📅 2021-yil 6-aprel · Prezident qarorlari
Rasmiy matn. Rasmiy hujjat. Tahririy izohlar kiritilmagan.
UzbekAI
📅 2021 йил 6 апрель · Президент қарорлари
Расмий матн. Расмий ҳужжат. Таҳририй изоҳлар киритилмаган.
📅 6 апреля 2021 г. · Постановления Президента
Официальный текст. Официальный документ. Редакционные примечания не включены.
📅 6 April 2021 · Presidential resolutions
Official text. Official document. Editorial notes are not included.
Ўзбекистон Республикаси Президентининг
Қарори
Ўзбекистон Республикаси Миллий антидопинг агентлиги фаолиятини янада такомиллаштириш чора-тадбирлари тўғрисида
Спортда допинг қўлланилишининг олдини олиш ва допингга қарши курашиш соҳасида ягона давлат сиёсатини самарали амалга ошириш, Спортда допингга қарши кураш тўғрисидаги халқаро конвенция, Бутунжаҳон антидопинг кодекси ва бошқа халқаро антидопинг стандартлари талабларига риоя этилишини таъминлаш мақсадида, шунингдек, Бутунжаҳон допингга қарши агентлигининг тавсия ва таклифларини инобатга олиб:
1. Вазирлар Маҳкамаси, Молия вазирлиги, Миллий антидопинг агентлиги (кейинги ўринларда — Агентлик) ҳамда Ўзбекистон Миллий олимпия қўмитасининг:
Агентлик бошқарув ходимларининг чекланган сонини 2 бараварга кўпайтириш;
2021 йил 1 апрелдан бошлаб Ягона тариф сеткаси бўйича меҳнатга ҳақ тўлашнинг тасдиқланган разрядларига кўра Агентлик ходимларининг лавозим маошларини белгилашда тариф коэффициентларини 1,5 баравар миқдорда қўллаш;
Агентлик бош директорини мақоми, меҳнатга ҳақ тўлаш, моддий рағбатлантириш ва тиббий хизмат кўрсатиш шартларига кўра вазирнинг биринчи ўринбосарига тенглаштириш тўғрисидаги таклифлари маъқуллансин.
3. Агентлик (Н. Турсунов):
а) Бутунжаҳон допингга қарши агентлигининг талабларидан келиб чиқиб бир ой муддатда:
тақиқланган моддалардан фойдаланиш борасида спортчиларнинг ариза ва ҳужжатларини ўрганиб, хулоса чиқариш билан шуғулланадиган Терапевтик истисно бўйича комиссия;
антидопинг қоидалари бузилиши ҳолатларини ўрганиб, қарор чиқариш билан шуғулланадиган Ахлоқ бўйича комиссия;
Терапевтик истисно бўйича комиссия хулосаси ва Ахлоқ бўйича комиссия қароридан норози томоннинг аризасини ўрганиб, қарор чиқариш билан шуғулланадиган Апелляция бўйича комиссия фаолиятларини самарали ташкил қилсин, уларни малакали мутахассислар билан тўлдириш чораларини кўрсин;
б) икки ҳафта муддатда ушбу қарорнинг мазмун-моҳиятини Бутунжаҳон допингга қарши агентлигига етказиш чораларини кўрсин.
4. Молия вазирлиги (Т. Ишметов):
Агентлик марказий аппарати учун 2 та махсус автотранспорт воситасини харид қилиш ва сақлаш учун лимит ажратсин;
ушбу қарор ижросини таъминлаш юзасидан Агентлик харажатлари учун асосланган ҳисоб-китоблар бўйича 2021 йилги Давлат бюджети параметрлари доирасида маблағ ажратсин ва 2022 йилдан бошлаб зарур бюджет маблағларини кўзда тутсин.
5. Вазирлар Маҳкамаси бир ҳафта муддатда Агентликни зарур шарт-шароитларга эга бўлган бинога жойлаштириш чораларини кўрсин.
6. Ўзбекистон Республикаси Президентининг айрим қарорларига 2-иловага мувофиқ ўзгартиришлар киритилсин.
7. Мазкур қарорнинг ижросини назорат қилиш Ўзбекистон Республикаси Бош вазири А.Н. Арипов зиммасига юклансин.
Ўзбекистон Республикаси Президентининг 2021 йил 6 апрелдаги ПҚ-5057-сон қарорига 2-ИЛОВА
Ўзбекистон Республикаси Президентининг айрим қарорларига киритилаётган ўзгартиришлар
1. Ўзбекистон Республикаси Президентининг 2018 йил 3 январдаги «Ўзбекистон Республикаси Вазирлар Маҳкамаси ҳузуридаги Миллий антидопинг агентлиги фаолиятини ташкил этиш чора-тадбирлари тўғрисида»ги ПҚ-3457-сон қарорида :
а) 4 ва 5-бандлар ўз кучини йўқотган деб ҳисоблансин;
б) 8-банд қуйидаги таҳрирда баён этилсин:
«8. Ўзбекистон Республикаси Молия вазирлиги ҳар йили Ўзбекистон Республикасининг Давлат бюджетини шакллантиришда Агентликни сақлаш ва унинг фаолият кўрсатиши, шу жумладан, антидопинг тадқиқотларини ташкил этиш билан боғлиқ харажатлар учун зарур маблағларни назарда тутсин»;
в) 15-банд қуйидаги таҳрирда баён этилсин:
«15. Мазкур қарорнинг ижросини назорат қилиш Ўзбекистон Республикаси Бош вазирининг ўринбосари А.А. Абдуҳакимов зиммасига юклансин».
Ўзбекистон Республикаси Президенти Ш. МИРЗИЁЕВ
Тошкент ш.,
2021 йил 6 апрель,
ПҚ-5057-сон
Oʻzbekiston Respublikasi Prezidentining
Qarori
Oʻzbekiston Respublikasi Milliy antidoping agentligi faoliyatini yanada takomillashtirish chora-tadbirlari toʻgʻrisida
Sportda doping qoʻllanilishining oldini olish va dopingga qarshi kurashish sohasida yagona davlat siyosatini samarali amalga oshirish, Sportda dopingga qarshi kurash toʻgʻrisidagi xalqaro konvensiya, Butunjahon antidoping kodeksi va boshqa xalqaro antidoping standartlari talablariga rioya etilishini taʼminlash maqsadida, shuningdek, Butunjahon dopingga qarshi agentligining tavsiya va takliflarini inobatga olib:
1. Vazirlar Mahkamasi, Moliya vazirligi, Milliy antidoping agentligi (keyingi oʻrinlarda — Agentlik) hamda Oʻzbekiston Milliy olimpiya qoʻmitasining:
Agentlik boshqaruv xodimlarining cheklangan sonini 2 baravarga koʻpaytirish;
2021-yil 1-apreldan boshlab Yagona tarif setkasi boʻyicha mehnatga haq toʻlashning tasdiqlangan razryadlariga koʻra Agentlik xodimlarining lavozim maoshlarini belgilashda tarif koeffitsiyentlarini 1,5 baravar miqdorda qoʻllash;
Agentlik bosh direktorini maqomi, mehnatga haq toʻlash, moddiy ragʻbatlantirish va tibbiy xizmat koʻrsatish shartlariga koʻra vazirning birinchi oʻrinbosariga tenglashtirish toʻgʻrisidagi takliflari maʼqullansin.
3. Agentlik (N. Tursunov):
a) Butunjahon dopingga qarshi agentligining talablaridan kelib chiqib bir oy muddatda:
taqiqlangan moddalardan foydalanish borasida sportchilarning ariza va hujjatlarini oʻrganib, xulosa chiqarish bilan shugʻullanadigan Terapevtik istisno boʻyicha komissiya;
antidoping qoidalari buzilishi holatlarini oʻrganib, qaror chiqarish bilan shugʻullanadigan Axloq boʻyicha komissiya;
Terapevtik istisno boʻyicha komissiya xulosasi va Axloq boʻyicha komissiya qaroridan norozi tomonning arizasini oʻrganib, qaror chiqarish bilan shugʻullanadigan Apellyatsiya boʻyicha komissiya faoliyatlarini samarali tashkil qilsin, ularni malakali mutaxassislar bilan toʻldirish choralarini koʻrsin;
b) ikki hafta muddatda ushbu qarorning mazmun-mohiyatini Butunjahon dopingga qarshi agentligiga yetkazish choralarini koʻrsin.
4. Moliya vazirligi (T. Ishmetov):
Agentlik markaziy apparati uchun 2 ta maxsus avtotransport vositasini xarid qilish va saqlash uchun limit ajratsin;
ushbu qaror ijrosini taʼminlash yuzasidan Agentlik xarajatlari uchun asoslangan hisob-kitoblar boʻyicha 2021-yilgi Davlat budjeti parametrlari doirasida mablagʻ ajratsin va 2022-yildan boshlab zarur budjet mablagʻlarini koʻzda tutsin.
5. Vazirlar Mahkamasi bir hafta muddatda Agentlikni zarur shart-sharoitlarga ega boʻlgan binoga joylashtirish choralarini koʻrsin.
6. Oʻzbekiston Respublikasi Prezidentining ayrim qarorlariga 2-ilovaga muvofiq oʻzgartirishlar kiritilsin.
7. Mazkur qarorning ijrosini nazorat qilish Oʻzbekiston Respublikasi Bosh vaziri A.N. Aripov zimmasiga yuklansin.
Oʻzbekiston Respublikasi Prezidentining 2021-yil 6-apreldagi PQ-5057-son qaroriga 2-ILOVA
Oʻzbekiston Respublikasi Prezidentining ayrim qarorlariga kiritilayotgan oʻzgartirishlar
1. Oʻzbekiston Respublikasi Prezidentining 2018-yil 3-yanvardagi “Oʻzbekiston Respublikasi Vazirlar Mahkamasi huzuridagi Milliy antidoping agentligi faoliyatini tashkil etish chora-tadbirlari toʻgʻrisida”gi PQ-3457-son qarorida :
a) 4 va 5-bandlar oʻz kuchini yoʻqotgan deb hisoblansin;
b) 8-band quyidagi tahrirda bayon etilsin:
“8. Oʻzbekiston Respublikasi Moliya vazirligi har yili Oʻzbekiston Respublikasining Davlat budjetini shakllantirishda Agentlikni saqlash va uning faoliyat koʻrsatishi, shu jumladan, antidoping tadqiqotlarini tashkil etish bilan bogʻliq xarajatlar uchun zarur mablagʻlarni nazarda tutsin”;
v) 15-band quyidagi tahrirda bayon etilsin:
“15. Mazkur qarorning ijrosini nazorat qilish Oʻzbekiston Respublikasi Bosh vazirining oʻrinbosari A.A. Abduhakimov zimmasiga yuklansin”.
Oʻzbekiston Respublikasi Prezidenti Sh. MIRZIYOYEV
Toshkent sh.,
2021-yil 6-aprel,
PQ-5057-son
Президента Республики Узбекистан
Постановление
О мерах по дальнейшему совершенствованию деятельности Национального антидопингового агентства Республики Узбекистан
В целях эффективной реализации единой государственной политики в сфере предупреждения применения допинга в спорте и борьбы с ним, обеспечения соблюдения требований Международной конвенции о борьбе с допингом в спорте, Всемирного антидопингового кодекса и иных международных антидопинговых стандартов, а также принимая во внимание рекомендации и предложения Всемирного антидопингового агентства:
1. Одобрить предложения Кабинета Министров, Министерства финансов, Национального антидопингового агентства (далее — Агентство) и Национального олимпийского комитета Узбекистана по:
увеличению в два раза предельной численности управленческого персонала Агентства;
применению с 1 апреля 2021 года в 1,5-кратном размере тарифных коэффициентов по утвержденным разрядам оплаты труда по Единой тарифной сетке при определении должностных окладов работников Агентства;
приравниванию по статусу, условиям оплаты труда, материального стимулирования и медицинского обслуживания генерального директора Агентства к первому заместителю министра.
3. Агентству (Н. Турсунов) принять меры:
а) в месячный срок исходя из требований Всемирного антидопингового агентства — по эффективной организации деятельности и укомплектованию квалифицированными специалистами:
Комиссии по терапевтическому исключению, занимающейся изучением заявлений и документов спортсменов и вынесением заключений о применении запрещенных веществ;
Комиссии по этике, занимающейся изучением и вынесением решений по фактам нарушения антидопинговых правил;
Апелляционной комиссии, занимающейся изучением и вынесением решений по заявлению стороны, не согласной с заключением Комиссии по терапевтическому исключению и решением Комиссии по этике;
б) в двухнедельный срок — по доведению до Всемирного антидопингового агентства сути и содержания настоящего постановления.
4. Министерству финансов (Т. Ишметов) выделить:
лимит на приобретение и содержание двух специальных автотранспортных средств для центрального аппарата Агентства;
средства в рамках параметров Государственного бюджета на 2021 год, начиная с 2022 года — предусматривать необходимые бюджетные средства на расходы Агентства на основании обоснованных расчетов в целях обеспечения исполнения настоящего постановления.
5. Кабинету Министров в недельный срок принять меры по размещению Агентства в здании, имеющем необходимые условия.
6. Внести изменения в некоторые постановления Президента Республики Узбекистан согласно приложению № 2 .
7. Контроль за исполнением настоящего постановления возложить на Премьер-министра Республики Узбекистан А.Н. Арипова.
ПРИЛОЖЕНИЕ № 2 к постановлению Президента Республики Узбекистан от 6 апреля 2021 года № ПП-5057
Изменения, вносимые в некоторые постановления Президента Республики Узбекистан
1. В постановлении Президента Республики Узбекистан от 3 января 2018 года № ПП-3457 «О мерах по организации деятельности Национального антидопингового агентства при Кабинете Министров Республики Узбекистан»:
а) пункты 4 и 5 признать утратившими силу;
б) пункт 8 изложить в следующей редакции:
«8. Министерству финансов Республики Узбекистан ежегодно при формировании Государственного бюджета Республики Узбекистан предусматривать необходимые ассигнования на содержание и функционирование Агентства, в том числе на расходы, связанные с организацией антидопинговых исследований»;
в) пункт 15 изложить в следующей редакции:
«15. Контроль за исполнением настоящего постановления возложить на заместителя Премьер-министра Республики Узбекистан А.А. Абдухакимова».
Президент Республики Узбекистан Ш. МИРЗИЁЕВ
г. Ташкент,
6 апреля 2021 г.,
№ ПП-5057