Beliboyli 767,6 531,6 181,0 55,0 14. 66,9 lalmi Dehqonobod 1 268,9 857,8 210,2 200,9 15. 37,2 lalmi Boshchorvogʻ 948,4 644,5 192,3 111,6 16. 19,0 lalmi Boshchorvogʻ 759,8 521,1 181,5 57,3 17. 229,5 lalmi X. Begimkulov 3 232,9 2 236,5 307,7 688,7 18. 195,1 lalmi X. Begimkulov 3 121,5 2 249,1 287,1 585,4 19. 64,4 lalmi Dehqonobod 1 222,4 820,4 208,7 193,3 20. 49,9 lalmi Dehqonobod 1 057,7 707,7 200,0 149,9 21. 70,8 lalmi Qoʻngʻirot 1 378,5 953,3 212,5 212,6 22. 28,8 lalmi Dehqonobod 872,6 598,6 187,3 86,6 23. 50,7 lalmi Oqrabot 1 121,1 768,5 200,4 152,1 24. 49,0 lalmi Beliboyli 1 150,8 804,6 199,4 146,9 Jami ** 1 589,1 – – 31 401,0 21 596,2 5 034,1 4 770,7
Oʻzbekiston Respublikasining Bosh vaziri A. ARIPOV
Toshkent sh.,
2021-yil 5-aprel,
182-son