UzbekAI

Ўзбекистон Республикаси Давлат божхона қўмитаси Ўзбекистон Республикаси Энергетика вазирлигининг

қарори

НИЗОМ

Ўзбекистон Республикаси божхона чегарасидан магистрал газ ўтказиш қувурлари орқали олиб ўтилаётган табиий газни божхона назорати ва божхона расмийлаштирувидан ўтказиш тартиби тўғрисидаги низомни тасдиқлаш ҳақида

Ўзбекистон Республикаси Божхона кодексига мувофиқ Ўзбекистон Республикаси Давлат божхона қўмитаси ва Энергетика вазирлиги қарор қилади:

1. Ўзбекистон Республикаси божхона чегарасидан магистрал газ ўтказиш қувурлари орқали олиб ўтилаётган табиий газни божхона назорати ва божхона расмийлаштирувидан ўтказиш тартиби тўғрисидаги низом иловага мувофиқ тасдиқлансин.

2. Мазкур қарор расмий эълон қилинган кундан эътиборан кучга киради.

Келишилди:

Ўзбекистон Республикаси Давлат божхона қўмитасининг 2021 йил 6 мартдаги 01-02/12-01-сон ва Энергетика вазирлигининг 2021 йил 26 февралдаги IНL-841/20-сон қарорига ИЛОВА

Ушбу Низом Ўзбекистон Республикасининг Божхона кодексига мувофиқ Ўзбекистон Республикаси божхона чегарасидан магистрал газ ўтказиш қувурлари орқали олиб ўтилаётган табиий газни божхона назорати ва божхона расмийлаштирувидан ўтказиш тартибини белгилайди.

1-боб. Умумий қоидалар

1. Мазкур Низомда қуйидаги асосий тушунчалар фойдаланилади:

магистрал газ ўтказиш қувури — Ўзбекистон Республикаси божхона чегараси орқали табиий газ олиб ўтиладиган қувур;

табиий газнинг ҳисобини юритувчи асбоблар — магистрал газ ўтказиш қувурларининг ўлчов тармоқларида табиий газ ҳажмларини аниқлаш учун ўрнатилган табиий газ ҳисоблагичлари;

ҳисоб-китоб даври — магистрал газ ўтказиш қувурлари орқали табиий газ етказиб бериш амалга ошириладиган ой;

ўлчов тармоғи — магистрал газ ўтказиш қувурларида табиий газнинг ҳисобини юритувчи асбоблар ўрнатилган жой;

шартнома соати — табиий газ етказиб бериш бўйича тузилган шартнома шартларига асосан ҳисоб-китоб даврини ёпиш вақти ва санаси;

назорат божхона пости — Ўзбекистон Республикаси божхона чегарасидан магистрал газ ўтказиш қувурлари орқали олиб ўтиладиган табиий газ устидан божхона назоратини амалга оширадиган божхона пости;

расмийлаштирув божхона пости — Ўзбекистон Республикаси божхона чегарасидан магистрал газ қувурлари орқали олиб ўтиладиган табиий газнинг божхона расмийлаштирувини амалга оширадиган божхона пости;

божхона идентификацияси — божхона органи томонидан пломбалар, муҳрлар қўйиш, штамплар босиш, рақамли, ҳарфли тамғалар ёзиш, шунингдек бошқа божхона идентификациялаш воситаларини қўллаш орқали амалга ошириладиган божхона назорати шакли.

2. Расмийлаштирилган божхона юк декларацияси (бундан буён матнда БЮД деб юритилади) ёки муваққат божхона юк декларацияси (бундан буён матнда МБЮД деб юритилади) Ўзбекистон Республикаси божхона чегарасидан табиий газни олиб ўтиш учун асос бўлади.

2-боб. Божхона чегараси орқали олиб ўтиладиган табиий газнинг божхона назорати

3. Ўзбекистон Республикаси божхона чегарасидан магистрал газ ўтказиш қувурлари орқали табиий газ олиб ўтилиши устидан божхона назорати назорат божхона пости ходимлари томонидан амалга оширилади.

Божхона назорати жойлари Ўзбекистон Республикаси Энергетика вазирлиги томонидан Ўзбекистон Республикаси Иқтисодиёт ва молия вазирлиги ҳузуридаги Божхона қўмитаси (бундан буён матда Қўмита деб юритилади) билан келишилган ҳолда мазкур Низомнинг 1-иловасида келтирилган шаклга мувофиқ белгиланади.

4. Божхона чегарасидан магистрал газ ўтказиш қувурлари орқали олиб ўтиладиган табиий газнинг божхона назорати назорат божхона пости ходимлари ва ўлчов тармоғи масъул ходимлари томонидан табиий газнинг ҳисобини юритувчи асбоблардаги кўрсатгичларни олиш, ҳисоб тизимини, қиёслаш воситалари мавжудлиги ва бут сақланганлигини, ҳисоблагичларни давлат стандартларига мувофиқлигини, божхона мақсадлари учун зарур бўлган ҳисобот ва маълумотларни текшириш йўли билан амалга оширилади.

5. Табиий газнинг ҳисобини юритувчи асбоблардаги кўрсатгичларни олиш ўлчов тармоғи масъул ходими томонидан ҳисоб-китоб даврининг охирги кунида шартнома соатига мувофиқ назорат божхона пости ходими иштирокида амалга оширилади.

Бунда мазкур Низомнинг 2-иловасида кўрсатилган шаклда уч нусхада далолатнома расмийлаштирилади.

Назорат божхона пости ходими далолатнома тузилгач ундаги маълумотларни Қўмита Ягона автоматлаштирилган ахборот тизимига киритади.

Далолатноманинг бир нусхаси ўлчов тармоғида ёки мазкур ўлчов тармоғи жойлашган жойдаги «Ўзтрансгаз» АЖнинг ҳудудий таркибий тузилмасида сақланади ва қолган икки нусхаси ҳисобот ойидан кейинги ойнинг 5 санасига қадар:

божхона назорати учун расмийлаштирув божхона постига;

«Ўзтрансгаз» АЖга юборилади.

6. Ўлчов тармоғи ва табиий газнинг ҳисобини юритувчи асбоблар устидан божхона назорати бир ойда камида икки марта назорат божхона пости томонидан амалга оширилади.

7. Ўлчов тармоғида божхона қонунчилиги бузилиши ҳолати аниқланганда, назорат божхона пости ходими Ўзбекистон Республикаси қонунчилигига мувофиқ чоралар кўради.

Ҳудудий божхона органи божхона қонунчилиги бузилиши ҳолати аниқланган пайтдан эътиборан уч кундан кечиктирмасдан божхона қонунчилиги бузилиши ҳолати ҳақида расмийлаштирув божхона постини хабардор қилади.

3-боб. Божхона идентификацияси воситаларини қўйиш ва олиш тартиби

8. Божхона идентификацияси воситаларини қўйиш ва олиш божхона назорати жойларида назорат божхона пости ходими томонидан ўлчов тармоғи масъул ходимлари иштирокида амалга оширилади, бундан табиий газни ҳисобга олиш тизимининг ишдан чиқиши учун хавф мавжуд бўлган ҳолатлар мустасно.

9. Табиий газнинг ҳисобини юритувчи асбобларга божхона пломбаларини қўйиш ёки уларни ечиш ва ўзгартирилишида ўлчов тармоғи ходими томонидан пломбалаш жойлари тайёрланади.

10. Назорат божхона пости ходими ушбу Низомнинг 3-иловасига мувофиқ шаклдаги далолатномани 3 нусхада расмийлаштирган ҳолда пломбаларни қўяди ёки олиб ташлайди.

Далолатноманинг бир нусхаси назорат божхона постида, иккинчи нусхаси ўлчов тармоғида, учинчи нусхаси эса 5 кун ичида расмийлаштирув божхона постига юборилади.

11. Божхона идентификацияси фақатгина Ўзбекистон Республикаси божхона органлари томонидан ўзгартирилиши, олиб ташланиши ёки йўқ қилиниши мумкин, бундан табиий газни ҳисобга олиш тизимининг ишдан чиқиши учун хавф мавжуд бўлган ҳолатлар мустасно. Божхона пломбасининг бутлиги бузилиши ҳақида ўлчов тармоғи ходими томонидан бузилишлар аниқланган вақтдан бошлаб бир сутка мобайнида божхона органига хабар берилади ва бундай бузилиш сабаблари тўғрисида ёзма тушунтириш тақдим этади.

12. Табиий газнинг ҳисобини юритувчи асбобларни текшириш ёки алмаштириш ёхуд божхона пломбалари бутлигининг бузилишлари талаб этадиган бошқа ишларни амалга ошириш зарурияти туғилганда, божхона пломбаларининг сақланиши учун масъул шахслар назорат божхона постини ишларининг бошланиши ва якунланиши саналарини кўрсатган ҳолда ушбу ишлар олиб борилиши ҳақида олдиндан хабардор қиладилар.

13. Мазкур Низомнинг 12-бандида келтирилган ишлар бажарилганидан сўнг назорат божхона пости ходими ушбу Низомнинг 8 — 10-бандларида кўрсатилган тартибда божхона идентификацияси воситаларини қўллайди.

4-боб. Табиий газни декларациялаш ва божхона расмийлаштируви

14. Ўзбекистон Республикаси божхона чегарасидан магистрал газ ўтказиш қувурлари орқали олиб ўтилаётган табиий газ декларацияланиши керак.

Табиий газнинг божхона расмийлаштируви Қўмита томонидан белгиланадиган расмийлаштирув божхона постларида амалга оширилади.

Табиий газни декларациялаш қонунчилик ҳужжатларига мувофиқ расмийлаштирув божхона постига қоғозли ёки электрон шаклда БЮДни топшириш йўли билан амалга оширилади.

15. Қуйидагилар бўлмаган тақдирда, МБЮД тақдим этишга рухсат этилади:

Ўзбекистон Республикаси томонидан имзоланган халқаро шартномалар;

Ўзбекистон Республикаси Вазирлар Маҳкамасининг қарорлари;

қувур транспортлари орқали ҳақиқий ўтказиладиган товарларнинг ҳажми ва қийматини аниқлаш имконияти;

контрактлар (шартномалар, келишувлар) ваколатли органларда рўйхатдан ўтказилмаганда.

16. МБЮД божхона постига расмийлаштириш учун табиий газ етказиб беришдан олдин, ҳисоб-китоб давридан олдинги ойнинг 20 санасидан кечиктирмай тақдим этилади.

МБЮД билан бир вақтда қуйидаги ҳужжатлар тақдим этилади:

табиий газ етказиб бериш учун шартнома;

Ўзбекистон Республикаси божхона чегараси орқали табиий газни магистрал газ ўтказиш қувурларида олиб ўтиш бўйича мазкур Низомнинг 4-иловасига мувофиқ йиғма далолатнома.

17. МБЮДда қайд этилиши лозим бўлган маълумотлар табиий газнинг мўлжалланаётган ҳажмини ҳисобга олган ҳолда тахминий равишда кўрсатилади.

Тўлиқ БЮДни расмийлаштиришда тақдим этиладиган ҳужжатлар тўғрисидаги маълумотларни МБЮДда кўрсатилиши талаб этилмайди.

18. МБЮД Божхона юк декларациясини тўлдириш тартиби тўғрисидаги йўриқномага (рўйхат рақами 2773, 2016 йил 6 апрель) (бундан буён матнда Йўриқнома деб юритилади) мувофиқ тўлдирилади.

19. МБЮДнинг 1, 31 ва 45-графаларининг тўлдирилиши қуйидаги ўзига хос хусусиятларга эга:

а) 1-графа «Декларация тури».

Графанинг биринчи бўлмасида товарларни олиб ўтиш йўналиши кўрсатилади «ВД» — «вақтинчалик декларация».

Графанинг иккинчи бўлмасида Йўриқноманинг 3-иловасида келтирилган «Божхона режимлари таснифлагичи»га мувофиқ божхона режимининг икки рақамли коди кўрсатилади;

б) 31-графа «Юк жойлари ва товар тавсифи». «Маркировка ва миқдор — контейнерлар рақами — товар тавсифи».

Графада қўшимча равишда табиий газнинг ҳисобот даври муддатида олиб чиқилиши ёки олиб кирилиши мўлжалланаётганлигидан келиб чиқиб, унинг тахминий ҳажмлари кўрсатилади;

в) 45-графа «Божхона қиймати».

Графада табиий газ экспорти шартномасининг шартлари асосида божхона чегараси орқали ўтказилиши мўлжалланаётган табиий газ ҳажмига мувофиқ аниқланадиган шартли божхона қиймати қайд қилинади.

Агарда, бундай нарх МБЮД топширилгандан кейинги қайд этилган санадаги биржа баҳосига боғлиқ бўлса, тахминий нархни аниқлаш учун МБЮД қабул қилинган кундаги биржа баҳоси олинади.

20. МБЮД ва бошқа ҳужжатларни қабул қилиш, рўйхатдан ўтказиш ва божхона расмийлаштируви тўлиқ БЮДни тақдим этиш орқали декларацияланадиган товарларга нисбатан қўлланиладиган тартибга мувофиқ божхона органи томонидан амалга оширилади.

МБЮДга тўлиқ БЮД расмийлаштирилгандан сўнг, унинг ажралмас қисми бўлиб ҳисобланади.

21. МБЮДни тақдим этишда тўлиқ БЮДнинг тақдим этиш муддати МБЮДда кўрсатилган ҳисоб-китоб даври тугашидан тўқсон календарь кунидан ошиб кетмаслиги лозим.

22. Тўлиқ БЮДнинг божхона расмийлаштируви муддати товар етказиб бериш ойининг охирги куни амалда бўлган қонунчилик ҳужжатларига мувофиқ амалга оширилади.

БЮД билан бир вақтда қуйидаги ҳужжатлар тақдим этилади:

Ўзбекистон Республикаси божхона чегараси орқали табиий газни магистрал газ ўтказиш қувурларида олиб ўтиш бўйича мазкур Низомнинг 4-иловасига мувофиқ йиғма далолатнома;

ҳисоб-китоб даврида табиий газни етказиб бериш тўғрисидаги шартнома тузувчининг қабул қилиш-топшириш далолатномаси.

23. Тўлиқ БЮД маълум қилинган божхона режимига мувофиқ Йўриқнома талаблари асосида қуйидаги хусусиятларни инобатга олган ҳолда тўлдирилади:

а) 1-графа. «Декларация тури».

Графанинг биринчи бўлмасида товарларни олиб ўтиш йўналиши кўрсатилади.

Графанинг иккинчи бўлмасида Божхона режимлари таснифлагичига мувофиқ божхона режимининг икки рақамли коди кўрсатилади.

Графанинг учинчи бўлмасида «ПВД» — «вақтинчалик декларациядан сўнг» ҳарфли белгиси кўрсатилади;

б) 7-графа. «БЮДнинг рўйхат рақами».

Графада МБЮДнинг рўйхат рақами кўрсатилади;

в) 37-графа. «Процедура».

Графанинг охирги учта рақамига — «071» коди кўрсатилади;

г) «D» — графа.

Электрон БЮДда мазкур графада табиий газ етказиб берилган ойнинг охирги санаси кўрсатилади.

Қоғоз шаклдаги БЮДда мазкур графада божхона назорати натижалари ҳақида гувоҳлик берувчи божхона органининг тўртбурчак штампи, табиий газ етказиб берилган ойнинг охирги санаси ва шахсий муҳри ҳамда зарур ҳолларда бошқа белгилар қўйилади. Божхона назорати натижалари ҳақидаги тўртбурчак штамп товарни ўтказиш юзасидан қарор қабул қилган божхона органи мансабдор шахсининг шахсий муҳри билан тасдиқланади.

24. БЮД ва МБЮД кўрсатилган табиий газнинг амалдаги ҳажмларида фарқ бўлганда, табиий газнинг амалда ўтказилганлиги тўғрисида декларант томонидан ҳужжатлар тақдим қилишда МБЮДни қайта расмийлаштириш амалга оширилмайди.

25. Ташқи савдо божхона статистикаси ҳамда ташқи савдо операциялари мониторингини ва валюта назоратини амалга ошириш учун фақатгина тўлиқ БЮДлар ҳисобга олинади. Ташқи савдо бўйича маълумотларни тезкор равишда ҳисобга олиш мақсадлари учун МБЮДда мавжуд бўлган маълумотлардан фойдаланиш мумкин.

5-боб. Божхона тўловларини тўлаш

26. Бир календарь ой мобайнида қувур транспорти орқали божхона чегарасидан олиб ўтилган товарлар божхона тўловлари БЮД тақдим этилган кундан кечиктирмаган ҳолда товарларни етказиб бериш ойининг охирги кунида амалда бўлган божхона тўловлари ставкаларига кўра Ўзбекистон Республикасининг миллий валютасида тўланади.

Бунда, бир календарь ой мобайнида қувур транспорти орқали божхона чегарасидан олиб ўтиладиган товарларнинг қиймати божхона тўловларини ҳисоблаб чиқариш учун Ўзбекистон Республикаси Марказий банки томонидан товарларни етказиб бериш ойининг охирги кунида белгиланган валюталарни расмий айирбошлаш курси бўйича аниқланади.

Қувур транспортида олиб ўтиладиган товарлар учун МБЮД тақдим этилганда, божхона тўловлари МБЮД тақдим этилган кунида амалда бўлган божхона тўловлари ставкалари бўйича МБЮД қабул қилингунига қадар ёки уни қабул қилиш билан бир вақтда тўланади.

27. Маълумотларга аниқлик киритиш натижасида тўланиши лозим бўлган божхона тўловларининг миқдори ошадиган бўлса, уларнинг қўшимча тўлови БЮДни тақдим этиш билан бир вақтда амалга оширилиши лозим. Бу ҳолда пеня ҳисобланмайди.

6-боб. Ўзбекистон Республикаси божхона ҳудуди орқали транзит тарзда олиб ўтиладиган табиий газнинг божхона расмийлаштируви

28. Ўзбекистон Республикаси божхона ҳудуди орқали транзит олиб ўтиладиган, шунингдек Ўзбекистон Республикаси божхона ҳудудида жойлашган бошқа пунктлар ўртасида бошқа давлатлар ҳудуди орқали олиб ўтиладиган товарларнинг божхона расмийлаштируви қонунчилик ҳужжатларида белгиланган тартибда амалга оширилади.

29. Божхона транзити божхона режимида расмийлаштирилган табиий газ ҳажмлари учун БЮД ҳисобот давридан кейинги ойнинг 25-кунидан кечиктирмай божхона органига юборилади.

БЮД билан бирга қуйидаги ҳужжатлар тақдим этилади:

газ транспортировкаси бўйича хизматлар кўрсатиш шартномаси;

божхона чегараси орқали табиий газни олиб ўтиш тўғрисидаги йиғма ҳужжатлар;

ташқи савдо битимлари иштирокчилари имзолари ва муҳрлари билан тасдиқланган, табиий газни қабул қилиш-топшириш тижорат далолатномаси;

табиий газни ўлчаш жойларидан олинган, олиб кирилганлиги ва чиқилганлигини тасдиқловчи далолатномалар.

7-боб. Якуний қоидалар

30. Мазкур Низом талабларининг бузилишида айбдор бўлган шахслар қонунчилик ҳужжатларида белгиланган тартибда жавобгар бўлади.

31. Ушбу Низом Ўзбекистон Республикаси Савдо-саноат палатаси билан келишилган.

‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎‎ТАСДИҚЛАЙМАН ‎Ўзбекистон Республикаси ‎энергетика вазири биринчи ‎ўринбосари ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ Ўзбекистон Республикаси божхона чегараси орқали олиб ўтиладиган табиий газнинг божхона назорати жойи ‎ Т/р‎ Божхона назорати жойи номи (тўлиқ манзили) ‎‎ Ўлчов тармоғи номи‎‎ Табиий газ йўналиши‎‎ Назорат божхона пости номи‎‎ 1‎ 2‎‎ 3‎‎ 4‎‎ 5‎‎ ‎ ‎‎ ‎‎ ‎‎ ‎‎ ‎ ‎‎ ‎‎ ‎‎ ‎‎ ‎ ‎‎ ‎‎ ‎‎ ‎‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎‎«КЕЛИШИЛГАН» ‎Ўзбекистон Республикаси ‎Иқтисодиёт ва молия вазирлиги ҳузуридаги Божхона қўмитаси раиси(ўринбосари) ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎

‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎‎«___» __________ 20___ йил (ой) учун ‎ ‎‎Ўзбекистон Республикаси божхона чегарасидан магистрал газ ўтказиш қувурлари орқали олиб ‎‎‎ўтилаётган табиий газни ҳисобга олиш асбоблари кўрсатгичларини олиш ‎тўғрисидаги ‎ ‎‎_____-сон далолатнома ‎ Ўлчов тармоғи номи‎‎‏ Ҳисоблагич рақами‎‎‏ Ҳисоблагич кўрсатгичи, контракт соати Ҳисоблагич кўрсатгичлари фарқи‏ ‎‎ Ҳисоблагич коэффициенти, м 3 ‎‎ Сарфланган табиий газ, м 3 ‎ Жорий ойнинг 1-санаси Ўтган ойнинг 1-санаси ‎‎‎ ‎1 ‎2 ‎3 4‎ 5‎ ‎6 7 Қайтариш ‎‎ ‎‎ ‎‎ ‎‎ ‎‎ ‎‎ ‎‎Ў/т. ‎‎ ‎‎ ‎‎ ‎‎ ‎‎ ‎‎ ‎‎1. ‎‎ ‎‎ ‎‎ ‎‎ ‎‎ ‎‎ 2.‎‎ ‎‎ ‎‎ ‎‎ ‎‎ ‎‎ ‎‎ 3.‎‎ ‎‎ ‎‎ ‎‎ ‎‎ ‎‎ ‎‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ Ўлчов тармоғи номи‎‎‏ Ҳисоблагич рақами Ҳисоблагич кўрсатгичи, контракт соати ‎‏Ҳисоблагич кўрсатгичлари фарқи ‎‎‏Ҳисоблагич коэффициенти, м 3 ‎‎‏Сарфланган табиий газ, м 3 Жорий ойнинг 1-санаси Ўтган ойнинг 1-санаси ‎1 ‎2 3‎ 4‎ 5‎ 6‎ 7 Табиий газни транзит бўйича қабул қилиш‎‎ ‎‎ ‎‎ ‎‎ ‎‎ ‎‎ ‎‎ Ў/т.‎‎ ‎‎ ‎‎ ‎‎ ‎‎ ‎‎ ‎‎ 1.‎‎ ‎‎ ‎‎ ‎‎ ‎‎ ‎‎ ‎‎ 2.‎‎ ‎‎ ‎‎ ‎‎ ‎‎ ‎‎ ‎‎ 3.‎‎ ‎‎ ‎‎ ‎‎ ‎‎ ‎‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎‎Ўлчов тармоғи масъул ходими _____________________________________________________ ‎ ‎ ‎ ‎ ‎ ‎‎(имзо , Ф.И.О.) ‎ ‎ ‎ ‎‎Назорат божхона пости ходими __________________________________________ ‎ ‎ ‎ ‎ ‎ (шахсий муҳр, имзо, Ф.И.О.)‎‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎

‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎‎‎‎Табиий газни ҳисобга олиш асбобларига божхона идентификацияси воситаларини ‎‎ўрнатиш/олиш тўғрисидаги (керагини тагига чизинг) ‎«__» ____________ 20___ йилдаги ______-сон далолатнома ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎‎Ушбу далолатнома___________________________________________________________________ томонидан ‎ ‎ ‎ ‎‎(божхона ходимини Ф.И.О., лавозими) ‎ ‎ ____________________________________________________________________________________________‎‎ ‎‎(ўлчов тармоғи масъул шахсининг Ф.И.О., лавозими) ‎‎_________________________________________________________________________________ иштирокида (‎‎вакиллар Ф.И.О., лавозимлари) ‎‎________________________ да ________________________________________________________________га ‎‎(сана, ой, йил) ‎ ‎‎(ўлчов тармоғи номи) ‎ ‎‎табиий газни ҳисобга олиш асбобларига (ҳисоблагичлар) божхона пломбалари ўрнатилганлиги бўйича тузилди. ‎ Т/р‎ Ҳисобга олиш объекти номи (ўлчов тармоғи)‎‎ Ҳисоблагич номи‎‎ Ҳисоблагич рақами‎‎ Божхона органи пломбаси рақами‎‎ Божхона органи пломбаси сони‎‎ ‎1 2‎‎ ‎‎3 4‎‎ 5‎‎ 6‎‎ ‎ ‎‎ ‎‎ ‎‎ ‎‎ ‎‎ ‎ ‎‎ ‎‎ ‎‎ ‎‎ ‎‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎‎Идентификация воситаларини (божхона пломбаси) ўрнатиш вақтидаги ҳисоблагич кўрсатгичи‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ Т/р‎ Ҳисоблагич рақами‎‎ Ҳисоблагич кўрсатгичи‎‎ Изоҳ ‎1 ‎‎2 3 4‎‎ ‎ ‎‎ ‎‎ ‎‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎‎____________________________________________________________________________________________ ‎‎(божхона идентификацияси воситаларини ўрнатиш сабаблари кўрсатилади) _________________________‎‎ ________________________ ________________________ ‎‎(божхона ходими лавозими) ‎ ‎‎(шахсий муҳри, имзо) ‎ (Ф.И.О)‎‎ ‎ ‎ _________________________‎‎ ________________________ ________________________ (объект ходими лавозими)‎‎ ‎ (имзо)‎‎ ‎ (Ф.И.О)‎‎ ‎ ‎ _________________________‎‎ ________________________‎‎ ________________________‎‎‎‎ (объект ходими лавозими)‎‎ ‎ (имзо) ‎ (Ф.И.О)‎‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎

‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ _______________________________________да‎‎ ‎‎(давлат номи) ‎‎20__ йил ____ _____________ учун ‎ ‎ ‎ ‎ ‎ ‎ ‎ ‎ ‎ (кун) (ой)‎‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎‎«Ўзбекистон Республикаси божхона чегарасидан магистрал газ ўтказиш қувурлари орқали ‎табиий газни олиб ўтилиши тўғрисидаги йиғма ҳужжатлар» ‎(тезкор / амалдаги маълумотлар бўйича) ‎___-сон ДАЛОЛАТНОМА ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ Т/р Шартнома рақами ва санаси‎‎‏ Ўлчов бирлиги, минг. куб. м Бир йилга тузилган шартномалар ҳажми‎‎ Амалда _________ойи 20__ йилда етказиб берилган‎‎ ‎‎‏Ўлчов тармоғи номи Миқдори‎‎‏ сумма, АҚШ долл.‎‎‏ Миқдори‎‎ ‏сумма, АҚШ долл. Минг куб. м‎‎ кг‎‎‎ ‎1 ‎2 3 4 5 6 7 8 9‎ ‎ ‎ ‎‎ ‎‎ ‎‎ ‎‎ ‎‎ ‎‎ ‎‎ ‎‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎‎«Ўзтрансгаз» АЖ директори ўринбосари ‎ ‎ ‎ ________________________‎‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎‎Ф.И.О, имзо ‎ ‎ ‎ ‎ ‎ ‎‎«Ўзтрансгаз» АЖ бош бухгалтери ‎ ‎ ‎ ________________________‎‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎‎Ф.И.О, имзо ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎

Давлат божхона қўмитаси раиси М.Б. АЗИМОВ

Энергетика вазири А.С. СУЛТАНОВ

Раис А.И. ИКРАМОВ

Тошкент ш.,

2021 йил 6 март,

Тошкент ш.,

2021 йил 26 февраль,

Тошкент ш.,

2021 йил 1 март

01-02/12-01-сон

IHL-841/20-сон

(Қонун ҳужжатлари маълумотлари миллий базаси, 10.04.2021 й., 10/21/3295/0313-сон; Қонунчилик маълумотлари миллий базаси, 28.07.2021 й., 10/21/3313/0724-сон; 19.08.2024 й., 10/24/3552/0630-сон)

lex.uz

Oʻzbekiston Respublikasi Davlat bojxona qoʻmitasi Oʻzbekiston Respublikasi Energetika vazirligining

qarori

NIZOM

Oʻzbekiston Respublikasi bojxona chegarasidan magistral gaz oʻtkazish quvurlari orqali olib oʻtilayotgan tabiiy gazni bojxona nazorati va bojxona rasmiylashtiruvidan oʻtkazish tartibi toʻgʻrisidagi nizomni tasdiqlash haqida

Oʻzbekiston Respublikasi Bojxona kodeksiga muvofiq Oʻzbekiston Respublikasi Davlat bojxona qoʻmitasi va Energetika vazirligi qaror qiladi:

1. Oʻzbekiston Respublikasi bojxona chegarasidan magistral gaz oʻtkazish quvurlari orqali olib oʻtilayotgan tabiiy gazni bojxona nazorati va bojxona rasmiylashtiruvidan oʻtkazish tartibi toʻgʻrisidagi nizom ilovaga muvofiq tasdiqlansin.

2. Mazkur qaror rasmiy eʼlon qilingan kundan eʼtiboran kuchga kiradi.

Kelishildi:

Oʻzbekiston Respublikasi Davlat bojxona qoʻmitasining 2021-yil 6-martdagi 01-02/12-01-son va Energetika vazirligining 2021-yil 26-fevraldagi INL-841/20-son qaroriga ILOVA

Ushbu Nizom Oʻzbekiston Respublikasining Bojxona kodeksiga muvofiq Oʻzbekiston Respublikasi bojxona chegarasidan magistral gaz oʻtkazish quvurlari orqali olib oʻtilayotgan tabiiy gazni bojxona nazorati va bojxona rasmiylashtiruvidan oʻtkazish tartibini belgilaydi.

1-bob. Umumiy qoidalar

1. Mazkur Nizomda quyidagi asosiy tushunchalar foydalaniladi:

magistral gaz oʻtkazish quvuri — Oʻzbekiston Respublikasi bojxona chegarasi orqali tabiiy gaz olib oʻtiladigan quvur;

tabiiy gazning hisobini yurituvchi asboblar — magistral gaz oʻtkazish quvurlarining oʻlchov tarmoqlarida tabiiy gaz hajmlarini aniqlash uchun oʻrnatilgan tabiiy gaz hisoblagichlari;

hisob-kitob davri — magistral gaz oʻtkazish quvurlari orqali tabiiy gaz yetkazib berish amalga oshiriladigan oy;

oʻlchov tarmogʻi — magistral gaz oʻtkazish quvurlarida tabiiy gazning hisobini yurituvchi asboblar oʻrnatilgan joy;

shartnoma soati — tabiiy gaz yetkazib berish boʻyicha tuzilgan shartnoma shartlariga asosan hisob-kitob davrini yopish vaqti va sanasi;

nazorat bojxona posti — Oʻzbekiston Respublikasi bojxona chegarasidan magistral gaz oʻtkazish quvurlari orqali olib oʻtiladigan tabiiy gaz ustidan bojxona nazoratini amalga oshiradigan bojxona posti;

rasmiylashtiruv bojxona posti — Oʻzbekiston Respublikasi bojxona chegarasidan magistral gaz quvurlari orqali olib oʻtiladigan tabiiy gazning bojxona rasmiylashtiruvini amalga oshiradigan bojxona posti;

bojxona identifikatsiyasi — bojxona organi tomonidan plombalar, muhrlar qoʻyish, shtamplar bosish, raqamli, harfli tamgʻalar yozish, shuningdek boshqa bojxona identifikatsiyalash vositalarini qoʻllash orqali amalga oshiriladigan bojxona nazorati shakli.

2. Rasmiylashtirilgan bojxona yuk deklaratsiyasi (bundan buyon matnda BYD deb yuritiladi) yoki muvaqqat bojxona yuk deklaratsiyasi (bundan buyon matnda MBYUD deb yuritiladi) Oʻzbekiston Respublikasi bojxona chegarasidan tabiiy gazni olib oʻtish uchun asos boʻladi.

2-bob. Bojxona chegarasi orqali olib oʻtiladigan tabiiy gazning bojxona nazorati

3. Oʻzbekiston Respublikasi bojxona chegarasidan magistral gaz oʻtkazish quvurlari orqali tabiiy gaz olib oʻtilishi ustidan bojxona nazorati nazorat bojxona posti xodimlari tomonidan amalga oshiriladi.

Bojxona nazorati joylari Oʻzbekiston Respublikasi Energetika vazirligi tomonidan Oʻzbekiston Respublikasi Iqtisodiyot va moliya vazirligi huzuridagi Bojxona qoʻmitasi (bundan buyon matda Qoʻmita deb yuritiladi) bilan kelishilgan holda mazkur Nizomning 1-ilovasida keltirilgan shaklga muvofiq belgilanadi.

4. Bojxona chegarasidan magistral gaz oʻtkazish quvurlari orqali olib oʻtiladigan tabiiy gazning bojxona nazorati nazorat bojxona posti xodimlari va oʻlchov tarmogʻi masʼul xodimlari tomonidan tabiiy gazning hisobini yurituvchi asboblardagi koʻrsatgichlarni olish, hisob tizimini, qiyoslash vositalari mavjudligi va but saqlanganligini, hisoblagichlarni davlat standartlariga muvofiqligini, bojxona maqsadlari uchun zarur boʻlgan hisobot va maʼlumotlarni tekshirish yoʻli bilan amalga oshiriladi.

5. Tabiiy gazning hisobini yurituvchi asboblardagi koʻrsatgichlarni olish oʻlchov tarmogʻi masʼul xodimi tomonidan hisob-kitob davrining oxirgi kunida shartnoma soatiga muvofiq nazorat bojxona posti xodimi ishtirokida amalga oshiriladi.

Bunda mazkur Nizomning 2-ilovasida koʻrsatilgan shaklda uch nusxada dalolatnoma rasmiylashtiriladi.

Nazorat bojxona posti xodimi dalolatnoma tuzilgach undagi maʼlumotlarni Qoʻmita Yagona avtomatlashtirilgan axborot tizimiga kiritadi.

Dalolatnomaning bir nusxasi oʻlchov tarmogʻida yoki mazkur oʻlchov tarmogʻi joylashgan joydagi “Oʻztransgaz” AJning hududiy tarkibiy tuzilmasida saqlanadi va qolgan ikki nusxasi hisobot oyidan keyingi oyning 5 sanasiga qadar:

bojxona nazorati uchun rasmiylashtiruv bojxona postiga;

“Oʻztransgaz” AJga yuboriladi.

6. Oʻlchov tarmogʻi va tabiiy gazning hisobini yurituvchi asboblar ustidan bojxona nazorati bir oyda kamida ikki marta nazorat bojxona posti tomonidan amalga oshiriladi.

7. Oʻlchov tarmogʻida bojxona qonunchiligi buzilishi holati aniqlanganda, nazorat bojxona posti xodimi Oʻzbekiston Respublikasi qonunchiligiga muvofiq choralar koʻradi.

Hududiy bojxona organi bojxona qonunchiligi buzilishi holati aniqlangan paytdan eʼtiboran uch kundan kechiktirmasdan bojxona qonunchiligi buzilishi holati haqida rasmiylashtiruv bojxona postini xabardor qiladi.

3-bob. Bojxona identifikatsiyasi vositalarini qoʻyish va olish tartibi

8. Bojxona identifikatsiyasi vositalarini qoʻyish va olish bojxona nazorati joylarida nazorat bojxona posti xodimi tomonidan oʻlchov tarmogʻi masʼul xodimlari ishtirokida amalga oshiriladi, bundan tabiiy gazni hisobga olish tizimining ishdan chiqishi uchun xavf mavjud boʻlgan holatlar mustasno.

9. Tabiiy gazning hisobini yurituvchi asboblarga bojxona plombalarini qoʻyish yoki ularni yechish va oʻzgartirilishida oʻlchov tarmogʻi xodimi tomonidan plombalash joylari tayyorlanadi.

10. Nazorat bojxona posti xodimi ushbu Nizomning 3-ilovasiga muvofiq shakldagi dalolatnomani 3 nusxada rasmiylashtirgan holda plombalarni qoʻyadi yoki olib tashlaydi.

Dalolatnomaning bir nusxasi nazorat bojxona postida, ikkinchi nusxasi oʻlchov tarmogʻida, uchinchi nusxasi esa 5 kun ichida rasmiylashtiruv bojxona postiga yuboriladi.

11. Bojxona identifikatsiyasi faqatgina Oʻzbekiston Respublikasi bojxona organlari tomonidan oʻzgartirilishi, olib tashlanishi yoki yoʻq qilinishi mumkin, bundan tabiiy gazni hisobga olish tizimining ishdan chiqishi uchun xavf mavjud boʻlgan holatlar mustasno. Bojxona plombasining butligi buzilishi haqida oʻlchov tarmogʻi xodimi tomonidan buzilishlar aniqlangan vaqtdan boshlab bir sutka mobaynida bojxona organiga xabar beriladi va bunday buzilish sabablari toʻgʻrisida yozma tushuntirish taqdim etadi.

12. Tabiiy gazning hisobini yurituvchi asboblarni tekshirish yoki almashtirish yoxud bojxona plombalari butligining buzilishlari talab etadigan boshqa ishlarni amalga oshirish zaruriyati tugʻilganda, bojxona plombalarining saqlanishi uchun masʼul shaxslar nazorat bojxona postini ishlarining boshlanishi va yakunlanishi sanalarini koʻrsatgan holda ushbu ishlar olib borilishi haqida oldindan xabardor qiladilar.

13. Mazkur Nizomning 12-bandida keltirilgan ishlar bajarilganidan soʻng nazorat bojxona posti xodimi ushbu Nizomning 8 — 10-bandlarida koʻrsatilgan tartibda bojxona identifikatsiyasi vositalarini qoʻllaydi.

4-bob. Tabiiy gazni deklaratsiyalash va bojxona rasmiylashtiruvi

14. Oʻzbekiston Respublikasi bojxona chegarasidan magistral gaz oʻtkazish quvurlari orqali olib oʻtilayotgan tabiiy gaz deklaratsiyalanishi kerak.

Tabiiy gazning bojxona rasmiylashtiruvi Qoʻmita tomonidan belgilanadigan rasmiylashtiruv bojxona postlarida amalga oshiriladi.

Tabiiy gazni deklaratsiyalash qonunchilik hujjatlariga muvofiq rasmiylashtiruv bojxona postiga qogʻozli yoki elektron shaklda BYDni topshirish yoʻli bilan amalga oshiriladi.

15. Quyidagilar boʻlmagan taqdirda, MBYUD taqdim etishga ruxsat etiladi:

Oʻzbekiston Respublikasi tomonidan imzolangan xalqaro shartnomalar;

Oʻzbekiston Respublikasi Vazirlar Mahkamasining qarorlari;

quvur transportlari orqali haqiqiy oʻtkaziladigan tovarlarning hajmi va qiymatini aniqlash imkoniyati;

kontraktlar (shartnomalar, kelishuvlar) vakolatli organlarda roʻyxatdan oʻtkazilmaganda.

16. MBYUD bojxona postiga rasmiylashtirish uchun tabiiy gaz yetkazib berishdan oldin, hisob-kitob davridan oldingi oyning 20 sanasidan kechiktirmay taqdim etiladi.

MBYUD bilan bir vaqtda quyidagi hujjatlar taqdim etiladi:

tabiiy gaz yetkazib berish uchun shartnoma;

Oʻzbekiston Respublikasi bojxona chegarasi orqali tabiiy gazni magistral gaz oʻtkazish quvurlarida olib oʻtish boʻyicha mazkur Nizomning 4-ilovasiga muvofiq yigʻma dalolatnoma.

17. MBYUDda qayd etilishi lozim boʻlgan maʼlumotlar tabiiy gazning moʻljallanayotgan hajmini hisobga olgan holda taxminiy ravishda koʻrsatiladi.

Toʻliq BYDni rasmiylashtirishda taqdim etiladigan hujjatlar toʻgʻrisidagi maʼlumotlarni MBYUDda koʻrsatilishi talab etilmaydi.

18. MBYUD Bojxona yuk deklaratsiyasini toʻldirish tartibi toʻgʻrisidagi yoʻriqnomaga (roʻyxat raqami 2773, 2016-yil 6-aprel) (bundan buyon matnda Yoʻriqnoma deb yuritiladi) muvofiq toʻldiriladi.

19. MBYUDning 1, 31 va 45-grafalarining toʻldirilishi quyidagi oʻziga xos xususiyatlarga ega:

a) 1-grafa “Deklaratsiya turi”.

Grafaning birinchi boʻlmasida tovarlarni olib oʻtish yoʻnalishi koʻrsatiladi “VD” — “vaqtinchalik deklaratsiya”.

Grafaning ikkinchi boʻlmasida Yoʻriqnomaning 3-ilovasida keltirilgan “Bojxona rejimlari tasniflagichi”ga muvofiq bojxona rejimining ikki raqamli kodi koʻrsatiladi;

b) 31-grafa “Yuk joylari va tovar tavsifi”. “Markirovka va miqdor — konteynerlar raqami — tovar tavsifi”.

Grafada qoʻshimcha ravishda tabiiy gazning hisobot davri muddatida olib chiqilishi yoki olib kirilishi moʻljallanayotganligidan kelib chiqib, uning taxminiy hajmlari koʻrsatiladi;

v) 45-grafa “Bojxona qiymati”.

Grafada tabiiy gaz eksporti shartnomasining shartlari asosida bojxona chegarasi orqali oʻtkazilishi moʻljallanayotgan tabiiy gaz hajmiga muvofiq aniqlanadigan shartli bojxona qiymati qayd qilinadi.

Agarda, bunday narx MBYUD topshirilgandan keyingi qayd etilgan sanadagi birja bahosiga bogʻliq boʻlsa, taxminiy narxni aniqlash uchun MBYUD qabul qilingan kundagi birja bahosi olinadi.

20. MBYUD va boshqa hujjatlarni qabul qilish, roʻyxatdan oʻtkazish va bojxona rasmiylashtiruvi toʻliq BYDni taqdim etish orqali deklaratsiyalanadigan tovarlarga nisbatan qoʻllaniladigan tartibga muvofiq bojxona organi tomonidan amalga oshiriladi.

MBYUDga toʻliq BYD rasmiylashtirilgandan soʻng, uning ajralmas qismi boʻlib hisoblanadi.

21. MBYUDni taqdim etishda toʻliq BYDning taqdim etish muddati MBYUDda koʻrsatilgan hisob-kitob davri tugashidan toʻqson kalendar kunidan oshib ketmasligi lozim.

22. Toʻliq BYDning bojxona rasmiylashtiruvi muddati tovar yetkazib berish oyining oxirgi kuni amalda boʻlgan qonunchilik hujjatlariga muvofiq amalga oshiriladi.

BYD bilan bir vaqtda quyidagi hujjatlar taqdim etiladi:

Oʻzbekiston Respublikasi bojxona chegarasi orqali tabiiy gazni magistral gaz oʻtkazish quvurlarida olib oʻtish boʻyicha mazkur Nizomning 4-ilovasiga muvofiq yigʻma dalolatnoma;

hisob-kitob davrida tabiiy gazni yetkazib berish toʻgʻrisidagi shartnoma tuzuvchining qabul qilish-topshirish dalolatnomasi.

23. Toʻliq BYD maʼlum qilingan bojxona rejimiga muvofiq Yoʻriqnoma talablari asosida quyidagi xususiyatlarni inobatga olgan holda toʻldiriladi:

a) 1-grafa. “Deklaratsiya turi”.

Grafaning birinchi boʻlmasida tovarlarni olib oʻtish yoʻnalishi koʻrsatiladi.

Grafaning ikkinchi boʻlmasida Bojxona rejimlari tasniflagichiga muvofiq bojxona rejimining ikki raqamli kodi koʻrsatiladi.

Grafaning uchinchi boʻlmasida “PVD” — “vaqtinchalik deklaratsiyadan soʻng” harfli belgisi koʻrsatiladi;

b) 7-grafa. “BYDning roʻyxat raqami”.

Grafada MBYUDning roʻyxat raqami koʻrsatiladi;

v) 37-grafa. “Protsedura”.

Grafaning oxirgi uchta raqamiga — “071” kodi koʻrsatiladi;

g) “D” — grafa.

Elektron BYDda mazkur grafada tabiiy gaz yetkazib berilgan oyning oxirgi sanasi koʻrsatiladi.

Qogʻoz shakldagi BYDda mazkur grafada bojxona nazorati natijalari haqida guvohlik beruvchi bojxona organining toʻrtburchak shtampi, tabiiy gaz yetkazib berilgan oyning oxirgi sanasi va shaxsiy muhri hamda zarur hollarda boshqa belgilar qoʻyiladi. Bojxona nazorati natijalari haqidagi toʻrtburchak shtamp tovarni oʻtkazish yuzasidan qaror qabul qilgan bojxona organi mansabdor shaxsining shaxsiy muhri bilan tasdiqlanadi.

24. BYD va MBYUD koʻrsatilgan tabiiy gazning amaldagi hajmlarida farq boʻlganda, tabiiy gazning amalda oʻtkazilganligi toʻgʻrisida deklarant tomonidan hujjatlar taqdim qilishda MBYUDni qayta rasmiylashtirish amalga oshirilmaydi.

25. Tashqi savdo bojxona statistikasi hamda tashqi savdo operatsiyalari monitoringini va valyuta nazoratini amalga oshirish uchun faqatgina toʻliq BYDlar hisobga olinadi. Tashqi savdo boʻyicha maʼlumotlarni tezkor ravishda hisobga olish maqsadlari uchun MBYUDda mavjud boʻlgan maʼlumotlardan foydalanish mumkin.

5-bob. Bojxona toʻlovlarini toʻlash

26. Bir kalendar oy mobaynida quvur transporti orqali bojxona chegarasidan olib oʻtilgan tovarlar bojxona toʻlovlari BYD taqdim etilgan kundan kechiktirmagan holda tovarlarni yetkazib berish oyining oxirgi kunida amalda boʻlgan bojxona toʻlovlari stavkalariga koʻra Oʻzbekiston Respublikasining milliy valyutasida toʻlanadi.

Bunda, bir kalendar oy mobaynida quvur transporti orqali bojxona chegarasidan olib oʻtiladigan tovarlarning qiymati bojxona toʻlovlarini hisoblab chiqarish uchun Oʻzbekiston Respublikasi Markaziy banki tomonidan tovarlarni yetkazib berish oyining oxirgi kunida belgilangan valyutalarni rasmiy ayirboshlash kursi boʻyicha aniqlanadi.

Quvur transportida olib oʻtiladigan tovarlar uchun MBYUD taqdim etilganda, bojxona toʻlovlari MBYUD taqdim etilgan kunida amalda boʻlgan bojxona toʻlovlari stavkalari boʻyicha MBYUD qabul qilinguniga qadar yoki uni qabul qilish bilan bir vaqtda toʻlanadi.

27. Maʼlumotlarga aniqlik kiritish natijasida toʻlanishi lozim boʻlgan bojxona toʻlovlarining miqdori oshadigan boʻlsa, ularning qoʻshimcha toʻlovi BYDni taqdim etish bilan bir vaqtda amalga oshirilishi lozim. Bu holda penya hisoblanmaydi.

6-bob. Oʻzbekiston Respublikasi bojxona hududi orqali tranzit tarzda olib oʻtiladigan tabiiy gazning bojxona rasmiylashtiruvi

28. Oʻzbekiston Respublikasi bojxona hududi orqali tranzit olib oʻtiladigan, shuningdek Oʻzbekiston Respublikasi bojxona hududida joylashgan boshqa punktlar oʻrtasida boshqa davlatlar hududi orqali olib oʻtiladigan tovarlarning bojxona rasmiylashtiruvi qonunchilik hujjatlarida belgilangan tartibda amalga oshiriladi.

29. Bojxona tranziti bojxona rejimida rasmiylashtirilgan tabiiy gaz hajmlari uchun BYD hisobot davridan keyingi oyning 25-kunidan kechiktirmay bojxona organiga yuboriladi.

BYD bilan birga quyidagi hujjatlar taqdim etiladi:

gaz transportirovkasi boʻyicha xizmatlar koʻrsatish shartnomasi;

bojxona chegarasi orqali tabiiy gazni olib oʻtish toʻgʻrisidagi yigʻma hujjatlar;

tashqi savdo bitimlari ishtirokchilari imzolari va muhrlari bilan tasdiqlangan, tabiiy gazni qabul qilish-topshirish tijorat dalolatnomasi;

tabiiy gazni oʻlchash joylaridan olingan, olib kirilganligi va chiqilganligini tasdiqlovchi dalolatnomalar.

7-bob. Yakuniy qoidalar

30. Mazkur Nizom talablarining buzilishida aybdor boʻlgan shaxslar qonunchilik hujjatlarida belgilangan tartibda javobgar boʻladi.

31. Ushbu Nizom Oʻzbekiston Respublikasi Savdo-sanoat palatasi bilan kelishilgan.

‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎‎TASDIQLAYMAN ‎Oʻzbekiston Respublikasi ‎energetika vaziri birinchi ‎oʻrinbosari ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ Oʻzbekiston Respublikasi bojxona chegarasi orqali olib oʻtiladigan tabiiy gazning bojxona nazorati joyi ‎ T/r‎ Bojxona nazorati joyi nomi (toʻliq manzili) ‎‎ Oʻlchov tarmogʻi nomi‎‎ Tabiiy gaz yoʻnalishi‎‎ Nazorat bojxona posti nomi‎‎ 1‎ 2‎‎ 3‎‎ 4‎‎ 5‎‎ ‎ ‎‎ ‎‎ ‎‎ ‎‎ ‎ ‎‎ ‎‎ ‎‎ ‎‎ ‎ ‎‎ ‎‎ ‎‎ ‎‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎‎“KELISHILGAN” ‎Oʻzbekiston Respublikasi ‎Iqtisodiyot va moliya vazirligi huzuridagi Bojxona qoʻmitasi raisi(oʻrinbosari) ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎

‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎‎“___” __________ 20___ yil (oy) uchun ‎ ‎‎Oʻzbekiston Respublikasi bojxona chegarasidan magistral gaz oʻtkazish quvurlari orqali olib ‎‎‎oʻtilayotgan tabiiy gazni hisobga olish asboblari koʻrsatgichlarini olish ‎toʻgʻrisidagi ‎ ‎‎_____-son dalolatnoma ‎ Oʻlchov tarmogʻi nomi‎‎‏ Hisoblagich raqami‎‎‏ Hisoblagich koʻrsatgichi, kontrakt soati Hisoblagich koʻrsatgichlari farqi‏ ‎‎ Hisoblagich koeffitsiyenti, m 3 ‎‎ Sarflangan tabiiy gaz, m 3 ‎ Joriy oyning 1-sanasi Oʻtgan oyning 1-sanasi ‎‎‎ ‎1 ‎2 ‎3 4‎ 5‎ ‎6 7 Qaytarish ‎‎ ‎‎ ‎‎ ‎‎ ‎‎ ‎‎ ‎‎Oʻ/t. ‎‎ ‎‎ ‎‎ ‎‎ ‎‎ ‎‎ ‎‎1. ‎‎ ‎‎ ‎‎ ‎‎ ‎‎ ‎‎ 2.‎‎ ‎‎ ‎‎ ‎‎ ‎‎ ‎‎ ‎‎ 3.‎‎ ‎‎ ‎‎ ‎‎ ‎‎ ‎‎ ‎‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ Oʻlchov tarmogʻi nomi‎‎‏ Hisoblagich raqami Hisoblagich koʻrsatgichi, kontrakt soati ‎‏Hisoblagich koʻrsatgichlari farqi ‎‎‏Hisoblagich koeffitsiyenti, m 3 ‎‎‏Sarflangan tabiiy gaz, m 3 Joriy oyning 1-sanasi Oʻtgan oyning 1-sanasi ‎1 ‎2 3‎ 4‎ 5‎ 6‎ 7 Tabiiy gazni tranzit boʻyicha qabul qilish‎‎ ‎‎ ‎‎ ‎‎ ‎‎ ‎‎ ‎‎ Oʻ/t.‎‎ ‎‎ ‎‎ ‎‎ ‎‎ ‎‎ ‎‎ 1.‎‎ ‎‎ ‎‎ ‎‎ ‎‎ ‎‎ ‎‎ 2.‎‎ ‎‎ ‎‎ ‎‎ ‎‎ ‎‎ ‎‎ 3.‎‎ ‎‎ ‎‎ ‎‎ ‎‎ ‎‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎‎Oʻlchov tarmogʻi masʼul xodimi _____________________________________________________ ‎ ‎ ‎ ‎ ‎ ‎‎(imzo , F.I.O.) ‎ ‎ ‎ ‎‎Nazorat bojxona posti xodimi __________________________________________ ‎ ‎ ‎ ‎ ‎ (shaxsiy muhr, imzo, F.I.O.)‎‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎

‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎‎‎‎Tabiiy gazni hisobga olish asboblariga bojxona identifikatsiyasi vositalarini ‎‎oʻrnatish/olish toʻgʻrisidagi (keragini tagiga chizing) ‎“__” ____________ 20___ yildagi ______-son dalolatnoma ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎‎Ushbu dalolatnoma___________________________________________________________________ tomonidan ‎ ‎ ‎ ‎‎(bojxona xodimini F.I.O., lavozimi) ‎ ‎ ____________________________________________________________________________________________‎‎ ‎‎(oʻlchov tarmogʻi masʼul shaxsining F.I.O., lavozimi) ‎‎_________________________________________________________________________________ ishtirokida (‎‎vakillar F.I.O., lavozimlari) ‎‎________________________ da ________________________________________________________________ga ‎‎(sana, oy, yil) ‎ ‎‎(oʻlchov tarmogʻi nomi) ‎ ‎‎tabiiy gazni hisobga olish asboblariga (hisoblagichlar) bojxona plombalari oʻrnatilganligi boʻyicha tuzildi. ‎ T/r‎ Hisobga olish obyekti nomi (oʻlchov tarmogʻi)‎‎ Hisoblagich nomi‎‎ Hisoblagich raqami‎‎ Bojxona organi plombasi raqami‎‎ Bojxona organi plombasi soni‎‎ ‎1 2‎‎ ‎‎3 4‎‎ 5‎‎ 6‎‎ ‎ ‎‎ ‎‎ ‎‎ ‎‎ ‎‎ ‎ ‎‎ ‎‎ ‎‎ ‎‎ ‎‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎‎Identifikatsiya vositalarini (bojxona plombasi) oʻrnatish vaqtidagi hisoblagich koʻrsatgichi‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ T/r‎ Hisoblagich raqami‎‎ Hisoblagich koʻrsatgichi‎‎ Izoh ‎1 ‎‎2 3 4‎‎ ‎ ‎‎ ‎‎ ‎‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎‎____________________________________________________________________________________________ ‎‎(bojxona identifikatsiyasi vositalarini oʻrnatish sabablari koʻrsatiladi) _________________________‎‎ ________________________ ________________________ ‎‎(bojxona xodimi lavozimi) ‎ ‎‎(shaxsiy muhri, imzo) ‎ (F.I.O)‎‎ ‎ ‎ _________________________‎‎ ________________________ ________________________ (obyekt xodimi lavozimi)‎‎ ‎ (imzo)‎‎ ‎ (F.I.O)‎‎ ‎ ‎ _________________________‎‎ ________________________‎‎ ________________________‎‎‎‎ (obyekt xodimi lavozimi)‎‎ ‎ (imzo) ‎ (F.I.O)‎‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎

‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ _______________________________________da‎‎ ‎‎(davlat nomi) ‎‎20__ yil ____ _____________ uchun ‎ ‎ ‎ ‎ ‎ ‎ ‎ ‎ ‎ (kun) (oy)‎‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎‎“Oʻzbekiston Respublikasi bojxona chegarasidan magistral gaz oʻtkazish quvurlari orqali ‎tabiiy gazni olib oʻtilishi toʻgʻrisidagi yigʻma hujjatlar” ‎(tezkor / amaldagi maʼlumotlar boʻyicha) ‎___-son DALOLATNOMA ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ T/r Shartnoma raqami va sanasi‎‎‏ Oʻlchov birligi, ming. kub. m Bir yilga tuzilgan shartnomalar hajmi‎‎ Amalda _________oyi 20__ yilda yetkazib berilgan‎‎ ‎‎‏Oʻlchov tarmogʻi nomi Miqdori‎‎‏ summa, AQSH doll.‎‎‏ Miqdori‎‎ ‏summa, AQSH doll. Ming kub. m‎‎ kg‎‎‎ ‎1 ‎2 3 4 5 6 7 8 9‎ ‎ ‎ ‎‎ ‎‎ ‎‎ ‎‎ ‎‎ ‎‎ ‎‎ ‎‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎‎“Oʻztransgaz” AJ direktori oʻrinbosari ‎ ‎ ‎ ________________________‎‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎‎F.I.O, imzo ‎ ‎ ‎ ‎ ‎ ‎‎“Oʻztransgaz” AJ bosh buxgalteri ‎ ‎ ‎ ________________________‎‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎‎F.I.O, imzo ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎

Davlat bojxona qoʻmitasi raisi M.B. AZIMOV

Energetika vaziri A.S. SULTANOV

Rais A.I. IKRAMOV

Toshkent sh.,

2021-yil 6-mart,

Toshkent sh.,

2021-yil 26-fevral,

Toshkent sh.,

2021-yil 1-mart

01-02/12-01-son

IHL-841/20-son

(Qonun hujjatlari maʼlumotlari milliy bazasi, 10.04.2021-y., 10/21/3295/0313-son; Qonunchilik maʼlumotlari milliy bazasi, 28.07.2021-y., 10/21/3313/0724-son; 19.08.2024-y., 10/24/3552/0630-son)

lex.uz