📅 2021-yil 6-aprel · Prezident farmonlari
Rasmiy matn. Rasmiy hujjat. Tahririy izohlar kiritilmagan.
UzbekAI
📅 2021 йил 6 апрель · Президент фармонлари
Расмий матн. Расмий ҳужжат. Таҳририй изоҳлар киритилмаган.
📅 6 апреля 2021 г. · Указы Президента
Официальный текст. Официальный документ. Редакционные примечания не включены.
📅 6 April 2021 · Presidential decrees
Official text. Official document. Editorial notes are not included.
Ўзбекистон Республикаси Президентининг
Фармони
ТАРКИБИ
«Зомин» туристик-рекреацион зонасини ва халқаро умуммавсумий курортни ташкил этиш чора-тадбирлари тўғрисида
Тоғли ҳудудларнинг мавжуд туристик салоҳиятидан самарали фойдаланиш, тадбиркорлик субъектлари учун қулай шарт-шароитларни яратиш, халқаро умуммавсумий курортлар, меҳмонхона мажмуалари, маданий-соғломлаштириш, савдо-кўнгилочар ва бошқа туризм инфратузилмаси объектларини барпо этиш, мавжуд ресурслардан самарали фойдаланиш ҳамда қўшимча иш ўринларини яратиш мақсадида:
1. Туризм ва спорт вазирлиги, Инвестициялар ва ташқи савдо вазирлиги ва Жиззах вилояти ҳокимлигининг:
«Зомин» туристик-рекреацион зонасини (кейинги ўринларда — Туристик зона);
«Зомин» туристик-рекреацион зонаси дирекцияси» давлат унитар корхонасини (кейинги ўринларда — Дирекция);
Туристик зона ҳудудида замонавий меҳмонхона мажмуалари, маданий-соғломлаштириш, савдо-кўнгилочар ва туристик аҳамиятдаги бошқа объектлар қуриш, шунингдек, замонавий муҳандислик инфратузилма объектларини;
Туристик зона ҳудудида «Суффа платоси. 2 400» халқаро умуммавсумий курорти ва «Ўриклисой» туризм мажмуасини ташкил этиш тўғрисидаги таклифларига розилик берилсин.
2. Белгилансинки, Туристик зона фаолият кўрсатиш муддати кейинчалик узайтириш имконияти билан 30 йилга ташкил қилинади.
3. «Зомин» туристик-рекреацион зонаси маъмурий кенгаши таркиби иловага мувофиқ тасдиқлансин.
4. Туризм ва спорт вазирлиги Қурилиш вазирлиги, Жиззах вилояти ҳокимлиги, манфаатдор вазирлик ва идоралар билан биргаликда 2021 йил 31 декабрга қадар хорижий лойиҳа институтларини, шунингдек, маслаҳатчиларни жалб қилган ҳолда Туристик зонанинг бош режаси ва батафсил режалаштириш лойиҳаларини қуйидагиларни назарда тутган ҳолда ишлаб чиқсин ва белгиланган тартибда тасдиқланишини таъминласин:
ҳудуддаги электр тармоқларини ер остидан ўтказиш;
Туристик зона ҳамда уни бошқа ҳудудлар билан боғловчи йўлларда махсус пиёдалар ва велосипед йўлаклари мавжуд бўлиши;
ҳудуддаги электромобиллар ва бошқа турдаги транспорт воситалари (қувват олувчи гибрид транспорт воситалари) учун электр қувватланиш станциялари нуқталарини белгилаш;
ҳудудда ўрнатилган тартибда аэронавигация воситалари ва кичик сиғимдаги ҳаво кемалари (вертолётлар) учун учиш-қўниш майдончаларини жойлаштиришни белгилаш;
спортнинг экстремал турлари, шу жумладан зиплайн, фотосуратлар олиш учун манзарали ва ноёб жойларда селфи зоналар каби объектларни жойлаштириш;
ҳудудда ўрнатиладиган йўл кўрсаткичлари ва намунавий санитария-гигиена шохобчаларини жойлаштириш ҳамда чиқиндиларни ташлаш нуқталарини белгилаш;
туристик кўчаларни, шу жумладан сувенир ва озиқ-овқат маҳсулотлари савдоси объектларини жойлаштириш.
5. Белгилаб қўйилсинки:
Туристик зонанинг бош режаси ва батафсил режалаштириш лойиҳаларини ишлаб чиқиш учун лойиҳалаштириш ва консалтинг компаниялари, маҳаллий ва хорижий экспертлар ҳамда бошқарувчи компаниялар хизматлари учун ҳақ тўлаш ҳамда Дирекция фаолиятини молиялаштириш Тоғли ва олис ҳудудларда туризм инфратузилмасини ривожлантириш жамғармаси (кейинги ўринларда — Жамғарма) маблағлари ҳисобидан амалга оширилади;
Туристик зонадаги туристик инфратузилмани яратиш имконияти бўлган ер участкалари кейинчалик самарали фойдаланиш ва (ёки) инвесторларга ижарага бериш учун Дирекцияга доимий фойдаланиш ҳуқуқи билан ажратилади;
Дирекцияга доимий фойдаланишга берилган ер участкаларини ижарага олиш ҳуқуқини реализация қилиш Дирекциянинг қарорига асосан электрон онлайн-аукцион орқали белгиланган тартибда амалга оширилади;
истисно тариқасида, Туристик зона ҳудудидаги ер участкаларининг ижара ҳуқуқини ва давлат мулки объектларини реализация қилишдан Давлат активларини бошқариш, трансформация ва хусусийлаштириш жамғармасига тушган маблағлар (савдога чиқариш ва сотиш билан боғлиқ харажатлардан ташқари) Жамғармага йўналтирилади.
Молия вазирлиги мазкур банднинг иккинчи хатбошисида белгиланган тадбирларни дастлабки молиялаштириш учун Ўзбекистон Республикаси Президентининг 2021 йил 9 февралдаги «Ўзбекистон Республикасида ички ва зиёрат туризмини янада ривожлантириш чора-тадбирлари тўғрисида»ги ПФ-6165-сон Фармонининг 9-бандида белгиланган маблағлар ҳисобидан 10 миллиард сўмни Жамғармага йўналтирсин.
6. Туризм ва спорт вазирлиги:
Инвестициялар ва ташқи савдо вазирлиги билан биргаликда дор йўлларини лойиҳалаштириш ва тоғ-чанғи кўтаргичлар қуриш учун нуфузли ташкилотларни, шу жумладан салоҳиятли хорижий ва маҳаллий инвесторларни жалб қилиш чораларини кўрсин;
2021 йил 1 майга қадар Туристик зона ҳудудида тадбиркорлик субъектлари ва аҳоли учун меҳмондўстлик ва хизмат кўрсатиш этикаси бўйича, шу жумладан масофавий ўқув семинарларини ташкил этиш чораларини кўрсин;
уч ой муддатда Туристик зонага хорижий ва маҳаллий инвесторларни жалб қилиш, ҳудудда кўрсатиладиган хизматларни диверсификация ва монетизация қилишга доир тарғибот дастурини ишлаб чиқсин ва Вазирлар Маҳкамасига киритсин.
7. Инвестициялар ва ташқи савдо вазирлиги Туризм ва спорт вазирлиги ва Жиззах вилояти ҳокимлиги билан биргаликда Туристик зона ҳудудидаги истиқболли ва устувор лойиҳалар рўйхатларини шакллантириш ҳамда дастлабки туризм, йўл-транспорт ва коммуникацияни ривожлантириш учун халқаро молия институтларининг имтиёзли кредитлари ва грант маблағларини жалб қилиш чораларини кўрсин.
8. 2024 йил 1 январга қадар қайта тикланувчи энергия манбаларини ташкил этиш учун тадбиркорлик субъектлари томонидан импорт қилинадиган асбоб-ускуналар, техника, хомашё, бутловчи буюмлар, эҳтиёт қисмлар ва бошқа материаллар божхона тўловларидан (қўшилган қиймат солиғи ва божхона расмийлаштируви учун йиғимлардан ташқари) озод этилсин.
9. Туризм ва спорт вазирлиги Ўрмон хўжалиги давлат қўмитаси, Жиззах вилояти ҳокимлиги ҳамда Экология ва атроф-муҳитни муҳофаза қилиш давлат қўмитаси билан биргаликда:
уч ой муддатда Зомин миллий табиат боғи, Зомин давлат ўрмон хўжалиги ҳамда Бахмал туманида жойлашган Бахмал давлат ўрмон хўжалиги ҳудудларида туризм инфратузилмасини барпо этиш юзасидан истиқболли лойиҳа таклифларини ишлаб чиқиб, Вазирлар Маҳкамасига киритсин;
2021 йил 1 сентябрга қадар ушбу ҳудудларда ташриф буюрувчилар учун, шу жумладан тадбиркорлик субъектларини жалб этган ҳолда енгил конструкцияли туризм ахборот марказларини ташкил этиш чораларини кўрсин.
10. Ахборот технологиялари ва коммуникацияларини ривожлантириш вазирлиги Ички ишлар вазирлиги, манфаатдор вазирлик ва идоралар билан биргаликда уч ой муддатда Туристик зона ҳудудида «Хавфсиз туризм» тизимини жорий этиш дастурини тасдиқласин.
11. Вазирлар Маҳкамаси бир ой муддатда «Зомин» туристик-рекреацион зонасини ташкил этиш чора-тадбирлари юзасидан Ҳукумат қарорини қабул қилсин.
12. Туризм ва спорт вазирлиги манфаатдор вазирлик ва идоралар билан биргаликда уч ой муддатда ушбу Фармондан келиб чиқиб, Ўзбекистон Республикасининг «Махсус иқтисодий зоналар тўғрисида»ги Қонунига ва бошқа қонун ҳужжатларига ўзгартириш ва қўшимчалар тўғрисида Вазирлар Маҳкамасига таклифлар киритсин.
13. Вазирлик ва идоралар икки ой муддатда ўзлари қабул қилган норматив-ҳуқуқий ҳужжатларни ушбу Фармонга мувофиқлаштирсин.
14. Ушбу Фармоннинг ижросини назорат қилиш Ўзбекистон Республикасининг Бош вазири А.Н. Арипов ва Ўзбекистон Республикаси Президенти Администрацияси раҳбари З.Ш. Низомиддинов зиммасига юклансин.
Ўзбекистон Республикаси Президентининг 2021 йил 6 апрелдаги ПФ-6201-сон Фармонига ИЛОВА
«Зомин» туристик-рекреацион зонаси маъмурий кенгаши
1. А.Н. Арипов — Ўзбекистон Республикасининг Бош вазири, Маъмурий кенгаш раиси 2. А.А. Абдухакимов — Ўзбекистон Республикаси Бош вазирининг ўринбосари, Маъмурий кенгаш раиси ўринбосари 3. С.Ў. Умурзоқов — Ўзбекистон Республикаси Бош вазирининг ўринбосари — инвестициялар ва ташқи савдо вазири, Маъмурий кенгаш раиси ўринбосари 4. Э.А. Салиев — Жиззах вилояти ҳокими 5. Б.И. Закиров — Ўзбекистон Республикаси қурилиш вазири 6. А.И. Мақсудов — Ўзбекистон Республикаси Экология ва атроф-муҳитни муҳофаза қилиш давлат қўмитаси раиси 7. Н.Ж. Бакиров — Ўзбекистон Республикаси Ўрмон хўжалиги давлат қўмитаси раиси 8. Ф.К. Умаров — Ўзбекистон Республикаси Давлат солиқ қўмитаси ҳузуридаги Кадастр агентлиги директори 9. А.М. Абдуғаниев — Зомин тумани ҳокими 10. Б.М. Ахмедов — Ўзбекистон Республикаси Вазирлар Маҳкамаси шуъба мудири, Маъмурий кенгаш масъул котиби
Ўзбекистон Республикаси Президенти Ш. МИРЗИЁЕВ
Тошкент ш.,
2021 йил 6 апрель,
ПФ-6201-сон
Oʻzbekiston Respublikasi Prezidentining
Farmoni
TARKIBI
“Zomin” turistik-rekreatsion zonasini va xalqaro umummavsumiy kurortni tashkil etish chora-tadbirlari toʻgʻrisida
Togʻli hududlarning mavjud turistik salohiyatidan samarali foydalanish, tadbirkorlik subyektlari uchun qulay shart-sharoitlarni yaratish, xalqaro umummavsumiy kurortlar, mehmonxona majmualari, madaniy-sogʻlomlashtirish, savdo-koʻngilochar va boshqa turizm infratuzilmasi obyektlarini barpo etish, mavjud resurslardan samarali foydalanish hamda qoʻshimcha ish oʻrinlarini yaratish maqsadida:
1. Turizm va sport vazirligi, Investitsiyalar va tashqi savdo vazirligi va Jizzax viloyati hokimligining:
“Zomin” turistik-rekreatsion zonasini (keyingi oʻrinlarda — Turistik zona);
“Zomin” turistik-rekreatsion zonasi direksiyasi” davlat unitar korxonasini (keyingi oʻrinlarda — Direksiya);
Turistik zona hududida zamonaviy mehmonxona majmualari, madaniy-sogʻlomlashtirish, savdo-koʻngilochar va turistik ahamiyatdagi boshqa obyektlar qurish, shuningdek, zamonaviy muhandislik infratuzilma obyektlarini;
Turistik zona hududida “Suffa platosi. 2 400” xalqaro umummavsumiy kurorti va “Oʻriklisoy” turizm majmuasini tashkil etish toʻgʻrisidagi takliflariga rozilik berilsin.
2. Belgilansinki, Turistik zona faoliyat koʻrsatish muddati keyinchalik uzaytirish imkoniyati bilan 30 yilga tashkil qilinadi.
3. “Zomin” turistik-rekreatsion zonasi maʼmuriy kengashi tarkibi ilovaga muvofiq tasdiqlansin.
4. Turizm va sport vazirligi Qurilish vazirligi, Jizzax viloyati hokimligi, manfaatdor vazirlik va idoralar bilan birgalikda 2021-yil 31-dekabrga qadar xorijiy loyiha institutlarini, shuningdek, maslahatchilarni jalb qilgan holda Turistik zonaning bosh rejasi va batafsil rejalashtirish loyihalarini quyidagilarni nazarda tutgan holda ishlab chiqsin va belgilangan tartibda tasdiqlanishini taʼminlasin:
hududdagi elektr tarmoqlarini yer ostidan oʻtkazish;
Turistik zona hamda uni boshqa hududlar bilan bogʻlovchi yoʻllarda maxsus piyodalar va velosiped yoʻlaklari mavjud boʻlishi;
hududdagi elektromobillar va boshqa turdagi transport vositalari (quvvat oluvchi gibrid transport vositalari) uchun elektr quvvatlanish stansiyalari nuqtalarini belgilash;
hududda oʻrnatilgan tartibda aeronavigatsiya vositalari va kichik sigʻimdagi havo kemalari (vertolyotlar) uchun uchish-qoʻnish maydonchalarini joylashtirishni belgilash;
sportning ekstremal turlari, shu jumladan ziplayn, fotosuratlar olish uchun manzarali va noyob joylarda selfi zonalar kabi obyektlarni joylashtirish;
hududda oʻrnatiladigan yoʻl koʻrsatkichlari va namunaviy sanitariya-gigiyena shoxobchalarini joylashtirish hamda chiqindilarni tashlash nuqtalarini belgilash;
turistik koʻchalarni, shu jumladan suvenir va oziq-ovqat mahsulotlari savdosi obyektlarini joylashtirish.
5. Belgilab qoʻyilsinki:
Turistik zonaning bosh rejasi va batafsil rejalashtirish loyihalarini ishlab chiqish uchun loyihalashtirish va konsalting kompaniyalari, mahalliy va xorijiy ekspertlar hamda boshqaruvchi kompaniyalar xizmatlari uchun haq toʻlash hamda Direksiya faoliyatini moliyalashtirish Togʻli va olis hududlarda turizm infratuzilmasini rivojlantirish jamgʻarmasi (keyingi oʻrinlarda — Jamgʻarma) mablagʻlari hisobidan amalga oshiriladi;
Turistik zonadagi turistik infratuzilmani yaratish imkoniyati boʻlgan yer uchastkalari keyinchalik samarali foydalanish va (yoki) investorlarga ijaraga berish uchun Direksiyaga doimiy foydalanish huquqi bilan ajratiladi;
Direksiyaga doimiy foydalanishga berilgan yer uchastkalarini ijaraga olish huquqini realizatsiya qilish Direksiyaning qaroriga asosan elektron onlayn-auksion orqali belgilangan tartibda amalga oshiriladi;
istisno tariqasida, Turistik zona hududidagi yer uchastkalarining ijara huquqini va davlat mulki obyektlarini realizatsiya qilishdan Davlat aktivlarini boshqarish, transformatsiya va xususiylashtirish jamgʻarmasiga tushgan mablagʻlar (savdoga chiqarish va sotish bilan bogʻliq xarajatlardan tashqari) Jamgʻarmaga yoʻnaltiriladi.
Moliya vazirligi mazkur bandning ikkinchi xatboshisida belgilangan tadbirlarni dastlabki moliyalashtirish uchun Oʻzbekiston Respublikasi Prezidentining 2021-yil 9-fevraldagi “Oʻzbekiston Respublikasida ichki va ziyorat turizmini yanada rivojlantirish chora-tadbirlari toʻgʻrisida”gi PF-6165-son Farmonining 9-bandida belgilangan mablagʻlar hisobidan 10 milliard soʻmni Jamgʻarmaga yoʻnaltirsin.
6. Turizm va sport vazirligi:
Investitsiyalar va tashqi savdo vazirligi bilan birgalikda dor yoʻllarini loyihalashtirish va togʻ-changʻi koʻtargichlar qurish uchun nufuzli tashkilotlarni, shu jumladan salohiyatli xorijiy va mahalliy investorlarni jalb qilish choralarini koʻrsin;
2021-yil 1-mayga qadar Turistik zona hududida tadbirkorlik subyektlari va aholi uchun mehmondoʻstlik va xizmat koʻrsatish etikasi boʻyicha, shu jumladan masofaviy oʻquv seminarlarini tashkil etish choralarini koʻrsin;
uch oy muddatda Turistik zonaga xorijiy va mahalliy investorlarni jalb qilish, hududda koʻrsatiladigan xizmatlarni diversifikatsiya va monetizatsiya qilishga doir targʻibot dasturini ishlab chiqsin va Vazirlar Mahkamasiga kiritsin.
7. Investitsiyalar va tashqi savdo vazirligi Turizm va sport vazirligi va Jizzax viloyati hokimligi bilan birgalikda Turistik zona hududidagi istiqbolli va ustuvor loyihalar roʻyxatlarini shakllantirish hamda dastlabki turizm, yoʻl-transport va kommunikatsiyani rivojlantirish uchun xalqaro moliya institutlarining imtiyozli kreditlari va grant mablagʻlarini jalb qilish choralarini koʻrsin.
8. 2024-yil 1-yanvarga qadar qayta tiklanuvchi energiya manbalarini tashkil etish uchun tadbirkorlik subyektlari tomonidan import qilinadigan asbob-uskunalar, texnika, xomashyo, butlovchi buyumlar, ehtiyot qismlar va boshqa materiallar bojxona toʻlovlaridan (qoʻshilgan qiymat soligʻi va bojxona rasmiylashtiruvi uchun yigʻimlardan tashqari) ozod etilsin.
9. Turizm va sport vazirligi Oʻrmon xoʻjaligi davlat qoʻmitasi, Jizzax viloyati hokimligi hamda Ekologiya va atrof-muhitni muhofaza qilish davlat qoʻmitasi bilan birgalikda:
uch oy muddatda Zomin milliy tabiat bogʻi, Zomin davlat oʻrmon xoʻjaligi hamda Baxmal tumanida joylashgan Baxmal davlat oʻrmon xoʻjaligi hududlarida turizm infratuzilmasini barpo etish yuzasidan istiqbolli loyiha takliflarini ishlab chiqib, Vazirlar Mahkamasiga kiritsin;
2021-yil 1-sentabrga qadar ushbu hududlarda tashrif buyuruvchilar uchun, shu jumladan tadbirkorlik subyektlarini jalb etgan holda yengil konstruksiyali turizm axborot markazlarini tashkil etish choralarini koʻrsin.
10. Axborot texnologiyalari va kommunikatsiyalarini rivojlantirish vazirligi Ichki ishlar vazirligi, manfaatdor vazirlik va idoralar bilan birgalikda uch oy muddatda Turistik zona hududida “Xavfsiz turizm” tizimini joriy etish dasturini tasdiqlasin.
11. Vazirlar Mahkamasi bir oy muddatda “Zomin” turistik-rekreatsion zonasini tashkil etish chora-tadbirlari yuzasidan Hukumat qarorini qabul qilsin.
12. Turizm va sport vazirligi manfaatdor vazirlik va idoralar bilan birgalikda uch oy muddatda ushbu Farmondan kelib chiqib, Oʻzbekiston Respublikasining “Maxsus iqtisodiy zonalar toʻgʻrisida”gi Qonuniga va boshqa qonun hujjatlariga oʻzgartirish va qoʻshimchalar toʻgʻrisida Vazirlar Mahkamasiga takliflar kiritsin.
13. Vazirlik va idoralar ikki oy muddatda oʻzlari qabul qilgan normativ-huquqiy hujjatlarni ushbu Farmonga muvofiqlashtirsin.
14. Ushbu Farmonning ijrosini nazorat qilish Oʻzbekiston Respublikasining Bosh vaziri A.N. Aripov va Oʻzbekiston Respublikasi Prezidenti Administratsiyasi rahbari Z.Sh. Nizomiddinov zimmasiga yuklansin.
Oʻzbekiston Respublikasi Prezidentining 2021-yil 6-apreldagi PF-6201-son Farmoniga ILOVA
“Zomin” turistik-rekreatsion zonasi maʼmuriy kengashi
1. A.N. Aripov — Oʻzbekiston Respublikasining Bosh vaziri, Maʼmuriy kengash raisi 2. A.A. Abduxakimov — Oʻzbekiston Respublikasi Bosh vazirining oʻrinbosari, Maʼmuriy kengash raisi oʻrinbosari 3. S.Oʻ. Umurzoqov — Oʻzbekiston Respublikasi Bosh vazirining oʻrinbosari — investitsiyalar va tashqi savdo vaziri, Maʼmuriy kengash raisi oʻrinbosari 4. E.A. Saliyev — Jizzax viloyati hokimi 5. B.I. Zakirov — Oʻzbekiston Respublikasi qurilish vaziri 6. A.I. Maqsudov — Oʻzbekiston Respublikasi Ekologiya va atrof-muhitni muhofaza qilish davlat qoʻmitasi raisi 7. N.J. Bakirov — Oʻzbekiston Respublikasi Oʻrmon xoʻjaligi davlat qoʻmitasi raisi 8. F.K. Umarov — Oʻzbekiston Respublikasi Davlat soliq qoʻmitasi huzuridagi Kadastr agentligi direktori 9. A.M. Abdugʻaniyev — Zomin tumani hokimi 10. B.M. Axmedov — Oʻzbekiston Respublikasi Vazirlar Mahkamasi shuʼba mudiri, Maʼmuriy kengash masʼul kotibi
Oʻzbekiston Respublikasi Prezidenti Sh. MIRZIYOYEV
Toshkent sh.,
2021-yil 6-aprel,
PF-6201-son
Президента Республики Узбекистан
Указ
СОСТАВ
О мерах по созданию туристско-рекреационной зоны «Зомин» и международного всесезонного курорта
В целях эффективного использования имеющегося туристского потенциала горных местностей, создания благоприятных условий для субъектов предпринимательства, строительства международных всесезонных курортов, гостиничных комплексов, культурно-оздоровительных, торгово-развлекательных и иных объектов туристской инфраструктуры, эффективного использования имеющихся ресурсов и создания дополнительных рабочих мест:
1. Согласиться с предложениями Министерства туризма и спорта, Министерства инвестиций и внешней торговли и хокимията Джизакской области по:
созданию туристско-рекреационной зоны «Зомин» (далее — Туристская зона);
образованию государственного унитарного предприятия «Дирекция туристско-рекреационной зоны «Зомин» (далее — Дирекция);
строительству на территории Туристской зоны современных гостиничных комплексов, культурно-оздоровительных, торгово-развлекательных и иных объектов туристского значения, а также объектов современной инженерной инфраструктуры;
созданию на территории Туристской зоны международного всесезонного курорта «Плато Суффа. 2 400» и туристского комплекса «Уриклисой».
2. Установить, что срок функционирования Туристской зоны составляет 30 лет с возможностью его последующего продления.
3. Утвердить состав Административного совета туристско-рекреационной зоны «Зомин» согласно приложению .
4. Министерству туризма и спорта совместно с Министерством строительства, хокимиятом Джизакской области, заинтересованными министерствами и ведомствами до 31 декабря 2021 года с привлечением зарубежных проектных институтов, а также консультантов разработать и в установленном порядке обеспечить утверждение проектов генерального плана и детальной планировки Туристской зоны, предусматривающих:
подземную прокладку линий электрических сетей на территории;
наличие специальных пешеходных и велосипедных дорожек в Туристской зоне и на дорогах, соединяющих ее с другими регионами;
определение на территории пунктов размещения зарядных станций для электромобилей и других видов транспортных средств (заряжающихся гибридных транспортных средств);
определение на территории в установленном порядке мест размещения взлетно-посадочных площадок для аэронавигационных средств и малогабаритных воздушных судов (вертолетов);
размещение объектов экстремальных видов спорта, в том числе «зиплайнов», селфи-зон для фотосъемок в живописных и уникальных местах;
определение на территории точек размещения дорожных указателей и типовых санитарно-гигиенических узлов, а также мест для выброса отходов;
размещение туристских улиц, в том числе объектов торговли сувенирной и продовольственной продукцией.
5. Установить, что:
оплата услуг проектных и консалтинговых компаний, местных и зарубежных экспертов и управляющих компаний по разработке проектов генерального плана и детальной планировки Туристской зоны, а также финансирование деятельности Дирекции осуществляются за счет средств Фонда развития туристской инфраструктуры в горных и отдаленных местностях (далее — Фонд);
земельные участки в Туристской зоне, в которых имеется потенциал создания туристской инфраструктуры, выделяются Дирекции с правом постоянного пользования для последующего эффективного использования и (или) предоставления инвесторам в аренду;
реализация права аренды земельных участков, переданных Дирекции для постоянного пользования, осуществляется на основании решения Дирекции посредством электронного онлайн-аукциона в установленном порядке;
в качестве исключения средства, полученные Фондом управления государственными активами, трансформации и приватизации от продажи прав аренды земельных участков и объектов государственной собственности в туристической зоне (за вычетом расходов, связанных с маркетингом и продажей), будут направляться в данный Фонд.
Министерству финансов для предварительного финансирования мероприятий, указанных в абзаце втором настоящего пункта, направить в Фонд 10 миллиардов сумов за счет средств, определенных в пункте 9 Указа Президента Республики Узбекистан от 9 февраля 2021 года № УП-6165 «О мерах по дальнейшему развитию внутреннего и паломнического туризма в Республике Узбекистан».
6. Министерству туризма и спорта:
совместно с Министерством инвестиций и внешней торговли принять меры по привлечению авторитетных организаций, в том числе потенциальных иностранных и отечественных инвесторов, к проектированию канатных дорог и строительству горнолыжных подъемников;
до 1 мая 2021 года принять меры по организации учебных семинаров по гостеприимству и этике обслуживания, в том числе дистанционных, для субъектов предпринимательства и населения на территории Туристской зоны;
в трехмесячный срок разработать и внести в Кабинет Министров разъяснительную программу по привлечению иностранных и отечественных инвесторов в Туристскую зону, диверсификации и монетизации услуг, оказываемых на ее территории.
7. Министерству инвестиций и внешней торговли совместно с Министерством туризма и спорта и хокимиятом Джизакской области принять меры по формированию перечня перспективных и приоритетных проектов, а также привлечению льготных кредитов и средств грантов международных финансовых институтов для первоначального развития туризма, дорожно-транспортной инфраструктуры и коммуникаций на территории Туристской зоны.
8. Освободить до 1 января 2024 года от уплаты таможенных платежей (за исключением налога на добавленную стоимость и сборов за таможенное оформление) импортируемое субъектами предпринимательства оборудование, технику, сырье, комплектующие изделия, запасные части и другие материалы для создания источников возобновляемой энергии.
9. Министерству туризма и спорта совместно с Государственным комитетом по лесному хозяйству, хокимиятом Джизакской области и Государственным комитетом по экологии и охране окружающей среды:
в трехмесячный срок разработать и внести в Кабинет Министров предложения по перспективным проектам по созданию туристской инфраструктуры на территории Зааминского национального природного парка, Зааминского государственного лесного хозяйства и Бахмальского государственного лесного хозяйства, расположенного в Бахмальском районе;
до 1 сентября 2021 года принять меры по созданию из легких конструкций туристских информационных центров, в том числе с привлечением субъектов предпринимательства, для посетителей данных территорий.
10. Министерству по развитию информационных технологий и коммуникаций совместно с Министерством внутренних дел, заинтересованными министерствами и ведомствами в трехмесячный срок утвердить программу внедрения системы «Безопасный туризм» на территории Туристской зоны.
11. Кабинету Министров в месячный срок принять решение Правительства о мерах по созданию туристско-рекреационной зоны «Зомин».
12. Министерству туризма и спорта совместно с заинтересованными министерствами и ведомствами в трехмесячный срок внести в Кабинет Министров предложения об изменениях и дополнениях в Закон Республики Узбекистан «О специальных экономических зонах» и иные акты законодательства, вытекающие из настоящего Указа.
13. Министерствам и ведомствам в двухмесячный срок привести принятые ими нормативно-правовые акты в соответствие с настоящим Указом.
14. Контроль за исполнением настоящего Указа возложить на Премьер-министра Республики Узбекистан А.Н. Арипова и руководителя Администрации Президента Республики Узбекистан З.Ш. Низомиддинова.
ПРИЛОЖЕНИЕ к Указу Президента Республики Узбекистан от 6 апреля 2021 года № УП-6201
Административного совета туристско-рекреационной зоны «Зомин»
1. А.Н. Арипов — Премьер-министр Республики Узбекистан, председатель Административного совета 2. А.А. Абдухакимов — заместитель Премьер-министра Республики Узбекистан, заместитель председателя Административного совета 3. С.У. Умурзаков — заместитель Премьер-министра Республики Узбекистан — министр инвестиций и внешней торговли, заместитель председателя Административного совета 4. Э.А. Салиев — хоким Джизакской области 5. Б.И. Закиров — министр строительства Республики Узбекистан 6. А.И. Максудов — председатель Государственного комитета Республики Узбекистан по экологии и охране окружающей среды 7. Н.Ж. . Бакиров — председатель Государственного комитета Республики Узбекистан по лесному хозяйству 8. Ф.К. Умаров — директор Агентства по кадастру при Государственном налоговом комитете Республики Узбекистан 9. А.М. Абдуганиев — хоким Зааминского района 10. Б.М. Ахмедов — заведующий сектором Кабинета Министров Республики Узбекистан, ответственный секретарь Административного совета
Президент Республики Узбекистан Ш. МИРЗИЁЕВ
г. Ташкент,
6 апреля 2021 г.,
№ УП-6201