📅 2021-yil 10-aprel · Prezident qarorlari
Rasmiy matn. Rasmiy hujjat. Tahririy izohlar kiritilmagan.
UzbekAI
📅 2021 йил 10 апрель · Президент қарорлари
Расмий матн. Расмий ҳужжат. Таҳририй изоҳлар киритилмаган.
📅 10 апреля 2021 г. · Постановления Президента
Официальный текст. Официальный документ. Редакционные примечания не включены.
📅 10 April 2021 · Presidential resolutions
Official text. Official document. Editorial notes are not included.
Ўзбекистон Республикаси Президентининг
Қарори
II Халқаро бахшичилик санъати фестивалига тайёргарлик кўриш ва бахшичилик санъатини ривожлантириш учун қулай шарт-шароитлар яратишга доир қўшимча чора-тадбирлар тўғрисида
Бахшичилик санъатини республика ва халқаро миқёсда кенг тарғиб қилиш, Халқаро бахшичилик санъати фестивалини республиканинг бошқа ҳудудларида ҳам ўтказиш, Қорақалпоғистон Республикаси, Қашқадарё, Самарқанд, Сурхондарё ва Хоразм вилоятларида мавжуд бўлган ўзига хос ижро услублари асосида ижодий мактабларни «устоз-шогирд» анъаналари асосида қайта тиклаш ва ривожлантириш мақсадида:
1. Маданият вазирлиги, Фанлар академияси, Ёзувчилар уюшмаси ва Қорақалпоғистон Республикаси Вазирлар Кенгашининг 2021 йилда Нукус шаҳрида II Халқаро бахшичилик санъати фестивалини (кейинги ўринларда — Фестиваль) ташкил этиш ва ўтказиш тўғрисидаги таклифига розилик берилсин.
2. Ўзбекистон Республикаси Президентининг 2018 йил 1 ноябрдаги ПҚ-3990-сон қарори билан тасдиқланган Халқаро бахшичилик санъати фестивалига тайёргарлик кўриш ва уни ўтказиш бўйича ташкилий қўмита (А.Н. Арипов):
а) Фестивални Қорақалпоғистон Республикасида юқори ташкилий даража ва бадиий савияда ўтказиш бўйича зарурий чора-тадбирларни амалга оширсин;
б) Ўзбекистон Республикаси Президенти Администрацияси билан келишилган ҳолда:
Халқаро бахшичилик санъати фестивалини келгусида босқичма-босқич республиканинг бошқа ҳудудларида ўтказиш чораларини кўрсин;
санитария-эпидемиологик вазиятни инобатга олган ҳолда жорий йилдаги Фестиваль ҳамда келгусидаги Халқаро бахшичилик санъати фестивалларини ўтказиш муддатини белгиласин.
3. Ўзбекистон Республикаси Президентининг айрим қарорларига иловага мувофиқ ўзгартириш ва қўшимчалар киритилсин.
4. Мазкур қарорнинг ижросини назорат қилиш Ўзбекистон Республикасининг Бош вазири А.Н. Арипов зиммасига юклансин.
Ўзбекистон Республикаси Президентининг 2021 йил 10 апрелдаги ПҚ-5070-сон қарорига ИЛОВА
Ўзбекистон Республикаси Президентининг айрим қарорларига киритилаётган ўзгартириш ва қўшимчалар
1. Ўзбекистон Республикаси Президентининг 2018 йил 1 ноябрдаги «Халқаро бахшичилик санъати фестивалини ўтказиш тўғрисида»ги ПҚ-3990-сон қарорида:
а) 1-банд қуйидаги тахрирда баён этилсин:
«1. Маданият вазирлиги ва Фанлар академиясининг ҳар икки йилда бир марта Халқаро бахшичилик санъати фестивалини (кейинги ўринларда — Фестиваль) ташкил этиш ҳамда ушбу фестивални биринчи марта 2019 йилнинг 5 — 10 апрель кунлари Термиз шаҳрида ўтказиш тўғрисидаги таклифлари маъқуллансин»;
б) 4-банд қуйидаги таҳрирда баён этилсин:
«4. Маданият вазирлиги ҳамда Фестиваль ўтказиладиган ҳудуд ҳокимлиги Фестивални ташкил этиш ва ўтказиш бўйича масъул этиб белгилансин»;
в) 8-банднинг иккинчи хатбошисидаги «Термиз шаҳридаги «Сурхондарё санъат саройи» давлат муассасаси майдони ҳудудида» сўзлари чиқариб ташлансин;
г) 9-банддаги «, Сурхондарё вилояти ҳокимлиги» сўзлари чиқариб ташлансин;
д) 10-банд қуйидаги таҳрирда баён этилсин:
«10. Белгилаб қўйилсинки, Фестивални тайёрлаш ва ўтказиш билан боғлиқ харажатлар Маданият вазирлиги ҳузуридаги Маданият ва санъатни ривожлантириш жамғармаси, Фестивални ўтказиш белгиланган ҳудуднинг маҳаллий бюджети маблағлари ҳисобидан тенг улушларда ҳамда ҳомийлик хайриялари ва қонун ҳужжатларида тақиқланмаган бошқа манбалар ҳисобидан қопланади».
2. Ўзбекистон Республикаси Президентининг 2020 йил 26 майдаги «Ўзбекистон Республикаси Маданият вазирлиги фаолиятини такомиллаштириш чора-тадбирлари тўғрисида»ги ПҚ-4730-сон қарорида :
а) 1-илова «Ўзбекистон давлат филармонияси» давлат муассасаси» блокидан кейин «Ўзбекистон давлат симфоник оркестри» давлат муассасаси» блоки билан тўлдирилсин;
б) 2-илованинг «Ўзбекконцерт» давлат муассасаси, Ўзбекистон давлат филармонияси, Халқаро фестиваллар дирекцияси, «Халқлар дўстлиги» санъат саройи, Ислом Каримов номидаги Фарғона вилояти театр ва концерт саройи, «Сурхондарё санъат саройи» давлат муассасаси, Республика бахшичилик санъати маркази, Ўзбек миллий мақом санъати маркази, давлат театрлари, театр студиялари, Ўзбек давлат цирки, кўзи ожизлар кутубхоналари, давлат музейлари, музей-қўриқхоналар, уй музейлари» блокида «Ўзбекистон давлат филармонияси,» сўзларидан кейин «Ўзбекистон давлат симфоник оркестри» давлат муассасаси» сўзлари билан тўлдирилсин.
Ўзбекистон Республикаси Президенти Ш. МИРЗИЁЕВ
Тошкент ш.,
2021 йил 10 апрель,
ПҚ-5070-сон
Oʻzbekiston Respublikasi Prezidentining
Qarori
II Xalqaro baxshichilik sanʼati festivaliga tayyorgarlik koʻrish va baxshichilik sanʼatini rivojlantirish uchun qulay shart-sharoitlar yaratishga doir qoʻshimcha chora-tadbirlar toʻgʻrisida
Baxshichilik sanʼatini respublika va xalqaro miqyosda keng targʻib qilish, Xalqaro baxshichilik sanʼati festivalini respublikaning boshqa hududlarida ham oʻtkazish, Qoraqalpogʻiston Respublikasi, Qashqadaryo, Samarqand, Surxondaryo va Xorazm viloyatlarida mavjud boʻlgan oʻziga xos ijro uslublari asosida ijodiy maktablarni “ustoz-shogird” anʼanalari asosida qayta tiklash va rivojlantirish maqsadida:
1. Madaniyat vazirligi, Fanlar akademiyasi, Yozuvchilar uyushmasi va Qoraqalpogʻiston Respublikasi Vazirlar Kengashining 2021-yilda Nukus shahrida II Xalqaro baxshichilik sanʼati festivalini (keyingi oʻrinlarda — Festival) tashkil etish va oʻtkazish toʻgʻrisidagi taklifiga rozilik berilsin.
2. Oʻzbekiston Respublikasi Prezidentining 2018-yil 1-noyabrdagi PQ-3990-son qarori bilan tasdiqlangan Xalqaro baxshichilik sanʼati festivaliga tayyorgarlik koʻrish va uni oʻtkazish boʻyicha tashkiliy qoʻmita (A.N. Aripov):
a) Festivalni Qoraqalpogʻiston Respublikasida yuqori tashkiliy daraja va badiiy saviyada oʻtkazish boʻyicha zaruriy chora-tadbirlarni amalga oshirsin;
b) Oʻzbekiston Respublikasi Prezidenti Administratsiyasi bilan kelishilgan holda:
Xalqaro baxshichilik sanʼati festivalini kelgusida bosqichma-bosqich respublikaning boshqa hududlarida oʻtkazish choralarini koʻrsin;
sanitariya-epidemiologik vaziyatni inobatga olgan holda joriy yildagi Festival hamda kelgusidagi Xalqaro baxshichilik sanʼati festivallarini oʻtkazish muddatini belgilasin.
3. Oʻzbekiston Respublikasi Prezidentining ayrim qarorlariga ilovaga muvofiq oʻzgartirish va qoʻshimchalar kiritilsin.
4. Mazkur qarorning ijrosini nazorat qilish Oʻzbekiston Respublikasining Bosh vaziri A.N. Aripov zimmasiga yuklansin.
Oʻzbekiston Respublikasi Prezidentining 2021-yil 10-apreldagi PQ-5070-son qaroriga ILOVA
Oʻzbekiston Respublikasi Prezidentining ayrim qarorlariga kiritilayotgan oʻzgartirish va qoʻshimchalar
1. Oʻzbekiston Respublikasi Prezidentining 2018-yil 1-noyabrdagi “Xalqaro baxshichilik sanʼati festivalini oʻtkazish toʻgʻrisida”gi PQ-3990-son qarorida:
a) 1-band quyidagi taxrirda bayon etilsin:
“1. Madaniyat vazirligi va Fanlar akademiyasining har ikki yilda bir marta Xalqaro baxshichilik sanʼati festivalini (keyingi oʻrinlarda — Festival) tashkil etish hamda ushbu festivalni birinchi marta 2019-yilning 5 — 10-aprel kunlari Termiz shahrida oʻtkazish toʻgʻrisidagi takliflari maʼqullansin”;
b) 4-band quyidagi tahrirda bayon etilsin:
“4. Madaniyat vazirligi hamda Festival oʻtkaziladigan hudud hokimligi Festivalni tashkil etish va oʻtkazish boʻyicha masʼul etib belgilansin”;
v) 8-bandning ikkinchi xatboshisidagi “Termiz shahridagi “Surxondaryo sanʼat saroyi” davlat muassasasi maydoni hududida” soʻzlari chiqarib tashlansin;
g) 9-banddagi “, Surxondaryo viloyati hokimligi” soʻzlari chiqarib tashlansin;
d) 10-band quyidagi tahrirda bayon etilsin:
“10. Belgilab qoʻyilsinki, Festivalni tayyorlash va oʻtkazish bilan bogʻliq xarajatlar Madaniyat vazirligi huzuridagi Madaniyat va sanʼatni rivojlantirish jamgʻarmasi, Festivalni oʻtkazish belgilangan hududning mahalliy budjeti mablagʻlari hisobidan teng ulushlarda hamda homiylik xayriyalari va qonun hujjatlarida taqiqlanmagan boshqa manbalar hisobidan qoplanadi”.
2. Oʻzbekiston Respublikasi Prezidentining 2020-yil 26-maydagi “Oʻzbekiston Respublikasi Madaniyat vazirligi faoliyatini takomillashtirish chora-tadbirlari toʻgʻrisida”gi PQ-4730-son qarorida :
a) 1-ilova “Oʻzbekiston davlat filarmoniyasi” davlat muassasasi” blokidan keyin “Oʻzbekiston davlat simfonik orkestri” davlat muassasasi” bloki bilan toʻldirilsin;
b) 2-ilovaning “Oʻzbekkonsert” davlat muassasasi, Oʻzbekiston davlat filarmoniyasi, Xalqaro festivallar direksiyasi, “Xalqlar doʻstligi” sanʼat saroyi, Islom Karimov nomidagi Fargʻona viloyati teatr va konsert saroyi, “Surxondaryo sanʼat saroyi” davlat muassasasi, Respublika baxshichilik sanʼati markazi, Oʻzbek milliy maqom sanʼati markazi, davlat teatrlari, teatr studiyalari, Oʻzbek davlat sirki, koʻzi ojizlar kutubxonalari, davlat muzeylari, muzey-qoʻriqxonalar, uy muzeylari” blokida “Oʻzbekiston davlat filarmoniyasi,” soʻzlaridan keyin “Oʻzbekiston davlat simfonik orkestri” davlat muassasasi” soʻzlari bilan toʻldirilsin.
Oʻzbekiston Respublikasi Prezidenti Sh. MIRZIYOYEV
Toshkent sh.,
2021-yil 10-aprel,
PQ-5070-son
Президента Республики Узбекистан
Постановление
О подготовке к II Международному фестивалю искусства бахши и дополнительных мерах по созданию благоприятных условий для развития искусства бахши
В целях широкой пропаганды искусства бахши на республиканском и международном уровне, проведения Международного фестиваля искусства бахши также в других регионах республики, возрождения и развития, основанных на своеобразных стилях исполнения творческих школ в Республике Каракалпакстан, Кашкадарьинской, Самаркандской, Сурхандарьинской и Хорезмской областях на основе традиций «устоз-шогирд»:
1. Согласиться с предложением Министерства культуры, Академии наук, Союза писателей и Совета Министров Республики Каракалпакстан об организации и проведении II Международного фестиваля искусства бахши в 2021 году в городе Нукусе (далее — Фестиваль).
2. Организационному комитету по подготовке и проведению Международного фестиваля искусства бахши, утвержденному постановлением Президента Республики Узбекистан от 1 ноября 2018 года № ПП-3990 (А.Н. Арипову):
а) принять необходимые меры по проведению Фестиваля в Республике Каракалпакстан на высоком организационном и художественном уровне;
б) по согласованию с Администрацией Президента Республики Узбекистан:
принять меры по поэтапному проведению в будущем Международного фестиваля искусства бахши в других регионах республики;
принимая во внимание санитарно-эпидемиологическую обстановку, определить дату проведения Международного фестиваля искусства бахши в текущем году и в последующие годы.
3. Внести изменения и дополнения в некоторые постановления Президента Республики Узбекистан согласно приложению .
4. Контроль за исполнением настоящего постановления возложить на Премьер-министра Республики Узбекистан А.Н. Арипова.
ПРИЛОЖЕНИЕ к постановлению Президента Республики Узбекистан от 10 апреля 2021 года № ПП-5070
Изменения и дополнения, вносимые в некоторые постановления Президента Республики Узбекистан
1. В постановлении Президента Республики Узбекистан от 1 ноября 2018 года № ПП-3990 «О проведении Международного фестиваля искусства бахши»:
а) пункт 1 изложить в следующей редакции:
«1. Одобрить предложения Министерства культуры и Академии наук об организации Международного фестиваля искусства бахши (далее — Фестиваль) раз в два года и проведению данного фестиваля впервые 5 — 10 апреля 2019 года в городе Термезе»;
б) пункт 4 изложить в следующей редакции:
«4. Определить Министерство культуры и хокимият территории, на которой проводится Фестиваль, ответственными за организацию и проведение Фестиваля»;
в) в абзаце втором пункта 8 слова «на площади, прилегающей к территории государственного учреждения «Сурхондарё санъат саройи,» исключить;
г) из пункта 9 слова «, хокимияту Сурхандарьинской области» исключить;
д) пункт 10 изложить в следующей редакции:
«10. Установить, что расходы, связанные с подготовкой и проведением Фестиваля, покрываются в равных долях за счет средств Фонда развития культуры и искусства при Министерстве культуры, местного бюджета территории, на которой проводится Фестиваль, а также за счет благотворительных пожертвований и иных источников, не запрещенных законодательством.»;
2. В постановлении Президента Республики Узбекистан от 26 мая 2020 года № ПП-4730 «О мерах по совершенствованию деятельности Министерства культуры Республики Узбекистан»:
а) приложение № 1 после блока «Государственное учреждение «Государственная филармония Узбекистана» дополнить блоком «Государственное учреждение «Государственный симфонический оркестр Узбекистана»;
б) в приложении № 2 блок «Государственное учреждение «Узбекконцерт», Государственная филармония Узбекистана, Дирекция международных фестивалей, Дворец искусств «Дружба народов», Ферганский областной дворец театра и концерта имени Ислама Каримова, Государственное учреждение «Сурхондарё санъат саройи», Республиканский центр искусства бахши, Центр узбекского национального искусства макома, государственные театры, театры-студии, Узбекский государственный цирк, библиотеки для слепых, государственные музеи, музеи-заповедники, дома-музеи» после слов «Государственная филармония Узбекистана» дополнить словами «Государственное учреждение «Государственный симфонический оркестр Узбекистана».
Президент Республики Узбекистан Ш. МИРЗИЁЕВ
г. Ташкент,
10 апреля 2021 г.,
№ ПП-5070